مقتل أحد حراس النائب الأول داخل منزله في ظروف غامضه

12:32 PM Nov, 16 2015

سودانيز اون لاين
محمد المسلمي-
مكتبتى
رابط مختصر

ابوالحسن عثمان ودبربر‏السائحــون
‏4‏ دقائق ·
مقتل أحد حراس النائب الأول داخل منزله في ظروف غامضه لم ومن القاتل ومن المستفيد؟.؟.؟ ياخبر بفلوس بكره ببلاش
https://m.facebook.com/home.php؟ref=bookmarks#!/groups/578768818800034؟view=permalinkandid=1152886651388245andrefid=7andref=bookmarksand_ft_=qid.6217724361766606642%3Amf_story_key.-6180117491796273847and__tn__=%2Ashttps://m.facebook.com/home.php؟ref=bookmarks#!/groups/578768818800034؟view=permalinkandid=1152886651388245andrefid=7andref=bookmarksand_ft_=qid.621...96273847and__tn__=%2As

بلد أصبح الأسرار فيها ثمنها رقاب وذمم

والله فتنا اللبنانيين بهناك

محمدعلي البصير سلام
الحاصل شنو في البلد وماشين علي اي سكة

الاخ الفاضل محمد المسلمى...


وماشين علي اي سكة ؟
...

الدرب اتمسح..
ونحنا السودانيين...
كل واحد ماشى فى سكة براه..
يمكن فى الاخر نتقابل..
و الله اعلم..

Quote: الفاضل محمد المسلمى... وماشين علي اي سكة ؟ ... الدرب اتمسح.. ونحنا السودانيين... كل واحد ماشى فى سكة براه.. يمكن فى الاخر نتقابل.. و الله اعلم..

بت ابا تاور شاكر مرورك الغالي انت عارفة لوفكينا سكتنا القمنا عليه
وضاعت مننا قيم السوداني السمح نكون فقدنا أعز مانملك وتمتاز به علي الشعوب الحكاية تكون
جاطت فوق تحت ويكون المشروع الحضاري وصل الي مايريد بعد ان فصل جزء عزيز من الوطن
والآن ساير في نفس الاتجاه في ماتبقي من السودان القديم ومشروع حمدي قيد التنفيذ المخدرات
والحاويات تسجيلها ضد مجهول بعد اكتمال القبض علي مدير الشركة والمخلص والمتابع ويقفل الملف
ان الحاوية جات سائقة نفسها براها ووقعت فينا والآن يقتل حرس النائب الاول وفي منزله دي كبيرة جدا
والعقل ماقادر يستوعبها والحاصل شنو ماعارفين هل نحن يانا ام تغيرنا ولاندري

Sami Ali
الشهيد بهاء الدين ربنا يتقبله من الحاج يوسف
أعجبنيرد · المزيد · منذ ساعة

سلامات يا ود المسلمي
النائب الاول ده هو علي عثمان و للا واحد تاني؟

Quote: Ÿ سلامات يا ود المسلمي النائب الاول ده هو علي عثمان و للا واحد تاني؟

سلام دكتور سيف انت عارف اول ماقريت المداخلة ضحكت ضحك متكرر.
وقلت دكتو سيف ده جاء شائت ضفاري لكن عند التامل وجدت ماذكرته انت صحيح اصبح الشعب مشغول كثير من اجل كسب عيشه
وبمعني أدق اصبح مشغول في نفسه واظن هذه المرحلة مدروسة بعناية فائقة جدا من قبل النظام وقد نجح فيها وأزيدك من داخل
العميق اخوك مابعرف كم عدد الوزراء ومن هم وماهو اسم المعنمد بتاع مدينتنا او من هو النائب في المجلس المحلي الممثل لنا ومن هو
النائب في البرلمان في دائرتنا ولا من هو رئيس لجنة الحي الشعبية لست عازف عن المعرفة ولكن سياسة التغييب المتعمدة وسياسة التغير
او التمكين المستمرة للإحلال والإبدال وفق منهج مخطط له من قبل النظام ،وانت عارف أن النائب الاول علي عثمان كان مشهور اكثر من
الرئيس زاته وكان صاحب حركة فاعلة اما النائب الاول الحالي زول عسكري ودفعت البشير يعني تطابق في كل شي وأصبح المنصب باهت
ولا طعم له وأصبحنا نحكم بعقلية واحدة ولكنها اظنها أصبحت تغار من الفتن في الدول العربية او الأفلام العربية التي يشاهدونها من قتل
ومؤامرة وسيطرة نساء القصر المهم والاهم الجديد حادث الاقتيال ده هل هو منظم ام جريمة عادية ام ماذا أصبحنا في حيرة من الامر ربما
تطول وربما يصبح القادم أسوأ مالم نتصالح مع أنفسنا وتنهض الدولة الي موقع الحدث وكشف المستور من هذه الجريمة والجرائم القبلها
والقادم والا اننا سوف نكون الي. زوال من حيث الفوضى والجريمة المنظمة وتصفية الخلاف بالقتل حيث يتطور الامر الي اعلي من ذلك .
وماشين في السكة نمد

في الكلام الكتير ده حاولت ألقي الجواب علي سؤال د. سيف ما لقيته .. !!!!!!

Quote: فتحي عباس · Institute of Chartered Accountants of India أعذروني هذه ليست كتابات محمد المسلمي كما عهدتها ؟؟؟

الاخ Munir السؤال واضح والاجابة ماأظنها فاتت عليك ولكن القصة اكبر من هو النائب الاول
المهم البلد والطريق اصبح خطر السودان رئيسه ووزرائه والمعارضة والبيت الواحد فيه كل انواع
التعدد الفكري او الحزبي ولم نسمع بان فلان قتل فلان في سر في منزله يا Munir كلام سيف
خليه كم تعرف من الوزراء والولاء والمعتمدون ؟؟؟؟؟

Quote: te: فتحي عباس · Institute of Chartered Accountants of India أعذروني هذه ليست كتابات محمد المسلمي كما عهدتها ؟؟؟

فتحي عباس خليك متابع بس وأزيدك كمان سوف أكون كاتب قصة أسبوعية في جريدة المستقلة ان شاء الله بس ممكن توضح اكثر حتي نستفيد منكم ودمت بخير

و الله انا ذاتي ضحكت يا ود المسلمي لانو يا داب اتذكرت انو بكري حسن صالح هو المسجم الأول
مع انو من اندينا لكن زي ما قلت زول ذكرو خامل تب.

الاخ محمدالمسلمى,

Quote: " والحاويات تسجيلها ضد مجهول بعد اكتمال القبض علي مدير الشركة والمخلص والمتابع ويقفل الملف ".

ممكن تسمح تذكر لينا او تذكرنا باسم مدير الشركة, و اسمها.

الاخ المعز ابونورة مرحب بيك وحبابك عشرة

Quote: وكانت السلطات السودانية، قد ضبطت ، الاسبوع الماضي، حاوية تحتوي على شحنة مخدرات، تتكون من حشيش مُصنّع وحبوب مُخدرة تُقدّر بنحو 650 كيلوجرام، مخبأة داخل شحنة ثلاجات (من نوع ديب فريزر)، مشحونة داخل الحاوية. وقُدّرت قيمتها بنحو 21 مليار جنيه سوداني. ووصلت إلى ميناء بورتسودان عبر خط نقل شركة الملاحة العربية المتحدة، ووكيلها في السودان هو شركة: كانو أروى للتوكيلات الملاحية، قادمة من دولة لبنان.

وده رابط ضبط ثاني شحنة مخدرات بميناء بورتسودان في غضون اسبوعينضبط ثاني شحنة مخدرات بميناء بورتسودان في غضون اسبوعين

المصدر ياودالمسلمي

بس اوع تقولي صفحة السائحون
لانها اذا ما كنت عارف اصبحت مفتوحة ومقدودة كمان

Quote: و الله انا ذاتي ضحكت يا ود المسلمي لانو يا داب اتذكرت انو بكري حسن صالح هو المسجم الأول مع انو من اندينا لكن زي ما قلت زول ذكرو خامل تب.

اجمل تعبير فعلا مجسم...لوح .....صندوق ..اي حاجه

انتو العكسر القدام ديل اللمت فيهم شنو كلهم سكم بكم