Post: #2 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-26-2015, 11:10 AM Parent: #1
لمن كانت العربات عزيزة شوية في السعودية، وقبل ما البنوك تفتح خزائنها لكل من هب ودبّ، وأنا طبعا من ناس ( الدبّ)... جينا لقينا السودانيين جلهم أو كلهم يمتطون العربات من نوع الكريسيدا .. موديلات 79 و 80 ... وانت طالع.. لكن بلا بالحيل... المقتدرممكن يكون راكب 86.. ولا كورلا 83.. وكمان معاها فلسفة يقول ليك موديل 80 الرسالة التانية... ما علينا..الشغيل.
Post: #3 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-26-2015, 11:11 AM Parent: #2
اها .. لمن بقينا نستوعب السعودية والحياة فيها ، لقينا السيارات القديمة دي متلازمة مع السودانيين، وطبعا بدون إجماع.. وقصص السيارات ( القرمبع دي ) ما تديك الدرب ... الخواجة قال ( لست غنياً حتى أشترى سيارة مستعملة).. أريتو استعمال السرور يا خواجة.. تعال شوف استعمالنا ... الواحدة تتهرس لمن تخلط زيت ... وجربوكسيها يعضى... وبوهيتها تبهت .. البتهتيبة الوااااحدة دي...
Post: #4 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-26-2015, 11:12 AM Parent: #3
أول ما اشتريت سيارة، لقيتها عند اخوي، اشتراها، كريسيدا 80 ... ب أربعة ألف ، وانا كنت جديد في الشركة... في الصباح داك تووفك قشطت ليك العربية. شربت جبنتي ، وأريتني ما كملتها ، جاني السكرتير طاير، يازول دا شنو العملتو دي, قلت ليهو مالك ؟ قالي توقف عربيتك في موقف المدير العام... مشيت لقيت الزول واقف يتبسم ... مبروك ( اللكزس ) قلت ليهو: وكاش كمان ما بالتقسيط.. وانا عارف انه سيارته بالتقسيط... المهم طلعت العربية من موقفه وركنتها ليك في الشمس كيتا على العربية..
Post: #5 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-26-2015, 11:14 AM Parent: #4
صاحبنا الاستاذ عبد المنعم سليمان العوض ( أبو شنب) مدرس اللغة الإنجليزية، من نواحي كوستي، اشترى زينا وكدا... والشغل بتاعه كان في حفر الباطن في القاعدة العسكرية.. ومما زنقو ليك الخريف بقا يتصل علينا: يا شباب شوفو لي مساحات، يدينا الأوصاف ويرسل لينا السواقين الفلبينيين .. كل خميس بيجوا من هناك.. مرة أرنيل ، ومرة كارليتوس... يدينا الموديل ويدينا المقاسات.. الحكاية دي استمرت قريب شهر.. في النهاية قنع وقام ركنها ، قال نسوقها في الصيف..زميلنا الدكتور خالد محمود حسين – حاليا بجامعة تبوك – لقى فرصة عمل معاهم في القاعدة ، واشترى ( كورلا موديل 83 ).. لكن أحسن حاليا .. والواحد يقول ليك ( نضيفة )... ما علينا.. دكتور خالد أول حاجة لمن استلم السيارة من ناس البسامي بتاعين ترحيل السيارات، قام طوالى مشى لي عبد المنعم، قال ليهو الحمد لله السيارة جات، تعال شوفها... خالد قال: أنا عارف عقدة عبد المنعم... قمت شغلت السيارة ومعاها المساحات.. المساحات اشتغلت فو فو ... عبد المنعم طوالي قاليهو: دي سيارة تمام... أوعك تفرط فيها... لا شاف مكنة.. لا جيربوكس .. لا بودي..المهم ... نحن كدا...
Post: #6 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-26-2015, 11:15 AM Parent: #5
البناني قال نحن بنشتري السيارة ب 15 ألف ونظبطها ب 2000 ونبيعها ب 15 ألف .. وانتو يا سودانيين تشتروها ب 4 ألف ، وتدخلوا فيها 6-7 ألف .. وتبيعوها ب 2500 ..صدق إبن الهرمة..
Post: #7 Title: Re: ناس كريسيدا 80 ... والسيارات القرمبع... ومن ل� Author: أحمد الشايقي Date: 11-26-2015, 11:36 AM Parent: #6
شكرا أخ عبد العزيزالكريسيدا موديل 80 دي فيها سر غريبحتى الان شغالة في مكة المكرمة تاكسي والسبب تماسك البودي وقوة العزم خاصة في طلوع الجبالالموديلات دي خدمتنا كتير في الغربة ولا زلت انظر ليها باحترام شديد في سنين التسعينات الصعبة في السودان أيام التمكين وصيف العبوراحتراميأحمد الشايقي
هههههههههههههالله يطراك بالخير ياخيوثمانين دي حنينة شديد والله وحمار شغل وما بتكل ولا بتمل واي ميكانيكي يصلح اي حاجة فيها ..يا حليل ايامها ياخييخيل لي ناس الثمانينات اي واحد من السودانيين في السعودية سعى ليه كريسيدا 80 ...ايام ياخي
نسيت اقول ليك انه كان عندي كريسيدا موديل 80 حتى التسعيناتاها اتلحني حرامي يسرقها ما القاها الا بواسطة الشرطة اليوم الامشي استلمها من الشرطة واجيبها البيت ثاني يوم يسرقها تانيتكررت معاي الحكاية دي لما ناس الشرطة ذاتهم حفظوني واول ما ادخل القسم يقولوا لي ها انسرقت ؟؟في الاخر بعتها تشليح خليه يمشي يسرقها من التشليح ههههههههههههه
العزيز الشغيل مسا الخير ذكرتني الحنونه كريسيدا تمنين كانت بتطلع جبال مكة زي الاسد على الدين كلو شي فيها وكالة |الغربتو مطولة يقع الامريكي بس على الدين تديها مثبت السرعة وتنوم شخخخخخخ وتصل بعدالف كيلو تلعب حريق عادي
ههههههههههههههههذكرتنا ايااام ياخىفي العربات دى كان للسودانييين سوق خاص .. وللبقيه سوق خاص (سوق افتراضى)عموما للجنسيات المختلفه اذواق مختلفهالسودانيين وقتها ماسكين قوى في الكورولا والكريسيدا والكروناالشوام في المارسيدس والامريكيى القديم الكبير للمقاولين والفنييينالمصرييين في المارسيدس والبيجو والبعض تايوتاالسعودييين كانو ماسكين قوى في الأمريكي .. وكان في الشارع هو الغالب .. (الطبقه المرتاحه)الهوندا .. والنسيان 200L للشباب ....الخ الان طبعا سوق العربات اختلف اختلاف جذرى من 10 سنوات تقريبا اختلف الشارع كتير عن سابقهدخلت العربات الكورية وغيرها بى قوة .. الهونداى والكيا ..الخ وضاع التخصص هههههههههههه وضاع سوق السودانييين الخاص الجميل بتاع الكرسيدا 80 و 78 هههههههه
Post: #18 Title: Re: ناس كريسيدا 80 ... والسيارات القرمبع... ومن ل� Author: Emad Ahmed Date: 11-28-2015, 06:13 AM Parent: #17
سلامات عزيز دنيانا جارنا في السكن الفنان الراحل عبد العزيز محمد داؤود من اوائل الذين امتلكوا كريسيدا 80 لمن اشتراها الوقت داك كانت حدث فريد وحكاية طالما تم ذكر عبد العزيز محمد داؤود لأبد ان نعطر البوست بأغنية له تقديري
Post: #19 Title: Re: ناس كريسيدا 80 ... والسيارات القرمبع... ومن ل� Author: ابوحراز Date: 11-28-2015, 07:03 AM Parent: #18
..زميلي مهندس زراعي فلسطيني تم انهاء عقده وعرض علي اول سيارة في حياتي المدهش ان السيارة مازدا موديل 84ولكن كان الواحد يتمنى يركب اي شيءالسيارة جميلةعيبها الوحيد لونها زي اللون بتاع نادي الهلالمن يوم اشترينا السيارة المدام نفسها كانت نفسياتها في السماءولو جونا ضيوف بنسالهم اها ياجماعة تشربوا عصير وللا تشوفوا السيارة !!!وانتظرنا الاجازة بفارغ الصبر عشان نمشي نقشر بيها في السودان نحن مقتنعين بالسيارة وشايفنها زي اللكزسلكن كل مايقابلك سوداني وتقول ليهو مازدا يقبل لي غادي بل يكاد يستفرغ وطوالي يقول ليك كان تشتري كريسيدا اها مشيت البلدية لاستلام الجواز والسفر للسودان وقلت للأولاد خليكم جاهزين في تقاطع قبل البلدية صدمني سعودي كان مسرع وانا في الطريق الرئيسي ودخل هو بالعرضالمهم انا طلعت سليملكن السيارة بقت زي علبة الصلصة وجونا ناس { ابوفاطنة } وطلبوا ان اعفي الرجل { 80 سنة } عمك وعفوت عنه وبقينا نلملم مرة اخرى قريشات لسيارة اخرى وتم تاجيل السفر ورجعت { العرجاء } لمراحها واشترينا كريسيدا من سوداني { بيضاء ناصع لونها } وصلتنا جدة بسلام تعطلت في طريق كسلا بورتسودان سحبناها لحدت كسلا صلحناها لمدة يومين في السودان دخلتها الورشة ما لايقل عن 27 مرة اضافة للعادم الذي كنا نلحمه يوميا المدهش صاحبها قابلني في مناسبة عزاءوسالني { اوعا تكون الكريسيدا غيرت فيها حاجة } !!!!قلت ليهو والله اي شيء فيها غيرتو الا السواق !!!قال كريسدا 80 قال !!!!هجمة مرتدة رغم انها كريسيدا وشينة لكنها كانت السيارة الوحيدة في اشلاق البوليس والسيارة الثانية بالاشلاق هي سيارة مدير الشرطة { حكومية } كان هذا في عام 1994الآن في 2015 علي بالطلاق انا ماعرفت الاشلاقكل بيت قدامه اتوس او امجاد ومرات توسان كمان 00اللهك زد وبااااارك
Post: #20 Title: Re: ناس كريسيدا 80 ... والسيارات القرمبع... ومن ل� Author: حمزاوي Date: 11-28-2015, 07:15 AM Parent: #19
اللوري عليك الله يا اللوري
Post: #21 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-28-2015, 08:50 AM Parent: #20
Quote: القرمبع ما حضرناهووو ^ــ^
يازول والله فاتك الكثير ... والكثير خلاص...خليك قريب بس ... الديناصورات هسع يجوك طايرين
Post: #22 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-28-2015, 09:20 AM Parent: #21
Quote: يخيل لي ناس الثمانينات اي واحد من السودانيين في السعودية سعى ليه كريسيدا 80 ...
أكان تشوف الجماعة ... العمة مقلوووزة ... والملفحة ... والمركوب الفاشري.. والعطور ون مان شوتقول السيارة موديل السنة...انا أشك انه سعادة السفير السوداني في وقت ما كان ( يمتطي ) مثل هذه الفواره من السياراتالله يطراك بالخير يا قرشو ياااخ
سلام يا عزونحييك على البوست الطريف والظريف .. والخردة كمان ههههههههههههالخرد أو القمربع كما يسميها السودانيين لنا معها مواقف وطرف .لكن أذكر واحدة كعربون .واحد من أخوتنا قال كان راكب مع زميل لهم زول من أصحاب القرمبع .. والعربية ما فيها شئ نضيف وثابت غير الكنب .. الباقي كله يرجف ويكركب زي مصنع الشعيرية .في طريق الملك فهد فجأة سمعوا صوت حديدة وقعت ( كررررررررو) وقالوا صاحبنا ماشي ولا وقف .. قلت له يا شيخنا عربيتك دي في فيها حاجة وقعت ..قال هو ياخ سيبك منها ديل خواجات مستهبلين لو كان حاجة مهمة ما كانت وقفت العربية .. ههههههههههه
Post: #24 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-28-2015, 10:48 AM Parent: #23
جاري السعودي ( أبو حسن )... لقاني تاني يوم في العيد.. الساعة عشرة صباحاأتمتم في الموية .. وأشوف الزيت ... والكفرات .... وأمسح في ( عقاب القزاز الفضل ).... قام سلم علي وقال لي : على وين إن شاء الله في الإجازة ديقلت ليهو: على القصيم بإذن الواحد الأحد..قال لي : وبالسيارة دي ..؟؟؟قلت ليهو : نعم إن شاء الله قال لي : إتق الله يا زولهههههههههههههههههههههقلت ليهو كمان جابت ليهو إتق الله يا زول ...من اليوم داك أنا متقي الله في عربيتي
Post: #25 Title: Re: ناس كريسيدا 80 ... والسيارات القرمبع... ومن ل� Author: علي محمد الفكي Date: 11-28-2015, 12:27 PM Parent: #24
الشغيل تحياتياتذكر في بداية عملي بالمملكة كان معي بوكس هايلوكس تبع الشغلوكانت لي بنت اخت في الصف الثالث ابتدائي تصادف ان كان ابوها في مؤتمر خارج المملكةكان علي اوصله وارجعه من المدرسةالبنت ابوها كان معاهو مرسيدسوانا بالوانيت على قول السعودييناليوم الاول ركبت معاي على مضض وصلتها ورجعتها الظهرالمساء قالت لي تاني ما توصلني بالوانيت بتاع البدوسوق سيارة باباقلت ليها ما عندي غير الوانيت اما الوانيت او تغيبي لحدي ما ابوك يرجعضربت اخماس في اسداس وقالت لي طيببس تقيف لي بعيد من المدرسة
Post: #26 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-28-2015, 01:01 PM Parent: #25
Quote: العزيز الشغيل مسا الخير ذكرتني الحنونه كريسيدا تمنين كانت بتطلع جبال مكة زي الاسد على الدين كلو شي فيها وكالة |
مش جبال مكة وبس ... دي تاكل الطريق بين مكة وجدة والمدينة والطائف زي الما حصل حاجةمشكلة اليابانيين وقعوا وما سموا معانا ... عليك أمان الله في ناس مكلتة ومهنضباليك السوق زي الترتيب
Post: #27 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-29-2015, 06:18 AM Parent: #26
Quote: فصاحتك دي معاناتو فكيت القرمبعة
خلي الطابق مستور يا هندسةغايتو السيارات الغرقت عندكم في شارع الخبيب ، ما فيها كريسيدا ... كله موديلات جديدة..القرمبع مرق ... والجديد غرقشن قولك
Post: #28 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-29-2015, 09:51 AM Parent: #27
Quote: العلي عليفي ذلك الزمان الميكانكي يقول ليك ( كريسيدا كرٌ علي سيدا )
العلي علي ... من نافذة الفيسبوكالميكانيكية أشطر من يجلب التسميات والراندوك... وبالمناسبة صبي الميكانيكا بيتعلم أولا في التايوتا ... بعدين يمشي على البقية..تسلم يا صاح
Post: #29 Title: Re: ناس كريسيدا 80 ... والسيارات القرمبع... ومن ل� Author: الطيب عباس Date: 11-29-2015, 11:20 AM Parent: #28
يا سلام أيام جميلة ،،، تذكرت كرونتي الـ 77 والسنين الخواليا وايام لا نخشى على اللهو لاهيا ............... ويوم كظل الرمح قصرت بقرمبعتي فلهاني وما كنت لاهيا .
هي أولى سيارتي في الرياض وقد أمتطيتها وأنا متبختر ومزهو بين اقراني ، حلم جديد يتحقق في الغربة أن أتملك سيارة خصوصية كنت سمحا في التعامل مع الأصدقاء والأقرباء والمعارف ، لم أبخل عليهم بمشوار وجبت شوارع الرياض ، وحفظت شوارعها وإشارتهاوأحياءها بل حفظت المطبات والحفر ، هل تتصوروا أنني قطعت ذات يوم 400ك داخل مدينة الرياض ، دعكتها دعك من لا يخشى قطع الغيار ولا تغيير شنبر ، حتى أتى العداد مصفراً من جديد ، (0000000) كانت كالماسة كلما أشتد عليها الحمل تصبح أقوى وأستمرت في عطاءها ، وبعد خمسة أعوام أتت ألي برأس مالهاوذهب لتشليح الخرج ، وكان المحرك وبعض الأجزاء من نصيب ود إسماعيل ، وفي ظل عشقي لماركة تايوتا أنتقلت لكرسيدا 81م وهي الأخرى ظلت وفيه ومقاومة لكل الظروف والطقوس ، لخمسة أعوام أخرى ، وما زلنا نستخدم موديلات التويوتا بس موديلات شوية قديمة .
Post: #31 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-29-2015, 03:08 PM Parent: #30
Quote: وضاع التخصص هههههههههههه وضاع سوق السودانييين الخاص الجميل بتاع الكرسيدا 80 و 78 هههههههه
مراحب وضاح المحياتعرف قبل كدا جيت طالع من بندة، لقيت مصري يصيح، أومال فين السوداني دا.... السيارة ما حقتي كانتيبدو أنه في كريسيدا 80 قافلة عليهو الطريق..أومال فين السوداني دا... تعرف السوداني دا يا ابن النيل..؟قلت ليهو : أول حاجة القال ليك دا سوداني منو..؟ أنت شفتو ..؟ ولا بتعرفو ..؟؟ ولا بتتكلم ساكت ..؟؟قال لي من الكريسيدا وعدم الوقوف الصاح ... هو في حد بيقيف بالطريئة دي ..؟قلت ليهو إن شاء لي بكرة ما يجيك طالع .... وفت مشيت خليتو يتلفت زي مروحة الطربيزةهههههههههههبالله شفت التخصص دا كيف... وكمان معاها عدم وقوف صاااح ..
Post: #32 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-30-2015, 07:27 AM Parent: #31
Quote: جارنا في السكن الفنان الراحل عبد العزيز محمد داؤود من اوائل الذين امتلكوا كريسيدا 80
دا بقا توثيق ( كريسيدابي لأبي داوود )...معنى كدا السودانيين اقتبسوا الضياء والكرسده من هذا الشامختسلم يا حبوب
Post: #33 Title: Re: ناس كريسيدا 80 ... والسيارات القرمبع... ومن ل� Author: جعفر محي الدين Date: 11-30-2015, 10:39 AM Parent: #32
الأخ عبد العزيز تحية طيبة وسيرة القرمبع مبهجة جدا نحن ناس الكورولات ... كوريلا هاتش باك موديل 92 جبت بها شوارع الطائف ومكة وجدة وتعرضت للحوادث بعدد أصابع اليدين ولكنها كل مرة كانت تخرج من الحادث زي الفل وما قصرت سافرت بيها الرياض والمدينة أكثر من مرة والقصيم مرة واحدة عداد الكيلوهات فيها شارف على نصف مليون كيلو مرة واقفين في الإشارة عمك سعودي كبير سائق واحدة زيها بالضبط عاين لي كده وقال لي أوعا تبيع الكورولا يا زول صحيح كانت بتتصرف معانا من راتبنا على طول والمدام كانت زهجانة منها ربنا يسر علينا وانتقلنا إلى الكوري لكن إكراما للسعودي ما بعتها ... خليتها للولد يمشي بيها المدرسة وقبل أن يكمل الصف الثالث ثانوي أصبحت كثيرة الأعطال فما كان منه إلا أن ركنها وفضل عليها أن أوصله أنا للمدرسة صباحا ويعود راجلا في الظهر وما زالت مركونة أسفل المكتب
Post: #34 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 11-30-2015, 03:09 PM Parent: #33
أبو حرازمداخلة دسمة كالعادة.... حقو نشمع البوست على كداتحياتي يا كينغ
Post: #35 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 12-01-2015, 12:52 PM Parent: #34
Quote: اللوري عليك الله يا اللوري
ياخال .. اللوري دا كان حنييييييييييييييين يااااخ...والعجب الدركسيون اليمين... لكن يقال أنك من أوائل السودانيين من أصحاب الكريسيدات. ..
Post: #36 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 12-01-2015, 03:14 PM Parent: #35
Quote: سلام يا عزونحييك على البوست الطريف والظريف .. والخردة كمان ههههههههههههالخرد أو القمربع كما يسميها السودانيين لنا معها مواقف وطرف .لكن أذكر واحدة كعربون .واحد من أخوتنا قال كان راكب مع زميل لهم زول من أصحاب القرمبع .. والعربية ما فيها شئ نضيف وثابت غير الكنب .. الباقي كله يرجف ويكركب زي مصنع الشعيرية .في طريق الملك فهد فجأة سمعوا صوت حديدة وقعت ( كررررررررو) وقالوا صاحبنا ماشي ولا وقف .. قلت له يا شيخنا عربيتك دي في فيها حاجة وقعت ..قال هو ياخ سيبك منها ديل خواجات مستهبلين لو كان حاجة مهمة ما كانت وقفت العربية .. ههههههههههه
هههههههههههههههههأكيد العربية دي تبع ( عمك ) في القصة الخالدة التي أثريتم بها هذا البورد ( أنت غلطان )...ولا أنا غلطانتسلم يا أبو الدرادر.
Post: #37 Title: Re: ناس كريسيدا 80 ... والسيارات القرمبع... ومن ل� Author: عبد العزيز محمد عمر Date: 12-02-2015, 01:48 PM Parent: #36
Quote: بس تقيف لي بعيد من المدرسة
عفيت منها المبروكة ... عاوز تجيب ليها نفسيات يا أبو علوة ..تعرف واحد صاحبنا فرحان عمل الاستقدام وأجر البيت وهاك يا فرش وهاك يا بتاع ..المرة يا زول عربيتو القرمبع دي ... أول وأخر ركبة ليها كانت من المطار لي الشقة تاني ما ختت كراعها فيها أصلاً.. حلفت طلاق عديييل كدا ..قالت ليهو ( أنا ما وش بتاع تمانينيات)... وقد كانت صادقة
فصاحتك دي معاناتو فكيت القرمبعة