سعر البنزين في السودان رخيص جداً

06:45 PM Jul, 28 2015
سودانيز اون لاين
Frankly-ارض الله ومعمورته
مكتبتى فى سودانيزاونلاين



حوالي 75 سنت أمريكي للتر الواحد بينما المتوسط العالمي 1.10 دولار أمريكي للتر الواحد

Quote: حوالي 75 سنت أمريكي للتر الواحد بينما المتوسط العالمي 1.10 دولار أمريكي للتر الواحد

فرانكلي تحياتي

كلامك صحيح جداً
ومشكلة السودانيين أن
مستوى دخل الفرد متدني جداً
لذلك ببساطة ورغم أنه رخيص جداً بالنسبة للمغترب فرانكلي
والمغترب الصادق إسماعيل
إلا أنه غالي جداً بالنسبة للمقيم في السودان على حسب متوسط الدخل في اليوم
ففي أمريكا أنا اشتري اللتر بـ 70 سنت ودخلي في السنة هو 50 الف دولار
وفي السودان أنت تعلم ما هو متوسط دخل الفرق

وهذا يجعل ما نراه أنت وأنت رخيصاً يراه المواطن هناك غالياً جداً

ياتو فئة من البنزين؟
98؟
95؟
91؟
80؟

هل تعلم فئة البنزين في السودان؟

يا أيمن

كل الفئات بتاعة البنزين رخيصة في السودان
بالنسبة لينا أنا وفرانكلي
القاعدين في اوربا وأمريكا

وغالية جداً بالنسبة لكل السودانيين القاعدين جوة السودان من الغالبية ذوي الدخل المحدود
المسألة نسبية يا أخي

لو دخلي مليون دولار في السنة فسعر السيارة بي ام دبليو بكون رخيص جداً بالنسبة لي
مقارنة مع زول دخله الف دولار في السنة فلو سألته حيقول ليك غالية جداً.

Quote: كل الفئات بتاعة البنزين رخيصة في السودان

هل تعلم يا الصادق ان كل الفئات اعلاه غير متوفرة في السودان
هل قابلك في السودان طربمة موضوحة فئة البنزين البتبيعها؟
زي ما انت عارف احنا عشان نحكم على سلعة بانها رخيصة او غالية لازم نستصحب مدى جودتها برضو
مقارنة بدول مثل اثيوبيا - الاردن - الامارات - ودول اوروبا وامريكا البنزين رخيص .. وليس رخيص جدا

سعر البنزين الزهيد في السودان يستفيد منه قطاع كبير من المواطنين الذين يستخدمون المواصلات العامة في تنقلاتهم إذ يمكنهم من دفع ثمن الرحلة التي تبلغ في بعض الحالات 10 سنتات أمريكية

أصحاب المركبات الخاصة يستفيدون من سعر البنزين ولكنهم يدفعون ثمناً باهظاً لسياراتهم

فثمن السارة في السودان يساوي الضعف أو أكثر فيما عداه من الدول خاصة العربية والغربية

سألت عن سعر التيوتا لاندكروزر (برادو) 2015 فول أوبشن فقيل أن ثمنها مليون و200 ألف جنيه سوداني بالجديد ما يعادل 126000 دولار

سعر Toyota Land Cruiser Prado 4.0L VXR 2015 في الإمارات يبلغ حوالي 49000 دوار أمريكي

يقولوا ليك الكهرباء رخيصة
ويحبسوها ليك بالدولار ويقارنو ليك بالدول الكبار
ويقولوا البنزين رخيص ونفس المقارنات
لكن أبدا ما بقولوا ليك العمالة في السودان رخيصة
العامل في السودان بياخد أقل من 80 سنت في الساعة
حتي الدكتور الماهيته 2 مليون دولار في الشهر
تساري 200 دولار الشهر
دي بطلعها في بلدنا دي سواق تكسي في يوما عادي
وفي يوم السبت بطلع ماهية إخصائي جراحة

فبالله عاينوا للصورة الكبيرة
الدخل مقابل الصرف
(ما تنسوا حاجة مهمة
ناس الحكومة بنزيهم مجاني)

مع الزيادة في أسعار الوقود التي أقرتها وزارة الطاقة في الدولة نقدم للقراء قائمة بأسعار الوقود حول العالم.

يبلغ متوسط سعر البنزين في جميع أنحاء العالم 1.10 دولار للتر الواحد، ومع ذلك، هناك فرق جوهري في هذه الأسعار بين البلدان، كقاعدة عامة، البلدان الغنية ترتفع فيها الأسعار بينما الدول الفقيرة والدول التي تنتج النفط وتصدره تكون الأسعار أقل من ذلك بكثير.

ويعتبر الاستثناء الوحيد هو الولايات المتحدة وهي دولة متقدمة اقتصاديا ولكن تنخفض فيها أسعار الوقود، وتلعب الرسوم والضرائب دوراً في اختلاف الأسعار بين البلدان، فأسعار النفط نفسها في الأسواق الدولية ولكن بعد ذلك تقرر الدول فرض الضرائب المختلفة.

ونتيجة لذلك فإن أسعار التجزئة للبنزين مختلفة من بلد لآخر، ففي بعض الحالات، مثل فنزويلا فإن الحكومة تدعم البنزين وبالتالي يدفع الناس أثماناً بخسة مقابل البنزين.

الأسعار بالدولار مقابل الليتر الواحد، مع مراعاة أن هذه الأسعار صدرت أمس الاثنين، حسب موقع جلوبال بترول برايس.


فنزويلا 0.02
ليبيا 0.14
المملكة العربية السعودية 0.15
الكويت 0.21
الجزائر 0.22
قطر 0.26
البحرين 0.26
عُمان 0.30
إيران 0.33
تركمانستان 0.34
بروناي 0.38
الإكوادور 0.44
سوريا 0.44
نيجيريا 0.46
الإمارات العربية المتحدة 0.47
بوليفيا 0.51
ماليزيا 0.56
روسيا 0.62
اليمن 0.67
قيرغيزستان 0.68
كازاخستان 0.69
ليسوتو 0.70
أفغانستان 0.72
إندونيسيا 0.73
كولومبيا 0.74
بيلاروسيا 0.74
أذربيجان 0.74
تشاد 0.75
السودان 0.75
ناميبيا 0.75
باكستان 0.76
مصر 0.77
الولايات المتحدة الأميركية 0.78
بوتوريكو 0.78
إثيوبيا 0.81
بوتسوانا 0.82
تايوان 0.83
لبنان 0.83
العراق 0.84
منغوليا 0.85
تونس 0.85
سيراليون 0.85
النيجر 0.86
المكسيك 0.89
تر. وتوباغو 0.90
هاييتي 0.90
أنغولا 0.90
مولدوفيا 0.91
الكونغو 0.91
سوازيلند 0.19
غواتيمالا 0.91
جزر ساموا 0.91
أوزباكستان 0.92
أوكرانيا 0.92
دومينيكان 0.93
جورجيا 0.94
كينيا 0.95
بنين 0.95
ليبيريا 0.95
بنما 0.96
سيرلانكا 0.96
فيتنام 0.96
تنزانيا 0.98
الفلبين 0.98
البرازيل 0.99
السلفادور 1.00
أستراليا 1.00
تايلاند 1.00
جزر المالديف 1.00
بليز 1.01
غانا 1.01
كندا 1.01
أوغندا 1.02
نيبال 1.02
طاجاكستان 1.03
أرمينيا 1.04
مدغشقر 1.04
فيجي 1.04
بوتان 1.04
سانت لوسيا 1.06
توغو 1.07
الهند 1.08
بوروندي 1.08
الصين 1.08
مالي 1.08
جنوب إفريقيا 1.09
باراجواي 1.09
الكاميرون 1.09
غويانا 1.09
اليابان 1.11
المغرب 1.11
نيكاراغوا 1.12
هندوراس 1.13
البيرو 1.13
غينيا 1.14
الأردن 1.14
ساحل العاج 1.16
موزمبيق 1.16
موريتانيا 1.16
البوسنة والهرسك 1.17
كوستاريكا 1.18
بوركينا فاسو 1.19
بنغلاديش 1.20
غرينادا 1.20
جامايكا 1.21
مقدونيا 1.21
موريشيوس 1.21
رواندا 1.21
الرأس الأخضر 1.23
تشيلي 1.23
لاوس 1.24
سيشل 1.24
سورينام 1.25
بلغاريا 1.25
زامبيا 1.25
الدومنيكان 1.26
جزر الباهاما 1.26
استونيا 1.27
أندورا 1.27
كمبوديا 1.27
السنغال 1.29
كوبا 1.30
لاتفيا 1.31
بولندا 1.33
صربيا 1.33
سولومون 1.43
جمهورية التشيك 1.34
كوريا الجنوبية 1.34
هنغاريا 1.35
جمهورية سي إيه 1.35
الأرجنتين 1.35
لتوانيا 1.36
بربادوسيا 1.37
لكسمبورغ 1.38
ألبانيا 1.38
جزر القمر 1.41
أستراليا 1.41
رومانيا 1.42
الصومال 1.42
إسبانيا 1.43
الجبل الأسود 1.44
نيوزيلندا 1.44
قبرص 1.46
كرواتيا 1.47
سلوفينيا 1.48
مالطا 1.48
أوروغواي 1.51
الكونغو الديمقراطية 1.51
سلوفاكيا 1.52
ملاوي 1.56
سنغافورة 1.57
زيمبابوي 1.57
فرنسا 1.58
إيرلندا 1.59
ألمانيا 1.60
فانواتو 1.61
بلجيكا 1.62
السويد 1.63
سويسرا 1.63
أيسلندا 1.66
جيبوتي 1.69
فنلندا 1.69
تركيا 1.70
اليونان 1.73
البرتغال 1.73
موناكو 1.74
الدنمارك 1.80
بريطانيا 1.81
إيطاليا 1.82
هولندا 1.90
النرويج 1.93
هونغ كونغ 1.95

http://www.albayan.ae/economy/the-world-today/2015-07-28-1.2425047

كما قلنا

يعتبر البنزين في السودان من اغلى الدول
مقارنة بمتوسط دخل الفرد في السودان

Quote: السويد 1.63 النرويج 1.93

الدولتين ديل بشيلوا قريب دولار علي الليتر الواحد عبارة عن ضرائب.

الضرائب دي راجعة للمواطن علاج مجااااااااااااانى
وتعليم مجاااااااااااااااااااانى حتى المرحلة الجامعية
ومواصلات شبه مجانية

يا فرانكلي
كيلو الطماطم اليوم الليلة دي بأقل من دولار في استوكهولم.

تعرف في الخرطوم بكم؟؟ أربعة دولار ونص!!

معقولة بس؟؟

يعنى أم رقيقة بقت في تلتلا.

دخل المواطن في السويد حوالي 60 الف دولار
في السودان 1700 دولار..

يلا قارن

Quote: البنزين فى السعودية رخيص جدا 26 سنت يعنى ثلث سعره فى السودان بينما المرتبات فى السعودية عشرات اضعاف المرتبات فى السودان. جمارك السيارات فى السعودية بسيطة جدا بينما فى السودان الجمارك قدر ثمن السيارة. كلامك كلام حق اريد به باطل وسوف يشجع القائمين على الامر لزيادة الاسعار وسوف تسأل عنه يوم القيامة انشاء الله حسب نبتك وقصدك. واعلم اخى ان الكلمة تهوى بصاحبها ...............

يا فرانكلى
زى ما قال ليك الاخوة
الرخصة والغلاء في اى بلد بتقاس حسب متوسط دخل الفرد والوفرة والندرة حسب حجم العرض والطلب والحقيقة دى انت عارفها زى جوع بطنك فارجوك ما تكابر !

يا جماعة
براحة على فرانكلي
فرانكلي بيقارن سعر البنزين في السودان بسعره في العالم

وهو رخيص جداً




لكن الموضوع بتاع سعر البنزين للمواطن السوداني فهو غالي جداً



وأخونا فرانكلي زينا واحد مغترب وبيقبض باليورو، فجالون البنزين بالنسبة ليه رخيص
وهو بيكون مستغرب زي ما أنا مستغرب ليه الناس دي ما اغتربت زينا
انا وفرانكي وسيف اليزل
برضه الجالون كان حيكون في نظرهم رخيص جداً



أيها المواطن السوداني

تعال واغترب معانا في المانيا والسويد وأمريكا

وحتاكل طماطم وتكب بنزين وتكتب في سودانيزاولاين
وإنت مرتاح

Quote: رومانيا 1.42

الاسعار دي مامظبوطه او مافيها ضرائب

بعد كلامك ده غير بروفايلك الحكومه اولآ بحبك يا الحكومه
زمان بقولو جلدآ ما جلدك جر فيهو الشوك
الشوك ده كيفنو ما يا هو ده , برلمانيون يصفقون لزيادة الاسعار ومغتربين يحرضوا علي محمد احمد المسكين
زيدوا سعر المويه والكهرباء وزي ما قال لكم فرانكلي زيدوا البنزين وبالمره سموها زيادة فرانكلي
هل نقول لك كما فال كبير الجنوبيين دينق

ودخل المواطن البسيط متدني جدا جدا في السودان
اربط معاها الجمله دي
شوف النتيجه حا تكون شنو

قال رخيص قال

Quote: يعتبر البنزين في السودان من اغلى الدول مقارنة بمتوسط دخل الفرد في السودان

معقولة الكلام البديهي دا فايت على فرانكلي؟
...
والله يا فرانكلي أنا بعرف لي ناس في السودان تمشي تقول ليهم كلامك دا إلا يمرقنك كرعيك...

ولو داير تشوف المفارقات الجد جد
قارن بين أسعار العربات في السودان
وأسعارها في أي حتة في العالم
بكس هايلكس من التسعينات
تمنه في السودان يتجاوز العشرة ألف دولار
أي مية مليون سوداني
وسعره في أمريكا لا يتجاور الألف دولار
يعني عشرة مليون بالسوداني

يا ربي يكون من شنو؟؟؟؟؟؟

البوست ده كاتبو ربيع عبدالعاطي؟

.


أمشي خليهم يحررو سعر البنزين، موش قالوا سياستهم الإقتصادية تحرير الأسعار!


.

Quote: كل الفئات بتاعة البنزين رخيصة في السودان بالنسبة لينا أنا وفرانكلي القاعدين في اوربا وأمريكا وغالية جداً بالنسبة لكل السودانيين القاعدين جوة السودان من الغالبية ذوي الدخل المحدود المسألة نسبية يا أخي

اتفق مع الصادق

ينبغي النظر للموضوع من خلال منظار دخل الفرد في السودان..

Quote: يا فرانكلي كيلو الطماطم اليوم الليلة دي بأقل من دولار في استوكهولم. تعرف في الخرطوم بكم؟؟ أربعة دولار ونص!!

لا حولة
اربعة دولار ....يعنى قريب 45 جنيه دي كيلو طماطم ولا كيلو لحم
مافي بالكوم