Post: #1
Title: توصيات مؤتمر الحوار الوطني..
Author: عمر التاج
Date: 11-09-2015, 11:45 AM
10:45 AM Nov, 09 2015
سودانيز اون لاين
عمر التاج-KSA
مكتبتى
رابط مختصر
توصيات مؤتمر الكوار الوطني :
(1) الحديث عن حكومة انتقالية او انتخابات مجرد وهم.
(2) لجنة الحريات بمؤتمر الحوار الوطني تطالب بالإبقاء على قانون (التحلل)
(3) الموافقة على مطالبة بعض الأحزاب بنثريات لأعضاء اللجان.
.
.
.
وتيب ؟
|
Post: #2
Title: Re: توصيات مؤتمر الحوار الوطني..
Author: عمر التاج
Date: 11-09-2015, 11:54 AM
Parent: #1
الأمانة العلمية (وتقرأ هنا بمعنى الأمانة السياسية) تقتضي الإقرار بان الخبر الأول بايت.. وهو:
وصف مساعد الرئيس السوداني - نائب رئيس الحزب الحاكم - إبراهيم محمود حامد، مقترح حزب المؤتمر الشعبي - الذي يرأسه حسن الترابي - بشأن تكوين حكومة انتقالية، وحل مؤسسات الدولة، وإجراء انتخابات، بأنه مجرد "وهم"،
ويعد حديثا غير موضوعي... وقال حامد - لصحيفة اليوم التالي الصادرة بالخرطوم اليوم الثلاثاء -" أنه لا يمكن أن تلغى المؤسسات من أجلإنشاء مؤسسات جديدة غير معروف سندها القانوني، أو أصل تكوينها"، موضحا أنه لا يوجد أي سبب يجعل الدولة غير مستقرة،
|
Post: #3
Title: Re: توصيات مؤتمر الحوار الوطني..
Author: عمر التاج
Date: 11-09-2015, 11:59 AM
Parent: #2
أما الخبر الثاني فهو طازج .. أطزج من خبز الفرن.. وهو:
أيد أعضاء لجنة الحريات والحقوق الاساسية في مؤتمر الحوار الوطني المنعقد بالخرطوم منذ شهر، الإبقاء على قانون "التحلل" المثير للجدل.
ويتيح قانون التحلل التسوية وإعادة الأموال العامة وجوز ذلك قانون الثراء الحرام والمشبوه لسنة 1989.
وطبقا لمقرر اللجنة ابراهيم دقش فإن أعضاء لجنة الحريات والحقوق الأساسية طالبوا بضرورة إلغاء تحرير السوق والاحتكار.
..
..
شكلهم متحاورينلهم فوق راي..
|
Post: #4
Title: Re: توصيات مؤتمر الحوار الوطني..
Author: عمر التاج
Date: 11-09-2015, 12:02 PM
Parent: #2
أما الخبر الثالث فهو لسة ما طلع من الفرن .. حا نشوفو في اخبار بكره..
..
يعني عايزين الأحزاب المتحاورة تصرف من جيبها ، طيب المتحاورين ليها شنو؟
|
Post: #5
Title: Re: توصيات مؤتمر الحوار الوطني..
Author: عمر التاج
Date: 11-09-2015, 12:05 PM
Parent: #2
الجدير بالذكر أن التوصيات أعلاه هي ما ورد الينا حتى اليوم..
وسنظل نتابع مخرجات الحوار في هذا البوست حتى تخرج روح الحوار ..
.
.
.
وما مستبعد نتخيل توصيات من عندنا بعد هذه المداخلة في حالتين:
1/ الحوار خرج بدون توصيات.
2/ تم حظر النشر في مخرجات المؤتمر.
|
Post: #6
Title: Re: توصيات مؤتمر الحوار الوطني..
Author: nour tawir
Date: 11-09-2015, 06:27 PM
Parent: #5
الآخ الفاضل عمر التاج..
(1) الحديث عن حكومة انتقالية او انتخابات مجرد وهم.
(2) لجنة الحريات بمؤتمر الحوار الوطني تطالب بالإبقاء على قانون (التحلل)
(3) الموافقة على مطالبة بعض الأحزاب بنثريات لأعضاء اللجان.
..
قول واحد..
والباقى كلو على هذه الشاكلة..
السودانيين ديل ما بيسمعوا الكلام..
قلنا ليهم ليس للثعلب دينا..
قالوا كفرتوا..
أها..
اليخموا ويصروا..
الى حين الحوار القادم ..
ودخلت نملة..
وخرجت..
وتعبت من الدخول والخروج...
والسودانيين ما تعبوا من الدخول والخروج..
|
Post: #7
Title: Re: توصيات مؤتمر الحوار الوطني..
Author: مني عمسيب
Date: 11-09-2015, 06:56 PM
Parent: #6
العزيز ...ود التاج سلام يغشاك .. والحبيبة بت نور كيفك بت امي ؟
| Quote: شكلهم متحاورينلهم فوق راي.. |
رأي من الليلي يا البلال موقلنا ليكم اختو ابان دقون النصيح فيهم مجنون !
هههههههههههههههههههههههه .
وسلمتم .
|
Post: #8
Title: Re: توصيات مؤتمر الحوار الوطني..
Author: عمر التاج
Date: 11-10-2015, 12:21 PM
Parent: #7
تحياتي يا بت عمسيب وتسلمي ان شاء الله من كل شر ودقن ودلقان ..
بعد التوصيات الثلاث الأولى، أتوقع أن تأتي التوصيات القادمة من شاكلة:
(1) يظل الرئيس ونائبه ووزرائه وكل المسئولين في مواقعهم لفترة انتقالية مقدارها عشرين سنة.
(2) يتم تعيين كل المشاركين في الحوار في مجالس برلمان موازي للبرلمان الأول ويمنح كل واحد امتيازات وزير دولة وقطعة أرض ناصية تفتح على القصر.
(3) تمنح جائزة البشير للسلام لكل الموقعين على الحوار من الحركات المسلحة وتعتبر بمثابة جائزة نوبل سودانية.
(4) كل من حاور أو شارك في الحوار يغفر له ما تقدم وما تأخر من فساده ، ولا ضرته محكمة أو قضية بعد الحوار وإن لغف كل خزينة الشعب.
(5) .... يتبع.
|
Post: #9
Title: Re: توصيات مؤتمر الحوار الوطني..
Author: عمر التاج
Date: 11-10-2015, 12:36 PM
Parent: #8
نهارك سعيد أختي الكريمة نور تاور..
ألفت انتباهك محذرا أن سكرتارية لجنة الحوار تتابع أمنيات رافضي الحوار وستعكسها فورا في توصيات الحوار :
الى حين الحوار القادم ..
ودخلت نملة..
وخرجت..
وتعبت من الدخول والخروج...
والسودانيين ما تعبوا من الدخول والخروج
(5) يحظر أي حوار داخل السودان بعد هذا الحوار، وكل من يثبت مخالفته لهذا القرار يخضع للطرد والتشريد خارج حدود الوطن .. مع تنفيذ بند العقوبات المرفقة
(أقل عقوبة لرجل ثبتت عليه تهمة محاورة مع زوجته ، تهدى الزوجة لأحد المتحاورين) ..
(6) أي سوداني يتعب (أو يقول تعبت) من الدخول والخروج يدفع غرامة قدرها الف دولار لاقرب عضو حوار يسكن في منطقته. (جهزي الدولارات من أسع وبسعر السوق الأسود الدولار يساوي 20جنيه جديد)
(7) ... يتبع.
|
Post: #10
Title: Re: توصيات مؤتمر الحوار الوطني..
Author: أيمن الطيب
Date: 11-10-2015, 12:47 PM
Parent: #9
سلامات أخي عمر التاج,,,
ياخ أنتو الزوجو دى طوالي عاملنها متاع وملك يمين بوضع اليد (ولو في عقولكم الباطنة) | Quote: (أقل عقوبة لرجل ثبتت عليه تهمة محاورة مع زوجته ، تهدى الزوجة لأحد المتحاورين) .. |
وعشان المساواة وعلم الجندر وحقوق النساء والمرأة كان لزاما عليكم ألا تكيلوا بمكيالين هنا ولا تزدوج عندكم المعايير,,
أو كفشناكم
,,
الحقوا أنفسكم بعقوبة اخرى مضمونها إهداء الزوج لإحدى المتحاورات
|
Post: #11
Title: Re: توصيات مؤتمر الحوار الوطني..
Author: عمر التاج
Date: 11-10-2015, 01:29 PM
Parent: #10
وعليكم السلام اخ ايمن الطيب ..
نحن قلنا تهدى الله يهديك .. تهدي من الهدى والهدى (بالفتح والضم) والهدوء والهدايا والهديل وكل حاجة هدية ورضية ...
وبعدين يا اخ النبي قبل الهدية ....
.
.
.
بيني وبينك في البداية فكرت بعقلية الجماعة وكتبتها تسبى .. بعد راجعتها خفت تجيب لي الهوى . وأنا ماااااالي والهوى .
قمت غيرت في عقلي الباطني وفكرت بطريقة (محتضرة) زي ما بفكروا الجماعة إياهم ..
وقلت في نفسي : هو في مرة بترفض ليها وزير ولا مسعول في الحيكومة؟ ؟
يا اخ في واحدات رسلن رجالن اليمن عشان يبقن زوجات شهداء .. ويمكن بعد الحوار يوصى لهن ما هو خير من الكشك.
|
Post: #12
Title: Re: توصيات مؤتمر الحوار الوطني..
Author: عمر التاج
Date: 11-10-2015, 02:11 PM
Parent: #11
ثم أولا يا شيخ ايمن ياخ . .
العقده أو المفارقة أو مربط الفرس في الجملة هي عملية المحاورة ... (كل من تثبت عليه تهمة محاورة زوجته ) .. المحاورة بين الرجل والمرأة هي القضية وليست الهدية
فعليك الله ركز معانا وما تشتت الحوار يقوم يطلع ليك بند جديد من لجنة الحوار كما التالي ...
(8) كل من يشتت الحوار ستشتت الحكومة شمله وتفرق دمه بين المتحاورين ..
..
..
أها .. كدة انت زاتك خشيت مع الزوجة في سقف واحد.
|
Post: #13
Title: Re: توصيات مؤتمر الحوار الوطني..
Author: عمر التاج
Date: 11-20-2015, 03:32 PM
Parent: #12
نذكرالشعب السوداني الكريم باخوة لنا يحتشدون من أجلنا في الحوار
جمع غفير من المؤتمرين بقاعات قاعة الصداقة المكندشة وآخرون من فوقهم يصرفون بالدولار خارج البلاد
ياكلون اطايب الطعام ويتلقون المعونات والنثريات من مال الشعب المسكين
ثم لا نجد لهم طحينا ولا قولة بغم خلال أسبوع كامل .
|
Post: #14
Title: Re: توصيات مؤتمر الحوار الوطني..
Author: مني عمسيب
Date: 11-20-2015, 03:36 PM
Parent: #13
الحوار .
|
Post: #15
Title: Re: توصيات مؤتمر الحوار الوطني..
Author: ست البنات
Date: 11-21-2015, 07:20 PM
Parent: #14
تحية وسلام للجميع ,
دا أصلا مؤتمر حوار بالنظر فقط !!
ست البنات.
|
Post: #16
Title: Re: توصيات مؤتمر الحوار الوطني..
Author: nour tawir
Date: 11-21-2015, 09:18 PM
Parent: #15
الآخ الفاضل عمر التاج... ألفت انتباهك محذرا أن سكرتارية لجنة الحوار تتابع أمنيات رافضي الحوار وستعكسها فورا في توصيات الحوار : ... ضحكتنى أضحك الله ايامك.. وبعدين الناس ديل وصلوا وين.. بعد ما (أتحللوا) ؟
|
Post: #17
Title: Re: توصيات مؤتمر الحوار الوطني..
Author: nour tawir
Date: 11-21-2015, 09:21 PM
Parent: #16
ستهم... دا أصلا مؤتمر حوار بالنظر فقط !! .. ألف حمد الله على السلامة.. أتى كمان ضحكتينى بحكاية الحوار بالنظر دى.. والله دا وصف دقيق للحالة..
|
Post: #18
Title: Re: توصيات مؤتمر الحوار الوطني..
Author: Abureesh
Date: 11-22-2015, 07:23 AM
Parent: #17
سلامات.. دفعوا ليهم كم (بدل توصيات)؟
|
Post: #23
Title: Re: توصيات مؤتمر الحوار الوطني..
Author: عمر التاج
Date: 11-27-2015, 05:57 PM
Parent: #18
الأخ أبو الريش يسأل مشكورا ماجورا ..دفعوا ليهم كم (بدل توصيات)؟ ونحن بدورنا نستانف السؤال ..دفعوا ليهم كم بدل لبس حوار ..دفعول ليهم كم بدل سفر ..دفعوا ليهم كم بدل ترحيلدفعوا ليهم كم بدل وجبة ..دفعوا ليهم كم بدل كلام ..دفعو ليهم كم بدل نوم ..دفعو ليهم كم بدل عطالة؟....والسؤال المهم دفعو ليهم من وين؟ ومن أي بند؟ وماهي نتيجة الدفع؟...
|
Post: #19
Title: Re: توصيات مؤتمر الحوار الوطني..
Author: عمر التاج
Date: 11-22-2015, 08:06 AM
Parent: #14
مرحبا بك المتحاورة الشفيفية مني عمسيب في مؤتمر..الحوار الحوار الغلب وطنو ... الحوار مقابل استدامة السلطة حوار الاجماع السكوتي حوار الطرشان الاعمى الابكم حوار يتقسم فيه المتحاورن السلطة والثروة وبعده يتقسم الفقراء النبقة . حوار واسع شاسع ولكنه لايسع الا المنتفعين .. .. .. مراااااااااااااااااااااااااحب كثيرة بك متحاورة لا متكاورة في الحوار اللاوطني
|
Post: #20
Title: Re: توصيات مؤتمر الحوار الوطني..
Author: adil amin
Date: 11-22-2015, 10:30 AM
Parent: #19
العيب في" المعارطة"
|
Post: #21
Title: Re: توصيات مؤتمر الحوار الوطني..
Author: عمر التاج
Date: 11-24-2015, 04:49 PM
Parent: #20
الحوار بالنظر ههههه بالغت يا منى.. أنا خايفهم يتحاورو بالشم فق.. لان النظر زاااتو كتير عليهم بعد ان يغلبهم النوم داخل القاعات المكيفة ..وبعدين بدل ما المعارض تقوم وتقعد بادواتها الحقيقيةيفترض تعمل على طريقة المعارضة بالنظر ونريح باقي اعضاءها ...أو كمان المؤتمرين يشدو حيلهم ويتحاورا بألسنتهم وعقولهم ويحللوا فلوس الشعب ..أي نوع من التحلل ان شاء الله تحلل أجساد ونظر ......
|
Post: #22
Title: Re: توصيات مؤتمر الحوار الوطني..
Author: باسط المكي
Date: 11-24-2015, 06:02 PM
Parent: #21
دة ما حوار ولامؤتمر ولاشئ دة درب مخارجة للنظام للخروج من ورطته الكبير ةفي الفشل الزريع في ادارة امور البلاد التي تقسمت وفي طريقها للضياعمن الفشقة وقراها الاحتلوها الاثيوبين ولحلايب حديث اليوم في الاعلامديل يامعلم بفتشو لمخرج تحت اي مسميولكن هيهات التاريخ والواقع لايرحمو ابداا هو في حوار اربعة شهور..
|
|