يحدث غدا

05:27 AM Nov, 01 2015
سودانيز اون لاين
معاوية الزبير-الدوحة
مكتبتى فى سودانيزاونلاين



غدا يهدأ المطر
تلفظ الأمواجُ الزبد
فترى النهر

النهر النابل من طلق البحر المايل
النهر-الوطن .. القار-الساكن في الأعماق

متئد الخطوة يأتي النهر
يمسح عرق الطلق
يخرج عدة السفر
هيت لك أيها المنتظر
عند الشاطئ
منذ الأزل

بُكره يظهر الناس الوطنيين الحقيقيين من وسط كل هذا السخام
الناس الـ ما باعوا ولا خانوا ولا سرقوا ولا غشوا ولا غاصوا

أما هذه الأصوات العالية الآن -على الأقل ما يصلنا هنا في المنبر وما يصدر عن أعضائه-
باكر بنعرف مين الصادق فيهم ومين الكاذب
ما بنرهق أنفسنا ونرفع ضغطنا بمتابعة أخبارهم وبوستاتهم
ما بنلوّث آذاننا بسماع أفعالهم الليئمة ولا الشتايم الكريهة

بُكره يتخلص نهر الوطنية من كل القاذورات ويصفو
ويمدد شواطئه مطية للواقفين في القيفة
بهم بسواعدهم بفكرهم وعلمهم يشق طريقه نحو الأعالي
التي انتمى إليها دوما

كيف؟ ومن؟

من بين هذي الملايين هناك ملايين الأنقياء المخلصين
سيأتي دورهم حتما وما بتغلبهم الوسيلة لاستعدال الحال المقلوب

الآخ الفاضل معاوية الزبير..

من بين هذي الملايين هناك ملايين الأنقياء المخلصين
سيأتي دورهم حتما وما بتغلبهم الوسيلة لاستعدال الحال المقلوب
..

قلت وقولك الحق..
وما أحوجنا لمثل هذا البلسم..
وسط العواصف الهوجاء التى تهب على وطننا الحبيب..
من كل حدب وصوب..
وبلا رحمة..
بل و اصبح البعض منا مثل القطط...
تأكل بنيها..
يا له من زمن أغبر..
ولكن..
وكما تفضلت..
غدا تشرق الشمس..
ناصعة ودافئة وصحية..

تشكر على هذه الجرعة المعنوية الغالية..
التى نجحت فى رفع معنوياتنا..

Quote: {فَأَمَّا الزبد فَيَذْهَبُ جُفَآءً وَأَمَّا مَا يَنفَعُ الناس فَيَمْكُثُ فِي الأرض}

لا تبتئس يا صديق فإنّ غداً لناظره قريب .
ها قد بدأت الأقنعة تسقط وظهرت الأشباح،
وليس امامنا الآن غير اجسام البغال واحلآم العصافير ...

الأعزاء نور ومعاوية
ما عندي أدنى وهم بخلو أحزابنا وحركاتنا المسلحة ومنظمات مجتمعنا المدني بل ومواطنينا من هذه النماذج الفاسدة
الشر موجود مثلما الخير متوفر إلا أن الأشرار صوتهم أعلى وسلطتهم أقوى وقدرتهم على النفاق لا حدود لها
كل ما في الأمر أن الناس (الآخرين) يحسنون الظن بهؤلاء الفاسدين
ولذلك تصدمهم الحقائق عندما تتكشف ويصيبهم اليأس والإحباط
وهو ما لا ينبغي أن نسمح له أن يحدث أبداً
هذه مسؤولية كبيرة تجاه الناس العاديين
والتصدي لحملها واجب ثقيل لكنه شرف عظيم

Quote: هذه مسؤولية كبيرة تجاه الناس العاديين والتصدي لحملها واجب ثقيل لكنه شرف عظيم

الناس عايزين يختزلوها لينا في النبذ وفاحش القول الذي ولد
مع هذا المنبر، ؤُ ما إتكلمت من زمان مالك ؟، وانا لآمن شتموني
ما جيت نضمت ليه ؟.... وهكذا من فارغ القول .
عموماً المرحلة الآن مرحلة تمايز يا صديق ...

Quote: بُكره يظهر الناس الوطنيين الحقيقيين من وسط كل هذا السخام الناس الـ ما باعوا ولا خانوا ولا سرقوا ولا غشوا ولا غاصوا باكر بنعرف مين الصادق فيهم ومين الكاذب سيأتي دورهم حتما وما بتغلبهم الوسيلة لاستعدال الحال المقلوب

أتأمل. صورة غاتمة غائمة لا أتبين شيا
اري جرحا ينزف قيحا لحظات وسنون
أتلمس نبضا معدوم

اصاب بكم من احباط وقنوط

اتذكر قول الباري
(لا تقنطوا من رحمة الله)

يحدوني املا ان الكرب سوف يزول

اتذكر ان الركب معيته امثالك من رهط طيب وحنون
فتعود لوجهي. بسمته المعهودة
أتيقن ان العدل سوف يسود

يا معاوية يا أخي هذا المنبر ليس الوطن أو قل هو وطن افتراضي ليس إلا .. ولله الحمد
ليس بيننا من لا يحب الخير للبلد ولا يحق لأحدنا أن يتهم الآخر بذلك وهو لا يعرف ما وقر في صدر أخيه
ما يجري من مكاواة وتفاحش في القول وتشفٍ بين الأعضاء يبقى تأثيره هنا مثلما كان منبعه من هنا

ما يجري هنا هو تشفٍ أو انتقام بين أعضاء ولن يتعدى تأثيره إلى أي حتة
مَثَل ذلك بوستات هلال مريخ لم تسجل هدفاً ولم تغير نتيجة
الفرق أن الأولى تدعو المرء للأسف والغم .. والثانية للضحك والمرح
قد يتمنى أحدنا أن يخسر الهلال أو المريخ لكن لن أصدق أن أحدا يتمنى أن يخسر السودان

نكره النظام منطقي جدا، نكره معارضين مبرر جدا
لكن لا أحد يكره الوطن حقيقة
إنما يكره معارضين
و لاحظ الوطن ليس مقابلا للمعارضة
المعارضة مقابل للحكومة
لكن الوطن لا يقابله شيء
إنه وطن وحسب

سلام للاصحاب هنا
غني مارسيل خليفة
سأغني للفرح خلف اجفان العيون الخائفة
فلأن العاصفة
وعدتني بنبيذ وبأنخاب جديدة
وبأقواس قوس قزح
ف شنو يا صاحب
سندق الصخر
ندق الصخر
حتي يخرج الصخر لنا زرعا وخضرة

Quote: هذه مسؤولية كبيرة تجاه الناس العاديين والتصدي لحملها واجب ثقيل لكنه شرف عظيم

ما خاب طنى .. ما خاب ظنى
و انتم اهل هذا البوست .. اهل لها
الفجيعة تسد مسارب الهواء
و الجسد يتلّوى اختناقا
و قبلة الحياة هنا
ما فى الجبة الا الوطن
او كما قال المشّرف
ود الزبير
بت تاور
و د المدير
ود الامام
و اخرين و اخرين كثر نجلّهم و نقدّرهم ونثق فى اخلاصهم
هذا قدركم و انتم لها

Quote: يا معاوية يا أخي هذا المنبر ليس الوطن أو قل هو وطن افتراضي ليس إلا .. ولله الحمد ليس بيننا من لا يحب الخير للبلد ولا يحق لأحدنا أن يتهم الآخر بذلك وهو لا يعرف ما وقر في صدر أخيه ما يجري من مكاواة وتفاحش في القول وتشفٍ بين الأعضاء يبقى تأثيره هنا مثلما كان منبعه من هنا ما يجري هنا هو تشفٍ أو انتقام بين أعضاء ولن يتعدى تأثيره إلى أي حتة مَثَل ذلك بوستات هلال مريخ لم تسجل هدفاً ولم تغير نتيجة الفرق أن الأولى تدعو المرء للأسف والغم .. والثانية للضحك والمرح قد يتمنى أحدنا أن يخسر الهلال أو المريخ لكن لن أصدق أن أحدا يتمنى أن يخسر السودان نكره النظام منطقي جدا، نكره معارضين مبرر جدا لكن لا أحد يكره الوطن حقيقة إنما يكره معارضين و لاحظ الوطن ليس مقابلا للمعارضة المعارضة مقابل للحكومة لكن الوطن لا يقابله شيء إنه وطن وحسب

تعرف يا قريبك نفس محتوى المداخلة دي تقريبا دار في ذهني لما قريت البوست و تعليق ود المدير قبيل الصباح وقلت لما افضى اجي اكتبه
اسي وانا بقرأ فيها و اظل جزء عشان اقتبسه و اضيف عليه تعليقي لقيتني اقتبستها كلها ! وما في شي يضاف عليها
أحييك يا ود الزبيرعلى فهمك الراقي و تقييمك الحقيقي للبورد و الفرز الجيد لما يدور فيه و ما بدور في الواقع

Quote: ليس بيننا من لا يحب الخير للبلد ولا يحق لأحدنا أن يتهم الآخر بذلك وهو لا يعرف ما وقر في صدر أخيه ما يجري من مكاواة وتفاحش في القول وتشفٍ بين الأعضاء يبقى تأثيره هنا مثلما كان منبعه من هنا

ابداً والله يا معاوية ليس كلآمي بإتهام لأحد، أنا مبدئ ثابت وراسخ ان كل من
يدلو بدلوه في شأن الوطن هو يحب الخير للوطن وأهله، تختلف الأيدلوجيات
وتختلف الإنتماءات وتختلف وجهات النظر، وتختلف الأراء وكل يرى مصلحة
الوطن من زاوية مغايرة للأخر وهذا يخلق الحوار ويشحذ الهمم وينمي العقول
ويسمو بالنفوس ويدفع بالوطن للأمام . الذي قصدته مثل هذه المناكفات تفسد
الحوار وتبدد الجهد وتستهلك الوقت دون طائل، وإذا ركنا إليها قطعاً ستتعارض
مع المصلحة العامة .
مبدئي الذي سأظل متمسكاً به ان الكل قلبه علي الوطن ومن هذا المنطلق
اناقش واحاور هنا . المرحلة التي نمر بها الآن لا تتحمل تصفية الحسابات
كدي شوف البوستات التي ظهرت من أجل هذا الشأن ...

Quote: تعرف يا قريبك نفس محتوى المداخلة دي تقريبا دار في ذهني لما قريت البوست و تعليق ود المدير قبيل الصباح وقلت لما افضى اجي اكتبه اسي وانا بقرأ فيها و اظل جزء عشان اقتبسه و اضيف عليه تعليقي لقيتني اقتبستها كلها ! وما في شي يضاف عليها أحييك يا ود الزبيرعلى فهمك الراقي و تقييمك الحقيقي للبورد و الفرز الجيد لما يدور فيه و ما بدور في الواقع

شكراً يا ود البشرى ومنكم نستفيد،
ابداً والله لا اشك ابداً في محبة الجميع للوطن، لكن الناس مضيعة جهدها
في مسألة الإنتصار للنفس لدرجة ان الصراعات اصبحت شخصية وذهبت
بالناس بعيد عن مصلحة البلد ...

Quote: يحدث غدا

غداً نكون كما نود

وغداً حبيبنا الوطن حتماً يعود

في يا معاوية مزدوج وودالبشري
لا يكرهونه ولكنهم لا يحبونه . بل الوطن عندهم مترادفة للمصلحة الشخصية . بعضهم يكتب هنا مدافعا قبل ان يتبين الحقيقة .. يدافع عن الظلم البائن ولا يتعاطف مع الضحية بل ويدينها
بعصهم
بعضهم
من يحب يبذل مافي وسعه ومافي غير وسعه لمن يحب

اتذكر رواية غسان كنفاني .. عائد إلي حيفا
الوطن ليس هو الشجرة المزروعة قدام بيتكم .. ولا راكوبتكم الكنتو بتقيلوا فيها زمان .. الوطن بشر وناس واهل واصحاب وذكريات
ان دافعت عن الجلاد
وعن سارق قوت الاطفال
وعن مهدد امن الناس
وعن من يهرب بحمله ليعمره خارج الوطن
وعن
وعن
فأنت مثله بل اشد سوءا منه .. تراهو هو مستفيد ولو جاطت امورو مرتبة لكن انظر كم ستفقد انت

مضيعة جهدها وين يا ود المدير ؟ موهنا دا
طيب يعني هو الجهد الهنا (الما ضايع) ماش يعمل شنو واثره شنو هنناك في الواقع
يا عزيزي دي اسافير واقع افتراضي, ممكن سيرفر ساي يضرب او بكري تجييه زهجة يسجب البلك كل الجهد دا الضايع و الماضايع يمشي الطرواة في لحظات
الديكتاتوريات الفظيعة الكانت حولنا ما غيرتها بوستات و لا لايكات غيروها المعتصمين في الميادين, غيروها بالهتاف و بالرصاص و بدعم طائرات الناتو :)
الفكرة انه الأسافير مهما قامت وقعدت كسبها محدود ولا يعول عليها (وحدها ) للتتغيير, لذا لا تتعامل معه بالحساسية و الخطورة دي
فزي ما جدها جد أسافير هرجها كذلك , لا تأثير يذكر له على أرض الواقع
فا شنو.. تيك ات ايزي آند انجوي ذا شو :)

سؤال

هل يجب علينا جميعاً ان نحب الوطن كلُ واحد منا يحبه بطريقته الخاصة


ام يجب ان يكون هناك معيار لحب هذا الوطن؟

تعرفناكم هنا اخوان يا ود البشرى،
المودة بيناتكم وبيننا تفرحنا والمناكفة تحزنا . الحياة قصيرة وقد تكون
اقصر من بقاء الأسافير دحين وكت الله جمعنا الجميل بنستفيد منو
والقبيح بيحزنا ويبعزق جزء من عمرنا . أنا عارف الصرح دا حدو
وسطنا لكن من نقاشنا دا كان إستفدنا لرقبتنا دي باقيلك ما خير ؟...

يا زول كان عندي نقة وحساسية مع محمد المسلمي في انت بتأيد الحكومة وما بتأيد الحكومة وعيييك
هسي لينا زي تلاته شهور مما بدت قصة شهاب كل كم يوم بيني وبين المسلمي تلفون وآخر قرقريبه
أسألوا من قروش المكافأة وحق المحامي يقول لي علي الطلاق القروش دي كلها ح ادفعها من جيبي
ولما كلمت أهل شهاب قالوا لي نفس الكلام
--------
اطلعوا من المنبر دا يا ناس وقابلوا بعضكم بره، كان بالتلفون كان فيس تو فيس، يمين تتناسبوا نسب عدييل

عِلا تراجي وياسر عرمان ديل كان اتقابلوا في الجنة، كل واحد يطلع يخليها للتاني

قالوا: احبب حبيبك هوناً ما عسى أن يكون بغيضك يوماً ما
وابغض بغيضك هونا ما عسى أن يكون حبيبك يوما ما

أسامة الإمام يا دكتور يا إنساني
من شدة الوجع قربت تكتب قصيدة، زي حالتي كدا، يمين داير ابدأ البوست لقيتو بقى في شكل قصيدة
شوف، ما يحز في نفسي (كخمسيني ابن هرمة) إننا ما حا نقدر نسلّم الأجيال الصاعدة وطن يشبه الوطن الذي ورثناه ممن سبقونا
على الأقل كان نسلمهم نفس الوطن طالما فشلنا في تطويره مع تطور العالم من حولنا
نريد أن نحفظ ماء الوجه أمامهم
لكن "بكرة تتحقق أماني"
وبرضو "بكرة تلقى الدنيا بي خيرها ونعيمها"

الوطن يحدث وسط الدمن يا صديقي
.
.
.


الوطن لا يشبه إلا الأرواح النبيلة
وإليها وبها تكوّن

Quote: يا زول كان عندي نقة وحساسية مع محمد المسلمي في انت بتأيد الحكومة وما بتأيد الحكومة وعيييك هسي لينا زي تلاته شهور مما بدت قصة شهاب كل كم يوم بيني وبين المسلمي تلفون وآخر قرقريبه أسألوا من قروش المكافأة وحق المحامي يقول لي علي الطلاق القروش دي كلها ح ادفعها من جيبي ولما كلمت أهل شهاب قالوا لي نفس الكلام

شُفت كيف ؟،
كدي خلي بكري يفك البلك نشوفوا حا يعمل ديسكونكت للعلآقات دي، واللآ
حا يمنعني كان مشيت الدوحة اصلك، واللآ اصل ود البشرى لو مشيت
الأمارات ؟.

Quote: يا عزيزي دي اسافير واقع افتراضي,

Quote: لذا لا تتعامل معه بالحساسية و الخطورة دي

إذا لماذا وليد الحسين قيد الإعتقال ؟ ولماذا أختفى آخرون فجأة ؟

تحياتي أستاذ محمد البشرى . حقيقي أتمنى أن يكون رأيك هو الأصح .

تحياتي أستاذ معاوية الزبير

غدا سيكون الحال مختلف مثل المانيا بعد هتلر أو إسبانيا بعد فرانكو تونس بعد بن علي أو ...أمثلة أخرى لا تحضرني الآن .

Quote: الوطن يحدث وسط الدمن يا صديقي

حكمة والله .

سلمت يا صديق ...

Quote: في يا معاوية مزدوج وودالبشري لا يكرهونه ولكنهم لا يحبونه . بل الوطن عندهم مترادفة للمصلحة الشخصية . بعضهم يكتب هنا مدافعا قبل ان يتبين الحقيقة .. يدافع عن الظلم البائن ولا يتعاطف مع الضحية بل ويدينها بعصهم بعضهم من يحب يبذل مافي وسعه ومافي غير وسعه لمن يحب

بالتأكيد يوجد بعضهم يا عبد الحفيظ، عشان كدا أنا كتبت في أول رد

Quote: ما عندي أدنى وهم بخلو أحزابنا وحركاتنا المسلحة ومنظمات مجتمعنا المدني بل ومواطنينا من هذه النماذج الفاسدة الشر موجود مثلما الخير متوفر إلا أن الأشرار صوتهم أعلى وسلطتهم أقوى وقدرتهم على النفاق لا حدود لها

لكنهم استثناء وُجِدوا ليؤكدوا القاعدة، أما البقية التي نظن بها الظنون فلها حسابات خاصة، أسوأها الانتصار للذات.
سندق الصخر، نعم يا حبيب، لكن بالنسبة لينا بعد دا إلا بالأفكار

Quote: ما خاب طنى .. ما خاب ظنى و انتم اهل هذا البوست .. اهل لها الفجيعة تسد مسارب الهواء و الجسد يتلّوى اختناقا و قبلة الحياة هنا ما فى الجبة الا الوطن او كما قال المشّرف

أبداً والله يا جلالدونا ولو فتشت أرشيفنا بتلقانا غلطنا هنا وصفينا حساب تارة وانتصرنا لذاتنا هناك
إنه الغضب والحنق والغيظ ممن تظنهم يكرهون الوطن
لكن ساعات الجد ووأوقات صحيان الضمير وكنت تفضّل الوطن على ذاتك
لا تملك وقتئذ إلا أن تكون نفسك و نفسك براااك بدون أي آخرين خاصة الناس الكعبين بالجد

الرفيق .. الحبيب .. العزيز .. العظيم .. السمح .. ود الزبير .

لك تحياتي ومزيد احتراماتي .. وتالله بكيت بهذه العبارة التي ردي عليها من ايمانياتي ومسلماتي .

Quote: بُكره يظهر الناس الوطنيين الحقيقيين من وسط كل هذا السخام الناس الـ ما باعوا ولا خانوا ولا سرقوا ولا غشوا ولا غاصوا

وغدآ لناطره قريب .

والتحية لجميع الشرفاء العابرون .


**************
احبك يا وطني
اريدك يا وطني .

يا ود الزبير صدقني صحوة الضمير البتفتش ليها دي صعب جدا
تظهر في الوقت القريب ... الوسخ المتراكم على النفوس والقلوب
عايز ليهو سنين عشان ينضف .. غايتو عول على جيل 2005 واتا
طالع .. مع احترامي وتقديري لبعض الإشراقات الحالية ..

والله لمّا قريت جيل 2005 دي قلت طلحة دا جنّ! الناس ديل ما ياهن قاعدين معانا في المنبر دا
اختلطت علينا الأعمار ياخ
بس اوعى تسوقوهم تودوهم أشبال المريخ وتبوظوهم لينا
الوطن راجيهم
لكن يا حبيب القدوة وين؟ النشء ببقى بلا قدوة؟!

Quote: تعرفناكم هنا اخوان يا ود البشرى

وخوتك يا ود المدير تاج نتشرف بيها
لكن يبدو أننا على صفحات مختلفة , انا فهمت البوست وعلّقت على اساس أن ما يجري هنا مؤخرا مقروء مع نزاع رئاسة الثورية سبب إحباط للناس المنتظرة التغيير
فكلامي انه ما يجري هنا تأثيره يكاد يكون معدوم على ارض الواقع على الصعيد العام, ما قصدت العلاقات الشخصية وكدا

وعليكم السلام استاذة نعمات

Quote: إذا لماذا وليد الحسين قيد الإعتقال ؟ ولماذا أختفى آخرون فجأة ؟

نعم وانا اسأل معك, وليد الحسين مشرف و مسؤول الدعم الفني للراكوبة ولم يعرف عنه الكتابة فيها
وباعتقاله لمم تتوقف الراكوبة , توقف المنتدى فترة ثم عاد أخيرا, يبقى دا سؤال في محله, لماذا اعتقل وليد الحسين؟ وحقيقة أمر غريب ان يظل حتى سبب الإعتقال مجهول كل هذه الفترة
لكن الواضح - بالنسبة لي على الأقل - أن لا علاقة له بالكتابة في الأسافير
امّا من اختفوا فجأة فا علمي علمك لا استطيع الإفادة في هذا الأمر

بالنسبة لأهمية الأسافير وتأثيرها مقارنة بالصحف مثلا أنت يا استاذة نعمات ست العارفين بالفرق و الدليل كثير من الأخبار و المقالات التي تثرين بها البورد نقلا عن صحافة الخرطوم

Quote: تعرف يا قريبك نفس محتوى المداخلة دي تقريبا دار في ذهني لما قريت البوست و تعليق ود المدير قبيل الصباح وقلت لما افضى اجي اكتبه اسي وانا بقرأ فيها و اظلل جزء عشان اقتبسه و اضيف عليه تعليقي لقيتني اقتبستها كلها ! وما في شي يضاف عليها أحييك يا ود الزبير على فهمك الراقي و تقييمك الحقيقي للبورد و الفرز الجيد لما يدور فيه و ما يدور في الواقع

والله دا كلام كويس يا ود البشرى
أقصد لمّا يلتقي الرمادي بالأبيض تطلع حاجة زي لون السحابة الرااحلة
يا شاب والله ما جايبه همها .. كم من جهود تُستنزَف في المماحكات وكم من ضغائن لا تورِّث سوى المرض
وفي النهاية الكل متمترس في مكانه كأن لا أذن سمعت ولا عين رأت ولا تَفكرَ عقلٌ
ممارسة السياسة بمعناها الحرفي أصبحت -أو هي أصلا- مستحيلة في هذا المنبر
دعونا نستغل هذا المنبر بإمكانيات أفراده لتقديم خدمات للوطن والمواطن المغلوبيْن على أمرهما
ونشتغل السياسة في السر !! هو من متين كانت السياسة جهرا كدا ؟

.
كفرتُ بالأقلامِ والدفاتِرْ
كفرتُ بالفصحى التي
تحبلُ وهيَ عاقِرْ
كفرتُ بالشِّعر الذي
لا يوقِفُ الظلمَ ولا يُحرِّك الضمائرْ
لعنتُ كلَّ كلمةٍ لم تنطلِق من بعدها مسيره
ولم يخُط الشعبُ من آثارها مصيره
لعنتُ كل شاعرْ
يستلهِمٌ الدمعةَ خمرا
والأسى صبابةً
والموتُ قشعريرةً
لعنتُ كُلَّ شاعِرْ
يُغازِلُ الشِّفاهَ والأثداءَ والضفائرْ
في زمنِ الكِلابَ والمخافِر
ولا يرى فوهةَ بندقية
حين يرى الشِّفاهَ مُستجيرة !
ولا يرى رُمانةً ناسِفةً
حين برى الأثداءَ مُستديره
ولا يرى مِشنقةً
حين يرى الضفيرة !

في زمنِ الآتينَ للحُكمِ
على دبابةٍ أجيرهْ
أو ناقةَ العشيرة
لعنتُ كُلَّ شاعِر
لا يقتني قُنبلةً
كي يكتُبَ القصيدةَ الأخيرهْ

........................................أحمد مطر

وطني اُحِبُكَ لابديل
أتريدُ من قولي دليل
سيضلُ حُبك في دمي
لا لن أحيد ولن أميل
سيضلُ ذِكرُكَ في فمي
ووصيتي في كل جيل
حُبُ الوطن ليسَ إدعاء
حُبُ الوطن عملٌ ثقيل
ودليلُ حُبي يا بلادي
سيشهد به الزمنُ الطويل
فأ نا أُجاهِدُ صابراً
لاِحُققَ الهدفَ النبيل
عمري سأعملُ مُخلِصا
يُعطي ولن اُصبح بخيل
وطني يامأوى الطفوله
علمتني الخلقُ الاصيل
قسما بمن فطر السماء
ألا اُفرِِ ِطَ َ في الجميل
فأنا السلاحُ المُنفجِر
في وجهِ حاقد أو عميل
وأنا اللهيب ُ المشتعل
لِكُلِ ساقط أو دخيل
سأكونُ سيفا قاطعا
فأنا شجاعٌ لاذليل
عهدُ عليا يا وطن
نذرٌ عليا ياجليل
سأكون ناصح ُمؤتمن
لِكُلِ من عشِقَ الرحيل
"منقول"

سيذهب الزبد جفاء بإذن الله يا معاوية لسة في ناس كويسين
فلا تأبه بضجيج الأسافير دا

قلت أألف لي قصيدة أحصل بيها مولد التجلي دا وأجامل بيها معاوية:
مهما هم تأخروا فإنهم يأتون
من درب تواوا
أو من جبل مرّة
باقة أنبياء
ليست لهم غبينة
وكلهم أنقياء
يأتون في دموع أمهاتنا
يأتون مثل المطر من السماء

موش لو جوا انبياء من السماء
لو مكثوا كنوح ألف عام
برضو ح يكتشوا انهم كذبة ساكت
كما تنبأ الطيب صالح على لسان الراوي
الراوي وليس مصطفى سعيد
مفهوم
مفهوم
تلقاهم مصدقين انو نوح مكث ألف عام!!
مساكين!!!
المهم كلوا قدر والمكتوب في الجبين لا بد تشوفو العين
وتجري جري الوحوش
غير رزقك ما بتحوش
والرزق بنزل مقسم للبجاهد والمعسم
والله ما شقالو حنكن ضيعو
طيب حنك المجاعات دي شقاهو منو؟!

Quote: غداً نكون كما نود وغداً حبيبنا الوطن حتماً يعود

Quote: سؤال هل يجب علينا جميعاً ان نحب الوطن كلُ واحد منا يحبه بطريقته الخاصة ام يجب ان يكون هناك معيار لحب هذا الوطن؟

هيثم يا غالي، لو اكتفيت بمداخلتك الأولى كان ريّحتنا من سؤالك الصعب دا.
لكن مبدئيا أقول ليك:
كل زول يحبه بطريقته الخاصة على ألا يخونه
أصلو الحب والخيانة ما بجتمعوا

العمل السياسي ليس نزهة ..
بل عمل ونشاط منتبه ويقظ ..
شغلونا بالخلاف التنظيمي بين عضوية الحركة الثورية .في الخارج .
وزخم حوارات الداخل الذي يعملون من داخله لانجاز مشروعهم الخالف ..
العمل السياسي يخطط له الاذكياء ويبرزه الثوار ويقوده المتحمسون ويدرك نتائجه الغافلون بعد فوات الأوان ..

خطأ مطبعي.

Quote: الوطن لا يشبه إلا الأرواح النبيلة وإليها وبها تكوّن

عزيزي بلة الفاضل جدا، الوطن الآن معلق ما بين الذرى والسفوح
والأرواح النبيلة شبكة أمان تحول دونه والسقوط

Quote: غدا سيكون الحال مختلف مثل المانيا بعد هتلر أو إسبانيا بعد فرانكو تونس بعد بن علي أو ...أمثلة أخرى لا تحضرني الآن .

وغدا يكتبُ شعبُ دولة أخرى مقهورة: والسودان بعد البشير.
أشكرك يا نعمات

Quote: لك تحياتي ومزيد احتراماتي .. وتالله بكيت بهذه العبارة التي ردي عليها من ايمانياتي ومسلماتي . Quote: بُكره يظهر الناس الوطنيين الحقيقيين من وسط كل هذا السخام الناس الـ ما باعوا ولا خانوا ولا سرقوا ولا غشوا ولا غاصوا وغدآ لناطره قريب .

العزيزة بت نفيسة، صحيح الليل الظالم طوّل لكن 26 عاما أو 30 ليست أكثر من لمحة ومضة نقطة في بحر التاريخ الهادر منذ ملايين السنين
هذه السنين القبيحة ربما لا تتكرم عليها كتب التاريخ بأكثر من سطر خجول أو ربما جملة متأففة
لكن أكيد ستسهب كتب التاريخ نفسها في وصف المستقبل الباهر الذي سيكونه السودان بعد ذاك

أنا ممتن لكلماتك النبيلة

Quote: لك تحياتي ومزيد احتراماتي .. وتالله بكيت بهذه العبارة التي ردي عليها من ايمانياتي ومسلماتي . Quote: بُكره يظهر الناس الوطنيين الحقيقيين من وسط كل هذا السخام الناس الـ ما باعوا ولا خانوا ولا سرقوا ولا غشوا ولا غاصوا وغدآ لناطره قريب .

العزيزة بت نفيسة، صحيح الليل الظالم طوّل لكن 26 عاما أو 30 ليست أكثر من لمحة ومضة نقطة في بحر التاريخ الهادر منذ ملايين السنين
هذه السنين القبيحة ربما لا تتكرم عليها كتب التاريخ بأكثر من سطر خجول أو ربما جملة متأففة
لكن أكيد ستسهب كتب التاريخ نفسها في وصف المستقبل الباهر الذي سيكونه السودان بعد ذاك

أنا ممتن لكلماتك النبيلة

Quote: لكن مبدئيا أقول ليك: كل زول يحبه بطريقته الخاصة على ألا يخونه أصلو الحب والخيانة ما بجتمعوا

سلامات وعوافي عليك يا معاوية

مسألة حب الوطن كلٌ على طريقته دي يا معاوية فيها مشكلة كبيرة وتقريباً هي سبب العوة والعكة الحاصلة في المنبر دا

لانو كل واحد شايف انو طريقتو هي الصحيحة واي طريقة غيرها عبارة عن خيانة للوطن

اذا اخدنا زميل المنبر كمال فرانكلي كمثال فهو يضع صورة في بروفايلو مكتوب عليها ( شكراً ان جعلت انفصال الجنوب ممكناً)

وتوقيعه اسفل مداخلاته (احبك يا سودان) اها تصريف حب من النوع دا شنو؟؟

لا اظن ان هناك سبيل لوضع معيار يحدد كيفية حب الوطن وأيضا لا سبيل لاعتراض افراد او جماعات على طريقة حب الوطن لجماعات وافراد اخرين

الا عبر هذه المناكفات والنقاشات التي تحتد حتى تصل مرحلة الشتائم وتشابك الايدي ثم الحروب

بربكم هل يمكن تفسير مثل هذه الممارسات حباً للوطن؟

Quote: أسامة الإمام يا دكتور يا إنساني من شدة الوجع قربت تكتب قصيدة، زي حالتي كدا،

هههههههههههههه
وابقي شاعر ابقي فنان للحروف

شاعر بمصيبة جايا لي
يا لطيف يا لطيف يا لطيف

،،،،،،،
وطن يموت فيه الشعور بالاخر ترتفع إلانا تتحكر في مكان علي
يسود قانون الغاب
الضعيف يقع والسمين يقيف
يموت كل ما هو طيب واصيل
يستبدل بالزيف والرياء والفجور

ما عندنا حل الا الأمل الأخضر
انو بكرة يكون احلي وانضر

عطفا علي رد هيثم
في رد بالعو عشان ما اكون انا مشاتر اول وتاني
والرد بخصوص رد معاوية اي زول بحب علي كيفو
قال مارك توين اظنه
لا تعامل الناس بمثل ما تحب ان يعاملوك به فقد تختلف الامزجة

Quote: قلت أألف لي قصيدة أحصل بيها مولد التجلي دا وأجامل بيها معاوية:

إنت ما تبالغ كمان ...

الأعزاء
ود المكي
حمد عبد الغفار
أبوبكر عباس
أشكركم على جلب هذه القصائد الموحية بكل ما تحمله من ألم ومن أمل

Quote: كفرتُ بالشِّعر الذي لا يوقِفُ الظلمَ ولا يُحرِّك الضمائرْ

شكرا أحمد مطر
-----------

Quote: سيذهب الزبد جفاء بإذن الله يا معاوية لسة في ناس كويسين فلا تأبه بضجيج الأسافير دا

هؤلاء المجرمون يا حمد لا يساوون 1% من أهل البلد لكنهم مستمرون في الحكم والمعارضة بقوة الدين المزور والسلاح الفاسد المفسد
-----------
أبكر

Quote: مهما هم تأخروا فإنهم يأتون من درب تواوا أو من جبل مرّة باقة أنبياء ليست لهم غبينة وكلهم أنقياء يأتون في دموع أمهاتنا يأتون مثل المطر من السماء

صدّق إنهم يفجون الأعماق الآن وسيصلون في الوقت المناسب
لا رومانسية ولا حاجة والله

Quote: العمل السياسي يخطط له الاذكياء ويبرزه الثوار ويقوده المتحمسون ويدرك نتائجه الغافلون بعد فوات الأوان ..

السلام لمولانا الملك
قبل كدا كتبت هنا ما سمعته من الراحل نقد ولن أمَلَّ من تكراره (هو أقل من فلاسفة العالم في شنو؟)
قال
الناس دايما بتخيلوا إنو هناك آخرين يؤدون المهمة
والمشكلة إنو أولئك الآخرين أيضا يعتقدون أن آخرين غيرهم يؤدون المهمة
وهكذا تظل المهام بلا مؤدين

طبعا دا مضمون كلام الأستاذ وليس حرفيا
وإذا عدّلنا فيه ممكن نقول إنو مشكلتنا أن الذين يقومون بالمهمة لا يحسنون الأداء
وإلا لما كانت هذه الخيبة التي تميز أعمال حركاتنا المسلحة وأحزابنا السياسية ومنظمات المجتمع المدني

مافي قدامنا غير نتولى المهمة بأنفسنا