وقفة مع ( العامل فيها هناى )

00:37 AM Sep, 03 2015
سودانيز اون لاين
ضرغام عباس-فرجينيا / الولايات المتحدة الامريكية
مكتبتى فى سودانيزاونلاين



نسمع كثيراً عبارات من شاكلة ( عامل فيها ماردونا ) او ( عامل فيها عنتر ) او ( عامل فيها محمد وردى ) او ( عامل فيها سبع البرمبه ) .... الخ
القاسم المشترك بين اولئك النجوم - ان صح التعبير - و اعنى ماردونا و عنتر و وردى و سبع البرمبه هو انهم مشبه به ( على سبيل التهكم و الاستحقار ) لشخص أجاد و احسن و لكن نظر اليه الآخرُ بعين السخط التى هى دوماً تبدىء المساوى
فعين الرضا عن كل عيب كليلة
و عين السخط تبدىء المساويا ....
قطعاً هنالك اجادة و إتقان اديا الى استفزاز ذلك الساخط و لكن ابت نفسه المريضه الا غمط الحق و تحقير الجهد و تقبيح الجمال وفق هوى نفسه المجبول على الكره
(عامل فيها .... ) جملة ازدرائية اقعدت كثيراً الهمم و أشاعت الاحباط و الخذلان و تمثل جانباً قبيحاً من النقد الهدام الذى يمارسه بعض الناس بدافع من الحسد و كراهية النجاح للآخرين
اخى ( العامل فيها هناى ) امض قدماً فى درب التفوق و التميز و الابداع و تشبه بمن شئت من الناجحين و صم آذانك عن هكذا جمل و عبارات تتفوه بها السن ليس لها فى معايير التقييم وزن و حظها من الموهبة و الابداع الصفر الكبير
فالذى نفسه بغير جمال لا يرى فى الوجود شيياً جميلا

و كدا كدا يا الترله

ضرغام سلامات...

غايتو عاوز أعلق على المكتوب ده إلع خايف من إتنين:

خايف تقول لي إنتا هناي ساي..

أو إنك تتجاهل مداخلتي بعد ما أتعب فيها!















-----------------------
أها.. هناي ولا ما هناي؟

فعلاً كلام محبط للغاية

انت زاتك عامل فيها ( هناي ) ههههههههههه

هههههه .. عنوان لذيذ ومبتَكر ..

تحياتي ضرغام

كلام حاصل كتييير والله ..
وفي العينة البتقول ليك : اها وبعد ما تعمل الماجستير ؟؟ ما هداك فلان عندو ماجستير وسايق ركشة ..
في ناس ما عندهم شغلة غير تثبيط الهمم
تحياتي

الى الأخ الحبيب العامل فيها ضرغام ..

يا أخى .. ما انت برضو من اسمك عامل فيها أسد .. ها .. ها .. ها ..

و أنا العامل فيها عجوز .. جاى مخصوص .. عشان ما أرحب بكم
يا أخى .. لأننى أعتقد .. والله أعلم .. أنا عامل فيها ناسى .. لا أتذكر
أننى قمت بواجب الترحاب .. والترحيب بكم .. لأننى لا أتذكر
أننى وقفت مع أسد .. وكما قال الفنان الكبير .. عادل إمام " أنا بخاف من ....
يطلعلى أسد .. "
فيا أخى ضرغام .. أتمنى لكم إقامة سعيدة فى هذه الغابة .. أسف
فى هذه الحديقة .. بس عليك الله ما تعمل لينا فيها ضرغام ..
كلو تمام .. يا فندم ..
مرة أخرى أهلاً بكم يا أخى الحبيب ..
عمكم وأخوكم العجوز ..
ارنست ارجانوس جبران
+++

ضرغام عامل لينا فيها ابوعرام
وحتى اللحظة ماعارفين من هو ابوعرام دا
بصراحة البوست دا فيهو اشارة مهمة
لجماعة اﻻحباط ومكسري المجاديف والفاشلين
وفي ناس سواء من اﻻهل او الجيران او حتى معرفة دقايق
او صدف ....ممكن يكون ليهم تاثيرسلبي
في حياة اﻻنسان.....ممكن يخشر نخرتو
ويقول ﻻبوك..كلية فنون شنو ياخ
الرسم زاتو حرام وبعدين حيشتغل شنو؟
حيقعد ليكم عاطل في البيت ولو درس موسيقى
ياهو السهر والصعلقة والسكر
تحياتي للجميع....وخاصة ضرغام
العامل فيها انشتاين

اولاً ابدأ بالاخ محمد ياسين الخليفة لانه طالبنى فهو اول من رحب بى و انا جاى داخل متلحف الدهشه ( و لكل قادم دهشه )
اشكرك اخى محمد و كلماتك فى حقى وسام به أفاخر و لعل الله يجمعنا على الحقيقه كما جمعنا على ( خيال الماته هذا )
و انت براء من انك عامل فيها هناى فانت عندى الهناى زاااتو

جمال بركيه انا عامل فيها هناى و كان ما عاجبك فى الخرطوم فى نيلين اختار منهم واحد و اشرب ..

منير لك التحية و مرحب بيك فى عناوين اُخر قادمات

عمر السلمه - تحياتى
و وصيتى تعامل معهم بذات العبط و خليك ماشى فى طريقك

عمنا العجوز ارنست جبران لك التحية
أصدقك القول ان ضرغام اسمى الذى امشى به فى دنيا الناس لا هو نتاج انى عامل فيها و لا نتاج ( لبده و تخفى ) و كلو تمام يا فندم


الاخ احمد ياسين - تحياتى
بالنسبه لأبو عرام دا و حسب ما قرأت لابن كثير و ابن الأثير و ابن منو كدا ما عارف قالوا انو شخص كان عامل فيها ضرغام عباس .. لكن هنالك من كسر مقاديفو و كل يوم يقول ليهو يا ابو عرام ما تعمل لينا فيها ضرغام عباس

للجميع
اتحفتونى اسعدتونى
لكم كل الود و التجلة

أوووه وجه جديد مميز
حبابك تشيل مع أمثالك كتف المنبر الميّل

معاويه
بدعمكم ( انا لها ) ... و بنفسك ( ابشر ) و مع المجموعة ( عضلات تبش )
كتر خيرك يالحبيب