انسوا الكلام المكتوب ورا لأنه المحتفى به لا علاقة له بهذا الجمال ...
الكلمات لعبيد عبد الرحمن ...
وحسنه دلو واصلوا وصفه شرحه يطول من دلال مسطول كم يواعد ويمطل والمطل ممطول القوام معدول والوريد كالدمية والأسيس مسدول الكتيف مهدول بعضه نام في بعضه تقول حرير مجدول ايه يفيد القول وايه يفيد من شعري فيه مهما أقول منه حائرة عقول الوصول للبدر ياخي ما معقول
Post: #2 Title: Re: زاد أذاي يا صاحي ( فرقة صينية ) Author: muntasir Date: 11-07-2015, 06:42 PM Parent: #1
يا قبة والله ما عمل بنو الأصفر عملاً إلا اجادوه
Post: #3 Title: Re: زاد أذاي يا صاحي ( فرقة صينية ) Author: سيف اليزل سعد عمر Date: 11-07-2015, 07:25 PM Parent: #2
Quote: انسوا الكلام المكتوب ورا لأنه المحتفى به لا علاقة له بهذا الجمال ...
وضيف عليها الزول الشايل الكاميرا ومنشحط قدام هذا الأداء الرائع ..
Post: #4 Title: Re: زاد أذاي يا صاحي ( فرقة صينية ) Author: Dr. Ahmed Amin Date: 11-07-2015, 07:29 PM Parent: #3
يا سلام يا قباني ياخ ...
جمييييييل ورائع ..
Post: #7 Title: Re: زاد أذاي يا صاحي ( فرقة صينية ) Author: يحي قباني Date: 11-07-2015, 10:22 PM Parent: #3
Quote: وضيف عليها الزول الشايل الكاميرا ومنشحط قدام هذا الأداء الرائع ..
كرهونا زاتو بي بدل ناس الامن دي يا سيف ...
بالله قاعد زي الخازوق في الفيديو ...
Post: #5 Title: Re: زاد أذاي يا صاحي ( فرقة صينية ) Author: يحي قباني Date: 11-07-2015, 07:49 PM Parent: #2
Quote: يا قبة والله ما عمل بنو الأصفر عملاً إلا اجادوه
بالله شوف المزيكا دي مارقه زي الغُنا كيفن يا منتصر ...
محمد وردي في بروفة شن بتقولوا لما ما عجبه شغل الساكسفون في الصولو قال لي ولده بالله خلي الجعلي يعزف الحكاية دي ( بالتيزه )
و لما الجعلي عزفها قال ليهم ايوه ... كده غُنا ...
Post: #6 Title: Re: زاد أذاي يا صاحي ( فرقة صينية ) Author: نادر الفضلى Date: 11-07-2015, 09:01 PM Parent: #5
مبالغة لكن يا يحيى
عبيد عبد الرحمن بالغ .. دا ما خيال شعرى .. الزول شاف وإنتشى ووصف
أعتقد جمال أداء الفرقة الصينية أنها آلات وترية وصفارة .. ما فى إيقاعات درمز ودسترة الإستماع لأوركسترا وترية دون طبل يرتقى بذوق الإستماع والإستمتاع
الفرقة كلهن محمدياات ما فيهم محمدية ... والأداء ليس فقط تنفيذ للنوته بل بتذوق وإستمتاع بالسلم الخماسى .. جضمو الموسيقى وخلوها تنطق وتغنى
Post: #8 Title: Re: زاد أذاي يا صاحي ( فرقة صينية ) Author: Munir Date: 11-08-2015, 00:59 AM Parent: #6
تعرف يا قباني زمان كورال معهد الموسيقي بتاع الموسيقي الكورية داك كَرَّهنا .. ثم بعد داك الموسيقي الصينية المصاحبة لفرقة الأكروبات السودانية برضو كنت لا أستسيقها وبسببها كنت أشوف الفرقة كلها أجانب أجانب .. لكين اسه لقيت ليك الشئ ده فيهو إتقان رهيب وخاصة آلاتهم الشعبية، وخصوصاً ال قوشينق Guzheng .. توقعت أن تكون هناك وصلة منه في هذه المقطوعة ..
Post: #9 Title: Re: زاد أذاي يا صاحي ( فرقة صينية ) Author: نادر النور آدم Date: 11-08-2015, 06:14 AM Parent: #8
ووورررروووروووك
الفلوت يا ناس الفلوت
رحم الله الكاتب والملحن وكل من غناها.. دا السودان الحقيقي
ودا جمال ما بعده جمال وافتتاحية منعشة جدا لهذا الأسبوع . . . . . . متعك الله بالصحة والعافية حبيبنا قباني.. انا ح اسميك رئيس جمهورية الجمال
Post: #11 Title: Re: زاد أذاي يا صاحي ( فرقة صينية ) Author: يحي قباني Date: 11-10-2015, 05:05 AM Parent: #6
Quote: مبالغة لكن يا يحيى
عبيد عبد الرحمن بالغ .. دا ما خيال شعرى .. الزول شاف وإنتشى ووصف
أعتقد جمال أداء الفرقة الصينية أنها آلات وترية وصفارة .. ما فى إيقاعات درمز ودسترة الإستماع لأوركسترا وترية دون طبل يرتقى بذوق الإستماع والإستمتاع
الفرقة كلهن محمدياات ما فيهم محمدية ... والأداء ليس فقط تنفيذ للنوته بل بتذوق وإستمتاع بالسلم الخماسى .. جضمو الموسيقى وخلوها تنطق وتغنى
الحق ارص بوستاتي قبال ما جادات يصحى من النوم ... _____________________________________ شفت الروعة دي يابن عمي ...
Post: #10 Title: Re: زاد أذاي يا صاحي ( فرقة صينية ) Author: يحي قباني Date: 11-08-2015, 04:57 PM Parent: #5
Quote: يا سلام يا قباني ياخ ...
جمييييييل ورائع
الصينين قالوا غنانا سمح في خشومهم برضو يا دكتور
Post: #12 Title: Re: زاد أذاي يا صاحي ( فرقة صينية ) Author: علي عبدالوهاب عثمان Date: 11-10-2015, 06:00 PM Parent: #10
حبيبنا يحيى .. شغل جميل ويدخل القلب .. معقوله كده .. وين نحن من تراثنا .. بالطريقة دي موسيقانا كان يصعد إلى العالمية .. نحن مشكلتنا الاخراج .. والصوت .. تلقى العازف مرات حتى الزي ما مرتب .. والتصوير يقرب الالات الموسيقية حتى تظهر بعض العيوب على سطح الكمنجات خاصة .. وكما المصورين يظهروا أصابع العازف عن قرب .. والمعروف جمال الاصابع من الاشياء النادرة جداً ..حتى عند النساء أصابعهن بدون حناء ما تتقابل .. في كل التسجيلات غير قنواتنا .. تجد العازفين على بعد بالكاد ترى ملامحهم ..
روعة وجمال .. المشكلة في المصور هو النشاز .. يا يحيى حبيبنا صدقني نحن مرات نذهب بمجال المنظر بتصرفات غريبة .. ما في واحد متخصص كمبيوتر يحذف المصور ده
شكراً ..
Post: #13 Title: Re: زاد أذاي يا صاحي ( فرقة صينية ) Author: يحي قباني Date: 11-12-2015, 04:12 AM Parent: #12
Quote: حبيبنا يحيى .. شغل جميل ويدخل القلب ..
وكما المصورين يظهروا أصابع العازف عن قرب .. والمعروف جمال الاصابع من الاشياء النادرة جداً ..حتى عند النساء أصابعهن بدون حناء ما تتقابل ..
حبيبنا علي ...
الحسين الحسن قال :
أهذه الحروفُ .. كل هذه الحروفِ .. خَطّها بنانُك المُنمّقُ .. بنانك المُنغّم .. المُمَوسق ...