اعتذار للزملاء جورج بوك (دينق) وتراجي مصطفي

01:32 PM Aug, 28 2015
سودانيز اون لاين
Elsanosi Badr-انجلترا/ وعدة اماكن
مكتبتى فى سودانيزاونلاين



1. اخطأت ... فتألمت ... فتعلمت ... وجئت لاعتذار


2. الاعتذار هنا غير منقوص ولا حدود له مع الاعتراف التام بكامل الخطأ


3. أخطأت في حق والد الزميل جورج بووك الشهير بدينق وذلك باتهامه باختلاس كوتات السكر _ واعترف اعترافا مطلقا_ انني لا املك اي دليل علي ذلك وكل ما هناك انني رددت ما هو سائد بالمنبر من المشادات الكلامية والاتهام المجاني واعترف انني لم اكن موضوعيا و حاولت تدبيج الاتهام بجمع المعلومات بدون حياد ولا موضوعية انتصارا لذاتي وهو امر المني فيما بعد لان المتهم رحل من دنيانا الفانية. وقد شعرت بشعور ابنه دينق وهو شعور مريع

4. اشهد ان الاخ دينق كان رجلا مهذبا ولم يجنح الي شتم اسرتي وكل المشادات كانت ترتكز في شخصي وهو امر مقدور عليه وفق اسس المحاوره وفي الغالب لا تلازمني مما علق في نفسي بعد الخروج او ما اصطلح عليه ب logout من جانبي علي الاقل


5. الاعتذار موجه للاخ جورج بووك وكل اسرته الممتده ولهم مطلق الحق في القبول او الرفض

نعرف هؤلاء القوم وأعني الجنوبيون عموما من خلال التزامل من مرحله الابتدائي وحتى مرحلة الدراسات العليا ، انهم قوم شديدي سواد البشرة الخارجية وشديدي بياض القلوب النقية لا أقول هذا تزلفا للأخ دينق الذي لا تربطني به أي علاقة أو زمالة أو معرفة من قريب أو بعيد ولكنهم جميعا بلا استثناء نحسبهم كذلك ، انه اعتذار نسأل الله أن يتقبله الأخ دينق وأن يبدل الله سيئاتك بحسنات .

1. اعتذر للاخت تراجي وذلك بتعليقي وتدبيجها بلقب (خويدم الله)

2. أنا لم اكن عنصريا يوم من الايام ولا ينبغي لي ولا احد في الدنيا يفؤح او يطرب لهذا المصطلح ببساطة لانه مرض

3. اعتذر لتراجي للمصطلح اذا شعرت باي شعور سالب تجاه اللفظ اعتذار غير مشروط وسيما لم يكن الغرض عنصري واعترف ان بالمصطلح شبهة التحقير والازدراء وهو شعور سالب ولا سيما انه بالامكان تلبيسه لبوس الدين وهو امر ابرأ منه بالكلية واعتذر عنه

4. المشادة الكلامية بيني والزميلة تراجي كانت بدافع الانتصارا للذات وهو امر اعتذر عنه لما بلغني ان الامر يمس اسرتي ولكني اعفو عن ذلك

5. لا اقول ان محاوراتي مع الاخوة اعلاه ستنتهي ولكن التزم فيها الاحترام وعدم التغول علي الاعراض او الاسر مهما كلف من سخونة اختلاف الاراء

ات زول كلس يامواطن

تحياتى ليك وليهم

Quote: [ات زول كلس يامواطن تحياتى ليك وليهم

المواطن الصالح معاوية الطوربيد ... ياخي اتا ده الكلس ... يمين زردتك للكيزان وما ملكت ايمانهم براها بالدنيا


وما عدمناك

اشهد الله بانك تفوقت علينا جميعا
اخجلتنا ودخلتنا فى ضفورنا
هكذا يكون الانسان انسانا .. كامل الانسانية والعفاف
سمح النفس ،،،، شجاعا ... ببساطة انسان ... بنى ادم ....
شكرا لهذا الدرس البليغ الذى مر على قلبى غايرا
قبل عقلى .... ياسلام يابدر
انت اليوم مدرسة .. تعلمت منك الان ما كنت ساحتاج سنينا
وخساير. لا تحصى لكى اتعلمه ....
يا جماعة هووووووى الطالبنى اعتذار ذى دا يجينى
هنا قوااااام وهسه ..... بعيد عنكم ذاكرتى خربة
ما شديدة ولضيضة ذى بدر دا !!






------------
بدر اشهد بانك كامل الانسانية بعد داك تبقى كوز
تبقى سلفى تبقى ذى ماداير هنيءا لك فانت انسان ...

Quote: 1. اخطأت ... فتألمت ... فتعلمت ... وجئت لاعتذار 2. الاعتذار هنا غير منقوص ولا حدود له مع الاعتراف التام بكامل الخطأ

.زي ما قال ود الصايم يا بدر ....

كلام ما يمرق الا من كلس ...

من اجمل مواقف الرجال ان يرجع عن خطأه و يعترف به ...
فلا ينقص منه شيئاً و لا يزيده الا صلابة ...

دوزنت لي يومي كما كان يقول احد الأحبة ديماً ...

الاخ السنوسى ...
لطالما لم اعترف بالاعتذارات المزيفة والتى عادة تبدأ ب " لم أقصد أو تسببت لك ب أو ما شابه ذلك"
أحييك على هذا الإعتذار الصريح والواضح والذى كما عبرت أختنا دينا
إعتذار مدرسة ..
لك التحية والإحترام ..

العزيزة دينا ...
لكي التحية أيضا .. بلماحية شديدة وبتعابيرك المحببة والذكية - وربما بشوية وكاده كده -
أرى بوضوح ربطك بين الإعتذار .
و" هكذا يكون الانسان انسانا .. كامل الانسانية والعفاف سمح النفس ،،،، شجاعا ... ببساطة انسان "
وبين إمكانية أن يكون الأخ السنوسى بقى كوز أو سلفي !!!!
و .. والوكاده بتبهت وكده !!! و تحياتى ...

أهلآ الدكتور
السنوسي بدر
لك التحية والإحترام
زدت مقامآ وإحترامآ بإعتذارك هذا
وعودآ حميدآ أخي الكريم

Quote: أهلآ الدكتور السنوسي بدر لك التحية والإحترام زدت مقامآ وإحترامآ بإعتذارك هذا وعودآ حميدآ أخي الكريم

يا هلا باخي العزيز محمد نور ,شكرا لك علي تفاعلك الايجابي مع اعتذاري للزملاء

Quote: أهلآ الدكتور السنوسي بدر لك التحية والإحترام زدت مقامآ وإحترامآ بإعتذارك هذا وعودآ حميدآ أخي الكريم

يا هلا باخي العزيز محمد نور ,شكرا لك علي تفاعلك الايجابي مع اعتذاري للزملاء

Quote: أحييك على هذا الإعتذار الصريح والواضح والذى كما عبرت أختنا دينا إعتذار مدرسة .. لك التحية والإحترام

شكرا ليك يا امير عثمان لتفاعلك مع اعتذاري الناجم عن الخطأ المندلق من نفسي الامارة بالسوء

Quote: وبين إمكانية أن يكون الأخ السنوسى بقى كوز أو سلفي !!!! و .. والوكاده بتبهت وكده !!!

اتا عارف يا امير انا عندي وصية لمريم بتي قلت ليها لو في يوم بس حسيتي ان ابوك ده ح يبقي كوز او بس ريحتو بقت كوز كوز ... اديهو طلقه طاخ ... وما تعملي ليهو عزاء

فشنو دينا دي خليها , هي لماحة لكين مرات بتجليها واقفة وده كلو من (الهنود) الفي بروفايلها ...

Quote: أحييك على هذا الإعتذار الصريح والواضح والذى كما عبرت أختنا دينا إعتذار مدرسة .. لك التحية والإحترام

شكرا ليك يا امير عثمان لتفاعلك مع اعتذاري الناجم عن الخطأ المندلق من نفسي الامارة بالسوء

Quote: وبين إمكانية أن يكون الأخ السنوسى بقى كوز أو سلفي !!!! و .. والوكاده بتبهت وكده !!!

اتا عارف يا امير انا عندي وصية لمريم بتي قلت ليها لو في يوم بس حسيتي ان ابوك ده ح يبقي كوز او بس ريحتو بقت كوز كوز ... اديهو طلقه طاخ ... وما تعملي ليهو عزاء

فشنو دينا دي خليها , هي لماحة لكين مرات بتجليها واقفة وده كلو من (الهنود) الفي بروفايلها ...

عزيزي الاستاذ السنوسي بدر

انت زول كبير( كبير في المقام وليس في العمر)\

انت معلم وتعلمنا منك الكثير اليوم.. وما عدمناك

وبالنيابة عن الاستاذ دينق والاستاذة تراجي نقبل اعتذارك واعتبرنغسك
وكأنك لم توجه لهما اية اساءة.
وانا متأكدة انهما سيقبلان هذا الاعتذار ,,

وكمان يا معاوية ويحى ورونا "كلس " يعني شنو؟ المهم استنتجت بانها كلمة في تعظيم شخص او مدحه بانه نبيل واخلاقه عالية( مش!!)
ودمتم بالف خير وصحة وعافية

Quote: وكمان يا معاوية ويحى ورونا "كلس " يعني شنو؟ المهم استنتجت بانها كلمة في تعظيم شخص او مدحه بانه نبيل واخلاقه عالية( مش!!) ودمتم بالف خير وصحة وعافية

يا بسمات يا بتي ...

عمك معاوية و عمك يحي ديل كان جمعتيهم علي بعض بجيبوا فوق المية سنة و زيادة ...

منها زي 90 سنة في كل عصور الدكتاتوريات و الشلهته عبر البحار ...

انتي دايره تعرفي بالمجان كده كلس يعني شنو ؟ :)

عزيزي يحى قباني
انت عاوز تكبر نفسك ساكت!!
واهو ما شاء الله صورتك في البروفايل ولابس قيافة وكانك في مقتبل العمر..
وبعدين اعتبر نفسك معزوم في ستار باكس فراباتشينو .. ومنكم نستفيد بكلمات
جديدة في قاموس اللغة العربية السودانية
ودمت بالف خير

Quote: اشهد الله بانك تفوقت علينا جميعا

أبداً يا دينا، الزول دا يا دوب لحقنا نحن ديل الما قاعدين نغلط في الناس قدر دا!
أقبلوا منو الإعتذار، لكن ما تكبروا ليهو رأسو

شكرا يا سنوسي على الإعتذار

Quote: أبداً يا دينا، الزول دا يا دوب لحقنا نحن ديل الما قاعدين نغلط في الناس قدر دا! أقبلوا منو الإعتذار، لكن ما تكبروا ليهو رأسو شكرا يا سنوسي على الإعتذار

عمِّ عكس ...

من الليلة ده اسمك ...

ازيك يا بكور ... :)

اخونا العزيز صديق الغالي ...

شكرا علي التفاعل مع الاعتذار

طبعا يالغالي انا ما بعتبر دينق ده جنوبي وحتي عندي راي في قصة ارجاع الناس لاصلهم وبعترض عليها

دينق بالنسبة لل سوداني في المقام الاول وحتي لو تم تصنيفه فهو خرطومي فالانسان ابن بيئته ولا يمكن اخراج مكنون ثقافي ترعرع فيه الفرد لياتي انصاف الساسة لفصل الانسان وجدانيا


شكرا

ول ابا السنوسي ..


غلبتها ..
غلبتها ..
غلبتها ..

النفس الامارة بالسوء
اعتذار صريح لا لبس فيه

اتعجب لمن يشهدون بتهذيب دينق؟
ارشيف دينق ملئ بالسب والشتم والاساءة للاخرين

والارشيف لا يفني ولا يستحدث من العدم

اتمنى ان يحذو مستر دينق حذوك ويبادر بالاعتذار لكل من اساء لهم

شكرا يا ول ابا مرة اخرى

Quote: غلبتها .. غلبتها .. غلبتها .. النفس الامارة بالسوء اعتذار صريح لا لبس فيه

ود ابوي موسي البشاري حبابك الف وحباب العقاب ...

بتغلبني يا ود البشاري والله مرات ... النفس دي امارة بالسوء وداير لها (لجام حديد) اتمني انو الزول يخطها في الواطه و(يمردخها) لانها ان خلعت من لجامها بتورد الزول الهلاك ...

شكرا لتفاعلك مع الاعتذار

ماذا خسر أخونا السنوسي بدر الآن وفي هذه اللحظة تحديداً، وهو يعتذر لأخينا دينق وأختنا تراجي؟
ماذا خسر سوى نفسه الأمارة بالتعالي والعدوانية والانتفاخ المرَضي.. واحتقار الانسان لأخيه الانسان؟
وبالمقابل فقد ربح نفسه وإنسانيته وراحة ضميره.
وربح دينق وتراجي... وربحنا نحن.

أخي آبو بكر عباس
ربما كنت محقاً في أن أخانا السنوسي "يا دوب لحقنا نحن ديل الما قاعدين نغلط في الناس قدر دا!"...
لكني والله غبطته على هذا الموقف، بل وربما وددتُ لو أنني كنت أخطأت، مثله، في حق أناس لأمارس مثل هذا الاعتذار الذي يغسل النفوس كما يغسل الماء الدرن.

شكراً أخانا السنوسي
هذا النوع من البوستات "يدوزن يومي" بالفعل.
لو لم يقلها حبيب حبيبنا يحي قباني .. لقلتها

Quote: ماذا خسر أخونا السنوسي بدر الآن وفي هذه اللحظة تحديداً، وهو يعتذر لأخينا دينق وأختنا تراجي؟ ماذا خسر سوى نفسه الأمارة بالتعالي والعدوانية والانتفاخ المرَضي.. واحتقار الانسان لأخيه الانسان؟ وبالمقابل فقد ربح نفسه وإنسانيته وراحة ضميره. وربح دينق وتراجي... وربحنا نحن.

العزيز محجوب البيلي
والله فعلا الزول البيخطأ بيخسر نفسو في الاول والشعور بالذنب احساس غير مريح لمن رزق الاناة وحب الناس

شكرا علي الكلام الرصين والنصائح الغالية .... ومنكم نتعلم يالبيلي اخوي وشكرا مرة اخري لتفاعلك مع الاعتذار للزملاء

Quote: أبداً يا دينا، الزول دا يا دوب لحقنا نحن ديل الما قاعدين نغلط في الناس قدر دا! أقبلوا منو الإعتذار، لكن ما تكبروا ليهو رأسو شكرا يا سنوسي على الإعتذار

غايتو يا دكتور ابوبكر قالو الواحد لامن يشتغل مع الحيوانات في التطبيب بكتسب مهارات قل ما تتوافر في اي مكان اخر ومن ضمن هذه الاشياء هي معرفة الكوامن ومعرفة اللغة الغير منطوقة ... فياريت تحكي التجربة دي .. لكن حسب ما اطلعت انك اتا زودتها بالحياة مع البدو ودي مدرسة براها بشترك معاك فيها ولي في كتابات كثير منها لم يري النور

اتا عارف يا ابوبكر انتو ديل الواحد بيتعلم منكم انكم كيف بتتحكموا في نفسكم بدون ما تتغولو علي حياة الناس ... ياخي اكتبوا وانشروا الفرح وخلوا نفسنا الاماره بالسوء دي تتعلم وتقعد في واطة الله دي ...


يا دكتور ابوبكر اتا ده براك الجلابي ... انا جدي لامن مرق من المتمة مشي عشان يدخل الناس في (الدين) وزيو جعليين كتار مرقوها في زيمبابوي ... واقول لك حاجة الجعلييين اكتر ناس اندمجو في مجتمعاتم الجديدة والدليل قري الجزيرة واكتر ناس بدافعو عن قضايا مناطقهم الجديدة

وبعدين لقيتك متاثر بفلم اخونا النذير Islam : Untold Story .... ياخي خذلتني اخونا توم هولاند (Tom Holland) رجل روائي متخصص في فن الحكاوي الشعبية التاريخية واعتمد في مبدأ التقصي علي فرضيات الزميلة الاكاديمية باتريشا كرون (Patricia Crone) ودي ثقوبها كتيره والتي افترضت ان تجارة مكة وازدهارها سبب ظهور الاسلام ...

دي رقشة بس جاييك بهناك

Quote: عزيزي الاستاذ السنوسي بدر انت زول كبير( كبير في المقام وليس في العمر)\ انت معلم وتعلمنا منك الكثير اليوم.. وما عدمناك وبالنيابة عن الاستاذ دينق والاستاذة تراجي نقبل اعتذارك واعتبرنغسك وكأنك لم توجه لهما اية اساءة. وانا متأكدة انهما سيقبلان هذا الاعتذار ,,

الاخت العزيزة بسمات اولا دعيني ارحب بك كاضافة حقيقية للمنبر ليعود اليه رونقه ... وشكرا لك لتقبلك الاعتذار نيابة عن الاخوان ويا ها السودانية المحرية فيك...

الواحد يا بسمات اكتشف نفسو انو سارق احلام ... وسوف احكي ليكم عن قصة سارق الاحلام ... وهي قصة مشهورة لكن تكمن تفاصيلها في استاذ كان يعطي تلاميذا درسا في فنون التعبير ... وسال طلابه ان يخرج احدهم ورقة ويكتب عن احلامه ويعبر عنها ... فكتب الطلاب احلامهم وجمعت الاوراق ... وتفاجأ الطالب (جاك) بان الاستاذ يزعق ويصرخ فيه ويقول ليهو ده شنو ده ,,, انتا حا تاخذ (صفر) ولعن (سنسفيل) ابو اهلو وقال ليهو : الحلم ده ما بيتحق ويفوق الواقع وشتمه مره اخري واعتبره من (الشاطحين) ... لكن (جاك) تمسك بحلمه ... وبعد مده طويلة وصلت دعوة من احد وجهاء المدينة ... يدعوا فيها الاستاذ ووزملاء الدراسة الي سلسلة المطاعم والفنادق التي يملكها ثم التنزه في منتزه الخيول والحيوانات التي يفتتحها ,,, ودلف الاستاذ الي صالة الاستقبال وتفاجا ب(جاك) وخلفه لوحة الصق فيها باحكام ( ورقة حلم) جاك ام صفر وعليها توقيع الاستاذ!!!!....

ياااااااه كم سرقنا احلام البعض هنا يا بسمات في ان يبقي هذا المكان نظيفا وجاذبا للقراء واعضاء المنبر بافتعالنا العداء واتخاذ الشتم وسيلة للانتصار للذات الرخيصة يااااااه

كم نحن ضعاف ...

Quote: كلام ما يمرق الا من كلس ... من اجمل مواقف الرجال ان يرجع عن خطأه و يعترف به ... فلا ينقص منه شيئاً و لا يزيده الا صلابة ... دوزنت لي يومي كما كان يقول احد الأحبة ديماً ...

يا سلام يا قباني ياخي ... انت ده الزول الجميل البتنثر الفرح هنا كل يوم وانتم من جعل هذا الكلام ممكنا ومعك الجميليين ...

طالبني (بوست) عن السوق الجديد وفوال موسي نفخو وعم سعد والجان وما ادراك ما (ودنوباوي) وشارع الدومة ... ومعاك ود خالتي محمد المرتضي (تضي)

شكرا ليك وانت تتفاعل مع نفسي الامارة بالسؤ

Quote: اشهد الله بانك تفوقت علينا جميعا اخجلتنا ودخلتنا فى ضفورنا هكذا يكون الانسان انسانا .. كامل الانسانية والعفاف

دينا خالد تفاحة المنبر ...

عليك الله ما قدر ده .. انا زول من غمار الناس كثير الاخطاء ولو في (حسنه) بقعد مع نفسي كتير وهو زي ما قال ليك دكتور (اب بكر): انتو الجميليين الما بتعملو الخطأ من الاول وبتنثروا الفرح متي ما تداخلتم ولو في احنا البتعلم منكم


بالمناسبة شايفك عندك مداخلات قراتها من عن عمل المرأة بعضها اتفق معاك فيهو والتاني واقف لي في (حلقي)

Quote: بدر اشهد بانك كامل الانسانية بعد داك تبقى كوز تبقى سلفى تبقى ذى ماداير هنيءا لك فانت انسان

دينا مالك علي ياخي كزز وسلفي انا لله مافي اي خيار تاني انشاءالله جمهوري ساكت خليهو اليسار البقو ناس دكتور ابوبكر (يصرجو) بيهو ويجلو المفاهيم واقفه ....وزي تصريجتك بتاعة فتيات (اقامة) الخدامة

بالمناسبة دكتور ابوبكر عباس ده شاطر وتشومكي المنبر ده لكين مرات بيشطح زي (شطحات) الحلاج وداير ليهو وكت عشان كلامو بيوقع للناس

ده كلو من بكري لو كان بيدوه القروش بالمداخلة كان كان شفنا العجب لكين بكري اتفق معاهو بعدد الكلكات


شكرا ليك كتير وانت بتقبلي اعتذاري الغير مشروط للزملاء

شكرا السنوسي على السلوك الحضاري
الاعتذار شيمة الكبار...
أتمنى أن يسود هدا السلوك
تحايا للزملاء تراجي وجورج

Quote: شكرا السنوسي على السلوك الحضاري الاعتذار شيمة الكبار... أتمنى أن يسود هدا السلوك تحايا للزملاء تراجي وجورج

شكرا اخوي عبدالعظيم علي التفاعل مع الاعتذار وشكرا لك وانت تمتع اعيننا بعلم السودان (الفخيم) مدبجا صورة البلد (كاملة) غير منقوصة

توقفت كثيرا عند كلام ابوبكر ..
وبعد تفكير قررت انو كلامو ما صاح ..
ليس هناك ميزان دقيق لقياس ايهما أثقل في ميزان الفضيلة ..
الرجوع عن الخطأ أم عدم الوقوع في الخطأ ..
في الواقع قد يكون الرجوع عن الخطأ أكثر فضيلة من وجهة نظري المحدودة ..
وما ذلك الا للفراغ الدلالي المحيط بفكرة عدم الوقوع في الخطأ ..
مسالة كده ذاتها ما مفهومة كيف ..
كيف يعني الزول ما يغلط نهائي ..
يعمل شنو يعني ؟!!

كتر خيرك والله يا سنوسي يا بدر ..
انت زول فاضل جدا و .. كريم

اقول و كلى ثقة ان جل من فى هذا المكان لا يعرفون اخى بدر بقدر ما اعرف الرجل

فى لحظات الكتابة كثيرا ما تخوننا اللغة و إلانفعال ، اشهد الله ان بدر شيخ عرب و كريم

خصال و اخو اخوان . يا هه المحرية فيك.

Quote: اقول و كلى ثقة ان جل من فى هذا المكان لا يعرفون اخى بدر بقدر ما اعرف الرجل فى لحظات الكتابة كثيرا ما تخوننا اللغة و إلانفعال ، اشهد الله ان بدر شيخ عرب و كريم خصال و اخو اخوان . يا هه المحرية فيك.

يا هلا بود عمي هجو ... وشكرا يا ود اعمي علي الثقة المبذوله للشخصي الضعيف ..


يا جماعة لو في زول عندو ود اعم زي ود عمي هجو الليفرح فالرجل ساس وضو قبيلة وزول حارة تب.

شكرا ليك يالارباب ومك اللحمر واللصفر واولاد ضواب

Quote: وقفت كثيرا عند كلام ابوبكر .. وبعد تفكير قررت انو كلامو ما صاح .. ليس هناك ميزان دقيق لقياس ايهما أثقل في ميزان الفضيلة .. الرجوع عن الخطأ أم عدم الوقوع في الخطأ .. في الواقع قد يكون الرجوع عن الخطأ أكثر فضيلة من وجهة نظري المحدودة .. وما ذلك الا للفراغ الدلالي المحيط بفكرة عدم الوقوع في الخطأ .. مسالة كده ذاتها ما مفهومة كيف .. كيف يعني الزول ما يغلط نهائي .. يعمل شنو يعني ؟!!

أول مرّة زول يقول لي كلامك ما صاح!
أول حاجة وين أنا قلت "زول ما يغلط نهائي"؟
أنا قلت ما يفيد زول بغلط لكن لا يتجاوز الخطوط الحمراء، ودا من جملتي البتقول: "الما قاعدين نغلط قدر كدا.
شركات التأمين في الدول المحترمة بتزيد ليك تأمين العربية لو أخطاءك كانت كتيرة
صحي إتّا قبل كدل خرجت من طورك وجيت إعتذرتا، دا كلام كويس بخليك أحسن من صلاح جادات، لكن قطع شك ما أحسن من الناس الحافظا للآخرين حقوقا.

تعبتنا يا بكري أبوبكر، بالشغلة دي.

Quote: وما ذلك الا للفراغ الدلالي المحيط بفكرة عدم الوقوع في الخطأ ..

عزيزى ود المشرف ...
أعترف لك بأنك دائما ما تبهرنى بعمق نظرتك .. وبإيجاد ووضع بعض الزوايا الغير ظاهرة لعيان العامة مثلى تحت الضوء ...
مع ذلك فى بعض الأحيان أستغرب كثيرا بعض مجادلاتك التى - فى نظري وقد اكون مخطئا - التى يظللها الانتماء الآيدلوجى العاطفى ...
على العموم أردت تحيتك والإشادة بتعليقك على مسألة عدم الوقوع فى الخطأ ...
وأرجو ألا أكون قد وقعت فى عكس ما قصدت ...
وإحتراماتي ...

وأرجو ألا أكون قد وقعت فى عكس ما قصدت ...

.......... ,,,,,,,,,,, ,,,,,,,,,,,,,,

عزيزي الفاضل امير عثمان
بل انت الذي بهرتنا بعمق اسلوبك الرصين

وهذه الجملة اعلاه جملة جميلة واسلوب رائع ، وبعد اذنك اعذرني
اذا بدأت استعمل هذه الجملة في البوستات التي اكتبها
ومنكم نتعلم حسن الصياغة
ودمت بالف خير وصحة وعافية

Quote: أبداً يا دينا، الزول دا يا دوب لحقنا نحن ديل الما قاعدين نغلط في الناس قدر دا! أقبلوا منو الإعتذار، لكن ما تكبروا ليهو رأسو

حقك علينا يا أبابكر ..
اشكلت علينا معرفة قدر "قدر ده" عندك ولكن ..
لا تستهين بقدرة ومقدرة وقدر الاعتذار ..

اها قد اكون انا أحسن منك .. انا الما حفظت للناس حقوقهم وانت الحافظ حقوق الناس ,, وقد يكون بدر السنوسي احسن منك برضو .. وقد تكون انت احسن مننا الاثنين .. هذه الاشياء ليست بهذه الخفة والتناول التجاري وفقه المعاملات في شركات التأمين على اية حال يا عزيزي ..

الأخت بسمات ...
الله يجبر بخاطرك يا ستى ...
أظنها رمية من غير رامى ..
أو لربما يكون ود المشرف قد رشح علينا بعض إبداعاته اللغوية ..
له ولك التحية ..

Quote: أظنها رمية من غير رامى .. أو لربما يكون ود المشرف قد رشح علينا بعض إبداعاته اللغوية .. له ولك التحية ..

الله يجبر بخاطرك يا عزيزي كما جبرت بخاطري :)
وما رميت أنا ولكن أمير رمى :)

Quote: وما رميت أنا ولكن أمير رمى :)

وأرجو "مشفقا" أن يكون وقعها بردا وسلاما !!!
يا ود المشرف قد أليل ليلكم وأوشك فجركم على البزوغ .. مال النوم يجافيكم؟؟

الاخ العزيز الدكتور السنوسي بدر لك التحية والتقدير..

لا اعرف تفاصيل ما حدث وسياق العراك اللفظي الذي دار. لكني احي فيك هذه المبادرة الطيبة التي تدل علي حسن نيتك
وصفاء سريرتك .. كن بخير انت والاسرة..

الأخ السنوسي بدر

سلام وتحية

إعتذارك مقبول من جانبي، وانا لا احمل اي ضغينة ضدك
وارجوا ان نستفيد كلنا من هذه التجربة
والعفو والعافية.

Quote: الأخ السنوسي بدر سلام وتحية إعتذارك مقبول من جانبي، وانا لا احمل اي ضغينة ضدك وارجوا ان نستفيد كلنا من هذه التجربة والعفو والعافية.

أ
عجبني إعتذار السنوسي, وعجبني أكثر قبول دينق

فشكرا لكما ... فقد إرتقيتم بمصافنا أجمعين, وعلى أقل
تقدير محضتونا أملا في أن نكون أفضل وأن نراعي ما
يستجدر الإسترعاء حين نلتقي في سوح حوار عام

ثمب ... أب

Quote: عزيزي يحى قباني انت عاوز تكبر نفسك ساكت!! واهو ما شاء الله صورتك في البروفايل ولابس قيافة وكانك في مقتبل العمر..

و كان عمـــك حسي قام صدق كلامك ده ... نعمل شنو ؟

يا حليلنا ... لكن شكلنا فضل فوقنا رقَشَه ...

سلام بدر السنوسى

اعفى لى يا بدر السنوسى...انا قلبى ابيض ذى جلابيتى دى....انا اذا كان غلطت فى حقك سامحونى....انا قصدى شريف.
كل الاعتزار دا بعتبار ما سيكون مستقبلا.....كدى بعد دا ممكن نفش غبينتى....
انت لمن قلت كلامك دا انت كنت فى كامل قواك العقلية....اذا كانت الاجابة بى نعم...دى جريمة مع سبق الاصرار والترصد...اى جريمة متوفرة الاركان...والاعتراف سيد الادلة....لابد من عقوبة بدنية ومعنوية....العقوبة المعنوية ضميرك قام بالواجب....اما العقوبة البدنية لابد منها..لازالة الضرر الذى لحق المجنى عليه.نظرا لحالتك الصحية ...من تانئيب الضمير قررنا تخفيف العقوبة....اول ما تصل ارض السودان...توصل جوال سكر لاسرة دينق... وتبوس رجل ابو دينق فى الصورة....واعمل حسابك ما تمخط فى الصورة ....تلك جريمة اخرى...تمسح دموعك من الصورة...وترش عليها عطر...وتعلقها على الحائط.

اما اسرة تراجى فى الرياض...تصل تقول ليهم انا الخدام الجديد...مرسلنى ليكم من كندا...وتكون حريص ما فى واحد يعرف انت صاحب الاساءة...تنظف البيت لمدة اسبوع وتسلك مجارى السايفون...يدك ماتمشى كدة ولا كدة...لانو انت اصبحت من اهل السوابق....اى حاجة كدا مفقودة...اول واحد تتهم انت.

انت طبعا عندك حق الاستناف والطعن واحضار محامى للمرافعة نيابة عنك....و دا مراعاة لحقوق الانسان....فى ظل الديمقراطية المتاحة فى حوش بكرى ابو بكر وكدة يعنى.

شكرآ بدر السنوسي علي هذا الدرس المجاني للجميع
ومافعلتة حقيقة هو قمة الشجاعة

العقوبة بتاعتك دي يا ايمن مفروض فعلا تنفذ في اي واحد
يسئ لاي شخص بفاحش القول وهي عقوبة عادلة
لكن السنوسي بدر معفي من هذه العقوبة لانه اول من ادانا
هذا الدرس المجاني الانيق كاناقته ...درس بليغ ومفيد
ودمت

سلام الأخ السنوسي بدر

أعجبني جدا اعتذارك لكل من دينق وتراجي.. وأعجبني كذلك قبول دينق، وأتوقع أيضا أن تقبل تراجي الاعتذار.

الاعتذار فضيلة كبيرة جدا..

ياسر

وبشاشا مالو فطيتو ؟!!

عموما شكراً على إعتذارك لدينق وأم حازم .

Quote: وبشاشا مالو فطيتو ؟!! عموما شكراً على إعتذارك لدينق وأم حازم .

عزيزتي امنه بت مختار سلطانة المنبر وتفاحته ...

امونه اختي انا بشاشا ما بفطو .. بشاشا صافية لبن معاهو من زمان بس شكلك ما متابعه ... صحي الدرش حاصل وبيحصل .. لكين الزول داك نفسو نقية شديد وبيتحمل (الدرش) وهو برضو ما بيقصر


صافية لبن مع بشاشا وكل الزملاء بدون فرز

شكرا ليك كتير وانتي بتتقبلي اعتذاري لزميلة العمر تراجي بت مصطفي ام حازم وما عدمناك ..

Quote: أعجبني جدا اعتذارك لكل من دينق وتراجي.. وأعجبني كذلك قبول دينق، وأتوقع أيضا أن تقبل تراجي الاعتذار.

عزيزنا الغالي دكتور ياسر الشريف ايها الرجل النبيل والرفيع .. شكرا لك وانت تتفاعل مع اعتذاري للاخوة الاجلاء

Quote: شكرآ بدر السنوسي علي هذا الدرس المجاني للجميع ومافعلتة حقيقة هو قمة الشجاعة

عزيزنا محمد جمعه الخير انتم اخي من تعلموننا الدروس بجعل هذا المكان ماهولا ومامونا بقبولكم هناتنا وزلاتنا


شكرا لكم وانت تتفاعلي مع اعتذاري

الاخت بسمات الشيخ
بما ان السنوسى بدر اصبح نجم بالمنبر بالاعتراف الصريح الواضح مثل بدر التمام...بما انك تقدمتى للمرافعة عنه....نقبل الطعن فى القرار الصادر...بل نتحفظ فى اصدار القرار حتى لا تصبح سابقة قضائية.....ترفع الجلسة للتداول لحين النظر فى الشفاعة المقدمة من هيئة الدفاع.
نظرا لتدخل اعضاء المنبر والثناء على شجاعة الرجل المذكور اعلاة فى قول الحق ...والرجوع للحق فضيلة...تم رفع العقوبات مؤقتا ...مع مراقبة حسن سلوك المذكور بواسطة شرطة المنبر للاداب.

ألدكتور السنوسي بدر
السلام عليك وضيوفك الكرام
احييك على هذا الموقف الشجاع والإعتذار الواضح ,
تقبل عميق شكري ووافر احترامي

Quote: دينق بالنسبة لل سوداني في المقام الاول وحتي لو تم تصنيفه فهو خرطومي فالانسان ابن بيئته ولا يمكن اخراج مكنون ثقافي ترعرع فيه الفرد لياتي انصاف الساسة لفصل الانسان وجدانيا

لك كل التقدير , الأخ السنوسى بدر على هذا الكلام المُعبِر والدقيق .

إعتذار كامل الدسم


شكراٍ يا السنوسي

Quote: والعفو والعافية.

تنقط عسل من كيبورد دينق

Quote: لك كل التقدير , الأخ السنوسى بدر على هذا الكلام المُعبِر والدقيق

عزيزنا مولانا عبدالله ... مرحبا بك ايها الرجل الجميل ذو الخصال النادرة .. شكرا لك وانت تعبر من هنا وتتفاعل مع اعتذاري

Quote: ألدكتور السنوسي بدر السلام عليك وضيوفك الكرام احييك على هذا الموقف الشجاع والإعتذار الواضح , تقبل عميق شكري ووافر احترامي

اخونا الجميل جعفر اسماعيل تحايا ومحبة اليكم في تلكم الديار البعيدة ... شكرا لك علي التفاعل اليجابي للاعتذار

Quote: سلام بدر السنوسى اعفى لى يا بدر السنوسى...انا قلبى ابيض ذى جلابيتى دى....انا اذا كان غلطت فى حقك سامحونى....انا قصدى شريف. كل الاعتزار دا بعتبار ما سيكون مستقبلا.....كدى بعد دا ممكن نفش غبينتى....

عزيزنا ايمن نواي .. لك القومه ايها النقي ..

فش غبينتك ساي ااا ودعمي .. يمين هاك راسنا ده (مردخو) زي ما انت عايز ... وشروطك الليت الاعتذار مقبوله تب .. اصلو ما فيها نقيصة وشروط من جانبنا

شكرا ليك كتير مع تفاعلك الايجابي لاعتذاري

Quote: عجبني إعتذار السنوسي, وعجبني أكثر قبول دينق فشكرا لكما ... فقد إرتقيتم بمصافنا أجمعين, وعلى أقل تقدير محضتونا أملا في أن نكون أفضل وأن نراعي ما يستجدر الإسترعاء حين نلتقي في سوح حوار عام

يا سلام يا حيدر قاسم ابن الزمن الجميل وصاحب العبارة الفخيمة والجزلة .. شكرا لك وانت تمتع ابصارنا وافئدتنا بجزيل وناصع الكلم طيلة وجودك هنا ..

شكرا لك كثير علي ( الثم اب)

Quote: الأخ السنوسي بدر سلام وتحية إعتذارك مقبول من جانبي، وانا لا احمل اي ضغينة ضدك وارجوا ان نستفيد كلنا من هذه التجربة والعفو والعافية.

يا سلام يا دينق ياخي والله ساعدتني بازاحة حمل ثقيل كان جاثما علي صدري منذ تلك اللحظة وذلك بقبولك الاعتذار ...

العفو والعافية ... وارجو ان استفيد من تلك التجربة تماما كما تفضلت

لك التحية أخي السنوسي على انتهاج هذا الموقف الرائع

والذي انتصرت فيه على نفسك..


والتحية للأخ دينق لقبوله هذا الاعتذار..


وربنا يهدينا جميعاً سواء السبيل..

سلامي و تحياتي أستاذ السنوسي

و التحية للسلطان دينق و العزيزة تراجي .

تحياتي السنوسي

لا أملك إلا أن أقول لك : بأنك هنا أعطيت درسا ثمينا و سلوكا إنسانيا عالي المقام و مسلكا أخلاقيا يحتذى به.
ثقافة الإعتذار عن الخطأ لا ييستطيع الإرتقاء إلى مصافه إلا ذوي النفس الكبيرة النقية التي تعرف قدْر نفسها
وفقكم الله

دمتم

Quote: الاخ العزيز الدكتور السنوسي بدر لك التحية والتقدير.. لا اعرف تفاصيل ما حدث وسياق العراك اللفظي الذي دار. لكني احي فيك هذه المبادرة الطيبة التي تدل علي حسن نيتك وصفاء سريرتك .. كن بخير انت والاسرة..

عزيزنا محمدين ايها الرجل الرصين حبابك يابن ديارنا المكلومة ... حبابك الف شكرا لك وانت تتفاعل مع الاعتذار للاخوة الاجلاء

Quote: كتر خيرك والله يا سنوسي يا بدر .. انت زول فاضل جدا و .. كريم

دكتور المشرف حبابك الف ايها الرفيع مقاما ورفعة ... اشكرك علي الاطراء الذي لا استحقه ... كلام اخونا ابابوكر كلام سليم وتكمن مقدرة مفرداته في مفتاح الجملة في كلمة (قدر ده) ... صحي مرات الزول بيغلط لكين كمان ما( قدر ده) عشان كده انتو احسن مني بكتير وان كان لنا في قصة الفضيل بن عياض الذي كان يحمل السيف والرمح ويقطع الطريق بين سمرقند وسرخس ويسطو علي القوافل .. والذي تاب واصلح واصبح من اعلام التصوف في القرن الثاني الهجري ويقول الرواة ان سبب توبته انه عشق جارية و(نط) السور واثناء ماهو عليه في الجدران سمع شخصا يتلو : " ألم يأن للذين آمنوا أن تخشع قلوبهم لذكر الله" قال: يارب قد آن فرجع ز

اعتذار جميل جدا يا ليت كلنا نتعلم ثقافة الاعتذار
الاهم نكون حرصين ما نغلط مع الناس

الشكر والتحية لأخينا دينق على ما كتبه في هذا البوست، والتحية لأختنا تراجي، والتحية لأخينا ود السنوسي على هذا البوست الذي تُشتم فيه رائحة الجمال لدرجة جذبت ود البيلي وجبرته على الكتابة وهو الهائم بحثا عن الجمال.

Quote: الأخ السنوسي بدر سلام وتحية إعتذارك مقبول من جانبي، وانا لا احمل اي ضغينة ضدك وارجوا ان نستفيد كلنا من هذه التجربة والعفو والعافية.

كلام محترم

الاعزاء الجميل نصر الدين عثمان والرفيع ابو جهينة والاستاذه الرصينة نعمات و الباهي بهاء بكري والجميل محمد الامين موسي والباسق ابو ذر والصديق الشفيع وراق... شكرا لكم وانتم تتفاعلون ايجابيا مع اعتذاري


سا عود لكم فردا فردا ,,, شكرا لكم

سلام السنوسى بدر
العندوا اصل بينعدل عليهو....اصلك مجمر دهب الخزانة....شامخ عالى بكانة...بدرا ساطع فى سمانا...رويدا يا كاتل هوانا.

قالوا فى جعلى...عملوا ليهو عملية من غير بنج قطعوا ليهو رجلو.... الجعلى ثابت قطعها فى حنانوا....جو بنات دار جعل ...زغردوا....الجعلى قال ليهم....حرم تقطعوا الرجل التانية.

دحين يا ود بدر حرم تانى تشتمنا..

يا جماعة انا ما عتزرت لى ود بدر مقدما... ما فى زول اشتغل بى الشغلة....ما فى زول قال لى انت بطل ولا قدوة....ولا فى زول ضرب فى نمرتى.
الا ود بدر الاصيل.
اها يا جماعة فتكم بى عافية ...وشكرا للقلوب الصافية.... المغسولة بى موية النيل.

الاخوة الاكارم من نافذة الفيس بووك

قريبي حافظ محي الدين الامام شكرا ليك كتير وياها المحرية فيك ...

عزيزنا المخضرم محي الدين ابكر سليمان .. هون عليك اخي لا تنكا جراحنا باخطانا المتراكمة ... ليس فينا من هو دون فنحن وان اختلفت اسماءنا فلون الدم واحد وارض الاجداد واحده ... الاعتذار موصول لكل من اخطأنا بحقة اي كان شكله او لون قشرة بشرته فما نحن بخالدين فيها وستبلي اجسادنا و سنذهب الي بارئنا ليحاسبنا فهل نحن مستعدون ..

اما بخصوص الاحمق المطاع موسي هلال عيينة ابن حصن زمانه ... فالرجل لا يلزمني في شئ ولا نشترك في المبادئ

الاخ العزيز ساميت ... شكرا لك وانت تمر من هنا ... شكرا لك كتير وانت تتفاعل ايجابيا مع اخطائي

الأخ ود السنوسي, اليوم إنت تمثل لنا مدرسة ومعلمها دينق, تعلمنا منكم الكثير من هذا الدرس العظيم. شكرا لكم ولكل الأخوة المتداخلين

أتمنى أن يعتذر لينا عمر البشير بنفس الطريقة كمان

حقيقي المنابر ما بتوضح الوجه الحقيقي للعضو
والكي بورد خلفه يحجب الفضائل
دكتور بدرالدين السنوسي من الشخصيات الرائعه
والتي تحمل في دواخلها كل معاني الانسانية
انسان عندما تجالسه تود ان لا تفارقه
شكرا يا دكتور
شكرا دينق
وشكرا ام حازم سلفا

اخى الفاضل السنوسى بدر

لك التحية الطيبة و التقدير

اشكرك على هذا الموقف النادر الحدوث فى المنبر هذا و غيره .. اعترافك هذا فضيلة ..

احييك يا السنوسى ..

اعتذار .. انيق
من رجل ... انيق
الى المعتذر لهم .... انيقين ...


شكرا دكتور السنوسي لهذا الدرس الانيق .. لعلنا نستفيد منه .....

وكلما ابتعدنا عن شخصنة المواضيع في البوستات .. نكون .... اكثر اناقه واخلاقا ....

أنت زول صاحى الضمير وكنت مع الحق حتى مع نفسك..ودى شجاعة قليل من يمتلكها فقط علينا أن نتعلم منها..وده درس مجانى للجميع......تسيلم أخى السنوسى وتقديرى لك دينق وتراجى ما شفنا منهم شىء بطال.

بتاع طنطا الفيوم...الناس تغطغت...وهو يفتح...ياجماعة اى زول عندوا شفع يمسكهم عليهم...انحنا ما ناقصين دوشة و وجع راس.
راسنا دا انحنا قاعدين ندفع فيهو قروش...الراس دا عملوهو عشان يفكروا بيهو مش عشان يسرحوا بس.

الاعزاء الافاضل

الاخ اسامة
قريبي عباس ود ابوي الشريف

الصديق محمد مجيدو

الفاضل الطيب رحمة

الاخ الكريم جعفر اسماعيل

الجميل اسماعيل عباس

لكم التحايا العطرة وانتم تمرون من هنا

يا خي انت ملك يا السنوسي.. واخلاقك عالية
وتوقيعك كمان اكثر من ممتاز
والله يديك الصحة والعافية ويكثر من امثالك

حياتنا قصيرة ولا تحتمل أن نضيعها في الضغائن وغيرها من شرور النفس!!

تعجز كلماتي القاصرة للتعبير عن مدى شكري وإمتناني لإعتذارك الصادق.
وشكراً لأنك بذلك تعلمنا كيف نتصالح مع أنفسنا .. لك صادق المحبة والتقدير
أخي بدر وللاخ العزيز جورج مثله لقبوله الإعتذار ، وللعزيزة تراجي. شكراً

تمام

ادام الله الود و المحبة بين الجميع مهما تباينت الرؤى
و اختلفت وجهات النظر. و ايه الدنيا غير لمة ناس
في خير او ساعة حزن ..

التحايا للجميع..

الاعزاء الاكارم

العزيزة اميرة السيد
الصديق احمد عالم
الصديق معروف حمدين
الصديق فيصل سعد

لكم مني الشكر اجزله لتفاعلكم مع الاعتذار للاخوة الاجلاء

Quote: الأخ السنوسي بدر سلام وتحية إعتذارك مقبول من جانبي، وانا لا احمل اي ضغينة ضدك وارجوا ان نستفيد كلنا من هذه التجربة والعفو والعافية.

*** السيد/ دينق الرهان بك دائما رابح فشكرا لك شكرا مقدرا وأنت تعفو وتصفح وتعلم .

*** الأخ السنوسي أهنيك على الانتصار على تلك الأمارة بالسوء فشكرا لك وأنت تعتذر وتطلب الصفح و العفو .

*** لك تقديري .

شكرا بدر السنوسى
شكرا دينق ,

شرف ان اكون في منبر فيه هذه القيم النبيلة التى اتعلم منها

الأخ الدكتور السنوسي
لك التحية والتقدير والإحترام
لا شك في أن مبدأ الاعتذار مبدأ جميل، يردم الفجوات، ويوضح المقاصد، كما يثاب عليه المعتذر بالتجاوز والتسامح، علماً أن أحد أهم المبادئ المطبقة على السلوك الإنساني أو البشري الهادفة إلى صنع التوازن مبدأ الثواب والعقاب، وهو مبدأ رباني من الأزل وإلى الأبد. وعليه تستقيم الأمور، وتتحقق العدالة وتُرفع المظالم وتسود المحبة وتستمر الحياة بأفضل أشكالها المحمولة , أنت تستحق وسام الشجاعة من الدرجة الأولي من المنبر ويكفيك فخراً مداخلة الأعضاء الغير محدودة ولا شك أنك قد وضعت مبدأ الإعتراف بالخطأ والاعتذار عنه هنا وهذا ولا ينقص من قدرك ابداً بل يزيدك شأناً وأتمني أن يكون ذلك ديدن كثير من أعضاء هذا المنبر وكانت سبباً في مشحانات وحملت في النفوس ضغائن لا أساس لها , ويقيني أن الأخ الحبيب دينق كان أكثر كرماً ونبلاً وإباءة وسماحةً بقبوله إعتذاركم فله مني التحية والتقدير وفي أنتظار قبول ومسامحة الاخت العزيزة تراجي مصطفي التي يكن الجميع لها كل تقدير وبلا شك نحن في نتظار المزيد من الإعترافات بالخطأ في حق الآخرين والاعتذارات اتمني ذلك حتي لو علي الخاص لتصفو النفوس وتسمو ونؤدي رسالة المنبر السامية باختلاف توجهاتنا وشعاراتنا وايدولوجياتنا ودمتم.

أخي دكتور محمد الأمين
صدقت والله. هو الجمال، (ذلك الذي جذبك أيضاً وجاء بك لا تلوى على شيء) أبحث عنه في مثل هذه المواقف، وأفرح مثل طفل عندما أجده مبذولاً هكذا على قارعة المنبر.
ولكني لستُ وحدي. هل لاحظت مدى تعطش هؤلاء الناس ـ وأنا منهم ـ لموقف إنساني نبيل، وكيف تقاطروا مرحبين مهنئين؟ وهم في واقع الأمر إنما يهنئون أنفسهم وما يشعرون.

Quote: وشكرا ام حازم سلفا

وشكرا عباس الدسيس

الكلس في اللغة هو البعير المعمّر ... والذي عادةً ما يكون ضخم الهيكل البطيء الحركة ... ويعرف عن الكلس انه لا يجري ... ويواجه السباع والضباع بنفس التؤدة والوقار والثبات والحركة البطيئة التي اكتسبها مع العمر ... بعكس القراف الجوعار ...

المصدر ... شفاهي ...




... المهم ...

الكلس هو الجير
مصدرك الشفاهي ده من الحواتة !

-------------------
شكرا لاعتذارك يا سنوسي
وتحية لدينق وتراجي

شكراً لك أخي السنوسي لهذا الموقف الأخلاقي النبيل!











وإن كنت أقترح عليك تعديل صيغة اعتذارك، بأن تزيل منها
آثار الخطأ الذي اعتذرت له!

العزيز بدر السنوسي

تحياتي

واعت>ارك مقبول

رغم انه جلافة الباديه حيرتنا طبعا. هههههههههه

معليشتعلم انني كنت غايبه

واليوم قيته قرابى الخمس اسعات في المنبر عشان ابحث عن بوستك هذا

لانه اخبرني به اعزاء.

العفو و العافيه.

وكن بخير.

وكما قلت يستمر دواسنها و خلافاتنا ولكن دون مساس بالاسر.

تحياتي.

وانت علي فكرة مسيتني اكثر من دينق

دينق علي الاقل قلتوا صفقى سكر مفبركه نحن عملتنا خدام المستعمر ولمم و ملقطين و حلب ههههههههههههههه .

بعدها طبعا الا تلومن نفسك. ههههههههههههه

حيل خيرنا و جميعنا نتعلم

لك التحية السنوسي
ومن بعده دينق

thankssssssssssssssssssssssssssssssssssssssss

يا سلام يا تراجي يا اختي العزيزة قبولك اعتذاري اراحني من اعباء لم احتملها فشكرا لك ...

يا تراجي البادية هي جزء مني كما النيل فنحن ابناء ذلك الوطن القارة فكل اجزاءه لنا وطن


دافعت عن دارفور بكتاباتي بشجاعة ولم اكن املك من الادوات اكثر مما في قلمي.

اعترف انني كنت قاسيا في بعض احكامي والقاظي تجاة الحركات المسلحة وهذا اعتقد انه مبرر لانهم اراقوا دماء اهلنا في دارفور وتلاعبوا بالقضية وتسولوا بها فمنهم من اغتني وسكن الفنادق ومنهم من صالح الحكومة وسكن القصر وعندما نضب المعين تمرد من اجل المال وهذا ما اغضبنا وجعل اجكامنا القاسية تخرج من اقلامنا

انا لم اكن سياسيا يوما ولم انضم الي الي حزب سياسي ولكني قد اميل الي احزاب اليسار والصوفية في تناول الشان السوداني السياسي وربما شاركت في ندوات اكاديمية اتناول الشان الدارفوري والسوداني بجيادية الاكاديمي

والذي لا يعلمه اهل هذا المنبر انني سليل ثقافات متعددة منها اعراب الصحراء واهل النيل واهل البيت والابناء مني اكثر ثراء ثقافي مني لم لهم تعدد وروافد ثقافية خارج القظر فلذلك انا لست عنصريا . فالعنصرية مرض اعاذني الله منها.

لا اعرف الكثير من الدارفوريين الذين هم في حركات التمرد الا علي صفحات هذا المنبر بعضهم سمح الاخلاق ولكن الغالبية سيئ الاخلاق ويجنحون الي خلط الحياة الخاصة بالحياة السياسية بدافع الانتقام وهذا شعور بالنقص والدونية يلازم الاخوة في دارفور كثيرا.

اذكر ان احد الدارفوريين واسمه محمد الحسن واخر اسمه حافظ عبدالنبي اختلفت معهم في منبر حوار عن عايلة عبدالله مسار واذكر انني قلت ان عايلته ليست مسؤلة عما يعمله المهرج مسار فاستشاطوا غضبا واخذوا ينسجون قصص عن عائلتي وزواجي وكلها من نسج الخيال وغير صحيحة لانهم ببساطة لا يعرفونني ولم التقي باحدهم وهناك بعد مكاني وزماني بيني وبينهم. هذا مثال لمن يتحدثون عن قضية دارفور فاصبحت مستنقع اسن يعج بهؤلاء الفسقة السياسيين

انا سعيد انك قبلت اعتذاري وسعيد انك ح تشاركي في الحوار ... لانو الحوار طريق صعب انك ماتتنازل عن مبادئ امنتي بيها وهو اشق من حمل السلاح ..

مات كثير من الدارفوريين واريقت دماءهم وما يزال البعض يظن ان السلاح سيحل القضية

ولكن يا تراجي انتي مهرجه (ههههههههه معليش دي وجهة نظري ) بدليل صراعك الان مع الذين يعارضوك في انضمامك للحوار .. هناك من له تحفظات في الحوار مع الانقاذ ولهم ما يبرر ذلك اما حركات التمرد فغالبيتهم قتله وقد شاركوا الحكومه وقتلتها اراقة دماء اهلنا في دارفور وجزء كبير منهم كانوا وقود حرب الجنوب وعسس الانقاذ في ايامها الاولي فلذلك الحوار بالنسبة لهم هو ماكلة ووظايف يقتاتون بها

الاعزاء الافاضل
الطيب عثمان يوسف
صلاح عباس فقير
خالد العبيد
تبارك شيخ الدين جبريل
محجوب البيلي
أحمد عزالدين
عمار عبدالله عبدالرحمن
عبدالله نواي


شكرا لكم وانتم تحتفون بقيمة الاعتذار فكم مني التحية



*****

العزيز ابو روضه شكرا لك وانت تحتفي بقيمة الاعتذار

اتمني ان تذوب الثلوج بينك وبين الاخت تراجي ام حازم وان تنحصر المناوشات علي الخلاف السياسي فنحن الشعب الوحيد الذي يلجا بعضه الي بعضه اثناء الحروب والاحن


الدنيا لا تدوم والاراء يمكن ان تتغيير كلما تغيرت ظروف وجودها فتبقي قيمة الحوار اجل من اي شي

بن العم الغالي دكتور بدر
اعتزارك الجميل جعلني اقرا كل مداخلات البوست وردودك عليها
لا تثريب هو نقاش ينتهي بانتهاء اخر رد في البوست
تحياتي لك ولاصحاب الاعتزار

يا سلام عليك
رغم انو البوست معنون لشخصين معينين
لكن بجانب اعتذارك لهما فقد قدمت درسا كبيرا لنا جميعا
فلك التحية والاحترام.
ياخ البوست جميل والناس الفيهو روحهم حلوة
ان شاء الله حال السودان
---------------------

Quote: عندي راي في قصة ارجاع الناس لاصلهم وبعترض عليها

معاك في دي يا دكتور وابصم معاك بالعشرة
لا للقبلية