تقرأ الكيبورد المبدع أو الكتبة الكتابون ومنهم : *أصحاب البوستات الممتعة *المداخلات الرشيقة لكنها سمينة *الردود الذكية المقنعة ومنهم : *المفحمون بحزم أو لطف *المراوغون المهرة *أصحاب الطرفة والنكتة *وناس البديهة الحاضرة . وكذلك *عاشقو الآكشن من دون تعويق أو تعوير *ويندرج تحت هولاء *المزرزرون المحاصرون *صانعو اللعب أو الباصات المقشرة و*العكاليت اللاواييق فوق البيعة. يتبع .....
Post: #2 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-24-2015, 06:28 PM Parent: #1
أصحاب البوستات الممتعة يندرج تحتهم بتاعين البوستات المفيدة فكرة، خبر طازج، نقاد الخ الخ أرشح عنهم من وجهة نظر خاصة وبعد متابعة أزعم أنها متأنية وطويلة من دون ترتيب : تاج السر الملك (رد الله غربته) عليش الريدة Dahab Telbo درديري كباشي بلة محمد الفاضل shaheen shaheen ول أبا Kabar نصار محمد أبو جودة حاتم إبراهيم معاوية المدير نعمات عماد
التعديل لأن الضاد فوق الشين مباشرة كما أرادها الصنع الكيبورد
Post: #3 Title: Re: أصحاب الحنك السنين بالمنبر ( من كل شجرة ثم� Author: صديق مهدى على Date: 10-24-2015, 06:34 PM Parent: #2
وجهة نظر لا غير من انسان غير محايد بس .... ههههههها يعنى خلاص نحت مخك أى سكت دهرا ونطقت كفرا اما ناس ما عندها دم
Post: #4 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-24-2015, 06:34 PM Parent: #2
يتبع ......
Post: #5 Title: Re: أصحاب الحنك السنين بالمنبر ( من كل شجرة ثم� Author: محمد البشرى الخضر Date: 10-24-2015, 06:44 PM Parent: #4
Quote: اما ناس ما عندها دم
هههههههههههه ولا يؤبه لها او يؤخذ بكلمها أو نحوهن
Post: #6 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-24-2015, 07:00 PM Parent: #4
سقط سهوا من أصحاب البوستات السمينة الثمينة ملك الأرشيف Emad Ahmed ودا من أكتر الناس البنتظر بوستاتو.
حاتم إبراهيم واقع برضو في قائمة أصحاب الردود المفحمة الرشيقة .. ومنهم أيضا : Munir A.Razek Althalib HAIDER ALZAIN ahmedona Elsanosi Badr معاوية الزبير .. حمد عبد الغفار ( سقط سهوا والله )
جرجير اتا معاهم لكن كيبوردي قطع حبر .. وبعدين ما تقنطر لي الرهو .. أنا ما فاضي هسع .
Post: #7 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-24-2015, 07:03 PM Parent: #6
يتبع .....................
Post: #8 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-24-2015, 07:15 PM Parent: #7
البوست دا لو فتحتو قبل ستة سبعة تمانية شهور كان أضفت لقائمة البوستات الممتعة اتنين تلاتة من أصحاب الحنك السنين لكن هسع ما بقدر أضيفم لأنو فيهم الغائب وفيهم الما قاعد أدخل بوستاتو لعدم توفر المزاج ..
ممكن بعد كدا نضيف للقوائم بتاعت الآكشن والزرزرة والنكتة والقفشات وحاضري البديهة والعكاليت الخ الخ الخ على سبيل المثال لا الحصر عبد العزيز الفاضلابي الصادق الخالدي أمجد الجميعابي أبوحسين بالإنلجيزي جلالدونا سيف اليزل برعي أيمن الصادق ودا من غير ترتيب أو حصر وكل واحد فيهم عارف نفسو بقع وين .. ما محتاج خخخخخخخ يتبع ........
Post: #9 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-24-2015, 07:24 PM Parent: #8
طبعا الكلام في البوست يعبر عن وجهة نظري فقط والتى أعتقد أنها صاح تحتمل الخطأ ولا أدعي أبدا مقدرتي على تقييم الأعضاء في المنبر لكنها محاولة لابداء الرأي المكفول لأيا كان، و ربما شلاقة ساي كدا .. على طريقة أنا أكتب أنا الخ الخ الخ ... وعلى أية حال تيك ات ايزي .
وفي السياق أية مداخلة لتقييم زيد أو عبيد على مسؤولية صاحبا ولا تقع على سيد البوست أدني مسؤولية .. عذرا لكل من خاب ظنه بغياب إسمه عن القوائم المعنية، سواء كان ذلك سهوا أو عمدا .
Post: #10 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-24-2015, 07:26 PM Parent: #9
Post: #11 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-24-2015, 08:04 PM Parent: #10
و الله يا طلحة انت راجل ذكي و ظريف و جريء جرأة نفتقدها. فعلا المنبر بيحتاج منوقت لآخر لتقييمات و وجهات نظر شخصية لأنه مثل هذا التقييم بيكون كالمرآة بيشوفوا فيها الأعضاء انفسهم، و كمان العايز يراجع خطواته و عايز يختبر تقييمه للآخرين., و .و.
Post: #12 Title: Re: أصحاب الحنك السنين بالمنبر ( من كل شجرة ثم� Author: صديق مهدى على Date: 10-24-2015, 08:05 PM Parent: #6
جروك من اضانك يا كوز قال جرجير قال جرجير يا هبنقة
Post: #13 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-24-2015, 08:11 PM Parent: #12
نسيت أقول إنك بتختار تعابير جميلةهي مزيج كي من السخرية و الفكاهة و الواقعية( مثل الحنك السنين) و ( ..الخمسة اللابدين..). هذا ما أذكروا لأني لم أكن متابع لما تكتب من قبل.
Post: #14 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-24-2015, 08:18 PM Parent: #12
هلا يا محمد عبدالله مشكور يا حبيب على الإطراء والتشجيع .. البوست بصراحة لا يخلو من نزعة أنانية وأجندة شخصية منها أولا قياس ذائقتي وذوقي الخاص بالإبداع وناسو ودا طبعا بعرفو من خلال الردود والمداخلات ومدي اختلافا أو اتفاقا مع وجهة نظري .. والشىء التاني بصراحة أكتر من الأولي انو في ناس هنا بالجد بتعجبني بوستاتم وتانين مداخلاتم أو ردودم وما بقدر أتيرب وراهم بالإشادة في كل مداخلة أو رد أو ما منطقي أعمل كدا ففكرت احسن حاجة أديها ليهم بى صمتا هنا وأرجو أن تكون الرسالة وصلت .. خخخخخخخخ
Post: #15 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-24-2015, 08:22 PM Parent: #14
Quote: Nabeel Ali · الخرطوم التجارية كووووولهم جلابي مستهلبين ناش المركز يا ظلحة كان بغد عرس هامس ومركز تكونو منضفين شويي _ ما في ولا شيوغي علماتي عرماني ولا في اي جنس ناغم وجه غامز هههههه بعدين ليه نسيت د سيف والخبير الخطير والتور بيت اكيد سقطو عمدا _ انتا زول غتيت وما شغالين برايك هههههه
نبيل لو ما سكتا بكلم ليك سيف والله .. أسكت ياخ أسكت .
Post: #16 Title: Re: أصحاب الحنك السنين بالمنبر ( من كل شجرة ثم� Author: معاوية الزبير Date: 10-25-2015, 03:01 AM Parent: #15
مرة يا طلحة لاقيت عضو قديم في سودانيز وكان زول كتاب (الكاف بالكسر والفتح وأي حاجة) سألتو عن غيابو أجابني: قاااعد بتاوق لمّا ألقى فَرَقة (المتاوقة والفَرَقة والرقراق.. يالها من كلمات) المهم أضاف، لما أشوف بوست ينادي الغايبين عن المنبر وما ألقى اسمي مكتوب بشعر بي دبرسة فااا .. ما تدبرس لينا بالحمَام ياخ وأشكرك على شنو وشنو كدا وحسن الظن إلى آخر الحنك داك غايتو عزاء الغايبين (من أي لستة) والحاضرين أيضا، (حتى الآن) إنو تقييمك لا يؤبه به خخخخخ
Post: #17 Title: Re: أصحاب الحنك السنين بالمنبر ( من كل شجرة ثم� Author: اسامة الامام Date: 10-25-2015, 03:18 AM Parent: #16
طلحة خصيمك الرسول كان ما ختيت الصديق في لستتك دي ان شاء الله احتياطي
عارفك مطنشو وما شغال بيهو بس عشان خاطر. المساطب الشعبية
النعمنو
Sometimes he makes my day
..... ود الزبير كيف حالك علك طيب وعافية
Post: #18 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-25-2015, 08:46 AM Parent: #17
الأخ طلحة تحية طيبة و بعد موضوعك ده شجعني إنه أقول خواطر و تعميمات و نتائج توصلت ليها من خلال قراءتي و كتابتي في المنبر. طبعا الواحد لما يدخل المنبر عشان يقرأ بيختار موضوعات حسب مزاجه و نفسياته و تفضيلاته موضوعات حسب الكاتب و الذي يكون له معرفة مسبّقة إما من خلال كتاباته أو من المتابعة من خارج المنبر. و تكون قراءة الموضوعات (و كذلك الكتابة) حسب الحالة النفسية للقاريء . مرات يكون مزاجه مش أوكي أو زهجان و عايز يفرفش فيختار موضوعات خفيفة الدم و يكون ذلك بناء على الموضوع أو الكاتب. و إذا كان القاريء له موقف سياسي أو اجتماعي معيّن فيختار موضوعات سياسية أو موضوعات بتاعة موقف. و أكاد أجزم بأن كل من يكتب موضوع بيكون عارف أو متوقّع منو البيقرأ موضوعه و منو الممكن يرد عليه أو يهاجمه أو يشيد به. فأي عضو في المنبر أو قاريء للموضوعات بيكون عنده تقييم عام لكل من يكتب موضوع و عنده رأي فيه . مثلا دمه خفيف أو تقيل أو كتّاب أو ما بيعرف يكتب. أو موضوعاته حلوة أو بايخة أو ده واحد بيلفح المواضيع.أو ده واحد ما عنده هدف بس فاضي و داير يكتب أي حاجة ..و هكذا. عشان كده القراء و المتابعين و القراء واعين بمحتوى الكتابة و المشاركين.و كل واحد بيلبس قناع ما مستفيدا من ميزات الكتابة في المنبر و يتابع سرا ( بغتاتة) أو علانية. لكن التعليق بيكون خيار أخير. لأنه التعليق بيجيب مشاكل .إما تكون مع أو ضد .و بيخلق حساسيات .و كلنا كسودانيين حساسين للنقد ما بنحمل الهبشة إلا و نقوم نرد أو نهاجم.
Post: #19 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 08:48 AM Parent: #17
اتا يا معاوية الزبير المفروض الحبر يقطع فيك زي ما قطع في جرجير الفوق دا .. مش في ناس كدا بتكون لصيق بيهم شديد بطريقة غير محسوسة ودائما بتشعر انو قاعدين يعبروا عنك بى سلوك أو تصرفات أو كلام لكن في النفس الوكت ما قادر توصل ليهم الحاجة دي ؟؟؟؟؟ وتييييييييب ياخ .
Post: #20 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-25-2015, 08:52 AM Parent: #19
معليش يا طلحة دخلنا سوا .زعشان كده بيعيد المداخلة تاني: الأخ طلحة تحية طيبة و بعد موضوعك ده شجعني إنه أقول خواطر و تعميمات و نتائج توصلت ليها من خلال قراءتي و كتابتي في المنبر. طبعا الواحد لما يدخل المنبر عشان يقرأ بيختار موضوعات حسب مزاجه و نفسياته و تفضيلاته موضوعات حسب الكاتب و الذي يكون له معرفة مسبّقة إما من خلال كتاباته أو من المتابعة من خارج المنبر. و تكون قراءة الموضوعات (و كذلك الكتابة) حسب الحالة النفسية للقاريء . مرات يكون مزاجه مش أوكي أو زهجان و عايز يفرفش فيختار موضوعات خفيفة الدم و يكون ذلك بناء على الموضوع أو الكاتب. و إذا كان القاريء له موقف سياسي أو اجتماعي معيّن فيختار موضوعات سياسية أو موضوعات بتاعة موقف. و أكاد أجزم بأن كل من يكتب موضوع بيكون عارف أو متوقّع منو البيقرأ موضوعه و منو الممكن يرد عليه أو يهاجمه أو يشيد به. فأي عضو في المنبر أو قاريء للموضوعات بيكون عنده تقييم عام لكل من يكتب موضوع و عنده رأي فيه . مثلا دمه خفيف أو تقيل أو كتّاب أو ما بيعرف يكتب. أو موضوعاته حلوة أو بايخة أو ده واحد بيلفح المواضيع.أو ده واحد ما عنده هدف بس فاضي و داير يكتب أي حاجة ..و هكذا. عشان كده القراء و المتابعين و القراء واعين بمحتوى الكتابة و المشاركين.و كل واحد بيلبس قناع ما مستفيدا من ميزات الكتابة في المنبر و يتابع سرا ( بغتاتة) أو علانية. لكن التعليق بيكون خيار أخير. لأنه التعليق بيجيب مشاكل .إما تكون مع أو ضد .و بيخلق حساسيات .و كلنا كسودانيين حساسين للنقد ما بنحمل الهبشة إلا و نقوم نرد أو نهاجم.
Post: #21 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 08:58 AM Parent: #20
أسامة الامام تحياتي يا حريف أنا الكائنات القاعدة تجيك مقنطرة قفاها للشوت دي قاعد اعافا عشان كدا ما بشتغل بيها كتير ... عايزين حوت مش كتكوت .
Post: #22 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 09:03 AM Parent: #21
Quote: طبعا الواحد لما يدخل المنبر عشان يقرأ بيختار موضوعات حسب مزاجه و نفسياته و تفضيلاته موضوعات حسب الكاتب و الذي يكون له معرفة مسبّقة إما من خلال كتاباته أو من المتابعة من خارج المنبر. و تكون قراءة الموضوعات (و كذلك الكتابة) حسب الحالة النفسية للقاريء . مرات يكون مزاجه مش أوكي أو زهجان و عايز يفرفش فيختار موضوعات خفيفة الدم و يكون ذلك بناء على الموضوع أو الكاتب. و إذا كان القاريء له موقف سياسي أو اجتماعي معيّن فيختار موضوعات سياسية أو موضوعات بتاعة موقف. و أكاد أجزم بأن كل من يكتب موضوع بيكون عارف أو متوقّع منو البيقرأ موضوعه و منو الممكن يرد عليه أو يهاجمه أو يشيد به. فأي عضو في المنبر أو قاريء للموضوعات بيكون عنده تقييم عام لكل من يكتب موضوع و عنده رأي فيه . مثلا دمه خفيف أو تقيل أو كتّاب أو ما بيعرف يكتب. أو موضوعاته حلوة أو بايخة أو ده واحد بيلفح المواضيع.أو ده واحد ما عنده هدف بس فاضي و داير يكتب أي حاجة ..و هكذا. عشان كده القراء و المتابعين و القراء واعين بمحتوى الكتابة و المشاركين.و كل واحد بيلبس قناع ما مستفيدا من ميزات الكتابة في المنبر و يتابع سرا ( بغتاتة) أو علانية. لكن التعليق بيكون خيار أخير. لأنه التعليق بيجيب مشاكل .إما تكون مع أو ضد .و بيخلق حساسيات .و كلنا كسودانيين حساسين للنقد ما بنحمل الهبشة إلا و نقوم نرد أو نهاجم.
يا محمد عبدالله الحبيب تصدق وتأمن بالله دا بالضبط العايز أقولو كمقدمة للبوست دا لكن غلبني التعبير بالكيفية الواضحة بتاعتك الفوق دي.. مشكور كتير والله للدفرة الكبيرة واللي اختصرت لي مسافة ما هينة ويا جماعة الاقتباس الفوق دا يعبر عني وإخترته مقدمة للبوست .
Post: #23 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-25-2015, 09:07 AM Parent: #22
والله انت ألذ زول. تعرف أنا ما بعرفك قبل كده لكن طريقتك البتخش بيها عجبتني و حسيت كاني بعرفك من زمان. سبحان الله. و في الموضوع الاول الفتحته كنت عايز أكلمك بالتلفون (خاص) لكن لقيتك ما كاتب تلفونك. تحياتي يا ظريف و لك حبي
Post: #25 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 09:12 AM Parent: #22
Alaeldien Abdelwhab من الفيس قال :
Quote: وتلكم القائمة لا يجب ان يغيب عنها اسم كودقاسم ... ذلك الرجل ما كتب الا وأبان واجاد
و
Quote: منيت لو ادرجت ممن ادرجت في قائمة من حوت بوستات مفيدة فكرا ومضمونا اسماء كمحمد حيدر المشرف، عاطف عمر، ود الزين ودكين
مشكور يا حبيب للمتابعة والمداخلة .. مع انو محمد حيدر المشرف دا مرة لما فيني ساي كدا بدون سبب قعد يكتح .. خخخخخخ التحية ليهو ولعاطف عمر وود الزين ودكين
Post: #24 Title: Re: أصحاب الحنك السنين بالمنبر ( من كل شجرة ثم� Author: نعمات عماد Date: 10-25-2015, 09:11 AM Parent: #19
سلام أستاذ طلحة فرحت و الله رغم معرفتي بقدر نفسي الذي لن يعلو علي مقام فطاحل البورد .شكرا علي رفع الروح المعنوية .
أحي كل الأدباء و الشعراء و الفنانين و المفكرين و الخبراء من أهل القانون و الطب و الإقتصاد و الهندسة و العلوم بأنواعها
و العلماء جميعا و و و الخ و طبعا سيد الحوش باشمهندس بكري .
Quote: Alaeldien Abdelwhab تمنيت لو ادرجت ممن ادرجت في قائمة من حوت بوستات مفيدة فكرا ومضمونا اسماء كمحمد حيدر المشرف، عاطف عمر، ود الزين ودكين
تحياتي أستاذ طلحة . عدلت تعليقي لنبيل . أنت يا زمبيل مدسي هنا من أبو السيوف ؟
Post: #26 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 09:16 AM Parent: #24
تحياتي نعمات
غايتو أنا اعتبرت مداخلة نبيل دي هظار وأدرجتها فورا في قائمة المناكافات ما حسيت أبدا انو يقصد ما قال .. الكتابة فيها سحر خاص بتخليك تحسي بشعور الكاتب في مواقف معينة .
Post: #27 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 09:19 AM Parent: #26
محمد عبدالله الحسن يا حبيب والله ما تستبعد انو نكون بنعرف بعض من زمان لكن ما جايبين خبر .. القلوب شواهد أو كما قال خخخخخخخ
Post: #28 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 09:38 AM Parent: #27
كتب أبو أحمد أبو أحمد
Quote: قائمة تخلو من (ملاسي) في الإفحام.. فلا يؤبه لها smile رمز تعبيري كلنا ود البشرى.
خخخخخخخخخخخخخ أبو أحمد يا راعي المشاكل البوس ملاسي مع اني قاعد أطرب ليهو لكن هو مغترب ليهو زمن مش احتمال يكون مصاب والإصابة أثرت على مستواه ؟ وبعدين بصراحة وقوفك في صف جرجير خصما علىك أقترح تجليهو وتضريهو .. جرجير بتاع الساعة كم ؟.
Post: #29 Title: Re: أصحاب الحنك السنين بالمنبر ( من كل شجرة ثم� Author: مني عمسيب Date: 10-25-2015, 10:47 AM Parent: #28
المريود طلحة .. صباح الرضا .. ولضيوفكم السمحين .
Quote: *أصحاب الطرفة والنكتة
اموت انا في ( المهم ) الاسم الحركي طبارك هههههه .
ومن هنا ابلغو شوقي واعجابي .. سلام يا اهل الحجاز .
Post: #30 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 11:04 AM Parent: #29
مشكورة يا مني عمسيب على المرور الصافي كالعادة والتحية لتبارك ( غير ملزم برد التحية طبعا )..
يا نبيل كدا تمام وكفاءة .
Post: #31 Title: Re: أصحاب الحنك السنين بالمنبر ( من كل شجرة ثم� Author: جلالدونا Date: 10-25-2015, 01:43 PM Parent: #30
Quote: وتلكم القائمة لا يجب ان يغيب عنها اسم كودقاسم ... ذلك الرجل ما كتب الا وأبان واجاد
لا يجب و لا ينبغى .. شكرا علاء الدين _________ غايتو يا طلحة داير اقول ليك شكرا الا مخوفانى حكاية لا يؤبه به دى بس كيبوردك القطع حبر ده .. دى قوية شديد و تستاهل تتعلق فى اضان جرجير حلق زعلان منك برضو تختنى مع الضلالى فى لستة واحدة غايتو يا الضلالى حظك
Post: #32 Title: Re: أصحاب الحنك السنين بالمنبر ( من كل شجرة ثم� Author: معاوية الزبير Date: 10-25-2015, 03:27 PM Parent: #31
انت كويس يا جلال ختاك مع ضلالي انا قال لي بتعبّر عني فما عرفت دا مدح ولّ ذم
Post: #33 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 04:53 PM Parent: #32
يا جلالدونا أحمد سيدك انو الحبر ما قطع فيك كمان اتا وود الزبير تعالوا سوقوا معاكم الزول القاعد جمبي دا وقوموا لفوا .
Post: #34 Title: Re: أصحاب الحنك السنين بالمنبر ( من كل شجرة ثم� Author: Munir Date: 10-25-2015, 07:07 PM Parent: #33
Quote: الصادق الخالدي
تحية ليك ولود الخالدي
Post: #35 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 07:18 PM Parent: #34
حافظ الامام أحمد أمين خالد طلعت من غير ترتيب ما قصرتو مع البوست بالمتابعة كل الشكر والتقدير
Post: #36 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-25-2015, 07:21 PM Parent: #35
يا دكتور الخالدي موجود في قائمة أصحاب الطرفة ههههههه
Post: #37 Title: Re: أصحاب الحنك السنين بالمنبر ( من كل شجرة ثم� Author: نصار Date: 10-25-2015, 07:49 PM Parent: #36
طلحة ياخي الله يطيب خاطرك زي ما طيبت بخاطري اسع امس دي استجديت الناس التداخل معاي في بوستاتي عشان ناخد و ندي لوووول
حقيقي مشكور و قد اوردتني مع هذه الكوكبة الرائعة شخوصا و حروفا.....
Post: #38 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-26-2015, 08:55 AM Parent: #37
هلا يا نصار تستاهل .. دا حقك يا حبيب
Post: #39 Title: Re: أصحاب الحنك السنين بالمنبر ( من كل شجرة ثم� Author: HAIDER ALZAIN Date: 10-26-2015, 02:10 PM Parent: #38
قريت الحنك السنين قلت كاتب الجماعة البيحنكو الجكس " مقروءاً مع بوستك السابق بتاع اللابدين " اجي القاك شابكنا ود المدير جلالدونا وماعارف ايه ما باقي ليك الا تكتب بريمة.. :)
احتياطياً شكراً وقوم لف :)
Post: #40 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-26-2015, 04:05 PM Parent: #39
يا حيدروف جلالدونا فرضو على القائمة الزول القاعد جمبي دا .. خلاني مشيت أجيب شاي وجيت لقيتو لصق إسمو .. قلتا ليهو يا زول البوست دا جادي دا شنو السويتو دا .. قال لي علي الطلاق كان تخليهو .. حرم ما تقول شىء. الزول الجمبي دا فاضحني في كل الأسافير ياخ .
Post: #41 Title: Re: أصحاب الحنك السنين بالمنبر ( من كل شجرة ثم� Author: عبدالعزيز الفاضلابى Date: 10-26-2015, 05:19 PM Parent: #40
Quote: وكل واحد فيهم عارف نفسو بقع وين .. ما محتاج خخخخخخخ
ههههه ,, البوست ده من شُهرته كلّمونى بيهو ناس نيويورك. بقيت عالمى بختك ,, ولا عزاء للرشاشات ومن لف لففانُنْ
Post: #42 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-26-2015, 05:33 PM Parent: #41
ناس نيويورك حتة واحدة .. خير كتير والله يا فاضلابي . ......
يا حمد عبد الغفار والله بصراحة زعلتني شديد ياخ .. الغريبة راجعت مسودة البوست لقيت إسمك متوهط القائمة كما أردته أن يكون .. معليش شديد يا مان .
Post: #43 Title: Re: أصحاب الحنك السنين بالمنبر ( من كل شجرة ثم� Author: حمد عبد الغفار عمر Date: 10-26-2015, 05:46 PM Parent: #42
Quote: حمد عبد الغفار
شكرا يا طلحة لهذا الاختيار ونفسي تتوارى خجلا أما تلك القامات التي يعج بها المنبر
بعد دا باقي لي بكري يعلق لي بوست فوق وأكمل ديني في المنبر دا
ومن ثم أطالب بمكتبة
ينصر دينك ياخ
Post: #44 Title: Re: أصحاب الحنك السنين بالمنبر ( من كل شجرة ثم� Author: محمد حيدر المشرف Date: 10-26-2015, 06:33 PM Parent: #1
شكرا جزيلا للعزيزة نعمات والاخ الفاضل علاء الدين من نافذة الفيسبوك .. كتر خيركم والله ..
الاخ طلحة عبدالله !!
Quote: مع انو محمد حيدر المشرف دا مرة لما فيني ساي كدا بدون سبب قعد يكتح .. خخخخخخ
Quote: التحية ليهو ولعاطف عمر وود الزين ودكين
على اية حال نرد لك التحية .. تحية طيبة .. واتمنى أن يكون ذلك بمثابة النقطة التي يليها سطر جديد ..
Post: #45 Title: Re: أصحاب الحنك السنين بالمنبر ( من كل شجرة ثم� Author: Basamat Alsheikh Date: 10-26-2015, 07:03 PM Parent: #44
شكرا يا طلحة لهذا الاختيار ونفسي تتوارى خجلا أما تلك القامات التي يعج بها المنبر
بعد دا باقي لي بكري يعلق لي بوست فوق وأكمل ديني في المنبر دا
ومن ثم أطالب بمكتبة ( Quote)
>>> <<<\ >>>
عزيزي الفاضل حمد عبد الغفار انا والحمد لله الباشمهندس صاحب الحوش الكبير علق لي بوست فوق قبال كده لمدة 3 أيام كاملة.. وبعد كده فضل لينا يختارونا مع القامات الكبيرة التي يعج بها المنبر العام ونتوار امامها خجلا ونكمل فقط نصف الدين وليس الدين كله.. اخترت ردك الظريف.. وزدت عليه... ودمت بالف خير وصحة وعافية
Post: #46 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-26-2015, 07:29 PM Parent: #45
ههههههههه يا بت الشيخ أكيد بى طريقتك الماشة بيها دي ح تكوني يوم على رأس قائمة القامات غصبا عن عين أي زول .. الاختيار إنحصر في ( قدماء ) المنبر أصحاب عشرات المئات بل ألوف البوستات والمشاركات .. ليك التحية والتقدير يا زولة ..
محمد حيدر المشرف .. ماش يا خوي ماش .
Post: #47 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-26-2015, 07:33 PM Parent: #46
يا أخوانا حيدر حسن ميرغني دا والله زي الحبيب حمد عبد الغفار ( سقط سهوا ) ويمكن إدراجه تحت أي قائمة من القوائم الفوق دي .. عذرا يا حيدروف يا كبير .
Post: #48 Title: Re: أصحاب الحنك السنين بالمنبر ( من كل شجرة ثم� Author: امجد الجميعابى Date: 10-26-2015, 07:36 PM Parent: #45
طلحة ازيك شكرا للزرزرة البوست عاجبني لكن ماسك موية في الفرقة دي ما تزورنا في الطراوة الهنا
Post: #49 Title: Re: أصحاب الحنك السنين بالمنبر ( من كل شجرة ثم� Author: جلالدونا Date: 10-26-2015, 08:54 PM Parent: #48
Quote: انا قال لي بتعبّر عني فما عرفت دا مدح ولّ ذم
هههه غايتو مصيبتك مصيبة .. ده كللللو من عمايل كيبوردك اعتبرا قدح زى المدح _____
Quote: اجي القاك شابكنا ود المدير جلالدونا وماعارف ايه ما باقي ليك الا تكتب بريمة.. :)
و انا كمان برضو مصبيتى مصيبة من الضلالى لى ود المدير هسى يا حيدروف خليت مختارات طلحة دى كلها و مسكتا فى ود المدير و جلال ابو حسين ده ما قاعد فى السهلة مالك ما مشيت عليهو ________
Quote: يا حيدروف جلالدونا فرضو على القائمة الزول القاعد جمبي دا .. خلاني مشيت أجيب شاي وجيت لقيتو لصق إسمو .. قلتا ليهو يا زول البوست دا جادي دا شنو السويتو دا .. قال لي علي الطلاق كان تخليهو .. حرم ما تقول شىء. الزول الجمبي دا فاضحني في كل الأسافير ياخ .
يمين الله عينو نجيصة و كلامو يؤبه به الزول ده كنز ما تخليهو يروح منك .. بتصيع مع ود البشرى كان فرررطتا فيهو
Post: #50 Title: Re: أصحاب الحنك السنين بالمنبر ( من كل شجرة ثم� Author: Munir Date: 10-26-2015, 09:04 PM Parent: #49
حمد عبد الغفار عمر:
Quote: شكرا يا طلحة لهذا الاختيار ونفسي تتوارى خجلا أما تلك القامات التي يعج بها المنبر
بعد دا باقي لي بكري يعلق لي بوست فوق وأكمل ديني في المنبر دا
ومن ثم أطالب بمكتبة
Basamat Alsheikh :
Quote: انا والحمد لله الباشمهندس صاحب الحوش الكبير علق لي بوست فوق قبال كده لمدة 3 أيام كاملة.. وبعد كده فضل لينا يختارونا مع القامات الكبيرة التي يعج بها المنبر العام ونتوار امامها خجلا ونكمل فقط نصف الدين وليس الدين كله..
تحيات يا كِرام .. أنا مع إني عندي مكتبة وأي حاجة لكين حكاية بوست يتعلق فوق عشان اتواري خجلاَ دي لسه شوية ..
Post: #51 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-26-2015, 09:11 PM Parent: #50
يا جلالدونا الزول القاعد جمبي رصاك في اللستة نعم لكن ما تنس اللستيكة عندي .. أخوك محترف مسح من زمن رياضيات الصف الرابع اللبتدائي واتا طالع .. خخخخخخخ
يا منير ياخ جرجير الملقب بى ود البشرى عندو المكتبة دي .. لامن انتا ؟
Post: #52 Title: Re: أصحاب الحنك السنين بالمنبر ( من كل شجرة ثم� Author: عبدالعزيز الفاضلابى Date: 10-26-2015, 11:16 PM Parent: #51
Quote: البوست عاجبني لكن ماسك موية في الفرقة دي ما تزورنا في الطراوة الهنا
ياسلام ياجميعابى ,, ياخ رجعتنى لاحلى ايام العمر عبارتك دى قليل البفهموها هنا ,, حقو نخلى طلحة ده يعمل قايمة ,, للناس الـمافِهموها ,, حليل زمن الموية فى زمهرير يشِق العراقى وانت تقلِب فى اللَّبَقة تطُقك عقرب ولا تجُرَّلك دَقَرْ وحليل زمناَ كنا بـ نقَرِّن الحيضان ,, وحليل زحيح شتل البصل ,, ورمى الـ مَسْمَس ,, ده موضوع عاوزى ليهو بوست متساوى الاضلاع
Post: #53 Title: Re: أصحاب الحنك السنين بالمنبر ( من كل شجرة ثم� Author: Kabar Date: 10-27-2015, 04:22 AM Parent: #52
هههههه..! الله حقن الدم..ياااااااااااااااخ..!
ول ابا طلحة..حبابك ياصديقي كتر خيرك على المطايبة والطروة..
ياخي من الصباح شايل عكازي وامرس في شنبي...نظام طالع كعة وكده..اها جيت عبر الخيت ده (مع انو قريت لمن كان دوبك)..وشوووووووووووووووووووووو..! الواحد نسى الكعة..
كتر خيرك يا صاحب..و انسان امسودان..صعب خلاص..كلمة صغنونة تمرقك من علبك..و كلمة صغنونة ترجعك لعلبك...
غايتو (العدو) الكنت ماشي عليهو..لو عرف ح يعمل ليك تمثال..!
تحياتي للجميع..و الناس الهنا دي اجمل ما فيها انها بتكتب ذاتها.. عشان كده المنبر ده كل السودانيين والسودانيات حريصين على متابعتو..!
كبر
Post: #54 Title: Re: أصحاب الحنك السنين بالمنبر ( من كل شجرة ثم� Author: محمد أبوجودة Date: 10-27-2015, 09:24 AM Parent: #1
السلام عليكم،
وشكراً أخي طلحة،و تاني بعدو سلااااامي وييين يا
.... لكين آ طلحة، اللتاريك من الجماعة الذين يزيدون عدد قرّاء "بعض" بوستاتي" وأنا ما قايل ..!
على كُل حال، ومع أني قد تركت المجاملات من زماااان..! إلّا أنني مضطّرٌ جرجيرياً حتى ( ههه) أن احوِّر لك بيت الشِّعر الشهير، كما يلي:
لأعرفنّك بعد " ............." تعرفني xxx وفي بوستاتي ما زوَّدتني مُداخِلا *
.......................... * البيت، من تاريخ ابن جرير الطبري:
لأعرفنّك بعد الموتِ تندُبُني xxx وفي حياتي ما زَوَّدتَّني زادا
Post: #55 Title: Re: أصحاب الحنك السنين بالمنبر ( من كل شجرة ثم� Author: محمد أبوجودة Date: 10-27-2015, 09:34 AM Parent: #54
يا أخانا طلحة، يا راعي البوست
بالله عليك " جرجر" لينا الأخ منير ده، في مداخلته التي أشّر فيه "شمال" و لفَّ "يمين"، كاتلاً لنا الدُّشّ في إيدينا ساي!
................................. عرض مداخلتَي الأخ حمد عبدالغفار، والأخت بسمات، بهذا التوالي " الترابوي"، لا يدعم فقط! خُلاصةً توصّل إليها Munir مُثبتاً فيها زهدُه عن " تعليق بوستات له بسقف المنبر بواسطة بكري؛ فالأقرب، أنه أراد أن يقول: شوف شوف المداخلتين ديل! وَ السرقة الأدبية الظااااااهرة!!! و.... هل فلان وفلانة as a nick names لشخصٍ واحد وكِدا ..!
Post: #56 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-27-2015, 10:17 AM Parent: #55
جميعابي يا كلس بى عافيتك آزول أعمل حساب من الدقر وشعبطة عقرب الموية .. خخخخخ
ول أبا كبر لو ما كنت اتا متصدر بوست زي دا تاني منو ؟ ما مجاملة والله لكن اتا كفو طال عمرك .. تستاهل يا عنيف.
يا فاضلابي لو بارينا حناكيش المنبر دا صدقني السلام الليلنا ذاتو بكون عايزلو حاشية .
يا أبو جودة أخوك الحمدلله مما عرف يفك الخط بقي ذويق وبتستهويهو إبداعات المبدعين بالذات في الكتابة دي .. ما شاء الله عليك متابعك دائما والله، وأتمني ليك كل الخير .. منير بتاع حركات من يومو لكن حريف وعاشق كنايات وأجنسة ( من جناس) .. خخخخ
Post: #57 Title: Re: أصحاب الحنك السنين بالمنبر ( من كل شجرة ثم� Author: سامي عطا المنان Date: 10-27-2015, 10:23 AM Parent: #55
طلحة واحد والباقي تسعة ..... سلام
طبعا نحنا جدد ما عندنا فرصة في هكذا طروة لكن البوست غير أهدافو المعلنة فرصة لعمل شورت لست للقراء في إختيار الكتاب أبان حنكا سنيين وكب الباقي في أقرب سلة ...
.................................................. التسوي كريت في القرض تلقي في جلدها
Post: #58 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-27-2015, 10:36 AM Parent: #57
Quote: لبوست غير أهدافو المعلنة فرصة لعمل شورت لست للقراء في إختيار الكتاب أبان حنكا سنيين وكب الباقي في أقرب سلة
مراحب والله يا سامي طبعا ونص وخمسة ما عندي مانع أكيد .. لكن الباقي ياتو البتكبا في السلة ؟ من البداية قلتا :
Quote: طبعا الكلام في البوست يعبر عن وجهة نظري فقط والتى أعتقد أنها صاح تحتمل الخطأ ولا أدعي أبدا مقدرتي على تقييم الأعضاء في المنبر لكنها محاولة لابداء الرأي المكفول لأيا كان، و ربما شلاقة ساي كدا .. على طريقة أنا أكتب أنا الخ الخ الخ ... وعلى أية حال تيك ات ايزي . وفي السياق أية مداخلة لتقييم زيد أو عبيد على مسؤولية صاحبا ولا تقع على سيد البوست أدني مسؤولية .. عذرا لكل من خاب ظنه بغياب إسمه عن القوائم المعنية، سواء كان ذلك سهوا أو عمدا .
Post: #59 Title: Re: أصحاب الحنك السنين بالمنبر ( من كل شجرة ثم� Author: محمد عبد الله حرسم Date: 10-27-2015, 11:32 AM Parent: #58
طلحة عبد الله
كتار هنا هم وصحى زى ما انت قلت وجهة نظرك
برضو فرصة نسلم عليك
وعلى ول ابا كبر اميرة السيد وضاحة عليش الريد بله ابوذربابكر حامد عبد الله و... و..
لكن المنبر كله ماشاء الله
اجمل ما فيه تنوه
الانت دايرو بتلقاهو
طلحة كتر خيرك
ونتلاقى فى بوستات تانية ان شاء الله
Post: #60 Title: Re: أصحاب الحنك السنين بالمنبر ( من كل شجرة ثم� Author: Munir Date: 10-27-2015, 11:55 AM Parent: #59
ههههه يا أبوجودة .. أتاريك قانص ..
الإقتباسين عجبني لطرافتهما وخفة دمهما .. وقمت عملت القوسين (الكوتين) وطلعت عبارة "أتواري خجلاً" كعنصر مشترك أعظم للطرافة وأعدت أستعمالها في جملة مفيدة تمنيت أن تطلع مملحة ومهضومي..:).
تعجبني براءة صورة بسمات الشيخ التي تتواءم تماماً مع مشاركاتها السهلة الممتنعة الواضحة التي تخلو من التعقيد والفذلكات ..
Post: #61 Title: Re: أصحاب الحنك السنين بالمنبر ( من كل شجرة ثم� Author: أيمن الطيب Date: 10-27-2015, 12:32 PM Parent: #60
سلامات يا طلحة ياخ,,
بوست نقلة نوعية وقفزة جبارة من البوست الكترابتو قامت من قولة تيت داك
أعفي لي ضحكي دا عليك الله
تحياتي سنين ,,
Post: #62 Title: Re: أصحاب الحنك السنين بالمنبر ( من كل شجرة ثم� Author: محمد أبوجودة Date: 10-27-2015, 12:38 PM Parent: #60
Quote: الإقتباسين عجبني لطرافتهما وخفة دمهما .. وقمت عملت القوسين (الكوتين) وطلعت عبارة "أتواري خجلاً" كعنصر مشترك أعظم للطرافة وأعدت أستعمالها في جملة مفيدة تمنيت أن تطلع مملحة ومهضومي..:).
بالأكيد، طعلت مهضومي اكتير اكبير
بس لكين المشترك ما " توارى " أوي!
فالتعليق أعلى المنبر، أو "منبرنا"، وكذلك القامات وكدا، فضلاً عن إكمال نصف الدِّين، أو كلّه!
المداخلتين ياخدو العَقِل! طوّالي على قائمة المتشابهات أو مقترنات بعلّة.
وبالفعل، صورة بروفايلها، لافتة بالحَيْل! خصوصاً وَ " العيون" يا ناس مويتِنْ نااازلة!
................. لك التحايا أخونا منير، وشكراً عزيزنا طلحة، والتحايا للجميع بـــِ مَنْ فيهم صاحبة وصاحبة المكوّت كــَــتَّة وملآن شَتّى!
Post: #63 Title: Re: أصحاب الحنك السنين بالمنبر ( من كل شجرة ثم� Author: Basamat Alsheikh Date: 10-27-2015, 04:26 PM Parent: #62
اميرة السيد وضاحة (Quote) >>> >>> >>>
عزيزي الفاضل الحبيب محمد عبد الله حرسم.. أساسا انت اصلك ما بتقول كلام كعب وكلامك كله صحي.. وفوق هذا وذلك انت أديب لا يشق له غبار( لا يشق له غبار دي عبارة أدبية شفيتها من هذا المنبر) فقد قرأنا لك الروائع في هذا المنبر العام...) وكان مفروض اسمك يكون في اول القائمة.. وبالنيابة عن اميرة بت مصطفى والدكتورة وضاحة بت العمرابي لك الف شكر وعرفان فقد قلت وكفيت.. ودمت بالف خير وصحة وعافية
Post: #64 Title: Re: أصحاب الحنك السنين بالمنبر ( من كل شجرة ثم� Author: حمد عبد الغفار عمر Date: 10-27-2015, 04:54 PM Parent: #63
نحن ناس دفتر يومية وانطباعات احيانا لا تخلو من عدم جدية
بس أنا عايز أكمل ديني عديل في المنبر دا
بعدين لو ملاحظة طلحة الزئبقي دا لسة ما رشحني بصورة واضحة انما مجرد التفاف حول ترشيحي وبعد ما نوهت ليهو وبدون خجلة بقول لي اسمك سقط سهوا
مرحب بيك مرة أخرى
يتبع
Post: #65 Title: Re: أصحاب الحنك السنين بالمنبر ( من كل شجرة ثم� Author: عبدالحفيظ ابوسن Date: 10-27-2015, 05:06 PM Parent: #64
تحياتي طلحة وضيوفه وللاصحاب هنا تعرف تحاشيت البوست دة .. تحاشي الظن وخيبته وامرا اخرا وبوستك دة خلاني افكر .. وطلعت اني ما عندي كاتب مفضل .. بقرا بس دون تمييز وحسب المزاج والعنوان وتاني فكرت ف لقيت نفسي كضاب ساي في ناس برتاح ليهم وهم عارفين بدلالة مشاركاتي ليهم التحية ليك ولكل المرشحين الفوق والحايترشحو تحت وينضافو للقايمة
Post: #67 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-27-2015, 05:24 PM Parent: #65
أيمنوف ولد الطيب .. تحياتي يا زول كويس ..هههههه
يا حرسم اتا معرفة قديمة في الأسافير وداخل في دائرة الإبداع لكن المشكلة انك كسول ومقل جدا تقريبا قريت بوست واللا اتنين .. تحياتي ليك وأثني إقتراح بسمات الشيخ بوجوب تواجدك في القائمة.
يا بسمات ثنيت ليك اقتراحك وعندك حق ترشيح الشايفاهو يا عزيزي .. واثقين منك ولا يهمك خخخخ
يا حمد والله ليك حق .. أنا دقست دقسة بطالة أكضب عليك عاد ؟
يا أبو سن الجميل انت والله ما ساهل لكن مشكلة البوست انو بدأ نظريا قبل فترة طويلة ركزت خلالها على مجموعة معينة لاعتبارات معينة وفي العموم كدا إنت تستحق التواجد في القوائم لكن للأسف متابعتي ليك جاءت متأخرة شوية .. ليك التقدير كلو يا زول .
Post: #117 Title: Re: أصحاب الحنك السنين بالمنبر ( من كل شجرة ثم� Author: محمد عبد الله حرسم Date: 10-29-2015, 08:10 AM Parent: #67
Quote: يا حرسم اتا معرفة قديمة في الأسافير وداخل في دائرة الإبداع لكن المشكلة انك كسول ومقل جدا تقريبا قريت بوست واللا اتنين .. تحياتي ليك وأثني إقتراح بسمات الشيخ بوجوب تواجدك في القائمة.
طلحة عبد الله
يخ كتر خير الاسافير البتلمنا كل مرة فى حتة
وانا دوما اسعد كلما التقيت صديقا من الايام والزمن الجميل
شكرا ثقتكم فى حروفنا
ويا ليتنا
Post: #66 Title: Re: أصحاب الحنك السنين بالمنبر ( من كل شجرة ثم� Author: حمد عبد الغفار عمر Date: 10-27-2015, 05:19 PM Parent: #64
منير وأبا جودة
عساكم بخير ياخ
مالكم يا صحاب ؟
أنا غايتو فهمت مداخلاتكم من عدة زوايا لكن أديتكم البنفت أوف داوت لأنكم ما أشرار
المداخلتي ومداخلة بسمات مختلفات في الإتجاه ومتساويات في الأريحية ظاهرا
Post: #68 Title: Re: أصحاب الحنك السنين بالمنبر ( من كل شجرة ثم� Author: امجد الجميعابى Date: 10-27-2015, 06:06 PM Parent: #66
Quote: المداخلتي ومداخلة بسمات مختلفات في الإتجاه ومتساويات في الأريحية ظاهرا
حمد احسن ليك تتوارى
Post: #69 Title: Re: أصحاب الحنك السنين بالمنبر ( من كل شجرة ثم� Author: محمد أبوجودة Date: 10-27-2015, 06:55 PM Parent: #68
أهلين عزيزنا حمد عبدالغفار
لكن تطابق مداخلتيكما ما بالغتو فيهو عديل كدا، ف عمل لنا ما عمل.
على كل حال، حصل خير
ومنير وأنا، طلعنا ما أشرار؛ وبالتالي، ما تنسى تلفتنا لمّان بكري يحِن عليك ويعلّقلك بوستات تكمّل بيها ..
............. وافر التحايا لكم
Post: #70 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-27-2015, 07:43 PM Parent: #69
يا أبو جودة التوارى خجلا حق مكفول للجميع التواري لينا ولى سوانا ياخ .
Post: #71 Title: Re: أصحاب الحنك السنين بالمنبر ( من كل شجرة ثم� Author: امجد الجميعابى Date: 10-27-2015, 08:21 PM Parent: #70
طلحة هل للتواري علاقة بالتوالي
Post: #72 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-27-2015, 08:35 PM
يا جميعابي كيبوردك عن صديقي حمد التواري من شيم العظماء كما التواضع من شيم النبلاء .. ولن نوالي غير أصحاب التواري .. خخخخخخخ يا حمد تعال رش الجميعابي دا ياخ .
Post: #73 Title: Re: أصحاب الحنك السنين بالمنبر ( من كل شجرة ثم� Author: امجد الجميعابى Date: 10-27-2015, 08:41 PM Parent: #72
Quote: يا حمد تعال رش الجميعابي دا ياخ .
يا طلحة يا اخي حمد دا صاحبي و فردتي دا حت اسألو آه و النبي لكن ما يمنع خلي يجي يرشني بالعطر الباريسي الجميل دا يمكن اتواري و اقوم اتوالى اصلو انا (غواسة) و العهدة على واحد غبيان كدا دا
Post: #74 Title: Re: أصحاب الحنك السنين بالمنبر ( من كل شجرة ثم� Author: محمد أبوجودة Date: 10-27-2015, 09:11 PM Parent: #73
Quote: التواري لينا ولى سوانا ياخ .
......................... أمّا حنّكك سنين بشششششكل! يا طلحة، الحنك خلِّللو! مالم تكُ ساعياً ال " بواريلك" المستظهرين باللّواء وماضٍ مُفَخَّــما
Post: #75 Title: Re: أصحاب الحنك السنين بالمنبر ( من كل شجرة ثم� Author: Dahab Telbo Date: 10-27-2015, 09:13 PM Parent: #73
استذي العزيز طلحة وكل القامات ههُنا سلام ومودة
شكرا يا الحبيب على حسن ظنك واتمنى أن اكون أهل لذلك
مودتي تلبو
Post: #76 Title: Re: أصحاب الحنك السنين بالمنبر ( من كل شجرة ثم� Author: Munir Date: 10-27-2015, 10:37 PM Parent: #75
Quote: أنا غايتو فهمت مداخلاتكم من عدة زوايا لكن أديتكم البنفت أوف داوت لأنكم ما أشرار
عزيزنا حمد عبد الغفار .. تصدق مداخلتي لا تحتمل أي حمولة أكتر من ردي علي أبوجودة .. بالجد تبسمت من طرافة مداخلتك ولمن مشيت لتحت لقيت بسمات إقتبست عبارة أتواري خجلاً بالذات وهي العبارة الخلتني أبتسم من البداية - أها لمن بسمات كررتها أنا إبتسامتي بقت ضحكة وقلت أخش في نفس الريذم .. وأجاريكم في التواري خجلاً ده..
Post: #77 Title: Re: أصحاب الحنك السنين بالمنبر ( من كل شجرة ثم� Author: Munir Date: 10-27-2015, 11:51 PM Parent: #76
ياخي عندي ملاحظة عاوز أقولها لعبدالحفيظ أبوسن وبسمات الشيخ - ألا وهي أن يرسموا خط ثابت فاصل بين المداخلة والتوقيع .. عشان الواحد ما يكون شغال يقرأ ويقرأ في المداخلة وفجأة يلقي نفسه بيقرأ في موضوع تاني لأنه بيكون خشَّ في قراءة التوقيع ...
Post: #78 Title: Re: أصحاب الحنك السنين بالمنبر ( من كل شجرة ثم� Author: عبدالحفيظ ابوسن Date: 10-28-2015, 05:49 AM Parent: #77
ياريت يا منير بستعمل تلفون متواضع الامكانيات والله لو خدمتني او اي زول يرسل التوقيع حقي بالطريقة القلتها دي في المسنجر . انا بنسخو وبختو وبكون شاكر ليهو
Post: #79 Title: Re: أصحاب الحنك السنين بالمنبر ( من كل شجرة ثم� Author: ABUHUSSEIN Date: 10-28-2015, 05:50 AM Parent: #77
أولاً قوم لف منو إنت عشان تقعد تصنف و تولف حسب مزاجك ... ما ياهو راسك دا ....؟؟ فرقو شنو من راس صديق مهدي اللي الفايدة الوحيدة ليهو إنو بختو فيه طاقية و بلفو فيه عمة أحياناً
و ثانياً قوم لف
Post: #80 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 09:49 AM Parent: #79
يا جميعابي يرشك بى عطر باريسي جميل ؟؟ دا حمد واللا أنجلينا جولي ؟
يا جودة ما تهظر ياخ أو بالأحري ما تمتحنا خخخخخخخخخ
يا تلبو الدهب واثقين منك بى عافيتك في البتسو فيهو
أبو حسين خليك جادي شوية يا اللخو .
Post: #81 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-28-2015, 10:10 AM Parent: #80
الأخ طلحة شايفك تتضرّع ساكت في البوست و سط الجماعة الذكرتهم هههههههه بعد ممكن تكمّل شغلك مطمئن و تقوم تواصل بي قلب قوي و تكمّل التصنيف البديتو في أول صفحتك و تواصل التصنيف. كما كتبت إنت:يتبع أو نواصل يعني تذكر البوستات التانية الما وردت في التصنيفات الذكرتها ( بدون ذكر اسماء طبعا..دي حتفوت عليك؟) قصدي ناس الحنك الما سنين .و إلاّ حيكون بوستك ناقص قصدي البوستات الما مقروءة أو الما مهضومة أو الدمها تقيل أو الما عندها شعبية أو ما عندها سوق يعني.و الله كفى الله المؤمنون القتال؟؟ على راحتك يا صاحبي بس قلت اشاغلك
Post: #82 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 10:47 AM Parent: #81
هههههه لا يا محمد عبدالله البوست شعارو تشجيع المواهب خخخخخخخخخخخ ما عايزين نشخبط فيهو بتكسير المجاديف .. وبعدين ياخ إذا كان البوست بى طريقتو الشايفا دي جاب بعض الأهوية فما بالك لم ندرج فيهو القاصدو اتا ؟
Post: #83 Title: Re: أصحاب الحنك السنين بالمنبر ( من كل شجرة ثم� Author: محجوب البيلي Date: 10-28-2015, 11:08 AM Parent: #82
Quote: حليل زمن الموية فى زمهرير يشِق العراقى وانت تقلِب فى اللَّبَقة تطُقك عقرب ولا تجُرَّلك دَقَرْ وحليل زمناَ كنا بـ نقَرِّن الحيضان ,, وحليل زحيح شتل البصل ,, ورمى الـ مَسْمَس ,,
يا سلاااام... بالله شوف الزول دا بيتكلم كيف. أخانا عبدالعزيز الفاضلابى: من أنتم؟ ...................................... بعدين ياخ... هل قلبت لبقة مؤخراً؟ هناك كائنات أخرى غير العقرب والدقر. ...................................... أخانا طلحة ورهطه: لكم التحية (في حال لم تكونوا لافّين )
Post: #84 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 11:23 AM Parent: #83
Quote: هل قلبت لبقة مؤخراً؟
يا بيلي لبقة دي ممكن تكون طشت قديم، شوال خيش، غطاية حلة، مركوب، الخ الخ الخ واللا حاجة قائمة بذاتا ..؟ ........................ أنا غايتو ما لافي.. شوف ناس حيدروف وجلالدونا وحمد عبد الغفار زبائن اللف كوتار تحمد سيدك .
Post: #85 Title: Re: أصحاب الحنك السنين بالمنبر ( من كل شجرة ثم� Author: بدر المعارف محمد المساعد Date: 10-28-2015, 11:37 AM Parent: #84
اخونا طلحة سلام من الله عليك
الحبيب طلحة انت واحد من اصحاب الحنك السنين و الحرف الانيق الجميل ، لكتابات عن الكورة مشتاقين، يا اخي انت قيثارة المواضيع الرياضية ، دائما تاتي بالموضوع المثير الذي يحرك ثبات المنبر و بمداخلة الاحباب نسكر، الساحة الرياضية الايام دي عكرة شديد ما عارف ليه عامل منطنش ، ولما مواضيع تستحق التناول، في انتظارك ابو حنك السنين.
Post: #86 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 12:07 PM Parent: #85
Quote: الحبيب طلحة انت واحد من اصحاب الحنك السنين
كتر الله خيرك وجبر خاطرك .. عايزين مزيد من الشهود العدول ليوقعوا أدناه ..
يا بدر الكورة السودانية النار القائمة فيها زي نار التقابة أصلو ما بتنطفي ... مما عرفناها عرفناها بالحالة دي . ما الكورة السودانية ؟ عبارة عن عوك عاك وهرجلة ألف اتسبب فيها شوية تجار نزلوا بالباراشوت (لا فكرة ولا خبرة) ليديروا مؤسسات الرياضة وفريقين (غمة) اتعودا على الذل والانكسار وملونا فضائح ونكبات ونكسات بالإضافة لجوقة كبيرة من المشجعين المتبطلين الذين يكتبون في صحف الهتر والبذاءة والتعصب بزعم إنهم صحافيين. دي نبذة مختصرة جدا لواقع الكورة السودانية المنكوبة .. بالنسبة للأحداث الدايرة حاليا دي فوجهة نظري المسبقة انها عبارة عن هدم وتكسير وفي أحسن الأوضاع عفص للقوانين واللوائح من الجميع بلا فرز .. إتحاد على هلال على مريخ .. ودا تأكيد على كلامي بخصوص مستنقع الفوضي الغرقانة فيهو الكورة السوداينة .
Post: #87 Title: Re: أصحاب الحنك السنين بالمنبر ( من كل شجرة ثم� Author: محجوب البيلي Date: 10-28-2015, 12:07 PM Parent: #85
Quote: يا بيلي لبقة دي ممكن تكون طشت قديم، شوال خيش، غطاية حلة، مركوب، الخ الخ الخ واللا حاجة قائمة بذاتا ..؟
بل هي قائمة بذاتها. وهي فتحة في الجدول تُفتح وتُسد لسقاية الأحواض، وتشكل مخبأً مثالياً للعقارب، حيث أنها تكون رطبة. وعقربها معروف بأنه ما بيشهّد الواحد. يقول المثل الدارج : عقرب الماسورة.. لا عٍرٍس لا طهورة. نسأل الله السلامة.
Post: #88 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 12:15 PM Parent: #87
الله ينور عليك يا بيلي
عارف العقرب ممكن تكون تحت روث البقر ( البعر) باعتبارا حتة رطبة لكن أول مرة أعرف المعلومة بتاعت فتحة الجدول دي .. مع انو المعروف العقرب بطلعوا من الجحر بالموية .
Post: #89 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-28-2015, 12:34 PM Parent: #88
تعرف يا طلحة المنبر ده لما الواحد يدخل ليه زي الداخل السوق فيه قسم الدهب و قسم المستورد و الجاهز و الستاير و فوقه البصل و النبق و الدوم و العنب و البطيخ و فوقه كمان عشان ما ننسى ههههههه الملح و فوقه الشطة الحمراء و الخضراء. المهم الواحد بيدخل و بيشوف الحاجات البتنفع معاه و يخلي الحاجات الماعايزه .يعني حسب مزاجه و حسب قروشه و يا دار ما دخلك شر. يعني باختصار المنبر متوازن فيه كل حاجة .و نفس الحياة السودانية فيه الونسة الدقاقة و فوقه الونسة العالية و فوقه النفس الحار و فوقه السوط و العكاز و البندق و فوقه الناس البتريدهم و البتزوغ منهم و الناس البتفتش ليهم و البفتشوا فيك و البتتحاشاهم و الجاري وراهم و البيجرو منك .
Post: #90 Title: Re: أصحاب الحنك السنين بالمنبر ( من كل شجرة ثم� Author: عليش الريدة Date: 10-28-2015, 03:49 PM Parent: #89
طلحة ياخوي.. لما الزول يجي خاشي حتة جديد،معاملات زي الترحيب والتشجيع والود،بتكون ليها قيمة كبيرة جدا عندو،مازي لما يبقي قديم ويكتسب ثقة شوية في نفسو.. عشان كدا إتخيلي جاء قدر أهل بدر.. وعشان كدا برضو،إنت ليك مكانة كبيرة عندي (ومعاك طبعا ناس تانين خاصة د.سيف،لأنو دا أول زول تداخل معي).. بعيد من دا، أنا في حياتي العادية،مقسم الزول لتلاتة حاجات..عقل وعلم وقلب.. والأخير دا عندي أهم من الإتنين التانيات(طبعي كدا).. لذلك لحدي الآن عندي أفضل ناس في المنبر 3.. حرسم وفقيري وأبوذر بابكر.. ديل ناس قلوبم زي البلور.. عليك الله أقرأ تاني مداخلة حرسم في بوستك المشار إليه..وشوفا مابتقطع القلب.. أنا بعتذر إن عبرت بطريقة فظة عن إختلاف نظرتي لبوستك المذكور.. و مهما يحدث لاحقا من تداعيات،تأكد إنو مافي زول أقرب منك للفريم النفسي بتاعي.. وأتمني جدا أن تمر هذه السحابة.. ولك العتبى
Post: #91 Title: Re: أصحاب الحنك السنين بالمنبر ( من كل شجرة ثم� Author: أبوبكر عباس Date: 10-28-2015, 04:16 PM Parent: #89
يا محمد عبد الله، يا أخي، إتّا نسيت أهم حاجة في السوق دا؛ الويكة اللايوقة ولو دايرني أدعمك بمثال بدعمك
Post: #92 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 04:54 PM Parent: #91
يا عليش الريدة اتا عايز تقول شنو بالضبط ؟؟؟؟؟ والله أنا ما فاهمك لا في مداخلتك دي ولا الفي البوست بتاعك القلتا لي فيهو اتا عايز تمغص ولا تغيظ ناس معينين .. ؟؟؟؟؟؟؟؟ ترشيح أفضل وأسوأ دا حق مكفول لأي زول حسب وجهة نظرو وقرايتو أو قل انطباعو .. وبالمفهوم دا أحترم وجهة نظرك وغيرك في ترشيح أيا كان سواء في البوست دا او بوست جديد يفترعو .. أنا ما عارف بالضبط اشارتك لمداخلة حرسم كونها بتقطع القلب علاقتا شنو بالموضوع اللهم إلا إذا قرنتها بكونو أفضل من وجهة نظرك وأنا ما رشحتو وبالتالي ربطها بحتة كونو البوست دا لاغاظة ناس بعينم .. الخلاصة : أنا عايزك تقول بوضوح العايز تقولو من دون حواشي أو ملينات عشان أقدر أرد ليك .
Post: #93 Title: Re: أصحاب الحنك السنين بالمنبر ( من كل شجرة ثم� Author: Basamat Alsheikh Date: 10-28-2015, 05:09 PM Parent: #92
ياخي عندي ملاحظة عاوز أقولها لعبدالحفيظ أبوسن وبسمات الشيخ - ألا وهي أن يرسموا خط ثابت فاصل بين المداخلة والتوقيع .. عشان الواحد ما يكون شغال يقرأ ويقرأ في المداخلة وفجأة يلقي نفسه بيقرأ في موضوع تاني لأنه بيكون خشَّ في قراءة التوقيع ... (Quote>>> <<< >>>
عزيزي الفاضل منير اها كيف التوقيع الآن... وما عندك سبب تخش في قراءة التوقيع...بعد قراءة التعليق.. لكن اذا التوقيع ما عاجبك برضه مستعدين نغيرو... وورينا رايك في التوقيع !! ودمت بالف خير وصحة وعافية ويا ود أبو سن .. امشي اعمل خط فاصل فوق التوقيع..
Post: #94 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 05:12 PM Parent: #92
Quote: فوقه كمان عشان ما ننسى ههههههه الملح و فوقه الشطة الحمراء و الخضراء.
هههههههههه يا محمد عبدالله الملح متوفر بشدة هنا لكن الشطة بألوانا نادرة .. غايتو أرشح حيدروف كأحد أكبر موزعي الشطة بالبورد .. خخخخخخخ
Post: #95 Title: Re: أصحاب الحنك السنين بالمنبر ( من كل شجرة ثم� Author: حمد عبد الغفار عمر Date: 10-28-2015, 05:55 PM Parent: #94
يا منير الموضوع ساهل ياخ حتى الزوايا كلها ما فيها واحدة بتجرح
والله يا أبو جودة انا خفت دمعك يتشتت وما تلقى البلقطوا المنبر دا يعج بالعجاج وانت سيد العارفين
يا طلحة الجميعابي دا ود حلتنا وبالمناسبة يا جميعابي ما عارف ليك بقالة في شارع جرير دا فيها لستك نجيب الرشيد وعلي ونجيب بيبسي وتسالي باجة ونقعد نتفرج في خلق الله ديل
شكلك فهمتني كويس يا غواسة
واخيرا يا طلحة بوستيك دا لو لقاني أيام كنت لاقي إيدي في الوقت كان أبهرتك تمام لكن خليها لله واصل ترشيحاتك ولا تتوارى
Post: #96 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 06:10 PM Parent: #95
Quote: واصل ترشيحاتك ولا تتوارى
أي والله يا حمد عندي ترشيحات حديثة العهد مولودة من رحم متابعة قريبة ما بعيدة .. مثلا : أرشح الصادق إسماعيل من أصحاب المداخلات المستحسنة والردود المسكتة .. يتبع ..........
Post: #97 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 07:53 PM Parent: #96
شكرا وائل حيدر للطلة المقدرة من الفيس .
أرشح أيضا أبو ذر الشعر (إدريس محمد إبراهيم ) عن النزف العذب. يتبع .............
Post: #98 Title: Re: أصحاب الحنك السنين بالمنبر ( من كل شجرة ثم� Author: محمد البشرى الخضر Date: 10-28-2015, 08:01 PM Parent: #97
مخيّر الله !!
Post: #99 Title: Re: أصحاب الحنك السنين بالمنبر ( من كل شجرة ثم� Author: عبدالعزيز الفاضلابى Date: 10-28-2015, 08:07 PM Parent: #98
Quote: مخيّر الله !!
مختار الله ياطلحة قول لصاحبك ده الكاردينال هَدَّ فوقك؟
Post: #156 Title: Re: أصحاب الحنك السنين بالمنبر ( من كل شجرة ثم� Author: درديري كباشي Date: 11-03-2015, 10:22 AM Parent: #99
والله يا طلحة البوست ممتع وما فاني منه شئ
بس أنا بطبعي خجول وما بحبش اللمة وخاصة لو كان فيها مديح ..
لكن لو انتبهت لكباضي كان جيت من أول
مسلط جلالدونا دي كبشرها كيف ؟
Post: #100 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 08:12 PM Parent: #98
Post: #101 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 08:16 PM Parent: #100
Quote: مخيّر الله !!
هي اتا في دا ولا في صاحبك يشيل ويعتل في البوست الأعرج داك قدر ما قلنا ليهو الشغل دا سيدو قنع منو البوست سيدو دافرو للغرقان ولا عبرنا .. عاد الليلة إلا تقلبو نكت ..
Post: #102 Title: Re: أصحاب الحنك السنين بالمنبر ( من كل شجرة ثم� Author: محمد البشرى الخضر Date: 10-28-2015, 08:32 PM Parent: #101
قنعت منو وين!! يا قريبك دا بوست الربع الله يديني ليه فرقة و افضى بس ههههه عجبننننني ليكم خخخخخخ
Post: #103 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-28-2015, 08:39 PM Parent: #102
تعرف يا طلحة أنا أول مرة أشعر بأنه في بوست اداني الفرصة أتكلم بدون حساسية عن موضوع مهم لكن الواحد ما كان قادر يقولها كيف. فالبوست ده عبارة عن مرآة لنا جميعا عشان كل واحد يشوف نفسه و يقيّم أداءه و أداء الآخرين و هو وقفة محتاج ليها المنبر عشان يعرف الاعضاء و المتابعين من وراء حجاب موضع أقدام كل منا. و برضه نحن محتاجين نعرف أنه مش لازم نجد في المنبر دائما ما نتمناه لأنه ليس كل الناس كما نتمناهم فهناك الظريف و خفيف الدم و هناك لا مؤاخذة الثقيل الدم و هناك الدخل المنبر عشان عنده موقف سياسي أو موقف اجتماعي أو بشوف نفسه مصلح ديني أو اجتماعي و هناك و هناك فما يغيظني في بوست اليوم سيعجبني يوما ما في بوست آخر. المهم شكرا للأخ طلحة لأنك فتحت لينا طاقة نقول فيها كلام ما قدرنا نقوله. و اعتقد إنه البوست ده حيكون مفتوح لمدة طويلة لأنه بمثابة ديوان أو مجلس للرأي و الرأيالآخر و منبر للتحدث بأريحية بدون مشاترة أو مناكفة او سوء فهم.
Post: #104 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 08:42 PM Parent: #102
Quote: الله يديني ليه فرقة و افضى بس
هي لكن صاحبك دا بتجيهو فلايت .. حالتي دي جهزت عدتي وجيت بى نكتي .. غايتو بديك يومين كان ما عملت حركة بقلب اللافتة .
Post: #105 Title: Re: أصحاب الحنك السنين بالمنبر ( من كل شجرة ثم� Author: محمد البشرى الخضر Date: 10-28-2015, 08:44 PM Parent: #104
مافي مشكلة النكت ما بناباها لكن اعفينا بالله من نكت الواتساب البتجيك خرتمية مرة دي كان عندك تسجيل أوكي :)
Post: #106 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-28-2015, 08:48 PM Parent: #104
Quote: البوست ده حيكون مفتوح لمدة طويلة لأنه بمثابة ديوان أو مجلس للرأي و الرأيالآخر و منبر للتحدث بأريحية بدون مشاترة أو مناكفة او سوء فهم.
حبابك ألف والله يا محمد عبدالله يا راجل بلد .. وتقبل تحيات وائل حيدر من الفيس بوك .
Post: #107 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-28-2015, 09:10 PM Parent: #106
مشكور يا وائل حيدر ... تسلم على اريحيتك
Post: #108 Title: Re: أصحاب الحنك السنين بالمنبر ( من كل شجرة ثم� Author: Munir Date: 10-28-2015, 11:01 PM Parent: #107
Quote: عزيزي الفاضل منير اها كيف التوقيع الآن... وما عندك سبب تخش في قراءة التوقيع...بعد قراءة التعليق.. لكن اذا التوقيع ما عاجبك برضه مستعدين نغيرو... وورينا رايك في التوقيع !!
مشكورة العزيزة بسمات .. وأنا أولاً آسف علي إقحامي لنفسي في توقيعاتكم إنتي وعبدالحفيظ .. وبس لو عملتي الفاصل خط متصل بدل المتقطع يكون حلو .. طبعاً أنا كده زودتها حبتين .. ههه .. التوقيع زاتو مافيهو كلام .. إختيار جميل ، إلاّ أن الوزنة الشعرية شوية مختلة .. وهي بعض أبيات من القصيدة لشاعرنا اسماعيل حسن رحمه الله : بلادي امان وناسا حنان يكفكفوا دمعه المفجوع يبدو الغير علي ذاتهم يقسمواللقمة بيناتهم ويدو الزاد حتي إن كان مصيرهم جوع يحبو الدار يموتو عشان حقوق الجار يخوضوا النار عشان فد دمعه كيف الحال لو شافوها سايله دموع؟ تصوّر كيف يكون الحال لو ماكنت سوداني واهل الحاره ما اهلي .
وأهديك الكلمات ملحنة كمان :
Post: #109 Title: Re: أصحاب الحنك السنين بالمنبر ( من كل شجرة ثم� Author: الصادق اسماعيل Date: 10-28-2015, 11:53 PM Parent: #100
التصنيف جميل وواضح إنه طلحة متابع كويس للبيحصل في المنبر تحياتي
Post: #110 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-29-2015, 05:29 AM Parent: #109
الأخ طلحة صباح الخير كما ذكرت فإن بوستك ده أدانا بعض الشجاعة عشان نقول حاجات ما بنقدر نقولها في مكان تاني. و طالما المصلحة العامة مطلوبة و حتى لا نكون كمن يمارس رقابة أو دور الألفة .لكن أعتقد من الأفيد ان تحاشى بعض العناوين التي تسيء لبلدان أخرى شقيقة أو صديقة أو مجاورة. فالأمور لم تعد كما السابق فكل ما نكتبه متاح في النت. فلا داعي إذن لكتابة عناوين نتيجتها تضر اكثر مما تنفع . فحقوا نكبّر دماغنا شوية. قصدي بالتحديد الكتابة عن دول مثل مصر أو السعودية أو قطر أو غيرها بدون داعي( لا أقصد الكتابة عن حلايب). لكن الأوصاف التي تكشف عن وجهات نظرنا و اتجاهاتنا كشعب يجب أن تكون بعيدة عن أعين أي دولة أجنبية..فإذا كان البعض أن تناول موضوعات بحجم دول يجعل منه بطلاً أو يجعل من موضوع ذو أهمية كبرى فهذا خطأ.فيجب أن لا ندلي بوجهات نظرنا للكل.و هنا اتذكر أنني كنت في دولة مجاورة و عرفت بالصدفة أنهم يقومون بدراسات سرية لمعرفة اتجاهات رعايا إحدى الدول العربية حول تلك البلد فعرفت أن مثل تلك المعلومات من الأهمية بمكان.فلماذا نكشف أنفسنا بالمجان في جهالة؟
Post: #111 Title: Re: أصحاب الحنك السنين بالمنبر ( من كل شجرة ثم� Author: محمد أبوجودة Date: 10-29-2015, 05:58 AM Parent: #110
عزيزي الأخ الكريم/ محمد عبدالله الحسين،
لك التحايا الطيبة، وشكراً على هذا التدفُّق المــُنثال في ما يقرُب عشرة مُداخلات.
وأرجو أن أنوِّه، بأني قد استفدتُّ من مداخلاتك - أغلبها - ببوست هذا ال طلحة الضليع*
وبلا شك، فإنِّي مُنتظِر باقي المداخلات من الحادي عشر وانتا طالح؛ وبعدَين ولا يهمّك، حقيقي أرجو ألّا يهمّك
أو ينتابك أي شعور بالاستكثار، فالحكاية - أغلبها - تدوير شمار .
............................. * ضلاعة أخينا المُكرَم طلحة، تتمثَّل في كونو قادر " يعمل " بوستات كأنها فيها " عمل " ..! تقع لبعض الناس - من أشباهي - وأمثال الأستاذ محمد عبدالله الحسين: فوق جَرِج إح إح إح إح اح اح هههه عزيزي طلحة، فضلاً دعِ التواضع جانبا
Post: #112 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-29-2015, 06:28 AM Parent: #111
شكرا الأخ أبو جودة هل تصدق من زمان داير لي موضوع أدخل معاك فيه؟ فشكرا على المبادرة الكريمة من جانبك و فتح الخشم.. كتاباتك و لغتك جميلة و راقية حقيقة أنا مرات بكتب برد الفعل و الإنطباع لما الموضوع أو الكاتب يعجبني طوالي بقول انطباعي بدون تحفظ. فأهلا بيك و سعيد للتعارف وجها لوجه؟
Post: #113 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-29-2015, 06:52 AM Parent: #112
الإخوة الأعضاء استكمالًا للبوح و التصارح و المكاشفة مع إخوة أعضاء جمعنا بهم حوش بكري المبتدع المبدع و بيت أخونا طلحة أقول: مرات عنوان البوست ما بيلفت نظري أو موضوعه ما بكون في مجال اهتماماتي. بالرغم من أنه الموضوع المطروح قد يكون على عكس ما أظن... يكون موضوع جميل و مهم. بس فات علي أن أعرف أهميته أو جماله أو أسلوب طرحه. و مرات أكتشف خطأي متأخرًا و مرات ما أكتشفه. فأرجو المعذرة لمن تنطبق عليه هذه الملاحظة. و إن شاء الله ما أشيل علي زول و لا زول يشيل مني. يا جماعة.. أنا من الأول ما قلت ليكم طلحة ده ما عارف عمل شنو في البوست بتاعه ده؟ خلانا نهضرب و نقول كلام ما ياهو. زي ما واحد قال طلحة عامل في البوست ده عمل هههههه. الغريبة إنه طلحة ده لا شفته و لا بعرفه قبل ما يفتح البوست بتاعه ده. هو شكله لسه ما صحى عشان يقوم يعمل ليه بخور و لا يعمل لينا كشحة تاني؟. هسه بيصحى و يقوم لي جنّه...الله يستر عليه بس من الكتاحة و الشطة الويكةبس الويكة هينة. بالموية بتطلع.هههه
Post: #114 Title: Re: أصحاب الحنك السنين بالمنبر ( من كل شجرة ثم� Author: ahmedona Date: 10-29-2015, 07:30 AM Parent: #113
تحياتي طلحة وضيوفك ....
ما تنسى تصنيف فِرد الكورس ( الشيالين).
Post: #115 Title: Re: أصحاب الحنك السنين بالمنبر ( من كل شجرة ثم� Author: بله محمد الفاضل Date: 10-29-2015, 07:54 AM Parent: #114
طلحة سلام ومحبة وامتنان على إيراد اسمنا في قائمتك
............
Post: #116 Title: Re: أصحاب الحنك السنين بالمنبر ( من كل شجرة ثم� Author: محمد عبد الله حرسم Date: 10-29-2015, 08:06 AM Parent: #63
Quote: عزيزي الفاضل الحبيب محمد عبد الله حرسم.. أساسا انت اصلك ما بتقول كلام كعب وكلامك كله صحي.. وفوق هذا وذلك انت أديب لا يشق له غبار( لا يشق له غبار دي عبارة أدبية شفيتها من هذا المنبر) فقد قرأنا لك الروائع في هذا المنبر العام...) وكان مفروض اسمك يكون في اول القائمة..
الرائعة بسمات الشيخ التحيات الممزوجات بارتال الغيوم والسفيا باى الكلام يكون الجميل ردا وباى الحروف تسنهض مكارمى موعينها لتكون مساويا
سديتى الانيقة والله انا ما قايل فى زول بقرا لى ذاتو خليكى من اللستة دى...لانو قلة هم الذين اراهم بين سطورى كتر خيرك والف الف كتر خيرك دا لانو اصلك وعيونك الزوق
تحياتى لى اميرة ووضاحة وبسمات صاحبة الحضور المميز جدا وزى ما قالو ليكى جيتى من فوق (بى سنونك) تربعى وصدقى انو
Post: #118 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-29-2015, 08:14 AM Parent: #116
غطيتونا ياخ قبال صاحب البوست ما يصحى. خلاص مخيرين أنا بنزل ردي مرة تانية انتو مخيرين. الإخوة الأعضاء استكمالًا للبوح و التصارح و المكاشفة مع إخوة أعضاء جمعنا بهم حوش بكري المبتدع المبدع و بيت أخونا طلحة أقول: مرات عنوان البوست ما بيلفت نظري أو موضوعه ما بكون في مجال اهتماماتي. بالرغم من أنه الموضوع المطروح قد يكون على عكس ما أظن... يكون موضوع جميل و مهم. بس فات علي أن أعرف أهميته أو جماله أو أسلوب طرحه. و مرات أكتشف خطأي متأخرًا و مرات ما أكتشفه. فأرجو المعذرة لمن تنطبق عليه هذه الملاحظة. و إن شاء الله ما أشيل علي زول و لا زول يشيل مني. يا جماعة.. أنا من الأول ما قلت ليكم طلحة ده ما عارف عمل شنو في البوست بتاعه ده؟ خلانا نهضرب و نقول كلام ما ياهو. زي ما واحد قال طلحة عامل في البوست ده عمل هههههه. الغريبة إنه طلحة ده لا شفته و لا بعرفه قبل ما يفتح البوست بتاعه ده. هو شكله لسه ما صحى عشان يقوم يعمل ليه بخور و لا يعمل لينا كشحة تاني؟. هسه بيصحى و يقوم لي جنّه...الله يستر عليه بس من الكتاحة و الشطة الويكةبس الويكة هينة. بالموية بتطلع.هههه
Post: #119 Title: Re: أصحاب الحنك السنين بالمنبر ( من كل شجرة ثم� Author: جلالدونا Date: 10-29-2015, 09:20 AM Parent: #118
العزيز حرسم مرات الواحد فينا بيلقى نفسو بيقرا فى سطور كدة لا يملك ادوات الرد عليها و فى نفس الوقت لا يملك الا ان يهز راسه اعجابا القراء الصامتون .. انا واحد منهم فياخى ما تحسبا حساب المشاركات و اتمناك تواصل يا زول يا سمح
Post: #120 Title: Re: أصحاب الحنك السنين بالمنبر ( من كل شجرة ثم� Author: شمس الدين ساتى Date: 10-29-2015, 09:33 AM Parent: #119
Quote: العزيز حرسم مرات الواحد فينا بيلقى نفسو بيقرا فى سطور كدة لا يملك ادوات الرد عليها و فى نفس الوقت لا يملك الا ان يهز راسه اعجابا القراء الصامتون .. انا واحد منهم فياخى ما تحسبا حساب المشاركات و اتمناك تواصل يا زول يا سمح
شرحو ..يا جلالدونا
Post: #122 Title: Re: أصحاب الحنك السنين بالمنبر ( من كل شجرة ثم� Author: محمد عبد الله حرسم Date: 10-29-2015, 09:46 AM Parent: #120
شمس الدين ساتى
ياخى اسعدك الله
شهادة تمنحنى كثيرا وتعيننى على المضى قدما
كتر خيرك على تاكيد الاضاءة
Post: #123 Title: Re: أصحاب الحنك السنين بالمنبر ( من كل شجرة ثم� Author: معاوية الزبير Date: 10-29-2015, 09:56 AM Parent: #120
وأنا برضو يا شمس الدين
تحياتي يا حرسم
Post: #121 Title: Re: أصحاب الحنك السنين بالمنبر ( من كل شجرة ثم� Author: محمد عبد الله حرسم Date: 10-29-2015, 09:45 AM Parent: #119
الزول السمح جلال ياخ يسعدك ربى وين ما كنت
كلام يمدنى بطاقة لاستمر
ويمنحنى ثقة بان الحروف ما ماشة البحر
كتر خيرك للاضاءة المهمة
Post: #124 Title: Re: أصحاب الحنك السنين بالمنبر ( من كل شجرة ثم� Author: نعمات عماد Date: 10-29-2015, 10:30 AM Parent: #121
سلام تحياتي لكل المتداخلين و القراء و ناس الفيسبوك خاصة أستاذ نبيل .
البوست حرك حاجات كتيرة ... في دليل أكتر من كدا على إحترافية و حرفنة أستاذ طلحة ؟
أستاذنا حرسم
أقرأ كل حرف تكتبه و لا أجد رد يناسب جمال الفكرة غالبا .
و هذا يتكرر بعد قراءة بوستات كثير من المبدعين . سأذكر منهم مثالا واحدا ... مصطفى مدثر .
Post: #125 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 12:47 PM Parent: #124
يتبع ......
Post: #126 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-29-2015, 01:01 PM Parent: #125
إنت يا طلحة مشيت وين ؟ الناس دي متكسّرة من الصباح و راجينك ... و البيت فاااتح ضلفتين و سيده مافي. و الا خلاص... البوست حقق هدفه و خمّيت القروش و ماشي غايته نحن ما بنخليك لانه اتشبكنا فيك ..الله يفكك مننا ساااكت
Post: #127 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 01:08 PM Parent: #126
لا أبدا يا أبوحميد بس انشغلت شوية بالصباحية دي البوست يا حبيب حقق أكتر من غرضو ونزف روائع وإبداعات وبحت مواهب كانت مدفونة ساي يعلم الله ههههههه اتا بالذات مجهودك هنا فعال جدا وليك التلت في زبدة البوست وعجبني والله وسر بالي انو أخونا حرسم لقي حقو البستحقو من الشباب، كما عجبني برضو مناتلة بت الشيخ لمنير الجابت ليها فيديو متماهي تماما مع الموضوع في جانب مهم وهو النفس البارد اللطيف الأنعش البوست . ولسة عندي كلام بعد خخخخخخ يتبع ..
Post: #128 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 01:38 PM Parent: #127
يا جماعة أسمحوا لي أشكر محمد عبدالله على اضافاتو المقدرة للبوست، والحقيقة انو راجل مبدع إلى حد كبير وعندو أفكار تبني ناطحات سحاب، لكن ما عارفو زاهد في إفتراع البوستات لشنو .. ؟ أتمني والله أن يكون البوست دا بمثابة عود ثقاب لإنارة شمعة أفكارو المحتاجة البورد بشدة بعد أن كادت عواسة السياسة وجوطة الرياضة أن تلوث الأجواء فيه. المداخلات التي تفضل بها محمد عبدالله هنا زي ما قال الحبيب محمد جودة شحمانة جدا وعبرت عني ووقعت في جرح فكرة البوست تماما، بل وأظهرت تفاصيلو وأهدافو الخافية. يا محمد عبدالله والله شاكر ومقدر جدا ليك وما عايز أمدح مجهودك أكتر من كدا لأنو زي ما قالوا ( الشكرو قدامو نبذو)، فااااااشنو أتمني انك تواصل هنا أو في بوست خاصتك، وما عندي غير أتمني ليك التوفيق والسداد والصحة والعافية أينما كنت ووين ما حللت .
Post: #129 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 01:43 PM Parent: #128
كما أرجو أن أضيف لقائمة أصحاب الحنك السنين فرع الفكرة المستحسنة الحبيب ابو جهينة والذي سقط إسمه سهوا والله .. التحية مرفقة مع اعتذار بلا حدود ل ( ابو جهينة ) للتأخير في إدراج إسمه هنا .
Post: #130 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 01:46 PM Parent: #129
تحية وتقدير وشكر لMohammed Suliman Khalid من الفيس والشكر موصول كذلك لجميع الأحباء المشاركين من نافذة الفيس.
Post: #131 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 01:58 PM Parent: #130
الصادق اسماعيل فعلا متابع وباهتمام وتركيز على أدق التفاصيل .. البوست محاولة لتعزيز معنويات المبدعين طالما لا توجد حوافز مادية خخخخخخخ
يا محمد جودةكلامك التحت بتاع ( دع التواضع.. الخ الخ ) قولو لى نفسك والله .
أحمدونا الحبيب البوست خاص ب( الفنانين) .. أها شن قولك في البين قوسين دا ؟
بلة محمد الفاضل تستاهل يا الحبيب .
محمد عبدالله حرسم تقديري ليك في تمامو والله
نعمات عماد مشكورة جدا والله يا عزيزتي .
Post: #132 Title: Re: أصحاب الحنك السنين بالمنبر ( من كل شجرة ثم� Author: معاوية المدير Date: 10-29-2015, 02:03 PM Parent: #130
طلحة ازيّك ياخ . نأتي هنا لكسر رتابة الغربة ونستمتع بقرأة من ذكرت، إنت زول سمح بالحيل لكن عندك دقسات . والله صحي ...
Post: #133 Title: Re: أصحاب الحنك السنين بالمنبر ( من كل شجرة ثم� Author: Basamat Alsheikh Date: 10-29-2015, 02:08 PM Parent: #130
عزيزي الفاضل منير شكرا على الفيديو الروعة بكلمات الشاعر إسماعيل ود حد الزين ، وكلماته التي تثير فينا النوستالجيا والحنين الى الوطن الى حد البكاء.. اما الصور المصاحبة للفيديو ، فعجبني شديد صورتين: الصورة الأولى : صورة أطفال الخلوة وهم يقرأون القرآن من الألواح.. والصورة الثانية : صورة الابقار وهي تشرب من الاتبراوي.. وطبعا حتسأل وتقول كيف انا عرفت ان النهر ده هو نهر الاتبراوي وما مكتوب يافطة.. طبعا انا بعرف الاتبراوي من لون الموية ومن ريحة الموية .. وانا بشم ريحة الاتبراوي حتى من الصورة.. نحن يا منير اتربينا هناك واكلنا من الطين ونحن صغار.. وشكرا مرة أخرى.. ودمت بالف خير وصحة وعافية
يا طلحة العطبراوي وما عطبراوي.. معليش حولنا ليك البوست الانيق والرائع ده لبوست الحنين للوطن لكن برضه ممكن نقول ان كلامنا بتماشى مع روح البوست لأننا هنا برضه بنحن للكلمة الانيقة وللشعر الرصين والادب الرفيع والثقافة المتنوعة والفكاهة البهية التي تزيح عنا مصاعب الغربة وشدائدها.. ودمت بالف خير وصحة وعافية
Post: #134 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 04:50 PM Parent: #133
يا بت الشيخ أخدي راحتك .. أنا مبسوط والله
يا ود المدير طلبتك بالنبي توريني الدقسة وين وفي شنو ؟
Post: #135 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 06:17 PM Parent: #134
وأبوذر بابكر عن الشعر الوريف والقوافي الحسان .. ما ساهل والله .. إكتشاف جديد لنج .
Post: #136 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 07:21 PM Parent: #135
وجمال ود القوز عن المداخلات الرشيقة والردود المستحسنة برضو (سقط سهوا ) يعلم الله . جمال كلامو واضح وخط كيبوردو أوضخ . عذرا جيمي الرهيب ..
Post: #137 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 07:25 PM Parent: #136
وعادل الباهي عن العكاليت واللاوايق والمزرزرون بحزم .. خخخخخخخ
Post: #138 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-29-2015, 08:52 PM Parent: #137
تعرف في زول لفتت نظري كتاباته باسلوب رشيق و تعليقاته ذكية اللي هو كبر في حديثه عن كادوقلي و الدلنج و في بعض مداخلته عن الجندرة باستثناء تراشقاته السياسية .ليس اعتراضا على موقف سياسي منه و لكن دائماً السياسة عند السودانيين تُخفي افضل ما عندنا و تُبرِز اسوأ ما فينا. فتحياتي للاستاذ كبر.
Post: #139 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 10-29-2015, 08:59 PM Parent: #138
مجرد رأي: احترم الأعضاء الذين لهم مواقف سياسية مهما كان اتجاهها و موقفها سواء مع ألحكومة أو ضدها. و كذلك الذين يُودّون أن يُلوّنوا المنبر بلون سياسي ما. بس بالنسبة مشكلتنا نحن عند ممارستنا للسياسة من يخالفنا هو عدو لنا و لا نتذكر أن الأحزاب السياسية بمختلف توّجهاتها هي لتجويد الممارسة السياسية و ليس لتسويدها. زي موضوع هلال مريخ فالقصد من الفرق الرياضية هو الارتقاء بالرياضة . و ليس التعادي و المكاواة. فما أود أن اراه من وجهة نظري أن ترتفع بالممارسة السياسية من الشتم و الترهات و التنابذ و التجريح الشخصي.
Post: #140 Title: Re: أصحاب الحنك السنين بالمنبر ( من كل شجرة ثم� Author: جمال ود القوز Date: 10-29-2015, 09:30 PM Parent: #139
أها ( الأحنكـ ) طلع منو ؟؟ .......
Post: #141 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 09:34 PM Parent: #139
يا محمد عبدالله يا حبيب صدقني لا في سياسة لا في رياضة في بلدنا المنكوبة كلها نفاق وتدليس وحرب مصالح خاصة جدا لا علاقة لها بى بلدا هيلي أنا . بالنسبة لي الناس الهنا ديل قاعدين يتونسوا ويقضوا في أوقات الفراغ لا أكتر ولا أقل .. أدخل أي بوست من طرف سياسي واللا رياضي وشوف بوصلة النقاش ومستوي المعالجات الفيهو .. ح تلقي قتال مستميت وأهوج في سبيل إنتصار ل ( الذات، فرد ، جهة، فريق، حزب ) ما في محاولة أبدا للإنتصار للكيان الجامع . عليك الله سيبنا ياخ .
Post: #142 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-29-2015, 09:56 PM Parent: #141
Quote: ( الأحنكـ ) .
ذو الحنكة والحكمة والتجربة .. في معجم المعاني الجامع : أَحنكَ: ( فعل ) أحنكَ يُحنك ، إحناكًا ، فهو مُحنِك ، والمفعول مُحنَك أحْنَكَتْهُ التجاربُ : حَنَكَتْهُ أحْنَكَ فلانًا عن الأمر : ردَّه
Post: #143 Title: Re: أصحاب الحنك السنين بالمنبر ( من كل شجرة ثم� Author: جمال ود القوز Date: 10-29-2015, 11:41 PM Parent: #142
Quote: وجمال ود القوز عن المداخلات الرشيقة والردود المستحسنة برضو (سقط سهوا ) يعلم الله . جمال كلامو واضح وخط كيبوردو أوضح . عذرا جيمي الرهيب ..
تسلم يا طلحة يأخ .. وهذا بعض ماعندكم .. ونشهد لك بكم معارف لايستهان بها .. ـــــــــــــــــــــــــــــــــــــــــــــــــــــــــــــ عليك الله هسه شغلة ناس الجاكومي دي .. ما كان اخير منها كمال شداد .. والله لي هسه متذكر هجومنا العنيف على سياساته .. ودفاعك المستميت عنه .. وكان ليك حق والله .. فما كنا نتخيل بان يسطو على الاتحاد السوداني .. جماعة زي ناس معتصم جعفر والجاكومي ديل .. ويحيلوه خراباً .. ويملؤه فساداً .. ويجعلوه مسخاً شائهاً .. ويضربوا بقيمته عرض الحائط .. والله كان اخير لينا كمال شداد .. على الأقل بي استفزازه داك .. كان زول فاهم .. أها هسه جونا المافاهمين التكتح ويستفزوك .. لامن تتحسس عكازك .. فبقن علينا إتنين . . عليك الله مافي طريقة يرجعوا بيها شداد للاتحاد من تاني ..... ويقلعوا لينا المسانيح ديل بره ..
Post: #144 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-30-2015, 08:22 AM Parent: #143
هههههههه يا ود القوز نحن عارفين كل حاجة لكن المشكلة كلام القصير ما بنسمع ... والمشكلة الأكبر المخليانا في آخر قائمة الشعوب من مجاميعو تكمن في العاطفة والمجاملات والمكابرة الفجة . دونك المنبر دا بس يا جيمي .. أنموذج للواقع المبتئس العايشنو السودانيين .. الكل يهرف بما لا يعرف .
Post: #145 Title: Re: أصحاب الحنك السنين بالمنبر ( من كل شجرة ثم� Author: جلالدونا Date: 10-30-2015, 06:53 PM Parent: #144
اهو الاحد قام من الصباح و ما عندو موضوع قلتا اعدل مزاجى بالبوست الرايع ده و قريت المداخلة دى
Quote: اصحاب البوستات الممتعة يندرج تحتهم بتاعين البوستات المفيدة فكرة، خبر طازج، نقاد الخ الخ أرشح عنهم من وجهة نظر خاصة وبعد متابعة أزعم أنها متأنية وطويلة من دون ترتيب : تاج السر الملك (رد الله غربته) عليش الريدة Dahab Telbo درديري كباشي بلة محمد الفاضل shaheen shaheen ول أبا Kabar نصار محمد أبو جودة حاتم إبراهيم معاوية المدير نعمات عماد
و معاها الجزئية دى
Quote: التعديل لأن الضاد فوق الشين مباشرة كما أرادها الصنع الكيبورد
اها قلتا اشوف كيبورد اخونا طلحة ده هبب شنو اصحاب البوستات الممتعة يندرج تحتهم بتاعين البوستات المفيدة فكرة، خبر طازج، نقاد الخ الخ ارضح عنهم من وجهة نظر خاصة وبعد متابعة أزعم أنها متأنية وطويلة من دون ترتيب : تاج السر الملك (رد الله غربته) عليض الريده
Dahab Telbo درديري كباضى بلة محمد الفاشل
shaheen shaheen ول أبا Kabar نصار محمد أبو جودة حاتم إبراهيم معاوية المدير نعمات عماد غايتو درديرى و عليش مبلوعة نوعا ما الكلام فى بلة
Post: #146 Title: Re: أصحاب الحنك السنين بالمنبر ( من كل شجرة ثم� Author: بدرالدين الطائف Date: 10-30-2015, 07:36 PM Parent: #145
Quote: غايتو درديرى و عليش مبلوعة نوعا ما الكلام فى بلة
:) :) يا جلادونا حا يجي طلحة هسع يقول ليك ده الزول القاعد جنبي .
Post: #147 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 10-30-2015, 08:10 PM Parent: #146
والله يا بدر ود الطائف جلالدونا أقصد الزول القاعد جمبي دا أنا متوقع منو أية حاجة .. فظيع ياخ الراجل دا ..
يا جلالدونا أي نعم الكيبورد خسيس وأية حاجة لكن كمان أنا ما مسكين ليهو للدرجة دي .. معقولة ياخ بلة محمد الفاشل .. خخخخخخخخ
Post: #148 Title: Re: أصحاب الحنك السنين بالمنبر ( من كل شجرة ثم� Author: محمد عبد الله الحسين Date: 11-01-2015, 07:31 PM Parent: #147
الأخ مصعب المشرف الأخ طلحة زي ما أظهرت الجانب المشرق في البوست بالكتابة عن أصحاب الحنك السنين في البورد.حقوا تعمل بوست بعنوان أصحاب الحلاقيم السنينة أو الألسنة البذيئة لأنه منذ الأسبوع القبل الماضي و نحن نجد أننا ندور في حلقة مفرغة من الشتائم من أصحاب الحلاقيم الغليظة و الألسنة البذيئة و كأننا ناقصين و الوطن ناقص مستويات هابطة.و كثير ممن كنا نظنهم عقلاء و محترمين أثبتوا العكس و اتضحوا إنهم عبارة عن (همبولات) للأسف. و كل كلمة بتدين صاحبها مهما تأنّق و مهما استخدم من العبارات المُفحِمة .ففي الآخر فالخاسر نحن و الوطن و مكارم الأخلاق. قال الرسول صلى الله عليه و سلم (قل خيراً أو أصمت). و لكننا نجد اننا انزلقنا في مهاوي سحيقة من التدني اللفظي و الأخلاقي.
Post: #149 Title: Re: أصحاب الحنك السنين بالمنبر ( من كل شجرة ثم� Author: Munir Date: 11-01-2015, 08:02 PM Parent: #148
Quote: بلة محمد الفاشل
عليك أمان الله بلة ده جاته في صمة خشمه ..
Post: #150 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 11-02-2015, 11:42 AM Parent: #149
Quote: الأخ مصعب المشرف
دا الحكم يا محمد عبدالله ؟؟ خخخخخخخخ عموما في بوست جديد عن ( المساسقات الشديدة ) يتعلق برضو بالدفان الحاصل هنا .. ف ترقبووووووووووووه هههههه.
يا منير متاهات جلالدونا دي فيها العقارب أعمل حسابك ..
Post: #151 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 11-03-2015, 09:34 AM Parent: #150
أنت يا حيدر حسن ميرغني مالك مستغني كدا ؟؟ بديك كدا أسى .
Post: #152 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 11-03-2015, 09:36 AM Parent: #151
عرفناهو الدرديري كباشي نجم كبير وما فائق لينا هسع
Post: #153 Title: Re: أصحاب الحنك السنين بالمنبر ( من كل شجرة ثم� Author: بله محمد الفاضل Date: 11-03-2015, 09:48 AM Parent: #149
ولقد صدقت الشين وكذبت الضاد يا شباب نقر بالفشل على أصعدة كثيرة ومهمة
ولا عليك أو على الذي جنبك يا مدير...
التحايا والمحبة لكم جميعاً
Post: #154 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 11-03-2015, 09:59 AM Parent: #153
يا بلة اتا صدقتا فرية جلالدونا يعني ؟؟؟؟
Post: #155 Title: Re: أصحاب الحنك السنين بالمنبر ( من كل شجرة ثم� Author: بله محمد الفاضل Date: 11-03-2015, 10:17 AM Parent: #154
لا والله ليس الأمر إن كنت صدقت أو لا إنما غنمت سانحة إعلان فشلي والفشل وقود لاستعدال عسى أن يكون فينا رمق له
المحبات لك
Post: #157 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 11-03-2015, 10:36 AM Parent: #155
سمح يا بلة سمح
يا درديري كبشر شنو ؟؟ قول دي زورا كيف ؟؟ الكلام دا ما حاصل علي الحرام .. غلطة واحدة في ( أرشح ) كتبتها ( أرضح ) تاني ما في وحاتك . لكن اتا كتبت مداخلتك دي في أول الصفحة كيف ؟؟؟؟ والله حيرتني .
Post: #158 Title: Re: أصحاب الحنك السنين بالمنبر ( من كل شجرة ثم� Author: نصر الدين عثمان Date: 11-03-2015, 11:52 AM Parent: #157
هلا بك طلحة أيها (الشفيف).. وبضيوفك الكرام،
(كل الصيد في جوف الفرا)...
أحييك يا طلحة على هذا البوست النوعي بحق...
تنجح دائماً يا (طلحة) في اجتذاب كل أولئك الرائعين إلى بوستاتك ..
أقول ذلك (وأتوارى خجلاً) من أي شبهة في الزج بنفسي ضمن (أولئك الرائعين) كوني تداخلت هنا (وجه متواري خجلاً)
Post: #159 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 11-03-2015, 12:06 PM Parent: #158
أبدا يا نصر والله ما تتواري ولا تعمل أية حركة فيها تداري اتا زول رائع بالفعل (بالأدلة المسنودة ) لكن من أسفي انو معرفتي قريبة جدا بيك كوني ما شايفك من زمان في المنبر ( ربما لقصور مني ) .. المهم تحياتي وتقديري يا حبيب
Quote: (الشفيف)
شكلك معرفة قديمة يا نصر .. لو فعلا فأفصح يا لذيذ خخخخخخ
Post: #160 Title: Re: أصحاب الحنك السنين بالمنبر ( من كل شجرة ثم� Author: نصر الدين عثمان Date: 11-03-2015, 12:14 PM Parent: #159
هلا طلحة .. تاني،
Quote: شكلك معرفة قديمة يا نصر .. لو فعلا فأفصح يا لذيذ خخخخخخ
كان حدساً .. الآن تأكد... من زماااان .. عكس الريح .. مش!؟
كنت أكني نفسي وقتها بـ (أبي شيماء)..
Post: #161 Title: Re: أصحاب الحنك السنين بالمنبر ( من كل شجرة ثم� Author: طلحة عبدالله Date: 11-03-2015, 12:17 PM Parent: #160
Quote:
كان حدساً
ياللفراسة .. ما شاء الله يا أبي شيماء حل الشرف الباذخ والله . الجماعة ديل لسة قاعدين واللا فرتقو ؟ غايتو شايف البروف مرة مرة بتاوق هنا والست بقت تكتب في الجرايد الهناك .
Post: #162 Title: Re: أصحاب الحنك السنين بالمنبر ( من كل شجرة ثم� Author: نصر الدين عثمان Date: 11-03-2015, 12:31 PM Parent: #161
أنا الأسعد والله.. تسلم... ----------------------- والله آخر عهدي بهم كان من سنين ماها بالشوية...
Post: #163 Title: Re: أصحاب الحنك السنين بالمنبر ( من كل شجرة ثم� Author: جلالدونا Date: 11-03-2015, 02:12 PM Parent: #162
مقامك كبير عزيزنا بلة كل ما فى الموضوع مجرد ملاحظة نلطف بيها الجو شوية و نصقع بيها اخونا و سيدنا طلحة بى واحد خخخخخخ من خاخاتو الكتيرة دى و نعتذر كان جاتك فى صمة خشمك زى ما قال اخونا منير ياخى احسبا فرية زى ما قال طلحة .... عشان يتخارج .. خخخخخخ ____ انتا كان مالك و مال سبب التعديل يااااخ
