كلام دغري

05:39 PM Nov, 08 2015
سودانيز اون لاين
الجنيد حمد-قريب من هنا
مكتبتى

في البدء
السودان ده حقنا كلنا
شرق وغرب جنوب وشمال ووسط
سودانيين وكفى


.....
محبط ما يحدث في بلادنا

الحرب

الفقر

المرض

والغلاء

لسان حال المواطن يقول
لم نكن كمواطنين من ضمن
اهتمامات الساسة نحن فقط مجرد سلم
يرتقون به إلى الا عالي (حكومة ومعارضة )
رطل الزيت بعشرة
طلب الفول بعشرة
كيلة العيش بستين
صوت المدفع
موت الشفع
وبكرة يتلموا ويضحكوا فينا وعلينا
كمواطنين ما دايرين نحكم ولا دايرين الغنى
همنا الأمان والسترة بس
يا اهل الحكومة
ويا اهل المعارضة
هذا الوطن لا يحتمل سخافاتكم
حتى لا ينطبق عليكم بيت الشعر

اذا كان الغراب دليل قوم
ما وصل الغراب ولا هم وصلوا

ولو بارينا غراب كان وصلنا
.....
هوامش

الحوار ما كعب طالما بجيب سلام ورخاء

......
اتهامات بعض قادة المعارضة بالسرقة يجب أن يتم الرد عليها
عشانا كمواطنين ساي .
السيد ياسر عرمان مطالب بالرد على ما قيل فيه

......
من حق اي إنسان ان يكرم الآخر تقديرا لاسهاماته
ختو الكورة واطة يازملاء

تحياتي يا الجنيد

مسألة زول يكون زعلان من آخر ويصفو بأنو حرامي دون وجود مسروق يقر بسرقته

ما اعتقد دي تهمة محتاجة لرد

أنا لا أدافع عن ياسر عرمان ولا اعرف شيئ عن الأنشطة المالية لياسر عرمان ولكن هل في جهة أقرت بسرقة عرمان ليها

ما يحدث في السودان دائرة شريرة لا تعرف من أين تبدي وأين تنتهي أدعياء سياسة وعقول جوفاء إبتلى بها الله هؤلاء المواطنين المساكين

وريني سياسي يملأ العين في سودان الجن دا ؟

الجنيد عداك العيب
مثل ما نفى عرمان شائعة موته بسرعة
عليه ان يرد ما اذا لم ينفيه سوف يقتله سياسيا

العزيز حمد عبدالغفار
طبت وطابت أيامك

الاتهام ما اظن كان زعلة ساي او رد فعل
وما اظن في زول عاقل بفك اتهامات مجانية من غير
دليل . استمعت لحديث السيدة تراجي وقد ذكرت
أرقام واماكن في اتهاماتها للسيد عرمان .
الرد مطلوب من باب تمليك الحقيقة للمواطن
ومن باب الحفاظ على الصورة الحسنة للسيد عرمان عند الكثيرين

...
من الاستقلال الاصبح بفضل ساستنا استغلال
قاعدين في المعادلة دي
احتقان سياسي يولد انهيار اقتصادي يساهم في تفكك اجتماعي
والمحصلة دمار شامل .
الساسة في بلدي كما هم يجيدون فقط الحديث

وما لينا الا الكريم
الله يصلح الحال

العزيز نصار
الله يكرمك في الدارين

هذا ما سيحدث او بالفعل قد بدأ
أتمنى ان نسمع بيان من السيد عرمان
الاتهامات دي بتبقى فرمالة لناس الحكومة
والناس بتصل لفهم الحكومة حرامية والمعارضة حرامية

فيما يخص شؤون المنبر

محاولات الوصايا من البعض على البعض الآخر
تجعل المنبر ساحة لمعارك من غير معترك
لا باس من ان اقتبس هنا مقولة السيد ياسر عرمان
رغم انو منتظرين توضيح للاتهامات الموجهة ليه
القارئ السوداني ذكي ولماح وأضيف قطع شك
بمشي محل الدوف والدهن
فخلو اي زول يكتب براحتو طالما انو تدخلكم
بزيد الطين بلة الباء مكسور حسب ما ورد على لسان
الزعيم الأممي معمر القذافي .
ومحاولات الاصطفاف لا تليق ببعض الأقلام هنا
علي الحلال في اساتذة هنا كنا بنجلي الفطور
عشان نشتري جريدة كاتبين فيها عمود ولا صينية
فخلونا من المساككة المسيخة دي طفشتوا الناس ياخ

الكلام ده موجه
للذين ادمنوا العراك وما تتذكر متين كتبوا جملة مفيدة
من غير تحديد شوف محلك وين سف وقارن

......
أصابع اليد ميهن واحد