ما شافهن عبد الرحمن الريح ... كان اسعده الأداء الجميل و العزف الأجمل ...
Post: #2 Title: Re: البنات الفنانات ديل منو الجننوا زيدني في Author: يحي قباني Date: 08-29-2015, 07:16 AM Parent: #1
بعد اجتهاد عرفت انو البنية البتغني اسمها سير عابدين ...
ما شاء الله ... عمك عابدين بنيتك فنانة بالجد ...
Post: #3 Title: Re: البنات الفنانات ديل منو الجننوا زيدني في Author: Khalid Basheer Date: 08-29-2015, 08:03 AM Parent: #2
أداء جميل ... رحم الله عمر البنا شاعر الأغنية.....
العميري عليه رحمة الله أبدع فيها أيضا.
Post: #4 Title: Re: البنات الفنانات ديل منو الجننوا زيدني في Author: Yasir Elsharif Date: 08-29-2015, 08:52 AM Parent: #3
سلام يا يحيى وشكرا
الفن مش في الغنا وبس وانما ايضا في العزف.
Post: #5 Title: Re: البنات الفنانات ديل منو الجننوا زيدني في Author: Abureesh Date: 08-29-2015, 09:45 AM Parent: #4
شكرا يا يحيى
زول الجيتار عمل ضريســا فى اضانا.. استطيع بملئ فمى القول انه يحتاج يصقل ما تعلمه بالتجربة.. والبنية صوتها ملائكى وجميل.. لكن توقيتها (زمنها) تعبان شديد.. الإتنين يحتاجو تدريب وتمرينات.
Post: #6 Title: Re: البنات الفنانات ديل منو الجننوا زيدني في Author: علاء سيداحمد Date: 08-29-2015, 10:18 AM Parent: #5
شكراً قبانى شكرا لك وانت تخرجنا من بؤس السياسة والدماء والدمار حيثما تولينا بالريموت الى حيث ســمو المشاعر والانسنة .
Post: #7 Title: Re: البنات الفنانات ديل منو الجننوا زيدني في Author: سيف اليزل سعد عمر Date: 08-29-2015, 10:27 AM Parent: #6
Quote: زول الجيتار عمل ضريســا فى اضانا.. استطيع بملئ فمى القول انه يحتاج يصقل ما تعلمه بالتجربة
أبو الريش... زوول الجيتار ده الموسيقار الدكتور الفاتح حسين... ده مما قام طوااالي شايل معاه جيتار.....
Quote: أداء جميل ... رحم الله عمر البنا شاعر الأغنية.....
العميري عليه رحمة الله أبدع فيها أيضا.
يا خالد ...
كلام صحيح ... بس معليش كنت قبلها بنزل في يا جميل يا مدلل عمك عوض الجاك و عبد الرحمن الريح ...
Post: #8 Title: Re: البنات الفنانات ديل منو الجننوا زيدني في Author: دينا خالد Date: 08-29-2015, 11:16 AM Parent: #1
يااااا قبانى ! حتى انت العليك التكل بقيت تسمع بى عيونك دا ياهو ذاااتو الاحتطاب ليلا .....
--------- نخنخة شديدة وصوت نفسها طاغى على صوت الغنا اصوات عادية ... مع تقديرنا الشديد لاجتهادن والمناظر الحلوة .... اضطريت اقول الكلام دا لانو حميدة وعمر الفاروغ. مافيشين .،،، والموصلى بعاين لكن جامااااال بجامل ،،،،،لوبيييين ،،،،
Post: #9 Title: Re: البنات الفنانات ديل منو الجننوا زيدني في Author: دينا خالد Date: 08-29-2015, 11:23 AM Parent: #8
فتحت البوست دا الصباح لما نزلوا قبانى وما سمعت هسه سمعت وعملت تعليقى رسلتو بعدين حتى شفت التعليقات .،، ههههههههه بضحك على ابو الريش البت الشترا ما الفاتح .... ياخ لكن دايما بتعصروا على الدشانه ... لووووب د الفاتح استحمل كلنا ح نعصصر عليك ههههههههه والله بضحححححك ماعارفه لييه ....
Post: #10 Title: Re: البنات الفنانات ديل منو الجننوا زيدني في Author: طلحة عبدالله Date: 08-29-2015, 11:36 AM Parent: #9
والله صدقت يا يحي قباني فعلا في تميز واضح لا تخطئه العين ( أقصد الذائقة ) مخارج واضحة وطرب رصين إلى جانب ثقة وثبات وحضور مسرحي .. مزيد من الرعاية ويصبحن أكوس من كدا كتير .
Quote: والله صدقت يا يحي قباني فعلا في تميز واضح لا تخطئه العين ( أقصد الذائقة ) مخارج واضحة وطرب رصين إلى جانب ثقة وثبات وحضور مسرحي .. مزيد من الرعاية ويصبحن أكوس من كدا كتير
Quote: يااااا قبانى ! حتى انت العليك التكل بقيت تسمع بى عيونك دا ياهو ذاااتو الاحتطاب ليلا .....
--------- نخنخة شديدة وصوت نفسها طاغى على صوت الغنا اصوات عادية ... مع تقديرنا الشديد لاجتهادن والمناظر الحلوة .... اضطريت اقول الكلام دا لانو حميدة وعمر الفاروغ. مافيشين .،،، والموصلى بعاين لكن جامااااال بجامل ،،،،،لوبيييين ،،،،
يا ( حاغدة ) عشان تكون مختلفة من عم عكس ...
انتي الحكمتي عليهم بعيونك ديل ...
بالله شوفي الثقة في العزف و الغناء ... __________________________ بعدين بصراحة البت البتعزف جيتار في التلفزيون دي زي زمان البت البتجي شاقة الحلة بالعجله ...
بنحيي فيها ثقتها العالية في نفسها ...
فعليك الله اسمعي بي اضانك و بي قلبك سيبي المعاينة ... البنات صغار و حلوات وده زاد المسألة جمال و نضار و طيب ...
يا قبانى تحايا طيبات .. وأجد نفسى مختلف معاك تماماً عزف الجيتار خرافى .. وأنغام الجيتار محببة لدى فزاد من طربى لها، الأداء الغنائى خجول فاتر .. أداء من لا يمتلك الموهبة أو الصوت ذو الملكات التطريبية حتى لو بقدر.. فيؤدى بخفوت وحذر بصوت حبيس متقيد يذكرنى ببعض الموسيقيين الموهوبين موسيقى وتلحيناً وعزفاً عندما فى بعض البرامج يطلب منهم التغنى بكوبليه مثل بشير عباس وعبد اللطيف خضر ..
ومقارنة الأداء التطريبى تكون مع أداء الفنان عثمان حسين (وليس مقارنة بحلاوة صوته وغنته) فتجد أداء هاتين الفتاتين فاتراً ومجرد مصاحبة للموسيقى بمعلومة كلمات الأغنية ولنقل دندنة وليس غناء فكلمة (فنانات) كثيرة عليهن (كمطربات) ، وكعازفات يكون أيضاً يكون لقب (فنانة) واسع شوية لأنهن مصاحبات فى عزفهن (رزم) بينما يقوم الفنان الفاتح حسين بالإبداع الموسيقى. لا أود أن أحكم على الفتاتين (غنائيا) من عمل واحد، ولكنهن فيه لم تقنعان (شخصى على الأقل).
* غايتو إذكرت زمان عمر أرو عندما كان يعزف الجيتار ويغنى لنا عزفه كان مقبول وكنا نسعد به وكان يغنى بنفس الطريقة الحبيسة المتقيدة لصوت لم يخلق للتطريب!
Post: #32 Title: Re: البنات الفنانات ديل منو الجننوا زيدني في Author: يحي قباني Date: 08-30-2015, 05:26 AM Parent: #20
Quote: يا قبانى تحايا طيبات .. وأجد نفسى مختلف معاك تماماً عزف الجيتار خرافى .. وأنغام الجيتار محببة لدى فزاد من طربى لها، الأداء الغنائى خجول فاتر .. أداء من لا يمتلك الموهبة أو الصوت ذو الملكات التطريبية حتى لو بقدر.. فيؤدى بخفوت وحذر بصوت حبيس متقيد يذكرنى ببعض الموسيقيين الموهوبين موسيقى وتلحيناً وعزفاً عندما فى بعض البرامج يطلب منهم التغنى بكوبليه مثل بشير عباس وعبد اللطيف خضر ..
يابن عمي ...
البنية بتغني ببساطة و من دون مجهود ...
بتذكرني بالسلطانة ...
عموماً يا ندره انا البنوت عجبني شديد ...
Post: #28 Title: Re: البنات الفنانات ديل منو الجننوا زيدني في Author: يحي قباني Date: 08-30-2015, 00:01 AM Parent: #19
Quote: بعدين بصراحة البت البتعزف جيتار في التلفزيون دي زي زمان البت البتجي شاقة الحلة بالعجله ...
بنحيي فيها ثقتها العالية في نفسها ...
فعليك الله اسمعي بي اضانك و بي قلبك سيبي المعاينة ... البنات صغار و حلوات وده زاد المسألة جمال و نضار و طيب ...
العزيز القباني... سلام مرهف لك يا حامل الآذان التي تحسن وتجيد السماع سلام مندهش وأنت تدهش العامة بالجديد الممتع صوتاً وصورةً... وخيالاً!
هذة الأغنية الخالدة بألحانها الزاهية وكلماتها الراقية تصيب القلب والوجدان بلوعة وصديقنا الموسيقي البارع دكتور الفاتح أتاح لنا هذة اللوحة التطريبية عبر أنامله وإجادته لعزف الجيتار الكلاسيكي وتطويعه لأوتاره المعدنية أو تلك النايلونية.... فأعاد صياغة اللحن وأصبغ عليه ببصماته المتميزة عبر بها لفضاء الفن العالمي!
وإختياره لمن أداها (حتماً) كان لمعرفته بقدراتهن الصوتية والتطريبية.. ولجمالهن!
وما جاء بالإقتباس أعلاه.. لا يأتي إلا ممن يمتلك فكر وثقافة المغنى والتي تندر عندنا فلقد نجحت بالوصف لموصوف مجتهد ممتلك للثقة والمؤهلات التي تصنع الإبداع.
سرني دعمك للفن الواعد يا قباني.. وإنصافك المتواصل للمبدعين!
وتبقى مشكلة صناعة الصوت عندنا، وخاصة بأجهزتنا المرئية والتي مازالت تهتم كثيراً بإظهار الصورة كأحد مرتكزات الإخراج النهائي متناسين أن للصوت دور حيوي وهام. فالتوازن الصوتي بين المؤدي والآلات المصاحبة له يحتاج لمهارة وتقنية مهندسي الصوت.. ولكن، وقبلها، عليهم إجاده فن الإستماع وفرز الآلات وتحديد تواقيتها بعناية فائقة.. حتي لا يظلم المؤدي.. سواء أن كان مغنياً أو عازفاً لأي آلة.
أعتقد أن إعادة تسجيل هذة اللوحة بدقة صوتية أفضل سيتيح لنا فرصة التمتع بها على وجه أفضل... وسيمنع عنا شرور أبو الريش وأحقاد دينا وكل من به عمى بأذنيه!
والاى ابو الريش مشكلتو مشكلة مع الطائفية الفنية.. نحن السودانيين الطائفية عندنا زى الصمغ العربى، تدخل فى صناعـة كل شئ. تعلق على موقف زعيم طائفى يجى الحيران يقولوا ليك انت تكره سيدى فلان.. تعلق على مواقف واراء زعيم مستنير يكونوا لجنة لتلفيق الأكاذيب حولك، وواحدين يقولوا فلان دا من نشأ ما سرق.. وهل انا اتهمته بجريمة سرقـة؟
أبو الريش أيها السيدات والسادة حين يمارس حقه فى حرية الرأى فإنه لا ينظر الى اسم ووضعية الكاتب موضوع النقد ولا إلى شهاداته الأكاديمية، ولا إلى ماذا كان يعمل منذ نعومـة أظافره.. وإنما على النقطة المحددة فى الزمان والمكان التى هى موضوع النقد. وينتظر من الاخرين نقاشها فى إطارها.. وما سمعته فى هذه القطعـة، وارجعته الى عدم التدريب الكاف، فأنا ما زلت عند رأيى فيه التبرير الوحيد الذى يمكن ان افهمه (ولا اقبله) هو ان الموسيقار كان يعوض عن مفارقـة الزمن بواسطـة المطربـة، وينتظرها حتى تلحق به فى بعض الأوقات...الخ
ويا دينا نحن الرجال عرفناهم يمكن أن يكونوا متحيزين ضد المرأة إنتى خبارك؟ نط الحيطـة القصيــرة
محمد يس دا شنو يا عمك.. عمى إذنين مرة واحدة؟ طيب أقول ليك، انا ما عندى دكتوراة ولا ماجستير فى الموسيقى.. لكن حين وزعوا الالات فى معهد تدريب المعلمين فى الحارة الاولى بالثورة، (وكنت طالبا مستمعا وليس نظاميا لحبى للموسيقى) حضرت متأخرا للحصـة ووجدت ان كل الالات اتوزعت ومعظم الطلبة شالوا الأكورديون والعود، ولم يقى إلا اصعب الة وهى الكمان، خلوها كلهم وصارت من نصيبى.. بعد الحصة الاولى جاتنى ملاريا لم اعد للفصل إلا يعد اسبوع.. وكان ذلك لتعسيمـة الرقبة وتمزق عضلات الكتف والساعدين.. الحصة الاولى كانت عن طريقة الإمساك بالقوس ووضع الكمان وحركة اليد والدقانة...الخ.. ثم عمك عصامى فى الموسيقى، بين عامى 1979 و 1980 كنت فى فرانكفورت (المانيا الغربية حينها) استمع للموسيقى الكلاسيكية تقريبا 12 ساعة فى اليوم على القراموفون قبل السى دى واليو أس بى واليوتيوب.. وحفظت عن ظهر قلب شعر شلر الذى اختاره بيتهوفن فى كورال السيمفونية التاسعـة بلغته الأصلية الألمانية.. وكثير من قصائد غوتـة. (بروميتوس ووردة فى الأرض البور Heidenröslein وقصيـدة محمد (رسولنا الكريم)...الخ شفت كيف.. هل تعلم ماذا يعنى ان تستمع الى الموسيقى الكلاسيكية 12 ساعة فى اليوم لعام كامل.. تعنى انك لو سمعت صوت فأر فيه نشاز ستقفز من نومك مذعوراً
الله يسامحك..
Post: #23 Title: Re: البنات الفنانات ديل منو الجننوا زيدني في Author: دينا خالد Date: 08-29-2015, 06:44 PM Parent: #22
Quote: أبو الريش أيها السيدات والسادة حين يمارس حقه فى حرية الرأى فإنه لا ينظر الى اسم ووضعية الكاتب موضوع النقد
أكيد حق حرية الرأي مكفول. لك كامل الحق في أن لا يعجبك العزف على الجيتار وأن لا تستسيغه وأن لا تهضم التكنيك ..... إلخ. لكن ما قلته يدخل في (علم) النقد الفني وهو شئ له أدواته ومعاييره.
إضافة للإتهام بـ(النشاز) في حق أستاذ موسيقى من الدرجة الأولى وليس مجرد عازف.
ليس هناك ما يعيب عدم معرفتك به (نصحته بصقل موهبته على ما أظن)
المهم الغناء القديم و بال تحديد الايقونات في الغناء طبعاً لما يغنيهم زول و يلتزم بالسلم و يلعب في المسموح به الناس بدون ما تشعر بتكون انبسطت و انطربت طبعاً دا خلاف لو الزول صوتو سمح و حريف وبيعرف يغني و يغني اغنية جديدة اول مرة الناس تستمع ليه بشكل عام الاذن السودانية هنا بتاخد وقفة لاننا ما بنحب الجديد ابداً من الغناء لكن ممكن نعجب بيهو بعد تكراره مرات .
اها بعد كلامي الفوق دا ممكن اجيكم للشناف الجد جد بس قولو تعال .
Post: #30 Title: Re: البنات الفنانات ديل منو الجننوا زيدني في Author: Abureesh Date: 08-30-2015, 03:53 AM Parent: #29
الأخ العزيز ابو الريش بالعربى وينك يا رجل زمن طويل منذ فارقنا قطــر.
تقول يا عزيزى الفاضل:
Quote: لكن ما قلته يدخل في (علم) النقد الفني وهو شئ له أدواته ومعاييره.
إضافة للإتهام بـ(النشاز) في حق أستاذ موسيقى من الدرجة الأولى وليس مجرد عازف.
الأدوات الفنية ليست عندى الان.. إعتمادى على الأذن فقط.. لكن لو لقيت أسولسكــوب وقمت بتحليل الزمن والنغمات فسوف يظهر انه الدكتور فى أحسن الاحوال لم يهتم بالتجويد.. والكمبيوتـر لا يكذب.
أيضا أقول لك إنى لم أتهم أى أحد بالنشـاز.. ارجو إعادة قراءة مداخلتى.. وكان القصـد هو أن الأذن (المدربـة) تمثل أفضل أداة لإختبار الأصوات.. ومهما كانت الكفاءة المهنية فلا تعصم من الأخطاء. شوف المكوكات الإنفجرت مرتين، حتى ألغت ناسا والحكومة الأمريكية البرنامج نهائياً..
أتمنى أن يكون وقع كلماتي أعلاه عليكما بقدر ما عنيته من معنى خلالها... وبصراحة تفهمت إستخدام "نشاز" عند أبو الريش و"سماع العين" عند دينا وعليه جاء ردي لكلا منكم أعلاه.. فالنشاز ناتج من خلل تقني وليس عيب موسيقي. أما سماع العين فكان لعدم تمكن المؤدية من إبراز طبقاتها الصوتية بنفس القدر الذي أظهرت فيه جمال وجهها... وهذا خلل إخراجي مستمر ودائم عندنا!
و"عمي الآذان" هم ليس من بهم صم أو عمى... بل هم من لم يدقق أكثر فيما يرى أو يسمع... ويتسرع في الحكم قبل أن يأتيه اليقين... ويقني نابع من معرفتي بالدكتور الفاتح والذي لن يغامر بتقديم هذة الأغنية بعدم إقتناع تام!
فعفواً، ومعذرة إن كنت قد جرحت زوقكم وأنا أداعب مشاعركم النبيلة!
وجلَّ من لا يخطئ...
Post: #36 Title: Re: البنات الفنانات ديل منو الجننوا زيدني في Author: محمد أبوالعزائم أبوالريش Date: 08-30-2015, 05:54 AM Parent: #31
مرحب Abureesh، إنت لم تستخدم كلمة (نشاز) .. لكن شوف كلامك ده:
Quote: كن لو لقيت أسولسكــوب وقمت بتحليل الزمن والنغمات فسوف يظهر انه الدكتور فى أحسن الاحوال لم يهتم بالتجويد.
تحليل النغمات أظن لكشف ما إذا كان بها خلل .......... خلل في النغمات ده إسم الدلع بتاع نشاز.
أما تحليل الزمن، إذا وجد خلل .. فالمسألة (شتارة). الزول الأشتر لما نحاول نخفف من حدة الكلمة بنقول (زمنو فارق)
Post: #35 Title: Re: البنات الفنانات ديل منو الجننوا زيدني في Author: يحي قباني Date: 08-30-2015, 05:49 AM Parent: #24
Quote: قباني.... أنا كنت متأكد من حاجتين: انو بوست يا جميل يا مدلل سبب الالتباس و أنو الإشارة ما حتفوت عليك.......عرق أمدرمان لازم يظهر ياخ..
:)
ما تنسى عامل السن كمان ...ههه
Post: #34 Title: Re: البنات الفنانات ديل منو الجننوا زيدني في Author: يحي قباني Date: 08-30-2015, 05:39 AM Parent: #23
يا دينا ياخ ابوعركي الناس شبكونا زمان ( زيك كده تمام ) انو عركي بنخنخ و صوته فيهو نخنخنة ... خاصة اول ما بدا ...
و ترانا مكسرين فوقه لي يوم الليلة ... لا خلينا بخاف ... لا يا قلب ...
اها لو نخنختها بقت زي نخنخة عركي قولك شنو ؟
النخنخة مالها في هذه الحالة ... عيبيها لي ؟
هاك أبو عركي ده ....
Post: #33 Title: Re: البنات الفنانات ديل منو الجننوا زيدني في Author: يحي قباني Date: 08-30-2015, 05:31 AM Parent: #21
Quote: وما جاء بالإقتباس أعلاه.. لا يأتي إلا ممن يمتلك فكر وثقافة المغنى والتي تندر عندنا فلقد نجحت بالوصف لموصوف مجتهد ممتلك للثقة والمؤهلات التي تصنع الإبداع.
محمد يس خليفه الرجل الفنان شديد ...
شفت كيف ... و يجو يقولوا ليك بتنخنخ ...
جنس حسادة غايتو ...
البنية دي كان في عمرها ده عزفت و غنت بثقة زي دي و تحت يد أستاذ زى الفاتح حسين ...
بعد 10 سنوات ممكن تغير وجه الغنا الهابط الحاصل في السودان ... ( طبعاً ده لو راجلها ما منعها الغنا لمن تتزوجه ) :)
Post: #37 Title: Re: البنات الفنانات ديل منو الجننوا زيدني في Author: يحي قباني Date: 08-30-2015, 06:01 AM Parent: #33
Quote: حبيبنا قبا ياخ اها ندور شناف !!!؟
المهم الغناء القديم و بال تحديد الايقونات في الغناء طبعاً لما يغنيهم زول و يلتزم بالسلم و يلعب في المسموح به الناس بدون ما تشعر بتكون انبسطت و انطربت طبعاً دا خلاف لو الزول صوتو سمح و حريف وبيعرف يغني و يغني اغنية جديدة اول مرة الناس تستمع ليه بشكل عام الاذن السودانية هنا بتاخد وقفة لاننا ما بنحب الجديد ابداً من الغناء لكن ممكن نعجب بيهو بعد تكراره مرات .
اها بعد كلامي الفوق دا ممكن اجيكم للشناف الجد جد بس قولو تعال .
يا نابري ياخ انتى اتربيت قدام دكان عمك محمد احمد عوض ...
مالك و مال النواعم دي ...
دي مزرعة ( تين ) باكر تكبر و تلد باباي ...
ما تكسروا همة البنات ديل ... انا عاجبني شموخهم ده ...
Post: #38 Title: Re: البنات الفنانات ديل منو الجننوا زيدني في Author: حمزاوي Date: 08-30-2015, 06:02 AM Parent: #33
ود قباني مسكاقمي فعلاً البنت غناية بالجد واداءها رهيب بس الخرب الرصة المخرج مخرج سخيف وبايخ جاب الفنانة وزمليتها والعازف كالدمى وكالاشباح ولم يعمل اي ارتباط بين الاداء والصوت والصورة حاول يعمل عنصر التشويق والاظهار الفجائي ولكن بدون اجادة حتى ضيع دور الفنانة المشاركة ولم نرى اي وضع مخرج تعبان لعمل كبير
ولك ودي
Post: #39 Title: Re: البنات الفنانات ديل منو الجننوا زيدني في Author: othman mohmmadien Date: 08-30-2015, 06:41 AM Parent: #38
سلام عليكم .... الأخ قباني
صوت جميل وهادي وآداء رائع يتناسب مع آلة الجيتار كآلة مصاحبة للآداء ... العلة دوما في التصوير وما كان يجب ملء الشاشة بوجه المغنية وهي تؤدي الأغنية ... يكون مناسبا ذلك أثناء توقف الآداء بين كلمات الأغنية ... التسجيل أيضا يبدو غير نقي ولا أدري إن كان ذلك من جهازي ... أخ يحيى لديكم بوست تحت عنوان ... (كأنه ما ضقت الغرام كانه ما عرفتك حقيقة .... لذلك كابلي يصعب تقليده ... أبحث عنه بشغف ولكن تعثر على وجوده ...،،،...
عزيزى يحيى الأداء الغنائى للبنية دى بالعربى البسيط زى أداء أى بت فى لمة عرس تديها دلوكة وتقول ليها غنى ما شرط تكون موهبة عشان تقوم (بالنياصة) دى
الإستماع للأغنية بالفيدو محتاج لفلترة ثللاثة حاجات 1 ـ عزف الليد جيتار للفاتح حسين 2 ـ عزف الرزم جيتارين (للفتاتين) 3 ـ الأداء الغنائى للمعنية الرئيسية ومصاحبتها
ستجد الأداء الغنائى ليس فيه (تطريب) ولا حتى أداء (آلى) يتبع الأداء الغنائى الأصلى للأغنية.
ستجد الموسيقى مجتمعة لأيد جيتار ورزيم جيتارز فيها شى غلط وبفلترة السمع بمتابعة أداء الليد جيتار تجده أحسن ألأداء والجوطة جاية من الرزيم جيتارز (وربما هذا هو النشاز الذى إلتقطته أذن أبو الريش .. كما أن عازف الليد جيتار إلتزم فى عزفه بالجملة أو الجمل الأساسية لموسيقى ولحن الأغنية ولم يطلق لإنامله العنان لمزيد من التجويد الموسيقى (فى حاجات كده ما قادر أوصفها بتتعمل فى عزف المقطوعة الموسيقية بتزيدها جمالا ووقعا عند الإستماع) .. عازف الليد جيتار كان مقيدا لفارق بينه وبين العزف الموسيقى المصاحب (الرزيم جيتار) ولمحدودية القدرات الغنائية التطريبية للمؤدية.
* البنوت بالحيل يعجبن ويستحقن التشجيع وخاصة بإنتقاء غنا كبار .. * بطلعة سريعة فى اليوتيبو وجدت هذه الأغنية شباباآخرين أيضا تغنوا بها بمصاحبة (الجيتار) .. ما عارف هل هذه ظاهرة (الجيتارات)
Quote: مش كفاية انو انا والفضلى اخيرا اتفقنا ؟
أهاااا .. شوف يا قريبى بتعمل فينا شنو .. بس معقولة أتفق مع دينا ... كان كدا أحاول آراجع وأستمع وأشوف مرة ومرتين وثلاثة .. (وجه عابس مبتسم) ... زمان ما إختلفنا ولكن أديناها (النجيضة) بس عاندت ساى .. !!
أخ يحيى لديكم بوست تحت عنوان ... (كأنه ما ضقت الغرام كانه ما عرفتك حقيقة .... لذلك كابلي يصعب تقليده ... أبحث عنه بشغف ولكن تعثر على وجوده ...،،،...
ساعدنا في إنزال الرابط رجاء
سلام يا عثمان يا صديقي ...
بوست كأنه ما ضقت الغرام اتنسف في ( الوثبة ) الأخيرة التي ألمت بالمنبر مع الأسف ...
و سمعت ان هناك إمكانية ارجاع بوستا ... لكن لم أحاول ...
بس اشكرك رغم فشلي في تلبية طلبك و لكني عند البحث وجدت بوست آخر تايه ... سأقوم برفعه ان احسست به مرة اخري ...
Post: #43 Title: Re: البنات الفنانات ديل منو الجننوا زيدني في Author: يحي قباني Date: 08-31-2015, 06:05 AM Parent: #38
Quote: ود قباني مسكاقمي فعلاً البنت غناية بالجد واداءها رهيب بس الخرب الرصة المخرج مخرج سخيف وبايخ جاب الفنانة وزمليتها والعازف كالدمى وكالاشباح ولم يعمل اي ارتباط بين الاداء والصوت والصورة حاول يعمل عنصر التشويق والاظهار الفجائي ولكن بدون اجادة حتى ضيع دور الفنانة المشاركة ولم نرى اي وضع مخرج تعبان لعمل كبير
ولك ودي
سلامات شيخنا حمزاوي ... كان ما مخرج غير مؤهل معقول يقعدهم في ( هبوب ) زي دي؟
كتر خيرهم الصوت مرق ...
بس برضو شغل بديع و بنات روعة و أداء أروع ...
عيني باردة ... تلج ... :)
Post: #44 Title: Re: البنات الفنانات ديل منو الجننوا زيدني في Author: يحي قباني Date: 08-31-2015, 06:12 AM Parent: #43
Quote: عزيزى يحيى الأداء الغنائى للبنية دى بالعربى البسيط زى أداء أى بت فى لمة عرس تديها دلوكة وتقول ليها غنى ما شرط تكون موهبة عشان تقوم (بالنياصة) دى
الإستماع للأغنية بالفيدو محتاج لفلترة ثللاثة حاجات 1 ـ عزف الليد جيتار للفاتح حسين 2 ـ عزف الرزم جيتارين (للفتاتين) 3 ـ الأداء الغنائى للمعنية الرئيسية ومصاحبتها
ستجد الأداء الغنائى ليس فيه (تطريب) ولا حتى أداء (آلى) يتبع الأداء الغنائى الأصلى للأغنية.
ستجد الموسيقى مجتمعة لأيد جيتار ورزيم جيتارز فيها شى غلط وبفلترة السمع بمتابعة أداء الليد جيتار تجده أحسن ألأداء والجوطة جاية من الرزيم جيتارز (وربما هذا هو النشاز الذى إلتقطته أذن أبو الريش .. كما أن عازف الليد جيتار إلتزم فى عزفه بالجملة أو الجمل الأساسية لموسيقى ولحن الأغنية ولم يطلق لإنامله العنان لمزيد من التجويد الموسيقى (فى حاجات كده ما قادر أوصفها بتتعمل فى عزف المقطوعة الموسيقية بتزيدها جمالا ووقعا عند الإستماع) .. عازف الليد جيتار كان مقيدا لفارق بينه وبين العزف الموسيقى المصاحب (الرزيم جيتار) ولمحدودية القدرات الغنائية التطريبية للمؤدية.
* البنوت بالحيل يعجبن ويستحقن التشجيع وخاصة بإنتقاء غنا كبار .. * بطلعة سريعة فى اليوتيبو وجدت هذه الأغنية شباباآخرين أيضا تغنوا بها بمصاحبة (الجيتار) .. ما عارف هل هذه ظاهرة (الجيتارات)
مليت الباندودث ساكت بي كلامك ده يا نادر ...مليت الباندودث ساكت بي كلامك ده يا نادر ...
البت غناية وواثقة من نفسها ... و رايقة و رقيقة ... و زينه و عاجباني ...
يعني لازم تهتف زي مكارم بشير حتى تثبت ( فحولتها ) الغنائية ... ______________________________________________ ياخ اذن أبو الريش شنو التقطته ... محطة أبو حراز اصلها ... :)
Post: #45 Title: Re: البنات الفنانات ديل منو الجننوا زيدني في Author: يحي قباني Date: 08-31-2015, 06:20 AM Parent: #44
قلبي مالو اليوم ...
ان شاء الله نادر الفضلي و دينا خالد يكون عندهم رأي ؟
Post: #46 Title: Re: البنات الفنانات ديل منو الجننوا زيدني في Author: يحي قباني Date: 08-31-2015, 06:24 AM Parent: #45
معليش يا حبيبي حقك علي ... ____________________ و معليش يا فنانات حقكم علينا ...
Post: #47 Title: Re: البنات الفنانات ديل منو الجننوا زيدني في Author: يحي قباني Date: 08-31-2015, 06:27 AM Parent: #46
الحلقة كاملة ... عشان أجيب من الآخر ...
Post: #48 Title: Re: البنات الفنانات ديل منو الجننوا زيدني في Author: يحي قباني Date: 08-31-2015, 06:36 AM Parent: #47
ست البيت بريدها براها ...
حليل جدي ود الرضي ... :)
Post: #49 Title: Re: البنات الفنانات ديل منو الجننوا زيدني في Author: يحي قباني Date: 08-31-2015, 06:38 AM Parent: #48
نور طه - موال النيل -- ممدوح طاهر فريد
Post: #50 Title: Re: البنات الفنانات ديل منو الجننوا زيدني في Author: سيف اليزل الماحي Date: 08-31-2015, 06:58 AM Parent: #47
.
Quote: عدد بسيط بس في السودان ده بعزفوا على الجيتار زي ما الله خلقه ... او كما انزلوهو ( على قولة بادي الله يرحمه ) ..
على رأسهم ... الفاتح حسين و الفاتح كردي و عمك شرحبيل احمد ...
أخي قباني تحياتي ربما أجد الفاتح حسين أكاديمي مثابر! لكن في الجيتار هنالك العازف البارع والإنسان المهذب الأستاذ إبراهيم حسين والذي كان يشارك فرق الجاز بالخرطوم بجانب عمله مع الكثير من الفنانين وإسهامه الكبير مع موسيقي مركز الخرطوم جنوب، في كثير من حفلات الخرطوم كنا نتحلق حوله، نتأمل المهارة الفائقة والمقدرة العالية والتمكن من الآلة، لكأنه يمنحها دفقا من روحه الشفيفة المرحة المسالمة وعاطفته الجياشة وتهذيبه العالي، سلامي ومحبتي له أينما كان.
.
Post: #51 Title: Re: البنات الفنانات ديل منو الجننوا زيدني في Author: معتصم الطاهر Date: 08-31-2015, 07:15 AM Parent: #8
أسع وين الشوف فى البتغني دى ..!
التانية ممكن ..
و حالتك عاملة بروفايلك مقاس ..
زيدنى فى هجراني أسهل أغنية .. أغنية لا تخيف أى ( أشتر) ..
Post: #52 Title: Re: البنات الفنانات ديل منو الجننوا زيدني في Author: سيف اليزل الماحي Date: 08-31-2015, 07:45 AM Parent: #51
.
زيدني في هجرني، لا أقبل المجازفة بسماعها من المغنين بعد عثمان حسين رحمه الله.
.
Post: #53 Title: Re: البنات الفنانات ديل منو الجننوا زيدني في Author: عمر علي حسن Date: 08-31-2015, 04:57 PM Parent: #52
Quote: . وتبقى مشكلة صناعة الصوت عندنا، وخاصة بأجهزتنا المرئية والتي مازالت تهتم كثيراً بإظهار الصورة كأحد مرتكزات الإخراج النهائي متناسين أن للصوت دور حيوي وهام. فالتوازن الصوتي بين المؤدي والآلات المصاحبة له يحتاج لمهارة وتقنية مهندسي الصوت.. ولكن، وقبلها، عليهم إجاده فن الإستماع وفرز الآلات وتحديد تواقيتها بعناية فائقة.. حتي لا يظلم المؤدي.. سواء أن كان مغنياً أو عازفاً لأي آلة. .
اخي العزيز الحبيب ود القبانية
قد تسامحني اذا قلت لك ان نصف عمري قد ضاع مني في متابعة الغناء والموسيقي والشعر وبعض الادب .. وان قسطا يحاسبني عليه الورثة يوم اموت قد فني في اقتناء الاسطوانات والاجهزة والاشرطه والسماعات والكتب وانا اتعشم ان اورثهم ثروة ترقي بهم وبحسهم وحس ابنائهم
وقد تسامحني بدرجة ادني اذا قلت لك انني اقمت ساترا حديديا بيني وبين من جاءوا بعدنا من مغنين او فنانين علي اطلاق الكلمة .. فلا اسمعهم ولا اعرفهم او اميز زيدهم من عبيدهم .. وقد وقفت بي الدنيا عند من احببت ممن عاصرت .. وشفيعي في ذلك ان الله ظل يدعونا لما نزل الينا وما انزل من قبلنا .. ولم يدعونا تعالي لما نزل علي الذين من بعدنا ..
تشددت في اسماء برقت بعد من عاصرت واعترضت علي فرفور والحوت والجامعة وعذري ان حمد الريح مثلا كان يعمل بالجامعة ولم يلتصق بها اسمه .. وان صلاح بن البادية كان صوفيا ابن صوفية ولم يصبغ بهذه الصبغة كما صبغ بها الحوت .. وبين الاثنين فروق تعرفها واعرفها ..
لعل العيب فينا وليس فيهم ..
ليس عذرا انني دقة قديمة .. وانني مازلت البس البدلة صيفا وشتاء بالقميص الابيض والحذاء المربوط .. ولكن عذري ان الله صب في اذني كل احساس بالجمال فانا اتذوق بهما طعم الحياة وازداد تمسكا بما سبق له الاستقرار في وجداني من جمال ..
وقد دخلت هنا وانا اخشي علي نفسي من ان تغتالها بسحر ومنطق وعلم بالفنون اعرفه عنك .. وعزمت ان اهبك فرجة في الستار الحديدي تنفذ بها الي ركن في قلبي تحل منه ابنة البنا ، زيدني في هجراني او زيدني في نيراني ايهما يحلو لك ، مرقدا خاصا منذ الشباب الذي عنت لي فيه معني ........
جئت للاغنية الطرية اللحن التي تتقطر كلماتها عذوبة والتي اعرف انني لو غنيتها لك بصوتي الذي قيده ربي بما اغدق عليّ من منة السمع لاطربتك .. فاللحن من ايسر الالحان واطوعها .. ولو سمعته عند اخر من احترمت اداءهم له (العميري) لاوصدت مسمعك عمن ياتي بعده .. وجئت لاني اثق ان ابن العزاز القبانية لديه فيض من المعرفة بالغناء فيعينني بحكم اتجاوز به تعسفي وسد ابوابي عن المحدثين ..
ووجدت انني مثل دينا والفضلي لا اجد في الاستماع ما يجذبني للقبول او القناعة او الطرب .. ومات الفرح في داخلي بعد ان احياه جيتار رئيسي في يد استاذ دكتور .. ذلك ان الالة لم تخرج عن صميم اللحن ونطقته فقط بلهجتها الاعجمية
اذن انني التمس منك معذرة ثالثة لانك ماحشدت لي جندا ولا جمعت لي اسلحة اقهر بها جحافل صدي لما هو محدث .. ولكن ولشدة شغفي بك وبمبادراتك القيمة الدسمة فانني اقف مع الاستاذ محمد ياسين خليفة في ما اقتطفت من مداخلته بأن التوازن الصوتي بين المؤدي والآلات المصاحبة له يحتاج لمهارة وتقنية مهندسي الصوت.. وأن غياب هذه الناحية ربما احبط جهد المغني او العازف
هذا ليس ارضاء لك .. ولكنه تخفيف من ربك علي كل مجتهد
سلامات يا ريس وبركة الطلة .. بعيدا عن فذلتك الأدبية البديعة الفوق دي ( ما شاء الله قلم رصين ) .. لكن بصراحة خذلتني مداخلتك في المقام ... مش بس لأنك أعبت أداء البنيات ديل بعد جزمك بمرونة لحن الأغنية ( كلام غير مؤسس ولا تحكمه قاعدة ثابتة ) لكن لأنك كما يبدو جليا سمعت الأداء الفوق دا بأذنين مختلفتين واحدة من جيل الزمن الجميل والتانية شابة معاصرة ودا على ما أظن الخلاك تقلل من معدل التطريب الطلع من اليافعتين ديل.. لأن المقارنة في هذه الحالة حتما فيها ظلم .. فلا يمكن مثلا أن تسمع نفس الأغنية بذات التطريب عند عبد العزيز محمد داوود مقارنة بسميرة دنيا وهذه الأخيرة مقارنة برماز ميرغني أو أية شابة من الجيل الحالي البنتين يا ريس غنن بى ثقة وثبات وإحساس عالي بكلمات الأغنية مع الوضع في الاعتبار حداثة طلتن وجلوسن قدام عازف جيتار متمكن وذائع الصيت ودا أكيد بكون عندو رهبة أدبية .. من وجهة نظري إذا جردنا الأداء من أي مؤثرات مصاحبة فهو متميز بكل المقاييس. أعتقد انك قسيت شوية عليهن يا ريس .. والله أعلم .
يمكن أن يكون ما قاله البعض في مدح الأداء والصوت صحيحاً ولكن ما سمعته أذني هو نشاز فعلاً
ونضع احتمال رداءة اليوتيوب، وأن التسجيل ليس في استديو وهندسة الصوت ما ظابطة.
لو تمّ تسجيل لهذه البنت في استديو وبمواصفات هندسة صوتيةمعيارية ربما تكون كما قال الإخوة أعلاه.
Post: #56 Title: Re: البنات الفنانات ديل منو الجننوا زيدني في Author: عمر علي حسن Date: 08-31-2015, 10:37 PM Parent: #55
Quote: مش بس لأنك أعبت أداءالبنيات ديل بعد جزمك بمرونة لحن الأغنية ( كلام غير مؤسس ولا تحكمه قاعدة ثابتة )
طلحة البنات فنانات .. ووجود الدكتور بجيتاره يعطيهن بعدا اضافيا .. ولكن زيدني في هجراني تظل الي الابد مختبرا لاحساس من يترنم بها . وقد قلت انني لو غنيتها لاطربت لاحساسي بها فلحنها الطري ليس في متناول كل مقلد .. ولكن مس كلماتها وهي تمتزج بلحنها هو المحك بين من يربط اللحن بالكلمات مثل العميري وبين من يفصل هذا عن ذاك ..
نعم يعيبني تمسك مجحف بالاصل وتعسف ظالم بالتقليد .. ولكن هكذا صنعت بي الفذلكة التي اشرت لها .. وكما اسلفت فقد يكون العيب منا ولا ذنب للبنيات غير انهن جئن الي باب الكنز والمفتاح ليس معهن ..
انت ايضا سامحني .. انا لم اقل بمرونة اللحن ولكني قلت (بطراوته).. والطراوة لا تقلد ولكنها تُحس ، ولو انهن احسسن لأبدعن .. ومرة اخري اطلب منك السماح فاذني مصكوكة علي ما استوطنها من اصول .. واعدك انك اذا سامحتني ستري ما اري ....
Quote: ووجدت انني مثل دينا والفضلي لا اجد في الاستماع ما يجذبني للقبول او القناعة او الطرب .. ومات الفرح في داخلي بعد ان احياه جيتار رئيسي في يد استاذ دكتور .. ذلك ان الالة لم تخرج عن صميم اللحن ونطقته فقط بلهجتها الاعجمية
اذن انني التمس منك معذرة ثالثة لانك ماحشدت لي جندا ولا جمعت لي اسلحة اقهر بها جحافل صدي لما هو محدث .. ولكن ولشدة شغفي بك وبمبادراتك القيمة الدسمة فانني اقف مع الاستاذ محمد ياسين خليفة في ما اقتطفت من مداخلته بأن التوازن الصوتي بين المؤدي والآلات المصاحبة له يحتاج لمهارة وتقنية مهندسي الصوت.. وأن غياب هذه الناحية ربما احبط جهد المغني او العازف
ارجو ان يسمح لي صديقي المهندس معتصم الطاهر و العزيز سيف ان ارد علي أخي الأكبر سناً و مقاما ... استاذنا عمر علي حسن ..
اشكرك يا سعادة اللواء على صراحتك في عدم استساغتك لما قدمنه هاتين الجميلتين ( عزفاً و غناء ) حسب رأيي ...
و أشكرك أيضا لمحاولتك مواساتي و ارضائي ببعض الشيء من الانصاف مقتبساً ذلك من مداخلة الجميل الفنان محمد خليفه ... :)
اراك يا سيدي و معك ابن عمتي و صديقي نادر الفضلي قد اخذتم العمل بمقارنات غير متكافئة ...
هن في بداية طريقهن ... تعلمن العزف ... ثم الأداء مع العزف ... و اراهن متقنات و بهم ثقة و شموخ ... قلما نجده هذه الأيام ...
ارجوك ان تستمع لباقي الاعمال و ان تشاهد الحلقة في مجملها ثم نعود ...
و ارجو أيضا ان لا نضع لحن الغنية كوعاء سهل يمكن لأي منا ان يتماشى معه و يغنيه ...
انا شخصياً ... طربت لهن كثيراً و لم أتوقع ان استمع الى أبو داؤود او العميري فيهن ...
اما العزيزة دينا خالد فليس عندي لها من شيء الا ( عض ) سبابتي و السؤال عن الصبر ...
عندما إنتهت أعمال مزج الآلات الحية والدجتال النهائية لشريط طفل العالم الثالث في بداية التسعينات داخل أحدث الإستديوهات بقاهرة المعز تحت إشراف أستاذنا الموصلي في معية أعظم مهندسي الصوت... كان لي شرف الإستماع لكامل الشريط من داخل الإستديو الحديث والمجهز بأحدث تقنيات كمبيوترية وصوتية بذلك الزمان. إنهمرت مني الدموع والتي أبت أن تتوقف إلى أن إنتهى التسجيل الطازج. وكان الموصلي يراقب في ذهولي ودموعي المنهمرة بصمت. وبعد أن إنتهى التسجيل سألني عن رأيي فيه.. فقلت له هذة أول مرة أسمعه وحتماً ستكون المرة الأخيرة، لأنني لم أسمعه بأذنيَّ فقط، بل إستمعت له بكل جسدي وحواسي السبعة... وأخاف بعدها من أن أستمع له من مسجل (رخيص) فيفسد عليّ ذهولي هذا والذي إمتزج بالإعجاب لدقة الصوت ولحلاوة الموسيقى ولقسوة كلمات أغانيه، وخاصة تلك التي صاغتها الراحلة ليلى المغربي. وأقسم لك أنني إستمعت عندها لكل وتر أو رزم أو حرف موسيقي لأي آلة أياً كان بُعده.
إستمعت أو قل إستمتعت كذلك بغناء العمالقة وردي ومصطفى والموصلي والمطربة المصرية نيفين ولكورال أطفال كونسرفتوار القاهرة بكل جوارحي... وبعدها ختمت كلامي للموصلي، بما تبقى بي من إنبهار حقيقي، بقولي: "يا أستاذ هذا الشريط لا يجب الإستماع له خارج الإستديو لخوفي عليه من تلاشي أصالته وجودة تسجيله!" ولم تكن الإسطوانات الدجتال متاحة عندها... فكان التسجيل على شرائط الكاست والتي إهتم منتج الشريط الأستاذ أحمد يوسف حمد وشركة حصاد بتخير أجودها صنعاً وأغلاها سعراً.
ومع الأسف تحققت بعض من نبوئتي... وشنت بعض أقلام من أسميتهم بـ "عُمِي الآذان" حملة سلبية ضد أستاذنا الموصلي، لأنهم إسمعوا للشريط عبر أجهزة كاسيت عفى عنها الزمان... ولأن بعضهم لم يستسيغ تلك الطفرة الموسيقية التي دشنها الموصلي وتجلت فيها عبقريته الموسيقية، فصنع بها نشوة غنائية لفن المغنى السوداني. وليتهم إستمعوا لذلك الشريط داخل ذلك الإستديو بتفنياته الصوتية.. لتغير بعدها إنتقادهم ليصبح ثناء. وهو وددت أن أشرحه لبعض الزملاء هنا بهذا البوست الجميل بجمال صاحبه الفنان.
وما تقدم من سرد يا أستاذنا العُمر أهديه لك كرد متواضع على ما جاء بمداخلتك الدسمة والتي أتفق معك في معظمها... فكثيراً ما تراني أقول أن الفن السوداني سيعود رغم إنحساره وإنتهاء عهد التطريب فيه. فالأمل باق ببقاء ذلك الشعب الذي أنجب الخليل وكرومة والكاشف وعشة الفلاتية ووردي وعثمان حسين والجابري وكل من أغدقوا علينا بألحانهم وأصواتهم العزبة أو بتلك الأغاني التي حركت فينا الإحساس بالطرب. وربما كنا أنا وأنت وذلك القباني من ذلك الجيل الذي عاش عهد، أو نهاية عهد، كلاسيكية المغنى السوداني... ولكن أتت أجيال بعدنا تفاوتت نسب التذوق، وأختلفت معايير التطريب عندها... فالحوت رحمة الله عليه إستقطب هذا الجيل والذي فصل بيننا وبينه الزمان والمقام، ونجح في تطريبهم أينما نجاح. وهذة طبيعة البشر بما حباه الله من عجلتي التطور والتقهقر... وعليه، فعلينا أن نشجع هؤلاء الشباب الملتزم بأبجديات الفن وحقوق الملكية ليتمكنوا من إبراز مقدراتهم الإبداعية!
مع كامل الود والتقدير. ودمتم،،،
Post: #59 Title: Re: البنات الفنانات ديل منو الجننوا زيدني في Author: Abureesh Date: 09-01-2015, 06:43 AM Parent: #58
الذى يقطع رأى نهائى ويدمغ إنسان بصفات ابديـة لا يضع فى الإعتبار اى إحتمال للتغيير فى المستقبل ويضع ديباجـة على جبهة كل إنسان بعد ان يكتب رأيه فيه، فهو لا محالـة جاهل. نانسى عجاج بدأت حياتها الغنائية مثل هذه البنت، بصوت ضعيف، ثم طورت نفسها.. والصوت الضعيف لا يقابله الصوت الرجولى كما يسرع البعض فى التفسيرات الملعبة، وإنما يقابله الصوت القوى، فيه مخارج الحروف قاطعة والكلمات محددة المعالم والحدود.. والصوت واضح ومسموع.. البنت هذه صوتها جميل وقد قلت ذلك فى اول مداخلة لى.. ولها مستقبل كبير لا شك.. ولكن الان صوتها الجميل هـذا ضعيف وغير ناضج جداً (نص استوى).. وتحتاج لصقله، كما تحتاج الإلتزام الكامل بالفنيات.. الموضوع ليس جيتار وغنا فقط.. هناك فنيات، وجرجير الكلمات الذى (قوم نفس الدكتور) وهو يحاول إقتفاء أثرها، ما كان له ان يكون سوى عدم الإلتزام الصارم بالزمن. ويمكن بعد الإلتزام بالزمن، وفى داخل الزمن المسموح به، لسـه عندها مساحـة كبيرة للشخبتـة و(حركات الجيش).. ممكن تعمل دبل كروش ولكن داخل الإطار الزمنى للروندو.. والجرة ممكن تقطعها ولكن تحفظ الزمن الكلى لجرة الصوت الأصليـة. أتمنى ان يكون النقاش فنيا ومهنيا وليس عاطفيـاً
Post: #60 Title: Re: البنات الفنانات ديل منو الجننوا زيدني في Author: عمر علي حسن Date: 09-01-2015, 03:07 PM Parent: #59
Quote: ومع الأسف تحققت بعض من نبوئتي... وشنت بعض أقلام من أسميتهم بـ "عُمِي الآذان" حملة سلبية ضد أستاذنا الموصلي، لأنهم إسمعوا للشريط عبر أجهزة كاسيت عفى عنها الزمان...
اخي الاستاذ محمد ياسين خليفة ظللت أُعني بما اقتني من اجهزة حرصا علي عدم افساد ما اسمع او انقاص قيمته باي شكل .. وانا اولا واخيرا مستمع .. كل سلطاتي هي القبول او الرفض .. ولنفسي فقط .. فأسجل ما استسيغ واعيد الاستماع اليه بقدار ما يترك في نفسي من اثر ..
ولم ابخل علي نفسي بما يكفل لي الحضور المباشر للاستماع والتسجيل فلهثت وراء الفنانين اجلس تحت اعوادهم في القعدات الخاصة وفي الصف الاول في حفلاتهم العامه لاغترف نهلا صافيا ليس فيه شائبة .. واركض وراء المصادر الثرية التي تعرف الخصائص الدقيقة للاصوات والموسيقي والاتها مثل الراحل علي المك لاحصل علي افضل ما يتاح للإستماع ..
ولذلك لم اكن امنح نفسي سلطة الحكم علي اي عمل واحصر نفسي وقدراتي في الاستمتاع الشخصي فقط .. ولذلك جيئت استمع لما قدمه يحي بعد عزوف ورفض اعلم انه جائر عن كل ماهو حديث .. ووجدت نفسي دون أن اقصد احكم بما لا اعلم وبما احس فقط .. فاستسمحت اخي يحي وهو من جيل وسيط بيني وبين البنيات ولكنه قرر ان يرسلني للاصلاحية وطلب مني الاستماع لاعمال اخري .. بينما قضيتي فقط هي زيدني في هجراني ..
ربما ليس لنا الحق .. انت وانا .. ان نحكم .. وربما للاجيال الجديده الحق في تتصدر الساحة .. بانتاجها وابداعها المتناسب مع جيلها .. ولكن زيدني في هجراني .. الله اعلم
عمر علي حسن
Post: #61 Title: Re: البنات الفنانات ديل منو الجننوا زيدني في Author: عمر علي حسن Date: 09-01-2015, 03:55 PM Parent: #60
Quote: اراك يا سيدي و معك ابن عمتي و صديقي نادر الفضلي قد اخذتم العمل بمقارنات غير متكافئة ...
العزيز يحي قبل ان اسألك عن كيف تكون المقارنه متكافئة فانني اراك وضعتني كتفا بكتف مع صديقك وابن عمتك نادر الفضلي فاقول لك اش جاب لجاب .. هذا رجل عليم بطبقات الصوت وذبذباته وبمفردات الاوتار والمعاني التي تصدر عنها .. وانا مستمع زلنطحي لا املك الا اذنا صاغية .. وقد استشهدت به وبالاستاذ الفنان محمد ياسين كما يستشهد من لا يعلم بمن يعلم
ثم اسألك كيف تكون المقارنة متكافئة بين اصيل ومقلد ..
كل ماأردت قوله ان هذه ليست زيدني في هجراني .. اغنية الفارس الباسل الذي يفجر نفسه عطاء للحبيب ويدعوه لممارسة كل سلطان يوده فان شيئا لن يتغير من صفاء حبه وعنفوانه .. وهي ليست قصيده وإنما اغنية كتبها ولحنها البنا وذوب اللحن في الكلمات وصهر فيهما حسا كله نبل وسمو وعزة فاذا احسسته فانك تغنيه بيسر واذا لم تحسه فانك تقرأ نصا بلا لحن او تردد لحنا بلا نص ..
وساصبر علي سماع البنيات ارضاء لك رغم ان قضيتي تقف عند حد زيدني في هجراني .. وعدا ذلك فتلك امه قد خلت لها ما كسبت ولكم ما كسبتم ولا تسألون عما يعملون
Quote: العزيز يحي قبل ان اسألك عن كيف تكون المقارنه متكافئة فانني اراك وضعتني كتفا بكتف مع صديقك وابن عمتك نادر الفضلي فاقول لك اش جاب لجاب .. هذا رجل عليم بطبقات الصوت وذبذباته وبمفردات الاوتار والمعاني التي تصدر عنها .. وانا مستمع زلنطحي لا املك الا اذنا صاغية .. وقد استشهدت به وبالاستاذ الفنان محمد ياسين كما يستشهد من لا يعلم بمن يعلم
ثم اسألك كيف تكون المقارنة متكافئة بين اصيل ومقلد ..
كل ماأردت قوله ان هذه ليست زيدني في هجراني .. اغنية الفارس الباسل الذي يفجر نفسه عطاء للحبيب ويدعوه لممارسة كل سلطان يوده فان شيئا لن يتغير من صفاء حبه وعنفوانه .. وهي ليست قصيده وإنما اغنية كتبها ولحنها البنا وذوب اللحن في الكلمات وصهر فيهما حسا كله نبل وسمو وعزة فاذا احسسته فانك تغنيه بيسر واذا لم تحسه فانك تقرأ نصا بلا لحن او تردد لحنا بلا نص ..
وساصبر علي سماع البنيات ارضاء لك رغم ان قضيتي تقف عند حد زيدني في هجراني .. وعدا ذلك فتلك امه قد خلت لها ما كسبت ولكم ما كسبتم ولا تسألون عما يعملون
سعادة اللواء ...
تحيات و مودة لا نتحدث عن عمقها ...
اما عن جمعك كتفاً بكتف مع ابن عمتي العزيز ...
و تواضعك ( الفني ) و تقريظك على صديقك نادر فقد اعطاني ذلك شيئين :
الأول انك بخير و عافية و لله الحمد فانا اعرفك حينما تكون خارج الفورمة ... :)
اما الشئ الآخر فانك ستتحفنا هنا بذكريات تلك القعدات و الجلسات و التي في اعتقادي كان لها تأثير كبير في تكوين شخصياتنا جميعاً ...
اما الأصل و المقلد ... فلكل قاعدة شواذ ...
فالشفيع انسى الناس ان في الضواحي صاحبها الخليل ذات نفسه ...
الكابلي في نظري نشر غناء حسن عطية و اداه بوضوح شديد و بتطريب فائت للأصل أحيانا ...
انا فقط أقول هنا ... لا تستعجلوا الحكم على الشابات اليافعات ...
فلهن مستقبل مشرق ان استمروا على الجد ... فهن يبحرن في عالم غنائي ساحر ... يجب علينا تشجيعهم حتى لا يلجؤوا الى الهابط من ما في الساحة اليوم ...
تسمع (ﻳﺎﺩﺭﺭ ﺍﻟﺤﺎﻧﻲ ﻳﺎ ﻳﺪﺍﻱ ﻭﺩﻭﺍﻱ ﻳﺎ ﺭﺍﺣﻲ ﻳﺎ ﺭﻳﺤﺎﻧﻲ) بصوت مرتاح وأنت على بعد آلاف الأميال من بهجة امدرمان.. صوت (سير) المرتاح تُعبق منه الحروف بيسر كمن تقدم لك بكل العفوية أزهارا يسكرك سحرها قبل تسلمها.. ممكن جدا يطربني ويجتاحني أداء عال تتناقض فيه تقاسيم الوجه مع صوت يعلو ويهبط ويتلون ويتلوى لكن يذيبني ذلك الذي في هدوء يرسل موسيقاه وكلماته كما يفعل خبراء التنويم المغنطيسي.. تقييد اليدين يخيوط الحرير مع قبقبه مستحبه لاستماع داخل الخدر.. (سير) دي يا يحيى تصلح خبيرة هيبنوزس وأتمنى أن تواصل عطاءها وبذات الأداء غير المتشنج الذي لازم الكثيرات من اللواتي أتين مع الهبوب والأتربة الأخيرة.
كلام سعادة اللواء أبو أمير السمح لايخلو من صدقية عالية أعرف منبعها وأنا مثله أغلقت أذني دون كثير من الأصوات المستجده لكن في ظني ، والقرار والمعيار هنا لجهازي العصبي المركزي، أن هناك بعض الأصوات التي يمكن أن تؤدي أغان معينة بمستوى يزيل مقولة (سمح الغنا في خشم سيدو) من تراثنا، وهذه الجزئية طالما اختلفنا عليها أنا وأحمد القرشي ولا أتردد في هذا المنحى أن أقول ، على سبيل المثال ، أن الخالدي في (الزهور والورد) يدخلني في غيبوبة جميلة لا أحسها مع الشفيع الرائع والنماذج هنا كثر لايتسع لها لمجال.
وبصوت واثق كصوت (سير).. وعزف مهرمن زي السواهو الفاتح.. وبيني وبين أمدر تمتد محيطات و (تستطيل حوائط ليل وينهض ألف باب)..
بوست سادي وغير موفق كلو كلو..
Post: #64 Title: Re: البنات الفنانات ديل منو الجننوا زيدني في Author: نادر الفضلى Date: 09-02-2015, 04:32 AM Parent: #63
قبل التعقيب .. يا يحيى كدى نزحم ليك الباندويدث بيوتوبين متعلقين بالأغنية موضوع البوست
المرحوم الفنان عثمان حسين فى زيدنى فى هجرانى
Post: #65 Title: Re: البنات الفنانات ديل منو الجننوا زيدني في Author: نادر الفضلى Date: 09-02-2015, 04:35 AM Parent: #64
والمرحوم الفنان سيد خليفة (بالرق ومصاحبة الشيالين) .. زيدنى فى هجرانى
Post: #66 Title: Re: البنات الفنانات ديل منو الجننوا زيدني في Author: Abureesh Date: 09-02-2015, 05:49 AM Parent: #65
شكرا يا نادر على هذه المقاربـة بين عثمان حسين وسيد خليفة.. وفنياً أداء الفنان سيد خليفة افضل من اداء عثمان حسين، بوضعه الإبداع فى القالب الفنى technical .. وهذا ما نعيته على الجماعة.. وعكس عثمان حسين فترى سيد خليفة لم يفارق الريزم ابداً وإنما كانت يتحرك داخلـه.. كل حركات صوته وإبداعه كان فى إطار الإيقاع. هناك عوامل كثيرة تؤثر على قرار الأفضل منو أداءً عند البعض، وهم لا يعلمون.. يعنى أغانى عثمان حسين لو كانت فى فترة شباب الشخص وفى أجمل اوقات حياته، ربما كان فى وقت الخطوبة، أو أكثر لو كانت محبوبته تحضر معه حفلات عثمان حسين (أو سيد خليفة أو أى فنان) فمؤكد ان قراره وتفضيل مغنيه سيكون متأثرا بتلك الفترة.
Post: #67 Title: Re: البنات الفنانات ديل منو الجننوا زيدني في Author: Abureesh Date: 09-02-2015, 05:57 AM Parent: #66
مشكلتنا نحن السودانيين (حظ النفس) يعنى لو ما طلعت من النص فى مسرحية معناها أنت حقك راح.. عدم إعتراف بالملحن.. تغنى اللحن بتاعه وفى قلبك تقول ليه إينعل أبوك، بس لأنك ما قمت او ما قدرت تلحنها ولكنك مجبور تغنيها.. لو التزمت بفنيات وقوالب اللحن معناها إنت اسير او رقيق للموسيقار الذى الف المقطوعـة.. يعنى لازم تقول لينا (أنا هنا) I am here ما تعرف تقول شنـو فاقدين حنان؟ نبحث عن لفت نظر... Attention seekers فى حاجة فى السايكولوجى.
ملحوظـة: ما فى مشكلة فى جر الكلمـة لبعد زائد، لكن هذا البعد الزائد لا بد ان يقبل القسمة على الزمن الرئيسى بدون (باقى) يعنى لازم يكون ضعفه ثلاثة مرات،ن اربعة..الخ، لكن ما مرة وثلاث ارباع.
Post: #68 Title: Re: البنات الفنانات ديل منو الجننوا زيدني في Author: محمد المرتضى حامد Date: 09-02-2015, 06:16 AM Parent: #66
تصويب : يا أزاي ودواي.. لكن برضو خير ناقد فني لأي عمل هو الوجدان الذي شكله الزمان والمكان والحالة المزاجية ..نحن تشجينا الأغنيات والموسيقى لعوامل غير مرئية، عناصر لاعلاقة لها بالنوتة أو الآلة أو البحر الأكاديمي ، الوالد أطال الله عمره كان يشاهد سهره تلفزيونية معنا في منتصف ثمانينيات القرن المنصرم وقامت فرقة معهد الموسيقى بأداء أغنية تحت إشراف أستاذ كوري بالمعهد ، إن لم تخني الذاكرة، فاستهجن ذلك الأداء وقال (الناس ديل حايبوظوا لينا الغنا) ..
Quote: قباني.... أنا كنت متأكد من حاجتين: انو بوست يا جميل يا مدلل سبب الالتباس و أنو الإشارة ما حتفوت عليك.......عرق أمدرمان لازم يظهر ياخ..
كلامك دا زاتو يا خالد التيكي تاكا الأمدرماني ..
Post: #69 Title: Re: البنات الفنانات ديل منو الجننوا زيدني في Author: MOHAMMED ELSHEIKH Date: 09-02-2015, 08:58 AM Parent: #68
يا مرتضى تعرف انو انا بسمع غنا كتير من غير اصحابو وبطرب اشد ما يعني الطرب بس:
Quote: (سمح الغنا في خشم سيدو)
قاعدة تخليني مرات اتذكرقصة الحاجة السألوها من موية زمزم ومذاقها فردت:
"بس مابنقدر نقول شي"
تحياتي
Post: #70 Title: Re: البنات الفنانات ديل منو الجننوا زيدني في Author: Badreldin Date: 09-02-2015, 09:52 AM Parent: #69
موضوع النقد الفني والمقارنات وتصنيف الصوت ممكن يتم على مستوى متخصصين في هذا المجال .. اما الانطباع العام فيمكن تلخيصه بوجود مساحة من التطريب والراحة النفسية لا تقل وقد تزيد أحيانا عن أداء نفس الأغاني من قبل فنانين اخرين (محترفين)
Post: #71 Title: Re: البنات الفنانات ديل منو الجننوا زيدني في Author: Badreldin Date: 09-02-2015, 09:52 AM Parent: #69
موضوع النقد الفني والمقارنات وتصنيف الصوت ممكن يتم على مستوى متخصصين في هذا المجال .. اما الانطباع العام فيمكن تلخيصه بوجود مساحة من التطريب والراحة النفسية لا تقل وقد تزيد أحيانا عن أداء نفس الأغاني من قبل فنانين اخرين (محترفين)
Post: #72 Title: Re: البنات الفنانات ديل منو الجننوا زيدني في Author: Abureesh Date: 09-02-2015, 10:24 AM Parent: #71
Quote: موضوع النقد الفني والمقارنات وتصنيف الصوت ممكن يتم على مستوى متخصصين في هذا المجال ..
ومافى زول مفروض يتكلم فى الدين إلا يكون خريج أزهر.. موش كدا؟
لا يا بدر الدين، أى زول ممكن يتكلم عن أى شئ... والفيصل هو نتيجة النقاش.. لكن محاولة تكميم الأفواه مرفوضـة ومردودة لصاحبها. القدامك دا ما متخصص فى علم الاكترونيات اكاديمياً، ولا البرمجة (ولا ليوم واحد).. لكنى فى السودان كنت اساعد (رسميا) طلبة مشاريع التخرج فى كلية الهندسة، اولاد وبنات.. وهنا فى البلد الغربية أكثر من 6 طلبة وطالبات السنة النهائية، فى معهد NJIT المشهور كنت أعمل معهم تيوتور.. وصممت لهم مشاريعهم وواحدة منهم فازت بحاجة لا اذكر ماذا كانت. المهم هو ان تكون لديك المعرفـة بما تتحدث عنه، وتستطيع الدفاع عنه، ولكن كيف حصلت على المعرفـة ليس مهماً.. ياخ انا كنت شغال مع طلبة الكترونيات لا يعرفون الترانسستور من الدايود.. قراية وملئ الرأس بالنصوص فقط عشان يفرغوها فى اوراق الامتحان.. فلو عندك موهبـة ورغبة وحب لمادة معينة، ثم أخذت كورسات اولية لتكون لديك الخلفيـة المناسبـة، ثم علمت نفسك بالقراءة والممارسـة.. فتأكد انك بخيــر. أعرف الناس بالعلم ولا تعرف العلم بالناس.
سلام حبيبنا أبو الريش اتفق معاك فيما كتبته بس خلينا نخلص من المغالطات السياسية والاجتماعية والدينية و...............الخ بعدها نرجع للخلاف حول المسائل الذوقية
Quote: صوت (سير) المرتاح تُعبق منه الحروف بيسر كمن تقدم لك بكل العفوية أزهارا يسكرك سحرها قبل تسلمها.. ممكن جدا يطربني ويجتاحني أداء عال تتناقض فيه تقاسيم الوجه مع صوت يعلو ويهبط ويتلون ويتلوى لكن يذيبني ذلك الذي في هدوء يرسل موسيقاه وكلماته كما يفعل خبراء التنويم المغنطيسي.. تقييد اليدين يخيوط الحرير مع قبقبه مستحبه لاستماع داخل الخدر.. (سير) دي يا يحيى تصلح خبيرة هيبنوزس وأتمنى أن تواصل عطاءها وبذات الأداء غير المتشنج الذي لازم الكثيرات من اللواتي أتين مع الهبوب والأتربة الأخيرة.
كلام سعادة اللواء أبو أمير السمح لايخلو من صدقية عالية أعرف منبعها وأنا مثله أغلقت أذني دون كثير من الأصوات المستجده لكن في ظني ، والقرار والمعيار هنا لجهازي العصبي المركزي، أن هناك بعض الأصوات التي يمكن أن تؤدي أغان معينة بمستوى يزيل مقولة (سمح الغنا في خشم سيدو) من تراثنا، وهذه الجزئية طالما اختلفنا عليها أنا وأحمد القرشي ولا أتردد في هذا المنحى أن أقول ، على سبيل المثال ، أن الخالدي في (الزهور والورد) يدخلني في غيبوبة جميلة لا أحسها مع الشفيع الرائع والنماذج هنا كثر لايتسع لها لمجال.
وبصوت واثق كصوت (سير).. وعزف مهرمن زي السواهو الفاتح.. وبيني وبين أمدر تمتد محيطات و (تستطيل حوائط ليل وينهض ألف باب)..
بوست سادي وغير موفق كلو كلو..
حبيب الكُل مولانا مرتضى ...
أولا اتفق معك تماما على سادية البوست و عدم توفيقه ... لما فيه من جمال ... مستغرب في هذا الزمن المعكر ...
تصور يا مرتضى ... صديقي ود الفضلي مشى جاب عثمان حسين و سيد خليفه للمقارنه ...
و كمان جا حبيبنا أبو الريش و شكره على ذلك ...
تخيل بي جدهم !!!!
طيب ايه رأيك ... غنا البنات الناعم ده اطربني اكتر من اليوتيوبين الجابهم نادر ... عشان الهدوء الفيهو ...
و يلا ... سجن سجن غرامة غرامة ...
Post: #73 Title: Re: البنات الفنانات ديل منو الجننوا زيدني في Author: Elmosley Date: 09-02-2015, 11:28 AM Parent: #1
حبيبنا يحي بصراحه البنيه صوتها ناعم ولطيف والغنا ما صراخ" وكوراك صديقي ابو الريش ليست هنالك فروقات في الزمن لكن بعض التعثو من البنات حيانا في "الرزم جيتار" وهو غير مقصود دينا ازييك يا زميلتنا اللطيفه "آيي جامال" وكيتن عليك وعلى صديقي اللدود عمر الفاروق وشكرا لدكتور الفاتح الذي يبحث عن الجديد دوما
Post: #75 Title: Re: البنات الفنانات ديل منو الجننوا زيدني في Author: عمر علي حسن Date: 09-02-2015, 03:08 PM Parent: #73
Quote: بصراحه البنيه صوتها ناعم ولطيف والغنا ما صراخ" وكوراك صديقي ابو الريش ليست هنالك فروقات في الزمن لكن بعض التعثو من البنات حيانا في "الرزم جيتار" وهو غير مقصود
وبعد ، ماذا اقول وقد اجلسني الفنان المعلم في (مواعيني) وقطع عليّ كل حجة .. وانا في الاصل لم اكن امتلك حججا يمكن الاعتراف بها حتي شحن المهندس الفضلي وجداني بسيد خليفة يشدو بها بمستوي من الاحساس الذي يصهر الكلمة واللحن والمعني فيخرج شرابا سائغا يروي الظمأ ويسد الرمق ويشبع النهم .. كم اشجاني هذا الفنان وكم افتقده .. كله .. كما افتقد العميري في ذات الاغنية واللحن وافتقد الخالدي في الزهور والورد ..
يا سيدي الفنان .. نحن من نفر قُدّت اذانهم علي قلوبهم .. واعتادت ان تضبط كل شيء علي اصوله .. وليس علي صحة ادائه او اتباع مؤديه لمعايير الدقة الفنية .. لذلك لم يحفزنا ثبات صوت البنيات وجماله لنرتج طربا او نذرف دمعا عندما نسمع مابسيب حبك حتي لو ضراني .. كما يحدث لنا مع الاصل وعند كل بيت ..
ولكننا بالادب كله نقول انك صدقت .. فتعسفنا في اتّباع اذاننا يقتل المواهب الجديده ويضر بحركة الفن في وطننا كله .. لذلك اعلن توبتي (لله ورسوله) عن رفض الجديد وان افتح بابا لما هو جدير بفرصة .. وأن اصبر علي بزوغ فجر قد اراه إن طال بقائي فافرح بأنه اتي ..
ويا مرتضي .. سلّم علي يحي الباحث عن الجمال علي اطلاقه .. حتي لو ضرّاه .. وارفع معي يدك بالتحية لسيد خليفة الذي جعلني اكتب بالدمع لا بالحبر والباشمهندس نادر يقلبني علي لهب ادائه بهدوء يجعل العذاب سارا
عمر علي حسن
Post: #77 Title: Re: البنات الفنانات ديل منو الجننوا زيدني في Author: دينا خالد Date: 09-02-2015, 07:56 PM Parent: #75
يا جماعة البنات ديل صوتهن تعبااااان تعب الموت ومما الزول يتلبد. يتلبد ... بى صوتو ويعمل فيها ما بسمعك لانو خطير شديد .. خلاص اقنع منو كمطرب .... هو انت بتغنى .. ! يعنى سلاحك صوتك بتبلعو وتقعد تبحلق فى عيونك لييه ؟ 😯😯 يا اخوانا ما تطلعونا من طورنا ونبقى خصم على تجربة البنات السمحات ديل . يدنا ليهن للتشجيع لكن يبدن مننننن محل ما بعرفن دا ....
ههههههههه استاذنا العظيم الموصلى هسه انا اسمع الموصلى شريط قديم واسمع البنات ديل واقول دا غنا ؟؟ انا طبعا عارفك راجل راقى وحساس من يومك وبتحب تشجيع المواهب ... ودى فى حد ذاتها ميزة الفنان الكبير الذى نفسه بجمال كبير ويرى فى الوجود كل شى جميل نحسدك والله لكن نحن خشمنا دا ما بنقدر عليهو وقبانى مابريحنا يجيب فى الغنا وهو السنه كلها حادى بالاسود ... قبانى بطل البحيت يوم بتطقك عقرب ...
---------- ياااااااا تضى ،،،،، مش الحنكوشة سمعت عمك مشغل شريط ل حسن عطية بغنى الحجل بالرجل اتلفتت لى صاحبتها قالت ليها حولااااااااا شفتى عمو دا بووظ غنية فرفور كيف ؟ 😉
Post: #80 Title: Re: البنات الفنانات ديل منو الجننوا زيدني في Author: يحي قباني Date: 09-03-2015, 05:42 AM Parent: #77
Quote: قبانى بطل البحيت يوم بتطقك عقرب ...
أدي فرصة لغيرك ... كُلنا عجزنا ... ما براك :)
Post: #79 Title: Re: البنات الفنانات ديل منو الجننوا زيدني في Author: يحي قباني Date: 09-03-2015, 05:39 AM Parent: #75
Quote: ولكننا بالادب كله نقول انك صدقت .. فتعسفنا في اتّباع اذاننا يقتل المواهب الجديده ويضر بحركة الفن في وطننا كله .. لذلك اعلن توبتي (لله ورسوله) عن رفض الجديد وان افتح بابا لما هو جدير بفرصة .. وأن اصبر علي بزوغ فجر قد اراه إن طال بقائي فافرح بأنه اتي ..
ويا مرتضي .. سلّم علي يحي الباحث عن الجمال علي اطلاقه .. حتي لو ضرّاه .. وارفع معي يدك بالتحية لسيد خليفة الذي جعلني اكتب بالدمع لا بالحبر والباشمهندس نادر يقلبني علي لهب ادائه بهدوء يجعل العذاب سارا
يعني سعادتك انحا لينا يومين بنقول في شنو ؟
ادوهم فرصة .. ما تحاكموا مستقبلهم و انتم متمسكين بالمقارنات غير المتكافئة ...
البنات اداؤهم حلو يا سعادتك ... مريح جداً ... و ممكن تغمض عينك و ترتاح للمزيكا و الأداء و لغنية محبوبة و مريحة للأعصاب ...
و في هواك يا جميل .. :)
Post: #86 Title: Re: البنات الفنانات ديل منو الجننوا زيدني في Author: يحي قباني Date: 09-07-2015, 00:04 AM Parent: #73
Quote: حبيبنا يحي بصراحه البنيه صوتها ناعم ولطيف والغنا ما صراخ" وكوراك صديقي ابو الريش ليست هنالك فروقات في الزمن لكن بعض التعثو من البنات حيانا في "الرزم جيتار" وهو غير مقصود دينا ازييك يا زميلتنا اللطيفه "آيي جامال" وكيتن عليك وعلى صديقي اللدود عمر الفاروق وشكرا لدكتور الفاتح الذي يبحث عن الجديد دوما ا
لكن ما عصرت على ( الشباب ) كده يا موسيقار ...
لقيتك لطيف انت ذاتك و انت بتقول للمعارضة ... (معليش ما تلعبوا في بيت اللعب ... )
Post: #76 Title: Re: البنات الفنانات ديل منو الجننوا زيدني في Author: محمد قسم الله محمد Date: 09-02-2015, 07:50 PM Parent: #1
الأستاذ والصديق العزيز يوسف، تسلم الغنيـة الجابتك..
المهم يا سيدى نحن مع الفنانين كالميت بين يدى الغاسل (لكن ميتـاً بينضـم)
الجيتار والغنا، الإتنين فيهم مفارقات زمنية .. ياخى بإختصار مشكلتنا نحن السودانيين الإنضباط والإلتزام بالقانون.. شفت ليك حكومة وضعت خطـة ثم التزمت بتطبيقها حسب تصميمها؟ حين كنت فى المانيا عام 1979، جاء شاب للدراسـة لكنه رجع بعد شهرين فقط.. لما سألناه قال دى بلد شنو دى,.. الواحد ما يقدر يتف فى الشارع.
Post: #81 Title: Re: البنات الفنانات ديل منو الجننوا زيدني في Author: معاوية المدير Date: 09-03-2015, 06:59 AM Parent: #78
تمنيت لو اسمع الأغنية دي في عزف منفرد من الدكتور علي الجيتار، كانت حتكون مبالغة . دون تقليل من شأن البِنيات، بس يخيل لي العزف المنفرد كان حيكون فيهو تطريب علي ...
Post: #82 Title: Re: البنات الفنانات ديل منو الجننوا زيدني في Author: محمد المرتضى حامد Date: 09-04-2015, 00:30 AM Parent: #81
Quote: وتبقى مشكلة صناعة الصوت عندنا، وخاصة بأجهزتنا المرئية والتي مازالت تهتم كثيراً بإظهار الصورة كأحد مرتكزات الإخراج النهائي متناسين أن للصوت دور حيوي وهام. فالتوازن الصوتي بين المؤدي والآلات المصاحبة له يحتاج لمهارة وتقنية مهندسي الصوت.. ولكن، وقبلها، عليهم إجاده فن الإستماع وفرز الآلات وتحديد تواقيتها بعناية فائقة.. حتي لا يظلم المؤدي.. سواء أن كان مغنياً أو عازفاً لأي آلة.
يخدِّر ضراعك.. يا محمد مشكلة الصوت دي تلاقيك أين حللت ، في البيت في الجامع في الشارع في المسرح.. بالطبع في التلفزيون كما ترى ، كافة قنواتنا بلا استثناء حدث ولا حرج.. أما صالات الحفلات فحضور أي حفل موسيقي كفيل بخروجك بصداع نصفي كأنهم يقدمونه إليك كأحد طقوس الضيافة.... هندسة الصوت والضوء في بلدنا فيها مشكلة مزمنة.. الإخراج؟ تعيش إنت.. قت لي ناس الساوند؟ أحسن نقيف هنا وما نمشي على جوانب أخرى. .
Post: #83 Title: Re: البنات الفنانات ديل منو الجننوا زيدني في Author: Munir Date: 09-06-2015, 10:34 AM Parent: #82
سلامات يا هندسة .. الجمال في عين الرائي .. والسمع في أذن السمع .. عندما تكون في حفلة يجذبك الإيقاع والموسيقي والطبول .. تكون وحيد ومنعزل يشجيك الغناء المشجون والموسيقي الحالمة - وغناء العود - وو ..
ولذا لا يمكن أن نحشر أحاسيس الناس في قالب واحد .. بل إحساس الزوول الواحد يتقلب بين يوم وآخر ..
هناك أغاني يمكن تسمعها عمرك كله ما تكون حاسي بيها، وفجأة ينفتح نفَّاج في قلبك فتنبهل الحساسية ..
Post: #92 Title: Re: البنات الفنانات ديل منو الجننوا زيدني في Author: يحي قباني Date: 09-09-2015, 05:27 AM Parent: #83
Quote: سلامات يا هندسة .. الجمال في عين الرائي .. والسمع في أذن السمع .. عندما تكون في حفلة يجذبك الإيقاع والموسيقي والطبول .. تكون وحيد ومنعزل يشجيك الغناء المشجون والموسيقي الحالمة - وغناء العود - وو ..
ولذا لا يمكن أن نحشر أحاسيس الناس في قالب واحد .. بل إحساس الزوول الواحد يتقلب بين يوم وآخر ..
هناك أغاني يمكن تسمعها عمرك كله ما تكون حاسي بيها، وفجأة ينفتح نفَّاج في قلبك فتنبهل الحساسية ..
و نحنا ما مرقنا من السياق ده ابداً يا منير ...
انحنا ( مجموعة المنطربين ) من غنا البنات ده ... قلنا انطربنا ...
ما قلنا و الله غنوها أخير من اسيادها !!!
فعليك الله الداير ( يحشر ) احاسيس التاني منو ؟
Post: #85 Title: Re: البنات الفنانات ديل منو الجننوا زيدني في Author: يحي قباني Date: 09-07-2015, 00:00 AM Parent: #76
سلام حبيبنا أبو الريش اتفق معاك فيما كتبته بس خلينا نخلص من المغالطات السياسية والاجتماعية والدينية و...............الخ بعدها نرجع للخلاف حول المسائل الذوقية
Quote: ياخ اذن أبو الريش شنو التقطته ... محطة أبو حراز اصلها ... :)
ايوة محطة ابو حراز
Post: #90 Title: Re: البنات الفنانات ديل منو الجننوا زيدني في Author: معتصم سليمان Date: 09-08-2015, 09:47 PM Parent: #1
تحية طيبة لك أخي يحي قباني
كل الشكر لك على إشراكنا فيما عجبك ولامس فيك ماسر خاطرك ...
الفاتح حسين بلا شك زول مبدع وموسيقار لا يشق له غبار وقد استمعت له في أعمال كثيرة ...مع أو على إنفراد
البنات ديل ممكن لقدام شديد يجي منهن شيء كويس في حالة واحدة لو إبتعدن عن خنق الأغنيات كما حدث في هذه المادة ... الفاتح حسين للأسف الشديد كان بدل يحاول معهن لفرد أصواتهن أكثر فإذا به يتعاون معهن في خنق الأغنية أكثر ...عشان كده العزف بتاع الفاتح ..كان عبارة عن رجة وحقيقي ماكان مريح أبداً وفي نظري لم يكن موفق البتة في المادة دي ... البنات ديل بالأداء ده ...بعد كم أغنية أنا متأكد حيستعملو استربسل للحلق لو ما أنتي بايوتك .
طبعاً أخوي يحي ده رأي شخصي من زول بسمع كويييييس أو يعتقد ذلك وشكراً لك جداً على إشراكنا معك وإتاحة الفرصة لي عشان أقول رأيي .
Post: #91 Title: Re: البنات الفنانات ديل منو الجننوا زيدني في Author: Abureesh Date: 09-09-2015, 01:04 AM Parent: #90
أخونا يحيى دا يا معتصم شككنا فى اضانا..
هسى ما عرفناهن اضان واللا محطـة ريبـا.
كلامك الفوق دا مظبوط، ومن البداية أنا برضة قلت الدكتور جارى البنيات فى التخريمات.
Post: #93 Title: Re: البنات الفنانات ديل منو الجننوا زيدني في Author: Abureesh Date: 09-09-2015, 06:21 AM Parent: #91
دا الكلام.. يا دكتور انت زعلت واللا شنو؟
شغل نضيف موسيقى وأداء.. وعفيت منها البنيـة..
ولم تلتقط محطة ريبـا اى نغمة سالبـة.
Post: #94 Title: Re: البنات الفنانات ديل منو الجننوا زيدني في Author: معتصم سليمان Date: 09-09-2015, 07:29 AM Parent: #91
Quote: أخونا يحيى دا يا معتصم شككنا فى اضانا..
هسى ما عرفناهن اضان واللا محطـة ريبـا.
كلامك الفوق دا مظبوط، ومن البداية أنا برضة قلت الدكتور جارى البنيات فى التخريمات.
تحية طيبة لك أخي أبوالريش
هههههههههه حلوة محطة ريبا دي
بمناسبة أغتية ست البيت الإنت جلبتها هنا سبحان الله يا ابوالريش ..الفاتح حسين هو ذات الفاتح حسين والجيتار هو ذات الجيتار والقعدة ذاتها والبتغني بنية برضو ..لكن شتان مابين الأمس واليوم ....
وأنا ما متخصص فى الموسيقى، لكنك لا تحتاج تكون دارس فيزياء عشان تتفادى الدقداق وتسوف فى شارع زلط. دراسـة الموسيقى مثل كتابة الدستور، فأنت لا تكتشفـه، وإنما تكتب مواده فى قانون يسمى الدستور.. أما الحقوق الاساسية والمبادئ الواردة فيه فهى حقوق قديمة يولد بها الإنسان. وكلما كانت مواد الدستور متطابقة مع تلك المبادئ والأسس القديمة كلما كان الدستور ديمقراطيا والعكس صحيح.
