الرَقَـابه البَـعَدِيّه في جخانـين منـبر اب صلعه غير المـرئيه

11:59 AM Nov, 05 2015
سودانيز اون لاين
Hololy-Sydney
مكتبتى

..
.. ..
..
.اولن...
.
.الله علي الظالم يا ظلمه يا حقارين يا مفترين ....
(خلاص علي كده كفايه ...عشان نخلي البوست يمشي ما تسحبو لينا كمان..ياهو ده الفضل بث)
.
.ثم (سانين)..
.
.
.يا بكري ابو صلعه يا صاحب المنبر ...بالله مطلوب حضورك في البوست ده لو تكرمت ...لمناقشة حال المنبر المايل ده ..
و الانت ماشايفو يمكن
.
.ثم (سالسن)
.
.يا باوقيشن ...بالله ..كتِّر من العبابير وعبِّر من الشربوت ابوتمر بخره ....زي ما عايز و ما بدالك ...و ما تنساني معاك ... وتعال زورني في البوست ده .بالله...
.و يا تراجي ..بالله ما تلبسي سفنجاتك ...خليكي طابقاهن فييي يدك ....و تعالي جاكه خفيانه لو سمحتي علي البوست ده ...ما تقلقي ..تلج كندا اللفاحاهو و حتجيبي معاكي الخرطوم عشان تكسريو ...تلج سوفت وما بشقق الرجلين ...عشان نتحاور صحي صحي ...و في الهواء الطلق ...بدل قاعات الصداقه و برج الفاتح ...و الذي منو ....ولو ما جيتو حاقعد في البوست ده اغني ليكم ....يا بلال تزورني مره ...يا حنان تزورني مره ...لمن تجو السوق ...سوق الله اكبر ده...البدسسو فيهو الصراع الطبقي و الجماهير بين اروقة و عرصــات القاعات المكندشه للصحك علي البسطاء الشايله لواهم و تنبحي باسمم ..
..
.ثم واخيرا...
.
.و الي القراء الاعزاء انكلودنج اعزاء بشاشا و د نجاة (الله يطراهم بالخير) و غيرم ...مما يقرؤن لهم ...
..
.عايز اقول شنو؟؟؟
.
.بعدين
.
..

صباح الخير ,,

لو سمحت ممكن تكتب لي اسمك بالعربي قدر ما حاولت اقراهو غلبني !

وثم سانيآ زي سالسآ حقتك خخخخخخ ... احسن ليييييييييك ابعد من الجخانيين انت

قالوا ليك الموت دا موت الله بس . وتاني من طلحة خخخخخخخخ .



ازيك .

..
..
..بت اهلي و بلدي وعطبرتي....و عمسيب ..
..
..ازيك و سلام يغشاك و المعاكي ....شقيش قبلتو ...
..
..الاسم قرايتك ليهو في الغالب صحيحه ...بس اقلبي الـ اتش (H) الي حرف الحا ....حاكما الخواجات ما بيعرفو ينطوقوها و بيتعبو فيها لانها ماعندهم في لغتم ...لتكون (حـلولِّي) او (حُلُلِّي) ....وهس بالمناسبه لقب ...فهي عطبره البلصقو ليهو اسم ....يلازمو لحدي القبر ....لا يعرفو سمايه لا يعرفو امك سمتك منو و لا ابوك سماك منو ...و لا كانو بفكروكيف لمن جابو الخروف و عزمو المعازيم ...و هذا موضوع اخر ...لكن في كتير من الاحيان يكون هناك اكثر من اسم ..او لقب ......كاحمد حسنه ...او احمد بخيته ...او احمد فاطنه ...حينما يكون الاسم مشترك و حتي الجد ...وهي حاله منطبقه
علي و كثيرا في حلّتنا ...
.
.بعدين الموت ده واحد ...ولاحقنا كلنا ...و هو اللحظه الوحيده العادله و بنساوا فيها كلنا مع لحظات الولاده ...و ما بينهما هي كل تلك المرارات و المظالم و البؤس والحقاره ...و الاستهبال ...البناتل قدر قدرتنا لاختزالم في عدالة تلك اللحظتين و جعل العالم اقل بؤسا و مرارة ...و اكثر رحمه .. و هذا البوست قد يكون مثالا و ليس حصرا.....
..
..
.تسلمي يا وريفه ...
..
..

حبابك آآآآآآآ الحبيب .

Quote: بعدين الموت ده واحد

لا الموت مو واحد في موت اخير منو الموت الواحد دا .
وفي ناس عايشين لكن اخير منهم الميتين بالنسبة لي ماعارفة
بالنسبة ليك بتقييم الحيين بشنو ؟

...
..
..يا ايها القراء المنا ضلون ....و ايضا يا ايها الاعضاء المناضلون ..
.الموصوع ده بهمكم (و الله صحي ) ...
..
الاعضاء المناضلون دي ...قاصد بيها الما زي تراجي و ود الباوقه ...و العضو بكري ابصلعه ...حينما يتنكر في شكل عضو من اعضا المنبر و يرسل مداخلاتو و اعلاناتو ..
.
.
.و.الموضوع هو انني تداخلت في هذا البوست خاصة ود الباوقه
ٍالصحفية تراجي مصطفى تواصل بيان حقائق المعارضة(فيديو)الصحفية تراجي مصطفى تواصل بيان حقائق المعارضة(فيديو)
واجتهدت و قدر ما اقدر عليهو من اجتهاد للمشاركه في صراع الاراء و الدلو بما الله قدرني عليهو ...مع المتحاورين ....لاستبانة نقاط الخلاف و مع القراء ....و الاصطفاف حول ما هو عقلاني و ممكن ...عسي و لعل ان نسهم وايضا بقدر قدرتنا اعضاء و قراء في استعدال حال البلد المايل و الممكوننين ناسو و اضحي قاب قوسين وادني من وجودو فيييييي عضمو.....
..
..اتداخلت بتلاته مداخلات ....و للاسف ما قعد اسيف المداخلات ....لاني كنت ريحتا نفسي من الكلام و جبتهم ليكم هنا ...و حاحاول اتذكر عشان اجيب مصمونم هنا ....لاحقا ...لكن للاسف المداخلات كلها اتلحست ....ود الباوقه شربا بلموني و ضهبت وهسه المداخلات ما موجوده ...
..
..و المشكله انو ود الباوقه و تراجي كلو واحد شايل طار قيهم و بيمدح في عصابة المجرمين و القوادين القاعده في الخرطوم و كاتما علي انفاس البلد و ناس البلد و واقعه فيهم تشريط و تقسيم و تقتيل ....و يلعلعو الحوار الوطني و البطيخ و ما عارف شنو ....و الواحد عشان يناقشم في لعلعتم و كواريكم دي ...عبر المنبر ....ما قادرين يحتملوا النقاش ....و الغريبه من المفترض ان يكون مطروح في اولي اولويات حوارم ده الحريات والقوانثين المقيده ليها لفك الخناق عن الناس و البلد و استعدال الحال ...الاصلا كان نتيجه ميلانو الاساسيه كبت الحريات و قمعها ليجد العوج طريقه الي واقع خال الناس و بلدا من نهب و بلطجه و قتل ...
.
.
.عشان كده عايز ابدأ البوست للبلابل التلاته الفوق ديل ...
.
.انتو سحبتو المداخلات بتاعتي ...او بشكل عام ...سحب المداخلات بالنسبه ليكم بيعني الانتصار و قمع الراي الاخر ؟؟؟؟او علي احسن الفروض تغييب الراي الاخر ...و تمرير الدايرين تمرروهو ...و لا الفكره بالضبط شنو من سحب المداخلات ..؟؟؟؟؟
.
.هذا من ناحيه
..
..
.من ناحيه تانيه ...انا عاوز مداخلاتي دي عشان اختها في البوست ده لاني ما متذكرا ...و عشان تنزل زي ما هي كانت ...ما احذف منها حاجه ...لزوم الامانه و كده .....اها هسه اعمل سنو؟؟؟؟؟

Quote: ....من ناحيه تانيه ...انا عاوز مداخلاتي دي عشان اختها في البوست ده لاني ما متذكرا ...و عشان تنزل زي ما هي كانت ...ما احذف منها حاجه ...لزوم الامانه و كده .....اها هسه اعمل سنو؟؟؟؟؟

..
....
..
اول حاجه ...هو من حقي و لا ما من حقي ترجعوا لي مداخلاتي التعبت فيها و فكرت فيها و استهلكت وقت عزيز من وقتي عشان اكتبا ..
..
.وادا كان ما من حقي....هل ده بيندرج بالاضافه لاسلوب الحقاره و البلطجه المارستوهو ..بيندرج تحت مظلة اسلوب المصادره كمان و لا الفهم شنو؟

بالفعل يا حلولي مسألة مقيتة جداً أن يملّك الجميع حق التعدي على جهدك لا سيما لو كانت كتابة مركزة بذلت فيها ما بذلت ولم تحتفظ بنسخة منها
إذا كان لا بد من معاقبة بعض المداخلات لسبب أو لآخر فلا بد أن تكون هنالك لائحة ومعايير عادلة لتقييم المداخلة الضارة
ويحدد من هو المؤهل لتطبيق هذه اللائحة
أما تركها كدا سائبة للمزاج أو للتخلص من المداخلات السنينة فهذا ليس عادلاً

سلامات
فكرة اشراف العضو على بوستاته فكرة حكيمة جداً
لأنه في ناس كتار بتعبوا يكتبوا ويجوا ناس تانيين يخربوا ليهم بوستاتهم وتعبهم
البوست بمثل وجهة نظر صاحب البوست ومن حقه يقول ليك قول رأيك بعيد مني انت غير مرحب بيك
في ناس بدخلوا البوستات بغبائن قديمة ممكن ما يكون عندهم علاقة بي موضوع البوست ذاتو بس قاصدين كاتب البوست
أعتقد إنه فكرة الإشراف الشخصي بتدعم حرية الكتابة أكتر .. أي حرية الكتابة في جو نضيف .. خليني أكتب رأيي في البوست بتاعي ولو رأيك ما عجبني الفسحة واااااسعة شد ليك عنوان جديد وقول العاوزه

بعدين ما تصعبها ياخ أقرأ البوست من جديد واتذكر آراءك واكتبها تاني
بتجي ياخ .. صدقني بتجي طالما هي آراء مبنية على قراءات .. إلا لو الكتبتو داك كان الهام وقتي

Quote: بالفعل يا حلولي مسألة مقيتة جداً أن يملّك الجميع حق التعدي على جهدك لا سيما لو كانت كتابة مركزة بذلت فيها ما بذلت ولم تحتفظ بنسخة منها

سلامات عبد الغني
وهل من حق الجميع التعدي على منشورك ؟
كدي وازن بين الوضعين
مجهودك في يدك ومساحات نشره موجودة في بوست آخر
بينما تخريب البوستات لا يمكن اصلاحه ببوست جديد لأنه مافي ضمان يسلم الجديد
يبقى الحل بسيط
لو شاكي إنه الزول حيحذف مداخلاتك احتفظ بي نسخة











.

Quote: لا الموت مو واحد في موت اخير منو الموت الواحد دا . وفي ناس عايشين لكن اخير منهم الميتين بالنسبة لي ماعارفة بالنسبة ليك بتقييم الحيين بشنو ؟

..
....
..ستهم ..
.
.انا ما بتكلم علي الموت الحاله الشعوريه بتاعت موت الضمير و موت الحس الانساني ...و موت القيم الانسانيه فكل ذلك هو صحيح موت لكنو موت حسي للقيم الانسانيه النبيله ....فان يكون الانسان لا يهتز لاي منظر بتاع ظلم يحدث امامو للاخر ...بل و يمارسو احيانا...فهدا موت حسي لبعض القيم (و احياء ) لقيم معاديه اخري في ذات اللحظه مثل الظلم ..موت الضمير ...موت النخوه الانسانيه ...موت الاحساس بكل القيم الانسانيه النبيله الحفرتا البشريه في مسار حضارتا و تحضرا العاتي ...انا ما بقصد كده ....انا بتكلم علي الموت الفيزيائي ...و الولاده الفيزيائيه ....و كل القلتيو انتي صاح لكنه يندرج فيما بين الاتنين الفيزيائيين ديل لانو ببساطه من يصيبه هذا الموات في القيم ...هو بكون حي يسترزق ويعدب في البشر لسه ...و الصراع الداير في البشريه دي منذ ازل هو في كيفية جر هولاء الظلمه الميتين قيميا و انسانيا الي دائرة الانسان النبيل وغير الاناني فيهم لانو مافي زول و كاذب من يقول انو يمكنه ان يعيش دون الاخر او بعيدا عنه ...وليس بالوصايه او امتلاك ناصية المطلق والصحيح دوما فهذا هراء بل بجر الناس الي دائره الوعي بحقهم و حقوقهم في الحياه كناس و بعيدا ايضا عن شكل و تراتيب خروجهم الي هذه الدنيا ليه و بتين وكيف...لانو كلنا بشر (اولاد تسعه ...و بنات تسعه) وكلنا خلفاء لله مباشرة في ارضه ...مسلمنا و مسيحينا و يهودينا و لا دينينا ..و كجورنا يعني اانتي زاتك خليفة لــ الله في الارض دي و خليفه ليو بطريقتك انتي الخاصه البتختلف عن اي اخر تاني علي سطح هذه الارض ....عشان الهولنديين بتعين حزب العمال ما ياكلو بعقلك حلاوه ... و رغم انو وفي كثير من الاحيان نخطئ و نتعلم من الاخر و بعضنا البعض ...بس يكفي انو عندنا القدره في التخلي عن الخطاء حين ادراكه لتجديده باخر تجاوزا للتكرار...امل ان اكون اوضحت ما عنيت ...عشان ما اطيل مللا
.
.تسلمي

Quote: بالفعل يا حلولي مسألة مقيتة جداً أن يملّك الجميع حق التعدي على جهدك لا سيما لو كانت كتابة مركزة بذلت فيها ما بذلت ولم تحتفظ بنسخة منها إذا كان لا بد من معاقبة بعض المداخلات لسبب أو لآخر فلا بد أن تكون هنالك لائحة ومعايير عادلة لتقييم المداخلة الضارة ويحدد من هو المؤهل لتطبيق هذه اللائحة أما تركها كدا سائبة للمزاج أو للتخلص من المداخلات السنينة فهذا ليس عادلاً

..
.....
.عبد الغني يا جميل ....اولن شكرن كتير ليك ..
..
.تانين
.
.انا ياخي داير اتمسك بالجوء ده في كلامك .........

Quote: بالفعل يا حلولي مسألة مقيتة جداً أن يملّك الجميع حق التعدي على جهدك ل

.........
.و ابعد شويه من حتة التبرير دي ...حكاية لا سيما ...لانو لو سيما ...معناها هناك مدخل للتعدي علي حقك في ابداء رايك ...ايا كان شكلو و لونو ورائحتو....
..
..بعدين اللوائح مطلوبه وبشده لكن ياخي المعاقبه ما بتجي بالحذف و الالغاء و المصادره...لانو مافي زول حيقدر يلغي عقلك و يحدد ليو طريق معين للتفكير يقولبو داخلو.زي ما بتقول حبوبتنا عليها الرحمه (الفي النَّفِس في النَّفِس)..كل مافي الامر انو هناك اختلال في توازن قوي بتفرض نفسها لحجر او ازالة او قمع راي الاخر و مصادرتو خصوصا في الحاجات المشتركه بين الناس ...كالوطن مثلا ..الحاجات الخاصه دي ما لينا بيها ...لانو كل زول عندو الخاص بيهو الفي الغالب لايتضرر او ينتفع به الاخرحين ممارسته.. ..لكن بيبقي السؤال ....هل القمع و الحجر و المصادره ديل حلو الاشكال فيما يخص العام ...ام ان هناك شئ اخر يحدث في الخفاء ...؟؟؟؟ الاجابه علي السؤال ده يمكن تقرب المفاهيم بينا لما يمكن قوله لاحقا ...

مرة اخري ...شكرا ليك كتير يا جميل
.

بوست خفيف الطل

يعطيك العافية

نحتاج ‘لى هذا النوع من البوستات

تحياتي

عذرا الاصدقاء احمد و عواطف تاخري في الردود...لكم العتبي حتي الرضا ولو مؤقتا

Quote: سلامات فكرة اشراف العضو على بوستاته فكرة حكيمة جداً لأنه في ناس كتار بتعبوا يكتبوا ويجوا ناس تانيين يخربوا ليهم بوستاتهم وتعبهم البوست بمثل وجهة نظر صاحب البوست ومن حقه يقول ليك قول رأيك بعيد مني انت غير مرحب بيك في ناس بدخلوا البوستات بغبائن قديمة ممكن ما يكون عندهم علاقة بي موضوع البوست ذاتو بس قاصدين كاتب البوست أعتقد إنه فكرة الإشراف الشخصي بتدعم حرية الكتابة أكتر .. أي حرية الكتابة في جو نضيف .. خليني أكتب رأيي في البوست بتاعي ولو رأيك ما عجبني الفسحة واااااسعة شد ليك عنوان جديد وقول العاوزه بعدين ما تصعبها ياخ أقرأ البوست من جديد واتذكر آراءك واكتبها تاني بتجي ياخ .. صدقني بتجي طالما هي آراء مبنية على قراءات .. إلا لو الكتبتو داك كان الهام وقتي

...

...حبيبنا احمد عمر ....كيفك ي وريف ..
..و شكرن كتيرن (زي كم كيلو كده) علي الزياره وعالي التقدير ليك

..

Quote: سلامات فكرة اشراف العضو على بوستاته فكرة حكيمة جداً لأنه في ناس كتار بتعبوا يكتبوا ويجوا ناس تانيين يخربوا ليهم بوستاتهم وتعبهم فكرة اشراف العضو على بوستاته فكرة حكيمة جداً

.ما قلنا حاجه ...و كلام سليم و اتفق معاك فيو اي فكرة اشراف العضو وانها ليست فقط فكره حكيمه بل مطلوبه و ضروريه كمان و لا تكتمل الفكره المحموله في البوست إلا بها...لكن قد اختلف فيما تعنيه بذلك الاشراف و تلك الحكمه حسب صياغ كلامك
.عموما انا في ذهني اشراف العضو تعني ادارة الحوار بين المتحاورين و وجهة نظرو الطارحا في البوست للاقناع بها او الاقتناع بما يدلو به الاخر حينما يكون هناك تقاطعات لانو نحنا ما بنختلف من اجل الخلاف ...و خالف تُذكر او تعرف .......بالطبع بنختلف في الغالب الاعم في مواضيع تخص شان عام من شئون بلدنا ومفاهيم ناس بلدنا و تطورا و تطور ناسا....يعني شئ مشترك بينا... عشان هم يمشو لقدام وبلدنا تمشي لقدام و نمشي نحن ذاتنا لقدام معاهم ...ولانو رجوعم لورا بالتاكيد حنكون راجعين معاهم ..ولا احتاج لبراهين في ذلك ..فواقع الحال يغني ....و(ضفرنا مااااابطلع من لحمم ...و ضفرم ماااابطلع من لحمنا)...لكن خليني اخت السؤال ده و اترك ليك الاجابه مع نفسك ...
..هل حجر الراي و المصادره؟؟؟؟؟ ....يعتبر اشراف ؟؟؟؟؟؟؟؟... او ممكن نقول عليهو اشراف؟؟؟؟؟
لانو الاشراف ده و حسب محدود علمي هندسيا ...يعني ...تطبيق ما هو مرسوم علي الورق علي ارض الواقع ...دون المساس بما في الورق او الرسومات زي ما هو ...دون المساس باي تعديلات في الرسومات و اذا لقيت في اي مشاكل في الرسومات و ما قدرت تنفذ علي ارض الواقع لظروف كتيره كان بعيده عن المصصم اثناء تصميمو علي الورق ....فاياك اياك ان تعدل في التصميمات حاجه ....لانو حيمسكوك من لغاليقك لو حصلت حاجه غلط ...وكل ما يجب ان تفعلو وانت مشرف ان ....تــــــرجع للمصمم ...و تحكي ليهو المشكله ....و يمكن المصصم يرفض اي تعديللظروف خاصه بالتصميم و يفترح عليك حل اخر في الموقع دون تعديل للرسومات و التصميمات ...
.
.اهو لقيت فرصه اتفسح بيك ...عشان تاني تجي السوق !!!!!

فحقو شنو ...!!!!! نسمي الاشياء بمشمياتا ياخي !!!!!!!!!

.

..مع الكلام الفي المداخله الفوق دي لو امكن استصحاب الحقيقه الجايه في مناقشه الكوت التالي
..
.

Quote: سلامات لأنه في ناس كتار بتعبوا يكتبوا ويجوا ناس تانيين يخربوا ليهم بوستاتهم وتعبهم البوست بمثل وجهة نظر صاحب البوست ومن حقه يقول ليك قول رأيك بعيد مني انت غير مرحب بيك في ناس بدخلوا البوستات بغبائن قديمة ممكن ما يكون عندهم علاقة بي موضوع البوست ذاتو بس قاصدين كاتب البوست أعتقد إنه فكرة الإشراف الشخصي بتدعم حرية الكتابة أكتر .. أي حرية الكتابة في جو نضيف .. خليني أكتب رأيي في البوست بتاعي ولو رأيك ما عجبني الفسحة واااااسعة شد ليك عنوان جديد وقول العاوزه

..
..وطيب ولو انا خليتك و خليت بوستك المعني حسب طلبك و طردك لي منو...و فتحت لي بوست ...جديد برااااااي حدادي مدادي في فسحة اسافير الله المااااهله دي بالموضوع بتاع الخلاف...وانت بقيت زي تراجي …..البتسوط الحله بالكي بورد وعامله غطاها باد للماوس الايام دي ...و الموضوع سخن بالمتداخلين ...و واحد من المتداخلين (ما انا) هبشك في الكلام وخلاك تتململ .وإنت مسكتك كاروشه .....و جيتني في البوست بتاعي وإتِـــممبرت واتداخلت فيو رغم كلامك بتاع الفسحه الواسعه و البطيخ ده ...اها انا اعمل شنو في الحاله دي؟؟؟؟ (لاني ما حاقدر اثبتك!!!!!)...

... .
..تعرف ي احمد انا ما حادخل في كشف مقاصد الانسان او القارئ او المتداخل طالما لم يفصح جليا و بشكل واضح عن ذلك القصد ..لانو دي حاجات مبهمة و فيها مساحات واسعه من التاويلات و التخمينات و الشطح الذهني المضطرب...يعني ما حاتقلب حاوي عشان اخش في صدروا واعرف انو هو قاصد كده ولا ماقاصد !!!!!و لنفترض ان يكون هناك من يريد التخريب لبوست او لوجهة نظر ..(عشان نمشي لقدام )... لكن انت ليه بتلغي عقل القارئ او المتابع لاصتراع الاراء ....في ادراك هذه المساله ...مسألة انو في زول جايي يخرب البوست...او جايي يهرج او جايي ينكت ويقول طرفه مثلا يحلّي بيها الكلام الجاف في البوست المعني او المحدد حسب وجهة نظرو ....هل انت بتفترض انو القارئ او المتابع يفتقد لهذا الحس و القدره علي التقدير و تقييم الاشياء حوله مثلا ؟؟؟..ياخي انت كده بتلغي حاجات اساسيه مش في الحوار بس و تحويله لمعركة شخصيه جدا بين نفرين في موقع او منبر عام ... بل انت بكده بتلغي في عقل ادمية البني ادم وبنت حواء وتفكيرم وذكاؤم و قدرتم علي التحليل و الاستبيان في حقائق الاحداث قدامم ...ولن اجانب الصواب اذا قلت ليك انت بتلغيهم هم في زاتم كبشر زيهم زيك في تكوين مفاهيمم الذاتيه و الخاصه بيهم هم عن مجريات الحوار وتقييم الامر حول ما يقرؤون ....فالزبد يذهب جفاء يا صديق و سيبقي في نفس القارئ و المتحاور و المشرف علي البوست ما ينفعهم و ينتفع الناس به معهم ....و تتبلور اراءهم حول ذات المفهوم .. .. مفهوم يذهب الزبد جفا ومن حيث اتي..وفق زاوية شوف كلن علي حده ..اللهم الا يكون انسان غير سوي ....و هذا شان اخر ... باعتبار ان الامر في حالة عدم السواء يتمثل ويؤول الي التلاشي اكثر من تمثله في قله بالضروره لن تكون ذات تاثير علي السويين في الحالتين...وادا كان الامر عكسي فعلي الدنيا السلام ... و في رايي الشخصي ...انو في لحظات محدده من الخلافات الحاده ....يتحول الصراع الي ملاكمه مثيره بين اتنين ... محمد علي كلاي ...و استيف اوستن ..او محمد علي كلاي و محمد علي كلايه...و مباشرة يسقط العام الي قاع سحيق ...ليحل محله الشخصي ...الذي لا يهم القارئ في شئ ...واكثر ما يفعله اما متابعته بازداء و تحسر او بالضحك علي سقوط الطرفين فالملاكمه و رغم وجود جماهير و محبين ليها ...فهي رياضه تبعد قليلا او كثيرا عن المعني الانساني ذهنا و جسدا وايقاعا.و جمالا...و تتحول مجمل القضيه من كونها ثيمه عامه للنقاش و اصطراع و تبادل الافكار و الاراء الي ثيمه خاصه للرجالات الهوائيه كيما يكمل احد الاطراف ما قصُرت عنه الحُجه ايصاله للاخر ...اكمال ذاك القصور بالبنيه و في حالتنا الماثله هنا الان .....سحب المداخلات و مصادرتها ؟؟؟؟؟!!!!!
..
..بعدين كلامك ده ...(.من حق صاحب البوست يقول ليك قول رايك بعيد مني انت غير مرغوب فيك في بوستي ده ) ..كويس...و بتفق معاك...لكن يقولو و يكتبو و يوصل رايو للقارئ في مداخله قايمه بذاتا ...بس كمان يبتعد من التعدي علي راي الاخر و مصادرتو وما يسحب مداخلتو ...يعني يكونو المداخلتين موجودات ...الفال ليهو فيها مداخلتك غير مرغوب فيها و تداخلك في البوست ذاتو غير مرغوب فيهو ....و المداخله المعني بها هذا الكلام و الشخص الاخر الكاتب الكلام.و يُترك للقارئ التمييز وفق النقاش الجاري في البوست ...لانو لو حاول يمنعو من التداخل ما حيكون عندو قدره لذلك طالما الاخر عندو باصويرد ...و هسه انا لو داير اواصل في البوست بتاع ود الباوقه ده ... رغم انو سحب تلاته مداخلات منو ...لاهو ...لا شكارتا دلاكتا ...لا اب صلعه ذاتو حيقدرو يوقفوني ...اللهم إلا يشيل الباصويرد بتاعو او يعمل لي بلوكنج و هذا امر اخر .....ده بالاضافه لانو ...لمن انا اكتب رايي الما عاجبو ده .....ما مشيت خشيت ليهو في بيتو و ضربتو علي ايدو الشمال حناسه...او قلت ليهو هاك ده رايي تقبلو غصبا عنك ....و لا مشيت دقيت ليهو باب بيتم قلت ليهو كرامه لله يا محسن اكتب رايك في حيطة بيتكم عشان انا داير اعارضو و اكتب رايي في نفس حيطة بيتكم ....ده منبر عام ...واسمو كده ....يعني للطير و السابله ...و الطشمنجيه و بتعين الشربوت كان بتفاح الباوقه و لا كان بتمر التيمان ....و بتاع المصحصحين و المتبررين ....و بتاع الفنانين و التشكيلين و بتاع العتاله و العربجيه الخ ..و انت في ديل كووولهم ما بتكون قادر تميز ده من ده وده اصلو وفصلو شنو..و اي زول بيجي يطرح وجهة نظر بيطرحا للعامه و بغرض النقاش و اقناع الاخرين بيها و ده حقو ....لكن كمان ما من حقو ....ياطر العامه و الرجرجه ديل وفق مزاجو ...و وجهة نظرو ...برضو لانو ما حيقدر ...لكن ممكن هو و الرجرجه ديل يلتزموا بالمعايير الاخلاقيه و السلوكيه الخاصه بالكتابه والبيفرضا المنبر علي حدود لوايحو وقوانينو كيفما أُتفق عليها ؟؟؟؟؟؟؟؟!!!!!!... عشان كده انا هنا وباعتباري رجرجه ..في وجهة نظرم طبعا..رغم اني انا زول ما ساهل من وجة نظري ...بس هم ما عارفين ...و الما بعرف يقول بطيخ....عشان كده انامحتج علي واحده من لوايحو السارت عليها الركبان منذ فتره وهي السحب و المصادره

Quote: اها انا اعمل شنو في الحاله دي؟؟؟

ببساطة... أمسح مداخلته :)
تحياتي هلولي
اذكر بكري قال لامن اضاف الخاصية الجديدة انو كدا وضع الإدارة بين يدي الاعضاء عشان اضانه تبرد من الشكاوي و اليابكري الحق و يابكري عوووك
هي زي كل اداة اخرى تقييمها يعتمد على كيف نستخدمها إن بقى بطريقة جيدة ستصير اداة جيدة وإلاّ العكس
زي ما قال لك أحمد, ممكن يأتي من يخرب عليك البوست بكلام خارج سياق موضوعه المطروح او بغبينة قديمة معك او مع غيرك او من يستخدم لفظ خارج او اساءة بالغة لشرف او ذمة عضو آخر
هنا تكون مفيدة باعتبارها كفت المؤمنين شر النقاش و الكوار خارج السياق و حذفها للاساءات الجارحة يعني حاجة كدا زي اماطة الأذى عن طريق المشاركين في البوست زوار و اعضاء
لكن ايضا قد تكون سيئة لو استخدمها صاحب البوست في بتر ما لا يعجبه كدا بس عدم ريدة ساي في الكاتب مثلا او لإفحامه بحجج قوية او غيرها
اها بموازنة الايجابيات و السلبيات مع الأخذ في الاعتبار ان هناك دائما فرصة للمحذوف ليقوم بفتح بوست جديد ويقول رأيه و يصبح هو سيده, ح تلقى ايجابياتها اكثر من سلبياتها في رأيي

حلولي صباحك طيب وحلولي برضو
من الاخر كده بكري بتعامل معانا زي الخواجات ابان عيون خدر قايل الديمقراطية بتاعت الهايد بارك مأصلة فينا
ناسي انو في ناس باوقة والشخصيات القومية الله بسعلك باوقة ده من الله خلقو مسك استيكة في يدو الزول ده ببل اصبعو بي بزاق ويقع في المخالفين ليو مسح لامن يقد الورقة
فشنو احتسب واعرف انو ايو زول حاضر البوست وقرا المداخلات حيلاحظ للاخرام بتاعت اصبع الباوقة والعجب القومية مبسوطة بسطة للحكاية دي فشنو نعمل رابطة بي قسم مغلظ انو مافي زول يمسح مداخلة وكت نبقى زي ناس الهايد بارك الاعراض دي براها بتروح وزي باوقة ده بتلقى في حلقتو نفرين تلاتة رافعين مصابعينوم كوووع هيييع ياااع

غايتو الحركة دي مع الغالبية المنهجا اقصائي فاشلة بكل المقاييس

.

Quote: بعدين ما تصعبها ياخ أقرأ البوست من جديد واتذكر آراءك واكتبها تاني بتجي ياخ .. صدقني بتجي طالما هي آراء مبنية على قراءات .. إلا لو الكتبتو داك كان الهام وقتي

...

...

....الحكايه ما تصعيب و لا تسهيل يا ابو حميد الحكايه حق ....و حقو تنفق اولا في ذلك ...لانو اذا اتفقنا علي انها حق من حقوق العضويه ...لا يكون هناك ضروره رهق و ملل للتكرار وللقرايه من جديد و التذكر و الكتابه مره اخري ..ده بالاضافه لهد كتف حيل المنبر بزياده بوستات كان يمكن ان تُستوعب كمداخلات في البوست الاصل ويثري النقاش حولها بين المختلفين وجها لوجه...لانو هي هي نفس الحكايه بل اكتر وبالا فطالما ممكن اجي بالفه و اقول الداير اقولو ..البمنع شنو و المشكله وينان اقولو عديل وفي مكانو .. ؟؟؟؟ ..دي زي الزول البيضرب تلفون لصاحبو ويسالوا اتاكد انو اضانك في في محلها لانو وباء زوال الاضنين حايم الايام دي...يقوم صاحبو يركب تاكس و يمشي ليو في بيتو ويمسك اضانو اليمين بيدو الشمال و يقول ليهو ياها دي!!!!....اضافه اخري ...ما اعتقد انو الناس متوفر ليها وقت قدر ده لللت و العجن ...لو افترضنا انو متوفر لي انا شخصيا ...
..
..بعدين حقيقة المداخلات الكتبتها انا هناك ..كانت الهام وقتي ...و ما بتجي تاني ...(انت الكلمك منو بالمناسبه دي؟؟) ..لانو اصلي انا كده ....زول ملهم ....و ود شيوخ كمان ...تعرف ... هسه او ل قبل شويه كنت مالي الكباية مويه وخاتيها قدامي في التربيزه وانا بقراء و بكتب.....و فجاة كده عاينت ليها بنظره خاطفه ...و بالخاطره في ذات اللحظه كنت مشتهي لي او في نفسي كباية لبن .... اها الفاها ليك طوالي اتحولت لــ لبن ...مكتظ بالكالسيوم ...وهسه واكيد لو اديتا نظره خاطفه تانيه ...حامشي اجيب عيشتي من المطبخ و احشي سندوتش جبنه لافاش كيري كامل الدسم منها...و العجب لو كان نفسي في شربوت بلموني....المويه حتقلب شمبانيا طوالي...تقولي شيخ بيبسي .. وشربوت الباوقه اللذيذ تفاحا و ما عارف شنو !!!!!!!
.
.و رد و حب مقيم يا جميل

سلام و تحايا لى حلولى الجميل،

تعرف كتير من الناس هنا ما بيحبو قولة الحق ولا بعرفو شنو معنى حوار، والأخطر انو نكران الحق بجى غالباً من ثنائيات او ثلاثيات او أكتر، أول ما تقول النصيحة أو حتى تورد حقيقة علمية و واحد منهم دخل بوستك و ما عجبو كلامك طوالى يبدأ فى العواء ليستدعى البقية و يبدأو فى النهش. و لو حصل خشيت بوست واحد من هذه المجموعات و تداخلت بما لا يرضيه طوالى بيمسح مداخلتك ولو لقى طريقة يمسح مداخلتك الما عجبتو حتى فى بوستات الاخرين.

أي نعم حرية الحوار بتتطلب طول النفس والاستماع لكل الآراء
أي نعم طبيعة منابر الحوار بتلم كل أطياف المجتمع
بس هل إنت مجبر في الحياة الطبيعية على ممارسة الحوار مع كل أطياف المجتمع ؟
يعني لو قاعدين شلة أطباء بتتكلموا عن آخر الأبحاث العلمية لتعويض الانسولين هل حتقبل تدخل العربجي القلتو دة في نقاشكم العلمي لمجرد إنه حبوبته عندها سكري!
ممكن تستمعوا ليه لكن حيعطلكم عن تبادل قراياتكم العلمية حول المؤتمر الطبي الأخير في ذات الموضوع
يبقى عشان ما يصبح المنبر ملجة خدار من حقي أختار المحاور بتاعي
العربجي إذا عاوز يحكي عن حبوبته اللي شفت شفاء كامل من مرض السكري بعد تشوها بالنار في الكريمت يفتح بوست والأطباء ما حيدخلوهو إلا بحذر وممكن ما يدخلهم ذاتو لأنه شيخ الكريمت احسن منهم عالج السكري اللي هم ما بعالجوهو بحسب فهمو

قبل ما أواصل .. فهمت من كلامك إنك ما عندك مشكلة في طرد المحاور بمداخلة بينما مشكلتك في الوسيلة التقنية لتحقيق دة
فهل فهمي دة صاح ولا انت شايف من حق اي زول يقول أي كلام في بوست أي زول حتى لو يضرب تحت الحزام ويستخدم شئون عائلية زي زواج وحفرة دخان وبتاع ؟