Post: #2
Title: Re: أساسي وينك يا جميل.....
Author: محمد عبد الله حرسم
Date: 11-23-2015, 07:21 AM
Parent: #1
صوتك حلو يا سامىمعاك نكورك ونغنى اساسى تعال المكان ونحن نشتاقكاساسى انسان راقى شكرا سامى
|
Post: #3
Title: Re: أساسي وينك يا جميل.....
Author: وائل حمزه الزبير
Date: 11-23-2015, 07:36 AM
Parent: #2
بالفعل أساسي تواجده هنا أساسي .. تحياتي
|
Post: #4
Title: Re: أساسي وينك يا جميل.....
Author: محمد عبد الله الامين
Date: 11-23-2015, 08:46 AM
Parent: #3
أساسي شنوو يااخ في السخانة دي .... ^ــــ^وتحياتي يا سامي لك ولضيوف البوست ولأساسي ذاتوو ....
|
Post: #5
Title: Re: أساسي وينك يا جميل.....
Author: عادل عبدالعزيز عبد الرحيم
Date: 11-23-2015, 09:05 AM
Parent: #4
مين اساسي الانتو صاجننا بيه دا فعلا هو جميل لكنه وزنه تقيل
|
Post: #6
Title: Re: أساسي وينك يا جميل.....
Author: ALWALEED ALSHEIKH
Date: 11-23-2015, 09:10 AM
Parent: #5
أساسي قلم و قامة سامقة في سودانيز أون لاين نتمنى أن نقرأ له مجدداً.تحياتي للورد سامي و كل الحضور الأنيق
|
Post: #7
Title: Re: أساسي وينك يا جميل.....
Author: محمد عبد الله الامين
Date: 11-23-2015, 09:16 AM
Parent: #6
| Quote: مين اساسي الانتو صاجننا بيه دا |
عضو قديم بالبورد بحب الأكشن والكوماج وبردم من طرف يا عادل اللورد سامي حاري ليهووو مضاربة هههههه
|
Post: #8
Title: Re: أساسي وينك يا جميل.....
Author: علي عبدالوهاب عثمان
Date: 11-23-2015, 09:17 AM
Parent: #6
التحية للاخ سامي ..صاحب قلم ومقدرة عالية في التعبير .. أفضل من كثير من كتاب الصحف اليومية ( شهرة في الفاضي ) ..في تلك الليلة التي حضرتها مع ذلك الجمع الكريم لم أكن أعرف أن أساسي هو السماني ليته ذكر لقبه في سودانيز أثناء التعارف ..تجمع رائع وجميل .. يكفيكم أساسي ..مع التحية ..
|
Post: #9
Title: Re: أساسي وينك يا جميل.....
Author: إبراهيم محبوب الخيري
Date: 11-23-2015, 09:25 AM
Parent: #1
التحايا العطرات لأساسي وليك يا سامي ولكل الجميلين المروا بخيط اللورد .... عارف يا عادل الموضوع دا فيه حلقة ناقصة لكن أكيد ح نلاقيها
|
Post: #10
Title: Re: أساسي وينك يا جميل.....
Author: سامي عطا المنان
Date: 11-23-2015, 09:46 AM
Parent: #9
محمد العبدالله حرسموائل حمزة محمد عبدالله الأمينالوليد الشيخالتراث يمشي .... القامة علي عبدالوهاب غثمانالجميل ابراهيم المحبوب .....شكرا جميلا المرور ......... ويا ابراهيم المحبوب الحته الناقصة أنا كلمت فيها أساسي شخصيا ....... وعشان يحضر أنا بهدي ليهو أغنية أصالة دي ...اساسيلخبطت كياني ولا بقيت اشوف غيرك متثبت في جناني وعقلي ملصماهلقيت نصي التاني كتر الف خيرك عشان حظي اداني احلى ما في الحياهاساسي كدا كدا انت هتلاقي حناني انا ليك انت نور عينياديني جيت اهو وعندي الباقي قول بتهواني قولها قوينيايه رسمالك صوره وشئ خيالي واسطورةايه ياسيدى ايه فيه ايه رائي وانا حره فيه الله ده انا بحبك معزورة انا كنت في وادي وانت كنت في وادي اتاري في السكة دي انا هكمل معاكجيت دخلت حياتي اتقلبت حسباتي دليل واثباتى اني مريحاكاساسي كدا كدا انت هتلاقي حناني انا ليك انت نور عينياديني جيت اهو وعندي الباقي قول بتهواني قولها قوينيايه رسمالك صوره وشئ خيالي واسطورةايه ياسيدى ايه فيه ايه رائي وانا حره فيه الله ده انا بحبك معزورةكلمات: ايمن بهجت قمر ألحان: احمد صلاح حسني \أساسي قبل الكراسي ...... هههههههه
|
Post: #11
Title: Re: أساسي وينك يا جميل.....
Author: إبراهيم محبوب الخيري
Date: 11-23-2015, 09:59 AM
Parent: #1
يا لورد بمناسبة أصالة وأساسي وكدا مفروض يجيك الواثق هيمسيلف ونردد ليه غيابك طال ... بالله مافي زول يفتشوا لينا ولاأقول ليك شوف لينا مجاهد بوين
|
Post: #12
Title: Re: أساسي وينك يا جميل.....
Author: عصام دهب
Date: 11-23-2015, 10:26 AM
Parent: #11
يا الله يا سامي يا خي ..شكرا جميلا لكم و أنتم تجملون سماء البورد بالحديث عن كائن جميل مثل أساسي ..شكرا لسودانيز أون لاين ياخي ..كنت أود أن أسبقك في الكتابة عن هذا الزول النبيل ..لكني سبقتني و حزت الفضل ..سأعود فلدي الكثير لأكتب عنه ..فشكرا مجددا ..و لأساسي الحب ..الحب الواحد دة ...
|
Post: #13
Title: Re: أساسي وينك يا جميل.....
Author: اساسي
Date: 11-23-2015, 11:25 AM
Parent: #12
إنها مسغبة الحياة يا لورد .. الواحد بقي في حالة جري وركض دائم .. اليوم أتمحق يا سامي واضحي لا يكفي حتى توصيل المدارس ..بتنا نركض و نحن نجلس علي كمبيوتراتنا ... بعدين الحياة بقت جراية وانحنا نفسنا إتقطع .. حتى جلسات القهوة و( مبازلها ) تنتهي باللهاث والأنفاس المتلاحقة ..تلك اللحظات النادرة التي يشقك فيها الحنين للدخول الي البورد لا محالة صائبك فيها الحسد والدهشة .. من اين لكتاب هذا المنبر كل هذا الوقت الذي ينفقونه علي تلك البوستات التي لا تنتهي .. كل ما دخلت المنبر لطالما تمنين ان يقودني احدا لذلك الذي يمتر لكتاب المكان يومهم ..الزول البمتر ايام هؤلاء زول يدو سخية ونفسه طيبة ..بصورة واضحة انا اغبن صلاح جادات علي من يمد له في يومه مدا ..مستحيل يكون نفسه الشخص الذي يمتر له يومه هو الذي يشبر لي يومي .انا احب الكتابة ولكن لابد للكتابة من ضل .. والظل كما اليوم اتمحق هو ايضا ..لو سألتني عن اقصى امنياتي هذه الايام واحلامي .. ساقول لك اني اتوق الي الضللة ..ضل حيطة اذا كمل فيها الضل امشي للحيطة البدا فيها الضل جديد ..وهكذا الي ان تضلم ...الكتابة لا تحتمل الجري وانا اضحيت عداء للمسافات الطويلة .. وبعد هذا تنتظر مني كتابة !! .. ياخ انا لو قريت ربع ما يكتبه هباني اكون ما قصرت مع احمدونا وجادات والمشرف وياسر الشريف .الكتابة بقت عمل مرهق مضني وانا فقدت ادواتها واحساسي بيها ... يومئذٍ دخلت الي مكتبتي وحاولت ان اقرأ ما كان يكتبه اساسي .. صدق شفت زول تاني غير ما انا عليه .. تقريبا لقيت زول ( عطرون ) ما عندو شغلة .. وعطرون هذه مشتقة من عاطل وليس لها أي علاقة بالجردقة والمحريب .. هذا العطرون كان يومه ممتدا بلا هدف ولا مسئولية ولا ركض قاعد يمارس في احباطات الغربة علي رؤس هتيفة النضال والقضية ..الان لا استطيع ان اجزم لك اني لي احباطاتي او اعيش بدونها ..فلا وقت الان لدي للتفكير في الاحباطات ..ببساطة انا ما عارف الموضوع دا بقيت ..بل ولا يشغلني حتى ..زمان يقول ليك وسع صدرك واخرج زفراتك الحرى .. اسع صدرك دا لو اتنفست بيهو تكون ما قصرت معاهو ..الاخوة الذين غشيوا شاطي البوست يسألوا عني مع اخونا سامي اللورد زمان الواحد زي كلامكم دا واطراءاتكم دي ينتظرها حالق والقطعية رفرف تيمس لدرجة انه ممكن يلبس كرفتة ويتموضع ليها .. الان انا اغبنكم علي المساحة التي في ذاكرتكم التي تتذكروني بها .. يا لاتساع راماتكم لذا ومن باب اللطافة ورد المجاملة انا اشكركم علي هذا القيقا بايت الذي افرغتوه لتذكري ..لكن لن استطيع ان اقطع وعدا بالمداومة . فانا ما زلت في بحثي المضني عن الضللة ..منذ ان استولي زوكربيرج علي حيط الواقع كلها وجيرها الي فيس بوكه وزاحمنا في الضللة .. بت لا اقوى علي هجير المكان .
|
Post: #14
Title: Re: أساسي وينك يا جميل.....
Author: الحاج حمد الحاج
Date: 11-23-2015, 11:56 AM
بلا شك أساسي من أصحاب الاقلام الذكية و اصحاب الكتابة الممتعة و هو احد نجوم سودانيزاونلاين و اساسي جدا في منتخب كتابه..التحية للأخ السماني و الذي (رغم انني في جدة) أعرفه فقط من خلال كتاباته و ان شاء الله التقيه في تجمع لبورداب جدة فهو نجم من نجوم سودانيزاونلاين و بورداب جدة و الذي منعتني المشغوليات الكتيرة كما ذكر الاخ السماني من مشاركاتهم الكثير من المناسبات و من معرفة الكثيرين منهم عن قرب..التحية لصاحب البوست و لضيوفه و تحية خاصة للأخ السماني (أساسي).
|
Post: #15
Title: Re: أساسي وينك يا جميل.....
Author: Omer Abdalla Omer
Date: 11-23-2015, 01:37 PM
Parent: #14
ود اللزين يا أساسي شكلك إنحملت! شئ توصيل مدارس و هوم ورك و عيييك! لسع بعد شوية كمان لمان تبقى جدو قراية ما تقدر تقرأ البورد.المهم قالوا تتباكوا على شئ تبكوا عليهو! زمان قالو أساسي قلم مسيخ و لئيم و الليلة جارين حفايا نرجعك!يأخي تعال و أجعل سودانيز your break time
|
Post: #16
Title: Re: أساسي وينك يا جميل.....
Author: حسين عبد المجيد
Date: 11-23-2015, 01:54 PM
Parent: #15
لو لا اختلاف الاراء لبارت السلع اذواق بشر زولن شكال بشاكل في ضلو ديك عدة /font>
|
Post: #17
Title: Re: أساسي وينك يا جميل.....
Author: سامي عطا المنان
Date: 11-24-2015, 07:30 AM
Parent: #16
| Quote: شكرا جميلا لكم و أنتم تجملون سماء البورد بالحديث عن كائن جميل مثل أساسي .. |
....... جميل جمال ما لوش مثال ......المستشار ود دهب ...... شكرا علي الطلة الأنيقة ... وتعال يابا أردم الحب أساسي يستاهل.
|
Post: #18
Title: Re: أساسي وينك يا جميل.....
Author: سامي عطا المنان
Date: 11-24-2015, 07:41 AM
Parent: #17
| Quote: فعلا هو جميل لكنه وزنه تقيل |
الفرق شنو بين تقيل وثقيل ...إلا أن الأخيرة فيها تقل الدم .... أما الأولي تقل الدهب ,,,, واساسي يبرأ من الأخيرة بشهادة حجر ....شكرا علي الحضور الأنيق ود عبدالعزيز أو ع ع ع كما يحلو لنا ......
|
Post: #19
Title: Re: أساسي وينك يا جميل.....
Author: سامي عطا المنان
Date: 11-24-2015, 07:45 AM
Parent: #18
الحاج حمد الحاج ..... سلام ياخ .... وحضورك هنا شرف لينا .
|
Post: #20
Title: Re: أساسي وينك يا جميل.....
Author: سامي عطا المنان
Date: 11-24-2015, 07:53 AM
Parent: #19
| Quote: لو لا اختلاف الاراء لبارت السلع اذواق بشر زولن شكال بشاكل في ضلو ديك عدة /font> |
حسين عبدالمجيد .... الكائن الإسفيري ... سلام أهو ده أنت قلتها .... الإختلاف في الرأي يجب أن لا يفسد للود قضية . ده إيه راسمالك, صورة وخيال وأسطورة ...... وخليك مع الزمن.
|
Post: #21
Title: Re: أساسي وينك يا جميل.....
Author: محمد المرتضى حامد
Date: 11-24-2015, 09:47 AM
Parent: #20
شكرا أخي سامي..عزيزنا أساسي مساهماته إنقلابية وكلماته كثيرا ما تحرك المياه الساكنة،لعله الوحيد الذي تخصص في ابتدار بوستات القوائم السالبة كإبحار عكس التيار وهو إسهام يتهيبمعظمنا مجرد التفكير فيه رغم طابع تلك القوائم المازح..تحية له وأتمنى أن يعاود نشاطه ولو على نهج فريق (الصنداي) في الميدان الشرقي، فالوقت ، كما قال،لم يعد يكفي لكثير من الأشياء الجميلة لكن الغياب الكامل لأمثاله يوسع فتق أوزون المنبر..
|
Post: #22
Title: Re: أساسي وينك يا جميل.....
Author: بكري الخير
Date: 11-24-2015, 11:50 AM
Parent: #21
.
|
Post: #23
Title: Re: أساسي وينك يا جميل.....
Author: بله محمد الفاضل
Date: 11-24-2015, 03:36 PM
Parent: #22
نفسي أقول في البوست دا يا سامي:بسبكسر الباءأساسي شنو يا سمسم الله يهديكوجميل كمانبس باقي ليك تسأل من رفاعي حجر كمان خخخخخخخخخ
|
Post: #24
Title: Re: أساسي وينك يا جميل.....
Author: Sidig Rahama Elnour
Date: 11-25-2015, 06:26 PM
Parent: #20
أستاذ سامي السلام عليكم وعلى ضيوف البوست وهذا صديق رحمة يحييكم بعد فترة من الغياب الطويل في هذا الفضاء الذي جمعنا انت تسأل عن أساسي الكائن الاسفيري ذو الكتابة المتقلبة ؟ ام اساسي الواقعي ؟وعن اي مرحلة من مراحل اساسي الاسفيرية؟وعن كيفية طقس الكتابة المنتجة المحفزة؟ ام الكتابة الترويحية
فربات الالهام في الكتابة متنوعة .... اجاثا كريستي قالت ان افضل الافكار تاتيها في الحمام
وهمنغواي لايكتب والا وهو في مكتبه المطل على العاصمة هافانا
وقرأت ان شوقي كان يكتب في المقاهي ... وماركيز يؤمن ان الزهر على مكتبه جالب لحظ الكتابة المدهشة
كاتب اخر (لاذاكر اسمه) كان يستلهم فكرته وتاملاته وهو غاطس في المسبح لدقائق طويلة
اما اساسي فيرى الفراغ اساسا في إستولاد التأمل والهام الافكار كما ابان ... ويرى في تطويق المسؤوليات حاجز ضد الكتابة واساسي كان قد اعلن من قبل عدة مرات انه فارق الكتابة الجادة بمحض ارادته بعد الرهق التي جرته عليه
لذا لكي نبحث عن اساسي لابد ان نبحث عن الادوات التي تحضه على غواية الكتابة ... وتنبش عصب التحريك ليحدث الحوار المرجوء
معليش اكتب بعد غيبة ومن الجوال وهذا احد مثبطات التعاطي الاسفيري والله المستعان
بوركتم وربما نعود
|
Post: #25
Title: Re: أساسي وينك يا جميل.....
Author: عبدالعزيز الفاضلابى
Date: 11-25-2015, 09:23 PM
Parent: #24
والمناسبة شنو عشان يسميك أساسى؟حبابك اساسى ,, وصاحب البوست والله إنت فعلاً زول سمح يا أساسىربنا يديك الـ فى مرادك
|
Post: #26
Title: Re: أساسي وينك يا جميل.....
Author: زهير عثمان حمد
Date: 11-25-2015, 10:05 PM
Parent: #25
تحياتي لصاحب البوست والاخوان الاجلاء والعزيز أساسي متعه ربي بالعافية
|
Post: #27
Title: Re: أساسي وينك يا جميل.....
Author: محمد عمر الفكي
Date: 11-26-2015, 06:37 AM
Parent: #26
خايف يا سامي اقول لك ما عندك موضوع تقوم تزعل انا دخلت البوست دا اساساً عشان اسلم على بلة
|
Post: #28
Title: Re: أساسي وينك يا جميل.....
Author: سامي عطا المنان
Date: 11-26-2015, 08:06 AM
Parent: #27
الإساتذة الأجلاءعمر عبداللهمحمد المرتضي حامدبكري الخيربلة الفاضلصديق رحمةمحمد عمر الفكيشكرا علي الحضور الأنيق ........يا صديق ود رحمة أساسي الذي نعني هو كما قال محمد عبدالله الأمين " عضو قديم بالبورد يجب الآكشن والكوماج والردم من طرف" أو كما قال محمد المرتضي " أساسي يحب إفتراع البوستات السالبة، التي وإن كانت تميل للمزح إلا أنه يخاف الكثيرين من حتي القرب منها"أو كما ذكرت أنت أن لأساسي تقلبات أوجه عديدة منها الجاد ومنها المازح ..... وآخر قال عنه ديك عدة أو كالتور في مستودع الخزف ......ياخي أساسي نفسه قال عندما دخل لقراءة يوستاته القديمة لم يتعرف فيها علي نفسه .... إذن أساسي الذي نريد يحمل كل هذه الصفات ، إسفيريا ..... لكنه في الواقع إنسان مؤدب وخلوق وقلبو طيب ........... أساسي قبل الكراسيحاجة أخيرة في ّهني أن مثل هذه البوستات تعطي المحتفي به فرصة للوقوف أمام مرآة الآخر ....... ودى كلنا محتاجين ليها بعيدا .... بعيدا عن كثير التلج ............جخخخخخخ
|
Post: #29
Title: Re: أساسي وينك يا جميل.....
Author: محمد عبد الله الامين
Date: 11-26-2015, 01:39 PM
Parent: #28
أتوقع عودة الأخ أساسي في بداية السنة2016 ببوست أسوء الأعضاء بسودانيز اون لاين لعام2015 كما عودنا كل عام وممكن يردمك عادي في البوست ياسامي هههههههه السنة دي الزبائن كثر .....
|
|