اتنين في تلاتة..

01:53 PM Nov, 18 2015

سودانيز اون لاين
بله محمد الفاضل-جدة
مكتبتى
رابط مختصر

اتنين في تلاتة..
إلى مأمون التلب ونانسي عجاج


ما جُوكَ اتنِينْ،
وفتحتَ الباب ولقيتُم واحِد،
واقِف بيقالِد أشواقك،
ويونِس روحَك بالحُب التارِس بينَك وبينَه:
عتبة باب البيت..
يا بيت وعتبتك ها،
أقيفَن جَنبي عشان أغرَق ريدة،
وريحة حِن...
من تالا،
حبيب و حبيبة،
بريدم جَد...
وأنا أصلي أبيت آ بيت،
ما بظِن يوماً بتزحزح لِحيلك،
وإن شديتو ككو،
وشَحطت بيناتنا الحيطان، حيطان حيطان،
وأنا بقصُد طبعاً:
مسافة إني ألِف الشارِع في كيس نايلو،
وأغمِض شِبرين،
فألاقي البيت لازِق في البيت،
أأأ
يا بيت يا بيت..
البيت جُوات البيت،
أأأ
البيت البيت،
والشارِع شَغال بِمنشات شَغبو،
يناغِم:
أرح...
وأنا زيت البيت والصاجن والزير،
بس ما كوز...
....
ما جوك اتنين

يا سلاااام ياخي

تسلم علي

لك التحايا والمحبة