Post: #2 Title: Re: الهِندي زِفت الطين يا اخي ....... Author: اخلاص عبدالرحمن المشرف Date: 09-23-2015, 07:10 AM Parent: #1
ود المدير كيفنك المحيرني العطش ده يكافحو الاهالي ولا الحكومة وان شاء الله يتعاد علي الجميع بالخير
Post: #3 Title: Re: الهِندي زِفت الطين يا اخي ....... Author: اخلاص عبدالرحمن المشرف Date: 09-23-2015, 07:17 AM Parent: #2
اما زوجة الوزير ف والله متضامنة معاها لو ما درويشة تمشي مع الناس الساي !!!! قاعة المهمين مالها وبعدين ناس الجمارك يستاهاو البهدله يخلص حاجات من حاجات
Post: #4 Title: Re: الهِندي زِفت الطين يا اخي ....... Author: معاوية المدير Date: 09-23-2015, 07:26 AM Parent: #3
زعموا أن ثعلبا أتى أجمة فيها طبل معلق على شجرة, و كلما هبت الريح على أغصان تلك الشجرة حرَكتها, فضربت الطبل, فسُمع له صوتٌ عظيم باهر. فتوجه الثعلب نحوه لأجل ما سمع من عظيم صوته ; فلما أتاه وجده ضخــما, فأيقن في نفسه بكثرة الشحم و اللحم, فعالجه حتى شقه. فلما رآه أجوف لا شيء فيه قال : لا أدري لعل أفشل الأشياء أجهرها صوتا* و أعظمها جثة ...
Post: #5 Title: Re: الهِندي زِفت الطين يا اخي ....... Author: معاوية المدير Date: 09-23-2015, 07:28 AM Parent: #4
الهندي زفت الطين، العيد يتبارك عليك ...
Post: #6 Title: Re: الهِندي زِفت الطين يا اخي ....... Author: اخلاص عبدالرحمن المشرف Date: 09-23-2015, 07:48 AM Parent: #5
واصل يا زول قبل انزل صور الشنط البهدلوها ناس المطار ال ما شافو البنيات المشن داعش وشبكو في شنظة المسكينة تكون شايلا ليها ويكة والذي منو لاختها وخجلت تفتحها
Post: #7 Title: Re: الهِندي زِفت الطين يا اخي ....... Author: معاوية المدير Date: 09-23-2015, 07:57 AM Parent: #6
يا إخلاص، قال نهب مصلّح ! الزول دا العملو النضارة منو ؟.
هههههههههههههههههه، تاريهو من زماااااان قانص لينا بالمرصاد ؟. غايتو يا زفت الطين الفيك إتعرفت . امش أُكُل خروفك ؤُ بعد تشبع قول، باااااااااااااع، هوي يا وِليّد ...
Post: #8 Title: Re: الهِندي زِفت الطين يا اخي ....... Author: معاوية المدير Date: 09-23-2015, 07:59 AM Parent: #7
زمن الغفلة، والله صحي ...
Post: #9 Title: Re: الهِندي زِفت الطين يا اخي ....... Author: اخلاص عبدالرحمن المشرف Date: 09-23-2015, 08:06 AM Parent: #8
ده بدل يقول حكومة السجم قصرت وما وفرت الموية العطش ده 26 سنة ما عملو له نهر صناعي البترول جا وراح والدهب ذهب ديل ما عارفين مهام الحكومة وبكتبو ورؤساء تحرير اما ناس المطار فتشو الزولة لانهم عدوها من الشعب الغلبان شفت المعاملة حسب
Post: #10 Title: Re: الهِندي زِفت الطين يا اخي ....... Author: اخلاص عبدالرحمن المشرف Date: 09-23-2015, 08:14 AM Parent: #9
اسة الناس دي قاعدة 26 سنة ما سوت زي ده , الناس تجئ تسألهم هم ولا تسك في الكلام ال ما بسوي ديل زمتهم خربانه وما بخجلو
Post: #11 Title: Re: الهِندي زِفت الطين يا اخي ....... Author: HAIDER ALZAIN Date: 09-23-2015, 08:49 AM Parent: #10
Quote: قال نهب مصلّح ! الزول دا العملو النضارة منو ؟.
يا حبيب العيد يتبارك عليك وكل سنة وانت طيب.. والقابلة على عرفات...
في شنو .. بقينا ما برة الشبكة عديل وما متابعين.. في شنو وجمل الطين قال شنو ؟؟!
Post: #12 Title: Re: الهِندي زِفت الطين يا اخي ....... Author: أبوبكر عباس Date: 09-23-2015, 09:00 AM Parent: #11
المرّة دي يا حيدر، الهندي هازم ليك سودانيز أون لاين واحد صفر وما في أي أمل للتعادل والكورة في ميدان عقرب. توقف عجلتك وتشتري ليك تسالي بقرش (بالجديد) وتتفرج مجان!
Post: #13 Title: Re: الهِندي زِفت الطين يا اخي ....... Author: ذواليد سليمان مصطفى Date: 09-23-2015, 09:42 AM Parent: #12
(مصلح).................؟
مسلح......!
Post: #14 Title: Re: الهِندي زِفت الطين يا اخي ....... Author: اخلاص عبدالرحمن المشرف Date: 09-23-2015, 09:51 AM Parent: #13
غايتو الزول ده لو جاهو شئ في رقبة الهندي ح تروح من ربنا فين
Post: #15 Title: Re: الهِندي زِفت الطين يا اخي ....... Author: طلحة عبدالله Date: 09-23-2015, 10:22 AM Parent: #14
يا معاوية المدير ( العيد يتبارك عليك ) حكاية تفتيش زوجة وزير الدولة دي شغلانية أصبحت مبتذلة بعد أن تم عصرها لغاية ما جابت الزيت .. الكلام بقي في الجزء التحت في عمود الهندي .. هل فعلا صحيح ما قاله عن نهب قروش تم جمعها لاقامة سبيل للمرحوم العوض المسلمي ؟؟ متي كان ذلك ؟ ومن هو زميل البورد الذي إتهمه الهندي بنهب هذه القروش ؟ دا كلام من الواجب الأخذ والرد فيه لأهميته .. عشان لو كان فعلا هناك كلام زي دا الناس تعرف حاجة .. ولو كمان كان الكلام واحدة من جزافيات الهندي الناس تتصرف معاهو في الإطار دا .. شخصيا ما عارف حتي انو في مشروع زي دا من الأساس وبالتالي ما جايب خبر لأية حاجة متعلقة بيهو لكن ....... حقيقة الكلام خطير جدا والتغاضي عنه ليس في مصلحة ( البورداب ) .
Post: #16 Title: Re: الهِندي زِفت الطين يا اخي ....... Author: ناصر حسين محمد Date: 09-23-2015, 10:51 AM Parent: #15
Post: #17 Title: Re: الهِندي زِفت الطين يا اخي ....... Author: اخلاص عبدالرحمن المشرف Date: 09-23-2015, 11:06 AM Parent: #16
صدق يا ناصر وما طالبني حليفة توقيعك دة من شدة ما سمح كدت ان انتحله او ما يشبهه
Post: #18 Title: Re: الهِندي زِفت الطين يا اخي ....... Author: قسم الفضيل مضوي محمد Date: 09-23-2015, 11:13 AM Parent: #16
كل عام وانتم بخير ...
Post: #19 Title: Re: الهِندي زِفت الطين يا اخي ....... Author: عليش الريدة Date: 09-23-2015, 11:26 AM Parent: #18
اتخيل إنو سايقليك عربية مكعكعة وماراكب معاك زول،في حتة مقطوعة تقوم العربية تبطّل ،وانت تتمحن وما تعرف تتصرف..بعد شوية يجي مرفعين جاري عليك من بعيد،إنت تشيل هم وتقول العربية عرفناها،كمان جابت ليها مرافعين..لكن قبل المرفعين يصلك يظهروا ناس ساكينوا ،تقوم إنت بدون تفكيرتقيف في صف الجماعة (ماهو مرفعين مسكوك دي دايرة ليها تفكير) وتختف عجل الحديد من العربية وتقفل الدرب على المرفعين،بعد شوية المرفعين ح يموت من ضرباتك وضربات الجماعة التانين..بعد داك ح يسألوك:إنت ياكلس الموقفك هنا شنو أصلا.. وفي النهاية ح يدفروا ليك العربية لمن تتدور،ولأنهم جوا كداري ح يركبوا معاك..وإنت سايق وسارح، أكيد ح تفكر إنو المرفعين جا جاري بالشارع دا مخصوص بس عشان يخارجك من زنقتك الكنت فيها،رغم إنك لما شفتو بداهة خفت منو خوفا نساك العربية ذاتا..ولو سرحت كمان شوية ح تفكر في إنو الله عز وجل ،بحب دايما يتكلم معانا بطريقة غير مباشرة،هو مش قبل كدا قال (ولاتحسبوه) وقال (عسى).. ملحوظتين كلامي دا ما عشان الهندي، لانو المسألة اكبر من الهندي.. في بوست فتحو الزميل جلالدونا و أنا هسة بفتش فيهو مالقيهو.. تحياتي ليك ياأستاذ ولضيوفك الكرام
Quote: الكلام بقي في الجزء التحت في عمود الهندي .. هل فعلا صحيح ما قاله عن نهب قروش تم جمعها لاقامة سبيل للمرحوم العوض المسلمي ؟؟ متي كان ذلك ؟ ومن هو زميل البورد الذي إتهمه الهندي بنهب هذه القروش ؟ دا كلام من الواجب الأخذ والرد فيه لأهميته .. عشان لو كان فعلا هناك كلام زي دا الناس تعرف حاجة .. ولو كمان كان الكلام واحدة من جزافيات الهندي الناس تتصرف معاهو في الإطار دا .. شخصيا ما عارف حتي انو في مشروع زي دا من الأساس وبالتالي ما جايب خبر لأية حاجة متعلقة بيهو لكن ....... حقيقة الكلام خطير جدا والتغاضي عنه ليس في مصلحة ( البورداب ) .
وهو كذلك يا طلحة . تاريهو الهندي حكاية سودانيز دي حارقاهو شديد، وكان يتربص بها الدوائر لكن لآمن لقى الفرصة عميت بصيرته إن كانت له بصيرة ونسي ان يتعامل بمهنية إن كان هو صحفي بالجد، والمصيبة إنو في زمن الغفلة دا يعتبر من كبار الصحفيين . عليك الله ارجع للموضوع شوف الطريقة الكتب بيها الزول دا !، قال ما عندو شغلة بالمنبر ؤُ جاتو إفادة من ناس متابعين (ديل ما معروفين أعضاء واللآ متابعين ساكت ؟) بس هو قال من داخل المنبر ؤُ دي بتقرب حكاية إحتمال يكونوا أعضاء . بعدين قال هو قاعد بالمرصاد (شفت كيف ؟) واكّد انو هنالك جريمة تكتم عليها صاحب الموقع وصحبه الشرفاء ؤُ ستروها ؟ . بعدينك قال مؤكداً فرّ المناضل بالـ 51 مليون، فتأمّل ! . قال المعلومات بتجيهو شايلآ عصفورة !، شفت المهنية دي كيف ؟. المعلومات دي كووووولها قالها بُناءً علي شمار، رشاها الهندي دون التثبُت من صحتها أو عدمو !، (شُفت المهنية كيف ؟). لمان تظهر الحقائق الزول دا حا يمشي وين ؟. بالمناسبة، زفت الطين نشر الخبر في اللوّل حتي بقال جاب القُفة بهلها هنا .
يا زفت الطين العيد يتبارك عليك يا اخ ...
Post: #22 Title: Re: الهِندي زِفت الطين يا اخي ....... Author: أبوبكر عباس Date: 09-23-2015, 03:39 PM Parent: #21
يا ود المدير، إتّا عندك صامولة حلجت ولّ شنو؟ حقائق شنو التظهر؟ عضو لجنة المشروع اعترف هنا بتصرفو في المبلغ، ووعد يرجعو بعد أن يبيع بعض أصولو!
Post: #23 Title: Re: الهِندي زِفت الطين يا اخي ....... Author: أبوبكر عباس Date: 09-23-2015, 03:56 PM Parent: #22
ما فعله عضو لجنة مشروع العوض المسلمي الخيري الزميل عمر عثمان، بتصرفه في المبلغ المحول له لاغراضه الشخصية يعتبر تصرف غير مسؤول، يجد عندي الادانة الواضحة والكاملة. نتمنى أن نتعلم من هذه الحادثة مستقبلا، وأن لا تحبطنا مثل هذه التصرفات الفردية وأن لا تقلل من المشروعات الخيرية التي يتبناها المنتدى
يا ابوبكر، عمر ما قال إتصرّف في المبلغ لأغراضه الشخصية لكن هناك شيك حان وقت سداده وأنه أبلغ صاحب الشيك أن يمهله قليلا لكن يبدو كما توقع عمر أن صاحب الشيك لديه معرفة بأحد موظفي البنك هو من أبلغه بنزول مبلغ في الحساب فكان أن سُحب المبلغ ولم تجد شركة المقاولات رصيدا لتسحبه
سبحان الله بوستيك ده محوّط اظنك بقيت من اهل الحظوة و بتاخد شيك كمان ____ ياخى فتحتا لى بوست المداخلة الاولى فيهو دعاء رحمة للمرحوم المداخلة التانية فيهو تتكلم عن ان الاعمال بالنيات وانو المشروع لازمن يقوم لانو بقى حق لى اهل المنطقة المستفيدة من الموضوع ودين فى رقابنا المداخلة التالتة فيهو قيام المشروع هو الاهم من اى قضية اخري بالنسبة لعضوية المنبر المداخلة الرابعة كانت حتكون دعوة لاعادة الروح للمشروع من باب تموت كل الاشياء فينا الا بذرة الخير تصدق شاتو هم تلاتة مافى غيرهم يا اما انتا بقيت من اهل الحظوة يا اما انا من الناس البسدو نفس بكرى و مغضوب عليهو يا هو كمان احوص .. طلب فول و اكل كبدة الزول القاعد جنبو غايتو الفيك اتعرفت يا بكرى
Post: #26 Title: Re: الهِندي زِفت الطين يا اخي ....... Author: عوض محمد احمد Date: 09-23-2015, 04:54 PM Parent: #24
منعا للقيل و القال و اثارة الشبهات و الكلام الكعب اقترح ان يصرف النظر نهائيا عن اي مشاريع تنضمن جمع اموال من الاعضاء صغرت ام كبرت العايز يعمل عمل خير يعملو مباشرة مع المستفيد ما نغش روحنا ساي فلن يثق الناس ببعضهم بعد الان كما انه لم يكن من اللائق اثارة الموضوع على الملا و ما لازمه من تجريح ضمني او صريح في ذمة من تصدىِِ لانجاز العمل الخيري
Post: #27 Title: Re: الهِندي زِفت الطين يا اخي ....... Author: أبوبكر عباس Date: 09-23-2015, 05:04 PM Parent: #24
يا معاوية، يا أخي، زول عندو في حسابو خمسة دراهم وكاتب شيكات بخمستاشر درهم! أي كلام بعد داك يقولو ما عندو معنى شنو حنستو ما يدخل شيكو دي! أي محاولة لينا هنا في البورد دا بعدم الادانة تعتبر كيل بمكاييل عوجا
Post: #28 Title: Re: الهِندي زِفت الطين يا اخي ....... Author: جمال ود القوز Date: 09-23-2015, 05:19 PM Parent: #24
البيزعل أكتر من موضوع القروش الراحت .. صمت ادارة الموقع عن توضيح الامر وملابساته .. ووضع الناس في الصورة .. يأخ حتى البوستات التي تتحدث عن هذا الأمر تم حذفها .. ليه ماعارف ؟!! .. هو زول ماخاف على نفسه وسمعته خايفين عليهو فوق أم كم ؟!! .. أساسا سمعة الموقع بقت في المحك والحصل حصل .. بعدين حكاية البنك والشيك المسحوب بجملة الرصيد .. ده شطر ميت ساي .. وحتى إن كانت صحيحة .. فعملية قبولها من الصعوبة بمكان .. اللهم الا زول يصل درجة من حسن الظن حتى يكون عوير ساي .. هسه لو الزول دايرين يدوهو قروش وهو عارف إنه شيكاته المرتدة ماليه الواطه .. البوديهو يودعها في نفس الحساب الفيهو الشكات شنو .. ؟ وحتى لو زول داير يودع ليهو قروش المفروض بوقفو ويمنعه .. ويوجهه بالايداع في حساب آخر أو حتى يطالب بالقروش كاااش .. ويتصرف وما أسهل ذلك لو كانت المنظمة مابتقبل الابالشيكات .. البخليهو ينزل القروش بتاع الناس في حسابه المشبوه ده شنو ؟؟ اللهم الا يكون أودعوا ليهو القروش في حسابو بدون ما يعرف .. ويكون لايدري البته بانه في زول حيودع ليهو قروش في حسابه المعني .. كل دي سيناريوهات ممكن تتعمل لو ما اتعملت معناتها إنه الشغلة مبيته من الاول .. وحكاية الشيك البي خمسين طق طرق والمبلّغ عنه بواسطة موظف البنك .. عشان صاحبو يجي يسحبو بمجرد نزول رصيد في الحساب الكررو ده .. ده شطر ميت ساي .. وحجه عاضه ساي .. اللهم الا تتبلع برضو بي حسن الظن .. بعدين زول في وضع مالي متأزم زي ده يدوهو قروش كيفن ؟! .. يا أخوان الحقيقة غايبة .. يجب (كتل ) الدش في يد الهندي بنشر الموضوع على الملأ .. لأن السكوت عليه يزيد طين الأمر بله .. ويلقي بظلال الاتهام على كل ساكت ومتستر .. بعدين الزول ده ما غلط في حق نفسه وبس .. يعني مثلا طفح ليهو حاجه ولا بلبلع ليهو شي .. ولاقبضوهو بي حقو في مكان ماياهو ولا ارتكب جريمة ضد نفسه .. عشان الناس تحاول تتستر عليهو وتسترو .. الرجل غلط على الموقع وسمعته والمتبرعين والاعضاء ده غلط على الكل .. والله ( ملكه )و( فرطه) زي دي في موقع سودانيز أو لاين .. الهندي عز الدين العفين ده يشتريها بي الـ (51 مليون دي ) .. المبتسوى يتهببوا بيها .. ويسوو بيها الطبمبريطة دي كلها .. ويشيلوها ويقوموا جاريين بيها .. ده شنو ده يأخ المرض ده يأخ .. والله السودانيين الدخلت فيهو تاني ماتمرق ليوم الدين ..
الزبدة ... إدارة الموقع تصدر بيان توضح فيهو كل شيء وتخلي نفسها من مسؤلية ماحدث .. وترمي الكورة بره ملعبها .. والاعضاء يدينوا هذا المسلك الذي لايشبهنا كسودانيين .. هو عليكم الله السوداني كان فقد الامانة تاني الفضل ليهو شنو ؟؟ السماحة مثلاً .. ولا الوجاهة بين شعوب الارض .. والله معناتها مرق كيت ساي من الدنيا والآخره ..
لا سكوت حتى لانبدو كالمصاب بانفصام في الشخصية .. وهذا ماسيزيد غلة الهندي عز الدين .. ويجعله يبرطع أكثر وينفس عما يعتمل بنفسه المريضة .. التي تتوق شوقا للانتقام من سودانيز اون لاين وكل مرتادي الاسافير .. أو مناضلي الكيبوردات كما يقول هو لا رده الله ولا عاده .........
عمر ده والله مابعرفه لكن أكيد شفته وقابلته .. لكن لاتوجد أي عرفه بيناتنا .. عشان مافي زول يجي يقول عندي تار بايت معاهو .. وللحقيقة جاورني في مرحلة وزاملته في أخرى في نفس السنوات دون أن اعرفه .. يعني زول دفعه ونحن بلغنا من الكبر عتيا .. واحياء (2 ) ـ (3 ) نعرفها وتعرفنا منذ الصغر .. والحركات الزي ده باضعاف اضعاف المبلغ ده مابتبقى على الواحد .. الله يستر حالنا ويحسن خواتيمنا يارب ..
لكن تذكروا يا أخوان لاااااا سكوت ولا غتغته وتستر ... لانه الأمر فيهو شبهة على الجميع ... والخبر اليوم بقروش بكره حيبقى بالمجان .. واللي مايشتري يتفرج زي مابقولوا الجماعة إياهم ..
وده طرفي من الموضوع المشين السواهو الزويل ده .... وبعد ده والله كان رجع القروش على داير مليم .. لن ترجع له مكانته اللهم الا يرجع الزمان حركة ورا ........
الاخ معاوية يا جماعة ما تخلوا الهندي يقوم نفسكم قدر دا القول ما قاله جمال القوز الخطأ ارتكبه شخص و ما ح يعم علينا و على الموقع الا اذا دارينا الموضوع الهندي العجيب لم يقدر في الدعوة ارادة عمل الخير و وفاء الاصدقاء لصديقهم الراحل و لم يمثل عنده هذا مع اعمال خير كثير سابقة توجها عاما للمنبر و عضويته لكنه رأى في خطأ فرد اباحة لدم المنتدي و صاحبه و اعضاءه
Quote: البيزعل أكتر من موضوع القروش الراحت .. صمت ادارة الموقع عن توضيح الامر وملابساته .. ووضع الناس في الصورة .. يأخ حتى البوستات التي تتحدث عن هذا الأمر تم حذفها .. ليه ماعارف ؟!! .. هو زول ماخاف على نفسه وسمعته خايفين عليهو فوق أم كم ؟!! .. أساسا سمعة الموقع بقت في المحك والحصل حصل .. بعدين حكاية البنك والشيك المسحوب بجملة الرصيد .. ده شطر ميت ساي .. وحتى إن كانت صحيحة .. فعملية قبولها من الصعوبة بمكان .. اللهم الا زول يصل درجة من حسن الظن حتى يكون عوير ساي .. هسه لو الزول دايرين يدوهو قروش وهو عارف إنه شيكاته المرتدة ماليه الواطه .. البوديهو يودعها في نفس الحساب الفيهو الشكات شنو .. ؟ وحتى لو زول داير يودع ليهو قروش المفروض بوقفو ويمنعه .. ويوجهه بالايداع في حساب آخر أو حتى يطالب بالقروش كاااش .. ويتصرف وما أسهل ذلك لو كانت المنظمة مابتقبل الابالشيكات .. البخليهو ينزل القروش بتاع الناس في حسابه المشبوه ده شنو ؟؟ اللهم الا يكون أودعوا ليهو القروش في حسابو بدون ما يعرف .. ويكون لايدري البته بانه في زول حيودع ليهو قروش في حسابه المعني .. كل دي سيناريوهات ممكن تتعمل لو ما اتعملت معناتها إنه الشغلة مبيته من الاول .. وحكاية الشيك البي خمسين طق طرق والمبلّغ عنه بواسطة موظف البنك .. عشان صاحبو يجي يسحبو بمجرد نزول رصيد في الحساب الكررو ده .. ده شطر ميت ساي .. وحجه عاضه ساي .. اللهم الا تتبلع برضو بي حسن الظن .. بعدين زول في وضع مالي متأزم زي ده يدوهو قروش كيفن ؟! .. يا أخوان الحقيقة غايبة .. يجب (كتل ) الدش في يد الهندي بنشر الموضوع على الملأ .. لأن السكوت عليه يزيد طين الأمر بله .. ويلقي بظلال الاتهام على كل ساكت ومتستر .. بعدين الزول ده ما غلط في حق نفسه وبس .. يعني مثلا طفح ليهو حاجه ولا بلبلع ليهو شي .. ولاقبضوهو بي حقو في مكان ماياهو ولا ارتكب جريمة ضد نفسه .. عشان الناس تحاول تتستر عليهو وتسترو .. الرجل غلط على الموقع وسمعته والمتبرعين والاعضاء ده غلط على الكل .. والله ( ملكه )و( فرطه) زي دي في موقع سودانيز أو لاين .. الهندي عز الدين العفين ده يشتريها بي الـ (51 مليون دي ) .. المبتسوى يتهببوا بيها .. ويسوو بيها الطبمبريطة دي كلها .. ويشيلوها ويقوموا جاريين بيها .. ده شنو ده يأخ المرض ده يأخ .. والله السودانيين الدخلت فيهو تاني ماتمرق ليوم الدين ..
الزبدة ... إدارة الموقع تصدر بيان توضح فيهو كل شيء وتخلي نفسها من مسؤلية ماحدث .. وترمي الكورة بره ملعبها .. والاعضاء يدينوا هذا المسلك الذي لايشبهنا كسودانيين .. هو عليكم الله السوداني كان فقد الامانة تاني الفضل ليهو شنو ؟؟ السماحة مثلاً .. ولا الوجاهة بين شعوب الارض .. والله معناتها مرق كيت ساي من الدنيا والآخره ..
لا سكوت حتى لانبدو كالمصاب بانفصام في الشخصية .. وهذا ماسيزيد غلة الهندي عز الدين .. ويجعله يبرطع أكثر وينفس عما يعتمل بنفسه المريضة .. التي تتوق شوقا للانتقام من سودانيز اون لاين وكل مرتادي الاسافير .. أو مناضلي الكيبوردات كما يقول هو لا رده الله ولا عاده .........
عمر ده والله مابعرفه لكن أكيد شفته وقابلته .. لكن لاتوجد أي عرفه بيناتنا .. عشان مافي زول يجي يقول عندي تار بايت معاهو .. وللحقيقة جاورني في مرحلة وزاملته في أخرى في نفس السنوات دون أن اعرفه .. يعني زول دفعه ونحن بلغنا من الكبر عتيا .. واحياء (2 ) ـ (3 ) نعرفها وتعرفنا منذ الصغر .. والحركات الزي ده باضعاف اضعاف المبلغ ده مابتبقى على الواحد .. الله يستر حالنا ويحسن خواتيمنا يارب ..
لكن تذكروا يا أخوان لاااااا سكوت ولا غتغته وتستر ... لانه الأمر فيهو شبهة على الجميع ... والخبر اليوم بقروش بكره حيبقى بالمجان .. واللي مايشتري يتفرج زي مابقولوا الجماعة إياهم ..
وده طرفي من الموضوع المشين السواهو الزويل ده .... وبعد ده والله كان رجع القروش على داير مليم .. لن ترجع له مكانته اللهم الا يرجع الزمان حركة ورا ........
شكراً الاخ جمال وكل عام وانت والاسرة بالف خير
لم يخطئ الاخوة الذين اوكلو هذا الامر لعمر عثمان و لكن اخطأ عمر في التصرف في هذا المبلغ الضخم في هدفه التستر و محاولة دفن الرؤس في الرمال لن تجدي الذين ما زالو يمدحون عمر عثمان و اخلاقه فات عليهم بأن مثل هذا المدح يقدح في الانسانية و الامانة جمعا اذا كان رجل بهذه الاخلاق التي ذكرها بعض الاخوة لم يحافظ على هذه الأمانة عظيمة الهدف .... فكيف بشخص لا يملك اي ذرة من الاخلاق ؟ اتركوا الاخلاق والشهامة جانباً واسعوا لاسترداد هذا المبلغ حتى لو ادى الأمر لفتح بلاغ جنائي ضد عمر عثمان
اما الساقط الهندي يجب عدم اعطاءه اكبر من حجمه الضئيل هذا البوق المشروخ الفاشل.
Quote: ده بدل يقول حكومة السجم قصرت وما وفرت الموية العطش ده 26 سنة ما عملو له نهر صناعي البترول جا وراح والدهب ذهب ديل ما عارفين مهام الحكومة وبكتبو ورؤساء تحرير اما ناس المطار فتشو الزولة لانهم عدوها من الشعب الغلبان شفت المعاملة حسب
زفت الطين وبلة الغايب حاجة وآحدة يا إخلآص، ما دآسنها البحيّر الزول القانصلنا دا !. بالله دا صحفي دا ؟!...
Quote: يا حبيب العيد يتبارك عليك وكل سنة وانت طيب.. والقابلة على عرفات... في شنو .. بقينا ما برة الشبكة عديل وما متابعين.. في شنو وجمل الطين قال شنو ؟؟!
علينا وعليك يتبارك يا ود الزين، زفت الطين لقالو فرصة شآت ضفار ؤُ قام سدآري، تصدق ...
Quote: ولو سرحت كمان شوية ح تفكر في إنو الله عز وجل ، بحب دايما يتكلم معانا بطريقة غير مباشرة،هو مش قبل كدا قال (ولاتحسبوه) وقال (عسى).. ملحوظتين كلامي دا ما عشان الهندي، لانو المسألة اكبر من الهندي.. في بوست فتحو الزميل جلالدونا و أنا هسة بفتش فيهو مالقيهو.. تحياتي ليك ياأستاذ ولضيوفك الكرام
حياك الله يا عليش، والعيد يتبارك عليك، وألف مرحب بيك وسطنا . كتّر خيّرك كتير يا عليش، بوست جلالدونا أنا شُفتو، ؤُ علي اليمين صدقت في مثل هذه الحالآت لو بنهدأ ؤُ نرجع للقرآن قطع شك بنتبصّر لأنو ربنا ما فرّط فيه من شئ ...
Post: #38 Title: Re: الهِندي زِفت الطين يا اخي ....... Author: معاوية المدير Date: 09-24-2015, 00:19 AM Parent: #37
Quote: يا ود المدير، إتّا عندك صامولة حلجت ولّ شنو؟ حقائق شنو التظهر؟ عضو لجنة المشروع اعترف هنا بتصرفو في المبلغ، ووعد يرجعو بعد أن يبيع بعض أصولو!
قف يا ابو بكر، وإنتبه . اولاً البوست عن الهندي عز الدين، وتصرفاته كصحفي . ثانياً الحقائق لو ظهرت عكس ما كتب الهندي موقفو حا يكون كيف ؟. المسألة الطرحا الهندي ما وآقفة علي عمر. صاحب الموقع برضو مُتهم من قِبل الهندي . الهندي جاتو أخبار وأتى ليؤكد صحتها من خلآل مقاله، إنت شايف دا تصرف صحيح من صحفي ؟. قبل ما أواصل داير أقولك حاجة يا ابو بكر، قسماً عظماً يا ابو بكر لو يسرق وآحد من اخواني اشقاي وتثبت عليهو السرقة حد الله بيني وبينو، ؤُ لو ثبت إنو عمر سرق المبلغ يا ابو بكر لو ربنا رسلو رسوا اكفر بيهو . ما في سبب بيخليني ادافع عن عمر، ؤُ مافي سبب بيخليني ادين عمر، لا تستعجل يا رجل .
يا ابو بكر وين عمر إعترف ؟، أوّعك تقول لي في بوست بقال، لو قلت لي كدا بعرض كلآمك دا علي الملك ومحمد المرتضى، ؤُ ود شيقوق . كمان تقول إعترف هنا !؟، هنا وين ؟. يا ابو بكر اللجنة دي فيها اعضاء لِسّع الناس ما إستمعت لإفاداتهم، ولا حتي سمعنا من عمر . لو عندك إثبات بدليل قاطع يا ابو بكر إنو عمر سرق المبلغ جيبو لي، عشان أقولك هادي طرفي من عمر رغم إنو مافي علآقة بيني ؤُ بينو غير علآقة المنبر دا ؤُ مستعد إتبرأ منها في ايّ لحظة لو إنت أو غيرك قدر يثبت السرقة ...
Post: #39 Title: Re: الهِندي زِفت الطين يا اخي ....... Author: معاوية المدير Date: 09-24-2015, 00:29 AM Parent: #38
Quote: ( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ( 6 ) )
قوله - عز وجل - : ( يا أيها الذين آمنوا إن جاءكم فاسق بنبأ فتبينوا ) الآية ، نزلت في الوليد [ ص: 339 ] بن عقبة بن أبي معيط ، بعثه رسول الله - صلى الله عليه وسلم - إلى بني المصطلق بعد الوقعة مصدقا ، وكان بينه وبينهم عداوة في الجاهلية ، فلما سمع به القوم تلقوه تعظيما لأمر رسول الله - صلى الله عليه وسلم - ، فحدثه الشيطان أنهم يريدون قتله فهابهم فرجع من الطريق إلى رسول الله - صلى الله عليه وسلم - فقال : إن بني المصطلق قد منعوا صدقاتهم وأرادوا قتلي ، فغضب رسول الله - صلى الله عليه وسلم - وهم أن يغزوهم ، فبلغ القوم رجوعه فأتوا رسول الله - صلى الله عليه وسلم - ، فقالوا : يا رسول الله سمعنا برسولك فخرجنا نتلقاه ونكرمه ونؤدي إليه ما قبلناه من حق الله - عز وجل - ، فبدا له الرجوع ، فخشينا أنه إنما رده من الطريق كتاب جاءه منك لغضب غضبته علينا ، وإنا نعوذ بالله من غضبه وغضب رسوله ، فاتهمهم رسول الله - صلى الله عليه وسلم - ، وبعث خالد بن الوليد إليهم خفية في عسكر وأمره أن يخفي عليهم قدومه ، وقال له : انظر فإن رأيت منهم ما يدل على إيمانهم فخذ منهم زكاة أموالهم ، وإن لم تر ذلك فاستعمل فيهم ما يستعمل في الكفار ، ففعل ذلك خالد ، ووافاهم فسمع منهم أذان صلاتي المغرب والعشاء ، فأخذ منهم صدقاتهم ، ولم ير منهم إلا الطاعة والخير ، فانصرف إلى رسول الله - صلى الله عليه وسلم - وأخبره الخبر ، فأنزل الله تعالى : ( يا أيها الذين آمنوا إن جاءكم فاسق ) يعني الوليد بن عقبة ( بنبأ ) بخبر ( فتبينوا أن تصيبوا ) كي لا تصيبوا بالقتل والقتال ( قوما ) برآء ( بجهالة فتصبحوا على ما فعلتم نادمين ) من إصابتكم بالخطأ .
إسترآحة للتدبُر والتفكُر قبل الموآصلة .
كل عام وأنتم بخير ...
Post: #40 Title: Re: الهِندي زِفت الطين يا اخي ....... Author: معاوية المدير Date: 09-24-2015, 00:49 AM Parent: #39
Quote: هم تلاتة مافى غيرهم يا اما انتا بقيت من اهل الحظوة يا اما انا من الناس البسدو نفس بكرى و مغضوب عليهو يا هو كمان احوص .. طلب فول و اكل كبدة الزول القاعد جنبو
لا في غيرهم يا جلالدونا، إنت زول حاسد ...
Post: #41 Title: Re: الهِندي زِفت الطين يا اخي ....... Author: أبوبكر عباس Date: 09-24-2015, 00:49 AM Parent: #39
هل إتّا مقتنع بأنو شيك الشركة المنفذة إرتدّ من حساب عمر وإنو المبلغ المجموع أودع في حسابو؟ الحصل دا لسع أنا ما وصفتو بالسرقة بعد.
Post: #42 Title: Re: الهِندي زِفت الطين يا اخي ....... Author: معاوية المدير Date: 09-24-2015, 00:58 AM Parent: #41
Quote: هل إتّا مقتنع بأنو شيك الشركة المنفذة إرتدّ من حساب عمر وإنو المبلغ المجموع أودع في حسابو؟ الحصل دا لسع أنا ما وصفتو بالسرقة بعد.
يا ابو بكر الموضوع دا ما واقف علي الهندي و بقال، مافي سبب وجيه بيخليني إقتنع. حسب ما في موضوع مطروح ممكن اشكك وإنتظر حتي ينقطع الشك لكن لا يمكن اجزم بناءً علي كلآم طرف وآحد .
Quote: ما فعله عضو لجنة مشروع العوض المسلمي الخيري الزميل عمر عثمان، بتصرفه في المبلغ المحول له لاغراضه الشخصية يعتبر تصرف غير مسؤول، يجد عندي الادانة الواضحة والكاملة.
دا باقي كلآمك . هل تعتقد كلآم بقال والهندي كافئ للإدآنة ؟، واللآ نصبر عشان نسمع من باقي الأطراف ؟...
Post: #43 Title: Re: الهِندي زِفت الطين يا اخي ....... Author: أبوبكر عباس Date: 09-24-2015, 01:09 AM Parent: #42
كلام بقال مدعوم بكلام دياب كافي هو شنو؟ الناس ديل في اللجنة وشيك الشركة رجع من حساب أودعوا فوقو المبلغ!! تفتكر أنا محتاج شنو عشان أعرف انو عمر تصرف في المبلغ؟ إدانة العمل العام تتم كدا أما إدانة المحاكم التي تلمح إليها قد لا تتم لانو الاشياء تمت بشكل أهلي عمر قد يطلع غير مذنب أمام المحكمة
Post: #44 Title: Re: الهِندي زِفت الطين يا اخي ....... Author: اخلاص عبدالرحمن المشرف Date: 09-24-2015, 03:41 AM Parent: #43
وما رأي الخشبة في عين الحكومة الغرض مرض ما شاف تقصيرها ال دفع الناس كل الناس حتي ال ما سودانيين لحفر الابار كم خليجي تبرع ؟ وداك نهر تبع ليبيا الصحراء الافراد معرضون لكل شئ ابتدأ بالنفس الامارة الي صروف الدهر الي تأمر الافراد والتنظيمات ابو بكر ات ود تجار وعارف البحصل في السوق وات قاص وعارف حكاوي الدنيا في ظنك زول يفضح روحو مع ناس ءودانيزازنلاين يا مجنون يا مجبور وفي الحالتين الغلطانه الحكومة وزي ما قال ود المدير الهندي شات ضفاري الدنيا عيد كل سنة وانتو طيبين وان شاء الله الجاية السودان بخير
Post: #45 Title: Re: الهِندي زِفت الطين يا اخي ....... Author: عليش الريدة Date: 09-24-2015, 04:55 AM
سلام ياود المدير وكل عام وانتم بخير..استدلالي بالقرآن ماكان في الاتجاه الإنت فهمتوا.. وعشان كلامي يكون واضح وأوري أنا شايت في ياتو اتجاه،ح أتكلم بطريقة مباشرة ومختصرة قدر الامكان.. أولا لابد أن أثبت تفهمي لاختلاف وجهات نظر السادة المتداخلين في معالجة الموضوع.. ثانيا الوقائع كما فهمتها كالاتي: + بير المسلمي فكرة من بعض أعضاء المنبر لتخليد ذكرى عضو كريم راحل،ولاعلاقة للفكرة بأي تقاطعات أخري.. + الفشل الذي صاحب تنفيذ الفكرة جعل الهندي يصور الأمر كأنه فشل لبعض قوى المعارضة ،وحب يستغل الأمر دا.. + نحن في سودانيس حتى الان هامانا فقط سمعة المنبر،ولانفكر في أي شئ آخر خلاف ذلك.. السؤال ماهو المدى الذي يمكن أن تبلغه إدارة وعضوية سودانيس في العمل الميداني المسالم والتقدمي (خارج الصور التقليدية من تجمعات ومظاهرات..إلخ) في السودان؟ ساكمل لاحقا إن شاء الله.. شكرا للترحيب
Post: #46 Title: Re: الهِندي زِفت الطين يا اخي ....... Author: جلالدونا Date: 09-24-2015, 05:07 AM
Quote: لا في غيرهم يا جلالدونا، إنت زول حاسد ...
قسما عظما لولا وشك الضاحك ده كان فكيت فيك طلقة من مسدس بكورى عباس الما معروف شايت وين ده عموما الود المتهند المتنهد ده هو اساس موضوعنا رمى رميته و استجاب لها من استجاب لا طعنا فى مصداقية المنبر وبس بل حتى الروابط الاخوية الصادقة و نبيلة بين العضوية التى نمت و ترعرت فى هذا المكان ابلغ رد على هذا المأفون هو الانصراف لانجاز الوعد الذى ينتظره اهل لنا وروح المسلمى عند بارئها تقول طوبى لأخوة لى سعوا لخير باسمى من شارك فى المحاولة الاولى احسب ان اجرهم كتب عند الله بحكم قول رسول الرحمة انما الاعمال بالنيات و نيتهم واصلة ان شاء الله اقدر و احترم تماما سكوت اخوة المنبر و المرحوم بالداخل واصلو علاج الموضوع مع اخونا عمر بروح الاسرة فانتم اعلم به منا المستجدين فى هذا المكان لا تنتبهو لما كتب هذا البقال و لا لربيب الكيزان الذى علا شأنه فى زمن اصبح فيه الوضيع سيدا رسالة اخيرة عزيزنا عمر حتى لا يزايد من يزايد و يصطاد من يصطاد تعال و اطرح الموضوع فى الهواء الطلق و ستجدنا اخوة من حولك نشد من ازرك و لو انفضّ الجميع من حولك فلن انفضّ من حولك جمايلك سابقة يا جميل و غلطاتك مغفورة بأذن الله و تاريخ البورد يحكى تحياتى ليك و اسأل الله ان بفرج همك و كربتك
Post: #47 Title: Re: الهِندي زِفت الطين يا اخي ....... Author: عليش الريدة Date: 09-24-2015, 10:26 AM Parent: #46
اتخيل إنو سايقليك عربية مكعكعة وماراكب معاك زول،في حتة مقطوعة تقوم العربية تبطّل ،وانت تتمحن وما تعرف تتصرف..بعد شوية يجي مرفعين جاري عليك من بعيد،إنت تشيل هم وتقول العربية عرفناها،كمان جابت ليها مرافعين..لكن قبل المرفعين يصلك يظهروا ناس ساكينوا ،تقوم إنت بدون تفكيرتقيف في صف الجماعة (ماهو مرفعين مسكوك دي دايرة ليها تفكير) وتختف عجل الحديد من العربية وتقفل الدرب على المرفعين،بعد شوية المرفعين ح يموت من ضرباتك وضربات الجماعة التانين..بعد داك ح يسألوك:إنت ياكلس الموقفك هنا شنو أصلا.. وفي النهاية ح يدفروا ليك العربية لمن تتدور،ولأنهم جوا كداري ح يركبوا معاك..وإنت سايق وسارح، أكيد ح تفكر إنو المرفعين جا جاري بالشارع دا مخصوص بس عشان يخارجك من زنقتك الكنت فيها،رغم إنك لما شفتو بداهة خفت منو خوفا نساك العربية ذاتا..ولو سرحت كمان شوية ح تفكر في إنو الله عز وجل ،بحب دايما يتكلم معانا بطريقة غير مباشرة،هو مش قبل كدا قال (ولاتحسبوه) وقال (عسى)..
القصة الفوق دي كانت مداخلتي وح أفسرا كالاتي: العربية المكعكعة = المعارضة.. السواق = الحلول الفردية أو غير الممنهجة أو المنعزلة أو التي لاتصب مباشرة في طريق الإنفراج....إلخ.. المرفعين = مقا ل الهندي + مايعتقد أنها فضيحة ال 51 ألف جنيه .. الجماعة الساكين المرفعين = باقي المعارضة أو باقي الجهود.. عندي سؤال تاني قبل ما أغيب واجيك راجع :الغاية من بوستك دا شنو؟ بمعنى آخر ما هوالهدف النهائي منو؟ وسؤال تاني برضو: (معارضو الكيبورد) سبة يتخذها كتير من كتاب الحكومة لوصف نشاط المعارضين خارج السودان، هل تعتقد أن المعارضين في الخارج بكتفوا بالوسيلة دي لأنهم شايفين إنو دا الطريق الصحيح البوصل للحل، وللاّ لأنهم لأسباب (خلينا نقول موضوعية) مابتمكنوا من نشاط خلافا؟ بعد ماترد على أسئلتي دي والسؤال في مداخلتي التانية، بعداك بواصل إن شاء الله.. سلام
Post: #48 Title: Re: الهِندي زِفت الطين يا اخي ....... Author: طلحة عبدالله Date: 09-25-2015, 08:28 AM Parent: #47
كل عام وانتم بخير معاوية ولد المدير يا حبيب المشكلة انو الحديث عن عدم مهنية الهندي عز الدين ردا على ما كتبه بشأن موضوع البير لا يفيد بل سيفهم منه محاولة الهروب من الواقع الصادم الذي وضع فيه المنبر بتناوله لهذا الأمر بالكيفية التى شرحها في عموده .. لا حل لهذه المعضلة إلا بقدوم الأخ عمر شخصيا وشرح موقفه بشفافية حتي لو أدي الأمر لإدانته، لأنه في هذه الحالة سيرخي قبضة الهندي عن رقبة المنبر وبوردابه بعد أن يتحمل صاحب المشكلة المسؤولية كاملة بغض النظر عن إن كان مخطىء أم لا . .............. الأخ عليش الريدة السلام عليكم والعيد مبارك عليك ماذا تريد أن تقول يا رجل .. والله ما فهمت أية حاجة ؟
Post: #49 Title: Re: الهِندي زِفت الطين يا اخي ....... Author: طلحة عبدالله Date: 09-25-2015, 08:52 AM Parent: #48
نعم من المهم جدا الاعتراف بوجود مشكلة تسبب فيها الأخ عمر بتصرفه غير المدروس ( بغض النظر عن نيته )، مواجهة الواقع والاقرار بخطأ ما حدث شجاعة من شأنها أن تحجم إنتفاخة الهندي وغيره من الشامتين إن لم تفرقعها تماما .. علينا أن نشد الحبل من الجانب الآخر المتعلق بمواجهة الحقائق، ونرخيه من جهة الهجوم المضاد بالحديث عن مسالب الهندي لأن هذا هو بالضبط ما يريده ويسعي إليه بالنظر لكمية مداد الإستفزاز الذي أهرقه وهو يسحب مسؤولية فرد واحد على المنبر ككل.. أقنعوا الأخ عمر بالظهور على المنصة ليترافع عن نفسه ويدافع عن موقفه وشجعوه ليكشف أدق التفاصيل المتعلقة الحادثة لعله يؤقد شمعة أمل تساعده وتساعد ( البورداب) في الخروج من نفق الإدانة .
Post: #50 Title: Re: الهِندي زِفت الطين يا اخي ....... Author: معاوية المدير Date: 09-25-2015, 11:15 AM Parent: #49
سلآمات يا ود القوز والعيد يتبارك عليك .
Quote: البيزعل أكتر من موضوع القروش الراحت .. صمت ادارة الموقع عن توضيح الامر وملابساته .. ووضع الناس في الصورة ..
نحن في إنتظار إدارة الموقع، واللجنة القائمة بالمشروع .
Quote: كل دي سيناريوهات ممكن تتعمل لو ما اتعملت معناتها إنه الشغلة مبيته من الاول ..
أنا في رأي الإنتظار أفضل وأفيد .
Quote: يا أخوان الحقيقة غايبة ..
أوافقك، ومن هنا اتي رفضي للأحكام المسبقة .
Quote: Alaa Abdelwhab جمال ود القوز العيد مبارك عليك. مداخلاتك محط اهتمامي اينما مة وجدت الا انني اراك منفعلا نوعا ما ودا من حقك. اسمح لي ان ادلي بدلوي ليس في الموضوع بل في تلكم المداخلة. اراك اثقلت ... فرجاء اهداء لاننا لا نعلم ماوفي صدور الغير.
نَعم القول، وانا برضو جاني إحساس بإنفعال الأخ جمال ...
الأخ طلحة عليكم السلام..وكل عام وانتم بخير.. أولا أنا فخور جدا بردة فعل أعضاء المنبر تجاه اتهامات الهندي،ودا معناهو أنا في المنبر الصحيح.. ثانيا إتخيلي مافي منبر في الدنيا دي من الصعب إنو الزول ينال عضويته زي منبرنا دا،وأحيانا إلا بواسطة، يبقي دي أول خطوة في الدفاع لو إنتو دار تتدافعو،لكن أنا غايتو دار أهاجم..لآنو المدافع عمرو ماحسم معركة لصالحو إلا مثلا لو طور دفاعو لهجوم.. شنو أكتر حاجة ممكن تغيظ الهندي وأمثاله؟ الجواب : إنو يكون في كيان نزيه بيعمل في حاجات نزيهة في البلد(عشان تشوف المحن) ..لأنو شعار المرحلة الحالية من الفساد في المؤتمر الوطني هي (لايُسمح بأي وجود لأعمال تنفع المواطن تقوم بها جهات أخرى)..(شارع الحوادث / مستشفي سرطان الأطفال).. ود المدير قبل كدا كتب بوست اسمو ونسة حمير..وأنا قلت لو الزول دا عندو خيال (الخيال طبقات) لغاية ماقدر يتصور الحمير بتقول شنو، فممكن يقدر يتصور كلامي الح أقولو بعد مايجيني راجع،لأني بصراحة عندي إقتراح صعب شوية..لكن مامستحيل..
Post: #52 Title: Re: الهِندي زِفت الطين يا اخي ....... Author: جمال ود القوز Date: 09-25-2015, 08:14 PM Parent: #51
عن إذنكـ يا مدير ....
Quote: Quote: Alaa Abdelwhab جمال ود القوز العيد مبارك عليك. مداخلاتك محط اهتمامي اينما وجدت الا انني اراك منفعلا نوعا ما ودا من حقك. اسمح لي ان ادلي بدلوي ليس في الموضوع بل في تلكم المداخلة. اراك اثقلت ... فرجاء اهداء لاننا لا نعلم ماوفي صدور الغير.
ويتباركـ عليكـ العيد أخونا علاء عبد الوهاب .. وعلى وليداتكـ يارب ..
ممنون كتير يأخ .. وشاكر لحسن ظنكـ .. كلامك على راسي من فوق .. ونصيحتك مقبولة .. ومعاك حق .. فهناكـ حتماُ الكثير مما هو خافي علينا .. ربنا يصلح حال الجميع .. ويكضب الشينة .. ويستر حالنا جميعاً بركة قبايل العيد دي ...
Post: #53 Title: Re: الهِندي زِفت الطين يا اخي ....... Author: جمال ود القوز Date: 09-25-2015, 08:21 PM Parent: #52
Quote: Nader Al Fadel · الخرطوم تناقض عجيب يا سودانيز اونلاين -- راينا فى هذا المنبر حرمات تنتهك وتهم تلفق وقصص تؤلف واحكام تصدر وتنفذ بدون اى دليل -- ويتم التهليل والتكبير لها بدون وازع او ضمير -- والان عندما تمت سرقتهم شخصيا ومع توفر كل الادلة والبراهين ومن اعضاء مشهود لهم بالاستقامة ظهر نفس اولئك النفر فى ثياب الواعظينا ومشوا فى الارض يهدوا ويسبوا الماكرينا وحشدوا كل عبارات التلطف والتستر فى امر لا يحتاج الى كل هذا الهيجان لان الوقائع مخجلة عضو سرق اموال تم جمعها من خيرين ووهبوها صدقة جارية لصديقهم المتوفى وذلك بعمل بئر للسقيا فى منطقة يحتاج الانسان والحيوان للماء فيها-- هل هذه الوقائع تترك مجالا للتهاون او الغتغتة او السترة ؟؟؟
أخونا نادر الفاضل لكـ التحية وكل عام وأنت بخير ...
Post: #54 Title: Re: الهِندي زِفت الطين يا اخي ....... Author: جمال ود القوز Date: 09-25-2015, 08:27 PM Parent: #53
Quote: Ibrahim Osman Abdalla التحية لك جمال ود القوز حقيقة موضوع البير ده عرى الكثير من كتاب سودانييزاونلاين كنا نحترمهم ونقدرهم بغض النظر عن اختلافنا معهم، كتاب كنا نعتقد انهم اصحاب مبادئ لا تتزحزح ولكن حادث صغير غير من مبادئهم مائة وثمانون درجة. كل اللصوص والمحتالين والمجرمين الموجودن الان بالسجون لهم ظروفهم التي دفعتهم لفعل ما فعلوا ولكن لم يتعاطف معهم احد. وفي الواقع هذا هو سبب تخلف السودان منذ الاستقلال حيث ان الحكومات تغض الطرف عن الفاسدين باعتبارهم اولاد بلد واولاد ناس ويجب سترهم والتغطية عليهم. ما يقوم به البعض هنا هو "فقه السترة والتحلل " في ابهى صوره وهو فقه موجود وممارس في السودان منذ الاستقلال الي يومنا هذا. ولو قدر لهؤلاء الذين يدافعون عن هذا الشخص، لو قدر لهم ان يكونوا في اي حكومة سيمارسون نفس الفعل وسيغطون على فساد بعضهم البعض بحجة ان هذا الشخص محترم ويجب ستره وذاك ود ناس ولايجب اساءة سمعته، بينما اذا ارتكب غيرهم من عامة الناس جرم لا يترددون في كشفه واذلاله وتقديمه للمحاكمة. غايتوا الفيكم اتعرفت
أخونا ابراهيم عثمان لكـ التحية وكل عام وأنت بخير ...
Post: #55 Title: Re: الهِندي زِفت الطين يا اخي ....... Author: جمال ود القوز Date: 09-25-2015, 08:32 PM Parent: #54
Quote: لم يكن من اللائق اثارة الموضوع على الملا و ما لازمه من تجريح ضمني او صريح في ذمة من تصدىِِ لانجاز العمل الخيري
سلآمات يا عوض، والعيد يتبارك عليك .
شِن نقول يا عوض في عصفورة زفت الطين ؟...
Post: #57 Title: Re: الهِندي زِفت الطين يا اخي ....... Author: عوض محمد احمد Date: 09-27-2015, 06:09 AM Parent: #56
سلام كتير يا معاوية
انا اقصد اثارة الامرهنا من غير استنفاذ الفرص في استنطاق عمر عثمان اما زفت الطين فياها دي المحرية منو و مال يبقى زفت كيف
Post: #58 Title: Re: الهِندي زِفت الطين يا اخي ....... Author: عليش الريدة Date: 09-27-2015, 06:30 AM Parent: #57
سلام من جديد يا أستاذ معاوية أنا كنت دار أستفيد من مظلتك،لكن في نفس الوقت خائف تقول لي اقتراحك دا ماعندو علاقة بمو ضوع البوست.. لكن تاخرك في الرد علي حسم ترددي وانا ح أشوت اقتراحي في بوستك دا مباشرة..ولك العتبى.. كتير سلامي وعظيم امتناني
Post: #59 Title: Re: الهِندي زِفت الطين يا اخي ....... Author: عليش الريدة Date: 09-27-2015, 06:34 AM Parent: #58
هذا التصور معني به من السودانيين من يعتقد الآتي: 1. أن إنفراج الأوضاع في الوطن يقتضي إنهاء حكم النظام الحالي. 2. أن الوسيلة الصحيحة التي يجب إتباعها لتحقيق تلك الغاية هي الكفاح المدني فقط (من غير إهدار الحقوق). 3. هناك تحديات تنموية بشرية ملحة بالبلاد تتجاوز قدرة منظومة الحكم (أيا كان نوعها) ويجب أن ألاّ تُلقي مسئولية تحقيق تلك التحديات على الحكومات وحدها. الغرض من التصور. تكوين جماعة ضغط طوعية ذات جمهور عريض لتحقيق هدفين: 1. استراتيجي. وذلك بأن تعمل تلك الجماعة في مجالات (التوعية والتنمية البشرية ومحاربة العادات السياسية والإجتماعية الضارة) بخطاب ذي قدرة تأثيرية عالية ومستديمة موجه بالتساوي للمواطن والحاكم (أيا كان نوعه). 2. تكتيكي . التأثير على إنتخابات 2020 لغير صالح النظام الحالي، وذلك بتأسيس تحالف عريض وتحديد مرشحين مستقلين للتنافس بهم في إنتخابات رئاسة الجمهورية والمجلس الوطني (لتكوين فترة إنتقالية)، وسيسقط هذا الهدف تلقائيا لو تحقق المقصود بأي وسيلة أخري قبل إنتخابات 2020.. ويظل الهدف الاستراتيجي قائم. المشهد الراهن. يسيطر المؤتمر الوطني على ميدان التنافس السياسي بالآتي: 1. العمل على إضعاف الأحزاب وتفتيتها. 2. تجهيز العدة والعتاد لإجهاض أي تحركات قد تحدث في الشارع. 3. رغم ذلك يعاني المؤتمر الوطني معاناة واضحة في كل إنتخابات يخوضها في البلاد،ومن السهل جدا إقصائه من الحكم إنتخابيا (بطريقة اللعب بشروطه) إذا توفر التخطيط المناسب لتلك الغاية. 4.لاتظهر في الأفق رؤيا موحدة وقابلة للتنفيذ من الأحزاب المتواجدة الآن بالساحة،ولاتبدو كذلك بوادر حركات احتجاجية مستقلة من خلال الشوارع،وإذا حدثت ستكون الخسارات جسيمة لللغاية،وقد لاتحقق الحل. *هذا التصور سيحيد التنافس الحزبي،بمعني أن أي عضو في حزب ما ،يمكنه الانضمام لتنفيذ التصور،دون أن يؤثر انضمامه على عضويته في حزبه، لأن الهدف التكتيكي المذكور سابقا هو هدف مرحلي ولايتعارض مع توجهات أي حزب كان.. *كما أن هذا التصور سيحيد دور التحشدات الميدانية،بحيث انه سيكون هناك ميدان لكن ليس بالمعنى التقليدي الذي يجعل المتظاهرين تحت بطش أجهزة القمع الحكومية.
مكونات الجماعة. تتكون من أربعة أضلاع: 1. السودانيون بالخارج..هم رأس الرمح وأصحاب أهم دور في المرحلة الأولى. 2. السودانيون بالداخل..هم منفذوا الخطط الميدانية ويقع عليهم الدور الأهم في مابعد المرحلة الأولى. 3. مقدرة إعلامية كثيفة. 4. وسائل اتصال (مواقع إلكترونية/ فيس بوك/ واتساب/ قنوات فضائية/صحف محلية). طريقة العمل لابد في البداية من تحديد الاتي : 1. اسم للجماعة (تُفضل الاسماء ذات الدلالة العامة والمستمرة،مثلا نحن السودان او السودان للجميع..إلخ ). 2. لون قوي موحد للزي الذي تمارس به النشاطات في الخارج والداخل (مثلا ارتداء فانلة،بلوزة،عباءة..إلخ بلون أحمر مكتوب عليها اسم الجماعة بلون أبيض) هذا الأمر مهم جدا لأنه سيكون بمثابة شعار الجماعة وبه تنفذ التجمعات السلمية في داخل البلاد. 3. تعتمد طريقة العمل في السودان اعتمادا كليا على تنفيذ التحشدات دون الاحتكاك بأجهزة القمع لدى النظام و الحرص للغاية على الحفاظ على سلامة الأعضاء . المرحلة الأولى *يُستغل التواصل الإلكتروني الموجود الآن بين المعارضين بالخارج،لتكوين روابط في كل المدن ذات التواجد السوداني في قارات أوروبا،أمريكا الشمالية،أستراليا ..تكون هذه الروابط بمثابة الحاضنة للفكرة المستهدفة قبل نقلها للوطن، ويستفاد لأقصى حد من المناخ الآمن والانفتاح المتوفران في تلك البقاع لممارسة كافة النشاطات التي تخدم الفكرة،والحصول على مقدرة إعلامية عالمية قوية..ويُفضل تكوين لجان إعلامية ذات خبرة لهذا الغرض،ويتم مخاطبة المواطن العادي في تلك البلاد ووسائل الإعلام ومنظمات الأمم المتحدة والمنظمات الطوعية، والحكومات المحلية، بمختلف الوسائل ،( بعد تنويرهم بالوقائع في البلاد بالضبط دون أي محاولات للتهويل الكاذب)بشعار واحد فقط وهو الحصول على الدعم الأدبي من تلك المجتمعات لضمان أن تطبق معايير النزاهة في إنتخابات 2020 ..ويكون ذلك بأقل التكاليف (مثلا طباعة قصاصات صغيرة وتوزيعها على المارة ومناطق التجمعات والمؤسسات الحكومية والإعلامية) *تكون فترة هذه المرحلة عام واحد فقط، يتم خلالها بعمل متزامن من معارضي الداخل شرح الفكرة والتجنيد من شرائح المجتمع المختلفة. *الهالة الإعلامية العالمية مهمة جدا لضمان التجنيد الداخلي، وكذلك لتكثيف الضغوط على النظام الحاكم. *يُنسق تحشد ربعي متزامن خلال هذا العام لكل تلك الروابط كل في مكانها،ويُسلط عليه ضوء إعلامي كثيف. *هناك دوائر غربية حكومية وطوعية وإعلامية مهتمة بالشان السوداني،وظهور مثل هذه الجماعة قد يجعلها تحت دائرة الضوء،لكن بشرطين * الصدق في التخاطب وذلك بتوضيح الواقع بالضبط وتوضيح الحل الخاص بالجماعة دون مبالغات. * الذكاء في معرفة الطريقة التي تثير اهتمام الغربيين في كيفية الطرح والدعاية. المرحلة الثانية 1. بعد أن تصبح الجماعة واقعا معاشا في العالم الخارجي،ويصل التجنيد مراحل متقدمة داخل الوطن،يمكن البدء في التحشدات السلمية الرمزية داخل البلاد،وذلك بارتداء الزي الخاص بالجماعة فقط دون إبداء أي نشاط آخر قد يُوقع في صدام مع قوات القمع. 2. لابد في البداية من مراعاة أن يكون التحشد من خلال مناسبات التحشد الطبيعية (صلوات الجمعة/ مباريات كرة القدم/ الحفلات والنشاطات الجامعية..إلخ)..لابد كذلك أن تسبق التحشد رسالة إعلامية واضحة لكل العالم توضح الغرض من التحشد في كل مرة(مثلا التحشد في المرة الأولى لمحاربة العنصرية،المرة الثانية لمحاربة الفساد..إلخ). 3. لابد من التركيز على الاجراءات التي تدعم الوحدة الوطنية،وذلك بأن يصل التجنيد لكل مناطق السودان وخاصة الطرفية منها،وتخصيص تحشدات لمعالجة والتضامن مع معاناة المواطن في تلك المناطق. 4. التحشدات السلمية الرمزية ستحرج النظام وتكسب الأعضاء الثقة في أنفسهم وفي الجماعة وتحقق الاحترام الداخلي والعالمي وستكون بمثابة دعاية لمزيد من التجنيد وزيادة العضوية..مما يصب مباشرة في اتجاه تحقيق الهدفين الاستراتيجي والتكتيكي . التمويل 1. يتم التمويل من تبرعات الأعضاء والجهات الوطنية الأخري. 2. لابد من تقليل المنصرفات لأبسط حد خاصة في البدايات. 3. يمكن الاستعانة بجهات أخري بشرط عدم وجود شبهات وأجندة أخري من تقديمها للتمويل. مزايا المقترح 1. يوفر رؤيا معقولة للحل،ويمكن الالتفاف حولها من جميع السودانيين. 2. يؤسس لمرحلة جديدة من العمل التطوعي العام بعيد ا عن النظرة الحزبية الضيقة. 3. نظيف وآمن لكل الأطراف،ويحافظ على مكتسبات الوطن،وقد يستفيد منه حتى النظام باعتبار أن يتم التغيير بهذا السيناريو أفضل من أن يتم بسيناريوهات أخري. 4. يوفر امتداد لامكانية مراقبة وتأثير المواطن على اداء الحكومات المتعاقبة على البلاد. 5. إمكانية الاستفادة من قوالب التواصل الاجتماعي الالكتروني المتوفرة الآن،مما يسهل كثير من الاجراءآت ويوفر الزمن.
العقدة الأصعب في تنفيذ المقترح هي البداية بالتاكيد،هي كيف يتنازل وقتيا السودانيون المتواجدون بالخارج عن حزبيتهم، ويقتنعون بأن هذا الأمر يستحق العناء ويشرعون في محاولة تطبيقه (لكني بالمقابل أعتقد أن هذه فرصة مناسبة للرد على كتاب النظام الذين يتشدقون بلفظة معارضي الكيبورد،فالحل قد يأتي عن طريق هؤلاء المعارضين،بعد أن عجزت عنه كآفة الأطراف). سلام
Post: #60 Title: Re: الهِندي زِفت الطين يا اخي ....... Author: Haytham Ghaly Date: 09-27-2015, 07:23 AM Parent: #57
ود المدير سلامات وتعود الأيام عليك وعلينا بالصحة والعافية
وكل عام والجميع هنا بخير
في تقديري يجب انتظار الاخ عمر لتوضيح موقفه و ما هو غايب عن الاخوة الأعضاء
او على الأقل يدافع عن نفسو
لنرى ان كان مذنباً او غير ذلك فالقاء الاتهامات على شخص غايب
ربما فيها نوع من الظلم ، ولكن يجب التنويه ان السكوت على هكذا اتهامات
يوحي بالخوف من المواجهة ولا اظن ان الاخ عمر يخاف مواجهة الأعضاء بالحقائق
لذلك نرجو من الاخ عمر الحضور
اما ما يخص الهندي زفت الطين فهو اتفه من ان نعلق عليه فدعو المكسور وحارق البخور في غيه
Post: #61 Title: Re: الهِندي زِفت الطين يا اخي ....... Author: معاوية المدير Date: 09-27-2015, 09:38 AM Parent: #60
Quote: الاخ معاوية يا جماعة ما تخلوا الهندي يقوم نفسكم قدر دا القول ما قاله جمال القوز الخطأ ارتكبه شخص و ما ح يعم علينا و على الموقع الا اذا دارينا الموضوع الهندي العجيب لم يقدر في الدعوة ارادة عمل الخير و وفاء الاصدقاء لصديقهم الراحل و لم يمثل عنده هذا مع اعمال خير كثير سابقة توجها عاما للمنبر و عضويته لكنه رأى في خطأ فرد اباحة لدم المنتدي و صاحبه و اعضاءه
سلآمات يا نصار، والعيد يتبارك عليك .
ليس هنالك مجال لمدرآة الموضوع بعد الآن، فقد فات الأون . الهندي زفت الطين هو السطح القذر الذي يعكس سوأة الحكومة المتعفنة اثر القروح والدماميل، فالحكومة لا تريد ان تعمل من أجل الوطن ولو شعر أهل منطقة بهذا الإهمال وحاولوا العمل بمعزل عن الحكومة لمنطقتهم تدخلت الحكومة وإعترضت مبادرتهم، لذلك ايّ مبادرة لعمل يفيد الإنسان السوداني في الدنيا أو الآخرة لابُد أن تعترضه الحكومة بأيّ وسيلة من وسائلها وزفت الطين لا يعدو كونه وآحدة من هذه الوسائل تسانده أطراف أُخرى بكل اسف هي عصافير من هذا المنبر ربما تكون من داخل اللجنة المُنتخبة أو قريبة لها !؟. تحرك الحكومة عن طريق زفت الطين وعصافيره ما هي إلا وآحدة من المناورات القذرة التي تقوم بها الحكومة لواد مثل هذه المشاريع ...
Post: #62 Title: Re: الهِندي زِفت الطين يا اخي ....... Author: طلحة عبدالله Date: 09-27-2015, 10:08 AM Parent: #61
Quote: تحرك الحكومة عن طريق زفت الطين وعصافيره ما هي إلا وآحدة من المناورات القذرة التي تقوم بها الحكومة لواد مثل هذه المشاريع
يا معاوية حتي لو فرضنا جدلا كلامك صحيح في الجزء المقتبس دا لكن من الواضح انو ما حصل كان فرصة تم منحها بسخاء للهندي .. لولا ما حدث ما أعتقد أن الحكومة أو الهندي أو غيره يستطيع أن يفعل شىء .. أعتقد ان دوافع الهندي شخصية لا علاقة للحكومة بها بخصوص المشروع دا تحديدا وللأسف تمكن من مسك الرقبة .
Post: #63 Title: Re: الهِندي زِفت الطين يا اخي ....... Author: معاوية المدير Date: 09-27-2015, 10:39 AM Parent: #62
Quote: لولا ما حدث ما أعتقد أن الحكومة أو الهندي أو غيره يستطيع أن يفعل شىء .. أعتقد ان دوافع الهندي شخصية لا علاقة للحكومة بها بخصوص المشروع دا تحديدا وللأسف تمكن من مسك الرقبة .
إتفق معك تماماً يا طلحة ان ما حدث كان فرصة للهندي، لكن ثق تماماً ان مثل هذه المشاريع لو تمت فإتمامها لا يرضي الحكومة،وبديهي لا يرضي الهندي فهما وجهان لعملة وآحدة، لا يمكن بأيّ حال من الأحوال ان نفصل الهندي عن الحكومة والهدف الأساسي هنا سودانيز اون لآين ...
Post: #64 Title: Re: الهِندي زِفت الطين يا اخي ....... Author: طلحة عبدالله Date: 09-27-2015, 11:08 AM Parent: #63
Quote: والهدف الأساسي هنا سودانيز اون لآين ..
عشان كدا قلتا المفروض نركز في طريقة كيف نخارج المنبر من المأزق دا .. الطريقة الوحيدة هي إعلان صاحب الموقف تحمله للمسؤولية وإبراء ذمة سودانيز أون لاين .. لكن الهجمات المرتدة ضد الهندي عز الدين وتعليق الأمر في رقبة الحكومة لن يغير من الواقع شىء للأسف .
Post: #65 Title: Re: الهِندي زِفت الطين يا اخي ....... Author: Haytham Ghaly Date: 09-27-2015, 11:08 AM Parent: #63
حولااااااااا
والله يا ود المدير انتو اديتو السجمان دا حجم كبير خلاس
ياخ دا زول عيفة سااااكت شنو المسك الرقبة وفعل وترك
لو لقى فرصة وللا ما لقاها تراهو قاعد يشتم في المنبر كل يوم
دا حشرة لا قيمة لها بتاتاً
Post: #66 Title: Re: الهِندي زِفت الطين يا اخي ....... Author: طلحة عبدالله Date: 09-27-2015, 11:14 AM Parent: #65
يا هيثم رضينا واللا ما رضينا الزول دا عندو قراء مؤيدين أو معارضين وبالتأكيد إطلعوا على كتبه بخصوص مشروع البير .. حكاية انو ما بسوى شىء دي مكابرة ما بتحل مشكلة .
Post: #67 Title: Re: الهِندي زِفت الطين يا اخي ....... Author: معاوية عوض الكريم Date: 09-28-2015, 08:10 AM Parent: #66
كل سنة وانتو طيبين
Post: #68 Title: Re: الهِندي زِفت الطين يا اخي ....... Author: الطيب عثمان يوسف Date: 09-28-2015, 10:53 AM Parent: #67
Quote: كل سنة وانتو طيبين
*** دي شكلها Up
لكين عشان نحسن الظن ، وانت طيب
.
Post: #69 Title: Re: الهِندي زِفت الطين يا اخي ....... Author: كمال عباس Date: 09-28-2015, 01:57 PM Parent: #68
لا علم لي تفصيلا بما كتبه الهندي عز الدين مؤخرا ولكن فقط وعلي ذكر المرحوم العوض المسلمي طيب الله ثراه و" الكاتب"الهندي عز الدين إستحضر هذه المواد الإرشيفية
...........
Quote:
العوض المسلمي
تاريخ التسجيل: 11-27-2007 مجموع المشاركات: 14076 للتواصل معنا FaceBook تويتر Twitter YouTube Google Plus + SudaneseOnline at Google
Re: الرد علي "الغلام" الهندي عزالدين في (إناءه!).. (Re: ياي جوزيف)
اخي ياي سلام الهندي عزالدين ( الإنقاذ) مدافع عنها دفاع الاجرب عن ظهره ,,حتي ظن نفسه انه صار يحسب نفسه رمزا من رموز السودان فحدثته نفسه بان يكون نائبا برلمانيا ,, وعندما قابلته اول مواجهة مع المؤتمر الوطني حزبه الذي رباه ورفعه الي السماء ثم فكاه من اعلي ليجد نفسه امفكو بلا مدافع .. وعندما عرف حجمه ووزنه الحقيقي طفق يرسل الاشارات بانه مع انتخاب الريس البشير وضد بقية المرشحين الذين يدعمهم المؤتمر الوطني !!! ولانه دخل الصحافة من باب الحزب فلم يحترم زملاء مهنته ولا اخوة له يكتبون بقلم واحد وفي ظروف واحدة , فكال السباب والشتم بلا سبب الا انهم لم يروا انه يصلح مرشحا ... الهندي نموذج سئ للصحفي الذي لايحترم عقل القارئ ولا فطنته ...
عدل لحذف حرفين زائدين (عدل بواسطة العوض المسلمي on 04-29-2010, 02:53 PM)
العوض المسلمي :-الهندي عز الدين وصحيفته يواصلون الكذب
Quote: الهندي عز الدين وصحيفته يواصلون الكذب
نعم انه الكذب بعينه وانه اثارة الكراهيه بحديث غير صحيح
واليكم ماذكره نصا في الصفحه الاخيره من صحيفته الصادره بتاريخ 11 يناير 2008
Quote: اصيب الشاب (ع.د.ك) سائق الركشه البالغ من العمر تسعة وعشرون عاما بطعنه في ظهره سددها له المتهم (ط.ع.ا) دون ان يكون هناك خلاف شخصي بينهما ..وذلك بمنطقة الكباشي شمال الخرطوم بحري وقد افادت متابعات (اخر لحظه) ان خلافا حادا كان قد نشب قبل اقل من اسبوعين بين مجموعه من شباب المنطقه داخل احد ميادين كرة القدم تنقسم سكناهم داخل (الكباسي) بين( فريقين )احدهما (فريق ورا)الذي يقول بعض قاطنيه ل(اخر لحظه)انهم ظلوا يعانون من احتكاكات تقود الي صدامات منذ عدة سنوات وان البعض من قاطني الفريق الاخر في حال الخلافات او نشوب شجار بين قاطني الفريقين كثيرا ما يلجاون الي مهاجمة ابناء الفريق الثاني بعدد من المسلحين الملثمين .وشكا عدد من قاطني (فريق ورا)بقرية الكباشي من انه في حال نشوب هذه الخلافات فانهم يمنعون من دخول الاسواق وتصادر حريتهم في الحركه والتجول ويمنع اطفالهم من ارتياد المدارس بما ينذر بتطور الامر الي صدامات عرقيه بالمنطقه
اخوتي انه يتحدث عن قريه صغيره وادعه تقع علي نهر النيل سكانها اهل تربط بينهم اواصر الحب والموده واحترام الصغير وتوقير الكبير ويتحدث عن مشكله قد تحدث يوميا وفي اي مكان انه يتحدث عن فريقين بقريه واحده ؟ كيف ؟ ساعلمكم اخوتي تفصيلا فانا اعيش تفاصيل هذا الموضوع من الالف الي الياء مع احتفاظي بفتح بلاغ فورا باسم اهلي في الكباشي ولولا الجمعه اليوم لبدات اجراءات البلاغ الان
Post: #70 Title: Re: الهِندي زِفت الطين يا اخي ....... Author: أبوبكر عباس Date: 09-28-2015, 02:24 PM Parent: #69
يعني إتّا يا كمال عباس، لا تعلم ماذا كتب الهندي، وقلت تجيب لينا الاقتباسات ديل يمكن يظبطن؟ يا أخي، الواحد بالطريقة دي ممكن يظل مستنير إلى الأبد مع "المساكين" ديل!
غايتو يا أبو بكر (هكذا يُكتَب اسمك) بقيت شكّال وما عندك كبير هسي زي كمال عباس دا بتخاطبو معاهو كدا! هذا من ناحية الشكْل، أما المضمون فالمعنى واضح على قول عبد الله الطيب، "ولّ شنو يا شيخ صديق" وهذه الأخيرة من البروف ليست سؤالا إنما إذناً للمقرئ باستئناف القراءة: بسم الله الرحمن الرحيييييم
Post: #72 Title: Re: الهِندي زِفت الطين يا اخي ....... Author: أبوبكر عباس Date: 09-28-2015, 04:27 PM Parent: #71
اسمي لا يكتب هكذا يا مُعاوية، فليس لي ولد اسمه بكر، فكنية الخليفة عبد الله بن أبي قحافة، أخذها أبي من حبه للرسول وصحبه، فأطلقها اسما علي، ففضلت كتابتها من غير مسافة تفاديا لورطة الجر والرفع والنصب الذي يقع الاسماء الخمسة. ولو تعلم يا معاوية، أن هذا الرجل (أبي) واسمه لوحده محمّد أحمد من شدّة حبه للرسول سمى ولده الكبير محمّد الأمين، كنت إذا زرته بجامعة الجزيرة، وتعرفت على أصحابه بكافتريا الاعدادية، يقوم أحدهم بتقديمي لقادم جديد: أبوبكر الأمين أخو محمّد الأمين
يا أخي، الاستاذ كمال عباس عارف مزاحنا تخين فشنو أطلع منها
Post: #73 Title: Re: الهِندي زِفت الطين يا اخي ....... Author: كمال عباس Date: 09-28-2015, 11:24 PM Parent: #72
سلامات الأخ أبوبكر عباس
Quote: يعني إتّا يا كمال عباس، لا تعلم ماذا كتب الهندي، وقلت تجيب لينا الاقتباسات ديل يمكن يظبطن؟ يا أخي، الواحد بالطريقة دي ممكن يظل مستنير إلى الأبد مع "المساكين" ديل!
والله ما عارف تفاصيل أو محتوي ما كتبه -عن مشروع العوض المسلمي الخيري ياريت لو واحد نزل إقتباس وبنفس لا أدري بالتحديد ماذا فعل الأخ عمر عثمان وماهو موقفه ووجهة نظره فيما كُتب - عني شخصيا لا أملك معلومة موثقة ودقيقة تجعلني أكتب في مثل هذه القضية الحساسة ، في إنتظار معرفة ما حدث بالضبط فالمداخلات لم أعلاه لم تعطي صورة متكاملة *شكرا أخ معاوية الزبير
Post: #74 Title: Re: الهِندي زِفت الطين يا اخي ....... Author: اسامة الامام Date: 09-29-2015, 05:03 AM Parent: #73
Quote: الواحد بالطريقة دي ممكن يظل مستنير إلى الأبد
غايتو بكشافاتك البتجهر بيهم من طرف ديل يوم بتفقع ليك مرارة زول
Post: #75 Title: Re: الهِندي زِفت الطين يا اخي ....... Author: معاوية المدير Date: 09-29-2015, 07:09 AM Parent: #74
Quote: لم يخطئ الاخوة الذين اوكلو هذا الامر لعمر عثمان و لكن اخطأ عمر في التصرف في هذا المبلغ الضخم في هدفه التستر و محاولة دفن الرؤس في الرمال لن تجدي الذين ما زالو يمدحون عمر عثمان و اخلاقه فات عليهم بأن مثل هذا المدح يقدح في الانسانية و الامانة جمعا اذا كان رجل بهذه الاخلاق التي ذكرها بعض الاخوة لم يحافظ على هذه الأمانة عظيمة الهدف .... فكيف بشخص لا يملك اي ذرة من الاخلاق ؟ اتركوا الاخلاق والشهامة جانباً واسعوا لاسترداد هذا المبلغ حتى لو ادى الأمر لفتح بلاغ جنائي ضد عمر عثمان
سلآمات يا خضر، والعيد يتبارك عليك وأُسرتك الكريمة .
القضية ليست قضية مدح وقدح في عمر أو مصداقية عمر، القضية إنو حتي الآن ما سمعنا إفادة من اللجنة ممثلة في جميع أعضاءها كل الذي وصلنا خبر من زفت الطين أفاد ان مصدره أحد أعضاء المنبر (حسب تلميحه)، بموجب هذا الخبر وبسرعة شديدة جداً عقب كلآم الهندي كتب بقال بوست !؟. أنا ما عارف إذا كان كتب بتفويض من اللجنة أم لا ؟. المهم البوست ظهر مباشرةً عقب مقال الهندي، علماً بانّ الهندي قال اخبرته عصفورة من سودانيز اون لآين !؟. يعني بأختصار كل الذي وصلنا وصلنا عبر الهندي وبقال، عجبي !. مصدرين غير موسوق فيهما . من الأخطاء التي حصلت إختيار بقال في اللجنة من اللوّل .
الشئ البحيّر صمت عمر واعضاء اللجنة حتي الآن . نصبر نشوف آخرتا شنو . علي كُلٍ زفت الطين مستهدفكم جميعاً وهو جزء لا يتجزأ من العصابة الجاثمة علي صدر البلد ويجب التصدي له في نظري .
من هم الإخوة الذين ذكروا أخلآق عمر يا خضر ؟...
Post: #76 Title: Re: الهِندي زِفت الطين يا اخي ....... Author: معاوية المدير Date: 09-29-2015, 08:07 AM Parent: #75
Quote: الناس ديل
الناس مِنُون ؟، قلنالك الكلآم دا محصور في نفرين ؤُ بس زفت الطين ؤُ بقال ...
Post: #77 Title: Re: الهِندي زِفت الطين يا اخي ....... Author: خضر الطيب Date: 09-29-2015, 09:54 AM Parent: #76
حبابك ود المدير
Quote: القضية ليست قضية مدح وقدح في عمر أو مصداقية عمر، القضية إنو حتي الآن ما سمعنا إفادة من اللجنة ممثلة في جميع أعضاءها كل الذي وصلنا خبر من زفت الطين أفاد ان مصدره أحد أعضاء المنبر (حسب تلميحه)، بموجب هذا الخبر وبسرعة شديدة جداً عقب كلآم الهندي كتب بقال بوست !؟. أنا ما عارف إذا كان كتب بتفويض من اللجنة أم لا ؟. المهم البوست ظهر مباشرةً عقب مقال الهندي، علماً بانّ الهندي قال اخبرته عصفورة من سودانيز اون لآين !؟. يعني بأختصار كل الذي وصلنا وصلنا عبر الهندي وبقال، عجبي !. مصدرين غير موسوق فيهما . من الأخطاء التي حصلت إختيار بقال في اللجنة من اللوّل .
الشئ البحيّر صمت عمر واعضاء اللجنة حتي الآن . نصبر نشوف آخرتا شنو . علي كُلٍ زفت الطين مستهدفكم جميعاً وهو جزء لا يتجزأ من العصابة الجاثمة علي صدر البلد ويجب التصدي له في نظري .
من هم الإخوة الذين ذكروا أخلآق عمر يا خضر ؟...
صدق الهندي وهو كذوب وكذلك هذا البقال دعنا من هؤلاء , لكن يجب الاعتراف بأن هناك قضية و مسئولية هذا الامر ملقاة على عاتق اللجنة و التي تكونت : برئاسة الاخ ناذر الخليفة و عمر عثمان وعضوية الاخوات منال خوجلي ، انعام عبدالحفيظ و حسين ملاسي ، بدرالدين اسحق ، ابراهيم بقال .. كما ذكرهم الاخ عمر عثمان في بوست المشروع و كل المذكورين عاليه موجودين بالمنبر , كان يمكنهم التصدي للهندي وبقال اذا كان الموضوع مجرد فرية واشانة سمعة كما يعتقد البعض دفن الرؤس في الرمال يعتبر تواطؤ ويقود الى المزيد من التشكيك في هذه اللجنة انا شخصياً لا اشك في سلامة نوايا الاخوة الذين تصدوا لهذا العمل و لا ينبغي لي لكني كمتابع كنت اتوقع من اللجنة تمليك الحقائق لكل عضوية سودانيز اونلاين اول بأول لاظهار جديتهم و لقفل الطريق امام هذا الهندي و امثاله و لتثبيت مبدأ الشفافية و الذي تتطلبه مثل تلك الاعمال و لضمان حرص ومساهمة الناس في مشاريع قادمة يستفيد منها عدد مقدر من المحتاجين حذف البوستات المتعلقة بهذا الامر فيه اساءة للمنبر و عضويته و تثبيت ما قاله الهندي وبقال
كت اووت : دفع البوست في اتجاه اجلاء الحقيقة افيد من توجيهه في اتجاه ادانة هذا الهندي.
Post: #78 Title: Re: الهِندي زِفت الطين يا اخي ....... Author: حيدر حسن ميرغني Date: 09-29-2015, 10:20 AM Parent: #77
شاحد ربي يلم فيك الهندي عز الدين بمقال يخلي ريحتك ماياها انا غايتو بدفرلو كم معلومة كده وشمارات حارة من البرتا تدفع كم اعمل غمران منه.
Post: #79 Title: Re: الهِندي زِفت الطين يا اخي ....... Author: الطيب عثمان يوسف Date: 09-29-2015, 11:35 AM Parent: #78
Quote: شاحد ربي يلم فيك الهندي عز الدين بمقال يخلي ريحتك ماياها انا غايتو بدفرلو كم معلومة كده وشمارات حارة من البرتا تدفع كم اعمل غمران منه
*** أوسكار أوسكار ......بكري زاتو انا عندي عنو كم معلومة كدا لو الهندي محتاج...........حيدر كل سنة وانت طيب .
Post: #80 Title: Re: الهِندي زِفت الطين يا اخي ....... Author: عمر عثمان Date: 09-29-2015, 04:20 PM Parent: #79
يا جماعه مالكم الحاصل شنو ؟؟؟؟؟؟؟؟؟؟ !!!!!!!!!!!!!
Post: #81 Title: Re: الهِندي زِفت الطين يا اخي ....... Author: على محمد على بشير Date: 09-29-2015, 04:37 PM Parent: #80
Quote: يا جماعه مالكم الحاصل شنو ؟؟؟؟؟؟؟؟؟؟ !!!!!!!!!!!!!
Post: #82 Title: Re: الهِندي زِفت الطين يا اخي ....... Author: معاوية المدير Date: 09-30-2015, 06:46 AM Parent: #81
Quote: عموما الود المتهند المتنهد ده هو اساس موضوعنا رمى رميته و استجاب لها من استجاب لا طعنا فى مصداقية المنبر وبس بل حتى الروابط الاخوية الصادقة و نبيلة بين العضوية التى نمت و ترعرت فى هذا المكان ابلغ رد على هذا المأفون هو الانصراف لانجاز الوعد الذى ينتظره اهل لنا وروح المسلمى عند بارئها تقول طوبى لأخوة لى سعوا لخير باسمى من شارك فى المحاولة الاولى احسب ان اجرهم كتب عند الله بحكم قول رسول الرحمة انما الاعمال بالنيات و نيتهم واصلة ان شاء الله اقدر و احترم تماما سكوت اخوة المنبر و المرحوم بالداخل واصلو علاج الموضوع مع اخونا عمر بروح الاسرة فانتم اعلم به منا المستجدين فى هذا المكان لا تنتبهو لما كتب هذا البقال و لا لربيب الكيزان الذى علا شأنه فى زمن اصبح فيه الوضيع سيدا رسالة اخيرة عزيزنا عمر حتى لا يزايد من يزايد و يصطاد من يصطاد تعال و اطرح الموضوع فى الهواء الطلق و ستجدنا اخوة من حولك نشد من ازرك و لو انفضّ الجميع من حولك فلن انفضّ من حولك جمايلك سابقة يا جميل و غلطاتك مغفورة بأذن الله و تاريخ البورد يحكى تحياتى ليك و اسأل الله ان بفرج همك و كربتك
Post: #83 Title: Re: الهِندي زِفت الطين يا اخي ....... Author: الطيب عثمان يوسف Date: 09-30-2015, 07:08 AM Parent: #82
Quote: عزيزنا عمر حتى لا يزايد من يزايد و يصطاد من يصطاد تعال و اطرح الموضوع فى الهواء الطلق و ستجدنا اخوة من حولك نشد من ازرك و لو انفضّ الجميع من حولك فلن انفضّ من حولك جمايلك سابقة يا جميل و غلطاتك مغفورة بأذن الله و تاريخ البورد يحكى تحياتى ليك و اسأل الله ان بفرج همك و كربتك
*** الأخ ود سعادة المدير في البدء دعني أهنيك بالعيد ولك الأمنيات الصادقة بكل ما هو جميل . تانيا : تقبل اعتذاري عن التأخير في هذه التحية رغم أنني تداخلت كثيرا ضمن هذا المفترع ، لك العتبى حتى ترضى .
Post: #84 Title: Re: الهِندي زِفت الطين يا اخي ....... Author: جلالدونا Date: 09-30-2015, 07:18 AM Parent: #83
Quote: يا جماعه مالكم الحاصل شنو ؟؟؟؟؟؟؟؟؟؟ !!!!!!!!!!!!!
كلو خير يا عمر والف مرحب بيك بين اخواتك و اخوانك
Post: #85 Title: Re: الهِندي زِفت الطين يا اخي ....... Author: الطيب عثمان يوسف Date: 09-30-2015, 08:05 AM Parent: #84
*** ستظل بيننا أخانا الذي عرفناك وكما نصرناك من قبل الى أن هداك الله ها نحن معك الى أن يهيدنا واياك .
Post: #86 Title: Re: الهِندي زِفت الطين يا اخي ....... Author: جلالدونا Date: 09-30-2015, 08:33 AM Parent: #85
العزيز الطيب قرأت البوست المشار اليه فعلا لايعرف الوفاء الا اهل الوفاء شكرا يا كبير و عمر بخير ما دام امثالك فينا
Post: #87 Title: Re: الهِندي زِفت الطين يا اخي ....... Author: الطيب عثمان يوسف Date: 09-30-2015, 08:40 AM Parent: #86
Quote: و عمر بخير ما دام امثالك فينا
*** جلادونا وعمر بخير ما دام أمثالك فينا . فشكرا لك مقدر صديقي
Post: #88 Title: Re: الهِندي زِفت الطين يا اخي ....... Author: Yousif A Abusinina Date: 09-30-2015, 09:25 AM Parent: #87
Quote: [* ستظل بيننا أخانا الذي عرفناك وكما نصرناك من قبل الى أن هداك الله ها نحن معك الى أن يهيدنا واياك .
كما قالها اخى الطيب اعلاه عمر فوق كل هذا الهراء معادن الرجال لا تصدا والاصول لن تنتهى وستظل دايما كما عهدناها لعمر اخوان يقفوا وراه بالغالى والنفيس شكرا لود المدير جلادونا وجميع المتداخلين
عمر عثمان خط احمر مهما قال زفت الطين على قول ود المدير
Post: #89 Title: Re: الهِندي زِفت الطين يا اخي ....... Author: طلحة عبدالله Date: 09-30-2015, 09:39 AM Parent: #88
غايتو يا ود المدير بوستيك تحول ل (عود عشر) .. يا جماعة الخير لو عايزين الخير فعلا لجنابو عمر عثمان فأبعدوا عن الكلام الرومانسي الممزوج بالتحديات العاطفية .. المشكلة ليس في أخلاقه وصفاته وأصله وفصله دا مقام له مقال مختلف .. المشكلة الآن هي تشكيك الهندي عز الدين في نزاهة وأمانة الأخ عمر قاصدا الجزء وهو يريد الكل ( البورداب) وأرفق مع اتهاماته أدلته غير المنكورة .. أولويات القضية التى تحتاج للتركيز عليها هي دفع هذه الجزافيات الهندية وصدها عن صدر المنبر وكذلك عمر عثمان وهذا لن يتأتي إلا بظهور الأخير علنا .. غير كدا يظل الجرح نازفا ويبقي الحديث عن صفاته السمحة مجرد مرهم مخدر للألم لا يمكن أن يساعد في إبراء الجرح. أفهمووها يا أخوان بارك الله فيكم .
Post: #90 Title: Re: الهِندي زِفت الطين يا اخي ....... Author: الطيب عثمان يوسف Date: 09-30-2015, 11:20 AM Parent: #89
Quote: وهذا لن يتأتي إلا بظهور الأخير علنا
*** وهذا ما قصدناه يا طلحة وتظل المسؤولية كاملة على عاتق عمر كمسؤوليتنا تجاهه بالضبط الى أن ينجلي الأمر .
*** شكرا طلحة وأقدر جدا شعورك .
Post: #91 Title: Re: الهِندي زِفت الطين يا اخي ....... Author: الطيب عثمان يوسف Date: 09-30-2015, 11:22 AM Parent: #90
Quote: شكرا لود المدير جلادونا وجميع المتداخلين
*** وشكرا ليك مقدر السيد ابوسنينة وعساك من العايدين الفايزين .
Post: #92 Title: Re: الهِندي زِفت الطين يا اخي ....... Author: معاوية المدير Date: 10-01-2015, 05:32 AM Parent: #91
Quote: يا معاوية يا مدير .. كل عام وانت بخير .. وأضحى مباركـ عليكـ والأسرة ..
وإنت والأهل ومن تحب يا ود القوز، يتعاد علينا وعليكم باليُمن والبركات ...
Post: #93 Title: Re: الهِندي زِفت الطين يا اخي ....... Author: معاوية المدير Date: 10-01-2015, 05:34 AM Parent: #92
Quote: كل سنة وانتو طيبين
وإنت طيّب أخي معاوية ...
Post: #94 Title: Re: الهِندي زِفت الطين يا اخي ....... Author: على محمد على بشير Date: 10-01-2015, 06:17 AM Parent: #93
موقف لا يتمنى اى احد فينا ان يكون فيه اتمنى من كل قلبى ان تنفك كربة اخونا عمر وربنا سميع مجيب
ايها الاخوه
لفت نظرى فى بوست الاخ بقال فقره قال فيها بقال انو اتصلوا بأسرة الاخ عمر وذلك فى غمرة البحث عنه وافاد ان والد وشقيق الاخ عمر افادوهم بأن عمر سافر وحينما علموا بسبب السؤال عنه افادوهم ان الاخ عمر عليه ديون كثيره وهذا على حسب افادة بقال فى البوست المحزوف
ويقينى انو الاخ بقال لولا الشديد القوى لما ظهر وكتب ذاك البوست وكما اعلم وتعلمون مدى قوة العلاقه التى تربط بورداب الخرطوم بعضهم البعض ومدى عمق الالفه والموده بينهم لولا ذلك لما سكتت اللجنه عن الامر طوال تلك المده والذى جعلنى اميل لتصديق رواية بقال هو صمت اعضاء لجنة البير وعدم ظهورهم لتبيان الحقيقه وصمتهم هذا يؤكد رواية بقال اضافة لصمت بورداب الخرطوم الملمين او المتابعين للموضوع ويبدو ان هناك حرجا كبيرا يشعرون به فى التعرض للامر ومناقشته فى العلن وخاصه وان عمر اخ وصديق عزيز ان لمن يكن لكل فلغالبية بورداب الخرطوم ، اضافه الى انو مافى شئ يجبر بقال ليقول ما قاله فى البوست المحزوف عن اخ وصديق عزيز عليه لولا انه اراد ان يخت الحقيقه امام الجميع بعد ان صبروا شهور ولم يرد عليهم عمر او يوضح لهم حقيقة الامر الاً مؤخرا عبر الفيساو الواتساب لا ازكر ولاحد الاخوه من بورداب الخرطوم وافاده ان هناك خطأ وسيقوم بتصحيحه
فشنو الامور واضحه جدا عمر يعانى من مشكله او مشكلات قد يكون هو الان يعكف على حلها واولها مشكلة هذا العمل الخيرى او هو محتاس وهو الان يضرب اخماس فى اسداس ويبحث عن حل لما هو فيه ولديه خيارات اخرى قيد البحث
وكما قلت واسلفت لا نملك الا ان ندعو للاخ عمر بأن يفك الله كربته ويحل ضائقته وهى ظروف يمكن لاى احد فينا ان يمر بها اذا لم يحسبها صاح ونتمنى ان نسمع خير عنه وعن حل جميع المشاكل فالمال الى زوال ويبقى الانسان
فيا اخوتى ان صحت رواية الاخ بقال فلا ارى داعى لمواصلة النقاش فى هذا الامر فى المنبر العام خاصه واننا لا نملك يقينا كاملا يجعلنا نصدر احكام او نفتى فى الموضوع ، والشخص الوحيد القريب من الاحداث حكى وتجاهلنا حكايته هو الاخ بقال ولا ادرى الى الان السبب الذى جعل بكرى لحزف بوست بقال
وانا ارى من وجهة نظر شخصيه ان نترك الامر للجنه ولبورداب الخرطوم وللاخ عمر نفسه ويمكن ان يكون بقال استعجل وفهم الامر خطأ ويمكن ان يكون ما قاله حقيقه وحينها مناقشتنا للموضوع ليس من ورائها طائل غير شيل الحال فى امر اصبحت معلومه حقائقه
-- راى شخصى بحت -- اتمنى ان اكون مخطئا فيما وصلت اليه
Post: #95 Title: Re: الهِندي زِفت الطين يا اخي ....... Author: معاوية المدير Date: 10-01-2015, 06:59 AM Parent: #94
Quote: شاحد ربي يلم فيك الهندي عز الدين بمقال يخلي ريحتك ماياها انا غايتو بدفرلو كم معلومة كده وشمارات حارة من البرتا تدفع كم اعمل غمران منه.
*** أوسكار أوسكار ......بكري زاتو انا عندي عنو كم معلومة كدا لو الهندي محتاج...........حيدر كل سنة وانت طيب .
ههههههههههههههههههههههههههه،
خلآس يا عصفورتان في الحجاز . إتحصبنا الله من مقالآت الهندي انا وبكري ؤُ معانا دينق كمان . يا بركة الصباح ؤُ باب الله الفتاح يلم فيكم يوقّف رقبتكم عصا، ؤُ يفرج فيكم ناس البورد والبورضات المجاورة . إستغفرتك يا مالك روحي ...
Post: #96 Title: Re: الهِندي زِفت الطين يا اخي ....... Author: معاوية المدير Date: 10-01-2015, 07:06 AM Parent: #95
Quote: *** الأخ ود سعادة المدير في البدء دعني أهنيك بالعيد ولك الأمنيات الصادقة بكل ما هو جميل . تانيا : تقبل اعتذاري عن التأخير في هذه التحية رغم أنني تداخلت كثيرا ضمن هذا المفترع ، لك العتبى حتى ترضى .
تعظيم سلآم يا جنابو والعيد يتبارك عليك وعلي إسرتك الكريمة وجميع الأهل من جم . هي التحية براها ؟!، برضو فات عليك إنك ماك غريب الدآر ؤُ يفترض نحن نحيّك ؤُ نعيّد عليك . لك العُتبى حتي ترضى ...
Post: #97 Title: Re: الهِندي زِفت الطين يا اخي ....... Author: معاوية المدير Date: 10-02-2015, 05:11 AM Parent: #96
Quote: حولااااااااا والله يا ود المدير انتو اديتو السجمان دا حجم كبير خلاس ياخ دا زول عيفة سااااكت شنو المسك الرقبة وفعل وترك لو لقى فرصة وللا ما لقاها تراهو قاعد يشتم في المنبر كل يوم دا حشرة لا قيمة لها بتاتاً
الغالي يا ود الغالي، يا اخي الزول دا لا تستهينو بيهو، فهو بوق العصابة التي ما زالت تعيس في الوطن الفساد . الكوتة وآحدة يا ود الغالي ...
Post: #98 Title: Re: الهِندي زِفت الطين يا اخي ....... Author: محمد حمزة الحسين Date: 10-02-2015, 08:00 AM Parent: #97
ود المدير العيد يتبارك عليك وكل سنة وانت والاسرة بخير
Quote: الهندي زفت الطين، العيد يتبارك عليك ...
لا تسبوا اباءهم فيسبوا اباءكم في جريدة واسعة الانتشار فأباءكم عزيزين علينا ...... غفر الله لصديقي عمر عثمان لو اخلصنا النوايا المبلغ بسيط يمكن تدبيرهـ من حساب شخص واحد او اتنين وقطعاً لن يتجاوز الثلاثة .....وفي السوق بحصل أكثر من كدي يتربصون بك ليأخذون حقك حتي البنوك صارت تخون مهنيتها وكذلك القائمون علي أمرها : : : : : : : مع التحيات لله الزاكيات
Post: #99 Title: Re: الهِندي زِفت الطين يا اخي ....... Author: معاوية المدير Date: 10-02-2015, 08:04 AM Parent: #98
Quote: لا تسبوا اباءهم فيسبوا اباءكم في جريدة واسعة الانتشار
علينا وعليك يتبارك يا قريبي .
القالك مِنو أنا سبيت ابوهو ؟، إنت ما قريت عربي واللآ شنو ؟...
ابوبكر تصدق و تامن انو الهندي عزالدين و بعد كلام سارة منصور حا يكون ارجل منك ....
البتعمل فيهو دا ما بعملوهو الرجال.......
Post: #101 Title: Re: الهِندي زِفت الطين يا اخي ....... Author: أبوبكر عباس Date: 10-03-2015, 03:14 AM Parent: #100
Quote: ابوبكر تصدق و تامن انو الهندي عزالدين و بعد كلام سارة منصور حا يكون ارجل منك ....
البتعمل فيهو دا ما بعملوهو الرجال
البعمل فوقو أنا؟ تقصد موقفي من الحاصل من موضوع البئر؟ الرجالة البتتكلم عليها ياها الرجالة حسب تعريف سارة منصور ليها؟ رجالة سارة منصور، أنا موقفي منها حددتو زمان، والهندي لو اتهام سارة منصور مثبت بشهادة زواج زي بتاعت الامريكان ما عندي معاهو موقف دوني من خياراتو الجنسية الشخصية، وما أنظر ليهو بدونية وعدم رجولة جندرية. نجي لرجالة الموقف والحق: لو انتا بتفتكر التقطقط علي عمر عثمان في موضوع عمل عام زي دا يا هو دا الرجالة؛ دا طرفي من الرجالة بتاعتك دي. الرجالة تجاه المال العام هي يا ها البعمل فوقها أنا دي، ولو عمر كان صديقي والموضوع لحق طلع للعام كنت بقيف الموقف دا، وبتحت لو أبيع واحد من الأولاد كنت برسل ليهو المبلغ، عشان العمل العام السمح دا ما ينضرب. يوم ود البوش شال ليهو سوط وضربك، موقفك كان أرجل مية مرّة من موقف ود البوش حسب الرجالة البعرفها أنا مبروك عليك رجالة سارة منصور يا "راجل"!!!
Post: #102 Title: Re: الهِندي زِفت الطين يا اخي ....... Author: معاوية الزبير Date: 10-03-2015, 03:24 AM Parent: #101
أظن أبو حسين بقصد بكري ابوبكر بسبب حذفه احد بوستاته --- تعديل لإضافة إنو أبو حسين في الحالتين غلطان من وجهة نظري أنا وليس وجهة نظر المستنير الذي يختلف فهمه للمفاهيم المتعارف على فهمها سودانياً
Post: #103 Title: Re: الهِندي زِفت الطين يا اخي ....... Author: عبدالله ود البوش Date: 10-03-2015, 06:49 AM Parent: #101
Quote: يوم ود البوش شال ليهو سوط وضربك، موقفك كان أرجل مية مرّة من موقف ود البوش حسب الرجالة البعرفها أنا
عرفناها عدم الرجالة كمان جابت ليها عدم فهم يا مستنير ؟ الزول دا قاليك كلامك دا ما كلام رجال بدلا ما تجي تنفي ذلك وتثبت عكسه تقوم تقوليهو اتا ارجل من ود البوش ؟ ههههههههههه ذكرتني الشفع الخوافين الكلام دا اسع ياكلوهو بملاح شنو ؟ واحذرك من الدخول معي في مناوشات لن تتوقع ردة فعلها على الاطلاق فاهم ول اعيد ليك يا مستنير ؟ والبادي أظلم
Post: #104 Title: Re: الهِندي زِفت الطين يا اخي ....... Author: أبوبكر عباس Date: 10-03-2015, 09:51 AM Parent: #103
يا ود البوش سلام، كدي أرجع عاين لمداخلتي وشوفها براحة. كنت محتاج استغل الحادثة القديمة وانتقم بيها لنفسي ومن مصلحتي الشخصية اخليك معاي. لكني داير اثبت فهم جديد لرجالة الموقف اول حاجة، انا قلت ليهو موقفك داك أرجل مية مرة من موقف ود البوش، وليس انت ارجل مية مرّة من ود البوش. بخصوص الرجالة حسب فهمك ليها انت - من موقفك داك- وابوالحسين من موقف دا، اتّا أرجل من ود الحسين متين مرّة (قصرت معاك زدتك مية؟!).
المهم يا زول، الرجالة السودانية المعروفة إتّا أرجل زول في المنبر وبشهاداتك، لكن حسب فهمي للرجالة، أعتقد أنا بكون أرجل منك وبالتالي أرجل من ناس المنبر والدليل موقفي من عمر عثمان والتحية برضو للزميل ود القوز
Post: #105 Title: Re: الهِندي زِفت الطين يا اخي ....... Author: عبدالله ود البوش Date: 10-03-2015, 10:16 AM Parent: #104
وعليكم السلام يا ابوبكر عباس اختصر ليك الكلام ومافي داعي للت والعجن وفوران الدم في الفاضي ساكت كل الحكاية ما كان في داعي للزج باسمي في ردك على ابوحسين فانا لست شخصية عامة ولا المشكلة كانت مشكلة راي عام عشان تضرب بيها المثل شكلة بين نفرين وانتهت في وقتها تاني البجيبك تعيد تدويرها شنو ؟ علما بانني حذرت ناس كتار من الزج باسمي في مشاكلهم مع أبو حسين منهم من احترم رغبتي ومنهم من يعاند وانا بردي لك لا أتكلم عن الرجالة ول ملاح اللوبا بام تكشو انا هنا بنهبك للخطأ الذي ارتكبته في حقي وبحذرك من عواقيه أتمنى ان أكون وصلت لك ما قصدته والسلام
Post: #106 Title: Re: الهِندي زِفت الطين يا اخي ....... Author: أبوبكر عباس Date: 10-03-2015, 10:24 AM Parent: #105
ما في مشكلة لو داير اسحبها بسحبها، لكنها بتكلفني اعادة صياغة اتنا صحي ما شخصية عامة، لكن ناس القضاء بقولوا علي الحادثة سابقة المهم ما في مشكلة الخيار عندك لو قلت نسخبها بسحبها وما بعدم طريقة أوضح بيها موقفي
Post: #107 Title: Re: الهِندي زِفت الطين يا اخي ....... Author: HAIDER ALZAIN Date: 10-03-2015, 10:26 AM Parent: #105
Quote: اختصر ليك الكلام ومافي داعي للت والعجن وفوران الدم في الفاضي ساكت كل الحكاية ما كان في داعي للزج باسمي في ردك على ابوحسين فانا لست شخصية عامة ولا المشكلة كانت مشكلة راي عام عشان تضرب بيها المثل شكلة بين نفرين وانتهت في وقتها تاني البجيبك تعيد تدويرها شنو ؟ علما بانني حذرت ناس كتار من الزج باسمي في مشاكلهم مع أبو حسين منهم من احترم رغبتي ومنهم من يعاند وانا بردي لك لا أتكلم عن الرجالة ول ملاح اللوبا بام تكشو انا هنا بنهبك للخطأ الذي ارتكبته في حقي وبحذرك من عواقيه أتمنى ان أكون وصلت لك ما قصدته والسلام
والله اكان جينا للرجالة الجد ... فالرد دا ياهو الرجالة وموقف الرجال..
والمستنير اخد سيك في تعاريفو المدغمسة للرجالة..:) :)
هسع الواحد اكان سألك * يا ابوبكر الليبرالي انت بالجد كدة جايي حاشر قصة سوط وشكلة نفرين وسط النضم دا مالك ..؟! داير تحرج ابو حسين قصدك والا " رجالة " منك ساي
ـــــــــــــ.. * انساك ما تركز في سؤالي ساي ما للاجابة
Post: #113 Title: Re: الهِندي زِفت الطين يا اخي ....... Author: عبدالله ود البوش Date: 10-03-2015, 11:32 AM Parent: #107
حيدر الزين ياخي مشتاقين ويدوم الود
Post: #108 Title: Re: الهِندي زِفت الطين يا اخي ....... Author: عبدالله ود البوش Date: 10-03-2015, 10:28 AM Parent: #105
هو بكري ابوبكر دا ذاتو استاهل الدق زي ما قالت اختنا عفاف أبو حريرة ياخي خم البوست دا ريحنا منو زي ما خميت بوست بقال وربنا افرج كربة حبيبنا عمر عثمان ويا عمر عثمان عليك دينك وعليك البينا من معزة اظهر لينا وكلنا اخوانك وحرم نقيف معاك وقفة رجال لمن اغلبك البتقولو ذاتو ثم انه ود المدير دا ذاتو عولاق ساهي هندي شنو المسوي ليهو قومة نفس
Post: #109 Title: Re: الهِندي زِفت الطين يا اخي ....... Author: أبوبكر عباس Date: 10-03-2015, 10:45 AM Parent: #108
أهلا حيدر الزين، جيب لي إذن من ود البوش وبرد ليك على سؤالك
يا أخي، مداخلة ود البوش الأخيرة مقنطرة، لكن زي ما بقول الدوش بقيت أنقر في الحصى!!
Post: #110 Title: Re: الهِندي زِفت الطين يا اخي ....... Author: أبوبكر عباس Date: 10-03-2015, 11:03 AM Parent: #109
يا أخوانا، معاوية الزبير دا تعبان معاي، وكل ما يشوفني شايل شلاقتي وحايم يكون خاتي يدو في راسو خايفني اجيبها كبيرة! طمرت فيك صداقة الشارقة
Post: #111 Title: Re: الهِندي زِفت الطين يا اخي ....... Author: muntasir Date: 10-03-2015, 11:08 AM Parent: #110
خليك من معاوية احنا الما قابلناك خايفين علي الليبرالية البقت بالرجالة وطالعني دي
Post: #112 Title: Re: الهِندي زِفت الطين يا اخي ....... Author: عبدالله ود البوش Date: 10-03-2015, 11:28 AM Parent: #110
ابوبكر عباس ياخ ولا يهمك وحصل خير ولايهمني مسح المداخلة من عدمها فقط كانت رسالة واعتقد تفهمتها ودا المهم عندي مع الشكر والتقدير . . ياخي وين كتاباتك السمحة ديك بقيت تباري اللالاية وتبلق من طرف بعد تجيب ليك رقبة ههههههههه لو ما عرفت تبلق دي بزعل منك ولبعدين حيدر زول الشرقية دا ما تشتغل بيهو بالك كتير اسع بطلع نصف القمر وهناك الوضع مختلف جد
Post: #114 Title: Re: الهِندي زِفت الطين يا اخي ....... Author: أبوبكر عباس Date: 10-03-2015, 11:55 AM Parent: #112
مرات يا منسة (دلع منتصر)، أقول أعاقب ناس المنتدى وأمشي، أخليهم في ضلالهم يعمهون! هسع توافق الناس كلهم يمين ويسار حول فقه النعامة مع موضوع عمر دا، موش حاجة تحيّر؟!
يا مستنير .. موضوع البوست ده ما عندو علاقة بى عمر فعل وللا ما فعل موضوع البوست ده عن استهداف الود المتنهد من عضوية سودانيز اون لاين لييييه مصر تسوق البوست لى حتة ما ياها .. نعم للاستنارة لكن ما قدر ده ------------ التوقيع ,, واحد مسكين
Post: #116 Title: Re: الهِندي زِفت الطين يا اخي ....... Author: أبوبكر عباس Date: 10-03-2015, 01:46 PM Parent: #115
فعلا مسكين! كدي أول مداخلة ليك في البوست دا قلت فيها شنو؟ يا مسكين!
Post: #117 Title: Re: الهِندي زِفت الطين يا اخي ....... Author: محمد البشرى الخضر Date: 10-03-2015, 02:05 PM Parent: #116
بداية مداخلتك يا ابوحسين غير لائقة ايّا كان المقصود بيها و اتمنى ان توضح ما هي العمايل المقصودة وفصّل في اعتراضك عليها بطريقة افضل تساعد في استمرار الحوار مع صاحبها
ثانيا يا بكّور ياخي اشقفت عليك والله, مجهودك الكبير في رسم شخصية المستنبر الواثق من نفسه و قايت الناس مسافة في تقديره ونظرته للامور نسفته بكل بساطة في انفعالك و ردّك وزدت الطين بلّة باستدعاءك لحادثة الخلاف فرقك شنو من ناس ابوروضة و باقي شلّة الأغبياء أسّي :) اتعبت معاوية الزبير ومنتصر و مولانا الملك معاك ياخ
Post: #118 Title: Re: الهِندي زِفت الطين يا اخي ....... Author: أبوبكر عباس Date: 10-03-2015, 02:11 PM Parent: #117
هسع يا ود البشرى، فرقك من حيدر الزين شنو؟ وحالتو أنا المستنيك تجي تشرح ل "المساكين" ديل ما غُمّ عليهم من الاستدعاء الفيهو الاستعداء للجميع دا!! لكن خسارة، الجينات واحدة!
Post: #119 Title: Re: الهِندي زِفت الطين يا اخي ....... Author: محمد البشرى الخضر Date: 10-03-2015, 02:35 PM Parent: #118
يا بكّور اقول ليك شنو بس! كدي خلّيني افوق من صدمة خيبة أملي فيك كأقرب مرشّح يتولّى مهمة البروف في رسالة التنوير في البورد:) غايتو نصيحة كدا اسمعها أو أديها البحر بعد دا اخد راحتك واطلع من ثوب المستنير وما ترهق نفسك بلبس اقنعة العب بي وجهك الحقيقي و انتصر لنفسك بالحق و الباطل وشاكل شكلك عادي, ويلكم إون بورد
Post: #120 Title: Re: الهِندي زِفت الطين يا اخي ....... Author: أبوبكر عباس Date: 10-03-2015, 03:07 PM Parent: #119
الحبية المغدورة.. الحبية المغدورة! الكلمة دي ما غريبة علي يا صاحبي لكن ناسيها ذكّرني بالله
مع فائق المواساة في الفقيدة الاستنارة التي اتخطفت في عنفوان شبابها
Post: #127 Title: Re: الهِندي زِفت الطين يا اخي ....... Author: محمد البشرى الخضر Date: 10-04-2015, 12:27 PM Parent: #126
Quote: قبل قليل تم تسليم المبلغ كاملا 51 مليون بواسطة شقيقي دكتور خالد للأستاذة منال خوجلي داخل مبنى المنظمة و التي سلمته فورا لإدارة المنظمة و استلام الشيك الذي يخصني بواسطة شقيقي من ادارة المنظمة. و الحمدلله من قبل ومن بعد
جنابو عمر عثمان
اعلاه ما كتبه جنابو قبل قليل في الفيس بووك, واستأذنته لنقله للبوست دا الحمدلله الذي لا يحمد على مكروه سواه, ما ضاقت إلاّ لتفرج يا جنابو, وما خاب من راهن عليك وعلى أهليتك للمسؤولية و الثقة التي اوليتها. لعناية الهندي و بقية الضباع التي ظنت ان هناك جثة واتت لتنهش فيها
Post: #128 Title: Re: الهِندي زِفت الطين يا اخي ....... Author: محمد البشرى الخضر Date: 10-04-2015, 12:29 PM Parent: #127
بعد دا يا بكّور ممكن نشوف موضوع قناع الإستنارة الشمعي الساح مع أول تعرض لإختبار في ضوء الشمس :)
Post: #129 Title: Re: الهِندي زِفت الطين يا اخي ....... Author: على محمد على بشير Date: 10-04-2015, 01:12 PM Parent: #128
Quote: بعد دا يا بكّور ممكن نشوف موضوع قناع الإستنارة الشمعي الساح مع أول تعرض لإختبار في ضوء الشمس :)
ههههههههه
حمد الله على السلامه يا ناس وسقطت اقنعه كثيره
Post: #130 Title: Re: الهِندي زِفت الطين يا اخي ....... Author: omer osman Date: 10-05-2015, 06:32 AM Parent: #129
قال امامنا الشافعي رضوان الله عليه : دع الأيام تفعل ما تشاء وطب نفسا إذا حكم القضاء ولا تجزع لحادثة الليالي فما لحوادث الدنيا بقاء وكن رجلا على الأهوال جلدا وشيمتك السماحة والوفاء ولا حزن يدوم ولا سرور ولا بؤس عليك ولا رخاء
وقال الشيخ محي الدين الشيخ محمد شريف السماني ايه الخوة كا ما اخوك قلع من جيبك وايه الخوة كان ما اخوك بيستر عيبك وايه الخوة كان ما اخوك بيعرف صيبك وايه الخوة كان في الحارة اخوك بسيبك الاخوان رفاقة واصدقهم عازنك والمال ان فقدتو بجيك وبرجع ذاتو والاخو كان خسرتو خسرت كل حسناتو اخوك من الوكر من المطبات حلو ابواتنا القبيل بالحكمة نضمو وقالو ماتدي الغرض لي اخوك وتكشف حالو اخوك ان تب فتر من المعايش جمو كان اصبحت وافر اخوك ات بتمو لاتنكد عليه وفي القليل ما تذمو واخوك ان كان كعب ياتو البلاك بلمو تابع حالو واصرف وابقي جمبو وامو بالخير بالحنان ان عندك اغشاو وعمو ماتقول البزعلو والبفور سمو وما تخاوي البدور المال يكون ارباح خاوي البيض وجوهن وفي الظلام صباح تزيد الخوة كل ما يهل ليك صباح وان درتو المحبة اتقادمو واتهادو وافشوهو السلام في الساحة ثم تهادو اصلح لي اخوك بنيانو ما تكون هادو عاملو وامشي جاملو وفي الحديث ما تحادو البينك وبين اخوك اربط مرافج سوره عمق للعلاقة وزيد وابني لسوره بي حكمة عقل هم اصلح المكسورة واتحرك دوام ماتبقي قاعد صورة ايه فايدة اخوك من غير مرعاة ومد وايه الخوة من غير احترام ومودة وقدر ما نكيل ونضاري في حاجاتنا مابنقدر نصل بحرا يشيل لجاتنا ما دام نحن بالاخوان نزيل عوجاتنا عقب الدنيا شن فيها ان ابت وان جاتنا عقب الدنيا شن فيها ان ابت وان جاتنا عقب الدنيا شن فيها ان ابت وان جاتنا
شكراً جزيلاً اصدقائي الذين لايسع المجال لذكرهم لقد جملتموني برسائلكم واتصالاتكم واياديكم البيضاء منذ الوهلة الأولي كنت اقول لهم وليتهم سمعوني المسألة ليست خيانة أمانة فخيانة الأمانة تستلزم النية وسوء القصد لكن كل مافي الأمر سوء طالع أو علي ابعد تقدير سوء تقدير مني !!! وان علاج الأمر لايعدو ان يكون مسألة وقت وقد كان ولله الحمد من قبل ومن بعد
اما بقية الاخوان فااقول لهم (ان لم تعرفني فأكرمني بحسن ظنك فحسن الظن راحة لايعرفها الا من جربها فأحسنوا الظت تطيب حياتكم) ودائماً عامل الناس علي مبدأ (ان لم تنفعه فلا تضره وان لم تفرحه فلا تغمه وان لم تمدحه فلا تذمه)
والعفو والعافية ودمتم
واقفل المحضر بساعته وتاريخه ...
Post: #131 Title: Re: الهِندي زِفت الطين يا اخي ....... Author: عبدالله ود البوش Date: 10-05-2015, 06:51 AM Parent: #130
Quote: واقفل المحضر بساعته وتاريخه ...
تمام سعادتك افندم الحمد لله أولا واخيرا
Post: #132 Title: Re: الهِندي زِفت الطين يا اخي ....... Author: Yousif A Abusinina Date: 10-05-2015, 08:36 AM Parent: #131
Quote: [Q
سلام عليكم ورحمة الله الاخوان بسودانيز اون لاين انا من المتابعين للموقع لفترة استمرت لأكثر من 10 سنوات واعرف الكثير من اعضاء الموقع من خلال كتاباتهم ومتابعتي لها. اليوم اتحدث عن العضو عمر عثمان (فرج الله كربته) وشهادة حق اقوله فيه وليس لي سابق معرفة به ولم التقي به الا من خلال المنبر ، انه رجل بشوش يدخل القلب من دون استئذان ، صاحب مواقف رجولية مع جميع الاخوان ، فتوجد نماذج كثيرة اذا رجعتوا للارشيف ، فأتمني من الاخوان الا يتعاملوا معه بالمثل الذي يقول التور اذا وقع بتكتر سكاكينو .. فعمر عثمان يمر بظروف قاهره ابحثوا عنه ، اعينوه على هذه الظروف فهو اخوكم وزميلكم وحبيبكم فلا تكونوا انتم والزمن عليه ، اعرفوا ماذا حدث له ، فأمثال عمر عثمان يستحيل يخونوا العشرة والاخوان فهنالك امر مااااااااا.. حوش بكري والله مليان رجال يسدوا عين الشمس ماذا انتم فاعلون .. فكلنا سوف نقف معه وهذا رقمي 00966500509034
رسالة الاخ الفاضل عماد من الفيس
شكرا لك اخى عماد نيابة عن اخوانا عمر عثمان
اطمئنك نيابة عنه ان الامور بخير وعلى خير
عمر رجل قوى ويعرف كيف يتصدى لمثل هذه المواقف
كثر الله من امثالك وما عدمنااااااااااااك يا ابو الرجال
Post: #133 Title: Re: الهِندي زِفت الطين يا اخي ....... Author: معاوية المدير Date: 10-05-2015, 09:29 AM Parent: #132
سلآم للجميع والتبفى محبتنا لبعضنا البعض وخوتنا مصدر لحسن الظن في بعضنا البعض، وبنيان مرصوص يشد بعضه بعضا لصد هجمات الحاقدين وتفتيت نواياهم السيئة علي جدار صمودنا في وجوههم البائسة .
تعظيم سلآم جنابو عمر . إفتكر جنابو عمر جاوب علي جميع ما تبقى من مداخلآت، ولكم جميعاً مني جزيل الشكر وعميق محبتي، وليذهب الهندي زفت الطين ومن شايعه وإنتهج نهجة لأقرب كوشة من بيته .
الحمد والشكر لله من قبل ومن بعد ...
Post: #134 Title: Re: الهِندي زِفت الطين يا اخي ....... Author: معاوية المدير Date: 10-05-2015, 09:32 AM Parent: #133
سلآم للجميع والتبفى محبتنا لبعضنا البعض وخوتنا مصدر لحسن الظن في بعضنا البعض، وبنيان مرصوص يشد بعضه بعضا لصد هجمات الحاقدين وتفتيت نواياهم السيئة علي جدار صمودنا في وجوههم البائسة .
تعظيم سلآم جنابو عمر . إفتكر جنابو عمر جاوب علي جميع ما تبقى من مداخلآت، ولكم جميعاً مني جزيل الشكر وعميق محبتي، وليذهب الهندي زفت الطين ومن شايعه وإنتهج نهجة لأقرب كوشة من بيته .
الحمد والشكر لله من قبل ومن بعد ...
Post: #135 Title: Re: الهِندي زِفت الطين يا اخي ....... Author: حيدر حسن ميرغني Date: 10-05-2015, 09:36 AM Parent: #134
Quote: واقفل المحضر بساعته وتاريخه ...
تشكر يا اصيل
Post: #136 Title: Re: الهِندي زِفت الطين يا اخي ....... Author: محمد حمزة الحسين Date: 10-05-2015, 10:15 AM Parent: #131
Quote: القالك مِنو أنا سبيت ابوهو ؟، إنت ما قريت عربي واللآ شنو ؟...
Quote: الهِندي زِفت الطين يا اخي .......
Quote: الهندي عزالدين ياخي .........
Quote: لا تسبوا اباءهم فيسبوا اباءكم في جريدة واسعة الانتشار
Quote: الهِندي زِفت الطين يا اخي .......
Quote: الهندي عزالدين ياخي .........
Quote: لا تسبوا اباءهم فيسبوا اباءكم في جريدة واسعة الانتشار
يا سلآلآلآلآلآلآلآلآلآلآلآلآلآلآلآم علي عبقريتك يا اخ، شكراً للفت نظري للإقتباسات التي غابت عن بصيرتي . غايتو يا ود المدير لوم السنين، يا اخي صدقني انا عاجز عن شكرك، وإن شاء الله ربنا يجعلا في ميزان حسناتك . خليك قريب دايماً للتصويب بالله .
ناس معزتنا ما بنريد غيرُن ...
Post: #138 Title: Re: الهِندي زِفت الطين يا اخي ....... Author: محمد على طه الملك Date: 10-06-2015, 04:29 AM Parent: #137
بى صحك يا ود المدير .. يعنى بالله أستاذ العربي الهرانا بالصوت في درس الصفة والموصوف شال ذنبنا ساكت ؟
Post: #139 Title: Re: الهِندي زِفت الطين يا اخي ....... Author: معاوية المدير Date: 10-06-2015, 06:12 AM Parent: #138
Quote: بى صحك يا ود المدير .. يعنى بالله أستاذ العربي الهرانا بالصوت في درس الصفة والموصوف شال ذنبنا ساكت ؟
اشكوهو علي رب العباد يا ملك .
لما تكون الصفة جملة أو شبه جملة يجب أن يكون الموصوف نكرة .
