بعضهن من ج حميدة: طالبات سودانيات يغادرن بجوازات صومالية (صور الطالبات)

خرجت 6 طالبات على الأقل، من يومين، من مطارالخرطوم ربما للإلتحاق بداعش
أخبار الأسافير تقول أنهن خرجن بجوازات سفر صومالية
تؤكد الملعومات التي رشحت أن واحدة منهن على الأقل تدرس طب بجامعة مامون حميدة
===
اللهم لطفك يا رب

4 + 2 = 6 طالبات
ولسع

هذا "طوفان" ما ح يقيف
الله يستر علينا

صحيفة السوداني:




قطبنا
سلام


أنتم السابقون – ليس لداعش – ونحنا اللاحقون.
تصور كنت عاوز أعلق ب:
2+4 = 6

2+4 = 6
وعاد لي وين!!!

سلام أستاذ عبدالله

إنتشر داء الإنضمام لداعش وسط فئة معينة من الشباب الله وحده يعلم متي يتوقف .

السوداني ( 31-08-2015)

شكرا يا دكتورة نعمات
هذا طوفان لن يتوقف
زي ما لاحظوا كتار انو الخبر بنتشر لما يكونو الطلبة من أبناء الذوات
أو من جامعة مامون حميدة (وغالبا لا يدخلها الا ابناء الذوات)
لكن في كتااااااااار مافي زول جايب خبرهم يطلعو (بعضهم كداري)
الى ليبيا والصومال ومالي الخ
ولسع الجايات أكتر من الرايحات

اخى الحبيب الاستاذ / د/ عبد الله عثمان

السلام عليكم ورحمة الله وبركاته

الشوق الكثير .. يفوق ما تتخيله .. ودعواتى ان تكون باكمل العافية

............

الذى يحيرنى .. كيف يخرج هؤلاء دون سؤال ..قبل او بعد منح التاشيرة .. سواء من الجهة المانحة او منفذ الخروج

ولماذا لا يتم سؤال الاسرة بالرجوع الى بيانات الرقم الوطنى او الجواز والتى يفترض ان تكون مكتملة البيانات حد علمى لدى استخراجهما ( رقم وطنى / جواز )

او اثبات موافقة الاسرة باحضار موافقة خطيّة وموثقة من اللجنة الشعبية بالحى .. لنيل التاشيرة

يعنى هنالك كثير من الاجراءات التى يمكن ان تتخذ للحصول على التاشيرة ..

المهم كان الله فى عون الجميع

لك كامل محبتى

................

لابد من كشف الجهااات التي تخطط وتمول وتقدم الدعم اللوجستي لضحايا داعش .....

هل يعقل ان تعجز الحكومة عن كشف هذه الشبكة ........!!!!

ولماذا جامعة مامون حميدة والسودان ملئ بالجامعات ...........!!

يا المحترم .. عبد الله ود عصمان .

لك التحية ووافر الاحترام ,

Quote: لكن في كتااااااااار مافي زول جايب خبرهم يطلعو (بعضهم كداري)

يا ود عصمان قاتل نفسه ولا اسفآ عليه خليهم يمشن وقت الزمن والمعتقد
والحياة ما علمتن معني التطرف وماهية داعش ! فلا اسفآ عليهن .

ولك التقدير ولزوارك الافاضل .


****************
فظيع جهل ما يجري
وافظع منه أن تدري !

عاليا

يا أنور يا سيد يا ابراهيم
ليكم وحشة والله
شوق كبير وأكيد
الله يلمنا
البحير كتير في السودان يا أنور
دي معلومات لقيتها في الأسافير

Quote: مجموعة ( خلية الفتيات ) اللائي غادرن الخرطوم عبر رحلة ( طيران العربية ) في الخط ( الخرطوم - الشارقة - إستانبول ) للانضمام لتنظيم الدولة ( داعش ) ، عددهن أربعة فتيات ، تم التعرف عليهن جميعا حتي الان الا واحدة ، المعلومات عنها غائبة ( توجد صورة لها ) والفتيات هن :- - آية الليثي الحاج يوسف.( صورة رقم ١ ). جامعة العلوم الطيبة ( مأمون حميدة ) كلية الطب المستوي الثالث. السكن : الخرطوم المعمورة . تعرفت عليها والدتها دكتورة منال فضل الله أخصائية عيون بمستشفي مكة بالخرطوم عند مراجعة كاميرات مطار الخرطوم من حذائها ( الجزمة ) وذلك لانها خرجت منقبة كحال بقية الفتيات. مناروإبرار عبد السلام العيدروس ( صورة٢ ). إحداهن خريجة ( جامعة العلوم الطبية ) وتعمل بمستشفي جرش بالخرطوم ، والثانية تدرس بالكلية الوطنية ، أهلهما من قرية التكلة أبشر بمحلية الكاملين - ولاية الجزيرة ، والسكن بالمعمورة الخرطوم. ثريا او سمية صلاح حامد ( صورة ٣ ). حتي الان المعلومات عنها غائبة، لكن المؤكد انها غادرت مع الفتيات في ذات الرحلة . - المعلومة الشديدة الخطورة ان الفتيات خرجن بجوازات سفر صومالية ، مما يشير الي وجود دعم لوجسيتي وترتيب وتنظيم من جهة ما تمتلك القدرة علي الحركة والاتصال ، لان ذلك يفوق قدراتهن. - جرت محاولات مع الجهات الأمنية بمطار الشارقة لتوقيفهن، لكنها باءت بالفشل، فقد تم توقيف شابات صوماليات بمطار الشارقة ، وتم استدعاء ذوي الفتيات للتعرف عليهن، لكن دون جدوي.

لاحولة ولا قوة الا بالله

حسبنا الله ونعم الوكيل

جوازات سفر صومالية لفتيات سودانيات
الموضوع اكبر من كدة
وحتي الان لم تتخذ الحكومة اجراء عملي اول حاجة فيهو استدعاء مامون حميدة

من يستدعي من يا أخوي عبد الحفيظ
راس الحكومة نفسو مستدعنو في لاهاي
صدقني الحكاية تتم بعلم الحكومة وإلا فكيف يتم استخراج الجوازات وتأشيرات الخروج في كل مرة
الحكومة دي مستعدة تعمل أي حاجة في سبيل إرضاء ممولي داعش لكي يساعدوها في الإفلات من يد العدالة الدولية

أحمد تهامي
كل الشكر على المرور والتعليق
كنت قد ذكرت من قبل أن في اعتقادي أن هذا العمل عمل منظم تقوم به الحكومة لترسل رسالة واضحة لأمريكا
أو الغرب عموما
إما نحن او اذا ذهبنا فستأتي داعش
فأخير ليكم جنا تعرفوهو ولا جنا ما بتعرفوهو
شكرا ياخوي

مرحبتين يا منى عمسيب أختى
الوجع واجد زي ما بقول الخلايجة
شوفي الأخبار دي

مرحبا خالد العبيد
ورفعكم الله مكانا عليا
آمين
يقول بقية الخبر المنشور عاليه

الأخ الزنجي
تحياتي
فعلا واضح لا نملك الا "نتحصبن"
ونرجو أن نقولها بحق
آمين
شكريا

سلام يا حفيظ
واضح انو الأقوال متضاربة
شوف التقرير دة من صحيفة السياسي

التحية للجميع ,,, واختص الاخ الفيسبوكي : محمد سليمان خالد .

Quote: Mohammed Suliman Khalid · Khartoum University قلبك اسود يا بت عمسيب عشان ما عرفت غلاوة الضنى انت الوحيدة اللي ما تأسفت على البنات الصغار وما واعيات ديل

يا محمد سليمان البنات ما صغار كبار وبعرفن اي شئ ويكفي انهم جامعيات الجامعات ما بدخلوها
الرضع ولا القصر بنات فوق العشرينات وفي الجامعة فهل من عذر لهن ؟ بنات عارفات داعش بتغصب
البنات الزيهن ! وبتضبح من الاضان للاضان ! وبتشرد وبتقتل وبتعمل كل ما حرم الله وداعش غضب الاهي
وابتلاء من الابتلاءات التي ابتلينا بيها ! فهل اترحم علي بلاء ماشي يساعد في الابتلاء بل هو من الابتلاء نفسه !
مصيبتكم يا محمد سليمان خالطين الحابل بالمنابل !!

ملحوظة : انا بعرف غلاوة الضني الحمد لله واحمد الله بضناي ولما كنت قدرن كنت بضناي .
لكن الضني العاق المابسمع كلام الله ولا والديه دا ما بضني دا بالغضب الالهي .. لو سبتوا العاطفة
التي تسبق المنطق وحاولتوا تحلوا الموضوع من جذورو تكونوا من المحسنين .

ولك الاحترام .



*********************
فظيع جهل ما يجري
وافظع منه أن تدري !

الأخ معاوية الزبير
تحياتي

الواحد تعرف في الحالة دي بس بتذكر الطرفة المصرية "الحق على أهلي الدفنوني في الجبانة الهايصة دي"

الله كريم