Post: #1 Title: هسع ناس دول العالم الثالث بكونوا نايمين (يوجد ايفون).. Author: محمد حيدر المشرف Date: 09-03-2015, 11:08 PM Parent: #0
11:08 PM Sep, 04 2015 سودانيز اون لاين محمد حيدر المشرف-دولة قطر مكتبتى فى سودانيزاونلاين
ناس ما عارف مين ابوحسين نواحي السعودية .. وناس ودالبشرى و وناصر الامين وانقابو في الامارات (احتمال بسيط يكون صاحي وقررررب ينوم) .. الفحل زمااااان بكون نام متوسدا ايفونه ,, وناس قطر الا معاوية الزبير بكون في الدوام .. ناس مصر بي حبيب نوره وقاسم مهداوي وهلمجرا .. مولانا شيقوق في ارم ذات العماد بكون قرب يصحى يصلي الوكت حاضر .. ناس السودان الا زمرة العشاق والمفلسين .. وهكذا ..
انتو صحي طبارك اغترب في السعودية :)
Post: #2 Title: Re: هسع ناس دول العالم الثالث بكونوا نايمين Author: محمد حيدر المشرف Date: 09-03-2015, 11:12 PM Parent: #1
انتو دينا خالد من بورداب وين ؟!!
مكاره زي الثغلب .. بتكون نايمة وبتكتب في مداخلة نظام تأمين وكده
Post: #3 Title: Re: هسع ناس دول العالم الثالث بكونوا نايمين Author: محمد حيدر المشرف Date: 09-03-2015, 11:13 PM Parent: #2
عموم الاخوة السلفيين قطع شك بكونوا نايمين ,, انتو مافي سلفييين في استراليا ليه ؟!!
Post: #4 Title: Re: هسع ناس دول العالم الثالث بكونوا نايمين Author: محمد حيدر المشرف Date: 09-03-2015, 11:18 PM Parent: #1
احيييكم ... احيي جذوة النار التي فيكم والعن ذلك البرد المدثر روحكم برماد موتاكم
Post: #5 Title: Re: هسع ناس دول العالم الثالث بكونوا نايمين Author: محمد حيدر المشرف Date: 09-03-2015, 11:37 PM Parent: #1
يادكتور ان شاء الله خير مالك صاحي .. خلاص الجو في الدوحه اتصلح
مصطفي محمد بورداب ازدان
Post: #7 Title: Re: هسع ناس دول العالم الثالث بكونوا نايمين Author: محمد حيدر المشرف Date: 09-04-2015, 00:31 AM Parent: #6
يا محمد .. انا بصدد عمل جسم بوردابي باسم بورداب برشلونه - بورت افينتورا - العالم الاول انت ما قريت يوجد ايفون في العنوان ولا شنو :)
Post: #8 Title: Re: هسع ناس دول العالم الثالث بكونوا نايمين Author: محمد حيدر المشرف Date: 09-04-2015, 00:35 AM Parent: #7
اها الننوم وننجم لي كبسيبة مواطني دول العالم الثالث .. هسع بكونوا دخلو في الرابد آي موفمنت ...
Post: #9 Title: Re: هسع ناس دول العالم الثالث بكونوا نايمين Author: Mustafa Mohamed Date: 09-04-2015, 00:35 AM Parent: #7
كلو هين بس ان شاء الله سموحه يتستر
Post: #10 Title: Re: هسع ناس دول العالم الثالث بكونوا نايمين Author: محمد حيدر المشرف Date: 09-04-2015, 00:37 AM Parent: #9
سموحة جمل الطين .. وقيل جبن الطين آ مصطفى ,, الا لابدلهم في ملف ضيييييق .. الله يكتب الفيهو الخير ,,
Post: #11 Title: Re: هسع ناس دول العالم الثالث بكونوا نايمين Author: معاوية الزبير Date: 09-04-2015, 01:00 AM Parent: #10
Quote: وناس قطر الا معاوية الزبير بكون في الدوام ..
أو قلقان. تعرف يا صديقي الذي في أوروبا، بجانب المتعة التي وجدتها في مداخلاتك وبجانب كشفك للجمهور (وليس لي) الجانب الفَكِه في شخصيتك الثورية المناضلة فثمة فائدة ثالثة استفدتها من هذا البوست وهي أن توقيع mustafa mohamed القائل: وهل يأبِقُ الإنسانُ من مُلك ربّه، فيخرُجَ من أرضٍ لهُ وسماءِ؟ هو بيت شعر للمعري وكنت أحسبها آية قرآنية بالله دي حالة الزول يقابل بيها ربو بعد العمر دا
Post: #12 Title: Re: هسع ناس دول العالم الثالث بكونوا نايمين Author: محمد على طه الملك Date: 09-04-2015, 01:19 AM Parent: #11
أومال أيه .. أيوه كدا.. شفت كيف النفسيات اتصلحت أول ما خليت البحر وراك؟ ماك ناوي توسع الخطوة و تصلنا في هولندا ؟ إلا هسه في ذمتك دا جو تذكر فيهو الفول ؟ سلم لي معاك على سال من شعرها الذهب.
Post: #14 Title: Re: هسع ناس دول العالم الثالث بكونوا نايمين Author: سيف النصر محي الدين Date: 09-04-2015, 02:48 AM Parent: #12
يا معاوية الزبير كونك فتشتها او "قوقلتها" فاتضح لك انها بيت شعر و ليس آية يعني ان نفسك لم تطمئن للخاطر الأول بتاع انها آية و دي يعني انك فيك شي لله..فدحين قابل ربك و انت مطمن خالص و في بطنك بطيختان صيفيتان. و يا ود المشرف طبارك قاااعد في دي سي ام طرقا عراض جدا.
Post: #13 Title: Re: هسع ناس دول العالم الثالث بكونوا نايمين Author: Mustafa Mohamed Date: 09-04-2015, 02:42 AM Parent: #11
Quote: أو قلقان. تعرف يا صديقي الذي في أوروبا، بجانب المتعة التي وجدتها في مداخلاتك وبجانب كشفك للجمهور (وليس لي) الجانب الفَكِه في شخصيتك الثورية المناضلة فثمة فائدة ثالثة استفدتها من هذا البوست وهي أن توقيع mustafa mohamed القائل: وهل يأبِقُ الإنسانُ من مُلك ربّه، فيخرُجَ من أرضٍ لهُ وسماءِ؟ هو بيت شعر للمعري وكنت أحسبها آية قرآنية بالله دي حالة الزول يقابل بيها ربو بعد العمر دا
ههه عارف زكرتني زمان(ما زمان شديد ) لما كنا في بورتسودان الحكوميه كنا بنستمتع بي الكتابه البتكون مكتوبه في الضهريه بتاعت الباصات اها في باص مكتوب فيهو (الم وعذاب سنين ) عندنا صاحبنا قام وبكل وقار ههههه قال الف لام ميييييييييييم وعذاااب سنيين ههههه قصتو اشتهرت اكتر من قصة عم عبدو و البنات التلاته
Post: #15 Title: Re: هسع ناس دول العالم الثالث بكونوا نايمين Author: معاوية الزبير Date: 09-04-2015, 03:11 AM Parent: #13
Quote: يا معاوية الزبير كونك فتشتها او "قوقلتها" فاتضح لك انها بيت شعر و ليس آية يعني ان نفسك لم تطمئن للخاطر الأول بتاع انها آية و دي يعني انك فيك شي لله
شي لله شنو يا سيف قول شي للشيطان هو كلام ربنا بتلخبَتو فيه كان ما ساي. ---------
Quote: قصتو اشتهرت اكتر من قصة عم عبدو و البنات التلاته
بالله يا مصطفى قبل ما ننوم -كوننا في العالم التالت و كدا- يا ريت تحكي لينا قصة عم عبدو
Post: #16 Title: Re: هسع ناس دول العالم الثالث بكونوا نايمين Author: ابراهيم حموده Date: 09-04-2015, 10:10 AM Parent: #15
دكتور المشرف وصحبه الميامين صباحكم خير بتوقيتنا لأني ما متابع كويس الفترة الأخيرة قلت الحاصل شنو ود المشرف عمل ليهو خلطلة أدوية ما ظبطت زي ما بقولو الشوام (وجه ضاحك). معاوية الزبير تحياتنا.. يعني الكيزان هدو فيك لغاية ما بقيت تشوف ليك بيت شعر عديل كده وتقول : هي لله والتحية لزوار البوست (قاطبة). مودتي
Post: #17 Title: Re: هسع ناس دول العالم الثالث بكونوا نايمين Author: محمد حيدر المشرف Date: 09-04-2015, 10:27 AM Parent: #16
هههههه .. خلطة أدوية يا ابراهيم ؟! لا لم أغادر ذاكرة العالم الثالث بهذا المعني :) ..
معاوية يا صديقي مقلق مالك .. نوم قفا آ زول
يقول المعري ..
إذا كان علمُ الناسِ ليسَ بنافعٍ ولا دافعٍ، فالخُسْرُ للعلماءِ قضى الله فينا بالذي هو كائنٌ، فتَمّ وضاعتْ حكمةُ الحكماءِ وهل يأبِقُ الإنسانُ من مُلك ربّه، فيخرُجَ من أرضٍ لهُ وسماءِ؟ سنتبعُ آثارَ الذينَ تحمّلوا، على ساقةٍ من أعبُدٍ وإماءِ لقد طالَ، في هذا الأنامِ، تعجُّبي، فيا لرِواءٍ قُوبِلوا بظِماءِ أُرامي فتُشْوِي من أُعاديه أسهمي، وما صافَ عني سهمُه برِماء وهل أعظُمٌ إلاّ غصونٌ وَرِيقةٌ، وهلْ ماؤها إلاّ جَنيُّ دِماء؟ وقد بانَ أنّ النَّحْسَ ليسَ بغافلٍ، له عملٌ في أنجُمِ الفُهماءِ ومنْ كان ذا جودٍ وليسَ بمكثرٍ، فليسَ بمحْسوبٍ من الكُرَماء نهابُ أموراً، ثمّ نركبُ هَوْلها، على عَنَتٍ منْ صاغِرِين قِماء أفِيقوا أفِيقوا يا غُواةُ! فإنما دِياناتكمْ مكرٌ من القُدَماء أرادُوا بها جَمعَ الحُطام فأدركوا وبادوا وماتتْ سُنّةُ اللؤماء يقولون: إنّ الدهر قد حان موتُهُ، ولم يبقَ في الأيام غيرُ ذَماء وقد كذَبوا مايعرفون انقِضاءَهُ، فلا تسمعوا من كاذب الزّعماء وكيف أُقضّي ساعة بمسرّة، وأعلمُ أنّ الموت من غُرَمائي؟ خُذوا حذراً من أقَربينَ وجانبٍ، ولا تذهلوا عن سيرةِ الحُزَماء
في الحقيقة يا معاوية .. ولقد قوقلت زيك .. وقفت على تناقضات كبيرة في هذه القصيدة .. تناقضات تنبيء عن نفس تتقلب قلقا "كحالك, يا صديقي ..
المهم أعجبني فيما قوقلت كلام طه حسين عن المعري والمتنبيء والمقارنة بينهما .. يقول طه حسين : والمتنبي حكيم ينتحل الحكمة ويتكلّف الفلسفة، وأبو العلاء المعري حكيم حقّاً وفيلسوف لا يعرف التّكلّف ولا الانتحال؛ والمتنبّي متكسّب بشعره، وأبو العلاء لم يذق لشعره ثمرة مادّية في حياته؛ والمتنبي محبٌّ للدّنيا متهالك عليها، وأبو العلاء مبغض للدنيا زاهد فيها مزدر لطلاّبها؛ ولقد ظلّ أبو الطّيّب يكدح طول حياته في طلب الدنيا حتى قتَلَتْه، بينما ظلّت الدنيا تكدح في طلب أبي العلاء حتى قتلها..
Post: #18 Title: Re: هسع ناس دول العالم الثالث بكونوا نايمين (ي Author: محمد حيدر المشرف Date: 09-04-2015, 10:45 AM Parent: #1
مولانا الملك .. تحية أندلسية خالصة .. وفي هذا الاندلس ترتدي الاشياء الجميلة معانيها تماما .. حتى الالوان تختلف ..
استقر بي المقام هنا وحتى العودة لسواحل الملح والرطوبة في الخليج .. وكنت أمني النفس بجولة اطول في نواحيكم .. الا ان الحركة مع الاولاد شوية صعبة ..
وما ذكرت الفول الا وفاءً يا عزيزي :)
دكتورسيف .. الحمد لله انو أطمأنينا على طبارك الذي ..
Post: #19 Title: Re: هسع ناس دول العالم الثالث بكونوا نايمين (ي Author: أيمن الطيب Date: 09-04-2015, 12:54 PM Parent: #18
يا حسن ،،،
يا صاحب فتشت ليك فتيش شديد في اليومين الفاتو ديل،،،
وانت تراك عبرت المتوسط،،
كنت داير اكتب ليك كتير لكن المداخلات من الأيفون صعبة شديد.
استمتع يا صاحب.
Post: #20 Title: Re: هسع ناس دول العالم الثالث بكونوا نايمين (ي Author: ست البنات Date: 09-04-2015, 01:39 PM Parent: #19
سلام للجميع , وخاص للاخ المشرف صاحب القلم الخفيف الظل الذي استطاع أن يطعمنا طحينة بدل الهوت دوق. ونحنا هنا في الأقاصي نجافي النوم ونتلمس الكلم الجميل من ال الوطن الشفيفيين , فنشتم روائح الجوافة والقرفتن (فهمتوها ؟ دي بالشايقي القح)! ست البنات.
Post: #21 Title: Re: هسع ناس دول العالم الثالث بكونوا نايمين (ي Author: محمد البشرى الخضر Date: 09-04-2015, 02:43 PM Parent: #20
Quote: الله يا مصطفى قبل ما ننوم -كوننا في العالم التالت و كدا- يا ريت تحكي لينا قصة عم عبدو
معقول يا ود الزبير!! عم عبدو صار اشهر من نار على علم في اليومين الفاتن حتى ان بروف امين المكتشفة غواصته مؤخرا افرد له استيتس في الفيس بووك, وانت عارف استيتسات البروف بقى هاكا ليه واحد من الفيرشنات
تحياتي يا ود المشرف, أمانة كان لاقاك ميسي سلّم لينا عليه :)
Post: #22 Title: Re: هسع ناس دول العالم الثالث بكونوا نايمين (ي Author: عبدالحفيظ ابوسن Date: 09-04-2015, 03:23 PM Parent: #21
بي الله دي عملية تعملها .. مغرود لي في موبايل جيت جاري وقلت الايفون ما مرغوب في دول العالم الثالث لكن وقت ملح نجازفو ما بطال وقلت اكيد صحبي ودالمشرف بكون جاب اسمي
Post: #23 Title: Re: هسع ناس دول العالم الثالث بكونوا نايمين (ي Author: معاوية المدير Date: 09-04-2015, 03:36 PM Parent: #22
Quote: والقرفتن
قِرِفتِن مفرده قِرِفتِنة وهو القِرين .
يا دكتور سيف عليك الله شوف لي فتوة زي العملتها لود الزبير دي، مغرود فيها .
يا ود المشرف اراك البحر امامك والعدو معك، فأين المفر ؟...
Post: #24 Title: Re: هسع ناس دول العالم الثالث بكونوا نايمين (ي Author: أحمد محمد عمر Date: 09-04-2015, 06:07 PM Parent: #23
عم عبدو في النهاية طلع راجل والبنات اتغشن
انتو بالمناسبة ابرما يعني شنو ؟
Post: #35 Title: Re: هسه ناس دول العالم التات بكونو نايمين Author: عمر السلمة Date: 09-15-2015, 10:50 AM Parent: #24
..
Post: #36 Title: Re: هسه ناس دول العالم التالت بكونو نايمين Author: عمر السلمة Date: 09-15-2015, 10:51 AM Parent: #35
البرم بمعنى فتل الحبل في القاموس السوداني وكلمة ابرما أو ابرمه يقولها الكمساري للسواق لما يكون راجع للخلف وتعني الكسرة (كسرة الدريكسون) بلفه يمن او يسار .. والله أعلم تحياتي للجميع
Post: #25 Title: Re: هسع ناس دول العالم الثالث بكونوا نايمين (ي Author: محمد حيدر المشرف Date: 09-05-2015, 10:30 AM Parent: #1
العالم الثالث لا تنقضي عجائبه .. هسع عم عبدو ده اول مرة من الله خلقتا نسمع بيهو ؟!!
Post: #26 Title: Re: هسع ناس دول العالم الثالث بكونوا نايمين (ي Author: ABUHUSSEIN Date: 09-14-2015, 01:00 PM Parent: #25
شايفك إتماديت ... و دا ما كويس عشان صحتك ... بعدين شايفك برضو بقيت طواااااااااااااااااااالي لاميني مع كبسور المنبر و دا برضو ما كويس ....
Post: #27 Title: Re: هسع ناس دول العالم الثالث بكونوا نايمين (ي Author: محمد حيدر المشرف Date: 09-14-2015, 02:18 PM Parent: #1
خلاص رجعنا لدول العالم الثالث .. اول مشهد صادفني من هذا العالم كان في مطار دبي .. وكنت طوال ال 3 أسابيع لم "بكاء الأطفال" وعصبية ذويهم .. كما وأننا في هذا الجزء من العالم نستهلك الكثير من الملابس !!!
.. ليس بمستغرب أن يتزامن رد ابوحسين مع ملامح وشواهد رجوعنا لهذا العالم .. ما كان لي أن اصادف رده وأنا أتنزه في الشانزيليزيه على اية حال !!
Post: #28 Title: Re: هسع ناس دول العالم الثالث بكونوا نايمين (ي Author: معاوية الزبير Date: 09-14-2015, 05:18 PM
انت زاتك البجيبك زي الوقت دا شنو؟ ما عارفم بكونوا صاحين؟ قال نوم العوافي قال
Quote: ليس بمستغرب أن يتزامن رد ابوحسين مع ملامح وشواهد رجوعنا لهذا العالم .. ما كان لي أن اصادف رده وأنا أتنزه في الشانزيليزيه على اية حال !!
والله كيفتني كيف الكتابة دي بغض النظر عن المقصود بيها منو. عجبتني روح الكلمات وأخلاقها، مش بقولوا الجمال جمال الأخلاق
يبدو إنك جيت راجع بمخزون هائل من الجمال بيد أنه لن يلبث أن يتبدد في الصبر على عملية وزن كفتي الميزان مع العالمثالثيين ديل يعني كل ما تخت حتة جمال عشان كفة جمالك ترجح تلقى الكفة التانية أتقل تقوم تخت فتفاتة جمال تاني وتالت وهكذا عبثا.. وتولى
المهم حمدا لله على سلامة العودة .... للمراح، شانزليزيه!! ما لاقيت أحفاد ناس انطوانيت
Post: #29 Title: Re: هسع ناس دول العالم الثالث بكونوا نايمين (ي Author: ABUHUSSEIN Date: 09-14-2015, 10:20 PM Parent: #28
Quote: ليس بمستغرب أن يتزامن رد ابوحسين مع ملامح وشواهد رجوعنا لهذا العالم .. ما كان لي أن اصادف رده وأنا أتنزه في الشانزيليزيه على اية حال !!
مداخلتك دي لم قريتها كان قدامي صينية بتاعة بقلاوة و في يدي كباية شاي سادة و الله استكترتهم عليك اها جيتك بعد ما طفحت صحن الفول ... ياخوي مطار دبي دا معقول ما فيهو مرايا عشان تتأكد من انك فعلا من و الى العالم الخامس مش التالت بتاعنا نحن ..... ؟؟؟؟ **************
Quote: والله كيفتني كيف الكتابة دي بغض النظر عن المقصود بيها منو. عجبتني روح الكلمات وأخلاقها، مش بقولوا الجمال جمال الأخلاق
يعني البوست دا كولو ما كيفتك الا الحتة الفيها سيئ الحظ دا ... ؟؟؟ غايتو ابو حسين دا تطير عيشتو .... لكن الله في ...
Post: #39 Title: Re: هسع ناس دول العالم الثالث بكونوا نايمين (ي Author: لطفى العمده Date: 09-15-2015, 09:19 PM
بالله يا محمد حيدر دبي ( عندكم تعتبر يعني من مدن دول العالم الثالث ) علي اليمين نحنا شايفنها حكاية ------------------------------ والله دا بوست قلبو ابيض
وناسو صفوة
معليش دخلنا ساي
Post: #30 Title: Re: هسع ناس دول العالم الثالث بكونوا نايمين (ي Author: محمد حيدر المشرف Date: 09-14-2015, 11:16 PM Parent: #1
القرفتن !!
وبعد شروحات ود المدير .. تيقنت أن لسان الذي نتحانن به أعجمي .. وهذا لسان "شايقي" حنين ..
ست البنات لي حدهن .. مثل هذه المباغتات اللغوية الاليفة .. قدمت لنا حميد وعاطف خيري وهلمشعرا ..
... سبحانك ربك رب العزة عما يصفون ..
Post: #33 Title: Re: هسع ناس دول العالم الثالث بكونوا نايمين (ي Author: عبدالعزيز الفاضلابى Date: 09-14-2015, 11:54 PM Parent: #30
Quote: وهل يأبِقُ الإنسانُ من مُلك ربّه، فيخرُجَ من أرضٍ لهُ وسماءِ؟ هو بيت شعر للمعري وكنت أحسبها آية قرآنية بالله دي حالة الزول يقابل بيها ربو بعد العمر دا
ذكرتنى يامعاوية قصة الحلفاوى ,, ولدو بغنى فى الحمام طلع البدر علينا ,, ابوهو نهرو ,, مرتو قالت ليهو يا راجل مالك على الولد؟ قال ليها كيف انتى ماسامعاهو بقرا قرآن فى الحمام قالت ليهو يارجل بس ده ماقرآن ده نشيد ,, قال ليها ,, انا لى تلاتين بصلى بيه ,,, تحياتى ودالمشرف وضيوفه
Post: #31 Title: Re: هسع ناس دول العالم الثالث بكونوا نايمين (ي Author: محمد حيدر المشرف Date: 09-14-2015, 11:40 PM Parent: #1
ايمانوف الطيب .. كيفك وكيف كيفك يا صديقي ..
عبرت المتوسط كما لم أعبر من قبل .. وسآتيك من "سالوو" بخبرٍ يقين ..
وسالوو هذه مدينة كاتلونية ساحلية على المتوسط تقع ضمن مديرية تاراغونا والتي تمثل واحدة من اربعة مديريات تمثل في مجموعها اقليم كاتالونيا .. تبعد حوالي 120 كيلو من برشلونة ولا أروع يا صديقي !! ..دعة العيش والرفاهية الطبيعية "غير المصنوعة وغير المكلفة على الاطلاق" وهداوة بال السكان هي اكثر ما يلفت نظرك "غير المعالم البارزة والمتناثرة على الشواطيء الخلابة والممتدة" في هذه البلاد .. لا يفوتني أن اذكر أن المعلم الرئيسي هي مدينة الملاهي العملاقة "بورت افينتورا" والمكونة من قسمين two parks .. وبالتالي تكون المدينة وجهة مثالية للاسر ذات تكلفة اقتصادية مثمرة جدا ..
المهم جاييك بالدرب او التلفون ..
Post: #32 Title: Re: هسع ناس دول العالم الثالث بكونوا نايمين (ي Author: محمد حيدر المشرف Date: 09-14-2015, 11:44 PM Parent: #1
Quote: مداخلتك دي لم قريتها كان قدامي صينية بتاعة بقلاوة و في يدي كباية شاي سادة و الله استكترتهم عليك
بقلاوة ؟!!!
هذا ما اتحدث عنه بالتحديد !!
Post: #34 Title: Re: هسع ناس دول العالم الثالث بكونوا نايمين (ي Author: معاوية الزبير Date: 09-15-2015, 02:47 AM Parent: #32
مزاجك عالي يا ود المشرف، خليك كدا، ولا يجرمنك أي شئ --------
Quote: مداخلتك دي لم قريتها كان قدامي صينية بتاعة بقلاوة
كان ما خايف من السكري يا أبو حسين، خاف من الشرقان ياخ، ولّ انت مركّب sugar absorber
Post: #37 Title: Re: هسع ناس دول العالم الثالث بكونوا نايمين (ي Author: عزالدين عباس الفحل Date: 09-15-2015, 11:12 AM Parent: #34
Post: #38 Title: Re: هسع ناس دول العالم الثالث بكونوا نايمين (ي Author: محمد حيدر المشرف Date: 09-15-2015, 11:50 AM Parent: #1
معاوية الزبير صاحبي .. أو معاوية الزبير الابوبكر عباس صاحبو ..
Quote: بدو إنك جيت راجع بمخزون هائل من الجمال بيد أنه لن يلبث أن يتبدد في الصبر على عملية وزن كفتي الميزان مع العالمثالثيين ديل
مخزون جمال ومخزون تاملات كثيرة جدا .. لولا أن خاصية تحميل الصور معطلة في هذا المنبر المشيد .. لكنت اتحفتكم بأولى التأملات .. وتدور يا صاحبي حول البنبر (ذات بنبرنا) والمقشاشة (ذات مقشاشتنا) و الحصيرة (ذات حصيرتنا) .. وقد فاجأتني هذه الكائنات الاليفة بمتحف اللوفر .. ولكن في قسم المصريات .. تصور !! وكان تأريخها يعود لما قبل الميلاد !!
عموما ساصبر على خاصيات المنبر المعطلة ومعطلانا معاها دي ..
Post: #40 Title: Re: هسع ناس دول العالم الثالث بكونوا نايمين (ي Author: محمد حيدر المشرف Date: 09-15-2015, 09:39 PM Parent: #1
الايفون والسامسونج وما اليهما ديل ثمرات محرمة علينا يا ود ابسن .. لا مبرر على الاطلاق لانفاق المئات من الدولارات على وسيلة تواصل اجتماعي .. الايام دي اقعوا تلفونات ميكروسوفت "نوكيا سابقا"
نصيحة مجرب يا صاحب ..
Post: #41 Title: Re: هسع ناس دول العالم الثالث بكونوا نايمين (ي Author: ABUHUSSEIN Date: 09-15-2015, 09:49 PM Parent: #40
Quote: كان ما خايف من السكري يا أبو حسين، خاف من الشرقان ياخ، ولّ انت مركّب sugar absorber
السكري و الشرقان بجيبوهم الناس الوهم ما البقلاوة ..... :) :)
Post: #42 Title: Re: هسع ناس دول العالم الثالث بكونوا نايمين (ي Author: محمد على طه الملك Date: 09-15-2015, 09:51 PM Parent: #40
Quote: وقد فاجأتني هذه الكائنات الاليفة بمتحف اللوفر .. ولكن في قسم المصريات .. تصور !! وكان تأريخها يعود لما قبل الميلاد
ما ياهو دا تاريخنا المنسوب لمصر بجغرافيتا الحالية .. مع إنو مصر بجغرافيتا زمن حكم الرومان كانت هي ( الدلتا) فقط .
Post: #43 Title: Re: هسع ناس دول العالم الثالث بكونوا نايمين (ي Author: محمد حيدر المشرف Date: 09-15-2015, 10:07 PM Parent: #42
يا ملك ..
المفارقة الكبرى كانت في الاسم EGYPTE .. (كما كتبوا عليها) .. ليست للفراعنة .. واهو بندخل رجلينا تحت هذا المسمى المصادر .. لكن بلاد القبط ديل ما عندنا معاها فرقة كما أظن .. اليس كذلك ؟!!
.. وافر الاحترام والتقدير للاقباط .. وهم اصحاب تأريخ طويل وعريض بالتأكيد .. وبدورهم يكون تأريخهم اكثر أصالة ورسوخ في البلدين .. ويستحق اكثر مما يجد الان ..
Post: #44 Title: Re: هسع ناس دول العالم الثالث بكونوا نايمين (ي Author: محمد على طه الملك Date: 09-16-2015, 00:34 AM Parent: #43
تصدق إيجبت هو الاسم الصحيح لدويلة الدلتا التي اسسها الأسكندر الأكبر قبل الميلاد .. وهي التي عرفت بمصر في مصادر فتوحات المسلمين .. بالتأكيد لا شأن لنا بها كسودانين ولا شأن لهم بفراعين ممفيس وعمقها الجنوبي .. في إحدى زياراتي للمتحاف الفرعوني كان ضمن مجموعتي فوج من الكويتيين .. وقفنا عند تابوت توت عنخ آمون .. قال المرشد السياحي هذا التابوت من الذهب الخالص .. فعلق احد الكوايته بما معناه كانت مصر غنية بالذهب.. فقلت فورا بل السودان .. التفت نحو الجميع بما فيهم المرشد المصري ولم يرد بكلمة.
Post: #45 Title: Re: هسع ناس دول العالم الثالث بكونوا نايمين (ي Author: محمد البشرى الخضر Date: 09-16-2015, 05:24 AM Parent: #44
يا دوك هسّي نحمدل سلامة العودة للعالم التالت ولا نبارك الإجازة الظريفة في العالم الأول و نتفن في الواطة كما فعها أهل عوض ما فاغرين افواههم و مبهورين بحكاوي وصولات وجولات صاحبهم الذي زار الخرتوم للمرّة الأولى وعاد ليونّس اصحابه بالإسكريم البارد وأمّك ولّعت أمّك طفت
