Post: #1
Title: نداء من اجل نساء كوستي
Author: عبدالحفيظ ابوسن
Date: 08-17-2015, 01:38 PM
01:38 PM Aug, 17 2015
سودانيز اون لاين
عبدالحفيظ ابوسن-كوستي / الحلة الجديدة
مكتبتى فى سودانيزاونلاين
تعاني المرأة في كوستي مع تفشي وازدياد حالات سرطان الثدي .. المعاناة تبدأ من لحظة اكتشاف المرأة لحبة في الثدي . ويذهب عقلها نحو السرطان فقد تفشي المرض بشكل مزعج
وفي سبيل التحقق من ذلك تعاني هي واسرتها مرارة السفر للخرطوم .. فالظروف المادية تحول دون ذلك .. والبيت والاطفال . فالتكلفة تتجاوز ال 2 مليون ج
هذا غير السفر والاطفال والمدارس
ووجدنا حلا
بتوفبر جهاز الفحص المبكر عن سرطان الثدي بتكلفة وقدرها 250 مليون ج قديم
اسم الجهاز ماموقرام
mammogram
الجهاز متوفر
وتعوزنا النقود
وهذا نداء لكم ولكل من يقرأ هذا البوست
|
Post: #2
Title: Re: نداء من اجل نساء كوستي
Author: عبدالحفيظ ابوسن
Date: 08-17-2015, 01:50 PM
Parent: #1
قال لي صديقي الاعجز
ان عجزنا عن تغيير السلطة فلا نعجز عن مد يد المساعدة
ردا علي حرجي في بوستات الشحدة
ولكن لم يتبق لنا الا نمد ايدينا ذليلة نحوكم
وغرنا نجاحنا مرتين معكم
|
Post: #3
Title: Re: نداء من اجل نساء كوستي
Author: دينا خالد
Date: 08-17-2015, 02:24 PM
Parent: #1
العزيز ابوسن
المشروع انسانى ومفيد
لكن ولخطورة هذا المرض على النساء
يجب الدعوة لانشاء مركز متكامل يضمن استخدام الجهاز بالصورة
السليمة حسب علمى الجهاز لازم يتوفر فى شروط طبيه عالية الجودة
والدقة ... حسب علمى ايضا ان الخرطوم كلها فيها. جهاز واحد موجود فى
مستشفى او المركز الضخم الذى اقامته السيدة الجليلة زوجة محمد مو
فى الخرطوم ....
سؤالى هل حسم الجدل طبيا حول هذا الجهاز ؟
الكثيرون كانوا يروا ان الفحص الذاتى للثدى هو الامثل وان لهذا الجهاز
شرور كتيرة خاصة وانه ليس علاج بل وسيلة للتشخيص عندها بدايل اامن
http://www.0zz0.com
|
Post: #4
Title: Re: نداء من اجل نساء كوستي
Author: دينا خالد
Date: 08-17-2015, 02:29 PM
Parent: #1
http://www.0zz0.com
|
Post: #5
Title: Re: نداء من اجل نساء كوستي
Author: عبدالحفيظ ابوسن
Date: 08-17-2015, 02:56 PM
Parent: #4
تشكري دينا للاضاءة الجيدة والمفيدة والتنوير
بدأت الفكرة من مجموعة من ناس كوستي . ووفق لدراسة اعددتها دكتورة عايدة اخصائي الاورام بالخرطوم للنساء المصابات بسرطان الثدي بالنيل الابيض .
والفكرة حملتها جمعية اصدقاء مرضي السرطان بكوستي ووصلتني من خلالهم .. واجتهدنا مع اخرين لعمل مركز للفحص المبكر لسرطان الثدي . بمساعدة ورعاية مركز الخرطوم
يقول اهل الجمعية ان الفكرة طبقت في ثلاثة مدن
الابيض ودنقلا وبورتسودان
عمل مركز بواسطة الدعم الشعبي والاهلي
عموما سأوجههم لهذا البوست لقراءة ردك الجيد
خالص الشكر والتقدير الحقيقي
|
Post: #6
Title: Re: نداء من اجل نساء كوستي
Author: دينا خالد
Date: 08-17-2015, 03:13 PM
Parent: #5
اكيد عزيزى ابو سن الفكرة جيدة
والمراد والهدف نبيل ،،
كما عهدناك دايما . بالتاكيد برضو هناك اراء طبية
معتبرة تقلل من هذه النظريات وتقول ان فوايد
الميموجرام اكتر بما لا يقاس من اضراره ...
واكيد فى اطباء كتار فى هذا البورد على المام
وممكن يثرو النقاش ،، ونخلى هذا البوست عاليا
فعلا .. موضوع تخصيص مراكز فى الاقاليم
دى فكرة مبهره وح تخفف من معاناة المرضى
النفسية بشكل كبير ،،، سلمتوا اهل كوستى
وانتم تقهرون ظلام العالم .
|
Post: #7
Title: Re: نداء من اجل نساء كوستي
Author: معاوية الزبير
Date: 08-17-2015, 03:23 PM
Parent: #6
هسي شنو يعني، ندعم المشروع ولّ كيف بعد تقرير دينا دا؟
رأيي إنو نسعى لتوفير الجهاز وإنشاء المركز، وبعدين المحيي الله والكاتل الله
Quote: حسب علمى ايضا ان الخرطوم كلها فيها. جهاز واحد موجود فى
مستشفى او المركز الضخم الذى اقامته السيدة الجليلة زوجة محمد مو
فى الخرطوم ....
سؤالى هل حسم الجدل طبيا حول هذا الجهاز ؟
الكثيرون كانوا يروا ان الفحص الذاتى للثدى هو الامثل وان لهذا الجهاز
شرور كتيرة خاصة وانه ليس علاج بل وسيلة للتشخيص عندها بدايل اامن |
يا عبد الحفيظ لا تتحرج من عرض احتياجات المدينة،
فلها دين في رقبتنا ما ح نقدر نوفيه لو بنينا مدينة جديدة نموذجية
كل التقدير
-------
الرد كتبتو قبل مداخلة دينا التالته
|
Post: #8
Title: Re: نداء من اجل نساء كوستي
Author: عبدالحفيظ ابوسن
Date: 08-17-2015, 08:57 PM
Parent: #7
في مجال الكشف المبكر لسرطان الثدي فحص الماموغرام هو احدى مراحل الفحص المهمة وذلك لقدرته على كشف المراحل المبكرة جدا القابلة للمعالجة بنسبة مئة بالمئة. .وكما ذكرت فان الفحص الذاتي مهم جدا...ودي خطوة مهمة في موضوع الكشف المبكر...الماموغرام لا يستعمل لكل سيدة على الاطلاق...هنالك بروتوكول يحدد من وكيف يستعمل...في بعض البروتوكولات يتم المسح بواسطة الجهاز لكل سيدة فوق الخمسين كل خمس او ثلاث سنوات...وفي بروتوكولات اخري تضع التاريخ المرضي للاسرة وبعض عوامل الخطورة فيتم عمل المسح منذ سن اقل من الخمسين ولفترات متقاربة...
فيما يتعلق بخطورة الاشعاع على الثدي...بالرجوع الى عوامل الخطر التي تساهم في ظهور السرطان نجد ان الاشعاع لا يتصدر القائمة. ..وان الاشكال الاكبر من التغيرات الهرمونية التي تتعرض لها كل سيدة خاصة فترة مابعد الاربعين...مما يجعل كل سيدة تقريبا عرضة للاصابة...وزي ما قالت الاخت الفحص بالجهاز بيكون ضمن تيم متكامل فيه كل الكوادر الصحية والمساعدة...والاجهزة الموجودة في الخرطوم موجودة في مراكز خاصة وبتكلفة مرتفعة جدا...وبدون مانقول كلام سلبي المراكز الخاصة لازم تضمن استرجاع قيمة الجهاز وتكلفة تشغيله والكادر العامل واشياء اخري...عشان كدة وجود اكتر من جهاز في مؤسسة عامة ضروري...بعدين ارتفاع تكلفة العلاج في المراحل المتاخرة بيدي وجود الجهاز جدوى اقتصادية وبيزيح عن كاهل المركز القومي والمواطن أعباء مالية كبيرة جدا ناهيك عن الفائدة بشفاء تام للمريضة بدون عواقب.
النداء كان بخصوص الماموغرام دون غيره لانه حجر الزاوية والاغلى ثمنا بين متطلبات عيادة الكشف المبكر...
رد د. حباب
كوستي
|
Post: #9
Title: Re: نداء من اجل نساء كوستي
Author: عبدالحفيظ ابوسن
Date: 08-18-2015, 06:01 AM
Parent: #8
صدقني يا ياقوت
الاعظم من قدر الانسان
هو الانسان
الفيتوري
معاوية يا اعز
لا مناص سوي ذلك الطريق
تشكر
|
Post: #10
Title: Re: نداء من اجل نساء كوستي
Author: عبدالحفيظ ابوسن
Date: 08-18-2015, 03:36 PM
Parent: #9
ل
حين
ميسرة
|
Post: #11
Title: Re: نداء من اجل نساء كوستي
Author: معاوية الزبير
Date: 08-18-2015, 08:53 PM
Parent: #10
أرجو يا ابوسن أن تملّكوا الأستاذة عواطف عبد اللطيف أثناء إجازتها في كوستي كامل تفاصيل المشروع
لتقوم بدورها بتنوير أبناء كوستي في الدوحة
كما أن للأستاذة عواطف علاقات واسعة مع جمعيات نسائية فاعلة في قطر يمكنها دعم للمشروع
و .. فوق من أجل صحة نساء كوستي
|
Post: #12
Title: Re: نداء من اجل نساء كوستي
Author: عبدالحفيظ ابوسن
Date: 08-19-2015, 05:32 AM
Parent: #11
نعم
اديتها علم
|
Post: #13
Title: Re: نداء من اجل نساء كوستي
Author: عبدالله ود البوش
Date: 08-19-2015, 07:00 AM
Parent: #12
ود اب سن الله اديك العافية
كلام دينا خالد دا كلام سمح خلاص ومهم ما تديهو الوطا
دائما متعود احكي حكاية في كل موقف .... كلامي بقى كتير خلاص ... علامات الكبر ظهرت طاااااااااب
قاليك في مرة كل مرة تمشي للدكتور تقوليهو اكشف لي السرطان
اكشف ليها اقوليها ما عندك سرطان
شهرين تلاتة وتاني تجي ليهو اكشف لي السرطان اقوليها ما عندك
وبرضو شهرين تلاتة جات وكشف ليها قاليها عندك سرطان
قالت الحمد لله كدا ارتحت
اها ان شا ء الله الجهاز بجي لكن ما دام استخدامه قد يضر فيجب الحيطة والحذر في استخدامه
عشان نسوانا الطيبات ديل الواحدة كان قامت ليها حبة حارة ساهي اخواتا بخلعنها وجري على الجهاز
بينا تلفون يا الحبيب
وسلم على البنية القالت دايرة موز وجابو ليها حلاوة البان
انعل ابو الشعيرية ذاتا
|
Post: #14
Title: Re: نداء من اجل نساء كوستي
Author: عبدالحفيظ ابوسن
Date: 08-20-2015, 05:56 AM
Parent: #13
اللهم ارحم عبدك سامي عبدالمطلب واغفر له وتجاوز عنه . فلم اعلم عنه في هذا المنبر سوي ادب القول والترفع عن الهزر والاسفاف والتهاتر
نزل الخبر صاعقا علي ولكن لا نقول الا ما يرضي الله
اللهم اجعله في سدر مخضود وطلح منضود وفاكهة كثيرة لا مقطوعة ولا ممنوعة واغسله بالماء والبرد والثلج ونقه من الخطايا كما ينقي الثوب الابيض من الدنس
|
Post: #15
Title: Re: نداء من اجل نساء كوستي
Author: عبدالحفيظ ابوسن
Date: 09-07-2015, 12:59 PM
Parent: #14
ل
عناية
العزيز
انور سيد ابراهيم
ويظل الطلب
|
|