Post: #2 Title: Re: نيالا ـ حقيقة البترول بالكوريك (صورة) Author: ادم الهلباوى Date: 10-23-2015, 02:36 PM Parent: #1
حكمة والله .. براهو جاى نازى !! كأنما يريد أن يقول حتى و لو ما عايزين تنقبو عنى هنا فى هذه الأماكن أهو أنا هنا .. إنت قايل الناس دى جايطة ساكت ؟!
Post: #3 Title: Re: نيالا ـ حقيقة البترول بالكوريك (صورة) Author: حامد عبدالله Date: 10-23-2015, 03:08 PM Parent: #2
سلام ههه ما يكون زيت راجع قدام بيت عمك عبدالمحمود !
الود والورد وبرميل بترول
Post: #4 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-24-2015, 10:13 AM Parent: #2
Quote: براهو جاى نازى !!
باقي بق يا هلباوي..
Post: #5 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-24-2015, 10:24 AM Parent: #4
Quote: ما يكون زيت راجع قدام بيت عمك عبدالمحمود !
يكون البترول الكاذب..
Post: #6 Title: Re: نيالا ـ حقيقة البترول بالكوريك (صورة) Author: طلحة عبدالله Date: 10-24-2015, 10:28 AM Parent: #5
ربك كبير يا عبد الرازق وما في حاجة بعيدة عليه
مع التحية والتقدير يا حبيب .
Post: #7 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-24-2015, 01:08 PM Parent: #6
حبابك طلحة عبدالله
Quote: ربك كبير يا عبد الرازق وما في حاجة بعيدة عليه
ربك قادر مافي شك.. بس كمان عارف في أونطجية وكيزان وسماسرة مجرمين بياخدو كل شيء غصباً.. سبحانه القائل:
سلام قولا من رب رحيم (58) وامتازوا اليوم ايها المجرمون.
سورة يسن
Post: #8 Title: Re: نيالا ـ حقيقة البترول بالكوريك (صورة) Author: محمد كابيلا Date: 10-24-2015, 08:18 PM Parent: #7
عبد الرازق
تحياتى ..
وعبرك التحيه لأهلنا فى نيالا البحير
Post: #9 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-25-2015, 07:01 AM Parent: #8
حبيبنا الغالي محمد كابيلا أخبارك يا رجل وينك كاتب الغياب..
Quote: وعبرك التحيه لأهلنا فى نيالا البحير
وعبرنا تحياتكم موصولة لكل الغبش أينما وجدو..
سلام؛
Post: #10 Title: Re: نيالا ـ حقيقة البترول بالكوريك (صورة) Author: ادم الهلباوى Date: 10-26-2015, 06:32 AM Parent: #9
إن شاء الله يكون خالى شوائب نقى وعياره ثقيل .............
Post: #11 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-26-2015, 07:28 AM Parent: #10
Quote: خالى شوائب نقى وعياره ثقيل
Best Top 10 Oil in the World
أفضل العشرة الأوائل في العالم..
Post: #12 Title: Re: نيالا ـ حقيقة البترول بالكوريك (صورة) Author: اباذر عبد العال Date: 10-26-2015, 07:38 AM Parent: #11
قول ياااارب....بلدنا خيرو كتير
Post: #13 Title: Re: نيالا ـ حقيقة البترول بالكوريك (صورة) Author: أحمد ابن عوف Date: 10-26-2015, 07:55 AM Parent: #12
الانفصال طوالي
Post: #14 Title: Re: نيالا ـ حقيقة البترول بالكوريك (صورة) Author: Osman Dongos Date: 10-26-2015, 12:19 PM
المكرمون عبد الرازق الطالب وضيوفك، السلام عليكم، خزائن الله واسعة لا تنَّضب. فالبترول في أي جزء من أرض السودان هو خير لكافة أهل السودان، مع وضع بعض الإعتبار لسكان المنطقة المنتجة و إفائهم حقهم من تنمية هم في أمسَّ الحاجة إليها. إذا صح الخبر و طلع بترول ما زيت راجع ولا قطران قديم مدفون، الله يستر من الحيتان و الغيلان التي لا تشبع أبداً. لكم الود، عثمان دُنقس
Post: #15 Title: Re: نيالا ـ حقيقة البترول بالكوريك (صورة) Author: الطيب عباس Date: 10-26-2015, 12:24 PM Parent: #14
فوق عشان لابد يوم باكر يبقي اخير
تحياتي لصاحب البوست وضيوفة
Post: #18 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-26-2015, 12:58 PM Parent: #14
عثمان دنقس وعليكم السلام..
Quote: إذا صح الخبر
أفادت بعض التقارير المحلية بالمدينة التالي:
Quote: تم تحليل المادة السوداء التى وجدت بحي تكساس بنيالا في الخرطوم والتى دلت بوجود بترول في حي تكساس جوار مدرسة الوحدة الثانوية بنات وصاحب المنزل من ضمن الفقراء المساكين الذين يكسبون قوت يومهم فهو يعمل ترزي في السوق الشعبي لمدة تراوحت ما بين 7_8سنوات تقريبا إلى أن تم إكتشاف النفط داخل منزله،والان وضعت الحكومة يدها على المنزل وما جاوره وتم ترحيل صاحب المنزل الي أحد الفنادق تحت حراسة مشددة.
يلا عينكم على كل نقطة نفط مارقة..
راقبوهم..
Post: #17 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-26-2015, 12:50 PM
أحمد ابن عوف حبابك..
Quote: الانفصال طوالي
يد الله مع الجماعة..
البياكل براهو بيخنق..
Post: #16 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-26-2015, 12:48 PM Parent: #12
اباذر عبد العال حبابك يا غالي..
Quote: قول ياااارب....بلدنا خيرو كتير
ألا بذكر الله تطمئن القلوب.. ومن كان رزقه على الله فلا يحزن..
بالضبط حقيقة بلدنا خيرها وافر..
Post: #19 Title: Re: نيالا ـ حقيقة البترول بالكوريك (صورة) Author: طلحة عبدالله Date: 10-26-2015, 01:04 PM Parent: #16
Quote:
تم ترحيل صاحب المنزل الي أحد الفنادق تحت حراسة مشددة.
حراسة مشددة ؟؟؟؟؟
Post: #20 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-26-2015, 01:09 PM Parent: #16
الطيب عباس تحياتي..
Quote: فوق عشان لابد يوم باكر يبقي اخير
إحتمال ربك كتب النهاية السعيدة للشعب السوداني داخل نفق الفساد والخراب الذى حل فى الاقتصاد السودانى في عهد الإنقاذ..
الله كريم..
Post: #21 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-26-2015, 01:12 PM Parent: #20
Quote: حراسة مشددة ؟؟؟؟؟
العهدة على الرواة يا طلحة..
Post: #22 Title: Re: نيالا ـ حقيقة البترول بالكوريك (صورة) Author: عثمان الخير Date: 10-26-2015, 11:32 PM Parent: #21
أبو رزقة سلام من الله عليك يا أخي وينك يا حبيب !!! عثمان الجدي
Post: #23 Title: Re: نيالا ـ حقيقة البترول بالكوريك (صورة) Author: ادم الهلباوى Date: 10-27-2015, 06:30 AM Parent: #22
Quote: فهو يعمل ترزي في السوق الشعبي لمدة تراوحت ما بين 7_8سنوات تقريبا إلى أن تم إكتشاف النفط داخل منزله والان وضعت الحكومة يدها على المنزل وما جاوره وتم ترحيل صاحب المنزل الي أحد الفنادق تحت حراسة مشددة.
والله دى نقلة نوعية دى .. من تكساس الى فندق كورال!! قال شنو قال ترزى قال بعد دا textile factory عديل !!
قال شنو قال ( التمويل الأصغر ) قال !!
Post: #24 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-27-2015, 04:47 PM Parent: #22
وعليكم السلام عثمان الجدي.. حبابك يا زول..
Quote: يا أخي وينك يا حبيب !!!
أخوك غاطس في هم معيشة العيال للعضان ما بين المدارس والدوام.. وجابنا طريق بيتكم ذات مرة بس كنا لحظتها في عجلة من أمرنا شايلين هم معيشتنا.
ربك كريم.. يقال أن أرض جدي للوالدة في غابة الهشاب المسجلة باسمه بمنطقة نوري بدار التعايشة قد حفر بها ما يفوق عدد المائة بئر نفط جاهزة للضخ والربط بالشبكة للتصدير وفي إنتظار تعويض أصحاب الأرض مع رفض الورثة بالتفريط في أرض والدهم التي تستخدم في طق صمغ الهشاب وقد وزعت دون مقابل لمن يفلحها..
Post: #25 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-27-2015, 04:55 PM Parent: #24
ماخد بالك يا هلباوي..
Quote: والله دى نقلة نوعية دى .. من تكساس الى فندق كورال!! قال شنو قال ترزى قال بعد دا textile factory عديل !
يرزق من يشاء بغير حساب..
سبحان مغير الأحوال الواهب الرازق..
Post: #26 Title: Re: نيالا ـ حقيقة البترول بالكوريك (صورة) Author: ادم الهلباوى Date: 10-28-2015, 08:08 AM Parent: #25
وأما بنعمة ربك فحدث والحمد لله رب العالمين
* إنت فى دا وله قالوا ( جبل سقرا ) كله ذهب خالص عيار 24 بس من الجبل للمعصم والأصابع شئ غويشات وشئ ختم أحفظ مالك وخلى ساكت
[/url]
العيال بلقطوا ساكت بعد دا العرس ساهل ميسر وبسيط قال شنو قال زواج جماعى قال !! وما نشوف إلا فى القنوات فقط وفى بعض الولايات يرزق من يشاء بغير حساب !! ا/red]
Post: #27 Title: Re: نيالا ـ حقيقة البترول بالكوريك (صورة) Author: ادريس خليفة علم الهدي Date: 10-28-2015, 08:12 AM Parent: #26
ابو رزقه .. سلام وتحية
اليومين دي بسن في سيف جدي محمد ود جار النبي ..
Post: #28 Title: Re: نيالا ـ حقيقة البترول بالكوريك (صورة) Author: على محمد على بشير Date: 10-28-2015, 08:15 AM Parent: #26
تعرف يا ابو رزقه
البتاع دا من الشكل الاولى كدا انا اعتقد انو خام برنت
وبالجمبه .. مشتاقين
Post: #29 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-28-2015, 11:57 AM Parent: #26
Quote: ( جبل سقرا ) كله ذهب خالص عيار 24
قال الإمام علي بن أبي طالب: الرزق نوعان: رزق يطلبك و رزق تطلبه فأما الذي يطلبك فسوف يأتيك ولو علي ضعفك. و إما الذي تطلبه فلن يأتيك إلا بسعيك و هو أيضا من رزقك .. فالأول فضل من الله و الثاني عدل من الله
هاك الجبل ده..
Post: #30 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-28-2015, 12:04 PM Parent: #29
حبابك ومشتاقين يا ود الناظر..
Quote: اليومين دي بسن في سيف جدي محمد ود جار النبي ..
إنت قول يا هادي بس وتعال لو ما شالتك الأرض بنشيلك في حباب عيونا..
وإن شكرتم لأزيدنكم يا علم.. أقعد باري لي مثلث عقار عرمان جبريل لامن صديق الموج يجيب خبرك..
Post: #31 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-28-2015, 12:12 PM Parent: #30
علي محمد علي بشير اليوم جيت باقي من وين..
Quote: و خام برنت
يا زول الحكاية البتنز بارها دي وبيكشف عن حاله بدون شك حاجة كاربة خالص..
ربك يهدي النفوس بس.. مشتاقين يا غالي..
Post: #32 Title: Re: نيالا ـ حقيقة البترول بالكوريك (صورة) Author: عبدالكريم الاحمر Date: 10-28-2015, 12:24 PM Parent: #31
عبدالرزاق بترولكو امشو بيا لغادي الجماعة مايشربو منكو بمنخر واحد ههههههه
Post: #33 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-28-2015, 03:10 PM Parent: #32
أزرق كحل الشيخات عبدالكريم الأحمر حبابك ..
Quote: عبدالرزاق بترولكو امشو بيا لغادي الجماعة مايشربو منكو بمنخر واحد ههههههه
الخلاء ولا الرفيق الفسل.
Post: #34 Title: Re: نيالا ـ حقيقة البترول بالكوريك (صورة) Author: فؤاد إبراهيم Date: 10-28-2015, 10:10 PM Parent: #25
ديل بخمو فى شنو؟ موية سادة والله بترول
Post: #35 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-29-2015, 05:15 AM Parent: #34
فؤاد إبراهيم حبابك..
Quote: ديل بخمو فى شنو؟ موية سادة والله بترول
الأرض بكر..
كل شيء جايز.. إن تعدوا نعمة الله لا تحصوها..
Post: #36 Title: Re: نيالا ـ حقيقة البترول بالكوريك (صورة) Author: MOHAMMED ELSHEIKH Date: 10-29-2015, 05:26 AM Parent: #35
ابو رزقه وضيوفه تحية طيبة نعم الله في دارفور لاتحصى ولاتعد وهذا قليل من فيض نسأل الله ان يمن علينا بالسلام والديمقراطية لاستثمار خيراتنا. وبمناسبة الترزي وفندق كورال لدينا ساقية(قطعة ارض) مسجلة باسم العائلة وتوجد بها كنيسة قديمة جدا في البلد نتمنى يجونا ناس الآثار ويسكنونا انشاء الله في لكوندة نهر عطبرة. ومن طرائف كنيستنا انو الواحد لمان يكون ماشي للحواشة بقول ماشي الكنيسة. يوم جاء قريبنا وسأل من اخوي حسن فقالو ليهو "مشى الكنيسة" فرد عليهم " انتو حسن دا متين بقى مسيحي؟"
تحية لاهلنا في نيالا وعموم البلاد
Post: #37 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-29-2015, 06:07 AM Parent: #36
الكردينال MOHAMMED ELSHEIKH ياخي ليك وحشة..
Quote: ساقية(قطعة ارض) مسجلة باسم العائلة وتوجد بها كنيسة قديمة
ده ما الكنز ذاتو.. عارف تعمل ليها شوية شغل إعلامي عبر الوسائط المتخصصة.. ومطعم بيتزا محلية (قراصة وويكة وملوخية باللحم ).. علي باليمين الغرب المسيحي وأوروبا عن بكرة أبيها تجيكم هناك.. والدخل على كتف من يشيل.. وبكده بتكون الاولوية في ظروفنا هي احتواء الازمة المستفحلة وخطوة نحو انطلاق الاقتصاد بتوفير فرص عمل جديدة، زيادة على ذلك بنكون أبدعنا مصادر تمويل لمشاريع مستمرة وجديدة ومبتكرة وحاربنا الفلس والفقر بدون تحمل اعباء حرب.. لأنه ساعتها الناس بتكون مشغولة بشؤونها وتطوير مشاريعهم الخاصة..
الأرض عامرة بس عايزة الزول البيخلص ليها علشان تعطي..
الإصرار على التفاؤل قد يصنع ما كان مستحيلاً حكي لي صديقي دكتور أبو المعالي من أبناء مروي الذي كان يرأس قسم الآثار أنه كان لامن يفلسو والراتب ما يكفي العيشة كان بيمشو ينقبو في صحراء العتمور وبيرجعو ليهم بتحف فنية من الذهب الخالص..
Post: #38 Title: Re: نيالا ـ حقيقة البترول بالكوريك (صورة) Author: Sudany Agouz Date: 10-29-2015, 03:42 PM Parent: #37
الأخ الحبيب عبد الرازق ..
وينك يا زول .. ليك وحشة كبيرة ..
كل ما أشوف البوست دا .. أقول .. لا .. دا دايرليهو قعدة خاصة .. لكن .. الظاهر ما فى فايدة .. كل مرة أقول بعدين .. بعدين ..
وبعدين .. قريت .. فى ناس بينادوا بالإنفصال .. يا اخوانا .. انفصال شنو .. ليه بس .. أنا ضد الإنفصال .. ما فى أحسن من الإتحاد .. يا اخوانا كفاية تفرقة .. كفانا .. أهو الجنوب انفصل .. هل الأمور تحسنت ..!! أم ازدادت سوءاً ..
المهم يا رزقه .. بعدين بجيك راجع .. أبقى عشرة .. عمك العجوز .. ارنست +++
Post: #39 Title: Re: نيالا ـ حقيقة البترول بالكوريك (صورة) Author: A.Razek Althalib Date: 10-29-2015, 04:27 PM Parent: #38
العم آرسنت Sudany Agouz أبن مدينة نيالا البار.. حبابك يا غالي وليك وحشة وشوق ممتد للمدينة العامرة بطيبة أهلها الكرام وأمسياتها وأصائل وادي برلي وميدان دافوري المدرسة الشمالية بنات ومديرتها والدة تراجي..
كم هي الأرض معطاءة ولكن النفوس ضاقت ولم تبدع العقول السياسية أي حلول مبتكرة لحل الأزمة الإقتصادية والسياسية.. ولكنهم يصرون على إنتاج الأزمات وتصديرها.. مع الكنكشة والتجوال عبر العواصم العالمية دون الإلتفات إلى هذا الشباب الذي يحترق وضاع بين أزقة اللجوء والهجرة..
في إنتظار عودتك يا غالي..
Post: #40 Title: Re: نيالا ـ حقيقة البترول بالكوريك (صورة) Author: ادم الهلباوى Date: 10-29-2015, 04:55 PM Parent: #39
الأخ الكريم عبدالرازق الطالب تحياتى يا محترم
[/url
هذا السودانى العجوز أمين مع نفسه ومع الغير ومشاعره صادقة وليس أدل على ذلك هذه العصارة الفكرية المتبلورة أدناه وحيث أنك رجل تجيد فن التوثيق أجعلها فى المخيخ وفى مؤخرة دفاتر بحثك وتوثيقك فى صفحة المحبين :/B]
Quote: هذا هو الألم زاتو .. ونقول كمان ..
حرام عليكم .. ليه شرطتو الخرطة .. !! ارنست ارجانوس جبران حرام عليكم .. ليه شرطتو الخرطة ..!! مش كفاية شرطتو عينا .. جبتو لينا جلطة .. بالمناسبة .. جيتكم دى للحكم .. كانت أكبر غلطة .. مش أول ما جيتو .. كتلتو مجدى محجوب .. وجرجس الطيار .. وبعَدُم .. برضو سال الدم أنهار .. ومنهم و قبّال 8 سنوات بالضبط .. كانوا شهدا كجبار .. الشباب الطيبين فى منطقة النوبة فى الشمال ... قايلنها شطارة .. قايلنها شطارة .. قايلنها لعب كورة شراب فى الحارة .. حارة .. ومحارة .. وسيجارة .. إياك اعنى واسمعى يا جارة .. فاكرين لما تزيدوا فى الضغط .. وتتمادوا فى الغلط .. الشعب حيسكت ولا حيرقد لط .. فى الحقيقة .. انتو قاعدين وما عارفين حاجة .. لو مافى سلام .. حيكون جوع و قحط .. ما انتو قلبكم جافى .. قاعدين فوق الكراسى .. ما جايبين خبار العريان الماشى حافى ... ولى حسه دى .. نازلين رش .. فى البشر .. بالطيارات فى دارفور ... فى كردفان .. وفى كل مكان .. لا بهمكم .. وطن .. ولا إنسان .. يا حليل وطنا حق زمان .. يا حليل خرطتنا حقت زمان .. يا حليل سودانا حق زمان .. سودانا .. اللى كان .. أيام كان ياما كان .. اللى كان بيحكى بيهو فلان و فلتكان .. سودانا .. اللى كانت خرطتو .. تملا العين والكيان .. حسدونا الناس عشان الخرطة السمحة .. حسدونا الناس .. عشان اللمة السمحة .. من قمنا .. تبينا ربينا على شكل خرطتنا السمحة .. كل يوم فى حصة الجغرافيا .. ياها الخرطة .. حفظناها حفظ .. بقت محفورة فى الوجدان .. وما ممكن تمّحِى .. ولا تتنسى .. حتى ولو عجزنا .. وأصابنا مرض النسيان.. ياها خرطتنا .. محفوظة فى الوجدان .. . والتاريخ يحكى .. وجدودنا يحكوا .. وحبوباتنا يحكن .. كيف كان سودانا .. سودانا حق زمان ... لاكين .. جو ناس الحاسد الذى حسد .. جابو مقص كبير .. قصو بيهو الخرطة . حسة .. بقى شكلها .. كيف كده .. حرام عليكم .. حرام عليكم .. شرطتو الخرطة . حرام عليكم .. بوظتو الخلطة . حرام عليكم .. جبتو لينا جلطة .. بقيتو .. بقيتو فى الحلقوم ظلطة . مرة تانية .. جَيّتكم دى كانت أكبر غلطة ... قعادكم بقى حراق ..حراق بالحيل ..بس شطة والقليب الصغيرون .. .. القليب الصغيرون حزنان .. ممكون .. .. صحى .. هو قليباً .. صغيرون .. لاكنو .. لاكنو وحاتكم .. هو كبير بالحيل .. شايل فيهو سودانا بخرطتو القديمة قبال ما يقصوها .. قبال .. سودانا .. قبال ما يصغروهو .. قبال ما يشرطو خرطتو السمحة .. قبال ما يبوظو سمعتو .. قبال ما يشوهو شكلو .. الله يسامح اللى كان السبب .. بصراحة .. ما بقدر أنوم .. لما أتخيل .. نص السودان اللى تحت .. مافيش .. ما قادر اتصور خرطتو المقطوعة .. شكلها بقى شين بالحيل .. يعنى دينق وينو .. ووين ملوال .. وصديقنا منقو زمبيرى .. الدرسونا ليهو.. ياهو.. صديقنا حق زمان .. راح وين .. يعنى حسى دى أهل منقو زمبيرى .. ما ممكن يتلاقو مع أهل صديق .. صديق صديقنا اللى كان فى القولد .. يعنى حسه .. خلو ناس الجنوب .. ما يتلاقو مع ناس النوبة اللى فوق .. عليكم الله .. عليكم الله .. بدل ما يخلو ناس الجنوب يعرفو حضارة الشمال .. وين حضارة النوبة .. وين اهرامات النوبة .. يا حليلك يا حبوبة .. لو كنتِ عايشة .. ما كان برضيك .. حالنا المايل دا .. لاكين نقول شنو .. أيوه .. لازم نقيف و نتكلم ونقول .. ونسألُم ؟؟؟ .. يا اخوانا .. ليه .. ليه .. شرطتو الخرطة .. ؟؟. يا اخوانا .. ليه فصلتو الجنوب عن الشمال ..؟. ليه .. شينتو داك .. الجمال ؟؟.. لما أعاين فى الخرطة حقت حسه .. أشعر بشعور .. غريب .. أشعر .. أنا غريب .. آى .. أنا خجلان .. شاعر كده .. أنا بقيت عريان ... بجد ..أنا شاعر .. انو .. أنا .. ما لابس سروال .. آى .. أنا شاعر .. بقيت عريان .. بدون سروال .. وكمان سودانا .. بقى عريان وبدون سروال .. يغطى نصو التحتانى .. يا ناس فضحتونا .. خليتو الناس تقول كانى ومانى .. يعنى شوية .. شوية .. يجيو مقصهم الكبير داك .. ويقصو حته تانى .. الله يسامح اللى كان الجانى ... آى .. يمكن الليلة دى يقصوا دارفور .. وبكره دى يقصوا كردفان .. يعنى فى النهاية .. يكونوا قاعدين مبسوطين .. فى الخرطوم .. مبسوطين نايمين نوم .. .وما عارفين .. قُعادم دا بقى .. شوكة فى الحلقوم .. يا حليل سودانا حق زمان .. أيام ما كنا صغار وكنا نكُدَ الدوم .. .. آه .. آه .. من وين ديل جونا .. قطعوا علينا قعدتنا .. شربتنا لجبنتنا .. حتى ما خلونا نخلص فناجينا .. وجينا جايين .. عشان تفرقتهم فى الدين .. قطعوا علينا أحلامنا .. وطموحاتنا .. جينا لبلاد الحرية .. وياها الجية ..آه .. آه .. ما علينا .. نرجع لموضوعنا ... يعنى نسأل و نقول تانى .. وين باقى الخرطة .. وين بحر الجبل .. وين نمولى .. وين جنقلى ومشروع جنقلى .. فى حاجة ناقصة .. فى حاجة نافصة .. وين المويه .. اللى جاية .. من بحيرة فكتوريا .. خلاص انقطعت .. لا مويه .. لا سمك .. .. لا سمّاك .. عملتوها .. وبقيتو تتاوقو من الشباك .. آى .. لا موية .. ولا سمك .. خرطتكم بتقول كده ... خرطة شنو .. الخرطة .. بقت كده صلعة .... يا جماعة .. الواحد يعمل شنو .. نقول شنو .. يعنى الواحد يكورك .. ولا يجيب ليهو كوريك . يخمخم جواهو .. القليب المكتول كمد .. القليب المصرور جواهو سودانا .. حق زمان ... .. آآى ..سودان حق زمان .. لساتو .. مصرور جوه القليب .. أآى أقول كمان .. بحبو .. بحبو .. وبحب ناسو حقين زمان .. لكنو لساتو صابر .. وممكون .. ومكتول كمد .. ..قليباً .. محروق ناس كتار ما بصدقو .. بيقولوا .. دا مجنون .. يا ناس وينُم ناس حَمد .. ما قلتليكم .. القليب مكتول كمد .. ياهو .. أنا الزل زاتو اللى كان ساكن فى بحرى حلة حمد لما اتذكر وأحكى .. وأحكى ليهم سودانا حق زمان .. كان كيفنو نقول شنو بس .... وكيف كانت القعدات .. كيف كانت الشيات .. والمنقد والكانون .. وكيف كان الفانوس .. وقراية الفانوس .. والعلم اللى كان فى الدقنوس .. !! .. وكتاب المطالعة والمحفوظات ... مع غنمى ترعى .. وسط المرعى .. ونحن إذا جاء المطر .. نجرى ونلعب بالزهر .. .. وكريت مالا .. أبت الرجوع للبيت .. وبيت الجاك .. وما أدراك .. بالبيت الذى بناهو الجاك .. يانا نحنا ناس البروش .. القرينا فوق البروش .. واتعلمنا .. وكتبنا الحروف فوق الأرض .. وفى حصة الأعمال .. كنا نعمل بالطين .. ونلعب بالطين .. ولمن نرجع البيت .. نرش الحوش .. وتتلم أجمل لمة .. لمة ضيوف الحوش المرشوش .. وبيغادى .. ناس المزارع .. البسموها البلاد .. وناس هناك .. قاعدين يحاحو فى الطير .. وناس الحفير .. مع الحمير .. لساتم بيقولو فى الدوباى .. حق زمان .. .. آآى ..أنا لما أتذكر .. كيف كنت أقعد أتحكر .. فوق البمبر .. حارس الشاى .. لمان يغلى فوق كانون الجمر .. أنفخ فيهو .. ولا أجيب ليهو هبابة .. أخلي ليك الجمر يبقى لونو أحمر .. واللبن المقنن .. يا ولد خلى بالك من اللبن .. أوع يفور .. يدفق .. عارف لو دفق .. بجى اقطع راسك .. بالمناسبة أقطع راسك دى من عندى أنا .. لأنو أبوى الله يرحمو ما كان يطلع ليهو كلمة بطالة .. بس لما نغلط .. كان يقولى .. يا غبى .. سمح يا ابوى .. آى الشاى باللبن المقنن .. نشربو .. ونقعد تفنن .. تكتب ليك قصيدة عن بت سمحة قاعدة تتحنن .. تتجهز لعرس بكره .. والفنانين .. والدلوكة والرقيص .. رقصة الحمامة .. أبشر يا عريس .. والزغاريد .. وقطع الرحط .. والشباب اللى بِعرض .. والجرتق .. والدلكة .. والخُمْرَة .. وحفرة الدخان .. والحِنة .. والعروس المُكبرته .. ونحنا يانا نحنا .. نحنا فى وادى وناس البندر فى وادى آخر .. .. وناس البندر قالوا عايشين فى المدينة .. عندهم كهربه .. لاكين .. ديمة قاطعة .. عليكم الله شيلو كهربتكم دى .. ما دايرنا . . وجيبوا لينا رتاينا .. وفوانيسنا .. وكوانينا .. دايرين ناسنا حقين زمان .. بطيبتم .. وبونساتم .. يا حليلم .. يا اخوانا .. دايرين ناسنا حقين زمان .. دايرين سودانا حق زمان .. وكمان .. رجعوا لينا خرطتنا حقت زمان .. وناسنا حقين زمان .. مره تانية .. ومرة تالتة .. يا حليل سودانا .. بلاد النوبة .. وحضارة النوبة .. و دارفور .. و يا حليل كردفان و جبال النوبة .. لاكين انتو يا ناس الحكومة أرجوكم .. أرجوكم ما تشرطوا الخرطة تانى .. ياريتكم تلصقوها .. عليكم الله رجعوها لينا تانى ..آ آى رجعوا لينا خرطتنا القديمة .. يعنى جيبوا لينا الجنوب .. ويبقى الشمال مع الجنوب حته واحدة .. وبطلوا الحرب فى الغرب .. مع ناس دارفور وكردفان .. والجبال .. والسودان يرجع زى ما كان زمان .. دايرين سلام .. ووئآم .. نوقف بيهو نزيف الدم .. وخلونا نتلم .. مرة تانية .. من فضلك يا حكومة .. من فضلك يا حكومة .. دايرين سلام .. يعم السودان كله .. وبطلوا تقطيع وشِرّيط فى الخرطة .. قربتو تجيبوا لينا جلطة .. أنا خلاص بقيت بالحيل مرضان ... خلاص .. انتهى البيان .. الإمضاء .. العجوز الكحيان .. الهايم بحُب السودان .. ارنست ارجانوس جبران التاريخ 13 يونيو سنة 2015 +++[ B]
أسمح لى أهديه اللوحة دى مع مودتى !!
[/url
أيها النهر لا تسر وأنتظرنى لأتبعك كسرت مجادفى وقاربى قد مضى معك ؟!
Post: #41 Title: Re: نيالا ـ حقيقة البترول بالكوريك (صورة) Author: الصادق اسماعيل Date: 10-29-2015, 06:52 PM Parent: #40
فوق
Post: #42 Title: Re: نيالا ـ حقيقة البترول بالكوريك (صورة) Author: Sudany Agouz Date: 10-30-2015, 03:13 PM Parent: #41
الأخ الحبيب آدم الهلباوى ..
شكراً أخى لهذا الإطراء .. العفو .. العفو ..
Quote: الأخ الكريم عبدالرازق الطالب تحياتى يا محترم
[/url
هذا السودانى العجوز أمين مع نفسه ومع الغير ومشاعره صادقة وليس أدل على ذلك هذه العصارة الفكرية المتبلورة أدناه وحيث أنك رجل تجيد فن التوثيق أجعلها فى المخيخ وفى مؤخرة دفاتر بحثك وتوثيقك فى صفحة المحبين :/B]
كلماتكم هذه يا أخى آدم .. إنما توضح بما فيك أنت من مشاعر ومن وطنية صادقة .. فالإناء يا أخى ينضح بما فيه .. وكل هذه الكلمات التى ذكرتموها إنما هى بداخلكم .. وهى التى تنضح الى الخارج .. كم هو جميل يا أخى أن نتعلم من بعضنا البعض .. كيف نحب بعضنا بعضاً .. وكيف نحب وطننا الغالى على قلوبنا .. وهكذا تتقدم الأوطان .. وهكذا تنغرس الوطنية فى القلوب ..
أكثر الله من أمثالكم يا أخى آدم .. والرب يبارك حياتكم .. أخوكم وعمكم العجوز .. ارنست +++
Post: #44 Title: Re: نيالا ـ حقيقة البترول بالكوريك (صورة) Author: A.Razek Althalib Date: 11-01-2015, 08:41 AM Parent: #41
الصادق اسماعيل حبابك ول أبا
Quote: فوق
خدر الله ضراعك ولا أسكت لك حساً..
Post: #43 Title: Re: نيالا ـ حقيقة البترول بالكوريك (صورة) Author: A.Razek Althalib Date: 11-01-2015, 08:14 AM Parent: #40
حبيبنا آدم الهلباوي.. حبابك يا غالي.. كم منزل في الأرض يألفه الفتى ... وحنينه أبدا لأول منزل
Quote: هذا السودانى العجوز أمين مع نفسه ومع الغير ومشاعره صادقة وليس أدل على ذلك هذه العصارة الفكرية المتبلورة أدناه
حقيقة العم آرنست يكفيه إرتباط بهذه الرقعة تفصيل الإنتماء.. على قول الشعر: وما حب الديار شغفن قلبي ولكن حب من سكن الديار
العم آرسنت سكن الديار وضرب معانا تبش الحاجات بشطة الدكوة والليمون تحت شجرة لالوبة المدرسة الشمالية..
سلام هلباوي..
Post: #45 Title: Re: نيالا ـ حقيقة البترول بالكوريك (صورة) Author: A.Razek Althalib Date: 11-01-2015, 04:48 PM Parent: #43
أول الغيث قطرة..
Post: #46 Title: Re: نيالا ـ حقيقة البترول بالكوريك (صورة) Author: A.Razek Althalib Date: 11-01-2015, 05:00 PM Parent: #43
أول الغيث قطرة..
Post: #47 Title: Re: نيالا ـ حقيقة البترول بالكوريك (صورة) Author: Sudany Agouz Date: 11-02-2015, 11:16 AM Parent: #46
الأخ الحبيب عبد الرازق ..
شكراً لكلماتكم هذى ..
Quote: حقيقة العم آرنست يكفيه إرتباط بهذه الرقعة تفصيل الإنتماء.. على قول الشعر: وما حب الديار شغفن قلبي ولكن حب من سكن الديار
العم آرسنت سكن الديار وضرب معانا تبش الحاجات بشطة الدكوة والليمون تحت شجرة لالوبة المدرسة الشمالية..
يا حليل المدرسة الشمالية .. بأساتذتها .. وبزملائها .. بالفعل لا أنسى .. بعد انتهاء الدراسة .. الإسراع الى " حاجة التبش " بالشطة المدنكلة ..
و ياحليل المدرسة الوسطى .. المدرسة بجانب الوادى العظيم .. ولعب القرقور " سورو " ..
......
يا حليل الطفولة حقت زمان يا عبد الرازق .. ومدارس زمان .. وتعليم زمان .. وناس زمان .. وبهذه المناسبة أرجو أن أهدى لكم هذه الأغنية التاريخية للفنان الجميل " أحمد المصطفى " .. تمر أيام .. أيام وليالى .. " .. مع أيام الزمن الجميل ..
Post: #48 Title: Re: نيالا ـ حقيقة البترول بالكوريك (صورة) Author: A.Razek Althalib Date: 11-02-2015, 03:32 PM Parent: #47
العم ارنست (سوداني عجوز).. ليباركك الرب يا غالي.. دعنا نصلى أن تعود ايام الزمن الجميل وأيضاً بدوري أهديك أمسية أصيل وادي برلي بجوار كوبري مكة الذي يربط دفتي مدينة نيالا شمال ونيالا جنوب من ناحية حي الوحدة (تكساس)..
كم هو رائع إنسان تلك البقاع بكل ما يحمله من معاني الجمال..
أنهم يصنعون الفرح.. ملتقى البرامكة بأماسيهم الشعرية الرائعة..
Post: #49 Title: Re: نيالا ـ حقيقة البترول بالكوريك (صورة) Author: Sudany Agouz Date: 11-02-2015, 05:21 PM Parent: #48
الإبن الحبيب عبد الرازق ..
شكراً لإعادة الذكريات ..
Quote: العم ارنست (سوداني عجوز).. ليباركك الرب يا غالي.. دعنا نصلى أن تعود ايام الزمن الجميل وأيضاً بدوري أهديك أمسية أصيل وادي برلي بجوار كوبري مكة الذي يربط دفتي مدينة نيالا شمال ونيالا جنوب من ناحية حي الوحدة (تكساس)..
بس داير أسألك .. انت الكبرى دا .. يعنى كأنو يربط بين المدرسة الوسطى والمدرسة الصناعية ؟؟ .. !! أقصد يعنى بين الإتجاهين .. يعنى لو أنا داير أعدى الوادى من المدرسة الوسطى .. ممكن اطلع الكبرى .. وأصل للمدرسة الصناعية ؟؟ ..
طبعاً الكبرى .. دا أيامنا مافى ..
يعنى حسه دى .. مافى مويه ينقلوها بالأخراج ( جمع خُرُج ) .. كنا أيام زمان نشوف الحمير حقات الأخراج .. شايلين الموية .. يودوها للبيوت .. حسة دى مافى كلام زى دا .. عليك الله ورينا .. حسه دى كيف نيالا .. وخصوصاً ركز على منطقة المدرسة الوسطى و المدرسة الصناعية .. وحى المستشفى .. تعرف يا عبد الرازق .. كنت كل صباح .. أمسى من حى المستشفى .. ما عارف كانت أيامها بيوت الجيش على ما أظن .. وبيتنا كان على الناصية .. وكان بجانبه على الشارع قبة شيخ .. من الشيوخ القدامى .. وقدام بيت جيرانا .. شجرة تبلدى ماكنه .. شفت " ماكنه " دى كيف ... ها ها ها ... وبعدين .. كنت أمر على بيت .. " أبو كشوه " الله يرحمه .. إن كان قد انتقل من عالمنا الفانى هذا .. وأعتقد عثمان أبو كشوه .. كان ضابط المجلس على أيامنا .. وبعد كده .. نمشى ونمشى لغاية المدرسة الوسطى جنب الوادى .. لا حمار .. لا عجلة ..
يا حليل الزمن الروّح .. تعرف يا عبد الرازق .. أبوى الله يرحمه .. كان يلعب مع فريق المريخ .. وأتذكر كان يلبس الفنلة المخططة بالطول .. باللون البنى والأصفر .. على ما أذكر ..
كتر خيرك يا ابننا عبد الرازق .. أرجعت ذاكرتى الى 55 سنة مضت .. يا حليل .. أيام زمان .. أها بهذه المناسبة .. أهديك .. أغنية الدنيا منى وأحلام ..
Post: #50 Title: Re: نيالا ـ حقيقة البترول بالكوريك (صورة) Author: A.Razek Althalib Date: 11-03-2015, 03:40 PM Parent: #49
العم أرنست سوداني عجوز
Quote: طبعاً الكبرى .. دا أيامنا مافى ..
كبري مكة يقع بشارع نادي الضباط وبيت المحافظ (شارع القيادة) وهو عبارة عن هدية من المملكة العربية السعودية نفذته الشركة الألمانية هيلد آند فرانك مقاول واستشاري طريق نيالا كأس زالنجي وتم إفتتاحه في عهد الرئيس جعفر النميري 1985.. المدرسة الصناعية تقع بحي كوريا حالياً أصبحت كلية التقنية كما هو موضح في الصورة أدناه..
Quote: مافى مويه ينقلوها بالأخراج
حليل تلك الأيام الخوالي.. هسعي الشغلانة بقت بزنس تقيل وبالصفيحة كان عجبك تشرب وكان ما عجبك برضو تدفع تشرب ولا زالت مشكلة الماء قائمة على الرغم من توفر الموارد المائية الجوفية في حوض البقارة وبحر العرب وعلى الرغم من تعاقب الحكومات التي أدمنت الفشل في إدراك الحلول لمعضلة الماء لهذه المدينة العملاقة.. والتي تفوق الخرطوم حيوية ودينماكية ودخلاً.. مدرسة نيالا الأميرية طالتها أيادي العابثين بمستقبل الأجيال فأضاعتها بين الركبان وضاعت الأجيال.. أما حي الإسبتالية (حي المستشفى) فقد ظل شامخاً رغم تعاقب السنين المرة..
مستشفى نيالا التعليمي..
Quote: أبوى الله يرحمه .. كان يلعب مع فريق المريخ ..
جبر الله مصيبتكم في فقد الوالد وأحسن لكم الخلف بخير ..
قدم نادي المريخ ـ نيالا، درساً في فن الإدارة بدون كنكشة..
مشكور على التواصل والهدية مقبولة لرائعة أحمد المصطفى..
أيام بتمر أيام وليالي..
Post: #51 Title: Re: نيالا ـ حقيقة البترول بالكوريك (صورة) Author: A.Razek Althalib Date: 11-07-2015, 10:33 AM Parent: #50
رادارات بشرية..
Post: #52 Title: Re: نيالا ـ حقيقة البترول بالكوريك (صورة) Author: A.Razek Althalib Date: 11-07-2015, 10:51 AM Parent: #51
Quote: هزة أرضية خفيفة تضرب نيالا
6 نوفمبر, 2015 أهم الأخبار اضف تعليق 33 زيارة
الخرطوم: الرأي العام
قال الدكتور يوسف السماني مدير عام الهيئة العامة للأبحاث الجيولوجية، إنّ هزة أرضية خفيفة وقعت قرب مدينة نيالا بقوة 2.5 على مقياس ريختر بعمق 7 كلم في باطن الأرض. وأوضح مدير الهيئة لـ (أس. أم. سي) أمس أنّ الهزة وقعت عند الساعة الخامسة و25 دقيقة مساء أمس الأول الأربعاء.
[ولو أن أهل القرى آمنو واتقو لفتحنا عليهم بركات من السماء والأرض]
سورة الأعراف..
Post: #53 Title: Re: نيالا ـ حقيقة البترول بالكوريك (صورة) Author: A.Razek Althalib Date: 11-18-2015, 06:56 AM Parent: #52
[/url]
[/url
[/url
