مشتاقين يا رجل يا فنان ...مشتاقين يا رجل يا فنان ...
عليك الله أظهر وبان ...
Post: #2 Title: Re: محمد السُني دفع الله ... راس حربه Author: سلمى الشيخ سلامة Date: 09-08-2015, 05:37 PM Parent: #1
شكرا ياقبانى السنى وفرقة الاصدقاء وقبلهما محطة التلفزيون الاهلية كان فيها روحا وقلبا نابضا وظل السنى صاحب القلب الكبير يتحفنا طوال حياته من ازمان طويلة فى التلفزيون رفقة عزوز واترابه فى الاذاعة اعماله لاتحصى ناس وخطاب حسن احمد وما اكثر اعماله عدد حروفهاتعافيك يا سنى ود خالتى ستونة ابو محمد سامى السهروردى امين
Post: #3 Title: Re: محمد السُني دفع الله ... راس حربه Author: يحي قباني Date: 09-09-2015, 01:05 AM Parent: #2
Quote: شكرا ياقبانى السنى وفرقة الاصدقاء وقبلهما محطة التلفزيون الاهلية كان فيها روحا وقلبا نابضا وظل السنى صاحب القلب الكبير يتحفنا طوال حياته من ازمان طويلة فى التلفزيون رفقة عزوز واترابه فى الاذاعة اعماله لاتحصى ناس وخطاب حسن احمد وما اكثر اعماله عدد حروفهاتعافيك يا سنى ود خالتى ستونة ابو محمد سامى السهروردى امين
سلمى يا حبيبه ...
مشتاقين كتير و الله ...
شفتي ليك جمال اكتر من جمال الزول السمح الإسمو محمد سني دفع الله ده ؟
انا من جيل محظوظ اني عاصرت تاريخهم من أيام طرف الخور و حتى اخر عروضهم ...
و متمني اشوف كل حلقاتهم سواء محطة التلفزيون او الأصدقاء
و كان لقيت حلقة ( حملان في الحيشان ) ... و حلقة ( واقف ديمه ) ... أكون ما داير شي تاني :)
Post: #4 Title: Re: محمد السُني دفع الله ... راس حربه Author: HAYDER GASIM Date: 09-09-2015, 02:49 AM Parent: #3
الحبيب ... اللزيز ... قباني,
كدي أولا بالتبادي خليني أحي {بإتقان} الفارعة ,سلمي الشيخ سلامة, فكم نشتاقك وكم نفتقدك وكم زالف الود مجاريه وكم باخت أشياء وكم داخت مواقف, ليس بسبب غير غيابك ... أيتها الوضيئة السمرا ء, يا ذات النطاقين {المعرفة والحلم} ويا موحدة بين إختيارين { الوطن من عدمه} ويا جدلة معلقة على ضلفتين {الحب والعدل} ويا وطيدة على مسربين {الفن والجمال}
أما صديقي ... السني, فهو أجملنا, رجل يسر الخاطر وإن كان معنى,
فهو وصحبه إختاروا أن يرفدونا بلحظات ضاحكة في مواسم كالحة, فأبدعوا وإستطردوا ونالو حظوة الناس ولابسوا شغفاف قلوبهم. كل أعمالهم الفنية كانت جميلة ومحببة وكل مشهد حضره الناس ما يزال في أركان الذاكرة وكل ضحكة إجتاحت قلوب الناس ما تزال قابلة للإفراج والإنفراج الجزل... رأس الحربة وااحده منهن, فيما {البقجة} أوسع من أحمال طيران الخليج وأرحب من تعاساتنا في زمن الإستنثاء
القومة ليك ... يا ... السني,
وشكرا شديدا ... ود قباني
Post: #5 Title: Re: محمد السُني دفع الله ... راس حربه Author: يحي قباني Date: 09-09-2015, 05:38 AM Parent: #4
Quote: الحبيب ... اللزيز ... قباني,
كدي أولا بالتبادي خليني أحي {بإتقان} الفارعة ,سلمي الشيخ سلامة, فكم نشتاقك وكم نفتقدك وكم زالف الود مجاريه وكم باخت أشياء وكم داخت مواقف, ليس بسبب غير غيابك ... أيتها الوضيئة السمرا ء, يا ذات النطاقين {المعرفة والحلم} ويا موحدة بين إختيارين { الوطن من عدمه} ويا جدلة معلقة على ضلفتين {الحب والعدل} ويا وطيدة على مسربين {الفن والجمال}
أما صديقي ... السني, فهو أجملنا, رجل يسر الخاطر وإن كان معنى,
فهو وصحبه إختاروا أن يرفدونا بلحظات ضاحكة في مواسم كالحة, فأبدعوا وإستطردوا ونالو حظوة الناس ولابسوا شغفاف قلوبهم. كل أعمالهم الفنية كانت جميلة ومحببة وكل مشهد حضره الناس ما يزال في أركان الذاكرة وكل ضحكة إجتاحت قلوب الناس ما تزال قابلة للإفراج والإنفراج الجزل... رأس الحربة وااحده منهن, فيما {البقجة} أوسع من أحمال طيران الخليج وأرحب من تعاساتنا في زمن الإستنثاء
القومة ليك ... يا ... السني,
وشكرا شديدا ... ود قباني
لأنه السني زول سمح ...
جابك و جاب الناس السمحين يا حيدر ...
Post: #6 Title: Re: محمد السُني دفع الله ... راس حربه Author: عادل ابراهيم احمد Date: 09-09-2015, 06:36 AM Parent: #5
محمد السني دفع الله نوارة الوجود السوداني في قطر وفاكهة المجالس الاكثر طيبا وعبقا ,,
اخو اخوان وفنان ومحب للسودان لا يختلف في ذلك اثنان ..
لا تحلو الملمات الا به ولا تزدان الا بوجوده ..
هو بالعمة والعصا السودانية اهيب وانضر وابهى منه بالبدلة الافرنجية ..
منور اليوم الاربعاء صحيفة الراية القطرية :
Post: #7 Title: Re: محمد السُني دفع الله ... راس حربه Author: يحي قباني Date: 09-09-2015, 01:39 PM Parent: #6
إنا لله و إنا اليه راجعون ...
اصدق التعازي للحبيب محمد السني دفع الله و لأسرته في وفاة شقيقته ...
لا ادري ماذا أقول ... فالسُني في خاطري منذ عدة أيام ...
قلبي معك يا صاحب القلب الكبير ...
اسأل الله ان يلهمكم الصبر و حُسن العزاء ...
تعازينا لكم اخي عادل و لعموم أهلنا في قطر و السودان ...
لا حول و لا قوة الا بالله ... ...
Post: #8 Title: Re: محمد السُني دفع الله ... راس حربه Author: معاوية الزبير Date: 09-09-2015, 02:24 PM Parent: #7
اتكلمت معاهو امس بالليل بخصوص البوست ومداخلة سلمى، فِرِح جدا كأي طفل بي قطعة حلوى، ووعد بالتداخل في الصباح كان مرهقا إثر عودته من بروفة شاقة وبعد يوم دراسي طويل جاتني منه رنة تلفون في الخامسة صباح اليوم اعتقدت يكون ضغط بالغلط على آخر مكالمة قلت اعمل رنة للتأكد، لقيت التلفون مشغول اكثر من مرة وأخيرا رد ليبلغني بالخبر المحزن غادر إلى السودان قبل ساعة (من الآن) ربنا يرحم سوسن.. كان يكن لها معزة خاصة جدا فوق معزة الشقيقة، في الحقيقة كانت فائضة الإنسانية بي طريقة واضحة جدا.
السني جادي جدا في مسألة المسرح دي ومخلص -ومكرس نفسه- له (فيري ديديكيتِد تو إت، بي لغتكم) مسرح مدرسي بالنهار وبروفات وعروض بالمساء وما بينهما قراءة وكتابة في المسرح أيضا وما بين البين هذه (في الحياة العادية) ينبهر بأدق التفاصيل كونه مبدع
ربنا يديهو الصحة وطول العمر ومزيد من الإبداع
Post: #9 Title: Re: محمد السُني دفع الله ... راس حربه Author: HAYDER GASIM Date: 09-10-2015, 02:08 AM Parent: #8
أحر العزاء لأخي السني ولأسرته في رحيل شقيقته,
أو ... هكذا الدنيا, نؤمل ونحاول أن نستفيض في الخير والمتعة والأنس الطيب كما كان مقدرا لهذا البوست أن يكون ... فإذا بمجرة الخلق العظمي تقتضي شأنا آخر
فلا راد لقضائه ولا حكم من بعده, فالدوام لله ولكل أجل كتاب
