ماذا تقرأ هذه الأيام .. في المنبر

02:48 PM Sep, 16 2015
سودانيز اون لاين
معاوية الزبير-الدوحة
مكتبتى فى سودانيزاونلاين



أين تسهر هذا المساء
عمود يومي في صحف زمان

يستعرض الأفلام التي تعرضها دور السينما بالعاصمة المثلثة
لمحة عن قصة الفيلم وتصنيفه وأسماء أبطاله
هكذا:
الهروب الكبير
التصنيف: حربي
الأبطال: ستيف ماكوين، فلانة الفلانية الخ (الفيلم دا أظن ما فيهو مرا زاتو)
القصة: مجموعة من المعتقلين يدبرون خطة مستحيلة للهروب من السجن المستحيل الهروب منه لاب لاب لاب

أحيانا أو كثيرا لا أذكر، يستعرض الفعاليات الثقافية الأخرى
مسرح، حفلات موسيقية، حفلات غنائية، معارض تشكيلية .. الخ

في بوست مرة جاب صورة للعمود بتاع (أين تسهر هذا المساء) يا ريت صاحب الصورة (إذا 1 في المليون مر على هنا) يجيبا تاني
وبالعدم، يا ريت شباب السبعينات يجوا يصححوا كلامي الفوق دا ويظبطوه ليغنينا عن الصورة
يللا يا قباني و elawad وabureesh وعاطف عمر ومصطفى مدثر ومن لف أقصد عاش زمنهم

البوست دا فيهو إحراج لأصحاب بوستات لا يُنصح بالمرور عليها
و زي ما بقول صاحبي المستنير كل زول يجيب معاهو كفتيرتو، شاي، ينسون، ما ينسون
المهم أي حاجة بتتشرب (إن شاء الله تكيلا) ياخد شفطة طوييلة عالية الصوت ويقول: من هو هذا الوهم ؟

بالله هسّ لو الزول فتح بوست زي دا وكان جادي
وقام بعداك زاغ من المنبر زوغة الطريفي
الناس رايها ح يكون شنو ؟
أقل حاجة ح يحردوا الحاجة الحارة (أو الباردة في حالة التكيلا) الجايبنها معاهم ويقوموا يتنفضوا سابين ليهو الدين

كان مفروض العنوان يكون:
ماذا لا تقرأ هذه الأيام في المنبر
لكن الاستعجال
عشان كدا قلنا في مدرسة أستذتنا على الزميل ضرغام الزول يراجع كويس قبل ما يعمل سيند

ضرغام دا وين يا جماعة
أنا شاعر بتأنيب ضمير تجاهو
إن شاء الله يمر على البوست دا ويجئ يتسدا حقو فيني
وبالمرة نعتذر ليهو

استاذ ( حقيقة و مجازا ) معاويه
من واقع استذتك على يا معاوية
تحية من صميم ( قم للمعلم و وفه التبجيلا )
اولا: انت خاطرك يبرى من التانيب
ثانيا : منشورى شاهد ( الاستذه ) و لاسباب خاصه كتبته بالحبر السرى و لكى تقراه عليك النفخ بهدؤ على شاشة الكمبيوتر فسيظهر لك المنشور
ثالثا : اهديتك منشورى ( واو خطيره ..... ) فى ذات مساحة المنشور اياه كتعبير عن قبولى الاستذة جملة و تفصيلا
ادينى اضانك اوريك الحصل شنو و اوقعنى فى ( كشف الحال دا )
.............. و محبتى

سلامات يا معاوية
المرحوم والدي عمل رئيسا لقسم الاعلان بجريدة الصحافة حتى حلها عقب الانتفاضة طيب الله ثراها
باعتبارها من الصحف المملوكة للاتحاد الاشتراكي - هن كلهن اتنين هههه- المهم عمود اين تسهر هذا المساء
عمود اعلاني و اظن ناس السينما ذاتهم هم البيكتبوا الحاجات العجيبة ديك..ناس رقص ، اثارة، سكوب، الوان.
كل سينما بتجيب شغلها جاهز و الحساب كان بالبوصة. اعتقد أن هذا ما كان يحدث. دليلي على تبعية هذا العامود
لناس الاعلان هو كمية التذاكر الاكرامية الكانت عندنا طول الوقت في البيت..نوزع منها للأهل و الجيران
بس في الغالب كنا نحتفظ بتذاكر قاعة الصداقة لانفسنا ههههههه.

قاعة الصداقة شنو يا دكتور
نحن مشرّكين لي ناس (برمبل)

المواضيع الجاذبه للقراءه فى تناقص مستمر

ربما لعزوف الكثيرين عن الكتابه

وربما لطغيان المواضيع الشخصيه على الكتابه

واحيانآ تدفعك لغة الكتابه لهجر القراءه

بمرور الزمن اصبح السؤال بالنسبه لى

لمن تقرأ هذه الايام

..
دي مدرسة دروس خصوصية تانية غير حقت ضرغام يا معاوية ؟؟
..

فهمت غلط

معاوية سلامات،
طبعا مافي سبب يدخلني بوست السبعينيات ده (وجه بتعبيرحسب الرغبة).. لكن في الثمانيات قبال شريعة نميري (المطاوعية ما تتحاومو هنا) قبال الشريعة
كان الباب ده عادي في الصحف ويغطي برامج السينمات والكازينوهات وأماكن اللهو الأخرى وعلى رأسها غوردون ميوزيك هول، ما دخلتها لكن باب الكاوبويات بتاعها ماثل في الذهن.
أما حكاية الهروب الكبير بتاعت ستيف ماكوين أعتقد أن الترجمة الصحيحة لاسم الفيلم (الفراشة)لأنو في الوقت داك ناس دور السينما بعملو ترجمات تجارية زي (تيزر) وتدور أحواله في مستعمرة غويانا الفرنسية.
وكان ما بخاف الكضب ستيف ماكوين كان معاهو داستن هوفمان.
باقي الونسة نخليها لناس السبعينيات.
مودتي.

Quote: نحن مشرّكين لي ناس (برمبل)

اكان كدي ادونا خاتركم

لا يا سيف ياخ
طيب انتظر الحلو

واحد خروفو مرض مرض شديد ليلة العيد، حللو وهو معلقو في باب الشارع بسلخ فوقو مرّ مدمن لبرامج العيد قال ليهو:
دا شنو؟ تشاهدون غدا!!
لو ما ليها علاقة بالبوست أو قديمة؛ أعفوا لي.

والله يا بكور لو الناس قعدت تعفي ليك وتعفي ليك وتعفي ليك بالطريقة دي تقوم يوم القيامة كما ولدتك أُمُكَ

أقرأ هذه الأيام لكل من يكتب عن شهداء سبتمبر .. ( يعني افلام الأحد فى( الخرطوم غرب .. ) أو الأربعاء فى ( النيل الأزرق)

و لا أقرأ لبعض الكتاب حتى لو كان العنوان جاذبا ( الخميس فى النيلين) ..

لم أجد من أقول عنه أنه يمثل نادى السينما ( أيام شداد و محمد مصطفى و الشاب نجدى - حينها -)

Quote: طيب انتظر الحلو

الحلو..تعال غسل لعمك ده *
-------------------------------------------
* نكتة اقدم من حقت ابو بكر

غايتو
اظل اتاوق الى ان تضح الفكرة
باقى بعض مرات الفهم تقيل
كان للقراية بنقش اقصد بنقرا كل شى
غندى احساس انو جوّه القرايات الكعبة بتلقى حاجات سمحة
_____
بالمناسبة كتيلا دى شنو
______
و تانى بالمناسبة عندى مشروع بوست اسمو
و فى البدء كانت حفرة
فترقبوهو و ارجو ان تقروهو

مثلاً مثلاً، وإن كنت خارج السياق، فإن:
http://sudaneseonline.com/board/480/msg/%d8%b9%d9%8a%d9%88%d9%86%d9%83-%d9%8a%d8%a7-%d8%ad%d9%85%d8%a7%d8%af%d8%a9-%d9%81%d9%8a%d9%87%d8%a7-...9-.--1439455581.html


يستحق القراءة والمتابعة...



..............................

يا جلالدونا يا عمك
قاليك تكيلا، مش كتيلا

فرق يخليك واقف لط

ولدنا جلالدونا ما بِعِد من المعنى يا بله فصاحبها قتيلا وتقرأ (كتيلا)

الحكم بعد التجربة يا معاوية
السمع ما كتل غزال



ــــــــــــــــــ
عليك الله بعد تعفي لبكور أعفي لي كمان
نسيت الوش الضاحك

Quote: دي مدرسة دروس خصوصية تانية غير حقت ضرغام يا معاوية ؟؟

والله يا عبد الحليم ممكن يكون تطبيق للنظري
هسي شوف حكاية الرد على الناس بدون ترتيب، و دي عندها أسباب (تُذكر في دروس متقدمة) على ألا تنسى أحدا في النهاية.

Quote: نحن مشرّكين لي ناس (برمبل)

خطير و الله ....
كمان بقيت تشرك ....باقي ليك شراب السجاير ....

كيفك يا شاب

أنا اليومين دي قاعد أفتح أقرأ العناوين وأشتت
متضامن مع صلاح جادات وكدا

بس تعرف زي الحالة بتديك إحساس إنو المنبر مليان كتابة كويسة وبتحس إنو زي الفي حاجة فايتاك قلت أحسن أعيش الدور دا وأخليها مستورة لكن ترقبونا في مقبل الأيام وإجازة العيد كترة عناوين بوستات
الله يقدركم عليها بس


ولا يفوتني في هذه ىالسانحة أن أقول لطلحة عبد الله قوم لف بلا شريف الفحيل معاك

Quote: Quote: نحن مشرّكين لي ناس (برمبل) خطير و الله .... كمان بقيت تشرك ....باقي ليك شراب السجاير ....

و ظنّ أنه ..

سلامات يا معاوية الزبير

وشكرا على البوست الظريف
وماذا تشاهد هذه الأيام في المنبر.. أديك أنا وإنت وزع.. من أجل أبنائي.. الشريحة دي من قناة اليوتيوب خاصتي. ونحن من الناس الجو بعد سينما برمبل. أو زي ما قال الشاعر محمد بادي ما حضرنا زمن شنط الصفيح في الجامعة.


وسلامي لكل الذين شاركوا





ياسر

نرجع للردود بالترتيب

Quote: المواضيع الجاذبه للقراءه فى تناقص مستمر

تعرف يا طلحة المسألة شخصية (لقيت نسبية وجدلية ما بِدّن تمام المعنى)
يعني ما يجذبك قد لا يجذب آخر وما يهمك قد لا يقع في اهتمامات آخر وهكذا
لكن بالتأكيد هناك مواضيع تجذب مختلف أو قول معظم المزاجات لقوة الموضوع وآنيته وعنوانه
والكلام ذو شجون يا صديق أو كما يقولون

Quote: فهمت غلط

لا فهمت غلط ولا حاجة يا درديري
مداخلتك ما بعيدة من الموضوع، المشكلة أنا طلعت مشوار ورجعت نسيت تفاصيلك
لكن متذكر حاجتين
واحدة زميلتكم في منتدى مدني البتعزل ليكم البوستات السيئة الحظ
ياخ ما عندكم نسخة شريرة من البت دي تجي تكمّل لي البوست دا
وتعزل لينا البوستات الما نقراها؟ أنا لا أجرؤ.
الحاجة التانية متذكر قلت لي: يا سلااام على البوست الجميل
كان تخلي السطر دا بس على الأقل

الاخ معاوية الزبير

تحياتى وكل عام وانت دوما فى اسعد حالاتك يارب

تجاوزت العامين فى المنبر واحاول ان اجد معادلة بين وقتك وتواجدك وتفاعلك وقراءتك وكتابتك

ولم افلح

السبب كما ذكرت انت آنفا
1-الامزجة المتعددة والتناقضة احيانا والمتقاطعة والمتمايزة
2- العدد الكبير من الناس والمعانى والعناوين وضريبة الوقت
3-نوعية الثقافة لسكان المنبر وجغرافيتهم ووعيهم وادارة حياتهم


لكن يبقى لى ما يحيرنى

هم بوليس المنبر وقضاة المنبر وحكامها

من فقط يهتمون بتصنيف الناس وتعديل رتبهم وتقييمهم حسب قواعد هم يعرفونها

لماذا لا يكون تواجد الناس حسب رغباتهم ولماذا يظل بعضنا يطارد بعضنا ليهزمه او ينفيه او يشرده او يزيله من المنبر

قل ما عندك ودع الاخرين يقولون ما عندهم
اكتب ودعهم يكتبون
من يعجبك اقرا له واكتب له
ومن لا يعجبك تجاوزه واكسب وقتك و وزمنك فيما تراه مفيدا لك ولاخوان

والاهم

اكتب ما تراه لا ما تظنه يعجب الاخرين

ان اهمية ان تكون انت انت هو اننا هنا اخوة ليس بيننا تنفاس ولا حرب
انها ميزة التكافل والتعاضد والافادة
خذ مما عندى واعطنى مما عندك
تمنى لى ان اكون ممتعا وقيا فى حرفى كما اتمنى لك
عاضدنى فيما تراه وفيما لا تراه
لانى امنحك حرفا من دمى
دعونا نتبادل الحريات حين نكتب ونفكر ونتعارك ونتضاد ونتعاضد ونتوازى


شكرا لفكرتك الانيقة ا

تحياتي للاصحاب هنا
سبقني الصديق حرسم وبلغة وبيان يفوق قدراتي

Quote: قل ما عندك ودع الاخرين يقولون ما عندهم اكتب ودعهم يكتبون من يعجبك اقرا له واكتب له ومن لا يعجبك تجاوزه واكسب وقتك و وزمنك فيما تراه مفيدا لك ولاخوان والاهم اكتب ما تراه لا ما تظنه يعجب الاخرين

تمام يا حرسم، تمام يا حفيظو، هذا ما ينبغي أن يكون.
المنابر الاسفيرية دنيا بحالها لن يكون روادها كما نشتهي وإلا لكانت هي اليوتوبيا المبتغاة
نكتب ونكتب، نتعرض للمدح وللهزء وللتجاهل
نكتب ونكتب .. نجِدُّ ونهزِل
وفي النهاية نكون أنفسنا
أنا هسي في البوست دا هازِل رغم ما حولي في المنبر من بوستات جادة
لكني لحظة فتحته كنت مرحا
فكتبت نفسي
أشكركما على البوح الصادق

أهلين إبراهيم حموده

Quote: طبعا مافي سبب يدخلني بوست السبعينيات ده (وجه بتعبيرحسب الرغبة).. لكن في الثمانيات قبال شريعة نميري (المطاوعية ما تتحاومو هنا) قبال الشريعة كان الباب ده عادي في الصحف ويغطي برامج السينمات والكازينوهات وأماكن اللهو الأخرى وعلى رأسها غوردون ميوزيك هول، ما دخلتها لكن باب الكاوبويات بتاعها ماثل في الذهن.

اهو ناس السبعينات بدوا يظهروا
عندك الباشمهندسين طلحة السيد ومعتصم الطاهر، ديل طبعا قريبين هنا في الدوحة.
طبعا نحن ناس أقاليم لكن أووول ما المدرس يقول ضعوا القلم في آخر امتحان نجري السوق (كوستي) للترزي الأفرنجي عبد الله أحمد
نشيل البناطلين والقمصان الجديدة وجاك بلا يا الخرطوم
كيف،، طبعا "لازمَك توب جديد وبي أيّت تمن" عشان ما تتحرج قدام ناس العاصمة
بالمناسبة بكتب في الرد دا وبسمع في مصطفى سيد احمد
الآن هو يؤدي في قصيدة عاطف خيري معتوقة ومعتقة ومنعتقة (جالوص)
ح أقتطف منها أبيات في المداخلة التالية
ليك نسخة وللشعراء المعانا هنا معتصم الطاهر وبله الفاضل وحرسم أخرى، وثالثة للأحباب الضيوف:

صوتك وكت قطع البحر
قبال مراكب العمدة
ضهر النيل عِرق ..

والشمس فوق حبل الغيوم
شرت جلاليب النعاس
ناشف غرب مبلول شرق

والمطرة زى شفع العيد
تدخل غرف كل البيوت

حكمة الجوع الشرح للأرضة
كيف تقرأ المِرق قبال يقع
فوقـك سقف
اتنحنح الجالوص
أمرق على مهلك ..
مروق الحنة من ضفر العروس
واصعد على مهلك ..
صعود البذرة والروح والشموس
كتّاب يا عاطف
عزّال يا مصطفى

Quote: أنا هسي في البوست دا هازِل رغم ما حولي في المنبر من بوستات جادة لكني لحظة فتحته كنت مرحا فكتبت نفسي

انا زاتي (كتبت نفسي ) لما فتحت بوست العُري داك ...

لأني لحظة ما كتبته كنت ( مرحاً ) ...
_______________________

طيب عليك الله تنزّل لينا (ليك مخلص جد ماني هازل) نمشي ننوم بيها
ولو بي صوت خوجلي يكون أحسن لينا نحن ناس التمانينات

هاك نوم ..
ومعليش يا قباني للتعدي على الاختصاص ..

يا سلااام على البوست الجميل

وبصراحة انا كمان بردد ما قاله درديري
يا سلام على البوست الجميل..

والله يديك الصحة والعافية

الاخ الاستاذ معاوية الزبير

لك و لضيوفك التحية الطيبة ..

اتذكر ذلك البوست الذى اشرت اليه فى صدر بوستك هذا ..

الماضى و ما حواه جد جميل .. اما السينما و ما ادراك ما السينما .. فاذكر اننا كنا نجلس فى ظل الصباح شتاءا حول احد ابناء الحلة الذى قضى وقتا فى كوستى مع اخيه الذى كان يعمل معلما هناك .. و كان يبدأ يقص علينا الافلام التى زعم انه دخلها فى سينما كوستى و كانت السينما الوحيدة فى كوستى منذ الصباح الى ان ياتى الظهر و كنا نتحول من ضل الضحى الى ضل الضهر و كنا نستمع بكل تلك قصص الافلام التى يحكيها لنا .. و اذكر جيدا انا لا يكرر قصة فلم واحد على مدى فترة اجاوته التى تتجاوز الشهرين .. و فى العام التاى كان ياتينا بالمزيد من القصص المثيرة التى ننتبه لها بكل حواسنا .. و بعد حين ذهبت الى كوستى و مدنى و غيرهما و دخلت السينما و اكتشفت ان صاحبنا كان مؤلفانى مكن الدرجة الاولى .. فيدخل فلما واحدا و على شاكلته ينسج قصصا لا عد لها ..

فى المنبر هذا يا عزيزى معاوية ..

يقراء افراد الشلة لبعضهم البعض .. و دى شئ يوجع جوة ..

حقيقة اتألم جدا من تلك الشلليات المنبرية ..

تحياتى و تقديرى ..

يعزك اللا نام لا اكل الطعام يا ود المشرف ما بتقصر
لكن هسي قباني يجيبا ليك فيديو كليب لعوض الجاك زاتو

هههههههههههه ..

..
دي مشكلة الدخول في زاقاقات منتصف القرن الماضي :)

اخي معاوية ىالزبير وضيوفه الاكرام
تحياتي
انا ساكن في المنبر بفهم شنو أنو فيهو لي أصحاب ونبدأها هنا وبعدها نقوم نرحل للفيس بوك بس لسه في نكهة ألفة مميزة مع سكان هذاالمنبر لا أعلم
ما قادر أبعد امكن عشان أصبحت مدمن نت وسينما برمبل وجنون الليل
للجميع صادق الاجلال

Quote: يعزك اللا نام لا اكل الطعام يا ود المشرف ما بتقصر لكن هسي قباني يجيبا ليك فيديو كليب لعوض الجاك زاتو

الفيديو الجابو المشرف زاتو ( من قناتي على اليوتيوب ) على قولة كباشي الصافي ...

و ما عليك ( غتوة ) عندي التسجيل بصوت عوض الجاك ...

اها دي يحلوها كيفن ؟
__________________________________________________________
داير احكي ليكم قصة فلم مدرسة المشاغبين لما جا سينما كلوزيوم سنة 73 او 74 ما بتذكر ...

هههههه ..
طوالي تنزل فديو عوض الجاك يا قباني ..
معاوية ده مال زول حمدالريح وخوجلي عثمان والجيل داك..
هو بس من الاول ما كان قايل انو في تسجيل بي صوت عوض الجاك :)

Quote: هههههه .. طوالي تنزل فديو عوض الجاك يا قباني .. معاوية ده مال زول حمدالريح وخوجلي عثمان والجيل داك.. هو بس من الاول ما كان قايل انو في تسجيل بي صوت عوض الجاك :)

ان شاء الله بي ليلي ده يا مشرف ...

بس عندي شغلة مارق ليها ... فيها طقطقة اصابعين خفيفة كده و بجي راجع ...

Quote: هههههه .. طوالي تنزل فديو عوض الجاك يا قباني .. معاوية ده مال زول حمدالريح وخوجلي عثمان والجيل داك.. هو بس من الاول ما كان قايل انو في تسجيل بي صوت عوض الجاك :)

ان شاء الله بي ليلي ده يا مشرف ...

بس عندي شغلة مارق ليها ... فيها طقطقة اصابعين خفيفة كده و بجي راجع ...

Quote: وبصراحة انا كمان بردد ما قاله درديري يا سلام على البوست الجميل..

يا أميرة.. تتجمّل الأيام الطويلة الراجياك إن شاء الله..
الحكاي درديري كباشي وصف نفسه بإنو من الناس الما بختاروا عناوين جذابة
يعني ما عارفو عايز يكمّل فراشات الدنيا كلها ولّ شنو
---
شايف حيشان المسانيح كترت، حوش يفتح في حوش ينبثق عن حوش تالت وهكذا
ذكرتني رسمة (كيف تصل للكنز)

Quote: ان شاء الله بي ليلي ده يا مشرف ... بس عندي شغلة مارق ليها ... فيها طقطقة اصابعين خفيفة كده و بجي راجع ...

ماشي تحلق لي زول ولّ شنو يا قُبا

بالله يا ود البشرى تاني لما تنزل ليك وش ضاحك بدون كلام
امشي كبشر لينا المداخلة المقصودة واشرح لينا أسباب النزول زاتا
برانا متحسسين

واحدة من بركات البوست انني قرأت مداخلة محمد عبد الله حرسم

الله ينورها عليهو وعليك يا معاوية

وانا هسع أدندن

في زمن الغربة والارتحال

،،،،،،
وانت انت عشقي

وما دام البوست يسمح بالشرائح فسوف أجلب الشريحة في المداخلة القادمة وفي جاه الملوك نشوت

ياسر

مرحب بيك ياسر الشريف
في انتظار ما تجود به
وأشكرك على تنزيل أغنية (الحصاد) الخالدة
و من مِنا لم يدخل (من أجل أبنائي) أكتر من سبعه مرات،
منها خمسه داكين ليها المذاكرة ملفقين (أولى) كذباتنا المفضوحة عند المدرسين والأهل
-------
إن شاء الله لي عودة لاحقا للمداخلات المفطوطة بنية العودة ليها بمزاجها

Quote: صوتك وكت قطع البحر قبال مراكب العمدة ضهر النيل عِرق .. والشمس فوق حبل الغيوم شرت جلاليب النعاس ناشف غرب مبلول شرق والمطرة زى شفع العيد تدخل غرف كل البيوت حكمة الجوع الشرح للأرضة كيف تقرأ المِرق قبال يقع فوقـك سقف اتنحنح الجالوص أمرق على مهلك .. مروق الحنة من ضفر العروس واصعد على مهلك .. صعود البذرة والروح والشموس كتّاب يا عاطف عزّال يا مصطفى

عزال شديد يا مدير
متابعه
نحن طبعا بنتاوق من الشباك يا مخضرم دا كلام كبار علينا

Quote: لا فهمت غلط ولا حاجة يا درديري مداخلتك ما بعيدة من الموضوع، المشكلة أنا طلعت مشوار ورجعت نسيت تفاصيلك لكن متذكر حاجتين واحدة زميلتكم في منتدى مدني البتعزل ليكم البوستات السيئة الحظ ياخ ما عندكم نسخة شريرة من البت دي تجي تكمّل لي البوست دا وتعزل لينا البوستات الما نقراها؟ أنا لا أجرؤ. الحاجة التانية متذكر قلت لي: يا سلااام على البوست الجميل كان تخلي السطر دا بس على الأقل

ما جميل دي ذاتها جزء من الفهم الغلط هههههههههههه

لا أنا فهمت عكس ..

كنت فاكر أن النشاط المشتعل في المنبر يخلي بوستات رائعة تنتقل للصفحة الثانية قبل ما تلاقي حظها من الاطلاع والمشاركة وعشان كده قلت لك ربطته مع بوست ضرغام .

وحكاية بت مدني كانت جزء من الحل لهذا الاشكال .. وهي تعمل ملخص لكل البوستات مع روابطها بالتالي البوست حتى لو انتقل للصفحة العاشرة يوجد دليل يساعد على ارجاعه ..

لكن أكتشفت أنت تقصد العكس أي البوستات التي لا تستحق العناء أو يمكن برضو فهمت غلط .

والله يا درديري زي ما بقولوا ناس الكورة، جهجهت باكاتي
لكن أقول ليك؟ الاتنين سوا
فكرتك جميلة طبعا لكن كمان تختار المواضيع البتستاهل بي فهم منو؟
ارجع لمداخلة حرسم وموافقة أبو سن
وبرضو عايز أقول ليهم عدم تداخلي في بوست معين لا يعني إنو ما عاجبني
أحيانا لا تجد ما تضيفه أو لا تسعفك ثقافتك المعينة في التداخل في ذاك البوست وهكذا
فتكتفي بالمتابعة وتكون مبسوط، شخصيا يحدث معي هذا كثيرا
أشكرك، أهو مداخلتك رجعت كاملة تقريبا باستثناء الثناء بالغلط

الاستاذ معاوية (تقرأ عمو معاوية ) نحن مواليد التمانينات ديل نقعد نكشف بس







كتر خير الحوش الخلانا نقرا حكاوي الزمن الما تع

اها دي قعدة

الباشمهندس الشاعر معتصم الطاهر
شاعر (الجندول) علي محمود طه أيضا كان مهندسا شاطرا وشاعرا أشطر

Quote: أقرأ هذه الأيام لكل من يكتب عن شهداء سبتمبر .. ( يعني افلام الأحد فى( الخرطوم غرب .. ) أو الأربعاء فى ( النيل الأزرق) و لا أقرأ لبعض الكتاب حتى لو كان العنوان جاذبا ( الخميس فى النيلين) .. لم أجد من أقول عنه أنه يمثل نادى السينما ( أيام شداد و محمد مصطفى و الشاب نجدى - حينها -)

مداخلة ذكية كعادتك
نحيي معك شهداء سبتمبر.. كلهم أفضل مننا بالتأكيد
مرات أفتح بوستات ونسة فيما المنبر يعج بالبوستات الجادة: الموت والاختفاء والنضال
فأسأل نفسي هل أنا مخطئ وأحتفظ بالإجابة لنفسي، لأنها طويلة وتحتاج لبوست لوحدها

اها حكاية الخميس في النيلين دي مااا تركن عليها. والله مرات بجيبو أفلام فلتة
تعرف أيام إجازات المدرسة البنقضيها في الخرطوم كانت سينما النيلين هي الأقرب لمنزل أشقائي في لفة القوز
ولكن كنا نفضّل سينما غرب لأن أفلامها تناسب مزاجنا. بالرغم من ذلك كنا نرتاد النيلين من وقت لآخر ونطلع مبسوطين.
مداخلتك التانية بتاعت (ظنّ أنه..) العلّقت فيها على مداخلة أبو حسين ما وقعت لي

Quote: Quote: Quote: نحن مشرّكين لي ناس (برمبل) خطير و الله .... كمان بقيت تشرك ....باقي ليك شراب السجاير .... ------- و ظنّ أنه ..

سلام معاوية وضيوفه الكرام البوست رائع وموفق ومافي شك ..
وخاصة بعد دخول المعلم حرسم .. فهو واحد من الناس يأخذ نفسا عميقا ويرجع ورا خالص قبل ما يدخل في أي بوست دائما يذكرني بالعملاق كرستيانو رولاندو لامن يجي يشوت فاول .
هذا المنبر كأسمه فهو عبارة عن سودان مصغر .. فهو يحمل أمزجة السودانيين بمختلف توجهاتهم وأهوائهم وطباعهم المشتركة والمختلفة .
من طباعنا المشتركة في السودان هو نحن دائما مانحاول نثبت المتغيرات ونغير الثوابت وهذا سلوك عاطفي بحت ليس للعقل يد فيه .
أقرب الصورة بمثال من العملاق وردي في لقائه مع هيثم كابو في قناة هارموني قبل عدة سنوات .
سأله كابو عن تجربة عدة فنانين ظهروا أبهروا ثم أختفوا ومنهم سأله عن وردي الصغير .
رد وردي بدأ متلعثما وجر الكلام ( و ر د ي الصغييييير)
كابو قاطعه :( هل السؤال صعب ؟)
وردي : أبدا بس لأنه هو ما عاد صغير ؟
أجابة تحمل عدة معاني . منها لم يعد شخص يحتاج لنصيحة مثلا . أو ليس في بداية مشوار لتقيم تجربته ..لكن لاحقته لعنة اللقب حتى وهو يخطو نحو الستين .ولم تعطه فرصة ليقول ها أنذا .
وهذا سلوك عاطفي فالأم ترى أبنها الصغير صغيرا حتى لو قارب الخمسين تشفق عليه أذا تأخر خارج البيت وتتعب أذا مرض .. وتصفه بولدي الصغير حتى لو أصبح جد .
لو حاولنا نعمل اسقاط لكل ما ذكر أعلاه على هذا المنبر ستجده كذلك .. العضو الجديد صغير وبرلوم في كل شئ حتى لو كان عمره ستين وله أكثر من عشر سنوات يكتب في منابر أخرى ,,

بمناسبة مداخلتك المكبشرة فوق دي يا ابوحسين (التعديل لإضافة اسمك)
شايفك متابع تطوري في المنبر
بس ما تكون لابد ليّ بي شيتن كُتُر زي ما غنى عركي

ثم أنا قاعد ألِف براي مافي داعي تصرف لي واحد قوم لِف
(الطبلية البتبيع دفتر البرنسيس جمب بيتنا، بنجئ لافين جاهزييين)

ذكرتني تعبير بشري الفاضل في قصته الممتعة
الغازات
ماحافظ التعبير لكن بجتهد
ممنوع البصق
عبارة مكتوبة داخل البص
قرأها نصف امي ممنوع البص فلم ينظر نحو جارته
وقرأها آخر كامل الامية .. ممنوع البص .. يعني هذا البص ممنوع فنزل
ف شنو
لغاية هسة من عرفت حكمة مشروعية هذا البوست

Quote: البوست دا فيهو إحراج لأصحاب بوستات لا يُنصح بالمرور عليها

الثمالة سمحة يا أولاد الزبير وأب سن...
غايتو جبت (تكيلا، كتيلا) واحدة فوق
مع أنه في حاجات تانية حامياني برضك
بس الإشارة ليها رافع

بالمناسبة:
زمان عمك درش عمل حاجة زي كدا
بس خلاها معلقة ومشى
....

ولقد ثملت هنا فأبحت السكر أيضاً:



http://sudaneseonline.com/board/480/msg/%d9%84%d8%a7-%d8%b2%d9%84%d8%aa-%d8%a7%d8%aa%d8%ac%d9%85%d9%84-%d8%b9%d9%85%d8%a7%d8%af-%d8%b9%d8%a8...9%87-1442473025.html




.............................

دا شنو البوست الذيذ دا


والله يعميني فيهو ما شفتو الا الليلة



سلام عليكم يا رايقين ومروقين و(متكلين)

ولو في بكان خلونا (نـتكل) معاكم

تحياتي استاذ معاوية ..



المرور على البوستات يعتمد على مزاجك الشخصي ..

مزاجك النفسي والسياسي والثقافي والاجتماعي ..

في بوستات تتداخل وتستمتع بها وهنالك بوستات تمر عليها مرور الكرام وهنالك بوستات لا تفتحها اساسا ولا تضيع فيها وقتك ..

هنالك كتاب يجيدون في بعض البوستات ويخيبون ظنك في بوستات اخرى ..


والمفيد :

ان تحط رحالك في اي بوست تجد فيه فائدة لك ويتناغم مع مزاجك .. يضيف اليك ولا يخصم منك ..

وتتجاوز اي بوست بتاع مهاترات وكلام فارغ ..

هذا مع ملاحظة أن اكثر البوستات اصبحت من النوع الذي يستحق الاجتياز ..

احتراماتي لك ولضيوفك ..

((ذكرتني تعبير بشري الفاضل في قصته الممتعة
الغازات
ما حافظ التعبير لكن بجتهد
ممنوع البصق
عبارة مكتوبة داخل البص
قرأها نصف امي ممنوع البص فلم ينظر نحو جارته
وقرأها آخر كامل الامية .. ممنوع البص .. يعني هذا البص ممنوع فنزل))

هههه بشرى ممتع يا ابوسن
بس إن شاء الله الزول النزل من البص يكون بصّ نحوَ جارتِهِ

قلت لي كل واحد قرأ البوست دا بما يليه!
لكن زي ما شايف أهو مافي زول شات برّا الشبكة
ثم إنو الحكم أمي

أنا رأيي تسأل الحكم الرابع الملقب بـ"تطير عيشتو"
بكون عندو شرايط الفيديو
-----
التعديل لاقتباس مداخلة ابوسن

سلام جاكم هوي

الجميل في البص بتاعنا دا أنو التعليق غير ممنوع.. يعني زي ما قال حاتم حسن الدابي "الراكب عندو إرادة".. تقرا كتير، أو مرات تتجنب القراءة برضو، تعرف كتير.

يعني.. أنا البهمني من سودانيز أونلاين أن تكون ساحة يتعلم منها كل منا من الآخر .. ولا ننسى مواليد الثمانينات والتسعينات، ونرجو ألا ينسونا من التعليم [من وحي كتابة أحدهم بعاليه]..
فيا ود أب سن "حكمة مشروعية البوست" في تقديري تصب في هذا المعنى . فكما أنه "ليس بالخبز وحده يحيى الإنسان" أقول أن التعليم لا يكون فقط بالبوستات الجادة. هنا حتى الهزل هو جد لأن به يكون تعليم وفايدة..


المغنية إسمها ناميكا، أنا أول مرة أسمع بيها أول أمبارح وبالصدفة وفي اليوتيوب.. نحن في زمن آخر. بحاول ألقى ترجمة جاهزة للإنجليزي ولكن الفرصة مفتوحة لمن يريد أن يترجم للقراء للعربي برضو.
https://http://http://www.youtube.com/watch؟v=3ryohiCVq3Mwww.youtube.com/watch؟v=3ryohiCVq3M


ليبلينغزمينش
Lieblingsmensch
تعني الإنسان المفضل

أولن بالتبادي : إنتو عارفين الأغنية دي شافوها كم نفر.. نفر شنو، قول كم مليون؟ 13 مليون وزيادة، وهي وضعت فقط في يوليو الماضي في اليوتيوب..

على كل حال هذا الجيل من الشباب لديه استعدادات عجيبة. أها نمحو الأمية بتاعتنا معاكم.. إنت فاهم حاجة يا بكور؟؟!! وللا ابن الناظر دا فاهم حاجة؟؟ ها ها ها

LIEBLINGSMENSCH SONGTEXT

Manchmal fühl ich mich hier falsch,
wie ein Segelschiff im All.
Aber bist du mit mir an Bord,
bin ich gerne durchgeknallt.
Selbst der Stau auf der A2,
ist mit dir blitzschnell vorbei.
Und die Plörre von der Tanke,
schmeckt wie Kaffee auf Hawaii. (yeah)

Auch wenn ich schweig', du weißt bescheid.
Ich brauch gar nichts sagen, ein Blick reicht.
Und wird uns der Alltag hier zu grau,
pack' ich dich ein, wir sind dann mal raus!

Hallo Lieblingsmensch!
Ein Riesenkompliment, dafür dass du mich so gut kennst.
Bei dir kann ich ich sein,
verträumt und verrückt sein
na na na na na na - Danke Lieblingsmensch!
Schön, dass wir uns kennen.
Absolut niemand darf's erfahren,
aber dir vertrau ich's an,
weil du's sicher aufbewahrst:
Meine Area 51.
Und manchmal drehen wir uns im Kreis,
aus 'ner Kleinigkeit wird Streit,
aber mehr als 5 Minuten,
kann ich dir nicht böse sein. (yeah)

Mach ich dir was vor, fällt's dir sofort auf.
Lass ich mich hängen, dann baust du mich auf.
Manchmal wiegt der Alltag schwer wie Blei,
doch sind wir zu zweit, scheint alles so leicht.

Hallo Lieblingsmensch!
Ein Riesenkompliment, dafür dass du mich so gut kennst.
Bei dir kann ich ich sein,
verträumt und verrückt sein
na na na na na na - Danke Lieblingsmensch!
Schön, dass wir uns kennen.

Zeiten ändern sich und wir uns gleich mit.
Du und ich, so jung auf diesem alten Polaroid Bild.
Das letzte Mal als wir uns sahen, ist viel zu lang her,
doch jetzt lachen wir, als wenn du nie weggewesen wärst.

Hallo Lieblingsmensch!
Ein Riesenkompliment, dafür dass du mich so gut kennst.
Bei dir kann ich ich sein
verträumt und verrückt sein
na na na na na na - Danke Lieblingsmensch!
Schön, dass wir uns kennen.

سلام معاوية وناس الملجة
البوست بقي ما بيتلحق دليل إهتمام ولا قلة شغلة ما عارف!

غايتو أنا شايف الحكاية ذي ما قال واحد من الأخوان موزعه بين

النيلين وناس ديجانقو
و الخرطوم غرب و ناس ذهب مع الريح
و النيل الأزرق و ناس شجرة عيد الميلاد

على كده وزعوا لينا البوستات مابين

ود الباةقه ومعاوية
وود المشرف وقباني
و صاحب البوست المعنى داك

أنا ما قلت حاجه بهضرب ساكت

أها جيتكم بالترجمة الانجليزية وعمنا قوقل ما بقصر.. شايف كيف؟؟

My favourite person

Versions: #1#2
Sometimes I feel out of place,
like a sailing ship in space
But if you're on board with me,
then who cares if I'm crazy؟
Even the traffic jam on the A2
feels like seconds when I'm with you.
And a flat gas-station drink
tastes like coffee from Hawaii

Even when I say nothing, you know what I'm thinking.
I don't need to say anything, one look is enough.
And if life becomes too monotonous for us
I pack you up and we just clear out

CHORUS:
You're my favourite person
that's a big compliment for how well you know me
With you I can be myself
I can dream, I can be crazy
Thank you for being my favourite person
I'm happy we met one another

Absolutely no one is allowed to know it,
but I entrust you with it
because you will keep it safe
My Area 51
And sometimes we go in circles,
sometimes we fight over something trivial
but I can't be angry at you
for more than five minutes.

If I lead you on, you notice it immediately
if I leave myself hanging, then you build me right back up again.
Sometimes life feels as heavy as lead
but when we're together, everything seems so easy.

CHORUS:
You're my favourite person
that's a big compliment to demonstrate how well you know me
With you I can be myself
I can dream, I can be crazy
Thank you for being my favourite person
I'm happy we met one another

Times always change and they change us too.
You and me, so young on this old polaroid photo.
The last time that we saw each other is far too long ago,
but now we laugh together as if we had never been apart.

You're my favourite person
that's a big compliment to demonstrate how well you know me
With you I can be myself
I can dream, I can be crazy
Thank you for being my favourite person
I'm happy we met one another

A2 هو رقم الهايوي Autobahn القادم من غرب ألمانيا إلى هانوفر مارا بمدينتنا إلى برلين.


Taken from http://lyricstranslate.com/en/lieblingsmensch-my-favourite-person.html#ixzz3lzGckpnFhttp://lyricstranslate.com/en/lieblingsmensch-my-favourite-person.html#ixzz3lzGckpnF

بوستك ده في عضمو محفَز لاعادة التفكير في قراية البوستات بشكل عام
بقرأ بوستات ناس معينين (انت منهم ) - مطاردة البوستات ذات العناوين المثيرة الخالية من اي فائدة مضيعة وقت
تصدق مرات بدخل الارشيف والمكتبات عشان اواصل متعة قراية بوستات كتبوها ناس حلوين غادروا المنبر

معاوية الزبير سلامات

كا عام وانت بخير


اقرا الموضوع ده


تفاتيش في جوزازت السفر

ما بضرك

Quote: شايفك متابع تطوري في المنبر

إنت شايف إنو دا تطور ......؟؟؟؟؟؟؟؟؟؟

Quote: بس ما تكون لابد ليّ بي شيتن كُتُر زي ما غنى عركي

معقول بس يا ود الزبير .. إنت كمان من الناس البلبدو ليهم ...؟؟؟؟
إنت بجيك عدييييييييييييييييييييييييييييييييييل ......
يا زول البخليني ألبد ليك شنو كمان ...؟؟؟

الأخ معاوية وضيوفه الكرام
لكم الود والتحايا الطيبات
كانت هذه المقطوعة الموسيقية الرائعة تعزف كل يوم
قبل المناظر - بس ما في برمبل - تكيلا حلوة بكل
جوانبها ....
ودي ومحبتي ....

يا ود الزبير للأسف ما بقدر اجيب رابط المداخلة سبب الضحكة لأنها ما اتكتبت اصلا, سبب ضحكتي هو فكرة مداخلة جاتني اول ما قريت العنوان قبل حتى ان ارى انك الكاتب عرفتك دا انت, ودعّمت فكرة المداخلة ما كتبت في متن البوست
المهم بعد قريتها في سرّي - تقرا خيالي - لقيتها inappropriate إلى حد ما خاصة ان جو البوست ظريف و خفيف فا اكتفيت بالضحكة بديل ليها وكدا :)
بالمناسبة اعتذر عن قصّة الألفا فا قد خانني التعبير ولم تكن مناسبة تماما لتوصيف الحالة الجات في بالي, الحاجة الأنسب هي ما بين كشّيف أو كيّيف بوستات و بين أم عروس قلقة من كشف الحال مع المعازيم

Quote: المهم أي حاجة بتتشرب (إن شاء الله تكيلا)

ود الزبير .. سلام .. وضيوفك

تكيلا دي .. مش حقت ديجانقو .. وترنتي الجبار ؟؟
ولا دا مشروب جديد في عهد الانقاذ ..وانا ما عارفو .... ؟؟( قاتل الله الغربه )
بوستاتك دائما ممتعه ... وانا من المداومين على متابعتها ..
اما الذين يكررون انفسهم ... في بوستات مخستكه .. فلهم الله ... ضرسونا ...
وهم يحسبون انهم يحسنون صنعا ....

تحياتي ,,,

بابكر قدور: بالغت في الفيديو..
يعني ما برانا القديمين ..

أين تسهر هذا المساء:
حكى لي الخال (خالد) أنه أرسل شقيقه الأصغر (علي) صباحا ليعرف من لوحة عرض الأفلام بسينما الأبيض
عنوان فيلم الليلة ، فعاد (علي) وقال إن عنوان الفيلم : هذا المساء.




معقول محمد أبوالعزائم ابوالريش لسه ما شاف الحاصل هنا والنوستالجيا بالكيلو دي وبد سبنسر وترنس هيل
وابي فوق اللبخه!!




معاويه، قلت لي 99 وواحده وكان على عجل؟

؟

داخل سينما كلوزيوم يا مرتضي كان في صالة عرض أفلام مغلقة ...

بيشغلوا فيها الأفلام عشان السنسرة ...

كان عمنا عزت أبو العلا رحمه الله ... و هو كان من رواد و عشاق السينما من زمن سينما الخواجة في مدني ... وكان راجل ليبرال جداً سابق عصره ...

و كان من أعضاء هيئة السنسرة ... و كان المسئول عمك حسونة ...

اها مرة مرة بعد كبرنا شوية عمك عزت كان ببرنا معاهوا أولاده و كم شاب من شباب الاسرة نمشي نتفرج قبل السنسرة ...

لكن طبعاً أفلام زمان زاتها ما كانت زي حسي ...

يعني لو البوسة طولت يكونوا بالغوا و شتروا و شقوا الهاء ...
______________________________________________________________________
ناس السعودية مرة ديجانقو كتل الخيانا كلهم في الساحة بره ...

و رشة الناس الجوة البار ...و طبعاً البارمان كان لابد تحت الكاونتر ...

لما صوت الرصاص سكت ... البارمان مرق لي فوق كده لقى ديجانقو قاعد ...

اها ديجانقو خت مسدسه و قال ليهو Give me a glass of BEER

اها السعوديين ترجموها ( اعطني قدحاً من البرتقال ) ...

و انحنا عينا للرغوة ...

هههههه قوية والله يا قباني، ما خيبت ظني راجيها من امبارح بالليل
أنا زاتي مداخلتي الكنت عايز اختّها دي ليها علاقة بالسينما
نحيّر ليك ابوسن دا، قال لي البوست دا حكمة مشروعيته شنو؟
البوست ليبرال يا حفيظو، ينداح ويتثنى أينما وجد الأرض منبسطة وكذا الناس

الطيب رحمة قريمان

Quote: الماضى و ما حواه جد جميل .. اما السينما و ما ادراك ما السينما .. فاذكر اننا كنا نجلس فى ظل الصباح شتاءا حول احد ابناء الحلة الذى قضى وقتا فى كوستى مع اخيه الذى كان يعمل معلما هناك .. و كان يبدأ يقص علينا الافلام التى زعم انه دخلها فى سينما كوستى و كانت السينما الوحيدة فى كوستى منذ الصباح الى ان ياتى الظهر و كنا نتحول من ضل الضحى الى ضل الضهر و كنا نستمع بكل تلك قصص الافلام التى يحكيها لنا .. و اذكر جيدا انه لا يكرر قصة فلم واحد على مدى فترة اجازته التى تتجاوز الشهرين .. و فى العام التالى كان ياتينا بالمزيد من القصص المثيرة التى ننتبه لها بكل حواسنا .. و بعد حين ذهبت الى كوستى و مدنى و غيرهما و دخلت السينما و اكتشفت ان صاحبنا كان مؤلفانى من الدرجة الاولى .. فيدخل فلما واحدا و على شاكلته ينسج قصصا لا عد لها ..

زمان 71، 72، 73، في حي النصر/كوستي، كان شاب جارنا اسمه عثمان بابكر سليمان من العالياب (في زول من العالياب في المنبر دا غير قيقراوي؟)
في الإجازات نقعد نحن أولاد الحلة أطفال وصبيان في ضل الضحى ونسمع ليهو يحكي في أفلام من خيالو
الكلام دا قبل أربعين سنة لكن لغاية بكرة أحفظ أسماء شخصيات الأفلام:
البطل الطيب فان مارس، شقيقه الشرير غولفن مارس، و زول تالت اسمه جنكيز عبد الحميد ما عارف شرطي أو بواب

شدة ما خيال الزول دا كان واسع ونحن زاتنا خيالنا جديد بض زي حقل مسقّى تضع فيهو بذرة أي حاجة تقوم أي حاجة
شدة ما كدا، كنا لما نقوم نتنفّض ماشين البيوت كان يتخيل لينا الحلة ما الحلة والبيوت نشوفها بنايات محاطة بي حدايق
وعمال السكة حديد الراجعين الساعة اتنين وشوية نشوفم لابسين بِدل وكرفتات والعجلات القايدنها نشوفها كلاب مدللة
(العمال ديل من شدة تعاونن وتضافرن، كان العندهم عجلات يجاملو الما عندهم ويجو قايدنها بايديهم، تستغرب زاتو سايقنها لشنو من البيت؟!)
تأثرت بحكاية الأفلام دي جدا، ولما وصلت سنة تانية ثانوي قدمت لي معهد في كندا وقبلوني، لكن أهلي قالوا لي امشي ادخل سينما كوستي دي، مالا؟ عيبها شنو؟
هسي الزول كان يكون رئيس جالية ناس ود المدير ومصطفى مدثر وعاطف خيري، لكن تقول شنو مع الرباطاب المتخلفين ديك

عطفا على مداخلة محمد المرتضى ذكرتني موقف طريف
نحن في كسلا كانت الصحف تصلنا بالبص قريب المغرب يعني شبه بايته .. وفوق هذا وذاك أين تسهر هذا المساء لم يكن يعنينا في شئ لآنه يتحدث عن سينمات العاصمة .
لكن البديل في السينما نفسها الشرقية والوطنية توجد صالة رئيسية في المدخل أعتقد أن أي سينما فيها نوع هذه الصالة تعرض فيها بوسترات الأفلام .. والصالة لها باب خارجي من الشبك الحديدي قابل للطي والفرد. .حتى يمكن الرواد من مشاهدة البوسترات في النهار .. القادمين من شرق المدينة يتوقفوا عند صالة السينما الشرقية .وناس غرب المدينة لهم السينما الوطنية .
كنا عادة نجي نقف في باب الصالة من الخارج ونقرأ اسماء الأفلام ونشاهد بوستراتها خلال الأسبوع .
مرة أناوصديق كنا واقفين مع شلة من العتالة وعاملي السوق نقرأ في أسماء الأفلام
أحد العمال ( نصف أمي ) على رأي دكتور بشرى وود أبسن. يقرأ الأفلام بصوت عالي مستعرضا لزملائه كاملي الأمية وأعتقد لنا أيضا .. جاء عند بوستر الفلم المشهور لحسين فهمي وسعاد حسني (أميرة حبي أنا )
قراها بصوت عالي هكذا (أميرة (حي) أنا )

Quote: الثمالة سمحة يا أولاد الزبير وأب سن... غايتو جبت (تكيلا، كتيلا) واحدة فوق مع أنه في حاجات تانية حامياني برضك بس الإشارة ليها رافع بالمناسبة: زمان عمك درش عمل حاجة زي كدا بس خلاها معلقة ومشى

انتو حكاية فلان عمل الحاجة دي قبال كدا، حكايتها شنو
قباني برضو قال ابوحسين عمل كدا و ندم
الناس دي عملت انقلاب ولّ شنو!
------------
التعديل لأنو تشابهت عليّ صور بروفايل جلالدونا وبله الفاضل
يااا بله قرينا الروابط وثملنا
أشكرك

انا ما من زمنكم ده لكن حكى لنا من نثق في روايتهم إنو السواري البنظم الصف في الوطنية أمدرمان لو إنزق زول في صف الزقاق الموازي له بكوركو ليه يا جنابو وبجي بطلعوا

هههه غايتو يا منتصر سينما كوستي ما موازيها أي مبنى
جنبها أكشاك سمك، لو زول خنقتو شوكة ما بنادوا السواري، بدوهوا ام دلدوم

مرة جينا ناكل سمك هناك واحد معانا ضارب سجارة وعطشااان
قال للجرسون: جيب موية ياخ، نحن قاعدين ناكل في بتيخ

الناس بتكلمو عن فترة السبعينات قباني و ود حامد عرجو بالناس للخمسينات ... محنو ليك الشباب ..

Quote: و انحنا عينا للرغوة

اها نان البرتكان مافيهو رغوة

Quote: اخي معاوية الزبير وضيوفه الاكرام تحياتي انا ساكن في المنبر بفهم شنو أنو فيهو لي أصحاب ونبدأها هنا وبعدها نقوم نرحل للفيس بوك بس لسه في نكهة ألفة مميزة مع سكان هذا المنبر لا أعلم ما قادر أبعد امكن عشان أصبحت مدمن نت وسينما برمبل وجنون الليل للجميع صادق الاجلال

طيب يا زهير إتعشى معانا و امشي مزمز بهناك. هي الطرفة بتقول شنو يا شباب؟
شوف يا زهير كم ادعينا وقلنا تاني ما ح (نتداخل)
لكن العايز يقطع علاقتو بي سودانيز يجب ألا يطلع عليه بتاتا (كما قال أحد الزملاء في بوست مجاور)
لأنو إن فعل لا بد أن يجد ما يثيره ويدفعه للتداخل

سمعت، قطع شامة هواك من قلبو إلا هواك نبت تاني!

Quote: Quote: و انحنا عينا للرغوة اها نان البرتكان مافيهو رغوة

ههه يمين افحمتو إفحام يا سيف (لكن كان تقتبس مداخلة قباني معاك)
يا زول نحن زمان في تلفزيون الشارقة كنا بنحذف ليك البار زاتو و يا دار ما دخلك ديجانقو

Quote: أنا اليومين دي قاعد أفتح أقرأ العناوين وأشتت متضامن مع صلاح جادات وكدا بس تعرف زي الحالة بتديك إحساس إنو المنبر مليان كتابة كويسة وبتحس إنو زي الفي حاجة فايتاك قلت أحسن أعيش الدور دا وأخليها مستورة لكن ترقبونا في مقبل الأيام وإجازة العيد كترة عناوين بوستات الله يقدركم عليها بس

حمد (لابد) وين انت
عناوين كتيرة فعلا يا قريبي، ما عايز أقول فيها الغث والسمين، بالتأكيد كل واحد شايف موضوعو ما غث
لكن هناك أخلاقيات عامة وهيومان سينس وفطرة سوية هي القادرة على التمييز. دي ما مشكلة
المشكلة في المواضيع السمينة القاعدة تضيع وسط العناوين الكتيرة دي زي ما قلت

اليومين دي مع تباشير الأضحى، الناس أصحاب السعية جامعين خرفانم في الفسحات ويشيلوا ويشكّروا ويعددوا في محاسِنا
أها نبقى زيهم ونقعد نرفع ضنب بوستينا ونتبن فوقو قدام الناس!
حتى لو فعلت، يقوموا الما عايزين يشتروا يتجاهلوا ليك الضنب الشحمان ويكشِّفوا للعورة.. هههه

زي ما وعدتكم يا ود المشرف و ود الزبير ... و كل من تسول له نفسه ... :)

معليش تأخير 24 ساعة ... لكن طقطقة الأصابعين مهمة و المعايش جبارة ...

اها ... يا الغرامك لي جسمي ناحل ... بي صوت سيدها ... عمكم عوض الجاك ...

تاني تقول لي رغوة ؟

من أجمل دور السينما في العاصمة كانت وطنية غرب ...

خاصة ( الدور التاني ) ... دور المثقفين و المستنيرين :)

لا فرق بين البلكون و الشعب ... أينما جلست فالسينما راقية و نظيفة و لا تعرض أي أفلام ( من طرف )
________________________________________________________________
ارتبط عندي الدور التاني في غرب بالجو البارد ...

أتذكر معظم الرواد بالبنطلون و القمبص ( محشي ) و فنيلة البرد مربوطة حمل الرقبة ...
________________________________________________________________
اما كلوزيوم ... فالفلم هندي و لا ناكل باسطة ...
________________________________________________________________
اما سينما وطنية بحري ... مسافة ما الفلم يصلها ... يكون البطل مات ...

يعزك اللا نام لا اكل الطعام يا ود المشرف ما بتقصر


الاخ معاويه ( يعزك اللانام ولا اكل الطعام) الجمله دى كنت مفتكره خاصه بى براى لانو امى رحمة الله عليها كانت تقولها لى كثيرا انت جبتها من وين معليش ماقدرت اعمل استفهام

بعدين الايام ديل عشان قللن ساعات النت وكثيرا من الاحباط بنقرا اسم الكاتب ونقارنوا بالموضوع ونشوف احتمالات المشاهده حتى لوبقى الكاتب ابوبكر عباس ذاتو

هههه
قلبتوها كان زمان الترماي بجي بي اب روف ونحن بنقعد في قهوة مشلعي ولا منو ما بعرفو
نحن الخرتوم دي جيناها كبار زمن شيش كباب وسبعة بيوت .. وسينما البي ان .. اسمها كدة كمثقفين ..
اها ناس الحكومة ديل لانهم مش مثقفين اول حاجة عملوها كسرو مصلحة السينما او ايا كان اسمها . الافلام كانت بتجي من المصدر مباشرة وتتبرمج علي السودان كلو . يعني ممكن تحضر فلم معروض الان في اكبر دور السينما في العالم
اها جو وفكو اللعب اول .. وشوف عين واحد من حلتنا من المحاسيب بمشي يجيب الافلام الهندية في شنطتو ويتعاقد ويؤجر حتي دخلت الافلام الهندية قاعة الصداقة المحصنة ضد ساقط الافلام
الفلم الكابوي اهم شي فيهو موسيقي الغرب والبطل ماشي في الصحراء .. او الموسيقي والبطل جوة البار والخيانة خاشين عليهو ونحن عارفين بطقطم لكن هو ما عارف

Quote: الاخ معاويه ( يعزك اللانام ولا اكل الطعام) الجمله دى كنت مفتكره خاصه بى براى لانو امى رحمة الله عليها كانت تقولها لى كثيرا انت جبتها من وين

يا عمر دهب نحن زاتنا بنكون من جيل والدتكم عليها رحمة الله.
أدبياتنا الدينية دي زمان، نابعة من بيئتنا ما برّا البلد، وربنا دا بنوصفو بي مقياس أوصافنا البنعرفا ومعتبرنو مننا وفينا بلا أي حجاب سوى حجاب السمو، وتعالى عما يصفون.
أها رايك شنو في حديث الجمعة دا!

Quote: بعدين الايام ديل عشان قللن ساعات النت وكثيرا من الاحباط بنقرا اسم الكاتب ونقارنوا بالموضوع ونشوف احتمالات المشاهده حتى لوبقى الكاتب ابوبكر عباس ذاتو

يا زول بس اقع محل تشوف اسم المستنير دا
كان ما لقيت النجيضة منو بتلقاها عند واحد من البنجضو فيهو جوه البوست

يا عمر دهب نحن زاتنا بنكون من جيل والدتكم عليها رحمة الله.

تعرف يامعاويه ياخوى

فى اعلانات سينما كبيره فى عطبره جمب الجزاره
فى السبعينات انا كنت بكون لابس الشارلستون
وبفتش فى افلام شامى كابور وسبنا
يعنى لو قلت لى ياعمو عمر ماشى
ياربى صاحبك معاويه المدير فى اواخر
السبعينات كان وين هو اكيد بيعرف المكان دا
زمن عطبره عطبره

أنا كمان ذي صحبك حمد يا معاوية بدخل بقرأ العناونين وبشتت
بس أنا متضامن مع الساحرات التلاتة (في وش أخضر هنا)

_______________________________________

في واحد طردني من بوست هو ذاته كان جاي ضيف فيه وقعد
يقول لي يازول أمشي بعيد وده محل دواس وملاكمة وحرب وإنت
ما قدرنا الخ أنا لمن إحترت ذاتو قلت في نفسي ده منبر حوار ولا فسحة فطور يا ربي

كده نلحق نصلي الجمعة ونشتري لينا طرقتين كسرة من أبو الخير ونجيك تاني

Quote: نحن طبعا بنتاوق من الشباك يا مخضرم دا كلام كبار علينا

محمد البحْر

Quote: الاستاذ معاوية (تقرأ عمو معاوية ) نحن مواليد التمانينات ديل نقعد نكشف بس كتر خير الحوش الخلانا نقرا حكاوي الزمن الما تع اها دي قعدة

يوسف طه
غايتو انتو الاتنين وناس جيلكم احسن ناس، ما عندكم زمن أجمل تقارنوه بي زمنكم "الجميل" الحالي
لكن تبقى عوجة كبيرة لو كنتو بتحنّو لأيام التسعينات والله جد

إلا البركة في الواتساب وشنو وشنو الجديدة دي

Quote: دا شنو البوست الذيذ دا والله يعميني فيهو ما شفتو الا الليلة سلام عليكم يا رايقين ومروقين و(متكلين) ولو في بكان خلونا (نـتكل) معاكم

هيثم غالي
من اسم هيثم دا كنت عايز اخليك مع الشباب الفوق ديل
لكن طالما عايز تتكل نخليك في ضروة براك

Quote: المرور على البوستات يعتمد على مزاجك الشخصي .. مزاجك النفسي والسياسي والثقافي والاجتماعي .. في بوستات تتداخل وتستمتع بها وهنالك بوستات تمر عليها مرور الكرام وهنالك بوستات لا تفتحها اساسا ولا تضيع فيها وقتك .. هنالك كتاب يجيدون في بعض البوستات ويخيبون ظنك في بوستات اخرى ..

أهلا عادل إبراهيم
نعم هي المزاجات، وعلى قولتك احسن حاجة تمر مرور الكرام. ففي النهاية الواحد ما مجبور يقرأ كل ما يُكتب.
كل السوء يأتي من بوستات الكراهية السياسية والعنصرية، وهذه لا يمكن علاجها، إلا بعلاج أصل المشكلة
وفي رأيي هذا المنبر لا يصلح لتقديم العلاج في هذه الحالة
إما لأن المريض لا يعترف بمرضه، أو الطبيب لا يحسن وصف العلاج.
رايك شنو في المستوصفات الخاصة زي سودان فور اول؟

Quote: غايتو أنا شايف الحكاية ذي ما قال واحد من الأخوان موزعه بين النيلين وناس ديجانقو و الخرطوم غرب و ناس ذهب مع الريح و النيل الأزرق و ناس شجرة عيد الميلاد

يا قريبك دكتور Elawad طبعا قريبك دي من راندوك شباب اليومين دي
ويمكن لو هناك إشراقات مجتمعية في هذا الزمن فهي مثل هذه التعابير، طبعا ما كلها، لكن كثير منها يعجبك وتقدّر الزول الاخترعها
في النصف الأول من التسعينيات اترافقت مع الأديب الراحل محمود مدني وهو من ناس الديم حكى لي تاريخ الراندوك وخاصة فترة نهاية الستينيات
وبداية السبعينيات، بل كان هو أحد مخترعي تلك التعابير العجيبة
سبق لي في هذا المنبر وحكيت سؤالي ليهو عن معنى تعبير في قصيدته يا قلب أنا كنت قايلك تبت من تعب السفر
بتاع : مرة حاجاتاً أجنّ وانحناءات للحمامة
يخيل لي عماد عبد الله بكون عارف معنى انحناءات للحمامة
أو أبو ساندرا أو صلاح عبد الله، كلهم اختفوا من المنبر

اها واقفين وين؟
أيوه، تشبيه السينمات دا يعود للباشمهندس معتصم الطاهر
وأقول ليك هذا هو المجتمع العاصمي السوداني يكمَل بعضه البعض بل أحيانا تتبادل الأبعاض الأماكن بكل اقتدار ومُكنة
وبكل سرور أيضا سرا وعلانية

مع أشواقنا ياخ

Quote: معاوية الزبير سلامات كا عام وانت بخير اقرا الموضوع ده تفاتيش في جوزازت السفر ما بضرك

جدا يا محمد حسن، والله أطعنا وقرأنا
ما بضرك شنو، على الأقل كلفنا رصيد تلفون للأهل، مرة تانية اليوم.
تعرف الشعر هو مظلوم المظاليم في هذا المنبر، من ناحية عدد المداخلات والتعليقات
ليس من قِلة تقدير فيما أظن، ولكن
لأن الشعر للسماع والتأمل والاستمتاع وليس التعليق
بيد أن المرأة الجميلة أيضا تحتاج لمن يمدح جمالها
اشكرك على الهدية

Quote: وكيف القاك وبيني وبينك سكة ومطرة وكوم اشعار واماني بترحل زي غيمات واتلقاكي مطرة تصب في عينينا تغسل مننا فتر الغربة تراب الغربة ووجع الكربة وكيف اتكوم فينا حنينا دافق بالسنوات وارجع ادندن زي ترتيل متواتر دايما وزي اوراد ما تفارق شفتي واكد ليك بين ثنيات الزمن الماشي اني بريدك وجد بهواك وما بس

Quote: بوستك ده في عضمو محفَز لاعادة التفكير في قراية البوستات بشكل عام بقرأ بوستات ناس معينين (انت منهم ) - مطاردة البوستات ذات العناوين المثيرة الخالية من اي فائدة مضيعة وقت تصدق مرات بدخل الارشيف والمكتبات عشان اواصل متعة قراية بوستات كتبوها ناس حلوين غادروا المنبر

القصة يا حيدر هي: ماذا نريد عندما ندخل المنبر؟

خارج الموضوع: عايز أسأل عن سر الموسيقى في أسامي السودانيين الثلاثية وهل هو موجود في الأسامي الأجنبية (تمحى من عيني ملامحك)
زي اسمك دا: حيدر حسن مرغني
العارف جد (أميتاب باتشان) منو؟
أو كوندوليزا رايس، عشان نقارن

المداخلة دي خاصة بي الموسيقيين والشعراء والغاوون
الغاوون ديل ناس الكورة طبعا
مثلا:
عز الدين عثمان الدحيش
نصر الدين عباس جكسا
برعي أحمد البشير

الثلاثية بس يا رياضيين، مافي زول يجئ يقول لي: قلق

والطبالون يمتنعون، بلا عمر حسن احمد بلا بتاع

Quote: أما حكاية الهروب الكبير بتاعت ستيف ماكوين أعتقد أن الترجمة الصحيحة لاسم الفيلم (الفراشة)لأنو في الوقت داك ناس دور السينما بعملو ترجمات تجارية زي (تيزر) وتدور أحواله في مستعمرة غويانا الفرنسية. وكان ما بخاف الكضب ستيف ماكوين كان معاهو داستن هوفمان.

ستيف ماكوين مثل في الفيلمين الهروب الكبير وهو من الافلام الشيقة عن قصة واقعية وهي الهروب من أحد معسكرات النازيين بالمانيا والفيلم أنتج في العام 1963 وشاهدناها في أوائل السبعينات في السودان، أما فيلم الفراشة فهو أيضا من تمثيل ستيف ماكوين انتاج عام 1973 مع داتسن هوفمان. والفيلمان كل منهما اروع من الآخر.
الهروب الكبير


و الفراشة
http://www.imdb.com/media/rm2493426688/tt0070511؟ref_=tt_ov_ihttp://www.imdb.com/media/rm2493426688/tt0070511؟ref_=tt_ov_i

من مجموعة صور السودان القديمة في فيسبوك هذه هي صورة اعلان اين تسهر هذا المساء من صور الاستاذ
Mohamed Elfatih Elalim

حاولت يا احمد بكل السبل أشوف الصورة ما قدرت
أحاول بكرة من كمبيوتر تاني. أشكرك

لكن أنا لما شفت اسمك افتكرتك عايز تضيفو للستة الفوق
كنت ح أقول ليك أسماء لا أعبد ما تعبدون دي ما معانا

كنت ح أقول

Quote: كانت هذه المقطوعة الموسيقية الرائعة تعزف كل يوم قبل المناظر - بس ما في برمبل - تكيلا حلوة بكل جوانبها

تمام يا بابكر قدور وأظن هناك كم لحن سواني مستمد من هذه الموسيقى
عندك "وين وين تلقوا زي دا" وحديثا "الزول اب عيون كحيلة جا ماري بي هنا" وهكذا
أقرأ اليومين دي في كتاب (زمن وليم اندريه) وبالتأكيد الموسيقى التصويرية دي مناسبة كخلفية.
نيابة عن أهل البوست أشكرك على الإهداء الصاخب

Quote: تكيلا دي .. مش حقت ديجانقو .. وترنتي الجبار ؟؟ ولا دا مشروب جديد في عهد الانقاذ ..وانا ما عارفو .... ؟؟( قاتل الله الغربه )

لا ياها تكيلة ناس مكسيكو زاتها يا مجيدو
ياخ ناس الإنقاذ ديل شرّبوا الخلق جنس لغاويث خليها ساكت وكمان أصبحت تعبأ في أكياس نايلون أكثر تلوثا بينما هم يشربونها صفوا و تينا

شكرا أحمد سيد أحمد، الآن تمكنت من مشاهدة القصاصة
أسأذنك لرفع الصورة في مستهل البوست

Quote: معقول محمد أبوالعزائم ابوالريش لسه ما شاف الحاصل هنا والنوستالجيا بالكيلو دي وبد سبنسر وترنس هيل وابي فوق اللبخه!!

مولانا محمد المرتضى هاك الصورة دي وقدّم الشكر لصاحبها أبو حميد
يا ربي الكلام دا سنة كم؟ شايف الأفلام معظمها دوكشمان: الرعب القاتل والخطر الداهم
مافي أبي فوق الشجرة؟!

Quote: في واحد طردني من بوست هو ذاته كان جاي ضيف فيه وقعد يقول لي يا زول أمشي بعيد وده محل دواس وملاكمة وحرب وإنت ما قدرنا الخ أنا لمن إحترت ذاتو قلت في نفسي ده منبر حوار ولا فسحة فطور يا ربي

عزيزي محمد قاضي، معليش اتأخرت في الرد عليك.
بيني وبينك انت زول خلوق لامن بي غادي والزول القاليك الكلام دا ربما أنصفك دون أن يقصد.
معقول انت قدر الدواس الكلامي دا؟
عموما كثيرا ما تداخلنا بخشونة ونحن في حالة انفعال وبعد ما النفَس يهدأ بنندم

نصيحتي إنو الزول الحافظ قل هو الله أحد يقراها تلات مرات قبل ما يرد
والما حافظ ينتظر رد الحافظ ويكتب زيو

أعتقد البوست أدى غرضو إلا إذا في زول عندو غرض تاني بنرجع ليهو
وأشكر كل المتداخلين وأصحاب الهدايا المسموعة والمصورة
والمكتوبة كمان
باي

غايتو يا معاوية أنت أول زول اشوفو يقعد لامن يختم البوست ويشكر المشاركين ويودعم ..
دا سلوك باكد انك إنسان محترم وصحفي محترف وبتاع دسبلن ..
دا برا درس للناس .

Quote: هيثم غالي من اسم هيثم دا كنت عايز اخليك مع الشباب الفوق ديل لكن طالما عايز تتكل نخليك في ضروة براك

سلام معاوية

مع انو كلامك لا يخلو من شوية تخابث

الا انو وجب شكرك على ( الضروة ) الخاصة دي

ولا ادري ما هي دلالات اسم هيثم لديكم

تحياتي لك وللشباب القاعدين في الضروة التانية

Quote: Quote: هيثم غالي من اسم هيثم دا كنت عايز اخليك مع الشباب الفوق ديل لكن طالما عايز تتكل نخليك في ضروة براك سلام معاوية مع انو كلامك لا يخلو من شوية تخابث الا انو وجب شكرك على ( الضروة ) الخاصة دي ولا ادري ما هي دلالات اسم هيثم لديكم تحياتي لك وللشباب القاعدين في الضروة التانية

يا هيثم تخابث شنو ياخ، البوست كلو مرح × مرح
اصلو الاسم دا ظهر عندنا في الأقاليم مع مواليد السبعينات، ونحن بنعتبر أي زول مولود في السبعينات زول صغيّر
أما الناس المولودين في التمنينات ديل خليهم ساكت
تصدق أنا لا أصدق لامن أقابل شاب ويقول لي مولود سنة 92
ياخ معقول! طيب الطلّعك شنو من البيت براك

Quote: غايتو يا معاوية أنت أول زول اشوفو يقعد لامن يختم البوست ويشكر المشاركين ويودعم .. دا سلوك باكد انك إنسان محترم وصحفي محترف وبتاع دسبلن .. دا برا درس للناس .

أخجلت حناننا يا مولانا الملك
تعرف عشان تفتح بوست ويعدي على خير لغاية ما يتقفل، دي برااها كرامة
ولكي يتحقق ذلك عليك بالتالي:
تقليل فترة بقاء البوست مفتوحا بقدر الإمكان (يعني تحسم النتيجة في الزمن الأصلي للمباراة)
الدعاء لله بأن يشده العوارض ويجعل بينهم وبين البوست سدا

أما الاحتياط الأسوأ فهو اختيار عنوان لا يجذب الناس

مرة في فيلم أمريكي، مديرة المكتبة في إحدى الجامعات مسكت ليها طالب وطالبة يتبادلان القبل
نهرتم قائلة: لمّا تحبوا تعملوا حاجة زي دي امشوا قسم الفلسفة مافي زول بجي هناك

Quote: استاذ ( حقيقة و مجازا ) معاويه من واقع استذتك على يا معاوية تحية من صميم ( قم للمعلم و وفه التبجيلا ) اولا: انت خاطرك يبرى من التانيب ثانيا : منشورى شاهد ( الاستذه ) و لاسباب خاصه كتبته بالحبر السرى و لكى تقراه عليك النفخ بهدؤ على شاشة الكمبيوتر فسيظهر لك المنشور ثالثا : اهديتك منشورى ( واو خطيره ..... ) فى ذات مساحة المنشور اياه كتعبير عن قبولى الاستذة جملة و تفصيلا ادينى اضانك اوريك الحصل شنو و اوقعنى فى ( كشف الحال دا ) .............. و محبتى

أشكرك يا ضرغام على الرد وإن جاء متأخراً (شمتّ فينا الناس ياخ)
اضاني معاك، وأنتظر التوضيح

..... ومحبتي أيضا

Quote: ستيف ماكوين مثل في الفيلمين الهروب الكبير وهو من الافلام الشيقة عن قصة واقعية وهي الهروب من أحد معسكرات النازيين بالمانيا والفيلم أنتج في العام 1963 وشاهدناه في أوائل السبعينات في السودان، أما فيلم الفراشة فهو أيضا من تمثيل ستيف ماكوين انتاج عام 1973 مع داتسن هوفمان. والفيلمان كل منهما اروع من الآخر.

شكرا أستاذ الأمين عبد الرحمن
الوصلات قادتنا لمشاهدة الفيلمين كاملين.
كل سنة وانت طيب