Post: #1
Title: هل بقى للسودانيين شيئا لم ياكلوه !!!؟؟؟
Author: عبدالله محمد احمد بلة
Date: 11-07-2015, 11:59 AM
10:59 AM Nov, 07 2015
سودانيز اون لاين
عبدالله محمد احمد بلة-كوستي
مكتبتى
كتب محمد المختار محمد على صفحته بالفيس بوك :
Quote: تحدث احد الاشخاص المحترمين عن القنفذ
وان بالسودان نوعين من القنافذ
القنفذ الاثيوبي والقنفذ الافريقي
وانها حيوانات مسالمه وضروريه للتوازن البيئي لاسباب عددها هو
وهو عالم لا يجادل في اختصاصه .
لكنه نسي اننا نحن البيئه زاتا .
هذا القنفذ الذي يدافع عنه يؤكل مشويا في بعض مناطق السودان الاوسط .
ويشوي في ( قرعوبته ) وهي الغلاف الخارجي الفيهو الشوك ثم بعد ذلك ينفض الشوك وتؤكل القرعوبه ذات نفسها .
وناكل كديس الخلا
والصبره ( نوع من انواع الثعالب)
وناكل العندت . وهي افه زراعيه تشبه الخنافس تؤكل مقليه ولها زيت غير مشبع يسمي زيت العندت . ( طبعا ندمت انها نزلت السودان ) .
انتو المغتربين ليه بقولو نازلين السودان ...نحن كم تحت مستوي البحر ؟
والله المغتربين ديل عليهم جنس عقوق .
ماعلينا ....
وناكل ( ابنضلاف .. اي ابو اضلاف) وهو اكل النمل ودا حيوان مسالم وخجول جدا وفايت السودانيين في الكسل .
يرقد بجانب مستعمرات النمل ويخرج لسانه ومتي ماربنا هون يبتلع ماعلق بلسانه من النمل . دا كل نشاطه في الدنيا .
نحن اكلناه
وناكل نعجة اب شوك .
علي العموم ماخلينا حاجه الا الكلب والحمار .
وسعادة البروفسور (مقوم نفسو) وجايب ادله علميه عشان يدافع عن القنفذ .
لا والاغرب بنضحك في الصينيين نقول بياكلو اي حاجه .
.......
وغتي كروك خليني اخاتي بت ام كرو
|
|
Post: #2
Title: Re: هل بقى للسودانيين شيئا لم ياكلوه !!!؟؟؟
Author: عبدالله محمد احمد بلة
Date: 11-07-2015, 12:01 PM
Parent: #1
وعلق وليد محمد المبارك :
Quote: خلاف اكل كل ما يمشي
اكلنا الجراد والكول والمرس والميلوحة وابغاذي والمرارة واصبر وجلد الخروف الشيتين الوحيدين الما اكلناهن في الخروف صوفو وقرنو |
|
|