جرجير عامل نائم من قبل مباراة الهلال بثلاثة يومين وبعديها بى يومين ما صحي إلا اسي بزوووووط وخلبوط .. لك الله يا بلدي .. ............................ عمر بخيت دا زول نحس وعميل .. ما عارف بلعبوهوا شنو ..؟؟؟؟؟؟
Post: #7 Title: Re: زووووووووووووط Author: يوسف الطيب احمد إدريس Date: 10-04-2015, 04:11 PM Parent: #6
طمنتنا
الله يطمنك يا ود البشرى
Post: #8 Title: Re: زووووووووووووط Author: يوسف الطيب احمد إدريس Date: 10-04-2015, 04:14 PM Parent: #7
اها الشكوى في منو الدورة دي؟ إلاّ كان تشتكوا غارزيتو في تغيير عمر بخيت دا هههههههه
منقولة من مكان ما
Quote: شوف عيني الغراب بجناحو كفت النجمة شفناها التلاتة الكـــــجمة بعد الكجمة ناسكم كورتم يا اخوانا غير منسجمة طول زمن اللقاء ما شفنا ليهم هجمـــــــة ... تيمكم باختصـــار الليلة راقد دكوة وساماتا المسخن فات حرارة المكوة غايتو مباراة كانت في المجالس حكوة اوعي من الجرس ..كتر الكلام والشكوي ... والخبر الاكيد الجابو لينا اللمبي الحلم الجميل بقي للنجيمات بمبي غلطان الولد (ساماتا) وانا ما ذنبي عذبتا الوصيف ..بااالغتا يا مازيمبي ... تابعنا اللقاء زي ما بتقول الصورة شفنا النجمة تايهة مخندقة و معصورة (بودي قاردات) يا نجمة المقصورة تيمكم جاي يصارع ولا يلعب كورة ... كترتو الضحك وعملتو لينا شماتة نقة شديدة جدا و النتيجة هي ذاتا قعدتو تغمسونا نسيتو ناس ساماتا شن بتقولو لينا بعد اخدتو تلاتة ... مسكين الوصيف جمهورو كان بيأمل يوصل للنهائي وللنهائية يكمل بنقول الحقيقة وليها ما بنجمل كلو عشان سمعتو كلام سلك ومزمل ... في اخر الختام الدوري انتو وصيفو تيمكم في بلدنا التاني في تصنيفو الحلم انتهي ومازيمبي اعلن زيفو بتلاقو الهلال ..بتشردو ولا تقيفـــو
# المبدع ود المجذوب #
زووووووووووووط ياااا
Post: #17 Title: Re: زووووووووووووط Author: علي عبدالوهاب عثمان Date: 10-04-2015, 06:07 PM Parent: #16
حبيبنا البشرى ,, رغم أننا نشجع الهلال من بداية الستينيات .. إلا أن للعمر أحكام .. بصراحة كنت عايز على أقل فريق يتأهل للنهائي .. لكن لا أعرف ماذا حدث للمريخ في الشوط الثاني .. ربما في خمس دقائق هدفين .. والله مصيبة .. أصبحنا نحتفل بأقل الهزائم وطأة .. أطن الهلالاب لن يصمتوا حتى ينهزم الهلال على نظرية ( من أنهزم أخيراً .. يتعرض للشماتة كثيراً )
مودتي البشرى .. أين المريخاب .. عشان العكننة تكون ليها طعم ..
Post: #18 Title: Re: زووووووووووووط Author: خالد زين العابدين حاج نور Date: 10-04-2015, 06:13 PM Parent: #17
سلام يا هندسة ياخى واجب علينا نحى الهلال والمريخ امبارح فرحو نص الشعب السودانى والليلة فرحو النص التانى
متعة والله شماتة آخر الموسم دي, ذكّرتني 2007 لمّا طرنا من السيمي فاينال و كان المريخ لاعب فاينال مع الصفاقسي ما قصّروا معانا شبكونا ليك ربات المنازل و الجالسين على الرصيف و المحلي داخل عطبرة وساعدونا بالسكات و الموية الباردة نظام الأولاد لاعبين فاينال الكونفيدرالية و الكاس برة وكدا, بلا ربك رب الخير يلم فيهم الصفاقسي يزعمطهم اربعة في امدرمان هي نان ريّحناهم !! ما كسّينا بيهم العرايا و دقّينا طار ما حصل نفس القصة اتكرّرت في البطولة العربية الوفاق رشّانا في امدرمان فا انسحبنا من الإياب, اها الجماعة لاعبين مع الوحدات الأردني غلبوه هنا تلاتة واحد و نظام ماشين عمّان نزهة كرّهونا العيشة طبعا قوم يا المطرة صبّي و عينك ما تشوف إلاّ أكرم بغرف و يجيب من الشبكة’ سبعة في عين العدو ههههههههههههههه متّعتنا سنة لا قدام شماتة ألّذ شي بعد الكورة الإم بي سي عاملين لقاء مع جمال الوالي العارف عزّو يسالوه من الهزيمة و ما سيترتب عليها بلا يقول نحنا جينا ولعبنا وانهزمنا بفارق هدف وما انسحبنا, مصر يثبت كلام الصحيفة اليوغندية و كونه عايش في ضلّنا خخخخخخ
متعة ياخ, كان لقيت فيديو سبعة الوحدات بجيبو بي جاي هههههه
والله مارضيناها ليهم فقد كان الأمل ( ماحق عطبرة ) .. معقود عليهم والله .. لكن كدأب الكرة السودانية خذلونا .. وأكدوا توقعاتنا بانهيار الهلال والمريخ .. وعدم تاهلهم للنهائي .. ليسطروا أقبح وأشنع تاريخ للكرة السودانية .. في العصر الحديث .. من يوم الليلة أنا بأعلن انسحاب من تشجيع أي كورة سودانية .. وزي ماقال نميري رحمه الله .. لا هلال ولا مريخ .. ولاموردة ولا تحرير .. وكما انتهى فريقا الموردة والتحرير .. أنا شخصياً بعلن انتهاء فريقي الهلال والمريخ .. ومع ألف ألف سلامة .. الى الأبد .. لن نتابعهم أو نشجعهم .. والله تاني كان شالوا كاس العالم للاندية لن نعبأ بهم .. فهؤلاء لايستحقون ولا حتى النظر اليهم ومتابعتهم وهم يلعبون .. باعصابنا ويهدرون طاقاتنا واموالنا ... فرق تسبح في المال .. وبعد ده كلو تلعب بكل هذا الاستهتار والمسخرة ..
Post: #21 Title: Re: زووووووووووووط Author: Dr. Ahmed Amin Date: 10-04-2015, 09:13 PM Parent: #20
Quote: فا شنو...
زوووووووووووووووووووووووووط وكدا
تحياتي ود البشرى
عادي .. عادي
ظووط يفوت ولا حد يموت ..
هههههههههههه
Post: #22 Title: Re: زووووووووووووط Author: محمد البشرى الخضر Date: 10-05-2015, 04:50 AM Parent: #21
يا صباحات الشماتة و استعادة التوازن :)
معاوية محمد عمر فالكاو تنظير يوسف الطيب درديري اسامة الإمام علي عبد الوهاب خالد زين العابدين ود القوز ودكتور أحمد امين
شاكر مروركم و التعليق على حفلة الشماتة :)
هو يا وصيف انت أصلا شاركت في البطولة صحبة راكب و صعدت من لمجموعات صحبة راكب كفاك لحدّي كدا, الحظ بخدم لحد معيّن و بقيف بعد داك دُت
Quote: من يوم الليلة أنا بأعلن انسحاب من تشجيع أي كورة سودانية .. وزي ماقال نميري رحمه الله .. لا هلال ولا مريخ .. ولاموردة ولا تحرير .. وكما انتهى فريقا الموردة والتحرير .. أنا شخصياً بعلن انتهاء فريقي الهلال والمريخ .. ومع ألف ألف سلامة .. الى الأبد .. لن نتابعهم أو نشجعهم .
يا جمال أنا منذ سنوات وصلت لي نتيجتك دي، وريحت نفسي من الكورة وهمها، رغم إني كنت هلالابي مرضان، لكين نديك النجيضة، الموضوع ده عاوز ليهو شوية شغل لأنو ادمان وصعب التملص منو بي أخوي وأخوك، فشوف ليك حاجة تشغلك خاصة أيام البطولات، أي حاجة، ولو عندك اشتراك في القنوات الرياضية اتخلص منو، حتكتشف إنو هناك عوالم أجمل من هلال مريخ بكثير. تحياتي لك ولود البشرى وزوار البوست
برشلونة والمريخ سبوع واحد رقدوني بالدغت بس برضو لسسسسه حمدو في بطنو مانديلا خطوبتو فركشت بس السنة الجاية الحمد لله ماف تمهيدي بركة ال اتفشفشتا لو خشينا كان الكاس مضمون وكتو حتموتو لانو فيها كاس عالم وميسي وكده
Quote: برشلونة والمريخ سبوع واحد رقدوني بالدغت بس برضو لسسسسه حمدو في بطنو مانديلا خطوبتو فركشت بس السنة الجاية الحمد لله ماف تمهيدي بركة ال اتفشفشتا لو خشينا كان الكاس مضمون وكتو حتموتو لانو فيها كاس عالم وميسي وكده
السنة الجاية ياخوي الابطال تشمها قدحة مادام ترتيبك في الدوري الرابع ... الكونفدرالية في تلتلة ...
و الحقيقة هي ضحكة اب سن و اب سنين :) جاء في الأخبار أن الإتحاد العام يخطط للإحتفال بالناديين و تكريمهم تحت رعاية نائب الرئيس بحضور شخصيات رياضية افريقية على الظهور المشرف !! نفس الإتحاد الذي رفض شروط مدرب منتخب غانا في كأس العالم التي طالب بتنفيذها للتعاقد معه لقيادة الجهاز الفني للمنتخب و الشروط فيها ان تكون العلاقة واضحة واحترافية بين المنتخب و اللاعبين م حيث الجزاءات و الواجبات و طالب ايضا ان يشرف على المراحل السنية و استمرارية المنافسات فيها و ايضا الإلتزام بالبرنامج الذي سيضعه للمنتخب من حيث المعسكرات و المباريات الودية و التجمع الدوري لكن الإتحاد اقر بعجزه عن توفير هذه المتطلبات الأساسية, لذا ستستمر الساقية و تستمر فضائح المنتخب و سيستمر هروب نجوم الهلال و الكريخ منه ويظل قادة الإتحاد في مناصبهم بالسنوات و سيستمر الهلال و المريخ يكتفون بالظهور المشرف الحيكرموهم عليه,ونظل نحن مدورين في شماتتنا و يفرحنا هزيمة المنافس أكثر من فوز نادينا و بمناسبة هزيمة المنافس دي أحب أصبح على جميع الأهل الوصيفاب بالخرطوم و مدني وأم كريعات ووصيفاب الخارج ناس أمريكا و الخليج و شرق أوروبا و أهدي ليهم:
زوووووووووووووووووووووط يكا
تاني تجو المولد :)
Post: #32 Title: Re: حمام الوالي يا طاير (زوووووط سابقا) Author: طلحة عبدالله Date: 10-06-2015, 09:30 AM
جرايد يختفوا منها أمثال عصام جعفر الفوق دا ويتسيدوها ناس محمد عبد الماجد وهيثم كابو ومنو ومنو .. شىء طبيعي تغتس حجر الكورة السودانية الأصلو مغتس .
.......
