Post: #3 Title: Re: الحوت بالغ لكن ... Author: اخلاص عبدالرحمن المشرف Date: 09-24-2015, 05:26 AM Parent: #2
حوتك ما خلا فيهم شئ اسمع الحوت ده وكل سنة وانت طيب
Post: #4 Title: Re: الحوت بالغ لكن ... Author: يحي قباني Date: 09-25-2015, 04:59 AM Parent: #3
Quote: حوتك ما خلا فيهم شئ اسمع الحوت ده وكل سنة وانت طيب
جيتيني في المحلة الغلط يا دكتورة ...
عيدك سعيد يا أخية ...
Post: #5 Title: Re: الحوت بالغ لكن ... Author: اخلاص عبدالرحمن المشرف Date: 09-25-2015, 05:10 AM Parent: #4
قلت ح يكون هو لقيتو ما هو قلنا عيدية ولقيتك طنشت 24 ساعة
Post: #6 Title: Re: الحوت بالغ لكن ... Author: يحي قباني Date: 09-25-2015, 05:23 AM Parent: #5
Quote: قلت ح يكون هو لقيتو ما هو قلنا عيدية ولقيتك طنشت 24 ساعة
العفو يا دكتورة ...
و هاك انتِ العيدية الجد ...
Post: #7 Title: Re: الحوت بالغ لكن ... Author: محمد المرتضى حامد Date: 09-25-2015, 05:46 AM Parent: #6
(شايف) القمري والألحان في الدقيقة 1:28 وما بعدها عملوا فيها شنو؟ صوتا ميرغني المأمون وأحمد حسن جمعة تستغني معهما عن أي أوركسترا.. ياخ استمعت لهذه الأغنية من عدة مؤدين لكن أولاد المسالمه وحي العرب (سياد الشي زاتا) ، كما يقول صديقنا ناذر ، ما بيتلحقوا.. ما بيتلحقوا كلو كلو..
Quote: (شايف) القمري والألحان في الدقيقة 1:28 وما بعدها عملوا فيها شنو؟ صوتا ميرغني المأمون وأحمد حسن جمعة تستغني معهما عن أي أوركسترا.. ياخ استمعت لهذه الأغنية من عدة مؤدين لكن أولاد المسالمه وحي العرب (سياد الشي زاتا) ، كما يقول صديقنا ناذر ، ما بيتلحقوا.. ما بيتلحقوا كلو كلو..
شفت ( الألحان ) دي رقصوها كيفن يا مولانا !!!
ياخي دي ( زمبارة ) ما بتنلحق ...
تقول لي ( الحوت ) غرق الناس ...
الدنيا حظوظ يا سعادتك ... _________________________ متّع الله أيامك ...
آي صاح لكن شوف لينا هاشم ميرغني بالعود نجضا نجاض والحكمة في الحليات
وكل سنة وانتو طيبين و ذواقين
Post: #10 Title: Re: الحوت بالغ لكن ... Author: محمد أبوالعزائم أبوالريش Date: 09-25-2015, 07:45 PM
Quote: جيتيني في المحلة الغلط
يعني ما براي؟
كل سنة وانتو طيبين جميعاً
Post: #11 Title: Re: الحوت بالغ لكن ... Author: يحي قباني Date: 09-26-2015, 00:48 AM
Quote: آي صاح لكن شوف لينا هاشم ميرغني بالعود نجضا نجاض والحكمة في الحليات
وكل سنة وانتو طيبين و ذواقين
و انت طيب يا حبيب الكًل ...
و عندي ليك تسجيل لي هاشم ... ما بتصاقع ...
اخر الليل كده بمنتجه ليك يا جميل ...
و اكيد حمد الريح ما قصر ابداً ...
Post: #12 Title: Re: الحوت بالغ لكن ... Author: يحي قباني Date: 09-26-2015, 05:33 AM Parent: #11
Quote: يعني ما براي؟ 4e 4e
كل سنة وانتو طيبين جميعاً
نهائي ما براك ... ممكونين و ساكتين بس ...
________________________________________________________________ التسجيل الفوق ده فيهو مغالطة ... هل هم أولاد المامون ... ام هم ابيض و عبد الحي ثنائي ابوسعد ...
يبحث و يفاد ...
Post: #13 Title: Re: الحوت بالغ لكن ... Author: يحي قباني Date: 09-26-2015, 05:44 AM Parent: #12
ثيت شرعاً ...
Post: #14 Title: Re: الحوت بالغ لكن ... Author: معاوية الزبير Date: 09-26-2015, 10:53 AM Parent: #13
قلت لي ثبت انهم ثنائي أبو سعد ديل جبتهم من وين كمان ! والله أنا خايفك يوم تجيب لي جدي الطيب بابكُر ماسكلو شتَمْ بغني تم تم.
كدي سرّع بي هاشم ميرغني ياما أمتعنا أيام الأعياد دي من كوستي لغااية الدوحة
Post: #15 Title: Re: الحوت بالغ لكن ... Author: يحي قباني Date: 09-27-2015, 05:25 AM Parent: #14
Quote: قلت لي ثبت انهم ثنائي أبو سعد ديل جبتهم من وين كمان ! والله أنا خايفك يوم تجيب لي جدي الطيب بابكُر ماسكلو شتَمْ بغني تم تم.
كدي سرّع بي هاشم ميرغني ياما أمتعنا أيام الأعياد دي من كوستي لغااية الدوحة
ثنائي أبو سعد يا معاوية ليهم تاريخ و وزن ... حرام عليك يا رجل ...
عمك عبد الحي الزين رحمه الله و فردتة ود ابيض عمك عبد الوكيل ... زاملوا أولاد تالمامون
و لازموا عبد الرحيم الأمين ... ياخي ديل من حفظة الرواية الأصلية للحقيبة يا حبيبنا ...
اها اديك ضامر قوامك بطريقتين تانيات ...
الأولى هاشم ... عشان اريحك ...
Post: #16 Title: Re: الحوت بالغ لكن ... Author: يحي قباني Date: 09-27-2015, 05:27 AM Parent: #15
اما التانية ...
فتقعد بي رواقة كده و تسمع عمك الكحلاوي ده بسوي في شنو ...
Quote: ثنائي أبو سعد يا معاوية ليهم تاريخ و وزن ... حرام عليك يا رجل ... عمك عبد الحي الزين رحمه الله و فردتة ود ابيض عمك عبد الوكيل ... زاملوا أولاد المامون و لازموا عبد الرحيم الأمين ... ياخي ديل من حفظة الرواية الأصلية للحقيبة يا حبيبنا ...
طبعا سمعت بيهم يا قبا انت قايلني حواتي ولّ شنو. انا قصدي انهم ما مشهورين زي الآخرين الذين شهرهم وخلد ذكراهم برنامج حقيبة الفن. لكن برضو مصر على إنو هاشم أبدع في ضامر قوامك حديثا ويمكنك مقارنتو بي حمد الريح مثلا
وبالمناسبة تسجيل هاشم الجبتو دا ومعاهو شيالين ليس هو المقصود لكنه يؤدي الغرض قوة الصوت عند هاشم لا تُصدق.. حنجرة تكفي لمظاهرة تسقّط ديكتاتورية عادي الشباب في الدوحة لما هاشم يبدأ يغني أول حاجة يعملوها عشان حرمة الجار مش يقفلوا الشبابيك بس، بل يسدوا فُرج باب الشقة بالعِمم والنعال، ويقعدوا منصتين "حافي حالق" صوتو كان زي رعد أنغام الله يرحمو ياخ
Quote: لكن برضو مصر على إنو هاشم أبدع في ضامر قوامك حديثا ويمكنك مقارنتو بي حمد الريح مثلا
تعرف يا ود الزبير يا صديقي ...
حمد الريح قدم ابداعات لا حد لها ...
عنده مجموعة أغاني لا بتقدم لا بتمل سماعها ...
لكن كمان عنده غُنا فيهو نهير كده ( على قولة عمنا خدر بشير ) بعرفوا براهوا ... _______________________________________________________________ أبو داؤود مرة قال لي حمد الريح والله يا حمد انا لو شايل معاي " نبلة " أفرتق ليك حفلتك دي كلها !!! حمد قال ليهو كيف يا عبد العزيز .. فرد قال ليهو : ياخ غناك كلو طير الرهو والقمري فوق وحمام الوادي يا راحل :)
ياخ التسجيل بتاع الكحلاوي دا لو رخيت اضانك كويس في واحد من ناس الكورس عندو صوت عجييييب و بيضرب خط مختلف عن الكورس الغريبة ذات الزول دا انا سمعته في بعض اغنيات محمد احمد عوض تقريباً او مع بادي .
Post: #20 Title: Re: الحوت بالغ لكن ... Author: جلالدونا Date: 09-28-2015, 05:08 AM Parent: #19
هسى البوست ده تبع ياتو حوت جهجهتو باكات الحوت ذاتو يااخ و كل سنة و انتو طيبين
Post: #21 Title: Re: الحوت بالغ لكن ... Author: يحي قباني Date: 09-29-2015, 00:18 AM Parent: #19
Quote: سلام عليك يا قبا و علي ضيوفك و ايامكم ساكوبيس
ياخ التسجيل بتاع الكحلاوي دا لو رخيت اضانك كويس في واحد من ناس الكورس عندو صوت عجييييب و بيضرب خط مختلف عن الكورس الغريبة ذات الزول دا انا سمعته في بعض اغنيات محمد احمد عوض تقريباً او مع بادي .
