Post: #1
Title: والله يا كبر كلامك ده سيئ وكعععب شديد ..
Author: Munir
Date: 11-08-2015, 09:24 PM
Parent: #0
08:24 PM Nov, 08 2015
سودانيز اون لاين
Munir-a222
مكتبتى
كنت أظنك زوول قانوني حقاني تمتلك الذكاء الإجتماعي الذي يعصمك من الإنزلاق في مثل هذه الألفاظ الغبية التي ربما تظن أنها ستجعل منك سوبر شِفِت ..
أمهات ناس صديق الموج وعرمان ووو الدخلهم في صراعك مع خصومك شنو؟؟ وسب الدين لزومو شنو؟ يعني خلاااس عاوز تثبت إنك ما كوز؟؟ .. شئ عجيب!!!
إنت يلزمك إعتذار واضح وعلني للجماعة اللحقت أمهاتهم ديل وحسابك مع الأمهات سيكون يوم الحساب ..وتلزمك توبة نصوحة لرب العالمين وتمشي تشوف العواقب الشرعية لسب الدين ونحوه علي ميثاق الزواج وغيره - لو كنت متزوج - ..
الكلام ده لو كان صدر من أحد سفهاء المنبر ما كنا استغربنا، لكين يصدر منك فذلك يهوي بك لدرك سحيق ..
معقولة بس؟؟!!!!
|
Post: #2
Title: Re: والله يا كبر كلامك ده سيئ وكعععب شديد ..
Author: أحمد محمد عمر
Date: 11-08-2015, 09:56 PM
Parent: #1
هو أشار لي نجيب سرور إشارة واضحة وبائنة
أنا شايف مفروض يكون السؤال هل من حقه يستخدم كسميات نجيب سرور أم لأ
لكن قطعاً ما ممكن - بعد إشارته - نتهمه بي إنه تجاوز الناس لي أمهاتهم
مع العلم بي إني لا أؤيد اسلوب نجيب سرور في التضجر
|
Post: #3
Title: Re: والله يا كبر كلامك ده سيئ وكعععب شديد ..
Author: Munir
Date: 11-08-2015, 10:17 PM
Parent: #2
ياأخي أحمد محمد عمر منو البيعرف نجيب سرور أو أي من سفهاء الشعر؟ .. كبر ذكر أسماء ناس بنعرفهم .. ليس هناك أي مبرر لذكر أمهات يرقدن تحت التراب .. وفوق داك تصريح بسب الدين زاتو .. لزومو شنو؟؟
|
Post: #4
Title: Re: والله يا كبر كلامك ده سيئ وكعععب شديد ..
Author: محمد حيدر المشرف
Date: 11-08-2015, 10:18 PM
Parent: #2
Quote: وسب الدين لزومو شنو؟ يعني خلاااس عاوز تثبت إنك ما كوز؟؟ .. شئ عجيب!!!
|
حالة تلبس باسقاط لاواعي"
|
Post: #5
Title: Re: والله يا كبر كلامك ده سيئ وكعععب شديد ..
Author: أحمد محمد عمر
Date: 11-09-2015, 00:18 AM
Parent: #4
| Quote: ياأخي أحمد محمد عمر منو البيعرف نجيب سرور أو أي من سفهاء الشعر؟ .. كبر ذكر أسماء ناس بنعرفهم .. ليس هناك أي مبرر لذكر أمهات يرقدن تحت التراب .. وفوق داك تصريح بسب الدين زاتو .. لزومو شنو؟؟ |
السؤال مفروض يكون منو الما بعرف نجيب سرور وكسمياته الأشهر من علم على رأسه نار ؟
التصريح بسب الدين أيضاً جاء في سياق الاستدلال بنجيب سرور
لو بتدين كبر في استخدامه لي كسميات نجيب سرور أنا معاك .. أنا برضو ما بستسيغها ولا شايفها وسيلة مناسبة لإعلان التضجر
لكن لو بتدينه بدون استصحاب نجيب سرور وماخد الموضوع إنه فعلاً قصد يقفز لي أمهات المذكورين أنا ما معاك .. لأنه الإشارة لي نجيب سرور أوضح من أن يتم التغافل عنها
|
Post: #6
Title: Re: والله يا كبر كلامك ده سيئ وكعععب شديد ..
Author: اسامة الامام
Date: 11-09-2015, 01:36 AM
Parent: #5
Quote: السؤال مفروض يكون منو الما بعرف نجيب سرور وكسمياته الأشهر من علم على رأسه نار ؟
|
والله كان علم ما بعرفو
قول واحد
اقسم بالله اول مرة اسمع بهذا المسخ
ولم اسمع بتفاهاته هذه من قبل و لله الحمد والمنة
حتي لو كانت نضالاته هذه ضد الشيطان
فأنا عندي الام مقدسة مقدسة
اي ام
حتي لو ام برمة
وحتي لو اتهمت بالجهل والغفلة والتغافل
زي بعضو ماتفرقش
هذا مع التحايا والاحترام اخ احمد محمد عمر
،،،،،،
تحياتي د منير وضيوفك الاكارم
معك ادين وأعيب علي الاخ كبر
ما ورد في مداخلته إياها
وهو ما مَس كل قراء المنبر الأفاضل بالسوء
وأطالبه بالاعتذار عن ذلك
وهذا من عشم وهو المرتجي
|
Post: #7
Title: Re: والله يا كبر كلامك ده سيئ وكعععب شديد ..
Author: معاوية المدير
Date: 11-09-2015, 01:53 AM
Parent: #5
| Quote: السؤال مفروض يكون منو الما بعرف نجيب سرور وكسمياته الأشهر من علم على رأسه نار ؟ |
سلآم للجميع .
يا الشغيل انا ما بعرفو ؤُ عرفتو بعد كبر إستشهد بوسخو، وبالمناسبة هذا كوم
أوساخ علي راسها شخص منحط . يا اخي وين المنحط دا ذكر اسماء زي
صديق الموج و ياسر عرمان والترابي في شعرو ؟. ثم يا اخي كبر غلطان،
يعني كبر ما لقى في باحة الشعر شعر يستشهد به غير هذا الغثاء ؟. يا الشغيل
في دي كبر تقلبو علي ايّ صفحة تلقاهو غلطان ؤُ غلطو الأكبر إنو إنساق خلف
دينق ومن اتى معه لتصفية حسابات شخصية، كان ممكن كبر يعتذر ؤُ يكتل
لدينق ورفاقه الدُش في يدهم . إستغربت في بوست دينق لطلعت الطيّب الذي
اتحفنا بقصيدة طويلة عريضة لهذا الشاعر السفيه، سبقها بنبذة عن كبر، ثم
وغض الطرف عن نبذ كبر !، ايضاً لا أخفي إستغرابي للأخ منصور المفتاح
الذي لبس نعلآت الحديد للإنتصار للذات والنيل من دينق .
اما بالنسبة للذين وجدوها فرصة لينالو من كبر وعلي رأسهم دينق ورفاقه اليجو
يسألونا نحن من كبر . كبر جواد كبأ وإستعصى عليه النهوض، وكبر اكبر بكتير
من الألفاظ التي نعتوه بها، وأنتم اصلاً لم تأتوا لإحقاق حق ولا لإنصاف احد
بل اتيتم لأشياء في نفوسكم لذلك طرحكم لا يُعتد به وبِضاعتكم مرودة لكم .
كبر إنزلق يا منير، فقط إنزل وأتمنى ان يعتذر ففي إعتذاره إعتدال له ...
|
Post: #8
Title: Re: والله يا كبر كلامك ده سيئ وكعععب شديد ..
Author: اسامة الامام
Date: 11-09-2015, 03:03 AM
Parent: #7
Quote:
Hafiz Elemam Mohieldin
الأخ المحترم منير، أدين بشده ما كتبه الأخ كبر ولا أجد له أي مبرر سوى كان ذلك قصيده لنجيب سرور
أو غيره. تداخلنا في البوست المعني ولكن ركزنا على موضوع آخر وهو الترصد الذي يمارسه صاحب البوست
لأشخاص معينين. لفت نظرنا إلي ذلك أنه أتى بمداخلة كبر من بوست لهشام هباني الذي أعتبره أكثر من يجيد
هذه الأنواع من الشتائم ولم يفتح الله على صاحب البوست بكلمة إدانه واحده وكأن الذين يشتمهم هباني
مقطوعين من شجره طالما هم كيزان أو موالين للحكومه، وصاحب البوست أيضاً له سوابق عديده في المنبر
إستعمل فيها أساليب أقذر من الشتيمه .سب الدين وسب الأهل وحتى سب الأشخاص أو الأعضاء خطوط حمراء
ويجب التعامل معها بحزم ويجب التصدي لهذه الظاهره. أتمنى أن تأتي هذه المبادرات من أناس أصحاب مبادئ
حتى تجد من يسمعها وأنت أخي منير ومثلك قله من الأعضاء مثال جيد للمبادرين لأنكم أهل ثقه.
|
التحايا لك اخ حافظ
الحق احق ان يتبع
|
Post: #9
Title: Re: والله يا كبر كلامك ده سيئ وكعععب شديد ..
Author: Kabar
Date: 11-09-2015, 03:17 AM
Parent: #8
الشباب هنا..
منير..
احمد محمد عمر (سعيد اني كسبت صديق ، وكتر خيرك يااااخ)..
المشرف..
اسامة..
ول ابا حافظ الإمام
كتر خيركم كتير يا شباب..و اهلنا قالوا الفكرك تب ما حقرك..
وابشروا بالخير..
كبر
|
Post: #10
Title: Re: والله يا كبر كلامك ده سيئ وكعععب شديد ..
Author: عبد الصمد محمد
Date: 11-09-2015, 03:55 AM
Parent: #9
لا أعتقد أننا يجب أن نحول منبر ثقافي وفكري متقدم ذي سودانيز أونلاين لمحكمة أخلاقية وإذا كنا عاجزين عن فهم إبداعات اللغة البلاغية حتي في أعنف حالاتها فلا يجب أن نتجرأ إلي محاولات إصدار أحكام أخلاقية على ما لم نوقن من إستيعابنا له
لا أعتقد أن ما قاله كبر يعبر عن سفاهة بل عن قرف نحى فيه طريقة كثير من الأدباء مثل أمل دنقل في التعبير عن القرف
|
Post: #11
Title: Re: والله يا كبر كلامك ده سيئ وكعععب شديد ..
Author: أبوبكر عباس
Date: 11-09-2015, 04:11 AM
Parent: #10
بالله، سيبوا الدغمسة والكلام الملولو، كلام كبر غير لائق، قالو شاعر، قالو المتنبي، إن شاء الله قالو المستنير، غير لائق غير لائق
سكاهو بيهو دينق
سكاهو بيهو منير
ما فارقا
غير لائق
هسع فرقك شنو يا كبر، من بعض كتاب الفيسبوك البكتبوا بحسابات وهمية مخصصة لسودانيز أون لاين؟
|
Post: #13
Title: Re: والله يا كبر كلامك ده سيئ وكعععب شديد ..
Author: عبد الصمد محمد
Date: 11-09-2015, 04:21 AM
Parent: #11
للبستعمل نضارة مقعرة ما ممكن يشوف ما كتبه كبر لايق أبداً
لكن حتي بالبلدي ما بقدر أصدق إنه كبر قاصد المعنى السفيه والمباشر وإلا لكان شخص غير الذي نعرف بأي الأقلام يكتب
وهناك الكتيرين من الأدباء والمبدعين البستعملوا نضارات ما نصوصية ولا مقعرة
|
Post: #14
Title: Re: والله يا كبر كلامك ده سيئ وكعععب شديد ..
Author: أبوبكر عباس
Date: 11-09-2015, 04:34 AM
Parent: #13
Quote: للبستعمل نضارة مقعرة ما ممكن يشوف ما كتبه كبر لايق أبداً
لكن حتي بالبلدي ما بقدر أصدق إنه كبر قاصد المعنى السفيه والمباشر وإلا لكان شخص غير الذي نعرف بأي الأقلام يكتب
وهناك الكتيرين من الأدباء والمبدعين البستعملوا نضارات ما نصوصية ولا مقعرة |
أها بعد الإعتذار صدقتا؟
مقعرة!!
|
Post: #15
Title: Re: والله يا كبر كلامك ده سيئ وكعععب شديد ..
Author: معاوية الزبير
Date: 11-09-2015, 05:28 AM
Parent: #14
أيام حرب الخليج الثانية 1991 والطائرات تدك المدن العراقية دكاً دكا
والأمة تشظى والدنيا تتدلهم
نشرت مجلة الناقد قصيدة لشاعر عراقي اسمه علي عبد الواحد قصيدة بعنوان (أنخاب)
في نخب .. (كذا وكذا)
في نخب.. (كذا وكذا)
وأخيرا يختمها بالبيت الوحيد الذي أتذكره منها يقول:
في نخب الله وهو يصنع في المرة القادمة عالَما أفضل
في تلك الأجواء لم أقرأ لأحد يستنكر هذا البيت
حتى صاحبي في ذلك الوقت والذي أشهد له بالتزمت وجد العذر للشاعر
فقد كان (المتزمت) يفهم في التداعي وتقدير المواقف
ويا مستنير (قوم ارجع) لي بوستك بتاع حنتوب الجميلة ولّ شنو كدا ما عارف
---
ازيك يا منير
|
Post: #16
Title: Re: والله يا كبر كلامك ده سيئ وكعععب شديد ..
Author: أحمد محمد عمر
Date: 11-09-2015, 08:33 AM
Parent: #15
كبر اختار أن ينحني للعاصفة وهذا خياره
أسامة الإمام
بالتأكيد ما ممكن تعرف كل الأدباء الفي الدنيا .. كل ما في الموضوع أن نجيب سرور جعل قصيدته صادمة لكي تجذب الانتباه وقد فعلت
معاوية الزبير
بالطبع لم أدخل بوست دينق حول كبر كما لم أدخل بوست كبر حول دينق ولا أميل لدخول البوستات الكيدية المراد بها ترصد شخص معين لعداوة مسبقة .. ولولا أني لم أجد ما يفيد بعداوة منير لكبر لما تداخلت هنا
أما عن سؤالك حول هل أتى نجيب سرور بسيرة صديق الموج وعرمان لا أملك إلا أن اتكي ذقني على راحتي متمحناً
Quote: يا الشغيل انا ما بعرفو ؤُ عرفتو بعد كبر إستشهد بوسخو، وبالمناسبة هذا كوم
أوساخ علي راسها شخص منحط . يا اخي وين المنحط دا ذكر اسماء زي
صديق الموج و ياسر عرمان والترابي في شعرو ؟ |
|
Post: #17
Title: Re: والله يا كبر كلامك ده سيئ وكعععب شديد ..
Author: طلحة عبدالله
Date: 11-09-2015, 08:39 AM
Parent: #16
شكرا للكبير أوي ول ابا كبر بعد اعتذاره النبيل
تحياتي للراجل الكويس منير ولكل كويس هنا.
|
Post: #18
Title: Re: والله يا كبر كلامك ده سيئ وكعععب شديد ..
Author: امجد الجميعابى
Date: 11-09-2015, 08:52 AM
Parent: #17
و الله دا كلام عجيب
اها يا احمد عمر اكتب عندك انا ما بعرف نجيب سرور الله لا عرفو
بعدين ما ممكن اجي اقول لزول كس امك و اسبلو دين و يجوا ناس
يقولوا دي بلاغة و جماليات لغة.
كبر غلطان و اقر بغلطو اها الناس البيدغمسوا ديل موقفهم شنو؟
|
Post: #19
Title: Re: والله يا كبر كلامك ده سيئ وكعععب شديد ..
Author: Munir
Date: 11-09-2015, 10:40 AM
Parent: #18
شكراً للجميع بدون فرز وبما أنو الكبير كبر إعتذر تاني الواحد يقول شنو .. مافي داعي تاني ألوك الكلام مش كده .. ؟؟
وأنا بالجد ما كنت حأشتغل بالكلام لو صدر من السفهاء .. ولكني تألمت لأني ما كنت أظن كبر يقول الكلام ويدي فرصة لليسوي والمايسواش ينال منه ..
شايف الأشتر تبارك شيخ الدين فتح بوست عني ويتهمني بالإنتهازية .. هههه .. إنتهازية علي كبر؟؟ والله هانت ..
المهم طبعاً معروف أن تبارك لا يؤخذ مأخذ الجد .. زول هيليهلي زي ما المصريين بيقولوا في المسلسلات ..
وأظن كبر فاهمني وفاهم أن البوست ده من باب أنصر أخاك ظالماً أو مظلوماً .. والنصرة هنا بتوبيخه علي ألفاظ نالت أمهات راقدات تحت التراب .. والنصرة هنا لتذكيره بأن عواقب سب الدين وخيمة أقلها إحباط العمل .. والنصرة هنا لأعطي كبر فرصة للإنفكاك من العزة بالنفس وركوب الرأس من باب المعاندة لليسوي والمايسواش .. وكنت أحس بأنه يريد أن يتراجع ولكن ليس من أجل اليسوي والمايسواش ..
وشايف تبارك مزعلاهو التذكير بسب الدين وده طبعاَ عشان يعكس صورة إنه زوول ليبرالي متحرر ممكن يسب الدين بحرية التعبير .. يازول سب زي ماداير في حد حايشك ؟؟ ..
|
Post: #20
Title: Re: والله يا كبر كلامك ده سيئ وكعععب شديد ..
Author: عبد العزيز محمد عمر
Date: 11-09-2015, 10:46 AM
Parent: #19
Quote: سلآم للجميع .
يا الشغيل |
غايتو يا معاوية .... البرد نزل قبل موعده ولا شنو
المتداخل معاك دا زميل البورد ( أحمد محمد عمر )....
|
Post: #21
Title: Re: والله يا كبر كلامك ده سيئ وكعععب شديد ..
Author: طلحة عبدالله
Date: 11-09-2015, 11:11 AM
Parent: #20
يا منير
ولا يهمك واثقين منك خخخخخخخخ
|
Post: #22
Title: Re: والله يا كبر كلامك ده سيئ وكعععب شديد ..
Author: Munir
Date: 11-09-2015, 11:18 AM
Parent: #21
.. سلام يا طلحة ..
تصدق أنا ما كنت قايل تبارك ده سحابته شايلة عليّ قدر ده .. بالرغم من أني والله كنت بستلطف مشاركاته رغم أنها مبهمة لا تعرفها جادة أم هزار ..
فهو قد نجح في أن يخلق لنفسه شخصية كرتونية تلائم تماماً صورة بروفايله ..
|
Post: #23
Title: Re: والله يا كبر كلامك ده سيئ وكعععب شديد ..
Author: Munir
Date: 11-09-2015, 11:33 AM
Parent: #22
بعدين لو ملاحظين الراجل ما موجعاهو الألفاظ الفيها الأمهات - ما جاب سيرتها -،
واجعو التوبيخ علي سب الدين !!! ..
|
Post: #26
Title: Re: والله يا كبر كلامك ده سيئ وكعععب شديد ..
Author: Munir
Date: 11-09-2015, 11:44 AM
Parent: #23
الأخ Hafiz Elemam Mohieldin · شكراً لطيب كلماتك ..
طبعاً أنت من الأول مشمول بالشكر مع باقي المتداخلين، لكين طبعاً كان مفروض أقول - ومعاهم ناس الفيسبوك - .. ههه ..
|
Post: #24
Title: Re: والله يا كبر كلامك ده سيئ وكعععب شديد ..
Author: HAIDER ALZAIN
Date: 11-09-2015, 11:38 AM
Parent: #22
Quote:
غايتو يا معاوية .... البرد نزل قبل موعده ولا شنو
المتداخل معاك دا زميل البورد ( أحمد محمد عمر ).... |
والله انا زاتو من قبيل بفكر انه ياربي احمد وعبد العزيز ديل اخوان!!
لكن ما باين او ظاهر انهم الاتنين ولاد الشغيل..
ود المدير بقيت تجليها واحدة بعد الاحتراف :)
ــــــــــــــــــــــــــــ..
* زول يديني مثل بليغ لنوع مداخلتي المنصرفة دي في ضوء موضوع البوست والقضية
مع التحية والاحترام طبعاً يا منير
|
Post: #25
Title: Re: والله يا كبر كلامك ده سيئ وكعععب شديد ..
Author: أبوبكر عباس
Date: 11-09-2015, 11:44 AM
Parent: #24
Quote: زول يديني مثل بليغ لنوع مداخلتي المنصرفة دي في ضوء موضوع البوست والقضية
|
حيدر (الزين)
|
Post: #32
Title: Re: والله يا كبر كلامك ده سيئ وكعععب شديد ..
Author: Munir
Date: 11-09-2015, 02:14 PM
Parent: #24
| Quote: مع التحية والاحترام طبعاً يا منير |
مرحب سلام HAIDER ALZAIN .. يبقي لي كدي دايرلك بوست زي ده ..
|
Post: #27
Title: Re: والله يا كبر كلامك ده سيئ وكعععب شديد ..
Author: أحمد محمد عمر
Date: 11-09-2015, 11:49 AM
Parent: #22
| Quote: كبر غلطان و اقر بغلطو اها الناس البيدغمسوا ديل موقفهم شنو؟ |
بحسب ما فهمتو من كلامك يا امجد الجميعابي إنه أنا داخل ادافع عن كبر قام كبر اعترف بي غلطو بالتالي أنا أوقف دفاع
كدي ولا مو كدي !
منطقك بكون صاح لو أنا داخل فعلاً أدافع عن كبر .. بس دة ما حاصل
__________
عبد العزيز محمد عمر .. كلو عند العرب صابون .. مشيها ياخ
|
Post: #28
Title: Re: والله يا كبر كلامك ده سيئ وكعععب شديد ..
Author: أحمد محمد عمر
Date: 11-09-2015, 12:04 PM
Parent: #27
Quote: والله انا زاتو من قبيل بفكر انه ياربي احمد وعبد العزيز ديل اخوان!!
لكن ما باين او ظاهر انهم الاتنين ولاد الشغيل..
ود المدير بقيت تجليها واحدة بعد الاحتراف :) |
أنا من البداية عرفتو ملخبط بيني وبين زول تاني .. لكن لأنه ما قريت حاجة كعبة للشغيل قلت والله لينا الشرف
لكن عبد العزيز اتبرى مني من قولة تيت
يا ربي أنا كعب قدر دة !!
|
Post: #29
Title: Re: والله يا كبر كلامك ده سيئ وكعععب شديد ..
Author: انور تاج السر
Date: 11-09-2015, 12:05 PM
Parent: #27
منير الغالى سلام و تحية،
أولاً احييك على التصدى لفتح هذا البوست لتنبيه الأخ كبر.
الأخ محمد عبد الصمد تحية و احترام، بس سؤال جادى: يعنى لو استعملت نضارة محدبة بشوفو لائق؟
يا اخوى ما فى زول لمن يجى يشوف ساعتو بيستخدم التلسكوب.
|
Post: #30
Title: Re: والله يا كبر كلامك ده سيئ وكعععب شديد ..
Author: عبد الصمد محمد
Date: 11-09-2015, 02:02 PM
بالمحدبة يا أنور بتشوف المعنى البعيد وما تحت السطور مش المعنى المباشر والسطحي
|
Post: #31
Title: Re: والله يا كبر كلامك ده سيئ وكعععب شديد ..
Author: Munir
Date: 11-09-2015, 02:08 PM
مرحبتين بالعزيز أنور تاج السر ..
وكبر كتب : (و اهلنا قالوا الفكرك تب ما حقرك..)
وهو كذلك ..
|
Post: #33
Title: Re: والله يا كبر كلامك ده سيئ وكعععب شديد ..
Author: عبد العزيز محمد عمر
Date: 11-09-2015, 02:41 PM
Parent: #31
Quote: والله انا زاتو من قبيل بفكر انه ياربي احمد وعبد العزيز ديل اخوان!!
لكن ما باين او ظاهر انهم الاتنين ولاد الشغيل..
ود المدير بقيت تجليها واحدة بعد الاحتراف :)
|
Quote: أنا من البداية عرفتو ملخبط بيني وبين زول تاني .. لكن لأنه ما قريت حاجة كعبة للشغيل قلت والله لينا الشرف
لكن عبد العزيز اتبرى مني من قولة تيت
يا ربي أنا كعب قدر دة !!
|
حباب ود الزين ...وحباب أحمد
ود المدير دا مش بقى يصرجها واقف... هو زات نفسه شايت على ياتو قون ما هو عارف
ويا أحمد ود محمد ود عمر.. أنت اخوي لم تلده أمي ولا أبي ... ومفخرة لنا والله
وكلامك سمح تب ... إلا ود المدير دا هاجمني في شخصك
هههههه
ومرحب بيك ألف والله
|
Post: #34
Title: Re: والله يا كبر كلامك ده سيئ وكعععب شديد ..
Author: معاوية المدير
Date: 11-09-2015, 03:30 PM
Parent: #33
| Quote: إلا ود المدير دا هاجمني في شخصك |
ههههههههههههههههه،
يا عبد العزيز الشغيل انا في شخصك إحترم اشخاص،
اما إنت يا احمد محمد عمر فعندي احترامك خاص،
سامحني غلطان بعتذر .
يا حيدر الزين اصبر سااااااكت انا ماسكني (مايقرين) بس خليهو اليفكني
كان ما اخرِبّك بوست منير دا عبد العزيز الشغيل يبقى ما ود اتبرا ...
|
Post: #35
Title: Re: والله يا كبر كلامك ده سيئ وكعععب شديد ..
Author: عبد العزيز محمد عمر
Date: 11-10-2015, 06:38 AM
Parent: #34
Quote: يا حيدر الزين اصبر سااااااكت انا ماسكني (مايقرين) بس خليهو اليفكني
كان ما اخرِبّك بوست منير دا عبد العزيز الشغيل يبقى ما ود اتبرا ...
|
ههههههههه
صباحاتو ... بتوقيتنا يا مدير
الكناري دا ما ح ييفوتها ليك بالسااااهل كدا.. انا حدثتك غايتو .....
|
Post: #36
Title: Re: والله يا كبر كلامك ده سيئ وكعععب شديد ..
Author: معاوية المدير
Date: 11-10-2015, 06:45 AM
Parent: #35
Quote:
صباحاتو ... بتوقيتنا يا مدير
الكناري دا ما ح ييفوتها ليك بالسااااهل كدا.. انا حدثتك غايتو ..... |
مِساءتو ... بتوقيتنا يا عزيز
بس خلو اليجي، انا من البارح بفتش لموس ميتة دابي لميّت
فيها ...
|
|