Post: #1 Title: **الدكتوره صفيه نورالدين اول طبيبة سودانية تحصل على جائزة FIGO بكندا*** Author: وضاحة Date: 10-20-2015, 02:50 PM
01:50 PM Oct, 20 2015 سودانيز اون لاين وضاحة-اقيم فى قلوب االانقياء الطاهرين من ابناء وطنى السودان المحبين لعمل الخير مكتبتى فى سودانيزاونلاين
تم تكريم الدكتورة صفية نور الدين بمدينه فانكوفر بكندا فى مؤتمر FIGO 4- 9 October 2015 وتحصلت على جائزه فدرالية اختصاصى أمراض النساء و الولاده . وهى المرة الاولى ان بحصل عليها طبيب من الشرق الوسط و افريقيا الف مبروك للدكتور صفية نور الدين
ماهى جائزه FIGO: FIGO هى فدرالية اختصاصى أمراض النساء و الولاده و هذا تنظيم او فيدرالية و اتحاد الجمعيات الوطنية لاختصاصى أمراض النساء و الولاده الدولى و تمنح شهادات تقديرية لاختصاصى اختصاص النساء و الولادة فى العالم للأداء المتميز و المستمر لسنوات طويله دون انقطاع و دكتوره صفيه تخرجت من الطب عام ١٩٧٨ و تخصصت عام عام ١٩٨٣ و منذ ذلك الحين تعمل و باستمرار و بإخلاص وحب للمهنة دون انقطاع فى مهنتها حتى اللحظة ...كما تقوم بالتدريب و تأهيل الكوادر العاملة فى المجال و تعتبر نموذج تستحق التكريم و التى لم تنالها فى وطنها و هاهى تنالها من العالم الذى يعترف لها بانها الوحيدة التى لا تزال تعمل و تعطى فى منطقة الشرق الوسط و افريقيا( مده ١/٣ قرن) دون توقف او كلل رغم انها ربة اسرة لها ٥ من الأبناء النجباء و قد دعتها الفدرالية الدولية لتكريمها و اصطحبها عدد غير مسبوق من زملاءها فى المهنة و الجمعية السودانية لأنهم يعتبرون ذلك شرف كبير لنا
**و دكتوره صفيه تخرجت من الطب عام ١٩٧٨ و تخصصت عام عام ١٩٨٣ **
لما التعليم كان تعليــم.. شكرا يا دكتورة.
ومبروك لصفيـة نور الجين هذا التقدير المستحق..
ناس كندا أدوها وظيفـة للصالح العام.
Post: #27 Title: Re: **الدكتوره صفيه نورالدين اول طبيبة سوداني� Author: Yasir Elsharif Date: 10-21-2015, 09:38 AM Parent: #6
Quote: **و دكتوره صفيه تخرجت من الطب عام ١٩٧٨ و تخصصت عام عام ١٩٨٣ **
من باب التصحيح فقط يا أبو الريش
دفعتنا التي تنتمي إليها الدكتورة صفية محمد نور الدين تخرجت من جامعة الخرطوم عام 1976. وبالمناسبة هي إبنة السياسي والقطب الاتحادي المعروف والوزير السابق محمد نور الدين.
الف الف الف مبروك للدكتورة صفية على هذا الإنجاز الكبير
وا ي نجاح لاي سودانية سواء داخل الوطن او خارج الوطن انما هو نجاح لنا جميعا... واخبار مفرحة يا دكتورة وضاحة.. ونتمنى مزيدا من النجاحات للدكتورة صفية نور الدين.. ودمتي بالف خير وصحة وعافية
التحية و التهنئة للدكتورة صفية لهذا الانجازالعلمي و الى الامام كريمة القطب الاتحادي الفذ.. (Quote<<< >>> <<< >>> ومن هو القطب الاتحادي الفذ يا سعد عشان نعرف معلومة جديدة وخاصة وانا بكتب عن اقطاب السياسة السودانيين الذين كان لهم دور مشهود في الاستقلال وكافحوا وناضلوا من اجل عزة ومجد السودان... ودمت بالف خير وصحة وعافية
Post: #12 Title: Re: **الدكتوره صفيه نورالدين اول طبيبة سوداني� Author: علي محمد الفكي Date: 10-20-2015, 10:41 PM Parent: #11
مبروووك دكتورة صفية شكراً وضاحة على رفدنا بالفرح
يا بسمات القطب الاتحادي الفذ هو الاستاذ محمد نور الدين وزير الحكم المحلي في اول حكومة بعد الاستقلال في العام 1956
Post: #13 Title: Re: **الدكتوره صفيه نورالدين اول طبيبة سوداني� Author: اخلاص عبدالرحمن المشرف Date: 10-21-2015, 03:28 AM Parent: #12
الاستاذ محمد نورالدين شغل منصب وزير التربية والتعليم كان من المنادين بوحدة وادي النيل , امتاز بالنزاهة وعفة اليد وسكن ببحري بالمساكن الشعبية وهو من وادي حلفا منزلة بسيط ومتواضع وهو قبله لكل اهله . من ابنائه دكتور شمس الدولة وايضآ هو اخصائي نساء وتوليد
Post: #14 Title: Re: **الدكتوره صفيه نورالدين اول طبيبة سوداني� Author: ياسر السر Date: 10-21-2015, 05:12 AM Parent: #13
الف مبروك للدكتورة صفية وربنا يحفظها ويوفقها كمان وكمان ,,,, انه لفخر لنا جميعا بهذه السودانية الاصيلة .. خبر يشرح الصدر من الصباح يا دكتورة وعقبالك انتي كمان وشدي حيلك عشان اجي يوم ونقرا عن تفوقك هنا ,,, وربنا يوفقك ,,,
تحياتي : ياسر العيلفون .......
Post: #15 Title: Re: **الدكتوره صفيه نورالدين اول طبيبة سوداني� Author: شمس الدين ساتى Date: 10-21-2015, 05:19 AM Parent: #13
ومن أبنائه أيضا صلاح وفاروق .. وهما شقيقى الدكتورة صفية أيضا
المنزل لاأدرى من يسكنه اليوم ولكن أظن بقية من العائلة بعد رحيل صلاح وفاروق
القطب الهلالى
Post: #16 Title: Re: **الدكتوره صفيه نورالدين اول طبيبة سوداني� Author: Nasr Date: 10-21-2015, 05:38 AM Parent: #15
ألف تحية لدكتورة صفية دي الناس البترفع الراس
Post: #17 Title: Re: **الدكتوره صفيه نورالدين اول طبيبة سوداني� Author: اخلاص عبدالرحمن المشرف Date: 10-21-2015, 06:00 AM Parent: #16
في احد الأيام ومعنا دكتور شمس قصاد عيادة د حداد قرب بنك فيصل الاسلامي أشر لمنزل وقال هنا مخبأ لاعبي الهلال كانت ايام فك التسجيلات وهذا تسريب مقصود لناس المريخ ناس جميله ومليانه حب للبلد شكرًا وضاحة
Post: #18 Title: Re: **الدكتوره صفيه نورالدين اول طبيبة سوداني� Author: الحاج حمد الحاج Date: 10-21-2015, 06:17 AM Parent: #17
الف مبروك للدكتورة صفية محمد نور الدين هذا النجاح..مبروك للسودان.
Quote: ومن هو القطب الاتحادي الفذ يا سعد عشان نعرف معلومة جديدة وخاصة وانا بكتب عن اقطاب السياسة السودانيين الذين كان لهم دور مشهود في الاستقلال وكافحوا وناضلوا من اجل عزة ومجد السودان... ودمت بالف خير وصحة وعافية
كما ذكر أحد الأخوان هو المرحوم محمد نور الدين..الوزير الذي سكن المساكن الشعبية مع العمال ..رحمه الله رحمة واسعة.
Quote: ومن أبنائه أيضا صلاح وفاروق .. وهما شقيقى الدكتورة صفية أيضا
المنزل لاأدرى من يسكنه اليوم ولكن أظن بقية من العائلة بعد رحيل صلاح وفاروق
- منزل المرحوم محمد نور الدين بالشعبية يا شمس انت نسيت اللواء معاش توفيق والد الاخ علاء الدين..بالاضافة طبعا الى شقيقات اخر للدكتورة صفية..التحية لهم جميعا فقد عرفناهم جيران كرماء بالشعبية منذر طفولتنا و الى الآن.
Post: #19 Title: Re: **الدكتوره صفيه نورالدين اول طبيبة سوداني� Author: ولياب Date: 10-21-2015, 06:26 AM Parent: #17
مبروك د. صفية رفعتي رأسنا والمرفوع من ذي قبل من خلال الوالد رحمه الله رحمة واسعة فكان وزيرا عفيفا ونزيها
دخل الحكومة فقيرا وخرج غنياً بحب الناس له ، فكيف لا فهو القادم من وادي حلفا حيث منبع النزاهة ، فما أتى مسئول
من تلك الأصقاع وإلا كانوا كذلك .
Post: #20 Title: Re: **الدكتوره صفيه نورالدين اول طبيبة سوداني� Author: ايمن الصادق Date: 10-21-2015, 06:40 AM Parent: #17
تهانينا للدكتوره صفيه ، ولكل قبيلة الأطباء السودانيين ( بمختلف اختصاصاتهم ) . لدي صديقه تشارك في هذا المؤتمر ، وطلبت منها تزويدنا بأخباره ( صور وأخبار تصلح للنشر ) ؛ كنت حققت السبق يا وضاحه ، ولكنك دائمآ سباقه :) . تهانيً لك .
Post: #21 Title: Re: **الدكتوره صفيه نورالدين اول طبيبة سوداني� Author: Mannan Date: 10-21-2015, 07:31 AM Parent: #20
هسع لو قلنا صفية محمد نورالدين حب الله ( صوت الحق يصيح وينادى *** نورالدين زعيم الوادى) حتقولوا النوبيين ديل برابرة وعنصريين وتنسوا إنو السودان كلو أصلوا نوبي ويظهروا الف عنصرى وعروبى ينطوا ليك في رقبتك.. اليقول ليك انا جدى العباس وللا حبوبتى تركية وللا جدى سيدى الإمام وللا سيدى الحسن ابو جلابية... عودوا الى جذوركم واصولكم وهويتكم النوبية حتى تحموا السودان من التشرذم والتشتت. هل تعلمون ان الزعيم محمد نورالدين حب الله جنازتو طلعت من ذلك المنزل المتواضع في الشعبية شارع كوبرى شمبات وكان بامكانه أن يمتلك اكثر من نصف العاصمة المثلثة لو كان حرامى زى كتيرين... صوت الحق يصيح وينادى ... نورالدين زعيم الوادى... تلقيت اول هدية في حياتى وأنا طفل في أولى أولية من يد هذا الزعيم طرادة وكراسات واقلام وزجاجة مربة في مدرسة عكاشة الأولية في عام 1958... ومازلت اذكر كيف رددت أمامه نشيد: أنا الصبى الصغير *** أنا فتى المستقبل أنا لخير بلادى *** ونصرها سوف أعمل... أيام لها عبق التاريخ.. للدكتورة صفية بنت الزعيم محمد نورالدين حب الله انحنى وقد سمانى والدى المرحوم على اسم صديقه... الف رحمة ونور عليه...
نورالدين احمد عبدالمنان (حب الله)
Post: #29 Title: Re: **الدكتوره صفيه نورالدين اول طبيبة سوداني� Author: Yasir Elsharif Date: 10-21-2015, 11:54 AM Parent: #21
شكرا نور الدين منان للكتابة عن هذا الرجل العصامي..
ياسر
Post: #48 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:21 AM Parent: #17
Quote: في احد الأيام ومعنا دكتور شمس قصاد عيادة د حداد قرب بنك فيصل الاسلامي أشر لمنزل وقال هنا مخبأ لاعبي الهلال كانت ايام فك التسجيلات وهذا تسريب مقصود لناس المريخ ناس جميله ومليانه حب للبلد شكرًا وضاحة
اخلاص المشرف يا سلام على سيرة بروفيسور حداد الطبيب الانسان المتواضع صاحب الابتسامة والطرفة بالله انتو مريخاب ليه كده لكن
Post: #22 Title: Re: **الدكتوره صفيه نورالدين اول طبيبة سوداني� Author: محمد مجيدو Date: 10-21-2015, 07:46 AM Parent: #1
الف مبروك للدكتورة صفية هذا النجاح .. وعشان تعرفوا انو النوبيين عباقره ...
شكرا ...وضااحه ...
Post: #23 Title: Re: **الدكتوره صفيه نورالدين اول طبيبة سوداني� Author: محمد علي البصير Date: 10-21-2015, 08:15 AM Parent: #22
Quote: هسع لو قلنا صفية محمد نورالدين حب الله ( صوت الحق يصيح وينادى *** نورالدين زعيم الوادى) حتقولوا النوبيين ديل برابرة وعنصريين وتنسوا إنو السودان كلو أصلوا نوبي ويظهروا الف عنصرى وعروبى ينطوا ليك في رقبتك.. اليقول ليك انا جدى العباس وللا حبوبتى تركية وللا جدى سيدى الإمام وللا سيدى الحسن ابو جلابية... عودوا الى جذوركم واصولكم وهويتكم النوبية حتى تحموا السودان من التشرذم والتشتت. هل تعلمون ان الزعيم محمد نورالدين حب الله جنازتو طلعت من ذلك المنزل المتواضع في الشعبية شارع كوبرى شمبات وكان بامكانه أن يمتلك اكثر من نصف العاصمة المثلثة لو كان حرامى زى كتيرين... صوت الحق يصيح وينادى ... نورالدين زعيم الوادى... تلقيت اول هدية في حياتى وأنا طفل في أولى أولية من يد هذا الزعيم طرادة وكراسات واقلام وزجاجة مربة في مدرسة عكاشة الأولية في عام 1958... ومازلت اذكر كيف رددت أمامه نشيد: أنا الصبى الصغير *** أنا فتى المستقبل أنا لخير بلادى *** ونصرها سوف أعمل... أيام لها عبق التاريخ.. للدكتورة صفية بنت الزعيم محمد نورالدين حب الله انحنى وقد سمانى والدى المرحوم على اسم صديقه... الف رحمة ونور عليه...
نورالدين احمد عبدالمنان (حب الله)
أخوي منان أمثال محمد نور الدين يحق لنا جميعاً أن نفخر ونتباهى بهم
فتباهى أخوي وتفاخر بلا مواربة وبلا قيود
وهل رجال بهذه القيمة تنجبهم حواء السودان مرة أخرى ؟
مع خالص التقدير
Post: #24 Title: Re: **الدكتوره صفيه نورالدين اول طبيبة سوداني� Author: Haitham El Galal Date: 10-21-2015, 09:12 AM Parent: #23
السلام عليكم جميعا والسلام لصاحبة العلم والمقام الدكتوره الهامه المعلمة صفيه نور الدين نحنى القامه احترام وادب جم لمن عملت وكدت واجتهدت والحمدلله ان لاقت من يقدر عملها وجهدها ومثابرتها وان كان لم تجده من بنى وطنها فلا ضير ان يكرمها اهل الكرم والعلم ولا يكرمها مامون وشرزمته
متع الله الدكتوره صفيه بالصحه والعافيه واهلها ومحبيها وكل اهل السودان ونفعنا بعلمها وغزير معرفتها وانسانيتها المعروفه
Post: #25 Title: Re: **الدكتوره صفيه نورالدين اول طبيبة سوداني� Author: نعمات عماد Date: 10-21-2015, 09:33 AM Parent: #24
ألف مبروك للعظيمة دكتورة صفية نور الدين
تكريم صادف أهله .
شكرا دكتورة وضاحة و عقبال نجاحاتك .
Post: #26 Title: Re: **الدكتوره صفيه نورالدين اول طبيبة سوداني� Author: محمد علي البصير Date: 10-21-2015, 09:36 AM Parent: #24
فاتني أن أتقدم بالتهنئة الحارة لدكتورة صفية نور الدين بهذا الإنجاز ونفخر بها أيما فخر وهى تشرف الوطن بهذا النجاح مع تحياتي دكتورة وضاحة ـ وإن شاء الله بكرة أنت برضو تحققي لينا إنجاز جديد
Post: #28 Title: Re: **الدكتوره صفيه نورالدين اول طبيبة سوداني� Author: بابكر قدور Date: 10-21-2015, 11:09 AM Parent: #26
وهذا أيضاً شرف عظيم للشعب السوداني .. التحية لها ولك وضاحة ..
Quote: الدكتورة صفية عالمة تستحق التكريم والله قامة من شوامخ بلادي
التحية لكِ وضاحة يلا يا ود قباني استنضف ليك حاجه كده من بيت الكلاوي
الغالي محمد فضل الله المكي اسعدني مرورك يا عزيز فعلا دكتورة صفية قامة وهي اهل لكل تكريم ويلا يا قباني استجيب لطلب جنتبو محمد فضل الله المكي وابهجنا بي اختياراتك الحلوة يا جميل
Quote: **و دكتوره صفيه تخرجت من الطب عام ١٩٧٨ و تخصصت عام عام ١٩٨٣ **
لما التعليم كان تعليــم.. شكرا يا دكتورة.
ومبروك لصفيـة نور الجين هذا التقدير المستحق..
ناس كندا أدوها وظيفـة للصالح العام.
العزيز ابو الريش نعم تخرجت دكتورة صفية عندما كانت جامعة الخرطوم في مقدمة الجامعات العالمية قبل ان يطولها انهيار مستوى التعليم الذي عم كل البلد كندا تبحث عن قامات زي دكتورة صفية يا سيدي فهي تشرف اي وطن تنتمي له
دفعتنا التي تنتمي إليها الدكتورة صفية محمد نور الدين تخرجت من جامعة الخرطوم عام 1976. وبالمناسبة هي إبنة السياسي والقطب الاتحادي المعروف والوزير السابق محمد نور الدين. الحرية لنا ولسوانا
دكتور ياسر الشريف شاكرة مرورك وتصحيحك للمعلومة وانتو ناس الزمن الجميل والتعليم المفخرة يا لكم من محظوظين لما ابوي يكلمني عن ذلك الزمن وعن جامعة الخرطوم اشعر كانه يكلمني عن احدى جامعات كندا وليس عن جامعة الخرطوم التي راتها عيناي حديثا معقول بدل ان نتقدم نتاخر
مرة أخرى نزحي التحيات العطرة والتهنئة للدكتورة صفيه محمد نور الدين.. وشكرا لهذه المعلومات عن والدها القطب الاتحادي المرحوم محمد نور الدين.. وسوف تقرأون عنه المزيد في بوست الذين يبذرون البذرة النافعة.. فتعالوا كمان بهناك زورونا ودمتم بالف خير وصحة وعافية
Post: #37 Title: Re: **الدكتوره صفيه نورالدين اول طبيبة سوداني� Author: اخلاص عبدالرحمن المشرف Date: 10-22-2015, 03:15 AM Parent: #36
منان اسمك منو بالعربي ما بالحلفاوي يا مان والتهنئية ل د/ صفية ناس مليانه طيبة
Post: #38 Title: Re: **الدكتوره صفيه نورالدين اول طبيبة سوداني� Author: Mannan Date: 10-22-2015, 05:04 AM Parent: #37
Quote: منان اسمك منو بالعربي ما بالحلفاوي يا مان والتهنئية ل د/ صفية ناس مليانه طيبة
سلام أستاذة إخلاص المشرف انا اسمى بالنوبى نورى جليلة وبالعربى نورالدين احمد (نورالدين منان) وبالمناسبة ترفعى أي حجر في أي مكان في العالم تلقى تحتو نوبى او نوبية... انهم جنود السودان المجهولين... بس ما تقولى النوبيين عنصريين فنحن نحب كل السودانيين بس في سودانيين بيحسدونا عشان كدة ما وقفوا معانا لما غرقنا عبود وعبدالناصر.. وهتفنا: ارقين .. أرقين ولا برلين (إنال دينك) يا عبود لدكتورة صفية نورالدين حب الله ننحنى وهى تصنع الأمجاد للسودان وللنوبة في بلاد تموت من البرد حيتانها...
Quote: الف الف الف مبروك للدكتورة صفية على هذا الإنجاز الكبير
وا ي نجاح لاي سودانية سواء داخل الوطن او خارج الوطن انما هو نجاح لنا جميعا... واخبار مفرحة يا دكتورة وضاحة.. ونتمنى مزيدا من النجاحات للدكتورة صفية نور الدين.. ودمتي بالف خير وصحة وعافية
بسمات بنت الشيخ يا اسم على مسمى نعم نجاح اي سوداني يسعدنا ويفرحنا شكرا ليك على المرور ويا رب نفتح بوست بي نجاحك وتفوقك قريب كوني بخير
بوست زي ده يعلق باستار المنبر بما نحمله من ود وتقدير ل د/ صفية نور الدين واهلها وتاني شكرآ يا وضاحة
Post: #43 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:10 AM Parent: #42
العزيزة اخلاص المشرف بنت بلدي الاصيلة ديل هم السودانيين الحقيقيين مثال دائم للامانة والعفة والنجاح شكراً ليك ولي اضافتك
Post: #44 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:12 AM Parent: #43
العزيز ياسر السر يا رب دوام فرحان والنجاح السوداني حقيقة يبهج خاصة في السنين العجاف التي مر ويمر بها الوطن شكراً ليك على دعواتك الطيبات ويا رب اكون عند حسن ظنك
Post: #45 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:15 AM Parent: #44
الاخ شمس الدين ساتي اسعدني مرورك
Post: #46 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:16 AM Parent: #45
العزيز نصر شكرا لمرورك وديل هم السودانيين عزة ونجاح تحياتى
Post: #47 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:18 AM Parent: #46
العزيز الحاج حمد الحاج هؤلاء الاشبال من ذاك الاسد اكيد تربوا على النزاهة والعفة والعمل والاجتهاد نرفع لهم القبعات كل الود
Post: #49 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:23 AM Parent: #47
الاخ العزيز ولياب معك نبارك لصفية انجازها الذي هو فخر لكل السودان شمالا وشرقا وغربا وجنوبا
Post: #50 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:24 AM Parent: #49
العزيز ايمن الصادق انت لك السبق دوما والبوست مفتوح لاضافاتك ومعك نزجي التهاني والتبريكات للدكتورة صفية و لكل اطباء السودان الشرفاء على تميز دكتورة صفية والتهاني لكل الشعب السوداني الصابر
Post: #51 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:26 AM Parent: #50
العم السفير نور الدين منان اسعدني وشرفني مرورك من هنا والبلد الطيب يؤتي اكله باذن الله وهؤلاء هم رجال السودان الوطنيين الغيورين اصحاب النفس العالية الابية لم تتلوث ايديهم بدماء او مال حرام فطوبى لهم وليس غريب على بنت نشأت وترعرعت في بيت ملئ بحب السودان تربت على النزاهة والاجتهاد ان تسير على ذات الطريق وتسعد كل اهل السودان بنجاحها
تحياتى
Post: #52 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:28 AM Parent: #51
Quote: الف مبروك للدكتورة صفية هذا النجاح .. وعشان تعرفوا انو النوبيين عباقره ...
شكرا ...وضااحه ...
اوو مجيدو يا حبيب صفية بنت السودان كلو رفعت اسمنا وشرفتنا وبطل عنصرية ههههههه
Post: #53 Title: Re: **الدكتوره صفيه نورالدين اول طبيبة سوداني� Author: وضاحة Date: 10-24-2015, 05:29 AM Parent: #52
الاخ محمد علي البصير سالت ابوي عن محمد نور الدين فقال لي ديل رجال ما بتكرروا مثال في كل شي الامانة والصدق وحب الوطن والتواضع والفهم وعزة النفس فهم مصدر فخر لكل سوداني احبوا الشعب واخلصوا للوطن فبادلهم حب بحب وخلدوا سيرتهم في وجدانه باعمالهم الجليلة
Post: #54 Title: Re: **الدكتوره صفيه نورالدين اول طبيبة سوداني� Author: mustafa bashar Date: 10-24-2015, 05:56 AM Parent: #53
إنه نجاح لنا جميعا الف مبروك للوطن
Post: #55 Title: Re: **الدكتوره صفيه نورالدين اول طبيبة سوداني� Author: Mannan Date: 10-24-2015, 06:22 AM Parent: #51
الإبنة وضاحة تحياتى شكرا على تسليط الضوء على كنداكة نوبية رفعت اسم السودان عالميا بدون ضجة او ضوضاء مثل والدها الذى كان ملء السمع والبصر. وكما قلت أنها ابنة زعيم وطنى اتسم بالنقاء والتواضع ورغم الإمكانيات الهائلة التى اتيحت له خرجت جنازته من منزل متواضع فى الشعبية بحرى مثله مثل زعماء السودان الخالدين اسماعيل الأزهرى الذى توفى فى سجن كوبر وهو مديون ونصرالدين السيد مرجان الذى كان وزيرا للإسكان ومسؤولا عن كل أراضى العاصمة المثلثة وتوفى فى منزل ايجار... اين نحن الآن؟؟؟ وفى عهد الإنقاذ وهى لله ونهب المال الحرام والتحلل والمخدرات والإيدز والمواد المسرطنة... يا دكتورة صفية محمد نورالدين ... الله يرحم والدك ويرحم الزمن الجميل والفاتحة على السودان الذى فارقناه قبل 26 عاما مرغمين...
شكراً دكتوره وضاحه على هذا البوست القيم وألف ألف تهنئه لدكنوره صفيه محمد نورالدين. نجاح أى سودانى واى سودانيه خاصةً فى بلاد الغربه يشرح الصدر ويفرح القلب . من ناحيةٍ أخرى , إسم محمد نورالدين فى هذا البوست أثار كوامن ذكريات أيام الطفوله لدى أخى العزيز نورالدين منان . ولعلها من تواتر الخواطر أخى نورالدين منان أن تسبقنى فى كتابة هذه الخاطره :-
Quote: تلقيت اول هدية في حياتى وأنا طفل في أولى أولية من يد هذا الزعيم طرادة وكراسات واقلام وزجاجة مربة في مدرسة عكاشة الأولية في عام 1958... ومازلت اذكر كيف رددت أمامه نشيد: أنا الصبى الصغير *** أنا فتى المستقبل أنا لخير بلادى *** ونصرها سوف أعمل... أيام لها عبق التاريخ..
فى تلك الفتره أعتقد أن السيد محمد نورالدين كان وزير الحكومه المحليه حضر لزيارة أم ضبان وزار مدرسة إم ضبان الأوليه كنت حينها تلميذ بالسنه الثالثه وبصوره طبق الأصل قدم لى ولأخى عباس مصطفى الشيخ العباس هدايا مع صفقه من جانبه تفاعل معها محيط المدرسه بكامله بالتصفيق الحاد من الناظر عبدالرحمن حسن والمعلمين وإخوتى التلاميذ . كان وما زال لذلك الحدث الأثر الطيب داخل النفس تجاه ذلك الرجل الحبوب . شكراً د. وضاحه بأن أوجدتِ لنا نفاج على الأقل لرد بعض جميل الأستاذ محمد نورالدين حتى ولو بالتهنئه نبجاح إبنته مع دعواتنا لها بالتوفيق .
الاخ باباكر قدور لك التحية والشكر تكريم صفية تكريم لكل اهل السودان وانجازها اسعد كل سوداني محب لوطنه لها من التحية والشكر على ان جعلت من اسم السودان حاضر
اووو الحبيبة الجميلة منى شفتي المراة السودانية وقدرتها على التميز والعطاء وتحديها لكل الصعاب حتى تبلغ المجد تستحق دكتورة صفية زغروداتنا لانها دقت الصخر حتى اخرجت منه علما وتميزا علقته على جيد الوطن
الاستاذ الفاضل مولانا عبد الله عبد الله اسعدني مرورك من غيرنا يعطي لهذا الشعب ان يعيش وينتصر انها حواء السودان المكافحة المجتهده ودكتورة صفية مثلت حواء السودانية خير تمثيل زمنكم كان زمن جميل يا عم عبد الله لان القادة كان همهم الوطن والشعب كان همه الوطن ودي بركات نجاح صفية وبركات ذلك الرجل الصالح من سيرته التي سمعتها محمد نور الدين اتاحت لنا بركاتهم ان نسمع منكم هذه الذكريات والخواطر التي تسر الخاطر كل الود
