الخرطوم قرية وسخة .. وكافوري عبارة عن مكب نفايات

06:28 PM Jul, 27 2015
سودانيز اون لاين
Frankly-ارض الله ومعمورته
مكتبتى فى سودانيزاونلاين



ما رأيته في أحياء الخرطوم من ارتال الأوساخ ومخلفات البناء في شوارعها يفوق بمراحل الصورة التي اعتدت عليها في سابق المرات.

لم اقم بزيارة كافوري من قبل وتخيلت أنه سيكون حي راقي ونظيف لما سمعنا من أن ساكنيه من أغنياء البلد واصفيائه السياسيين ولكنه في الحقيقة لم يكن بأي حال أفضل من امبدة أو الصحافة أو الكدرو, حي وسخ في قرية كبيرة

أوساخ , مخلفات بناء ومطبات تحتاج لمهارة قيادة فائقة لكي تتجاوزها

هل هذه هي حقاً كافوري؟؟؟؟

هكذا سألت نفسي وأنا امر بطرقات الحي خلف مسجد النور كافوري

تحياتي يا كمال وكل عام وانت ومن تحب بخير وسعادة ..

أصلا حكومة مكونة من مئات الدستوريين سيكون حال البلد معها هكذا ..

عندما تنتهي الفوضى الحكومية بكل تأكيد ستنتهي كل انواع الفوضى ..
هذا هو نتاج حكومة (الترضيات) و (التسويات) وليس حكومة الكفاءات

السودان ينحدر وبشدة نحو الكارثة ..

ربك يستر بس ..

سلامات فرانكي وحمداً لله علي السلامة ..
أنا أنظر لهذه الفوضي كنتيجة لحركة عمرانية كبيرة ومتسارعة .. الناس كلها شغالة تكسِّر وتبني - وتعرف أن الناس هناك لا تهتم بإزالة مخلفات البناء .. ولذلك تجد البيت عمارة قاعدة فوق كوم وساخة وجنبه عربية آخر موديل .. تلاحظ أن الخرطوم أغلبها أصبحت منازل في طور البناء .. البلد إمتلأت هياكل أسمنية خرصانية منتظرة التقفيل والتشطيب ..

الهدم والبناء جار علي قدم وساق .. المغترب همه كله يهدم البيت ويبنيه .. يمشي يقضي كم سنة في الغربة ويجي في الإجازة يهدم ويبني - يرجع الغربة ويجي بعد كم سنة تاني يهدِّم ويبني .. وهكذا دواليك ههههه ..
أها إنت ما هدمت ليك حيطة وبنيتها؟؟ :)..

بكون شايل ليك ألفين يورو .. ومشيت إجازة للسودان ..

حاولت تشتري ليك بيت في الخرطوم قالوا ليك بمليار جنيه ..

مشيت على كافوري قالوا ليك بمليارين ..

جيت جاري على المنبر .. تسب وتشتم الخرطوم على الكافوري ..

Quote: بكون شايل ليك ألفين يورو .. ومشيت إجازة للسودان .. حاولت تشتري ليك بيت في الخرطوم قالوا ليك بمليار جنيه .. مشيت على كافوري قالوا ليك بمليارين .. جيت جاري على المنبر .. تسب وتشتم الخرطوم على الكافوري ..

بالغت يا علي عبدالله ياخ

فرانكلي سلام

اعتقد أن الموضوع يرجع لحالة ذهنية عند الكثير من السودانيين (سكان العواصم)، وهي أن مسؤوليته تنحصر في نظافة بيته فقط
وقد انتبهت لهذه الظاهرة من فترة وأنا صغير في خامسة ابتدائي حيث ذكر لنا الأستاذ قصة شخص ما في سويسرا وأنه كان يسير
في شوارع سويسرا ورمى ورقة على الأرض، فأخذها (شافع صغير) وأعادها له، فقال له الرجل (أنا لا أحتاج لها لذلك رميتها) فأجابه الشافع
(وكذلك سويسرا لا تحتاجها)، أثرتني هذا القصة، فطلبت من أصدقاء البلي والدافوري، أن نجعل من السودان سويسرا وننضف الحي، فأصبحت مضحكة في الحلة وفي المدرسة
واتذكر أنهم كانوا يغمزوني بذلك، ورجعت البيتن ودخلت الديوان وبكيت (شعرت بغيظ من ضحكهم على). طبعاً كنا أطفال، وأعدت التجربة في مصنع سكر سنار
وكان الدعم من إدارة الخدمات بالمصنع وكان يوماً جميلاً.



موضوع النفايات والتخلص منها وتغريم أصحاب مخلفات المباني موضوع لا تأخذه الحكومة بجدية. فهي تركز على تحصيل الرسوم دون تنفيذ

كويس إنك مشيت وشفت
وجيت مرقت الحقيقة
أوريك السبب في وساخة الخرطوم
المحليات والولايات والحكومة الفدرالية
لا تصرف كثيرا ولا قليلا علي الصحة العامة
والفيها طبعا النظافة العامة
كل نصيب الصحة في الميزانية حوالي 1 في المية
وحتي في المحليات والتي يجب أن تكون النظافة همها الأساسي
النسبة لا تزيد كثيرا
زمان وعند إستقلال السودان كان السودان يصرف
حوالي 15 في المية من الميزانية علي الصحة العامة
ونفس النسبة تقريبا علي التعليم

كانت شوارع الخرطوم تعسل بالصابون كل يوم
وكان هناك كناس في كل شارع
وكوشة تفرغ يوميا

لم يك لدينا جهاز أمن ولا مخابرات حينها
بس بوليس سري

وهسع
(وهذا هو حال الديكتاتوريات علي كل حال)
نصرف الحكومة أكثر من 75 من الميرانية علي الأمن والجيش والدستوريين

القصر الجمهوري وحده ميزانيته أكثر من 15 في المية

صحة كل السودان 1 في المية
تعليم كل السودان 1 في المية
القصر الجمهوري وحده 15 في المية

المسؤولين بمرتبة وزير
أكثر من 550
كل واحد كم سيارة جديدة بوقودها وسائقها

(معليش الكلام دا كررناه كثير
لكنها الحقيقة المرة اللازم نبلعها كل مرة )

الاخ كمال كل سنة و انت طيب و حمدا لله على السلامة..
الاخطر من نفايات المباني على المناطق السكنية و خاصة كافوري هو دخان المنطقة الصناعية بحري..