Post: #1
Title: سؤال لمحمد النور كبر حوة الزغاوية مالها وبتاع شنو؟
Author: محمد نور عودو
Date: 09-08-2015, 04:04 PM
Parent: #0
04:04 PM Sep, 08 2015
سودانيز اون لاين
محمد نور عودو-
مكتبتى فى سودانيزاونلاين
سلامات
الأخ محمد النور كبر
وحمدالله علي السلامة وعودآ حميدآ.
يا أخي كتبت في بوست الأخ أبوبكر عباس (كبر بتاع كندا)
او بالعدم حنك حوة الزغاوية بتاع وكتبت بين (يااااااااااااااااخ..القلوب شواهد..)..!
ماذا تقصد في هذه العبارة؟
ومن هي حوة الزغاوية؟
ما علاقة حوة الزغاوية بالبوست أو موضوع البوست؟
كتب محمد النور كبر
| Quote: سؤال برئ خلاس..انتا عرفتني كيف اني مسافر؟..اوعك تقول لي حنك درويش العاضي بتاع (عناوين الروح).. او بالعدم.. حنك حوة الزغاوية بتاع (يااااااااااااااااخ..القلوب شواهد..)..! |
|
Post: #3
Title: Re: سؤال لمحمد النور كبر حوة الزغاوية مالها و�
Author: محمد نور عودو
Date: 09-08-2015, 11:06 PM
Parent: #2
| Quote: او بالعدم.. حنك حوة الزغاوية بتاع (يااااااااااااااااخ..القلوب شواهد..)..! |
!!!!!!!!!!!!
|
Post: #4
Title: Re: سؤال لمحمد النور كبر حوة الزغاوية مالها و�
Author: Idris Logma
Date: 09-09-2015, 09:49 AM
Parent: #3
وين يا كبر اخرج وجاوب علي السؤال بلاش لف ودوران.
اما بخصوص معرفة انك
مسافر ولا ساجد ولا متكي لك في بوب شأن يخصك لوحدك
|
Post: #5
Title: Re: سؤال لمحمد النور كبر حوة الزغاوية مالها و�
Author: محمد نور عودو
Date: 09-09-2015, 11:17 PM
Parent: #4
سلامات
الأخ الفاضل
إدريس محمود لقمة
شكرآ علي المرور
البوست ليهو يومين ومحمد النور كبر يرد ويكتب في بوستاتو
ولم يرد هنا في هذا البوست إنشاء الله المانع خير
وفي إنتظار محمد النور كبر حتي يرد علي السؤال
|
Post: #6
Title: Re: سؤال لمحمد النور كبر حوة الزغاوية مالها و�
Author: Deng
Date: 09-10-2015, 02:23 AM
Parent: #5
الإخوة الكرام
محمد النور كبر رجل مضطرب ذهنيا وواضح جدا بأنه قد ضَل الطريق.
لذلك كانت مداخلتي الاولى في ذلك البوست واضحة جدا.
والمشكلة الان هي مع الذين يطبلون لهذا الدجال
|
Post: #7
Title: Re: سؤال لمحمد النور كبر حوة الزغاوية مالها و�
Author: محمد نور عودو
Date: 09-10-2015, 09:46 PM
Parent: #6
| Quote: سؤال برئ خلاس..انتا عرفتني كيف اني مسافر؟..اوعك تقول لي حنك درويش العاضي بتاع (عناوين الروح).. او بالعدم.. حنك حوة الزغاوية بتاع (يااااااااااااااااخ..القلوب شواهد..)..! |
سلامات
السلطان دينق
أتفق معك
شخص يكتب مثل هذا الكلام
لا يستحق المدح والتصفيق
تحياتي ودمت بخير
|
Post: #8
Title: Re: سؤال لمحمد النور كبر حوة الزغاوية مالها و�
Author: أبوبكر عباس
Date: 09-11-2015, 10:00 AM
Parent: #7
سلام يا دينق،
يا سيدي، الموضوع ما فيهو أي نوع من التطبيل، يا أخي، ضروري تطلع من شرنقة العلاقات المشروطة بالاتفاق!
صداقة الحوار دي صداقة مختلفة؟! لا تاخد فيها الصديق ككتلة واحدة تحددها مواقفك منو من تقاطعاتك معاهو القديمة هنا.
يا أخي، من يوم بكري أبوبكر دا شغلني معاكم هنا بحاول أوصل ليكم معنى حد المرونة في العلاقات الحوارية الاسفيرية دي
المفروض اكتر الناس صداقة في المنتدى يكون الزول الانتا مختلف معاهو تماما.
سلام محمد نور،
سؤالك دا مشروع، لكن كان يسبقو توضيح منك للمعاني المستترة الممكن يكون كبر ارادها من جملته التي أراها حتى الآن عادية ولا تحمل معنى فيهو اهانة لاحد.
اشكرك انك فتحت بوست منفصل لسؤالك
|
Post: #9
Title: Re: سؤال لمحمد النور كبر حوة الزغاوية مالها و�
Author: بريمة محمد
Date: 09-11-2015, 10:27 AM
Parent: #8
العبار دينق،
Quote: والمشكلة الان هي مع الذين يطبلون لهذا الدجال
|
بالله مينو يكون الدجال .. ! يا أخى أنت بقيت إبليس هذا المنبر ..
..
--------------------------
هههاي .. حواء الزغاوية .. نيستوها خلاص .. نظرياتى فى الزغاوة تثبت يوم بعد أخر ..
يا أولاد زغاوة .. علي الحلال دولة زغاوة إلا كن تسووها فى تشاد .. أو فى رؤوسكم الخربة ..
قوم لف يا راجل ..
بريمة
|
Post: #10
Title: Re: سؤال لمحمد النور كبر حوة الزغاوية مالها و�
Author: حسن إبراهيم حسين
Date: 09-11-2015, 11:33 AM
Parent: #9
ولد أبا بريمة
ولد أبا النور كبر
أتو نسيتو
قاليك فلان بين ليه وفلان لحن ليه
حبابكم وحباب الدرا الجمعتني بيكم ما داسيها تب عيال أبوي
|
Post: #11
Title: Re: سؤال لمحمد النور كبر حوة الزغاوية مالها و�
Author: رحمه فضل المولى عجك
Date: 09-11-2015, 12:42 PM
Parent: #10
سلام اخى محمد النور عودو
الحقيقه اخونا كبر ما شرح لنا قصة حوة الزغاوية . انت اذا بتعرف قولها نحن مستعدين نقول للاعور انت اعور . ولو قلتوا نقتل الزول على نيته ما عندنا مانع المهم نتفق عليه وشكرا لك وللاخوه المتداخلين
|
Post: #12
Title: Re: سؤال لمحمد النور كبر حوة الزغاوية مالها و�
Author: Dahab Telbo
Date: 09-11-2015, 03:11 PM
Parent: #11
سلام للجميع ولك مخصوص الاستاذ عودو
عايز اقول ليك شي انو الاصطفاف القبلي دايما قاعد يظهر الناس على شاكلة قطيع او اقل قليلا
سؤال عفوي ماذا لو كانت الجملة الغائرة في اللامبالاه والعفوية هذه اتت في معرض حديث لزغاوي ؟
هل حينها سنسمع كل هذا الضجيج؟
سادتي حري بنا ان نتسامح لنرتقي على اكوام الشحناء التي نجلس تحتها
هذا مع عدم تبريري لأي اساءة كان يقدها كبر انا غافل عنها تماما الان
تحية فخر لكما استاذ عودو واستاذ كبر
دمتم
تلبو
______________________________
التعديل لأضافة (هذا مع عدم تبريري لأي اساءة كان يقدها كبر انا غافل عنها تماما الان)
|
Post: #13
Title: Re: سؤال لمحمد النور كبر حوة الزغاوية مالها و�
Author: الصادق اسماعيل
Date: 09-11-2015, 05:09 PM
Parent: #12
Quote: الإخوة الكرام
محمد النور كبر رجل مضطرب ذهنيا وواضح جدا بأنه قد ضَل الطريق.
لذلك كانت مداخلتي الاولى في ذلك البوست واضحة جدا.
والمشكلة الان هي مع الذين يطبلون لهذا الدجال |
دينق تحياتي
ضل الطريق دي مقبولة، وأهو وجهة نظر في النهاية
مضطرب ذهنياً دي شنو كمان؟
تشخيص مرضي تابع للسيكلوجي
ولا تحليل ووجهة نظر برضه؟
|
Post: #14
Title: Re: سؤال لمحمد النور كبر حوة الزغاوية مالها و�
Author: nour tawir
Date: 09-11-2015, 05:25 PM
Parent: #12
أبوبكر عباس...
شرنقة العلاقات المشروطة بالاتفاق!
..
كلامك عين العقل..
فالتكتلات هذه اضاعت منبر بكرى..
ولو تابعت خريطة البوستات والمداخلات..
تجد أغلبها مبنى على التجمعات..
بمعنى سياسة (شيلنى وأشيلك)..
تغيب ال objectivity
وتضيع معها حوارات مهمة..
كان يمكن أن توصل القارئ الى بر الامان..
وسياسة القطيع الفى المنبر هذا..
تسير بسياسة اذا سرق فيهم الشريف تركوه واذا سرق الضعيف اقاموا عليه الحد..
مثلا تجد احد الاعضاء \ة فى قروب معين..
تغير خط سيره\ها وبدأ يغازل الانقاذ بقوة وحماس..
ويضرب المعارضة بيد من حديد..
بعد أن كان ينتقد الانقاذ فى غدوها ورواحها..
هذا الشخص تجد اصدقاؤه يمجدونه..
أما اذا كان التصرف قد صدر من شخص عادى فى المنبر..
(عينك ما تشوف الا النور)..
ولا تنسى أن كل التداخل فى المنبر من قبل الشلليات..
يتم التنسيق له بالتلفون أو الايميل..الخ
يعنى فى المنبر احد أمرين..
أما أن تكون شرسا وتفرض نفسك فرضا..
أو تكون ضعيفا ( لا ضهر لك)..
فتضرب ضرب غرائب الابل..
ولو كل شخص فى المنبر يكتب ما يراه هو\هى صائبا..
بدون تكتلات..
لكان لسودانينز أونلاين..
دور فاعل فى تغيير المجتمع السودانى...
|
Post: #15
Title: Re: سؤال لمحمد النور كبر حوة الزغاوية مالها و�
Author: Mahjob Abdalla
Date: 09-11-2015, 09:34 PM
Parent: #14
Quote: أتو نسيتو
قاليك فلان بين ليه وفلان لحن ليه
حبابكم وحباب الدرا الجمعتني بيكم ما داسيها تب عيال أبوي |
جاكم بريمة جديد لنج موديل 2015 و قال ليكم الاتي:
"العنباي او النوباي بين لو و للعربي لحن لو"
-----------------
سلام اخي محمد نور
|
Post: #17
Title: Re: سؤال لمحمد النور كبر حوة الزغاوية مالها و�
Author: محمد نور عودو
Date: 09-11-2015, 10:02 PM
Parent: #15
أهلآ الحبيب
محجوب عبدالله
الله يسلمك ويعطيك العافية
تحياتي ودمت بخير
|
Post: #18
Title: Re: سؤال لمحمد النور كبر حوة الزغاوية مالها و�
Author: رحمه فضل المولى عجك
Date: 09-11-2015, 10:12 PM
Parent: #15
Quote: فالتكتلات هذه اضاعت منبر بكرى..
ولو تابعت خريطة البوستات والمداخلات..
تجد أغلبها مبنى على التجمعات..
بمعنى سياسة (شيلنى وأشيلك)..
تغيب ال objectivity
|
هذا الكلام صحيح ولكن يا اخى عندما تجد الحوار انحرف عن مساره والناس لا يتحدثون سياسيه وينقسمون الى كيمان كيمان اسلم شى ان تقف في كومك
|
Post: #16
Title: Re: سؤال لمحمد النور كبر حوة الزغاوية مالها و�
Author: محمد نور عودو
Date: 09-11-2015, 09:58 PM
Parent: #14
سلام عليكم الإخوة والأخوات
وشكرآ علي المرور
شايفكم تركتم وتجاهلتم ما كتبوه محمد النور كبر في حق حوة المسكينة كأن محمد النور كبر لم يكتب شئ وتتحدثون عن أشياء خارج مضمون البوست.
ويبقي السؤال قائم
لمحمد النور كبر حتي يحضر ويجاوب هذا الكلام
Quote: يا أخي كتبت في بوست الأخ أبوبكر عباس (كبر بتاع كندا)
او بالعدم حنك حوة الزغاوية بتاع وكتبت بين (يااااااااااااااااخ..القلوب شواهد..)..!
ماذا تقصد في هذه العبارة؟
ومن هي حوة الزغاوية؟
ما علاقة حوة الزغاوية بالبوست أو موضوع البوست؟ |
تحياتي ودمتم بخير
|
Post: #19
Title: Re: سؤال لمحمد النور كبر حوة الزغاوية مالها و�
Author: بريمة محمد
Date: 09-12-2015, 02:05 AM
Parent: #16
عوووووك .. يا ناس أمسكوا الخشب ..
ول أبا حسن .. وصل!
Quote: ولد أبا بريمة
ولد أبا النور كبر
أتو نسيتو
قاليك فلان بين ليه وفلان لحن ليه
حبابكم وحباب الدرا الجمعتني بيكم ما داسيها تب عيال أبوي |
ول أبا حسن .. فى هذا المنبر الشوت ضفاري ..
أدخل لي قدام .. والله ما أسعده يوم ..
بريمة
|
Post: #20
Title: Re: سؤال لمحمد النور كبر حوة الزغاوية مالها و�
Author: بريمة محمد
Date: 09-12-2015, 02:14 AM
Parent: #19
محجوب،
Quote: جاكم بريمة جديد لنج موديل 2015 و قال ليكم الاتي:
"العنباي او النوباي بين لو و للعربي لحن لو" |
محجوب، أنت ما بتعرف ول أبا حسن ... أنتظر حتى تعرف الرجل وما تتسرع ..
ثانياً أنت ما بتعرف لهجة البقارة ويصعب عليك تأتى بالمعنى الصحيح .. هذا الكلام يتم وسط البقارة ... والمقصود هنا أن الأنسان الذي يأتيك وهو يريد الشر لا تتستر منه ..
أما الأنسان الحكيم أو الذي يخشي شيئ تستخدم معه التورية حتى توصل له معنى حديثك .. فى كلام البقارة دا أسمه المباشرة أو التورية ..
بريمة
|
Post: #21
Title: Re: سؤال لمحمد النور كبر حوة الزغاوية مالها و�
Author: بريمة محمد
Date: 09-12-2015, 02:22 AM
Parent: #20
عودو،
Quote: أهلآ الحبيب
محجوب عبدالله
الله يسلمك ويعطيك العافية
تحياتي ودمت بخير |
يا أخى .. أوكي فطيتنا نحن البقارة ..لكن ما بال تفط بت أبا نور تاور بالتحية .. !
كلنا نتطاقش يمين وشمال .. وحينما نمر ببت أبا نور تاور .. نقيف ونتلفت .. ونتنفس الصعداء ونقول الدنيا السودانية مازالت بخير ما دام فيها أمثال بت أبا نور.
بت أبا نور .. الما بعرفك يقول عدس .. أنت أغلي من دهب شيبون بالنسبة لنا ..
بريمة
|
Post: #22
Title: Re: سؤال لمحمد النور كبر حوة الزغاوية مالها و�
Author: محمد نور عودو
Date: 09-12-2015, 11:03 PM
Parent: #21
| Quote: لكن ما بال تفط بت أبا نور تاور بالتحية . |
بريمة والأخت الفاضلة نور تاور وكل من رائ أني أجحفت في حق الأخت نور تاور لكم العتبي حتي ترضو.
Quote:
ويبقي السؤال قائم
لمحمد النور كبر حتي يحضر ويجاوب هذا الكلام
يا أخي كتبت في بوست الأخ أبوبكر عباس (كبر بتاع كندا)
او بالعدم حنك حوة الزغاوية بتاع وكتبت بين (يااااااااااااااااخ..القلوب شواهد..)..!
ماذا تقصد في هذه العبارة؟
ومن هي حوة الزغاوية؟
ما علاقة حوة الزغاوية بالبوست أو موضوع البوست؟
|
|
Post: #23
Title: Re: سؤال لمحمد النور كبر حوة الزغاوية مالها و�
Author: جلالدونا
Date: 09-13-2015, 03:55 AM
Parent: #22
السلام ليك يا محمد نور و لى ضيوفك الكرام
حقيقة تابعت بوست ابوبكر و بوستيك ده
و بعدها بقيت متابع مشاركات كبر عسى و لعل اجد فيها الاجابة
حوا الزغاوية مشهورة برمى الودع و هى مهنة كل الشعب السودانى يحبها
و يركن اليها و فى مرات كتيرة بيصدقا
اعتقد ان الاخ كبر براءة من اى تهمة
نسبة الزول الى قبيلته مصدر فخر لا تحقير
و حنك ست الودع دايما لذيذ و سنين و دايما مطلوبة و مرغوبة
و دايما ما يستشهد به
تحباتى ليك و خلى الامور تمشى عادى من غير حساسية زايدة
|
Post: #24
Title: Re: سؤال لمحمد النور كبر حوة الزغاوية مالها و�
Author: محمد نور عودو
Date: 09-13-2015, 10:05 AM
Parent: #23
Quote: حقيقة تابعت بوست ابوبكر و بوستيك ده
و بعدها بقيت متابع مشاركات كبر عسى و لعل اجد فيها الاجابة
حوا الزغاوية مشهورة برمى الودع و هى مهنة كل الشعب السودانى يحبها
و يركن اليها و فى مرات كتيرة بيصدقا
اعتقد ان الاخ كبر براءة من اى تهمة
نسبة الزول الى قبيلته مصدر فخر لا تحقير
و حنك ست الودع دايما لذيذ و سنين و دايما مطلوبة و مرغوبة
و دايما ما يستشهد به
تحباتى ليك و خلى الامور تمشى عادى من غير حساسية زايدة |
سلامات
الصفوة جلالدونا
لك التحية والإحترام
والله يدينا في مرادنا
تسلم كتير باراجل ياصفوة صدقني يا أخي الموضوع مافيهو أى حساسية.
الجبان محمد النور كبر عندو باسورد وقاعد يكتب في بوستاتو بهناك وهارب من السؤال كان بإمكانه يكتب كلامك دا هنا أنا عارف الجابرك شنو تفتش ليهو للمبرات طال ما هو قاعد في البورد بلحمه وشحمه.
كلامك دا طبعا حيكون البوست القادم للجبان محمد النور كبر كمبرر لهروبه من السؤال أو جزء من روياته في بوستاته .
السؤال هنا لمتين نحن هنا في سودانيز أولاين ندفن روؤسنا في الرمال عندما يغلط زميل بورد أو صديق في حق إنسانة ويشيل حسها نقعد نفتش ليهو تبريرات وتشطيط الموضوع بدل الإدانة وإستنكارومواجهته؟.
تحياتي ودمت بألف خير
......................................
لمحمد النور كبر السؤال مافيه خيارات ذي إستعين بصديق أو إتصال بصديق للمساعدة.
Quote:
ويبقي السؤال قائم
لمحمد النور كبر حتي يحضر ويجاوب هذا الكلام
يا أخي كتبت في بوست الأخ أبوبكر عباس (كبر بتاع كندا)
او بالعدم حنك حوة الزغاوية بتاع وكتبت بين (يااااااااااااااااخ..القلوب شواهد..)..!
ماذا تقصد في هذه العبارة؟
ومن هي حوة الزغاوية؟
ما علاقة حوة الزغاوية بالبوست أو موضوع البوست؟ |
|
Post: #25
Title: Re: سؤال لمحمد النور كبر حوة الزغاوية مالها و�
Author: Idris Logma
Date: 09-13-2015, 02:41 PM
Parent: #24
العزيز محمد نور
كبر ما يظهر ولا بمر بالبوست وهذا يثبت فرضية ان كبر
يعني جيدا ما يقوله.... اي قول عنصري من شخص مستكبر لا يريد الاعتزاز من ما بدر منه
ويحاول بعض من يشاركونه في الراي إيجاد التبرير لفعله العنصري.
|
Post: #26
Title: Re: سؤال لمحمد النور كبر حوة الزغاوية مالها و�
Author: محمد نور عودو
Date: 09-13-2015, 11:15 PM
Parent: #25
سلامات
إدريس
المدعو محمد النور كبر إنسان فاقد تربوي يكتب كلام شوارع وبدون خجل في منبر قراءه ناس في عمر أبناءه وأحفاده وأحفاد أبناءه.
شخص يكتب مثل هذا الكلام غير جدير بالإحترام لأنه غدآ سيكتب أسواء من هذا الكلام في أي أم وأخت سودانية.
|
Post: #27
Title: Re: سؤال لمحمد النور كبر حوة الزغاوية مالها و�
Author: بريمة محمد
Date: 09-14-2015, 00:14 AM
Parent: #26
عودو،
Quote: سلامات
إدريس
المدعو محمد النور كبر إنسان فاقد تربوي يكتب كلام شوارع وبدون خجل في منبر قراءه ناس في عمر أبناءه وأحفاده وأحفاد أبناءه.
شخص يكتب مثل هذا الكلام غير جدير بالإحترام لأنه غدآ سيكتب أسواء من هذا الكلام في أي أم وأخت سودانية. |
دي والله أجمل نكته .. فاقد تربوي!! ... ول أبا شهد له القاصي والدانى بإدبه الجم ورصانة كتاباته ..
غير الموضوع .. ملينا ..
بريمة
|
Post: #28
Title: RE:
Author: Abdullah Idrees
Date: 09-14-2015, 09:50 AM
Parent: #27
حقيقة لم افهم معنى العبارة ، لكني أرى ان حوة الزغاوية هي مجرد سودانية يعرفها كبر مثلما يعرف عشرات الاعضاء في هذا المنبر ، ولذا لا أرى اي داع لتحميل العبارة بأكثر مما تحمل ..
هدو اللعب يا محمد نور وادريس .. لو تحدث الرجل عن الزغاوة ككيان قبلي بالسوء ، عندها يحق لكم التصدي له ، لكن ان يتحدث عن شخص واحد ، لا اعتقد انكم مصيبين إلا في حال حمل سياق حديثه بعدا عنصريا.. وهذا ما لا يبدو في هذه الحالة ..
ايزي يا اخوانا ..
تحية طيبة
|
Post: #29
Title: Re: RE:
Author: Deng
Date: 09-14-2015, 08:58 PM
Parent: #28
الذين يدافعون على المضطرب ذهنيا محمد النور كبر.
لمذا لم يظهر هذا الدجال لكي يشرح ما يعنيه ؟
ده كان بكون تصرف زول عندو حسن نية.
ولكن كبر زول سيئ بمعنى الكلمة.
|
Post: #30
Title: Re: RE:
Author: Deng
Date: 09-14-2015, 09:00 PM
Parent: #29
Quote: دينق تحياتي
ضل الطريق دي مقبولة، وأهو وجهة نظر في النهاية
مضطرب ذهنياً دي شنو كمان؟
تشخيص مرضي تابع للسيكلوجي
ولا تحليل ووجهة نظر برضه؟ |
الصادق اسماعيل.
الشخص المضطرب ذهنيا هو الشخص ال Confused
|
|