ظل البريلكريم لأكثر من 3 عقود من الزمان صديقا لشعورنا بتركيبتيه الخضراء والبيضاء هذه الأيام تخلو رفوف الصيدليات منه تماما ! البريلكريم من أشيائنا الجميلة فلا تدعوه يذهب :)
Post: #5 Title: Re: ماذا دهى البريلكريم ؟! Author: عبد العزيز محمد عمر Date: 08-30-2015, 03:10 PM Parent: #4
الحمدلله الذي جعلنا من شعوب الياردلي .. أخضر بس .. رائحة جميلة وتسريح ساهل باقل كمية ممكنة ومهما بلغت خشونة شعرك .. العلبة 30 يوم وليلة بي حفلاتهم ومرقات المغربية والخلط ..
أحد الأصدقاء دخل في مشكلة في العمل مع مديره الباكستاني ، وأبدى قلقه أن يرفع الموضوع لادارة الشركة ، قلت له ما ذا يقلقك لهذه الدرجة ، قال لي لو تم تسفيري من أين لي البريلكريم الأخضر .
وحيث كان آنذاك شابا ، وحينما كثرت عليه المسئوليات ومشاغل الدنيا وأشتعل الرأس شيبا أصبح البريلكريم لديه من التراثيات .
الصديق من زملاء المنبر القدامى ونظرا لفقدانه الباسوورد قبل أكثر من ثلاثة سنوات لم يتمكن من التواصل هنا
مع إحترامي للياردلي ومحبيه - وهو على كل حال دفعة البريل - لكن عندما يتعلق الأمر بما فى الكوت أعلاه يتفوق البريلكريم على سائر الكريمات الاخرى لما فيه من بريق يأثر كل من (تخلطه اوتمرق معه) :)
تحياتي المشرف
Post: #16 Title: Re: ماذا دهى البريلكريم ؟! Author: محمد علي البصير Date: 08-31-2015, 01:38 PM Parent: #15
يا ولي صاحبك دا خلاص في الباي باي لحق ناس كريسيدا الشركة المصنعة وقفت إنتاج بريل كريم شوف البديل ولا أقول أقول ليك في منتج بديل من نفس الشركة وقريب جداً منو ، وهو أكثر جودة ، (تجربة معايشة) يعني بقت زي الكامري في محل الكريسيدا بكرة بجيب ليك إسم المنتج الجديد ، مع تحياتيذ
تصدق يا ويللي بحثت عن المفقود دا في 3 دول عربية ومالميت فيهو لكن لقيت البديل وقريب منو تقريبا نفس العائلة لكن من بعيد اذا انت قريب من باب شريف بس قول عوك...ماخسارة فيك تحياتي
Post: #19 Title: Re: ماذا دهى البريلكريم ؟! Author: walid taha Date: 09-01-2015, 07:26 AM Parent: #18
Quote: لكن لقيت البديل وقريب منو تقريبا نفس العائلة لكن من بعيد
اوعا يكون gel بس ؟ :)
Quote: اذا انت قريب من باب شريف بس قول عوك
ممكن عوك من الرياض ؟ :)))
تسلم أحمد
Post: #20 Title: Re: ماذا دهى البريلكريم ؟! Author: محمد علي البصير Date: 09-01-2015, 08:03 AM Parent: #19
يا شباب بريل كريم ومن مصدر موثوق توقف إنتاجه
المنتج البديل حسب هذا المصدر يسمى Paris Collection أشترينا منه عبوة واحدة لكن بعد التجربة ، وبعد أن أتضح لنا جودة المنتج ، بل وتفوقه على سالف الذكر بريل كريم ، حضرنا وأشترينا كمية إضافية ويأتي في ثلاثة عبوات مختلفة ـ أبيض ، أحمر ، أخضر ، وجميعها ذات كفاءة عالية والأهم من كل ذلك ، أو النجيضة على قول ود الصائم ـ سعر العبوة وهى كبيرة الحجم ـ فقط 10 ريال سعودي
Post: #26 Title: Re: ماذا دهى البريلكريم ؟! Author: walid taha Date: 09-02-2015, 06:09 AM Parent: #20
حيرتنا يا ولي وأطربتنا بهذا البوست المباقت كسر روتين الهم والغم السائد . ذكرتني في أجازتي عدت منها قبل أسبوع من السودان . مع أنتشار المتسولون السوريون في الخرطوم .. حكت بنتنا صيدلية قال جاتها في الصيدلية سورية تشحد .. وقبل ما تهم بالدفع لها قالت لا أنا ما عايزة فلوس أنا عايزه جل Jil لولدي ..أندهشت الدكتورة و الحاضرون .. لآنه نحن في فهمنا العام الانسان أذا أضطر أن يمد يده فهي طبيعي أن تكون للحاجات الضرورية للحياة Primary needs كما يسمونها علماء الاجتماع والاقتصاد ..يعني أكل شراب دواء حماية .. حتى السكن واللبس ليس من ضمنها .فضلا عن جل شعر يتوسط القائمة . لكن الحاجات دي نفسها تتطور وتزداد مع تطور المجتمع وتضاف لها أصناف جديدة .. بس نحن كسودانيين تطورنا بطئ جدا وقائمتنا لا تتطور ومكبلة بكتل من التقاليد والعيوب . لذلك حيرتني أنت بجرأتك لطرح هذا الطلب في مجتمع سوداني . السوداني لو سأل عن سلعة ضرورية يفتقدها قطع شك لن تكون كريم شعر ..
Post: #22 Title: Re: ماذا دهى البريلكريم ؟! Author: Ahmed Yassin Date: 09-01-2015, 10:38 AM Parent: #21
امسك في كلام ودالبصير دا كويس ياهو باريس يا وليد قبل كدة واحد طلب مني الكريم دا بس لون احمر قلت ليو جدا وانا مابعرفوا جا عن طريق اخ عزيز المهم اتواعدنا وشلت ليهو ستة حبات فنجرة مني ساي قلت خليهو ينعم شعرو الكثيف وقلت ليهو خليك في محلك انا جاي عليك وصلتو لقيتو ﻻفي عمة تكفي ترباس والقلع مجتمعين استلم المطلوب وشكرني بحرارة وعايز يطلع قروش حلفت ليهو ....عيب ياخ....شكرني بحرارة اكتر...جاب لي شاي ونزل معاي لغاية العربية ..بعد ماقلت ليهو مع السلامة قام شال العمة ...القى ليك صلعتو تلمع قعد يضحك وانا مذهول..قال لي مفاجأة موش؟ ابيت ارد عليو
Post: #23 Title: Re: ماذا دهى البريلكريم ؟! Author: عادل عبدالعزيز عبد الرحيم Date: 09-01-2015, 10:42 AM Parent: #22
ما تعملو الحيلة فى شعركم الخشن دا
قولو النسوان رسلوكم وما لقيتوه
لقيتكم خطرين لكن حتى باب شريف عرفتو انه مافيه ليه شهرين هههههها
Quote: حتى السكن واللبس ليس من ضمنها .فضلا عن جل شعر يتوسط القائمة
قائمة ضرورياتنا أصبحت غريبة وعجيبة وقفزت الى رأسها أشياء كانت مستبعدة جدا فى تقديري قائمة متطلباتنا فيما سبق يجب فى الوقت الحاضر أن تُقرأ مقلوبة لتحاكي الواقع . كمية (الفلفلة) الحايمة وسط الفنانيين دى براها تحلي الـ GEL متربع وسط القائمة --- فقد البريلكريم كفقد الأصدقاء :)
شكرا للمرور درديري
Post: #30 Title: Re: ماذا دهى البريلكريم ؟! Author: ادريس خليفة علم الهدي Date: 09-02-2015, 02:43 PM Parent: #28
