لو وشوش صوت الريح في الباب يسبقنا الشوق قبل العينين اجمل ما قيل في الشعر الحلنقي
Post: #2 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 10:00 AM Parent: #1
مشكلة بين هواي وجفاك وإنت محايد
علي المساح في هذا البيت مسح كل مفردات القبح من الغناء السوداني
Post: #3 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 10:08 AM Parent: #2
Post: #4 Title: Re: من اجمل ما نظم في الاغنيات السودانية Author: عبد الحي علي موسى Date: 08-26-2015, 10:12 AM Parent: #2
ليل طــــــــــال عتُم نشر ثوب الحداد من نجـــــــــومو اتوشح الدرر الجداد طــــــــــــرفي ساهر يتلو أيات الوداد . . . الشـــــــــــجر أقلام جميع والنيل مداد لو كتب أشواقي ليك ما عددا أبوصلاح. وسلام عمر الفاروق
Post: #5 Title: Re: من اجمل ما نظم في الاغنيات السودانية Author: بدر الدين محمد Date: 08-26-2015, 10:15 AM Parent: #4
درر الغناء السوداني ...........
Post: #7 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 10:24 AM Parent: #5
Quote: درر الغناء السوداني ...........
ومنتظرين المزيد من اهل القصيد
سلام جاك يا بدر الدين
Post: #6 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 10:20 AM Parent: #4
Quote: الشـــــــــــجر أقلام جميع والنيل مداد لو كتب أشواقي ليك ما عددا أبوصلاح.
اخي عبد الحي لك التحية
هذا البيت يبين مدي تأثيرالقرأن الكريم علي ابو صلاح فاقتبس لشعره من فيض المعاني للأغاني
Post: #8 Title: Re: من اجمل ما نظم في الاغنيات السودانية Author: El-Saddig Abdalla Abbas Date: 08-26-2015, 11:02 AM Parent: #6
سلام يا عمر الفاروق وتحية طيبة لك ولضيوفك الأكارم
وشوشني العبير أبو آمنة حامد وابن البادية
لا تسألنى كيف كان الملتقى وكيف فى دروبها مشيت وكيف طاف الثغر فى ابتهال وكيف فى محرابها صليت سر عميق حبها بقلبى ما قلته للناس ما حكيت فان روى الغيثار سر قلبى قولوا ما قلت وما رويت لكنه حين بكى حنينا بكيت من رقته ..بكيت
كما أن لديه رائعة أخرى هي: سال من شعرها الذهب الثريات والسّنا غير بدرى إذا احتجب عشت فى الحب منتهى إلاّ لكن بلا انتهاء تائه .. ذاهل النّهى شفّنى الوجد والطرب إن تكن أنت لم تزل يوم بدر المنى اكتمل نحن شلناك فى المقل وقعدنا على اللهب
الصادق عبدالله عباس
Post: #10 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 11:28 AM Parent: #8
Quote: لا تسألنى كيف كان الملتقى وكيف فى دروبها مشيت وكيف طاف الثغر فى ابتهال وكيف فى محرابها صليت
الصادق عبد الله من الشكر اجزله
شعر أبو آمنة حامد شعر رصين جذل فيه عذوبة وظرف أبو آمنة حامد رحمه الله
Post: #24 Title: Re: من اجمل ما نظم في الاغنيات السودانية Author: هشام بشير عباس Date: 08-26-2015, 01:26 PM Parent: #2
عتيق رائد الظرف والتغزل في شعر الغناء السوداني كما اسلفت
Post: #9 Title: Re: من اجمل ما نظم في الاغنيات السودانية Author: عمر السلمة Date: 08-26-2015, 11:07 AM Parent: #1
قد تكون ليست بالأجمل لكن توظيف المفردة بين القويسن كان موقف جدا جداً
ما قالو عليك حنين بس (نان) وين الحنية ..
وعزمي احمد خليل حين قال : ما لقينا في عيونك ذكرى (ساكت) للمحبة ..
تحياتي للجميع
Post: #11 Title: Re: من اجمل ما نظم في الاغنيات السودانية Author: خالد العبيد Date: 08-26-2015, 11:50 AM Parent: #9
حبيب الروح لا اقوى على حمل الهوى وحدي --------------------- حميدة ابوعشر
Post: #13 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 12:09 PM Parent: #11
Quote: حبيب الروح لا اقوى على حمل الهوى وحدي
خالد عبيد سلام
حميدة ابو عشر صاحب مفردة خاصة يكفيه غضبك جميل زي بسمتك
Post: #12 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 11:59 AM Parent: #9
Quote: ما قالو عليك حنين بس (نان) وين الحنية ..
وعزمي احمد خليل حين قال : ما لقينا في عيونك ذكرى (ساكت) للمحبة ..
توظيف مفردة سودانية خالصة حتي تعطي المعني حميمية سودانية تعتبر من المحليات بضم الميم للشعر المحلي
الفنان عبد الكريم الكابلي تعامل مع نفس المفردة "كنت في حفلة ليلة شفت هناك جميلة كانت سمحة (كيف) والكيف هنا يتحمل اكتر من معني لك التحية عمر السلمة
Post: #14 Title: Re: من اجمل ما نظم في الاغنيات السودانية Author: ismeil abbas Date: 08-26-2015, 12:20 PM Parent: #12
لما ترجع بالسلامة وترجع أيامنا الجميلة.............ثنائى العاصمة
Post: #18 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 12:35 PM Parent: #14
Quote: لما ترجع بالسلامة وترجع أيامنا الجميلة.............ثنائى العاصمة
وكيف نرفض رجوع القمرا لي ... وطن ... القماري ؟! كيف تقوقي علي نخيلاتنا القماري !؟ وإنت واحش نيل أرضنا علينا شمت الصحاري ... رجعنالك ...
سلامي يوصلك يا اسماعيل عباس
Post: #15 Title: Re: من اجمل ما نظم في الاغنيات السودانية Author: عبدالله محمد أحمد Date: 08-26-2015, 12:27 PM Parent: #1
يا خلاصة الحواري المن جنان و خوالد حسنك ليك يدوم لا ام تلد لا والد رافل في ظلال المجد الطريف و التالد يا اللابس العفاف حلي و عقود و قلايد
Post: #16 Title: Re: من اجمل ما نظم في الاغنيات السودانية Author: عبدالله محمد أحمد Date: 08-26-2015, 12:28 PM Parent: #1
ابلغ ما قيل: ( نشتاق ليك و انت معانا)
Post: #20 Title: Re: من اجمل ما نظم في الاغنيات السودانية Author: علاء سيداحمد Date: 08-26-2015, 12:43 PM Parent: #16
في حضرة من أهوى عبثت بي الأشواق حدقت بلا وجهٍ ورقصت بلا ساق وزحمت براياتي وطبولي الآفاق عشقي يفني عشقي وفنائي استغراق مملوكك لكني سلطان العشاق
الف رحمة ونور عليك يا الفيتورى
Post: #21 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 12:58 PM Parent: #20
Quote: حدقت بلا وجهٍ ورقصت بلا ساق
سلام علاء
رحم الله الفيتوري زمار الحي الذي لم يطرب اهله فبعد متغرباً بلا جواز للسفر
Post: #17 Title: Re: من اجمل ما نظم في الاغنيات السودانية Author: عبدالله محمد أحمد Date: 08-26-2015, 12:33 PM Parent: #1
و هل ممكن اقول دي الاروع:
(من انت يا حلم الصبا)
Post: #19 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 12:41 PM Parent: #17
عبد الله محمد احمد لك السلام
إلى متى أدعوك لهفان الجناح حتي متي ابقي علي الدرب الطويل بلا مراح أبدا اسير مخيرا بين الروابي ... والبطاح ويكاد يحرقني الظمأ وتكاد تسحقني الرياح من انت..؟! يا نفح المنى من انت..؟! يا نور الصباح..؟؟؟
من شعر عبد المنعم عواد يوسف شاعر مصري
Post: #22 Title: Re: من اجمل ما نظم في الاغنيات السودانية Author: عبدالله محمد أحمد Date: 08-26-2015, 12:59 PM Parent: #19
الاخ عمر تحياتي و لي شنو خليت دي:
شفتاك من ورق الورود و آه من تلك الشفاه خداك من شفق المغيب و آه من خديك آه و عيناك يكمن فيهما ليل تسربل من دجاه
Post: #23 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 01:02 PM Parent: #19
الدرامي الشاعر جمال حسن سعيد ساهم بمفردات سودانية صميمة بقصيدة من البيت السوداني تغني بها سيف الجامعة
نقتطف منها:
زوله تفتح الروح ضلفتين
تخشك .... وتمرقك .... عــــــادي .. تخشك .... و تمرقك .... ما بتقفل الباب من وراها ..... بل تساسق بين شفقتك ..... وحرقتك .... ما بتأذنك ... ما روحها نفاج غربتك .... هذي البنية .... الساكنة أسرار فكرتك .... هي الشايلة .. حســـــك وسترتك ...
Post: #25 Title: Re: من اجمل ما نظم في الاغنيات السودانية Author: Muammar Abass Elhassan Date: 08-26-2015, 01:29 PM Parent: #1
انا اشتاق لو يود وماني البدور تاخيـرو الضامر الحشا وصاحب الخصير الزيرو انا عاينت اشوف القاهو فـوق للغيـرو حتى المراية تصر ان عاينت لي غيـرو الفارع القـوام المـا وجـدت نظيـرو انا شايف جفاهو اخير من محنة غيـرو ناكـر للـوداد و مـا بيفيـد تذكـيـرو هو يسو في الغلط و انا اسوي كتر خيرو
(..............................)
ـــــــــــــــــــــــــــــــــــــــــــــــــــــــــــــــــــــــــــــــــــــــ وليسَ لنا فِي الحنين يَد، وفي البُعد كان لنا ألف يَد، سلامٌ عليك، إفتقدتكَ جدًا .. وعليّ السَلام فِيما إفتقِد !. (درويش)
Post: #26 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 01:31 PM Parent: #25
Quote: انا اشتاق لو يود وماني البدور تاخيـرو الضامر الحشا وصاحب الخصير الزيرو انا عاينت اشوف القاهو فـوق للغيـرو حتى المراية تصر ان عاينت لي غيـرو الفارع القـوام المـا وجـدت نظيـرو انا شايف جفاهو اخير من محنة غيـرو ناكـر للـوداد و مـا بيفيـد تذكـيـرو هو يسو في الغلط و انا اسوي كتر خيرو
جيب الجبنة وعقب يا معمر عباس
Post: #27 Title: Re: من اجمل ما نظم في الاغنيات السودانية Author: khaleel Date: 08-26-2015, 01:55 PM Parent: #26
هل من وصال يا روحي هل
Post: #30 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 02:36 PM Parent: #27
Quote: هل من وصال يا روحي هل
هلا بخليل
هل الاولي استفهامية والاخيرة استعطافية لك التحية
Post: #28 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 02:01 PM Parent: #26
هو يسو في الغلط وانا اسو كتر خيرو
جنس كسير يا معمر عباس
القصيدة كاملة يا مولاي لعكير الدامر لانها تستحق ان تنشر كاملة
شاعر معروف كواحد من أبرز شعراء ما يعرف بشعر المربعات، كان متعلماً حيث سبق له التخرج في كلية غردون، هدندوياً ولد وترعرع بالدامر فلقب (عكير الدامر)، اسمه الحقيقي علي إبراهيم محمد، له انتاج وفير في الشعر الاجتماعي والسياسي حيث كان يمثل لسان حال وشاعر حزب الامة كما كان صديقه (الجاغريو) شاعر الحزب الوطني الاتحادي. مما يقال أن القصيدة (الأغنية) التي نحن بصددها كتبت كتحدي أراد به الشاعر أن يثبت انه يستطيع أن يكتب الشعر الغنائي وان لا احد يمكن أن يجاريه لو أراد ذلك، ويقال أنها جاءت رداً على سؤال أحد الناس : أنت ما بتعرف تكتب شعر غنائي؟ أو انت ليه ما كتبت شعر غنائي؟ أو هكذا كان السؤال.
ا مولاي أه من غلبي من النارو حرقت قلبي
يا مولاي بشكيلك شقاي و غلبي حظي الديمة من ريد الأنيس جافلبي طالت السفرة و إتحفت مناسم تلبي هب الريد وعاودك الحنين يا قلبي
مالك نفسي مطعونة تملي تنيني مالك عيني لي الغميد أبيتي تليني عطشان ديما طفح الموية ما برويني كاتلاني الطريفية البريدا قريني
الناس عيدت مرقت علي أصحابا و أنا فريت علي الجاهلة السمح ترحابا فاطرًا يحكي براق البدودي سحابة دي لفت قلبي زي لف طرحتا اللافحابا
يتمني الدهب لو لونو يشبه لونك إشتهت الدرر لو هي تبقي سنونك مجنون ليلي حالتو أقل من مجنونك ما دام ليلي كانت في المحاسن دونك
غصباً عني فارقت الضريح لي ربي كل ما هب نسام منو زاد في جمري جرحي القرب يبري الداير يبدر عمري بدرو ليّ تغريد بلبلك يا قُمري
أخضر ليهو ضل فوقو المحاسن شرن و أفلج فاطرو زي برق السواري الكرن يتقسم مقاطع في المشي و يتحرن زي فرخ القطا الأماتو ركن و فرن
عمي الهادي نشاب البريدا ضربني قسم نومي من تيبان حيايا سلبني حاكم الصافي أبي يقبل سؤالي صدمني صبري الكان جميل جربتو و كلو غلبني
عن من أحب أنا غير خاطري فرقت هايم بي غرام عن حالتي كنت سُرقت لولا أدمعي من ناري كنت حرقت و لو ما ناري من كترت دموعي غرقت
ختت أيدها فوق إيدي انجذبت خِدرت حبيت أمشي من كُتر الطرب ما قدرت بقت الحنة بين إيدي وأيديها اندرت لولا الحنة بيني وبينها كنت ودرت
شعرك منتظم زي السلاسل فتلو وعينيك ترقِص الحجر ان بقت شافتلو الطاؤوسة قاصدة مشيكي ما عرفتلو وأعصاب الرآك أتكهربت تلفتلو
ممشوق القوام الماوجدتا مثيلو جفاهو معاى ولا محنة غيرو جافانى العزيز الكنتا ديمه نصيرو هو يسوى الغلط وانا اسوي كتر خيرو
Post: #31 Title: Re: من اجمل ما نظم في الاغنيات السودانية Author: محمد الأمين موسى Date: 08-26-2015, 02:53 PM
في الواقع أخي عمر أجمل ما نظم في الأغنيات السودانية ليس أبيات بعينها بل قصائد كاملة... مثل:
قصيدة مي التي تغني بها ابن البادية أسراب الحسان وتغنى بها سيد خليفة أنا والنجم والمسا والدرب الأخضر ولا وحبك وتغنى بها عثمان حسين بحر المودة كلمات السر عثمان الطيب وتغنى بها محمد جبارة
والقائمة تطول... تطول
Post: #32 Title: Re: من اجمل ما نظم في الاغنيات السودانية Author: عثمان الأمام Date: 08-26-2015, 02:58 PM Parent: #31
غايتو أمشى في الدرب البطابق .. فيه خطوك صوت حوافرك ... يا فرس كل القبيلة تلجموا .. ويكسر قناعاتا .. ويفر يسكن مع البدو في الخلا .. ما برضى غير الريح تجادلو وتقنعو..
عاطف خيري
Post: #34 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 03:08 PM Parent: #32
Quote: عاطف خيري
اخي عثمان الامام سلام
عاطف خيري ده كلامه تاني زي ما قالوا الجماعة سيدي نضمه سمح بس ما بتفهم هههههه
والراحل مصطفي سيد احمد ود المقبول لم يغني الا الدر الفريد من القصيد له الرحمة
Post: #33 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 03:05 PM Parent: #31
Quote: ي الواقع أخي عمر أجمل ما نظم في الأغنيات السودانية ليس أبيات بعينها بل قصائد كاملة
تحياتي محمد الامين موسي نعم الكثير من القصائد تشكل جمالاً كاملاً في مكتبة الاغنية السودانية
ولكن احياناً تستوقفنا بعض الابيات ولو حتي بيت واحد نعتبره ديواناً كاملاً بل ويكتسح من امامه كل ما نظم
اكرر تحياتي
Post: #35 Title: Re: من اجمل ما نظم في الاغنيات السودانية Author: مهند سوركتي Date: 08-26-2015, 03:39 PM Parent: #33
أظل اردد الشكوي لما لاقيت من وجدي حبيب الروح لا أقوي علي حمل الهوي وحدي ولما لم أجد سلوي كسرت ابريقي والدنا سكبت علي الثري كأسي *** وداعا روضتي الغناء وداعا معبدي القدسي كل الغنا السوداني القديم سمح
Post: #36 Title: Re: من اجمل ما نظم في الاغنيات السودانية Author: مهند سوركتي Date: 08-26-2015, 03:44 PM Parent: #35
اهديكم هذا اللحن الرائع
Post: #37 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 03:46 PM Parent: #35
Quote: كل الغنا السوداني القديم سمح
بالحيل يا ود سوركتي
Post: #38 Title: Re: من اجمل ما نظم في الاغنيات السودانية Author: Hafiz Bashir Date: 08-26-2015, 03:59 PM Parent: #37
أغالط نفسي في أصرار وأقول يمكن أنا الماجيت
Post: #39 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-26-2015, 04:39 PM Parent: #38
Quote: غالط نفسي في أصرار وأقول يمكن أنا الماجيت
وصلت يا حافظ بشير ولك مني التحية
Post: #40 Title: Re: من اجمل ما نظم في الاغنيات السودانية Author: محمد الكامل عبد الحليم Date: 08-26-2015, 06:31 PM Parent: #39
نغم الساقيات حرك اشجاني واهاج الهوي أنين السواقي
Post: #41 Title: Re: من اجمل ما نظم في الاغنيات السودانية Author: bakri abdalla Date: 08-27-2015, 06:37 AM Parent: #40
عمرالفاروق يا فنان رايك شنو في الكلام ده
أنساك ومن ذاكرتي بمحاك لو تاني الزمن جابك ... .. . إلى آخره
جننا و جن البكا _______________ لكن بني و بينك مرات البكا في ليهو لزوم
Post: #42 Title: Re: من اجمل ما نظم في الاغنيات السودانية Author: الامين محمد علي Date: 08-27-2015, 07:20 AM Parent: #41
نايمة او كان صاحية حال جلوس ووقوف** شوفو لاحم ديما ومِنّو مالى براح
تحيايت الامين محمد علي
ابراهيم العبادي وابو صلاح وسيد عبد العزيز وعبيد عبد الرحمن و عمر البنا ومن بعدهم عبد الرحمن الريح وعتيق هؤلاء أصحاب المعلقات السبع في كعبة الحقيبة والبقية يطوفون حولهم
Post: #53 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-27-2015, 09:20 AM Parent: #41
Quote: جننا و جن البكا
اخوي بكري عباس "تبكي بس"!
Post: #43 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-27-2015, 07:40 AM Parent: #40
محمد الكامل عبد الحليم تجلي الكابلي في هذه الاغنية لحناً اما شاعرها توفيق صالح جبريل سكبها ابداعاً
Post: #55 Title: Re: من اجمل ما نظم في الاغنيات السودانية Author: Muammar Abass Elhassan Date: 08-27-2015, 09:31 AM
Quote: هو يسو في الغلط وانا اسو كتر خيرو
جنس كسير يا معمر عباس
هاهاهاهاهاهاها عمر الفاروق آ خوي زولك دا واصل مراحل بعيدة خلاص، وجنس الكلامات دي يوم بتكتل ليها عاشق غايتو .. انا ما بقدر عليها يا هي يا الغربة ههههههههههه . . كنت برايا و جاني حنين الكون اتكوم غور غور جوة في صدري و اتمنيت لو كنتي معاي (محمد المهدي عبد الوهاب)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ وليسَ لنا فِي الحنين يَد، وفي البُعد كان لنا ألف يَد، سلامٌ عليك، إفتقدتكَ جدًا .. وعليّ السَلام فِيما إفتقِد !. (درويش)
Post: #44 Title: Re: من اجمل ما نظم في الاغنيات السودانية Author: اسلام عبد الرحمن عمر Date: 08-27-2015, 08:31 AM Parent: #1
وتمشى معااااااى وسط روحى
وتمشى ومعاااااى وتروحى
ولا البلقاهو بعرفنى
ولا بعرف معاااااااك روحى
Post: #46 Title: Re: من اجمل ما نظم في الاغنيات السودانية Author: بشير حسـن بشـير Date: 08-27-2015, 08:45 AM Parent: #44
. . . الأخ / عمر الفاروق
كثيره هي درر الغناء السوداني وقد يصعب الحصر
ولكن في رائعة إدريس جماع التي غناها سيد خليفه قيل عن هذا البيت بأن الذي صاغه سبق الأولين والآخرين في حسن ودقة وصعوبة الوصف
أنت السماء بدت لنا وإستعصمت بالبعد عنا هلا رحمت متيما عصفت به الأشواق وهناً
مع التحيات الزاكيات لك ولضيوفك الكرام . . . . . .
Post: #52 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-27-2015, 09:17 AM Parent: #46
Quote: ولكن في رائعة إدريس جماع التي غناها سيد خليفه قيل عن هذا البيت بأن الذي صاغه سبق الأولين والآخرين في حسن ودقة وصعوبة الوصف
أنت السماء بدت لنا وإستعصمت بالبعد عنا هلا رحمت متيما عصفت به الأشواق وهناً
لك التحية بشير
ادريس محمد جماع هذا الخرافي يسكنه جن الشعر
Post: #50 Title: Re: من اجمل ما نظم في الاغنيات السودانية Author: ياسر السر Date: 08-27-2015, 09:03 AM Parent: #44
انت السماء بدت لنا واستعصمت بالبعد عنا شارعنا المرحوم ادريس محمد جماع ذلك العبقري
-- يا سقات الكأس من عهد الرشيد مالي كاسي ظمأً ابدا وحيد ونديمي قد سرى نجما مع الافق البعيد حطم الكاس وولى وانطفا نجما تلالاْ شفة عطشى واخرى هي كاسي خمرها نارا وجمرا وليتني لو ............ --- كلمتي المست غرورك وفرقتنا يا حبيبي مش خلاص كفرته عنها بي تسهدي وبي نحيبي
---- كم سهرت الليل وكم سالت دموعي والعمر افنيتو ابحث عن وديعي ----
فااات الاوان والانكتب على جبينا الليلة بان ,, وفضلت اتحسر واقول ليه ما عرفتك من زمااان ,,, التحية لشاعرنا الكبير محمد يوسف موسى \ --- انا مهما افصح عن مشاري برضو بيخوني الكلام .... قولة بحبك ما بتكفي وكل كلمات الغرام ويا منتهى الرد ومبتداه ...
التحية لشاعرنا التجاني حاج موسى ---- مصايرنا تحيرنا ,, مسكينا تاني بتجربنا نقيف نتامل الماضي كتير دمعاتو تغمرنا ... اه مصايرنا اجافيك لالا لالا انت حياتي بي حالا .. من اشواقي كل الناس تشيل اشواقي بي حالا --- لما تشتاق للمشاعر تنسجم تلمس حريرا .. ولما تشتاق للعواطف تملا دنياك بي عبيرا --- حاولت انساك وقلبي زاد في جروحو ... وريني كيف الحي بودع روحو ..
---- باتت نجوم الليل سهرانه ترنو اليا .. ساهرة ودموعا تسيل حزنانه من البيا ,, اكاد اشوفا تميل تمسح دموع عينيا ... يا غايبة من العين وصورتك في الفؤاد طاويها .. --- يا ليل صار ليك معاهد طرفي اللي منامي زاهد ,, دنى لي سهرك واشاهد فوق لي نجومك ظنوني ,, ويا ليل ابقالي شاهد على نار شوقي وجنوني .. ----- يا خليل دقق الجمال والزوق فيه امتحقق .. الكفيل عالي ,,, والحشا مرقق ,, والقديم في الحوش كان مشى يبقق ,,, يابا عجل بي قبل تلفاني .. صرت الكفاني وسحت اجفاني يابا عجل بي قبل تلفاني ... --- ياخي باختصار كل الغناء السوداني القديم والحديث الرصين وغناء جيل الرواد كلو حلو وجميل حد الثمالة ,,
ولي عودة ..
تحياتي : ياسر العيلفون
Post: #54 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-27-2015, 09:24 AM Parent: #50
Quote: لما تشتاق للمشاعر تنسجم تلمس حريرا .. ولما تشتاق للعواطف تملا دنياك بي عبيرا
ياسر العيلفون حبابك
في انتظار المزيد من الابداع اخي ياسر
Post: #51 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-27-2015, 09:08 AM Parent: #44
Quote: وتمشى معااااااى وسط روحى
وتمشى ومعاااااى وتروحى
ولا البلقاهو بعرفنى
ولا بعرف معاااااااك روحى
اسلام عبد الرحمن سلام
بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا
عمر الطيب الدوش سيد الحوش في المفردات المنتقاة العذبة رحمه الله
Post: #45 Title: Re: من اجمل ما نظم في الاغنيات السودانية Author: اسلام عبد الرحمن عمر Date: 08-27-2015, 08:34 AM Parent: #1
عطشتي قلبي وكل يوم تتجملي أديني كلمة وسامحيني وطَوّلي
Post: #49 Title: Re: من اجمل ما نظم في الاغنيات السودانية Author: مني عمسيب Date: 08-27-2015, 08:56 AM Parent: #45
ود الفاروق ايها الناضح دومآ جمالا .
صباح الجمال والفن البرد الروح ..
كسلا اشرقت بها شمس وجدي فهي في الحق جنة الاشرااااااق كان صبحآ طلق المحيــا نديـــــــــآ اذ حللنــــــــا حديقـــــة العشــــــــاق
توفيق صالح جبريل طيب الله ثراه .
تعيشوا جميعآ وتنضحوا جمالآ .
**************** ابدآ ما هنت يا سوداننا يومآ علينــــــــــــــــــــــا
Post: #57 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-27-2015, 03:09 PM Parent: #49
Quote: كسلا اشرقت بها شمس وجدي فهي في الحق جنة الاشرااااااق كان صبحآ طلق المحيــا نديـــــــــآ اذ حللنــــــــا حديقـــــة العشــــــــاق
توفيق صالح جبريل طيب الله ثراه .
تعيشوا جميعآ وتنضحوا جمالآ .
انت تثني مداخلة سابقة وكلنا في حديقة العشاق زوار
مني عمسيب شكرا يا جميلة
Post: #47 Title: Re: من اجمل ما نظم في الاغنيات السودانية Author: اسلام عبد الرحمن عمر Date: 08-27-2015, 08:51 AM Parent: #1
اقابلك .. وكلى حنيه
واخاف من نظرتك لى ..
واخاف شوق العمر كلوووووو
يفاجئك يوم فى عينى
وراء البسمات كتمت دمووووع
بكيت من غير تحس بى
ومصيييييرك بكرا
تتعلم .. ترا رام تر رام تراا
وتعرف كيف يكون الريد
ولية الناس بتتالم
ياسلاااااااااااااااام ياخ
بوست جاء للواحد فى جرح ... شكراً عمر الفاروق على فكرة البوست الجميلة
Post: #56 Title: Re: من اجمل ما نظم في الاغنيات السودانية Author: dardiri satti Date: 08-27-2015, 11:31 AM Parent: #47
ومن أجمل وأبدع ما قيل في الشعر العربي .... على الإطلاق - إن لم أكن مبالغاً -
متى أيامي .....تصفو عيني الساهرة....تغفو لي رؤية جمالك... دايماً قلبي... يهفو وما كان عهدي بيك يا سيد روحي...تجفو.
عبد الرحمن الريح
تحياتي
Post: #59 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-27-2015, 03:22 PM Parent: #56
Quote: متى أيامي .....تصفو عيني الساهرة....تغفو لي رؤية جمالك... دايماً قلبي... يهفو وما كان عهدي بيك يا سيد روحي...تجفو.
عبد الرحمن الريح
مرحبا درديري ساتي
عبد الرحمن الريح وما ادراك ما عبد الرحمن الريح من ساكني وادي عبقر حي العرب ينظم الشعر يسقيه لحناً ومن ترانيمه خرّج لنا الكبار من المغردين بها
Post: #79 Title: Re: من اجمل ما نظم في الاغنيات السودانية Author: Gaafar Ismail Date: 08-30-2015, 02:25 AM Parent: #56
الأستاذ درديري ساتي ياخ انت ذوقك رفيع -- متى أيامي .....تصفو عيني الساهرة....تغفو لي رؤية جمالك... دايماً قلبي... يهفو وما كان عهدي بيك يا سيد روحي...تجفو.
Post: #58 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-27-2015, 03:16 PM Parent: #47
Quote: وراء البسمات كتمت دمووووع
بكيت من غير تحس بى
يا اسلام الجماعة قالوا البكا كتر تب
Post: #60 Title: Re: من اجمل ما نظم في الاغنيات السودانية Author: سفيان بشير نابرى Date: 08-27-2015, 04:37 PM Parent: #58
سلام لصاحب البوست و للجميع هنا و سلام خاص ومربع لاخي وصديقي الحبيب اسلام عبد الرحمن .
الرهيف قلبُه بيعيش في شكو اكتر من يقينو
انا والاشواق في بعدك بقينا اكتر من قرايب ما بنغيب عن بعض ابداً ابداً زي اعز اتنين حبايب .
طبعاً بالنسبة لي انا كل مفردات الاغنية السودانية تسكن الارواح وطبعاً مافي داعي اوضح قصدي باني اقصد ياتو اغنيات وياتو زمن لان الاغنيات في زمن التاتار المغول معروفه .
Post: #61 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 08-27-2015, 04:56 PM Parent: #60
Quote: الرهيف قلبُه بيعيش في شكو اكتر من يقينو
انا والاشواق في بعدك بقينا اكتر من قرايب ما بنغيب عن بعض ابداً ابداً زي اعز اتنين حبايب .
سلام سفيان بشير
كلام رهيف شفيف يدخل الشغاف
Post: #62 Title: Re: من اجمل ما نظم في الاغنيات السودانية Author: احمد حمودى Date: 08-27-2015, 05:25 PM Parent: #61
قوموا خلو الضيق فى الجناين
شوفوا عز الصيد فى العساين
Post: #63 Title: Re: من اجمل ما نظم في الاغنيات السودانية Author: محمد المرتضى حامد Date: 08-27-2015, 05:27 PM Parent: #61
الناس البيحلفوا بالإبتسامه ما تنسوهم يا ود عبدالله..
Post: #64 Title: Re: من اجمل ما نظم في الاغنيات السودانية Author: سفيان بشير نابرى Date: 08-27-2015, 06:06 PM Parent: #63
يا مولانا ود المرتضي ياخ نحنا السودانيين ديل عندنا من المورث الغنائي في كل اتجهات بلادنا دي ما يحنن اقسى القلوب مع مفردة عامية عجيبة و الاعجب لما يقعدوا يصغرو ليك في الحاجات اعوووذ بالله من دا جن بالله عليك ادقش جنوب كردفان جيب منها الالاية ضي الرتينة ولا ادقش دارفو جيب منها اي حاجة للبرتي او الفور او اي قبيلة ولا ادقش محل عايز جنوب او نيل ازرق حتت التلاته بنات اللابسات تياب و مقنعات ديك اما الشرق و الشمال براكم عارفين . الاغنية السودانية دي حكايتها براها و صراحة السودان دا ذاتو كبلد ما سمح كلو كلو الا في الاغنيات البتتكلم عنو ذاتو .
Post: #65 Title: Re: من اجمل ما نظم في الاغنيات السودانية Author: Basamat Alsheikh Date: 08-27-2015, 07:03 PM Parent: #64
غايتو مفردة": غضبك جميل زي بسمتك" دي اجمل منها مافي...
شكرا لكم جميعا فقد حلقتم بنا في دنيا الجمال والامل ودمتم بالف خير وصحة وعافية
Post: #66 Title: Re: من اجمل ما نظم في الاغنيات السودانية Author: عبدالعزيز الفاضلابى Date: 08-27-2015, 09:48 PM Parent: #65
دنيا الريد غريبة دنيا الريد غريبة سر ما بنفهمو ناس افراحها زايدة وناس يتالمو ****** نبكي الليلة منو وبكرة الشوق يزيد وا طول الليالي للزول البريد ****** ناس من كلمة عابرة كل الريد يهون وناس في الريد تضحي بالروح والعيون ******* كنا بنشكي ليك وكان قلبك حنين وانت ظلمت ريدنا عاد نشكيك لمين ******* دنيا الريد سعادة ودنيا الريد عذاب ناس تجني المحنة وناس تجني السراب ******* فيك يا ريدنا عشنا وضقنا هناك ومرك وتاهت فيك قلوبنا وما عرفناه سرك تشقي وترضي فينا وتسوي البسرك بس قولي لينا ايه السر في سرك
Post: #67 Title: Re: من اجمل ما نظم في الاغنيات السودانية Author: إسماعيل حسن Date: 08-28-2015, 04:47 AM Parent: #66
الفاروق سلام وتحية وياسلام عليك على البوست الجميل أعيشهْا معاكَ لو تعْرف
دموع البهجة والأفراح
أعيشهْا معاكَ واتأسّف
على الماضي اللي ولَّىَ وراح
على الفرقة الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
الف رحمة علي الدوش ووردي
Post: #68 Title: Re: من اجمل ما نظم في الاغنيات السودانية Author: إسماعيل حسن Date: 08-28-2015, 04:58 AM Parent: #67
سلام عليك يا عمر وضيوفك عليك الله شوف دي هـجرة عـصافير الـخريف فـى مـوسم الـشوق الحلو هـيج رحـيلا مـع الـغروب احـساس غـلبنى اتـحملو وكتمت اشواق الحنـيـن داير الدموع يتـقـلـو ورجعـت خليت الـدموع يـنسابو ..مـنى ويـنزلو ليـه يا عصافيـر الخريف خضرة مـشاعـرى اشيلا صيف
تعظيم سلام للحلنقي
Post: #69 Title: Re: من اجمل ما نظم في الاغنيات السودانية Author: يحي قباني Date: 08-28-2015, 05:19 AM Parent: #68
سلام يا عمر ...
من اجمل ما قيل في الشعر الغنائي ما قاله كامل عبد الماجد ...
Post: #70 Title: Re: من اجمل ما نظم في الاغنيات السودانية Author: معاوية الزبير Date: 08-28-2015, 05:57 AM Parent: #69
يا قلب انا كنت قايلك تبت من تعب السفر ومن مخاواة القماري ومن شراب موية المطر تاريك لابِد ليّ ... بي شيتاً كُتر
ياقليب ما لك عليّ.. ما إنت عارف نقطة الضعف القديمه وزيي ضايق الارتعاش...
يا قليب ياما سرحنا مرة جينا وألف رحنا ومرة شاي عصرية في طرف الغمامه ومرة دوبيت للمحنه ومرة منديل مسقي حنه ومرة حاجاتاً أجنّ وانحناءات للحمامه جايي تسألني الدباره يا قليب مافيش دباره لا المراكب قادره تكسح في النزيف ولا نحن شايفين الفناره
للراحل محمود محمد مدني أخرج القصيدة للشمس المبدع عركي
Post: #71 Title: Re: من اجمل ما نظم في الاغنيات السودانية Author: محمد الكامل عبد الحليم Date: 08-28-2015, 06:19 AM Parent: #70
بعد الوعود وقد تلاشت وانطوت
بعد البراعم في أكمتها ذوت
بعد العناد وقد توشح بالظنون
ماذا يكون حبيبتي ماذا يكون؟ ......................الي الدكتور حسن عباس صبحي في عليائه والي الكابلي في أنغامه الساحرة
Post: #72 Title: Re: من اجمل ما نظم في الاغنيات السودانية Author: فتحي الصديق Date: 08-28-2015, 06:38 AM Parent: #71
معاك اتبرجت غيمة شهق جوايا صوت جدول مرقتا على المطر حفيان لقيتك والرزاز مدخل وناديتك أقيفي معاي نشيل كتف الغنا الميل
وغنيتي ورشحتا حلقك لي اذاعات الشدر والمنتظر من عودة المدعو المطر
-------------------------------------------------- يا عمر نحن السودانيين عندنا قدرات ما عادية في نظم القصيد الدارج .. عاين للكتبو عاطف خيري دا , وعاين للشعراء المبدعين القبليهو , وما كتبوا , وأحكم .
Post: #73 Title: Re: من اجمل ما نظم في الاغنيات السودانية Author: معاوية المدير Date: 08-28-2015, 07:26 AM Parent: #72
مآل فِريّعك بآني فيهِ بدري وظُلّمة وفِيهِ رِدفاً بآني في هوآك يا جميل العذاب سرآني .
القمر بينات الضفاير .
قلت أرحل .. أسوق خطواتي من زولاً نسى الإلفة أهوِّم ليل أساهر ليل أتوه من مرفى لي مرفى ابدل ريد بعد ريدك(حبك) عشان يمكن يكون اوفي رحلت وجيت في بعدك لقيت كل الأرض منفى عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيدا غشاني وفات عاد عمّ البلد أعياد وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد رحلت وجيت في بعدك لقيت كل الأرض منفى زمان الفُرقة والتجريح بسِيبُو عشان تشيلو الريح بسيبو عشان صحيح الذكرى بتّوِّه عمرنا صحيح وانتِ معايا لا بندم ولا بقضي العمر تبريح أصلو العمر شوقا كان ، حزنا كان وصبرا كان فسيح وفسيح أصلو العمر كان دربا مشيتو كسيح وكان غرسا سقيتو بكى وقبضت الريح رحلت وجيت في بعدك لقيت كل الأرض منفى ...
شاعرنا الفحل عمر، سلآمات ...
Post: #74 Title: Re: من اجمل ما نظم في الاغنيات السودانية Author: مني عمسيب Date: 08-28-2015, 09:23 AM Parent: #73
صباح الحب والجمال ... لجميع المحبين والبدون .
يا شباب جيبوا لينا مبخر للبوست دا بخرو لينا ..
يا ود الفاروق وجميع المحبين .. كدي اسمعوا معاي ود الرضي في ( جارو اهلك دي )
وركزوا في ( زولو يوزن مليون نفر)! غايتو دي فات فيها المبالغة بهنوك ههههه!
Post: #75 Title: Re: من اجمل ما نظم في الاغنيات السودانية Author: محمد الكامل عبد الحليم Date: 08-28-2015, 11:29 AM Parent: #74
تحية
مثلما تجلي ود الرضي في توصيف المحبوب بل جعله جاذب لكل شارد من الحسن(فيهو شارد الحسن استقر) تجلي طارق ابوعبيدة في التنغيم وتلوين الظلال بلحنية صوته الأسر...
علي منوال رواد الحسن من جيل ود الرضي هل نرتوي أم نظل معهم في ظمأ للمزيد:
(يا مداعب الغصن الرطيب...بدلالك اذدهت الزهور....زادت جمال ونضار وطيب) ...
Post: #76 Title: Re: من اجمل ما نظم في الاغنيات السودانية Author: أحمد محمد عمر Date: 08-28-2015, 04:20 PM Parent: #75
قال في وصفك لما بنتي أحلى منك برضو إنتي
_________________
أدت الأمواج بسيمة غير النيل انحدارو
_______________
بتطلعي إنتي من صوت طفلة وسط اللمة منسية
_______________
حاجة زي نقر الأصابع لما ترتاح للموسيقى
_______________
رحلت وجيت وفي بعدك لقيت كل الأرض منفى
_______________
لك من فؤادي باقة الحبّ الحنون لك من عيوني دمعة المزن الهتون لك من جنوني، يا جنوني، ألف لون لك من فؤادي ما يكون و لا يكون و لك السلام و لهفتي و تساؤلي: ماذا يكون حبيبتي؟ ماذا يكون؟
__________________ كنت عاوز أطلع شوية من الشعر المغنى وأضيف مقاطع من بلاغة حميد في قصيدة السرة بت عوض الكريم بدءً من جات داخلة زي مرقة غضب من جوف حليم .. لما بديت ألقط في المقاطع لقيت القصيدة كلها بليغة حميد دربه براهو وبلاغته في كفة وبلاغة شعراء السودان مجتمعين في كفة تانية
Post: #77 Title: Re: من اجمل ما نظم في الاغنيات السودانية Author: Nasr Date: 08-28-2015, 06:00 PM Parent: #76
إنتي دايما زي سحابة الريح تعجل برحيلها عيوني في الدمعات وحيلة أسمحيلها تشوف عيونك أسمحيلها أنا لا الصبر قادر عليه ولا عندي حيلة
كتبها محجوب شريف وغناها وردي الله يرحمهم جميعا
يا جميلة ومستحيلة
Post: #78 Title: Re: من اجمل ما نظم في الاغنيات السودانية Author: Nasr Date: 08-28-2015, 06:05 PM Parent: #77
تشهد الأيام تشهد الأيـــــــــــــــــام يشهد الليــــــــــــــــــــــــل و النحيب و النحيــــــــــــــب عمري كلو عشتو وحيـــــــد وحدي كالغريـــــــــــــب قلبي عـــــــــاشق و دربي خالـــــــــــــــــــــــي من حبيـــــــــــــــــــــــب لكن يا حبيبي من يوم ما شفتك قلبي للدنيا إبتســــــــــــم أشرقت دنيـــــاي و فارق دربي هم رحت ألقاك في منامي و بيك أحلم
أظن أن شاعرها فضل الله محمد غناها محمد الامين وما أظن في فنان بعده حاول والله أعلم
Post: #80 Title: Re: من اجمل ما نظم في الاغنيات السودانية Author: اخلاص عبدالرحمن المشرف Date: 08-30-2015, 04:30 AM Parent: #78
Post: #81 Title: Re: من اجمل ما نظم في الاغنيات السودانية Author: munswor almophtah Date: 08-30-2015, 05:19 AM Parent: #80
Post: #82 Title: Re: من اجمل ما نظم في الاغنيات السودانية Author: dardiri satti Date: 08-30-2015, 05:47 AM Parent: #81
Quote: وأنسى العتــــــــــــــــاب الكنت ناوى أقولو وأرجع منهزم وكتين يبالغ ويبتسم الدنيا ياناس تنقسم الفرحه تملاها وتزغرد فيها والشوق يرتسم
(الدنيا يا ناس تنقسم!!
تعرف يا أستاذ قباني ، كنت دايماً بقول في نفسي إنه يا ناس دي من أجمل الكلمات في الأغنية وإنه أخونا كامل عبد الماجد قلب فيها الهوبة عديييييييل كدا!!!! تصور عامية الكلمة ... وكيف إنها زادت الجملة حلاوة دي كلمة عامية مغرقة في عاميتنا الشفاهية وفي ونستنا الجميلة ، استقبح النقاد كلمة أيضاً ولكنهم اكتشفوا حلاوتها عندما قال الشاعر: فأنا بالجوى أعرفها وهي - أيضاً - بالجوى تعرفني الدنيا ، يا ناس ، تنقسم !!! حلوة ....... ياناس !!!!
تحياتي
Post: #84 Title: Re: من اجمل ما نظم في الاغنيات السودانية Author: يحي قباني Date: 08-30-2015, 05:56 AM Parent: #82
Quote: تعرف يا أستاذ قباني ، كنت دايماً بقول في نفسي إنه يا ناس دي من أجمل الكلمات في الأغنية وإنه أخونا كامل عبد الماجد قلب فيها الهوبة عديييييييل كدا!!!!
درديري الكباشي الزول الفنان الملان جمال ..
هاك اسمع و ما تدي الجنبك ...:).
Post: #86 Title: Re: من اجمل ما نظم في الاغنيات السودانية Author: جلالدونا Date: 08-30-2015, 06:07 AM Parent: #82
الرهيف قلبو بعيش فى شكو اكتر من يقينو تن تن تررراراام تستبيهو .. ياااخى تستبيهو دى تفّور اللبن بلا نار امنت بالله ياخ
Post: #85 Title: Re: من اجمل ما نظم في الاغنيات السودانية Author: اخلاص عبدالرحمن المشرف Date: 08-30-2015, 06:01 AM Parent: #81
مع انو بوست الفاروغ الا انو رائع وجميع العشاق ال غنو هنا محرومين عدا يللا وتعال يللا ديل عائشين وفرحانين مني بنت عمسيب غايتو اختيارك روعة اما هو بسوي الغلط وانا اسوي كتر خيرو ف ابداع
Post: #83 Title: Re: من اجمل ما نظم في الاغنيات السودانية Author: صديق الموج Date: 08-30-2015, 05:50 AM Parent: #80
يا زول اسمع النضم ده دحين: بهرب منك لى لقاك وبحاول من اجلك انساك امهد ليك تتخلص منى القى خطاى تجمعنى معاك......... (الطاهر ابراهيم.....اعز عزيز)
انا لى لقاك صادى لو فى الخيال راضى خصمى هواك يا وديع من ياترى القاضى؟؟؟؟؟؟؟؟؟؟؟؟؟ (الامى..زرعوك فى قلبى)
كل معصم جدلة والكفيفات غوف والكتيف الهادل بالكفل مشغوف نايمة او كان صاحية حال جلوس ووقوف فيه لاحم ديمة منه مافى براح العبادى..........فروع الحنة
وفى زول هناك قولة سلام تبقالو روح هاشم ميرغنى....زول هناك
وبمشى وبجيك صاااااااد،،،
Post: #87 Title: Re: من اجمل ما نظم في الاغنيات السودانية Author: ولياب Date: 08-30-2015, 09:14 AM Parent: #83
يا زول يا جميل ، شوف جمال الكلمات دي .
نظرة في مرأة خدودك احلي من كسبت ميعــاد يا جمال ياعاطفة صادقة انت بتحب العنـــــــاد ولا بتحاول بي دلك تشغل الروح والفــــــــــــؤاد احكي لي قصة غرامك كيف بديت حبك زمان كيف بديت بالحب كلامك يا ينابيع الحنـــــــان كنتا بتبادل المحبة ولا بتعاند الاحبــــــــــــــــة
Post: #102 Title: Re: من اجمل ما نظم في الاغنيات السودانية Author: dardiri satti Date: 09-02-2015, 07:01 AM Parent: #87
Quote: درديري الكباشي الزول الفنان الملان جمال ..
درديري الكباشي الزول الفنان الملان جمال ..
الكباشي!!!
كباشي عديييييل كدا يالقباني؟؟
تنحياتي
Post: #104 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-02-2015, 08:31 AM Parent: #64
لكم جميعاً غنا سوداني اصيل
Post: #88 Title: Re: من اجمل ما نظم في الاغنيات السودانية Author: اسلام عبد الرحمن عمر Date: 08-30-2015, 10:30 AM Parent: #1
Post: #89 Title: Re: من اجمل ما نظم في الاغنيات السودانية Author: مني عمسيب Date: 08-30-2015, 10:52 AM Parent: #88
ود الفاروق يا ملك الذوق والتذوق ..
لك التحية الصباحية بنكهة الروعة والجمال .وللعابرون حديقة العشاق .
يا غاية الآماااااااااااال لو دعاك الشوق ما كان نسيتنا زمان انت الحنان والذوق .
Post: #90 Title: Re: من اجمل ما نظم في الاغنيات السودانية Author: عبد العزيز محمد عمر Date: 08-30-2015, 11:08 AM Parent: #89
اتعلمنــــــــا من ريــــــــــدا نحب الدنيـــــا ونريــــــــــدا ونــــرحل في عيون النـــاس نشيل لي كــــل زول ريـــدة لمــا لقينــــا عينيـــــــــــها لقيــنا الدنيــــا وافراحــــــا للآمـــــال فتحــــــــنا دروب لي أحلامنـــا كم ساحــــــــة غريبــــة الدنيــــا جمعتنــــا وبقــــولو عليها رواحــــــــة وجـــــــانا الريــــــــد يعلمنا نعيش الدنيـــا بالإحســــــاس نســــامح بي قليب طيــــــب نشيل الريـــد في كل النــاس عرفنا الريـــدة في الطيبــــة وحلاوة الريدة في الإخـــلاص يـــاريت كــــــل زول تايـــــه يلاقــــــي الريـــدة في دربــو عشـــان النـــاس تحب النــاس وزي عينيـــــــــنا يتحــــــبو ما اصـــلو البزورو الريــــــــد حب النــــــــــاس بزور قلــــبو
Post: #91 Title: Re: من اجمل ما نظم في الاغنيات السودانية Author: Gaafar Ismail Date: 08-30-2015, 03:07 PM Parent: #89
الشرف لاح نوره خليل فرح
الشرف لاح نوره وازدان سر قلب القاصي والدان يا نديم قوم بينا عجلان نصطبح آرام وغزلان الفرص معروضة للآن ما في خيرا جابو كسلان أطرى زولا عوده كالبان والضمير الهافي غلبان ديسه من الخُمرة شربان والفواطر تسكب ألبان يالهواك خلاني ميدان للشدايد ماني شردان اترقط من راسي بردان كم شجيتني ورحت حردان *********************************** أم عجن قاسية ودودة ما بتريم دايما صدوده با نديم لا تفوت حدوده النظر بجرح خدوده ********************************* الوسيم النوّر الحوش شفته يضوي العتمة في البوش إن سمعت غناها بتهوش وإن رايتها بتبقى مهبوش ********************************* الشباب الدابه قايم خلّى كل زول قلبه هايم شفته وسط الدارة عايم اختفى وخلاني حايم يالخضرة الحوضه عايم سيده سايق الليل ونايم اقبعي وقودي التمايم خجلي صدور الحمايم ********************************** قام زرق ريقه وتمضمض العسل في سوقه حمّض التفت نور خده أومض استحى التفاح وغمّض *********************************** الشباب الصاينه ربك كله يا احمد محتفل بك خلي بالك وهدي طبعك اوعى تغفل ياخدو قلبك ********************************** حفلة زي الروضة ماهلة كلها عيون ناعسة كاحلة يا إلهي عقولنا ذاهلة سيرة ام دي جنينة راحلة ************************************* نحن شوفنا العودة ميسان والعيون الكاتلة فرسان شفنا نرجس حيفا نعسان والملايكة في صورة انسان ************************************* يا إمام أنعم وامرح كل حاسد طرفه سرح السعادة لقيته تمرح يا إمام إتهنى وأفرح *************************************
Post: #92 Title: Re: من اجمل ما نظم في الاغنيات السودانية Author: معاوية الزبير Date: 08-30-2015, 04:42 PM Parent: #91
غايتو صاحب البوست بعد المداخلات الما رد عليها دي كلها إلا يجي يبشّر ويطلع
Post: #93 Title: Re: من اجمل ما نظم في الاغنيات السودانية Author: درديري كباشي Date: 08-31-2015, 09:48 AM Parent: #92
وعزمي احمد خليل حين قال : ما لقينا في عيونك ذكرى (ساكت) للمحبة ..
توظيف مفردة سودانية خالصة حتي تعطي المعني حميمية سودانية تعتبر من المحليات بضم الميم للشعر المحلي
تحياتي يا عمر و كل الضيوف الكرام إضافة لكلامك أعلاه أحياناً المفردة السودانية تأتي على حساب تكسير القواعد الأساسية للغة العربية و تكون بغاية الجمال بل حتى إذا فكرت تنطقها بصورة لغوية صحيحة لوجدتها غير مستساغة و هنا الشاهد في أغنية قلت ارحل مقطع أسوق خطواتي من زولاً نسى الألفة. فمعلوم بداهة أنّ من حرف جر و لكن كلمة زولاً لا تستساغ الا مفتوحة و بالتنوين كمان شفت كيف.
Post: #95 Title: Re: من اجمل ما نظم في الاغنيات السودانية Author: Ahmed Yassin Date: 08-31-2015, 08:15 PM Parent: #94
ابدل ريد بعد ريدك.....عشان يمكن يكون اوفى التجاني سعيد ...و.. وردي هذه اﻻغنية مكتملة العناصر هي ايقونة الغناء السوداني قلت ارحل....ارحل اذا حاولنا تحليل اﻻغنية دي ما اظن نوفي كل التغاصيل في الكلام واللحن واﻻداء وحنى المقدمة او اﻻستهلالية ااتي تشبه الى حد بعيد استهلالية الطير المهاجر ونفس حب الوطن الجارف
كل العناصر الموسيقية مكتملة توزيعا ورجعا وترديدا واللزمات الموسيقية كاملة اﻻركان ...خاصة مجموعة الوتريات قلت ارحل دلالة على عبقرية وردي اللحنية
Post: #96 Title: Re: من اجمل ما نظم في الاغنيات السودانية Author: معتصم الطاهر Date: 08-31-2015, 10:25 PM Parent: #95
Quote: Ø ا مولاي أه من غلبي من النارو حرقت قلبي
يا مولاي بشكيلك شقاي و غلبي حظي الديمة من ريد الأنيس جافلبي طالت السفرة و إتحفت مناسم تلبي هب الريد وعاودك الحنين يا قلبي
مالك نفسي مطعونة تملي تنيني مالك عيني لي الغميد أبيتي تليني عطشان ديما طفح الموية ما برويني كاتلاني الطريفية البريدا قريني
الناس عيدت مرقت علي أصحابا و أنا فريت علي الجاهلة السمح ترحابا فاطرًا يحكي براق البدودي سحابة دي لفت قلبي زي لف طرحتا اللافحابا
يتمني الدهب لو لونو يشبه لونك إشتهت الدرر لو هي تبقي سنونك مجنون ليلي حالتو أقل من مجنونك ما دام ليلي كانت في المحاسن دونك
غصباً عني فارقت الضريح لي ربي كل ما هب نسام منو زاد في جمري جرحي القرب يبري الداير يبدر عمري بدرو ليّ تغريد بلبلك يا قُمري
أخضر ليهو ضل فوقو المحاسن شرن و أفلج فاطرو زي برق السواري الكرن يتقسم مقاطع في المشي و يتحرن زي فرخ القطا الأماتو ركن و فرن
عمي الهادي نشاب البريدا ضربني قسم نومي من تيبان حيايا سلبني حاكم الصافي أبي يقبل سؤالي صدمني صبري الكان جميل جربتو و كلو غلبني
عن من أحب أنا غير خاطري فرقت هايم بي غرام عن حالتي كنت سُرقت لولا أدمعي من ناري كنت حرقت و لو ما ناري من كترت دموعي غرقت
ختت أيدها فوق إيدي انجذبت خِدرت حبيت أمشي من كُتر الطرب ما قدرت بقت الحنة بين إيدي وأيديها اندرت لولا الحنة بيني وبينها كنت ودرت
شعرك منتظم زي السلاسل فتلو وعينيك ترقِص الحجر ان بقت شافتلو الطاؤوسة قاصدة مشيكي ما عرفتلو وأعصاب الرآك أتكهربت تلفتلو
ممشوق القوام الماوجدتا مثيلو جفاهو معاى ولا محنة غيرو جافانى العزيز الكنتا ديمه نصيرو هو يسوى الغلط وانا اسوي كتر خيرو
دا شتو يا فاروف
انشى صحح المعلومة دى سريع ... وانت البعض عاملك مرجع
قال عكير الدامر قال .. ما براهو
و انت ما براك
Post: #97 Title: Re: من اجمل ما نظم في الاغنيات السودانية Author: ABUHUSSEIN Date: 08-31-2015, 11:05 PM Parent: #96
Quote: غايتو صاحب البوست بعد المداخلات الما رد عليها دي كلها إلا يجي يبشّر ويطلع
و دي اجمل مداخلة في البوست .. :) :) :)
سلام و تحايا للجميع
Post: #98 Title: Re: من اجمل ما نظم في الاغنيات السودانية Author: ABUHUSSEIN Date: 09-01-2015, 05:57 AM Parent: #97
سيد عبدالعزيز قال :- أنا بي محاسنك بفتخر وانت المحاسن سيدا
يومي الأشوفك يبقى عيد والدنيا تبقى معيدة
البدر إن شافك يزوول من الأنوار الجيدة
أما الشمس لو شافتك ترجع أسيرة مقيدة
Post: #99 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-01-2015, 06:27 AM Parent: #98
الاخوة سكان البوست الكرام
التحية لكم جميعا انتم اصحاب المنزل ونحن الضيوف وعكة بين قوسين (طارئة ) بعدتي عن التعقيب وكان تعقيبكم في غيبتي افضل واجود فلم اعد الا كما قال اخونا معاوية ود الزبير "غايتو صاحب البوست بعد المداخلات الما رد عليها دي كلها إلا يجي يبشّر ويطلع" واخد لي شبال شبالين من بت عمسيب وبت الشيخ لكم التحية جميعا ودمتم جمالاً
Post: #100 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-01-2015, 06:58 AM Parent: #99
Post: #103 Title: Re: من اجمل ما نظم في الاغنيات السودانية Author: اخلاص عبدالرحمن المشرف Date: 09-02-2015, 07:21 AM Parent: #99
مع انو بوست الفاروغ
Post: #106 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-02-2015, 08:38 AM Parent: #103
Quote: مع انو بوست الفاروغ
يابت المشرف 2000 سلام لست بالفاروغ المقصود حبيبنا عمر الفاروق حاف بالسعودية وانا اسم كامل الدسم بسلطنة عمان
برضه بنزيد ليك السلام والتحية
Post: #107 Title: Re: من اجمل ما نظم في الاغنيات السودانية Author: اخلاص عبدالرحمن المشرف Date: 09-02-2015, 08:44 AM Parent: #103
ولك العتبي حتي ترضي استاذ عمر الفاروق عبدالله الشيخ يا مولاي اه من غلبي كتبها 6 شعراء وواضح هدا في وصف المحبوبه الاول يصفها ب لون الدهب والاخر يقول اخدر فوقو المحاسن شرت
Post: #108 Title: Re: من اجمل ما نظم في الاغنيات السودانية Author: معتصم الطاهر Date: 09-02-2015, 08:56 AM Parent: #107
الاخت اخلاص المشرف ..
تحياتي ..
Quote: يا مولاي اه من غلبي كتبها 6 شعراء وواضح هدا في وصف المحبوبه الاول يصفها ب لون الدهب والاخر يقول اخدر فوقو المحاسن شرت
نعم 6 شعراء + عكير الدامر ..
و فيها كثير من الوصف ( والسفـــاهــة) والتجاوزات التى لا تخلو من ذكاء .. و سأعود لها و لأغنية( قصيدة) أنا فى التمنى لود الرضى لأثنين من أكثر القصائد " سفاهة" و الســفـــاهة هنا لا تصل "قـــــلة الأدب .."
Post: #109 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-02-2015, 08:58 AM Parent: #107
التحية للعملاقين الكابلي والطيب عبد الله بمنفاهم الاختياري بالولايات المتحدة رد الله غربتهما وغربتنا وغربة السودان
الكابلي الشاعر توسع في وصف المراة لمجال ارحب قائلاً
حَراسك يا حالم الحيا والفضيلة والحالم في ملكه زي راس القبيلة
والطيب عبد الله الشاعر ايصاً رغم مسامحته لاخطاء الحبيب المتتاليه
كم غلطت وقلبي سامح تاني يوم القاك مقصر
والله مسكينة المحبة البتمشي لناس ما بتقدر
Post: #110 Title: Re: من اجمل ما نظم في الاغنيات السودانية Author: ابو جهينة Date: 09-02-2015, 09:17 AM Parent: #98
*****
Post: #111 Title: Re: من اجمل ما نظم في الاغنيات السودانية Author: معاوية الزبير Date: 09-02-2015, 09:35 AM Parent: #110
Quote: Quote: غايتو صاحب البوست بعد المداخلات الما رد عليها دي كلها إلا يجي يبشّر ويطلع
و دي اجمل مداخلة في البوست .. :) :) :)
أيوا كدا يا أبو حسين اتصلّح معانا ياخ إن شاء الله نعلّق ليك في السمح
وكمان (ع ف ع ا) لقالو شبالين مع البِشّيره
Post: #112 Title: Re: من اجمل ما نظم في الاغنيات السودانية Author: مني عمسيب Date: 09-02-2015, 10:15 AM Parent: #111
صباح الجمال .. للناس التنضح سكر ..
الفاروق لك التحية والدعوات الصادقات بدوام الصحة والعافية .
يا اله فني ...... من اعظم ما سمعت ..
يا الهي ويا اله فني ... ( كلام عجب )!!!!!!!!!!
Post: #113 Title: Re: من اجمل ما نظم في الاغنيات السودانية Author: ابو جهينة Date: 09-02-2015, 12:33 PM Parent: #112
يا إله فني كم نَظَمْتَ قصيد ردَّد الوادي لحنها كالنشيد صَوَّرت شدوي كان صداها بعيد بين مُحب وحبيب.. كم يتم الريد حَلَّ يوم الحُب حَلَّ يوم العيد
****
كلمات من دهب شكرا بت نفيسة
Post: #114 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-02-2015, 01:22 PM Parent: #113
القليب الراسمو حنه يبدو من قلبك احنا بيه داير تمتحنا ونحن في أمرك محنا شايفو بي إحساس رسمتو وبي سهام الريد قسمتو الوله باين في صمتو وكل زول ياخد قسمتو دي المحبة بديت تعيدة ولا قصة ريد جديدة طاري أيامنا السعيدة ولا جيت النار تقيدة نحن ختيناك في جوفنا مالو لو ختيت حروفنا وبي حنانك شلت خوفنا كان نقول قلبك ولوفنا
الراحل المبدع حسن الزبير والراحل الممتع عبد العظيم حركة
وكل زول ياخد قسمتو
Post: #115 Title: Re: من اجمل ما نظم في الاغنيات السودانية Author: Awad Omer Date: 09-02-2015, 03:48 PM Parent: #114
تحياتي ... يا انسان .يافنان . لانك بدات باشعار{ ألحلنقي } قيثارة الفن ومشكل الوجدان في السودان ... ووزير التربية النفسية في جمهرية الناس الطيبين .
Post: #116 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-02-2015, 04:12 PM Parent: #115
Quote: لانك بدات باشعار{ ألحلنقي } قيثارة الفن ومشكل الوجدان في السودان ... ووزير التربية النفسية في جمهرية الناس الطيبين .
اخي عوض عمر لك مني الف تحية ونزيد علي ما قلت في الحلنقي بانه رئيس جمهورية الحب السودانية
Post: #117 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-03-2015, 02:10 PM Parent: #116
Quote: Haggaz Abdella بكى شديد , صيوان عزاء دا ولا بوست أعجبني · رد · 27 أغسطس، 2015 03:48 مساءً
من الفيسبوك
Post: #118 Title: Re: من اجمل ما نظم في الاغنيات السودانية Author: مني عمسيب Date: 09-05-2015, 11:02 AM Parent: #117
يا عازة الفراق بي طاااال وسال سيل الدمع هطاااال
ارض امالي في اوحااااال من الهم بقيت في وحااااال
مع العلم اني بحب صوت الفنان تمتام جدآ ( H )
Post: #121 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-06-2015, 08:25 AM Parent: #118
Quote: يا عازة الفراق بي طاااال وسال سيل الدمع هطاااال
ارض امالي في اوحااااال من الهم بقيت في وحااااال
اخت مني بت عمسيب نجدد لك التحايا العطرات
Post: #119 Title: Re: من اجمل ما نظم في الاغنيات السودانية Author: Faisal Saad Date: 09-05-2015, 04:57 PM Parent: #98
يا زمن وقف شوية و اهدي لي لحظات هنية و بعدها شيل باقي عمري و شيل شبابي و شيل عيني
ابراهيم الرشيد..
Post: #120 Title: Re: من اجمل ما نظم في الاغنيات السودانية Author: Faisal Saad Date: 09-05-2015, 04:58 PM Parent: #119
التحايا لعمر الفاروق و كل الاحباب هنا..
Post: #122 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-06-2015, 08:28 AM Parent: #119
Quote: يا زمن وقف شوية و اهدي لي لحظات هنية و بعدها شيل باقي عمري و شيل شبابي و شيل عيني
ابراهيم الرشيد..
تحايانا فيصل سعد
ابراهيم الرشيد كان مرتبطاً بالفنان الذري ابراهيم عوض لدرجة تقليده في التسريحة الشهيرة وكان من المساهمين في منح ابراهيم عوض دفعة معنوية بطائفة من اشعاره الجذلي اخرجت ابراهيم من دوامة حزن كادت ان تعصف به في وقت ما
Post: #123 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-06-2015, 12:12 PM Parent: #122
الشاعر العبقري عبد الرحمن الريح سبح بنا من ثري الاشباح لسما الارواح
هكذا الاشواق تسمو بالعشاق من ثري الاشباح لى سما الارواح حيث تروى هناك للنجوم معناك سابحة فى علياك طاهرة كالافلاك انت أبهج نور من بدور الكمال ساطعة فيك ايات من معاني الجمال تجعل الفنان عبقريَ الخيال لو نظم اشعار او عزف أوتار تندهش أفكار والعقول تحتار يا جميل ياما فى الجمال أسرار
نستمع لها بصوت الجابري
Post: #124 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-07-2015, 09:17 AM Parent: #123
حميدة ابو عشر وما ادراك ما حميدة ابو عشر
حكم الغرام بتذللى حكم الجمال بتدللك الإشتياق والإحتراق والوجد لى والإبتسام والإنسجام والحسن لك عجبا ًتكون قاسى ووديع على كل حال شكلك بديع غضبك جميل زى بسمتك نظرة عيونى لمحنتى سحر الجمال فى بهجتك خايف خدودك تنجرح من نظرتى خايف فؤادى يدوب حنان من نظرتك
ده كلام شنو آناس؟!
وحميدة ابو عشر في شارع المحبة
ظلموني الأحبة في شارع المحبة الاحباب تجنوا بالاحكام وجاروا بقيود المحبة ملكوني وتوارو لعيني ابكوا ظلموني وتشفّوا وفي اخلاصي شكّوا اخلاص قلبي ظاهر للحرموهو حبه ظلموني
وبعد اشتياقي الطال فاجأني بظهورو
ياخي العواطف دين وآه ثم آه
محبوبى لاقانى وبنظرة حيانى جذب الفكر حسنو جهر العيون نورو وبعد اشتياقى الطال فاجأنى بظهورو شخصت فى حسنو وأصبحت مسحورو سبّحت كبّرت هللت بحياتو بكل احساسى رديت تحياتو شكيتلو الامى وآمالي واحلامى بادلتو بشعورى ملاء الحياء شعورو شفت السحر كامن بين وجنتيه وحورو من العيون خوفى وامالى فى ظهورو زى الزهور نادي زى الصباح مشرق زي البروق باسم زى اللهيب محرق بعواطفى بادلتو بدموعى جاوبتو شكيتلو من هجرى و ظلم الهوى وجورو
Post: #125 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-07-2015, 09:22 AM Parent: #124
محبوبي لاقاني حميدة ابو عشر اداء ايوب فارس
Post: #126 Title: Re: من اجمل ما نظم في الاغنيات السودانية Author: عمر الفاروق عبد الله الشيخ Date: 09-07-2015, 04:58 PM Parent: #125