Post: #1 Title: هل يشعر كريستيانو رونالدو بدنو أجله ؟ Author: طلحة عبدالله Date: 08-30-2015, 10:46 AM Parent: #0
10:46 AM Aug, 30 2015 سودانيز اون لاين طلحة عبدالله- مكتبتى فى سودانيزاونلاين
كشف البرتغالي كريستيانو رونالدو نجم ريال مدريد، عن الكثير من جوانب حياته الشخصية، في الوقت نفسه اعترف بأن خوفه الأكبر هو الموت في سن مبكرة، متمنياً أن يعمر حتى الثمانين أو التسعين من عمره. وأضاف رونالدو في حوار مع صحيفة «ليبرتي» الإيطالية، أنه يرهق نفسه كثيراً في التدريبات حتى يصل إلى أقصى حد، مشيراً إلى رغبته في مواصلة العطاء إلى سنوات مقبلة متمنياً أن تصل إلى عشر سنوات في أعلى مستويات كرة القدم.
ومضى أفضل لاعب في العالم إلى تأكيد أن خوفه الأكبر في الحياة هو الموت مبكراً، مضيفاً: أكثر ما أخشى منه هو أن أموت في سن صغيرة هو الهاجس الذي أعاني منه كل يوم، بالنسبة لي أمنيتي أن أصل إلى الثمانين أو التسعين من عمري، فكرة الموت المبكر تحاصرني وأخشى دائماً منها ربما عانيت من أشياء كثيرة وتعرضت لمواقف عدة في حياتي. المصدر : صحيفة البيان الإماراتية .. يتبع ......
Post: #2 Title: Re: هل يشعر كريستيانو رونالدو بدنو أجله ؟ Author: طلحة عبدالله Date: 08-30-2015, 11:06 AM Parent: #1
بعد عمر طويل يا دوق لكن الأعمار بيد الله قال تعالي "وَمَا يُعَمَّرُ مِنْ مُعَمَّرٍ وَلا يُنْقَصُ مِنْ عُمُرِهِ" قبل وفاة الراحل المقيم عبد المجيد عبد الرازق بفترة قصيرة جاءني صوته عبر أسلاك الهاتف معاتبا برقة كعادته لأنه قد مضي أكثر من شهر دون أن أتصل عليه كما عودته، فتعذرت له بالمشغوليات وقالت له سأنزل قريبا جدا في اجازتي السنوية وكما تعرف فبيتي الثاني هو مكتبك بصحيفة السوداني أو بيتك في جبرة، وقال من خلال نبرة (أقلقتني لأول مرة ) إحتمال ذاتو ما تلقاني كان يجب أن تتصل.. وبعد فترة قصيرة جدا جاءتني رسالة من الأستاذ الإعلامي الكبير محمد الجوكر نعي لي فيها الأستاذ الراحل .. وقبلها جمعتني ونسة جانبية في مناسية ( عزاء) ما بالراحل فيصل محمد عبدالله سكرتير المريخ الأسبق، فأخذ لدهشتي الشديدة يوصيني ومن معي على المريخ وأهله ومحبيه ووصايا أخري من هذا القبيل، وقال لي أنه يتمني أن يعيش حتي يري المريخ في منصات التتويج بدوري أبطال أفريقيا، ولكنه بعد فترة قصيرة توفي إلى رحمة مولاه. ونفس حالة الراحلين عشتها مع عدد من المعارف الذين إنتقلوا إلى دار الخلد فقد كانوا يتحدثون عن الموت وسيرته بذات الطريقة.. فأرجو أن يكون رونالدو إستثناء ليعيش شبابه ويمتع محبيه بفنه الكروي .
Post: #3 Title: Re: هل يشعر كريستيانو رونالدو بدنو أجله ؟ Author: خضر الطيب Date: 08-30-2015, 11:21 AM Parent: #2
يعني انت اي زول بتتصل عليهو بتلحس يا طلحة ؟؟ طيب ينوبك ثواب اتصل لينا على عمر البشكير لو سمحتا حق الاتصال علي :)
Post: #4 Title: Re: هل يشعر كريستيانو رونالدو بدنو أجله ؟ Author: طلحة عبدالله Date: 08-30-2015, 11:26 AM Parent: #3
وين قلتا أي زول يتصل علي بتلحس ... ؟ وبعدين السيد الرئيس عمر البشير أطال الله بقائه أنا عايزو يعمر لألف سنة .. يلا إتخارج من هنا بسرعة قبل ما أقوم عليك الحسك .
Post: #5 Title: Re: هل يشعر كريستيانو رونالدو بدنو أجله ؟ Author: خضر الطيب Date: 08-30-2015, 11:44 AM Parent: #4
واضح اننا بنشترك في حب الاسطورة دا ... )
Post: #6 Title: Re: هل يشعر كريستيانو رونالدو بدنو أجله ؟ Author: طلحة عبدالله Date: 08-30-2015, 11:49 AM Parent: #5
يا زول أنا ما عايز أشترك معاك في أية حاجة لغاية ما أعرف اتا شتمتني ليييي بدون سبب في بوست أختنا الفاضلة ؟؟؟؟
Post: #7 Title: Re: هل يشعر كريستيانو رونالدو بدنو أجله ؟ Author: خضر الطيب Date: 08-30-2015, 11:57 AM Parent: #6
انا ما شتمتك يا طلحة انت الظاهر عندك حول اسفيري كدي هسي اشترك معاي ... الشتيمة هينة غايتو احتياطاً كدى لك العتبى حتى ترضى يازول شوف الموت البشيل الناس الفحك الفحك دا خلينا نتعظ الاسبوع الفات سامي والاسبوع دا طارق و مابينهما اهل واقارب واصدقاء خليك طبيعي
هلا يا ود البصير ياخ طلحة عبدالله زول الله ومسكين الإبتسامة بردها ضحكة صافية.. ما عندي أية غضاضة مع أي مخلوق وأتمني أكون أكوس زول لكن صراحة اعترف وأنا بكامل قواي العقلية البتعرض لي من دون سبب برد ليهو دون أية اعتبارات أو حواجز أخلاقية .. والكبير الله. " فمن اعتدى عليكم فاعتدوا عليه بمثل ما اعتدى عليكم " على أية حال ... ما وريتنا رأيك في موضوع البوست ياخ ..
Quote: يا سلام عجبني جداً ما دار بين طلحة وخضر دي أخلاقنا السودانية
تعرفوا ليه وصلوا للنهاية الحلوة دي لانو ناس المديدة حرقتني لسع ما جوا
والله الدنيا دي حدها قريب شدييييد طلحة ما زول مشاكل عرفتو زول كورة لكن مرات في شلة المديدة حرقتني بجي معاهم طاير فيك جوز ما تفهم ذاتو الحاصل شنو الزول زول مواجبة .. :) لكن ربنا يهدي النفوس وانا والله ما عندي معاهو حاجة
قلتا ليك يا خضر رفعك لكلام على بوب من الفيس بتاع ( طلحة اتا راميك جمل ولا شارب حاجة واللا بتهضرب) وتعليقك ( شخصت العالة) فهمي ليهو كان شتيمة من نارا عشان كدا رديتا ليك في نفس البوست بتاع أختنا الفاضلة .. بعد اتا قلتا ما شتيمة اعتذرت ليك .. أها تاني متين طرت فيك جوز؟؟؟ اتحداك جيب اقتباس واحد بس عملت ليك فيهو أية حركة .. أنا ما بعرف أشتم اللا الشتمني يا خضر وعندك البورد من اللحظة دي ولغاية الفين وسبعة لى وراء لو لقيتني شاتم أي زول أو حتي مغلط عليهو من دون ما يكون هو مبادر جيب لي اقتباس وأعاهدك قدام ود البصير الفوق دا وأي زول تاني بقرأ في كلامي دا تاني ما تلقاني هنا.
ملحوظة يا خضر أنا بتاع كورة وعندي نية أدخل عالم السياسة لو عندك لي حزب أقنعتني بيهو وببرامجو طوالي بطلب عضوية فيهو لغاية الآن القدامي المؤتمر الوطني .. لكن كل ما أفكر فيهو أتذكر ود الباوقة ووائل حمزة اتنين تلاتة آخرين أقوم أرجع خطوة لى وراء.