Post: #2
Title: Re: القنصل السوداني بالإمارات يتحدث عن جرا�
Author: مامون المعتصم أحمد
Date: 07-24-2015, 08:52 PM
Parent: #1
شـــكراً ليك يا أســـــتاذة على نقل موضوع البوســت دا
سعادة السفير - القنصل العام بدبى - د. حمدى عبدالرسول هو مثال للسودانى
ود البلد الأصيل شخص عالى الهمة و متواضع جداً و طيب النفس و المعاملة
و مهموم بهم الوطن و رعاياه المغتربين في دولة الإمارت الشقيقة المضيافة
و دائماً ما يتواجد في صالة الإنتظار في القنصلية يساعد المراجعين و يوجههم
إلى حيث تقديم معاملاتهم في تعاون ملحوظ و تواضع جم و في كثير من الأوقات
لا يعلم المراجع المستفسر عن حاجته أن الذى يوجهه هو القنصل العام نفسه ..
و يلقاك هاشاً باشاً بلا تكلف أو ضيق في مكتبه أو حيث قابلته ...
شكراً له و هو يتطرق بكل صدق و صراحة عن واحد من أكثر المواضيع التي
شغلت الناس في الجالية السودانية و خصوصاً في دبى و الذى دار حوله لغط
كثير و مبالغات مخيفة مصحوبة بكثير من الإشاعات المغرضة ... و هو الان
قد وضع النقاط على الحروف و أبان أن ما أشيع عن أربعمائة جواز لسودانيات
محجوز بالقنصلية لتعاملهن في قضايا أخلاقية ... و إن يكن آلمنا أيضاً حتى العدد
الذى أكده و هو سبعة و ثلاثين امرأة سودانية قد جرى تسفيرهن لممارسة أفعال
غير أخلاقية و لا تشبه طباع السودانيين ... و نحمد له تطميننا على تشديد الرقابة
على خروج النساء من السودان و الحرص على التشديد في الإلتزام بالسيرة الحسنة
المعروفة عن السودانيين أينما ذهبوا و كانوا .. لسعادة القنصل العام الشكر و التقدير ..
و صادق تمنياتى له بكل الخير و التوفيق في أداء رسالته الوطنية أينما حلَّ و ارتحل ...
و لبلادنا دوام الرفعة و السؤدد و الرقى ... و لدولة الإمارات مزيداً من الرقى
و الرفعة و الأمن و الأمان ...
|
Post: #3
Title: Re: القنصل السوداني بالإمارات يتحدث عن جرا�
Author: مامون المعتصم أحمد
Date: 07-25-2015, 09:23 AM
Parent: #2
لسعادة السفير القنصل العام د. حمدى ... الشـكر الجزيل
و لجميع طاقم القنصلية العامة بدءاً من سعادة نائب القنصل
و الإخوة المشتشارين الثقافي و الإعلامى و الإقتصادى
و طاقم الجوازات و كافة الموظفين و العاملين بها لتعاملهم
الراقى و إهتمامهم بخدمة المراجعين خصوصاً خدمة
اســتخراج الجواز الإليكترونى و الخدمات القنصلية العادية
من توثيقات و توكيلات و وثائق سفر و تجديدات الجوازات
و المساعدات و التواصل الإجتماعى مع مناسبات الجالية
المختلفة ... لهم جميعاً منى الشكر و ربنا يجزيهم عننا خير
الجزاء و يوفقهم لأداء رسالة الوطن الحبيب على أكمل وجه ..
|
Post: #4
Title: Re: القنصل السوداني بالإمارات يتحدث عن جرا�
Author: نعمات عماد
Date: 07-27-2015, 10:22 AM
Parent: #3
سلام و تحية أستاذ مامون المعتصم
شكرا للمداخلات التي تعكس إيجابيات موظفي القنصلية بالإمارات .
تحياتي للسيد القنصل العام بالإمارات لتفانيه في عمله .
أستاذ مأمون أجد انه من المؤسف أن يكون الإخلاص في العمل إستثناء و القاعدة في قنصلياتنا
الفظاظة و سوء المعاملة و إهمال المغترب في كل أحواله أي معافا أو مريضا أو ميتا .
و ما حادث قنصلية جدة ببعيد .
|
Post: #5
Title: Re: القنصل السوداني بالإمارات يتحدث عن جرا�
Author: مامون المعتصم أحمد
Date: 07-27-2015, 12:08 PM
Parent: #4
Author: نعمات عماد سلام و تحية أستاذ مامون المعتصم
شكرا للمداخلات التي تعكس إيجابيات موظفي القنصلية بالإمارات .
تحياتي للسيد القنصل العام بالإمارات لتفانيه في عمله .
أستاذ مأمون أجد انه من المؤسف أن يكون الإخلاص في العمل إستثناء و القاعدة في قنصلياتنا
الفظاظة و سوء المعاملة و إهمال المغترب في كل أحواله أي معافا أو مريضا أو ميتا .
و ما حادث قنصلية جدة ببعيد .
الأستاذة نعمات
و عليكم السلام و رحمة الله و تحية طيبة لك
ما كان الإخلاص في العمل يوم من الأيام من الأشـياء التي يؤسف لها
كما قلتى ... الحقيقة انا شخصياً في الإمارات من سنة 1989 و قبل
ما تجى حكومة الإنقاذ نفسها في السودان ... عاصرت في خلال الفترة
دى أكثر من ستة قناصل ... مع طواقم القنصلية القادمين من السودان
و الموظفين المحليين ... و شهادتى لله فيهم جميعاً كلهم مثال في التفانى
و الخدمة و الإخلاص ... كذلك طواقم القنصلية بدءاً من نواب القناصل
المحترمين إلى أصغر الموظفين بل و العمال ... كلهم في غاية الرقى
و التفانى و الأدب في أداء مهامهم ... و لا أقول هذا الكلام مجاملة لأحد
و لكن هذا حقهم على ... تقديرهم و تقدير أدائهم على الأقل لأنه ليس
عندى لهم إلا التقدير و الإحترام ... و لا يشكر الله من لا يشكر الناس ...
أما حادثة جدة فهى خارج معرفتى و لا احكم عليها ... و لا أعرف ما
حدث فيها ... و كما هي الحياة فيها بعض الهنات حتى منى و منك و من
أي شخص فالكمال لله وحده ... و عن نفسى لا اجامل فيما أرى أنه خطأ
و لا أتسقط أخطاء الآخرين ... و أعلم أننا كلنا بنى آدم و أن بنى آدم
خطاؤون و خير الخطائين التوابون ...
|
Post: #6
Title: Re: القنصل السوداني بالإمارات يتحدث عن جرا�
Author: Elhadi
Date: 07-27-2015, 02:00 PM
Parent: #5
والسرقة والفساد والحرمنة المتفشية في السودان دي علاجا شنو ؟؟
وبعدين كيف الزول ده يقول أن الممارسات " متفشية " وسط الجالية السودانية ثم يعود ليقلل من حجمها
التفشي ده غيرو معناهو ولا شنو ؟؟
القنصل ده ودوهو الضل
|
Post: #7
Title: Re: القنصل السوداني بالإمارات يتحدث عن جرا�
Author: مامون المعتصم أحمد
Date: 07-27-2015, 02:57 PM
Parent: #6
Author: Elhadi
والسرقة والفساد والحرمنة المتفشية في السودان دي علاجا شنو ؟؟
وبعدين كيف الزول ده يقول أن الممارسات " متفشية " وسط الجالية السودانية ثم يعود ليقلل من حجمها
التفشي ده غيرو معناهو ولا شنو ؟؟
القنصل ده ودوهو الضل
و الله ياخ قبل كدا واحد زيك كدا كان بيهاجم فينى في بوست زى دا
و بيقول نفس كلامك دا .... كان ردى عليهو إنى ما شـفت شى بى عينى
دى ... ما ممكن أتهم الناس بى سـرقة و حرمنة و فساد ... لاكين ممكن
تكون إنت شفت الحاجات دى و متأكد منها ... عشان كدا شيل مستنداتك
في إيدك و أمشى المحاكم عديل و أفتح بلاغات في الحرامية الإنت عارفهم
بنفس شجاعتك دى الكتبتَ بيها مداخلتك دى .. و هناك في محامين كتاااار
ممكن يتبنوا ليك الموضوع لا مليم و لا عشرة ... أما أنا فالحمد لله لحدى هسع
ما شفتَ لى حرامى أو فاسد ... و لو شفت و الله طوالى أعمل زى ما نصحتك
كدا .... عشان أساهم بالقليل في توقيف الفساد و السـرقة ...
المشكلة في كتير مننا نحن السودانيين بنهورط ساكت بالكضب و معظمنا زى
الببغاوات نسمع كلام أي زول نرددو طوالى دون التأكد منو و لو زول قال لينا
الكلام دا ما صاح أو إشاعة أو إتهام بالباطل مستعدين نحلف بى الله و بالطلاق
بالتلاتة إننا نحنا ذاتنا كنا حاضرين لامن الموضوع حصل و فلان شاهد و علان
شاهد ... أول ما الموضوع يبقى جد ... و يحتاج الدليل الحى كل واحد يقعد يتملص
أنا قال لى فلان و سمعتو من علان ... و في الآخر الواحد يبقى يكوس في المخارجة
بالاعتذارات و التحانيس ... بس عن نفسى بقول ليك أنا لو شفت زول حرامى لو
كان ولدى بوديهو محكمة الثراء الحرام .... و الرئيس قبل كدا قال ليكم أي زول
عندو مستند على زول فاسد يمشى طوالى المحاكم و ما في كبير على القانون ..
دحين يابا طالما إنت زول شجاع كدا و عارف ناس فاسدين ... أعمل خطوة سريعة
فوراً على المحكمة ... و ينولك ثواب من الله كمان ... أها و لو كمان جايى هنا
تلاكز و تغامز .... بقول ليك أكسب زمنك و شوف ليك شغلة تنفعك ...
كلامى هنا عن سعادة القنصل و القنصلية كلام حق و صدق و قناعة ...
لو إنت في الإمارات كنت شفت و سمعت الحصل خلال الشهرين الفاتن
و الإشاعات الملت البلد عن الموضوع بتاع الممارسات غير الأخلاقية
من بعض السودانيات و ما صاحبو من أذى كبير للأسـر المقيمة في
البلد دا من سنين طويلة ... و الآن سعادة القنصل العام ربنا يكرمو
و يجزيهو خير أوضح بكل تأكيد و جلاء للصورة و من باب قدر أخف
قدر حمدنا الله على أن العدد 37 و ليس 400 من غيرتنا على بلدنا
و عروض أهلو و عدم قذف المحصنات الغافلات ... شــكرت الرجل
لأنه يستحق ذلك ... أما بقية مواضيع الدجل و الشعوذة و السكر
و المخدرات فهى موجودة شئنا أم أبينا بل بعض الناس هنا عاملنها
شغل و شطارة ... بس هي في الأخير سـلوك فـردى و محصور بشخص
معين ... إذا وقع في يد القانون بياخد جزاهو و هو نفسو أول العارفين
بى كدا .... و سعادة القنصل أيضاً أوضح الحقيقة المجردة اللى كلنا هنا
عارفنها و شايفنها و الغالب الأعم من الأسوياء من أفراد الجالية متضررين
منها ... أما تقليل حجمها فهذه حقيقة لأنو مش كل السودانيين كدا و غالبية
السودانيين هنا هم ناس مستقيمين و راقين و متعلمين و أهل وظائف محترمة
سواء الذين يعملون في القطاع الحكومى أو القطاع الخاص مستثمرين أو
موظفين ... ديل ذنبهم إيه أن يحاسبوا بجريرة غيرهم ؟؟ و غيرهم ديل
معظمهم إن لم يكونوا كلهم زوار و ليسوا مقيمين ...
أما تعبيرك ( القنصل ده ودوهو الضل ) فهو تعبير غير موفق من شخص
أظنه كذلك غير موفق و غير محترم ...
أما أنا كمواطن ســودانى فأقول لك أن الأخ القنصل هو تاج على رأسى
و أعتز به و أفخـر به و أقدر ما يقوم به من أجل المواطنين المغتربين
في هذا البلد الكريم الإمارات و له منى كل الإحترام و التقدير ...
و الدعاء له أن ينيله الله من خيرى الدنيا و الآخرة و يرفع مقامه
لأعلى الدرجات ... و أن يوفقه في أداء رسالته الوطنية على اكمل وجه ...
و ليك أقول ... بطلوا تثبيط الهمم و نقد البشـر... و فتشوا عن عيوبكم
و اشتغلوا بإصلاحها فذلك أحسن لكم عند الله من تتبع الظن السىء
بخلق الله لأن الظن هو أكذب الحديث و إن بعض الظن إثم ...
و أسأل الله الهداية لى و ليك و للمسلمين أجمعين يا الهادى ....
|
Post: #8
Title: Re: القنصل السوداني بالإمارات يتحدث عن جرا�
Author: Deng
Date: 07-27-2015, 03:06 PM
Parent: #7
Quote: و الله ياخ قبل كدا واحد زيك كدا كان بيهاجم فينى في بوست زى دا
و بيقول نفس كلامك دا .... كان ردى عليهو إنى ما شـفت شى بى عينى
دى ... ما ممكن أتهم الناس بى سـرقة و حرمنة و فساد .. |
كل الفساد الذي يحدث أمام الجميع، تقوم تجي تكتب مثل كلامك الفوق ده ؟
أختشي يا أمنجي أختشي
|
Post: #9
Title: Re: القنصل السوداني بالإمارات يتحدث عن جرا�
Author: مامون المعتصم أحمد
Date: 07-27-2015, 03:44 PM
Parent: #8
Author: Deng
كل الفساد الذي يحدث أمام الجميع، تقوم تجي تكتب مثل كلامك الفوق ده ؟
أختشي يا أمنجي أختشي
دينق المرتزق قاتل أطفال العراق
الجميع ديل مين ... الحالمين هنا في سودانيز أون لاين ؟؟؟
ديل معظمهم مركبين مكنات وهم و أهمية في الفاضى ... كلام هنا في المنبر
دا بس ... و كلامى دا موجه لأى واحد فيهم شايف فساد في حتة في البلد
و عندو ليها مستند ... فوراً فوراً .... يمشى عدييييل على المحاكم ...
كلام هنا دا أنا ما بصدق 1% منو .... دى بند نمرة واحد ...
البند نمرة 2 ... إنت لو النزاهة كاتلاك بلدك الشايل جوازو و نافخ بيهو
دا هو أصل الفساد و الإجرام في الدنيا ... أي ناحية في الفساد أشـر عليها
بوريك فيه عشرين بند ... و آخر فسادكم و قدام عيونكم تجيزوا زواج
المثليين و تشهدوا عليهو .... و جايين تستعرضوا علينا نحنا ...
بلدك قام زى ما قامت أســتراليا على إبادة الشعوب الأصلية البريئة
و بلدك هو البلد الوحيد في الدنيا الإستعمل القنبلة النووية للإبادة الجماعية
و بلدك فيهو أكبر مواخير الدعارة المقننة في العالم ... و فيهو أكبر نوادى
و صالات القمار في العالم ... و أكبر بلد مستهلك للمخدرات في العالم
و أكتر بلد بتحصل فيهو جرائم قتل و إغتصاب و سرقات مسلحة
و سرقات بالإكراه في العالم ... و بلدك هو البلد الوحيد في العالم اللى
المواطن فيهو إذا طلع الصباح لى شغلو ما بيضمن يرجع سالم لى بيتو
و بلدك هو البلد الوحيد في العالم اللى ممكن زول فيهو يكتل زول في
الشارع بلا سبب .... و بلدك هو البلد الوحيد في العالم اللى بيمولوا فيهو
التجار الرئيس الجاييى بالانتخابات ... يعنى من الأول هو في الجيب ..
و لسه و لسه و لسه .... و جايى تتكلم عن فساد عندنا ؟؟
البند التالت ... يا مرتزق ... لا تنسب لى شـرف أنا ما قدرو ... أنا
ما أمنجى ... و دى آخر مرة أذكرك فيها ...
البند الرابع ....
كلامنا دا بين مواطنين سودانيين ... إيه الحشـرك إنتا ...
ســريع جـداً جـداً... عـشِّق بى نمرة خمسة و أدينا علالة كرعينك ...
|
Post: #10
Title: Re: القنصل السوداني بالإمارات يتحدث عن جرا�
Author: عبدالعزيز الفاضلابى
Date: 07-28-2015, 11:43 PM
Parent: #9
والدعارة دى بمارسوها مع منو؟
|
Post: #11
Title: Re: القنصل السوداني بالإمارات يتحدث عن جرا�
Author: نعمات عماد
Date: 07-29-2015, 08:14 AM
Parent: #10
Quote: والسرقة والفساد والحرمنة المتفشية في السودان دي علاجا شنو ؟؟
وبعدين كيف الزول ده يقول أن الممارسات " متفشية " وسط الجالية السودانية ثم يعود ليقلل من حجمها
التفشي ده غيرو معناهو ولا شنو ؟؟
القنصل ده ودوهو الضل
|
سلام و تحية طيبة أستاذ الهادي
الفساد في السودان إعترفت به الحكومة و مفوضية الفساد و يعلم به كثير من الناس .
في صحيفة الوطن يتحدث البرلمان عن الفساد الذي أوقف العمل في المدينة الرياضية لسنوات .
هناك يكتب في الصحف عن الفساد و من يتقدم للمسئوولين بمستندات تثبت الفساد مع علمه
بما سيجره عليه ذلك من ظلم و سجن المهم أن لا يصبح شيطان أخرس .
|
|