Quote: ألا يستحون؟؟ حتى العيش الكريم أضحى حلما برغم فقره!!!! الخيرة فيما اختار الله
والله يا موصلى الحاجة الاحزنتنى الرجال الواقفين يتفرجوا ديل والبت مرمية فى الارض بتصرخ الرجال في السودان انتهوا مافى نخوة ولا شهامة والغريبة بتاعن الشرطة واقف ين؟؟
والله حاجه تحيير وانا بمجرد أن شاهدت الفيديو الذي انزلتيه هنا كتبت القصيدة التاليه من الحرقة
ست الشاي يا ست الشاي لو تعرفي كيف اني بختك في قلب غناي و الزول الجاير يدلق شايك ماشي وجاي وصراخك يقطع قلب الناس ما دمعا ساي يا أشرف بت ونغمتك ناي يا الغنى جمالك كم غناي ادالك حته من الشاشاي دوبالك مره علي الدوباي هوهالك ريدو مع الهوهاي زعلانه تملي بتسكتي ساي ممكونه وصابره يمين فوق راي
Post: #7 Title: Re: ** يا للحزن والوطن المكلوم ** Author: عمر التاج Date: 11-05-2015, 10:32 PM Parent: #6
أشد ساعات الظلم تلك القريبة من بزوق شمس العدل .. ولا أرى نهاية لنفق الظلم أكثر مما يحدث في السودان الان ..
Post: #8 Title: Re: ** يا للحزن والوطن المكلوم ** Author: عبد المنعم سيد احمد Date: 11-06-2015, 00:10 AM Parent: #7
لاحول ولا قوة الا بالله اللهم لا نسألك رد القضاء ولكن نسألك اللطف فيه ينعمون فى قصورهم..وحللهم والديباج ويتربصون..بالمساكين..من خلق الله مؤلم والله هذا الذى يحدث فى وطننا الحبيب كونى بخير يادكتورة
Post: #9 Title: Re: ** يا للحزن والوطن المكلوم ** Author: وضاحة Date: 11-06-2015, 06:19 AM Parent: #8
Quote: والله حاجه تحيير وانا بمجرد أن شاهدت الفيديو الذي انزلتيه هنا كتبت القصيدة التاليه من الحرقة
ست الشاي يا ست الشاي لو تعرفي كيف اني بختك في قلب غناي و الزول الجاير يدلق شايك ماشي وجاي وصراخك يقطع قلب الناس ما دمعا ساي يا أشرف بت ونغمتك ناي يا الغنى جمالك كم غناي ادالك حته من الشاشاي دوبالك مره علي الدوباي هوهالك ريدو مع الهوهاي زعلانه تملي بتسكتي ساي ممكونه وصابره يمين فوق راي
استاذنا الموصلي يا فنان يا شفاف يا جميل الاحساس شفت جور وظلم اكثر من كدا صرخات تحرك تحنن من هم قلوبهم رحيمة مفعمة بالانسانية ولكن هولاء اتنزعت من قلوبهم الرحمة والاخلاق في تبلد احساس وقسوة اكثر من كده والله انهن اشرف وانبل من هؤلاء المتاجرين باسم الدين والدين منهم برئ
Post: #10 Title: Re: ** يا للحزن والوطن المكلوم ** Author: وضاحة Date: 11-06-2015, 06:22 AM Parent: #9
Quote: أشد ساعات الظلم تلك القريبة من بزوق شمس العدل .. ولا أرى نهاية لنفق الظلم أكثر مما يحدث في السودان الان ..
الاخ عمر التاج ليس هناك ظلم اكبر من ان تمنع ام من اطعام اطفالها ضاقت ولما استحكمت حلقاتها فرجت وقوانين الطبيعة تقول ان الضغط يولد الانفجار وشدة ظلام الليل لابد ان يعقبها فجر الخلاص وعندها سيكون القصاص باذن الواحد الاحد
Post: #11 Title: Re: ** يا للحزن والوطن المكلوم ** Author: وضاحة Date: 11-06-2015, 06:24 AM Parent: #10
Quote: لاحول ولا قوة الا بالله اللهم لا نسألك رد القضاء ولكن نسألك اللطف فيه ينعمون فى قصورهم..وحللهم والديباج ويتربصون..بالمساكين..من خلق الله مؤلم والله هذا الذى يحدث فى وطننا الحبيب كونى بخير يادكتورة
اوو عبد المنعم يا حبيب ما رأيته في الفيديو مؤلم حد الغثيان هؤلاء نزعت منهم الرحمة وتحجرت قلوبهم وهانت عليهم اخرتهم وعظمت الدنيا في عيونهم وامتلاءت قلوبهم بالحقد والكره فاصبحوا وحوش لا تحس فاطلقوا كلابهم المسعورة في كل تجاه لتسرق الفرحة من وجوه الغلابة والله صرخات النسوان ديل تقطع القلب ولكنهم بلا قلوب
Post: #12 Title: Re: ** يا للحزن والوطن المكلوم ** Author: وضاحة Date: 11-06-2015, 06:29 AM Parent: #11
Quote: Essam Absher عن اي نخوة وشهامة تتحدثين ؟ غير العواطف مافي شي اخرنا ، وكأنك تؤيدين بيع الماكولات على طريق المشاة . مواطنة مخالفة بيطبق عليها قانون الصحة التى نتمناها للجميع ، وين الغلط ؟؟؟؟؟؟؟!
الاخ عصام ابشر تحياتى وهل وجدن طريق اخر للكسب الحلال ؟؟ وهل من اخذ وسائل كسب عيشهن وفر لهن البديل ؟ هل اطعم صغارهن ؟ وانت فاكر انهن اختارن الطريق دا رفاهية وللتسلية وقالوا اليدو في الموية ما زي اليدو في النار يا اخ سيدنا عمر بن الخطاب في عام المجاعة الغى حد السرقة وفي الحديث عن المبعوث رحمة للعالمين سيدنا محمد صلى الله عليه وسلم دخلت امرأة النار في هرة حبستها حتى ماتت لاهي اطعمتها ولا تركتها تاكل من خشاش الارض
الفاضلة وضاحة في السوق المركزي قاعد في ورشة منتظر تصليح عربيتي جوا ناس الكشة بدوا يخوموا في عدة ستات الشاي حاولت اعترضهم و النساء طلعن كمية من ايصالات الغرامة خطرفوا معاي بانه انه ما عشت برة عشان اشوف هناك بعاملوا السودانيين كيف على اساس البنات كانن حبشيات انا تلاتة ارباع عمري عشتها في الخارج و في اثيوبيا لم اجد الا الحب و القبول و الله المهم انه دي وسيلة جباية للمحليات بكل قسوة بعد ياخدوا العدة الواحدة تمشي مخازن المحلية ترجعها بعد تدفع غرامة كانت 50 جنية و مشوار الرقشة طبعا ماشي جاي علما بانه السلطات بتدعي انهم بحافظوا على الصورة الحضارية للمدينة طيب مفروض ما يغرموهن و يسمحوا ليهن بتشويه نضار المشهد العام الى حين كشة اخرى مستعجلة ثم انه الحملات دي كان من باب اولى تخم ارتال الاوساخ و القاذورات بعد داك يقبلوا على المسكينات ديل
