فاطمة شاش تحكي أنا (بت معلمة) .. مدلعة ومبسوطة يا حليلك أنتي !!#

07:28 AM Oct, 19 2015
سودانيز اون لاين
زهير عثمان حمد-ï؟½ï؟½ï؟½ï؟½ï؟½ -ï؟½ï؟½ï؟½ï؟½ï؟½ï؟½ï؟½
مكتبتى فى سودانيزاونلاين



حكاية البنت التي قطاعها والدها بسبب صلاح إدريس .. فاطمة الصادق تحكي أنا (بت معلمة) .. مدلعة ومبسوطة








يكفي الآن أن تقول باسمها .. (فاطمة الصادق) حتى تنطلق الآراء الحادة والمسننة من طرفي نقيض ناقدة، ومؤيدة، مهاجم ومنتقد بتشنج، مؤيد باستماتة.
ولكن تبقى فاطمة الصادق قبل ذلك وبعده، إعلامية وصحفية وكاتبة وسيدة أعمال نجحت في فترة وجيزة أن تخلق لنفسها شخصيتها ومكانتها، وان تحقق (بعضاً) من أحلامها. أو كما قالت.
ماضي فاطمة كيف كان وماذا بقي؟
أنا فتاة سودانية عادية، والماضي عشته كما تعيشه البنات في أي مكان (مافش حاجة مختلفة)
فاطمة الشافعة كيف كانت؟
فاطمة الشافعة كانت مسالمة جداً وفيها براءة زائدة عن اللزوم مدلعة جداً لأنها الوحيدة وسط ثلاثة أولاد، احتوتني عائلتي وغرست فيني حب الناس، والقيم الأصيلة من عاداتنا وتقاليدنا السودانية السمحة.
ومدلعة؟
ايوة كنت مدلعة والدلع دخل فيني خوف من الغرباء، والريبة نحوهم، كنت ملتصقة بأسرتي وبدأوا يفهمونني بالحياة لن تستمر الى الابد على هذا النحو لكن من حسن حظي أن أهالي مدينتي القضارف متصاهرون ومنصهرون ومنسجمون.
انت بتتذكري كنت بتلبسي شنو وانت صغيرة؟
كنت بلبس لبس أولاد، لأني اتربيت وسط 3 أولاد بناطلين وأردية وكنت بلبس ملابس الواثق أخوي لأننا كنا قراب لي بعض في عمرنا.
ممكن تكلمينا عن الأسرة بشكل عام؟
نحن أسرة مليانة بالحنان والمحبة، ومتماسكين جداً، ولكن تربطني بعماتي علاقة غريبة شوية.
زي شنو؟
يا حليلهم ولا حول ولا قوة إلا بالله ماتن الثلاثة السنة الفاتت.
كيف؟
ماتن بالذبحة، كل واحدة متأثرة بالثانية إلى أن رحلن جميعاً وفي سنة واحدة، لم تتحملن فراق بعضهن البعض، رحلوا كلهم
في سنة واحدة شفت الوجه قدر شنو؟
وكيف كان الحزن؟
هزوني ولخبطوا شكل حياتي كلها، خاصة ليلى فقد لخبطت حياتي الى الآن.
وليه ليلى تحديداً؟
بنشبه بعض جداً ملامحها هي ملامحي وبتطابق عجيب بنحبها حب ما طبيعي، لامن أطلع يومياً لازم أسمع دعواتها، حافظة خطواتي كلها وأصلوا ما اختلفت معاي، ولا غيرتنا الحياة وفي حاجات كثيرة اتغيرت بسبب رحيلها وحاسة ح ألحقها قريب.
وين أبوك من الذكريات دي كلها؟
أبوي موجود وهو زول رياضي لعب في نادي الموردة العاصمي، وسكرتيراً لنادي السلام الرياضي، ثم مدرباً ومحاسباً حتى صار مديراً عاماً في الوزارة التي كان يعمل بها.
بالمناسبة عشنا حياتنا كلها في بيت حكومي، واسراري كلها عند أبوي وبقدر خوفو علي خاصة أحساسة كرجل وأب، أحمد له تفهمه لوجهة نظري، والشهادة لله أدانا حقنا نختار شكل حياتنا واختياراتنا بس ما نقطع شعرة معاوية بيننا وتقاليدنا السودانية.
لكن قاعدة تزعليهو مرات صاح؟
أنا همي الدائم انو ما يزعل مني ابداً، ومرة زعل مني في عمودي عن صلاح ادريس كان فيهو تجاوز وقال لي الشغل دا بيمسهم كأسرة، ويجب التوقف وما كلمني لـ10 أيام كاملة، حتى تدخلت الوساطات، ومنهم عمتي سميرة، التي أقنعته بالرضاء عني بعد تعهدي بألا أكرر ذلك مرة اخرى.
واعتذرتي لصلاح إدريس؟
العمود كان دفاعاً عن نفسي لأنو برضو كتب بوجه خاصة ولكن تفهمت وجهة نظري أبوي.
الآباء يفرحون ببناتهم عروسات لماذا ما تزال أمنية عم الصادق صعبة التحقق إلى الآن؟
الزواج قسمة ونصيب وهناك محطات كتبت علينا فمشينا وأتمني أن احقق له أمنيته قريباً، وأكون في بيتي وسط أبنائي مستقرة ومبسوطة.
وأمك وين من دة كلو؟
ماما دي نور حياتي، وأنا لسة طفلة في عيونا، تدلعني كأني جاية من المدرسة لسعة، وأنا في نظرها طفلة عمرها 5 سنوات.
وفاطمة كيف تجد نفسها في المطبخ؟
والله ما بعرف فيهو ولا أي حاجة
ولا توريق الملوخية؟
ولا ملوخية وعمري ما مسكت مفراكة
لكن المطبخ جزء من الأنثى؟
ما دائماً جزء من الأنثى، وأنا أنثى
أيام لعب البنات بالطين، بيعملن العدة ويعوسن الكسرة؟
في الأيام ديك كنت بلعب كورة ودافوري وبلي وكوتشينة
صحيفة حكايات

يا صاحب
داخل محبة فيك ساي

قلت كيف يا صديقي

هههههه

Quote: في الأيام ديك كنت بلعب كورة ودافوري وبلي وكوتشينة صحيفة حكايات

أها يا فاطمة، ما سفيتي تمباك وشربتي عرقي ودقيتي الأولاد ؟

غايتو فاطمة دي عاجباني لأنها فارضة نفسها حتى على الكيزان المتزمتين، وواحد فيهم ما بقدر يفتح فمه بكلمة.

رقم تلفونها وين يا أبو الزهور؟

يا حليلك يا لبنى، وياحليل بنطلونك.

Quote: رقم تلفونها وين يا أبو الزهور؟

دينق، إنضبط

اوافق السلطان
البت و غض النظر عن كلام خصومها ما ساهلة و تعجب فعلا
نسيج نفسها
يا ريت بنات السودان زيها في اعتدادها بنفسها و جراءتها و وقوفها ضد التيار

Quote: البت و غض النظر عن كلام خصومها ما ساهلة و تعجب فعلا نسيج نفسها يا ريت بنات السودان زيها في اعتدادها بنفسها و جراءتها و وقوفها ضد التيار

والله ياريت ..... بس عندي ملاحظة صغيرة.

أنو البنات ما يلعبن الدورين .... دور البنت المفتحة والعارف حقوقها كاملة .... ودور حبوبتها الغلبانة المسكينة الماكلين حقها في نفس الوقت.

ده كلوووو عشان العلاقات تكون لذيذة ومنتجة .....

.................................................
التسوي كريت في القرض تلقي في جلدها

الجرأة وقوة العين اوالفناعة فرق شاسع بينهما
الجرأة في الدفاع والوقوف بصلابة من اجل المبادئ الانسانية الراقية وليس الجرأة علي الانفلات
في تقديري الشخصي البنت السودانية عموما صارت واثقة من نفسها ومنتجة ومبدعة وغير مستكينة للظروف . دون ان تفقد احترامها لنفسها او اسرتها او حتي انوثتها الخجولة ورقتها

يا زهير شعرت أن قصتها تشبه الى حد كبير روايتي ( فدوى )

فتاة أخت أولاد تشبهت بهم وتربت في بيت حكومي

فـــــــــدوىفـــــــــدوى

بس أكيد هي لم تقرأها وأنا لم أسكن القضارف

لكن ربما الحياة كلها توراد خواطر

زهير عثمان حمد
...



أبو الزهور صاحبي سلام ،
ياخي إزوج بسرعة ،
معليش مستعجل ،
،،،،

...







عزالدين عباس الفحل
ابوظبي
...

يا ريت بنات السودان زيها في اعتدادها بنفسها و جراءتها و وقوفها ضد التيار
....

الشر بّرا وبعيد..
والقال ليكم منو بنات السودان ما عندهن اعتداد بأنفسهن..
وما لابيسبحن ضد التيار ؟
ولا لازم الاعتداد بالنفس يكون على شكالة فاطنة شاش ؟!
الرجل السودانى أمره عجيب..

Quote: الشر بّرا وبعيد.. والقال ليكم منو بنات السودان ما عندهن اعتداد بأنفسهن.. وما لابيسبحن ضد التيار ؟ ولا لازم الاعتداد بالنفس يكون على شكالة فاطنة شاش ؟! الرجل السودانى أمره عجيب..

و الله عمتك سميرة اتلومت معانا
اكان تخليهو يحاربك الله لا رتالك

كتب الأخ ابوالعوائم :

( يا حليلك يا لبنى، وياحليل بنطلونك.).

والله التقول ختفتها من خشمي !!

ست البنات.

.......وبعدين مع نشر الصور( الخاصة) للبنات في المنتديات والوسائط الاجتماعية








مش الناس دي بتجوط هنا وتشبكنا دي خصوصيات وماعارف ايه ؟؟






اوعى ينط لينا زول يقول شخصية عامة و اللا قومية الخ الخ




تحياني