Post: #2 Title: Re: الواحد بالطريقة دي ممكن يظل مستنير إلى ال Author: muntasir Date: 10-02-2015, 08:52 AM Parent: #1
مالو يا جلالدونا هبب شنو انا كنت مافي
Post: #3 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-02-2015, 08:53 AM Parent: #1
احلام المستنير الطائر و الدنيا منى و احلام و يا سلااااام تن تن ترى ترى تن تن تراااا
Post: #4 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-02-2015, 08:57 AM Parent: #3
Quote: مالو يا جلالدونا هبب شنو انا كنت مافي
ابداااااااع على قول الممثلة المصرية فى المسلسل داكا عليك الله عنوان البوست ده ذاتو ما ابداع ابدااااااع
Post: #5 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-02-2015, 09:15 AM Parent: #4
عوض كربة و احمد عقارب و عمر دبيب عزّابا يتشاركون غرفتين منفلة و حوش صغير قدام الاوض و باب بيفتح على السهلة البتلمو فيها اولاد الحلة العاملين فيها بيعلبو كووورة قدم و هى فى الحقيقة كورة شكل اكتر من انها كورة القدم و لا علاقة لها بالكورة اللهم الا الشلاليت و التيوة الدايما ما تنفقع من حظها الشقى ___ دراسات فى الادب المقارن
Post: #6 Title: Re: الواحد بالطريقة دي ممكن يظل مستنير إلى ال Author: مني عمسيب Date: 10-02-2015, 09:17 AM Parent: #5
جلجل صباح الحب ..
حلييييل بت امي لي .
Quote: و الدنيا منى و احلام [/QUOTE مني عرفناها أحلام عملت شنو ؟
Post: #7 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-03-2015, 01:38 PM Parent: #6
العزيزة بت عمسيب
Quote: مني عرفناها أحلام عملت شنو ؟
احلام دى ما مسكينة زينا ربنا ابتلاها .. عاد شن تسو غير تقول مخير الله فى حكمو
Post: #8 Title: Re: الواحد بالطريقة دي ممكن يظل مستنير إلى ال Author: Kabar Date: 10-04-2015, 07:55 AM Parent: #7
وليه لأ؟..
ياخي (الجلابة) بتاعين مدني ، ناس ابكر الطويل صاحب قمر السمحة (مش زمان العروب بيقولوا ليك قيس صاحب ليلى ، كثير صاحب عزة..ومنو كده ما عارف صريع الغواني؟!!!)..بقوا مستنيرين..اشمعنا يعني انتا ما تظل مستنير؟.. وانتا قال الإستنارة دي شنو؟..
شوية يقين بانك مستنير ليهو ضل ، وحبة ربة..!!
ومن باب الربة دي ..كنا ح نهديك نغم ناس الخلا(بين قوسين ناس الهامش) عمك بلاص..النعام ..ود السافل ، عيسى بروي ، مصطفى مضوي ، والليجند العظيم (فنان الفنانين) صديق احمد..ديل من شمال امسودان..ومن شرقها ..ادريس الأمير..انصاف فتحي..شاش..سيدي دوشكا ..و امنة مختار (امونة الحليونة ..يا حرف الإس يااااااااخ)..ومن جنوبها..صلاح كوستى..سبت عثمان ، الجمري حامد..قسمة تاجر..عباس عبدو..ومن غربها..عبد القادر سالم..عبد الرحمن ود باره..صديق عباس..ثنائي النغم..مريم امو..احمد شارف..ادم حموده ، عمر احساس..!!!
ولكن..!
مع عك (مركز وهامش) قلنا نلاقيك في نص المسافة ، عشان نقرب ليك مشوار الإستنارة (وهو كما تعلم مشوار يقطع النفس عديييل..!!)..
مافي غير نتلاقا في امدرمان ، حي العرب (والتحية لأمنة مختار ، بتشجع حي العرب ..ومعاها اخونا الكوميدان الفنان محمد شيلا..والإتنين ناس حي العرب سوكرتا..وانا برضك معاهم رجالة ساكت..و يا ريت تبقى معانا يا جلال..شجع سوكرتا..عشان نكسر نظرية مركز وشنو كده ما عارف..استنارة شديد يا عمك..)..مافي غير نتلاقا..في نقطة مفصلية..هي تجربة الذري ابراهيم عوض..!
الحفلة دي ياجلال بفتش ليها سنين وسنين.. لأنو فيها معاني عجيبة خلاص..منها مافي زول بتذكر انو ابراهيم عوض بيقدم حفلتو الخاصة..و بكل بساطة بيقول ليك : حفلنا البسيط المتواضع..!!!..متواضع بتاع فنيلتك يا ابراهيم عوض..!!!!
سلام لعيال كوستي في المنبر..صديقتي الجميلة دكتور اشراقة مصطفى..اخونا الشاعر الفذ المهندس ابراهيم فضل الله..معاوية الزبير.. عبد الحفيض ابوسن...وبشير عبد العال شاعر اغنية يا سلوى..
انتو سلوى دي منو؟..
غايتو ، للضمان كده ، عليها السلام ، ورضى الله عنها يااااااااااااااااااخ...!
عمك عبد العزير محمد داوؤد، يا جلالدونا، .. سمع الحفلة دي..وتبسمل وتحوقل..ثم تلى ذكر الإستنارة..و مد رجلو الشمال ،و انجعص في المعقد ، وقال: البرينسات هينة. ، الكلام في الدوادي العمروهو ده..!!! (يحي قباني ، ابوبكر عباس ، محمد طه الملك ، محمد المرتضى حامد.. ممكن يشرحوا للجماهير يعني شنو برينسات وشنو داودي..وشنو تعميرة..هذا اذا تذكروا جوعارة نصرة بتاعة..الشحم ده..اللحم ده..!!!!!!!)..
سلام لجلالدونا ، ودونا ذاتا..
سلام لسلوى..عليها السلام..!!
سلاما لأمنة مختار (امونة الحليونة ، امونة يا حرف الإس ياااااااااااااخ)..!
سلام للإستنارة.. وربنا يفتح عليها محل ما قبلت..!!!
قال قمر السمحة قال ..!!!!
مالها سلوى ، يعني ؟...!!!
التحية لأستاذنا الشاعر بشير عبد العال.. اوضح شاعر قال اسمها بالواضح الما فاضح ، والفارغة يتمها الله...!!!!
شايفين العنصرية كيف ظهرت يا ول ابا ابوبكر عباس..؟..
فشنو ، الهامش للهامش قريب ياااااااااااااااااااااااخ، أو كما قال..!!!
كبر
Post: #9 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-05-2015, 07:05 AM Parent: #8
نسيت ناس الشرق يااخ .. سيدى دوشكا و محمد البدرى و طاهر الامين الامير ادريس و طاهر حسيب.. ياخى ده بتنسى .. و اعزف من عزف العود منذ ان كان السودان بلدا واحدا بس عشان ود اللمين لابس بدلة و ادروب لابس عراقى و صديرى ناس الاستنارة حكمو لى ود اللمين باللقب
Quote: وانتا قال الإستنارة دي شنو؟.. شوية يقين بانك مستنير ليهو ضل ، وحبة ربة..!!
ياخى و اللهى الواحد لو حسّ بى شوية استنارة بكون خايف يمشى للدكتور و يقوم يسألو عندك شنو؟ و يقعد يحكى عشان ينوّرو بالحاصل ياخى انا بحب اكون مع المساكين و لما تنتابنى حالة بتاعت استنارة طوالى بمشى اسمع غنوة مسكين انا و مع نهايتا وجع اللسان و الكرعين يروح
Quote: مركز وهامش
مركز و هامش ديل منو؟ تصدق ما عرفتهم .. الابس طال ما الهامش للهامش قريب يبقى برضو المركز للمركز قريب وهو المطلوب اثباته .. غايتو أكان ده كلام استنارة يبقى غطسان الحال واقع لا محالة .. بس ما لفت انتباه مسكنتى فى غنوة سلوى كلمة ورا التى ابتدعها جمهور كوستى المبدع ياخى ده تعبير عن حالة كامنة فى اعماق النفس شكّلت كينونة و صيرورة كل سودانى عليك الله فى سودانى ما وراهو حاجة و هم .. و مجبور يلتزم بى كل الوراهو .. دى حالة ماب تلقاها قى اى شعب تانى فى صقيعة الله دى و بعدين سلوى دى اظنها سلوى بوتيك و بتكون قشرتا بى قمصانا التحية لى امنة مختار و شقيقاتها اّكان سلوى كان قمر و معاهم صجّة كان نمرق من حتة العنصرية دى كبكب حياك الله و بياك و مساك بالخير
Post: #10 Title: Re: الواحد بالطريقة دي ممكن يظل مستنير إلى ال Author: Kabar Date: 10-06-2015, 06:51 AM Parent: #9
Quote:
و طاهر حسيب.. ياخى ده بتنسى .. و اعزف من عزف العود منذ ان كان السودان بلدا واحدا بس عشان ود اللمين لابس بدلة و ادروب لابس عراقى و صديرى ناس الاستنارة حكمو لى ود اللمين باللقب
دي جديدة علينا يا جلالادونا...
حكاية انو الطاهر حسيب ، عواد ومغني..!!
فما نعرفه عن الطاهر حسيب انو زول بتاع كورة وكده..
في خيطك التاني.. جبت ليك الفنان عبد المنعم حسيب..
وناس الشرق ورد ذكرهم في مداخلتي الفاتت (شكل واحد من انين: يا مزنوق بتقرا بيعن مفتحة والتانية مغمضة..او زايغ من الحنان الكبيناهو في امونة..!!..ياخي امونة دي دود لذيذ خلاص..!!)
التحية لناس منظمة البجأ في كندا ، وعلى راسهم صديقنا ، عضو المنبر الغايب ، هاشم نوريت.. قاموا بتوثيق المادة التالية عن كابتن الطاهر حسيب..
كبر
Post: #11 Title: Re: الواحد بالطريقة دي ممكن يظل مستنير إلى ال Author: اسامه العريفي Date: 10-06-2015, 06:56 AM Parent: #10
Quote: بيعلبو كووورة
جديدة يا مستنير
تحياتي
Post: #12 Title: Re: الواحد بالطريقة دي ممكن يظل مستنير إلى ال Author: Kabar Date: 10-06-2015, 07:10 AM Parent: #11
ختينا في موقف محرج يا مستنير ، خصوصا مع ناس الشرق.. وانا قايل الحكاية استنارة حنك ساكت من غير محدقات.. لكن كده الواحد مضطر يثبت لناس الشرق جمالهم وانفرادهم..
الليجند صالح الضي ..برضك من الشرق..
وكنت خايفك يا جلال تستشهد لي بحيدر بورتسودان..!!
المهم..من اجمل اصوات الشرق ، الفنان الجميل عادل مسلم...
كبر
Post: #13 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-06-2015, 07:45 AM Parent: #12
Quote: دي جديدة علينا يا جلالادونا...
حكاية انو الطاهر حسيب ، عواد ومغني..!!
معقولة يا كبكب تكون قادى جغرافيا حسب القاعدة الذهبية اذا جاء الوصف فى شبه جملة او جملة كاملة الموصوف بكون نكرة و اعزف من عزف العود هو الفنان ادروب و ليس الفلتة المرحوم بأذن الله الطاهر حسيب قال امنة مختار قال و مال وين ابو امنة ذاتو وسال من شعرها الذهب و حسين بازرعة و يا ناس لالا ياخى انتا مش اتلومتا .. انتا شلتا وش القباحة عديل كدى بى هناك دايما بدى الغنوة زمنا و جاييك ليها بكرة ان ربنا مدّ فى الايام من اهل الشرق جمعتنى الظروف بى شخصية اسمها روثمان سواق سفرى مع شخصية اسمها على ما اظن على درة ياخى ده بحيّر الجن ذاتو فجأتن كدة تلقى اللورى بقى سنبك
Post: #14 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-07-2015, 01:34 PM Parent: #13
عوض كربة و احمد عقارب و عمر دبيب عزّابا يتشاركون غرفتين منفلة و حوش صغير قدام الاوض و باب بيفتح على السهلة البتلمو فيها اولاد الحلة العاملين فيها بيلعبو كووورة قدم و هى فى الحقيقة كورة شكل اكتر من انها كورة القدم و لا علاقة لها بالكورة اللهم الا الشلاليت و التيوة الدايما ما تنفقع من حظها الشقى ----- اها اصحابنا ديل بيطلعّوا كراسيهم قدام باب الشارغ و يتفرجو قبل نهاية التمرين عوص كربة كبيرن بيقول لى عمر دبيب - يا دكتور ما تقوم تغشى كلتوم القروش تلقها تحت المرتبة و بعدين كلتوم دى كلما بتاع امبارح كان داشر و دبيب وبدون اى لوليو جرى على المرتبة ويبدا البرنامج التانى و در يادكتور ... در دى من ادر الكاس على العشاق صفوا و مداما ... و بعد الدرران ما يكمل احمد عقارب بشيل جك الفول البنفسجى و على دكان عمنا عثمان ود جلاس يظبّط ليهم اخر ما توصل اليه العلم فى تظبيط الفول و بعد داك يقول بسم الله و يفتح كراس الجرورة و نواصل
Post: #15 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-07-2015, 02:06 PM Parent: #14
Quote: جديدة يا مستنير
شنو يا اسامة عاوز تستنورنى ساكت كده اول هام العنوان مسروق زى عنوان افتقاد الغياب داكا هسى انا فى انتظار محاميهو يرسل لى وثيقة اتهام بعد صاحبنا اخد الجنسية الجديدة ألذ حاجة الواحد بخش فى حتة ضيقة فى مهاجر الله الواسعة دى تانى هام انا من مساكين البورد ده يغنى غلطة الاملاء دى ما محسوبة عادى ممكن تحصل مش مسكين
Post: #16 Title: Re: الواحد بالطريقة دي ممكن يظل مستنير إلى ال Author: سيف اليزل الماحي Date: 10-07-2015, 03:10 PM Parent: #15
.
الإستنارة طابعها مديني! ولذلك تجدها في عيال الريف ما خايله أبدا .. أبداً نقول لعيال الريف خذواا هذه القاعدة: (المديني مستنير، والمستنير مديني) لاتحفظوا هذه القاعدة وحسب، بل ختوها حلقة في أضنينكم! اللهم قد بلغت، فأشهد
.
Post: #17 Title: Re: الواحد بالطريقة دي ممكن يظل مستنير إلى ال Author: سيف اليزل الماحي Date: 10-07-2015, 03:10 PM Parent: #15
.
الإستنارة طابعها مديني! ولذلك تجدها في عيال الريف ما خايله أبدا .. أبداً نقول لعيال الريف خذواا هذه القاعدة: (المديني مستنير، والمستنير مديني) لاتحفظوا هذه القاعدة وحسب، بل ختوها حلقة في أضنينكم! اللهم قد بلغت، فأشهد
.
Post: #18 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-08-2015, 04:40 AM Parent: #17
Quote: الإستنارة طابعها مديني! ولذلك تجدها في عيال الريف ما خايله أبدا .. أبداً نقول لعيال الريف خذواا هذه القاعدة: (المديني مستنير، والمستنير مديني) لاتحفظوا هذه القاعدة وحسب، بل ختوها حلقة في أضنينكم! اللهم قد بلغت، فأشهد
فى ما يلينى من مداخلتك فعلا الاستنارة ما خايلة فوقى لآتى من ريف الريف دويم ود حاج مركز مروى المديرية الشمالىة وده المكتوب فى شهادة الميلاد اعتقد و الله اعلم ود مدنى مدينة اما البعد الاخر لمداخلتك ما بقدر عليهو و خليتو لى ناس الاستنارة
Post: #19 Title: Re: الواحد بالطريقة دي ممكن يظل مستنير إلى ال Author: سيف اليزل الماحي Date: 10-08-2015, 06:41 AM Parent: #18
.
أخي جلالدونا أسعد الله أيامك، وشكرا لروحك الطيبة،
في حوار مع الأديب الطيب صالح (هو برضك ريفي من جماعتكم) قال: إن أعطاني الله عمرا، سأكتب عن شيئين فيما يخص السودان وهما: ١/ الإنتقال للمدنية ٢/ السلطة والدولة
رغما عن ملاحة حديث الطيب صالح، فذلك لا يغير حقيقة الطابع المديني للإستنارة .
.
Post: #20 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-09-2015, 05:07 AM Parent: #19
عوض كربة و احمد عقارب و عمر دبيب عزّابا يتشاركون غرفتين منفلة و حوش صغير قدام الاوض و باب بيفتح على السهلة البتلمو فيها اولاد الحلة العاملين فيها بيلعبو كووورة قدم و هى فى الحقيقة كورة شكل اكتر من انها كورة القدم و لا علاقة لها بالكورة اللهم الا الشلاليت و التيوة الدايما ما تنفقع من حظها الشقى ----- اها اصحابنا ديل بيطلعّوا كراسيهم قدام باب الشارغ و يتفرجو قبل نهاية التمرين عوص كربة كبيرن بيقول لى عمر دبيب - يا دكتور ما تقوم تغشى كلتوم القروش تلقها تحت المرتبة و بعدين كلتوم دى كلما بتاع امبارح كان داشر و دبيب وبدون اى لوليو جرى على المرتبة ويبدا البرنامج التانى و در يادكتور ... در دى من ادر الكاس على العشاق صفوا و مداما ... و بعد الدرران ما يكمل احمد عقارب بشيل جك الفول البنفسجى و على دكان عمنا عثمان ود جلاس يظبّط ليهم اخر ما توصل اليه العلم فى تظبيط الفول و بعد داك يقول بسم الله و يفتح كراس الجرورة ______ و زى كل يوم عمك كربة ظبّط العدس للغدا الا بس عقارب اتاخر عن مواعيد وصولو من الشغل و فضلو منتظرين _ يادكتور عقارب اتأخر مالو انشالله خير _ يكون زحمة مواصلات نديهو عشرة دقايق تانى هم فى كلامن ده الباب فتح و دخل عقارب = خير يا دكتور - كيفكم .. خير كتير و وفير .. وانا جايى على البيت لاقانى احمد صابونة اها سلام و شوق و حف الله بق الله باقى رجع من الغربة الليلة _يا دكتور بتتكلم جد صابونة فى البلد و شفتو بى عينك دى _اى و اللاهى صح حتى قال ح يجى يمسّى معانا و جايب معاهو جداد مشوى فى الحتة دى دبيب توقف عن تقطيع العيش للفتة قائلا _ كان كدى غداكم ده مانى دايرو .. نرجى المشوى بس
Post: #21 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-10-2015, 04:32 PM Parent: #20
Quote: أسعد الله أيامك، وشكرا لروحك الطيبة،
في حوار مع الأديب الطيب صالح (هو برضك ريفي من جماعتكم) قال: إن أعطاني الله عمرا، سأكتب عن شيئين فيما يخص السودان وهما: ١/ الإنتقال للمدنية ٢/ السلطة والدولة
رغما عن ملاحة حديث الطيب صالح، فذلك لا يغير حقيقة الطابع المديني للإستنارة .
و طيّب ايامك بالخير لو كتب لقال نعم للانتقال للمدنية بخصائص الريف اما حكاية السلطة و الدولة دى ناس الخرتوم ما بفكوها لى زول عندك من زمااان عبدالله خليل عبود وحسن بشير الصادق المهدى و اول وظيفة فى حياتو رئيس وزراء ناس النميرى و خالد حسن عباس و زين العابدين و ابو القاسم مجمد ابراهيم كلهم متمدنين و تربية مدن اوردو السودان موارد التهلكة و من الجانب التانى الوزير ابو حريرة زول ريف ىضيف و عفيف و عينو على المواطن الغلبان ضاقت به المدينة المتمدّنة فأعلنت عليه الحرب ادو ناس الريف ديل فرصة و شوف كان ما انعدل الحال شاكر مرورك الكريم
Post: #22 Title: Re: الواحد بالطريقة دي ممكن يظل مستنير إلى ال Author: Elkalakla_sanga3at Date: 10-10-2015, 04:56 PM Parent: #21
إبداع بانوراما الشرق السمح بورتسودأن الشاحنات درب هدل بوإرث حي الاغاريق سلبا ديم مدينة ديم سواكن مخبأة عبد الكريم سوق الطبالي التواصل الجميل الانصهار الاجتماعي أهل البلد المضافة تسلم كمل كل الأقاليم ربوع بلادي الطيب محمد الطيب والاسد
Post: #23 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-10-2015, 09:37 PM Parent: #22
العزيز ود الكلاكلة
Quote: إبداع بانوراما الشرق السمح بورتسودأن الشاحنات درب هدل بوإرث حي الاغاريق سلبا ديم مدينة ديم سواكن مخبأة عبد الكريم سوق الطبالي التواصل الجميل الانصهار الاجتماعي أهل البلد المضافة تسلم كمل كل الأقاليم ربوع بلادي الطيب محمد الطيب والاسد
عليك ذاتك تقول و تعيد القول قدمبلية و حواتة و حورى . ابودليق و ابرق و ود حسونة . ريداب و علياب و قدواب منصور كتى و حسينارتى و قشابى . كرمة و امنتقو . قولد و غدار لا عند حلفا دغيمة . خوى و تلودى و رهيد بردى و الشريق بربر سريع مرّ و فى عطبرة دق ّ صفّارة ياهم ذاتم نفس الناس و الطيبة و الكلمة البتملا القلب حنية و سلام و امان قمة التمّدن و الاستنارة ان تحس بغيرك و تفضله على ذاتك مش تسلّم جوازك لى وزير الداخلية _____ استاذنا كبر بعد اذنك يااااخ وزير داخلية بتاع فنيلتك
Post: #24 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-26-2015, 09:49 PM Parent: #23
عوض كربة و احمد عقارب و عمر دبيب عزّابا يتشاركون غرفتين منفلة و حوش صغير قدام الاوض و باب بيفتح على السهلة البتلمو فيها اولاد الحلة العاملين فيها بيلعبو كووورة قدم و هى فى الحقيقة كورة شكل اكتر من انها كورة قدم و لا علاقة لها بالكورة اللهم الا الشلاليت و التيوة الدايما ما تنفقع من حظها الشقى ----- اها اصحابنا ديل بيطلعّوا كراسيهم قدام باب الشارغ و يتفرجو قبل نهاية التمرين عوص كربة كبيرن بيقول لى عمر دبيب - يا دكتور ما تقوم تغشى كلتوم القروش تلقها تحت المرتبة و بعدين كلتوم دى كلما بتاع امبارح كان داشر و دبيب وبدون اى لوليو جرى على المرتبة ويبدا البرنامج التانى و در يادكتور ... در دى من ادر الكاس على العشاق صفوا و مداما ... و بعد الدرران ما يكمل احمد عقارب بشيل جك الفول البنفسجى و على دكان عمنا عثمان ود جلاس يظبّط ليهم اخر ما توصل اليه العلم فى تظبيط الفول و بعد داك يقول بسم الله و يفتح كراس الجرورة ______ و زى كل يوم عمك كربة ظبّط العدس للغدا الا بس عقارب اتاخر عن مواعيد وصولو من الشغل و فضلو منتظرين _ يادكتور عقارب اتأخر مالو انشالله خير _ يكون زحمة مواصلات نديهو عشرة دقايق تانى هم فى كلامن ده الباب فتح و دخل عقارب = خير يا دكتور - كيفكم .. خير كتير و وفير .. وانا جايى على البيت لاقانى احمد صابونة اها سلام و شوق و حف الله بق الله باقى رجع من الغربة الليلة _يا دكتور بتتكلم جد صابونة فى البلد و شفتو بى عينك دى _اى و اللاهى صح حتى قال ح يجى يمسّى معانا و جايب معاهو جداد مشوى فى الحتة دى دبيب توقف عن تقطيع العيش للفتة قائلا _ كان كدى غداكم ده مانى دايرو .. نرجى المشوى بس _____ فى اليوم داك عمك كربة كتّر من توزيع شهادات الدكتوراه ... شوف يا دكتور انتا عليك تقش الحوش و يا دكتور انتا رشو و بعد داك يا دكاترة طلعّو السراير وانت يا دكتور جيب ملايات العيدالجديدة من دولابك و فرشّا و بعد ما تخلّص يا دكتور عايزك تمشى بدرى للدكتورة دى و تديك من الصنف اياهو بتاع الدكاترة داك و قوليها الليلة قعدتنا قعدة دكاترة ....و تبسمو و خشومن تتمطّق فى انتظار المشوى
كل الحاجات مشت صاح حتى التلفزيون كلعوهو برة الحوش بى رغم انو السحاب شايل
Post: #25 Title: Re: الواحد بالطريقة دي ممكن يظل مستنير إلى ال Author: جلالدونا Date: 10-28-2015, 05:31 AM Parent: #24
و زى العادة بعد ما اتفرجو على التيوة لملمو كراسيهم و بدو فى بث برنامجن المعتاد و زاد عليها الدبيب مشوار لى عمك سيد الدكان ود جلاس قاليهو الليلة عشانا ما معاك باقى جايينا ضيف بى عشاهو و ما تعمل حسابنا .. ما العشا جداد و الدوا A+{بلص} ودر يا دكتور و الونست جررررررت ودر يادكتور و نشرة .. تزعة .. جاااااات ودر يادكتور و للبابلية سحر ينسيك البلاياااااااا و در يا دكتور فجأة انتبه احمد عقارب وقال - الزول ده شكلو مقلبنا رد عليهو عمر دبيب ياخى لسه الزمن بدرى بجى يعنى بجى - يا دكتور الساعة ماشة على حداشر و نحنا لسانا قلب و بقيت اشوف التلفزيون اتنين اتنين - يا كربة اكيد بيجى هو قال حيجى شيلو الصبر عوض كربة غلبو الصبر - شوف يا دواجن انتا تقوم تحصلنا بالفول - شنو يا كربة ما كنا حلوين و كنا دكاترة يااخ - انتا دكتور انتا يا دواجن انتا قوم على جك الفول قامت قيامتك قال دكتور قال ----------- انتهت الكاتب مسكين بحاول يستنير