***** علي عبد الوهاب عثمان *****

***** علي عبد الوهاب عثمان *****


11-10-2015, 03:22 PM


  » http://sudaneseonline.com/cgi-bin/sdb/2bb.cgi?seq=msg&board=480&msg=1447165334&rn=66


Post: #1
Title: ***** علي عبد الوهاب عثمان *****
Author: ABUHUSSEIN
Date: 11-10-2015, 03:22 PM
Parent: #0

02:22 PM Nov, 10 2015
سودانيز اون لاين
ABUHUSSEIN-السعودية الرياض
مكتبتى
رابط مختصر

بقيت خطير .....
شايفك اتعلمت ليك كم نقله ...
شوية تمارين و تلعب في المنتخب ...
عندنا كم لاعب كدا كورتهم فكت ....

Post: #2
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-10-2015, 03:31 PM
Parent: #1

الحبيب أبو حسين ..
صدقني أنا مشكلتي أنني لا أجيد فن الكتابة بالعامية .
ومحب للتراث النوبي كثير جداً ..
بعدين كده خليتني مشهور ..
صحيح أن دخولى في الحوش .. حلل عقدة من قلمي بالممارسة ..
وكان أول تمرين مع الامير بدرالدين .. فقدناه في المنبر ..

لكن صدقني إذا كان الحوش بالنوبية ( الدنقلاوية اوالمحسية )
كنت تشوف المتنبي النوبي ..

يا أخي كلمات زي ( مجاكمات ، ردحي ، وهيط .. إلخ ) وبعدين ضمير ( المذكر والمؤنث)

فقط اقرأ وأتامل ..

تحياتي للجميع ..

Post: #3
Title: Re: ***** علي عبد الوهاب عثمان *****
Author: ABUHUSSEIN
Date: 11-10-2015, 03:34 PM
Parent: #1

قبل شوية شاهدت ليك نقلة حلوة شديد ...
ابدعت فيها و اظهرت فيها مواهبك ....
باقي ليك الباصات الثرو و تلبس الفنيلة طوالي ....
و الى الملعب ...

Post: #4
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-10-2015, 03:44 PM
Parent: #3

Quote: قبل شوية شاهدت ليك نقلة حلوة شديد ...
ابدعت فيها و اظهرت فيها مواهبك ....
باقي ليك الباصات الثرو و تلبس الفنيلة طوالي ....
و الى الملعب ...


يرجع الفضل للمدرب في مكان العمل الإبن قرشي ( من رفاعة ) مبرمج كمبيوتر
بعد اكثر من خمسين سنة .. شرح لي أن لفظ ( حليلو للرجل ) و ( حليله للمرأة )
لأننا في النوبية نستخدم ( يا هليله تو ) للجنسين ولغتنا زي الانجليزي ماتعرف المذكر المؤنث إلا بالضمائر أحياناً
يعني مساواة ..

طيب .. النقلة دي شنو .. عشان اضعها نموذج ..

حبيبي أبو حسين .. الله يعوض الكفيل على الدوام المسائي ..

الضغط والسكر نزل للاخر ..

نواصل ..

Post: #5
Title: Re: ***** علي عبد الوهاب عثمان *****
Author: ABUHUSSEIN
Date: 11-10-2015, 04:02 PM
Parent: #4

Quote: كنت تشوف المتنبي النوبي ..

هههههههه ما قدر دا يا ابو علوة ياخ ...
Quote: يا أخي كلمات زي ( مجاكمات ، ردحي ، وهيط .. إلخ )

ياخ اعمل نفسك عارف لمن تعرفها لي قدام لانو كتيرين ما بعرفوها ... مشي حالك ..
Quote: يرجع الفضل للمدرب في مكان العمل

يا زول المنبر دا و المعافرة الفيهو تعلمك اكتر من كدا ... بس انت صلح لياقتك و كتر من التمارين الجادة ...
Quote: طيب .. النقلة دي شنو .. عشان اضعها نموذج ..

.
.
Quote: بالله يا محمد أحمد بعدما شجعتنا بدولة الشمالية وعاصمتها دنقلا ..
وصرحت بأنك عاكف على تصميم الشعار والعلم وكتابة الخطوط الرئيسية للدستور ..
ترجع تعمل لينا إحباط وترجعنا للصفر .. وكان أملنا أن دولة الشمالية هي مخرج من غياهب الهجرة ..

😂😂😂😂😂

Post: #6
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-10-2015, 04:13 PM
Parent: #5

أبو حسين الحبيب ..
صدقني أنا متعاطف جداً مع محمد أحمد القاضي ..
عندي زيارة للقاهرة بعد شهرين كده ..
لازم أتواصل معاه هناك وأهلنا كثيرين في القاهرة ..
جمعية بحالها زي الرياض وجدة ..
ولكي لا يثير الشفقة أن بحاول اقوده إلى إتجاهات أخرى ..

تحياتي أبو حسين ..


Post: #7
Title: Re: ***** علي عبد الوهاب عثمان *****
Author: عبد الوهاب المليك
Date: 11-10-2015, 04:28 PM
Parent: #6

أبا حسين تحية وتقدير
هذا الفارس النوبي الأصيل يستاهل يتفتح ليه بوست خاص وها قد فعلت ..
شكراً لك أبا حسين وإلى الامام أخونا وحبيبنا علي عثمان عبد الوهاب وليك وحشة بالجد ..

تحياتي لكما ..

Post: #8
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-10-2015, 04:42 PM
Parent: #7

حبيبنا المليك .. سوف لن إنتظر أبو حسين .. عشان الرد ..
اليوم المزاج رايق ,, والكفيل في إجازة إلى يوم الخميس ..
يا أخي وينك .. الجو جميل في جدة أيامات دي وأنا آخر ونسة مع ناس قريعتي راحت في القهاوي ..

تحياتي ..

وعشان أبوحسين طبعاً زول مشهور في الحوش .. سوف أنتهز العلامة التجارية لأروج لبعض

مقالاتي .. بعد إذن أبوحسين .. حوالي ( ثلاثين مقالة ) تراثية ..

تحياتي

Post: #9
Title: Re: ***** علي عبد الوهاب عثمان *****
Author: ABUHUSSEIN
Date: 11-10-2015, 05:33 PM
Parent: #8

Quote: أبو حسين الحبيب ..
صدقني أنا متعاطف جداً مع محمد أحمد القاضي ..
عندي زيارة للقاهرة بعد شهرين كده ..
لازم أتواصل معاه هناك وأهلنا كثيرين في القاهرة ..
جمعية بحالها زي الرياض وجدة ..
ولكي لا يثير الشفقة أن بحاول اقوده إلى إتجاهات أخرى ..

تحياتي أبو حسين ..

اخونا علي قريبك دا عملها زي قصة محمود و النمر ...
الواحد ما عارف يصدقو و ل يكذبو ...
*******************
Quote: أبا حسين تحية وتقدير
هذا الفارس النوبي الأصيل يستاهل يتفتح ليه بوست خاص وها قد فعلت ..
شكراً لك أبا حسين وإلى الامام أخونا وحبيبنا علي عثمان عبد الوهاب وليك وحشة بالجد ..

تحياتي لكما ..

اخونا عبد الوهاب اهلا و سهلا بيك ...
اخونا علي كتابتو حلوة و زول بحب اللعبة الحلوة ..
يعني زول ذواق .....
و الزول الذواق اكيد زول حريف و ممتع و مبدع كمان ...
نتمنى ليهو التوفيق و مزيد من الابداع ...
********************
Quote: . سوف أنتهز العلامة التجارية لأروج لبعض

مقالاتي .. بعد إذن أبوحسين .. حوالي ( ثلاثين مقالة ) تراثية ..

اذنك معاك روج زي ما عايز ... اديتك الاذن للمنبر كلو ....


تحياتي و احترامي اخونا عبدالوهاب و ابن عبدالوهاب ..

.

Post: #10
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-10-2015, 05:44 PM
Parent: #9

أبو حسين الحبيب ..
عشان أعرفك عن قريتي ( جزيرة وسط النيل ) هناك في ضواحي الدنيا ..
كتب هذه المقالة في جريدة الخرطوم قبل فترة طويلة .. يمكن من خلالها تعرف المنطقة ..
وهذه هدية مني ليك ..

تحياتي

===================
ارتقاشا رجال ..ويخوضوا النار

جزيرة ارتقاشا تبدأ إمتدادها من الضفة الشرقية المقابلة لأرقو (دب) قصر او قلعة بالعربية حيث قصر حمزة الملك طمبل الذي يطل على رأس الجزيرة وعندما أقرأ قصيدته (الغروب في ارقو) أتخيل أنه واقفاً في شرفة قصره يتطلع نحو ارتقاشا وأحسب انها المكان الساحر الذي ألهمه ذلك الشعر الجميل، ونفس ذلك المنظر نال اعجاب الاديب/عباس محمود العقاد الذي تربطه صلة قرابة بشاعرنا، عندما زار قصر حمزة في الخمسينات، ثم استراحة الاسكتلندي (مستر لانق) مؤسس مشروع البرقيق بمساحة سبعة آلاف فدان، وأصبحت الاستراحة المكان المفضل لخبير الآثار شارلي بونيه كل هذه الصروح سببها هو سحر منظر ارتقاشا من الشرق، ثم كرمة التاريخ وأجمل شواطئها تطل على ارتقاشا ومازالت اشجار المانقو الساحرة عند شريف إكي في الذاكرة ، وغربها تمتد من مشو العراقة والعلم والدعوة والصلاح وصلة الدم والقرابة ولا يذكر أي منهم إلا وإرتبط بالآخر من امتداد (عيسنمتر) حتى الحفير، والجزر ليست سقط متاع بل هي تأصيل للتراث لأن انعزالها والملكية الحرة لأراضيها تحافظ على نقائها، فأصبحت مستودعاً للعادات والتقاليد والتراث والمخزون الاستراتيجي لذاكرة الامة النوبية ، فمازالت هناك ساقية ( كننتود ) يأتيها القاصي والداني والسياح الاجانب حتى اصبحت مزاراً مكملاً للقادمين الى الدفوفة ، عاشت هذه الجزيرة الناضرة أيام عصيبة خلال هذا الاسبوع حيث شبت نيران مصحوبة بإعصار ترابي فأتت على أجزاء عزيزة منها (ارجيلي ، النوري ، فورشي) وهي سواقي متجاورة، فكانت للنخيل النصيب الاكبر وامتدت الى البيوت العتيقة التي تمثل ذاكرتنا وانتمائنا فرغم فداحة المصاب والخسائر المادية إلا أنني شخصياً كنت مهتماً ببعض البقع التي تعلق بها القلب ويزيد عمرها عن اربعة قرون ، فهي الملاذ المعنوي اثناء اجازاتنا من المهجر لا يرتاح لنا بال إلا إذا وقفنا على تلك الرموز لنغسل هم الغربة وما يصيبنا احياناً من وعثائه، فتشعر من دواخلك انك تنتمي الى هذه الارض وانك ذرة من هذا الكون، سألت إخواني عن منزل جدنا في النورنمار وفوروشمار، فكانت تذمر الوالدة اطال الله في عمرها عن همي على تلك الاثار اكثر من النخيل والخسائر المادية وخاصة عندما سألتها عن صندوق السحارة التي جلبها جدي من مصر ربما قبل قرنين من الزمان ، فكانت اجابتها بكل بساطة (ما تجيب صندوق جديد معاك من جدة زي ما جدك جاب من مصر) وكان مبلغ اعجابي عندما عرفت أن شبابنا كانوا حماة للسواقي المجاورة للحد من الخسائر فضربوا مثلاُ في نكران الذات والايثار، ولولا بطولتهم واقدامهم لامتدت النيران على كل الجزيرة حيث ستين ساقية ، عندها بدأت استرجع ذلك الهتاف ايام انتخابات الديمقراطية الثانية وكان المرشح المفضل لأهلنا عن الحزب الاتحادي على محمود حسنين المحامي من ابناء ارقو فكان آباؤنا يرددون ( أرتقاشا رجال .. ورجال أحرار .. ويخوضوا النار ) ومازلتم على عهدكم تخوضون النار، فلم ينتصر على حرائق النخيل المنتشرة في المنطقة إلا هؤلاء الاشداء من شباب بلدي .

شكراً أبوحسين ..

Post: #11
Title: Re: ***** علي عبد الوهاب عثمان *****
Author: ABUHUSSEIN
Date: 11-11-2015, 05:36 AM
Parent: #10

هدية منك مقبولة .....
بس قلت عندك الكتير و كمان أخونا عبدالوهاب قال فيك كلام حلو .....
واصـــــــل .....

Post: #12
Title: Re: ***** علي عبد الوهاب عثمان *****
Author: ولياب
Date: 11-11-2015, 05:53 AM
Parent: #11

شكرا أبا حسين

فعلي عبد الوهابن تو ، نوبي كمبرهنسيف (comprehensive) شامل ، يجيد كل اللهجات في اللغة النوبية .

( دنقلا ، محس حلفا ) ضليع في الثقافة النوبية ، نستمتع كثيراً في شرحه للتاريخ النوبي أو الأغنية النوبية ،

وكثير منا تخذلهم المذكر والمؤنث ( حسي نقول تخذلهم أم يخذلهم ؟) . شخصيا بالرغم من وجودي في المنابر

منذ أكثر من خمسة عشر عاما إلا أنني لا أعرف بعض التعابير المستخدمة هنا ، ولكن نعرف المعني التقريبي

من خلال السرد الموجود .

Post: #13
Title: Re: ***** علي عبد الوهاب عثمان *****
Author: حامد محمد حامد
Date: 11-11-2015, 06:05 AM
Parent: #12

يعنى شنو مجاكمات..........(.انا عارف بيجيبوا لينا الكلام دة من وين )

Post: #14
Title: Re: ***** علي عبد الوهاب عثمان *****
Author: حامد محمد حامد
Date: 11-11-2015, 06:07 AM
Parent: #13

اسف يا جماعة اولا ...السلام عليكم جميعا

Post: #16
Title: Re: ***** علي عبد الوهاب عثمان *****
Author: معاوية المدير
Date: 11-11-2015, 06:21 AM
Parent: #14

والله يا ابو حسين فتحت بوست لزول
تب ماهو هيّن،
التحايا لكما ...

Post: #17
Title: Re: ***** علي عبد الوهاب عثمان *****
Author: جلالدونا
Date: 11-11-2015, 06:24 AM
Parent: #14

سبحان الله ... متابع البوست ده بى صورة لصيقة
اتناشر مداخلة و ما فيهو قوم لف
اها دى براها واحدة من عجايب المنبر الثلاث
و طال ما المحتفى به العزيز على احب انتهز الفرصة دى عشان اقول ليهو
عندى فكرة بوست عن الشايقية و اصلهم مع ميلى الشديد على فكرة انهم نوبة و لكن استعرب لسانهم
اعتمادا على مفردات نوبية فى دارج الشوايقة
وانت عشت حين من الدهر بين ظهرانيهم .. و لو عندك معلومات اكتر ممكن تتولى الامر
اقول قولى هذا و فى سرى بقول ,, الله يستر

Post: #15
Title: Re: ***** علي عبد الوهاب عثمان *****
Author: Basamat Alsheikh
Date: 11-11-2015, 06:21 AM
Parent: #12

عزيزي الفاضل ابو الحسين
تقبل تحيات اميرة بت السيد وهي تقول ليك لقد فعلت حسنا بان
خصصت بوست للاستاذ الاديب علي عبد الوهاب عثمان فهو يطوع
الكلمات ويصوغها بلغة سهلة وانيقة لنفهم الحضارة النوبية على اصولها
وتؤكد ليك ان كل قراء سودانيز اون لاين قد استفادوا ايما استفادة من الاضاءات
الرائعة التي قدمها هنا الاستاذ علي عبد الوهاب عن الترا ث النوبي وعن العادات والتقاليد
النوبية العريقة...وبما ان اميرة بت السبد نوبية فهي تقرا كل سطر يخطه الاستاذ علي عبد الوهاب
عن الثقافة النوبية..وهي تغريكما السلام حتى تاتي بنغسها وتعلق..فهي متوعكة منذ ايام ولا تدخل
النت الا لمما...
وانا كذلك يا ابو الحسين اشهد باني قد استفدت كثيرا من اراء واطروحات الاستاذ الكبير علي عبد الوهاب
عن التراث النوبي في دراستي الجامعية وذلك بنفس القدر الذ ي استفيد منه من اراء واطروحات الاستاذ
كبر عن التراث والثقافة في كردفان..فلهما النحية والتقدير ولك يا ابا الحسين الشكر والتقدير لهذه النافذة
الانيقة التي فتحتها لنشكر الاستاذ علي عبد الوهاب لمساهماته القيمة التي لا تقدر بثمن لتعريفنا يالتراث
النوبي والثقافة النوبية
ودمتم بالف خير وصحة وعافية

Post: #18
Title: Re: ***** علي عبد الوهاب عثمان *****
Author: اباذر عبد العال
Date: 11-11-2015, 06:31 AM
Parent: #15

انت ابو حسين مش مره عملت بوست لواحد لاعب جديد تم تسجيله
الحصل معاهو شنو
ههههههههههههه

Post: #19
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 06:59 AM
Parent: #18

Quote: شكرا أبا حسين

فعلي عبد الوهابن تو ، نوبي كمبرهنسيف (comprehensive) شامل ، يجيد كل اللهجات في اللغة النوبية .

( دنقلا ، محس حلفا ) ضليع في الثقافة النوبية ، نستمتع كثيراً في شرحه للتاريخ النوبي أو الأغنية النوبية ،

وكثير منا تخذلهم المذكر والمؤنث ( حسي نقول تخذلهم أم يخذلهم ؟) . شخصيا بالرغم من وجودي في المنابر

منذ أكثر من خمسة عشر عاما إلا أنني لا أعرف بعض التعابير المستخدمة هنا ، ولكن نعرف المعني التقريبي

من خلال السرد الموجود .


ولياب أننقا .. مسكاقمي ..
شكراً ولياب ..
الكلام في الاغنية في النوبية .. كنت أتمنى ناس أبوحسين .. يسمعوا ( مسونكيل ) لوردي
عالم من الطرب والجمال والروعة ..
تعرف ولياب أيام الاميرية الوسطى زمان
90% من الفصل ما قدروا يرددوا قصيدة العباسي :
رفاق الضيف أنا حل هبوا ... لهم للضيف ضم والالتزام
المشكلة كانت في ( حل هبوا )

تحياتي ولياب أننقا

Post: #20
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 07:05 AM
Parent: #19

Quote: يعنى شنو مجاكمات..........(.انا عارف بيجيبوا لينا الكلام دة من وين )


حامد حبيبنا .. مسكاقمي ..
ربما تكون من أصل ( نوبي ) .. لأننا نطلق على شخص المنتفخ الأوداج ضخم الحلق ( جاكمي كول ) تقريباً عند السعودينن ( أبو تلاليش )
حاكوم ( Gakom ) يعني الحلق الضخم ويطلق صاحبه صوت مضخم ..

نعمل شنو يا حامد نجتهد ما دام الناطقين بها ما قادرين يعرفوا المعنى ..

تحياتي حامد أننقا ..

Post: #21
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 07:07 AM
Parent: #20

Quote: والله يا ابو حسين فتحت بوست لزول
تب ماهو هيّن،
التحايا لكما ...


استاذنا المدير ..
وسام افتخر به خاصة من مبدع مثلك

مودتي

Post: #22
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 07:15 AM
Parent: #21

Quote: Š سبحان الله ... متابع البوست ده بى صورة لصيقة
اتناشر مداخلة و ما فيهو قوم لف
اها دى براها واحدة من عجايب المنبر الثلاث
و طال ما المحتفى به العزيز على احب انتهز الفرصة دى عشان اقول ليهو
عندى فكرة بوست عن الشايقية و اصلهم مع ميلى الشديد على فكرة انهم نوبة و لكن استعرب لسانهم
اعتمادا على مفردات نوبية فى دارج الشوايقة
وانت عشت حين من الدهر بين ظهرانيهم .. و لو عندك معلومات اكتر ممكن تتولى الامر
اقول قولى هذا و فى سرى بقول ,, الله يستر


يا سلام يا جلادونا ..
أهلي الشايقية .. ديل اجمل ناس وأجمل بلد واجمل نيل ..
أرض الشعراء والفن والابداع ..
إنت زول رائع يا جلادونا لأنك وضعت يدك في بؤرة الابداع في الوطن ..
انا فتحت بوست زمان ( قراءة نوبية في شعر حميد )

بالله ما تمشى بعيد سوف أهديك خواطر بسيطة عن منطقة الشايقية ..

شكراً جلادونا .. وحاضر .. غالي وطلب رخيص ..
مودتي ..
أحلى مجموعة ( ناس قوم لف ) ديل .. بس المشكلة بوستاتكم صعبة الواحد ما يعرف يجاريكم ..

تحياتي لباقي شلة قوم لف
مودتي تاني كمان

Post: #23
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 07:23 AM
Parent: #22

Quote: يزي الفاضل ابو الحسين
تقبل تحيات اميرة بت السيد وهي تقول ليك لقد فعلت حسنا بان
خصصت بوست للاستاذ الاديب علي عبد الوهاب عثمان فهو يطوع
الكلمات ويصوغها بلغة سهلة وانيقة لنفهم الحضارة النوبية على اصولها
وتؤكد ليك ان كل قراء سودانيز اون لاين قد استفادوا ايما استفادة من الاضاءات
الرائعة التي قدمها هنا الاستاذ علي عبد الوهاب عن الترا ث النوبي وعن العادات والتقاليد
النوبية العريقة...وبما ان اميرة بت السبد نوبية فهي تقرا كل سطر يخطه الاستاذ علي عبد الوهاب
عن الثقافة النوبية..وهي تغريكما السلام حتى تاتي بنغسها وتعلق..فهي متوعكة منذ ايام ولا تدخل
النت الا لمما...
وانا كذلك يا ابو الحسين اشهد باني قد استفدت كثيرا من اراء واطروحات الاستاذ الكبير علي عبد الوهاب
عن التراث النوبي في دراستي الجامعية وذلك بنفس القدر الذ ي استفيد منه من اراء واطروحات الاستاذ
كبر عن التراث والثقافة في كردفان..فلهما النحية والتقدير ولك يا ابا الحسين الشكر والتقدير لهذه النافذة
الانيقة التي فتحتها لنشكر الاستاذ علي عبد الوهاب لمساهماته القيمة التي لا تقدر بثمن لتعريفنا يالتراث
النوبي والثقافة النوبية
ودمتم بالف خير وصحة وعافية


التحية للأميرات بسمات وأميرة ..
بوست بن لادن جلب لي الفخر والاعزاز في المكتب .. الاخوة الحضارم عملوا منو كتب ومجلدات ..
لم أشعر بهذا الزهو في مكان عملي إلا بعد ذلك العمل الجميل ( بوست بن لادن )
صياغة كانت في منتهى الروعة والابداع ..
شكراً لهذه المطايبة ( كما قال حبيبنا كبر ) ..
وتحياتي للاستاذة أميرة ..
وتقبلوا تحيات زملائي في المكتب ..
أتمنى التوفيق من الله أن أكون عند حسن ظنكم ..
قريباً سوف أصدر كتاب عن التراث النوبي ( واوور الحكايات )
نسختكم محفوظة إن شاء الله

تحياتي بلا حدود ..

Post: #24
Title: Re: ***** علي عبد الوهاب عثمان *****
Author: ABUHUSSEIN
Date: 11-11-2015, 07:31 AM
Parent: #23

أهلاً بالجميع
ندي صاحب البوست فرصة الرد و أنا مشغوووووووووووووووول ...
برجع بي مهلة

تحياتي و إحترامي للجميع

Post: #32
Title: Re: ***** علي عبد الوهاب عثمان *****
Author: سامي عطا المنان
Date: 11-11-2015, 08:05 AM
Parent: #23

الجميل علي عبدالوهاب عثمان

لك التحية ومثلها لضيوفك الكرام ....

الجميلبن للجميلات صدقة لهن روح الياسمين وفوح البنفسج .....
حضرت لك أحد المسامرات في الإربعائية كانت علي ما أعتقد عن تاريخ الغناء النوبي قدمت فيها إطار مفاهيمي من أهداف و فرضيات إمتحنها بنماذج من الغناء، فكان الإبداع حاضرا .....
بالرغم من أن النماذج نوبية شفقت الإستاذ / حرسم علي .... أن الضيف يحتاج مترجم ..... فزجرته ....يا زول أنا مستمتع ...

الذي يوحد الشعوب هو أن ندعوها تنمو نموا طبيغيا، تربط ماضيها بحاضرها، تتنافس في أن تقدم أحسن ما عندها عصيدة من الغرب وتمتم كمان وقراصة من الشمال وعرقي بلح ودليب.
وتعال شوف الجمال ده مفروش كيف ...... فكونا من الكبسلة يرحمكم الله .

...............................................................
جرادة في سروال ما بعضي لكن قعادو ما حلو


Post: #25
Title: Re: ***** علي عبد الوهاب عثمان *****
Author: محمد عبد الله حرسم
Date: 11-11-2015, 07:31 AM
Parent: #22

التحية لك ابوحسين

ابهجنى جدا هذا النفاج الذى قمت بفتحه لهذا المثقف النوبى الاصيل حبيبنا على عبد الوهاب

لن يتحدث عنه احد مثلما نعرفه نحن او نتحدث عنه

احد صناع مدرسة منتدى الاربعائية الثقافى فى جدة

احد صناعى خارطة العلاقة العربية النوبية

احد اهم منظرى وكاشفى مناطق التماس فى الثقافة السودانية بل قل والعربية بل قل والعالمية

على عبد الوهاب عرفتموه كاتبا لكنكم لم تعرفوه متحدثا

لا تمل الاستماع اليه ساعات لانه يتحدث بسهالة وتناغم عن نفسه وعن بئيته وعنك وعن المستمعين بكل جذالة وصدق
تفهمه ويفهمك
كلامى عنه وشهادتى مجروحة فنحن زملاءه الاقل عطاء فى منتدى الاربعائية

لكننا نشهد انه الاروع فينا


شكرا ابوحسين

Post: #27
Title: Re: ***** علي عبد الوهاب عثمان *****
Author: جعفر محي الدين
Date: 11-11-2015, 07:46 AM
Parent: #22

تحية ود وتقدير
للأستاذ/ علي عبد الوهاب عثمان
فهو نموذج للسوداني الأصيل المؤمن بالتنوع
والذي يعده مظهر قوة وعامل ثراء

ونشكر له ولآخرين قيامهم بتنويرنا عن الحضارة النوبية والتي يجب علينا في السودان دراستها
وتقدير دورها العظيم في تاريخنا كما كانت تفعل وزارة التربية والتعليم سابقا

Post: #63
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:17 AM
Parent: #27

Quote: تحية ود وتقدير
للأستاذ/ علي عبد الوهاب عثمان
فهو نموذج للسوداني الأصيل المؤمن بالتنوع
والذي يعده مظهر قوة وعامل ثراء

ونشكر له ولآخرين قيامهم بتنويرنا عن الحضارة النوبية والتي يجب علينا في السودان دراستها
وتقدير دورها العظيم في تاريخنا كما كانت تفعل وزارة التربية والتعليم سابقا


الاخ والحبيب محي الدين الزول الراقي ..
نعم هذا الوطن فيه ثراء وحضاري وتنوع ..
ولكن للاسف مين يفهم ..

مودتي محي الدين ..

Post: #52
Title: Re: ***** علي عبد الوهاب عثمان *****
Author: Adam Youssif
Date: 11-11-2015, 01:40 PM
Parent: #4

العزيز علي عبدالوهاب
لك التحية والتقدير
Quote: يرجع الفضل للمدرب في مكان العمل الإبن قرشي ( من رفاعة ) مبرمج كمبيوتر
بعد اكثر من خمسين سنة .. شرح لي أن لفظ ( حليلو للرجل ) و ( حليله للمرأة )
لأننا في النوبية نستخدم ( يا هليله تو ) للجنسين ولغتنا زي الانجليزي ماتعرف المذكر المؤنث إلا بالضمائر أحياناً
يعني مساواة ..


بالمناسبة دي ما تجدع لينا كم جدعة كدة بالانجليزي
وطيب هل عندك خلفية عن الجمل التالية:؟
- فلان ماسك حيطة؟
- المنجرية
- الشرتيت

انا غايتو عرفت معاني الجمل دي قريبات دي لمن مشيت السودان اجازة

Post: #64
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:21 AM
Parent: #52

Quote: لعزيز علي عبدالوهاب
لك التحية والتقدير
Quote: يرجع الفضل للمدرب في مكان العمل الإبن قرشي ( من رفاعة ) مبرمج كمبيوتر
بعد اكثر من خمسين سنة .. شرح لي أن لفظ ( حليلو للرجل ) و ( حليله للمرأة )
لأننا في النوبية نستخدم ( يا هليله تو ) للجنسين ولغتنا زي الانجليزي ماتعرف المذكر المؤنث إلا بالضمائر أحياناً
يعني مساواة ..


بالمناسبة دي ما تجدع لينا كم جدعة كدة بالانجليزي
وطيب هل عندك خلفية عن الجمل التالية:؟
- فلان ماسك حيطة؟
- المنجرية
- الشرتيت

انا غايتو عرفت معاني الجمل دي قريبات دي لمن مشيت السودان اجازة



حبيبنا آدم .. صاحب الابتسامة الرائعة
هو نحن يا دوب في البداية ( المنجرية والشرتيت ) لغة شكسبير يا آدم
آدم الحبيب خليك بالابتسامة دي .. وتبسمك في وجه أخيك صدقة ..
الصورة دي معبرة جداً

تحياتي ومودتي ..

Post: #26
Title: Re: ***** علي عبد الوهاب عثمان *****
Author: محمد مجيدو
Date: 11-11-2015, 07:36 AM
Parent: #1

التحية لابوحسين .. وضيوفك الكرام ..
والتحية للاديب النوبي صديقنا الاستاذ علي عبدالوهاب والذي تعلمنا منه الكثير من الثقافه النوبيه ..
وخيرا فعلت يا ابو حسين لتخصيصك هذه المساحه لتسليط الضوء على هذا القامه لنستفيد منه اكثر
حيث انه ما شاء الله موسوعه متحركه ... ونسال الله ان يطيل في عمره ويوفقه لما يحبه ويرضاه ...

خالص تحياتي

Post: #28
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 07:46 AM
Parent: #26

Quote: التحية لك ابوحسين

ابهجنى جدا هذا النفاج الذى قمت بفتحه لهذا المثقف النوبى الاصيل حبيبنا على عبد الوهاب

لن يتحدث عنه احد مثلما نعرفه نحن او نتحدث عنه

احد صناع مدرسة منتدى الاربعائية الثقافى فى جدة

احد صناعى خارطة العلاقة العربية النوبية

احد اهم منظرى وكاشفى مناطق التماس فى الثقافة السودانية بل قل والعربية بل قل والعالمية

على عبد الوهاب عرفتموه كاتبا لكنكم لم تعرفوه متحدثا

لا تمل الاستماع اليه ساعات لانه يتحدث بسهالة وتناغم عن نفسه وعن بئيته وعنك وعن المستمعين بكل جذالة وصدق
تفهمه ويفهمك
كلامى عنه وشهادتى مجروحة فنحن زملاءه الاقل عطاء فى منتدى الاربعائية

لكننا نشهد انه الاروع فينا


شكرا ابوحسين


حرسم .. أمبس .. شاعرنا المجيد ..
هي الاربعائية التي علمتنا كيفية الاندياح ..
ذلك الفضاء الجميل ..
نشهد لك أنك من شاركت في صنع تلك الليالي المجيدة التراثية والادبية ..
تحياتي حرسم أمبس ..
شاعرنا الجميل ..
مودتي

الشكر لابوحسين ..

Post: #29
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 07:49 AM
Parent: #28

Quote: التحية لابوحسين .. وضيوفك الكرام ..
والتحية للاديب النوبي صديقنا الاستاذ علي عبدالوهاب والذي تعلمنا منه الكثير من الثقافه النوبيه ..
وخيرا فعلت يا ابو حسين لتخصيصك هذه المساحه لتسليط الضوء على هذا القامه لنستفيد منه اكثر
حيث انه ما شاء الله موسوعه متحركه ... ونسال الله ان يطيل في عمره ويوفقه لما يحبه ويرضاه ...

خالص تحياتي


حبيبنا مجيدو ... مسكاقمي ..سيرناقمي ..
شكراً مجيدو الزول الاصيل ..
أشهد أنك كنت من المشجعين لي في بداياتي هنا

مودتي ..

Post: #30
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 07:52 AM
Parent: #29

صاحب البوست .. أبوحسين
معليش أعتبرتهم ضيوفي والحالة واحدة ..
كمان الواجب .. تقديم حاجة للضيافة .. شوية تمر ( قنديلة - وإبتا مودا ) وموية بادرة من الزير
وهذه هدية اخونا جلادونا

له التحية

مودتي

Post: #31
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 07:55 AM
Parent: #30

Quote: ندى فكرة بوست عن الشايقية و اصلهم مع ميلى الشديد على فكرة انهم نوبة و لكن استعرب لسانهم
اعتمادا على مفردات نوبية فى دارج الشوايقة
وانت عشت حين من الدهر بين ظهرانيهم ..


جلادونا الحبيب .. هذه السطور المختصرة .. هدية ضيافة
جزء من الخواطر التي كتبتها عن أهلي الشايقية ..

قراءة موجزة في واقع حميد .. المكان عند حميد ..

أما بيئة حميد التي انطلق منها وهي منطقة نوري .. قد قضيت فيها فترة معلماً بالمدرسة الثانوية في مدرسة نوري الغويبة .. وهي واحدة من اجمل بلاد الله موقعاً وبشراً .. خضرة دائمة غابات النخيل وجنائن المانقو ورائحة الارض والجروف خليط من اللوبيا في الجروف وعبق المانجو ورائحة طلع النخيل .. وأهلنا في نوري مختلفون عن ابناء المنطقة عموماً او عن كل الشمال في طريقة زراعتهم للنخيل والفواكه وبطريقة مرتبة تكاد تكون لوحة فريدة في شكلها وألوانها وعندما تصلها بعد ضجيج كريمة او مروى تكون اتكاءة للتأمل والجمال واثبات لقدرة الله في خلقه وعلى امتدادها من القرير والباجور والكارور حتى تصل الغويبة التي تكون إطار وحافة رملية لهذا الجمال الرباني الفريد والانسان في نوري فريد من نوعه يتمتع بسحنة من جمال وبهاء الطلعة .. وربما هذا الجمال والارض المعطاءة بالخضرة والحياة جعلت اخواننا الشايقية يتعلقون بتراب هذا الوطن الجميل .. واحسب ان هذا الحب الكبير ينشا ويولد من سخاء البيئة التي تجعلك تحب الارض من حولك في نطاق اضيق ويكبر هذا الحب مع نمو الجسدي والفكري ليشمل حب هذا الوطن الذي يحتضن تلك البيئة الصغيرة .. ونوري بثرائها وجمالها المتدرج من اللوبيا في الجروف والمزارع والنخيل وجنائن الفواكه وخاصة المانقو لها عبق وطعم ولون ورائحة لا تغيب عن ذهن من عاش فيها ويمكن استحضارها في اي زمان ومكان وامتدادها يتكييء على التراث النوبي اهرامات الكرو وهناك الكنيسة الاثرية في الغزالة وليس ببعيد جبل البركل وما حوله من آثار .. وأهل نوري عموما ًتجدهم يجيدون فن حديث وانيساب السرد اثناء الحديث العادي مع التنغيم المحبب للنفس لكل المفردات ونهايات الكلمات بطريقة تدعو الى الدهشة والاعجاب لهذه الشاعرية المأصلة فيهم .. وحتى التلاميذ في المدرسة لديهم موهبة التعبير وحضور البديهة وسرعة الاجابة والرد والخروج من المأزق والموقف بطريقة تنم عن طبيعة هؤلاء الذين اوتوا جوامع الكلم وجمال التعبير وما اكثر الشعراء في تلك البيئة وكأنك في وادي عبقر بل يتناولون اصعب دروب الشعر ( وخاصة الساخر منه ) قد سمعت أحد عمال المدرسة وهو عازف طنبور ماهر رواية شعرية عن شخص عادي يعمل في السوق لا يطيق العساكر والامن ويقال ان المسئول النقطة في مروي كان شرهاً يحب الاكل وخاصة السمك وإسمه ( حجار ) وهجاه بهذه الابيات :

موزة من موزات نوري الكبار
حضرولا دوقة وشمار
العساكر ملصوا اللبس
قالوا دايرين لحم الدبس
جا دور حجار ابوكرش
يا موزة كلامي ليك
دي المصيبة الوقعت عليك
والله يا موزة كلامي ليك
هكذا كانوا يستخدمون الشعر في النقد الاجتماعي وبطريقة مموسقة وملحنة احياناً ويمكن استحضار القصيدة التي غناها ود اليمني ( محجوب والكلبة ) .. وخلفية اولاد حاج الماحي .. وأعجبني كثيراً طريقة الادغام واختصار الجملة في كلمة واحدة منغمة لا مفر من ان تحب هؤلاء القوم وتقف اجلالاً واحتراماً لهم .. هذه هي بيئة حميد ولدى فيها ذكريات جميلة .. رغم أنني لم أكن فيها غريباً لأن معظم اسماء الاماكن فيها نوبية ( الكرو بمعنى القمرية ) كلوقيل ( الجبل الاحمر) نوري (هبة الله ) .. والمشترك بيننا كثير صلة الدم ووسائل الزراعة ومسمياتها ..ولكن الحق يقال انهم استخدموها كرموز جميلة وتعرف عليها كل الوطن

Post: #34
Title: Re: ***** علي عبد الوهاب عثمان *****
Author: وائل حمزه الزبير
Date: 11-11-2015, 08:13 AM
Parent: #31

الاستاذ علي عبد الوهاب عثمان

حقيقة سعيد بهذا البوست .. وسعيد بأن أنهل من معين خبرتك النوبية .. الشكر الجزيل لأبو حسين.

Post: #65
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:23 AM
Parent: #34

Quote: الاستاذ علي عبد الوهاب عثمان

حقيقة سعيد بهذا البوست .. وسعيد بأن أنهل من معين خبرتك النوبية .. الشكر الجزيل لأبو حسين.
------------------------------------------------------
قف دُونَ رأيك في الحياة مجاهدا ان الحياة عقيدة وجهادُ


مع التحية للابن وائل ..
ممكن تجد الكثير من مقالاتي عبر القوقل ..
أدخل عبارة ( واوور الحكايات ) تجد
كميات من كتابات التراث النوبي

تحياتي

Post: #33
Title: Re: ***** علي عبد الوهاب عثمان *****
Author: علاء سيداحمد
Date: 11-11-2015, 08:11 AM
Parent: #29

الشكر والتحية للاخ ابوحسين
والتحية والتقدير للاخ والصديق والموثق النوبى الشهير الاستاذ / على عبدالوهاب .
شكرا ابوحسين على تسليط الضوء على هذا الكاتب البارع . وكلامي وشهادتى فيه مجروحة

لكما التحية .

Post: #35
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 08:17 AM
Parent: #33

علاء أننقا .. مسكاقمي ..
أيه رأيك يا علاء أننقا .. نمشي هناك سوق البرقيق في الستينات ..
دكان عمنا ميمد أونقي رحمه الله ..
أغمض عينك وإستحضر ذلك الزمان حتى لو كنت صغير السن آنذاك .. البلد هي هي :

طويل القامة حتى احدودب ظهره قليلاً عندما يركب حماره تكاد رجليه تلمس الارض رجل جاد وفكه في نفس الوقت يغضب ويسامح في نفس اللحظة يحمل كل سجايا وطيبة اهلنا الحلفاويين اكثر تجار السوق مرونة في البيع والشراء وتقديم الضمانات والبيع بالمؤجل فكره التجاري كان عاليا ً لذا كان هو اكثر التجار دخلاً في السوق لأنه يعرف كيف يكسب الزبون منفتح حتى تظن ان الرجل خرج من وقاره مزحاً وضحكاً ولكن سرعان ما يعود الى الجدية كل شيء عنده بمقدار إلا الكرم والصدقة فكان كما قالت الخنساء في اخيها طويل النجاد كثير الرماد اذا ما شتا عند شرح هذه القصيدة ايام الدراسة ترسخ عمنا محمد انقي في ذهني لأنني عرفته عن قرب ولم نكن نفارق منطقة دكانه ابداً من ايام صبا حتى بدايات الرجولة كان الاب الروحي لكل اولياء البرقيق (الدراويش) محمد ابوسفه وعثمان سعيد ابونخرة والشيخ محمد الصامت العابد وشيخ وراق القادم من منطقة السير كلهم كانت مؤونتهم لدى عمنا محمد انقي هل تذكرون تلك البطاطين الحمراء بخطوط سوداء على اطرافها كانت صناعة يوغسلافية حسب اعتقادي كان الرجل كلما اتى الشتاء يقوم بتوزيعها على هؤلاء القوم وأذكر ان قيمتها كانت اربعون قرشاً ورغم ان الرجل كان ينفعل بسرعة وببراءة لا تغضب احداً كان سمحاً مع هؤلاء يمازحهم ويحادثهم كنت اعجب ان هؤلاء الدراويش لا يتحدثون مع احد بأريحية وحب وتقدير إلا مع عمنا محمد انقي تنقل الرجل في عدة محلات في السوق من شرقه الى غربه الى شماله ففي كل هذه المواقع كان دكانه بمثابة منتدى ومكان لقاء واجتماعات لوجهاء المجتمع كان هناك الرجل صاحب السطوة الجبروت مؤسس البرقيق بكل تفاصيله العمدة عباس الذي امتدت عموديته من ارقو حتى مشروع البرقيق والرجل النقي السهل والطيب عمدة ارتقاشا صلاح الدين الملك والشيخ ارصد شيخ ارتقاشا الشيخ محمود ارصد شيخ كرمة البلد وكان لديه وقت مستقطع عند منتصف النهار لا بد من الاستراحة حتى ولو كان هناك ضيوف او زبائن تجده ممداً وقد زادت امتداد ارجله عن العنقريب الهبابي لا يتحرك منه مهما كانت قيم البيع والشراء لم نكن نزعجه حتى يأخذ راحته بالكامل ومن تجرأ على غير ذلك فكان نصيبه كلمات قوية كعادة اهلنا الحلفاويين وكان الحل دائماً وجود عمنا حسن بوكيل العتالي الاول في السوق والذي كان بمثابة سكرتير خاص له مما اكسبه ممارسة بعض الصلاحيات عمنا محمد انقي في بيع والشراء ودكان عمنا محمد انقي لعب دوراً مهماً في الجانب الاجتماعي والثقافي والسياسي للمنطقة الكل يتجمع هناك المدرسين والنظار والموظفين والعمد والمشايخ والرأسمالية الوطنية واعضاء اللجان والاحزاب كانت حلقة وصل بين جميع فعاليات المنطقة كانت بيني وبين الرجل معزة خاصة وود ومصلحة من جانبي كنت احياناً اكون مراسلاً له في مليء الابريق ومياه السقي مقابل مصلحة مادية لا تخلو من انانية الاطفال وهي بعض الحلاوة المحشوة بالسمسم هكذا احبه الجميع لأنه كان التاجر الوحيد الذي يتعامل معه اهلنا واعمامنا عبر دفتر الجرورة وهذا النوع من المعاملة كانت متاحة لذوي الدخول او الرواتب آنذاك كان يوماً مشهوداً عندما رفع لاقتة كتبها عمنا الخطاط صبري بإسم محمد عبدالرحمن ابوعوف تجمع الناس وكأن الحدث جلل ولأنهم عرفوا الاسم الحقيقي للرجل والذي اشتهر بإسم (محمد انقي) ولفظ انقي بالمحسية ( الرائحة الطيبة ) فهو كان طيباً كحامل المسك واكثر ما كان يعجبني فيه عندما يتكلم بالدنقلاوية مع اهلنا لأنه لم يكن يجيدها بحكم حلفاويته وكانت المفردات تخرج من فمه بطريقة هزلية خاصة ونحن في منطقة تمازج سكانها يجيدون النوبية بكل تفاصيلها وانواعها فكان حقاً ابوفقراء ونموذحاً لرجل البر والاحسان ألا رحم الله عمنا واسكنه فسيح جناته .

Post: #36
Title: Re: ***** علي عبد الوهاب عثمان *****
Author: محمد عبد الله الامين
Date: 11-11-2015, 08:52 AM
Parent: #35

الأخ أبو حسين ....
يا سلام بوست رائع لشخص أكثر من رائع ....
الأديب الأريب الأستاذ النوبي الأصيل علي عبد الوهاب
حضرت وقرأت له في جريدة الخرطوم الكثير من المحاضرات
الأدبية والتراثية في مواضع مختلفة فكان حقا مدهش
لما يمتلكه من ذخيرة كبيرة في المعلومات القيمة والغائبة عنا ....
بس مشكلتو في المؤنث والمذكر هههههههه
وكم تمنيت آخ علي أن تجميع هذه الكتابات في كتاب واحد
آو عده كتب للتوثيق وان يستفيد منها اكبر عدد
وتحياتي لكم ولضيوفكم الكرام ....

Post: #37
Title: Re: ***** علي عبد الوهاب عثمان *****
Author: نعمات عماد
Date: 11-11-2015, 09:29 AM
Parent: #36

تحياتي أبو حسين و ضيوفك الكرام

تحياتي أستاذ علي عبدالوهاب

تعجنبي الحكمة و الذوق و المعلومات الغزيرة في مداخلاتك . شكرا لكل ما تقدمه لقراء المنبر .

الأخ جلالدونا كتب عن أصل الشايقية النوبي .. و للمصادفة نشرت جريدة الجريدة

دراسة للأستاذ صهيب حامد عن السودان ما قبل الغزو التركي و حتى الإستقلال


أتمنى أن أقرأ رأيك في الموضوع لأن أسرتي الصغيرة كلها شايقية .. ما عداي .

Post: #70
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:41 AM
Parent: #37

Quote: تحياتي أبو حسين و ضيوفك الكرام

تحياتي أستاذ علي عبدالوهاب

تعجنبي الحكمة و الذوق و المعلومات الغزيرة في مداخلاتك . شكرا لكل ما تقدمه لقراء المنبر .

الأخ جلالدونا كتب عن أصل الشايقية النوبي .. و للمصادفة نشرت جريدة الجريدة

دراسة للأستاذ صهيب حامد عن السودان ما قبل الغزو التركي و حتى الإستقلال


التحية للاستاذة الهميمة التي تنقل لنا الوطن بكل آلامه وأحزانه .. نتلهف إلى سطورها ونحن نعاني من وعثاء الاغتراب
شرفتي البوست ونورتي المكان ..
حسب معايشتي لأهلي الشايقية فهم نوبيون بلسان عربي منغم وجميل ..
الحقيقة الناصعة أنهم نوبة مستعربون او يمكن أن يقال عرب مستنوبون ..
فهم مطابقون لنا في اللون والشكل والسلوك والنشاط الاجتماعي والاقصادي ..
والحاكمات معروفين لدينا ولدي في عائلتي الكثير منهم وهم جاءوا من قوز مطرق وفرع من الصغيروناب ( الجعليين )
كما جاء النميراب أيضاً من هناك ( وهم اجداد نميري رحمه الله )

تحياتي الاستاذة نعمات ..

Post: #38
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 09:35 AM
Parent: #36

Quote: بس مشكلتو في المؤنث والمذكر هههههههه
وكم تمنيت آخ علي أن تجميع هذه الكتابات في كتاب واحد
آو عده كتب للتوثيق وان يستفيد منها اكبر عدد


الحبيب محمد الأمين ..
أصبت الهدف .. المؤنث والمذكر .. أساس المشكلة ..
كلام صحيح .. هي مشكلة إلا لمن يتحدثون العربية بالفطرة ( لغة الأم )
كمان بمجرد التواصل مع شخص آخر ( الاخ حلفاوي مش كده ) .. وأجيب بنعم ( هم فوق الثريا)
أيام معهد المعلمين في السبعينات .. زملاءنا من الناطقين مبسوطين آخر ونسه مع الزميلات
نحن كنا نتحاشى حتى الجلوس معهن ( شوف معهن دي كيف ) او معاهن ..
لحدما مرة الكمساري قالي ( الاريتري داك ) وكما يقول الخليجيين والنعم بأهلنا في إرتريا

كنا نردد فقط لفظ ( آآي ) ونصمت ..
شكراً ود الامين يا راقي ..
ماشاء الله لسع شباب وحيوية ..
مودتي بلا حدود

يا ابوحسين .. من حظي الكفيل مسافر .. خليت الشغل ومتفرغ للبوست ..
أنا محظوظ لأن إسمك علامة تجارية جاذبة ..

تحياتي ..

Post: #39
Title: Re: ***** علي عبد الوهاب عثمان *****
Author: محمد عبد الله الامين
Date: 11-11-2015, 09:39 AM
Parent: #38

Quote: يا ابوحسين ..
أنا محظوظ لأن إسمك علامة تجارية جاذبة ..


قطع شك المعارضين حايقولو عليك كوز يا علي ههههههههه

Post: #40
Title: Re: ***** علي عبد الوهاب عثمان *****
Author: طلحة عبدالله
Date: 11-11-2015, 09:42 AM
Parent: #38

Quote:
صدقني أنا مشكلتي أنني لا أجيد فن الكتابة بالعامية .

التحية لعلي عبد الوهاب عثمان



















..............................
تهريف قوم لف .

Post: #41
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 10:13 AM
Parent: #40

أخي طلحة تحياتي ..

هل ترى أنني مستوفي لشروط العضوية في مجموعة ( قوم لف )

تحياتي ومودتي ..

Post: #42
Title: Re: ***** علي عبد الوهاب عثمان *****
Author: طلحة عبدالله
Date: 11-11-2015, 10:15 AM
Parent: #41

لا لا يا أبو علوة
قوم لف دي ما ليك لى صاحب البوست تهريف الشهير بابي حسين
اتا خليك مرتاح يا حبيب ..

Post: #43
Title: Re: ***** علي عبد الوهاب عثمان *****
Author: Ahmed Alim
Date: 11-11-2015, 10:15 AM
Parent: #40

اووو علي أمبس
ياخ انت لما تقول لا اجيد الكتابة بالعامية احنا نقول شنوا :)

مع التحية لك ولأبوحسين ولضيوفكم الكرام

Post: #44
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 10:28 AM
Parent: #43

Quote: لا لا يا أبو علوة
قوم لف دي ما ليك لى صاحب البوست تهريف الشهير بابي حسين
اتا خليك مرتاح يا حبيب ..


يا سلام يا طلحة فاهم قصدك كويس ..
لكن قصدي القبول لعضوية الشلة ..

لكن بصراحة بوست البرسيم جميل ورائع
خاصة في مداخلتك الاخيرة .. أنا كنت هناك قبل ثواني

مودتي يا جميل ..

Post: #45
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 10:34 AM
Parent: #44

Quote: „اووو علي أمبس
ياخ انت لما تقول لا اجيد الكتابة بالعامية احنا نقول شنوا :)


ووو أحمد أمبس ..
يا زول نحن من جزيرة محاطة بالماء من كل الجهات ..
ما كنا نشوف غير أهلنا فقط .. غربنا مشو والحفير وشرقنا البرقيق كان فاضي
إلا إمتداد كرمة البلد ..
يا أخي زمان ناسنا كان يسمعوا إذاعة ركن الجنوب
يقولوا عشان كلامهم واضح ..
أيام نشرة الاخبار كانت (( اليوم أسماعيل الازهري هيمشي بلاد برا ))

تحياتي أحمد امبس ..
ووو .. أشري ..

Post: #46
Title: Re: ***** علي عبد الوهاب عثمان *****
Author: عبدالرحمن إبراهيم محمد
Date: 11-11-2015, 11:28 AM
Parent: #45


أخونا أبو حسين

كتر الله ألف خيرك للإحتفاء بالراجل الجميل؛ فهو جدير بكل إطراء وتقدير، لأنو فيهو العمق والجدية والصدق والمودة والسودانية الأصيلة. فيا بختكم الجميل عشان هو بيناتكم. عليك الله خلينى أشارككم فى الكتبتو عنو فى بوست مرثية الفيتورى:
الفيتورى يا يــاقــــوت الـشــــعـر

أخى الصديق علي عبدالوهاب عثمان

يا مرحبا بصديقنا علمُ التراثِ علىُّ الودِ إبنُ عبدالوهابِ
للثقافةِ والأصالةِ حافظٌ متوشحٌ دوما بالإرثِ خيرَ إهابِ
نبعٌ فاضَ عطاؤه يهمى رموزًا للمدائن فوقَ كلِّ هضابِ
الكل ينظر راقبا ما يأتى به شوقَ العقولِ ومتعة الألبابِ


يا خازن التراث و حافظ التثاقف والأصالة؛ لك التحايا والشكر.

رأيت أن أستهل البوست بأبيات تعبر عن تقديرى لك، كما فعلت بالأمس مع صديقنا أحمد الأمين الذى نبهنا لباب فى الشعر متجاهل عند شعراءنا المعاصرين وهو باب "الإخوانيات"؛ حيث يقوم الشاعر بكتابة أبيات أو قصيدة فى صديق تقريظا أو مناوشة أو ممازحة أو تحديا. وهو ما تكرم به علينا أحمد ود اللمين فى بوسته عن شعراء حقبة ديوان الكتيبة.....

فرأيت أن أستعيد بعضا مما كنا قد فقدناه من فترة الستينات والسبعينات من قصائد وأبيات فى "الإخوانيات"؛ وقد كان جلها ممازحة ومكايدة وسخرية من بعضنا البعض - - وما كانت تخلو من نزق وشطط. فأردت أن أجلب ذلك الباب من الأدب إلى مداخلاتنا هنا عساه أن يضيف بعدا جديدا وألقا لإسهاماتكم فى كل مداخلاتكم وجميل تعليقاتكم. وسأحاول أن أستنهض مقدراتى لأوفى كل صديق ومتداخل حقه من التقدير والتقريظ شعرا بما يناسب مزاجه وهواه. متمنيا أن يديم الله المودة بيننا ويثقفنا بعطاء كل منا. فدمتم إخوة أعزاء.

وشكرا مرة أخرى أخى على عبدالوهاب لإستثارة هذه الذكريات والمواجع. ودمت لنا كنزا من المعارف الثقافية الحضارية.

فكتر الله خيرك يا أبوحسين وكل الأخوات والأخوان والأبناء والبنات الجو وقالوا كلامم السمح فى الراجل السمح.



Post: #47
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 12:39 PM
Parent: #46

أبو حسين .. جزاك الله خيراً أن أتيت بأحد قاماتنا في النوبية والعربية
هذه شهادة من البروف أتمنى أكون في قامتها .. البروف جعلك الله
ذخراً للمعرفة والابداع كما أنت ..
هذه الابيات نشرتها مع مقالاتك منتديات القرى النوبية لكي أنال شرف الاعجاب
فهكذا خلق الله الانسان يحب الإرتقاء والتطور ..

Quote: خى الصديق علي عبدالوهاب عثمان

يا مرحبا بصديقنا علمُ التراثِ علىُّ الودِ إبنُ عبدالوهابِ
للثقافةِ والأصالةِ حافظٌ متوشحٌ دوما بالإرثِ خيرَ إهابِ
نبعٌ فاضَ عطاؤه يهمى رموزًا للمدائن فوقَ كلِّ هضابِ
الكل ينظر راقبا ما يأتى به شوقَ العقولِ ومتعة الألبابِ

يا خازن التراث و حافظ التثاقف والأصالة؛ لك التحايا والشكر.


ومازلت أقرأ في بوست الفيتوري وأتأمل قوافيك الجميلة ..
شكراً بروف .. ودمت هكذا تنثر الدرر أينما حلللت ..


البروف قيمة الوفاء قيمة موروثة لدينا .. حتى للحيوانات .. وأهديك اخي البروف هذه الخاطرة عن بقرة خالي أحمد ..

بقرة خالي احمد .. وفاء بلاحدود

بدأت حرارة الجو تتبدد بنسمات العصاري التي تهب من مزارع الذرة المجاورة ونغمات حفيف الاغصان مع تيارات الهواء تشنف الآذان بموسيقى جعلت خالي احمد يتمدد داخل ( المراح ) تلك المظلة المكونة من جريد النخل واخشاب السيسبان .. هي فترة راحة قصيرة تسبق الدورة الثانية في الساقية ( عصر تتي ) مفترشاً جريد النخل الاخضر ومتوسداً ما يشبه بردعة حمار ( كيس مملؤ بالتبن) وعشرات الهوام والحشرات تدور داخل هذا الظل وتمر من امامه ولا يعيرها أي اهتمام حتى تلك الخنافس اللعينة التي تكور روث الابقار وتدحرجها الى اجحارها في منظر يبدو مقززاً للبعض ولكن بالنسبة لخالي هو حق الحياة للجميع في هذا الكون فلسفة جعلت من جميع المخلوقات تتمتع بحرية التحرك داخل المزرعة بقدر ما تجلب من منفعة وتتحاشى الضرر . زوجته غير بعيدة منه تمارس بعض الاعمال المناطة بالنساء وهي اطعام وارضاع صغار البهائم من ثدي امهاتها وتدليل ذلك العجل الصغير وتدريبه على كيفية تناول الوجبات من اغصان اللوبيا الخضراء وهي مهمة صعبة تتطلب قدراً من الصبر ليبدأ ذلك العجل المدلل بشم اللوبيا ثم يرجع ليلعقه بلسانه ومن ثم يبدأ الاكل بقضم اطرافها وهكذا يستمر الوضع لعدة ايام وهي صورة مشابهة لفطام الطفل من الرضاع . حان الوقت للكف عن اللعب واطلاق البهائم للرعي وسقاية الابقار فالرعي في نطاق الجزر هي مهمة صعبة لأن المساحات التي تمارس فيها محدودة كل يمارسه في ساقية جده وفي حدود الجدول الكبير الفاصل بين الساقيتين ( ملتي ننودي ) وكنا نتحكم في القطيع بدرجة عالية من الحنكة إلا تلك النعجة الشقية التي كانت تجلب لنا كل المصائب وما إن تجد غفلة من الصغار إلا وانطلقت كالسهم نحو الساقية الاخرى وتتخطى الجدول بسرعة البرق لتثير علينا كل الغضب الذي يرتقي أحياناً الى العقاب بالجلد .. لن أنسى شكلها الى اليوم بشعرها الاسود وتلك الغرة البيضاء على وجهها وكنا نسميها ( كونج قررا ) واستمرت هكذا في غيها الى أن تخلص منها خالي يوماً بذبحها في سماية ابنه .. وعكس تلك النعجة الشقية كانت بقرة خالي وهي من أحب المخلوقات الى قلوبنا لأنها كانت وديعة وهادئة سهلة الانقياد عند سقايتها في النيل وعندما يكون خالي غائباً كنا ندفعها الى داخل النهر ونسبح معها ممسكين بذيلها .. كانت بيننا وبينها تواصل حميم .. نتعجب من خطواتها الرزينة وصدى صوت اظلافها تكاد تتردد حتى اليوم في اذني وهي تمشي ببطء وهدوء .. لقد كبرت وشاخت واصبحت كوماً من العظام والجلد وتقاعدت عن تدوير الساقية والمحراث بل انقطعت ذريتها ولكن رغم ذلك كانت تمثل قيمة خاصة لدى كل افراد الساقية .. في ذلك اليوم الموعود جاء واحد من اشهر ( الجزارين ) في السوق البرقيق العم ( حسن التوم ) وهو من فلاليح ارقو وكانت جزارته مشهورة بذبح الابقار والتيوس من ذوات الاعمار المتقدمة وجلس مع خالي وارتفع صوته في لغة خليطة بالدنقلاوية والعربية لا تخلو من النكته ومن بعض غلاظ العبارات التي تتداول في عالم ( الجزارين ) وانتهت الجلسة بأن اخرج عمنا حسن محفظته الكبيرة والمربوطة بسلسلة مفاتيح في طرف جيبه واعطى بعض الاوراق النقدية لخالي وبعدها قام واقتاد البقرة الرمز والتي تربى بفضلها أجيال من ابناء الاسرة .. نهضت من مرقدها بكل تثاقل وذلك الفتى يجرها جراً بل ويسبها ببعض الكلمات التي نزلت علي كالصاعقة وتم اقتيادها الى حيث المركب لتذهب الى مثواها الاخير شرق النيل لم يتحمل احد منا رؤيتها وهي تعاني من الصعود الى المركب وعلى كاهلها سنوات العمر المديدة ونظراتنا تتابعها حتى فارقت المركب البر عندها سرى صمت ووجوم بين الحضور حتى خالي اشاح بوجهه لتجنب لحظات فراق رمز من رموز الوفاء والخير .. لم نفارق مكاننا حتى رست المركب في الضفة الاخرى من النهر بالشرق وغاب اثر الجمع خلف كثبان الرمل العالية واسدل الستار على هذا المسرح التراجيدي .. دمعت الاعين وعز علينا فراق واحدة من انبل المخلوقات التي مرت علي في هذه الحياة .. أما خالي فقد غلبت الناحية المادية على عاطفته وانطلق يتحسس جيبه ويتلمس تلك الوريقات النقدية التي نادراً ما كان يقتنيها وما ان غربت الشمس ونحن نركض في ساحة القرية تحت ضوء القمر تناهي الى مسامعنا صوت خالي والندماى من حوله ونغمات الغناء الهاديء يهتك ستر الليل ( الله لي وو .. تومة .. يا فتيلة المايقوما ) وهكذا سنة الحياة ساعة حزن واخرى مضمخة بالفرح .. رحم الله ذلك الزمان الذي كان فيه حتى الحيوانات تتمتع بالوفاء والاخلاص .. هيرووو .. وو.. أمبسي ,,


مدين لك بالكثير أبوحسين ..


Post: #48
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-11-2015, 12:46 PM
Parent: #45

Quote: عليقات: 2
فرز حسب
الأبرز

إضافة تعليق...


Tariq Idris · الخرطوم
العلامة علي عبدالوهاب مسكامي ..... يادوووووب الواحد يدخل سودانيزاونلاين ويخلف رجل فوق رجل ..... يا ابو حسين بختك اشتهرت في جزيرة بدين وكل ارض النوبة
أعجبني · رد · 30 دقيقة

Ali Bob
(تحية ود وتقدير
للأستاذ/ علي عبد الوهاب عثمان
فهو نموذج للسوداني الأصيل المؤمن بالتنوع )
Like
أع


حبيبنا طارق إدريس .. نعم أبوحسين ما قصر ..
أنا إشتهرت مش أبوحسين ( أبوحسين ماركة مسجلة في سودانيز )
هيروو .. طارق ..

علي بوب الحبيب
إنت رائع ولأنك اصيل ترى الناس بعيون ثاقبة

مودتي علي بوب

Post: #49
Title: Re: ***** علي عبد الوهاب عثمان *****
Author: سامي عطا المنان
Date: 11-11-2015, 12:54 PM
Parent: #48

Quote: الجميل علي عبدالوهاب عثمان

لك التحية ومثلها لضيوفك الكرام ....

الجميلبن للجميلات صدقة لهن روح الياسمين وفوح البنفسج .....
حضرت لك أحد المسامرات في الإربعائية كانت علي ما أعتقد عن تاريخ الغناء النوبي قدمت فيها إطار مفاهيمي من أهداف و فرضيات إمتحنها بنماذج من الغناء، فكان الإبداع حاضرا .....
بالرغم من أن النماذج نوبية شفقت الإستاذ / حرسم علي .... أن الضيف يحتاج مترجم ..... فزجرته ....يا زول أنا مستمتع ...

الذي يوحد الشعوب هو أن ندعوها تنمو نموا طبيغيا، تربط ماضيها بحاضرها، تتنافس في أن تقدم أحسن ما عندها عصيدة من الغرب وتمتم كمان وقراصة من الشمال وعرقي بلح ودليب.
وتعال شوف الجمال ده مفروش كيف ...... فكونا من الكبسلة يرحمكم الله .

...............................................................
جرادة في سروال ما بعضي لكن قعادو ما حلو


البتاعة دي فطيتها ..... ولا ما عايز عرقي بلح عايز دكاي ..........كاااااك

Post: #61
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:11 AM
Parent: #49

Quote: البتاعة دي فطيتها ..... ولا ما عايز عرقي بلح عايز دكاي ..........كاااااك


حبيبنا سامي .. تحياتي
عرقي تمر .. حليل زمنه .. كان يصنع أجود أنواع التمور .. ( أوسميدان _ وأقراق )
بعدين التوصيلات والانابيب كانت من ( البوص ) وبالنوبية ( قووا ) تعطي نكهة فريدة ( تم تبديلها بالخرطوش )
وبعدين بالبرمة الفخارية ( مش صفايح وبراميل وبلاستيك ) وقرف ..
فقد حصل تلاعب كبير على هذا المنتج نظراً لإهمال مراقبة الجودة والنوعية )
وبدل الدكاي أخترع ( المدينيين ) حاجة إسمها الشربوت حاجة كدا لا هذه ولا تلك بالله حتى الحريم يشربوها .. (هههه)
حصل تلاعب في تراثنا .. الكوشي ..

مودتي سامي

Post: #50
Title: Re: ***** علي عبد الوهاب عثمان *****
Author: محمد عبد الله الامين
Date: 11-11-2015, 01:02 PM
Parent: #48

Quote: نهضت من مرقدها بكل تثاقل وذلك الفتى يجرها جراً بل ويسبها ببعض الكلمات التي نزلت علي كالصاعقة وتم اقتيادها الى حيث المركب لتذهب الى مثواها الاخير شرق النيل لم يتحمل احد منا رؤيتها وهي تعاني من الصعود الى المركب وعلى كاهلها سنوات العمر المديدة ونظراتنا تتابعها حتى فارقت المركب البر عندها سرى صمت ووجوم بين الحضور حتى خالي اشاح بوجهه لتجنب لحظات فراق رمز من رموز الوفاء والخير .. لم نفارق مكاننا حتى رست المركب في الضفة الاخرى من النهر بالشرق وغاب اثر الجمع خلف كثبان الرمل العالية واسدل الستار على هذا المسرح التراجيدي .. دمعت الاعين وعز علينا فراق واحدة من انبل المخلوقات التي مرت علي في هذه الحياة .. أما خالي فقد غلبت الناحية المادية على عاطفته وانطلق يتحسس جيبه ويتلمس تلك الوريقات النقدية التي نادراً ما كان يقتنيها وما ان غربت الشمس ونحن نركض في ساحة القرية تحت ضوء القمر تناهي الى مسامعنا صوت خالي والندماى من حوله ونغمات الغناء الهاديء يهتك ستر الليل ( الله لي وو .. تومة .. يا فتيلة المايقوما ) وهكذا سنة الحياة ساعة حزن واخرى مضمخة بالفرح .. رحم الله ذلك الزمان الذي كان فيه حتى الحيوانات تتمتع بالوفاء والاخلاص .. هيرووو .. وو.. أمبسي ,,

.
يا سلااااااااام ياااخ سرد وتصوير رائع وجميل ...
المزيد المزيد أستاذ علي قاشا ....

Post: #51
Title: Re: ***** علي عبد الوهاب عثمان *****
Author: محمد عبد الله الامين
Date: 11-11-2015, 01:05 PM
Parent: #50

Quote: Tariq Idris · الخرطوم
العلامة علي عبدالوهاب مسكامي ..... يادوووووب الواحد يدخل سودانيزاونلاين ويخلف رجل فوق رجل ..... يا ابو حسين بختك اشتهرت في جزيرة بدين وكل ارض النوبة
أعجبني · رد · 52 دقيقة

Ali Bob
(تحية ود وتقدير
للأستاذ/ علي عبد الوهاب عثمان
فهو نموذج للسوداني الأصيل المؤمن بالتنوع )

Post: #53
Title: Re: ***** علي عبد الوهاب عثمان *****
Author: محمد عبد الله الامين
Date: 11-11-2015, 01:43 PM
Parent: #51

أتصل على الأخ علي عبد الوهاب وأفادني بان كوته المداخلات اليومية انتهت
ويعتذر للناس المارد عليهم .... ويعدهم بالرد عليهم غداء إن شاء الله ...
يلا يابو حسين استلم بوستيك ....

Post: #54
Title: Re: ***** علي عبد الوهاب عثمان *****
Author: قسم الفضيل مضوي محمد
Date: 11-11-2015, 02:21 PM
Parent: #53

نخليكم مع هذا الفاصل ...
لغاية ما يُفك سراح المحتفى به ...

الصلاة كانت مختلفة عند أهلنا في أرض النوبة .. خاصة في الجزرالصلاة كانت مختلفة عند أهلنا في أرض النوبة .. خاصة في الجزر

Post: #55
Title: Re: ***** علي عبد الوهاب عثمان *****
Author: قسم الفضيل مضوي محمد
Date: 11-11-2015, 02:30 PM
Parent: #53

نخليكم مع هذا الفاصل ...
لغاية ما يُفك سراح المحتفى به ...

الصلاة كانت مختلفة عند أهلنا في أرض النوبة .. خاصة في الجزرالصلاة كانت مختلفة عند أهلنا في أرض النوبة .. خاصة في الجزر

Post: #56
Title: Re: ***** علي عبد الوهاب عثمان *****
Author: ABUHUSSEIN
Date: 11-11-2015, 03:01 PM
Parent: #55

سلام للجميع

Quote: أتصل على الأخ علي عبد الوهاب وأفادني بان كوته المداخلات اليومية انتهت
ويعتذر للناس المارد عليهم .... ويعدهم بالرد عليهم غداء إن شاء الله ...
يلا يابو حسين استلم بوستيك ....

حاجة تحير فعلا ....
كاتب بالحجم دا و بشهادة الجميع و مداخلاتو محدودة .. !!!!!!


كدا الموقع خسران ......

Post: #57
Title: Re: ***** علي عبد الوهاب عثمان *****
Author: الشامي الحبر عبدالوهاب
Date: 11-11-2015, 03:42 PM
Parent: #56

بوست قيم ومفيد
التحية لك أخ ابوحسين ولضيفك الأخ علي عبدالوهاب

Post: #71
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:48 AM
Parent: #57

Quote: بوست قيم ومفيد
التحية لك أخ ابوحسين ولضيفك الأخ علي عبدالوهاب


حبيبنا الشامي ..
ولك التحية وشكراً على حضورك الزاهي يشرفنا كثير ..

مودتي ..

Post: #58
Title: Re: ***** علي عبد الوهاب عثمان *****
Author: علاء سيداحمد
Date: 11-11-2015, 04:00 PM
Parent: #56

Quote: علاء أننقا .. مسكاقمي ..
أيه رأيك يا علاء أننقا .. نمشي هناك سوق البرقيق في الستينات ..
دكان عمنا ميمد أونقي رحمه الله ..


ياسلااااااااام ياخ ياعلى انـتـا رجعتنا للزمن الجميل زمن الطفولة وزمن لم نعرف من الدنيا سوى طعم السرور .. نعم عمنا ميمد اونقى كان من كبار التجار فى سوق البرقيق
فى ستينات القرن الماضى حيث تجار المنطقة المشهورين امثال الخال جعفر سيداحمد عليه الرحمه وحسن سيداحمد عليه الرحمه وعمنا زمراوى محمد عثمان ربنا يعطيه الصحة والعافية
وغيرهم كثيرين كانوا يقومون بالافتراش فى سوق البرقيق ماعدا عمنا ميمد اونقى وعمنا مسكن سعيد عليهم الرحمة كانوا يمتلكون محلات فى سوق البرقيق وايضا عمنا عثمان بدرى عليه الرحمه كان يملك قهوة فى سوق البرقيق
وعمنا اونقى ايضا بالاضافة الى التجارة كان ايضا يمتلك حديقة فواكه كبيرة فى كرمة البلد ايام شركة كرمة البلد الزراعية والان فى الاخبار ان الاخوة فى كرمة البلد يعدون لاعادة تشغيل تلك الشركة العريقة حيث كانت من اكبر المشاريع
التعاونية فى تلك الفترة فى المنطقة واهل السواقى فى كرمة البلد والذين اقاموا المشروع مستوى معيشتهم كانت مرتفعة لانهم كانوا يزرعون المحاصيل البستانية (الفواكه ) والمحاصيل النقدية ذره - قمح - فول مصرى - لوبيا بالاضافة
الى اهم محاصيلهم النخيل .وبشقاوة الطفولة كنا نقوم بسرقة الفواكه ( مانجو وبرتقال قريب فروت لارانج اليوسفى ) من جنينة عمنا اونقى وغيرها من الجناين . وقبل وفاته بأيام قليلة حضر نفر من اهله من وادى حلفا عند سماعهم بمرضه .. رحمه الله رحمة واسعة . فعلا يا على اخوى اونقى كان سر التجار ,

Post: #59
Title: Re: ***** علي عبد الوهاب عثمان *****
Author: ABUHUSSEIN
Date: 11-12-2015, 05:27 AM
Parent: #58

سلام و تحايا للجميع
و أهلا و مرحب بكل المتداخلين
و أهلاً و سهلاً بي ناس الفيس بوك :-

Quote: is · الخرطوم
العلامة علي عبدالوهاب مسكامي ..... يادوووووب الواحد يدخل سودانيزاونلاين ويخلف رجل فوق رجل ..... يا ابو حسين بختك اشتهرت في جزيرة بدين وكل ارض النوبة
أعجبني · رد · 17 ساعة

Abdullah Osman · Arab Gulf Programme في Projects Executive Assistant
علي أمبس
ياريت ... تتناول دور المشاريع الزارعية التعاونية للقروى غرب ارتقاشا ... عددها ... نشأتها ... دور الزبير حمد الملك في ترجمة القوانين الهندية وموائمتها مع الحالة الاجتماعية السائدة في المنطقة في حينها .... واخير ما آل إليه تلك المشاريع اليوم وهل هناك بصيص أمل لإعادة الحياة في تلك المشاريع
أعجبني · رد · 8 ساعة

Ali Bob
(تحية ود وتقدير
للأستاذ/ علي عبد الوهاب عثمان
فهو نموذج للسوداني الأصيل المؤمن بالتنوع )
Like
أعجبني · رد · 17 ساعة

و نتمنى إنو الكفيل يكون لسه مسافر يا علي ...

تحياتي و إحترامي للجميع

Post: #60
Title: Re: ***** علي عبد الوهاب عثمان *****
Author: يحي قباني
Date: 11-12-2015, 06:11 AM
Parent: #59

جبت لينا زول بديع يا عادل ...

نوع حبيبنا علي ده ما فضل منه كتير في الدنيا دي ...

و بعدين ياخ لو ركزت في البوستات الأنيقة الزي دي و خليتك من ( حاجاتك ) ديك ... تكون عملت معروف :)

Post: #62
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:14 AM
Parent: #60

Quote: البتاعة دي فطيتها ..... ولا ما عايز عرقي بلح عايز دكاي ..........كاااااك


حبيبنا سامي .. تحياتي
عرقي تمر .. حليل زمنه .. كان يصنع أجود أنواع التمور .. ( أوسميدان _ وأقراق )
بعدين التوصيلات والانابيب كانت من ( البوص ) وبالنوبية ( قووا ) تعطي نكهة فريدة ( تم تبديلها بالخرطوش )
وبعدين بالبرمة الفخارية ( مش صفايح وبراميل وبلاستيك ) وقرف ..
فقد حصل تلاعب كبير على هذا المنتج نظراً لإهمال مراقبة الجودة والنوعية )
وبدل الدكاي أخترع ( المدينيين ) حاجة إسمها الشربوت حاجة كدا لا هذه ولا تلك بالله حتى الحريم يشربوها .. (هههه)
حصل تلاعب في تراثنا .. الكوشي ..

مودتي سامي

Post: #66
Title: Re: ***** علي عبد الوهاب عثمان *****
Author: وائل حمزه الزبير
Date: 11-12-2015, 07:27 AM
Parent: #62

Quote: مع التحية للابن وائل ..
ممكن تجد الكثير من مقالاتي عبر القوقل ..
أدخل عبارة ( واوور الحكايات ) تجد
كميات من كتابات التراث النوبي


لك التحية والتقدير أستاذ علي وأشكرك على هذه الإفادة.

Post: #67
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:27 AM
Parent: #55

Quote: نخليكم مع هذا الفاصل ...
لغاية ما يُفك سراح المحتفى به ...

الصلاة كانت مختلفة عند أهلنا في أرض النوبة .. خاصة في الجزرالصلاة كانت مختلفة عند أهلنا في أرض النوبة .. خاصة في الجزر


حبيبنا قسم الفضيل ..
يا سلام عليك يازول يا اصيل ..
دي كانت الحياة زمان .. لاتعقيد لا تشدد
كان الناس يحملون القيم والعبادات في دواخلهم ..
أحسيهم بإذن الله اليوم ممددين أرجلهم في الجنة ..
بالنسبة لجرائم اليوم والظلم هؤلاء يعتبرون ملائكة

تحياتي يا جميل ..
ومودتي بلا حدود

Post: #68
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:32 AM
Parent: #67

Quote: جبت لينا زول بديع يا عادل ...

نوع حبيبنا علي ده ما فضل منه كتير في الدنيا دي ...

و بعدين ياخ لو ركزت في البوستات الأنيقة الزي دي و خليتك من ( حاجاتك ) ديك ... تكون عملت معروف :)


حبيبنا يحيى .. لا البديع أنت .. لأنك من تجعلنا نستحضر الزمن الجميل ..
أتلهف إلى كل بوست لك ..
لك المودة ..
وواصل فيما تقدمه من روائع


تحياتي ..

Post: #69
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:33 AM
Parent: #68

إهداء إلى حبيبنا سامي عطا المنان ( بمناسبة الدكاي )


أما ليالي القرية او الساقية ( أسكليه / كولييه ) فكانت تضج بمجموعات (البوقانا ) والمشروب المتداول في البوقانا هو ( الدكاي ) ولا يتم تناول الخمر ( عرقي التمر ) أطلاقاً في البوقانا لأن الاصل في البوقانا هو التواصل الاجتماعي والاسري وقضاء وقت للتواصل ، ولأن (عرقي التمر) له مضاعفات زائدة عن الحاجة ويجعل بعض شاربيه خارج السياق ويجلب المشاكل والخطأ فلا يجوز في قانون البوقانا تداوله ولأن مرتادي البوقانا من كل المستويات حتى كبار القوم والبعض كان يعتبر ( العرقي ) حرام قاطع ولكن الدكاي أخفف ضرراً بحكم التجربة والممارسة والتجريب وإعمال العقل كان من المرتكزات المهمة في المجتمع النوبي .. فقط المباح كان الدكاي لأن الدكاي مفعوله خيف وسكره نبيل وتأثيره على العقل لا يخرج من نطاق الفرحة والبهجة .. ربما لأن عرقي التمر فيه نوع من التخمير الزائد ثم التقطير .. والدكاي نسبة التخمير فيه وسط مع جمال طعمه ورائحته مقبوله وغير منفره ولا تفوح كما رائحة العرقي .. والدكاي كان سهل الصناعة .. ويتوقف طعم الدكاي وجودته على نوع التمر المستخدم وكلما كان طعم تمر ألذ كان المنتج أفضل ولا يستخدم البركاوي اوابتاموده او القنديلة .. كان هناك نوع خاص من التمر هو المفضل لهذه الصناعة وهو نوع غير مرغوب فيه للتسويق او الأكل وحباته سوداء اللون ( اوسميدان ) وتكون نخلة واحدة في الساقية لا يهتم بها أحد وما تعصف منه الريح لا يأكله البشر فقط البهائم ودائماً ما يتم عمل زريبة البهائم تحت ظل هذه النخلة .. ومحصولها وفير جداً وعلى درجة عالية حلاوة الطعم .. وبعد الغلي في الماء الساخن حتى تكون حبات التمر بدون أي طعم يخزن في ( كوبيه ) وهو زير فخاري تم الاستغناء عنه من ضمن منظومة تبريد الماء لأن الازيار ( فوكيه بالمحسية / قالو/ فووكا بدنقلاوية ) عندما تتقادم عمرها تحدث انسدادت لكل المسامات ولا تبرد الماء بفعل تراكم الاملاح وبعدها ينقل الزير الى مهمات أخرى كتخزين (البقوليات ، لوبيا وترمس ..الخ ) وتستخدم بعضها في مهمة الدكاي والنبيذ . ويتم يتفريغ الدكاي في ( كوبيه ) ويكفي تخزينه في الصيف لمدة ( خمسة ايام ) ليتخمر تماماً ..
وفي مكان البوقانا .. يتم جلب ( كوبيه ) ووضعه في منصف المجلس ثم يتم تصفية الدكاي من باقي التمر ( موشوق ) وفي بمصفى يسمى (أسكور) في مواعين كبيرة ثم يتم توزيعه على الحضور بمواعين اصغر تسمى ( دناد ) او القرعة بالعربية ، ويقوم الأصغر سناً من الموجودين بهذه المهمة

نواصل ..

Post: #72
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 07:57 AM
Parent: #69

حبيبنا أبوحسين ..
تحياتي .. لم استطيع الكتابة في البوست من أمس ..
قالوا في حاجة إسمها ( الكوتة ) مخصصة لكل لواحد أول مرة أعرف الحكاية دي ..
مع أول أزمة سكر عام 1977م أيام نميري .. أصبحت كوتة أشهر كلمة في ذلك الزمان
ودخلت حتى في النوبية وصارت مفردة ..
لماذا أخونا بكري سيد حوش يذكرنا بهذا المصطلح الذي يجلب الكآبة ..
وأحسب أخي أبوحسين .. أن اندياح الفكر والكتابة لا يحدد بأي خط أو مسافة أو سقف او كوتة ..
لأنك لا تستطيع أن تعيد اللحظة عندما تتاح لك الكوتة بعد 24 ساعة ..
أرجو من سيد الحوش مراجعة نظام ( الكوتة ) لأنها مرتبطة بالتموين
والندرة .. ولكن أحسب أن في الحوش غزارة في الانتاج ..

كمان أبشرك .. الكفيل لسع مسافر ..

شكراً كثير كثير ..



Post: #73
Title: Re: ***** علي عبد الوهاب عثمان *****
Author: طلحة عبدالله
Date: 11-12-2015, 08:57 AM
Parent: #72

Quote:

أرجو من سيد الحوش مراجعة نظام ( الكوتة ) لأنها مرتبطة بالتموين

يا أبو علوة للزيك دا أنا مع فتح الكوتة بلا حساب
لكن مع مخلوقات تانية زي سيد البوست تهريف دا لا يجب أن تطلق
له الكوتة بل ينبغي أن تحدد له بمقدار عدد المواضيع المفيدة التى
يرفد بها المنبر .. على أن تزيد كلما كان الموضوع أفيد وهكذا .. يعني
مثلا البوست دا مفيد جدا تصرف له عليه 20 مداخلة كحد أقصي.. وبعد
يومين كتب موضوع مفيد ساي بدون جدا تصرف له عليه 10 وهكذا
تزيد الكوتة أو تنقص حسب أهمية وفائدة الموضوع ..
طبعا لو إتطبق النظام دا زي صاحبنا تهريف دا بقعد كنب .. يتفرج ويلولح
في رويسو متحسرا أو متشهيا .. خخخخخخ

Post: #74
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 09:13 AM
Parent: #73

حبيبنا طلحة ..
صدقني أول مرة أعرف نظام الكوته ..
اليوم نسيت كمان فتحت بوست عن مارقريت السويدية
ما عارف باقي لي كم ..
بالنسبة لابوحسين .. إستعد يا طلحة للنيران الصديقة ..
أكيد هو مشغول .. أنا فاضي عشان كفيلي مسافر ..

تحياتي مودتي .. طلحة

Post: #75
Title: Re: ***** علي عبد الوهاب عثمان *****
Author: ABUHUSSEIN
Date: 11-12-2015, 09:21 AM
Parent: #74

أخونا علي
زي ناس طلحة ديل ما تشتغل بيهم .....
رسل رسالة لي بكري في الماسينجر الداخلي للمنبر علشان يزود ليك عدد مداخلاتك....
رسلها ليهو الآن عشان لم يصحى من النوم يلقاها قدامو .....


تحياتي و إحترامي للجميع

Post: #76
Title: Re: ***** علي عبد الوهاب عثمان *****
Author: جلالدونا
Date: 11-12-2015, 11:04 AM
Parent: #75

يا سلام يا على على الحروف الجميلة و السطور الدسمة
الشايلة ريحة التراب و الجروف و النيل و جراب الضكر زمن خصب النخيل
و هديتك برضو ود باشا و كرشة و قنديلة و شية تستاكل مع الشاي يا حبيب
اشارتك لى اسامى مناطق فى دار الشايقية ذات اصول نوبية تجعلنى اتجرأ و اطلب من العزيزة
نعمات عماد ان تفتح بوستا يتصدره المقال الذى اشارت اليه و تمنحنا فرصة الاطّلاع عليه و بالمرة نتاول اصول الشايقية
فيه حتى لا تحرف مسار هذا السفر الرائع
و ده لو سمحت طروفا
_____
من كلام الشايقية و وحى القرءان و رازق الطير فى الخبء على لسان الهدهد كتبوا
يا رَازْقْ الـسَّـمَـكَـه ......,,,,,فـِى بـَحـَــرَا
إنـْـتَ فـُوقْ تـُومْـتـِى الـصَّغِـيـرْ عُـمُـرَا

Post: #77
Title: Re: ***** علي عبد الوهاب عثمان *****
Author: محمد عبد الله حرسم
Date: 11-12-2015, 11:09 AM
Parent: #76

Quote: على عبد الوهاب عثمان
وسؤال الهوية النوبية والتجنيس
(1)
وربما وردت عبارة التجنيس هنا كمقدمة للمصطلح الذي اتخذه على عبد الوهاب في كتاباته وندواته (الوعي التناسلي) .. وأقصد بالتجنيس تخفيف وطأة مدلول (الوعي التناسلي) والانعتاق من بوتقة (الحاضنة الثقافية) الى فضاءات الوجدان الانساني المنفتح. فان استطعنا تجنيس أو "تنويب" أدب اخوتنا الشايقية بالتركيز على السمات النوبية الظاهرة في ملامح هذا الأدب والبحث عن الجينات الكامنة في تكوينه، نكون قد خطونا الخطوة الأولى في مشوار تاصيل هذا التراث الانساني العظيم. ولو انتبه السابقون الى أهمية هذا التأصيل لما اتخذ "الطنبور" اسما آخر غير "الكسر"، فان كان الكنعانيون يحتفظون بالاسم النوبي لهذه الالة الموسيقية بعد تحريف نطقي طفيف "قيسر بدل كسر" لتتحول عند الأغريق الى اسم لالة نفخ (القيثارة) فقد فشلنا كنوبيين في تأصيل هذا الاسم النوبي (الكسر) في السودان والمحيط العربي وفشا الاسم الفارسي (الطمبور)، ونستطرد على ذكر الطنبور فنقول أنه اشتهرت في العصر العباسي الأول جارية اسمها "عبيدة الطنبورية" برعت في العزف على الطنبور وكانت ذات جمال وأدب وصفها أحد الشعراء بقوله:
أمست عبيدة في الإحسان واحدة
فلله صار لها من كل محذور
من أحسن الناس وجهاً حين تبصرها
و أحذق الناس إن غنّت بطنبور
وجدير بالذكر أيضا أن نشير الى أن من أرسى دعائم فن الطنبور في السودان وأحدث فيه ذلكم المنعطف المهم هو الفنان ادريس ابراهيم الذي انتقل الى رحمة مولاه في شهر سبتمبر الماضي دون أن ينتبه اليه أحد، وادريس ابراهيم هو الذي انتشل أغنية الطنبور من سحيق ما كانت فيه الى بهرجة الأضواء منذ أن تغني في الاذاعة السودانية وفي برنامج ربوع السودان بأغنية القمر بوبا قبل أن يغنيها الفنان الكبير محمد وردي، ثم عاد الى الخرطوم مرة أخرى مصطحبا معه اسحاق كرم الله في مهرجان المديريات في العام 1964م ، كان اسحاق يغني وادريس يعزف له الطنبور والسباح كيجاب على الطبلة، وتوالت على فرقته فيما بعد اساطين الطنبور النعام آدم وعوض عبدون وعثمان اليمني حتى ترسخت أغنية الطنبور بعد أن انزوى مؤسسها الدنقلاوي ادريس ابراهيم في غيبته الكبرى في سرداب الغربة والدناقلة ينتظرون عودته المنتظرة ، لكنه عاد لتتقاذفه أمواج النكران، عاد ليسافر مرة أخرى في سرمد الغياب،"مسافر والفراق يعلم بو الله" رحم الله ادريس ابراهيم الذي فشل هو الآخر في تجنيس الكسر لأنه حين أعلن مع نور الدين سيد على العودة الى الجذور لم تكن الفكرة قد اكتملت، ولم تكن قد قبلت من لدن الغافلين أو المتغافلين عن دور هذا التجنيس في اثراء وجدان الأمة والحفاظ على هويتها ضمن تفاعل الهويات الأخرى.
ولعل السؤال الذي يطرح نفسه هنا بالحاح هو متى بدأ النوبة يفكرون في ارثهم الحضاري والثقافي وتأثير هذا الأرث في تشكيل السودان؟ وما هي استراتيجية وألية هذا التفكير؟ وما هي المحصلة المرجوة؟
ودون الدخول في تجاويف تفاصيل الاجابة سأتناول اذا مد الله في العمر اسهامات أربعة من الرواد وهم نور الدين سيد علي، وجلال عمر ومحمد فضل طبق وعلى عبد الوهاب، ولعل التفكير عند الشعراء الثلاثة دون اغفال الأسماء الأخرى بدأ بالانجاز الشعري وعند على عبد الوهاب بدأ بالبحث عن الكلمات النوبية التي توغلت في عامية اهل السودان وتموسقت في أوزان الشعر الشايقي في استراتيجية فكرية محكمة تهدف الى اعادة الاعتبار للتراث النوبي العريق الى النوبة أنفسهم وتحسيسهم بهويتهم الابداعية واسهامهم الكبير في مضمار الأدب السوداني، ومن بعد ذلك اعادة الاعتبار للمساهمة النوبية في تكوين الثقافة السودانية وتوعية بقية أهل السودان بأهمية هذا الأرث الثقافي الذي أهملوه ونظروا اليه بعيون كليلة "مقالات عبد الرحمن عبد اللطيف نموذجا" واللائمة تقع على النوبيين أنفسهم الذين لم ينهضوا للتعريف بهذا التراث العظيم وهذه اللغة الغنية، ولعل في اسهامات الذين ذكرتهم وغيرهم ممن يسيرون على دربهم تكفير عن ذلك الذنب العظيم.
وسنرى من خلال حديثنا عن منهج على عبد الوهاب في مقالاته أن تتبعه للكلمات النوبية في شعر الشايقية هو بحث في تاريخنا، وحفر اركلوجي في مخابيء الذاكرة النوبية، ونواصل

سيف الدين عيسى مختار


الاديب سيف الدين عيسى مخترا متحدثا عن اطروحات على عبد الوهاب من داخل منظومة منتدى الاربعائية الثقافى بجدة

ولى عودة

Post: #78
Title: Re: ***** علي عبد الوهاب عثمان *****
Author: عبد الوهاب المليك
Date: 11-12-2015, 11:11 AM
Parent: #76

حبيبنا علي عبد الوهاب
أنا بكره مسافر السودان وما عايز أوصيك على ناس قريعتي راحت أبقى فيهم عشرة ..

وإلى أن نلتقي قريباً إذا مدّ الله في الآجال ..

Post: #79
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 12:25 PM
Parent: #78

Quote: الاديب سيف الدين عيسى مخترا متحدثا عن اطروحات على عبد الوهاب من داخل منظومة منتدى الاربعائية الثقافى بجدة


التحية لشاعرنا حرسم ..
شكراً .. على هذا الوسام الذي قلدتني به ..
سيف الدين عيسى الاديب الرائع ..
وهذه الاربعائية هي المنبر الذي تعملنا منها الكثير ..

تحياتي لسيف الدين
ومودتي بلا حدود ..

Post: #80
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 12:45 PM
Parent: #79

Quote: يا سلام يا على على الحروف الجميلة و السطور الدسمة
الشايلة ريحة التراب و الجروف و النيل و جراب الضكر زمن خصب النخيل
و هديتك برضو ود باشا و كرشة و قنديلة و شية تستاكل مع الشاي يا حبيب
اشارتك لى اسامى مناطق فى دار الشايقية ذات اصول نوبية تجعلنى اتجرأ و اطلب من العزيزة
نعمات عماد ان تفتح بوستا يتصدره المقال الذى اشارت اليه و تمنحنا فرصة الاطّلاع عليه و بالمرة نتاول اصول الشايقية
فيه حتى لا تحرف مسار هذا السفر الرائع
و ده لو سمحت طروفا


حبيبنا جلادونا ..
نحن عايشنا الواقع في مناطق الشمال من خلال وظائفنا أيام التدريس الجميل داك ..
دي مجتمعات متشابهة جغرافيا ديموغرافيا وعادات ... الخ
حتى الاشكال متطابقة
نحن أمة واحدة لو صمت النخب السياسية عن التنظير

مودتي ..

Post: #81
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-12-2015, 01:25 PM
Parent: #80

Quote: حبيبنا علي عبد الوهاب
أنا بكره مسافر السودان وما عايز أوصيك على ناس قريعتي راحت أبقى فيهم عشرة ..

وإلى أن نلتقي قريباً إذا مدّ الله في الآجال ..


حبيبنا المليك ..
تصحبك السلامة .. إذا مشيت على الضواحي شوف لينا موسم القمح كيف
الليلة وبكرة معاهم في القهوة .. ما أجمل هؤلاء الكادحين إنهم ملح الكون ..
صدقني لا نخب لا تنظير .. تقرأ السودان في وجوههم ..
عاطر التحيا من ناس قريعتي راحت ..
وعوداً حميداً
بإذن الله ..

Post: #82
Title: Re: ***** علي عبد الوهاب عثمان *****
Author: طارق ابراهيم ابوالفضل
Date: 11-12-2015, 01:54 PM
Parent: #81

استاذ علي عبد الوهاب

والله ما قادر اقول حاجة الناس كملو الكلام ولكنك رائع رائع

بالله كمان ما تدخل لينا شوية علي سلنارتي وانت راكب المركب

معدي من جنباتها

شكرا ابو حسين بأن اتحت لنا الابحار في عوالم هذا الرجل المترف بالثقافة والتراث النوبي

Post: #83
Title: Re: ***** علي عبد الوهاب عثمان *****
Author: ismeil abbas
Date: 11-12-2015, 02:51 PM
Parent: #82

أبوحسين...غايتو المرة دى فراستك صابت.......ما شاء الله...خليك فى الخط ده حاجة جميلة وجبت لينا زول سمح....تقديرى للجميع.

Post: #84
Title: Re: ***** علي عبد الوهاب عثمان *****
Author: ABUHUSSEIN
Date: 11-12-2015, 09:30 PM
Parent: #83

الناس الداخلين البوست دا للشوشرة ما عندي مزاج ...
شرفونا في بوست غير دا ...

اخونا علي كملت الكوته برضو و ل شنو ... ؟؟؟؟؟
اسمع كلامي و رسل لي بكري عشان يزيدها ليك ...

تحياتي و احترامي للجميع

Post: #85
Title: Re: ***** علي عبد الوهاب عثمان *****
Author: جعفر محي الدين
Date: 11-12-2015, 09:51 PM
Parent: #84

Quote: اخونا علي كملت الكوته برضو و ل شنو ... ؟؟؟؟؟


فعلا يا أبو حسين الكوتة خلصت
في الحقيقة كنا في مكالمة هاتفية مع الأخ علي قبل صلاة العشاء
وطلب مني الاعتذار للمتداخلين عن تأخير الردود
وسيأتيكم غدا بإذن الله
ومعك نطلب من الأخ بكري زيادة كوتة علي عبد الوهاب إن شاء الله من حسابي كوتي المتراكمة

Post: #86
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-13-2015, 01:12 PM
Parent: #85

حبيبنا طارق إبراهيم ..
يا سلام على سلنارتي وزملاءنا أيام البرقيق الاميرية الوسطى
ناس (صالح بدري وعبدالمنعم وناس ليوى .. كثيرين )
وإستجابة لطلبك سوف آتي إليك بموجز عن نيلية زمان


جبيبنا طارق
زمان النيل قبل اللنشات والضجيج :

أجمل مسار نهري في هذا الكون بدون مبالغة أن تبحر من مقاصر حتى بدين وما بعدها .. من مقاصر بلد العباقرة
صلاح احمد أبراهيم أصلهم من مقاصر .. وجزء من عائلة خليل فرح أل بدري من أهل مقاصر ..
ثم بنا وجزيرة موسنارتي ثم بعدها بلنارتي ومراورتي بلد ناس الموصلي الرائع .. على الضفة الشرقية ..
قصر الشاعر حمزة الملك طمبل في أرقو ( دب) ومقابلها جزيرتي الرائعة أرتقاشا المزدانه بالسواقي وتلك الساقية
الوحيدة التي تظهر في برامج التلفزيون هي ساقية عمنا ( كنتود ) في راس الجزيرة .. ثم هي قمة الجمال من الساب
ترى جزيرة عبدالله نارتي ومن البعد ترى رأس جزيرة بدين سلنارتي .. تخيل في أقل عشرين كيلومتر أكثر من عشرة
جزر مأهولة وغير مأهلولة .. كنت أتمنى أن يسافر الشباب عن طريق النهر في رحلة سياحية من دنقلا إلى بدين
لترى جنة الله في الآرض .. وخاصة زمان كان الرواويس يطربوك بأنغام الطمبور الغناء فوق الوصف ,.. والغريب
أن الرواويس كانوا يحبون الغناء بالعربية أكثر من النوبية .. فمثلاً كنت أسمع من أعمامنا الرواويس .. غناء وشعر
الرمز ابنغوف صائد التماسيح وهو من ديار الشايقية .. فمثال لذلك الشعر والغناء :
الظهر في كرمة صليت
عصر في كريمة صليت
أبو حمد قبل النوم مشيت
وبألحان وأنغام لا توصف وهم يتعمدون رفع الصوت في بعض المناطق والشواطيء التي تتجمع فيها الفتيات
لملء الجرادل من ماء النيل وسقاية الشتول والعجول ..

مودتي ..
أبوحسين الرائع .. يا أخي ما قصرت جبت لي ناس طارق وباقي الاخوان
مشكور يا الحبيب

Post: #87
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-13-2015, 01:15 PM
Parent: #86

Quote: أبوحسين...غايتو المرة دى فراستك صابت.......ما شاء الله...خليك فى الخط ده حاجة جميلة وجبت لينا زول سمح....تقديرى للجميع.


يا أخي إنت سمح .. حتى صورة بروفايلك تشرح الصدر
أخونا كبر كان عنده جملة رائعة ( شكراً على المطايبة )

مودتي إسماعيل ..

Post: #88
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-13-2015, 01:17 PM
Parent: #87

Quote: وطلب مني الاعتذار للمتداخلين عن تأخير الردود
وسيأتيكم غدا بإذن الله
ومعك نطلب من الأخ بكري زيادة كوتة علي عبد الوهاب إن شاء الله من حسابي كوتي المتراكمة


جزى هذا الحوش خيراً .. أن عرفنا بأمثالكم

مودتي حبيبنا جعفر


Post: #89
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-13-2015, 01:21 PM
Parent: #88

Quote:
علي أمبس
ياريت ... تتناول دور المشاريع الزارعية التعاونية للقروى غرب ارتقاشا ... عددها ... نشأتها ... دور الزبير حمد الملك في ترجمة القوانين الهندية وموائمتها مع الحالة الاجتماعية السائدة في المنطقة في حينها .... واخير ما آل إليه تلك المشاريع اليوم وهل هناك بصيص أمل لإعادة الحياة في تلك المشاريع


من الفس بوك
أمبس أنين أمباب تود
هناك بحث جميل موثق في منتديات دنقلا الاصالة والتاريخ عن شيخ الزبير اعده
الاستاذ سيف الدين عيسى سوف أحاول نقله في بوست منفصل ..
موضوع مشاريع غرب النيل إحباط شديد

الله يهون علينا
هيرووو أمبس

Post: #90
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-13-2015, 01:26 PM
Parent: #89

Quote: اخونا علي كملت الكوته برضو و ل شنو ... ؟؟؟؟؟
اسمع كلامي و رسل لي بكري عشان يزيدها ليك ...

تحياتي و احترامي للجميع


شكرا الزول الرائع أبوحسين ..
جزالك الله خيراً على هذا البوست .. خدمة جليلة
بخصوص الكوتة أرسلت الايميل قبل شوية

والغريبة انه بكري نفسه طالب بحث وتوثيق للمدن والقرى والاسماء
طيب ما دام الكوته بالطريقة دي كيف نفتح بوست توثيقي ..
لأننا لا يمكن ان نرسل له في الايميل .. لابد من عرض الموضوع في الموقع
ثم بعد ذلك تلقي الاضافات والمراجعات ثم الاعتماد والتوثيق ..

مودتي أبو حسين ..

Post: #91
Title: Re: ***** علي عبد الوهاب عثمان *****
Author: طلحة عبدالله
Date: 11-13-2015, 01:54 PM
Parent: #90

Quote:
الناس الداخلين البوست دا للشوشرة ما عندي مزاج ...
شرفونا في بوست غير دا ...

Post: #92
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-13-2015, 03:07 PM
Parent: #91

حبيبنا زبير الختمي ..
شكراً على إتصالك الهاتفي امس .. إتأخرت عشان الكوته ..
الختمية عندهم تاريخ ناصع في جزيرتنا ( أرتقاشا) ..
حيث أقام فيها ( السيد الحسن الادريسي ) وله قصر ضخم
في منتصف الجزيرة .. أذكر ربما قبل نصف قرن .. كان يأتي الى جزيرتنا
ضيوف كثيرين .. كنت أسمع أنهم من (( قري )) بالقرب من الخرطوم ..
ومازال الادراسة يتواصلون معنا .. وخليفتهم هو السيد تازي الادريسي هنا في المدينة المنورة
طبيب دكتور ..
ورغم أنتقالهم إلى دائرتهم في الموردة حيث دائرتهم ومسجد الادارسة .. فمازالوا يزورون قريتنا

شكراً اخي زبير ..
بالمناسبة زمان كنا نطلع في طوابير وننشد
نحن شبان دنقلا
ما بنخاف القنبله
اما الانشوده الثانية فكانت صعبة بالنسبة لنا لأننا كنا لا نجيد النطق بالعربية وحتى اليوم ..ههه
أحاول ان أتذكر الانشودة :
حابب الحابو قلبي ( هابب الهابو قلبي ) نطق هاء أحلى من الحاء ..
شريف الجدو النبي


لك التحية

الشكر موصول لأبوحسين
لأنه اعطاني نقله .. وبقيت محترف
مودتي لك ولأبوحسين

Post: #93
Title: Re: ***** علي عبد الوهاب عثمان *****
Author: ABUHUSSEIN
Date: 11-13-2015, 05:11 PM
Parent: #92

Quote: الشكر موصول لأبوحسين
لأنه اعطاني نقله .. وبقيت محترف
مودتي لك ولأبوحسين

بعد البوست دا انا المفروض اشكرك ...
ياخي كلام الناس عنك خلاني اضاير ....
معقول زول بي حجمك و قاعد لي مع ناس طلحة و ود البشرى و جلالدونا ....؟؟؟؟
و الله انت زول ما هين ... اتاريك متواضع للدرجة دي ...
يا زول يا طيب اكتب و اكتب و اكتب كتيرين من غير الناطقين بها و من الناطقين بها معجبين و مكسرين عديل في كتابتك ...
و ان شاء الله كفيلك ما يرجع كلو كلو ...

تحياتي و احترامي للجميع

Post: #94
Title: Re: ***** علي عبد الوهاب عثمان *****
Author: Medhat Osman
Date: 11-13-2015, 05:28 PM
Parent: #55

اهداء لصاحب البوست و لضيوفه و لاستاذنا علي عبد الوهاب عثمان و للاهل بارتقاشا



Post: #95
Title: Re: ***** علي عبد الوهاب عثمان *****
Author: جمال ود القوز
Date: 11-13-2015, 11:02 PM
Parent: #94




إكي ان روح دقور دولي ..
علي عبد الوهاب عثمان ..
لكـ التقدير والتجلة ..


تحياتي أبو حسين ..
وأنت تنتقي أنبلنا وأجملنا ...


Post: #96
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-14-2015, 12:10 PM
Parent: #95

مدحت أننقا .. يا رجل يا شايل هم النوبة .. التحية ليك من ارتقاشا درة النيل
التحية لك وانت تسعى من أجلهم .. في حالة خزان كجبار أول جزيرة سوف تختفي هي أرتقشا
نحن في جدة هنا ( كفيل اونقو خلاس شونقر دافيجو )
أوي إسكا بنجومو .. ............... لكن
مشروع كجبار عشان دارسة الجدوى مقنعة تم عرضها لجذب شوية فلوس
كلام ساكت .. تحياتي
وردي الذي يأخذني إلى عالم لا اعرفه
مدحت بتعرف كويس قيمة هذا العملاق بالنسبة لي خاصة بالنوبية
لقد ترك لنا عالم من الجمال الذي لا ينضب ..
شكراً وو مدحت وو مسونكيل ..

أبوحسين إحتلال نوبي ناعم للبوست كمان أخونا مدحت جاب معاه
قائد الأعلى رحمه الله .. ما في كلام يا أبوحسين إلا الاستسلام لهذا الجمال
والابداع .. هكذا الوطن نغزو بعضنا بالقفاز الناعم ..

مودتي أبوحسين ..

ووو مدحت أشري .. هيرووقو

Post: #97
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-14-2015, 12:26 PM
Parent: #96

Quote: إكي ان روح دقور دولي ..
علي عبد الوهاب عثمان ..
لكـ التقدير والتجلة ..


تحياتي أبو حسين ..
وأنت تنتقي أنبلنا وأجملنا ..


ووو جمال أمبس .. إرسي ..
يا زول يا أصيل .. روعة بلا حدود ..
الفنان عبدالمتعال لقبه ( بقا bugga ) هو إبن جزيرتي أرتقاشا ومن الجيل الجديد
وأخي الشاعر والملحن محمد عبدالوهاب أهداه أغاني نوبية كثيرة
والاغنية من كلمات وألحان الاسطورة نوري سيد علي ( مشو )
التحية جمال أمبس وشكراً على الاطراء .. أحلى حاجة فيك شايل جواك بلادنا الجميلة ديك ..
أصيل يا جمال .. ده (حوت) أهلنا .. ما شايف (الحواته من غير الناطقين ) مندمجين كيف معاه عندو شعبية جارفة وسط الشباب

أبو حسين .. ما قصر .. منحنا العلامة التجارية عشان نروج لحاجتنا ..
كنت عايز أسترسل ولكن في حاجة إسمها ( الكوته ) عامله لي رعب
حسب توصية أبوحسين أرسل أيميل ومنتظر الرد ..

مودتي جمال أمبس ..

وكل تحية للزول جميل أبوحسين


Post: #98
Title: Re: ***** علي عبد الوهاب عثمان *****
Author: Basamat Alsheikh
Date: 11-14-2015, 12:58 PM
Parent: #97

التحية مرة اخرى لابو حسين الغواص الذي ياتينا بالدرر النفيسة
ولصاحب الشان الاستاذ الاديب علي عبد الوهاب ..فالبوست اصبح
بوست ادبي ثقافي رفيع المستوى...
بس في حاجة هنا انا مافاهماها..وهي حكاية الكوتة دي..يعني
اي عضو في سودانيز اون لاين عنده كوتة معينة ومحددة من البوستات
الممكن يكتبها او عدد محدد من الحروف البقدر يكتبها في التعليق على البوست
نرجو الشرح بالتفصيل في شان نفهم القانون...وكمان ورونا اذا في قانون زي ده..مكتوب
وين..
ودمتم بالف خير وصحة وعافية

Post: #99
Title: Re: ***** علي عبد الوهاب عثمان *****
Author: ABUHUSSEIN
Date: 11-14-2015, 02:04 PM
Parent: #98

العزيزة بسمات يديك العافية و تحية طيبة
الكوتة هي عدد المداخلات للعضو في اليوم (24 ساعة)
العضو مع الباسوورد بتكون الكوتة تقريبا 25 او 30 مداخلة في اليوم ...
في بعض الحالات يعاقب العضو لسؤ السلوك (حسب تقدير مدير الموقع) بتخفيض عدد مداخلاته و قد تصل في بعض الحالات لمداخلة واحدة (1) في اليوم ..
و اخونا علي لا زول مشاكل و لا سلوكه سيء عشان كدا عايزين نزيد ليه المداخلات عشان يقدر ياخد راحتو و يكتب كتير حسب مزاجو ...

تحياتي و احترامي

Post: #100
Title: Re: ***** علي عبد الوهاب عثمان *****
Author: مزمل خيرى
Date: 11-14-2015, 03:08 PM
Parent: #99

اووو الين تود ..
إر أمبا اونا ..؟؟

Post: #105
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-15-2015, 06:59 AM
Parent: #100

Quote: Ÿاووو الين تود ..
إر أمبا اونا ..؟؟


مزمل أننقا ..
يا أخي من عنديكم .. ماركة مسجلة ..
وعملت تحالف أستراتيجي مع أبوحسين للإستفادة من الماركة التجارية
لتسويق بعض المنتجات النوبية ..
حبيبنا مزمل .. هيرينتود .. بمجرد أن أقرأ خيري .. طوال بمشي لأهلي ..
إسم له بريق خاص ووقع في لا تخلو عائلة من خيري ( بس الخاء تعمل وجع حلق ) أحسن هيري ..
تحياتي ليك يا جميل ..
مودتي لا حدود ..
والشكر أجزله لآبوحسين ..


Post: #113
Title: Re: ***** علي عبد الوهاب عثمان *****
Author: الطيب عباس
Date: 11-15-2015, 09:37 AM
Parent: #105

اووو النسي ..

مافيا تركينج ملوحه

تحياتي لصاحب البوست وللزعيم علي

Post: #101
Title: Re: ***** علي عبد الوهاب عثمان *****
Author: محمد على طه الملك
Date: 11-14-2015, 04:05 PM
Parent: #99

ابوحسين شفت كمية البركات النزلت عليك ..
عارفك جاي تعمل حركات قوم لف لامن لفو بيك ..
ديل احفاد الرجل الصالح في قصة سيدنا موسى ..
بصراحة مسرور ؤشاكر لفتك الانتباه للاستاذ علي..
لكن شهادتي في ابن العم عبد الوهاب مجروحة ..
وفوق ذلك فهو معلم تخرج على يديه جيل من طلاب المنطقة قبل أن يهاجر..
قال ليكم الكتابة بالعامية صعبة عليهو ..
فهو فوق إنو (صندوق /سحارة ) تراث نوبي كان معلم لغة انجليزية ..
عارف يا علي ..
عمنا أورصد رحمه الله هرب من البلد كداري لوادي حلفا عمره 17 سنة ..
منها الي مصر فالاسكندرية واشتغل بحار في سفينة بريطانية ..
بعد 45 سنة خدمة نزل معاش وكان آخر وظائفه رئيس العمال بمدينة ليفربول..
لما كنا نزوره كان بسال وهو بسلم علي الباب بتتكلم إنجليزي أو نوبي ..
إذا قلت ليهو لا يقول ليك مع السلامة ويقفل الباب..
بعد رجع آخر عمره للبلد كنا نشاغلو ؤ نقول ليهو قالو البنات رفضن يعرسنك عشان إنت عجوز ؤ ما بتعرف عربي ..
كان برد علينا ..
بالله ديل كمان نسوان ؟ انا عشت مع نسوان الواحده لو شربت قدامك تشوف الموية نازلة في زورا..
كان فكها رحمه الله..
التحايا موصولة لكل زوار البوست..
:
يمين ..
كده كيف يا جلالدونا.

Post: #102
Title: Re: ***** علي عبد الوهاب عثمان *****
Author: ALWALEED ALSHEIKH
Date: 11-14-2015, 05:15 PM
Parent: #101

يوم الخميس أول أمس التقيت ثلة من خيرة بورداب جدة في أحد المقاهي و نحن جلوس أتى الأستاذ علي عبدالوهاب ليشاركنا السمر و كالعادة كان موضوع النقاش أحد المحن السودانية و ابتدر الأستاذ علي رؤيته العميقة بلغة بسيطة منطقية و مقنعة ذات إضاءات تحكي عن ذكاءه الاجتماعي و السياسي. فيه لطف و حزم مدرسين السبعينات انداح بيننا كأنه يعرفنا من زمان رغم أن الكثيرين مثلي كانوا يلتقونه لأول مرة. لن أستطيع أن أوفيه حقه مهما قلت و لكن في الخاطر بيت الراحل جماع هين تستخفه بسمة الطفل قوى يصارع الأجيالا.
شكراً لك أخي أبوحسين على ابتدار هذا الخيط الهام و حقاً لا يعرف أقدار الرجال إلا الرجال و شكرا لكل ضيوف البوست الذين كتبوا عن أستاذنا القامة علي عبدالوهاب.

Post: #103
Title: Re: ***** علي عبد الوهاب عثمان *****
Author: Basamat Alsheikh
Date: 11-14-2015, 06:18 PM
Parent: #102

عزيزي الفاضل ابو حسين
شكرا للمعلومة..واول مرة اسمع بهذه المعلومة وان مل عضو محدد ليهو ٣٠ مداخلة في اليوم
واذا كان هذا هو الامر..فانا حاسلف الاستاذ علي عبد الوهاب خمسة وعشرين مداخلة كل يوم
وبختصر مداخلاتي لخمسة بس في اليوم..بس لمن يجي شهر ستة في الصيف العام القادم وندخل
اجازة الصيف حنطلب منه بس يرجع لينا ١٠ مداخلات في اليوم ولمدة 3 شهور ..عشان في الاجازة
حنتفرغ للكتابة..فنحن لا نمل ولا نكل من حكاوي وقصص التراث التي يتفضل علينا به الاستاذ الاديب علي
عبد الوهاب...وصديقتنا النوبية بت مصطفى بنتعلم منها اللغة النوبية من شدة ما حبينا هذه اللغة من حكاوي
وقصص الاستاذ علي عبد الوهاب الانيقة الرائعة...وطبعا لمن نقول لبت مصطفى ان الرطانة التي يتحدث
بها النوبيون هي لهجة وليست لغة تزعل بالجد وتقول انها لغة وليست لهجة او رطانة لان الرطانة في
اللغة العربية معناها الكلام الغير مفهوم..واللغة النوبية هي لغة واضحة كان يتحدث بها اصحاب اول
حضارة في العالم وكان يتحدث بها ملوك كانوا يسدون عين الشمس ويحكمون السودان ومصر ووصلوا
الى حد بناء امبراطوريات يتحدث بها التاريخ القديم والتاريخ المعاصر..وعشان تاكد لينا كلامها تدعونا
لزيارة متحف نيويورك لنرى حضارة كرمة وحضارات النوبة والاثار التي خلفوها وتقول ان حضارات النوبة
معروضة في جميع متاحف العالم....(وطبعا كلامها صحي.. لاننا قراناه في التاريخ خلال المراحل الدراسية
بمختلف مستوياتها وحتى الجامعية..ولكن عشان نغيظها ونشجعها تحكي لينا عن الثقافة والحضارة
النوبية نقول ليها يعني نخلي عطبرة عاصمة العالم ونجي عندكم..(وجه ضاحك)..وهنا تنفعل وتحكي
عن قصص رائعة وكادت ان تلحق الاستاذ علي عبد الوهاب في روعة الحكي الجميل والانيق والرائع
ودمت بالف خير وصحة وعافية....

Post: #104
Title: Re: ***** علي عبد الوهاب عثمان *****
Author: ABUHUSSEIN
Date: 11-15-2015, 05:47 AM
Parent: #103

Quote: يمين ..
كده كيف يا جلالدونا.

إنت جايي محرش يعني ....؟؟؟؟؟
و بعدين عمك دا ما قرض الخواجيات ....
*****************************
العزيزة بسمات كلنا نتمنى إنو أخونا علي تزيد مداخلاتو لأنو الراجل فعلاً كل مداخلة ليه إضافة للمنبر ...




تحياتي و إحترامي للجميع

Post: #106
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-15-2015, 07:09 AM
Parent: #104

Quote: ابوحسين شفت كمية البركات النزلت عليك ..
عارفك جاي تعمل حركات قوم لف لامن لفو بيك ..
ديل احفاد الرجل الصالح في قصة سيدنا موسى ..
بصراحة مسرور ؤشاكر لفتك الانتباه للاستاذ علي..
لكن شهادتي في ابن العم عبد الوهاب مجروحة ..
وفوق ذلك فهو معلم تخرج على يديه جيل من طلاب المنطقة قبل أن يهاجر..
قال ليكم الكتابة بالعامية صعبة عليهو ..
فهو فوق إنو (صندوق /سحارة ) تراث نوبي كان معلم لغة انجليزية ..
عارف يا علي ..
عمنا أورصد رحمه الله هرب من البلد كداري لوادي حلفا عمره 17 سنة ..
منها الي مصر فالاسكندرية واشتغل بحار في سفينة بريطانية ..
بعد 45 سنة خدمة نزل معاش وكان آخر وظائفه رئيس العمال بمدينة ليفربول..
لما كنا نزوره كان بسال وهو بسلم علي الباب بتتكلم إنجليزي أو نوبي ..
إذا قلت ليهو لا يقول ليك مع السلامة ويقفل الباب..
بعد رجع آخر عمره للبلد كنا نشاغلو ؤ نقول ليهو قالو البنات رفضن يعرسنك عشان إنت عجوز ؤ ما بتعرف عربي ..
كان برد علينا ..
بالله ديل كمان نسوان ؟ انا عشت مع نسوان الواحده لو شربت قدامك تشوف الموية نازلة في زورا..
كان فكها رحمه الله..
التحايا موصولة لكل زوار البوست..
:
يمين ..
كده كيف يا جلالدونا.


حبيبنا أبو حسين ..
ديل ملوكنا يا ابوحسين .. ودالملك .. تاريخهم عاطر .. مازلنا نعايش عبقه وخاصة من هم في أعمارنا ..
ود الملك .. ما زلت أقرأ لك عبر قوقل عن توثيقك الرائع للمنطقة ..
أكثر ما عجبني تأصيلك ( أرقو سين ) سرة أرقو .. للسير ..
يوم الجمعة كنا عندنا محاضرة تراثية في جمعية ( تبو) شرحت لهم هذه عبارة ( مع حفظ الحقوق ) بيسلموا عليك كثير
يشرفني .. كلمات تصدر من علم من أعلام النوبة ..
رحم الله أرصد .. هذا الاسم الذي له صدى وعمق في حياتنا ..

صدقني أبوحسين ما قصر ..
مودتي ..

Post: #107
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-15-2015, 07:20 AM
Parent: #106

Quote: يوم الخميس أول أمس التقيت ثلة من خيرة بورداب جدة في أحد المقاهي و نحن جلوس أتى الأستاذ علي عبدالوهاب ليشاركنا السمر و كالعادة كان موضوع النقاش أحد المحن السودانية و ابتدر الأستاذ علي رؤيته العميقة بلغة بسيطة منطقية و مقنعة ذات إضاءات تحكي عن ذكاءه الاجتماعي و السياسي. فيه لطف و حزم مدرسين السبعينات انداح بيننا كأنه يعرفنا من زمان رغم أن الكثيرين مثلي كانوا يلتقونه لأول مرة. لن أستطيع أن أوفيه حقه مهما قلت و لكن في الخاطر بيت الراحل جماع هين تستخفه بسمة الطفل قوى يصارع الأجيالا.
شكراً لك أخي أبوحسين على ابتدار هذا الخيط الهام و حقاً لا يعرف أقدار الرجال إلا الرجال و شكرا لكل ضيوف البوست الذين كتبوا عن أستاذنا القامة علي عبدالوهاب.


حبيبنا الوليد .. يا سلام يا رائع ..
كانت جلسة بحق جسدت الوطن في الغربة ..
كانت دعوة من حبيبنا سامي والزول الرائع محمد عبدالله الامين ..
جزى الله هذا الحوش خيراً ان عرفنا بكم .. كانت ليلة ماتعة ولو أنني لم ارتب لها ..
شكراً وليد .. سوف أكون عضو مواظب إن شاء الله .. بعد أن أرتب أموري ..
دائماً ليالي الخميس .. لدنيا دعوات من أخواننا النوبة المصريين ( جمعيات قسطل وعنيبة .. ) جلسات تراثية اخوانية
جلستكم تضم نخب جدة ( رفاعي حجر ) وأخيراً عرفت ان ( السماني هو الكاتب الرائع في الحوش أساسي ) له التحية ..
شكراً على حضورك الرائع ..
مودتي وليد ..

Post: #108
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-15-2015, 07:26 AM
Parent: #107

Quote: عزيزي الفاضل ابو حسين
شكرا للمعلومة..واول مرة اسمع بهذه المعلومة وان مل عضو محدد ليهو ٣٠ مداخلة في اليوم
واذا كان هذا هو الامر..فانا حاسلف الاستاذ علي عبد الوهاب خمسة وعشرين مداخلة كل يوم
وبختصر مداخلاتي لخمسة بس في اليوم..بس لمن يجي شهر ستة في الصيف العام القادم وندخل
اجازة الصيف حنطلب منه بس يرجع لينا ١٠ مداخلات في اليوم ولمدة 3 شهور ..عشان في الاجازة
حنتفرغ للكتابة..فنحن لا نمل ولا نكل من حكاوي وقصص التراث التي يتفضل علينا به الاستاذ الاديب علي
عبد الوهاب...وصديقتنا النوبية بت مصطفى بنتعلم منها اللغة النوبية من شدة ما حبينا هذه اللغة من حكاوي
وقصص الاستاذ علي عبد الوهاب الانيقة الرائعة...وطبعا لمن نقول لبت مصطفى ان الرطانة التي يتحدث
بها النوبيون هي لهجة وليست لغة تزعل بالجد وتقول انها لغة وليست لهجة او رطانة لان الرطانة في
اللغة العربية معناها الكلام الغير مفهوم.


سمو الامير .. بسمات .. والتحية لسمو الاميرة اميرة بت مصطفى ..
تحياتي وشكراً على هدية الكوتة .. بوست بن لادن مازال صداه في المكتب .. واعتبره أجمل بوست في تاريخ الحوش
وتحياتي للاميرة كمان ..
وبالتضامن مع أبوحسين دعنى أهدي إليكي وكمان معاكي الاميرة .. هذه الخواطر عن ( جدتي فافا ) إسم الدلع لفاطمة ( بالدنقلاوية )

(( يــــــــــو فــــــــافــــــــأ ))

اذكر جدتي (يو فافا) كانت نحلية الجسم قاسية القسمات رزينة الكلمات لا تبتسم كثيراً تتحدث بمقدار معين .. الجميع يحترمونها او بالاحرى يتهيبون منها ولا فرق عندها بين الذكور والاناث من ابنائها وزوجاتهم وكانت مميزة حتى في مظهرها الخارجي وزيها الخاص الذي هو اشبه بالجلابية الرجالية منه الى فستان النساء .. كان فستاناً فضفاضاً مركب من قطعتين جزء علوي وسفلي متساوي العرض .. لأنها كانت مستوية الجسد بدون تضاريس خالي تماماً من الدهون والشحوم فقط عظم مكسو بجلد فقد فعل فيها الدهر الافاعيل رغم انني سمعت انها كانت من اجمل النساء في شبابها ولكن هو حكم الزمن الذي يبلي كل شيء فلا علاج لمفاعيله .. لم تكن تلتف بالثوب كما هي العادة ، بل كانت تستخدمه مثل (الطرحة) او تكومه فوق رأسها وكأنها تحمل لفافة ملابس .. وكان الاكثر غرابة تلك الجيوب الكبيرة الواسعة في طرفي الفستان والتي كانت تسع مفتاح غرفتها ( الكوشر) وفي الجيب الاخر كيس التمباك ( تمباك القعب الاخضر مع الجردقة ) وبالدنقلاوية (تمباك دسييه ) وكانت تستخدم التمباك أحياناً كوسيلة استفزاز تلجأ اليه عندما تغضب او تستاء من امر ما .. تخرج كيس التمباك وتملأ فمها ثم تقذف معها بحبة الجردقة وعندها كنت اسمع فرقعة تكسير حبات ( الجردقة ) كتعبير استفزازي او عدم اكثراث بالمتحدث .. أما عماتي ووالدتي فقد كانت تصيبهم الرهبة في حضورها فهي لم تكن تكف عن الانتقاد المتواصل واجزم انني لم اسمع منها كلمة شكر أو اطراء لاحداهن مهما بلغن من الاتقان والالتزام خاصة وان سطوتها على الاناث كانت اكبر أقوى .. وما كان يثير دهشتي احياناً عندما اراها تنفرد مع ذاتها وتخلع فستانها الفضفاض إلا من تلك القطعة الملتفة حول خصرها والمتدلية حتى الركبة من (توب الزراق ) وهذه الربطة بالدنقلاوية تسمى ( سجَا ) وهي جالسة في وسط السرير بشعرها الابيض المنكوش وصدرها الضامر المغطى بشكبة من العروق والشرايين البارزة تقلب في اشياء تأخذها من صندوق ( السحارة ) التي احضرها جدنا من مصر ومحفور عليها اسمه بخط جميل .. وعندما تقترب من هذا الصندوق كانت تعلو وجهها النحيل تعابير غريبة خليط من الحزن والابتسامة وخروج تام من سياق شخصيتها المعهودة .. وكأنها تستحضر ذلك الماضي الجميل من حياتها وايام شبابها .. عندها أدركت لماذا لم تكن تتنازل يوماً عن مفتاح ( السحارة) لأحد حتى لو كان أقرب الناس اليها .. كنت اشاهدها تفتح ادراج ( السحارة ) وتخرج بعض خصل الحرير وانواع من خرز السوميت ومقتنايات اخرى مثل الريال المصرى القديم ( المشاهرة ) تلهب بها ذاكرتها وتقلبها بين يديها المعروقتين .. من معايشة ذلك الحدث عرفت ان جدتي رغم شخصيتها القوية وسطوتها إلا انها تتمتع بعاطفة جياشة وحب مكنون وقلب ينبض بالرقة .. مرت الايام وتغير الزمان وانتقل الناس شرقاً وغرباً وبقيت هي لوحدها في بيت جدي ومعها ذكرياتها وتتناوب على خدمتها بناتها وحفيداتها وفي يوم حر قائظ جلست الى جانبها وهي كعادتها بدون اي ملابس إلا من تلك الـ ( سجا ) التي تستر عورتها فطلبت منها ان تذهب معنا للاقامة في منزلنا لأنها تحتاج الى رعاية اكثر خاصة وان حفيداتها اصبحن في المدارس ولم يعد احد يتفرغ لها .. ولكنها رفضت واصرت ان تبقى هناك حتى تفارق هذه الدنيا ورغم كل الاغراءات والالحاح رفضت (يو فافا) كل توسلاتي .. وامعاناُ في الرفض تحركت نحو ( السحارة ) لتفتحها وتقلب مقتنياتها ، عندها تأكدت أنها لا تريد فراق مرتع الصبا وبؤرة الذكريات وكأنها تتذكر في تلك اللحظة يوم زفافها ويوم وضوعها الاول وايام عودة جدنا من مهاجره في ( مصر ) واستسلمت لهذا الواقع قاطعاً الوعد على ان اوفر لها كل معينات الحياة من دون اخراجها من هذا الحلم الجميل فتركتها في عالمها لتجتر ذكرياتها .. ولكني ايقنت ان المرأة من انبل المخلوقات لأن وفاءها من غير حدود او حواجز وقد تجسد ذلك في تجربة جدتي وفاءاً واخلاصاً .. ومن الخطأ ان يظن احداً منا ان هؤلاء بدون احساس او عواطف او ذكريات حتى نقذف بهن في ركن من اركان المنزل وكأنهن في انتظار اليوم الموعود .. الى رحمة الله .. ووو .. يو فافا ..


خالص التحايا لأبو حسين ..



Post: #109
Title: Re: ***** علي عبد الوهاب عثمان *****
Author: الفاتح ميرغني
Date: 11-15-2015, 07:29 AM
Parent: #107

منذ أول تداخل معه في هذا المنبر شعرت بأنه شخص مبدع جميل متواضع ومهذب.
وصول هذا البوست للصفحة الثانية في حد ذاته دليل شعبية ومحبة لهذا الشخص النبيل.

شكرا ABUHUSSEINعلى هذا الاحتفاء الذي صادف أهله بحق.


محبتي

Post: #110
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-15-2015, 07:36 AM
Parent: #109

Quote: منذ أول تداخل معه في هذا المنبر شعرت بأنه شخص مبدع جميل متواضع ومهذب.
وصول هذا البوست للصفحة الثانية في حد ذاته دليل شعبية ومحبة لهذا الشخص النبيل.

شكرا ABUHUSSEINعلى هذا الاحتفاء الذي صادف أهله بحق.


حبيبنا ميرغني .. شهادة أعتز بها من شاب يرفع الوطن عالياً
صدقني أمثالكم من هم يبنون البلاد .. لأن لديكم خبرة بهذا العالم الواسع ..
مقدرات ولغة وموهبة ..
تعرف أنا كنت شرحتك رئيس للسودان في بوست إستفتاء عن من يحكم السودان ..
يا أخي على الأقل تكون وزير الاعلام عشان تصحح صورة الوطن في عيون الاخرين ..
حبيبنا ميرغني أنت شاب موهوب .. وأتوقع لك وظيفة كبيرة في المنظمات الدولية ..
مودتي بلا حدود

Post: #111
Title: Re: ***** علي عبد الوهاب عثمان *****
Author: جلالدونا
Date: 11-15-2015, 08:33 AM
Parent: #110

هههههه
Quote: يمين ..
كده كيف يا جلالدونا.

يمين الله ده احسن يمين فى الدنيا
الرحمة و المغفرة تتنزل بأمر ربها على روح المرحوم العم اورصد بأذن واحد احد
و التحية ليك و للاستاذ على و لكل الاخوة و الاخوات المتداخلين فى هذا السفر المترع بالابداع
و لى الاخ ابو حسين الذى اخطأ فاصاب من غير ما يقصد بفتح هذا البوست
... وو كان عندك حلق اديهو ليهو ...
شايفكم دخلتو على النبى الصالح .. يعنى خلاض قصة سيدنا موسى حسمتوها
يعنى ثبت شرعا انو من عنديكم
يا على لو فى تراثيات اهلنا النوبة حاجة عن الحتة دي يا ريت تنفحنا بيها و اكون لك من الشاكرين
----
فى انتظار قوم لف .. و بالتاكيد ح ألف يمين

Post: #112
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-15-2015, 08:53 AM
Parent: #111

Quote: ...
شايفكم دخلتو على النبى الصالح .. يعنى خلاض قصة سيدنا موسى حسمتوها
يعنى ثبت شرعا انو من عنديكم
يا على لو فى تراثيات اهلنا النوبة حاجة عن الحتة دي يا ريت تنفحنا بيها و اكون لك من الشاكرين


حبيبنا جلادونا .. يا اخي إنتو ملح سودانيز ..
المواضيع التي ذكرتها .. ما زال يوثق لها الاستاذ سعد مكي بمهنية عالية جداً ..
وله بوستات مازالت مفتوحة ..
بس يا جلادونا أنا زول تربال ما عارف كيف أنقل الرابط ..
لكن حقاً الاستاذ سعد مدني يقدم بحوث في غالية الروعة ..
مودتي يا جميل ..
أبوحسين قدم لنا خدمة رائعة .. ووظفنا شهرته في سودانيز لصالح أهلنا النوبة ..
غزو ناعم وإستعمار أخوي .. مش إخواني ..
مودتي التي تعرفها ..

Post: #114
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-15-2015, 10:09 AM
Parent: #112

Quote: اووو النسي ..

مافيا تركينج ملوحه


الزول الجميل الطيب عباس .. ( انسي ) يعني أختي ( بالدنقلاوية والمحسية )
أمبس ( يعني أخي بالدنقلاوية ) بالمحسية ( أننقا ) .. المرة جاية قول ( وووو امبس )

الجميل أنك أصبحت تكتب ( الملوحة ) بالطريقة الصحيحة ( تركينج ) مش ( تركين ) زي ما كنت زمان ..
بعدين ( التركينج) تم تشويه من الأصل النوبي .. في معامل ربما في جبل أولياء .. أول مرة أشوف (تركينج) معبأ
في اكياس وعليه تاريخ الانتهاء .. قالوا في مصانع هناك حسب روايات الشباب .. بعدين الدكاترة شنو عليها حرب
شي املاح وكوليسترول .. وبدأ يسبب ضرر للناس بعد اختفاء السوائل التي كانت تهديء من الاثار الجانبية للتركينج ( ودالجريد)
وكان التركينج بالنسبة للتربالة هي وجبة أسبوعية فطور يوم الجمعة فقط باقي الايام لم يكن يستخدم أبداً .. كانت هدية ترسل
لأهلنا المسافرين في المدن والعواصم البعيدة في شنطة صفيح مصنوعة صفيحة الجاز الفاضية ( تذكر أبو غزال ) كانت صحفية
الجاز (57) قرش والصفيحة الفارغة يصنعوا منها الشنطة ( السمكري ) شطنة واحدة أو ( قرنان ) .. الشنطة كانت تعبأ بدقيق
القمح ثم تحشر وسط الدقيق علب التركينج .. وما بطال كما قزازتين ود الجريد لأن دقيق القمح يعمل حماية من الكسر ..
يعني ما في داعي تكتب من الخارج قابل للكسر .. مضمون الشحنة تصل لأصحابها في المدن وخاصة العاصمة ..

الطيب حبيبنا .. يا أخي مداخلتك أحياناً تقودني إلى اللاشعور المفعم بجمال ذلك الزمن الرائع ..
إنت بتصحي حاجة جواي يمكن ما تنفع مع الزمن ده ..

مودتي .. مع حفظ حقوق الرائع أبوحسين .. غزو تراثي ناعم ..

حبيبنا أبوحسين .. إذا أخفيت من البوست .. معناها الكوتة إنتهت .. وحسب وصيتك ارسلت إيميل لبكري ..

Post: #115
Title: Re: ***** علي عبد الوهاب عثمان *****
Author: محمد عبد الله حرسم
Date: 11-15-2015, 10:51 AM
Parent: #114

Quote: على عبد الوهاب عثمان
سؤال الهوية النوبية والتجنيس
(2)
لعل المتابعين لمداخلات على عبد الوهاب في الأربعائية وفي هذا المنتدى قد يذكرون انه كان يمهد لآطروحاته بنظريات عن جماليات وأناقة اللغة النوبية وهما من أهم الخصائص التي تجعل منها لغة تدخل بسهولة في اللغات الأخرى مثل العربية لتضفي أناقتها وجمالها عليها ولتثرى معجمها بكلمات غاية في الروعة والجمال، ومن أهم شروط تحقق الجمال للغة ما، أن تكون حروف كلماتها متباعدة المخارج حتى يسهل نطقها وأن تكون معتدلة في عدد الحروف ، كما يجب أن تكون الكلمات في الجملة ذات علاقات تجاورية ووظيفية ببعضها البعض أي ضرورة انسجام الكلمة مع ما قبلها وما بعدها في السياق. بهذه المميزات وجدت النوبية طريقها الى عربية أهل السودان فأرفدتها بكلمات اصبحت من ضرورات اللغة العامية في السودان (مثل اسكن، وكندو، وهناي، وكدى) وهلم جرا. وبحكم التجاور كان الشايقية الأكثر استخداما للكلمات والتعابير النوبية في لهجتهم العربية بعد أن أخضعوها الى النظام الصوتي العربي حتى ظن البعض أنها عربية خالصة مثل كلمة يكادن التي اشار اليها على عبد الوهاب وقد ظن البعض أنها تصريف لكلمة الكد بينما هي من (كدى) جني ثمار الذرة أو تنظيف الجدول بالنوبية، كما دخلت في العديد من أمثال الشايقية مثل (عاملاهو تلكي) للرجل الذي تتخذه زوجته ستارا لممارسة الفاحشة والتلكي كلمة نوبية وتعني المنصة الخشبية التي يقطع عليها الجزار اللحم وتشبيه الرجل الخامل ب(الأوبق) وينطقونها اللبقة، وكم كان حاج الماحي ذكيا حين استخدم كلمتي (الأشكرتي) و(أروتي) في قصيدته (القبة النخيلها مشتي) فمدلول كلمة الأشكرتي وجمال جرسها اللفظي ما كان لأية كلمة عربية مرادفة أن تحقق الجمال الذي اضفته هذه الكلمة، وسأعود الى هذا في البحث الذي أعده عن الكلمات النوبية في ديوان حاج الماحي عليه رحمة الله تعالى.
ولقد بدأ على عبد الوهاب مشروعه التأصيلي بدراسة نصوص أبرع شعراء العامية السودانية خليل فرح واسماعيل حسن ومحمد الحسن سالم حميد، ليستخرج في قراءة عميقة كيفية توظيف المفردة النوبية في تلك النصوص لتعبر عن دلالات غاية في العمق. محاولا في ذات الوقت اكتشاف الخيط الرابط بين هؤلاء الشعراء الثلاثة ، والأحمل في تلك الدراسة أنه لم يتكيء فيها على دراسات مسبقة بل انطلق من فهمه وذائقته الخاصة ليضيف معاني مستترة، وهذه الذاتية لم تكن انطباعية أو مزاجية، بل قامت على ادراك ووعي تامين بهذه اللغة النوبية التي لايشك أحد في أنه أحد أساطينها ودهاقنتها المتفردين اضافة الى خلفيته الثقافية والتصاقه بالتراث الشايقي عن قرب وعن محبة صادقة.
ومما عهدته عن على عبد الوهاب أنه لا يتناول كلمة الا بعد دراستها من كافة الجوانب، وليس الكلمات عنده مقصودة في ذاتها بل يعتبرها مدخلا لقضايا اجتماعية عديدة ، فبحوثه من هذا الجانب تعتبر بحوثا انثربولوجية نحتاجها في الوقت الراهن الذي قل فيه الاهتمام بمثل هذه الدراسات ، خاصة وأن رياح التغيير تهب علينا من كل جانب وأخشى أن يأتي زمان لا نجد فيه أثرا لتلك الحياة التي عشناها وأن لا تجد الأجيال القادمة من يحدثهم عنها، ولأنه يكتب بلغة عربية رصينة، فهو يبحث دائما عن المصطلح العربي لمسميات نوبية، اذكر أنه سألني عن المصطلح العربي لتخصيب الأنعام، فقلت له انه (الاستبضاع) أو السفاد، والسفاد هو نزو الذكر على الأنثى يقولون (اسفده تيسه) اذا أعاره للنزو، وتفاكرنا مرة عن المعادل العربي لكلمة (برطي ) النوبية فقلت هو الفشغ أو الفصع، واصل الكلمة من فصع الرطبة، وقد نهى الرسول صلى الله عليه وسلم عن فصع الرطبة وهو اخراج التمرة (الرطبة) عن قشرها لتنضج بسرعة، وفصعت الدابة اذا أخرجت حياها مرة وأدخلته أخرى عند البول وفصع الرجل العمامة اذا حسرها من رأسه، قال الشاعر ابن الاعرابي يهجو رجلا:
رأيتك هزبّت العمامة بعدما
أراك زمانا فاصعا لا تعصّب
ونواصل

سيف الدين عيسى مختار


الهوية والتجنيس
عنوان مهم
اما لماذا اخترت ان ابدأ ب (الحاضنة) الثانية وهى واحدة من المصطلحات التى اشاعها بيننا الحبيب الارتاوى على عبد الوهاب
لان المكان الاول له تأثيره والمكان الثانى والبيئة لها تاثيرها
على عبد الوهاب
واحد من ابناء الجزر والذين يعتزون بذلك وببساطته المعهودة ولفة (العمة) وهيئته التى تراه بها
هو واحد من اساطين الاربعائية
حين يتحدث ياخذك من تلابيبك الى حيث يريد
ان مصطلح(الحاضنة)و ال (الوعى التناسلى )حضرا الى منبر الاربعائية بواسطة عقلية تمثل اغلبنا من حضور وانتماء وجذور يرجع الفضل فيه للحاضنة الاولى ثم برزت من خلال الحاضنة الثانية التى وفرت شروط الانطلاق
على ارتاوى رجل فى بساطته عمق وفى عمقه بساطة يعيد رسم طفولته وارضه وجغرافيته وعلاقاته بالارض والنيل والبيوت والحيوانات والمطبخ والحبوبات واللغة والانسان وتفاصيل كثيرة تجد نفسك كانك تعيشها
من خلال ملاحظاته يخرج بك فجأة الى الفضاء العريض والعالم من خلال رؤيته لقريته الصغيرة بالفكر وارتباط القيم الفاعلة التى تقود المجتمعات
نحن سعداء جدا ومحظوظن فى هذه الاربعائية التى حبتنا بكوكبة من الافراد الذين اثروا وجداننا وتفكيرنا باضافات مهمة
ومصطلحات لا تجدها الا عند الاربعائيين
(الادب النوبى) واحدة من انتاج اربعائية ادريس على
ان الكتابة عن فكر الاربعائية كتابة مرهقة وكثيرة حيث انك تحتار كيف تختار

وهذا ال على واحد من اجمل مبتكرى مسيرة الاربعائية

Post: #116
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-15-2015, 12:07 PM
Parent: #115

شكراًُ شاعرنا الجميل حرسم ..
هذه الاربعائية المنتدى الفخيم ..
لقد تعلمنا الكثير من خلال هذا المنتدى ..
تحياتي لك أخي حرسم ..
والتحية للاديب الاريب سيف الدين عيسى ..
مؤسس واوور الحكايات النوبية ..

مودتي ..

Post: #117
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-15-2015, 12:37 PM
Parent: #116

إهداء إلى الاميرات بسمات وبنت مصطفى ..
خواطر عن حبوبة ( فافا ) أسم الدلع لفاطمة ( بالنوبية )
مع عاطر التحية لأبوحسين ..


لم يكن هناك وقتاً متاحاً للركض واللعب إلا عند القيلولة تحت ظلال غابات النخيل الكثيفة التي تغطي كل القرية حتى الفضاءات والازقة بين بيوت وكانت هذه الظلال تمثل لنا مرتعاً خصباً لممارسة كل انواع الشغب والصخب مما كان يسبب الضجر والازعاج لكبارنا وهم في اتكاءة القيلولة بعد عناء دوام الصباح في الساقية وبالدنقلاوية ( فجر تاتي ) .. واستحضر هنا صورة الشاعر النوبي العظيم خليل فرح وهو يصف طفولته في صيصاب خلال رائعته عزه ( عزة ما نسيت جنة بلال .. وملعب الشباب تحت الظلال ) ويقصد بها مرتع صباه بين جنائن نخيل بلال بيرم في صاي .. ما أشبه الحياة على امتداد النوبة وكأن الزمان والمكان لا اختلاف بينهما.. وكما كان خليل في ( بلال إكي ) كنا نحن نمارس هوايات الصبا في ( سواري مار ) ولم يكن يردعنا او يحد من تحركنا اللامحدود إلا حبوبة فاطمة ( فافا ) تلك المرأة ذات الشخصية المميزة والحضور القوي والتي كانت تسكن وحيدة في بيتها او بالاحرى غرفة لا يحدها سور .. وعندما ترتفع وتيرة اللعب والضجيج والصراخ كانت تطل علينا بطولها الفارع ولونها الاسمر الداكن وبظهورها كنا ننزوي الى داخل الازقة او نختبيء خلف سيقان النخيل ثم تعود الى داخل غرفتها لتتمدد في ذلك العنقريب الذي يبدو اصغر كثيراً من امتداد ارجلها المغبرة .. ودارت الايام وتفتحت مداركنا واصبحنا نستوعب ما يجري حولنا وعندها فقط عرفنا ان لهذه المرأة دور اساسي في مجتعنا بل هي سيدة المواقف والمناسبات الكبيرة تشرف على جميع مناسبات الافراح وخاصة في مجال تجهيز الوجبات .. حيث يتم استدعاءها الى مكان المناسبة قبل يوم او يومين لتحضير المواد الاولية وتتولى الاشراف على مجموعة النساء التي تقوم بتجهيز المواد مثل تقطيع البصل وطحن البامية الجافة ( الويكة ) ومراقبة العشرات من النساء المدعوات لنفير العواسة داخل الحوش وتشرف كذلك على عملية ذبح الثور او العجل وتراقب الوضع بصرامة ووعي حتى لا يقوم الشباب بتهريب اللحم الى مواضع اخرى ولمآرب مختلفة .. وعند بداية مراسم الطبخ في ساعات الصباح الاولى كانت تقوم بتوزيع السيدات على القدور كل واحدة حسب اتقانها لنوعية الطبيخ .. فهذه سيدة (الكمونية ) والمعروف عن هذه الطبخة انها واحدة من اصعب الطبخات والتي لا تجيدها إلا المرأة ذات المهارة العالية والذوق الرفيع في الطبخ .. وتلك سيدة (الفاصوليا) أما أمهرهن صناعة فهي المرأة التي تشرف على طبخ قدر ( الويكة ) وفي ذلك الوقت كانت الطبخة تختلف حيث يتم خلط (الويكة) بما يسمى بـ (إيلين قاريد) وبالعربية ( الجريش ) او القمح المجروش بالرحى ( الرحاية ) وهي بمثابة خلطة سرية تتم بين طحين البامية وجريش القمح مما يجعل لها طعم آخر ومذاق مميز .. وأكاد أستحضر شخصيتها تماماً وهي تقوم بتذوق عينة من كل قدر وتبدي ملاحظاتها بكل حزم وجدية ولا تقتصر نفوذها على المطبخ فقط بل تمتد لتشمل نقطة توزيع اللحم المحمر والارز وهي من الاطعمة ذات القيمة والتميز في ذلك الزمان .. والغريب في الامر ان مهمة توزيع الارز واللحم المحمر كان يشرف عليها الرجال وليس ببعيد عن ذهني ( عوض بهارة ) رحمه الله الذي كان يقوم بعمل لفائف من رقاق القمح بداخله كمية من الازر واللحم وبقدر معين ومعلوم ويتم ارسالها الى المرأة التي لم تحضر المناسبة لعذر معين وتكون قد دفعت مايسمي ( كسييه ) اقصاها عشرة قروش وادناها سبعة قروش في كشف الدفعيات كمشاركة منها .. وكانت هذه لفافة تسمى ( كتيه ) بتشديد التاء .. أما الارز واللحم المحمر فكان لا يشاهد إلا في المناسبات .. وكنا ننتظر رجوع امهاتنا بتلك اللفائف ( كتيه ) ومن ثم بتوزيعها علينا بقدر ما تحمله اطراف الاصابع مع مراعاة أن للذكر مثل حظ الانثيين .. رحم الله الحاجة فاطمة ولقبها ( سولون برو ) .. ورحم الله ذلك المجتمع الذي كان كل فرد فيه يعي دوره تماماً ..

صدقني يا أبوحسين .. مودتي بلا حدود

Post: #118
Title: Re: ***** علي عبد الوهاب عثمان *****
Author: ABUHUSSEIN
Date: 11-16-2015, 06:17 AM
Parent: #117

Quote: صدقني يا أبوحسين .. مودتي بلا حدود

مصدقك ... مصدقك ...
أخونا علي ياخي أبو حسين ما جاب شي من عندو ...
إنت زول معروف لي الناس كلها و الحمدلله أهو الناس ما قصرت معاك أدوك حقك اللي بتستحقو ...

و أهو أبو حسين إشتهر على حسابك يعني أنا اللي بقول ليك شكراً

تحياتي و إحترامي ليك و لي كل ضيوفك الكرام

Post: #119
Title: Re: ***** علي عبد الوهاب عثمان *****
Author: محمد ادريس زمراوي
Date: 11-16-2015, 11:50 AM
Parent: #1

نتابع عن قرب ومستمتعين يا حبيبنا

الاستاذ/ على عبد الوهاب ( الارتاوى)

تحياتى لك كثيرا

Post: #120
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-16-2015, 12:43 PM
Parent: #119

أبوحسين تحياتي ..
الظاهر نصيحتك جابت مفعول شايف الكوتة ماشة كويس
تكون الرسالة وصلت بكري ..

مودتي

Post: #121
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-16-2015, 12:44 PM
Parent: #120

ووو .. زمراوي أننقا .. حفيد الشيخ الولي ..
كيف حالك .. وحشتنا يا شيخ .. وينك ما صدقت ..
لقيت الرياض ونسيت جده .. إشتقنا لفنك وألحان وردي التي تجيدها تماماً
إنت ذاتك مسونكيل
شكراً انك تخاطبني بأجمل الألقاب نفسي ( آرتاوي )
فرصة نشرح شوية لفظ ( أرتاوي )


آرتاوي Artawi
في نوبية ( آرتي aarti ) بالدنقلاوية والمحسية هي ( الجزيرة )
والكلمة في النوبية يمكن أن تتكون من نفس الحروف ولكن بتنغيم
مختلف فمثلا ( أرتي arti ) بدون المد في حرف الألف وبنفس الحروف
هو إسم الجلالة بالنوبية الدنقلاوية وبالمحسية ( نور noar ) ..
ثم لفظ (إرتي erti ) بمعنى الثدي بالدنقلاوية ..
ثم نفس ( إرتي ) هي الاوساخ التي تتعلق في الجسم ..
لذلك تجد النوبية لغة منغمة وكلماتها تتكون من أحرف قليلة ومحدودة ..
وربما جمال صوت وردي والخليل يرجع إلى ممارسة
الغناء بالنوبية في بداية حياتهم كممارسة فعلية او سماعية ..

كمان في شوية إضافة

Post: #122
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-16-2015, 01:04 PM
Parent: #121

والشخص الذي يكون أهله وموطنه ( آرتي - الجزيرة بالعربية) يطلق عليه آرتاوي
لأن الواو والياء عبارة حروف نسب ( من الحفير حفراوي – من مشو مشاوي – من كرمة كرماوي ) ..
هذا من ناحية اللفظ .. ولكن من منطلق الرمزية والعمق ..
هو يكون في الغالب نشأ على نمط حياة مختلفة عن من هم خارج الجزر ..
لأن الجزر عبارة عن أملاك سواقي وفي الغالب معظم سكانها ينتمون إلى جد واحد أو إثنين ..
أو بمعنى أنه نشأ أحادياً .. وليس له أي إحتكاك مع الآخر .. ويكون ذو ثقافة واحدة ..
فيراه غيره كما يرى الحضر البدو .. فيكون الارتاوي إختلاطه بالآخرين قليل ..
مع غلظة في التصرف وردود الفعل مباشرة .. وهم آخر من كانوا يجيدون التحدث بالعربية أيام المدراس الأولية ..
فمنظومة الساقية معروفة تكون ملك للجد اكبر وتتمدد العائلة في مساحة محدودة ..
حيث لا أسرار ولا غموض ولاشتائم ولا أشياء مخلة .

نواصل ..

Post: #123
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-16-2015, 01:12 PM
Parent: #122

فأذكر قبل نصف قرن تقريباً كان من صعب دخول الغريب إلى جزيرتنا (أرتقاشا)
فكان العمدة والشيخ يصرفون تعليمات إلى ( ريس المركب ) بعدم تعدية أي شخص
من غير سكان الجزيرة أو من غير أبناء المنطقة المجاورة للجزيرة المعروفين ..
نفس نظام ( التأشيرة ) حالياً .. يحكي أهلنا أنه في مجاعة ( سنة ستة ) ايام جيش ودالنجومي
متجه إلى مصر .. كان الامير يونس ود الدكين معسكر في منطقة الحفير بالضفة العربية ..
وأرعبوا السكان بخطف الطعام من البيوت ..
فما كان من أهلنا إلا أنهم ربطوا المراكب في الجزيرة
ومنعوا خروج أي بني آدم من الجزيرة أو دخول إليها
مما نجاهم من شر المجاعة وسطوة جيش المهدية ..

نواصل

Post: #124
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-16-2015, 01:33 PM
Parent: #123

ولهذه الاسباب أصبحت الجزيرة مستودعاً ومخزوناً استراتيجياً للموروث النوبي وحاضنة للكثير
من العادات التي انقرضت بسبب عزلتها وعدم إختلاطها .. كنت أكثر ما أستغرب له أن أحد الاشخاص
من غير أهل الجزيرة ولكن إستوطن بها لمصالح إقتصادية مع العمدة .. فكان إسمه ( يا ولد )
وسألته يوماً بعد أن مضى به العمر عن سر تسميته ( يا ولد ) فقال لي أن إسمه ( محمد )
فكان والده ينادي عليه : ( يا ولد ) تعال .. فأفتكر أهلنا أن إسمه هو ( يا ولد )
فأصبح ( يا ولد ) إلى أن توفي رحمه الله .

نواصل ..

Post: #125
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-16-2015, 02:17 PM
Parent: #124

والمعروف أن الجزر خالية من الثعالب وكانت الدواجن آمنة تنام في العراء وفي أسقف البيوت لأن الثعالب
لا تعرف السباحة مثل الكلاب ولم تجد السبيل إلى الجزر إلا بعد أن حصل بعض الجفاف في مجاري النيل ..
ولكن أهلنا إتهموا أحد الرواويس من أعمامنا .. بأنه كثير الإهمال وقليل التركيز ويقضي يومه في عزف الطبنور
وهو في غمرة الانتشاء بأنغام الطنبور تسلل جوز من البعشوم إلى داخل الجزيرة ..
وأصبح هذا الرواس مثال لعدم اللامبالاة .. رحم الله الجميع ..


مودتي .. أبوحسين

Post: #126
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-17-2015, 10:01 AM
Parent: #125

Quote: 3

Tariq Idris · Khartoum, Sudan
العلامة علي عبدالوهاب مسكامي ..... يادوووووب الواحد يدخل سودانيزاونلاين ويخلف رجل فوق رجل ..... يا ابو حسين بختك اشتهرت في جزيرة بدين وكل ارض النوبة


من الفيسبوك ..
حبيبنا طارق إدريس .. من الخرطوم

نفس الكلام الفوق ( في المداخلات أعلاه ) ينطبق على بدين لأنهم برضو ( آرتاويين )
إن شاء الله حبيبنا أبوحسين نعزمه يجينا في البلد إذا مد الله في العمر ..
السفر بقى ساهل 4 ساعات من الخرطوم ..
وننظم له جولة في كرمة عاصمة كوش ( متحف الدفوفة )

تحياتي إدريس .. وأشواقي لحزيرة بدين ..

Post: #127
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-18-2015, 01:25 PM
Parent: #126

مواصلة لما بدأته عن سكان الجزر في الشمال :

أما بالنسبة للنساء في الجزر .. كما يطلق على الرجل آرتاوي .. أضيف تنغيم ( آرتاوية ) للانثى ( بنت الجزيرة)
فالمرأة في الجزر تمثل نصف الحياة وأكثر .. ولأنها تعيش وسط الأهل والمحارم .. كانت مصونة .. والزواج كان
في غالب يتم في دائرة العائلة إلا فيما ندر .. وكدليل الحصانة الطبيعة تجد داخل حوض الذرة مثلاً شباب وفتيات .. يقومون بحش القش
سوياً وغالباً ما كان الزي النسائي حاسراً في ذلك الزمان .. لأن في الساقية أو المزرعة لا يمكن لها أن تمارس
عملها إلا بثوب قصير وبدون طرحة أو توب .. وكانت تصعد للنخلة لتكسر الجريد الجاف من أجل الوقود للعواسة
او الطبخ وفي المنطقة التي بها مجموعة فتيات يجمعن الجريد ( الناشف ) ويتسلقن النخيل كانت تلقائياً
تكون خالية من الذكور لأن الوضع لا يتحمل وجود الرجل في هذه الحالات ..
وما كان يميز بنات الجزر بأن ليس لديهن إهتمام بالزينة إلا بعد الزواج .. وكنا نتكشف جمال فتياتنا بعد الزواج
لأن زينة الفتاة كانت في عملها ونظافة منزلها وجودة طعامها ومساعدتها للعائلة في الزراعة ونظافة الساقية
من الحشائش الطفيلية .. فكانت هي المؤثرة في النشاط الزراعي لأنها صابرة بطبعها وتصبر على الضغوط ..

ووردي في أغنية نوبية يميز ( بنات الجزر ) يقول :

أوونا آرتي برووا بالعربية ( هذه الفتاة مننا من جزيرتنا )
ميسور براكاسين ويرا بالعربية ( وقد باركها النيل أو إلاه الماء )

ناس أمريكا .. شوفو لينا نهر ( ميسوري ) من وين جابوا إسمو لأن النهر بالنوبية هي ميسور
ويطلق على النيل أحياناً في المناطق التي تكون الضفاف بعيده عن بعضها كما بين السليم ودنقلا أو بدين وكرمه النزل
او كما في ضفاف النيل الابيض النهر الأكثر إتساعاً ..

تحياتي .. مودتي للجميع ..


Post: #128
Title: Re: ***** علي عبد الوهاب عثمان *****
Author: السر عبدالله
Date: 11-18-2015, 04:58 PM
Parent: #127

أبو حسين
كيفنك يا خي
وانا قلت ليك لمن جيتني تبارك لي نجاح بنتي اسراء ان نظرتك ما بتخيب ابدا
وانا بالكلام داك كنت قاصد هذا البوست. وانك غطست في البحر واخرجت لنا الدرر
والجواهر..
فوالله لقد جئت لنا بكاتب متمكن في التراث النوبي، وهو الأستاذ علي عبد الوهاب عثمان
ونقرأ له كتاباته منذ مدة ولكن لم تكن لدينا الفرصة للتعليق والمشاركة لان الباسويرد كان ضائع
وطبعا انا مواصل لكل ما يخطه يراع الأستاذ علي عبد الوهاب لأنني نوبي من كرمة البلد..
واذا انت شفت قبة الشيخ زمراوي قبل ما تدخل كرمة النزل فهو جدنا الشيخ زمرواي..
وارجو ان تواصل يا أستاذ علي ذكرياتك واحاديثك عن النتوبة والنوبيين والتراث النوبي
والعادات والتقاليد النوبية... فنحن لا نكل ولا نمل من قراءة كل ما تكتبه..
واذا انت بتقول انك ما متمكن في اللغة العربية لانك نوبي وتعلمت العربي في المدارس فهذا
فقط تواضع منك .. لانك تجمع نواصي الكلم وتصنف في مرتبة الادباء... وانت براك عارف
ان الشاعر النحرير ، ابن عمنا، عبد الإله زمراوي ، يقول انه تعلم اللغة العربية في المدارس
لكنه ابرع من يكتب باللغة العربية ويصوغ الحروف كما يريد وقصائده، سواء كانت الوطنية
او العاطفية ، تشهد بذلك..

Post: #129
Title: Re: ***** علي عبد الوهاب عثمان *****
Author: ABUHUSSEIN
Date: 11-18-2015, 07:27 PM
Parent: #128

اهلا بالجميع في حضرة اخونا علي ....
قلت لي يا علي عايز تسوقني ارض النوبة ...
جدنا حمزاوي كل ما اقابلو يصر انو انا محسي ...
يا زول هوي انا جعلي ...
و الله اصلو ما بتشبه الجعليين ...
وشك دا وش محس ...

تحياتي و احترامي للجميع

Post: #130
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-19-2015, 07:54 AM
Parent: #129

Quote: وارجو ان تواصل يا أستاذ علي ذكرياتك واحاديثك عن النتوبة والنوبيين والتراث النوبي
والعادات والتقاليد النوبية... فنحن لا نكل ولا نمل من قراءة كل ما تكتبه..


السر أننقا .. حفيد زمراوي الولي .. التحية وشكراً على كلامتك الرائعة ..
حبيبنا السر .. سوف أهديك بعض السطور بعيداً عن التراث القديم ..
الواقع الذي كان في أرتقاشا والبرقيق وكرمة البلد .. أيام السياسة والزمن الجميل ..


حزب الامة رمز القوة .. اتحادي وجهو ضلمة
نحن شبان دنقلا .. ما نخاف القنبلة

اكثر ما كنا نعاني منه في البرقيق هو موسم الانتخابات وخاصة بعد اكتوبر 64م وكان آنذاك تنافس حزبي محموم بين كل الاحزاب واعداد اللواري كانت تجوب البرقيق وهي تحمل مؤيدي هذا الحزب او ذلك .. واكثر التنافس كان بين السيد/ عزالدين السيد ( امه ) والسيد / على محمود حسنين المحامي اتحادي .. في البرقيق لا نوم لا راحة من جراء الهتافات والمناكفات الحزبية وكانت بعض الهتافات مثلا انصار عزالدين يهتفون ضد على محمود وهو من فلاليح ارقو ( فلاح شن عيبو .. شطة وشمار في جيبو ) .. وانصار على محمود يهتفون ( فته فوق الرز .. عزالدين افندي التس ) ولا اعرف ماذا يقصدون بهذه الكلمة الاخيرة .. ووسط هؤلاء كان (( محمد صالح عمر )) وهو من جزيرة بدين مرشح (( الجبهة الميثاق الاسلامي )) واذكر ان الرجل جاء في مسيد عمنا محمد عبدالسلام وكان اهلنا يتجمعون هناك للعشاء وصلاة العشاء وكانت عادة متبعة في البرقيق ان يكون يتناول الناس وجبة العشاء في المسجد لكثرة الاغراب والمرافقين في المستشفى وعدم وجود مطاعم في المساء لذا كان الناس يتوجهون الى مسجد عمنا / محمد عبدالسلام حيث الكرم والجود والضيافة نعم اذكر ان جاء محمد صالح عمر الى المسجد وطلب اصوات اهلنا وطبعاً كان الزعيم والناطق الرسمي بإسم اهلنا هو عمنا / محمد عبدالسلام وقال له ( اننا نعرف الاحزاب وامور اللف الدوران .. وعارفين الصلاة والدين من زمن سيدي الحسن ن .. من اراد أصواتنا عليه ان يهدي هذا المسجد حنفية للوضوء ) انسحب محمد صالح عمر بعد ان صلي العشاء جماعة وبصوت رخيم جميل والرجل لم يكن لديه في حملته الدعائية إلا عربية لاندكروزر نوع استاوت قديم وميكرفون به تسجيل قصائد نبوية بصوت سماني احمد عالم ( من بدين ) .. وكان عمنا محسوباً على حزب الامة لصداقته القوية مع العمدة عباس .. ثم جاء مندوب عزالدين السيد وتم حفر البئر وبالتالي ضمن اصوات اهلنا في البرقيق .. فاز في المرة الاولى عزالدين السيد وقامت الدنيا ولم تقعد . وفي المرة الثانية فاز علي محمود حسنين ( اتحادي ) وكسح الجميع بعد أن نكص السيد / عزالدين بوعوده الانتخابية

مودتي السر .. وسلم على الجميع آل زمراوي

Post: #131
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-19-2015, 08:01 AM
Parent: #130

Quote: اهلا بالجميع في حضرة اخونا علي ....
قلت لي يا علي عايز تسوقني ارض النوبة ...
جدنا حمزاوي كل ما اقابلو يصر انو انا محسي ...
يا زول هوي انا جعلي ...
و الله اصلو ما بتشبه الجعليين ...
وشك دا وش محس ...


التحية أبوحسين .. الأصول المحسية لا تخلو منها قرية من قرى السودان من أقصى الوسط حتى الشمال
أبوحسين .. حبيبنا .. المنطقة فيها اصول من الحاكماب ونميراب وعرمان .. الخ ، من أصول الجعليين ..
والمعروف أنه من تخوم العاصمة حتى حلفا كل القرى والبشر وحتى الحيوانات من سلالات واحدة ..

صدق الدفعة حمزاوي ..
مودتي ..

Post: #132
Title: Re: ***** علي عبد الوهاب عثمان *****
Author: علاء سيداحمد
Date: 11-19-2015, 08:12 AM
Parent: #130

Quote: وفي المرة الثانية فاز علي محمود حسنين ( اتحادي ) وكسح الجميع بعد أن نكص السيد / عزالدين بوعوده الانتخابية


موثق النوبة الاول الاخ الاستاذ على عبدالوهاب تحياتى

جماعة جبهة الميثاق مركز تجمعهم كان منزل عمنا الراحل حسن خيرى عليه الرحمة ومن كانوا رموز جبهة الميثاق فى تلك الفترة .. وبالنسبة لنكوص عزالدين السيد لوعوده الانتخابية انا فاكر جدا ماكانوا يرددونه ضده :
" كبرى فى موقه يا غشاش " .. الوقت ضيق جدا ولكن سارجع لهذا متى ما سنحت الفرص ..

Post: #133
Title: Re: ***** علي عبد الوهاب عثمان *****
Author: عبدالأله زمراوي
Date: 11-19-2015, 09:23 AM
Parent: #132

أستاذي الذي افتخر به أستاذ كبير في كل شيْ؛ في علمه وطيبته وبساطته وذكائه الوقاد ومواضيعه الهادفة. لا أغالي لو قلت أنه آخر عظماء النوبة الذين يمشون في الأسواق.

شكرا ابو حسين.

Post: #134
Title: Re: ***** علي عبد الوهاب عثمان *****
Author: حامد محمد حامد
Date: 11-19-2015, 11:27 AM
Parent: #133

عزيزى على عبد الوهاب

قرأت كل البوستات والردود ولو طلعت انت على عبد الوهاب اللى فى بالى ودفعة صالح بدرى صالح اللى هو فى امريكا الان فو الله انا سعيد وطاير من الفرح وان لم تكن انت من اقصده فطاير من الفرح مرتين

لك التحايا النواضر كما كان يقول تروتسكى

Post: #135
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-19-2015, 11:56 AM
Parent: #133

Quote: موثق النوبة الاول الاخ الاستاذ على عبدالوهاب تحياتى

جماعة جبهة الميثاق مركز تجمعهم كان منزل عمنا الراحل حسن خيرى عليه الرحمة ومن كانوا رموز جبهة الميثاق فى تلك الفترة .. وبالنسبة لنكوص عزالدين السيد لوعوده الانتخابية انا فاكر جدا ماكانوا يرددونه ضده :
" كبرى فى موقه يا غشاش " .. الوقت ضيق جدا ولكن سارجع لهذا متى ما سنحت الفرص ..


تحياتي علاء أننقا
رحم الله حسن خيري ذلك الرجل الفريد من نوعه في الجدية والعمل الجاد بعيداً عن أي تهتك ..
كان زمن جميل يا علاء .. في الانتخابات الأولى نعم فاز عزالدين وكانت الهتافات مشهورة
عزالدين يا إبن بدين
شارب مويتنا .. ماكل كسرتنا
ونخيل والنيل .. عزالدين
والمرة ثانية كان على محمد حسنين المحامي .. كان زول سمح وقيافيا يشبه الممثل كمال الشناوي
وبدلته كانت سمحة ..
أيام جميلة ..
مودتي

Post: #136
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-19-2015, 12:03 PM
Parent: #135

Quote:

أستاذي الذي افتخر به أستاذ كبير في كل شيْ؛ في علمه وطيبته وبساطته وذكائه الوقاد ومواضيعه الهادفة. لا أغالي لو قلت أنه آخر عظماء النوبة الذين يمشون في الأسواق.

شكرا ابو حسين.


شكرا شاعرنا زمراوي .. شهادة أعتز بها من أديب أريب وشاعر لا يضاهى ..
زمراوي .. منطقة زي كرمة مشبعة بتاريخ والجغرافيا والانسان .. حرام ما ننقل عنها
عاجز عن التعبير ..
مودتي أخي الكريم

والشكر موصول لأبوحسين ..

Post: #137
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-19-2015, 12:10 PM
Parent: #136

Quote: عزيزى على عبد الوهاب

قرأت كل البوستات والردود ولو طلعت انت على عبد الوهاب اللى فى بالى ودفعة صالح بدرى صالح اللى هو فى امريكا الان فو الله انا سعيد وطاير من الفرح وان لم تكن انت من اقصده فطاير من الفرح مرتين

لك التحايا النواضر كما كان يقول تروتسكى


هو زاتو .. ووو حامد أننقا ..
وهل ننسى شباب سمت في البرقيق الوسطى .. آخر شياكة وعربي
كنتم مميزين ناس سيداحمد خيري .. واخوه الناظر عبدالحميد .. كمان ناس سلنارتي
زيكم كانوا أنيقين ناس عبدالمنعم وصالح بدري وعلاء الدين .. بس عزالدين (اب نوز ) كان شوية جاف
يا اخي من سمت أمين محمد إدريس كان أفصح واحد يتكلم عربي
كنا نستغرب من طلاقة لسانه ..

أنا علي زاته من أرتقاشا .. بس إنت أصغر كثير .. يمكن أولى / رابعة ..

الزمن الجميل .. تحياتي لك ولأهل سمت

Post: #138
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-19-2015, 12:24 PM
Parent: #137

حبيبنا أبوحسين .. هناك توافق بين البشر ووحدة في بعض الاحيان ..
دعك من أهلنا الشايقية والحعليين وإمتداد في السودان أوسط .. سوف أنقل هنا قراءة من واقع الجزائر
من خلال المفكر مالك بن نبي .. ومعها إستحضرت إنتخابات البرلمان بعد أكتوير .. تخيل نفس الصورة
في الجزائر مكررة في قرانا في كرمة وأرتقاشا ..

إهداء للاخ علاء الدين بمناسبة المتداول عن ذكريات الانتخابات زمان ..

أثناء قراءتي لكتاب النهضة للمفكر الجزائري مالك بن نبي والذي أعتبره أحد المفكرين الذين عايشوا عامة الشعب عن قرب .. ولم يتحدث كالنخب من الأبراج العاجية .. ولن أتطرق إلى فلسفته وفكره وحديثه عن أسباب أنحطاط الامة الاسلامية فهو حديث شاق وطويل .. ولكني سوف أذهب إلى بعض المشتركات بين الواقع الذي يصوره مالك بن نبي في المغرب العربي هذه الجغرافيا التي أراها أقرب إلينا من المشرق القريب .. وتأثيرها علينا في السلوك والزي والعادات والعبادات أكبر من أقرب المجتمعات الاسلامية في الجزيرة العربية ومصر .. فقد تطرق إلى مفردة ( زردة ) المقصود منها ( الفتة ) وهي معروفة لدينا كنوع من أنواع الطعام .. وهي نتاج رش السليق على الخبز .. ولكن القصد هنا الرمزية .. ويقول بن نبي وهو يصف واقعاً في مدينة سطيف ( الزردة أقامتها نخب من رجال السياسية ، وهي مكيدة مدبرة لإبدال الحزور والتمام بأوراق الانتخابات ) .. ومفردة الحروز المقصود منها ( الحجاب) ..
عندها إستحضرت واقعنا أيام الانتخابات بعد ثورة أكتوبر وبداية الديمقراطية ونشاط الاحزاب بدت كأنها نفس البيئة التي وصفها بن نبي فكانت مجسدة في قريتي ( ارتقاشا ) حيث صحون الفتة تحت أشجار (اللبخ) الظليلة التي كانت ترمز إلى جاه العمدة وشيخ البلد ولكن في ارتقاشا لم يهنأ هؤلاء كثيراً في ظل وجود دائرة ( الادارسة ) التي كانت لها السلطوية من القداسة الدينية فكان لبخ الادارسة هو الأميز .. ومصطلح ( زردة ) المغربية .. من (زرد) بمعنى بلع بالعربية ولكن قراءتها تشعر أنها تتضمن أيضاً الفعل او طريقة التناول .. وبالنوبية الفتة ( سوراد soorad ) ولكن لفظ زرد مطابق تماماً لمفردة ( قوللي ) والمقصود به بلع الطعام بدون مضغه وهذه دلالة عن هلع والنهم وكان يوصف به الشخص ( الأكول ) .. ويطلق على الشخص الموصوف بها في النوبية ( قوللا Golla ) ..

فهاذ المغرب العربي أقرب إلينا من مصر المؤمنة ..

Post: #139
Title: Re: ***** علي عبد الوهاب عثمان *****
Author: جلالدونا
Date: 11-21-2015, 12:56 PM
Parent: #138

Quote: فهاذ المغرب العربي أقرب إلينا من مصر المؤمنة .

و بى كتير كمان يا على
و الدليل موريتانيا حيث تشعر انه ليس هناك فرق

Post: #140
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-21-2015, 05:45 PM
Parent: #139

Quote: و الدليل موريتانيا حيث تشعر انه ليس هناك فرق


حبيبنا جلادونا .. ياسلام .. بنموذج موريتانيا اوجزت الأمر ..

مودتي

Post: #141
Title: Re: ***** علي عبد الوهاب عثمان *****
Author: حامد محمد حامد
Date: 11-22-2015, 08:54 AM
Parent: #140

Quote: يا اخي من سمت أمين محمد إدريس كان أفصح واحد يتكلم عربي



اخى على ...يا سلام عليك عرفتك تماما فقد كنت وما زلت ذلك الانسان المرح غزير المعرفة ولعلك تقصد امين سعيد قاضى



كن بخير


Post: #142
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-22-2015, 02:14 PM
Parent: #141

هو نفسه وو حامد أننقا ..


أبو الزهايمر ..



مودتي أننقا ..


Post: #143
Title: Re: ***** علي عبد الوهاب عثمان *****
Author: جلالدونا
Date: 11-22-2015, 04:18 PM
Parent: #142

اساذنا على .. حياك الله و بياك


ياخى حتة الغرب اقرب لنا عجبتنى شديد كدى نقرا دى و اتمنى ما اكون حرفت مسار البوست

Quote: تختلف العادات والتقاليد المتبعة بين الدول العربية والمسلمة،


وسوف نتناول في الموضوع العادات والتقاليد المعمول بها في دولة موريتانيا التي تقف في الشمال الأفريقي وتدين بالدين الإسلامي.


عادة ما تتم مراسم الزواج باتفاق العائلتين، وبحضور كبار رجالات تلك العائلات وكبار رجالات القبائل بالمنطقة,


ويكتفون بكتابة نصوص عقد الزواج "عرفيا "، ومن ثم يعملون علي تصديقه في وقت لاحق من قبل المصالح ا لإدارية.


وعادة لا يحضر العريس ولا العروس مراسم عقد الزواج، وإنما ينوب عنهم وكلاء من أهلهما,


و تتضمن عقود الزواج الموريتانية غالبا علي شرط مهم, يشترط على الزوج ألا يتزوج للمرة الثانية


ومعظم العقود تتضمن شرط "لا زوجة سابقة ولا لاحقة" وإن كان هذا لا يعني خلو الكثير من حالات التعدد الناجحة في موريتانيا.


وإذا حدث وتزوج الزوج مستقبلا؛ فإن للزوجة الحق في عملية الطلاق بصورة آلية.


وعادة ما يكتب في عقد الزواج شرط ينص على قوله تعالى: "فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ"سورة البقرة.



للحفاظ علي كرامة العروس.


تختلف زفة العروس من منطقة لأخرى, ففي المدن والمناطق الحضرية عادة ما تزف العروسة في رتل من السيارات الفخمة التي تطلق


مزاميرها فرحا بهذه المناسبة، وتسير في بطء حتى تلفت الأنظار, بينما ما زالت العروسة في الأرياف والبوادي تزف علي ظهور الجمال،


ويلتف حولها الفتيات سيرا على أقدامهن ويسمي هذا الموكب باسم "التراوح" , عادة ما تحاول صديقات العروسة على إخفائها من العريس,


ويحاول العريس إيجادها بالتعاون مع العديد من أصدقائه المقربين وهذه العادة من العادات المرحة والمحببة لديهم.


المهر:


عادة يحاول العريس تقديم مهرا محترما يليق بمقام العروس وعائلتها، وبحسب العادات المتبعة لدى الموريتانيين فإن أهل العروسة ع


ادة ما يردون إليه معظم ذلك المهر، ويكتفون بأخذ ربع دينار فقط من الذهب, تحليلا لعملية المهر المنصوص عليها شرعا.


وتقوم بعض العائلات المترفة بتقديم بعض الألبسة التقليدية والخراف لأهل العريس، وهذه العادة تسمى بعادة "الواجب أو القص"


و على الرغم من شظف العيش ما زالت بعض العائلات تصر على أداء هذا العادة.


ملابس العروسة:


ترتدي العروسة الموريتانية لباسا يغلب عليه اللون الأسود وعادة ما تخفي وجهها بوضع ملحفة سوداء مزينة بشال أبيض تعبيرا عن خجلها وعدم رغبتها في الزواج ,


تخضب يديها بالحناء وترتدي كل حليها الذهبية , أما العريس فيرتدي دراعة بيضاء وهي عبارة عن جلباب واسع ويطوق عنقه بشال أسود.


عادات الزواج الطريفة:


من العادات الطريفة التي تمارس إبان عملية الزواج, عملية ما يسمي الحوصة أو الطليسة وهي أن تقوم إحدي النساء بنزع حلية من الحلي


التي تتزين بها العروس، ويطلبن من العريس مبلغا ماليا محترما حتى يعمل علي فك حجز تلك الحلية, وإذا لم يدفع العريس المبلغ المطلوب لا يرجعن إليه تلك الحلية.


ونجد أيضا عادة أخرى تسمي بعادة "نقطة العرس", عادة ما يتقدم أحد المقربين للعريس، ويعلن عن مبلغ مالي محترم كتبرع للعريس


في يوم زفافه، وهذا يعد في حالة التحفيز لأهل العريس وأصدقائه للإعلان عما يتم التبرع به من مبالغ كبيرة؛ مما يعد نوعا من التفاخر والتباهي


بين الرجال في تلك القبيلة.


Post: #144
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-22-2015, 06:54 PM
Parent: #143

حبيبنا شكراًُ على هذا الاثراء ..


لدي زميل موريتاني في العمل إسم عائلته ( ولد بناني ) يعشق التراث السوداني ..


والكتاب السودانيين والادباء والشعراء .. أقسم لي مرة ان المسابقة التي فاز فيها الموريتاني


لم يفرح بها كثيراً لأن في نظره روضة الحاج كانت تسحتق الجائزة ..


فهذا المغرب الرائع هو الذي كان يرفع شأن أدباءنا ..


الدكتور عبدالله الطيب في المغرب (الحسينية ) .. مهرجان اًصيلة


وشوارع في نواقشوط بإسم الطيب صالح


والمفكر ابوالقاسم حاج حمد أحتصنه المغاربة


فصدى مبدعينا دائماً يأتي هذا المغرب ..



شكراً جلادونا على هذه الاضافة ..


ومودتي ..



Post: #145
Title: Re: ***** علي عبد الوهاب عثمان *****
Author: خالد حاكم
Date: 11-23-2015, 01:14 AM
Parent: #144


***** علي عبد الوهاب عثمان ***



قامة من القامات النوبية


من القلائل الذين يعمقوا فيك حب الانتماء لهذه الامة وحب تاريخها وجغرافيتها



خالد الارتاوى


انقر جمينا اريى ؟


Post: #146
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-23-2015, 07:41 AM
Parent: #145

ووو ... خالد أننقا .. صدقني آرتاوي أصيل ..
يا أخي الجزر كانت جميلة ومازالت فيها بواقي من التراث منقرض .. تمثل مخزون استراتيجي للعادات والتقاليد النوبية ..
لا فرق كبير بين ارتقاشا وبدين وباقي الجزر ..
خالد اننقا هذه الخواطر هدية مني لك .. لنعيد تلك الذكريات ونخرج من وعثاء الاغتراب ..
الكلام ده أقل سنة قبل نصف قرن من الزمان ..
الخواطر عن القمل (( إسسي Issi ))
لأن درجات الحرارة كانت واحد واقل ..

بالله أقرأ الكلام ده كده بمزاج عشان نعرف زمان
=============================================

الوقت صباح في ( النورنمار ) ساقية النوري بجزيرة ارتقاشا .. قبل شروق الشمس او قل هي تقريباً مشرقة ولكنها متخفية وسط غابات النخيل .. المكان منزل جدنا ( فرح علي ) والحبوبة (مك الزين) وأنا يوم ذاك في خلوة الشيخ ( حاج كلي ) في دائرة الادارسة .. في ذلك الوقت معظم بيوت أرتقاشا ( كا بابور ) وهذا مصطلح يطلق على المنزل بدون احواش ولانها بيوت ورثة ولا يمكن لكل واحد أن يبني حوش لآن الارض في الجزر لا تسع لساكنيها لعدم وجود أمتدادات صحاري ولا تنسوا الفيضان والنيل والنخيل والجرف والزراعة كل هذه في ساقية واحدة لذا تجد ذلك التداخل الجميل بين الاسر والعائلة الواحدة وخاصة في فصل الصيف تجد سرير كبير ينام فيه كل الاحفاد في بيت الجد والسرير منسوج بحلد البقر وعليه برش او فروه .. ربما ينام فيه ستة او اكثر من البنين والبنات .. لم يكن هناك باعوض ولا ملاريا في ذلك الزمان وحتى الناموس الليلي كان نادر .. فقط كانوا يستبعدون من الاطفال من لهم عادة التبول الليلي وهم غالباً دون السابعة .. لا تصدق أن تنام في بداية السرير وتجد نفسك في نهايته وذلك من كثرة التقلب وحك الجلد طوال الليل بسبب تلك الحشرة الخبيثة ( القمل ) قاتلها الله فهذه الحشرة كانت أبتلاء من الله .. وكنا نحن نساعد على تكاثرها بعدم الاستحمام ولا أذكر ان الناس كانوا يأخذون الحمام كهدف رئيسي بل كان يأتي ضمن سياق السباحة في البحر او الغسيل من دلو الساقية لازالة الغبار عن العين والاذن او الوجه عموماً ولا بأس من رش قليل من الماء على باقي الجسم .. ربما هذا في الصيف او الفصل المعتدل بين الصيف والشتاء .. والشتاء مربط القمل ( وليس الفرس ) حيث تسرح هذه الحشرة وتمرح في أجساد البشر ومن سخافتها وعدم التزامها بأي وازع او ميثاق كانت تستغل الفصل البارد جداً في الشتاء وتشفط الدماء من الاوردة والشرايين ومن وقاحتها أحياناً تجدها تتجول خارج مسارب الخياطة في العراريق والسراويل ( الدمورية ) وتجدها ثملة منتفخة البطن والاوداج ممتلئة بدماء قانية.. ويتم اصطيادها دائماً من قبل الوالدة مصحوبة بدعوة عليها بهلاكها وانقراضها حتى تضعها بين ظفري الابهام والضغط عليها من الجانبين حتى تسمع لها فرقعة خفيفة مثل التي تصدر من (ماكينة البوب كورن ) صوت .. تاخ .. وربما تطاير قليل من الدماء الى طرف الاصبع واذا كانت القملة من النوع السيوبر ( وتسمي إسين قور ) ومعناها (إسي / قمل ) و ( قور / الفحل او الثور ) وهو أكبر انواع القمل .. وقد عرفنا بعد أن كبرنا قليلاً أن الرجال كانوا يعتزلون النساء في الشتاء خوفاً من الماء في البرد القارس إلا في حالة واحدة وهي عندما تأتيهم حتمية التحرر من النجاسة وذلك بعد الاحتلام ليلاً فينتهز الفرصة فيقضي وطره ويتنظر حتى منتصف النهار ليمارس نوع التحرر من النجاسة (الغسل) وليس الحمام بمعناه المعروف ..
في عز الشتاء وخاصة ما بين كيهك وطوبة كانت النيران توقد في منتصف ( الاوسمون ) مجلس الحريم الملاصق للمطبخ .. وفي موقد من الطين يسمى ( دوره ) وهذه الدوره تنظف يومياً لعدم تراكم الرماد وهي اصلاً صنعت لعدم انتشار الرماد داخل الغرفة اذا اوقدت النيران مباشرة على ارض الاوسمون كما المدفأة ة.. بالقرب من تلك النيران لا بد اولاً من خلع السروال الوحيد ولا داعي للحرج لانك سوف تلتف بالـ(متلوق) من الاسفل والعراقي من الاعلى .. تأخذ الوالده أو الاكبر سناً السروال ويعرض على قرب من النيران وبعد فترة وجيزة تخرج جماعات القمل وهي تتبختر وكيف لا وانها إمتصت كمية من دماء الابرياء ( لذا فنحن اكثر من يفهم مصطلح مصاصي الدماء في السياسة ) .. لماذا تخرج ؟ ربما بحثاً عن الدفيء او الضوء او للسياحة عندما تشعر بإعتدال الجو او هي مظاهرة إستنكارية لهذه الممارسة المنافية لحقوقها في العيش الكريم داخل تضاريس الدمورية والتمتع بكافة الحرية في الحركة وإقامة المآدب على دماء هؤلاء الابرياء .. هنا يتم التأكد من القضاء على كل اولئك الطفيليين ورميهم وهم احياء على النار ويتم البحث عن بعض الخبثاء منهم من يدعون الذكاء ومحاولة التخفي بين مسارب الخياطة ودهاليزها ولكن هيهات فلدينا خبرة متراكمة في رصدها وجرها الى العدالة الناجزة .. ولا مانع إذا كان رب البيت مبتلياً بتلك آفة أن يرسل سرواله على الاستحياء ولكن بعد أن يأوي الصغار والبنات على فراشهم علماً بان الكبار كان لديهم سروال spare وليس كصغار بواحد عند المحيا والممات .. المتعب في الامر هو ان قمل الملابس وطبعاً لونه أبيض لها بيض تسمى ( كيد ) ربما بالعربية العامية ( الصواب ) وهذا أجتهاد لانني لا اجيد العامية .. وقد متعها الخالق عز وجل بخاصية الوقاية اللونية وإلا لانقرض مبكراً ولتعرض الى الابادة الجماعية والتطهير العرقي .. ولا يمكن لك ان تتعرف على ( الكيد ) الا بعد ان يصبح قملاً كاملاً . نسيت أن أذكر لكم النوع الاخر ( قمل الرأس ) تجدها بين جذور الشعر وأدغال الخصل وخاصة لدى النساء لأن الذكور وبكل بساطة يمكن يحلق له الشعر كله او معظمه مثل حلاقة (مقس) ومعناها ( اللص ) وهي تشبه حلاقة الكابوريا او القزع اليوم .. وربما اطلق عليها (مقس) لأن هذه الحلاقة كانت في الموروث النوبي للصوص وكان عقابهم تلك الحلاقة حتى يعرف الناس أنهم لصوص .. أما الأمهات فهن تحت اشعة الشمس ( مسلقي ككيه – مشا ككيه) او التشميس .. وكل واحدة تتطوع بالبحث عن القمل في شعر الاخرى وطبعاً أكثرهن معاناة هن الحبوبات لضعف النظر وقمل الرأس لونها اسود لذا لا ترى وترصد إلا بذوات طرف حادق وبما أن معظم الاناث مسترسلات الشعر وعلى درجة من الكثافة كانوا يعانون من هذه الحشرة طويلاً .. وأثناء هذه العمليات كانت تتم تداول الاحاديث والمواضيع المختلفة من اخبار ونوادر ولا بأس من بعض الغيبة والنميمة النسائية وهي في الغالب غير ضارة .. ومن رحمة الله على عباده أن بيض قمل راس (الكيد) لونها ابيض وتكون ظاهرة للعيان وتتم مكافحتها وهي في مهدها .
وعند قدوم عمال صحة البيئة والمكافحة ( عمال جومكسين ) كان يتم تبادل بعض المواد القاتله للقمل والحشرات مثل ( بودرة الجمكسين ) بأن يعطى للعمال اكل زيادة وشاي عند رش المنزل وعندما كنا صغاراً كنا نستجدي هؤلاء برش العراقي عن طريق الخرطوش وكذلك القليل منه في شعر الرأس مع إغماض العينين ونحن لانعرف مضار المواد الكيماوية آنذاك .. ولكن الله هو الحافظ ..
المعروف ان العشر الاواخر من شهر طوبة تأتي مثل الصيف تماماً عندها ينشر التمر في الشمس ويقوم المزارع وافراد العائلة بأخذ الحمام الحقيقي وتتواصل المودة بين الزوج والزوجة وما أن تنقضي تلك المهلة الالهية حتى يأتي أمشير مع برد في بدايته وهواء بارد بعد ايام ثم هواء مصحوب بتراب .. ولله في خلقه شئون ..

Post: #147
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-24-2015, 02:09 PM
Parent: #146

خالد آرتاوي .. ووو اننقا .. تحياتي ..
يبدو لي أن نظرية آرتاوي تنطبق على رونالدو لاعب ريال مدريد
وهو على ما أعتقد من جزيرة إسمها ماديرا ( أنا لا احب القوقل ) ولكني
في فيلم وثائقي عنه لاحظت أنه وسط أسرة ممتده من أهله في حي من أحياء ماديرا
منزل والده وأقاربه .. ويبدو أنه زول فزع ومحب لأهله وجزيرته ..

يشرفنا كثيراً ان يكون رونالدو آرتاوي مثلنا


حاشية : آرتاوي هو ( الشخص الذي مولده ونشأته في جزيرة بعيده عن الاخرين )

مودتي خالد ..

Post: #148
Title: Re: ***** علي عبد الوهاب عثمان *****
Author: خالد حاكم
Date: 11-25-2015, 01:56 AM
Parent: #147

Quote: يبدو لي أن نظرية آرتاوي تنطبق على رونالدو لاعب ريال مدريد


على أننقا
مأ عارف لكن كنا بنطلق على اللاعب الهولندى ( فان برسى ) ود التوم لانو فان فى الهولندية معناها ( ابن ) وبرسى فى النوبية ( التوم ) كما تعلم

Post: #149
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-25-2015, 06:57 AM
Parent: #148

خالد أننقا .. يا أخي بالغت في دي .. صدقني خطير جداً ..
كنت ألاحظ كده في حاجة تجذبني لإسمه لكن لم أتعمق كثيراً ..
الزول ده يكون من عنديينا ..
تحياتي ..

Post: #150
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-25-2015, 07:02 AM
Parent: #149

في منتديات دنقلا الاصالة والتاريخ وجدت عن طريق صدفة قصيدة للاستاذ سيف الدين عيسى
ربما تكون من زمن مضى وأهم ما لفت نظري في القصيدة هي المفردات النوبية الموغلة في العمق
تماماً كما في شعر أهلنا الشايقية .. فحاولت أن أستخرج بعض الرموز المعروفة لدى كل الوطن وأحاول شرحها
وتوضيح مدلولاتها ..

" مرثية لبنت حاج نسى"

يا حليلة كانت من زمان
تحلم بالولاد ..
أمينة بت حاج نسى
والصاغ الزعيم..
أخت العمدة والكوسكول
الجبرة العديل
نتل الشتل بالأيد
والأرض العزيزة
ما أنبتت ليهم خدار
والدنيا الأبت..
تديهم العز والفخار
أو حبة نضار..
فانشروا في بطن العمار
الا أمينة والحوش القديم
فضلو ماسكين العقاب
والزمن استدار
أخت (الكوسكول) .. عبارة موغلة في عمق التراث المجتمعي لأهلنا وهي من المصطلحات التي يتم إستحضارها للتعبير عن الفخر بتلك الصفات التي كان يتمتع بها بعض الشخصيات في ذلك الزمان وعبارة ( كوس) واحدة من المصطلحات التي تحمل في مضمونها قيمة لا تخلو من المرؤة والكرم وسعة الدار .. ولتقريب المضمون والصورة يمكن أن نأتي بحاتم الطائي كنموذج من الشعر الجاهلي .. أصل كلمة ( كوس ) هو ( القدح) وعاء كان يتم تناول الطعام فيه فكان مصنوعاً الخشب ومزين بزخارف وتشكيلات محفورة على جوانبه هذا هو المعنى الحرفي .. ولا يمكن أن نسقط عليه وصف صحن أو إسم صحن لأن لفظ صحن سوف يخرج بالرمز من المعنى التراثي العميق إلى صورة السائدة اليوم للصحن وهي بدون عمق او رمزية .. (كوسكول ) كان يطلق على الكريم والشهم صاحب المقام والمكان ، والمكان أيضاً كان مميزاً بشجرة ظليلة من نوعية اللبخ الضخم الذي كان يظلل أكثر من نصف فدان تقريباً والمناطق المشمسه منها كانت تظلل بأسقف جريد النخيل .. ولم يكن يعبر هذا المكان من كان راجلاً او راكباً إلا بعد يتناول شيئاً ما حتى لو كان ماءاً بارداً مع حبات من التمر إذا كان الوقت خارج مواعيد الوجبات .. وإمعاناً في الكرم وفسحة المكان كان مربط الحمير مجاوراً لهذه الحاضنة حتى لا يتعذر الشخص بأي سبب أو تبرير ..

Post: #151
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-25-2015, 07:03 AM
Parent: #150

وأحسب أن ( كوس ) شكله مستوحاة من ظهر ( السلحفاة) لأن النوبيين كان لهم من العمق والفن الذي يمكن معه إستنساخ المعينات الحياتية والادوات الزراعية من تقليد الطبيعة من حولهم وهذا هو التأمل والابداع .. وهكذا تتوالى المصطلحات النوبية في فضاءات القيم الانسانية ( كدكول ) ودخلت إلى العامية السودانية تحت مسمى ( أبوكساوي) ، و ( أمبوكول) صاحب الجنائن النخيل والظلال الوارفة (همبوكول) صاحب غابات الدوم ولكن ثقافة الدوم ليست محببه في الموروث النوبي لأن ريعها لست ذات جدوى بالنسبة لأهلنا وربما تجد شجرة أو شجرتين من الدوم في منطقة بأكملها بغرض الاستفادة من فوائدها المحدودة .. مثل أستخدام سعفها في نسج البروش وصناعة ( السوليل) أو المعلاق وإستخدام ثمرها في العلاج ولب الثمرة ( كوديه ) في ممارسة نوع من الألعاب النوبية وتسمى ( كوديه ) ففضل أهلنا النخلة لتميزها شكلاً وريعاً .. فأشجار الدوم لها تأصيل وتأثير في بعض المناطق بأقصى شمال دنقلا .. ثم ( كرمكول) وأحسب أن المقصود هو( كورميه ) وهي من النباتات التي تنبت في الجروف فقط وبمحاذاة النيل وتعتبر طفيلية في بعض الاحيان ومهمة في بعض الاستعمالات الهامشية للمزارع ..

Post: #152
Title: Re: ***** علي عبد الوهاب عثمان *****
Author: علي عبدالوهاب عثمان
Date: 11-25-2015, 07:04 AM
Parent: #151

ورمزية (كرمكول) هي من لديه أملاك على الجروف وعلى طول النهر لأن ( الكورميه ) يتم تركها أحياناً لتشكل حائلاً دون نزول البهائم إلى النيل ولتحديد أماكن السقاية ، ومن أجود أنواعها ( القووا qowaa) وحسب إجتهادي هي (البوص) بالعربية ولها حضور كثيف في التراث النوبي وفي الجداريات النوبية .. وكانت تصنع منها أقلام الدواية لكتابة الألواح .. وكذلك ( القيي gyee ) الطوف ويستخدم في كزوارق للتنقل في النيل .. ولا بد من عدم الخلط بين ( كول) و( كوول) كما في (كانديكوول) وهي من الصفات المذمومة ويوصف به الشخص المؤذي والذي يستخدم السلاح أو يشهره في وجه الاخرين وهي من الصفات المستهجنة في التراث النوبي .فالكرم كان من الممارسات الفطرية لدى النوبيين لأن البيئة الزراعية ووفرة الانتاج والقيم والموروثات جعلت الكرم من ثوابت الشخصية النوبية .. وأستحضر هنا لبخ العمدة ولبخ سيدي الحسن الادريسي تلك الشجرة الضخمة التي لم تكن تخلو ظلالها من الموائد طوال الوقت .. وكانت تذخر بفيض من الطيبات خاصة عندما تكون هناك زيارات لضيوف من خارج جزيرتنا مثل الوفود الحكومية القادمة من المجلس الريفي أو المديرية وكانت بمثابة مطعم لممرض الشفخانة أو المعلمين العزاب ..ولتأصيل إسم ( كوس) نرجع إلى الزمن البعيد حيث كانت آلة الكسر ( الطنبور) يصنع من ظهر السلحفاة ( القدح) .. ثم بعد ذلك اصبح يصنع من القدح الخشبي (كوس) .. وأصبحت رمزية ( كوسكول) مستخدمة في كل ارجاء الوطن وبترحمة حرفية ( سيد القدح ) وتسربت هذه القيمة كالرمزية صارخة للكرم في أعماق أغاني الحماسة والفخر ورثاء الموتى وتعداد مناقبهم وقد وردت هذه العبارة وبنفس المفهوم في الاغنية التراثية ( الكان داكا ) :
أبوي وينو البعصر جنايا
أبوي وينو كاسي العرايا
أبوي وينو سيد القدح البجر
سيد الساقية البتخر
سيد الحلقة البكر