Post: #1
Title: لكين ماأندياح يا داليا الياس عرفنا حاجة !!!#
Author: زهير عثمان حمد
Date: 10-09-2015, 11:29 PM
10:29 PM Oct, 10 2015
سودانيز اون لاين
زهير عثمان حمد-ï؟½ï؟½ï؟½ï؟½ï؟½ -ï؟½ï؟½ï؟½ï؟½ï؟½ï؟½ï؟½
مكتبتى فى سودانيزاونلاين
| ﺍﻧﺪﻳﺎﺡ |
ﻣﻮﺳﻢ ﺍﻟﻌﺮﺳﺎﻥ
👤داليا الياس :
🚶💍💃
ﻭﻗﺎﻟﺖ ﺇﺣﺪﺍﻫﻦ ﻧﺎﺻﺤﺔ ﺍﻟﺒﻨﺎﺕ ﻓﻘﻂ ﻻﺳﻴﻤﺎ ﺍﻟﺒﺎﻳﺮﺍﺕ ﺑﻤﻨﺎﺳﺒﺔ ﻣﻮﺳﻢ ﺍﻹﺟﺎﺯﺍﺕ
ﻭﻋﻮﺩﺓ ﺍﻟﻤﻐﺘﺮﺑﻴﻦ ﻟﻘﻀﺎﺀ ﺍﻟﻌﻴﺪ ﻭﺇﻗﺎﻣﺔ ﺍﻷﻓﺮﺍﺡ ﻭﺍﻟﻠﻴﺎﻟﻲ ﺍﻟﻤﻼﺡ ﻹﻛﻤﺎﻝ
ﻧﺼﻒ ﺍﻟﺪﻳﻦ ﺃﻭ ﺇﺭﺿﺎﺀ ﺍﻟﻮﺍﻟﺪﻳﻦ :
ﻋﺰﻳﺰﺗﻲ ﺍﻟﺒﻨﺖ، ﺧﺘﻲ ﺍﻟﻔﻲ ﻳﺪﻙ ﻭﺭﻛﺰﻱ ﻣﻌﺎﻱ -:
/1 ﻟﻮ ﻋﻨﺪﻙ ﺣﺒﻴﺐ ﻭﻻ ﺯﻣﻴﻞ ﻣﻦ ﻧﻮﻋﻴﺔ ﺍﻟﻌﺎﻣﻞ ﺻﺎﺣﺒﻚ ﻭﻣﺎ ﻓﺎﻫﻤﺔ ﻟﻴﻪ ﺭﺃﺱ
ﻣﻦ ﻗﻌﺮ ﺩﺍﻙ ﻃﻮﺍﻟﻲ ﺯﻱ ﺍﻟﺸﺎﻃﺮﺓ ﻛﺪﺍ ﻓﺘﺸﻲ ﻟﻴﻚ ﺷﻜﻠﺔ ﻣﻌﺎﻫﻮ ﻭﺩﻣﻌﺘﻴﻦ
ﺗﻼﺗﺔ ﻭﻗﻮﻟﻲ ﻟﻴﻪ ﺃﻧﺎ ﺣﺎﺳﺔ ﺇﻧﻨﺎ ﻣﺤﺘﺎﺟﻴﻦ ﻧﺒﻌﺪ ﻣﻦ ﺑﻌﺾ ﺣﺒﺔ ﻋﺸﺎﻥ ﻧﻘﻴﻢّ
ﺍﻟﻌﻼﻗﻪ ﺩﻱ ﻭﺭﻛﺰﻱ ﻋﻠﻰ ﻛﻠﻤﺔ ﺣﺒﺔ ﻋﺸﺎﻥ ﻟﻮ ﺍﻟﻘﺼﺔ ﻓﺸﻠﺖ ﻳﺎﺧﺘﻱ ﻣﺎ
ﺗﻜﻮﻧﻲ ﺩﻗﺴﺘﻲ ﻭﺗﺠﻲ ﺗﺪﻋﻲ ﻋﻠﻲ، ﺃﻫﻲ ﺩﻱ ﺃﻧﺎ ﻛﻠﻤﺘﻚ .
/2 ﺟﻴﺒﻲ ﻭﺭﻗﺔ ﻭﻗﻠﻢ ﻭﺳﺠﻠﻲ ﻣﻮﺍﻋﻴﺪ ﺭﺣﻼﺕ ﺍﻟﻄﻴﺮﺍﻥ ﻭﺭﻛﺰﻱ ﻋﻠﻰ
ﺍﻟﻘﻄﺮﻳﺔ ﻭ ﺍﻻﺗﺤﺎﺩ ﻭﺑﺎﻟﻜﺘﻴﺮ ﺍﻟﺨﻠﻴﺠﻴﺔ، ﺃﻭﻭﻭﻋﻚ ﻣﻦ ﻧﺎﺱ ﻃﻴﺮﺍﻥ ﺍﻟﻌﺮﺑﻴﺔ
ﻭﻓﻼﻱ ﺩﺑﻲ ﺩﻳﻞ ﻭﺍﺣﺪ ﻣﻦ ﺇﺗﻨﻴﻦ ﻳﺎ ﻣﻔﻠﺴﻴﻦ ﻳﺎ ﺑﺨﻴﻠﻴﻦ، ﻓﻠﺲ ﻟﻲ ﻓﻠﺲ ﺃﺧﻴﺮ
ﻟﻴﻚ ﻓﻠﺲ ﺳﻮﺍﻕ ﺍﻟﺮﻛﺸﺔ ﺍﻟﺴﺎﻛﻦ ﻓﻲ ﺍﻟﺸﺎﺭﻉ ﺍﻟﻘﺼﺎﺩﻛﻢ .
/3 ﺑﻜﺮﺓ ﻣﻦ ﺍﻟﺪﻏﺶ ﺧﺸﻲ ﻓﻲ ﺍﻹﺳﻜﻴﺮﺕ ﺍﻟﺠﺪﻳﺪ ﻭﺑﻠﻮﺯﺗﻚ ﺍﻟﺪﺍﺳﺎﻫﻢ ﻣﻦ
ﺃﺧﺘﻚ ﻋﺸﺎﻥ ﺗﻼﻗﻲ ﺑﻴﻬﻢ ﺍﻟﺠﻜﺲ ﻓﻲ ﺣﺒﻴﺒﻲ ﻣﻔﻠﺲ ﺩﻳﻚ ﻭﺑﻌﺪﻫﺎ ﻋﻠﻰ ﺍﻟﻤﻄﺎﺭ
ﻃﻮﺍﻟﻲ ﻟﻠﻤﺮﺍﺑﻄﺔ .
/4 ﺃﻭﻋﻲ ﺗﺨﺘﻲ ﻓﻲ ﺑﺎﻟﻚ ﻭﺩ ﺟﻴﺮﺍﻧﻜﻢ ﺍﻟﺠﺎﻱ ﻣﻦ ﺩﺑﻲ ﻭﻟﻼ ﻭﺩ ﻋﻤﻚ ﺍﻟﻔﻲ
ﺍﻟﺴﻌﻮﺩﻳﺔ، ﻛﺎﻥ ﺩﺍﻳﺮﻙ ﻛﺎﻥ ﻛﻠﻤﻚ ﻣﻦ ﺯﻣﺎﺍﺍﺍﻥ ﻣﺎ ﻛﻨﺘﻲ ﻟﻱ ﻫﺴﻲ ﺑﺎﻳﺮﺓ،
ﻭﻛﺎﻥ ﺍﻟﻠﻪ ﺃﺭﺍﺩ ﻭﻓﻜﺮ ﻓﻴﻚ ﺣﺘﻠﻘﻲ ﻣﻨﺎﻓﺴﺔ ﺷﺮﺳﺔ ﻣﻦ ﺑﻨﺎﺕ ﺃﻫﻠﻚ ﻭﺑﻨﺎﺕ
ﺍﻟﺠﻴﺮﺍﻥ، ﻭﻛﺎﻥ ﺣﺼﻞ ﻭﻋﺪﻳﺘﻲ ﻣﻦ ﺩﻭﺭﻱ ﺍﻟﻤﺠﻤﻮﻋﺎﺕ ﺩﻩ ﻭﻭﺻﻠﺗﻲ ﺍﻟﻨﻬﺎﺋﻲ
ﻭﻋﺮﺳﺘﻲ ﺃﻭﻝ ﺷﻜﻠﺔ ﺑﻴﻨﺎﺗﻜﻢ ﺣﺎﻳﺬﻛﺮﻙ ﺑﻲ ﻣﺎﺿﻴﻚ ﺍﻟﻬﻮ ﻋﺎﺭﻓﻮ ﻭﺣﺎﻓﻈﻮ،
ﺃﻟﻌﺒﻲ ﻓﻲ ﺍﻟﻤﻀﻤﻮﻥ ﻳﺎ ﺑﺖ ﺃﻣﻲ، ﺍﻟﻐﺮﻳﺐ ﻻ ﻋﺎﺭﻑ ﻟﻮﻧﻚ ﺍﻷﺳﻤﺮ ﺍﻟﻔﺴﺨﺘﻴﻬﻮ
ﺑﺎﻟﻜﺮﻳﻢ ﻭﻻ ﺷﺎﻓﻚ ﺑﺎﻟﺘﻮﺏ ﻭﺍﻟﺴﻔﻨﺠﺔ ﺍﻟﺨﺪﺭﺓ ﻣﻨﺘﻈﺮﺓ ﺳﻴﺪ ﺍﻟﻠﺒﻦ ﺑﻲ
ﺍﻟﺒﺴﺘﻠﺔ .
/5 ﺃﺑﻌﺪﻱ ﻣﻦ ﻧﺎﺱ ﺃﻣﺮﻳﻜﺎ ﻭﺃﺧﺘﻴﻬﻢ، ﺃﻭﻋﻲ ﺗﺘﻐﺸﻲ ﻓﻴﻬﻢ، ﺍﻟﻮﺍﺣﺪ ﻣﻨﻬﻢ
ﺗﺸﻮﻓﻴﻬﻮ ﻗﺎﺷﺮ ﺗﻘﻮﻟﻲ ﺷﻐﺎﻝ ﻣﻊ ﺃﻭﺑﺎﻣﺎ ﺫﺍﺗﻮ، ﻓﻲ ﺍﻵﺧﺮ ﻳﻄﻠﻊ ﺑﻐﺴﻞ ﻋﺪﺓ ﻓﻲ
ﻣﻄﻌﻢ ﻭﺩﺍﻳﺮ ﻳﺴﻮﻗﻚ ﺗﺮﻏﻲ ﻟﻴﻬﻮ ﺍﻟﺼﺎﺑﻮﻥ ﻭﺑﻬﺪﻟﺔ ﺍﻹﻧﺠﻠﻴﺰﻱ ﻣﺎ ﺑﺘﻘﺪﺭﻱ
ﻋﻠﻴﻬﺎ ﺑﺘﺤﺮﺟﻚ ﻣﻊ ﺍﻟﺨﻮﺍﺟﺎﺕ ﺳﺎﻱ .
/6 ﺃﺑﻌﺪﻱ ﻣﻦ ﺍﻟﺒﻴﺠﻲ ﺷﺎﻳﻞ ﺷﻨﻂ ﻛﺘﻴﺮﺓ ﺩﺍﻙ، ﻣﺎﺍﺍﺍ ﺗﻔﺮﺣﻲ ﺗﻘﻮﻟﻲ ﺩﺍ ﻣﻘﺮﺵ
ﺟﺎﻱ ﻣﻠﻴﺎﻥ ﻫﺪﺍﻳﺎ، ﺍﻟﺰﻱ ﺩﺍ ﺗﻠﻘﻲ ﺃﻣﻮ ﻧﺠﺎﺍﺍﺍﺿﺔ ﻭﺃﺧﻮﺍﺗﻮ ﺷﻴﺎﻻﺕ ﺣﺎﻝ
ﻭﻃﻠﺒﺎﺗﻬﻢ ﻛﺘﻴﺮﺓ، ﻟﻤﻦ ﺗﻌﺮﺳﻴﻬﻮ ﺍﻟﺤﺒﺔ ﺩﻱ ﻣﺎ ﺑﺘﻠﻘﻴﻬﺎ ﻣﻨﻮ، ﻛﻠﻬﺎ ﻟﻲ ﺃﻫﻠﻮ .
/7 ﺃﺳﻤﻌﻲ ﻛﻼﻣﻲ ﻭﺃﺑﻌﺪﻱ ﻣﻦ ﻧﺎﺱ ﺃﻭﺭﻭﺑﺎ ﺍﻟﻮﺍﺣﺪ ﻣﻨﻬﻢ ﻳﺠﻲ ﻫﻨﺎ ﻳﻌﻤﻞ
ﻓﻴﻬﺎ ﺳﻔﻴﺮ ﻭﻫﻮ ﻫﻨﺎﻙ ﻛﺎﻥ ﻛﺎﺑﻲ ﺍﻟﺰﻭﻏﺔ ﻭﺳﺎﻳﻖ ﻟﻴﻬﻮ ﺗﺎﻛﺴﻲ ﻭﺃﻭﺭﺑﺎ
ﺫﺍﺍﺍﺗﺎ ﻣﺎﻋﻨﺪﻫﺎ ﻋﻤﺎﺭ .
/8 ﺃﻭﻝ ﻣﺎ ﺗﻘﺒﻀﻲ ﻓﻲ ﻭﺍﺣﺪ ﺍﺳﺄﻟﻴﻬﻮ ﺇﺟﺎﺯﺗﻚ ﻛﻢ ؟ ﻛﺎﻥ ﻃﻠﻌﺖ ﺃﻛﺘﺮ ﻣﻦ
ﺷﻬﺮ ﺷﻴﻠﻲ ﺳﻔﻨﺠﺎﺗﻚ ﻭﺃﺟﺮﻱ ﻣﻨﻮ، ﺃﻭﻭﻭﻋﻚ ﺩﻩ ﺍﻟﻨﻮﻉ ﺍﻟﺒﻴﻘﻌﺪ ﻫﻨﺎ 6 ﺷﻬﻮﺭ
ﻭﻳﺴﺎﻓﺮ 6 ﺷﻬﻮﺭ، ﺗﻌﺮﺳﻴﻬﻮ ﻳﺮﻣﻴﻚ ﻫﻨﺎ ﺇﻗﺎﻣﺔ ﻣﺎ ﺑﻴﻄﻠﻌﻬﺎ ﻟﻴﻚ، ﻗﻌﺎﺩ ﻟﻲ ﻗﻌﺎﺩ
ﻳﺎﺧﺘﻲ ﺃﻗﻌﺪﻱ ﻓﻲ ﺑﻴﺖ ﺃﺑﻮﻙ .
/9 ﺭﺟﺎﻝ ﺍﻟﻨﺴﻮﺍﻥ ﺃﺧﺘﻴﻬﻢ، ﻧﺤﻦ ﺑﻨﻠﻌﺐ ﻋﻠﻰ ﻧﻀﺎﻓﺔ، ﻣﺎﻟﻚ ﻭﻣﺎﻝ ﺍﻟﻔﻀﻠﺔ
ﻭﺍﻟﻀﺮﺓ .
/10 ﺭﻛﺰﻱ ﻋﻠﻰ ﻣﻮﺩﻳﻞ ﺍﻟﻤﻮﺑﺎﻳﻞ ﻭﺷﻜﻞ ﺍﻟﺠﺰﻣﺔ ﺑﻌﻜﺴﻮﺍ ﺍﻟﻮﺍﻗﻊ ﻛﺘﻴﺮ ..
ﻭﺍﻟﺘﺰﻣﻲ ﺇﻧﺘﻲ ﻛﻤﺎﻥ ﺑﺎﻟﺤﺸﻤﺔ ﻭﺍﻟﻮﻗﺎﺭ . ﻛﻠﻬﻢ ﺷﺒﻌﺎﻧﻴﻦ ﻓﻲ ﺍﻟﺤﻨﻜﺸﺔ
ﻭﺍﻟﻤﻮﺿﺎﺕ ﻭﺍﻟﻮﺍﺣﺪ ﺑﻴﻘﻮﻝ ﺑﺲ ﺩﺍﻳﺮ ﻟﻲ ﺑﺖ ﺑﻠﺪ ﺑﺴﻴﻄﺔ ﻭﻣﺴﺘﻮﺭﺓ .. ﺃﻟﻌﺒﻲ
ﺍﻟﺪﻭﺭ .
ﺃﻫﺎ .. ﺩﻩ ﻏﻴﺾ ﻣﻦ ﻓﻴﺾ .. ﺍﻟﻨﻘﺎﻁ ﺍﻟﻌﺸﺮﺓ ﺩﻱ ﺑﺲ ﻟﻠﻤﺴﺎﻋﺪﺓ .. ﺍﻟﺒﺎﻗﻰ ﺇﻧﺘﻲ
ﻭﺣﻨﻜﻚ ﻭﺣﻈﻚ .. ﻭﺃﻧﺎ ﻏﻴﺮ ﻣﺴﺆﻭﻟﺔ ﻋﻦ ﺃﻱ ﻣﻘﻠﺐ ﺗﺎﺧﺪﻳﻬﻮ ﻣﻦ ﻭﺍﺣﺪ ﻃﻠﻊ
ﻣﻔﺘﺢ ﺃﻛﺘﺮ ﻣﻨﻨﺎ، ﺃﺻﻠﻮ ﺍﻟﻤﻮﺿﻮﻉ ﺩﻩ ﺩﺍﻳﺮ ﻣﻊ ﺍﻟﺸﻄﺎﺭﺓ ﺇﺣﺴﺎﺱ، ﻭﻟﻮ ﻣﺎ
ﻋﻨﺪﻙ ﺇﺣﺴﺎﺱ ﻭﻋﻴﻨﻚ ﻧﺠﻴﻀﺔ ﻣﺎﺍﺍﺍﺍ ﺗﺠﺎﺯﻓﻲ ﻳﺎﺧﺘﻲ .. ﺑﻮﺭﺓ ﻣﻀﻤﻮﻧﻪ ﻭﻻ
ﻋﺮﺳﺔ ﻣﺠﻬﺠﻬﺔ !
ﺗﻠﻮﻳﺢ :
ﺃﻋﺰﺍﺋﻲ ﺍﻟﺸﺒﺎﺏ .. ﺩﺳﻮﺍ ﺣﺒﻴﺒﺎﺗﻜﻢ ﻫﺬﻩ ﺍﻷﻳﺎﻡ . ﻟﻜﻦ " ﻫﻦ ﺑﻴﺪﺳﻦ " ؟
|
Post: #2
Title: Re: لكين ماأندياح يا داليا الياس عرفنا حاجة !!!
Author: على محمد على بشير
Date: 10-10-2015, 00:12 AM
Parent: #1
ههههههه
|
Post: #3
Title: Re: لكين ماأندياح يا داليا الياس عرفنا حاجة !!!
Author: معاوية الزبير
Date: 10-10-2015, 03:43 AM
Parent: #2
كتابة بائسة
|
Post: #4
Title: Re: لكين ماأندياح يا داليا الياس عرفنا حاجة !!!
Author: معاوية الزبير
Date: 10-10-2015, 05:42 AM
Parent: #3
دعوا بناتنا في حالهن. لا تجعلوا هدف حياتهن محصورا في الزواج. هناك أشياء أهم.
هذا المقال يهدم قلاعا من الوعي بنتها نساء عظيمات
|
Post: #5
Title: Re: لكين ماأندياح يا داليا الياس عرفنا حاجة !!!
Author: تبارك شيخ الدين جبريل
Date: 10-10-2015, 06:33 AM
Parent: #4
مقال جميل ومرح ... والكايسات العرس كتيرات 
رحم الله شيخي حسن موسى ...
... المهم ....
|
Post: #10
Title: Re: لكين ماأندياح يا داليا الياس عرفنا حاجة !!!
Author: يحي قباني
Date: 10-10-2015, 01:26 PM
Parent: #4
Quote: دعوا بناتنا في حالهن. لا تجعلوا هدف حياتهن محصورا في الزواج. هناك أشياء أهم.
هذا المقال يهدم قلاعا من الوعي بنتها نساء عظيمات |
القصة مافي الزواج يا ود الزبير ...
لكن البشرية دي كلها محصورة في ( نداء الطبيعة ) ..
أي شخشخة يختل الميزان طوالي ...
|
Post: #6
Title: Re: لكين ماأندياح يا داليا الياس عرفنا حاجة !!!
Author: Hani Arabi Mohamed
Date: 10-10-2015, 11:59 AM
Parent: #1
والأولو مسرحية آخرو شنو ؟
|
Post: #7
Title: Re: لكين ماأندياح يا داليا الياس عرفنا حاجة !!!
Author: معتز عبدالله
Date: 10-10-2015, 12:23 PM
Parent: #6
الشغلانة بقت صعبة
|
Post: #8
Title: Re: لكين ماأندياح يا داليا الياس عرفنا حاجة !!!
Author: محمد الكامل عبد الحليم
Date: 10-10-2015, 12:25 PM
Parent: #6
تحية
يا معاوية خفف شوية من رومانسيتك البنات عاوزات عرس وخايفات البورة...اخريات مشكلتهن العريس الفخيم مليان الجيب...اخريات يتحدثن عن البساطة والسترة لكنهن حين يجد الجد يقفن في صف واحد مع صويحيبات الجيب المليان... السيناريو المكتوب اعلاه شحتفة نفس ساكت ودوران في فلك اللاشيء....الرزانة مطلوبة... الواقعية مطلوبة, مع شوية رومانس بعد العرس , محاولات التبيض والتزيين سينكشف أمرها ولو بعد حين ... للمنبر دور في التنوير لكن بيت القصيد في المشاركين الجادين في المعالجة للقضاء علي العنوسة أو أزمة العلاقة... ولكم الاحترام..
|
Post: #9
Title: Re: لكين ماأندياح يا داليا الياس عرفنا حاجة !!!
Author: معاوية الزبير
Date: 10-10-2015, 01:04 PM
Parent: #8
| Quote: للمنبر دور في التنوير لكن بيت القصيد في المشاركين الجادين في المعالجة للقضاء علي العنوسة أو أزمة العلاقة... ولكم الاحترام.. |
أنا والله يا محمد لما شفت اسم تبارك دا في آخر المداخلات قلت المستنير رقم 2 (في البال المستنير رقم 1 المُكترى -بفتح الراء- ابوبكر عباس)
ح يجئ يستنكر عرض البضايع و كدا، لكنه ما شاف فيهو غير المرح والجمال
ولله في مستنيريه شؤون
|
Post: #11
Title: Re: لكين ماأندياح يا داليا الياس عرفنا حاجة !!!
Author: محمد إبراهيم علي
Date: 10-10-2015, 01:33 PM
Parent: #9
ان تتحول رسايل الشات بتاعت الواتس اب الى اعمدة صحفية لهو شئ مؤسف
انتو الاعمدة الصحفية دي بقت زي عمود الشارع البقعدو فيهو الشباب يتونسو ولا شنو
|
Post: #12
Title: Re: لكين ماأندياح يا داليا الياس عرفنا حاجة !!!
Author: محمد الكامل عبد الحليم
Date: 10-10-2015, 02:26 PM
Parent: #11
تحية
يا استاذنا محمد ابراهيم علي , المشكلة في الاستخدام السيء لأدوات الاتصال....يضاف الي ذلك السيولة في انتقال الكلمة من غير المدركين لخطورتها عبر تلك الوسائط واعني بهم كتاب الأعمدة والذين أصبحوا في غمضة عين وانتباهتها من صناع الراي دون علم أ
او خبرة او بصيرة ... كنت حضورا امام الشاشة البلورية ذات يوم لمقدم البرنامج يتحدث مع يافع سأئلا له عن تجربته الابداعية فتامل..
الشغلانة هايصة .
|
Post: #13
Title: Re: لكين ماأندياح يا داليا الياس عرفنا حاجة !!!
Author: جمال ود القوز
Date: 10-10-2015, 02:28 PM
Parent: #11
كتابة قمة في البؤس والفجاجة ..
ومليئة بالتهكم والسخرية ..
لا أرى حلولا لمشكلة تؤرق مجتمع بحاله ..
ولكن أرى تهكم وسخرية لا حد لها ..
داليا ( اليأس ) ..
ماحتطور ولاحتستفيد من منحنى تعلم أو غيره ..
لأنه الشغلة دي موهبة وحساسية ..
ما لبط ساي عشان كده حتظل محلك راوح ..
وفي كل مره حتجي تفجخ راس فهم الناس بي قالب ماكن زي ده ..
وتثبت ان بعض كتاب الأعمدة ..
هم مجرد أقلام عديمة الشغلة والموهبة ..
تم استجلابهم عن قصد للهدم والتنكيد على مخاليق الله ..
لازلت اذكر كلامها في تلك السقطة التي سبقت هذه ..
قالت أجيب ليك ( ولياني ) قالت .. أو في مامعناه ..
فجدفت عكس فكرتها وتلبت منها في أول محكـ جاد ..
زول ماقدر الحتات الغريقة البوديهو يتشوبر ..
ويعوم في الحتات المافيها حدّود شنو ..
ثم ضحك حتى تفنقل على قفاه ...
|
Post: #14
Title: RE:
Author: Abdullah Idrees
Date: 10-10-2015, 03:37 PM
Parent: #13
بقرا صحيفتين يوميا .. والله اجيب ليكم مقتطفات منها راسكم يشيب من الحالة المزرية للصحافة السودانية .. مقال داليا ده بالنسبة ليها يستحق البوكر .. والله بعض الكتاب نصف اميين واقصدها حرفيا .. يعني عندهم اخطاء بدائية في الاملاء والتعبير ، يطلع من الفصحى يخش في الدارجي بدون اقواس ويرجع تاني "للفصحى" ..
المصائب لا تأتي فرادى ..
سلام كلكم
|
Post: #15
Title: Re: RE:
Author: تبارك شيخ الدين جبريل
Date: 10-10-2015, 11:38 PM
Parent: #14
| Quote: المصائب لا تأتي فرادى .. |
ههههههههههههه .....
يا قولك ...
... المهم ....
|
Post: #16
Title: Re: RE:
Author: Yousuf Taha
Date: 10-11-2015, 01:35 PM
Parent: #15
داليا الياس شنو كمان في الحر دا
رسالة واتساب بقدرة قادر بقت عمود
قادر الله
|
|