Post: #1
Title: بخصوص الجواز الاخضر
Author: ناصر حسين محمد
Date: 11-24-2015, 06:17 PM
05:17 PM Nov, 24 2015 سودانيز اون لاين
ناصر حسين محمد-
مكتبتى
رابط مختصر حسب علمي ان الداخلية قالت ان يوم 25/11/2015 هو اخر موعد للتعامل بالجواز الاخضر هل هذا ينطبق على القادمين من الخارج للسودان ...؟؟؟
|
Post: #2
Title: Re: بخصوص الجواز الاخضر
Author: usama Babiker
Date: 11-24-2015, 06:22 PM
Parent: #1
ينطبق على الجميع ياصديقي ... ياخي ده لخبط حساباتنا كلنا ... انا جوازي بخلص شهر اتنين واجازتي بداية السنة كنت ماشي اجدده في السودان اسي اعمل شنو ماعارف ... امورك واخبارك ياحبيب ؟؟
|
Post: #3
Title: Re: بخصوص الجواز الاخضر
Author: ناصر حسين محمد
Date: 11-24-2015, 06:26 PM
Parent: #2
| Quote: ينطبق على الجميع ياصديقي ... ياخي ده لخبط حساباتنا كلنا ... انا جوازي بخلص شهر اتنين واجازتي بداية السنة كنت ماشي اجدده في السودان اسي اعمل شنو ماعارف ... امورك واخبارك ياحبيب ؟؟ |
سلام اسامة القصة مبهمة قدرت ما فتشت ما لقيت خبر أكيد وعند التجديد ( للاخضر) تم التجديد حتى 2016 في جوازي رغم انو وقتها صدر قرار استبداله با اللكتروني ...وحتى الاعلان عن وقف التعامل بالاخضر ضعيف لدرجة ممكن كثيرين يروحو فيها ساي
المصيبة بتكلم مع سوداني جاي الرياض يقول انو اشر خروج في الجواز القديم قبل يومين بس
وصلاحية تاشيرة سنتين
|
Post: #4
Title: Re: بخصوص الجواز الاخضر
Author: ناصر حسين محمد
Date: 11-25-2015, 02:20 PM
Parent: #3
اليوم 25/11/2015هل من تجارب
|
Post: #5
Title: Re: بخصوص الجواز الاخضر
Author: محمد مجيدو
Date: 11-25-2015, 02:45 PM
Parent: #1
ناصر .. سلام .. ومشتاقين ياااخحسب تعميم وزارة الداخلية السودانية ...اخر يوم لاستعمال الجواز الاخضر هو 25 نوفمبر ...لاكييين .. ممكن تدخل بيهو السودان عادي .. بس خروج من السودان الا بالجواز الجديد ...| Quote: الصفحة الأساسية | الأخبار الخميس 5 تشرين الثاني (نوفمبر) 2015الداخلية السودانية تلغي التعامل بجواز السفر (الأخضر) خلال أسبوعين الخرطوم 5 نوفمبر 2015 - أعلنت وزارة الداخلية في السودان،الخميس، رسميا إيقاف التعامل بجواز السفر العادي "الأخضر"، اعتبارا من 25 نوفمبر الجاري، والتحول الى الوثيقة الالكترونية.JPEG - 13 كيلوبايتالجواز(الأخضر) لم يعد مقروءا في المطارات الدوليةوقال مدير الإدارة العامة للجوازات اللواء ابوبكر سليمان في مؤتمر صحفي بالخرطوم، الخميس، إن تاريخ 24 الجاري يعتبر آخر يوم للتعامل بالجواز العادي المعرف محليا بـ(الأخضر).وأعلن سليمان بدء العمل فى تركيب البوابات والقارئات الالكترونية بمطار الخرطوم، كما أكد أن إدارته انهت كافة الترتيبات لانتشار مراكز استخراج الجواز الالكتروني والتي تنتشر في 8 مجمعات بالعاصمة الخرطوم بالإضافة الى ثلاثة متجولة بجانب ارسال عدد من الفرق لاستخراج الجواز للمغتربين بعدد من الدول الخليجية والعربية.وقال إن ادارة الجوازات تنتج يومياً ما بين 4.000 - 5.000 جواز الكتروني.في السياق ذاته أعلنت مديرة إدارة الجواز الإلكتروني، كوثر حسن علي، عن استلام إدارتها لشهادة المطابقة العالمية للجواز الإلكتروني في شهر يونيو الماضي، من المنظمة العالمية للطيران المدني وأن الجواز الإلكتروني يتمتع بخصائص تأمينية ومقروء آلياً في كل المطارات.إلى ذلك قال مدير إدارة النقل بسلطة الطيران المدني، أزهري عبد المجيد، إن الجواز السوداني القديم أصبح غير مقروء آلياً في المطارات العالمية، داعياً الجميع إلى أهمية العمل بالجواز الإلكتروني، مبيناً أن الجواز الإلكتروني معتمد من منظمة الطيران العالمية. |
|
Post: #6
Title: Re: بخصوص الجواز الاخضر
Author: فيصل عبد القادر
Date: 11-25-2015, 03:16 PM
Parent: #5
انا سافرت السودان وعدت يوم 3/10 بالجواز الاخضرلمن مشيت السفارة جددو لي الجواز لغايت 24/5/2016والمعلومة العرفتها انه مددو فترة السماح لاستخدام الجواز الاخضر القديم مدة ستة شهور إضافيةوعليه سافرت لانه كنت متوقع اقعد في السود ان إلى ما بعد تاريخ 25/11 ولكن لمن تم تجديد الجواز إلى تاريخ 24/5/2016 اطمانيت وسافرت.لكن المنشور النشرة الاخ مجيدو خلاني اتشكك في المعلومة العندي...ودمتم
|
Post: #7
Title: Re: بخصوص الجواز الاخضر
Author: Mohammed Abuzaid
Date: 11-25-2015, 03:41 PM
Parent: #6
تحياتي يا ناصرإبن عمي جّدد اليوم ولمدة ستة شهور
|
Post: #8
Title: Re: بخصوص الجواز الاخضر
Author: ناصر حسين محمد
Date: 11-25-2015, 06:09 PM
Parent: #7
مشكورين مجيدومحمد| Quote: القرار اصلا طالع من هيئة لطيران العالمي اياتاوالجواز القديم قبل تاريخ 25/11/2015 كان يجدد تحسبا لظروف تجديد الاقامات وكدة يعني مثلا لو عاوز تجدد اقامة لازم الجواز يكون ساري لمدة 6 شهوروبالجواز القديم تقدر تعمل جميع اجراءاتك من تجديد اقامة وغيره لكن لا تستطيع السفر به عبر الطيران |
ياريت تجربة لان اليوم يوم 25/11/2015
|
Post: #9
Title: Re: بخصوص الجواز الاخضر
Author: الحاج حمد الحاج
Date: 11-26-2015, 06:13 AM
Parent: #8
تقريبا ما ذكره الاخ مجيدو صحيح فيمكن دخول السودان بالجواز الاخضر القديم و لكن الخروج الا بجواز الكتروني ..شخصيا قمت بتجديد الجواز الاخضر القديم حتى نهاية مارس 2016م و سافرت به الى تركيا و عدت به الى السعودية و هو ما زال ساري و سوف اسافر الى السودان بنفس الجواز اذا لم استلم الجواز الالكتروني قبل سفري.
|
Post: #10
Title: Re: بخصوص الجواز الاخضر
Author: معتصم سليمان
Date: 11-26-2015, 06:30 AM
Parent: #1
تحية طيبة لك أخي ناصر ولضيوفك الكرامفعلاً عدم إيراد التفاصيل الوافية والكافية بتخلق بلبلةوبتلخبط حسابات الناس لأنو كل واحد فينا بفهمهاحسب ظاهر القول والواضح من المعنى ...دهكلو بسبب غياب التفاصيل عندي ولدي بيدرس في الهند قال لي يا أبويجددوا لي جوازي سنتين بالتمام والكمال فيالسفارة السودانية .السؤال ياجماعة في ظل غياب التفاصيل ؟؟؟هل المقصود عدم الخروج بيهو من السودان بس أم التحرك بيهو بين الدول رغم أنو ساري الصلاحية؟؟؟عملتنا ..مقابرنا .. توقيتنا ...جوازاتنا .. كلها بقت بالجديد ولا القديم ؟؟عنداللفة بس :----------الله يستر علىينا مانصبح بالجديد ولا بالقديم
|
Post: #11
Title: Re: بخصوص الجواز الاخضر
Author: حسن فؤاد
Date: 11-26-2015, 08:56 AM
Parent: #10
الجواز االاخضر جواز بدائي مقارنة بالجوازات الالكترونية، إذا لم تكن لك اسباب قاهرة تمنعك من تبديله فالأفضل اللحاق بالجواز الجديد، للذين يفكرون في أن (سعره) في السفارة أغلى عن سعره في السودان، فأقول أن (تكلفته) في السودان أعلى، وكلنا لما يذهب السودان يكون وقته ومخه مشتت فليه نضيف اتعاب جديدة على انفسنا.قدم للجواز الجديد أينما كنت، لن يلغى لك الجواز القديم إلا بعد استلام الجواز الجديد.تخريمة:-ليه نتأخر إلى أن نصل للوضع اللي فيه كثير من المشاركين في البوست هذا؟
|
Post: #12
Title: Re: بخصوص الجواز الاخضر
Author: خالد المبارك
Date: 11-26-2015, 10:14 AM
Parent: #10
اعتقد لو بخصوص السفر سيتم تجديد الجواز الاخضر لمده ستة اشهر فقط بغرض السفر للسودان و تقريبا هذا ما حدث معي الشهر القاتتم تجديد الجواز لمده ستة اشهر كان ذلك قبل المده المحددة في الاعلان لكن بعد التاريخ المحدد ما عارف هل يمكن التجديد ام لاعموما يلزمك الذهاب للسفارة و غالبا محلولة باذن الله لانو زي ما عارف ماف اتجاه واحد في تعاملاتنا و حتى لو مافي تجديد برضو ممكن تجدد و تتخارج في اعتقاديلكن العودة من هناك الا بالجديد
|
Post: #13
Title: Re: بخصوص الجواز الاخضر
Author: الحاج حمد الحاج
Date: 11-26-2015, 12:58 PM
Parent: #12
ليه نتأخر إلى أن نصل للوضع اللي فيه كثير من المشاركين في البوست هذا؟الأخ حسن فؤادكلامك صاح مفروض نطلع الجواز الالكتروني بغض النظر عن موضوع التكلفة و الفرق الكبير بين الرسوم في الداخل و الخارج و لكن المشكلة ليست التكلفة وحدها المشكلة في الزحمة و الوقت الذي تحتاجه لاستخراج الجواز..آخر مرة ذهبت السفارة لتجديد جوازي القديم لقيت الصف واقف و الناس الفي اول الصف واحد منهم قال لي أنا جيت الساعة 3 صباحا!! و بعد داك الباب يفتح الساعة 7 لتوزيع طلبات الجواز و الموظفين يبدأوا في الاجراءات الساعة 8 و شوف الوقت المطلوب مع ظروف العمل!!!
|
Post: #14
Title: Re: بخصوص الجواز الاخضر
Author: علي محمد الفكي
Date: 11-26-2015, 01:18 PM
Parent: #13
الاخ ناصريمكن السفر بالجواز الاخضر الى السودان حتى تاريخ 25/5/2016مولكن لا يمكن الخروج به ابتداء من تأريخ 25/11/2015م
|
|