Post: #1
Title: قطعة أرض مجانية .. وحديقة من أشجار طبيعية.
Author: بريمة محمد
Date: 10-20-2015, 03:25 AM
02:25 AM Oct, 20 2015
سودانيز اون لاين
بريمة محمد-الولايات المتحدة، ولاية فرجينيا
مكتبتى فى سودانيزاونلاين
بدل الواحد يفقد كل حصاد غربته ..
وبدل الواحد يضيع كل عمره فى الغربة عشان يبنى بيت ..
وعشان الواحد لا يظل طوال حياته خارج السودان ويعيش ألام والمآسيي الغربة التى لا تنتهي ..
أتقدم لكم بمشروع .. تمليك قطع سكنية مجانية .. لا فيها رسوم ولا قطوعات .. ولا أي شيئ .. تسكن حياتك كلها داخل السودان دون أن تدفع إيجار ودون أن تخسر فلساً من دخلك فى الأرض.
ما رأيكم.
بريمة
|
Post: #2
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-20-2015, 03:29 AM
Parent: #1
المنطقة مأهولة بالسكان .. وبها أبقار وأغنام ودونكي مياه .. وممكن أنت تربي أبقارك وأغنامك ..
ولو الواحد عايز منطقة نائية ليس فيها غير الطير وأصوات الثعالب والسموع (نوع من الكلاب البرية) .. برضو توجد وبكثرة.
بريمة
|
Post: #3
Title: Re: قطعة أرض مجانية .. وحديقة من أشجار طبيعية.
Author: Abureesh
Date: 10-20-2015, 03:32 AM
Parent: #2
في واى فاى؟
|
Post: #4
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-20-2015, 03:36 AM
Parent: #2
المنطقة ليس نائية .. فهى تقع علي مسافة أقل من ثلاثة ساعات ونصف الساعة جنوب مدينة الأبيض .. وشرق منطقة الدبيبات .. جنوب خور أبو حبل ..
وهى منطقة تقع فى تخوم خور أبو حبل .. وخور أبو حبل هو بمثابة النيل بالنسبة الذين تربوا حول النيل ... ممكن تزرع فيه جميع أنواع الخضروات .. والطمام وغيرها ..
وممكن تربي في المنطقة الضأن الحمري (أب سعين) ..
أها قصرنا معكم ..
بريمة
|
Post: #5
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-20-2015, 03:41 AM
Parent: #4
أبو الريش
الموبايلات شغالة فى المنطقة .. لكن المنطقة ما فيها أي زول يمتلك تلفزيون .. وليس بها جرائد .. ولا شفخانة ولا ممرض .. وليس بها مدرسة.
بريمة
|
Post: #6
Title: Re: قطعة أرض مجانية .. وحديقة من أشجار طبيعية.
Author: Abureesh
Date: 10-20-2015, 04:18 AM
Parent: #5
شكرا على المعلومات.. ولو طلعوا ملاك للأرض بعد سنة وورثة.. كيف العمل؟ دى ارض النوبة يا بريمـة.. حتى لو ما مسجلـة..
|
Post: #7
Title: Re: قطعة أرض مجانية .. وحديقة من أشجار طبيعية.
Author: Kabar
Date: 10-20-2015, 04:33 AM
Parent: #5
ول أباً حبابك
ده كلام شنو يا بريمة
ياخي وصفك ده البقلتي عديل
ده ترابنا مستقبل عيالنا. ونحن ما بنبيع مستقبل عيالنا
كنا داير تبيع أقع أراضي الباسلة. لكن ترابنا. انقرع. منو يا قريبك
هسه. الزريقة. محمد. ترصعنا. بي جواب. و نقعد. في معليش وأخونا ما قاصد. كده
شكرًا. علي. الطرفة يا بريمة. والمنبر. صار. مثل. قنوات. الكيبل في. نورث. أمريكا. تقح ساكت تلقى. عشرة. كوميرشيل.
تحياتي.
ولو قدرت. تخت. فيديو. لفرقة. ملوك. النيل. باسم. على سلام. تكون ماقصرت باقي انا يُدريني. منحنيات وكده
ادعم معانا. حملة. تفعيل باس ويرد. عبد الرحمن. عزاز. لأنو. مفرودين. فيهو. شديد
ثم تفركشوا. عيال طرطاق. قصدي. الجبهة. الثورية. وان. لكبر أن يمد. رجلو. اليمين. وهو. لا. ينسى. لا ينسى. مطلقا. ماحدث في ابو كرشولا. والعالم. وبت أباً زهرة. المشهورة بعسكرية
بيع تراب البسوس. الباسلة. لكن. أوعك تبيع. ترابنا. لأنو. ده. تراب. مستقبل. عيالنا
خت. غنية. على سلام. لغاية. ما. ربك. يفك. أسرنا والغريبة ليس بسبب بكري. ابوبكر. وإنما. كائنات. اخري. وبرفضو سلام. لبكري ابوبكر
كبر
|
Post: #8
Title: Re: قطعة أرض مجانية .. وحديقة من أشجار طبيعية.
Author: Deng
Date: 10-20-2015, 06:55 AM
Parent: #7
هلا هلا
العبار بريمة بلل.
خلاص عاوز تبقى محتال بتاع أراضي كمان !
عاوز تحتال على المغتربين !
أوعكم يا ناس تنخدعوا لكلمة "مجاني" دي من بريمة، ده شرك !
|
Post: #9
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-20-2015, 10:23 AM
Parent: #8
أبو الريش
سلام ..
| Quote: شكرا على المعلومات.. ولو طلعوا ملاك للأرض بعد سنة وورثة.. كيف العمل؟ دى ارض النوبة يا بريمـة.. حتى لو ما مسجلـة.. |
أنت ليس الأنسان الأول الذي يأتى ويفلح عندنا أو يستوطن معنا .. لقد سبق أن جونا ناس من مروي بالشمالية .. وزرعوا عندنا أراضي حدادي مدادي وعملوا صيديليات الواحدة فيها ثلاثة أبواب فى المدن المجاورة.
طبيعة الحياة عندنا بسيطة جداً .. تمليك الأراضي للزراعة يتم علي آجال مدة الأجل 5 سنوات .. بعدها تعيد الأرض لمجلس المنطقة .. ثم يعطيك لها لمدة 5 سنوات أخري .. وهكذا .. والسبب لأن قانون الأراضي يملّك من يفلح الأرض لمدة أكثر من 5 سنوات .. الحيازات الصغيرة أنت وجهدك .. تفتح أثنين أو عشرة أنت مخير .. تزرعها أو تربي فيها حيوان هى خياراتك ..
ولو جئتنا ما متزوج بنتم ليك نصف دينك .. وبنات البقارة جميلات .. ومحافظات .. ويحبن الحياة .. لكن لدينا شرطين أن تكن مسلم وأن لا تسافر بأختنا.
بريمة
|
Post: #10
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-20-2015, 10:33 AM
Parent: #9
أبو الريش
سلام تانى ..
الأرض ليس ملك لأنسان غير قبائلنا فى المنطقة .. وحسب طبيعة معاشنا الرعوي ظلت الأرض بور غير مستقلة ..
النوبة يسكنون الجبال .. والبقارة يسكنون السهول .. أي أن الجبال وما حولها هى أملاك عرفية للنوبة .. وتنتهى ملكية الجبل فى أبعد نقطة تنتهى عندها حيازات أهل الجبل .. أما السهول توجد بها مراعي ومراحيل البقارة .. والحكومات السابقة حينما أستثمرت فى جنوب كردفان أستثمرت فى حيازات البقارة .. لكن أبناء النوبة المتعلمين أعتبروا ذلك زحف عروبي فى الجبال .. أرض جنوب كردفان هى أرض سودانية مثلها مثل غيرها .. والأرض لمن يفلحها ..
تعال يا أخي أفلح معنا .. تستفيد ونستفيد نحن منك .. المنفعة متبادلة.
بريمة
|
Post: #12
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-20-2015, 10:50 AM
Parent: #7
ول أبا كبر،
جيداً جيت ..
ول أبا كبر، جنوب كردفان تم أخلاءها من السكان بسبب الحروب .. وهذه دعوة لرحلة عكسية من المدن إلي الريف .. والأستثمار فى الريف .. وهذا الأستثمار سوف يعود علينا جميعاً أهل جنوب كردفان والمستثمر بالخير الوفير بإذن الله .. يا ول أبا الدول العظمي تستثمر هكذا بجذب رؤوس الأموال .. وتوفير معينات الأستثمار اللازمة .. ونحن أخير لنا أن نفكر بعقلية أستثمارية فى المنطقة.
الجبهة الثورية صارت فى خبر كان يا ول أبا كبر .. والحركة الشعبية الأن تعمل جاهدة لطرد أي إنسان متمرد من دارفور من أرض جنوب كردفان .. الناس ديل بأسهم بينهم شديد وما طفي علي السطح شيئ قليل من أشياء مهولة تحت السطح .. أبناء جنوب كردفان فى الحركة يدعمون مسألة حكم ذاتى للمنطقة ووجود متمردي دارفور يجعل قضية المنطقة قضية قومية ..
وبعدين ما فى أي تخوف من هجرة أبناء السودان إلينا .. قبائلنا أصلاً هى تجمع فى بطونها كل مكونات الشعب السودانى .. الجيل الثالث للبماشمهندس أبو الريش ح يصبح جيل بقاري .. ولك فى البرقد فى منطقة أم عشوش غرب الدبيبات .. عبرة .. هم فى الأصل نوبين .. الأن بقارة درجة أولي ..
بجيك بالزريقة محمد .. وأغنية علي سلام ..
--------------------------
أخونا عزاز منطقع الأيام دي ..
بريمة
|
Post: #11
Title: Re: قطعة أرض مجانية .. وحديقة من أشجار طبيعية.
Author: محمد مجيدو
Date: 10-20-2015, 10:38 AM
Parent: #1
بريمه .. سلام
الفكره .. مقبوله ..
بس المشكله .. المنطقه غير آآمنه ...
يعني تكون قاعد انتا وغنمك في امانة الله .. يجي واحد قرفان يرشك ولا يضبحك زي المافي شي ...
لا يعم ... يفتح الله ....
|
Post: #13
Title: Re: قطعة أرض مجانية .. وحديقة من أشجار طبيعية.
Author: محمد جبره
Date: 10-20-2015, 11:07 AM
Parent: #11
سلام الاخ بريمة
انا جاهز موية ونور وتراكتوري ماسي ١٦٥
|
Post: #15
Title: Re: قطعة أرض مجانية .. وحديقة من أشجار طبيعية.
Author: عمر عثمان عبد الوهاب
Date: 10-20-2015, 11:24 AM
Parent: #13
تلقاها عند غافل ياود بريمه
انتو في الخرتوم الليلنا دي ماطايقين عيشتنا
بس ممكن تتصل بقادة الفصائل والمليشيات والحركات (الثورية) الخمسميه وعشرون المجتمعون الان
للتحاور ان يدرجو ويثبتو كلامك ده ويدونا ضمانات
فاولا دخول الجلابه منطقتكم ليس من مصلحتكم
ثانيا انتم لم و لن تتقبلوهم وحتنظرو ليهم كغزاة علي ارضكم
|
Post: #14
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-20-2015, 11:09 AM
Parent: #11
أه يا حبيبنا مجيدو
المناطق التى أتحدث عنها مناطق آمنة ومستقرة .. ليس كل غرب السودان ملتهب .. نحن لدينا تجارب سابقة وكانت مفيدة لدينا وللمستثمر .. ومعلوين علي تلك التجارب لبث حركة الأستثمار فى المنطقة.
أوريك تجربة بسيطة .. مثلاً تأتى و تشتري ألف خروف صغير من الضأن الحمري .. وتستأجر أبناء المنطقة ب 16 رأس فى السنة .. 3 أفراد يعنى 48 رأس .. وتانى عليك بالملح والدواء .. ومعيشة الراوعية .. حوالي 100 رأس هى أجرة وتكلفة 1000 ألف رأس .. ممكن تعمل نفس الشيئ مع تربية الأبقار 1000 رأس من الأبقار ومعه ثلاثة أنفار وحمار وخرج موية .. أنت غير مطالب تقعد في المنطقة .. تمش وتأتي متى تريد .. تتمم علي بهائمك .. وتوسع علاقاتك مع المشايخ وزعماء القبائل .. وتعيش وسطهم عزيز مكرم ود قبايل ..
بريمة
|
Post: #16
Title: Re: قطعة أرض مجانية .. وحديقة من أشجار طبيعية.
Author: Abureesh
Date: 10-20-2015, 01:10 PM
Parent: #14
** الجيل الثالث للبماشمهندس أبو الريش ح يصبح جيل بقاري **
يا أخ بريمـة انا زاتى بقارى.. رأيك شنو؟ باللاى ما تفتح الجراح ياخ..
مراحنا من البقر كان ضخم ولا أذكر العدد.. ولكن حين تعود من القاش في الخريف، بعجولها الإتولدوا في (الغربة) عارف ما نلقى المواعين الكافية للبن ونفك فيها أولادها ترضع.. أنا كنت اسرح بالبقر
وأبنى و(اليص) الأحواض فوق البير بالطين كل يوم وأملاها موية بالدلو.. شفت كيف يا سيدى.. تقول لى الجيل الثالث.. ويا لأمانة الرعاة في ذلك الزمن الجميل.. الراعى مرتبه عدد من البقر في السنـة.. ولما
أهله يجونا زيارة نزودهم بالملابس الجديدة والبن والسكر.. نحن في ساحل البحر الأحمر والرعاة في الصيف يسوقوا المراح للقاش ويغيبوا طول فترة الصيف.. لا إتصالات لا موبايل لا إيميل.. ويعودوا في
الخريف وقد زادت الأبقار وسمنت.. لا إختلاس لا تحلل لا فقه ضرورة.. كنا نجر من الدكان السنة كلها.. في نهاية السنة ندفع ليه بشولات الدخن بعد الحصاد .. مزرعتنا قريب من 500 فدان وأنا كنت إتيرب
لعمى الذى كان يزرع بالسلوكـة.. شايل مخلاية الدخن في كتفى ووراه، ارمى وأدفن برجلى.. كنا نزرع الدخن والقطن تيلة طويلة يصل طولها قريب من المتر.. تعرف كورة العشـر.. فيها سائل سام داخلها لكن
كنا نقطعها نص ونقلبها ونحلب فيها اللبن ونشربه في الخلا.. دا موضوع كتاب بحاله..
|
Post: #17
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-21-2015, 00:51 AM
Parent: #16
أبو الريش،
يا أخى زولي تب ..
Quote: يا أخ بريمـة انا زاتى بقارى.. رأيك شنو؟ باللاى ما تفتح الجراح ياخ..
مراحنا من البقر كان ضخم ولا أذكر العدد.. ولكن حين تعود من القاش في الخريف، بعجولها الإتولدوا في (الغربة) عارف ما نلقى المواعين الكافية للبن ونفك فيها أولادها ترضع.. أنا كنت اسرح بالبقر
وأبنى و(اليص) الأحواض فوق البير بالطين كل يوم وأملاها موية بالدلو.. شفت كيف يا سيدى.. تقول لى الجيل الثالث.. ويا لأمانة الرعاة في ذلك الزمن الجميل.. الراعى مرتبه عدد من البقر في السنـة.. ولما
أهله يجونا زيارة نزودهم بالملابس الجديدة والبن والسكر.. نحن في ساحل البحر الأحمر والرعاة في الصيف يسوقوا المراح للقاش ويغيبوا طول فترة الصيف.. لا إتصالات لا موبايل لا إيميل.. ويعودوا في
الخريف وقد زادت الأبقار وسمنت.. لا إختلاس لا تحلل لا فقه ضرورة.. كنا نجر من الدكان السنة كلها.. في نهاية السنة ندفع ليه بشولات الدخن بعد الحصاد .. مزرعتنا قريب من 500 فدان وأنا كنت إتيرب
لعمى الذى كان يزرع بالسلوكـة.. شايل مخلاية الدخن في كتفى ووراه، ارمى وأدفن برجلى.. كنا نزرع الدخن والقطن تيلة طويلة يصل طولها قريب من المتر.. تعرف كورة العشـر.. فيها سائل سام داخلها لكن
كنا نقطعها نص ونقلبها ونحلب فيها اللبن ونشربه في الخلا.. دا موضوع كتاب بحاله.. |
الله يجيب لينا السلام .. إن شاء الله ندقش بيك جنوب كردفان لو جيتنا هناك .. نشتري البهائم فى موسم هى ضعيفة جداً .. ورخصية رخص التراب قبل نزول المطر بشهر .. ونتركها شهرين فقط فى فترة الرشاش ثم ننزولوها سوق الأبيض .. ولو لقيتك متشجع نشتروا ألف أو ألفين رأس عجول أو أكثر .. ونتركوها مع الرواعية لمدة عام ونقعوا بيها الخرطوم ..
أنا طوال حياتى فى السودان حتى تخرجت فى الجامعة وغادرت السودان لم أشتغل ولا مرة فى حياتى .. ولا أعرف كيف الأكل والشراب بيجيبوه .. أعرف أزرع وأرعي .. ولكن نترك كل شيئ للوالد والأخوة ولا أخذ منه ولا فلس .. والله السودان كان جميل .. الوالد كان لديه أكثر من أربعمائة رأس بقر .. وأنا وحدي لدي أكثر من 100 رأس من الماعز .. فيها حوالي 52 ماعزة تحلب .. وفي السنة، كل واحدة تلد مرتين تيمان تيمان .. محل أودي القروش ما عارفه!
لا حول علي المهانة التى نحن فيها الأن ..
بريمة
|
Post: #18
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-21-2015, 01:09 AM
Parent: #17
عييييك يا محمد حمزة
Quote: سلام الاخ بريمة
انا جاهز موية ونور وتراكتوري ماسي ١٦٥ |
يا أخى أنت جاهز موية ونور ..
وح نتفاهم ..
شفت أنك مقيم بال UK .. هل هناك من ينوب عنك؟ .. حتى لو أنت ما عايز تزرع .. جيب التراكتر وتعال .. تزرع للناس طوال فترة الخريف ثم تقوم بترحيل المحصول طوال فترة الموسم.
بريمة
|
Post: #19
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-21-2015, 11:06 AM
Parent: #18
عمر،
Quote: تلقاها عند غافل ياود بريمه
انتو في الخرتوم الليلنا دي ماطايقين عيشتنا
بس ممكن تتصل بقادة الفصائل والمليشيات والحركات (الثورية) الخمسميه وعشرون المجتمعون الان
للتحاور ان يدرجو ويثبتو كلامك ده ويدونا ضمانات
فاولا دخول الجلابه منطقتكم ليس من مصلحتكم
ثانيا انتم لم و لن تتقبلوهم وحتنظرو ليهم كغزاة علي ارضكم |
ما تخاف يا راجل .. لو ما مصدقنى .. أسأل ول أبا كبر .. عن المناطق التى أتحدث فيها .. الحركات والجبهة الثورية تسمع بيهم مثل سماعك الأن ..
بريمة
|
Post: #20
Title: Re: قطعة أرض مجانية .. وحديقة من أشجار طبيعية.
Author: Deng
Date: 10-21-2015, 07:24 PM
Parent: #19
| Quote: تلقاها عند غافل ياود بريمه |
ههههههههههههههههههه
عاوز تبيع التروماي للناس يا عبار؟؟
|
Post: #21
Title: Re: قطعة أرض مجانية .. وحديقة من أشجار طبيعية.
Author: بريمة محمد
Date: 10-25-2015, 01:30 PM
Parent: #20
العبار دينق،
أنت ذاتك أليس لك جواز سودانى؟ تعال أزرع معانا .. أو ربى بهائم .. المشكلة شنو؟
بريمة
|
|