اسير غزال فوق القويز . مُلهم كردفان حيّاك الغمام، نعلّك عافية يا زول ؟.

10:55 PM Nov, 10 2015
سودانيز اون لاين
معاوية المدير-بكندا محافظة البرتا
مكتبتى
رابط مختصر

<
<

عندما تكتم انفاسنا غصة العكر
نطفق نبحث عن الصفاء ...

يا سلام يا مدير ياخ
الزول ده ما هيّن و الله
يا ملهم عساك طيّب ياأأأخ
و نتمناك بى الف خير
و بالجد غيبتك طالت
____
و معاهو اخونا ابراهيم حمودة
شنو يا ناس
تمتّعونا بالسمح و النضم البرد الروح
و من ثم
تفكونا عكس الهوا
فى انتظاركم و انتظار ابداعاتكم
و شكرا يا مدير يا راقى

فعلاً نفتقد ملهم كردفان هذه الأيام!
فلعله بخير وعافية!


شكراً يا مدير!

الله ُعلى ما أقولُ شهيد
قصة عجيبة يا ود المدير كان صدقتني ولّ لأ.
خلاص اتكفلت انت بالسؤال عن الزول دا وأغنيتني عن فتح البوست الماشي عليهو
كان ما اخّرني إعادة قِنّين حَلة مسكَتا امبارح البت الشغالة كَرَدَتا.. قايلاهو حراق قعر

بالله لمّا تلم في خبر ملهم اغريه مني السلام قول ليهو طال الغياب.

ونهارية اليوم دا برسل أسأل باقي عقابي ناس السبكي في مسايد خليوه عن خبرك شنو
انت قايلني ما ود فُقرا !

Quote: و معاهو اخونا ابراهيم حمودة

مهما هم تأخروا فإنهم يأتوّن
من قلب رآم الله او من جبل الزيتون ...

فعلاً نفتقد ملهم كردفان هذه الأيام!
فلعله بخير وعافية!


شكراً يا مدير!

الاخ ملهم من الاقلام المريحة قرأتها في المنبر
نتمنى ان يكون بخير
وان لا يطول الغيبة
فيك الخير يا ود المدير

سادتي الأكارم ،، تنحني روحي تقديسا واحتراما لكم
سأعود لسيادتكم بلاشك عاجلا ان شاء الله

معاويه
مالك بتهبش الاحساس وتجرجر الجوه القلب للبوح

حمدا لله على سلامة الظهور
الحكاية شنو يا زول
كلامات هامة مرت على المنبر وافتقدنا تعليقاتك عليها

بوح ياخ

سلام يامعاويه
هذا الرجل مستف جمال وروعه
لدرجة انك تعقد العزم على مقابلته اين ماكان
التحية الصادقه له
ولك اخى معاويه

Quote: ونهارية اليوم دا برسل أسأل باقي عقابي ناس السبكي في مسايد خليوه عن خبرك شنو انت قايلني ما ود فُقرا !

حكاية الناس بيغلتو في اسامينا ؤُ عرفناها،
عليك الله كدي وقّع لي دي بس !؟.


فرحانين بعودتك يا ملهم ...

Quote: تنحني روحي تقديسا واحتراما لكم

يا زول تنحنى شنو
نحنا .. اصلن .. منحنيين قدام كتابتك .. تقوم تنحنى انتا
الحمد لله انك بخير .. و هذا يسعدنا لحين نرجو ألّا يطول غيابك فيهو

Quote: يا زول تنحنى شنو نحنا .. اصلن .. منحنيين قدام كتابتك .. تقوم تنحنى انتا الحمد لله انك بخير .. و هذا يسعدنا لحين نرجو ألّا يطول غيابك فيهو

سلام ود المدير وكل السمحين

الحمد لله ترا ملهم كردفان العسل وصل..

مكتول هواك يا كردفان

ياسر

مساء الخير

أسير غزال فوق القويز
كلام غزل معسول لذيذ
دمعات عتاب من زولاً عزيز
سالت بحر شالت قليب
في كردفان
مكتول هواك أنا من زمان
مكتول هواك يا كرفان

أتمنى يوم زولي القبيل
يقطع معاي درباً عديل
رحلة عمر مشوار طويل
نمشيهو في رمل الدروب
في كردفان

مكتول هواك يا كرفان
شوفي القليب نابع حنان
مكتول هواك رغم اللي كان
رغم الضنى و هجر الحبيب
في كردفان

مكتول هواك أنا من زمان
مكتول هواك يا كرفان

Quote: Abdolrahman Azzaz · يعمل لدى Google فى الليلة الظلماء يفتقد البدر .. نتمناه بخير

وهو كذلك أخي عبد الرحمن،
المنبر اليومين ديل بقى إلا تمشي فيهو ببطارية،
عشان كدا قلنا ننشد الغُر الميامين .

حبابك عبد الرحمن، حبابك ألف يا زول ...

فعلاً حيّاه الغمام يأخ ..
ونتمنى لملهمنا الجميل أن يكون بخير وعافية ..

حبيبنا ياود المدير
ظهر زر الرد فتوفر رز الكلام وكاستر النضمي في لقاء كله تقدير وموده
فمن يذكر ويتفقد الناس اجدي بالتكريم بك وبروحك تعلو قيم التواصل
وبك
شنو كده ماعارف

يازول كتر خيرك وربنا يخضر ضراعك وكيبوردك ومعاهم هلم جرا

ان المدير لكالربيع مافيهو جليد دت

جلالدونا كنت وثازلت تحظي بمكانة محترمه في دواخلي هي اكثر اهميه مني بلاشك
لك التحيه انت وابراهيم حموده وكل من يمرون بخاطرك من الاهل والاحباب

والله بوستات زي دي من محاسنها انها بتفضح النوايا الحسنه والاساله وبتقرب بين الناس اكتر واكتر
ومن خلالكم وخلال ماتبذلونه من شنو كده ماعارف الامور بتبقي تمااااااام

تحليه
فتشت لي حته اخت فيها كلمة اضابير مالقيتها كلو كلو

عباس عثمان فقير ،،، ياخي كتر خيرك والله الّواح
د قدام سموكم لسه تلميذ بيتعلم اصول المعرفه والتواصل
كتر الف خيرك ياحبيبنا وطلتك عنوانك وعنوانك شموخ

Quote: كنت وثازلت تحظي بمكانة محترمه في دواخلي هي اكثر اهميه مني بلاشك لك التحيه انت وابراهيم حموده وكل من يمرون بخاطرك من الاهل والاحباب

يعجبنى تواضعك الجميل و روحك السمحة دى البتزيدك رفعة و علو مقام
و عبرك التحية و التقدير مجددا للعزيز ابراهيم

Quote: والله بوستات زي دي من محاسنها انها بتفضح النوايا الحسنه والاساله وبتقرب بين الناس اكتر واكتر

وده المطلوب يا فردة طال ما نحنا دايرين الجمال بنسأل عليهو يوم نفقدو و ربنا يقربنا اكتر و اكتر بالمحبة و المودة

Quote: ومن خلالكم وخلال ماتبذلونه من شنو كده ماعارف الامور بتبقي تمااااااام

هههههه و شنو كده ما عارف برضو ليك تحياتنا و احترامنا
بالمناسبة ظهرت حاجة جديدة حتى أسأل اخونا انور لو جابو النسيم بى هنا

سلام يا ملهم كردفان
وعودا حميدا

والتحية للأخ معاوية

شكرا يا ود المدير
ملهم زول جميل وإنسان مبدع
وإنت يا ود المدير البتتفقّدْ الرباعة زاتك زول سمح
تحياتي للجميع

Quote: العلي علي ملهم ده انسان هميم ثم كمان فنان ما بيقدر علي البورد البقي كل واحد شايلو بوردابي يلولح بيهو في الهوا زي شفع زمان البيشركو لأبو الحداد بأخوهو .

ههههههههههههههههه،

ما عندك وآحد مصبنو تديني اشركبو لزول ؟.
الناس السمحين ديل يا العلي أخوي زي الدوحة الظليلة تطراها وكِت تحِر عليك
الرماضا، دحين نحن بنستدرجُم وكِت نتعصِر كي نتفيأ ظلآلهم الوارفة ...

الوجيه الانسان والصديق الذي لايدانيه صديق
معاويه الزبير
هي جملة اتت هكذا لتعطيك حقك وتضعك في قائمه الافاضل المبجلين
لانك تعرف حقا مفاتيح الحياة وتختار منها مايفتح طرق النبل والصدق والمروءه والقيم المطيبه الحلوه

بيننا بستان من الود ومكالمات تليق بك وبكل من كتب حرفا في حقي وليتني اوفيكم مابذلتموه من اجلي اضعافا مضاعفه
مع خالص احترامي الوافر

علي محمد الفكي ،، لك التحيه وانت تقتحم اسوار الاخاء والصداقه والوفاء وتشد يدي نحوها كي يكون بيننا قيم عاليه ووطن من التفاني
شرفتني وطالت قامتي بوجودك

علي محمد الفكي ،، لك التحيه وانت تقتحم اسوار الاخاء والصداقه والوفاء وتشد يدي نحوها كي يكون بيننا قيم عاليه ووطن من التفاني
شرفتني وطالت قامتي بوجودك

مقصر في حقكم وحق المنبر وحق كل من جمعنا بكل الحب والتقدير
معذره
اخوكم ماناسيكم والله وما انا زول بهمل قامات زيكم يا وجهاء
احترامي

معاويه ود المدير
الانفتاح اللغوي والاسترسال مع من هم في قامتك
صعب للغايه وملئ بالمحاذير

لكنك تأتي من ارض الصدق ومن قلب الابداع وتقتحم عقولنا وقلوبنا بجنون
فكل حرف منك لنا فيه نصيب مضمون

تحليه
بفكر اتكلم معاك بالتلفووووون واطايبك ياخي

معاويه الزبير ياود كوستي
انت من افضل الاصدقاء الذين يبذلون حروفهم في الاتجاه الصائب
وخير من يعرض رأي او يدلوا بفكره او نصيحه او يشحذ الهمم نحو تفعيل امر ما
...
لذا تجدني واثقا ان غيابي لن يؤثر في مسار الجمال الذي يسطع من خلال تواجدكم
الراقي المحبب
احترامي