إيميلات غربيـة: من لديه معلومات عن شركة جوبا للتأمين المحدودة.

04:53 PM Sep, 02 2015
سودانيز اون لاين
Abureesh-NJ
مكتبتى فى سودانيزاونلاين



شركة جوبا للتأمين المحدودة

هل هى شركـة حقيقيـة أم وهميـة؟

وشكــراً

سلام يا ابو الريش، ما بعرف شركة جوبا للتامين دي. لكن فى شركة اسمها النيل الازرق للتامين، دي ابعد منها. بالذات للتامين الصحي فى حالات السفر للخارج. ايييك عندنا معاها تجربة مريرة جدا ربما اكتب عنها فى الفترة الجاية. شركة لصه!

شكرا يا أبو بكر..

والموضوع مختلف تماماً ولا أبحث عن شركة للتأمين.. الشركـة هذه ومنذ فترة، ترسل لى إيميلات مشفـرة.. وحاولت ارد عليهم دون جدوى - طريق فى إتجاه واحد ولا يردون.
قلت لهم لست معنيا بكل هذا وأنتم ترسلون لشخص خطأ.. مافى رد..

سلام الأخ أبو الريش
فيما يتعلق بحقيقة وجود شركة جوبا للتأمين هي شركة حقيقية وهي لرجل أعمال سوداني اسمه أمين عكاشة وهو من التجار المعروفين والقدامى في جنوب السودان وأغلب ممتلكاته في جنوب السودان ولديه جوبا للطيران وجوبا للنقل ، وقبل فترة كان في لقاء معه في قناة الجزيرة بعيد انفصال الجنوب ، وهو من الجعليين من منطقة شندي ولكن استقر في الجنوب والعاصمة ، وكنا في صحيفة السوداني مجاورين لعمارتهم السكنية .
أما بالنسبة للإيميلات ما أقدر افتيك .

Quote: والموضوع مختلف تماماً ولا أبحث عن شركة للتأمين.. الشركـة هذه ومنذ فترة، ترسل لى إيميلات مشفـرة.. وحاولت ارد عليهم دون جدوى - طريق فى إتجاه واحد ولا يردون. قلت لهم لست معنيا بكل هذا وأنتم ترسلون لشخص خطأ.. مافى رد..

اعمل لها Block

Quote: اعمل لها Block

فكرة ممتازة ما عارف فاتت على كيف

شكرا يا عبد العزيز

Quote: الشركـة هذه ومنذ فترة، ترسل لى إيميلات مشفـرة..

Its me, again

في إيميلات ما مشفرة يا أبوريش؟

Quote: في إيميلات ما مشفرة يا أبوريش؟

تقصـد شنو يا حاتم.. أنا إشتغلت فى التشفير وممكن أدى أى هكر سنـة كاملة عشان يفك نص مشفـر ببرناجى..

وما أعنيه الكل هنا عرفته بالبداهـة، اننى اتلقى نصوص مشفرة، يعنى ما لغـة عادية.. طلاسم.. وشفرة الإيميل تتفك أوتوامتيكيا فى كمبيوتر المتلقى قبل قراءة الإيميل لذلك هى transparent بالنسبة لك ولا
ترى النص المشفـر.

Quote: أنا إشتغلت فى التشفير وممكن أدى أى هكر سنـة كاملة عشان يفك نص مشفـر ببرناجى.. وما أعنيه الكل هنا عرفته بالبداهـة، اننى اتلقى نصوص مشفرة، يعنى ما لغـة عادية.. طلاسم.. وشفرة الإيميل تتفك أوتوامتيكيا فى كمبيوتر المتلقى قبل قراءة الإيميل لذلك هى transparent بالنسبة لك ولا ترى النص المشفـر.

Quote: طھظ‚طµظ€ط¯ ط´ظ†ظˆ ظٹط§ ط­ط§طھظ….. ط£ظ†ط§ ط¥ط´طھط؛ظ„طھ ظپظ‰ ط§ظ„طھط´ظپظٹط± ظˆظ…ظ…ظƒظ† ط£ط¯ظ‰ ط£ظ‰ ظ‡ظƒط± ط³ظ†ظ€ط© ظƒط§ظ…ظ„ط© ط¹ط´ط§ظ† ظٹظپظƒ ظ†طµ ظ…ط´ظپظ€ط± ط¨ط¨ط±ظ†ط§ط¬ظ‰.. ظˆظ…ط§ ط£ط¹ظ†ظٹظ‡ ط§ظ„ظƒظ„ ظ‡ظ†ط§ ط¹ط±ظپطھظ‡ ط¨ط§ظ„ط¨ط¯ط§ظ‡ظ€ط©طŒ ط§ظ†ظ†ظ‰ ط§طھظ„ظ‚ظ‰ ظ†طµظˆطµ ظ…ط´ظپط±ط©طŒ ظٹط¹ظ†ظ‰ ظ…ط§ ظ„ط؛ظ€ط© ط¹ط§ط¯ظٹط©.. ط·ظ„ط§ط³ظ….. ظˆط´ظپط±ط© ط§ظ„ط¥ظٹظ…ظٹظ„ طھطھظپظƒ ط£ظˆطھظˆط§ظ…طھظٹظƒظٹط§ ظپظ‰ ظƒظ…ط¨ظٹظˆطھط± ط§ظ„ظ…طھظ„ظ‚ظ‰ ظ‚ط¨ظ„ ظ‚ط±ط§ط،ط© ط§ظ„ط¥ظٹظ…ظٹظ„ ظ„ط°ظ„ظƒ ظ‡ظ‰ ط¨ط§ظ„ظ†ط³ط¨ط© ظ„ظƒ ظˆظ„ط§ طھط±ظ‰ ط§ظ„ظ†طµ ط§ظ„ظ…ط´ظپظ€ط±.

ربما أكثر أو أقل

طيب هل الكلام المقتبس الفوق (التاني) دا مشفر ؟ حسب بداهتك؟ والجملة التحت دي هل هي صحيحة؟ "قفلوا الطريق على وكالات الأمن التي تطلب معلومات عن المتصفحين والمواقع التي يزورونها.. و رفعوا عامل التشفير الى 256 بايت، والشركة نفسها لا تستطيع معرفة معلومات الزوار او المتصفحين، وقال المتحدث باسمها انهم حتى لو شحنوا كمبيوترهم لوكالة الامن القومى فستجده كومة من الحديد. " أقصد (رفعوا عامل التشفير إلى 256 بايت)، هل هذا صحيح؟

يا حاتم داير تصل لشنو فى النهاية..

كل إيميل مشفر فى الطريق فقط.. ولكن حين يصلك ال client بتاعك يفك الشفرة وإلا فلن تستطيع قراءته.. ولكن لو المرسل شفره قبل ان يرسله فسوف يشفر مرة اخرى
بواسطة الإيميل ثم حين تفتحه يكون تشفير شركة الإيميل إتعكس ولكنك لا تستطيع قراءته لأنه عاد الى النص الأصلى المشفر بواسطـة المرسل..

مثال: عبارة (الطقس حار فى الصيف بارد فى الشتاء)

1- أنا اشفرها لتكون مثلا (شسيتب^%4هبيـ(98@#) ثم ارسلها لك بالإيمل عادى
2- الإيميل يأخذ النص الذى سيرسله وهى (شسيتب^%4هبيـ(98@#) وثقوم بتشفيرها الى مثلاً (#4##5ْْس@!!(<"") ويرسلها لك
3- الإيمل client بتاعك سيعمل decryption للإيميل القادم ويعيد عبارة (#4##5ْْس@!!(<"") الى اصلها الذى ارسلته وهو (شسيتب^%4هبيـ(98@#)
4- أنت ستأخذ هنذا النص وتدخله فى برنامج ال decryption الخاص بنا نحن الاتنين والذى ارسلته لك من قبل، ليصل الى نص الإيميل الأصلى (الطقس حار فى الصيف بارد فى الشتاء)

أنا ما وصلنى هو رقم تلاتة ولكن ليس عندى برنامج الشركة دى عشان أفكه.

لو في زول خت إيدك على خطأ اشكره وصحح الخطأ وتجاوز الموضوع..

ما تكابر يا أبوريش كلنا بيتعلم. عموماً، راجي إجابتك.

ما فهمت قصدك من عبارة ما تكابر..

القاعد يكابر منو؟
شوف ردى على مداخلتك هل فيه مكابرة ام شرح لشئ أنت أعترضت عليه.. مداخلتى الأخيرة فوق مداخلتم هذه مباشرة.. فيها شرح وافى لما لم تلتقطه من موضوع التشفير.

اقراها كويس

Quote: يا حاتم داير تصل لشنو فى النهاية..

لو في زول خت إيدك على خطأ اشكره وصحح الخطأ وتجاوز الموضوع..

برضو بقول ليك ما تكابر يا أبوريش، دائماً بتسهب في تفاصيل كأنك بتشرح لي الأساسيات مع أنو سؤالي محدد جداً ومتخصص ضمن البداهة البتتكلم عنها. يا أبوريش ما أي رموز غير مفهومة معناها (تشفير)، في فترة سابقة كان الأعضاء بيكتبوا على الوورد وبيلصقوا على المنبر، أخونا بكري كان ضابط ترميز الصفحة على (Arabic Windows 1256) ومعظم المتصفحات بتفتح على اليونيكود فبتظهر الانت بتسميها (طلاسم). زي الفوق دي يا أبوريش، ما اسمها (تشفير) بل (ترميز). قبل ما تكبر الموضوع وتقول بيرسلو لي (إيميلات غريبة) مش كنت تعدل الترميز أولاً أو ربما هم ذاتهم ما عارفين يضبطوا ايميلهم؟ ===== أقصد (رفعوا عامل التشفير إلى 256 بايت) ===== برضك بتتهرب من السؤال الفوق دا، ليه يا أبوريش؟ دي المرة الرابعة أسألك!!!؟

.

Quote: القاعد يكابر منو؟ شوف ردى على مداخلتك هل فيه مكابرة ام شرح لشئ أنت أعترضت عليه.. مداخلتى الأخيرة فوق مداخلتم هذه مباشرة.. فيها شرح وافى لما لم تلتقطه من موضوع التشفير.

بتكابر انت يا أبوريش

وجملة زي (ما لم تلتقطه) دي لا تصدر إلا من متكابر وعدم الاعتراف بالخطأ لا يصدر إلا من متكابر، إشارة للسؤال الذي تردد أربعة مرات حتى الآن وغير ذلك كثير. لكن واحدة واحدة، فلا تنفعل الأسئلة ضمن تخصصك وهي بديهية حسب ما تقول.

كلامك الفوق دا اسمه عنزة ولو طارت

الطلاسم هى اى كلام غير مفهوم ولكن له معنى يحتاج لأدوات معنية لفك طلاسمه.

فعبارة مثل (لا اقول نفس العبارة التى وصلتنى ولكن شبهها).. "الطبيب عالج المريض وسمح له بالسفر على البص الأبيض".. فهذا كلام مشفر وليس رموز.. كلمات واضحة دع عنك ان تكون حروف وكما مشفرة.
كلمات واضحة وجمل صحيحة نحويا ولكن معناها غير مفهوم.

بعدين انت قلت فى أول تعليق: هل فى إيميل ما مشفر، ثم الان تتهرب من مواجهة هذه العبارة بعد ان وضح لك عدم علاقتها بحديثى.. لأنه لو اى إيميل مشفر فكيف تستطيع قراءته وفهمه؟ ردى القاعد تقول
عليه مطول هو على عبارتك هذه.. وكيف ان تشفير الإيميل أنت لا تشعر به لأنه تم فك الشفير لمجرد فتحك للإيميل.. ولكن لو النص الأصلى مشفر من المرسل فستراه مشفرا ولن تستطيع قراءته..

خلى المكابرة ومن تواضع لله رفعه..

Quote: بعدين انت قلت فى أول تعليق: هل فى إيميل ما مشفر، ثم الان تتهرب من مواجهة هذه العبارة بعد ان وضح لك عدم علاقتها بحديثى.. لأنه لو اى إيميل مشفر فكيف تستطيع قراءته وفهمه؟ ردى القاعد تقول عليه مطول هو على عبارتك هذه.. وكيف ان تشفير الإيميل أنت لا تشعر به لأنه تم فك الشفير لمجرد فتحك للإيميل.. ولكن لو النص الأصلى مشفر من المرسل فستراه مشفرا ولن تستطيع قراءته..

يا أبوريش هدي بالك، آخر زول يتهرب هنا هو شخصي البسيط

1- هل فى إيميل ما مشفر 2- طيب هل الكلام المقتبس الفوق (التاني) دا مشفر ؟ حسب بداهتك؟ 3- والجملة التحت دي هل هي صحيحة؟، (رفعوا عامل التشفير إلى 256 بايت) الفوق دي ياها اسئلتي القومت نفسك، ولا واحد رديت عليهو وقعدت تجيب أمثلة وطبيب وعنزة وبص أبيض وغيرها أولاً: معظم إن لم يكن كل الإيميلات مشفرة IMAP, SMTP من المؤكد أنها مشفرة POP3 يعطي الخيار في التشفير من عدمه وهو قديم نسبياً. ثانياً: النص الانت شايفو طلاسم، غير مشفر بالمرة، أنا حفظته باليونيكود (UTF-8) وحولته مؤقتاً للترميز (Arabic Windows 1256) فظهرت (الطلاسم) البتقول عليها (إيميلات غريبة)، واتفضل جيب صورة ليها عشان نبصرك بطلسمتها ثالثاً: الإجابة متروكة ليك، ياخي أنا ما عارف السؤال دا عامل ليك قلق ليه؟؟ قول يا صاح يا غلط وبطل مكابرة يا باشمهندس، كلنا بنغلط __________ على فكرة تذكر قبل سنة وأسبوع البوست دا، القلت لي فيهو (اشتغل معانا كويس بالله)، وكل اتهاماتك كانت خطأ، وإطلاقاً ما فكرت تعتذر أو تتأسف أو حتى تصحح كلامك. http://sudaneseonline.com/board/470/msg/1408431430.html

على بال ما تراجع البوست القديم وتدينا رأيك بعد خوتنا الطويلة دي، أها يا أبوريش، ما تقول ما شايفو

3- والجملة التحت دي هل هي صحيحة؟، (رفعوا عامل التشفير إلى 256 بايت) أها صاح ولا غلط؟ عشان نخلص من هيعة (تكابرون) دي!

Quote: فعبارة مثل (لا اقول نفس العبارة التى وصلتنى ولكن شبهها).. "الطبيب عالج المريض وسمح له بالسفر على البص الأبيض".. فهذا كلام مشفر وليس رموز.. كلمات واضحة دع عنك ان تكون حروف وكما مشفرة. كلمات واضحة وجمل صحيحة نحويا ولكن معناها غير مفهوم.

أما الفوق دا فبسموهو السفسطة (evasive sophestication)

عشان كدة في كل مداخلاتي معاك بحرص أجرك جر للإنجليزي، عشان ما تلقى فرقة تكلمنا عن "النحو". وأهو البوست بتاع تحليل اللغة شاهد، تقول ما عندي عربي، نقول ليك حباب الانجليزي، ترجع تقول "رجعنا للعربي" وبرضو أنا "بتهرب". OK, here are the rules: Encoding ترميز Encryption تشفير أما موضوع التشفير فجاااهز راجيك بيهو ونبدأ العبارة دي (رفعوا عامل التشفير إلى 256 بايت)، عشان نشوفك "بداهتك" وبرنامجك البحتاج سنة مع الهاكر. http://sudaneseonline.com/board/480/msg/%D8%A7%D9%84%D8%AA%D8%B4%D9%81%D9%8A%D8%B1:-%D9%85%D9%88%D8%B6%D9%88%D8%B9-%D8%AA%D9%82%D9%86%D9%8A-...9%8A-1420625196.html شفت الملفات العالقة؟ كلها نكملها في الشهر دا، ورانا حاجة! مافي غير العيد، أنت في أمريكا (مافي عيد) وأنا معيد بيك!

والله يا حاتم وما طالبنى حليفة.. الرد بعد كتبته مسحته، لأن موضوعك ليس مكابرة وإنما ظهر انه كبرياء.. ودعنا الان نترك الفرصـة للقراء فهم لهم عقول ايضا، وأنا شخصيا قلت كل ما اردت قوله
فى هذا الموضوع بخصوص التشفير.. وكل واحد من القراء يحكم لنفسـه.

شكرا

Quote: والله يا حاتم وما طالبنى حليفة.. الرد بعد كتبته مسحته، لأن موضوعك ليس مكابرة وإنما ظهر انه كبرياء..

طيب ما كويس! الكبرياء حاجة بطالة؟

خليني اختصر ليك الحاصل: من أول اسبوع لي هنا في سودانيزأونلاين وانت بتداخل معاي بطريقة مستفزة كنوع من فرض الوصاية في أكتر من بوست سردتها ليك مرة هنا (تحت). أحياناً مداخلتك بتكون إساءة مباشرة بدون أسباب، مع ذلك التزمت جانب الأدب معاك وقررت أن الرد يكون باقناعك أنك عكس ما تصوره نفسك. المؤلم انك أجبـن من أن تواجه نفسك بخطأها أو تعتذر أو حتى تحاول الاستمرار في النقاش بأسلوب راقي، أقدر أعرض ليك هنا أكتر من 5 بوستات أعرضت عن المواصلة فيها لعلمك أن نهايتها ليست في صالحك وكانت في مجالك البتحاول قهراً توحي للجميع أنك بارع فيه، تأمل في الجمل دي، رد فعلك: - أنا ما محتاج إتنافس معاك.. والبيعرفنى يعرف انى صممت مايكروبوسسور وشغلته عام 1984 - أنا إشتغلت فى التشفير وممكن أدى أى هكر سنـة كاملة عشان يفك نص مشفـر ببرناجى.. - فيها شرح وافى لما لم تلتقطه من موضوع التشفير من الواضح أن دا طبعك في النهاية، فأحدث مداخلاتك مع عضو آخر جديد هنا Re: كشف بالكربون بجامعة اكسفورد يقول أن اقدم �Re: كشف بالكربون بجامعة اكسفورد يقول أن اقدم � ما أطول عليك للاثبات: (رفعوا عامل التشفير إلى 256 بايت)، هل هذا صحيح؟ مطلوب إجابة، لو سمحت بدون شرح للأساسيات.

وللتذكير فقط: - الكلام دا ما صاح يا اخ حاتم، أن الحروف، - لم أتابع الموضوع لأنه ظاهر انه ليس دقيق في المعلومات ولم يكتب بصورة مهنية بواسطـة مهندس كمبيوتر. - لكن إشتغل معانا صاح باللاى.. الذاكرة ما هي إلا مجموعـة شــراك traps لشحنات كهربائية.. راجع - يا حاتم دى أول مرة تتحدث فيها عن عام 1972.. مالك ياخ!! - ثم يا سيدى انت تتحدث عن البايت والنظام الستعشرى وتقل B6 تساوى شنو ما عارف.. هسى لو قلت لواحد - أنا ما محتاج إتنافس معاك.. والبيعرفنى يعرف انى صممت مايكروبوسسور وشغلته عام 1984 from discrete and VLSI chips and other off-the-shelf components - يا حاتم هسى كلامك الفوق دا مليئ بالأخطاء.. شفت كيف - اها النتيجـة وقعت في أخطاء فادحة جديدة - ياخى لو عايز الناس تقرأ كلامك وتقول صدق الله العظيم وتمشى، قول لينا.. - لو طارحو للنقاش قلنا ليك فيه خطأ وختينا يدك محل الخطأ.. لكنها المكابرة والعزة بالإثم.. فهينئا لك البوست. - المؤمن مرءاة أخيه.. يعنى لما تقرأ عبارة زى:+++يعنى الذاكرة المباشرة DMA - direct memory access تترجم بالذاكرة الديناميكية، تقول شنو.. - لانقلى مقر السى اى ايه منطقـة قاحلـة :-) - غايتو يا زميل كلامك دا ما يقدر عليه إلا أنصار المهدى في بروكلين وزعيمهم الإمام عيسى (معنـا).. مالك ياخ مهبل بينا كدا - يا سيـد حاتم، انت قلت مقـر السى اى ايه.. ولم تقل مركز أبحاث.. وقلت الحجارة واللا الصور ما عارف جابوها من هناك، ولم تقل صواريخ وبتاع.. فشنو القفز من موضوع لموضوع - أصحى يا بريش قبل الجماعة يصلوا المريخ لأنهم الان يدربون رجال الفضاء على ذلك.. - واللاى يا حاتم عندك جرأة يحسدك عليها العلماء. - أغلب الظن انك شفت شكلها الذى لم يكون لدى تصميمه اى حساب للديناميكا الهوائيـة Aerodynamics - ومال أقول ليك جيب ويكة؟.. - ولكن حين نتناقش فإننا نتبادل اراء كوناها نتيجـة قراءاتنا وتجاربنا.. - أها يا حاتم وتانى الرواد قالوا شنو غير نعومـة التراب.. +++قال نقاش علمى قال. - حالتك يرثى لها.. - وكلامى الجاى دا للناس المتابعـة لأنك لن تفهمـه، وإن فهمته فسوف تأخذك العزة بالإثم وتكابر كما تفعل الان. - باللاى الزول دا يفهموه كيف - بعدين انت قلت لو في القمر كان غطست لان وزنها شنو كدا ما عارف وتراب القمر ناعمة... الخ - الكلام دا لو ما فاهمو ارفع يدك تانى نشرح ليك زيادة. - يا حاتم انت عاوز ناسـا برضو تضيـع زمنها معاك.. ما كفايـة نحن الحافظين حق الزمالة وصابرين. - ولكن واضح ان الكاتب قد أخذ لغـة معينة، قد تكون الإنجليزية كنظام إسناد ليقيم وفق - منهجها اللغـة العربيـة.. وبذلك جاء ما أورده من عيوب اللغـة العربية، بسبب حشوها في منهجيـة أساسا متخلفـة عن اللغة العربيـة.. ما عنده (سنـج) يوزن بيها اللغة العربيـة

سلام ابو الريش وضيوفه الاكارم

شركة جوبا للتأمين شركة قائمة وهي من الشركات المحترمة في مجال التأمين...

وكما قال احد المتداخلين ...من اسسها هو السيد امين عكاشة بشراكة مع بعض الاخوة الجنوبيين وشركة حجار والبنك الفرنسي وغيرهم..
وكان يرأس مجلس ادارتها إلى ان آلت اغلبية اسهمها لمجموعة حجار واصبح السيد طه علي البشير رئيساً لمجلس الادارة..
ويديرها واحد من خبراء التأمين في السودان وهو السيد / عبد العال....

مع ودي

شكرا يا ياســر على المعلومـة...

للسيد حاتم،

القائمة الطويلة دى اخرجتها من سياقها ليستقيم لك التخريج.. واستطيع ان اتى بقائمة طويلة من عباراتك الإستعلائية

والان، من الذى اتى بكلمة مكابرة أولا؟ انت أم أنا؟ أنت الذى اتى بها اولا ثم حين رددناها لك صرت تحتج.

وشنو شابكنا 250 بايت وما عارف شنو.. هذا لا يخص هذا البوست.. لا علاقة بتشفير الإيميل ب 250 او 512 أو مليون بايت.. ما أتحدث عنه هو Outer layer بتاع تشفير وليس الذى تتحدث عنه انت.
شرحت لك هذا ولكنك إما انك لم تفهمه، او تريد ان تسوق بوست التشفير بتاعك مستغلا هذا البوست وما صدقت وردت فيه كلمة تشفير.. وبصراحة انا قرأت ذلك البوست وهو من البوستات الجيــدة فى هذا المنبر
وفيه معلومات غزيرة ومفيـدة، ولقد استفدت انا منه فائدة عظيمة تشكر عليها.. لكن ما معقول زول يكتب زى دا وتفوت عليه مسألة طبقة تشفيرية يقوم بها المستعمل فوق (وإضافة الى) الطبقة التشفيرية الأساسية
التى يقوم بها الإيميل.. راجع مداخلاتى الفوق وأنا أتحدث عن تشفير بواسطة المستعمل.. بل على ما أذكر أنت نفسك تطرقت فى بوست التشفير بتاعك الى هذه النقطـة.. فلماذا تعترض عليها الان؟

حين تحدثت انت عن الرندوك.. وبقدرة قادر استبعدتها عن مفهوم التشفير، ذكرت مثل:
دقس جازف عمك غرفتو الطارة ودوهو الرج
ثم قلت "دا برضو ما تشفير"!! أوكى.. هذا رأيك لأنك تتحدث عن نوع معين وواحد من اساليب التشفير هو التشفير الممنهج بألقوريثم متعارف عليها. وإلا فحين استعان السادات بالنوبة فى الإتصالات فى حرب أكتوبر
فهذا كان تشفير.. ولا أحرمك حقك فى تعريف التشفير، ولكنى أعتمد تعريف اخر هو أنه تبييت نص داخل نص اخر. ولغة الرندوك (وهى التى تلقيتها فى الإيميل بالمناسبة) هى تشفير بهذا المفهوم. لكنها ليست بديلة
للتشفير الذى تتحدث انت عنه وإنما طبقـة فوقه.. دا الكلام الانت ما داير تواجهه فى الوقت الذى تعرفه جيداً.

لا أدرى ما بك.. ربما عندك طلبة وداير تفرض الأستاذية والتعالى على الجميع، لأنه ظاهر جدا انك لا تحتمل ولا كلمة واحدة فى نقد ارائك فى الوقت الذى تريد الناس نقاشها معك بدليل عرضها فى منبر عام... ولا تتردد
أن تصف الناس بالمكابرة وحين ترد عليك تهيج وتحتج..

مرحبا لو تواضعت قليلاً فما تطرحه من مواضيع جاد ومهم.. ولكنك قدم الخمر الجيـد فى الكاس الجيـدة.. الإحترام المتبادل والثقة المتبادلة والبحث عن الحقيقة بتجرد وإخراج النفس من النقاش.

Quote: 1- واستطيع ان اتى بقائمة طويلة من عباراتك الإستعلائية 2- والان، من الذى اتى بكلمة مكابرة أولا؟ انت أم أنا؟ أنت الذى اتى بها اولا ثم حين رددناها لك صرت تحتج. 3- وشنو شابكنا 250 بايت وما عارف شنو.. هذا لا يخص هذا البوست.. لا علاقة بتشفير الإيميل ب 250 او 512 أو مليون بايت 4- ما أتحدث عنه هو Outer layer بتاع تشفير وليس الذى تتحدث عنه انت 5- شرحت لك هذا ولكنك إما انك لم تفهمه، او تريد ان تسوق بوست التشفير بتاعك مستغلا هذا البوست وما صدقت وردت فيه كلمة تشفير 6- وبصراحة انا قرأت ذلك البوست وهو من البوستات الجيــدة فى هذا المنبر وفيه معلومات غزيرة ومفيـدة، ولقد استفدت انا منه فائدة عظيمة تشكر عليها 7- لكن ما معقول زول يكتب زى دا وتفوت عليه مسألة طبقة تشفيرية يقوم بها المستعمل فوق (وإضافة الى) الطبقة التشفيرية الأساسية التى يقوم بها الإيميل 8- بل على ما أذكر أنت نفسك تطرقت فى بوست التشفير بتاعك الى هذه النقطـة.. فلماذا تعترض عليها الان؟ 9- حين تحدثت انت عن الندوك.. وبدرة قادر استبعدتها عن مفهوم التشفير، ذكرت مثل: دقس جازف عمك غرفتو الطارة ودوهو الرج 10- ولغة الرندوك (وهى التى تلقيتها فى الإيميل بالمناسبة) هى تشفير بهذا المفهوم. لكنها ليست بديلة للتشفير الذى تتحدث انت عنه وإنما طبقـة فوقه.. دا الكلام الانت ما داير تواجهه فى الوقت الذى تعرفه جيداً. 11- ربما عندك طلبة وداير تفرض الأستاذية والتعالى على الجميع 12- لأنه ظاهر جدا انك لا تحتمل ولا كلمة واحدة فى نقد ارائك فى الوقت الذى تريد الناس نقاشها معك بدليل عرضها فى منبر عام... ولا تترددأن تصف الناس بالمكابرة وحين ترد عليك تهيج وتحتج.. 13- مرحبا لو تواضعت قليلاً فما تطرحه من مواضيع جاد ومهم ولكنك قدم الخمر الجيـد فى الكاس الديـدة.. الإحترام المتبادل والثقة المتبادلة والبحث عن الحقيقة بتجرد وإخراج النفس من النقاش.

بتريد اللطام إذن!

1- ستجدها كلها ردود على مكابرتك واستفزازك، go ahead am waiting. 2- أنت أول من ذكرها هنا ( لكنها المكابرة والعزة بالإثم.) يوم 20 أغسطس 2014 وأضفت لها (العزة بالاثم) هنا المداخلة Re: موضوع تعريفي: كيف يرسم الكمبيوتر الحروف على شاشتكRe: موضوع تعريفي: كيف يرسم الكمبيوتر الحروف على شاشتك لو كانت لديك واحدة أقدم مدنا بها، بلاش كذب، بتقول الكلام دا لعضو جديد عمره تسعة أيام، كعادتك في استقبال الجدد هنا. 3- كيف لا علاقة له؟ التشفير واحد في كل الحالات، أما أغراضه واستخدامه للايميل أو التصفح أو أي محتوى فدا شيء مرتبط بالتطبيق، التشفير يكون على مستوى البيانات (data) يا أبوريش مش التطبيق (application) لاحظ أنا كتبت بيانات بدون تمييزها في أي مرحلة حفظ أو نقل. بعدين يا أبوريش ليه ياخي غالبك تقول أنا غلطت في المعلومة؟ أو أنا ما عارف الفرق في التشفير بيكون بالبت أو البايت؟ مكابرة؟ 4- إذن تعال البوست بتاع التشفير وحاول اثبت كلامك دا، ياخي عيب عليك، المراوغة دي 5- يا أبوريش you are not schooling sombody here other than yourself، مسألة إنك تقعد تشرح معلومات أولية أنا عارفها دا بالتأكيد ما بيثبت إنك ما غلطان، لما الشخص يوجه ليك سؤال مباشر إجابته بلا أو نعم أو يطلب منك رقم مثلاً الرد بيكون قصير مش سيرة حياة للمفاهيم التقنية ومعاها غنم وبصات بيض. 6- مشكور، المعلومات فيه بسيطة وأساسية بالضبط الشيء البتحاول تغرق فيهو لما تتعرض لسؤال أكبر منك. 7- بدل كلامك واتهاماتك غير المؤسسة دي، تعال هناك في بوست التشفير وأشرحو بأي لغة تعجبك، أنا وقفت البوست بالضبط في المرحلة الانت بتحاول تقنع نفسك بيها دي، ونشوفك فاهم بتقول في شنو ولا ورجغة ساكت. 8- يا أبوريش كلامي هناك كان عن طبقة بمعناها العربي البسيط مش (layer) المستخدمة في البروتوكولات، أنا بخاطب ناس غير متخصصة، وعلى أية حال تعال هناك في بوست التشفير وأشر عليها وقول يا حاتم انت قاصد كدة، اتفقنا؟ عشان نتكلم معاك بتخصص ونشوف بداهتك. 9- أيوة يا ابوريش، دا ما تشفير، وللسبب دا أنا دايماً بأكد ليك إنك ما قدر الحجم البتحاول تقنع بيهو نفسك، دائماً فاهم غلط وبتفسر غلط وبتفكر غلط، ودا نهج التيكنبشن الأنا وصفتك بيهو. 10- طيب ياخي بدل الهياج دا والسادات والنوبة، أمشي البوست وخت صورة من (الطلاسم) وقول دا النص (المشفر) الجاني، في مشكلة ولا حتقعد تكلمني عن المواجهات؟ يا سيدي أنا بديك أفضلية التقدم علي، البوست مفتوح، تعال اثبت إنو الرندوك (تشفير)، صعبة دي؟ 11- لا عندي طلبة ولا امتهن التدريس، عندي واحد مستفز ومتكابر، والمطلوب وضعه في حجمه الحقيقي. 12- مش اتفقنا إنك أول من وصف بكلمة (مكابرة) في النقطة 2 يا أبوريش؟ وبالعكس أنا اقبل النقد المبني على علم مش نفخة جهل، ومافي هياج، زي ما شايف ردودي مرتبة ومنطقية، عكسك بتتكلم عن (مليون بايت)، مش كدة؟ واضح أننا لن نحصل على إجابة السؤال الأسطورة بتاع (رفعوا عامل التشفير إلى 256 بايت)! 13- ومرحب بك لو تركت المرواغة والتهرب من الأسئلة، طالما أكدت على المبدأ، تعال أولاً رد على السؤال دا بتجرد وإخراج نفس (رفعوا عامل التشفير إلى 256 بايت) هل هذه الجملة صحيحة؟ كمان تعال نبحث عن الحقيقة في البوست بتاع التشفير هنا http://sudaneseonline.com/board/480/msg/%D8%A7%D9%84%D8%AA%D8%B4%D9%81%D9%8A%D8%B1:-%D9%85%D9%88%D8%B6%D9%88%D8%B9-%D8%AA%D9%82%D9%86%D9%8A-...9%8A-1420625196.html وكمان البوست بتاع تحليل اللغة هنا http://sudaneseonline.com/board/480/msg/%D8%AA%D8%AD%D9%84%D9%8A%D9%84-%D8%A7%D9%84%D9%84%D8%BA%D8%A9-%D8%A7%D9%84%D8%B9%D8%B1%D8%A8%D9%8A%D...9%8A-1440588938.html وبأي لغة تختارها اعتقد واضح ____________ يا أخوانا الراجل دا اقنعوه يحكم بصح أو خطأ على جملة قالها === (رفعوا عامل التشفير إلى 256 بايت) === أنا فترت معقولة ياخي؟ اللولوة دي كلها عشان ما تقول أنا غلطان؟ ومال المكابرة كيف بتوصفها؟

قلت أبطل كذب؟

طيب شوف.. لا أتداخل معك مرة أخرى.. وأرجو أن تحترم هذا الخيار لأن فى هذا المنبر الكل حر في تحديد من يناقشـه.. أمشى لبوستاتك إن شئت واشتم كما بدا لك وبرضو لن ارد عليك.
لكن لا تحاول تخريب هذا البوست بإغراقه.. وإلا فلن تكتب حرفا فى المنبر ما دمت احمل الباسوورد وستكون جنيت على بوستاتك.

Quote: أنت الذى اتى بها اولا ثم حين رددناها لك صرت تحتج. +++ وأرجو أن تحترم هذا الخيار لأن فى هذا المنبر الكل حر في تحديد من يناقشـه +++ لكن لا تحاول تخريب هذا البوست بإغراقه.. وإلا فلن تكتب حرفا فى المنبر ما دمت احمل الباسوورد وستكون جنيت على بوستاتك.

طيب الفوق دي هفوة؟ ولا أمنية؟ دلوقتي مفروض تعتذر حسب العرف ولا انت ما غلطان؟!

أولاً: أنا من يوم بديت اكتب هنا ما حصل بادرت بالإساءة لشخص. ثانياً: عليك تعترف أنك بدأت بالاساءة والاستفزاز ومن ضمنها اتهامي بالمكابرة، وهي مثبتة مش كدة؟ ثالثاً: احترمتك فترة شهر كامل وأنت تصعد على رأسي وتطرقه بل تدعو الناس للضحك علي، فهل بادلتك بالمثل حينها؟ رابعاً: نحترم خيارك إذا لم تضع معلومات خاطئة وبيانات مضللة في شأن تقني وطالما تكتب هنا في هذا المنبر الحر فمن حقي أن أرد عليك وهو ما يحدث حالياً وبكل أدب، مداخلة والرد عليها، لا يوجد ما تسميه إغراق اللهم إلا إذا كنت تشغر بغرقك في الحرج. رابعاً: لا تخريب، أنت تذكر هنا أوهام بإيميلات مشفرة وهذا غير صحيح، دعوناك للنقاش في بوست متخصص للتوسع وبوست آخر اتهمتنا فيه بأننا (ما عندنا سنج نوزن بيها). ولا تزال الدعوة مفتوحة، لتثبت أن لديك الخلفية العلمية والجرأة الكافية للنقاش والدفاع عن اساءاتك إلينا، بدل التشبث بالحجج. فهل حلال عليك وحرام علينا؟

Quote: وإلا فلن تكتب حرفا فى المنبر ما دمت احمل الباسوورد وستكون جنيت على بوستاتك.

ياخي مافي داعي للتهديد، انت اتهمتني بالزور

ولما بكل جرأة تدعي وتتهم شخص بدون إثبات دا اسمو (كذب). شوف الناس وزي ما قلت (ودعنا الان نترك الفرصـة للقراء فهم لهم عقول ايضا) هل حيوافقوك في أنه ما كذب؟ بالنسبة لبوستاتي، ما عارف هل تقصد مسحها؟ لو تقصد أنك تجي تتداخل (سلباً أو إيجاباًً) فدا المطلوب ودي أمنيتي مش أخير من Beating around the bush

يا زول ما عندى اى إستعداد لنقاش اى موضوع معك.. الله يفتح علينا وعليك.

Quote: بعـد دا إلا نرطن بالإنجليزى، العربى حده هنا انتهى..

داير البوست ينزل تحت عشان تمسح على راحتك، ها؟

زي ما عملت في بوست (كتابك عن الصين وأمريكا)، ما ياهو؟ لا يا أخوي امسح قدام الناس هنا. عليك الله يا باشمهندس أي مستوى وضعتني فيهو لما افترضت إني ما بعرف (أرطن) إنجليزي؟ وياتو يوم الإنجليزي أصبح وسيلة تهديد وابتزاز؟ ماشي ياسيدي، هداك بوست تحليل اللغة فاتح أمشي ورينا رطانتك هناك ودافع عن اساءتك. كمان لو شايف إنو الإيميلات دي (مشفرة) هداك بوست التشفير تعال ورينا مشفرة كيف، "طلاسم" وصف غير علمي.. حنستمر كدة لحد ما تتذكر الآتي: - الاعتراف فضيلة - الاعتذار فضيلة ومحمدة - التواضع فضيلة ومحمدة ونعمة ________ عليكم الله شوفو الزول دا أهانني كيف! مرقني أمي كلو كلو وبخاف من الرطانة بالإنجليزي.

والله يا حاتم المواضيع الفاتحها دى خصبـة وتغرى بنقاشها.. ولكنك رفعت أنفك فوووووق فحال بينى وبيها فلم اعد ارها إلا بصعوبة بعد (اضارى من ضل أنفك). فماذا أناقش.. النقاش عندك هلال مريخ.. حماس وترقب وتوتر ودفاع ومعركة فى غير معترك، ولا بد ان أكسب الجولة.
ولكنى أعتبر النقاش أداة من أدوات البحث عن الحقيقة.. اريد ان اعرف كيف ولماذا جئت فى هذا الوجود، قبل ان اغادره لوجود اخر.. لذلك لا تحيز عندى حتى لرأيى، ومن كان هدفه الحقيقة لا يتشنج ولا يتعصب لرأى، لأن
الحقيقة هى المطلوبة وليس الرأى.
لذلك أختلف معك ولا زمن لى لأصرفه فى نقاش أعلم سلفاً أنه لا يودى لنتيجة أو هدف..
لذلك اقول لك مرة أخرى.. أنا برة ولا تضيع وقتك.. ولا تتعب نفسك.. والله يفتح علينا وعليك.
سلام.

ملحوظـة:
هذه أخر مداخلة لى معك.

Quote: النقاش عندك هلال مريخ +++ ولكنى أعتبر النقاش أداة من أدوات البحث عن الحقيقة +++ لذلك لا تحيز عندى حتى لرأيى +++ لأن الحقيقة هى المطلوبة وليس الرأى. +++ لذلك أختلف معك ولا زمن لى لأصرفه فى نقاش أعلم سلفاً أنه لا يودى لنتيجة أو هدف..

توم وجيري في الحقيقة

ياخي أنا في حياتي ما شفت واحد أجبـن منك، ياخي انت بتجي تطعني في ضهري وتقوم جاري. أجي افتش ليك وأقول ليك ياخي هاك دي رقبتي اضبحني عديل تقعد تزازي (ما بدخل لنكات، الموضوع طول، ما عندي عربي، هاك دي تصبيرة) وبعدين نحن كايسين شنو غير الحقيقة؟ قلت لي (ما عندك سنج توزن بيها) أهو أنا انتظرتك سنة كااااملة عشان توريني حقيقة السنج دي، أبيت لي دُتْ. قعدت تطبز وتقول كلام غلط كالعادة، قلنا ليك ورينا الحقيقة واعترف بس بغلطك، أو حتى دغمسها ياخي، أبيت دُت قلت جاتك إيميلات مطلسمة ومشفرة، قلنا ليك دا وهم ساكت وعدم خبرة، جيبا لينا في بوست التشفير عشان نعرف الحقيقة، أبيت دُتْ طيب ياخي وكت عندك برنامج تشفير تتحدى بيهو الهاكر سنة كاااملة ما يفكو، ما تفك الإيميلات الجاتك دي!! ولا بتعرف تعقدها وتفوت بس؟ ما بتتحيز لرأيك ههههههه، فعلاً لأنك ما عندك رأيي، انت العندك هالة من سوء التقدير والمكابرة في أتفه الأمور، ياخي الدعوات نقدمها ليك باعتبارك مهندس، ورينا إجابات الأسئلة، تعال ناقش ونورنا، بالله تتزاوغ مني بالشهور، ودا حالتو عايزين نناقش كلامك انت. طيب تاني نذكرك، الحقيقة دي أنا فاتح ليها تلاتة بوستات ليها أكتر من ستة شهور عشان تجي توضح لينا "رأيك" فيها، وياهو بنجرجر فيك بالأظافر والأسنان عشان تجينا هناك، لكنك قابض في الجحر زي أبنضلاف، والله تركتر ما يطلعك من خندقك دا. النقاش يؤدي للنتيجة الانت خايف منها، خليك واضح، الناس هنا عرفت الحاصل فما في داعي للفلسفة، دا كلو خليهو دايرين الحقيقة: 1- (رفعوا عامل التشفير إلى 256 بايت) دي جملة صحيحة يا باشمهندس؟ 2- السنج البيوزنوا بيها اللغة دي زي شنو؟ وهسع طلعتني نخرتي طويلة زي بينوكيو كضاب يعني؟ ولا بتاع سطلة زي الترول؟ _________ عندي ليك حل: أمشي اكتب الدايرو في البوستات بتاعتي وأنا بعاين بس شهر كااامل ما بسألك والله العظيم بعد شهر بجي بكل أدب أناقشك وبدون أي تلميحات انت خايف منها أها؟ ياخوانا الزول دا أنا قصرت معاهو؟

انا جيت لمدتاخلتك هذه فقط عشان أشهد الناس.

لو داير ما تقصـر معاى أختانى ما عاوز معاك نقاش.. أعتبره "جبن" "كذب" "خوف من تلميحات" أى شئ.. بس أختى بوستاتى من فضلك.. رجاء للمرة الثالثة.. ما عاوز معاك نقاش.
وانا فعلا الان استغرب من مداخلاتك هذه رغم أن رأيى واضح.. لو تعتقد نفسك شرانى وممكن تأذى الناس وتستفزهم فقد جئت للمكان الخطأ.. أنا لا أتصرف بإنفعال كما ترى، ولكن عندى
إجراءات لا ألجأ اليها إلا مضطرا وهى، واقولها لك الان، الذهاب الى حيث تكتب والمعاملة بالمثل.. أنت هنا لتحرب البوست ولا لتناقش.. لا يمكن ان تقول لزول جبان وفى نيتك نقاشه.. ولا
أن تقول له تخاف من تلميحات و انت كذاب ثم تنتظر ان يناقشك.. قل هذا لغيرنا..
دحين أنا اتوقف هنا، وفى الوقت الذى أحدده أنا سأتى وأخرب بوستاتك ولا ادعك تكتب حرفاً واحداً.. الان نصص وكبشر كلامى دا ووديه لبكرى خليه يشيل لاباسوورد لمخالفة قوانين المنبر.

Quote: ولكن عندى إجراءات لا ألجأ اليها إلا مضطرا وهى، واقولها لك الان، الذهاب الى حيث تكتب والمعاملة بالمثل

والله يا أبوريش وما طالبني حليفة

ما عايزك إلا تمشي تخش بوستاتي وتعمل الدايرو، اكتب أي حاجة في راسك. (سوي إجراءاتك) وما بسألك، بس داير أعرف حتكتب شنو؟ تفضل يا باشمهندس أبوريش. رابط بوست التشفير: http://sudaneseonline.com/board/480/msg/%D8%A7%D9%84%D8%AA%D8%B4%D9%81%D9%8A%D8%B1:-%D9%85%D9%88%D8%B6%D9%88%D8%B9-%D8%AA%D9%82%D9%86%D9%8A-...9%8A-1420625196.html رابط بوست تحليل اللغة: http://sudaneseonline.com/board/480/msg/%D8%AA%D8%AD%D9%84%D9%8A%D9%84-%D8%A7%D9%84%D9%84%D8%BA%D8%A9-%D8%A7%D9%84%D8%B9%D8%B1%D8%A8%D9%8A%D...9%8A-1440588938.html والله والله شهر ما حأسألك أو أعلق على مداخلاتك

Quote: يا حاتم تفترض إفتراضات خطأ بدون تدليل ثم تبنى عليها.. من الذى يبغض الشخص الأســود؟ أنت؟ هل الشخص الأسود يبغض نفسه أو جاره الأسود لأنه لا يكاد يتبين معالمه؟ يا اخى دا كلام ابسط ما يقال عنه انه مبنى على جهل وعدم موضوعية.. ____ Re: تسويد المنبر للموت، أولسنا سود؟Re: تسويد المنبر للموت، أولسنا سود؟

Quote: أنا لا أتصرف بإنفعال كما ترى، ولكن عندى إجراءات لا ألجأ اليها إلا مضطرا وهى، واقولها لك الان، الذهاب الى حيث تكتب والمعاملة بالمثل.. أنت هنا لتحرب البوست ولا لتناقش.. لا يمكن ان تقول لزول جبان وفى نيتك نقاشه

فهل كنت مضطراً أو "منفعلاً" يا أبوريش عندما كتبت المداخلة أعلاه؟

وهل كنت جئت لتناقش وأنت تصفني (بالجهل وعدم الموضوعية)؟ ما حتجاوب كالعادة، ولا تعتذر ولا تتأسف ولا تعترف بأنك كنت مخطيء. ______ أخليك ترتاح شوية.. في واحد تاني قال عازمني موضوع "سرقة أفكار"

مان تو مان .. صعب يا حاتم .. . الكمده بالرمده

مان تو مان هينه يا مرتضى

انا اول مره اشوف لى شركه مدوده

ابو الريش ينيبك ثواب عدل العنوان

حاتم ياخ انت مصيبة؛

شكرا يا طلحـة على التنبيـه..

Quote: سلام الأخ أبو الريش فيما يتعلق بحقيقة وجود شركة جوبا للتأمين هي شركة حقيقية وهي لرجل أعمال سوداني اسمه أمين عكاشة وهو من التجار المعروفين والقدامى في جنوب السودان وأغلب ممتلكاته في جنوب السودان ولديه جوبا للطيران وجوبا للنقل ، وقبل فترة كان في لقاء معه في قناة الجزيرة بعيد انفصال الجنوب ، وهو من الجعليين من منطقة شندي ولكن استقر في الجنوب والعاصمة ، وكنا في صحيفة السوداني مجاورين لعمارتهم السكنية . أما بالنسبة للإيميلات ما أقدر افتيك .

أمين عكاشة كوراك

مواطن سوداني.. في الأصل من منطقة (كلي) غرب كبوشية

لنا معهم صلة رحم بعيدة

عائلته تعيش من أكثر من نصف قرن في الجنوب..

أظنهم الآن حاصلين على جنسية دولة الجنوب

سلامات يا عمـدة،

وجبت النجيضـة.. لكن شنو حكايـة الإيملات المشفرة دى.. ولو ردينا مافى متابعـة ولا رد من طرفهـم؟

احتمال تكون رسائل مضللة يا أبوريش

قد لا تكون الشركة هي المرسلة

سلام يا عمدة

كان كدي انت قريبي تب..

هههههههههههه