يا سلام .....احبكم يا مصريين يا فهم ..يا ذوق ..يا فن ..يا حضاره

06:36 PM Nov, 11 2015
سودانيز اون لاين
زينب محمد عبدالله-
مكتبتى
رابط مختصر




هذا البوست للتعريف بالشعب المصرى البطل والذى تربطنا به اواصر عديده

يمنع التهريج .....

بعد نظر واستقرأ للامور وحكمه من رؤساء مصر القدامى

جمال عبد الناصر

غايتو المصريين شفناهم
وعايشناهم
وأشتغلنا معاهم
وزرنا بلدهم

ما عدا قلة قليلة
فالمصريين
لا فهم ..ولا ذوق ..ولا فن ..ولا حضاره
(وأضيف ليك من عندي
no dignity and no integrity)
بدل الفهم عندهم الفهلوة
(كدي شوفي فيديوهات ما تفتيش في يوتيوب)
بدل الذوق هاك الدهنسة
في شوية فن
(نقلا عن هوليوود والسينما المكسيكية والهندية)
والحضارة كلها مسروقة أو مفروضة عليهم بتوالي الغزوات والإستعمار الخارجي
لو نسيتي الناس الفوق ديل من عسكر وضباط أمن
(القتلة ومعذبو المعتقلين في الليمان والداخلية)
ومشيتي لعامة الشعب
حتلقي نماذج إنسانية مشرفة

مساكين المصريين
القمع المتراكم من آلاف السنين
طلع منهم ناس مشوهين

تحياتي يا زينب

و
و
و بدون تهريج ..

Nasr قال وكفى ..

الاخوان نصر و د.احمد امين سلام

انا اعلم قبل كتابه هذا البوست رأى السواد الاعظم من السودانيين فى المصريين وهو رأى من وجه نظرى سلبى وظالم

لا يوجد شعب على وجه الارض كله عيوب وشعب اخر خالى من العيوب

انا هنا اتحدث عن الجانب الجميل للشعب المصرى وهذا هو موضوع البوست ...من اراد ابراز الجانب السلبى للمصرين له الحق فى ذلك

لكن انا هنا وفى هذا البوست تحديدا اتكلم عن الشخصيه المصريه التى اعرفها واتعايش معها يوميا


كتب نصر :

Quote: غايتو المصريين شفناهم وعايشناهم وأشتغلنا معاهم وزرنا بلدهم

بالنسبه لى انا كل ما ذكرت بالاضافه الى صله النسب.. افتكر ما فى اكتر من كدا لى معرفتهم

Quote: بدل الفهم عندهم الفهلوة

Quote: بدل الذوق هاك الدهنسة

عين السخط تبدى المساوئ

حتى الفن ماعايز تعترف ليهم بيه يا نصر !!!قلت لى كل الفن المصرى مأخوذ من هوليوود والسينما المكسيكية والهندية!! دى حساده وغيره ليس الا

الاستاذة الكريمة زينب

من حق كل انسان أن يعبر عن إعجابه بشعب أو ثقافة ما وهنا أتفق مع روح البوست من ناحية إعجابك بشعب ما وهو المصريين، لكن الجملة التالية استوقفتني قليلا:-

Quote: انا اعلم قبل كتابه هذا البوست رأى السواد الاعظم من السودانيين فى المصريين وهو رأى من وجه نظرى سلبى وظالم

حقيقة الرأي السلبي في المصريين - تقريبا - موجود في كل العالم العربي، وأنا اتفق في أنه رأي ظالم لأنه مبني على تصرفات وسلوكيات العاصمة فقط، لكن من تعامل مع أهل الصعيد (الصعايدة ) والصعيد يبدأ من الجيزة ، أو مع المصريين من المناطق الاخرى كالبحيرة والاسكندرية والفلاحيين الخ سيرى وجها مشرقا، لكنها مصيبة إطلاق الاحكام على الجميع بدون حيادية.

بحكم أني مصري وسوداني (والاتنين بنسبة100%) فإني أرى علاقة مصر والسودان نفس علاقة الأخوان في الاسرة الواحدة في السودان، كثير من المناقرات مع بعض، قليل جدا من يكون أعز أصدقائه هو أخوه، لكن وقت الحارة تلقاهم واقفين مع بعض، لذلك دائما أصفها بخوة المرض، وعلى نفس النسق تجد كثير ممن ينتقد المصريين هو من عندما أراد أن يسافر سياحة أو علاج خارج السودان كانت مصر أو جهة فكر فيها

زول يقول ليك انا عارف انو السواد الاعظم من الشعب السوداني رايو شنو في الجماعة ديل

طيب مادام عارفين
شنو الداعي لمثل هذه المنشورات الاستفزازية التي لا تحترم توجهات و رأي و معتقد غالبية الشعب السوداني ؟





متلازمة ستوكهولم ما عايزه ليها عينة من الدم و معامل و تحاليل --- ظااااااهرة

Quote: شنو الداعي لمثل هذه المنشورات الاستفزازية التي لا تحترم توجهات و رأي و معتقد غالبية الشعب السوداني ؟

خالد المبارك

المقتبس بتاعك الفوق دا يدل على انك ما فاهم اى حاجه بطل التهريج واسكت ساى واسمع

الاخ العزيز حسن فؤاد تحيه طيبه

شكرا يا باشا (:

لقد كفيت ووفيت بهذا الكلام الموزون ...ودائما يقولون افه كل شئ التطرف

الفنانه شمس تتحدث عن مكانه مصر والمصريين

تحياتي اخت زينب
من حق أي احد أن يحب
لكن عندما يحاول ان يقنع غيره بصفات محبوبه فمن حق غيره مناقشته في ذلك
ارجو ايراد امثلة للحضارة والفهم والذوق والأخلاق
لست من انصار التعميم لكن الغالبية منهم يخلون من ذلك
وهذا رأي معظم الشعوب العربية فيهم
بل رأيهم هم نفسهم في نفسهم

غايتو لو كان غرض البوست هو مجرد الاستفزاز او الاضطرار للدخول للرد فقد نجحتي بامتياز
تقديري

الاخت زينب لك التحية والسلام ,,,
وما عايز اخوض في اساءات واشيل زنوب في شعب لا يستحق انو الواحد يشيل زنوب علشانو لكن كما ذكر من سبقوني في التعليق بانه اذا كان الغرض من البوست الاستفزاز وجر الاخوان هنا للتعليق وابداء اراءهم والتي هي سلفا معروفة للجميع هنا وللعالم العربي والاسلامي والاوربي فقد نجحتي باقتدار لذلك لن انجر وراء استفزازك لي ولكن ساقول لكي ( no comment) والما بعرف بيقول عدس ...


تحياتي : ياسر العيلفون ......

الاخ احمد الشيخ : تحيه طيبه

البوست لسه فى بداياته ..

موضوع البوست مصر التاريخ الحضاره الفن العلم والى الخ الخ

انا حابه اتكلم عن هذه الاشياء هل من حقى ام لا ؟

السودانيين وغيرهم عندهم رأى او نظرتهم مختلفه لى هذه الاشياء

انا فى هذا البوست ليس لى اناقش اراء الغير ولكن لى اسرد ما اراه حقيقه ملموسه بالنسبه لى

Quote: اذا كان الغرض من البوست الاستفزاز وجر الاخوان هنا للتعليق وابداء اراءهم والتي هي سلفا معروفة للجميع هنا وللعالم العربي والاسلامي والاوربي فقد نجحتي باقتدار لذلك لن انجر وراء استفزازك لي ولكن ساقول لكي

الاخ ياسر السر تحيه طيبه

يا اخوانا قصه الاستفزاز دى شنو؟!!!!!!!!!!!!!!!!!!!!!!!!!!!!!!!!

معقوله !!!

وليه اساسا بيحصل ليكم استفزاز اذا فى انسان كتب عن شعب من شعوب الارض انو فيهم بعض الاشياء جميله !!

دا موش منبر حر والناس احرار

انا لا ارحب بى الاراء التى تأتى نتيجه لى " استفزاز " لانها تحركها العاطفه وليس العقل

وانتم بى قولكم هذا اسأتم الى انفسكم من غير ما تدرون

الموضوع بالنسبه لى فى غايه البساطه وهو عكس الصوره الاخرى الغير نمطيه بالنسبه للشعب المصرى

انظري إلى الإعلام المصري وهو يتناول أخبار السودان والشخصية السودانية ؟؟؟!!!
انظري إلى الدور الذي تلعبة الشخصية السودانية في المسلسلات والأفلام المصرية ؟؟؟
السواد الأعظم من المصريين ينظرون إلى السوداني نظرة تعالي وازدراء وعنجهية .!!!
والسواد الأعظم من المصريين يعتقدون جازمين أن السودان تابع لمصر ...!!
السواد الأعظم من المصريين لا يعلم عن السودان والسودانين أي شئ سوى أنهم شعب
أسود أفريقي ..
عن أي فهم تتحدثين وعن أي ذوق ؟؟؟؟
هاتي أمثلة توضح الذوق والفهم خصوصاً تجاه السودانين وعندها سوف أغير رأيي في كل ما ذكرت
أعلاه ...

* للأسف لا أستطيع رفع الفيديوهات وإلا كنت سأرفع لك عدد من الفيديوهات توضح ما ذكرته أعلاه
خصوصاً الدلاهة أنور عكاشة والذي كنت أستمع له بالأمس في لقاء وهو يتحدث عن السودان بطريقة
بطريقة مستفزة تثير الغثيان ... تباً له
مع التحية

نحن السودانيين دائما متحسسين شديد تجاه الشعب المصري و بنتعامل معاهم بالعموم
و دا شي ما صاح .. اي شعب في الدنيا فيهو السمح و فيهو الشين .. و نحن كسودانيين زي ما السمح
كاسينا .. برضو العيوب فينا. بس عشان نطلع نفسنا من النعره الكضابة اللي نحن عايشين فيها دي.
انا شخصيا علاقتي جيدة جدا مع اصدقاء كثر من مصر (القاهره و الاسكندرية و الصعيد)
مصر التي في خاطري :)

شكرا اخت زينب علي هذا البوست المهم ..

ناصر احمد الامين تحياتى

ومشكور على المرور الكريم

الاخت زنب نهارك سعيد :
كيف اسئنا الى انفسنا ممكن توضحي لي ؟؟
فلقد كتبت لكي انه ليس لدي تعليق (no comment) ولم اسيئ احد !!! وقد احتفظت براي ولم اطلقه في العنان لذا ايه جاب الاساءة هنا ... واذا رجعتي لما يقوم به الاعلام المصري والشعب المصري في حق السودانيين كان كلامك يكون غير كده وكان عرفتي الحقيقة الواضحة كالشمس ومع ذلك فهذا المنبر حر وانتي حرة في رايك وفي معتقداتك بس ما ترغمينا انو نؤمن بمعتقداتك دي ... وشكلك ما اشتغلتي مع مصريين ,, على العموم لك احترامي وسلامي ولا ازيد ...


تحياتي : ياسر العيلفون .......

يا سر السر يا زول يا سمح يا زين

انت من الناس المحترمين فى هذا المنبر وارائك محل تقدير عندى

انا لم اقل انك اسأت لى احد

انا قلت ان الذين يقولولون ان كلامى عن المصريين يستفزهم هم يسيؤون الى انفسهم بهذا القول

Quote: ما ترغمينا انو نؤمن بمعتقداتك دي ... وشكلك ما اشتغلتي مع مصريين ,, على العموم لك احترامي وسلامي ولا ازيد ...

ليس هنالك اى ارغام ...هذا رأى حر فى منبر حر والناس احرار

يازينب مشكلة السودانيين مركبين مكنة ملائكة

Quote: يازينب مشكلة السودانيين مركبين مكنة ملائكة

مركبين مكنه ملائكه والاخريين هم الشيطان

تحياتى اخى الكريم عاصم

Quote: المقتبس بتاعك الفوق دا يدل على انك ما فاهم اى حاجه بطل التهريج واسكت ساى واسمع

اسمع منك انتي ؟؟

هو نحن منهم ذااااتهم ما قاعدين نسمع نقوم نسمع منك انتي البوق
انتي مجرد حالة شاذة و كل قوانين الفيزيكس و الميتافيزكس تستبعد القيم و الحالات الشاذة من النتائج

بلد أهلها تجمعهم الطبلة وتفرقهم العصا فماذا ستقولين عنها يا ترى ؟؟
كل ما تقرأينه من زخم تاريخي كان بفضل الاخرين منذ رومان ما قبل التاريخ و حتى السودانيين و كليوباترا و العرب
الى الفرنسيين و الاتراك الذي صنعوا مصر و الانجليز
بلد طيلة قرون لم يفعل فيها اهلها اي شئ فبماذا يفتخرون

Quote: هو نحن منهم ذااااتهم ما قاعدين نسمع نقوم نسمع منك انتي البوق انتي مجرد حالة شاذة و كل قوانين الفيزيكس و الميتافيزكس تستبعد القيم و الحالات الشاذة من النتائج بلد أهلها تجمعهم الطبلة وتفرقهم العصا فماذا ستقولين عنها يا ترى ؟؟ كل ما تقرأينه من زخم تاريخي كان بفضل الاخرين منذ رومان ما قبل التاريخ و حتى السودانيين و كليوباترا و العرب الى الفرنسيين و الاتراك الذي صنعوا مصر و الانجليز بلد طيلة قرون لم يفعل فيها اهلها اي شئ فبماذا يفتخرون

يعني انت حكمت علي شعب كاااامل و امم عديييل كدا بي مجرد وجهة نظر !!!
طيب اذا واحد قال السودانيين ديل كلهم مجرد عبيد (علي حسب راي بعض الشعوب العربية) و دويلات كانت متفرقة
لحدي ما جو العرب و وحدوهم و جو الانجليز و علموهم
شعب فاشل و كل مقدساتو كانت كذبات كبيره (الثورة المهدية و السياسية مثلا)
و شعب عصبي و عنصري و لحدي اسه ما كونو دولة محترمة برغم كل الامكانيات المتوفره
شعب لحدي اسه فاشل سياسيا و اقتصاديا و اجتماعيا

حا تقول شنو؟؟

زينب عبد الله اختي الفضلى لقد اخجلتيني بكلامك عن شخصي الضعيف فلك كل امتناني وشكري واسال الله ان اكون دوما عند حسن ظنك وظن الجميع بي واسف اذا اخطات التعبير او الفهم او شي من ذاك القبيل وجل من لا يخطا ولكن مايجوش بداخلي تجاه موضوع البوست لا تكفيه هذه السطور بل يحتاج لدراسات ودراسات وعشان خاطرك ساحاول ان ارى النصف الحلو من هذا البوست ولك كل احترامي وسلامي والعفو والعافية ,,,,

تحياتي : ياسر العيلفون .......

سلام لصاحبة البوست وضيوفها ..

معروف أنو تقييم أي مجموعة بشرية (خير - شر) بتم على كلمة (الأغلبية) ، ليس هناك خير مطق وليس هناك شر في أي مجموعة بشرية .

بالنسبة للمصريين لم نطبق عليهم معيار الأغلبية بنلقى الغالبية العظمى منهم مثل ما قال الأخ نصر وبقية الأخوان .. المصريين أسوأ شعوب العالم العربي على الإطلاق

اتكلم عن تعامل يومي مع اكثر من جنسية (باكستان ، يمنيين ، بنغال ، هنود ، فلبين ، شوام ، تايلاند..) لا يمكن تلقى في السوء (كذب ، نفاق، حلف بالله بسبب بدون سبب، احتيال) مثل هؤلاء المصريين

الواحد مستعد عشان ريال يحلف بالله وبعياله وبأهله وبلده ، عايز منك نص ريال بعذبك عذاب بالاتصالات عايز منه مليون ريال بطلعك من دينك بالكذب والاستهبال والغش حقو

المصريين ديل الشعب الوحيد الما بتشكر نهائي ، شعب أناني منتفخ ومتورم الذات على الفاضي حيلتهم في لسانهم شغلهم كلو يا باشا يا أستاذ يا بيه يلحسك ويتخارج ..

النقطة الوحيدة البأمن عليها وهي النسبة المستثناة منهم على كلام الأخ حسن فؤاد :

Quote: لكن من تعامل مع أهل الصعيد (الصعايدة ) والصعيد يبدأ من الجيزة ، أو مع المصريين من المناطق الاخرى كالبحيرة والاسكندرية والفلاحيين الخ سيرى وجها مشرقا،

حوالي 95% منهم شيل وأدي البحر .

ولعلمك يا أخت زينب كلامي مبني على تعامل معهم وعلى كلام بعض المصريين أنفسهم من النوعية المستاءة من تصرفات ناسهم ، ولعلمك أغلب السعوديين اكتشفوا حقيقة المصريين واكتشفوا ألاعيبهم وأنهم بتوعين حنك

وبدت جنسيات أخرى تسحب البساط منهم مثل الباكستان ناس شغيلين وكلامهم بسيط وقنوعين ونسبة الاحتيال والغش فيهم أقل من المصارية .

تحياتي للجميع

ليس دفاعا عن مصر رغم انهم اسواء الناس الذين عاشرناهم في الغربة لم ازر بلادهم ولكن الذين زاروها زكروهم بكل خير ولكن نذكر لهم بان جامعتهم مفتوحة لنا وما زالت حتى الآن لا ننكر ماضيهم كان عدد الطلاب الذين يتخرجون في السبعينات والثمانينات من الجامعة المصرية يفوق عدد الذين يتخرجون من الجامعات السودانية لدينا عدد كبير من السودانيين الذي استقروا بمصر وامتلكو العقارات وحتى الان يعامل السوداني معاملة المصري في المناق السياحية هم اقرب العرب الينا هذه حقيقة لا ننكرها هم ينظرون للجميع بدونية وباحساس هم الافضل بين العرب وانهم اهل حضارة ولكنهم تتعاملون معنا بدون عنصرية هنالك دولتين تتعامل معنا بدون عنصرية هما مصر والمغرب فقط واما بقية الاعراب عكس ذلك فهي مصر اخت بلادي بدون شك لاننا تزاوجنا معهم ويعيش عدد كبير منا بينهم اليوم بلا مضايقات

سلام وتحية للجميع
،
أنا مع كلام الأخ ناصر أحمد الأمين تماماً ، و أزيد عليهو الاتى:

- معظم أفراد الشعب السودانى و منذ عشرات السنين بسبو و يسخطو ودايرين يجنو لمن الكهرباء تقطع أثناء المسلسل المصرى، و أى واحد امنيتو يمشى مصر.
- المدرسين المصريين كانو مالين السودان و درسو عدد كبير من السودانيين.
- البعثات المصرية و جامعة الفرع خرجت عدد كبير من النخب السودانية.
- عدد من التيارات الفكرية و السياسية السودانية استمدت افكارها و مناهجها من مصر أو عبر مصر.
- العلاج و الفسحة فى مصر.
و و و..

السؤال لمن هم كعبين لدرجة قف تأمل فى نظر السودانيين تفسرو الحقائق المثبتة الفوق دى بشنو؟ يعنى السودانيين عندهم ازدواج شخصية ولا شنو؟

قبل كده كنت فى طنطا لزيارة قريبنا – و أشهد الله على هذه الحكاية- و نحنا ماشين فى الشارع سمعت واحد بكورك لى يا زول، يا ابن النيل و ساكينا مسافة طويلة، بى فهم السودانيين قلتا الزول ده أنا الليلة بكسر راسو لمن حصلنا شفتو زول حالتو تعبانة و مظهرو بسيط رخيت شوية، سلم علينا و سألنى وقعت منك فلوس؟ فاتحسست جيب السويتر لقيت قروشى مافى و المبلغ كان كبير قلتو ليهو أيوه، مد لى القروش و قالى فلوسك أهى، حاولت اديهو حاجة حلف بى دينو ما يشيل.
غايتو انا فى رأى انو مشكلة مصر فى ناس القاهرة (بدون تعميم مخل).

يا أخوانا موضوع العنصرية ده موضوع كبييير و زى حكاية السلسلة الغذائية، دا بتعنصر على دا لمن يمشى حتة تانية يتعنصرو عليهو بأسوأ مما كان يفعل و هكذا، و السودانيين مثال لذلك.

و كما قال الأخ عز الدين ادريس عنصرية العرب الباقيين تجاه السودانيين لا تقارن بعنصرية المصريين، خاصة الخليجيين و الشوام (طبعاً كلامى ده بدون تعميم مخل).

الأخت زينب
والضيوف الكرام

سلام وتحايا

لا يسعني إلا أن أورد هنا أبيات الإمام الشافعي :

عينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّابٍ لمنْ لا يَهابُنِي ولستُ أرى للمرءِ ما لا يرى ليا

فإن تدنُ مني، تدنُ منكَ مودتي وأن تنأ عني، تلقني عنكَ نائيا

***

لا تحتاج الأبيات إلى شرح وتفصيل ، ولكن الخلاصة تفيد بأنه حتى في حياتنا الخاصة بين القبيلة والأسرة والأقارب والأصدقاء والمعارف ، فإنه في حالة الرضا نتغاضى عن كل عيب ، وفي حالة السخط تظهر العيوب حتى وإن لم نعايشها أو نراها بل فقط لو سمعنا بها كوشاية أو خبر يسري بين الناس.

لذا أنا أعتقد جازما بأنه لا يوجد شعب كامل ، وما نقوله نحن عن غيرنا سلبا قد يقولون عنا مثله أو عكسه.

والله المستعان

Quote: النقطة الوحيدة البأمن عليها وهي النسبة المستثناة منهم على كلام الأخ حسن فؤاد : Quote: لكن من تعامل مع أهل الصعيد (الصعايدة ) والصعيد يبدأ من الجيزة ، أو مع المصريين من المناطق الاخرى كالبحيرة والاسكندرية والفلاحيين الخ سيرى وجها مشرقا،

أشكرك أخي يوسف على التأمين أعلاه، لكن أأكد لك أن هؤلاء ليسو النسبة المستثناة بل هم الأكثرية العددية، لكن بكل أسف الزبد هو ما يطفو على السطح

سلام صاحبة البوست وضيوفها الاكارم

كما قال عدد من المشاركين انه لا يمكن الحكم على اي شعب بصورة مطلقة سواء سلباً او ايجاباً

والشعب المصري مثله ومثل بقية الشعوب يجمع بين هذا وذاك

وبحكم تجربتي الشخصية فقد عشت فترة غير قصيرة بالاسكندرية ..
وتقييمي لاهلها ايجابي للحد البعيد..
ولدي الان في الغربة كثير من الاصدقاء والجيران المصريين وايضاَ تقييمي لهم ايجابي للحد البعيد..

وهذا لا ينفي اختلافنا مع الانظمة المصرية والاعلام في كثير من المواقف التي تتخذ تجاه السودان او لتقييمات اخرى..

مع ودي

ناصر محمد الامين

انت قول عديل كده ده رأيي في الشعب السوداني خايف من شنو ؟
عموما الفيك اتعرفت

Quote: طيب اذا واحد قال السودانيين ديل كلهم مجرد عبيد (علي حسب راي بعض الشعوب العربية) و دويلات كانت متفرقة لحدي ما جو العرب و وحدوهم و جو الانجليز و علموهم شعب فاشل و كل مقدساتو كانت كذبات كبيره (الثورة المهدية و السياسية مثلا) و شعب عصبي و عنصري و لحدي اسه ما كونو دولة محترمة برغم كل الامكانيات المتوفره شعب لحدي اسه فاشل سياسيا و اقتصاديا و اجتماعيا

خالد المبارك، وانت ما تعلن انك كوز فى المنبر ده بتتدسدس مالك خايف من شنو، يوم الحساب؟

كلامك ده ما كلام زول قاصد خير للسودان، ناقش ناصر فى الحقائق الأوردها بدل ما تقعد تتلولو وتحاول تلوى ذراعو، انا شخصياً مقتنع انو دى حقائق عن الشعب السودانى، اتخيل واحد تكون فيهو كل الصفات دى و بعد ده كوز.

كان ما بتدوروهم بتتعالجوا وتتعلموا وتسيحوا وتتفسحوا عندهم لشنو وتشوفوا مسلسلاتهم لشنو
المقاربة دي ما فيها منطق ولا حجة
عادي ممكن الناس تغترب في بلدان وهي ما بتدور اهلها ، وقد تتفسح في مناطق ما بالضرورة انه شعوبها اهل حضارة وذوق وفن واخلاق
ذوق وفن واخلاق دي ذكرتني السواقة
هههه
احترامي للجميع واختلاف وجهات النظر لا يفسد للود قضية
ولا اود ان ارى اختلافا بين السودانيين لدرجة التقاتل من اجل هذا الشعب الذي لا يستحق معظمه
معظمه دي عشان نمرق من التعميم

الأخ الفاضل أحمد الشيخ سلام،

أنا شخصياً لا أتقاتل من أجل المصريين أنا اناقش من أجل السودانيين، و على السودانيين بدل ما يقعدو يشنفو و يشتكو زى العاجز من الشعوب الاخرى عليهم أن يقومو انفسهم فى الأول، ياخ المصريين يكفيهم انهم ما سمحو للكيزان يعفصوهم اكثر من ستة و عشرين سنة.

الحملات الاخيرة ضد المصريين لا علاقة لها بمصلحة الشعب السودانى ولا كرامته و أجندتها معروفة للجميع، على العموم ما دام الكيزان ممغوسين من السيسى للدرجة دى عندهم سبة وباب جهاد مفتوح و هو استرداد حلايب، يلا يا كيزان وجهو المليشيات و الجيش الى حلايب بدل ما جاريين تنفذو اجندة ال سعود و ال نهيان فى اليمن يا رخيصين.

عزيزتي زينب
احسن تعليم جامعي تلقاه السودانيين في السودان كان في جامعة القاهرة فرع الخرطوم
والتي كانت تنافس جامعة الخرطوم في قمة مجدها
مصر علمت السودانيين بجامعاتها في مصر دون مقابل
انا شخصيا درست بالانجليه المصريه الاعدادي وبجمال عبد الناصر الثانوي العالي
ثم بعد مهد الموسيقى كان الماجستير في اكاديمية الفنون بالقاهرة معهد الكونسرفتوار
وفي ذلك الوقت ابتعثت الحكومة السودانية طلاب الدراسات العليا في كل التخصصات
اطباء مهندسين محامين وغيرهم مجانا
ولمصر افضال لا تحصى ولا تعد
نعم هناك حلايب ويبدو ان تقصير حكومتنا في هذا الامر قد ادى باهل حلايب ان يختاروا مصر
لان الخدمات الحديثه وصلتهم من الحكومة المصريه بعد ان عاشوا عهدا ظلاميا في عهد حكوماتنا المتواليه
والمصالح هي سيدة السياسة
وحلايب اضاعتها حكومتنا حينما حاولت بالشتراك مع الارهابيين اغتيال حسني مبارك فاتهز مبارك الفرصه
ولم تتحرك حكومتنا خوفا من الفضيحة والانتقام المصري
-----------------------
اتفق معك تماما ولا آعطى اعتبارا كبيرا للتصرفات الشخصية والتعديات العنصريه من بعض الجهلة العنصريين
في الميديا المصرية الحديثة
قد يكون لحديثي بقية
لك الود

هههههه

انتو زينب دي مصرية وللا سودانية؟

ولو عايزين مثال "للذوق والفهم والحضارة " لدي المصريين
فدونك هذا المشارك من فيس بوك
وأظنه مصري

Quote: Yohann Gad · يعمل لدى University of Phoenix هاهاهاها انا متاكد سيرة المصريين بتعقد دينهم وميتينهم - الشعب السوداني يدرس ويتعلم ويتعالج ويسافر الي مصر لطلب العلاج والبيسنس ويشتري الشقق ويوجد 7 مليون هناك بين لاجئ وبين مقيم ومصر كانت الشباك والباب الوحيد الذي علم وحضر وغير الكثير من السودان حضاريا وفكريا وثقافيا واجتماعيا - اذن ماهي المشكلة ؟ المشكلة هي مجموعة العقد المتراكمة في نفوس السودانيين مثل عقدة النقص وعقدة اللون والاحساس بالدونية وحالة الفشل العام في الدولة وفي الشخصية والتاريخ المنحط الغارق في العبودية والطائفية - ومن اجل ذلك يتم اختراع بعض الاسباب لتبرير ذلك الحقد والحسد تجاه الجار الشمالي زي غرقوا حلفتنا شربوا مويتنا ا.

البت فاتحة بوست حب للمصريين
ووجدت من إتفق معها
وهو نازل شتيمة في السودانيين
!!!!!!!

نصر يا صديقي ...

كما هنا افراد هناك افراد ... و هنا شواذ و هناك شواذ ...

لا يمكن ان نصف شعب بأكمله بانه كذا و كذا ...

شعب قام بثورتين في 3 سنوات ....

شعب ازاح اخوان الشيطان في عامين و الذي فشلنا نحن في عمله في 26 عاما ...

بلد درس فيها ملايين السودانيين ... و يعيش فيها الان ملايين السودانيين ...

لماذا نسخط عليها كل هذا السخط ...

و لماذا ننعتهم بالعنصرية تجاهنا ...

و نحن غائصين في وحلها ...

شمالي مع جنوبي ...

شرقي مع غربي ...

شايقي مع جعلي ...

و شايقي مع شايقي اقل شايقية منه ...

و جعلي مع جعلي من منطقة اقل جعلية ...

و عييييك يا نصر ... مشكلتنا عويصة ...

عينك لبعض المساكين هنا حاولوا نزع سودانيتي لمجرد رايي في تخريفهم ... :)

ياخي نحن و الله شعب الله ( المحتار ) ... ما عارفين نسوي شنو في الدنيا الما عاجبانا و انحنا راضين بالبتعمل فينا من حكومات السجم ...

لا للإساءة للشعوب
تقييم الشعوب مسألة بالغة التعقيد ، يجب التفريق بين مصر الرسمية ونخبها ومابين شعبها
** لمصر حضارة تعد من أعرق وأثري الحضارات في العالم ،أثارها وتاريخها يقف شاهدا علي هذا
** مصر متقدمة في مجال الثقافة والأدب والفنون هذه حقيقة وحتي في مجال العلوم الطبيعية تجد أن هناك من بنيها أسهم بل وفاز جوائز نبل العلمية
** موقع الجيوبولتاكي ممتاز جعل منها بؤرة لتلاقح الحضارات
** كانت مصر في الخمسينات والستينات بؤرة لدعم حركات التحرر في العالم ومناهضة الإمبريالية والإستعمار
** كسوداني أتطلع لعلاقة مع مصر - تقوم علي الندية وإحترام السيادة الوطنية والبعد عن عقليةالتبعية والأخ الأكبر وإعتبار السودان حظيرة خلفية ! وأضع في حسباني أن مصر كانت مدخلا
لإحتلال بلادي في التاريخ الحديث ، وإختلف كثيرابطبيعة الحال مع مصر الرسمية
** مصر تحملت ولدرجة كبيرة عبء الدفاع عن القضية العربيةوالفلسطينية ـ وأهدرت مواردها البشرية والمادية في سبيل ذلك بينما وقف كُثر من العرب يتفرجون !
** الشعب من أكثر الشعوب حبا لبلاده وإعتزازا به ـ لدرجة وصلت الشيفونية عند أقلية من المصريين !
** الشعب المصري مثل غيره ـ فيه الصالح والطالح وفي موروثه وتعاطيه بعض السلبيات وجود أخطاء لايجب الا يكون مدخلا للتنميط والتعميم !

يا يحي ود القبانية
أولا أنا ما عممت
قلت ما أعلم من خلال تعاملي وتجربتي
وتاني أنا ذاتي بتعامل معاهم كضحايا
لتطاول القهر عندهم
والمساكين لازمن يعيشوا
حتي الثورة التي قالوا أنها أراحتهم من حكم الإقطاع
(المسماة ثورة يوليو 1952)
تحولت هي الأخري إلي ديكتاتورية
وإقطاع
وبدلا من الباشوات التراكوة
بقنا عندهم باشوات كبار الضباط من شرطة وأمن وجيش
يعني من إقطاع لإقطاع
قبل عبد الناصر
كان عندهم ملكية دستورية
فيها ديمقراطية وأحزاب ومجلس نواب
وتقسيم سلطات
وحياة ثقافية ثرة
وحوار مجتمعي
(وأهم دلايله كتابات الحكيم والعقاد وطه حسين وخالد محمد خالد)
دا كله ضيعته ديكتاتورية عبد الناصر
حتي الرأسمالية الكانت بتنمو وئيدا في مصر
وماشة كويس
كسرها عبد الناصر بالتأميم والمصادرة
ليستبدلها برأسمالية الدولة
والتي هي أدني درجة من رأسمالية الرأسماليين
رأسمالية الدولة هي في الواقع إقطاع
من الخديوي (عبد الناصر ) لكبار البيروقراطيين
مدنيين كانوا أم عسكريين
(وقد أصابتنا العدوي في إنقلابي مايو ويونيو والذين دبرتهم المخابرات المصرية)

مساكين المصريين ضحايا القهر
(في كل تاريخهم نعموا بسنة واحدة حرية)
ما ناقم عليهم
لكن كمان ما تشكروهم بالكضب
خلوهم في حالهم

الأخ نصر سلام،

انت موش فاتح ليك بوست طويل عريض بعنوان (أنقذوا سجناء الرأي الحر في الشقيقة مصر: أربعون معتقلا يلقون حتفهم في شهر واحد...من التعذيب والإهمال )

يعنى الله يرضى عليك وضح لينا: المصريين ديل أشقاء ولا أعداء و لا ما عندهم ذوق ولا شنو؟ والخلاك حنين أوى عليهم شنو فى بوستك و بتلعن خاشهم هنا؟ عليك الله خليك موضوعى و متسق مع نفسك consistent فى هذا الأمر.

أما عن تبريرك الواهى بتاع يوهان جاد، هذا الشخص لو اتكلمت عن الواق الواق بجى يقول نفس كلامو ده وأى زول فى المنبر عارف الكلام ده.

ختاما لو عندك أجندة محددة تجاه الحكومة المصرية خليك واضح زى فرانكلى و اطرحها زى ما فى بوستك الفوق ده.

انور تاج السر

الكوزنة شرف لا ادعيه و تهمة لا انكرها
فيا ليتني كنت كوز ما دام اعداء الكيزان امثالك

البيدسدس الكيزان ام اعداء الكيزان ؟
الهرب و ترك الاوطان الكيزان ام اعداءهم
هو الكيزان بيتدسدسوا ؟؟؟

هههها خالد المبارك، أعصابك يا الكوز المظلل:)

قال شرف لا أدعيه؟؟!!

قلتا لى الهروب من الوطن؟؟؟ و مال كيزانك المغتربين و المهاجرين ديل شنو؟؟ و لا يا ربى يكونو فى مهمة رسالية، بق بق عليك الله تعال أفتى لينا فى دى:)

أحمد لك أخى خالد سحبك لى كلمة الرمم و بسرعة مما د فعنى أيضاً لسحب عبارة
(الغلط ما منك، من بكرى البدى حساب فى البورد لكل من هب و دب)

أيوا يا أنور تاج السر
النشرح ليك

Quote: ختاما لو عندك أجندة محددة تجاه الحكومة المصرية خليك واضح زى فرانكلى و اطرحها زى ما فى بوستك الفوق ده.

وخلينا نبدأ من هنا
أنا ضد الحكومة المصرية الحالية
وتقريبا كل الحكومات المصرية
ما عدا تلك التي إنتخبها الشعب المصري بحرية
وفي إنتخابات حرة نزيهة
الإنتخابات الحرة النزيهة
كانت الإنتخابات التي جاءت بمرسي رئيسا

مع إني مختلف مع الاخوان المسلمين فكرا ومنهجا
وضد فكرة الدولة الدينية بأي شكل جاءت
إلا أنني أحترم رأي الشعب المصري
وخياره الديمقراطي

كويس إنك أديتنا فرصة عشان نفرق ما بين الشعب والحكومة
فالشعب المصري مغلوب علي أمره
وضحية لقرون من الإضطهاد
من حكامه
المحليين منهم أو من جاءوا من وراء البحار والصحاري

والشعب المصري
حتي لو كنت مكجنه
(مع إنه ما مكجنه بل بالعكس بحن عليه)
فدا لا يعني أن أسكت علي أي إضطهاد يتعرض له
مثل تعذيب وقتل المخالفين في الرأي لسلطة ضباط الدولة العميقة
والتي يتزعمها السيسي

ودا موقف مبدئ مع حقوق الإنسان إينما كان
فحتي لو حصلت ثورة في السودان
وأقتلعت حكومة الكيزان الظلمة
ما حأوافق علي أي قتل ولا تعذيب يحصل ليهم
سأطالب حينها بالمحاكمات العادلة لحكام اليوم الظلمة

الحاصل إنه الحكومات المصرية
لم تتعامل مع السودان إلا كحديقة خلفيه
مواقع لإستيراد الذهب والعبيد
وفي بالنا الإستعمار التركي الجانا من مصر
يبحث عن الذهب لتمويل نهضة الحداثة
لمبتدرها محمد علي باشا
والعبيد لتعزيزجيشه المحارب في جبهات مختلفة
وفي بالنا طبعا
حملة الدفتردار الإنتقامية التي قتلت آلاف السودانيين
وكذلك حملة الفتح بعد المهدية
والتي جأءتنا من مصر برضو
وكرري وما أدراك ما الحكم الثنائي
المصري الإنجليزي

لكن لازم تفهم إنه حكام مصر ديل
ما بيحبوا شعبهم المصري بذات نفسه
بالنسبة ليهم صعيدي نوبي سوداني فلاح
كله واحد وكله تحت الجزمة
من زمن الفراعنة والذين قتلوا الآلاف منهم في بناء الإهرامات
وحتي عسكر السيسي الذين قتلوا الآلاف منهم في رابعة العدوية

فحنتضامن مع الشعب المصري حتي ينال حريته
ويبدأ بيني شخصيته المستقلة
بعيدا عن الخوف والقهر
وبعدها حتشوفوا الفهم والذوق والفن والحضارة
الما خمج

وفي كل الاحوال
السودان بلدنا وبنحميه من الإصدقاء قبل الأعداء
من أولاد العم قبل الإغراب
مصالحه أولا
ولو حصلت مصلحة مشتركة
فيا ألف مرحب بذلك
(يعني تفتكر الأسكتلديين الذين وافقوا بالأغلبية
للبقاء متحدين مع الأنجليز في بريطانيا العظمي
بيحبو الإنجليز؟؟؟؟ بيكرهوهم عمي )

شكراً الأخ نصر على الرد و التوضيح،

لو كنت قلت كلامك ده من الأول كان كفيتنا المساجلات دى، أنا قصدى و كما قال الأخوين يحى و كمال عباس لا للاساءة للشعوب، و حتى لو أساؤو لك ترفع يا أخى فنحن أمام مهمة عصيبة لكنس العدو المشترك للجميع و هو الكيزان.

مهدي عاكف (مرشد الأخوان المسلمين السابق)يصرح "طظ في مصر وأبو مصر وإللي في مصر" -
ا لجنسية هي الإسلام وياريت مسلمو ماليزيا يحكمونا!!
وعن إحتلال تركيا لبلده
"الأتراك كانوا دولة خلافة.. وكونها فاسدة لا يجعلها احتلالا"
مقتطفات

Quote: * الأتراك احتلوا مصر؟ - لا لم يكن احتلال. * لماذا لم يكن احتلالا؟ - هل ستزور التاريخ، سأحكي لك حكاية، "ياريت مسلمي ماليزيا يحكموا مصر"، والأتراك لم يكونوا محتلين، فاسمها دولة الخلافة وكونها دولة فاسدة فهذا ليس معناها احتلالا، فالمسلم لا يحتل مسلما، الاحتلال يكون من يهود. ........ * أنا مختلف مع سيادتك ويحكمني مصري وليس من أي مكان آخر؟ - طظ في مصر وأبو مصر واللي في مصر.

http://www.el-balad.com/174785/mhmd-mhdy-aakf-mrshd-ale.aspxhttp://www.el-balad.com/174785/mhmd-mhdy-aakf-mrshd-ale.aspx
,,,,,,,,,,,,,,

الأخ المحترم كمال عباس سلام،


كان كدى فرانكلى و غيرو ما عليهم لوم اذا كان أهل الجلد و الراس بقولو زى ده.

كتب الأخ نصر

Quote: مس والحضارة كلها مسروقة أو مفروضة عليهم بتوالي الغزوات والإستعمار الخارجي

هكذا وبكل قطعية وجزم مطلق يفيدنا الأخ نصر بأن حضارة شعب مصر كلها كلها مسروقة !
وهذا كلام غير علمي وغير موضوعي وفي تجني وأفتراء وتجني علي حقائق التاريخ ! فحقبة الحضارة الفرعونية والتي تعد من أعظم وأعمق وأثري حقب احضارة المصرية بل والحضارة
البشرية تعد منتج ومنجز مصري خالص تقريبا،، فلم تكن مصر وقتها تحت تأثيرا لغزوات والإستعمار الخارجي!
**أما حقب الإحتلال (الروماني ـ العربي ــ المملوكي ــ التركي ـ الفرنسي ثم الإنجليزي ) فكانت عهود تلاقح ثقافات وحضارات ـ وتأثير وتأثر بين الوافد الإستعماري والحضارة
والإرث المصري أي عملية جدلية وتفاعلية أفرزت مولودا ثقافيا جديدا تظهر عليه الجينات المصرية والمؤثرات الخارجية )
يقول

Quote: مساكين المصريين القمع المتراكم من آلاف السنين طلع منهم ناس مشوهين

يحاول نصر جاهدا التبرير لتوصيفاته القاسية للشعب المصري بإعتبارها نتاج للقمع والإحتلال وهنا نقول أن شعب السودان لم ينعم في العهود الوطنية سوي بأقل من عشرة أعوام ديموقراطية
والبقية قمع وإستعمار فهل أدي لأن نكون"مشوهين " وبلا فهم لا فهم ..ولا ذوق ..ولا فن ..ولا حضاره وفهلوجية !!
القمع والإحتلال تأثيره سالب ولكن ليس لدرجة أن يسلب الشعب من كل القيم والموروث ويجردا لشعب من كل ماهو جميل ويحوله لمسخ
....

الاخوه الاعزاء زوار البوست

لكم الشكر الجزيل للمرور واثراء البوست بالنقاش الثر وابداء وجهات النظر المختلفه

تقريبا اتفق معظمكم انو التعميم مخل... وكما ان هنالك عيوب يعلمها الجميع ايضا هنالك مزايا قد تكون مخفيه عن البعض ....

دعونا نسلط الضوء على الجانب المشرق فى شخصيه ( الفرد المصرى )

معلوم انه لا تبنى دوله حضاريه الا على سواعد بنيها


( ولا يغير الله ما بقوم حتى يغيروا ما بى انفسهم )

مصر دوله محترمه دوله عريقه لها ثقل اقليمى وعالمى ولها الرياده فى قياده العالم العربى والاسلامى وهذه حقيقه لا ينكرها الا مكابر

نأتى للشخصيه المصريه :

الشخص المصرى هو شخص بسيط سهل التعامل يحب الدعابه يملك ناصيه الكلم سريع البديهه مافى تأ تأه فى الكلام

المصرى دائما يجاوب بالايجاب ويستعمل كلمه ماشى وايضا فى نهايه اللقاء بيقول ليك عايز حاجه

قد يعتبر البعض هذا نوع من الاستهبال ولكن مهما يكون الكلمه الحلوه احسن من التجهم

المصرى يشتغل اى شئ ولا يتأفف ولا يستحى من اى عمل يستحمل الظروف الصعبه تجدهم فى الغربه وفى البرد القارس

واقفين فى عربات الهوت دوق حتى الساعات الاولى من الليل وهو اب لى اسره كبيره

عندهم ثقه فى النفس يقتحمون الصعاب حتى وان لم يكونو متسلحين لها

يحترمون المرأة ويونادونها بالست او الستات وانا هنا بتكلم بصفه عامه ولا استبعد ان يكون هناك امثله لا تحترم المرأة

الانسان المصرى بى طبعه غير ميال للعنف يعنى تجدهم دائما يهدؤون المواقف ولا يصعدونها calm the situation down

ونواصل

Quote: انتو زينب دي مصرية وللا سودانية؟

الرد على أحمد بن عوف فيما ذهب إليه من نظر وشوف!

في الأصل مصرائم وكوش ابنان لحام، هبط مصرائم بالكنانة وصعد كوش حيث السودان حتى شمال أسوان!
من الملاحظات الواضحة: أن الشخصية المصرية لا تشابه الشخصية العربية في كثير مثل الشعر، الأنف وتقاطيع الوجه.
من الملاحظات السلوكية : أن المصريين يمتازون بكرم خرافي حد الجنون ولكنه كشكرة، وهذا دليل على أن الكرم كان مؤصلاً فيه
ولكن عندما تغيرت الظروف المعيشية آثروا أن يحتفظوا بصورته وهنا ملتقى صفة بين ابني حام بن نوح بن آدم صيام!
ممكن واحد/ة يستلم المايك...

كل هذا التاريخ المشترك ألا توجد دراسات أكاديمية مؤسسة للمقارنة الاجتماعية والسيكولوجية والأنثربولوجية لشعب وادي النيل؟!
هناك مصالح أزلية مشتركة كيف يتم استثمارها ما لم تتوفر قاعدة معرفية متينة؟

Quote: طيب اذا واحد قال السودانيين ديل كلهم مجرد عبيد (علي حسب راي بعض الشعوب العربية) و دويلات كانت متفرقة لحدي ما جو العرب و وحدوهم و جو الانجليز و علموهم شعب فاشل و كل مقدساتو كانت كذبات كبيره (الثورة المهدية و السياسية مثلا) و شعب عصبي و عنصري و لحدي اسه ما كونو دولة محترمة برغم كل الامكانيات المتوفره شعب لحدي اسه فاشل سياسيا و اقتصاديا و اجتماعيا.

أورد ناصر أحمد الأمين وقد وفّى
التحية لصاحبة البوست والمرور الكريم

Quote: فالمصريين لا فهم ..ولا ذوق ..ولا فن ..ولا حضاره (وأضيف ليك من عندي no dignity and no integrity) بدل الفهم عندهم الفهلوة

فى البدايه التحيه لأختنا زينب
وبقول للأخ نصر بالتأكيد هذا هضمٌ بيِن للواقع الحضارى لمصر والمصريين.
سؤال
ما هى جنسية سيدنا موسى وسيدنا شعيب ؟
وما هى جنسية السيده هاجر أم العرب ؟
أذكر أستاذنا الكبير عبدالحميد العباسى الله يرحمه كان دائماً يردد علينا :-
مصر إن أحسنت
وأن هى أساءت
فهى مصر
شقيقة السودان .

مرحب بالاخوان ادم صيام و مولانا عبدالله عيدالله

هذه فقط امثله بسيطه والقائمه تطول

مصر: جائزة نوبل

الرئيس محمد انور السادات فى السلام

نجيب محفوظ فى الادب

احمد زويل فى العلوم

مصر: الجانب العلمى

مصطفى مشرفه فى العلوم

يحى المشد فى الذره

مصر: الشعر

احمد شوقى

حافظ ابراهيم

مصر : الامم المتحده

بطرس غالى

مصر : الكتاب والمفكريين

فرج فوده

نصر حامد ابو زيد

سيد القمنى

نوال السعداوى

مصر : الفن والموسيقى

كوكب الشرق ام كلثوم

الموسيقار عبد الوهاب

عبد الحليم حافظ

مصر:

الازهر الشريف

دار الاوبرا

قناة السويس

معبد فيله

وفوق كل هذا وذاك مصر دوله المواطنه للجميع ( 90 مواطن مصرى )

مرت بى مصر عدة ازمات ولم ينزل خط الفقر ولم تعلن مجاعه فى البلد

تستطيع ان تعيش بى عشره جنيه اوعشرين جنيه او الف جنيه

حااااضر

ما كنت أود أن أدخل في الجدل الدائر حول موضوع مصر و المصريين و ذلك لأن لي ‏رأيا لا يختلف عن الاراء التي قيلت. و لكني كنت اليوم أقرأ إحدى المدونات التي يكتبها ‏المصريين و هي ككثير من المدونات و المنتديات المصرية تفيض عذوبة و طرح لافكار ‏مبتكرة و بلغة تاسرك حتى في عامّيتها بالإضافة لجدية النقاش و جدية الموضوع. فتذهل ‏و أنت تقرأ لابتداع الجل و ابتكار العبارات( و دونكم كثير من المسلسلات و مفردات ‏الحياة اليومية). حقيقة المصريين في حياتهم اليومية و في كل محيط يوجدون فيه ‏يجعلون منه شيئا جميلا و طريفا و مبتكرا .هذا إذا نظرنا بعينٍ خالية من التحيّز.‏
أما لماذا لم أود أن أشارك في النقاش الدائر لأنني اعتبر نفسي ذي شهادة مجروحة فأنا ‏شاهد على عصرٍو على زمن جميل و شاهد على نوعية من الحياة عشتها في مصر و ‏تعرّفت على المصريين عن قرب. فعرفت فيهم شجاعة و روح جماعية و مروءة لذلك ‏كنت الوم نفسي عما كنت أحمله من فكرة و من ظلم لهم.‏
لا أنوي ان أقول المزيد أو أعلق إلا غذا وجدت أن هناك داعٍ.‏
و شكرا للأخت زينب لطرحها الموضوع. و أحيّها لجرأتها و شجاعتها.‏

الدولة الوحيدة التي يعيش فيها السوداني
بكل حريته ..وينعم فيها بكل الحقوق هي مصر..
قربنا من مصر يدعونا دائما للمقارنة بهم في كافة
المجالات..رياضة ، فن ، إعلام، سياسة..ألخ..
وعندما نرى البون الشاسع بيننا و بينهم ..نلجأ للتنفيس
على طريقة ..المصريين حرامية، مستهبلين، أغبياء، وغيرها
من الصفات التي تريحنا نفسيا..ولكنها لا تغير من حقيقة البون الشاسع بيننا و بينهم في أي مجال.
:
الذين يصفون الشعب المصري بكافة المثالب..
في تعميم متعمد..يتجاهلون حقيقة
واضحة..إذا كان يوجد في مصر 10 مليون
حرامي و نصاب و بلطجي ..فهم يساوون
فقط 10% من هذا الشعب المحترم.
تحياتي أخت زينب.

Quote: و اتحداكم ان تكونوا من خارج هذين الصنفين سسيبونا من السودانيين غير منصفين و السودانيين نظرتهم كيف و السودانيين حاسدين و افصحوا عن هوياتكم

وتتحدانا ليه يا خالد المبارك؟
لكل واحدٍ فينا قناعاته.
إنت زعلان ليه ؟

الاخت زينب لك تحياتي ...مصر عظيمة عبر التاريخ شاء من شاء وابي من ابي ........وحتما ساعود

خالد المبارك يا حبوب،

غالى و الطلب رخيص نديك الهوية، عايز الرقم الوطنى ولا الجواز ولا الاقامة؟؟؟!!


بس قبل ما نتفضل عليك بالمستندات أعلاه، شيل التظليل أو نزل القزاز عشان نشوفك مع اطلاعنا على بطاقتك الأمنية أو العسكرية.

Quote: هناك اصناف معينة او بالاحرى قبائل سودانية معينة تعشق المصريين حد الوله و يتمنون من صميم قلوبهم ان لو كانوا مصريين و هم معلومين لدينا و لا نريد الافصاح عنهم و الغريب انهم لا يفسح لهم المجال هناك و لا يعاملون بالمثل ودا بود على غرار الـ ك لـ ب بحب خناقو

الاخ خالد المبارك .. بعيد جدا عن (شخصنة) الموضوع
هل يمكن ان تطلق صفة ما علي شعب كاااامل (كماركة مسجلة)
يعني مثلا : هل كل المصريين سيئيين ؟؟ نصابين ؟؟ مستهبلين ؟؟
هل كل (الشوايقة) كما تذكرهم بعض النكات .. جلود و بخيلين؟
هل كل (الجعليين) رجال و شجعان و حمقي
هل كل الجنوبيين .. بلهاء
هل كل النوبيين (المحس و الدناقلة و االخ) ما بحبو فروض الدين وغير مبالين بها
هل كل ابناء الشرق العزيز ... كما توصفهم النكات بتاعة (ادروب سوي و ادروب عمل)

اطلاق صفة معينة علي شعب كامل .. دا في غاية السطحية و الجهل و كميات من العقد و الحقد.
________________________________
ياخي نحن منو زاتو عشان نقعد نقييم في اجناس خلقة الله!!
و جعلناكم شعوبا و قبائل لتعارفو ياخ

Quote: يا سلام .....احبكم يا مصريين يا فهم ..يا ذوق ..يا فن ..يا حضاره

ما تلك إلا عقدة نقض.....

اللهم يا شافي أشفي ...

يا ناصر

Quote: هل يمكن ان تطلق صفة ما علي شعب كاااامل (كماركة مسجلة) يعني مثلا : هل كل المصريين سيئيين ؟؟ نصابين ؟؟ مستهبلين ؟؟

طبعا دا خطأ
لكن
إطلاقة صفة ما علي شعب كامل
هو ما فعلته مبتدرة البوست
دا كان الفعل
وبراك شفت ردود الأفعال

ما فينا من شق مصر من أسوانها لدلتاها
وقابل وتحدث مع المصريين فردا فردا
لكن أخدنا عينة
من الذين قابلناهم
فما لقينا (في كاملهم) هذه الأوصاف
فخلونا نفك الجدال في أن نقول زي ما بتقول
المصريين فيهم وفيهم
زي ما في كل شعوب العالم

وللذين يخلطون بين مصر الرسمية
والمصريين
ليس بيننا وبين مصر الرسمية
(الطبقات المالكة والحكومة)
من ود مفقود
كفاية إتفاقية البقط
وإلزامنا بتصدير أبناءنا كرقيق لمصر
وكفانا حملة محمد علي لفتح السودان لأجل الرقيق والذهب
وكفانا حملة الدفترادار الإنتقامية
قنل الآلاف وبيع السودانيات في أسواق الرقيق في أمبابة
وكفانا مشاركتهم في إعادة فتح السودان وموقعة كرري
والإستعمار المصري الإنجليزي
كفانا معاهدة صدقي بيفن
وجئتكم والسودان في جيبي
كفانا الإنقلابات التي إفتعلوها فدمروا بها السودان
كفانا رفضهم لإقامة خزاني سنار والدمازين
ورفضهم لمشروعي الجزيرة والمناقل
ورفضهم الدائم لأي مشاريع تقوم في السودان
خوفا من إستهلاكنا لمياه النيل

مصر الرسمية
ليست هي اليد التي أطعمتنا ولا هي اليد التي علمتنا
هي اليد التي أذتنا

أها كما قبلنا اليد التي أذتنا
نطلع كعبين وأولاد حرام وناكرين جميل كمان؟؟؟؟

اخ نصر ازيك ياخ
عساك بخير

Quote: طبعا دا خطأ لكن إطلاقة صفة ما علي شعب كامل هو ما فعلته مبتدرة البوست دا كان الفعل وبراك شفت ردود الأفعال

لكين دايما اذا كان الصفة ايجابية يتبعها اعجاب من الشخص
دي بتبقي حاجة زي قصة هلال مريخ
انا مريخابي و بحب المريخ ... دي مثلا عند بعض الهلا لاب كفر عديل كدا
عكس لما اجي اقول (انا بكره الهلالاب لانهم رشاشات و ما عندهم اي كاس اقليمي وصفر دولي و .. الخ).
بالعكس انا متفق تماما مع مبتدرة البوست عندما عبرت عن شعورها الايجابي (الخاص) بشعب ما
و لأنو الشعب دا طلع (شعب مصر) .. الشغلانة دي حركت عند ناس كتير اتداخلو في البوست (بقعة تجارب او قصص راكدة)

و لو جينا علي (المناوشات) بين البلدين
دي حاجة مشتركة .. علي مر العصور و لن تنتهي طالما في سياسه فاسده بتقرر
بعانخي و تهراقا .. احتلو مصر و حكموها
الخليفة التعايشي رسل جيش بقيادة ود النجومي (لفتح) مصر
المك نمر غدر بي ولدهم و النتيجة كانت حملة الدفتردار
معركة كرري و خلافو .. في جنود و قبائل سودانية ايضا شاركت فيها ضد ظلم المهدية
و الخ الخ

دي ما اسباب يا نصر عشان نقول انو نحن بنكره شعب كامل لمجرد احداث تاريخية
اذا عمم شخص اخر سياسة (الانقاذ) كحكومة و نسب السؤ للسودانيين ... هل انت حا ترضي الكلام دا عليك؟
مثلا !!

عموما المسألة نسبية .. البحب مصر ليهو الحق يحبها و البكرهها برضو ليهو الحق الكامل
لكين التعميم علي الشعب .. دا ما عدل ابدا

Quote: ما تلك إلا عقدة نقض..... اللهم يا شافي أشفي ...

من وجهة نظري ان العكس هو الصحيح !!!



او (( رمتني بداءها وانسلت ))

مع حبي للجميع..

شعبنا الله يزيح كربته
له مقايس خاصه
واحده للحبش والارتيرين وكل الشعوب فى الشريط ، البتشبهنا الخالق الناطق
وكذلك الجبن والكراهيه لله ورسوله للمصرين
وحتى بين قبائل الشمال نفسه هنالك مقايس
قصتنا طويله وعريضه بدات من الداخل فى ،بعضنا ، لا حدى مافشلنا
فى تكوين نسيج قومى وهويه تلفنا بدل البلاء اللافينا هذا .
حتى العرب المشبكين فوقم ديل برضو عندنا مقايس ليهم
شعب همباتى الثقافه ، يظن لاحد مثله ونحنا مسجمين ومرمدين
مابنقدر نعترف بنجاحات الغير
مابنقدر نعترف بفشلنا
غايتو ربنا يهدينا

يا ناصر

Quote: دي ما اسباب يا نصر عشان نقول انو نحن بنكره شعب كامل لمجرد احداث تاريخية

أنا شخصيا ما قلت لا تصريحا ولا تلميحا بأنني بكره كامل ولا حتي بعض الشعب المصري
وقلنا فرقوا لينا بين مصر الرسمية والشعب المصري
الشعب المصري هو رخر غلبان ومظلوم ومضطهد
(زمان الحكومة المصرية كان بتعيين السودانيين في سلاح الهجانة لتأديب المصريين )
الشعب المصري مجهل عمدا ومع سبق الإصرار
ولكن ما أن يثور للمرة الأخيرة
ويبني ديمقراطيته (الحرة النزيهة، ما حقت العسكر الديكتاتوريين أم 99 في المية)
وينال حريته
فنحن موعودون بإبداع حقيقي

وحتي ذلك فسنظل نتضامن مع الشعب المصري
وناخد حذرنا من مصر الرسمية
والتي لا تريد لا أي خير في هذه الدنيا

Quote: وقلنا فرقوا لينا بين مصر الرسمية والشعب المصري الشعب المصري هو رخر غلبان ومظلوم ومضطهد

كلامك حلو جدا ... و انا ما شايف اني مختلف معاك ابدا في الحته دي
الموقف الرسمي المصري .. و لاسباب سياسية و اقتصادية
دائما بنظر (بأستعلاء) و يد طولي و صياغة اجندات خفية للسودان
او محيط مصر الجنوبي كما يسميه بعض الساسة و المثقفين المصريين.


كلام سليم .. متفق تماما مع وجهة نظرك


شكرا نصر

Quote: شعبنا الله يزيح كربته له مقايس خاصه واحده للحبش والارتيرين وكل الشعوب فى الشريط ، البتشبهنا الخالق الناطق وكذلك الجبن والكراهيه لله ورسوله للمصرين وحتى بين قبائل الشمال نفسه هنالك مقايس قصتنا طويله وعريضه بدات من الداخل فى ،بعضنا ، لا حدى مافشلنا فى تكوين نسيج قومى وهويه تلفنا بدل البلاء اللافينا هذا . حتى العرب المشبكين فوقم ديل برضو عندنا مقايس ليهم شعب همباتى الثقافه ، يظن لاحد مثله ونحنا مسجمين ومرمدين مابنقدر نعترف بنجاحات الغير مابنقدر نعترف بفشلنا غايتو ربنا يهدينا

سلام يا مولانا دهب
اوجزت ما كنت اريد ان اضيفة
تحياتي

مشكلتنا اننا شعب عاطفي
نتعامل مع الاخر اما
بالحب او الكراهية
ودا غلط

المصريين ديل بالذات يتعاملون معنا بمبدا المصالح
وليس العاطفة

ولذلك علاقتنا معهم ومع غبرهم يجب تكون وفق مصالحنا الوطنية والشخصية
كل شئ بمقابل
ولذلك لو تتابع كل تعاملاتنا معهم نحن الطرف الخاسر

الأخ نصر سلام،

أنت فى هذا البوست ومنذ البداية تشكو مر الشكوى من المصريين نتيجة غباين متراكمة مما فعلوه بالسودان عبر أكثر من قرن كما عددت.

السؤال هنا: عندما فعل المصريين كل هذا بالسودان، وين كانو السودانيين، هل كانو قصراً، أم عاجزين؟ و وين كان قادة السودان و نخبه من هذا سواء فى الماضى أو حتى هذه اللحظة؟

هناك دول و شعوب كثيرة تعرضت من دول أقوى منها سابقاً لأقسى مما تعرض له السودان من مصر و غيرها بالاف المرات، و لكن هذه الدول نهضت و اضحت أقوى من الامم التى اضطهدتها و لم يفكرو فى الماضى أو سب هذه الامم او الانتقام منها. هذا عصر اصلاح النفس و النظر الى الأمام و ليس اجترار الماضى و التباكى على ما جرى.

حذف للتكرار

Quote: على غرار الـ ك لـ ب بحب خناقو تجدهم لا يراوحون مكانهم في حراسة ابواب الفلل و العمارات و تقديم الشاي للفراعنة و رغم ذلك لا يسمحون لك بالحديث عن اسيادهم و لا يرضون اي كلمة في حقهم و الصنف الثاني من السودانيين المدافعين عن المصريين هم اولئك العالقون و لسنين طويلة ما بين دول المهجر و سفارات تلك الدول في مصر و هم معلومين ايضا

الكلام ده ما في صالحك صدقني
وعليك الاعتذار

Quote: هناك دول و شعوب كثيرة تعرضت من دول أقوى منها سابقاً لأقسى مما تعرض له السودان من مصر و غيرها بالاف المرات، و لكن هذه الدول نهضت و اضحت أقوى من الامم التى اضطهدتها و لم يفكرو فى الماضى أو سب هذه الامم او الانتقام منها. هذا عصر اصلاح النفس و النظر الى الأمام و ليس اجترار الماضى و التباكى على ما جرى.

دا تلخيص لي حل الازمة (الذاتية) .. بالجد
شكرا اخي انور

تسلم أخى ناصر،

و الله الواحد كان متمنى لو أى جهد بذلو فى المهجر قدر يبذل نصو فى السودان و لكن هيهات، أذا ما كسبنا وقتنا و واجهنا أنفسنا و قومناها يانا الفاضلين فى الحال ده الى ما شاء الله.

كتب الأخ نصر

Quote: ما عدا قلة قليلة فالمصريين لا فهم ..ولا ذوق ..ولا فن ..ولا حضاره (وأضيف ليك من عندي no dignity and no integrity) بدل الفهم عندهم الفهلوة (كدي شوفي فيديوهات ما تفتيش في يوتيوب) بدل الذوق هاك الدهنسة في شوية فن (نقلا عن هوليوود والسينما المكسيكية والهندية)

Quote: م والحضارة كلها مسروقة أو مفروضة عليهم بتوالي الغزوات والإستعمار الخارجي

الزعم بأن حضارة الشعب المصري بلا حضارة أو أن حضارته كلها مسروقة (كهذا ) أو أو مفروضة عليهم بتوالي الغزوات والإستعمار الخارج فيه إهانة بالغة وإستحقار لا متناهي بالشعب المصري هذا علاوة علي أنه مغالطة لحقائق التاريخ!
كف عن إهانة الشعب المصري و إنكار منجزاته ثم تباكي بعدها علي عدم تمتعه بالديموقراطية!
** القول بأن المصريين )ما عدا قلة قليلة )بلا كرامة ولا integrity إضافة جديدة لسيل الإهانات الأغلبية العظمي من شعب مصر بلا افهم ..ولا ذوق ..ولا فن !!
** لن تجد مطالبة بإعتذار لشخص مجد شعب أو ضخم مكانته ستجد من يختلف مع ذلك وينقده ولكنك ستجد مليون شخصك يدين إهانتك للشعب ويطالبك بالإعتذار
** أما إختلافك ونقدك لمصر الرسمية -( حكومات ونخب وجهاز دولة) فهذا أمر مشروع وفيه كثيرا من الحقائق !

سلام يا زينب و الضيوف الكرام
انا عندي احساس انوا البوست دا محاولة للرد علي الهجمات المسعورة من الاخ فرانكلي الفكا جمهورية الموز -علي حد تعبيره- و اتعلق في مصر

الحق انو المصريين هم الوحيدين الحاربو اسرائيل بشرف و اتفقو معاها برضو بشرف. حاربو في 48 و 56 و 67 و 73

لا صدام حسين الجعجاع و لا الثعلب المكار حافظ الاسد و لا العميل حسين بتاع الاردن و لا حريم الحرمين الشريفين البيلعنو اسرائيل بالنهار و يجتمعو مع رجالات الموساد بالليل للتامر ضد ايران ما فيهم واحد فك طلقة واحدة في اتجاه اسرائيل

لكن يا قباني المصريين دقسو دقسه العمر في تفريطهم في ديمقراطيتهم و ازاحتهم لاخوان الشيطان زي ما قلت بدبابة العسكر و دا الحارق رز فرانكلي ههههههههه

الأخت زين..سلامات

سأحكى لك عن المصريين هنا فى قطر وحدث مع أبناء شقيقتى..

إبنة أختى الصغرى كانت بارعة فى الجمباز وتميزت عن أقرانها مادفع بإدارة المدرسة لترشيحها

للدخول فى منافسة آسيوية بإسم قطر...ولسوء حظها تم تعيين مدرسة رياضة مصرية..وكان أول قرار

إتخذته هو إبعاد إبنة شقيقتى رغم إحتجاج المدرسات القطريات والمرشدة التربيوية..واحد

فى جامعة قطر يقام سنويا نشاطا للجاليات.. وكان يحدث عندما يأتى دور الجالية(طلبة) السوداني

للعرض..يحدث تشويش متعمد فى الصوت وتخسر الجالية السودانية..تكرر ذلك مرتين وعندما إحتج

الطلبة السودانيين تم تغيير المسئولة عن الصوت(وكانت مصرية) عندها فازت الجالية السوداني بالعرض

الطلاب فازوا والطالبات فازن..إثنين..

إبن شقيقتى الأصغر حكى لى بأن أحد المدرسين ظل يستقصده فى المدرسة ومرة ضربه وسبه وسب

جميع الطلبة من غير المصريين(كان مصريا) واحتج الطلاب وشكوه كذا مرة...ولأن مدير المدرسة

كان مصريا لم يردعه حتى تم إنهاء تعاقده..ثلاثة....وماخفى أعظم... ما رأيك


دا غير ما يحدث منهم فى أماكن العمل تجاه السودانيين الذين يردعونهم بشدة ..وأنا واحد منهم

بوست اسقط القناع عن المنبطحين عديمي الغيرة


و انا أسأل نفسي ليه ياربي الشعب السوداني ده ما انتفض و لا قال اي حاجة بخصوص حلايب و شلاتين
اتاري هي مقدودة و فارغة

طبعا انا مصر اصرار انو في نوعية من البشر لو المصريين عملو ما عملو فيهم ما حيقولو كعبين

ضحايا متلازمة ستوكهولم
كارهي ذواتهم
الدونيين
طبعا ديل تربية مسلسلات و افلام مصرية و ليهم حق ما يقبلو في اسيادهم اي كلام

يا جماعة لو سمحتوا العارف ليهو منابر مصرية أوعربية أخري زي منبرنا ده يدينا روابط .. المنبر ده بقي راكد .. وعاوزين نشوف الناس دي بتقول في شنو ..

Quote: كفاية إتفاقية البقط وإلزامنا بتصدير أبناءنا كرقيق لمصر [/b

الأخ نصر
تحياتى

يا زول مالك؟ معقولة بس عشان ترص ليك حجج، ترص إنفاقية (البقط) وكأنها إتفاقية مصرية ــ نوبية ؟!!

بعدين ياخ كلامك بتاع ست البوست عممت بأنها شكرت كل المصريين، لتعلل أن تعليقاتك لتبين لها غير ذلك
دا كلام ما عنده معنى، وفرق بين تعمم أوصاف جميلة لشعب وما بين تعمم صفات سيئة عن شعب ..
هسة من حالتين ثلاثة عن أمانة أو شهامة سودانيين (الراعى الأمين)، وبعض ججيج سوانيين، السعوديين
كتبوا معلقات عن أمانة وشهامة كل السودانيين (تعميم)، ولكن لا يمكن أن يعمموا خصال سيئة على كب
شعب السودان، وأكيد لديهم حالات بل وبعض السودانيين فى سجونهم لأسباب منها خيانة الأمانة والسرقة
والإحتيال وغيرها من الموبقات!

للأسف لم تعط صاحبة البوست فرصة لتعرض ما تود عرضه، وتحتفى بالشعب المصرى ، لقد كنت متلهفا
ومتسرعا بأن تتداخل مبكراً لتحرف مجرى البوست وما أ سهل لواكة أسطوانات وكلام وحكاوى وتجارب
محدودة لتعميم لتنميط سالب لشعب مصر .. ورغم أننا كسودانيين إنتشرنا فى العالم ولكن مازلنا أو قل
ما زال بعضنا عايشين فى وهمة السودانيين أحسن من غيرهم .. بينما الغربة كانت محكا كشف الكثير من
المساوئ عند السودانيين .. وأنهم مثلهم مثل أى شعب فيهم الحسن وفيهم السئ. يذكرنى ذلك بأحد المغتربين
معروف فى أمدرمان بأنه رجل ساخر لاذع فى تعليقاته، سألوه عن الغربة فقال:
(الغربة لمتنا بى سودانيين الواحد لو دخلوه سجن ما بلاقيهم.)
ولو تجولت فى الإنترنت فى المواقع العربية المحتلفة لشعوب من المحيط للخليج ستجدهم فى كتاباتهم
عن أنفسهم وعن شعوب أخرى خيراً منا بملايين المرات،. تأتى أنت بنموذج لأحد المصريين كتب سلبا
عن السودانيين، بينما تنسى ولا تجد حرجاً فيما كتبته أنت ومثلك كثر من سودانين بدون أى حرج يقولون
ويكتبون سلباً عن مصر وشعبها فى تعميم مخل!!!!

أما الكلام عن التفريق بين مصر الحكومية ومصر الشعبية فأيضا هذا كلام والسلام .. فحكومة أى بلد تعمل
لمصالح بلدها وأكيد تراعى لمصالجها سواء فى دول الجوار وغيرها. السودان فى أزمنة مختلفة جهاز إستخباراته
كان له دوركبير فى قلب نظام الحكم فى أثيوبيا ، وكان للسودان دور فى دعم ثوار إرتريا وفصلها عن أثيوبيا ،
وفى دعم ثوار ليبيا وإسقاط نظامم القذافى، أثيوبيا وكينيا ويوغندا ساعدت حركة قرنق العسكرية ضد ثلاث
أنظمة حكم بالسودان من ضمنها الديمقراطية االثالثة ، أمريكا مثال آخر من على البعد تتدخل ووتتحرك من
أجل مصالحها ومصالح حلفائها، ومثلها دول كبرى بأوربا، فمصر ليست نشاذ بل وتكون دولة عشوائية إن
لم تفكر فى مصالحها خاصة المتعلقة بالنيل والمياه وغيرها فى العمق الجنوبى.

أما مصر حكومة وشعبا فدورها الطلعى والقيادى فى المنطقة لا ينكره إلا مكابر .. وقدمت للدول العربية
وللسودان بالذات الكثير .. ولها إعتبار ووزن سياسى فى المنطقة يتعامل على أساسه أصحاب القرار العالمى.
العرب خير منا خاصة عرب دول الخليج العربى حيث يعترفون بفضل مصر عليهم لأن من صفات شعوب
هذه الدول أنهم يحفظون الجميل بينما هذه الخصلة يبدو غير متوفره لدى كثير من السودانيين، فالسودانيين
ناس (يوم شكرك ما جا)!

Quote: الذين يصفون الشعب المصري بكافة المثالب.. في تعميم متعمد..يتجاهلون حقيقة واضحة..إذا كان يوجد في مصر 10 مليون حرامي و نصاب و بلطجي ..فهم يساوون فقط 10% من هذا الشعب المحترم. تحياتي أخت زينب.

أتفق مع أخي محمد محمود في المقتبس أعلاه
عموماً في هذا المنبر توجد ظواهر غريبة فمثلاً إذا عرّض أحد المشاركين بدولة خليجية نجد الكثيرين يتداخلوا من منطلق أن مثل هذه المقولات السالبة في شأن الدولة الخليجية التعريض بمصالح السودانيين الذين يعملون لديها و عادةً عددهم في أحسن الفروض لا يتجاوز المليون و لكن عندما يكون الكلام عن مصر فليس هنالك حرج رغماً عن وجود أكثر من سبعة مليون سوداني يعيشون و يعملون و يدرسون في أرض الكنانة. أمر آخر هو الطريقة الفجة لاستدعاء الوقائع التاريخية لظلم الدولة المصرية للسودان مثل اغراق حلفا و حلايب و غيرها و التناسي المتعمد لدور الحكومات السودانية و هو السبب الرئيسي في تلك الفواجع و ليست مصر. أخيرا رحم الله أمرءاً عرف قدر نفسه فمن نحن حتى نقيم المصريين أو أى شعباً آخر على الأقل فلنمتلك الشجاعة لتقييم أنفسنا تقييماً حقيقياً و نعالج مثالبنا الكثيرة و من بعدها يمكننا تقييم الآخرين.
تحياتي أختي الكريمة زينب و أخي العزيز محمد محمود و كل ضيوف البوست الكرام

Muneer

انا عارف انو كلامك ده فيهو تورية لكن ما قدرت استخلص الفهم شنو - يبدو ان المعنى القريب و البعيد هنا بالتحديد قاعدين في غرفة واحدة فتشابه البقر علينا

فااااا شنو

افصح ياهذا و ابن

Quote: يا جماعة لو سمحتوا العارف ليهو منابر مصرية أوعربية أخري زي منبرنا ده يدينا روابط .. المنبر ده بقي راكد .. وعاوزين نشوف الناس دي بتقول في شنو ..

الأخ خالد المبارك .. ما تسرح بعيد ياخي .. أخد كلامي في ظاهره البسيط .. فقط أنا أبحث عن منابر نقاش مصرية أو عربية زي سودانيزأون لاين ... وسألت عن روابط links لتلك المنابر .. التورية وين هنا؟ بالغت والله ..

التحيه للجميع

وجزيل الشكر لكل من شارك فى هذا البوست سواء اتفق او اختلف معنا فجميع المشاركات قد اسهمت فى اثراء النقاش

واستميحكم عذرا فى التعليق على بعض الاخوان ................

كتب الاخ عزالدين ادرس محمد

Quote: هم ينظرون للجميع بدونية وباحساس هم الافضل بين العرب وانهم اهل حضارة ولكنهم تتعاملون معنا بدون عنصرية هنالك دولتين تتعامل معنا بدون عنصرية هما مصر والمغرب فقط

فعلا ملاحظتك صحيحه المصريين عندهم نفخه واحساس بانهم الاحسن ولكن بتحصل ليهم وزنه سريع وهذا يعتمد على الطرف الاخر ومقدرته على تنفيس هذه النفخه

ومن الاشياء الجميله فى المصريين انهم بعترفوا بالخطاء على طول وما بتأخذهم العزه بالاثم و طوالى يقولوا ليك حقك عليا وبستعملوا عبارات حلوه وجميله لى تلطيف الجو


استاذى العزيز يوسف الموصلى

لك منى اسمى ايات الشكر والتقدير لى مرورك الذى اسعدنى

كتب الاخ الصديق يحى قبانى

Quote: شعب ازاح اخوان الشيطان في عامين و الذي فشلنا نحن في عمله في 26 عاما ...

هذه هى النقطه الجوهريه التى احاول التركيز عليها وهى مقدرت الفرد المصرى فى المقدره على تحليل الواقع وبعد النظر فى قرأة الاحداث
ثم العزيمه والثقه فى النفس والتنظيم مع بعض ( يعضعوا ايدنهم فوق بعض ) والمضى قدما فى حل المشكله و تغير الواقع

الاخ كمال عباس

تقديرى ليك بلا حدود وشكرا على صبرك فى تفنيد الحجه بالحجه

الاعزاء

انور تاج السر ..وناصر احمد الامين... لقد عبارتما عنى بى احسن مما استطيع لكم جزيل الشكر

كتب الاخ محمد عبدالله الحسين :

Quote: لكني كنت اليوم أقرأ إحدى المدونات التي يكتبها ‏المصريين و هي ككثير من المدونات و المنتديات المصرية تفيض عذوبة و طرح لافكار ‏مبتكرة و بلغة تاسرك حتى في عامّيتها بالإضافة لجدية النقاش و جدية الموضوع. فتذهل ‏و أنت تقرأ لابتداع الجل و ابتكار العبارات( و دونكم كثير من المسلسلات و مفردات ‏الحياة اليومية). حقيقة المصريين في حياتهم اليومية و في كل محيط يوجدون فيه ‏يجعلون منه شيئا جميلا و طريفا و مبتكر

بالظبط يا محمد عبدالله الحسين.... المصرى يكون معك فى اى مكان تحس بى حيويه وجمال ولطف

كتب الاخ العزيز محمد محمود محمد :

Quote: الذين يصفون الشعب المصري بكافة المثالب.. في تعميم متعمد..يتجاهلون حقيقة واضحة..إذا كان يوجد في مصر 10 مليون حرامي و نصاب و بلطجي ..فهم يساوون فقط 10% من هذا الشعب المحترم.

كلامك دا ذكرنى قبل ايام فى الفيس بوك واحد اتهم مصرى قال ليه انتوا يا مصريين ما بتحبوا الشيعه وحرقتوا الحسنيات وفعلتوا وتركتوا
المصرى قال ليه المساله نسبيه يعنى لو بس 10% من الشعب المصرى عملوا كدا عددهم بيكون 9 مليون


الاخ الكريم ازهرى طه شكرا على المرور وفى انتظارك


كتب الاخ عمر دهب :

Quote: شعبنا الله يزيح كربته له مقايس خاصه واحده للحبش والارتيرين وكل الشعوب فى الشريط ، البتشبهنا الخالق الناطق وكذلك الجبن والكراهيه لله ورسوله للمصرين وحتى بين قبائل الشمال نفسه هنالك مقايس قصتنا طويله وعريضه بدات من الداخل فى ،بعضنا ، لا حدى مافشلنا فى تكوين نسيج قومى وهويه تلفنا بدل البلاء اللافينا هذا . حتى العرب المشبكين فوقم ديل برضو عندنا مقايس ليهم شعب همباتى الثقافه ، يظن لاحد مثله ونحنا مسجمين ومرمدين مابنقدر نعترف بنجاحات الغير مابنقدر نعترف بفشلنا غايتو ربنا يهدينا

لقد اصبت كبد الحقيقه اخى الكريم عمر دهب

الاخ حاتم الهوارى

Quote: مشكلتنا اننا شعب عاطفي نتعامل مع الاخر اما بالحب او الكراهية ودا غلط

فعلا يا حاتم نحن شعب عاطفى التفكير

شكرا الاخ ناصر جامع على المرور الكريم
ولكن اسمح لى بالاختلاف معك فى المقتبس ادناه:

Quote: لكن يا قباني المصريين دقسو دقسه العمر في تفريطهم في ديمقراطيتهم و ازاحتهم لاخوان الشيطان

كيف تصفهم بى اخوان الشيطان وتفتكر ازاحتهم " دقسه " هل الديمقراطيه اهم من الانسان بمعنى هل الديمقراطيه عجل مقدس يعبد لى ذاته
ام صناديق الاختراع هى فقط الخطوه الاولى فى الديمقراطيه ...هلتر اتى عن طريق الانتخاب وانظر ماذا فعل

الاخ شمس الدين ساتى تحياتى
ما حدث لى ابناء شقيقتك شئ مؤسف ولكن تبقى هى تصرفات فرديه التى يجب ان تواجه بالحزم

Quote: بوست اسقط القناع عن المنبطحين عديمي الغيرة و انا أسأل نفسي ليه ياربي الشعب السوداني ده ما انتفض و لا قال اي حاجة بخصوص حلايب و شلاتين اتاري هي مقدودة و فارغة طبعا انا مصر اصرار انو في نوعية من البشر لو المصريين عملو ما عملو فيهم ما حيقولو كعبين ضحايا متلازمة ستوكهولم كارهي ذواتهم الدونيين طبعا ديل تربية مسلسلات و افلام مصرية و ليهم حق ما يقبلو في اسيادهم اي كلام

خالد المبارك

ايه الالق المتدفق هذا ....كلام يوزن بى ميزان الذهب

.

Quote: خيرا رحم الله أمرءاً عرف قدر نفسه فمن نحن حتى نقيم المصريين أو أى شعباً آخر على الأقل فلنمتلك الشجاعة لتقييم أنفسنا تقييماً حقيقياً و نعالج مثالبنا الكثيرة و من بعدها يمكننا تقييم الآخرين.

الاخ الكريم وليد الشيخ :

مشكلتنا يا اخى وليد كما قلت انت لا نملك الشجاعه لى تقييم انفسنا و كل من حاول ان يتحدث عن الشخصيه السودانيه وطريقه تفكيرها تعرض لى هجوم عنيف
يعنى يا تشكرهم يا تسكت

Quote: بعدين ياخ كلامك بتاع ست البوست عممت بأنها شكرت كل المصريين، لتعلل أن تعليقاتك لتبين لها غير ذلك دا كلام ما عنده معنى، وفرق بين تعمم أوصاف جميلة لشعب وما بين تعمم صفات سيئة عن شعب .. هسة من حالتين ثلاثة عن أمانة أو شهامة سودانيين (الراعى الأمين)، وبعض ججيج سوانيين، السعوديين كتبوا معلقات عن أمانة وشهامة كل السودانيين (تعميم)، ولكن لا يمكن أن يعمموا خصال سيئة على كب شعب السودان، وأكيد لديهم حالات بل وبعض السودانيين فى سجونهم لأسباب منها خيانة الأمانة والسرقة والإحتيال وغيرها من الموبقات!

شكرا الاخ نادر الفضلى كفيت ووفيت

غايتوا انا اصبت بهاء السكت عندما قرات تعليق الاخ نصر بأنى عممت الشكر !!!كانها جريمه يعنى

Quote: ومن الاشياء الجميله فى المصريين انهم بعترفوا بالخطاء على طول وما بتأخذهم العزه بالاثم و طوالى يقولوا ليك حقك عليا وبستعملوا عبارات حلوه وجميله لى تلطيف الجو

على الرغم من إعتراف تنظيم الدولة الإسلامية بجرم الطائرة الروسية....
وتقارير أجهزة التخابر العالمية بحدوث عمل إرهابى....
نجد الإعلام المصرى وكل المسؤولين من السيسى وتحت
ينكرون وينفون ويكذبون فرضية العمل الإرهابى
ويغالطون حتى انفسهم.
كذبهم فضحهم وسحب ثقة الدول الغربية فى مصداقيتهم
لذلك يحدث ما يحدث الآن من وقف رحلات ومنع طيرانهم
من دخول أجواء روسيا وقريباً سوف تتبع بعض الدول ذات العلاقة....

عموماً ندعو لإنسان مصر .....فحضارته تحتضر فى هذه الأيام

مصر هى الاساس .... والاخوان يدوهم بالمداس ...لانهم كذابيين خلاص

التحية للاخت زينب و زوارها
المصريين هم الوحيدين يمازحون اطفالنا بصدق
وكلمة اسمر عجز العرب ان يأتوا بها
وصيتي : تعلموا حب الآخر

الخرطوم تطالب القاهرة بإيقاف تفتيش واحتجاز السودانيين
الخرطوم: الرأي العام
بعثت سفارة السودان في القاهرة بمذكرة إلى وزارة الخارجية المصرية تحتج فيها على تعرض
السودانيين المَوجودين بمصر الى مُعاملة سيئة من قبل الشرطة والأمن الوطني الأمر الذي اعتبرته
السفارة السودانية أمراً غير مقبول، وقالت المذكرة المعنونة لمكتب نائب مساعد الوزير لشؤون الأجانب
والتصديقات بالخارجية المصرية انها سبق وأن أرسلت مذكرة في وقت سابق ولم تتلق رداً حتى الآن، مشيرة
الى أنّ الحملات الخاصة بتفتيش السودانيين واحتجازهم قد تزايدت بشكل ملحوظ، وقالت المذكرة إن البلاغات
والمعلومات التي تصل للسفارة السودانية أفادت بتعرض السودانيين في مصر وخاصة القاهرة إلى معاملة سيئة
من قبل الشرطة والأمن المصرييْن (وهذا أمر غير مقبول بالنظر للعلاقات التي تربط بين البلدين والاتفاقيات
المُبرمة بينهما وخاصةً اتفاقية الحريات الأربع)، وأعربت السفارة عن أملها في أن يجد الأمر الاهتمام اللازم
من جهة الاختصاص، كما يحدوها الأمل في أن تتلقى ما يفيد بصدور التعليمات بالتحقيق في تلك المُمارسات والإجراءات ووقفها فوراً.

Quote: الخرطوم تطالب القاهرة بإيقاف تفتيش واحتجاز السودانيين الخرطوم: الرأي العام بعثت سفارة السودان في القاهرة بمذكرة إلى وزارة الخارجية المصرية تحتج فيها على تعرض السودانيين المَوجودين بمصر الى مُعاملة سيئة من قبل الشرطة والأمن الوطني الأمر الذي اعتبرته السفارة السودانية أمراً غير مقبول، وقالت المذكرة المعنونة لمكتب نائب مساعد الوزير لشؤون الأجانب والتصديقات بالخارجية المصرية انها سبق وأن أرسلت مذكرة في وقت سابق ولم تتلق رداً حتى الآن، مشيرة الى أنّ الحملات الخاصة بتفتيش السودانيين واحتجازهم قد تزايدت بشكل ملحوظ، وقالت المذكرة إن البلاغات والمعلومات التي تصل للسفارة السودانية أفادت بتعرض السودانيين في مصر وخاصة القاهرة إلى معاملة سيئة من قبل الشرطة والأمن المصرييْن (وهذا أمر غير مقبول بالنظر للعلاقات التي تربط بين البلدين والاتفاقيات المُبرمة بينهما وخاصةً اتفاقية الحريات الأربع)، وأعربت السفارة عن أملها في أن يجد الأمر الاهتمام اللازم من جهة الاختصاص، كما يحدوها الأمل في أن تتلقى ما يفيد بصدور التعليمات بالتحقيق في تلك المُمارسات والإجراءات ووقفها فوراً.

قول ليهم يا طلحة و وريهم حقيقتهم على مرآة الواقع عشان نشوف من الذي يسيء الى الاخر
المصريين على الدوام كانوا يتعاملون معنا بهذا الاذلال مع اننا بنحترمهم في وطننا
لكن لما يلقو السودانيين بيعاملوهم بهدا الاحترام بيفتكروا اننا خايفين منهم و انهم كاسرين عيننا و ليهم حق مادام نسبة المطبلاتية الموجودين بيننا بهذه الضخامة
ليهم حق يعملو العايزينو و اكثر

Quote: المصريين على الدوام كانوا يتعاملون معنا بهذا الاذلال مع اننا بنحترمهم في وطننا لكن لما يلقو السودانيين بيعاملوهم بهدا الاحترام بيفتكروا اننا خايفين منهم و انهم كاسرين عيننا و ليهم حق

نعم يا خالد المبارك المصريون كاسرين عينكم من يوم فضح الترابى النظام الحاكم فى برنامج العين الثالثة فى قناة العربية فى تسعينات القرن الماضى وذكر بالحرف الواحد بأن :
1- على عثمان طه .
2- نافع على نافع .

هم من قاموا بالتخفطيط فى اغتيال حسنى مبارك فى اديس ابابا فى عام 1995م وانهم قد اخبروه شخصياً بالقصة قبل وقوعها بايام قليلة . وماتبع ذلك من ضم حسن مبارك
لمثلث حلايب وشلاتين وبقوة عين عديييييييييييييييييييييل كده - ثم كسرة العين الحقيقية فى ارسال 5 الاف راس من الضان والبقر الى مصر وكثير من الشعب السودانى لايجد
قوت يومه ثم الكارثة الكبرى فى تكريم المنتخب المصرى مرتين فى الخرطوم واهداء سيارة لكل لاعب فى المنتخب المصرى ..
نعم ياخالد المبارك المصريين بيفتكروا ان النظام الحاكم فى الخرطوم خايف منهم وانهم كاسرين عينكم .
بالله فى كسر عين وذلة اكثر من كدا يا ناس ..

الآن اتضح مغزى البوست وهو انه بوست سياسي يعنى بتشكير المصريين في الخريف لأنهم ازاحوا الاخوان
دا خلط وتخليط ضار
نحن ضد الاخوان قلبا وقالبا وعندما فاز مرسي حزنت على مصر جدا وكنت اقول لزملائنا المصريين حتشوفوا ايام سودا من تجار الدين هؤلاء
لكن كمبدأ بالإيمان بالديمقراطية لا يمكن ان نؤيد انقلاب السيسي
فالمبادئ لا تتجزأ ولا يمكن لمن يعارض البشير الانقلابي الديكتاتوري ان يؤيد السيسي الانقلابي الديكتاتوري
واعتقد ان مداخلات وبوست الاخ نصر كافية ووافية في هذه النقطة
لكن دا كله كوم وتحليل الشخصية المصرية كوم براه
المصرييون ما احنا بس البنبذهم في شبه اجماع عربي وربما عالمي في النظر للمصري
وما ناتج عن حسد او دونية او حقد زي ما بروجوا هم او مناصريهم لكن نتيجة خبرات من التعامل معهم
زي الموقف الحكاه شمس ساتي ممكن نحكي ليكم زيه عشرات واعتقد اي سوداني مغترب في الخليج ممكن يدكم زيه عشرات الامثلة
واي زول بشكر فيهم اتمنى تتاح ليه الظروف يشتغل في مؤسسة مع مصريين لمدة سنة واحدة وبعدها يجي يورينا انطباعاته

الأخ أحمد الشيخ سلام و تحية،

أولاً: عليك الله ياخى ورينى تعريفك للاتى عشان اقدر ارد رد وافى:

الشخص الكويس و الشخص الما كويس،
المجتمع الكويس و المجتمع الما كويس،
الديمقراطية،

ثانياً قلت:
(نحن ضد الاخوان قلبا وقالبا وعندما فاز مرسي حزنت على مصر جدا وكنت اقول لزملائنا المصريين حتشوفوا ايام سودا من تجار الدين هؤلاء)
السؤال: لماذا تحزن جداً على مصر الناسها حرامية و محتالين و خونة و اذاقو بنى وطنك الأمرين، قلبك عليهم أوى أوى يا خوى، ولا حا تتلولو زى أخوك نصر؟ دى ما ياها ازدواجية المعايير ذاااتا؟

ياخ من الاخر: المصريين كويسيين ولا كعبيين أنساهم نهائى، عليك الله عرفنى بالسودانيين لأنو الظاهر أنا غريب عنهم و ما بعرفهم كويس.

الانطباع والتعميم والحنك بيش كوووم ومايفعله اولاد بمبة في الميدان كوم تاني
كلهم واحد لافرق بين مثقف ولا تربالي زي التوم ريحتو كلو واحده
الابتزاز كراهية للشعوب الاخرى ولامن يبادلوهم الكراهية يقعدوا يسرخووا احنا عملنالهم ايه
غايتو البورد ده لو كان فوقو جزائريين كانو بكون فيو ضبح
برا مصريين برا لمة كل الهنود البنغال الباكستان الافغان ال ال ال ال كل المغتربين في الخليج هنا بكرهوهم ومتفقين على كده ملتشكرو لينا الجماعة ديل ساي
التنميط بتاع السوداني بواب وكسلان سببو اعلاموم المريض لدرجة حتى المدرسيين في المدارس هنا طبعو شعوب الخليج بانو السوداني كسلان لانو السوداني بنافسوم في الشغل وبدوهو الصندوق والايرادات والوظائف الحساسة والراتب العالي وهو بمسكو الورق والدفاتر كمسجل حسابات
للاسف بدل ننشر قيمنا وحاجاتنا السمحة ونفضح عفنوم نقعد نشكر فيهم
وياناصر اتحداك جيب لي دعاية تسخر من المصرييين في تلفزيون السودان زي ماهم بعملو وبتريقو في اعلامم التعميم عندهم هم مانحنا ولو قعدو ينشرو لي يوم القيامة يظل السوداني رقم اول في ترتيب الجاليات موش هنا في الخليج في ايو بكان في الدنيا يمشي اييييي ملائكة عديل لو الطرف التاني مصريييين معفنين

ود بدرى يا حبيب مساء الفل،

شعوب الخليج يا كافى البلا بطبعوهم على الشين مالهم؟ بهايم ولا عضيرين؟

ياخوى المصريين فى الخليج كعبيييين لمن قايلين كفى ، بس الكلام ده بنطبق برضو على الزلمات بدون فرز و الخليجيين القايلين نفسهم ربكم الأعلى، و و و... أنا اشتغلت فى الخليج ده مع كل الجنسيات لمن الله غفر لى و فى النهاية كان سبب مغادرتى أهل البلد ذاتهم و الزلمات و ليس المصريين، و ايه رأيك أنا قبل كده فى سودانى حاول يعتر لى فى الشغل و دى ما حصلت لى من أى مصرى نهائى طيلة وجودى فى الخليج و الله على ما أقول شهيد.

Quote: شعوب الخليج يا كافى البلا بطبعوهم على الشين مالهم؟ بهايم ولا عضيرين؟

ابو السرة مساك عافية تملاك وتغشاك
الكلام ده كان في السبعينات اغلب المدرسين مصريين بنكتوا فينا في المدارس وتعلم جيدا بانو الخلايجة انطباعيين ونمطيين
يازول تذكر مباراة الجزائر شوف الجزائريين قالو شنو عننا تابع الاعلام المصري في اعلى مستوياتو ويقوليك شعب كامل لايجوز ولايجوز هل اعلامنا قاعد يصف العفن ديل بي شيتا شين

بصراحة الفراعنة ديل ما بتشكروا إلا من رحم ربي منهم .

كتب الأخ خالد المبارك

Quote: بوست اسقط القناع عن المنبطحين عديمي الغيرة و انا أسأل نفسي ليه ياربي الشعب السوداني ده ما انتفض و لا قال اي حاجة بخصوص حلايب و شلاتين اتاري هي مقدودة و فارغة طبعا انا مصر اصرار انو في نوعية من البشر لو المصريين عملو ما عملو فيهم ما حيقولو كعبين

هل تملك قدرا من الشجاعة و الإنتماء الوطني بحيث تدين عمر البشير وقيادة الإنقاذ لتذللهم وإنبطاحهم لمصر ؟ هل تستطيع إتهامهم بالخيانة والعمالة لمصر
قلت لمن هاجم الأخ يحي قباني لوقوفه ضد الإساءة لشعب مصر

Quote: (دخلت متوهما أن يحي قباني هو من إمتهن التراب والسيادة الوطنية وفرط في حلايب لصالح مصر وهو من تبرع بالالاف الأفدنة والأراضي الزراعية لمصر الرسمية في وقت تُحتل فيه حلايب! أم تراه قد تبرع بعشرات السيارات والالاف الدولارات لمنتخب مصر لكرة القدم في وقت يموت فيه الناس جوعا ومرضا في وطني! ، أم لعله تبرع ب 5000 رأسا من الماشية لمصر! * دخلت وأنا أظن أن يحي قباني لا عمر البشير هو من مسح جوخ السيسي ومجده ووصفه بأنه أفضل الساسة المصريين ثم تحول لمحرضا علي أخوان مصر وعامة الأخوان بوصفهم جماعة مخربة تسعي لنسف إستقرار المنطقة ـ وذلك إرضاء لحكام الخليج لا من دافع الإقرار بحقيقة! * نعم لتصحيح العلاقة مع مصر علي نحو يقوم علي الندية والمصالح المشتركة وإحترامالسيادة الوطنية نعم معارك تدار من أجل مصلحة شعبنا وسعيا لتحرير حلايب وإقامة علاقة مع مصر تقوم علي أساس الندية ولكن لا لمعارك نتدار من أجل عيون أخوا ن مصر وسعيا للنيل من خصومهم ـ تدار بصورة تطغي عليها الهتافية والتناول السطحي وتلقف النُتف الخبرية ـ يا من تدعون الحرص علي الديموقراطية في مصر وتساندون أو يصمتون علي إغتصابها بالسودان !

من كان حريصا حقا علي مصالح السودان الوطنية وسيادته وصيانة ترابه الوطني فليصارع من فرط فيها ! ويواجه من إمتهن كرامة الوطن فمن يهن يسهل الهوان عليه! ومن كان حريصا علي الديموقراطية في مصر فليرفع يده عن تأييد من إغتصبها في وطنه !

سلام اخي انور وتحية
كونه ازعل عشان الاخوان فازوا في مصر دا براه دليل انه زعلنا من المصريين ما ناتج من حسد ولا حقد
احنا بنزعل من تصرفاتهم لكن ما معناه انه نتمنى ليهم الشر والتاخر لدولة فيها مية مليون بني آدم
الديمقراطية راجيني انا المسكين دا اعرفها ليك
لكن لو داير تدخل في حوار هل السواه السيسي انقلاب ولا تحول ديمقراطي فشوف الحاصل عليهم الآن من قمع وكبت
ودا ما الموضوع الأساسي هم في الآخر اعرف بمصلحتهم
بالنسبة لتعريفنا احنا السودانيين وأحوالنا وانه دا أهم فاتفق معاك تماما وعشان كدا قلت ما في داعي احنا كسودانيين "نتكاتل" في شأن المصريين
الفينا مكفينا
وممكن نوجه السؤال دا للأخت الفاضلة الفتحت البوست

كلام صاح تحليل صاح قوه فى الكلمات هؤلاء هم المصريين الفاهمين الاذكاء
وان شاء الله مصر محفوظه بى سواعد بنيها

هذا اقتباس لكلام الاخ شمس الدين ساتي وهو قليل من كثير عن ما يحصل لنا من المصريين ولغيرنا كمان ::
___________________________________
الأخت زين..سلامات

سأحكى لك عن المصريين هنا فى قطر وحدث مع أبناء شقيقتى..

إبنة أختى الصغرى كانت بارعة فى الجمباز وتميزت عن أقرانها مادفع بإدارة المدرسة لترشيحها

للدخول فى منافسة آسيوية بإسم قطر...ولسوء حظها تم تعيين مدرسة رياضة مصرية..وكان أول قرار

إتخذته هو إبعاد إبنة شقيقتى رغم إحتجاج المدرسات القطريات والمرشدة التربيوية..واحد

فى جامعة قطر يقام سنويا نشاطا للجاليات.. وكان يحدث عندما يأتى دور الجالية(طلبة) السوداني

للعرض..يحدث تشويش متعمد فى الصوت وتخسر الجالية السودانية..تكرر ذلك مرتين وعندما إحتج

الطلبة السودانيين تم تغيير المسئولة عن الصوت(وكانت مصرية) عندها فازت الجالية السوداني بالعرض

الطلاب فازوا والطالبات فازن..إثنين..

إبن شقيقتى الأصغر حكى لى بأن أحد المدرسين ظل يستقصده فى المدرسة ومرة ضربه وسبه وسب

جميع الطلبة من غير المصريين(كان مصريا) واحتج الطلاب وشكوه كذا مرة...ولأن مدير المدرسة

كان مصريا لم يردعه حتى تم إنهاء تعاقده..ثلاثة....وماخفى أعظم... ما رأيك


دا غير ما يحدث منهم فى أماكن العمل تجاه السودانيين الذين يردعونهم بشدة ..وأنا واحد منهم

___________________________________________

اها يا جماعة الكلام ده رايكم فيه شنو ؟؟؟


تحياتي : ياسر العيلفون .......

Quote: كلام صاح تحليل صاح قوه فى الكلمات هؤلاء هم المصريين الفاهمين الاذكاء

يا استاذه زينب زولك دا تحفة و الله هههههههه
شوفي زولك الذكي دا قال شنو في الدقيقة 3:10
انت علي يدك اليمين بحر و فوقق بحر و علي يدك الشمال دولة مدمرة اسمها ليبيا و تحت السودان بتكمل عشاها نوم

Quote:

اكرهكم يامصريين ياعفن

الفديو ده سمعتو كويس قال شنو ودالرقاصة نحنا بنكمل عشانا نوم
ياابن اللي ماتتسماش انحنا في السودان بناكل في صحن واحد لو كسره بي موية بنقسما بيناتنا ونزرع القيم بتاعت الود بيناتنا قبل الخبز الود الود والحب موش نابي ونابك وكل زول يقسمو ليو الاكل في صحن براو ونصيبو براو الواحد فيهم يشتغل امو مايشتغل بيها الانانية والطمع وحب النفس باسسسو ليو المصرييين من طريقة اكلهم للطعام الا الصعايدة وهم السكان الاصليين نفس عاداتنا وتقاليدنا في الاكل
فيااختنا كن عندك نسب او قرابة مع الوهم ديل كلنا عندنا واهلنا كتار مستقريين هناك ومتزوجين بس ده ابدا مابعني انو نجي نشكرم بالكضب

لا يمكن أن نصف شعب كامل بالسوء ولا يمكن كذلك أن نصفهم بالعكس .. كل زوول حسب رؤياه وتجاربه الفردية معهم ..

بس هناك نقطة لافتة للإنتباه :.. هؤلاء المصريين عندهم سيدنا موسي -عليه السلام - بجلالة قدره متجاهلينه تماماً، ويتفاخرون ليل نهار بفرعون !!! ..
حاجة غريبة !!!!

Quote: بس هناك نقطة لافتة للإنتباه :.. هؤلاء المصريين عندهم سيدنا موسي -عليه السلام - بجلالة قدره متجاهلينه تماماً، ويتفاخرون ليل نهار بفرعون !!! .. حاجة غريبة !!!!

العزيز والغالي منير صباحك عافية لافرعون ولاموسى مصريين الاتنين من النوبة يعني من اندينا وياريت لو فتحنا بوست خاص عن الموضوع السرقو مننا ماشوية

سلامات العزيز حامد بدري .. خلينا كدي بس نقول إنهم مصريين .. السر شنو في تجاهل سيدنا موسي والإفتخار بفرعون؟؟ !!!..

الغريب انه ناصر جامع قال ان الراجل ذكي لأنو قال فوقهم بحر ويمينهم بحر وتحتهم السودان بتم عشاهم نوم

يا سبحان الله .. أين دعاة الفضيلة ؟!

وين بنتم عشانا نوم ؟!! الفيك بدرو والعليك تناساهو

المصريين ديل أسوأ شعب وأرذل أمة على وجه الأرض .

Quote: الغريب انه ناصر جامع قال ان الراجل ذكي لأنو قال فوقهم بحر ويمينهم بحر وتحتهم السودان بتم عشاهم نوم يا سبحان الله .. أين دعاة الفضيلة ؟! وين بنتم عشانا نوم ؟!! الفيك بدرو والعليك تناساهو المصريين ديل أسوأ شعب وأرذل أمة على وجه الأرض

يوسف صباحك طيب
ده اسمو رمي الله هي جايبا الفديو لتعضيد الموقف بتاعا قام رماها ليك كبرك كبرك كبرك كبرك هسة هديك ليها بعملو ليها في جبص ومسامير تجي تتم البوست ده بي عجلة متحركة اصلو البوست من بدايتو ماشي بي رجول صناعية
لو حكينا المواقف الشخصية بس للمصريين هنا اتحدى زول يجيب ش طيب يخصهم وبعد ده حيقولو ليك المثالييين لايجوز ولايجوز شعب كامل واصابعينك ومابعرف شنو المصرييين ديل يجوز اسثناءا كده يجوز

أعتقد أن إختلاف طباع المصريين عن باقي الشعوب العربية سببه التكدس السكاني الرهيب في الدلتا وحياة الشقق المزدحمة - لا ننسي أن أكثر من ٧٠ في المية من السكان في دلتا النيل - .. تلك البيئة المزدحمة تجعل المرء يختنق ويفعل أي شئ في سبيل كسب العيش .. ونحن نلاحظ ذلك عندنا أيضاً حيث نشهد التغير الكبير في طبيعة وأخلاق السودانيين في العاصمة مقارنة بالماضي وذلك لأن عدد سكان الخرطوم تضاعف من بضعة مئات آلاف ليقارب العشرة ملايين أو يزيد ..

المشكلة أن زحمة السكان كأنما تتماشي مع قوانين ميرفي .. كان ممكن تؤدي لإصلاح الشعوب ولكن العكس هو الحاصل بالنسبة لينا ، كلما زاد الزحام ساءت الأخلاق .. تلاحظوا الكلام ده برضو ينطبق علي البنغال .. بس الصورة معكوسة في اليابان ..!!

هلا والله أخونا بدري

Quote: ده اسمو رمي الله هي جايبا الفديو لتعضيد الموقف بتاعا قام رماها ليك كبرك كبرك كبرك كبرك هسة هديك ليها بعملو ليها في جبص ومسامير تجي تتم البوست ده بي عجلة متحركة اصلو البوست من بدايتو ماشي بي رجول صناعية

أضحك الله سنك ..

مستغرب كل دفوعاتهم إننا قرينا في مصر وتعالجنا في مصر وقرينا في مصر وسكننا في مصر ، ومصر الدولة الوحيدة البعيش فيها السودان بحرية ، طيب مالهم ما تذكرو انو الحريات الأربعة مطبقة من جانب واحد من السودان بس
وانو المصريين الجيعانين ديل الواحد فيهم لم يكون في السودان ويرجع بشيل ليه خروف كامل مضبوح بسفره مصر عشان أهله يضوقو اللحمة من غير عيد الضحية .

ياخ مصائب القوم الأسمهم المصريين ديل ما بتنتهي ابداً

الأخ منير

كيف حالك

المصريين ديل خليط من شعوب متفرقة باستثناء أهل الجنوب - الصعايدة - فحتى أشكالهم وسحناتهم تعبر عنه ، ولكن للأسف هذا الخليط طلع خليط سلبي ولم يكن إيجابي

(أتراك ، آرمن ، روم ، أغاريق ، هكسوس ، شوام ، عرب ، بربر ، أوروبيين .. وكثير من الأجناس) ولم تتشكل مجموعة عرقية لها نظمها وقواعدها الاجتماعية المتعارفة لدى سكان الشرق بشكل عام .

هذا الخليط خلق تنافر وليس تجانس مما ولد هذه الشخصية المشوهة والمسخ ..

إنما الأمم الأخلاق ما بقيت فإن هم ذهبت أخلاقهم ذهبوا

غدار ، خائن ، جبان ، خسيس ، أناني ، طماع ، متآمر ، دنئ ، فظ الأخلاق ، متعالي ، متكبر ، منافق ، متملق

صفات لن تجدها مجتمعة في بشر إلا المصري !!

Quote: أعتقد أن إختلاف طباع المصريين عن باقي الشعوب العربية سببه التكدس السكاني الرهيب في الدلتا وحياة الشقق المزدحمة - لا ننسي أن أكثر من ٧٠ في المية من السكان في دلتا النيل - .. تلك البيئة المزدحمة تجعل المرء يختنق ويفعل أي شئ في سبيل كسب العيش .. ونحن نلاحظ ذلك عندنا أيضاً حيث نشهد التغير الكبير في طبيعة وأخلاق السودانيين في العاصمة مقارنة بالماضي وذلك لأن عدد سكان الخرطوم تضاعف من بضعة مئات آلاف ليقارب العشرة ملايين أو يزيد .. المشكلة أن زحمة السكان كأنما تتماشي مع قوانين ميرفي .. كان ممكن تؤدي لإصلاح الشعوب ولكن العكس هو الحاصل بالنسبة لينا ، كلما زاد الزحام ساءت الأخلاق .. تلاحظوا الكلام ده برضو ينطبق علي البنغال .. بس الصورة معكوسة في اليابان ..!!

منير انقتوووو اهلنا زمان في نمرة ستة والسفر باللواري مكدسين ومدفسين عباط الواحد في نخرتك وكراعو في وشك اتنين وتمنين نفر في ضهر اللوري وبيوتنا بسيطة واكلنا ابسط والحياة كانت مشقة وتعب وقهر وجوع عديل الملح ده تكوسو كواسة ماوصلنا مرحلة المصرييين ديل بالعكس تاكل اتا وجارك واهلك في صينية واحدة
الناس ديل لو جابو بطة ول خروف ولا جمل راسو عديل وهم خمسة نفر كلو زول بشيل نابو وخليني احكي ليك موقف حصل مع ابن خالتي ونسيبي هنا في السعودية
كان محاسب في فندق ومحطة وساكن مع مصري في غرفة ومميزين سواا كان في سوري حارس في عمارة مجاورة كفيلو مطنشو مابديو راتبو ولا بجيب ليو اكل اها يوم في العشا عاملين ليهم فرخة وفول السوري جاهم ضيف والدنيا برد قوم يالمصري خت الفول والخبز واتفضل اتفضل زعطو الفول واتخارجو ودخالتي دخل المطبخ لقا الفرخه قاعدة قاليو اتا ماختيتا في العشا مالك قاليو حاديلو من نابي ولا من نابك وقامت الشكلة كسررررو ليك كسرة تمام وبي ضهر المكنسة كسر خشبتا فيو والمصري يسررررخ ويبكي مشا بي ليلو داك للكفيل جا الكفيل عرف الوضع وقال لي ود خالتي انا مقدر موقفك وعارفكم ياسودانيين متصنعين يعني ناس تمام فالمصري لاتلومو لانو دي تربيتو كده وفرز ليهم عيشتوم وميزوم وسكنم
المصري بعد مدة جا لودخالتي واعتذر قاليو نحنا نحتلف عنكم لانو اتربينا كده

إن لم يكن للمصريين من فضيلة سوى لفظهم للاخوان فهذا يكفي ويزيد
التحية لك الاستاذة زينب وأحلى وأقدع سلام

أخونا حامد بدري

مالك علينا ياخ قدر ما نكتب نمسح وانت بكلامك دا بتستفز فينا عشان نطلع وسخ المصريين ، أمسك دي :

عندي ود عمي مقيم في السعودية وكان ساكن عزابي ، المهم زميله في الشغل مصري جاهو قال ليه أنا مسافر وعندي قريبي جاي عايز أسكنو معاك ، بطيبة السودانيين قال ليه ما عندك مشكلة.

المهم يوم قال لي مشيت جبت لي دجاجة وعملناها حلة ختينا الأكل وأكلنا بعد ما أنتهينا قال لي جاني المصري قال ليه اسمع يا بن النيل انت أكلت اكتر مني في الدجاجة عشان أنا ما بدفع بالنص بدفع أقل من النص : (

ولاحظ انه ما سأله ما قروش براهو جاهو ، قال لي عاينت ليه زين وقلت ليه أقوليك حاجة لا تلت ولا تلتين أنا ماشي مشوار أوعى أجي القاك في الغرفة شيل حاجاتك واتخارج .

طبعاً أنا ماسكة ليهو لليلة لم يختو الأكل بقول ليه براحة ياخ انت ظلمت المصري ما تظلمنا نحن : (

Quote: نحنا بنكمل عشانا نوم

هههههههه
كلامو صاح المصاروي دا .. السودانيين ما عندهم لا بارات واللا كباريهات واللا مراقص
يشتغلوا فيها عوينم .. عشان كدا شىء طبيعي ينوموا من بدري .
المصريين الزي البهلوان الفوق دا ياهم ذاتم المرقنهم كرعينم أمام محاربو الصحراء
في أمدرمان أيام فاصلة الجزائر ومصر، ولما مشوا لبدوا خايفين راجفين ملوا الدنيا كذب
وتلفيق وسخرية على الأمن السوداني وقالوا مطار الخرطوم أوضتين وصالة .. لكن أنظر
ما حدث لهم في أول اختبار أمني عندما قامت حتة مظاهرة صغيرة نصها بنات في ثورتهم
الأولي ضد حسني مبارك .. حيث ساد الهرج والمرج وتحولت مصر المحروسة إلى غابة
صغيرة لا قانون فيها ومازال الحال يغني عن السؤال .. أسأل الله أن يقيل عثرة المحروسة ولا أتوقع
هاك الجزائري دا .. هههههههه

ترانسليشن للخواجات المتابعين هنا ( إذا وجدوا ) ..
مرقنهم كرعينم = ولوا الأدبار فزعا ورعبا
عوينم = نسوانم ( زوجة، أخت، خطيبة، الخ الخ ) والمراد
انو ما عندهم أندية ليلية يمارس فيها الرقص عشرة بلدي والروك اند رول وما يتصل بهز الوسط والأرداف
وكامل جسد المرأة بما يبرز (حاجاتا) مقابل لقمة العيش ( كم هي شاقة لقمة العيش)

Quote: يشتغلوا فيها عوينم .. عشان كدا شىء طبيعي ينوموا من بدري .

ياطلحة طلحة تلاتة مسا الخير
عوينم بشتغلوا خياطة باربعة تلاف دولار وبخيطن بمكنتهم كااااااااااااااااااااااااااااااااك
طبعا موضوع العوين ده موضوع تاني المراة عندهم مسيطرة تماما على الوضع داما بلاحظ للسطوة دي في الكمرة الخفية تلقي الراجل واقف مدلدل والمرة تكورك ليو اسكت انتا وتعصب وتدفق الموية وتكسر الكباية وهو ياحبة عيني بهدي فيها
يقال والعهدة على الراوي ايام غرق فرعون في البحر الرجال سادة القوم كلهم لحسوم البحر فقامن عوينم اتزوجو ساي من العامة سمبلا كده ومن ديك وعيك شبكت فيهم
انحنا رجالنا ماتو في كرري

(نساء ) الفل يا حامد ههههههه
الجماعة أصحابنا ديل شغالين في الناس بى خير وسيلة للدفاع الهجوم خخخخخخ
هم وغيرم من القاعدين يتريقوا على السودان وأهلو الغيش بيوتم من قزاز رخيص ..
المخاليق ديل ما في ود حلال حجاهم بالمثل البقول الجمل ما بشوف عوجة رقبتو ؟

Quote: انحنا رجالنا ماتو في كرري

وفي رجال ماتوا في تايتنيك ..

غايتو يا زينب عبدالله..
وقعتى وما سميتى..
أهو البوست قلبو ليكى رأسا على عقب..
عشان تانى تهبشى السودانيين فى امور حساسة..

Quote: غايتو يا زينب عبدالله.. وقعتى وما سميتى.. أهو البوست قلبو ليكى رأسا على عقب.. عشان تانى تهبشى السودانيين فى امور حساسة..

سلام يا استاذه نور تاور

شكرا على مرورك الكريم

القال ليك منو انا وقعت وما سميت !!!

اولا يا ستى انا قبل واثناء وبعد كتابه البوست كنت ادرك رودود الافعال عند البعض
عشان كدا كتبت فى اول مداخله فى هذا البوست ( يمنع التهريج )
ثانيا من وجه نظرك هل هنالك مواضيع يمكن مناقشتها فى هذا المنبر الحر وهنالك مواضيع نعتبرها " امور حساسه "
لذا يجب السكوت عنها خوفا من كلام فلان اوعلان

نحن هنا يا ست نور نقول الحق ولا نخشى الا الله
انا متسلحه لكل ما يقال عنى ودونك مداخلات نافذه الفيس بوك لا تحرك اى ساكن فيي
من ارد النقاش فى الحقائق اهلا وسهلا ومن اراد السب والشتم فهذا يفضح نفسه لا اكثر ولا اقل
زى الاطفال فى البيت الواحد لو الام قالت لى واحد فيهم انت شاطر فى الحساب التانى بيزعل
عشان ما قالت ليه وانت كمان شاطر
ملحوظه اخيرا : لو احصيتى عدد المتداخلين فى هذا البوست تجدى اكثرهم لا يختلفون معى
عشان كدا ما حقوا نطلق العبارات من شاكله ( اهو البوست قلبوا ليكى راسا على عقب )
او عبارات مثل ( عشان تانى تهبشى السودانيين فى امور حساسه ) !!!!!

منذ متى اصبح فتح موضوع يتحدث عن شعب من الشعوب " من الامور الحساسه عند السودانيين "

سلام زينب..

اولا انا ما قلت ليكى تكتبى فى كذا وتمتنعى عن كذا..
العلاقة السودانية المصرية موضوع غاية فى الحساسية..
والسبب هو أولا علاقة الجوار..
اللى فيها كتير من المتاعب والمشاكل للبدين..
والسودانيين رغم حبهم لى مصر...
وهى المنفذ الآول فى الفرار من جحيم السودان..
ألا وان السودانى فى ادنى قائمة الدول التى ينال اعضائها احترام فى مصر..
والكلام دا بقولوا وانا عشت فى مصر تسعة سنوات...
وعارفة بقول فى شنو..
والحساسية الآكبر...
فى انه السودانيين عمرهم ما حينسوا بيع وادى حلفا لمصر وتشريد أهلها..
وحساسية الموقف فى الاراضى السودانية اللى مصر احتلتها بوضع اليد..
وحساسية الموقف فى اشياء كتيرة جدا ما عندى ليها وكت هسى..
انا بس رديت عشان اثبتك من حكاية انه فى مواضيع الناس تتناولها فى المنبر ..
و مواضيع اخرى لا..
دا ما كان كلامى..
ولى عودة فى موضوع البوست وهو العلاقة السودانية المصرية..

حسبي الله و نعم الوكيل!!!!
و الله الكتابة في سودانيز دي متعبة خلاص

Quote: الغريب انه ناصر جامع قال ان الراجل ذكي لأنو قال فوقهم بحر ويمينهم بحر وتحتهم السودان بتم عشاهم نوم يا سبحان الله .. أين دعاة الفضيلة ؟!

حسي يا يوسف الطيب انا اعمل شنو؟؟ اكتب ليك باللاوندي عشان تفهم كلامي
ياخي زينب القالت المصري دا زكي
و انا قلت ليها شوفي زولك الزكي دا قال شنو عن السودان

لا حولا و لا قوة الا بالله

برضو زينب اظرط من يوسف
قباني كتب

Quote: شعب ازاح اخوان الشيطان في عامين و الذي فشلنا نحن في عمله في 26 عاما

انا رديت عليهو بالاتي:

Quote: لكن يا قباني المصريين دقسو دقسه العمر في تفريطهم في ديمقراطيتهم و ازاحتهم لاخوان الشيطان زي ما قلت بدبابة العسكر و دا الحارق رز فرانكلي

جات زينب قالت لي

Quote: كيف تصفهم بى اخوان الشيطان وتفتكر ازاحتهم " دقسه " هل الديمقراطيه اهم من الانسان بمعنى هل الديمقراطيه عجل مقدس يعبد لى ذاته

قباني هو القال اخوان الشيطان يا زينب و ليس ناصر جامع
انا قلت ليهو علي حسب تعبيرك، عشان الكلام يكون واضح انو شيطنة الاخوان ديل من عند قباني مش انا

بعدين من الاخر يا زينب الاخوان مش لو كانو اخوان الشيطان حتي لو كانو الشيطان ذات نفسوا طالما جابهم الشعب عن طريق صنوق الانتخابات مفروض يشيلهم الشعب عن طريق صندوق الانتخابات موش جنازير الدبابات

شيطنة الخصوم لا تفرق من تكفير الخصوم كما يفعل الدواعش

انتي و قباني و الكثيرين من قبيلة المستنيرين عايزين ديمقراطية مفصلة علي مقاسكم انتم فقط

و اول ما تجيب الاسلاميين تقعدوا تخرخرو و تدونا محاضرات عن عجل الديمقراطية الغير مقدس الذي يجب ان يذبخ قبل ان يلد هتلرا او موسليني

اكتر زول ضد الانقاذ في سودانيز و متسق في فكرو و رُأه عن عجل الديمقراطية هذا, هو الاخ Nasr له التحية و التقدير

منير مشتاقين ياخ

Quote: ولى عودة فى موضوع البوست وهو العلاقة السودانية المصرية..

اولا موضوع البوست ليس العلاقه السودانيه المصريه period
اذا حابه تتكلمى عن العلاقه السودانيه المصريه فى بوست منفصل
ستجدينى اول من يقف بجانبك مدافعه عن حقك فى التعبير فيما تختارينه من مواضيع
ولن استعمل معك عبارات الشماته مثل قولك ( عشان تانى تهبشى السودانيين فى مواضيع حساسه )

Quote: اولا انا ما قلت ليكى تكتبى فى كذا وتمتنعى عن كذا..

انا زينب ماقلت انتى نور قلتى لى تكتبى فى كذا وتمتنعى عن كذا ...اعطينى مقتبس من كلامى يوحى بهذا
انا اقتبست كلامك ورديت عليه بالنص ..انا بحاول دائما اكون دقيقه فى كلامى عشان ما نقعد
نتغالط قلتى لى وقلتا ليك ....

Quote: العلاقة السودانية المصرية موضوع غاية فى الحساسية.. والسبب هو أولا علاقة الجوار.. اللى فيها كتير من المتاعب والمشاكل للبدين.. والسودانيين رغم حبهم لى مصر... وهى المنفذ الآول فى الفرار من جحيم السودان.. ألا وان السودانى فى ادنى قائمة الدول التى ينال اعضائها احترام فى مصر.. والكلام دا بقولوا وانا عشت فى مصر تسعة سنوات... وعارفة بقول فى شنو..

كلامك صاح بس دا ما موضوع البوست

Quote: والحساسية الآكبر... فى انه السودانيين عمرهم ما حينسوا بيع وادى حلفا لمصر وتشريد أهلها.. وحساسية الموقف فى الاراضى السودانية اللى مصر احتلتها بوضع اليد.. وحساسية الموقف فى اشياء كتيرة جدا ما عندى ليها وكت هسى..

كل ما ذكرتى صحيح وموثق ومعروف للقاصى والدانى لكن برضو دا ما الموضوع البتكلم عنه

تشكرى على المرور

Quote: شوفي زولك الذكي دا قال شنو في الدقيقة 3:10

يا ناصر جامع انت بتفتكر زى البقيه انو انا نزلت الفديو دا وما شاهدتوا واستمعت ليه

عشان تكتب كلامك الفى المقتبس اعلاه ( شوفى زولك الذكى دا قال شنو فى الدقيقه 3:10 )

انا عارفه هو قال شنو وكلامه بيدعم ما قلته فى هذا البوست ......

Quote: قباني هو القال اخوان الشيطان يا زينب و ليس ناصر جامع

انا عارفه انو قبانى هو من وصفهم بى اخوان الشياطين لكن انت فى ردك لى قبانى ما اعترضت على الوصف
ولا حتى جبت وصف من عندك انت اتبنيت وصف قبانى للاخوان المسلمين وقلت :

Quote: لكن يا قباني المصريين دقسو دقسه العمر في تفريطهم في ديمقراطيتهم و ازاحتهم لاخوان الشيطان زي ما قلت بدبابة العسكر و دا الحارق رز فرانكلي ههههههههه

انت يا ناصر جامع اعتراضك ما كان على التسميه اعتراضك كان على عدم ازاحه اى شخص جاء عن طريق الانتخابات
وهذا ما يعضضده كلامك ادناه :

Quote: بعدين من الاخر يا زينب الاخوان مش لو كانو اخوان الشيطان حتي لو كانو الشيطان ذات نفسوا

بالنسبه لى كلامك التحت دا

Quote: ا طالما جابهم الشعب عن طريق صنوق الانتخابات مفروض يشيلهم الشعب عن طريق صندوق الانتخابات موش جنازير الدبابات

انتوا فاهمين موضوع الديمقراطيه دى غلط ...اولا الشخص الذى يأتى عن طريق صناديق الانتخابات ما معناها انو هذا جواز مرور لكى يفعل ما يشاء

عشان كدا الناس الوضعوا الاسس للدمقراطيه الاولى وضعوا ليها شروط عشان ما يجى واحد يخدع الشعوب وعندما يتم انتخابه يدمر البلد

من ضمن الشروط سحب الثقه ..يعنى الشعب الانتخبهم هو الذى طلع بالملايين فى ميدان التحرر وقال للرئيس ارحل

انتوا قاليين الانتخابات دى قران منزل

حكم الشعب بواسطه الشعب لى صالح الشعب نقطه سطر جديد ....الشعب هو الينتخبك وهو الذى يزيحك من الحكم وينتخب غيرك

مافى حاجه اسمها اتنوا انتخبتونى خلونى اعمل الانا عايزوا انشاء الله ادمر البلد فوق رؤوسكم

Quote: برضو زينب اظرط من يوسف

دي لغة حوار ولا دا مستوى حوار ولا نقاش ؟! ولا دا مستوى الواحد يتكلم معاهو

إني آمنت بالذي خلق السموات والأرض

الاعزاء زوار البوست والمشاركين فيه

تحيه واحترام

هذه محاوله لى توضيح فكره البوست لمن يحتاج :

فكره هذا البوست هى تسليط الضوء على الجانب الايجابى بالنسبه للمصريين وانا اعلم تماما بان للمصريين
جوانب مظلمه ومواقف غير مشرفه
لم افتح هذا البوست مناحه لكل متظلم من المصريين

لذا انا حأتكلم عن ما يعجبنى فى طريقه تفكير المصريين وانعكاس ذلك على تطور بلدهم وعلى معيشتهم اليوميه

اتفقنا

من المواقف المشرفه للمصرين

ازاحه الاخوان المسلمين بعد فتره وجيزه من الحكم ولم ينخدعوا بى مساله صناديق الاختراع بعد ما تبين لهم غدر وخيانه الاخوان لى مصر
شعب مرح يحب الحياة ما بيشيل فى نفسه هموم وحقد مدى الحياة وزعل من اقل شئ زى ابو الدقيق
شعب يعشق بلده ويحترم اخوانه فى الوطن ما عندهم قبليه ولا عنصريه ضد بعض
شعب نشط بينجض شغلوا وما يؤمن به ولا يستحى من اى عمل واثق من نفسه مرفوع الرأس
شعب صاحب حضاره عمرها 7 الف سنه اسمه مذكور فى كل الكتب السماويه
شعب ذكى ولماح

ونواصل

يا اخت زينب كلامك فيهو اضطراب و تضارب كبير خلاس

Quote: عشان كدا الناس الوضعوا الاسس للدمقراطيه الاولى وضعوا ليها شروط

دا كلام سليم 100%

Quote: من ضمن الشروط سحب الثقه

دا برضو كلام سليم 100%

Quote: يعنى الشعب الانتخبهم هو الذى طلع بالملايين فى ميدان التحرر وقال للرئيس ارحل

اسمحي لي اختلف معاك هنا مافي دستور في العالم تتم فيه سحب الثقة بالمظاهرات في الميادين العامة...كدا الحكاية تبقي فوضي و ليست ديمقراطية
في كل دساتير العالم هناك اليات واضحة و مقررة سلفا في الدستور لسحب الثقة عن الحكومة ... مثلا تصويت ثلثي اعضاء البرلمان لصالح سحب الثقة عن الحكومة

Quote: حكم الشعب بواسطه الشعب لى صالح الشعب نقطه سطر جديد ....الشعب هو الينتخبك وهو الذى يزيحك من الحكم وينتخب غيرك

اتفق معاك 100%
طيب الغلاط لزومو شنو؟؟
مش قلتا ليك كلامك فيهو اضطراب و تضارب كبير خلاسههههههههههههه

أكتر شعب متعنصر ضد بعضو البعض هو الشعب المصري
يطلقون على القاهرة مصر .. القاهريون ينظرون بفوقية شديدة
للصعايدة ولا يذكروهم إلا مع الماء والجاموس .. والسخرية متبادلة
دائما وبغل شديد بين ناس القاهرة من جانب وناس الأسكندرية من جانب آخر ..
لم أر أو أسمع أو أقرأ في حياتي كلها شعب قتل بعضه البعض بطريقة غاية
في البشاعة كما رأيت ذلك عند المصريين وحادثة استاد بورسعيد خير نموذج
لذلك .

أيوااااا تاني حكاية شعب ذكي ولماح دي صحيحة لكن الغالب ان
الذكاء والفهلوة عند غالبية الشعب المصري مرتبطة بكسب لقمة العيش
وفي هذه لا يجارون ولا يبارون .

Quote: القاهرة (رويترز) - قتل 15 شخصا على الأقل من المهاجرين السودانيين كانوا يحاولون العبور من مصر إلى إسرائيل وقتلوا على الحدود في وقت مبكر الأحد، وربما من قبل ضباط الشرطة المصرية، وفقا لمسؤولين أمنيين والتقارير الإخبارية. عدد القتلى، وإذا تأكد ذلك فسوف يكون واحدا من أعلى المعدلات في السنوات للمهاجرين وطالبي اللجوء عبر رحلة عبور شبه جزيرة سيناء الى اسرائيل. وفي حوادث سابقة تم تعذيب طالبى لجوء قادمين من السودان وإريتريا ودول أخرى في شرق أفريقيا من قبل تجار المخدرات و تجار البشر، أو تم إطلاق النار عليهم من قبل الأجهزة الأمنية المصرية، وواجه كثير منهم الاعتقال المفتوح والإحتجاز من قبل السلطات الإسرائيلية، وفقا لجماعات حقوق الإنسان. وكانت ظروف اطلاق النار يوم الاحد غير واضحة، ورفض المسؤولون في الحكومة المصرية التعليق على وفاة هؤلاء المهاجرين . وقال مسؤول أمني بارز في شمال سيناء، الذي طلب عدم ذكر اسمه لأنه غير مخول بالتحدث إلى وسائل الإعلام أن أفراد شرطة الحدود المصرية قد أطلقوا النار على المهاجرين عندما تجاهلوا تحذيرات بعدم عبور السياج الحدودي. وقال المسؤول ان خمسة عشر قتلوا وأصيب ثمانية آخرين على الأقل، مضيفا أن ثمانية مهاجرين آخر قد اعتقلوا

http://sudaneseonline.com/board/480/msg/%D8%A5%D8%B9%D8%AA%D9%82%D8%A7%D9%84%D8%A7%D8%AA-%D9%88-%D9%85%D8%B5%D8%A7%D8%AF%D8%B1%D8%A9-%D8%A3%...%A9--1447663747.html

إلى عشاق المحروسة وشعبها

Quote: تزوج سودانية تحصل على مكافأة!! الجريدة - الراكوبة 11-16-2015 09:36 AM هنادي الصديق * تقارير إخبارية وصلت من مصر تفيد بوصول عدد من البلاغات من عدد كبير من السودانيين للسفارة السودانية أُلقي القبض عليهم بمصر، وصفت معاملة السلطات المصرية لهم بالفظة، بجانب أن هناك حملات ممنهجة لضبط السودانيين غير الحاملين للجواز والإقامة. * مؤكداً أن هذا الأمر له ما له وله ما بعده، والواعي فقط وصاحب البصيرة النافذة يعرف أسباب ومسببات ما يحدث للسودانيين بمصر. * وقبل أن ندلف للأسباب لابد من التذكير بنظرة (معظم) المصريين للسودانيين بشكل عام وما فيها من اضطهاد عنصري كريه، والمصري من هؤلاء لا يحترم السوداني إلا إن كان (منتفخ الجيب)، عندها يُسمي باشا وبيه، بدلاً عن صفات أخرى معروفة للجميع. * حكومتنا كما هو معروف لا تحترم شعبها، فلا من هو بالداخل مرتاح ولا من هو بالخارج. * لا يهم إن تم إيداع مواطن السجون المصرية أو تم قتل المئات كما حدث في ميدان مصطفى محمود، وتعلم تماماً ما يحدث لمواطنيها بمصر وغير مصر ولا تحرك ساكناً، بل وتفتح ذراعيها للجانب المصري بكل سذاجة ولم نسمع أنها أخذت موقفاً شديداً من قبل تجاه السياسات المصرية تجاه كل ما هو سوداني، وتغض الطرف عمداً عن قضية حلايب وشلاتين، وتتجاوز التصريحات المصرية المستفزة الخالية من (الديبلوماسية) المعروفة فيما يختص بسد النهضة، وتُصر على تنفيذ اتفاقية الحريات الأربع بحذافيرها بغض النظر عن موقف الحكومة المصرية منها. * المصري يدخل السودان بدون تأشيرة، بينما تقف طوابير المئات من السودانيين يومياً أمام القنصلية المصرية بالخرطوم طلباً للتأشيرة، السوداني يُختم في جوازه (لا يسمح له بالعمل في مصر) بينما المصري يعمل في كل المجالات بالسودان ويتجول بحرية. * حالة الاحتقان التي يعيشها الجانبان منذ سنوات طويلة، وما تقوم به الحكومة المصرية حالياً يؤكد أن (حرباً باردة) بين البلدين، ولكنها حرب من طرف واحد لأن الطرف الثاني جلده تخين و(ضارب طناش). * إحساس (بالدونية) تعيشه حكومتنا تجاه الحكومة المصرية وتجاه كل ما هو مصري، ورغبة (غبية) لكثير من السودانيين بالالتصاق غير المبرر بهذه الدولة العنصرية رغم أن أرض الله واسعة. * وللتأكيد على عنصرية المصريين، قدم البرلمان المصري في العام 2003 مقترحاً بمنح عشرة ألف جنيه مصري وقطعة أرض لكل مصري يتزوج من (سودانية) في إطار سعي الحكومة المصرية وقتها لتشجيع الاستثمار في السودان والاستمتاع بخيرات السودان الشاسع الواسع، وقد أثار هذا الموضوع الكثير من الجدل في الشارع المصري ورفضه الكثيرون ممن يرون أن نسب السودانيين من شأنه أن (يُلوث الدم الحُر). * ما علينا، المهم أن تكالب السودانيين على مصر وكل ما هو مصري سيضاعف من إحساس المصريين حكومة وشعبا (إلا من رحم ربي) بالتعالي والتكبر، واتخاذ موقف قوي من المواطن السوداني من شأنه أن يضع حداً لمواقف الحكومة المصرية، ويقلل نسبة (الحقارة) على السودانيين، لأن الحكومة لا خير ولا بركة فيها تُرجي، وعلى المواطن السوداني مقاطعة كل واردات مصر من مواد غذائية وأدوية وملبوسات، ويجب أن تشمل هذه المقاطعة شركة مصر للطيران التي (تكسبت) وتضاعفت مبيعاتها وظلت أسهمها في البورصة في حالة ارتفاع بسبب إقبال السودانيين المبالغ فيه على مصر حتى وصلت عدد رحلاتها للسودان الى ثلاث وأربع رحلات يومياً، ورغم هذا الإقبال إلا أنها ظلت تدفع بأسوأ طائراتها وطاقمها إلى رحلات الخرطوم. * خطوة مقاطعة واسعة من المواطن السوداني خطوة في الاتجاه الصحيح لوضع السودان في مكانه الطبيعي بعد سيطرة أولاد بمبا غير المبررة على حكومتنا.

من بوست الزميل سعد مدني :
مصر تدوس بحذائها المتسخ الوطن الذي يحكمه الكيزان

من يهن يسهل الهوان عليه

إلى عشاق المحروسة وشعبها

Quote: تزوج سودانية تحصل على مكافأة!! الجريدة - الراكوبة 11-16-2015 09:36 AM هنادي الصديق * تقارير إخبارية وصلت من مصر تفيد بوصول عدد من البلاغات من عدد كبير من السودانيين للسفارة السودانية أُلقي القبض عليهم بمصر، وصفت معاملة السلطات المصرية لهم بالفظة، بجانب أن هناك حملات ممنهجة لضبط السودانيين غير الحاملين للجواز والإقامة. * مؤكداً أن هذا الأمر له ما له وله ما بعده، والواعي فقط وصاحب البصيرة النافذة يعرف أسباب ومسببات ما يحدث للسودانيين بمصر. * وقبل أن ندلف للأسباب لابد من التذكير بنظرة (معظم) المصريين للسودانيين بشكل عام وما فيها من اضطهاد عنصري كريه، والمصري من هؤلاء لا يحترم السوداني إلا إن كان (منتفخ الجيب)، عندها يُسمي باشا وبيه، بدلاً عن صفات أخرى معروفة للجميع. * حكومتنا كما هو معروف لا تحترم شعبها، فلا من هو بالداخل مرتاح ولا من هو بالخارج. * لا يهم إن تم إيداع مواطن السجون المصرية أو تم قتل المئات كما حدث في ميدان مصطفى محمود، وتعلم تماماً ما يحدث لمواطنيها بمصر وغير مصر ولا تحرك ساكناً، بل وتفتح ذراعيها للجانب المصري بكل سذاجة ولم نسمع أنها أخذت موقفاً شديداً من قبل تجاه السياسات المصرية تجاه كل ما هو سوداني، وتغض الطرف عمداً عن قضية حلايب وشلاتين، وتتجاوز التصريحات المصرية المستفزة الخالية من (الديبلوماسية) المعروفة فيما يختص بسد النهضة، وتُصر على تنفيذ اتفاقية الحريات الأربع بحذافيرها بغض النظر عن موقف الحكومة المصرية منها. * المصري يدخل السودان بدون تأشيرة، بينما تقف طوابير المئات من السودانيين يومياً أمام القنصلية المصرية بالخرطوم طلباً للتأشيرة، السوداني يُختم في جوازه (لا يسمح له بالعمل في مصر) بينما المصري يعمل في كل المجالات بالسودان ويتجول بحرية. * حالة الاحتقان التي يعيشها الجانبان منذ سنوات طويلة، وما تقوم به الحكومة المصرية حالياً يؤكد أن (حرباً باردة) بين البلدين، ولكنها حرب من طرف واحد لأن الطرف الثاني جلده تخين و(ضارب طناش). * إحساس (بالدونية) تعيشه حكومتنا تجاه الحكومة المصرية وتجاه كل ما هو مصري، ورغبة (غبية) لكثير من السودانيين بالالتصاق غير المبرر بهذه الدولة العنصرية رغم أن أرض الله واسعة. * وللتأكيد على عنصرية المصريين، قدم البرلمان المصري في العام 2003 مقترحاً بمنح عشرة ألف جنيه مصري وقطعة أرض لكل مصري يتزوج من (سودانية) في إطار سعي الحكومة المصرية وقتها لتشجيع الاستثمار في السودان والاستمتاع بخيرات السودان الشاسع الواسع، وقد أثار هذا الموضوع الكثير من الجدل في الشارع المصري ورفضه الكثيرون ممن يرون أن نسب السودانيين من شأنه أن (يُلوث الدم الحُر). * ما علينا، المهم أن تكالب السودانيين على مصر وكل ما هو مصري سيضاعف من إحساس المصريين حكومة وشعبا (إلا من رحم ربي) بالتعالي والتكبر، واتخاذ موقف قوي من المواطن السوداني من شأنه أن يضع حداً لمواقف الحكومة المصرية، ويقلل نسبة (الحقارة) على السودانيين، لأن الحكومة لا خير ولا بركة فيها تُرجي، وعلى المواطن السوداني مقاطعة كل واردات مصر من مواد غذائية وأدوية وملبوسات، ويجب أن تشمل هذه المقاطعة شركة مصر للطيران التي (تكسبت) وتضاعفت مبيعاتها وظلت أسهمها في البورصة في حالة ارتفاع بسبب إقبال السودانيين المبالغ فيه على مصر حتى وصلت عدد رحلاتها للسودان الى ثلاث وأربع رحلات يومياً، ورغم هذا الإقبال إلا أنها ظلت تدفع بأسوأ طائراتها وطاقمها إلى رحلات الخرطوم. * خطوة مقاطعة واسعة من المواطن السوداني خطوة في الاتجاه الصحيح لوضع السودان في مكانه الطبيعي بعد سيطرة أولاد بمبا غير المبررة على حكومتنا.

من بوست الزميل سعد مدني :
مصر تدوس بحذائها المتسخ الوطن الذي يحكمه الكيزان

زينب عبدالله محمد...

سودانيزاونلاين لم تضع قيودا على حرية التعبير او كيفية الكتابة.
أنتى أكتبى عن الجانب المشرق...
ونحن نكتب عن الجانب المظلم..
وسوف لن نفتح بوستا منفصلا..
ولكننا نكتب هنا..
فالمشرق والسلبى وجهان لعملة واحدة..
فلا تملى علينا ا أن نكتب ما تودين..

المصريين فهم وذوق..
وهذا الفهم والذوق يقف عند التعامل مع السودانيين..
ولا يستطيع كائنا من كان ان يقول بأن المصريين كشعب...
يحبون السودان كما يفعل السودانيون..
وفى مشوار خاطف لمصر..
نذكرك باحداث حديقة مصطفى محمود..
والمجزرة التى حدثت للسودانيين رغم انهم نازحين وهناك قوانين دولية تضبط التعامل معهم..

ونذكرك بحفر مترو الانفاق...
حينما كانت هناك شروط صحية يجب ان تنطيق على عمال الحفر...
ولكن المصريين تغاضوا عن تلك الشروط بالنسبة للسودانيين...
فماتوا كما الجراد..

ونذكرك ايضا بحملات الامن المصرى على السودانيين.
التى تتشكل حسب علاقة مصر مع الدولة السودانية...
فيلتقطونهم ويمارسون معهم كل صنوف العذاب..
كما يحدث هذه الايام..
فهل سمعت باهانة المصريين فى السودان ؟

ونذكرك بدور السودان فى تعزيز الاقتصاد المصرى...
ورغم ذلك..
لم يشفع لنا فى علاقتنا مع مصر..
ولكنهم يطمعون فى المزيد من السودان...
واحتلال الاراضى السودانية اليوم لا يحتاج الى كثير كلام..

هذا على سبيل المثال...
وسوف نولول فى هذا المكان ما شاءت لنا الولوله..

استمرى فى الجانب المشرق..
الى حين العودة..

الأخت الأستاذة نور تاور تحية طيبة و احترام،


بالله عليك، البخلى السودانيين العزيزين يتذلو للمصرين الأوغاد شنو، عليك الله ما تسوقى لى أعذار واهية فى اجابتك؟!

Quote: سودانيزاونلاين لم تضع قيودا على حرية التعبير او كيفية الكتابة. أنتى أكتبى عن الجانب المشرق... ونحن نكتب عن الجانب المظلم.. وسوف لن نفتح بوستا منفصلا.. ولكننا نكتب هنا.. فالمشرق والسلبى وجهان لعملة واحدة.. فلا تملى علينا ا أن نكتب ما تودين..

نور تاور

ارجوك ما ضيعى زمنى وتكلمنى عن سودانيز اونلاين وحريه التعبير وكيفيه الكتابه دى من البديهيات
واى عضو عارف الاشياء دى .....

الحاجه الانتى ما عارفها انو لا يحق ليكى او لغيرك انو يدخل بوستات الاخريين ويحاول يحرف موضوع النقاش
بى ذريعه ( السلبى والمشرق وجهان لى عمله واحده )
وموضوع النقاش بى يحدده صاحب البوست
وانا صاحبه البوست -- وفى هذا البوست تحديدا --عايزه اتكلم عن مصر الجميله والمصريين الاذكياء
انتى عندك رؤيه تانيه سودانيزاونلاين بتديك الحق للتعبير عن وجهه نظرك المغايره لكن لا تسمح لكى بى
فرض ما تريدين كتابته فى بوستات الاخريين

ولى معلوميتك يا نور تاور

انا زوله احب اتكلم فى التابوهات بالذات فى مجتمعات زى مجتمعاتنا

بتخاف المواجه بأعتبارها امور حساسه ( عشان تانى تهبشى السودانيين فى امور حساسة ) على قولك

معظم الناس عايزه تلت وتعجن فى امور معروفه وموثقه ومصوره والكلام فيها لا بودى لا بيجيب
مثل ما حدث فى ميدان مصطفى محمود وما شاكله والشكوى من المصريين ذلونا وعملوا لينا
واعلامهم شتمنا الخ الخ

السودايين لازم يصحوا ويفكروا صاح ويبنوا بلدهم وياخدو حقهم بي ايديهم
الشكوى لا تفيد المصريين عندهم اعلام واعلاميين هاريين مصارينا
نعمل زيهم يكون عندنا اعلام زيهم ونرد ليهم الصاع صاعيين
حكومتنا ماشيفه شغلها نطلع الشارع ونغيرها لكن اجترار الماضى والشكوى وكراهيه المصريه
ما بتقدم ولا بتجيب عجزنا من ان نحرر بلدنا وقضيناها كلها قبلتى وقبلتك ولونى ولونك
ما نلوم الاخريين لو سخروا مننا

عشان كدا انا بقول ليكى امشى افتحى بوست يخصك واتكلمى فى ما تريدين وما تجى تسردى
وقائع واحداث على حساب البوست الانا مفترعهو لى هدف معين

نثني رد الاخت نور تاور
وما دام البوست مفتوح في العام فهو مطروح للنقاش
صاحبة البوست تكتب عما تراه جوانب مشرقة
ومخالفوها يكتبون عن الجوانب المظلمة
وكامل التضامن مع السودانيين المتواجدين في مصر الآن وهم يلاقون صنوف الاهانة والتضييق دون ان تحركة حكومتنا ساكنا كالعادة
نطالب بوقف رحلات الطيران المصري للسودان ردا على ذلك وان شاء الله يتعللوا بالسلامة

Quote: وما دام البوست مفتوح في العام فهو مطروح للنقاش

احمد الشيخ

البوست مطروح للنقاش ولكن لا اسمح لى اى شخص بتغيير او حرف موضوع البوست

موضوع البوست مكتوب فى العنوان وافتكر واضح

انا كتبت كلام وجبت فديوهات الناس تناقشنى فى كلامى وتقول رائيها فى الفديوهات

لكن لا اسمح بأن يتحول البوست لى مناحه ضد الشعب المصرى

واى زول يجى شايل بقج غبائن وهاك يا نقه

العايز يمشى يفتح بوست ويتكلم عن المصريين ويصفهم بأشنع الاوصاف هو حر

يعنى الا يكتبوا كلامهم فى البوست دا !!!!اذا الحكايه تحدى قولوا لينا عشان نتصرف

Quote: البوست مطروح للنقاش ولكن لا اسمح لى اى شخص بتغيير او حرف موضوع البوست

بالهداوة كدا يا راعية البوست
وعشان نتعلم نتحاور
إنت قلتي "رأي"
هل في طريقة للإختلاف مع رأيك دا؟؟؟؟
ممكن تقولي دا أبيض
ويجيك واحد تاني يقول ليك أنا شايفه أسود؟؟؟؟
لإختلاف الرأي دا خلق المنبر

ممكن تجي هنا وتقولي أحب المصريين لأنهم فهم وذوق وفن وحضارة
ويجيك واحد يقول ليك حبي من تحبيين
لكن المصريين ديل ما زي ما إنتي قلتي
دا سبب للزعل؟؟؟؟؟؟؟
دا إختلاف رأي أتمني لا يفسد للود قضية
خاصة لزولة زي ما قلتي بتشتغل في التابوهات
ودايرة تسوق حاجة صعبة زي دي

زي زول واقف في السوق ينادي
تعالوا شوف الحنظل الحلو
حب الإستطلاع يجيب كم واحد
وبعد التذوق يقولوا ليه
دا ما ياهو الحنظل ذاتو
يقوم سيد الحنظل يقول ليهم
إنتو ما عارفين حاجة ساكت دا حلو جدا
ومعاها كمان :
والبقول حنظلي دا مر ما يجيني بجاي !!!

الأخ نصر،

كتبت:
ممكن تقولي دا أبيض
ويجيك واحد تاني يقول ليك أنا شايفه أسود؟؟؟؟


يا نصر يا أخى أنت رجل عندك ثقل فى هذا البورد -حسب تقييمى أنا- ما تنزل لى منحدرات زى دى رجاءاً.

تحياتي اخت زينب واحترامي ليك
والعفو ما في اي تحدي او عناد
هي مجرد وجهات نظر متباينة كل شخص يقول ما يقتنع به
اتخيلي انتي في مجلس عام وقلتي للحضور المصريين اهل فن وذوق ووو
من الطبيعي مجموعة من الحضور يخالفوك الراي وانتي ممكن تردي عليهم
ارجو ان يتسع صدرك

الامن المصري يعذب سوداني كبير في السن ... ( صور )

http://sudaneseonline.com/board/480/msg/%d8%a7%d9%84%d8%a7%d9%85%d9%86-%d8%a7%d9%84%d9%85%d8%b5%d8%b1%d9%8a-%d9%8a%d8%b9%d8%b0%d8%a8-%d8%b3%...%29--1447692074.html

هاهاهاهاهاهاها

غايتو البشكر المصريين يشكر في الراكوبة في الخريف ...

ما لقيت لي شعب شكر ليهو مصري الله يعلم .. كلهم بدون فرز
حتى الاسيويين بيعرفوا المصريين كوييييس

Quote: تحياتي اخت زينب واحترامي ليك والعفو ما في اي تحدي او عناد هي مجرد وجهات نظر متباينة كل شخص يقول ما يقتنع به اتخيلي انتي في مجلس عام وقلتي للحضور المصريين اهل فن وذوق ووو من الطبيعي مجموعة من الحضور يخالفوك الراي وانتي ممكن تردي عليهم ارجو ان يتسع صدرك

تسلم اخى احمد الشيخ

انا لا ارفض وجهات النظر فى المواضيع المطروحه للنقاش ودونك
مداخلات فى هذا البوست لا تتفق معى واخرى تشتمنى عادى جدا
ممكن امررها

لكن الزوله الاسمها نور تاور جات داخله بطريقه شتراء
ومن اول مداخله كتبت الاتى :

Quote: غايتو يا زينب عبدالله.. وقعتى وما سميتى.. أهو البوست قلبو ليكى رأسا على عقب.. عشان تانى تهبشى السودانيين فى امور حساسة..

يعنى زول من اول مداخله ليه يقول ليك البوست اتقلب رأس على عقب
عشان تانى تهبش السودانيين فى امور حساسه
دا تسميه شنو شماته ارهاب ولا ايه ؟!!!

طيب اذا كان دا رأيها فى البوست من اول مداخله ليها البخليها تواصل فى البوست شنو !!!

على اى حال انا رديت عليها بكل احترام وشكرتها على المداخله
كنت متوقعه انها تعتذر عن مداخلتها الاولى او على الاقل تدافع عن كلامها
الكاتبهو فى اول مداخله
لكن جات تانى
و كتبت كلام ما ليه اى علاقه بى
موضوع البوست وفى نهايه مداخلاتها التانيه قالت :

ولى عودة فى موضوع البوست وهو العلاقة السودانية المصرية..

يعنى هى خلاص قررت انو موضوع البوست هو العلاقه السودانيه المصريه من غير
اى اعتبارات للموضوع المطروح للنقاش

وضحنا ليها للمره التانيه و بكل احترام انو انا ما عندى رغبه اتكلم فى الاشياء
الحصلت بين البلديين من تهجير وادى حلفا او ما حدث فى مصطفى محمود الخ الخ

جات راجعه ونزلت اكتر من 17 مداخله من مداخلات نافذه الفيس بوك ظنا منها المسكينه انو
انوا الحاجه دى بتزعلنى وهى ما عارفه انو كونها تنقل النبذ وصرعات الفيس بوك البذيئه
فى البوست بوضح الى مدى الزوله دى desperate وماعندها موضوع

Quote: اذا الحكايه تحدى قولوا لينا عشان نتصرف

ستي زينب
كمان ما للدرجة دي

زينا وزيهم واحد
حسن البنا منهم وحسن الترابي مننا ( يعني شركاء في الجريمة )

السلام عليكم

النار ولعت والسبب انتي .. الفتنة اشد من القتل .. الفيس اتملي شتائم وسب للاعراض بسبب المصرين ..
اقترح حذف البوست
تحياتي

Quote: واى زول يجى شايل بقج غبائن وهاك يا نقه

اهلنا قالوا التشيفي نهار ماتضوي ليو النار
شدي حيلك وانكربي وماتبطبطي اكتب البتريو ودفقي حبك ليهم لو اقنعتينا بي الحجة والبرهان نقوليك غيرنا وجهة نظرنا
ولو العكس تشيلي بوستيك ده تشربيو بي جردقة واوعي تتضايقي لحدت هسة البوست صفحتين ماوريتينا الفهم شنو
حاجة مهمة جدا ختيها حلقة في عضنيك التنمية الذرة النووووي ناطحات السحاب بدون انسان عندو قيييم واخلاق ماتسوى شئ
دكاتروتوم شطار وطبهم متقدم لكن لامن يبتزوك ويسووو ليك العملية غلت بتحول ببساطة للاردن والهند وده القاعد يحصل الان وحيحصل لي قدام
امس رئيس الجالية بسرررخ ويشتكي من نصب الدولة على السودانيييين دي برضو تبع الفهم
بس الراي الاخر لانو رد علي كلامك ماتمنعيو هنا في البوست

بينما نظراءهم يعيشون أقسى انواع المعاناة في شرق السودان وقيض الله لهم من يرأف بحالهم من دول الجوار فرصدوا مبالغ مقدرة موجهة لتنمية المنطقة لكن النظام ياكل مال النبي لغفوا الجا وطفقوا يتسولون باسم الشرق في المحافل الخليجية
هذا هو الحال في السودان بينما في الشق المصرى وفي كنف مصر يجدون الرعاية والاهتمام







جاء في البرنامج ان هذه الفرقة ترعاها وزارة الثقافة ..آخر دلع مقارنة بما يكابده قرايبم في السودان


*مدة كل مقطع لا يتجاوز 3 دقايق ، اسجل من كل القنوات عادي لكن من قناة طيبة المخصصة للصعيدوالنوبة يسجل 3 دقايق ويفصل ...إن مر من هنا من سيفيدني أكون له من المقدرين

الاخت / الابنه زينب

استبشرنا بظهورك في المنر بانك حصان رهان

البوست ده طلعك فشوش

بلا مصر بلا لمه


الزبير

Quote: Essam Absher * قالت زينب : ( ارجوك ما ضيعى زمنى وتكلمنى عن سودانيز اونلاين وحريه التعبير وكيفيه الكتابه دى من البديهيات واى عضو عارف الاشياء دى .....) * ثم قالت الاستاذة الما عندها زمن تضيعو اجتراراً : ( انتى عندك رؤيه تانيه سودانيزاونلاين بتديك الحق للتعبير عن وجهه نظرك المغايره لكن لا تسمح لكى بى فرض ما تريدين كتابته فى بوستات الاخريين .) * وقبل الختام قالت : ( المصريين عندهم اعلام واعلاميين هاريين مصارينا ) وانا بقول ليها : طيب مُش كفاية علينا اعلامهم بدل نقيطك دا (يا ربي يا ربي تتفركش علاقة المصاهرة عشان نشوف اللون الازرق الما خمج ) واخيراً دي من عندي : ما ح اقول قوم لٍف ( لشي في نفسي) بس اسمح لي بالاتي : بلا مصريين بلا قرف . ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ * (السودايين لازم يصحوا ويفكروا صاح ويبنوا بلدهم وياخدو حقهم بي ايديهم ) رغم عصرك لنا ! هذا لا يمنعنا من شكرك على هذه النصيحة التي فاتت علينا (باللاي) . إلغاء الإعجاب · رد · 1 · 11 ساعة

الحلاقة في سودانيز مابقت فوق بس يعلم الله فوق تحت وسعي سدرك وادينا النجيضة لو قعدتي تسررررخي كدي بتبقي زي الالة الاعلامية بتاعتوم جوعير وكضب فاضي ساي زي قصة المطار والجزائريين شايلين سواطير وجابو شووومة وووقعو فينا ضرب ومطارنا اوضة وصالة وكم بواب اسمو عصمان

مصر ام الدنيا
و المصريين اجدع ناس.
و رغم ذلك في مصريين رمم و في مصريين من كل شكل و نوع لأنهم ببساطة بشر.
و حلايب و شلاتين مكانها التحكيم الدولي.

Quote: مصر ام الدنيا و المصريين اجدع ناس. و رغم ذلك في مصريين رمم و في مصريين من كل شكل و نوع لأنهم ببساطة بشر. و حلايب و شلاتين مكانها التحكيم الدولي.

سلام د.سيف
تقريبا بنقول فى كلامك دا من البدايه لكن الناس ما عايزه تكون معتدله فى نظرتها للامور

Quote: وسعي سدرك وادينا النجيضة

حامد بدرى

ياخى انت روق اول وبعدين حتسمع النجيضه
لانو الكراهيه والانفعال والهتافات والنبذ عمرها ما جابت نتيجه ولا بنت امه
اذا قعدنا نردد ونقول المصريين فيهم وفيهم وفيهم كل عيوب الدنيا
هل دا بحل مشاكلنا او حيبنى بلدنا الجميله الاسمها السودان او حيرجع لينا ارضنا المحتله ؟؟؟
ليه نحنا ما نصوب سهامنا وغضبنا على حكامنا
ليه نحنا ديما نشتكى المصريين سوا لينا وسو لينا !! ليه دائما نحن مفعول به !

الانسان يفرض احترامه على الغير ولكن لا يستجديه
ومن يهن يسهل الهوان عليه

بعدين سيبك من كلام العاميه الما بودى ولا بجيب من شاكله ( الحلاقه فوق وتحت ) لانو الموضوع
بالنسبه لى ما مباراة كره قدم هلال مريخ ولا اهلى وزمالك
الموضوع هو gave credit when creddit is due
وفى هذا البوست انا اخترت الشعب المصرى
وعندى بوست تانى عن الشعب السودانى
وكلوا عن الاشياء الجميله فى البلديين

اين المشكله فى هذا ؟؟؟
______________________________________________

عيوب الجسد يسترها متر قماش ولكن عيوب الفكر يكشفها اول نقاش

على المذيع المصري تامر أمين مراجعة معلوماتة عن الشعب المصري .

يا بدر الدين الطائف
الكلام دا يحسب للشعب المصرى وليس عليه
اليس تعريف الاعلام هو السلطه الرابعه
وماهو دور الاعلام اذا ما سلط الضوء على العيوب والمشاكل

هسى بتقدر فى السودان تلقى مذيع بقول كدا عن السودانيين او الحكومه السودانيه

لا معليش انا نسيت نحن ملايكه ما عندنا اى مشكله

نور تاور

بقيتى تنقلى فى مداخلات الفيس بوك عشان تغطى بيها خيباتك يا مسكينه مفتكرانى
انا زيك بيرهبنى هذا الاسفاف والشتيمه لكن نقول ايه اهو دا مستواكى احتفلى بيه
و انقلى ساى قشه ما تعتر ليكى وانا حأمسح لغايه الله يغفر ليكى وتحسى بى زهو الانتصار
اصلوا نوعيتكم دى ما بتشغل الفكر بتشغل العضل

Quote: نور تاور بقيتى تنقلى فى مداخلات الفيس بوك عشان تغطى بيها خيباتك يا مسكينه مفتكرانى انا زيك بيرهبنى هذا الاسفاف والشتيمه لكن نقول ايه اهو دا مستواكى احتفلى بيه و انقلى ساى قشه ما تعتر ليكى وانا حأمسح لغايه الله يغفر ليكى وتحسى بى زهو الانتصار اصلوا نوعيتكم دى ما بتشغل الفكر بتشغل العضل

زينب اني كتبتي الكلام الفوق دا ممكن شوي اسئلة
1- ما المانع في رفع مداخلات الفيسبوك؟
2- ممكن تنورينا على خيبات الاستاذة نور التي ذكرتيها؟
3- كيف قدرتي تحددي مستوى الاخت نور؟ عشان نستفيد من المعايير
4- مسحك لاي مداخلة يعبر عن ضيق بالرأي الآخر و ممارسة القمع و الاقصاء عليه
و هذا يصب في اتجاه عوار و بوار موضوعك.
5- ذكرتي للاستاذة نور العبارة التالية (اصلو نوعيتكم دي) نوعيتهم ياتا؟ و يا ريت تطنبي
في الاجابة على هذا السؤال و تنورينا على انواع البشر و فصائلهم و ما تحملينه من علم و
معرفة في هذا الجانب علنا نستفيد و اكون شاكرا جدا.
اما موضوع البوست بتاع حبك للمصريين دا رأيك و انت حرة و قديما قيل (من الحب ما قتل)

Quote: شعب صاحب حضاره عمرها 7 الف سنه اسمه مذكور فى كل الكتب السماويه

إبليس برضو مذكور في كل الكتب السماوية

Quote: إبليس برضو مذكور في كل الكتب السماوية

والملايكه برضو مذكوريين

لكن نحنا عيونا بتحب تشوف الملايكه ):

Quote: زينب اني كتبتي الكلام الفوق دا ممكن شوي اسئلة 1- ما المانع في رفع مداخلات الفيسبوك؟ 2- ممكن تنورينا على خيبات الاستاذة نور التي ذكرتيها؟ 3- كيف قدرتي تحددي مستوى الاخت نور؟ عشان نستفيد من المعايير 4- مسحك لاي مداخلة يعبر عن ضيق بالرأي الآخر و ممارسة القمع و الاقصاء عليه و هذا يصب في اتجاه عوار و بوار موضوعك. 5- ذكرتي للاستاذة نور العبارة التالية (اصلو نوعيتكم دي) نوعيتهم ياتا؟ و يا ريت تطنبي في الاجابة على هذا السؤال و تنورينا على انواع البشر و فصائلهم و ما تحملينه من علم و معرفة في هذا الجانب علنا نستفيد و اكون شاكرا جدا. اما موضوع البوست بتاع حبك للمصريين دا رأيك و انت حرة و قديما قيل (من الحب ما قتل)

اجابه السؤال نمره 1

اذا كان الهدف من رفعها اجابه لى سؤال من متداخل من الفيس بوك او تعضيد وجه نظر معينه مافى اى مانع
لكن رفع مداخلات من الفيس بوك والتى تحمل الاسفاف والشتم بواسطه عضو مشترك فى الموقع ويستطيع
ان يبدى وجهه نظره بكل احترام دى انا بعتبرها هروب وخيبه

اجابه السؤال نمره 2

تجدها متضمنه فى الاجابه على السؤال نمره 1

اجابه السؤال رقم 3

من خلال مشاركتها فى هذا البوست واحتفائها بى اساءات من الفيس بوك
وقديما قيل المرء مخفى تحت لسانه تحدثوا تعرفوا

اجابه السؤال رقم 4

دى سؤال دا يا مرسى ولا تقرير ):

انا لا اعتبر المداخلات التى قمت بى مسحها بأنها " رأى "
اديك مثال من مداخلات الفيس بوك التى مسحتها وقول لى انت اين الرأى فيها

كتب مرهف مرهف :

( اشك بانك سودانية السودان استقبل هجرات الالاف ممن شردتهم الحروبات في دول الجوار الافريقي واعتبرك منهم .. قلة ادب وبجاحة )

دا مثال واحد من المداخلات الانا مسحتها لو عايز تانى بتحفك بى ما تسميه انت " رأى " وتتباكى مع نور تاور على مسحه

الاجابه السؤال قم 5

نوعيتهم هى نوعيه الناس التى تفقد القدره على التفكير واستخدام العقل ويلجأ لى الاستعانه بى العمل اليدوى فى نقل التراهات والاسفاف

اخيرا كتب امجد : ( واكون شاكرا جدا )

قول وحات الله ههههه طبعا انا فهماك جدا انت بتهدف لى شنو فىى مداخلتك دى لكن اقول ليك حاجه .... دى تلقاها عند الغافل


كتب امجد :

( اما موضوع البوست بتاع حبك للمصريين دا رأيك و انت حرة و قديما قيل (من الحب ما قتل) )

بالله عليك كلم البقيه ينوبك ثواب

Quote: يا بدر الدين الطائف الكلام دا يحسب للشعب المصرى وليس عليه اليس تعريف الاعلام هو السلطه الرابعه وماهو دور الاعلام اذا ما سلط الضوء على العيوب والمشاكل هسى بتقدر فى السودان تلقى مذيع بقول كدا عن السودانيين او الحكومه السودانيه لا معليش انا نسيت نحن ملايكه ما عندنا اى مشكله

مبدئيا بتفق معاك فى إنه الكلام ده بيتحسب فى صالح الشعب المصري وفعلا ده دور الاعلام إنه يوعي الناس .

نخت فى إعتبارنا إنه الكلام ده لو طلع من أي مذيع غير مصري كان المصريين قلبو الدنيا .

لما يطلع مذيع بحجم تامر أمين يا زينب وفى قناة كبيرة ذي المصرية مشاهدة لدى الملايين من الشعب المصري والعربي ويقول كلامو ده بدون ما يتحاسب ولا يتوقف عن العمل معناها كلامو صاح .

الشاهد فى الموضوع إنه كلام تامر أمين بيتعارض مع فكرة البوست عن الفهم والذوق المصري وده الغرض من إيراد الفيديو .

نحن ما ملائكة وفىنا عيوب ذينا ذي باقى خلق الله لكن النصيحة قاعدين نستحمي .

تحباتي
بالمناسبة ،، وين عم عبده البواب؟

Quote: قول وحات الله ههههه طبعا انا فهماك جدا انت بتهدف لى شنو فىى مداخلتك دى لكن اقول ليك حاجه .... دى تلقاها عند الغافل

اها قراءة النوايا دي من مهاراتك برضو

السؤال نمرة اتنين ما لقيت جوابو في اجابة السؤال رقم واحد
و انا اعني خيبات نور تاور.
بعدين قلتي لي (تباكى انت و نور) انا ما في شئ بخليني اتباكى
و اكان قايلة استخدام مفردات زي دي بيعضد رأيك و لا بيسند حجتك
تبقي غلطانة.
و الله يا زينب انا ذاتي الدخلني هنا شنو ماني عارفو لكن يا هو الفايق الهم بزمو
و البوست دا شايفو لي كام يوم كدا على اي حال كنكشي فيهم و حبي زيييييين

أخى الفاضل امجد الجميعابى..
تحية واحترام....


الاستاذة دى ما مستاهلة..
وكفاية عليها الفيس بوك..
كان تقدر تمسحهم..
أما حكاية النوعية الزيكم وما ادراك ما نوعية دى..
فدا اسمه (فرش ملاية اسكندرانى) أجارك الله...

استاذة نور
هذا مع التحية

Quote: ﺑﻌﺪ ﺿﺮﺑﺔ ﻳﻮﻧﻴﻮ ﺑﻴﻮﻡ .. ﻋﺒﺪ ﺍﻟﻨﺎﺻﺮ ﻛﺎﻥ ﺃﻭﻝ ﻫﺎﺗﻒ ﺧﺎﺭﺟﻲ ﻟﻪ ﻫﻮ ﺣﺪﻳﺚ ﻣﻊ ﺃﺯﻫﺮﻱ .. > ﻧﺎﺻﺮ ﻳﺤﺪِّﺙ ﺃﺯﻫﺮﻱ ﺗﺴﻌﻴﻦ ﺩﻗﻴﻘﺔ .. ﻭﻛﺄﻧﻪ ﻳﺒﻜﻲ ﻋﻨﺪﻩ ﺣﺪَّﺛﻪ ﻋﻦ ﺍﻟﺴﻮﭬﻴﺖ .. ﻭﻣﺼﺮ ﺣﻴﻦ ﺗﻄﻠﺐ ﺃﺳﻠﺤﺔ ﻣﻦ ﻫﻨﺎﻙ ﻳﻌﻮﺩ ﺇﻟﻴﻪ ﺍﻟﺴﻔﻴﺮ ﻟﻴﺒﻠﻐﻪ ﺃﻥ ﺇﺟﺎﺑﺔ ﺍﻟﺴﻮﻓﻴﺖ ﻫﻲ : ﻻ ﻧﺴﺘﻄﻴﻊ ﺗﺰﻭﻳﺪ ﻣﺼﺮ ﺑﺎﻟﺴﻼﺡ ﻗﺒﻞ ﺃﻥ ﻧﻌﺮﻑ ﺍﻷﺳﺒﺎﺏ ﺍﻟﺘﻲ ﺟﻌﻠﺖ ﺍﻟﻘﻴﺎﺩﺓ ﺍﻟﻌﺴﻜﺮﻳﺔ ﺗﺘﺮﻙ ﺍﻟﺴﻼﺡ ﺍﻟﺴﻮﭬﻴﺘﻲ ﻓﻲ ﺍﻟﻌﺮﺍﺀ .. ﺃﻛﻔﺄ ﻭﺃﺣﺪﺙ ﺳﻼﺡ ﻓﻲ ﺍﻟﻌﺎﻟﻢ .. ﻟﻴﺼﺒﺢ ﺍﻷﻣﺮ ﻫﺰﻳﻤﺔ ﻟﻠﺴﻮﭬﻴﺖ ﻗﺒﻞ ﻣﺼﺮ .. ﻗﺎﻝ ﻋﺒﺪ ﺍﻟﻨﺎﺻﺮ ﻷﺯﻫﺮﻱ : ﻗﻠﺖ ﻟﻠﺴﻮﭬﻴﺖ ﺇﻥ ﻫﺬﺍ ﺍﻟﻮﻗﺖ ﻻ ﻳﺼﻠﺢ ﻟﻺﺟﺎﺑﺔ ﻋﻦ ﺑﻌﺾ ﺍﻷﺳﺌﻠﺔ ﻗﻠﺖ ﻟﻬﻢ .. ﻟﻴﺲ ﺑﻴﻦ ﺇﺳﺮﺍﺋﻴﻞ ﻭﺍﻟﻘﺎﻫﺮﺓ ﺇﻻ ﺃﻥ ﻳﺘﻘﺪﻡ ﺍﻟﻄﺎﺑﻮﺭ ﺍﻹﺳﺮﺍﺋﻴﻠﻲ .. ﻓﻘﻂ .. ﻭﻃﻠﺒﻨﺎ ﺍﻟﺴﻼﺡ > ﻭﺍﻟﺴﻔﻴﺮ ﺍﻟﺴﻮﭬﻴﺘﻲ ﻳﻌﻮﺩ ﻭﻳﻘﻮﻝ ﺍﻟﻜﺮﻣﻠﻴﻦ ﺗﻄﻠﺐ ﺍﻟﺜﻤﻦ ﻗﺒﻞ ﺍﻟﺘﺴﻠﻴﻢ !!! ﻗﺎﻝ ﺍﻟﺴﻔﻴﺮ .. ﺃﻭ ﻗﻄﻨًﺎ .. ﺑﺤﻴﺚ ﻻ ﺗﺘﺤﺮﻙ ﺩﻓﻌﺔ ﻣﻦ ﺍﻟﺴﻼﺡ ﺇﻟﻰ ﺍﻟﺸﺎﻃﺊ ﺇﻻ ﺑﻌﺪ ﺻﻌﻮﺩ ﺩﻓﻌﺔ ﻣﻦ ﺍﻟﻘﻄﻦ ﺇﻟﻰ ﺍﻟﺴﻔﻴﻨﺔ > ﻫﻜﺬﺍ ﻗﺎﻝ ﺣﺮﻓﻴﺎً > ﻭﻧﺎﺻﺮ ﻳﺤﻜﻲ ﺳﺎﻋﺔ ﻭﻧﺼﻒ .. ﻭﺃﺯﻫﺮﻱ ﻳﻘﻮﻝ .. ﻧﻌﻢ .. ﻧﻌﻢ .. ﻭﻛﺄﻧﻪ ﻳﻬﺪﻫﺪ ﺍﻟﺮﺟﻞ ﺍﻟﺤﺰﻳﻦ .. ﺍﻟﺤﺰﻳﻦ > ﻭﺍﻟﺴﻮﺩﺍﻥ .. ﻳﻌﻠﻦ ﺃﻥ ﻛﻞ ﺷﻲﺀ ﻓﻲ ﺍﻟﺴﻮﺩﺍﻥ ﻟﻤﺼﺮ > ﻭﻳﻔﻌﻞ ﻣﺎ ﻗﺎﻝ > ﺑﻌﺪﻫﺎ ﻛﺎﻥ ﻫﺎﺗﻒ ﺃﺯﻫﺮﻱ ﻓﻲ ﺟﻠﺴﺘﻪ ﺫﺍﺗﻬﺎ ﻳﺠﻌﻞ ﺍﻟﻤﻠﻚ ﻓﻴﺼﻞ ﻳﺴﻜﺐ ﺍﻟﻤﺎﻝ ﻟﻤﺼﺮ ﻟﺸﺮﺍﺀ ﺍﻟﺴﻼﺡ .. > ﻭﺍﻷﻣﻴﺮ ﺍﻟﺼﺒﺎﺡ ﻓﻲ ﺍﻟﻜﻮﻳﺖ .. ﻣﺜﻠﻬﺎ > ﻭﻳﺠﻤﻊ ﻣﺆﺗﻤﺮ ﺍﻟﺨﺮﻃﻮﻡ > ﻭﻧﺎﺻﺮ ﺣﻴﻦ ﻳﻬﺒﻂ ﺍﻟﺨﺮﻃﻮﻡ ﺗﻜﺘﺐ ﺻﺤﻒ ﺍﻟﻐﺮﺏ ﻓﻲ ﺩﻫﺸﺔ ﻋﺎﺭﻣﺔ .. ﻧﺎﺻﺮ ﺍﻟﻤﻬﺰﻭﻡ ﻳُﺴﺘﻘﺒﻞ ﻓﻲ ﺍﻟﺴﻮﺩﺍﻥ ﺍﺳﺘﻘﺒﺎﻝ ﺍﻟﻔﺎﺗﺤﻴﻦ > ﻛﺎﻥ ﺍﻟﺴﻮﺩﺍﻥ ﻛﻠﻪ ﻳﺘﺪﻓﻖ ﻓﻲ ﺍﻟﺨﺮﻃﻮﻡ « ﻟﺮﻓﻊ ﺍﻟﺮﻭﺡ ﺍﻟﻤﻌﻨﻮﻳﺔ ﻟﻤﺼﺮ .. > ﺍﻟﺴﻮﺩﺍﻥ ﻳﻌﺮﻑ ﺍﻟﺴﻼﺡ ﺍﻟﻤﻨﺎﺳﺐ ﻓﻲ ﺍﻟﻮﻗﺖ ﺍﻟﻤﻨﺎﺳﺐ ﻗﺎﻝ ﺍﻷﺳﺘﺎﺫ ﻣﺤﻤﺪ ﺳﻌﻴﺪ ﻣﺤﻤﺪ ﺍﻟﺤﺴﻦ ﺍﻟﺬﻱ ﻧﻨﻘﻞ ﻋﻨﻪ ﺗﻔﺎﺻﻴﻞ ﻣﺎ ﺟﺮﻯ .. ﻗﺎﻝ ﺍﻟﻤﺤﺠﻮﺏ : ﻋﺒﺪﺍﻟﻨﺎﺻﺮ ﺣﻴﻦ ﺩﻋﺎﻧﻲ ﻟﻤﻨﺰﻟﻪ ﻳﺪﺧﻞ ﺑﻌﺪ ﻋﺸﺮ ﺩﻗﺎﺋﻖ .. ﻭﻳﻌﺘﺬﺭ ﺑﺄﻥ ﺟﻴﻜﻮﺏ ﻣﺎﻟﻚ ﺃﻃﺎﻝ ﺍﻟﺒﻘﺎﺀ ﻗﺎﻝ ﻧﺎﺻﺮ ﻟﻠﻤﺤﺠﻮﺏ : ﺩﻋﻮﺗﻚ ﻷﻧﻨﻲ ﺃﺭﻳﺪ ﺷﺨﺼﺎً ﺃﺳﺘﻄﻴﻊ ﺃﻥ ﺃُﻓﺮﻍ ﺃﻣﺎﻣﻪ ﻣﺎ ﻓﻲ ﻗﻠﺒﻲ > ﻛﺎﻥ ﻣﺘﻌﺒﺎً ﻭﺣﺰﻳﻨﺎً ﺟﺪﺍً > ﻭﺍﻟﻤﺤﺠﻮﺏ ﻳﻘﺪﻡ ﺍﻟﺤﻞ > ﻭﺍﻟﺴﻮﺩﺍﻥ ﻳﻄﻔﺊ ﺣﺮﺏ ﺍﻟﻴﻤﻦ ﺍﻟﺘﻲ ﻛﺎﻧﺖ ﺣﺮﺑًﺎ ﺑﻴﻦ ﻧﺎﺻﺮ ﻭﺍﻟﺴﻌﻮﺩﻳﺔ > ﻭﻳﺠﻌﻞ ﻗﻮﺍﺕ ﻣﺼﺮ «60 » ﺃﻟﻒ ﺭﺟﻞ ﻓﻲ ﺍﻟﻴﻤﻦ ﻳﻐﺎﺩﺭﻭﻥ ﺍﻟﻴﻤﻦ ﻟﻢ ﻳﻜﻦ ﺍﻷﻣﺮ ﺳﻬﻼً .. ﻓﺎﻟﻤﺤﺠﻮﺏ ﺣﻴﻦ ﻳﻬﺒﻂ ﺟﺪﺓ ﻳﻠﻘﺎﻩ ﺳﻔﻴﺮ ﺍﻟﺴﻮﺩﺍﻥ ﻟﻴﻘﻮﻝ ﺇﻥ : ﺍﻟﻤﻠﻚ ﻓﻴﺼﻞ ﻟﻴﺲ ﻣﺴﺘﻌﺪﺍً ﻟﻠﺤﺪﻳﺚ ﺣﻮﻝ ﻗﻀﻴﺔ ﺍﻟﻴﻤﻦ > ﻭﺍﻷﻣﻴﺮ ﻋﺒﺪ ﺍﻟﻠﻪ ﻳﻠﻘﻰ ﺍﻟﻤﺤﺠﻮﺏ ﻟﻴﻘﻮﻝ : ﺃﺭﺟﻮ ﺃﻻ ﺗﻜﻮﻥ ﻗﺎﺩﻣﺎً ﻟﻠﺤﺪﻳﺚ ﻣﻊ ﺃﺑﻲ ﻓﻲ ﻗﻀﻴﺔ ﺍﻟﻴﻤﻦ > ﻭﺍﻟﻤﺤﺠﻮﺏ ﻳﻘﻮﻝ : ﻭﻟﻢ ﻻ ..؟ ﻣﺎ ﺍﻟﺬﻱ ﻳﻤﻨﻊ؟ ﻗﺎﻝ ﻋﺒﺪ ﺍﻟﻠﻪ : ﺍﻟﻤﺼﺮﻳﻮﻥ ﻻ ﻳﺤﻔﻈﻮﻥ ﺍﺗﻔﺎﻗﺎً ﻗﺎﻝ ﺍﻟﻤﺤﺠﻮﺏ > ﻳﺎ ﻋﺰﻳﺰﻱ ﺍﻷﻣﻴﺮ .. ﺍﻷﻣﺮ ﺍﻵﻥ ﺃﻛﺒﺮ ﻣﻦ ﻣﺼﺮ .. ﻭﺟﻮﺩﻧﺎ ﻛﻠﻪ ﻓﻲ ﺧﻄﺮ > ﻭﺍﻟﻤﻠﻚ ﻓﻴﺼﻞ ﺍﻟﻐﺎﺿﺐ ﻣﻦ ﺳﻔﻪ ﺍﻹﻋﻼﻡ ﺍﻟﻤﺼﺮﻱ « ﺃﺳﻮﺃ ﻣﺎ ﻋﺮﻑ ﺍﻟﻌﺮﺏ ﻣﻦ ﺇﻋﻼﻡ » ﻳﺴﺘﻘﺒﻞ ﺍﻟﻤﺤﺠﻮﺏ ﻟﻴﻘﻮﻝ > ﺑﺎﻟﻄﺒﻊ ﺃﻋﺮﻓﻚ .. ﺟﻴﺪﺍً ﻭﺃﺣﻔﻆ ﻟﻜﻢ ﺑﺪﻭﺭﻱ ﺃﻋﻈﻢ ﺍﻟﺘﻘﺪﻳﺮ ﻭﻓﻮﻕ ﺫﻟﻚ ﺃﻋﺮﻑ ﺃﻧﻚ ﺑﺼﻔﺎﺕ ﺍﻟﻌﺮﺑﻲ ﺍﻟﻨﺒﻴﻞ ﺍﻟﺬﻱ ﺣﻴﻦ ﻳﺠﺪ ﺧﺼﻤﻪ ﺟﺮﻳﺤﺎً ﻓﺈﻧﻪ ﻻ ﻳﻘﺘﻠﻪ .. ﺑﻞ ﻳﻌﺎﻟﺠﻪ .. ﺛﻢ ﻳﻌﺮﺽ ﻋﻠﻴﻪ ﻣﺎ ﻳﻌﺮﺽ > ﺍﻟﻤﻠﻚ ﻓﻴﺼﻞ .. ﻓﻲ ﺃﻏﺮﺏ ﺃﺳﻠﻮﺏ ﻟﻠﻤﺤﺎﺩﺛﺎﺕ ﻳﻌﻄﻲ ﺍﻟﻤﺤﺠﻮﺏ ﻭﺭﻗﻪ ﻭﻗﻠﻤًﺎ .. ﻭﻳﺠﻌﻞ ﺍﻟﻤﺤﺠﻮﺏ ﻳﺠﻠﺲ ﺧﻠﻒ ﻣﻜﺘﺒﻪ ــ ﻣﻜﺘﺐ ﺍﻟﻤﻠﻚ .. ﻭﻳﻘﻮﻝ : ﺍﻛﺘﺐ ﻣﺎ ﺗﺮﻳﺪ > ﻭﺍﻟﻤﺤﺠﻮﺏ ﻳﻜﺘﺐ > ﻳﻜﺘﺐ ﻛﻞ ﻣﺎ ﻳﺼﻠﺢ ﻣﺼﺮ ﻭﺍﻟﻤﺼﺮﻳﻴﻦ .. ﺩﻭﻥ ﺳﻄﺮ ﻭﺍﺣﺪ ﻟﺼﺎﻟﺢ ﺍﻟﺴﻮﺩﺍﻥ. > ﻫﺬﺍ ﺳﻄﺮ ﻭﺍﺣﺪ ﻣﻦ ﻛﺘﺎﺏ ﺍﻟﺴﻮﺩﺍﻥ ﺗﺠﺎﻩ ﻣﺼﺮ . > ﻧﺮﺟﻮ ﺃﻥ ﻳﺘﻜﺮﻡ ﺃﻱ ﻣﺼﺮﻱ ﺑﻜﺘﺎﺑﺔ ﺳﻄﺮ ﻭﺍﺣﺪ ﺻﻨﻌﺖ ﻓﻴﻪ ﻣﺼﺮ ﺧﻴﺮﺍً ﻟﻠﺴﻮﺩﺍﻥ ..

صباح الخير اخت زينب ست البوستي

Quote: ياخى انت روق اول وبعدين حتسمع النجيضه لانو الكراهيه والانفعال والهتافات والنبذ عمرها ما جابت نتيجه ولا بنت امه اذا قعدنا نردد ونقول المصريين فيهم وفيهم وفيهم كل عيوب الدنيا هل دا بحل مشاكلنا او حيبنى بلدنا الجميله الاسمها السودان او حيرجع لينا ارضنا المحتله ؟؟؟ ليه نحنا ما نصوب سهامنا وغضبنا على حكامنا ليه نحنا ديما نشتكى المصريين سوا لينا وسو لينا !! ليه دائما نحن مفعول به !

كراهية المصرييين لعلمك هي رد فعل لتصرفاتم واجهزة اعلاموم رد فعل وقع ليك
مشاكلنا نحن اقدر بحلها ونعترف بها لادخل للمصريين فيها بالعكس المصريين بوسعوها لينا زيادة وهنا دعيني اشير لموضوع مهم جدا الانجليز ايام مشروع الجزيرة ابعدوا المصريين عنو نهائيا ولايخفى عليك الانجليزي ركب الخيول التي يجرها المصريون لامن جو السودان يعني بعرف عوجتم تب الخواجة
كدي خلي السودانييين الجزايريين الباكستانيين البنغلاديش السوريين كل المغتربين في الخليج بكرهوا المصريين تفتكري دي شكية الله بسعلك ده موش معروف عرفا الناس دي كلها بتشتكي زينا واحد والقصة مامفعول به وفاعل القصة انو شعب مامقبول لعيب فيه اتي وضحي لينا حبك ده من وين عشان حنرد عليك بهدوء
ومن هسة النحدثك حنرد بهدوء اتي بس وسعي سدرك وموضوع الحلاقة فوق تحت مقصود بيو الانفتاح العملو بكري للفيس بوك وزيادة الفعالية للموقع

حاجة اخيرة الاحداث الاخيرة في مصر ومايحدث في القاهرة من مضايقة لي ناس جاية للعلاج هي متاجرة سياسية رخيصة جدا من جانب الحكومة المصرية اما حكومتنا فموقفا بي تعريفة مانشتريو لانو حكومة مهانة وقبلت بالذل ولاتمثل عشر مواطنيها والخسارة مؤكد للمصريين ببساطة الناس سستجه للهند والاردن او بلاد الشيطان للعلاج والسياحة هم الخسرانييين يااختي وده بثبت انو لافهم ولا ذكا عند الحكومة المصرية لانها باعت شعب السودان لاجل حكومته وحكومتنا دي ظاتا المصري اخير منها

المسكينة ما خليتوها تتهنى بي حبها للمصريين ..!!!
خليتوها تتضاير جاي وجاي !!
هسي الورطة الإنت فيها دي يا بت الناس مش مفروض تخليك تقتنعي إنو المصريين
ديل شعب أبداً ما بتحب ؟؟؟ إلا اللهم تكون شارب حاجة ولا حاجة ...!!

!

Quote: المسكينة ما خليتوها تتهنى بي حبها للمصريين ..!!! خليتوها تتضاير جاي وجاي !!

غايتو مفروض بكرى يعمل كورس لمدة اسبوع قبل الاشتراك فى منبر للنقاش
عشان يفهم الهتيفه من امثال كاتب المقتبس اعلاه ماذا تعنى كلمه منبر حر
وماذا تعنى كلمه نقاش واختلاف اراء....
قال خليتوها تتضاير جاجاى!!!انت قايلنى انا بناقش فى سوق الناقه
ولا مفتكر بعض الردود الهايفه بتخوفنى من التعبير عن أرائى

لعلمك ولى علم غيرك انا عندى عدة خيارات لى ادارت النقاش :

1. ارد على المداخلات البتختلف معى بى احترام
2. تجاهل بعض المداخلات لانو اصحابها بجوا ناطين فى اى بوست يتفتح عشان بس يثبوا وجودهم ( اخوكم معاكم )
3. الرد على بعض المداخلات الهايفه زى مداخلتك دى واستعمالها كمثال بهدف التوعيه
4.مسح المداخلات التى فيها اسائه والمداخلات التى تتكلم خارج موضوع البوست

وعلى فكره انا احب وارحب بى أراء الناس البتختلف معى اكثر من تلك التى تتفق معى
لانو يا هم اقنعونى بوجه نظرهم يا انا اقنعتهم يا كل واحد وقف على رأيو ويا دار ما دخلك ( اشرار ) ):

ملحوظه : لسه البوست فى عمر الزهور وعمر الهناء ):

Quote: الاستاذة دى ما مستاهلة.. وكفاية عليها الفيس بوك.. كان تقدر تمسحهم..

نور تاور ايتها المسكينه

وكت انا ما بستاهل انتى حارقه رزك ومضيعه زمنك فوق كم

يظهر انو فى ناس بتحب المصريين اكتر منى



صدق الشاعر عندما قال : ضيعوك وودروك انتا ما بتعرف صليحك من عدوك

Quote: الخطاب بتاع المصريين بيتعالوا علينا وشايفننا نمل وبتاع .... ده خطاب زول مهزوم من الداخل الدون سيبقي دون وسيروج لنفسه انه دون وسيبقي دون ما عايز تسافر مصر لا تسافر بس ولا تمشي هناك ويمكن ان تعمل عوة في الحته دي لكن ان تتضيعف وتروج انك دون وشعورك بالنقص لن يجعل من المصري ان ينزل لك والطبطبه عليك

دا كلام اخونا السنوسى بدر فى بوست اخر نقلته هنا لى علاقته بى موضوع البوست

شكرا لى قول الحق يا سنوسى

زينب محمد عبدالله..


نور تاور ايتها المسكينه

وكت انا ما بستاهل انتى حارقه رزك ومضيعه زمنك فوق كم...
...

فوق ظاهرة كونية جديدة تدين بالولاء للدول المجاورة..
وتتقاضى عن انتهاكات تلك الدولة لشعب دولتها..
دا لو كان ليكى صلة بالسودان..

أما حكاية مسكينة والنوعية دى..الخ
وفرش الملاية الاسكندرانى دى..
ببقى ليكى حااااار لو ردينا عليك..

زينب محمد عبدالله..



تمسحى من هنا ليوم الدين..
ما حتقدرى تمسحى مداخلات الفيس بوك..
اللى هى أقوى من الكلام البتكتب جوة البوست..
والمسح دا ما بغير من طبيعتك فى الحوار والتعامل مع الرأى الاخر..
تسيبى اللى يعجبك..
وتمسحى الما يعجبك..
يا هو دا فهمك لى حرية الرأى الجيتى داخلة بيها المنبر ؟

Quote: فوق ظاهرة كونية جديدة تدين بالولاء للدول المجاورة..

طيب الظاهره الكونيه حتعملى ليها شنو يا ست الفهم ؟

تردى عليها الحجه بالحجه فى منبر للنقاش الحر
ولا بتعملى من مداخلات الفيس بوك درقه عشان انكشف خوائك الفكرى

Quote: أما حكاية مسكينة والنوعية دى..الخ وفرش الملاية الاسكندرانى دى.. ببقى ليكى حااااار لو ردينا عليك..

يا سلام !!!!!!
وكلمه ( يا بائسه ) الكتبتيها دى كنت ما واعيه بيها ؟!!!
انا رديت ليك بضاعتك فقط ما تحاولى تلدغى وتمثلى دور الضحيه فى نفس الوقت
قال.. ببقى ليكى حار قال.... دى شنو اللغه الهابطه !!!

Quote: تمسحى من هنا ليوم الدين.. ما حتقدرى تمسحى مداخلات الفيس بوك.. اللى هى أقوى من الكلام البتكتب جوة البوست..

قلتى لى مداخلات الفيس بوك اقوى من الكلام البتكتب جوه البوست
هههههههههههه
ما سألتى نفسك انو ليه مداخلات الفيس بوك اقوى من البتكتب فى البوست ؟ !!!!
اجاوبك انا عملا لى الله
الناس هنا فى منبر بكرى بتحكمهم لوائح وقوانيين تكفل لى اى زول يطرح موضوع ويتم
مناقشه الموضوع بى احترام وتقدير وتحفظ لى اى زول كرامته وحقوقه من التعرض للاسائه ....
الناس البدخلوا من حسابهم على الفيس بوك مافى قانون بمنعهم من الانحدار بى اللغه اللهم الا اخلاقهم
فهمتى شاطره

وانا قلت ليكى ستين الف مره انا ما من النوعيه البأثر فيها الكلام البتكتب من نافذه الفيس بوك
فبطلى حركات الاطفال دى

Quote: وفرش الملاية الاسكندرانى دى..

ايه العبارات المصريه القاشره لينا بيها دى ):
مافى ما يقابلها من سودنا الحبيب يا سودانيه يا اصيله

زينب محمد عبدالله..


ايه العبارات المصريه القاشره لينا بيها دى ):
....
نحن نخاطب المصريين بلغتهم المحببة اليهم..
أما القشرة فمتروكة لصحبة البوست التى تجيدها..

لماذا مسحتى مداخلتى لآمجد الجميعابى عن جمال عبدالناصر ؟
أوتخشين الرأى الاخر الى هذه الدرجة ؟

يا زينب محمد عبدالله..
هذا البوست غير موفق بكل المقاييس..
فتحتى قضية للرأى العام..
ثم دخلتى بالفتونة والتحدى والصراخ..
وكلما تداخل معك شخص..
شمرتى عن ساعدك وبدأت فى فرش الملاية الاسكندرانى..
يا زولة حكايتك حكاية..

.

Quote: نحن نخاطب المصريين بلغتهم المحببة اليهم.. أما القشرة فمتروكة لصحبة البوست التى تجيدها..

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كلام خارم بارم والسلام

Quote: لماذا مسحتى مداخلتى لآمجد الجميعابى عن جمال عبدالناصر ؟

اولا انا ما حذفت اى مداخله الى التى نقلتيها انتى من الفيس

اذا كانت هنالك مداخله لكى اتحذفت تكون عن طريق الخطأ لانو انتى اغرقتى البوست بى
مداخلات الفيس بوك وما تلومى الا نفسك عشان انتى نزلتى اكتر من 17 مداخله اكتر من مره

والديل عندك مداخلات لازالت موجوده من ضمنها مداخلتك القلتى فيها يا زينب وقعتى وما سميتى
وهسى انقلب السحر على الساحر اصبحتى انت الوقتى معاى وما سميتى

Quote: أوتخشين الرأى الاخر الى هذه الدرجة ؟

الرأى مرحب بيه والاسفاف والمكاوة وحركات الاطفال ما بتخدم غرض

Quote: هذا البوست غير موفق بكل المقاييس..

هذا رأيك ومن حقك تقوليه هنا ويجد منا كل التقدير والاحترام

Quote: ثم دخلتى بالفتونة والتحدى والصراخ..

بطلى لف ودوران وتدليس للحقائق الحمدالله الكلام مكتوب هنا موثق
انتى الدخلتى بالفتونه والتحدى والصراخ عايزه امثله؟ حاضر اديك

الفتونه :

Quote: عشان تانى تهبشى السودانيين فى امور حساسة..

التحدى :

Quote: وسوف لن نفتح بوستا منفصلا.. ولكننا نكتب هنا..

الصراخ :

Quote: وسوف نولول فى هذا المكان ما شاءت لنا الولوله..

والله يا هو ذاتو ضربنى بكى وسبقنى اشتكا

مداخله من الفيس بوك
cc لى نور تاور

السلام عليكم ورحمة الله وبركاتة ... تحياتي لكل وجميع اهلنا واحبابنا السودانيين , " محبا او مفارقا ؛ منصفا او مجحفا " لمصر والمصريين استمتعت كثيرا بحالة النقاش التي انشأتها الست زينب حفظها الله دائما وجميكم , خاصة الاراء الموضوعية من كان مع او ضد ما قالت في مدح المصريين الا بعض الشطط بلا منطق والزلل من بعض الاخوه الافاضل والذي مرده الي الشيطان لاستدعاء الشحناء والبغضاء بين اعضاء الجسد الواحد " المسلمين" ! واستنهاض للعنصرية والتعصب الاعمي عند كل طرف داعيا لفتن ليست لها من دون الله كاشف " معاذ الله " وثانيا ... ممارسات او مواقف من بعض المصريين " البسطاء " في الغربة وتحدياتها التي غالبا ماتظهر اسوء مافي بعض الناس من جميع الجنسيات وليس المصريين وحدهم وليس هذا بالتحيز! وبناء عليه التمس للجميع العذر تلو الاخرالي ان غالي البعض ف وصف مصر والمصريين بما لم يقوله مالك في الخمر من هزبان لا يرد عليه جملة وتفصيلا !!!! ولو سألت اي واحد منصف بلا تحيز اومغالطات وتكبر ***** بفضل الله تعالي ومنه وهب الله لمصر الازهر الشريف جامع وجامعة منبرللعلوم الشرعية الاسلامية والفقهيه منذ ما يزيد عن الالف عام وحتي يرث الله الارض ومن عليها ..*مصر التي ذكرت في القرأن قرابة الستة عشر مره تصريحا وكناية الذي قال ادخلو مصر ان شاء الله امنيين ...*مصر التي حم بها الله البلاد والعباد من خطر المغول والصليبيين وجعلها درع وسيف للمسلمين والعرب ... *مصر التي تجرعت وبلات الحروب مع اسرائيل من اجل الاقصي و الشعب الفلسطيني ومن ورائها امريكا والغرب جميعا نيابة وعن العرب تدفع مصر الثمن الغالي وستظل ...* مصر التي وفد عليها الطليان والفرنسيين واليونانيين والشوام والارمن واخرين من الجنسيات ليعملو بها طلب للرزق والحياة الكريمة ...*مصر الغني والخيرات والنعم التي اقرضت بريطانيا وبلجيكا 3 ملايين جنيه ذهب اثناء الحرب العالمية الاولي بما بعادل 30 ملبار جنيه استيرليني و حتي الان تماطل بريطانبا ف سدادها ... * مصر الجيش صاحب الملاحم والانتصارات الفارقة منذ فجر التاريخ والتي تدرس وستظل في اعرق الكليات العسكرية ... *مصر العلم والصناعة والزراعة و الفن والثقافة ... * مصر قناة السويس الشريان الملاحي الحيوي الفريد لحركة التجارة العالمية ...* مصربها خزائن الارض كما ذكرها الله تعالي عل لسان سيدنا يوسف ... *مصرالسيده هاجر زوجة سيدنا ابراهيم وام سيدنا اسماعيل ...*مصر السيدة ماربا القبطيه زوجة سيد الخلق محمد وام ولده ابراهيم ...*مصر بلد موسي وهارون ويوسف وادريس عليهم السلام ... *مصرالملك فاروق وجمال عبد الناصر والسادات ومبارك ومرسي والسيسي ...*مصرمحمد علي و سعد زغلول واحمد عرابي ومصطفي كامل وطلعت حرب...*مصر زويل ومصطي السعبد وهاني عازر وفاروق الباز... *مصر الشيخ الشعراوي ومصطفي محمود وطه حسين والعقاد ونجيب محفوظ وحافظ ابراهيم واحمد شوقي ...*مصر عبد الوهاب وعبد الحليم وام كلثوم وشادية ونجاة وسعاد حسني فؤاد المهندس عمرالشريف رشدي اباظة اسماعيل يس عادل امام احمد السقا كريم عبد العزيز ...*مصر مصر مصر الله عليكي يا مصر ميين زي مصر قيمة وقامة وبكل الفخروالعزة ! الكلام خلص .... الحمد والفضل والشكر لله رب العالميين هي دي مصر باختصارشديد ..... !!! انت .. انت .. ايوه انت ياللي مش عجباك مصر وولادها... انت ميييييييين بقي عرف كده نفسك ؟! جاوب عل السؤال ؟ ..................؟...............؟.................؟ ايه ....؟! معندكش رد ....؟! يبقي كل واحد يلزم حده وشؤن بلده ويركز وينظر"من التنظير اي .. كثرة اللت والعجن في الحديث بلا جدوي "ويتفلسف اصلاح وتطويرذات نفسه هو اولا ثم الاهتمام بقضايا بلده ..... فقط والله المستعان ومش هاكتر ف الكلام وكل لبيب بالاشارة يفهم’ او كما قال الشافعي ,, لو سكت الجهال لسقط الخلاف !... واخيرا بخصوص حلايب وشلاتين ما المانع ان تكون مصر سودانية ف ذات الوقت وتقسم ثرواتها ان وجدت بالتساوي حسب نسبة التعداد السكان بين البلدين ... وكفي الله المؤمنين القتال .... ! اخر شيء واسمحولي اتكلم بالعاميه .... احنا المصريين بنقلد اي حد ونتريق حتي علي نفسنا ونموت في الضحك والهزار ونقول نكت ,,, واحلي نكت علي الصعايده تسمعها من الصعيدي نفسه .... وانا بعترف ان احنا مزودينها شويه حتي مع الغريب اللي ممكن يزعل طبعا .. وحقكم علينا اسفين والله لو ده يتفهم غلط !!! بس اللي يعرفنا كا مصريين وقلبه سليم ..! مش هايزعل وهيضحك من قلبه معانا وزينا .... تحيا مصر والسودان وكل البلاد العربية والاسلامية ...... اسف للاطالة وعمااااار بامر الله يالسودان
أعجبني · رد · 7 ساعة

الموضوع بقي شخصي بين زينب و نور

نحن نطلع منها

المصريين مقرفين

بلا مصر بلا لمه

Quote: تسيبى اللى يعجبك.. وتمسحى الما يعجبك.. يا هو دا فهمك لى حرية الرأى الجيتى داخلة بيها المنبر ؟

وتدعي كمان حرية الرأي والرأي الأخر.....

استاذة نور

زينب عايزة تقول لينا كما قال فرعون لقومه
(ما أريكم إلا ما أرى وما أهديكم إلا سبيل الرشاد)
و حكمة الله فرعون ذاتو مصري
اها يا سيد ابوك ليك وقت لقت كلاما ما بيمشي معانا قالت
احسن انهرهم و اشاكلهم و كدا.
و الله يا زينب اسمح حاجة في البوست دا اسمك السمح دا
تاني الحبة دي ما فوقو

و الله يا امجد سبقتني علي الكلام ده

اسم سمح زينب الكبري و زينب الصغري

و العجب العجاب اسم ابيها محمد و جدها عبدالله

ما بنقدر نقول حاجه اسم جميل و سمح زينب الكبري بنت الرسول و زينب الصغري بنت الامام علي بنت بنت الرسول

أنا بعتبر ده بوست استفزازي لعدة أسباب :
- لأن في هذه اللحظة التي تتباهى صاحبة البوست بحبها للمصرين هناك العشرات من السودانين تنتهك حقوقوهم
ويعذبون في مصر لمجرد أنهم يحملون معهم دولارات ..!! ويخضعون لتفيش غير مبرر فقط السودانين دون غيرهم
من الجنسيات الأخرى .
- قبل عدة سنين انتهكت حقوق عدد كبير من أخوانا في ميدان مصطفى محمود ووصل عدد المتوفيين إلى 150 شخص
وعدد الجرحى إلى 300 شخص .
- في كل ما تعرض له السودان من سيول وحروب وكوارث لم نسمع أن تقدمت مصر بأي نوع من المساعدات !!

يحدث هذا بالرغم من تضحية السودان بمدينة حلفا القديمة وتقديمها قربان لإقامة السد العالي دون مراعاة لحقوق أهلنا
في حلفا وذكرياتهم وأشياءهم الجميلة التي انطمرت وراحت عشان خاطر المصريين !!! .

يحدث كل هذا والسودان يشارك مصر في كل أفراحها وأحزانها وليس ببعيد تقديم عدد 36 سيارة للمنتخب المصري ، وليس
ببعيد تقديم 5 ألف رأس من الأبقار و 5 ألف رأس من الخرفان . كما أن اتفاقية الحريات الأربعة نجد أن المستفيد منها هو مصر
والشعب المصري فقط !!!
شعب معظمه أناني ويحب نفسه لا يمكن بأي حال من الأحوال أن يرجى منه خير ، فلو قعدتي يا بنت الناس في هذا البوست 500 سنة
ما ح تستطيعي إقناع واحد بحب الشعب المصري .
انظري إلى جميع المداخلات لا يوجد منها إلا اثنين أو ثلاثة مداخلات هي التي تقف بجانبك وجميع المداخلات الأخرى لم تهضم فكرة
البوست أساساً .
وفري وقتك وجهدك يا بنت الناس وما ترفعي ضغطنا أكثر مما هو !!
بلا مصر بلا بطيخ ....

الآخوة الآفاضل..
أحمدونا..
أمجد الجميعابى..
عثمان الحسن بابكر..

صباح الورد..

أول حاجة مداخلاتكم دى..
حدها توصل صاحبة الجلالة..
وتقوم تمسحها زى مافى حاجة حصلت..
لزوم حرية ..
والرأى والرأى الاخر..
ومعاكم مداخلتى دى ..

الزبير بشير..
ليك أمان الله مافى أى شئ بينى وبين (السيدة زينب)..
ولا عمرى سمعت بيها..
الا فى هذا البوست العينة..
فشنو؟
مافى شئ شخصى ولا حاجة..
أنا داخلة خارجة دايرة القى أى تفسير لهكذا موقف..
فى الظروف دى بالذات...
البيتهانوا فيها السودانيين فى مصر..
وما لقيت أى تفسير...

ونهاركم سعيد..

Quote: زَينَب: ( اسم ) نَباتٌ مِنْ فَصيلَةِ الزَّنْبَقِيَّاتِ ، أَصْلُهُ مِنَ المِكْسيكِ ، يُزْرَعُ لِعَناقيدِهِ الْجَميلَةِ ، وَحُسْنِ مَنْظَرِهِ وَأَوْراقِهِ الطَّيِّبَةِ النَّافِذَةِ

Quote: زَيْنَب :- ( النبات ) نبات عشبيّ بصليّ مُعَمَّر من فصيلة النَّرجسيّات ، أزهاره جميلة بيضاء اللون فوّاحة الرَّائحة ، وبه سُمِّيَت المرأة .

Quote: ‎ معنى اسم “زينب” وصفات حاملة الاسم زينب اسم جميل لكن ياترى ماهو معنى زينب وماهى صفات حاملة هذا الاسم ؟ إذا كنتى تحملى اسم زينب ، أو كانت إحدى صديقاتك ، أو زوجتك نحن ندعوك لمعرفة معنى اسم زينب وصفات حاملة اسم زينب . معنى اسم زينب : هو اسم علم مؤنث ، وهو نوع من الشجر جميل الرائحة وجميل المظهر ، قال ابن الأعرابي( الزينب شجر حسن المنظر طيب الرائحة، وبه سميت المرأة زينب) ، والأزنب هو القصير السمين . ينطقه التدمريون ” زينوبيا “. وقيل : هو يوناني الأصل ،وزينوبيا ملكة تدمر والبادية في القرن الثالث الميلادي . أشهر من تسمت باسم زينب : عرف التاريخ الكثيرات ممن تسمت باسم زينب وكانت من الصالحات ومنهم : زينب بنت الرسول صلى الله عليه وسلم . زينب بنت خزيمة ام المؤمنين زوجة الرسول الكريم الملقبة بام المساكين . زينب بنت جحش ام المؤمنين زوجة الرسول الكريم وهى ايضا ابنة عمة النبي صلى الله عليه وسلم وهى المشار لها فى القرآن بقوله سبحانه ( فَلَمَّا قَضَى زَيْدٌ مِنْهَا وَطَراً زَوَّجْنَاكَهَا ). زينب بنت على بن ابى طالب وهى حفيدة النبى صلى الله عليه وسلم ، وهى المسمى على اسمها مسجد السيدة زينب بالقاهرة . صفات حاملة اسم زينب : معطاءه وتحب فعل الخير . قلقة جدا بالنسبة لمستقبلها . جريئة فى قول الحق ولاتخشى فى الله لومة لائم . تحب بيتها وزوجها وتتفانى فى خدمتهم . تحكم عقلها أكثر من قلبها .

مش قلتلك اسم زينب سمح

هاك الذوق دا


https://www.0zz0.com

مسا الخير عليكم
ياامجد وبقية المهرجلين وانا
اقعدوا رايقين وعدل الصورة دي يااخ صغر المقاس برانا عيونا مطششات في منبر من لامنبر له ده اليوم كلو مكبسين اوكسجين التقول

امجد الجميعابى welcome back

Quote: زينب عايزة تقول لينا كما قال فرعون لقومه (ما أريكم إلا ما أرى وما أهديكم إلا سبيل الرشاد)

حتى كتابه مداخلتى هذه فى 196 مشارك 8196 مشاهده

الموضوع المطروح فى هذا البوست من المواضيع ال المثيره للجدل controversial
بالنسبه للسودانيين ...

بعض المتداخلين بينظروا للموضوع من زاويه واحده فقط وهى المظالم المتراكمه عبر السنين
وانا اعلم هذا واتفق معهم فى ذلك

بالنسبه لى انا فتحت هذا البوست لى اسلط الضوء على مصر البلد البالغ الاهميه وماهى الصفات
التى الجميله التى يتمتع بها الانسان المصرى والتى ادت لى تقدم ومكانه مصر وهيبتها
ومعروف انو الامم تبنى بى سواعد بنيها --والبناء المقصود هنا ليس القوه الماديه فقط بل
التخطيط الذكاء العزيمه التنفيذ الصبر

نحن دائما نحب نخلط الاشياء ونزعل ونتكلم كتير وجننا تنظيروالنتيجه صفركبير فى كل المجالات
فى حوش بكرى دا بنقول وجه نظرنا المختلف معنا فى موضوع البوست يجى يقول لينا انتو غلطانين فى
وكذا وكذا وكذا
لكننا نقول لمن يأمرنا ان نتكلم فى هذا ونترك هذا ومن يأمرنا بان نقفل هذا البوست بنقول ليه انت غلطان

وانا لم احذف سوى مداخلات الفيس بوك التى لا تحمل فى مضمونها اى شئ يستحق الرد والتى تنقل
بقصد المكاواة واغراق البوست بى سافل القول

اشكرك كتير يا امجد الجيمعابى بخصوص موضوع الاسم وزى ما بقولوا اى شخص له فى اسمه نصيب
ربنا ينفعنا بى جاه الاولياء والصالحين


ولى عوده بأذن الله

الفرق بين العقل المصري والعقل السوداني ( 20 مليار دولار) بالقديم!الفرق بين العقل المصري والعقل السوداني ( 20 مليار دولار) بالقديم!


من بوست الاخ ادم صيام
اقتباس :

Quote: السؤال السيكولوجي هو: لماذا تسترخص الحكومات السودانية شعبها جملة وقطاعي؟ ولماذا يأبى الحاكم العسكري المصري إراقة قطرة من بني وطنه؟ ومع ذلك يحقق هدفه داخرًا رغم تسريبات "الفلوس عندهم زي الرزززز)!!!

الجواب : انه الذكاء الذى نتحدث عنه

الرد على الصامت من نافذه الفيس بوك

Quote: لي مداخلتين يا زينب في الفيس قبل هذه .. وليس فيها ما يسيء لك .. واحدة تعتذر لك ، والأخرى تصحيح لافترائك القول على الله سبحانه وتعالى .. وبالتالي لا يحق لك القول أنها من " سافل القول " ..

اولا انا غير ملزمه بالرد او قراءت ما يكتب على نافذة الفيس بوك اذا فيها ما يسئ او غير ذلك
ثانيا انا بشر اصيب واخطئ وممكن اخلط بين ايه وحديث لكن لا اقبل قولك ووصفك بأن هذا " افتراء "
ولا اعلق على مداخلتك تلك لانها كلها ضحك وقهقهه
قول الحق وتصحيح الناس اذا اخطاوا ليس بالشماته والقهقه ووصف الخطأ بانه " افتراء على الله "
وعلى فكره هنالك من نبهنى للخطأ قبلك انت فى رساله قمه فى الذوق والادب

Quote: ولستُ سوادنيا حتى أشعر بنفس شعورهم تجاه مظالمهم .

يازول !!!!!
هو الشعور بى ظلم الاخريين يحتاج لى جنسيه ؟ !!!

Quote: يتبقى القول أن الاعتراضات على هذا الموضوع ربما كانت ستكون أقل بكثير لو اخترتِ التوقيت المناسب ــ بدلا من هذا الوقت الذي يشعر فيه البعض بمظلمة

البوست دا اتفتح قبل المظالم والمشاكل الاخيره دى ارجع لى تاريخ كتابه البوست وتواريخ الحوداث والتوترات الحصلت بين البلديين

Quote: كنت أتمنى أن تكون ردودك أكثر تهذيبا

انا بعتبر ردودى مهذبه اذا انت شايف غير كدا ادينى امثله للردود الغير مهذبه وانا اعتذر لى من وجهت لهم الرد

الاخ منير تحياتى

Quote: لا يمكن أن نصف شعب كامل بالسوء ولا يمكن كذلك أن نصفهم بالعكس .. كل زوول حسب رؤياه وتجاربه الفردية معهم .. بس هناك نقطة لافتة للإنتباه :.. هؤلاء المصريين عندهم سيدنا موسي -عليه السلام - بجلالة قدره متجاهلينه تماماً، ويتفاخرون ليل نهار بفرعون !!! .. حاجة غريبة !!!!

فى هذا الحوار المنقول قد تكمن الاجابه على سؤالك


يقول السلفي: لماذا يعتز المصريون بحضارة الفراعنة رغم أنهم كفار وثنيون؟
قلت: وماذا ترك المؤمنون لهم من حضارة كي يعتزوا بها ؟
قال: تركوا لهم الدين؟
قلت: والفراعنة أيضاً تركوا دينا..أقصد ماذا تركوا من حضارة علمية ..فن..أدب..تراث علمي..نقش..نحت..معمار..تماثيل وقصور وتعاليم..أعمال هندسية..تصوير للحياة الاجتماعية والزراعية؟..كل هذا يربط الشعوب بأسلافهم..
قال: كل هذا ليس له قيمة أمام الدين..
قلت: بل أن الدين من غيرها لا يساوي شيئا، الدين الذي يخلو من العلم والفنون والاجتماع والزراعة والأدب والبناء..هذا ليس دين..بل فكرة بشرية حمقاء..
قال: هل تصف الإسلام بالفكرة الحمقاء؟
قلت: الإسلام دين عظيم..ولكن من نشروه في مصر ومن حملوه بعد ذلك.. كانوا إما جهال وحمقى أو حكام مستبدون أو رجال دين منافقون ودعاة جبناء غير مخلصين..
ياأخي هؤلاء جميعا عجزوا عن تصوير حياة المصريين فقط داخل البيت..بينما الفراعنة الذين عاشوا قبلهم بآلاف السنين نقلوا كل شئ بالحرف..مساكنهم..ومعابدهم..وأموالهم..حتى لهوهم وحياتهم الخاصة نقلوها وسجلوها على الجدران..والبعض منها مكتوب في أوراق البردي..
حتى أن أعمالهم لا زالت باقية إلى اليوم..بينما المسلمون والعرب لم يُضيفوا شيئا لحياة المصريين سوى المساجد وهذا كافر وهذا مسلم..بينما الفراعنة لم يهتموا لتكفير الآخر..فقط اهتموا بالعمل حتى صار إنتاجهم حكاية العالم كله..
وبالنسبة للإسلام فماليزيا نجحت في إنشاء حضارة استغلت فيها تعاليم الإسلام السمحة للتعايش بين الأديان..بينما أنت فشلت في الخليج ومصر فقط في التعايش بين المذاهب..
الذين تصفهم بالمؤمنين هم الذين سطوا على حضارة الفراعنة(الكفار) وسرقوا كنوزهم وبنوا بها مساجدهم وقلاعهم الحربية..هدموا تماثيلهم وأعمالهم الهندسية..في حين عجزوا عن بناء مثلها..
الفراعنة الذين تصفهم بالكفر هم الذين أهدوا لمصر أكثر من 5 مليار دولار سنويا من السياحة.. تنفق منهم على تعليمك وشراءك لكتب ابن تيمية وسيد قطب..وبثمن توابيت الفراعنة تشتري(شرائط راغب السرجاني) التي ينشر فيها الكراهية والمؤامرة حتى اعتقدت أن أخيك الفرعون عدوا..بينما الأمريكي صديق من أهل الكتاب..!

أعجنبي هذا المقال لشوقي بدري

أنقله هنا لفائدة المتحاورين في شأن المصريين

Quote: مصر ام الدنيا ... والدنيا مش عارفة 11-21-2015 07:45 PM الشعب الامريكي بالرغم من تطوره شعب مغيب ولا يخلو من جهل . الشعب المصري مغيب ولا يخلو من جهل ، ويسلم نفسه لحكومته وقواده واعلامه . الشعوب تختلف السويدي يثق بكل حكوماته وينفذ ما تقوله الحكومة ، وله الحق ان الحكومة غير مقصرة . جيرانهم الدنماركيين جنهم اعتصامات واحتجاجات لو ماشين عديل والحكومة قالت ليهم عفارم عليكم ماشين صاح ، يغيروا اتجاههم . كيتا في الحكومة . مع انهم مصنفين اسعد شعب في العالم . يمكن علشان قوة رأسهم . الحضارة والتقدم تقاس بمستوي الخدمات الاحتماعية المتوفرة في المجتمع . الحضارة والثقافة عملية اكثر عمقا ولها جذور ترجع لمئات السنين وربما آلاف السنين . بعض المجتمعات التي اصابت حظا بسبب البترول او السياحة وتوفر مواد خام معينة ، تمكنت من توفير خدمات اجتماعية متقدمة من علاج وسكن وترحيل ومقومات الترفيه والمتعة . ولكن المواطن ظل الي حد كبير بعيدا عن الثقافة والعلم بما يحدث خارج الحدود والالمام بالجيوبوليبتكس وتفاعل العالم . المصريون بالرغم من تردي حالة الكثيرين منهم اقتصاديا وعلميا وتفشي الامية والامراض التي تعكس التخلف مثل البلهارسيا والتهاب الكبد الوبائي والامراض الجلدية التي تعزي لانعدام الهايجين ، الا انهم يمضغون عبارة ,, مصر ام الدنيا ,, والدنيا لم تستخار او تعلم . والانسان الجاهل يفش غله في من هو اقل منه حظا في التقدم والعلم . وكما يتصرف اهل الشمال نحو الجنوبيين والاثيوبيين وحتي اهلنا من غرب افريقيا من اطلقنا عليهم ,, الفلاته ,, يتعامل معنا المصريون اليوم . في سنة 1995 اتيت باسرتي الكبيرة من السودان واردنا اجراء عملية ترقيع شبكة لوالدتي رحمة الله عليها . والاستمتاع باللقاء بعيدا عن الكيزان . ووصلت من مطار كوبنهاجن ومعي الاخ سيف الدين وهو ضنقلاوي كامل الدسم ويحمل جوازا دنماركيا . عمل كمترجم في اكثر من سفارة . وهو متزوج من ابنه عمدة السودانيين قديما الاخ عبد الله ابو زيد رحمة الله عليه . وهم اسرة ضخمة متمددة في كوبنهاجن . والكثيرون منهم مولودون في الدنمارك . ويتمتعون بحب الدنماركيين . يحسون بالعزة والمنعة في كوبنهاجن . وقدمنا جوازاتنا . فقال احد موظفي الجوازات للآخر ,, البرابرة دول تخليهم ملطوعين ,, فقلب الاول فورم الدخول وكتب على ظهرة سوداني ، بالرغم من ان الجواز سويدي ولقد دفعنا ثمنا للفيزة وحدث نفس الشيئ بالنسبه لسيف . وبعد ساعتين ووصول ما لا يقل عن 6 طائرات ، سألت عن الجوازات فدلوني علي شباك . فقلت للمسئول ,, ياسيد ... بنسأل عن جوازاتنا . فقال الذي بجانبه بعد ان غسلني بنظرة باردة ,, لازم تقولو يا باشا ,,. و فقلت له دي مش حيلقاها عندي . ولولا انني قد اشتريت شقة بمبلغ 300الف دولار ووالدتي في انتظاري مع رهط من الاهل لرجعت باقرب طائرة . و كنت قد تأثرت ب ,, ادخلو مصر بسلام آمنين ,, التي يكتبها المصريون في مطاراتهم وكل مداخل البلاد . وكنت اريد الاستقرار في مصر ، بعد ان كرهنا الكيزان . وبعد ان مر علينا حوالي اربعة ساعات ملطوعين اتي من سأل عنا وبدا من كان يطلب ان اناديه بباشا يطلق علي لقب باشا . السبب ان صديقي المحسي صلاح عبد الفتاح قد قابل صديق خاله المصري الذي هو كذلك جنرال . وعرف انه في انتظار اثنين من البرابرة ملطوعين . المصري المهندم الذي تكفل بتأثيث الشقة وذودني بالرسومات والصور .. الخ قام بتغييرات في الالوان وغرف النوم واثاث الصالونين ، كما يريد . وعند الحديث معه . تحدث عن والده المسئول الكبير وعمه الوزير ، ولم اهتم . ولكن عندما ذكرت الامر للخال محجوب عثمان والذي يعرف المصريين . عرفت ان ذلك الكلام تهديد مبطن . واختفي حامل الجواز السويدي وظهر ود العباسية . وذهبت والدم علي عيوني . وتغير كل شئ . الخال طيب الله ثراه كان يقول لي ,, في مصر لازم تخوف البتعامل معاك . كل زول بيدوس القداموا ، اذا قدر ,, . واستمرت سنين من العذاب . التلفون المستعجل ب 1500 دولار اخد سنتين . تسجيل عداد الكهرباء باسمي اخد اكتر من سنتين و1600 دولار . السبب اننا سودانيون والشقة في المهنسين شارع وادي النيل ..كمان . زميل الدراسة صلاح احمد مكي عبده عرض شقته للبيع في القاهرة فلامه الاخ عبد الله السفاح احد ظرفاء السودان ، علي بيع الشقة فقال صلاح ,, ياخي انا اذا لقيت في البلد دي ابيع ضميري حابيعه . انا ياخي اربعة وعشرين ساعة في حالة دفاع عن النفس . مع البواب مع بتاع التكس مع بتاع الفول مع بتاع الخضار . وهذا ما وجدته انا كذلك . كنت اريد اعادة طباعة رواية الحنق التي نشرتها في مصر في 1971. واتفقت مع الاخ الشيخ عووضة ... الشركة العالمية للنشر , وركبنا تاكسي وللمرة العاشرة بدا المصري بالردحي ,, بأه كده يا سودانية انحنا بنسكنكم وبناكلكم وعاوزين تكتلو الريس ... مش عيب عليكم ؟ .. فانفعلت وقلت له ان اللاجئين السودانيين تستلم مصر 300 جنيه من الامم المتحده علي الرأس للأمن في الشهر /و وقنها 90 دولار . ويستلمون 285 جنيه يصرفونها في بلادكم . ويأتي الآخرون من الخليج ويشترون الشقق ويصرفون مدخراتهم في بلادكم . وانت طلبت 5جنيهات لمشوار المصري سيضربك اذا طلبت منه 2 جنيه . فقال الاخ الشيخ عووضة ,و ياخي ما تضيع وكتك مع ديل الكلام ده بنسمعوا كل يوم والمصريين متأثرين باعلامهم . والكلام معاهم ما بينفع . وبعد ان احسست باحساس الاخ صلاح احمد مكي عبده قررت ان انسي مصر . لانني كنت في كل مرة احس لانني عندما ارجع الي السويد احتاج لتغيير جهاز امتصاص الصدمات . وكما تعبت من الغسال الذي يرجع القمصان ويختفي احسن قمصان وهي هدايا من ابنتي التي وفرت من مصرفها . او بائع الفراخ الذي يشير الي جهلي .. لا يا بية انت مش فاهم .. صاحب مكتب الاتصالات الذي يقول لي انه يجب ان يحسب 5 دقائق كحد ادني بالرغم من انني تكلمت جملتين ..... الخ وفي النهاية انا مش فاهم ومابعرفش . فقط لاني سوداني . وعند انتقاد اي شئ وسط المصريين كما حدث في احد المرات في نقاش مع مسئول زراعي انتقدت له استعمال المبيدات بكثرة في الزراعة ووجود الديدي تي الذي يحرم امتلاكه ويعامل مثل المخدرات القوية و وحيازته تعني سنين في السجون الاوربية ... وانتو يا سودانية عندو نفس تتكلموا كمان انتو في بلادكم ..... ,, بعد ان غسلت يدي من مصر وقررت ان لا ارجع لها . وكنت اقول وقتها ان الوضع الاقتصادي فقاعة ستنفجر في اي لحظة . بعت الشقة ب360 الف دولار هو ما كلفته من اثاث وسخانات ومكيفات , وبعدها ب8 اشهر انهار الجنيه امام الدولار بنسبة النصف والآن تضاعف سعر الدولار . كان واضحا ان الفورة الاقتصادية لعبة لعبهاالكبار ودفع ثمنها الشعب المصري . والآن عندما يستهدفون السودانيين وغيرهم , يريدون ان يقدموا كباش فداء للمصريين . والملاليم التي يكسبها بعض تجار العملة لايمكن ان تكون الا قطرة في بحر الفساد في مصر . ولا يمكن ان تؤثر علي الافتصاد السليم او غير السليم . ولكن الامن والجيش المصري يكلف الكثير . والسياحة قد ضربت ، عندما قام المصريون لمدة 45 دقيقة ,, شوط كرة قدم كامل ... في ذبح العجائز من السياح في الاقصر . والجيش نايم . وقبل الخروج من مصر ذهبت الي مكتب الخطوط المصرية. لتأكيد الحجز توقعا للمشاكل فمصر كالسودان وبعض دول العالم الثالث عندهم مشكله لكل حل . واستلمت مني موظفة متجهمة التذكرة والجواز . وسألتني عن تاشيرة الدخول للدنمارك. فقلت لها ان ما بيدها هو جواز سويدي . وقالت لي بطريقة فرش الملاية .. وهو القواز السويدي ما بيحتاقش لفيزة للدنمارك ,,؟ فلم ارد عليها . وعندما كررت السؤال بطريقة اكثر لؤما . قلت لها الكمبيوتر قدامك ممكن تشوفي. وبعد ان تأكدت قالت ,, طيب مش كان تؤلي من الاول ,, فقلت لها لو قلت ليك ... حتصدقيني ؟,, فقالت بكل بساطة ... طبعا لا . في المطار قدمت الجواز والتذكرة . تركوني واقفا لساعة ونصف كان معي دنماركي ليس عند حجز الا انه نصح بأن يجرب حظه في المطار . وكنا من آخر الداخلين لان البعض من وكالات السياحة يحضر ويهمس في اذن المسئول ويدخل بعض الاوربيين . . وجلسنا بالقرب من بوابة الدخول والدنماركي يقول لي انها اول وآخر مرة يأتي لمصر . وانه مصدوم ان الشعب الذي بني الاهرامات يمكن ان يكون علي ذلك القدر من التخلف . وان الجميع من اكبر كبير الي الصغير عبارة عن شحادين ومستهبلين . ودافعت عن الشعب المصري الطيب الذي تعرض كل حياته منذ الفراعنة للاضطهاد من حكامه ولقد ساهم الاوربيون بشكل كبير في تخلف الشعب المصري بالسيطرة علي اقتصاد مصر . وكتب الصحفي المصري عادل حمودة في كتابه ثرثرة اخري فوق النيل انه اندهش لتطور نايروبي وجمالها . وكأغلب المصريين والمصريون يخدرون انفسهم بأن مصر ام الدنيا . والدنيا تتطور وتتقدم ولا تعيرهم التفاتة . والساسة يخدعون الشعب المصري . بأن مصر هي الكل في الكل . ومصر اليوم احدي دول العالم الثالث امرها ليس بيدها . وان رأس المال العالمي يتلاعب حتي برئيس امريكا . والقوة الشرائيه في كل مصر تقل عن بعض المدن الاوربية او الامريكية . الاقتصاد لا يهتم بالماضي والتاريخ. اليونان كانت اكبر قوة عسكرية واقتصادية وثقافية في العالم وكلمة درهم اتت من العملة اليونانية دراخما التي كانت الاكبر في العالم. واليونان اليوم تعيش علي الديون والاعانة الاوربية . قبل الصعود الي الطائرة كان المسئول المصري يودع الاسكندنافيين ويتمني لهم رحلة طيبة ويحثهم علي الرجوع سريعا . وعندما التفت الي تنمر . وقام بدراسة مكثفة علي كل صفحة في الجواز وقارن شكلي من كل زاوية بالصورة . وقام بفلفلة التذكرة . ثم وضع الجواز والتذكرة في جيبه وارجع لي جواز الصعود، مع امر عسكري .... اتفضل . فقلت له انني ساتركه هو لكي يتنفضل . لان عندة جواز وتذكرة . اما انا فاريد ان اعرف ما الذي يعطيه الحق في مصادرة جوازي ووضعه في جيبه ؟ وسيكون ملزما بان يفسر للسفارة السويدية سبب مصادرة جواز سويدي . ولماذا لم يصادر جوازات الآخرين . فنظر الي بإستغراب لاني لا افهم الحقيقة البسيطة ,, دول اوربيين ,, فقلت له جوازي اوربي و انا احمل جوازا اوربيا قبل ان يولد الكثير من هؤلاء . ولكنه قال لي بإبتسامة لزجة لا انت سوداني والافارقة بيعملونا مشاكل بيسافروا وبيشرطوا الجواز ويدخلونا في مشاكل . فقلت له ان رحلتي بدأت في كوبنهاجن . والجواز يحوي اقامة في مصر ، ..لزوم تسجيل العداد الكهربائي ... واقامة في الامارات.ودخول لدستة من الدول . هل قمت بتزوير كل تلك الاختام لكي اهرب نفس لكوبنهاجن التي اتيت منها ، ام هذا استخفاف بالسوداني ؟؟ وكعادة اغلب المصريين عندما يحسون بالتهديد ، اعطاني الجواز وكانه جمرة حارقة . وكان هذا في نهاية التسعينات . ولم امر علي مصر بعدها حتي عبورا . في تشاد يجعلنا الشعب التشادي نحس اننا في بلادنا واننا محبوبون . الاثيوبيون والارتريين يكادوا ان يصيبونا بعقدة الشعور بالعظمة . يوغندة وكينيا تستقبل السوداني باحترام وبعض التشوق . لماذا مش مصر المؤمنة كما قال شيخ البرعي وغني الكابلي مصر يا اخت بلادي يا شقيقة ... لا شقيقة ولا بت حلتنا . تعاملونا كويس نشيلكم في دقنوسنا . تتجننوا نتجنن اكتر. والسودان بلد منبع بخصوص مياة النيل . امال السيول بالبتغرق السودان وبتكسر البيوت دي ، موية غسيل عدة ...ولا عرق حلة؟؟

Quote: سوريا الناس بتقتل وتدبح وبتغرق فى عرض البحر ومفش ليها جيش بس لسة فى مصر النظام هوه هوه العراق اتقسمت وبقيت كلها ارهاب والاسم ثورة اسلامية ومفش ليها جيش بس لسة فى مصر النظام هوه هوه ليبيا اتقسمت والقذافى مات والشعب اتحرر واتفكك ومفش ليها جيش بس لسة فى مصر النظام هوه هوه اليمن لسة لحد الان القتل والنحر موجود على ارضها ومفيش ليها جيش بس لسة فى مصر النظام هوه هوه انت ياعم الحاج عاوز تعمل اية تانى بعد كل دة عاوز تغير النظام عشان مصر تكون زى كل الدول دى عاوز تغير النظام عشان جيشك يتفكك وتكون لاجئ على حدودك عاوز تغير النظام عشان تجيلك معونات وانت محاصر فى بلدك عاوز تغير النظام عشان رقم اللى ماتوا فى مصر اقل بكتير من رقم اللى ماتوا فى اى دولة من الدول الربيع العبرى مصر مذكورة فى القران والحمد لله اننا عايشن بجيش وشرطة وشعب يفهم يعنى اية تجارة بالدين وبوجع الشعوب والنظام اللى مش عاجبك دة استرد مصر من مجموعة خونة متأسلمين والحمدلله ان النظام هوه هوه ‫#‏تحيا_مصر‬ ‫#‏عاشت_مصر_حرة‬ ‫#‏عاش_الجيش_المصرى‬

كل العالم يعرف ان الرئيس السيسى ومن خلفه الشعب المصرى يحاربون تجار الدين ولا يتهاونون معهم

السلام عليكم جميعاً

سبحان الله .. أي زول يمسك ليه في بلد ويقعد يحب فيها ويشكر
تمسك مصر تشكرا .. دربك أخدر
الصومال .. مية المية
ارتريا .. فل الفل
جنوب السودان .. الويل لك إن هبشته بسوء أو نقد
أثيوبيا .. لا تقترب منها أبداً

لكن لو جيت فتحت بوست أشكر بلدي .. اللي هي اسمها السودان
بجيني ستمية واحد يطلعني كوز ومنتفع وعميل
دا طبعاً بعد أن يكيلوا لها السباب والشتم
ويقولوا فيها ما لم يقله مالك في الخمر
اعتقد فعلاً المشكلة فينا نحن
مافي المصريين ولا في أي شعب آخر في العالم
المشكلة فينا نحن فقط

يا سلام احبكم يا سودانيين يا اخلاق يا كرم يا امانه يا تهذيب يا جمال يا صلاح �...رض الميعاد يا سلام احبكم يا سودانيين يا اخلاق يا كرم يا امانه يا تهذيب يا جمال يا صلاح �...رض الميعاد

مختطفات من مقال من نثق فيه وفي شهادته ، عمنا شوقي بدري :


( وجلسنا بالقرب من بوابة الدخول والدنماركي يقول لي انها اول وآخر مرة يأتي لمصر .
وانه مصدوم ان الشعب الذي بني الاهرامات يمكن ان يكون علي ذلك القدر من التخلف .
وان الجميع من اكبر كبير الي الصغير عبارة عن شحادين ومستهبلين )





( زميل الدراسة صلاح احمد مكي عبده عرض شقته للبيع في القاهرة فلامه الاخ عبد الله السفاح احد ظرفاء السودان ،
علي بيع الشقة فقال صلاح ,, ياخي انا اذا لقيت في البلد دي ابيع ضميري حابيعه . انا ياخي اربعة وعشرين ساعة في حالة دفاع عن النفس
. مع البواب مع بتاع التكس مع بتاع الفول مع بتاع الخضار . وهذا ما وجدته انا كذلك) .





( وكما تعبت من الغسال الذي يرجع القمصان ويختفي احسن قمصان وهي هدايا من ابنتي التي وفرت من مصرفها .
او بائع الفراخ الذي يشير الي جهلي .. لا يا بية انت مش فاهم .. صاحب مكتب الاتصالات الذي يقول لي
انه يجب ان يحسب 5 دقائق كحد ادني بالرغم من انني تكلمت جملتين ..... الخ وفي النهاية انا مش فاهم ومابعرفش . فقط لاني سوداني )

لا خلاص بعد الفيديو ده صدقناك وصدقنا المستشار أبوزيد ...!!!
وأن السودانين الداخلين إلى مصر يتم استقبالهم بالأحضان وبالورود في المطار ...!!!



بس نفسي أعرف علاقة : ( سلام احبكم يا سودانيين يا اخلاق يا كرم يا امانه يا تهذيب يا جمال يا صلاح � أرض الميعاد
وأغنية أنا أفريقي أنا سوداني )
بالبوست ده شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولا ده من باب الرشوة وفهلوة المصريين البتحبيهم ديل ؟؟؟ على قول المثل : " الكيشة أضربو واعتذر له "

و كأنها ارتكبت جريمة كبري بحبها للمصريين !!
مجددا و دائما (كسودانيين أحرار) نفشل في فهم الحرية الخاصة.

يا شيخنا ناصر أحمد الأمين ...
تحياتي ...

الحرية الخاصة لها هي التي وضعتها كموضوع في المنبر للحوار ( إذن لم تعد حرية خاصة ) ، ومجرد أن
طرحتها في المنبر عليها أن تحضر أدواتها التي تدعم موقفها ( مين عارف ممكن نقتنع ونحب معاها المصريين )
ونحن بدورنا برضو بنحضر أدواتنا التي تدعم موقفنا ..!!
ده منبر حر للنقاش ما فينا زول شايل عكاز ولا عصا ولا كلاش .