Post: #1
Title: كويس إنك ما بترص البوستات يا زهير
Author: سيف اليزل سعد عمر
Date: 10-26-2015, 11:37 PM
Parent: #0
10:37 PM Oct, 27 2015
سودانيز اون لاين
سيف اليزل سعد عمر-
مكتبتى فى سودانيزاونلاين
يا زهير كويس إنك ما بترص البوستات تحت بعض...
خلاف كده بتقدم خدمات إخبارية ممتازة...
بس عزل لينا الحاجات الغلاد الغلاد.
حصيلة اليوم 20 بوست
|
Post: #2
Title: Re: كويس إنك ما بترص البوستات يا زهير
Author: Hani Arabi Mohamed
Date: 10-26-2015, 11:40 PM
Parent: #1
زهير بيشتغل حسب المزاج
كيفك يا سيف ؟ ان شاء الله بخير ؟
|
Post: #3
Title: Re: كويس إنك ما بترص البوستات يا زهير
Author: سيف اليزل سعد عمر
Date: 10-26-2015, 11:46 PM
Parent: #2
| Quote: زهير بيشتغل حسب المزاج |
الليلة مزاجو رايق.....
تسلم يا هانئ
|
Post: #4
Title: Re: كويس إنك ما بترص البوستات يا زهير
Author: حاتم إبراهيم
Date: 10-27-2015, 05:03 AM
Parent: #1
| Quote: يا زهير كويس إنك ما بترص البوستات تحت بعض... |
| هو في الحقيقة حريص على رصها | سلام، تعرف أنا بصدد عمل بحث في الظاهرة الفريدة دي.
في الأول بداها جادات قام بكري شكمو باربعة مداخلات، أظنو نقنق واسترحم عملوها ليهو ستة، هسع داك ياهو رجع لنفس العادة بدون أي اعتبار.
دلوقتي الحالة مسكت زهير وشغال بنفس الطريقة
هشام هباني الحالة بتجيهو في شكل نوبات.
___________
الناس ديل بيذكروني طرفة الراعي الكان بيجمع الصلوات كلها في العشاء طقة واحدة 17 ركعة.
سألوهوا ليه يافلان بتأخر الوقت وتجمع الصلوات؟
قال: عشان لما يرفعوها السماء يمشن كتار لمن الملايكة يقولوا (زحوا زحوا ديل صلوات فلان جن).
طبعاً دا فهم الرواعية، كل ما كترت بهايمك استحوذت على اهتمام وتقدير أكبر. |
|
Post: #5
Title: Re: كويس إنك ما بترص البوستات يا زهير
Author: ايمن الصادق
Date: 10-27-2015, 05:48 AM
Parent: #4
صباحاتك عزيزنا سيف ، والاخوة المتداخلين .
| Quote: هشام هباني الحالة بتجيهو في شكل نوبات. |
الناظر هباني بيرصهن مرات سته مع بعض .
|
Post: #6
Title: Re: كويس إنك ما بترص البوستات يا زهير
Author: سيف اليزل سعد عمر
Date: 10-27-2015, 07:19 AM
Parent: #5
| Quote: هشام هباني الحالة بتجيهو في شكل نوبات. |
إذا زهير حالتوا بتاعة (مزاجات) وهشام هبانى في شكل (نوبات)، جادات حالته تكون بتاعة (فبركات) من fabrication
بخصوص رصة البوستات دي أظرف بوست كان ليحيى قباني قال:
يا جادات يجي أمريكا يا هشام يمشي قطر
لو زهير كان برص برضوا ما كان لقيت فرقا
مساهمتي في دارستك يا حاتم السطور دي:
زهير بنقل الخبر البشفوا هو مهم من غير ما يقول رأيو في الخبر. مرات ممكن يوريك المصدر ومرات ما بوريك المصدر. لو في واحد من البوستات وجد اهتمام احتمال زهير يجي راجع بمداخلة يقول رأيو. عنده مقالات حقتوا ملك وفيه كثير من الجرأة والشجاعة إذا كان مزاجه رايق.
هشام هبانى بكتب رأيو هو في قضية محددة وبصر علي أن يرفع بوستاته عشان الناس تعرف رأيه.
جادات بنقل اية حاجة وبنظر فيها وزي ما تجي تجي الباقي بتموا غلاط.
|
Post: #7
Title: Re: كويس إنك ما بترص البوستات يا زهير
Author: حاتم إبراهيم
Date: 10-27-2015, 08:42 AM
Parent: #1
| جادات | زهير | هباني | | | الكمية | | 20 على الأقل لا تحدها إلا الكوتة | المتوسط 10 يمكن أن تزيد إلى 15 | المتوسط 4 تزيد أحيانا إلى 6 | | | مواعيد هجمة الرص | | 6:00 مساء بتوقيت الخليج، أو الثالثة بعد الظهر بتوقيت غرينتش | | | | الغرض من الرص | | تسهيل مراقبة مؤشرات القراءة والمقارنة بينها لانتخاب أعلاها للرص المستقبلي ضمن الكوتة | لا يوجد غرض واضح سوى وضعها في الصفحة الأولى | لا يوجد غرض واضح سوى وضعها في الصفحة الأولى | | اختيار الموضوع | | مواضيع الإثارة في مناحي عدة | بنقل الخبر البشفوا هو مهم من غير ما يقول رأيو في الخبر | عادة هو مبتدر الموضوع مع دعمه بمواضيع ذات علاقة بأفراد أو قضايا ذات طابع اقتصادي أو سياسي | | | | | | التوثيق | | المصادر عادة الفيسبوك والواتساب وأخرى | مرات ممكن يوريك المصدر ومرات ما بوريك المصدر | مصادره غامضة | | | | | | الاهتمامات | | الأحداث السياسية والاجتماعية والدينية | متنوعة، ثقافية ورياضية وأحياناً سياسية | سياسية دائماً | | عنده مقالات حقتوا ملك وفيه كثير من الجرأة والشجاعة إذا كان مزاجه رايق | بكتب رأيو هو في قضية محددة وبصر علي أن يرفع بوستاته عشان الناس تعرف رأيه | | | الاستايل ورد الفعل | | بنقل اية حاجة وبنظر فيها وزي ما تجي تجي الباقي بتموا غلاط | لو في واحد من البوستات وجد اهتمام احتمال زهير يجي راجع بمداخلة يقول رأيو | | | | يهتم فقط في حالة الردود المعارضة | لا يهتم إلا نادراً | يهتم بالردود وبرفع البوست | | يرفع البوست برد غاضب عادة | يترك البوست للآخرين | يرفع بنقطة | | حريص لدرجة الهوس بالرص بفروقات لا تتجاوز 10 ثواني | يرص بفروقات في المتوسط دقيقة واحدة | لا يهتم بالرص كثيراً لكن تخدمه فروقات التوقيت |
|
Post: #8
Title: Re: كويس إنك ما بترص البوستات يا زهير
Author: حاتم إبراهيم
Date: 10-27-2015, 08:48 AM
Parent: #1
| أظن كدة ما ظلمنا واحد | دائماً من الأفضل نخت الحقائق ونبدأ التحليل بعد داك.
مطلوب مشاركات المراقبين والمحللاتية.
وأصحاب الشأن. |
|
Post: #9
Title: Re: كويس إنك ما بترص البوستات يا زهير
Author: سيف اليزل سعد عمر
Date: 10-27-2015, 10:02 AM
Parent: #8
| Quote: بنقل اية حاجة وبنظر فيها وزي ما تجي تجي الباقي بتموا غلاط |
شغل منظم تمام يا حاتم..
بس الاقتباس الفوق ده حق جادات
|
Post: #10
Title: Re: كويس إنك ما بترص البوستات يا زهير
Author: الطيب عباس
Date: 10-27-2015, 11:03 AM
Parent: #1
Quote: بس عزل لينا الحاجات الغلاد الغلاد.
حصيلة اليوم 20 بوست |
سلامات يا سيف
الرصه شنو هسع ..
|
Post: #12
Title: Re: كويس إنك ما بترص البوستات يا زهير
Author: سيف اليزل سعد عمر
Date: 10-27-2015, 01:45 PM
Parent: #11
يا الطيب سلام
عشرين بوست في الصفحة الاولي لكن ما مرصوصات تحت بعض..
|
Post: #13
Title: Re: كويس إنك ما بترص البوستات يا زهير
Author: عبدالحفيظ ابوسن
Date: 10-27-2015, 01:56 PM
Parent: #12
سلام للجميع
قبل كدة سألت
Re: كيف تموت البوستاتRe: كيف تموت البوستات
كيف تموت البوستات
ف مرات تقديرك للبوست انو هام جدا . ولكن لا يتداخل فيه احد لرفعه . ف شنو يعني تقوم ترفعو متوهما عدم رؤية الناس ليهو
اكيد في لحظة بتعرف فيها حشرجة وخراج روح البوست وهو لم يزل رضيعا لم يدخله احد . الاسلم تخليهو وتنسي امرو
عندي قناعة راسخة ناس سودانيز قرايين بقرو كل بوست وندر ان يفلت منهم بوست
|
Post: #14
Title: Re: كويس إنك ما بترص البوستات يا زهير
Author: حاتم إبراهيم
Date: 10-27-2015, 03:18 PM
Parent: #1
| Quote: ف مرات تقديرك للبوست انو هام جدا . ولكن لا يتداخل فيه احد لرفعه . ف شنو يعني تقوم ترفعو متوهما عدم رؤية الناس ليهو |
| الدوافع تختلف | مثلاً العينة المرصودة في الجدول الفوق دي فيها من يفرح فقط بزيادة أرقام المشاهدة، وفيها من يحب مشاركة الناس إعجابه بخبر غض النظر عن اهتماماتهم أو شاهدوه أو لا، وفيها ايضاً من يصر على إقحام الناس في مواضيع يراها ضرورية في الحياة العامة.
أما مسألة قياس قبول الناس للبوست أو تفاعلهم معه بالكتابة والمداخلات فمن الواضح أنها لا تهم أي منهم.
________
هناك آخرون يعتمدون التكرار الموضوعي في بوستات تأتي بعناوين مختلفة. |
|
Post: #15
Title: Re: كويس إنك ما بترص البوستات يا زهير
Author: سيف اليزل سعد عمر
Date: 10-27-2015, 06:48 PM
Parent: #14
| Quote: ف مرات تقديرك للبوست انو هام جدا . ولكن لا يتداخل فيه احد لرفعه . ف شنو يعني تقوم ترفعو متوهما عدم رؤية الناس ليهو |
بتذكر البوست جيدا يا عبد الحفيظ..
البوستات أنواع..في بوست خبر وممكن يكون خبر طازة أو خبر منقول من مصدر إعلامي معروف. وفي بوستات آراء شخصية تناقش قضايا عامة...وغيرها من الأنواع.
اخونا زهير بحب يخلي الناس updated ودي حاجة كويسة لكن مرات بكتر المحلبية..
|
Post: #16
Title: Re: كويس إنك ما بترص البوستات يا زهير
Author: حاتم إبراهيم
Date: 12-06-2015, 01:57 PM
Parent: #1
| الرد الرد الرص الرص | | انتو أنا زي الشفت لي هيئة ولا مؤسسة باسم- جمعية مكافحة رص البوستات- أو جمعية محاربة البوستات الضارةالناس ديل الكشف بتاعهم ماسكو منو؟ |
|
Post: #17
Title: Re: كويس إنك ما بترص البوستات يا زهير
Author: عبدالعزيز الفاضلابى
Date: 12-06-2015, 04:32 PM
Parent: #16
| Quote: انتو أنا زي الشفت لي هيئة ولا مؤسسة باسم- جمعية مكافحة رص البوستات- أو جمعية محاربة البوستات الضارةالناس ديل الكشف بتاعهم ماسكو منو؟ |
هههههههه ياحاتم انت زول مسنوح ضحكتنىالكشف ده ماسكو انا فلما زهجت من حكاية رص البوستات دىختفت ماوسى لى عند كنتين بكرى القديم الكائن فى الصفحة الأخيرةوبقيت اغرِف من قعر الحلَّة واخُت فوق الوش وكنت زعلان من حكايةالرَّص دى عشان كدى كنت بغرف من طرف بدون ما اعاين للعنوانبس بعاين للإسم كان بقا واحد من التلاتة ديل مابغرفو . اها من الزعلرفعت لى بوست لود الزبير بدون ما اقرأ الموضوع طلع نعى بتاع اعز اصحابو مضى عام على وفاته فزعلت على تجديد احزانه وجمدت نشاط الجمعية.الذ حاجة لما مشيت للصفحة الأخيرة عشان ارفع البوستات الـ فيهالقيت آخر بوست باسم صلاح جادات ,, قلت الزول ده إندَفَقْ ولَّا شنو؟
|
Post: #18
Title: Re: كويس إنك ما بترص البوستات يا زهير
Author: حاتم إبراهيم
Date: 12-06-2015, 04:41 PM
Parent: #1
| Quote: الكشف ده ماسكو انا فلما زهجت من حكاية رص البوستات دى |
| ياخي ديل سممونا بالرص | | اكتب عندك، حاتم إبراهيم.___ولو في أي تبرعات نجيب زول هكر يتفرغ يشتت شملهم أنا جاهز. |
|
Post: #19
Title: Re: كويس إنك ما بترص البوستات يا زهير
Author: عبدالعزيز الفاضلابى
Date: 12-07-2015, 08:32 PM
Parent: #18
| Quote: ولو في أي تبرعات نجيب زول هكر يتفرغ يشتت شملهم أنا جاهز. |
سلام ياحاتم ,,ديل مش لو جبت ليهم هكر,, لو بَرَّكْتَ ليهم فكى ماعندهم حلياخ بكرى زاتو قال الروب .
|
|