اعفاء مدير الجمارك اللواء سيف وأنباء عن فساد في مكتبه يفوق فساد مكتب والي الخرطوم السابق

08:47 PM Oct, 22 2015
سودانيز اون لاين
محمد المسلمي-
مكتبتى فى سودانيزاونلاين



تم اعفاء اللواء سيف الدين عمر وتعين اللواء عبدالمحسن صالح نائبه مدير للجمارك مكلف

وهو أبن خالة اللواء سيف ومن قريته في ضواحي شندي


-----
هل الامر مرتب

تم اعفاء اللواء سيف الدين عمر وتعين اللواء عبدالمحسن صالح نائبه مدير للجمارك
وهو أبن خالة اللواء سيف ومن قريته في ضواحي شندي

زيتنا في بيتنـا

وهنالك بعض الأنباء الغير مؤكدة
بتحويل اثنين من المقربين اليه في الجمارك الي ادارة مكافحة الثراء الحرام والمشبوه للتحقيق معهم

A bureesh اضحك الله سنك ضحكتني زيتنا في بيتنا

http://sudaneseonline.com/board/480/msg/احالة-المقدم-طارق-محجوب-مدير-مكتب-اللواء-سيف-مدير-الجم�...اش-1445368169.html


----//

هل من علاقة بين هذا وذاك في الإحالة. للمعاش

ماذا وراء إقالة رئيس هيئة الجمارك ؟ماذا وراء إقالة رئيس هيئة الجمارك ؟



-----
وفي بوست اخر للزميل زهير
وجود 50مليار في حساب مدير مكتبه
هل سوف يقدم اللواء سيف للمحاكمة

الأخ/ محمد المسلمي

لك التحية

شحنة المخدرات ( إياها ) والتي بلغت مليارات أليس من الممكن أن تكون مرتبطة بما يجري ؟؟؟؟

معقول ضابط برتبة مقدم وشغال فى الجمارك
يخت ليهو ٥٠ مليار فى حسابه فى البنك ؟

ما منطقيه طبعا
وانا اعتقد لو عندو مليار واحد ما بيختو فى البنك
الزول دا ممكن تكون زمتو لستك وشالوهو عشان كدا
بس كمان ما ممكن يكون بليد للدرجه دى

٥٠ مليار دى بتكون كم مليون

الآخ فتحي عباس نقد سلام
الفساد. في. عهد سيف ممكن من كثرته الاتتحمله الأوراق



---/----/-/--
المخدرات بي حاويتها
أكثر من الف رخصة تخليص لغير المستحقين

اكيد بكون عرفتوا ناس الغرب بتمردوا لية

يا ود المسلمي للواء سيف تم تعيينه نائب لرئيس لجنة تسيير المريخ قبل تلاتة اربعة يوم بس
معقول يشيلوه من الجمارك تاني يوم!! لا لا لا في حاجة أكيد
دا يكون رئيس الجمهورية الهلالابي - يا قول الكاردينال :)

سلام أستاذ محمد المسلمي
هل الإعفاءت الجمركية التي أُتهم فيها المقدم تشمل الحاويات المشعة ؟

كتبت الصحفية أستاذة هنادي الصديق في عمودها " بلا حدود " :


الجريدة ( 25-10-2015 )

علي محمد علي بشير سلام وخليك متابع سوف تري العجب

--------
قصة صيانة بيوت الجمارك في بورسودان ده فليم طويل
بفتح ليه بوست منفصل وفيه مافيه

ود البشري يارمادي (:
انت عارفة قصة اللواء سيف تحير الشيطان زاته
قصة شخص من عقيد مدير جمارك البحر الأحمر
الي عميد مدير للتخطيط ثم لواء مدير عام للجمارك
ودي قصص طويلة وأبطالها شخصيات معروفة
وفيها أندية رياضية ولائية مشهورة جدا خليك
قريب ممكن تجيني خماشة واشتت الرز.

تحياتي أستاذ محمد المسلمي

الشرطة تنفي ثبوت فساد علي مدير الجمارك و سكرتيره .

( هل لديك أقوال أخري ؟ ) .

مسلمي احكي ليك القصة دي حصلت في منتصف الثمانينات الاخير
ضابط جمارك كتب الخطاب التالي :

السيد مدير عام الجمارك

السلام عليكم ورحمة الله

نسبة لظروفي الاسرية القاهرة الرجاء نقلي الى بورتسودان الصالة الجنوبية
لمدة عام

وتقبلوا فائق الاحترام والتقدير

دكتور نعمات شاكر مرورك الشرطة تنفي لكن الواقع غير ذلك



-//---/---
قصة الشركة المنفذة لأسكان الجمارك دي قصة
العطاء وعلاقة صاحب الشركة بالسيد اللواء

تحياتي

Quote: : زيت(كركار)=85مليار جنيه (8.5مليون$) بدأت الروايه عندما اعترض ملازم (توفيق يوسف) في شرطة الجمارك بمطار الخرطوم في اوائل سبتمبر علي شنطه معينه رأي خيط من سائل ما يرشح منها وعلي الفور طلب تفتيشها ك اجراء سلامه ليس إلا ..! اصطدم بتعنت صاحبتها (بحجة تمتعها بجواز سفر ديبلوماسي يعصمها )التي اتضح انها زوجة وزير ماليه ولائي واذعنت تحت إصراره الشديد وتم تفتيشها وتأكد من عدم وجود ماده حارقه او غيرها ووجد ان الرشح من علبة نسيت اغلاقها ب إحكام تضم زيوتنا السودانيه (دهن كركار) تقريبا واتي زوجها الوزير غاضبا بعد ان اقلعت طائرتها ب أمان وارغى وازبد لمدير الورديه (العقيد......) الذي تعامل بكل احترافيه وسأل الملازم توفيق ف اخبره بما ذكرناه آنفاً فرجع الي الوزير واخبره ان ضابطه لم يخطئ وتصرفه سليم وانه يدعمه وهنا غضب الوزير وارغي مره اخري وتوعد وازبد ومضي لا يلوي علي شئ . في صباح اليوم التالي جاءت اشاره ب إيقاف الملازم والعقيد عن العمل والاحاله للتحقيق من مدير مكتب الجمارك الذي كان غائباً في الحج هنا بدأت جهة ما عليا (اظنها رئاسة الجمهوريه ) ومدت رقبتها واستطلعت الأمر بعد ان ذاع صيته عبر الفيسبوك والواتساب والهجوم العنيف الذي شُن ضد زوجة الوزير وتصرفها وتناولت الصحف السياره الواقعه منذ بدايتها وكثرت علامات الاستفهام والهرج والمرج من هو الذي اصدر قرار ايقافهما ......وكيف تم ذلك...؟ يبدو والله اعلم اصدره مدير مكتب مدير الجمارك المقدم طارق محجوب لانه فجاة كان بعدها تحت المجهر الرئاسي وأتي قرار من جهه عليا كما ورد في الصحف ب إبطال قرار الايقاف فورا ...ولم يكذب الملازم الخبر بعدها وفتح بلاغا قانونيا في حقها مع العلم ان الملازم توفيق احبط في نفس اليوم عملية تهريب (مليون ريال سعودي) ومن قبل احبط عملية تهريب الف تلفون جوال تخص شقيق المقدم طارق واسمه علي محجوب وقبل عدة ايام صدر له قرار خاص له بالاحاله الي المعاش دون الانتظار الي الكشف السنوي المعتاد لضغار الضباط وتوالت احجار الدومينو بالسقوط وتم اعفاء المدير شخصيا اللواء سيف الدين من منصبه لم يتم قبر الأمر وتولت جهه من جهاز الامن والمخابرات الامر برمته وتم التحفظ علي الممتلكات والارصده والمنقولات ليس هذا وحسب ولكنهم لم يحظروا او يمنعوا تداول اخبارهم فتم النشر في (صحيفة التغيير) التي ابرزت بالمانشيت الكبير خبر وقيمة مبلغ التجاوزات الذي يبلغ حتي الآن 85 مليار جنيه ويخضع الآن كل ضباط ومنسوبي الجمارك للتدقيق وحتي الآن كما ورد اكتشفوا امتلاك 20 ضابط لمحلات بيع التلفونات الحديثه والغاليه الثمن التحدي الكبير في مواصلة القضيه للنهايه وجرجرت كل متورط مهما علا شأنه ولن يتم ذلك الا بمباركة ذات (الجهه العليا) وتحت جناحها هذا اذا رغبت فعلاً في كبح جماح الفساد الذي ملأ واصاب الانوف كالسرطان ناهيك عن رائحته التي باتت معتاده ولا تحرك بهم ولا فيهم ساكنا. ربك لما يريد يأمر عبيده وجنوده اياً كانوا وكانت هنا تحديداً مجرد (علبة كركار) ومن هنا ازجي كل آيات الشكر لزوجة الوزير واتمني ان تحمل كل سودانيه وهي مسافره او ذاهبه الي اي وزاره ما ..... علب اخري من الكركار والا تحكم اغلاقها مين عالم ممكن تكشف لنا بحيره ضخمه آسنه ل فاسد ما

Quote: مسلمي احكي ليك القصة دي حصلت في منتصف الثمانينات الاخير ضابط جمارك كتب الخطاب التالي : السيد مدير عام الجمارك السلام عليكم ورحمة الله نسبة لظروفي الاسرية القاهرة الرجاء نقلي الى بورتسودان الصالة الجنوبية لمدة عام وتقبلوا فائق الاحترام والتقدير

دكتور محمد حسن سلام والله قوة عين الناس دول ناسين الحساب والعذاب والحرام اذا أكله ال البيت بعمل فيهم شنو غايتو سيف ده فساده عينة وممكن لو كتب فيها لاصدرت مجلدات مكررة ده عنده جنس محن
خليك متابع عندي ليه الكتير ناس كثروا ليه التلج أصبحوا كبار المقاولين وناس كانوا حرامية عديل سراقين في الميناء صدق ليهم رخص تخليص الأسماء موجودة بس ماوقتها (:

--------
تصدق كله سببه المريخ
غايته ده لوكان مريخ الخرطوم كان عمل ليهم شنو (:

الطيب عباس شاكر مرورك

وزير الداخلية نفي تهمة الفساد

-------
شروط منح رخصة التخليص شنو
وكيف تم منح كميات لايستحقون
ولماذا رفض الي زملائه المستحقون
وفق الدستور ده موضوع يقولوافيه شنو

هذا ديدين نظام الكيزان الولوغ في المال العام والفساد والسرقة ولما تتسرب القضية للراي العام يضحكوا على الشعب بكلام من شاكلة ستتم المحاسبة والتحقيق
وفي النهاية يفلت اللص بسرقته ويتوارى لوهلة ليعود من باب خلفي آخر للنهب

Quote: تم اعتقال المقدم شرطة طارق محجوب مدير مكتب مدير الجمارك بواسطة نيابة الثراء الحرام وقال ليهم انا لحمي مر مازي غسان مدير مكتب والي الخرطوم وقال الناس ديل مابقدرو يعملو لي حاجة انا عندي مستندات خطيرة فيها اسامي كل المسؤلين الاخدو اعفاءات جمركية واسامي المنظمات الحكومية الوهمية وقال عندو مستندات خاصة بي منظمة سند حقت وداد زوجة الرئيس فيها كل المعلومات البتخص الاعفاءات والتجاوزات الجمركية بعدين قال انا محتفظ بالورق دا في حته آمنه خارج السودان وفي بعض المعلومات بتقول مدير الجمارك المقال ايضا جرى اعتقاله

شيخ المسلمي ... سلام

مش الراجل طلع براءة ...
والمقدم زاتوو ...يا حرام طلع مظلووم ....
والشعب هو المذنب ...

مهدي صلاح شاكر مرورك

الاخ والمسلمي سلام
وماتت القضية كسابقاتها

عرفات حسين شاكر مساهمتك في البوست والمرور عليه

الاستاذ محمد مجيدو سلام
الجماعة طلعوا براءة ساهي كمان هم من اشراف القوم شفت محن الحكومة كيف

صلاح جادلت سلام ياستاذ كيفك كل العندنا يتم نسيانه وإغلاق ملفه
مادام في حكومة تدير الامر دون قانون واضح وشغالة بي قانون شيلني واشيلك في غيرها


الله فرجيني