وفُرصة بلوغ فريق سوداني المُباراة النهائية مشروطة بصدارة الهلال لمجموعته !!
Post: #2 Title: Re: مازيمبي الكونغولي والاتحاد الجزائري الأق Author: صبري طه Date: 08-24-2015, 07:08 AM Parent: #1
المستوى القوي لفريق مازيمبي في مُباراته أمس أمام الهلال يوضّح أنّه فريق بطولة .. ولن يكون صيداً سهلاً إذا بلغ المُباراة النهائية ...
Post: #3 Title: Re: مازيمبي الكونغولي والاتحاد الجزائري الأق Author: محمد حيدر المشرف Date: 08-24-2015, 07:15 AM Parent: #2
يا صبري ..
في حال وصول الهلال لدور الاربعة وهو ما نتمناه برقة مازيمبي كما هو متوقع.. توجد 3 فرق ذات مستوى عالي في دور الاربعة وهي بالترتيب 1- مازيمبي 2- المريخ 3- الاتحاد
قد يختلف الناس في ترتيب المريخ والاتحاد وافضلية احدهما على الاخر .. الا ان المباراة بينهما في الجزائر شهدت لصالح المريخ .. وستحسم مباراة الخرطوم هذا الجدال
المسالة يا صبري ليست مسالة (انا والكاشف اخوي) فالكاشف اخوكم احسن منكم بكتير ..
Post: #5 Title: Re: مازيمبي الكونغولي والاتحاد الجزائري الأق Author: صبري طه Date: 08-24-2015, 07:29 AM Parent: #3
Quote: قد يختلف الناس في ترتيب المريخ والاتحاد وافضلية احدهما على الاخر .. الا ان المباراة بينهما في الجزائر شهدت لصالح المريخ ..
يا ود المشرف .. يا حبيب إنت جادّي ؟
الفرق بين تحليلي وتحليلك يكمن في الفرق بين الواقعية والعاطفية ...
مثال: رغم فوز الهلال أمس على مازيمبي وصدارته لمجموعته قبل الجولة الأخيرة إلاّ أنّ ذلك لم يشحنني عاطفياً لأطبّل بعظمة الهلال وأجعله في خيالي الأوفر حظاً للظفر باللّقب ... مستوى الهلال في مُباراة الأمس لا يؤهله للفوز باللّقب .. وإن اصطدم بمازمبي مرّة أخرى في النهائي فسيخسر اللّقب .. وكذا حاله في الخسارة بمجموع المُباراتين إن واجه الاتحاد الجزائري في نصف النهائي أو النهائي ...
Post: #4 Title: Re: مازيمبي الكونغولي والاتحاد الجزائري الأق Author: صبري طه Date: 08-24-2015, 07:18 AM Parent: #1
بالنسبة للاتحاد الجزائري صاحب العلامة الكاملة قبل الجولة الأخيرة .. ملخصي مُباراتيه أمام المريخ ووفاق سطيف يصفا قوته وفرصته الكُبرى للظفر باللّقب ...
Post: #6 Title: Re: مازيمبي الكونغولي والاتحاد الجزائري الأق Author: محمد حيدر المشرف Date: 08-24-2015, 07:37 AM Parent: #4
هههههه .. وضاع صبري ..
Quote: الفرق بين تحليلي وتحليلك يكمن في الفرق بين الواقعية والعاطفية ...
مثال: رغم فوز الهلال أمس على مازيمبي وصدارته لمجموعته قبل الجولة الأخيرة إلاّ أنّ ذلك لم يشحنني عاطفياً لأطبّل بعظمة الهلال وأجعله في خيالي الأوفر حظاً للظفر باللّقب ...
ليست هناك عاطفة او شحن عاطفي قد يبرر التطبيل للهلال او مداعبة الأخيلة بفوزه بالبطولة *.. الشحن العاطفي موجود في التقليل من شأن المريخ ..
انا لم اجزم بافضلية المريخ على الاتحاد ولكن .. اجزم بوجود 3 فرق قوية في المربع الذهبي في حال تاهل الهلال ومازيمبي ..
_______ * قد يفوز الهلال بالبطولة .. ولكن ذلك يدخل في باب جنون كرة القدم ليس الا ..
Post: #7 Title: Re: مازيمبي الكونغولي والاتحاد الجزائري الأق Author: صبري طه Date: 08-24-2015, 07:44 AM Parent: #6
Quote: انا لم اجزم بافضلية المريخ على الاتحاد ولكن .. اجزم بوجود 3 فرق قوية في المربع الذهبي في حال تاهل الهلال ومازيمبي ..
بدينا لي اللولوة !!
وأنا رشّحت فريقين من المجموعتين للظفر باللّقب ...
وين جبت سيرة المريخ ووين قلّلت من شأنه ؟
ثمّ نتائج الفرق السودانية المبنية على اللعب الحماسي فقط .. دي ما بتأكّل عيش لي قدّام ...
مثال: فاز الهلال أمس على مازيمبي حماس ساكت كدا ...
جابوا قون .. وبقية المُباراة يا الكورة يا كُراع اللاعب
عايز تشوف فرق اللعب الحماسي .. شاهد مُباراة الإياب للمريخ ووفاق سطيف .. وشاهد مُباراة المريخ والأمل عطبرة بعطبرة !!
Post: #8 Title: Re: مازيمبي الكونغولي والاتحاد الجزائري الأق Author: usama Babiker Date: 08-24-2015, 07:54 AM Parent: #7
كلامك ياصبري فيه شئ كتير صحيح بس الهلال امس بالذات قدم شوط اول استثنائي .. والشوط الثاني السبب في هبوط المستوى النقص الحاد في الاحتياطي ... يعني امس مع بداية الشوط التاني لو تم تغيير البرازيلي بي لاعب محور مدافع مثل نيلسون كان شكل الهلال بكون غير ... ااكد لك لو تم تاهيل محمد عبد الرحمن جيدا وحل مشكلة نيلسون سوف يكون للهلال كلام اخر في البطولة ... مباراة امس مباراة نجح فيها الهلال بانتزاع الثلاث نقاط رغم النقص الحاد في صفوف الفريق ...
Post: #37 Title: Re: مازيمبي الكونغولي والاتحاد الجزائري الأق Author: صبري طه Date: 08-25-2015, 07:06 AM Parent: #8
Quote: كلامك ياصبري فيه شئ كتير صحيح بس الهلال امس بالذات قدم شوط اول استثنائي .. والشوط الثاني السبب في هبوط المستوى النقص الحاد في الاحتياطي ... يعني امس مع بداية الشوط التاني لو تم تغيير البرازيلي بي لاعب محور مدافع مثل نيلسون كان شكل الهلال بكون غير ... ااكد لك لو تم تاهيل محمد عبد الرحمن جيدا وحل مشكلة نيلسون سوف يكون للهلال كلام اخر في البطولة ... مباراة امس مباراة نجح فيها الهلال بانتزاع الثلاث نقاط رغم النقص الحاد في صفوف الفريق ...
عارف يا أسامة البرازيلي .. الوحيد في التشكيلة البتحس إنّو في راسو في كورة .. بس خايناهو القوة البدنية ...
Post: #9 Title: Re: مازيمبي الكونغولي والاتحاد الجزائري الأق Author: محمد حيدر المشرف Date: 08-24-2015, 07:57 AM Parent: #7
لولوة شديدة كمان :)
يا صبري ..
المريخ تأهل على حساب حامل اللقب الافريقي وقبل مبارتين .. هذه لغة ارقام وحقائق بسيطة جدا ..
المريخ تأهل وقبل جولتين وبين 3 فرق جزائرية والجزائر دولة متقدمة كرويا على مستوى القارة .. لغة ارقام وحقائق ..
مازيمبي قدم امبارح كرة قوية جدا وذات مستوى عالي .. الا انه لم يحسم امر تاهلة في مجموعة ضعيفة جدا .. الهلال والتطواني وسموحتي .. لغة ارقام وحقائق ..
فتناك بعافية ..
Post: #10 Title: Re: مازيمبي الكونغولي والاتحاد الجزائري الأق Author: عثمان الأمام Date: 08-24-2015, 08:18 AM Parent: #9
سلامات صبري
الهلال سيتصدر مجموعته وسيلاقي المريخ ويصعد للنهائي على حسابه وسيكون النهائي بين الهلال واتحاد العاصمة الجزائري ومستوي الفريقين في نصف النهائي حيوضح من سيكون حامل اللقب.
Post: #42 Title: Re: مازيمبي الكونغولي والاتحاد الجزائري الأق Author: صبري طه Date: 08-25-2015, 10:36 AM Parent: #10
وعليكم السلام أخي عثمان ...
Quote: لهلال سيتصدر مجموعته وسيلاقي المريخ ويصعد للنهائي على حسابه وسيكون النهائي بين الهلال واتحاد العاصمة الجزائري ومستوي الفريقين في نصف النهائي حيوضح من سيكون حامل اللقب.
إذا أراد الهلال الصدارة عليه الفوز على سموحة ...
أتوقع فوز مازيمبي على التطواني بالمغرب ... وحتى لا يخرج الهلال من البطولة عليه أن يتجنب الخسارة من سموحة ...
النجيضة المُباراة النهائية طرفيها مازيمبي والاتحاد الجزائري إن لم يصطدما في نصف النهائي ...
Post: #41 Title: Re: مازيمبي الكونغولي والاتحاد الجزائري الأق Author: صبري طه Date: 08-25-2015, 10:28 AM Parent: #9
Quote: لولوة شديدة كمان :)
يا صبري ..
المريخ تأهل على حساب حامل اللقب الافريقي وقبل مبارتين .. هذه لغة ارقام وحقائق بسيطة جدا ..
المريخ تأهل وقبل جولتين وبين 3 فرق جزائرية والجزائر دولة متقدمة كرويا على مستوى القارة .. لغة ارقام وحقائق ..
مازيمبي قدم امبارح كرة قوية جدا وذات مستوى عالي .. الا انه لم يحسم امر تاهلة في مجموعة ضعيفة جدا .. الهلال والتطواني وسموحتي .. لغة ارقام وحقائق ..
فتناك بعافية ..
مجموعة فيها ثلاثة فرق متساوية في عدد النقاط قبل الجولة الأخيرة وتصفها بالضعيفة ...
وأخرى فيها واحد تأهل مُنذ أن حفروا البحر .. بل أنّه نال العلامة الكاملة حتى تاريخه .. ومن خلال تحليلك تعني أنّها مجموعة قوية .. فتأمّل !!
ولو بتحسبها بإنّك فزت على الفريق البطل والفريق العمل السبعة وذمّتها في ماضي الذكريات .. بي نفس منطقك دا ممكن الواحد يبني ليك مستوى الهلال على إنّو فاز على الفريق الذي وصل للمُباراة النهائية لكأس العالم للأندية وخسرها أمام إنتر ميلان الإيطالي !!
ـــــ نصيحة: خلّيك في السياسة أحسن
Post: #11 Title: Re: مازيمبي الكونغولي والاتحاد الجزائري الأق Author: ياسر منصور عثمان Date: 08-24-2015, 10:39 AM Parent: #1
كلام صحيح مليون في المية يا صبري
شخصية الفريق البطل ليست متوفرة لدى الهلال والمريخ..
Post: #51 Title: Re: مازيمبي الكونغولي والاتحاد الجزائري الأق Author: صبري طه Date: 08-26-2015, 06:44 AM Parent: #11
Quote: شخصية الفريق البطل ليست متوفرة لدى الهلال والمريخ..
قبل مُباراة الهلال ومازمبي الأخيرة يا ياسر كان ترشيحي فقط للاتحاد الجزائري .. ولكن بعد مُشاهدتي للمستوى الذي قدّمه مازمبي أمام الهلال أيقنت أنّ أنياب اللّيث ما زالت بارزة ...
Post: #12 Title: Re: مازيمبي الكونغولي والاتحاد الجزائري الأق Author: طاهر بدر Date: 08-24-2015, 11:12 AM Parent: #1
صبري ازيك ... اولا اتفق معاك تماماً انو في المراحل القادمة فان شخصية البطل جلية في الفريقين ... والاكثر حظاً وفقا لكل المعطيات هو اتحاد العاصمة الجزائري وبرضو بتفق مع المشرف بانو الهلال هو الاضعف خاصة انه عجز عن الفوز على فريق المغرب التطواني في عقر داره مما ادخله في حسبة برمه.. والثباتية تميل نوعا ما لصالح المريخ في البطولة ككل خاصة كلما تقدمت في المراحل ومن الممكن جدا انو المريخ يسويها وسيظهر من المباراة الاولى في نصف النهائي ان جود وركز ...بس منطق وواقع وعلم ....اتحاد العاصمة الجزائري هو بطل هذه النسخة اما عن الاماني اتمناها للصفوة وبالعدم للهلال لانه بذلك يكون سقف الطموحات علا وينعكس ايجابا على المنتخب القومي والاندية الاخرى والكورة في البلد عموما ودا الاهم واعجبني حديث دنيلسون محلل الجزيرة ولاعب الهلال والمنتخب السابق بالامس حين قال ان الذي صنع الفارق هو احد انتاج المراحل السنية للهلال وليس احد المحترفين ... _________________ صبري ممكن ياخي طلب ... ارجوك ياخي ود عمنا الغاني البهدلو ميسي دا ماااا كفاه ياخي عليك الله غيرا
Post: #13 Title: Re: مازيمبي الكونغولي والاتحاد الجزائري الأق Author: EMU إيمو Date: 08-24-2015, 11:30 AM Parent: #12
كما ذكر عثمان الإمام اذا تعثر مازيمبي في المباراة القادمة أمام المغرب التطواني بالخسارة فسوف يتاهل الهلال برفقة المغرب دون النظر لنتيجة مباراته ام سموحة
وهذا هو السيناريو المتوقع بإذن الله
الهلال × إتحاد العلمة المريخ × المغرب التطواني
النهائي : إتحاد العلمة × المغرب التطواني ولكن أتمناها المريخ × الهلال
Post: #15 Title: Re: مازيمبي الكونغولي والاتحاد الجزائري الأق Author: ياسر منصور عثمان Date: 08-24-2015, 12:24 PM Parent: #13
إتحاد العاصمة يا إيمو وليس إتحاد العلمة
مع ودي
Post: #14 Title: Re: مازيمبي الكونغولي والاتحاد الجزائري الأق Author: aosman Date: 08-24-2015, 11:48 AM Parent: #12
Quote: اجزم بوجود 3 فرق قوية في المربع الذهبي في حال تاهل الهلال ومازيمبي ..
معروف أي فريق يصل إلي المربع الذهبي فهو فريق قوي ... لولا قوته لما وصل إلي هذه المرحلة المتقدمة من المنافسة
Post: #16 Title: Re: مازيمبي الكونغولي والاتحاد الجزائري الأق Author: عبدالعظيم عثمان Date: 08-24-2015, 12:36 PM Parent: #14
سلامات صبري وضيوفك بعد فوز الهلال أمس على مازمبي وعطفا على أداء الهلال في هذه المجموعة ، أتوقع أن الهلال سيكون طرفا في النهائي وهذه هي الأسباب: الهلال فريق تكتيكي بامتياز أفضل فريق تكتيكي بين الفرق ال8في المجموعتين .. لأول مرة الهلال يتخلى عن فكرة النجم السوبر اللي بيحسم المباراة، زمان كان روحنا بتطلع لغاية ما قودوين يجيب القون وبعده اتعلقنا بي سادومبا (الكلام دا في العشر سنوات الفاتن) . النقطة الثانية الهلال بقى فريق جماعي وبداية الدفاع من مدثر كاريكا ورجوع سريع لبشة وأظهر الطاهر مع فقدان الكورة (الكلام دا شغل مدرب) زمان دا ما كان يحصل لا في الهلال أو إي فريق سوداني... النقطة الأخيرة الهلال مؤخرا لا يتأثر بالغيابات لأنه أي لاعب ممكن يؤدي المهام التي يطلبها المدرب عشان كورة الهلال اتغيرت وما بقي الفريق البيلعب كورة برازيلية وتابلوهات سمحة ...
الكلام دا عكسه تماما في المريخ يعني اذا بكري المدينة صام عن التهديف يرجع المريخ يتبارى مع مريخ السلاطين والنسور...
Post: #17 Title: Re: مازيمبي الكونغولي والاتحاد الجزائري الأق Author: على محمد على بشير Date: 08-24-2015, 01:36 PM Parent: #16
ناس الهلال ديل بيزكرونى بالجقر
الجقر لمن سكر شديد قاليك قعد يكورك
- اين القطط ... اين القطط
Post: #18 Title: Re: مازيمبي الكونغولي والاتحاد الجزائري الأق Author: على محمد على بشير Date: 08-24-2015, 01:48 PM Parent: #17
وبحديثهم عن دور الاربعه وعن المريخ والاتحاد
بيزكرونى بى نكتة عمك السكران قاليك عمك كل يوم يسكر ويجى فى خور فى طرف الحله وبردلب يقع اعمامك جيرانو بيكونوا قاعدين قدام الدكان ، يقوموا يشيلوهو ويوصلوهو بيته ويدخلوهو لى مرتو وولاده
يوم العصريه عمل شمطه مع واحد من الجيران ، وكالعاده مشى طشم وكالعاده برضو فى الخور وفى نفس الحته بردلب وقع الجيران القدام الدكان وكالعاده برضو مشوا عليهو وشالوهو وهم شايلنه عاين للزول الشايلو من كتفه اليمين لقاهو عمك الكان عامل معاهو شمطه فى العصر ، طوالى كورك للشايلنو - يا جماعه اقيفوا ... اقيفوا الجماعه وقفوا وقالوا ليهو - شنو مالك ؟ طوالى قاليهم - يا اخوانا فلان دا ما يشيل معانا ...
( يا حليل تمبس )
Post: #19 Title: Re: مازيمبي الكونغولي والاتحاد الجزائري الأق Author: على محمد على بشير Date: 08-24-2015, 01:54 PM Parent: #18
Quote: سلامات صبري وضيوفك بعد فوز الهلال أمس على مازمبي وعطفا على أداء الهلال في هذه المجموعة ، أتوقع أن الهلال سيكون طرفا في النهائي وهذه هي الأسباب: الهلال فريق تكتيكي بامتياز أفضل فريق تكتيكي بين الفرق ال8في المجموعتين .. لأول مرة الهلال يتخلى عن فكرة النجم السوبر اللي بيحسم المباراة، زمان كان روحنا بتطلع لغاية ما قودوين يجيب القون وبعده اتعلقنا بي سادومبا (الكلام دا في العشر سنوات الفاتن) . النقطة الثانية الهلال بقى فريق جماعي وبداية الدفاع من مدثر كاريكا ورجوع سريع لبشة وأظهر الطاهر مع فقدان الكورة (الكلام دا شغل مدرب) زمان دا ما كان يحصل لا في الهلال أو إي فريق سوداني... النقطة الأخيرة الهلال مؤخرا لا يتأثر بالغيابات لأنه أي لاعب ممكن يؤدي المهام التي يطلبها المدرب عشان كورة الهلال اتغيرت وما بقي الفريق البيلعب كورة برازيلية وتابلوهات سمحة ...
الكلام دا عكسه تماما في المريخ يعني اذا بكري المدينة صام عن التهديف يرجع المريخ يتبارى مع مريخ السلاطين والنسور...
اها اسع عليكم الله عبدو ما قرب يقول اين القطط
Quote: سلامات صبري وضيوفك بعد فوز الهلال أمس على مازمبي وعطفا على أداء الهلال في هذه المجموعة ، أتوقع أن الهلال سيكون طرفا في النهائي وهذه هي الأسباب: الهلال فريق تكتيكي بامتياز أفضل فريق تكتيكي بين الفرق ال8 في المجموعتين ..
اتحاد العاصمة لم يلعب حتي الان خارج الديار لنحكم عليه
مازيمبي يعاني كثيرا في خط دفاعه
اتوقع فرق نصف النهائي من مجموعة الهلال
التطوان في الصدارة والهلال ثانيي
والنهائي ديربي سوداني صرف والله اعلم
Post: #21 Title: Re: مازيمبي الكونغولي والاتحاد الجزائري الأق Author: عبدالعظيم عثمان Date: 08-24-2015, 03:09 PM Parent: #20
ياصبري الحق البوست الوصيفاب قلبوا ليك بيت مكه الجمل الجامعه الأهلية...(القط القط .. وقع في الخور).. أنا بهناك مع هشام عباس شكله المريخابي الوحيد المابقول (القطط القطط)
Post: #22 Title: Re: مازيمبي الكونغولي والاتحاد الجزائري الأق Author: كمال عباس Date: 08-24-2015, 04:01 PM Parent: #21
شكرا أخ صبري طه علي هذا الإستديو الرياضي والتحليل الراقي والموضوعي والمتجرد نسبيا من العصبية والغرض! يقول الأخ محمد المشرف !
Quote: قد يختلف الناس في ترتيب المريخ والاتحاد وافضلية احدهما على الاخر .. الا ان المباراة بينهما في الجزائر شهدت لصالح المريخ .. وستحسم مباراة الخرطوم هذا الجدال المسالة يا صبري ليست مسالة (انا والكاشف اخوي) فالكاشف اخوكم احسن منكم بكتير ..
ماذا ترك المشرف لمزمل أبوالقاسم وبعض متعصبي ميدان أبوجنزير؟ بنفس هذا المنطق المتعصب كان يمكن للأخ صبري أن يقول الهلال في المقدمة لأنه يتفوق علي مازمبي ذهابا وإيابا ولكنه وضع مازيمبي كمرشح للنهائي مستبعدا الهلال المتفوق علي مازيمبي في المواجهات المباشرة ــ ويضع الفريق الجزائري في المقدمة بإعتباره حصاده الذي يجعله علي قمة الفرق الثمانية هذا بالإضافة للشكل العام والإمكانات الفنية والخبرة * والحقيقة أن بعضا من الفرق المتأهلة لدوري الثمانية ضلت طريقها من سيكافا الي ميدان كبر بطولات الأندية الأفريقية ، حيث لم يحظي بعض هذه الفرق السيكافية في تاريخه بالصعود لمراقي الثمانية الكبار في البطولة الكبري هذه فمبالك بمرحلة الأربعة ؟بل أن بعض هذه الفرق السيكافيةيلعب الان علي ما أظن في الدرجة الثانية في بلده !
Post: #23 Title: Re: مازيمبي الكونغولي والاتحاد الجزائري الأق Author: خالد عبد الله محمود Date: 08-24-2015, 04:12 PM Parent: #21
يا صبري ياخ ما تخرب لينا الرصة تفوق الهلال على المريخ تاريخاً جاي أساساً من الوهم العايشين فيهو المريخاب أنو فريقهم قوي خليهم على كده لمن ياخدو الفيها النصيب
المريخ نار منقد
Post: #24 Title: Re: مازيمبي الكونغولي والاتحاد الجزائري الأق Author: الامين محمد علي Date: 08-24-2015, 04:57 PM Parent: #23
Quote: يا صبري ياخ ما تخرب لينا الرصة تفوق الهلال على المريخ تاريخاً جاي أساساً من الوهم العايشين فيهو المريخاب أنو فريقهم قوي خليهم على كده لمن ياخدو الفيها النصيب
Quote: الكورة دي انحنا الدورناها يا صبري عشان كده بدون كلام كتير النهائي هو المريخ و اتحاد العاصمة الجزائري و ح نضربوا ليكم والشمش فوق .
بخصوص الهلال ما اعتقد انو ح يقدر يتاهل
المريخ عندو الحماس وثقافة الامتار الاخيرة وعشان كده الهلال او مازنبي او التطواني كلهم المريخ حيضربم وحاجة تانية بقى عندنا تسجيل اهداف في ارض الخصم سجلنا في جميع المباريات
Post: #27 Title: Re: مازيمبي الكونغولي والاتحاد الجزائري الأق Author: MOHAMMED ELSHEIKH Date: 08-24-2015, 07:35 PM
يا صبري ضربت مثل فهمت منه ان الحماس هو الذي مكن المريخ من الفوز على البطل السابق بهدفين كما مكن امل عطبرةمن الفوز على بطل الدوري ايضا بهدفين اوكي. ولكن هل الحماس ممنوع في مباريات المربع الذهبي؟؟؟؟ وما هو العيب في استخدام الحماس كأداه لتحقيق الفوز. المريخ تقدم في البطولة بثبات ونتائج ممتازة داخل وخارج استاده سوى المباراة التي اعترف فيها الخصم نفسه ممثلا في المعلق الجزائري بولوج هذف تعادلي لم يحتسب هل يمكن ات تجعل هذه النتائج مؤشرا يمكن ان تحكم به على المؤهلين للنهائي وذلك باستخدام نفس المؤشر وتطبيقه على الفرق الأخرى. اعتقد ان اتحاد العاصمة والمريخ مؤهلان لبلوغ النهائي ولكن لا اتنبأ بالبطل فالفرص متساوية. واستبعد تماما بلوغ مازيمب نصف النهائي .
Post: #28 Title: Re: مازيمبي الكونغولي والاتحاد الجزائري الأق Author: هشام عوض الكريم Date: 08-24-2015, 08:35 PM Parent: #27
الأخ الفاضل صبري العكس تماما هو الصحيح للذين يتباكون على مستوى الهلال, الهلال قدم عرض أفضل من مازمبي كثيرا في الشوط الأول وحتى أول الشوط الثاني وكان لإمكانه الفوز بثلاثة أو أربعة أهداف تراجع الهلال في الشوط الثاني هو الذي سمح لمازمبي بالسيطرة على الوسط ومن ثم اللعب وظهر تفوقه بطريقة لا تعكس المستوى الحقيقي للفريقين يجب أن لا ننسى أن الهلال لعب بفريق ناقص الشوط الثاني فلاعب الهلال البرازيلي كان ضيف شرف بحق وحقيقة طوال الشوط الثاني أستلم الكرة تسعة مرات فقط منها لعب باصين قصيرات والباقي راح للخصم, هذا اللاعب روابط كثيرة عليه كيف ضل طريقه إلى الهلال الله أعلم الهلال والمريخ أفضل فريقين في دوري المجموعات وبمراحل والبطولة هذه المرة أمدرمانيه بإذن الله فقد طال انتظارنا لها نقطة أخيرة لا أعرف لماذا يهاجم البعض نزار خليفة لأنه بلا شك كان أفضل لاعب في المباراة وهو قطعا أفضل لاعب أداء في دوري المجموعات حتى الآن
الهلال لديه 8 نقاط ــ له 4 اهداف ــ عليه 2 مازمبي لديه 8 نقاط ــ له 3 اهداف ــ عليه 1 ا التطواني لديه 8 نقاط ــ له 6 اهداف ــ عليه 5
ـــــــــــــــــــــــــــــــــــــــ
المجموعة الثانية :
اتحاد العاصمة 15 نقطة ــ له 9 اهداف ــ عليه 2 المريخ لديه 10 نقاط ــ له 8 اهداف ــ عليه 4 ــــــــــــــــــــــــــــــــــــــــ
ترتيب الاندية في احراز الاهداف :
* اتحاد العاصمة 9 * المريخ 8 * المغرب التطواني 6 * الهلال 4 * مازمبي 3 ـــــــــــــــــــــــــــــ
ترتيب الاندية في عدد الاهداف التي دخلت شباكهم :
* مازمبي 1 * اتحاد العاصمة 2 * الهلال 2 * المريخ 4 * المغرب التطواني 5
ـــــــــــــــــــ
* المجموعة الثانية هي الافضل هجومياً من ناحية احراز الاهداف . * المريخ واتحاد العاصمة هما الفريقين الوحيدين لم يخسرا او يتعادلا داخل ارضهم . * المريخ واتحاد العاصمة الفريقين الوحيدين فازا خارج ارضهم . * مازمبي هو الافضل دفاعياً يليه الهلال واتحاد العاصمة . ـــــــــــــــــــــــــــــــــــــــــــــــ
Post: #30 Title: Re: مازيمبي الكونغولي والاتحاد الجزائري الأق Author: Sulaiman Adam Date: 08-24-2015, 09:24 PM Parent: #29
لعب الكوكى التجارى والتكتيكى وبدون اى عاطفه البطوله للهلال ان شاء الله .....
Quote: والحقيقة أن بعضا من الفرق المتأهلة لدوري الثمانية ضلت طريقها من سيكافا الي ميدان كبر بطولات الأندية الأفريقية ، حيث لم يحظي بعض هذه الفرق السيكافية في تاريخه بالصعود لمراقي الثمانية الكبار في البطولة الكبري هذه فمبالك بمرحلة الأربعة ؟بل أن بعض هذه الفرق السيكافيةيلعب الان علي ما أظن في الدرجة الثانية في بلده !
والحقيقة ايضاً بان هنالك فرق ( مركبين مكنة كبار ) شاركو في سيكافا 8 مرات وافضل ترتيب لها حققه فريق الخرطوم الوطني في اول مشاركة له في هذا العام ــ
للتذكير فريق K M K ده كان مشارك في الابطال وفي فرق اتأهلت علي حسابه ( والناس قامت وقعدت بعد الفوز عليه ) وخرج من المنافسة زي ما خرج من بطولة سيكافا واخرجه فريق الخرطوم الوطني
Post: #32 Title: Re: مازيمبي الكونغولي والاتحاد الجزائري الأق Author: على محمد على بشير Date: 08-25-2015, 02:56 AM Parent: #31
Quote: * المريخ واتحاد العاصمة الفريقين الوحيدين فازا خارج ارضهم .
اضيف ليهم مازيمبى يا طارق فقد فاز على سموحه فى الاسكندريه بهدفين
اتحاد العاصمه ما كان تحسبه اى نعم فاز خارج ارضه وفى ملعبى الوفاق والعلمه ولكنها كلها كانت فى ارض الجزائر
Post: #33 Title: Re: مازيمبي الكونغولي والاتحاد الجزائري الأق Author: يحي قباني Date: 08-25-2015, 04:13 AM Parent: #32
:)
Post: #34 Title: Re: مازيمبي الكونغولي والاتحاد الجزائري الأق Author: طارق حرسي Date: 08-25-2015, 06:22 AM Parent: #33
كمستوي فني وتكتيكي ولعب منظم وممرحل واداء مميز المريخ واتحاد العاصمة هما الاقرب للنهائي .. والا الحظ يكون له كلام غير ذلك
Post: #35 Title: Re: مازيمبي الكونغولي والاتحاد الجزائري الأق Author: الحاج حمد الحاج Date: 08-25-2015, 06:34 AM Parent: #34
بلا شك اذا تاهل الهلال في مجموعته سيكون الفريق الأضعف في الأربع فرق المتأهلة...المريخ ظهر جليا من خلال شوط مباراته مع العلمة وجود خلل في وسط الدفاع و يمكن لأي مدرب ذكي أن يلاحظ ضعف تغطية علاء الدين يوسف و عدم وجود لاعب محور يعتمد عليه نسبة لخرمجة العب التي يؤدي بها المصري أيمن سعيد..مازيمبي و الاتحاد هي الفرق المؤهلة و يملك لاعبيها ثقافة النهائيات رغم أني أتمنى أن يلعب المريخ المباراة النهائية.
Post: #36 Title: Re: مازيمبي الكونغولي والاتحاد الجزائري الأق Author: عبدالعظيم عثمان Date: 08-25-2015, 06:40 AM Parent: #34
غايتو يا انتوا بتتفرجوا في دوري تاني، أو مكابرين ساي مجموعة المريخ مجموعة ضعيفة، وفاق سطيف والعلمة دي فرق منتهية، المريخ إذا وقع في مجموعة مازمبي وتطوان كان بكون بصارع في الطيش مع سموحة .. المريخ معتمد بشكل رئيسي على بكري المدينة وعلى علاء الدين يوسف(ولاعبين ما يجيبوا بطوله).. دوري الأربعة هو الإختبار الحقيقي لفريق المريخ واختبار العجوز غارزيتو.. لغاية ما يبدأ دوري الأربعة فريقي النهائي من مجموعة الهلال(الترشيحات الأولية) الكلام دا طبعا كورة بس لا يشمل الرشاوي وشراء الحكام وضربات الجزاء الهدايا...
عشان كدا يا مريخاب اطلعوا لينا من دور أم فريحانة بالصعود لأول مرة في تاريخ المريخ لدوري الأربعة في بطولة الأندية الأبطال في أفريقيا (افرحوا ما قلنا شي بس ما تشطحوا قدر دا) عشان ما قزازة السمن تتكسر
Post: #38 Title: Re: مازيمبي الكونغولي والاتحاد الجزائري الأق Author: محمد حمزة الحسين Date: 08-25-2015, 07:30 AM Parent: #36
Quote: وهذا هو السيناريو المتوقع بإذن الله
الهلال × إتحاد العلمة المريخ × المغرب التطواني
النهائي : إتحاد العلمة × المغرب التطواني ولكن أتمناها المريخ × الهلال
اتوقع :- النهائي بين المريخ ومازينمبي عشااان الكاس الجوية يكون عندها طعم خاص : : : : : : : مع التحيات لله الزاكيات
Post: #40 Title: Re: مازيمبي الكونغولي والاتحاد الجزائري الأق Author: عبدالعظيم عثمان Date: 08-25-2015, 07:43 AM Parent: #38
ياصبري بالغت معقول مباراة الهلال ومازمبي الهلال ما شفت أي انضباط تكتيكي من اللاعبين؟ بداية المباراة والشروط الأول الهلال كان ضاغط وأضاع كثير من الفرص أمام المرمي.. بعد الهدف الكوكي غير خطة اللعب والزم اللاعبين بمهام دفاعية صارمة، عشان كدا بشة ما تقدم وما قام بأي دور هجومي ، نفى الشئ قام به اطهر الطاهر ما تنسى فريق مازمبي فريق شرس وخطير جدا .. نجح لاعبى الهلال في تنفيذ المطلوب منهم تكتيكيا(عشان كدا ما شفت كورة حلوة وممرحلة ولعب أنيق ) الخطة تعتمد على الزيادة العددية في الدفاع والانضباط .. صراحة الكوكي قام بدور كبير في توظيف اللاعبين لتنفيذ خطة الفوز على مازمبي ...
إذا استمر الهلال بهذا الانضباط التكتيكي حتى نهاية البطولة سيكون أحد أطراف النهائي... ياصبري وين العاطفة هنا (ما يرهبوك ناس المشرف بخطاب مزمل ابو القاسم ويقوليك دي عصبية وعاطفة وفرمالات الصحافة الرياضيه)..(وشه ضاحك)
Post: #39 Title: Re: مازيمبي الكونغولي والاتحاد الجزائري الأق Author: طارق حرسي Date: 08-25-2015, 07:37 AM Parent: #36
حبيبنا عبد العظيم
تحياتي
ـ
Quote: ايتو يا انتوا بتتفرجوا في دوري تاني، أو مكابرين ساي مجموعة المريخ مجموعة ضعيفة، وفاق سطيف والعلمة دي فرق منتهية
بنتفرج في المجموعة التانية لانو فيها متعة واثارة وكورة ممرحلة و جميلة عكس المجموعة الاولي جري وشليت وهردبيسة
Quote: ، المريخ إذا وقع في مجموعة مازمبي وتطوان كان بكون بصارع في الطيش مع سموحة ..
المريخ لو وقع في هذه المجموعة لحقق العلامة الكاملة نسب لضعف مستويات الاندية التي ذكرتها بما فيهم الهلال
Quote: المريخ معتمد بشكل رئيسي على بكري المدينة وعلى علاء الدين يوسف(ولاعبين ما يجيبوا بطوله)..
انت زعلان منهم ساااااااااااااي لتميزهم مع الفرقة الحمراء بسبب توظيفهم الصحيح مع غارزيتو
Quote: دوري الأربعة هو الإختبار الحقيقي لفريق المريخ واختبار العجوز غارزيتو..
غارزيتو مدرب داهية وشاطر وتم اختباره في كثير من المباريات والدليل علي ذلك تفوقه في شوط المدربين في كل المباريات التي خاضها في المجموعات .
Quote: الكلام دا طبعا كورة بس لا يشمل الرشاوي وشراء الحكام وضربات الجزاء الهدايا...
المرحلة دي لسه ما وصلناها
انت ناسي 2 = 12 ؟؟
Quote: عشان كدا يا مريخاب اطلعوا لينا من دور أم فريحانة بالصعود لأول مرة في تاريخ المريخ لدوري الأربعة في بطولة الأندية الأبطال في أفريقيا
الوصلو قبلنا عملوا شنو ؟؟؟
ما ياهو لسه صفر كبير
ـــــــــــــــــــــــــــــــــــــ
Post: #43 Title: Re: مازيمبي الكونغولي والاتحاد الجزائري الأق Author: Ahmed Yassin Date: 08-25-2015, 04:30 PM Parent: #39
الهلال لا يملك شخصية البطل ودا وضح في مباراة مازيمبي اﻻخيرة الهلال قدم كل شىء اﻻ كرة القدم النهائي.... اتحاد العاصمة× المريخ
Post: #44 Title: Re: مازيمبي الكونغولي والاتحاد الجزائري الأق Author: Ahmed Yassin Date: 08-25-2015, 04:30 PM Parent: #39
الهلال لا يملك شخصية البطل ودا وضح في مباراة مازيمبي اﻻخيرة الهلال قدم كل شىء اﻻ كرة القدم النهائي.... اتحاد العاصمة× المريخ
Quote: ودا وضح في مباراة مازيمبي اﻻخيرة الهلال قدم كل شىء اﻻ كرة القدم
ورقاد الواطة ده برضو ضمن كل شئ ؟
Post: #46 Title: Re: مازيمبي الكونغولي والاتحاد الجزائري الأق Author: عبدالعظيم عثمان Date: 08-25-2015, 06:05 PM Parent: #45
يعني تتوقعوا ناس الهلال منتظرين شهادة حق من المريخاب طبيعي ألا تروا في الهلال أي شئ ، مهما فعل ما حتشوفوا حاجة من الهلال(ما يا هوا دا زاتو التعصب الأعمى) حالتكم تجنن وأنتم تتهافتون للنيل من سيد البلد
الهلال بيلعب كورة تكتيكية واللاعبين قاعدين ينفذوا ما يطلبه المدرب ، وشغالين بهدوء من مرحلة إلى أخرى .. ودوري الأبطال دا لعبتنا(انتوا المخلوعين وما مصدقين فريقكم يتأهل لدور الاربعه)... متأهلين صحبة راكب مع اتحاد العاصمة وتتفاصحوا
Post: #47 Title: Re: مازيمبي الكونغولي والاتحاد الجزائري الأق Author: محمد حيدر المشرف Date: 08-25-2015, 07:16 PM Parent: #46
ههههههه ..
تساوي فرق المجموعة في النقاط يعني احتمالين ,, يا اما الفرق كلها قوية او الفرق كلها تعبانه ,,
ارقااااام .. وحقائق :)
مجموعة المريخ في حال فوز المريخ على الاتحاد سيصل المريخ ل 13 نقطة .. فرق نقطتين من الاتحاد الاتحاد الذي لعب 6 مباريات داخل ارضه مقارنة بالمريخ الذي لعب مبارتين فقط داخل ارضه ..
ارقاااااااام ,, وحقائق :)
تعليق استاذنا كمال عباس عن ما اكتب ومزمل ابوالقاسم .. فمزمل ده شغلو .. لازم يكتب وظل يكتب طوال عقدين من الزمان وفي اجواء رياضية فاسدة واستقطاب وتعصب كروي اعمى ,, انا لم افعل ذلك .. هناك انجاز حقيقي وكورة كويسه بيلعبها الهلال والمريخ وقاعدين يقدموا مستويات ممتازة في دوري الابطال .. كونوا يكون عندنا وجهة نظر محددة في تقييم الفريقين داخل اطار هذا الانجاز ..ذلك لا يعنى الا معناهو المباشر ,, نظرة نقدية كروية لمستوى الفريقين الاعدقاء داخل اطار انجاز سوداني كروي كويس وما بطال ..
Quote: مجموعة المريخ في حال فوز المريخ على الاتحاد سيصل المريخ ل 13 نقطة .. فرق نقطتين من الاتحاد الاتحاد الذي لعب 6 مباريات داخل ارضه مقارنة بالمريخ الذب لعب 3 مباريات فقط داخل ارضه ..
مجموعة المريخ دي شبيهة بالمجموعة التي شارك فيها المريخ والهلال واهلي شندي بالاضافة لانتركلوب الكنغولي في الكونفدرالية 2012 *
المريخ لم يخسر اي مبارة وتصدر المجموعة بي 14 نقطة . * الهلال ثانياً 11 نقطة . * * انتركلوب الكنغولي ثالثاً 4 نقطة . * اهلي شندي رابعاً بثلاثة نقاط . * نجد ان الفارق في النقاط بين المتصدر المريخ و صاحب المركز الاخير الاهلي شندي 11 نقطة . * و الفرق بينهم ان الاهلي شندي حقق فوز واحد فقط . والعلمة لم يحقق اي فوز وتبقت له مبارة .
قصة اندية ضعيفة وما ضعيفة ( ده كلام ساي ) و حتي فريق العلمة الذي خسر جميع مبارياته حتي الآن . وعلي حسب ما شاهدناه لم يكن صيداً سهلا فريق منظم و يلعب كرة ممرحلة وجميلة لكن يبدو ان الفريق متأثر بهبوطه للدرجة الثانية مع وجود بعض المشاكل داخل النادي .. و المستوي الفني الذي ظهر به افضل بكثير من اندية في المجموعة الثانية بالاضافة لذلك عدد الاهداف التي احرزها فريق العلمة تساوي عدد اهداف فريق مازمبي الذي ينافس في التأهل للدور المقبل
Post: #49 Title: Re: مازيمبي الكونغولي والاتحاد الجزائري الأق Author: عبدالعظيم عثمان Date: 08-25-2015, 09:56 PM Parent: #48
يا حرسي انت أجرت الباسورد بتاعك لبابكر سلك!! العملة شنو البيلعب كورة ممرحلة فريق من مجموعة المريخ الجنازة دي ما قدر يطلع بي نقطة تقول شنو، مجموعتكم تعبانة تعب الموت ، مش معقول نقاط بطل المجموعة (اتحاد العاصمة) (15 نقطة )تكون أكثر من مجموع نقاط الفرق الثلاثة(المريخ/سطيف/والعلمة).(14). اقنعني مجموعة زي دي تكون مجموعة قوية كيف ؟ بلو راسكم وارجوا الراجيكم في دوري الأربعة(اتمناها هلال مريخ عشان الهلال يضمن أنه يكون أحد طرفي النهائي..)
ثم العلمة ده لعب دوري الابطال كيف ؟؟؟ هل مثل الجزائر وهو طيش الدوري ؟؟ وكيف وصل الي دوري المجموعات ؟؟
ثم انت فاكر فريق العلمة ده اقصي اندية مغمورة مثل K M K الزنزباري و سانغا بولندي
فريق العلمة اقصي اندية معروفة ولها وزنها مثل الصفاقسي التونسي والاشانتي كتوكو حتي وصل الي المجموعات
Quote: بلو راسكم وارجوا الراجيكم في دوري الأربعة(اتمناها هلال مريخ عشان الهلال يضمن أنه يكون أحد طرفي النهائي..)
نحن راسنا بالنو ... بس انتو اضمنوا التأهل اول
وبعدين انت تتزكر آخر مرة فزت علي المريخ متين ؟؟
Post: #52 Title: Re: مازيمبي الكونغولي والاتحاد الجزائري الأق Author: صبري طه Date: 09-17-2015, 08:40 AM Parent: #50
كُنّا واقفين وين ؟
Quote: نحن راسنا بالنو ... بس انتو اضمنوا التأهل اول
أخونا طارق بالي راسو وجاهز ...
أها نحن برضو بالين راسنا وجاهزين .. ولو في مُباراة تحديد المركز الثالث كانت حتكون فرصة لمسح أحزان الهلال أو المريخ !!
Post: #53 Title: Re: مازيمبي الكونغولي والاتحاد الجزائري الأق Author: Nasruddin Al Basheer Date: 09-17-2015, 09:24 AM Parent: #52
حكمة اليوم: لا تضيع وقتك في مجادلة المريخاب والكيزان
من ناحية أخرى: الكأس من نصيب مازيمبي إن شاء الله قال بلة الغائب قال
Post: #54 Title: Re: مازيمبي الكونغولي والاتحاد الجزائري الأق Author: فتحي الصديق Date: 09-17-2015, 10:26 AM Parent: #53
مازيمبي أفضل فرق دور الأربعة ,, الهلال فاز عليه في أمدرمان بفضل ذكاء التونسي الكوكي ,, والذي هاجم مرمى كديابا بضراوة بتوظيف بشة وأطهر في مهام المهاجين , ربع ساعة وتقدم الهلال بهدف . وكان يمكن أن ينهي ربع الساعة الأولى بأكثر من هدف , ولما صحا لعيبة مازيمبي ومدربهم بنى الكوكي ساتره الدفاعي الذي صمد حتى نهاية المباراة .
----------------------------------- لا مقارنة بين مستوي مازيمبي ومستويات بقية الفرق ,
-------------------------- عشان كدة ناس المريخ ليس لديهم سوى الدعاء بأن تكون هزيمتهم منه مقبولة وعادية .
