Post: #1
Title: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-24-2015, 05:46 PM
05:46 PM Sep, 24 2015
سودانيز اون لاين
ABUHUSSEIN-السعودية الرياض
مكتبتى فى سودانيزاونلاين
كان على خمس ...
شكلو حا يكون على اربع ...
حسب المقترح المقدم ....
|
Post: #2
Title: Re: ***** و تبقى بني الاسلام على اربع ... :) :) :) *****
Author: اخلاص عبدالرحمن المشرف
Date: 09-24-2015, 05:48 PM
Parent: #1
علي خمسة زي ما هن
|
Post: #3
Title: Re: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-24-2015, 05:52 PM
Parent: #2
في اقتراح بتقليصهم لي اربعة و الاستغناء عن الخامس ...
العالم في تطور مستمر و الناس شكلها اتعلمت من الوثبة بتاعة البشير ...
|
Post: #4
Title: Re: ***** و تبقى بني الاسلام على اربع ... :) :) :) *****
Author: اخلاص عبدالرحمن المشرف
Date: 09-24-2015, 05:55 PM
Parent: #3
ل المغرد السعودي الشهير “مجتهد” على موقع تويتر ان سبب الحادث الذي وقع في “مشعر منى” اليوم هو نفسه سبب الزحام الذي وقع، أمس الاربعاء، واستمر حتى اليوم الخميس في محطة القطار المخصصة لنقل الحجيج.
وفي تغريدة له بعد ساعات من حادث مشعر منى والذي قتل فيه وأصيب أكثر من 1500 من حجاج بيت الله الحرام وذلك نقلا عن ما اسماه مصدر من قلب الحدث، اشار مجتهد الى ان الفشل الذريع جدا للقطار وتكدس الناس ساعات في انتظاره واستمرار هذا التكدس من الحشود دون ان ياتي القطار هو السبب في وقوع حادث مشعر منى.
واضاف “مجتهد” نقلا عن مصدره في قلب الحدث ان بعد ان تاخر القطار 4 ساعات في الليل وانتظار الحجاج في المحطة مع مرور الوقت وازدياد اعدادهم أصبح الزحام مخيفا جدا حيث وصلت الطوابير الى خارج محطة القطار بمسافة طويلة.
واشار مجتهد الى انه عندما وصل القطار بعد تأخره ساعات طويلة وفتح باب القطار تدافع الناس داخله وبالرغم من ذلك فلم يتحرك القطار رغم غلق ابوابه وتكدس الحجاج داخل مقصوراته، وعند عدم حركته وعدم فتح الابواب للخروج هلع الناس وبدأ الصراخ وحالات الاغماء..
والمشكلة لا احد يستطيع التحرك او الهرب فالقطار متوقف ولم يفتح ابوابه لساعة كاملة حتى تحرك.. غير ان الثلاث ساعات انتظار بمحطة القطار كانت كافية للتسبب بوقوع هذا العدد من الوفيات والاصابات نتيجة التدافع.
المزيد من . . دولي
ايران تشكل لجنة لمتابعة اوضاع الحجاج الایرانیین في منی
|
Post: #5
Title: Re: ***** و تبقى بني الاسلام على اربع ... :) :) :) *****
Author: اخلاص عبدالرحمن المشرف
Date: 09-24-2015, 06:02 PM
Parent: #4
حسب مسئول سعودي المشكلة في المسارات و اظن قال مسارين 204 و223 حدد ارقامهم
تقليص عدد الحجاج لكل دولة الي حين اكتمال الانشاءات هو الحل
|
Post: #6
Title: Re: ***** و تبقى بني الاسلام على اربع ... :) :) :) *****
Author: اخلاص عبدالرحمن المشرف
Date: 09-24-2015, 06:19 PM
Parent: #5
المسئول السعودي قال المشكلة في طريق داخلي
بعض السعوديين بريد تحميل الامر للحجاج
الهروب من المسئولية بالقاء اللوم علي الحجاج الافريقيين ( قوي البنية ) علي حد وصفهم امر غير مقبول
بعضهم استمرأ الهروب وتحميل الاخر حتي ولو كان حاج المسئولية
هذا الامر غير مقبول
غير مقبول
بني الاسلام علي خمسة
والحج لمن استطاع اليه سبيلآ
والاستطاعة تشمل الامن الشخصي
|
Post: #7
Title: Re: ***** و تبقى بني الاسلام على اربع ... :) :) :) *****
Author: Basamat Alsheikh
Date: 09-24-2015, 06:43 PM
Parent: #6
اضاف “مجتهد” نقلا عن مصدره في قلب الحدث ان بعد ان تاخر القطار 4 ساعات في الليل وانتظار الحجاج في المحطة مع مرور الوقت وازدياد اعدادهم أصبح الزحام مخيفا جدا حيث وصلت الطوابير الى خارج محطة القطار بمسافة طويلة.
واشار مجتهد الى انه عندما وصل القطار بعد تأخره ساعات طويلة وفتح باب القطار تدافع الناس داخله وبالرغم من ذلك فلم يتحرك القطار رغم غلق ابوابه وتكدس الحجاج داخل مقصوراته، وعند عدم حركته وعدم فتح الابواب للخروج هلع الناس وبدأ الصراخ وحالات الاغماء..
والمشكلة لا احد يستطيع التحرك او الهرب فالقطار متوقف ولم يفتح ابوابه لساعة كاملة حتى تحرك.. غير ان الثلاث ساعات انتظار بمحطة القطار كانت كافية للتسبب بوقوع هذا العدد من الوفيات والاصابات نتيجة التدافع.
>>>>>>>> >>>>>>>>>>>>>>>
عزيزتي الفاضلة اخلاص المشرف
بالطبع السعودية حديثة عهد بالقطارات وتسييرها كما يجب .. وهذه اول مرة يجربوا فيها قطار بين مكة وجدة والمدينة..
وكان من الافضل الاستعانة بناس الخبرات في السودان والذين لهم خبرات واسعة في تسيير القطارات وبالمواعيد الانجليزية
المعروفة .. وطبعا المعروف ان السودان من اوائل الدول في افريقيا والشرق الاةسط التي قامت بتسيير قطارات لربط الاقاليم
بالعواصم.... وناس المعاشات من خبراء القطارات في عطبرة موجودين وممكن يدربوا السعوديين على دقة تسيير القطارات
في مواعيدها ودن تأخير او تقديم...
ونسأل الله ان يتغمد المتوفين برحمته وعفوه ويدخلهم جنات الفردوس...
|
Post: #8
Title: Re: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-24-2015, 07:00 PM
Parent: #7
يا دكتورة ما تتجاهلي الوش الضاحك دا ..
و اهلا بيك و اهلا بي بسمات ....
تحياتي و احترامي
|
Post: #9
Title: Re: ***** و تبقى بني الاسلام على اربع ... :) :) :) *****
Author: اخلاص عبدالرحمن المشرف
Date: 09-24-2015, 07:20 PM
Parent: #8
زي ما هن
لو واصلت الحوادث زي دي يقوموا يزوروا زي تاج محل
جيناك انا وبسمات الحمدلله ما جاءت داعش
|
Post: #10
Title: Re: ***** و تبقى بني الاسلام على اربع ... :) :) :) *****
Author: اخلاص عبدالرحمن المشرف
Date: 09-24-2015, 07:35 PM
Parent: #9
المحيرني يا ابو حسين الضحية
في رأيك بحالة البلد الاسمو السودان ح تنثرض ولا كل اربعة يتشاركوا في خروف ولا الدجاجة تكفي ؟
|
Post: #11
Title: Re: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-24-2015, 08:08 PM
Parent: #10
Quote: زي ما هن
لو واصلت الحوادث زي دي يقوموا يزوروا زي تاج محل
جيناك انا وبسمات الحمدلله ما جاءت داعش |
صحصحي يا دكتورة ... :) :)
ابو حسين نقل اقتراح لي احد الزملاء ...
ابو حسين زول مسيكيييييين ما ممكن ينظر في ركن من اركان الاسلام ...
بعدين ما تشبكيني مع ناس داعش .... عندي عيال بربي فيهم .. :) :)
و اهلا بيك و اهلا بي بسمات للمرة التانية
Quote: المحيرني يا ابو حسين الضحية
في رأيك بحالة البلد الاسمو السودان ح تنثرض ولا كل اربعة يتشاركوا في خروف ولا الدجاجة تكفي ؟ |
ما تشيلي هم طالما لقو مخارجة لي الحج اللي هو ركن من اركان الاسلام اكيد ما بتغلبهم الضحية و هي سنة ... :) :)
تحياتي و احترامي
|
Post: #12
Title: Re: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-24-2015, 09:57 PM
Parent: #11
Quote: Hafiz Elemam Mohieldin
والله يا أبا حسين عندك تشفير عالي، غايتو عشان الواحد يتابعك إلا يصاقرالمنبر ده ليل نهار، وكمان أختنا بنت المشرف ماشاء الله عليها قاعده تزيدالموضوع تعقيد. على العموم كل عام وأنتم بخير وربنا يحقق الأماني.
|
يا حافظ ياخ كل سنة و انت طيب و ربنا يحقق ليك كل الاماني
البوست تشفيرو ما عالي لانو لو كان تشفيرو عالي كان عملت تحذير في اول البوست عشان ما اورط الناس البريئين ...
قبل كدا عندي واحد اتورط لكن لحقتو بسرعة .. :) :) :)
الموضوع ما صعب لو متابع ما بالضرورة كل البوستات..
بعدين الموضوع غريب شوية يعني الناس الدخلو البوست بلاحظو غرابة النظرية ....
بعدين بيني و بينك انا غابت من بالي حكاية الشربوت ... :) :) :)
امس يوم الوقفة جاتني رسالة في الواتس بتقول :-
اليوم السودانيين صايمين
و بكرة سكرانين ...
تحياتي و احترامي
|
Post: #13
Title: Re: ***** و تبقى بني الاسلام على اربع ... :) :) :) *****
Author: muntasir
Date: 09-24-2015, 10:16 PM
Parent: #12
ورمضان يا مهمد دي ما ستيمة
|
Post: #14
Title: Re: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-25-2015, 06:31 AM
Parent: #13
| Quote: ورمضان يا مهمد دي ما ستيمة |
يا جماعة كل الحاجات الصعبة حا تتسهل ليكم... :)
الشهادة دي لو صعبة عليكم الناس ديل بشوفو ليكم ليها طريقة ....
اسي هم شغالين في موضوع الحج و بعدوا ان شاء الله رمضان و الزكاة و بعدين الصلاة و اخر حاجة الشهادة ...
يعني في النهاية يخلو ليكم الاسلام دا بدون اركان زاتو ...... :) :)
|
Post: #15
Title: Re: ***** و تبقى بني الاسلام على اربع ... :) :) :) *****
Author: اخلاص عبدالرحمن المشرف
Date: 09-25-2015, 11:30 AM
Parent: #14
وصلوا الميراث يا ابو حسين
موافقه لاني مستفيدة 
|
Post: #16
Title: Re: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-25-2015, 11:58 AM
Parent: #15
Quote: وصلوا الميراث يا ابو حسين
موافقه لاني مستفيدة |
يا دكتورة الناس شغالين و بي إجتهاد منقطع النظير....
قال ليك بدل ما الناس تحج و موت و شكل و ضرب و جديع حجار .... يقومو يعملو ليهم جمعية تجمع منهم قروش الحج و تصرفها في أشياء أفضل من الحج....!!!!!!!
يعني ما جابو سيرة قروش الخمور و لا قروش القمار و لا أي قروش تانية بس قروش الحج دي هي الهدف في المشروع للإستفادة منها .....
ياخ الحجاج ديل فيهم الواحد من ولدوه بلملم في قروش الحج دي أقوم أجي أنا أقول ليهو جيب القروش نصرفها على المساكين و الفقراء و أنسى موضوع الحج دا ..!!!!
و الله يجاهد فيني و في الخلفوني كمان
الحج الركن الخامس و لمن إستطاع إليه سبيلا نعم لكن أول ما بقيت مستطيع أصبح فرض ......
الناس دي بتنظر و بتقترح سااااااااااااااااااااااااااااااااااااااااااااااااااااااااكت
ياخ الشربوت دا شكلو كدا عمل عمايلو في السودانيين .....
تحياتي و إحترامي
|
Post: #17
Title: Re: ***** و تبقى بني الاسلام على اربع ... :) :) :) *****
Author: اخلاص عبدالرحمن المشرف
Date: 09-25-2015, 12:15 PM
Parent: #16
ديل كلهم فقراء بتفاسمو نبقة
90% عشان ما اكون بالغت
ده البرد وقد قتل اخاكم ابا ذر
|
Post: #18
Title: Re: ***** و تبقى بني الاسلام على اربع ... :) :) :) *****
Author: معاوية المدير
Date: 09-25-2015, 12:53 PM
Parent: #17
ما الحوش دا،
خليناهو ليكم أها ...
|
Post: #19
Title: Re: ***** و تبقى بني الاسلام على اربع ... :) :) :) *****
Author: اخلاص عبدالرحمن المشرف
Date: 09-25-2015, 01:23 PM
Parent: #18
نخليهو نحن ما انت يا ود المدير
ي اخ اجتهدت في مجتهد ده عديل
سجن سجن غرامة غرامة
|
Post: #20
Title: Re: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-25-2015, 01:46 PM
Parent: #18
Quote: ديل كلهم فقراء بتفاسمو نبقة
90% عشان ما اكون بالغت
ده البرد وقد قتل اخاكم ابا ذر |
يا دكتورة مرة في الحج واحد من الباكستانيين شايل امو العجوز و عمرها ما اقل من تسعين سنة في ضهرو ...
كل الحج و كل ايام الحج شايلها في ضهروا .. طواف ... سعي ... جمرات ... عرفة ... منى ...
العجوز سعيدة تضحك و هو سعيد اكتر منها و كل الحجاج الشافوهم كانو اسعد منهم بالمنظر و منهم القعد يبكي عدييييييل اجي انا احرم الناس ديل كووووولهم من السعادة دي كووووووولها و اقول ليهم قروشكم دي لو صرفتوها على الفقراء و المساكين افضل من البتعملو فيه دا ....!!!!
تقولي لي الميراث يا دكتورة ... ؟؟؟؟
الميراث دا زاتو قروش ملح سااااكت ... المفروض طواااالي تمشي للفقراء و المساكين .. بس اوع من العاملين عليها .. :) :)
2 مليون حاج في يوم عرفة بين جبل الرحمة و صعيد عرفات فيهم من يقرأ القران و فيهم من يدعو و يستغفر و الدموع تنزل من عيونو زي المطر اجي اقول ليهم البتعملو فيه دا اخير منو تدوني قروشكم دي امشي اصرفها في حاجة احسن .. !!!!
و الله يتخذوني الشيطان الأكبر و يرمجوني كل واحد بي 700 حجر ... :) :) :)
يا دكتورة اوع من الشربوت .... :) :)
****************
Quote: ما الحوش دا،
خليناهو ليكم أها ... |
انت لم جيت داخل الخرابة دي نحن قايلنا فرحنا بي جيتك ..؟؟؟
وحات خوتك الما منها فايدة لو خليت الخرابة دي نعمل ليك حفلة كاربة ...
و نشيل حبة قريشات من قروش الحجاج ديل بعد ما نقنعهم و نجيب جاتوهات و ايس كريمات و حلاوة قطن لكل اعضاء الخرابة دي ...
انت بس اتخارج...
قوم لف
|
Post: #21
Title: Re: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-25-2015, 07:35 PM
Parent: #20
| Quote: بالطبع السعودية حديثة عهد بالقطارات وتسييرها كما يجب .. وهذه اول مرة يجربوا فيها قطار بين مكة وجدة والمدينة.. |
العزيزة بسمات
القطارات موجودة بالسعودية منذ 1951 بين الرياض و الدمام
و منذ 2010 في المشاعر المقدسة
و قريبا سيربط بين مكة المكرمة و المدينة المنورة
تحياتي و احترامي
|
Post: #22
Title: Re: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-25-2015, 09:32 PM
Parent: #21
.
قال عليه الصلاة والسلام: " الحجُّ المبرورُ ليس له جَزاءٌ إلاّ الجنةُ ".متفق عليه
قال سبحانه { الْحَجُّ أَشْهُرٌ مَعْلُومَاتٌ فَمَنْ فَرَضَ فِيهِنَّ الْحَجَّ فَلَا رَفَثَ وَلَا فُسُوقَ وَلَا جِدَالَ فِي الْحَجِّ وَمَا تَفْعَلُوا مِنْ خَيْرٍ يَعْلَمْهُ اللَّهُ وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَا أُولِي الْأَلْبَابِ }[البقرة:197]
نرمي الكلام دا كووووووولو البحر ....
و بي قروش الحج دي نعمل منظمة الحجاج ....
الشربوت دا بكون من النوع ابو كديس داك البتضرب منو كباية واحدة تشوف الدنيا دي كلها لافة ... :) :) :)
حقو ما نقرب من الكيبورد و نحن شاربين الشربوت ... :) :) :)
|
Post: #23
Title: Re: ***** و تبقى بني الاسلام على اربع ... :) :) :) *****
Author: ABUHUSSEIN
Date: 09-26-2015, 06:40 AM
Parent: #22
حجاج من أكثر من 50 دولة لغات مختلفة و ثقافات مختلفة و عادات و تقاليد مختلفة كلها موجودة في مكان واحد و من أجل هدف واحد
كتير تلقى كم حج من جنسيات مختلفة قاعدين و بتونسو أو بتكلموا عن موضوع و نقاش و الله مناظر تهز حواسك كلها
الكلام دا بحصل مرة واحدة في السنة
و الحجاج ديل بشيلوا معاهم ذكريات الحج دي و يمشو يحكوا بيها لي أولاد أولادهم فرحانين شديد بي إنهم أكملوا دينهم بأداء الركن الخامس و الأخير من أركان الإسلام
أها نجي نقول ليهم البتعملوا فيه دا في عمل أحسن منو .... بس أدونا قروشكم دي و أنسو موضوع الحج دا .....؟؟؟؟؟؟؟؟
لعن الله الشربوت و عمايلو .........
|
|