Post: #1
Title: خواطر متفرقة ...
Author: قسم الفضيل مضوي محمد
Date: 07-19-2015, 07:48 PM
06:48 PM Jul, 19 2015
سودانيز اون لاين
قسم الفضيل مضوي محمد-
مكتبتى فى سودانيزاونلاين
كانوا مجموعة من الاساتذة بيتكلموا عن كيفية معرفة الطلاب الناجحين والفاشلين منذ وقت مبكر ...
واحد من الأساتذة حكى وقال أنه كان قاعد في بيتم وكان معاه أولاده (ولد وبنت) فقال فكر يختبر ذكاءهم ...
قال ليهم امشوا الغرفة التانية شوفوني أنا هناك في ولا ما في ... الولد قام جاري للغرفة التانية والبنت ما مشت ...
قام سألها وقال ليها ليه ما مشيتي تشوفيني هناك ؟؟؟
قال ليه يا أبوي انت موجود معاي هنا ... كيف تكون في الغرفة التانية ؟؟؟
الولد مشى وجاء وقال لي لأبوه يا يابا انتا هناك مافي 
الأستاذ قال من ديك وقلت الولد دا ربنا يعوضني فيه العوض ...
ومرت السنين وفعلا الولد فشل أكاديميا ولم يكمل تعليمه ...
بينما البنت دخلت طب والآن تعمل بالمملكة العربية السعودية ...
ـــــــــــــــ
طبعا الكلام دا ما قاعدة ...
|
Post: #2
Title: Re: خواطر متفرقة وواقعية ...
Author: قسم الفضيل مضوي محمد
Date: 07-19-2015, 07:53 PM
Parent: #1
عندنا أستاذ قريبنا كان شغال في بخت الرضا في المرحلة الابتدائية ...
في الفصل البدرس فيه كانت في بنت مشاغبة شغب شديد ...
وكرهتوا الفصل وغلب معاها حيلة ... يوم جابها وقال ليها يا بتي انتي ما ح تنجحي في حياتك ...
مرت الأيام والسنين والاستاذ اخد المعاش ... ومرة مرض ومشى مستشفى الخرطوم ...
جاء دوره وقعد قدام احدى الدكتورات وسألته من اسمه ... قال ليها فلان الفلاني ...
وقفت شوية مع نفسها وقال ليه بتشتكي من شنو يا عمنا ...
وراها بيشتكي من شنو وكتبت ليه الروشتة وقال ليه بعد ما تصرف الدواء تعال ماري يا عمنا ...
بعد مشى أخد علاجه جاء الأستاذ راجع وبعد دوام الدكتورة خلص مشت معاها الكفتريا ...
قالت ليه تتذكر يا استاذ (...) في مدرسة (...) كانت في بنت مشاغبة وانت قلتا ليه انتي ما ح تنجحي في حياتك ؟؟؟
قال ليه كيف ما بتذكر البنت الغلباوية ديك ... قالت ليك يا استاذ ... البنت الكانت غلباوية ديك انا ...
وقالت ليه يا أستاذ والله كلامك داك غير لي مجرى حياتي ودفعني للنجاح ...
وأنا الآن وزي ما شايف طبيبة بفضل الله ثم بفضل كلامك الكان سبب في نجاحي ...
|
Post: #3
Title: Re: خواطر متفرقة وواقعية ...
Author: صديق مهدى على
Date: 07-19-2015, 09:12 PM
Parent: #2
قسم الفضيل وكل عام وانت بخير يا خ الأستاذ الذى قال للبنت ما حا تنجح ى ما بقصد النجاح
الأكاديمي بقصد نجاحها فى الحياة الاجتماعية لأنه حكم على تعاملها
أما فى الناحية الأكاديمية اكيد ناجحة مع خالص التحايا لكم جميعا
ت خ ريمة
قسم الفضيل ما تنسى انا قبل الجامعة كنت معلم وا فهم كيفية التعامل بين الطالب والمعلم
صديق مهدى على
|
Post: #4
Title: Re: خواطر متفرقة وواقعية ...
Author: قسم الفضيل مضوي محمد
Date: 07-20-2015, 02:08 AM
Parent: #3
Quote: يا خ الأستاذ الذى قال للبنت ما حا تنجح ى ما بقصد النجاح
الأكاديمي بقصد نجاحها فى الحياة الاجتماعية لأنه حكم على تعاملها
أما فى الناحية الأكاديمية اكيد ناجحة مع خالص التحايا لكم جميعا
ت خ ريمة
قسم الفضيل ما تنسى انا قبل الجامعة كنت معلم وا فهم كيفية التعامل بين الطالب والمعلم
|
فعلا يا اخ صديق ... هو ممكن يكون قاصد نجاحها في الحياة عموما ...
تحياتي لك يا استاذ صديق ...
|
Post: #5
Title: Re: خواطر متفرقة وواقعية ...
Author: هاشم احمد ادم
Date: 07-20-2015, 06:30 AM
Parent: #4
سلام قسم الفضيل
موضوع جميل
اما عن هذا ما قاعدة ، فاختلف معا.
فإما عن الولد فهو مشروع (عسكري ) ناجح، اما عن ألَّبت فحكمت عقلها ،وتجاهلت العاطفة .
ودا موضوع طويل فيما يعرف (بالذكاء الاجتماعي ) وهنك كتاب مترجم عن هذا الموضوع فى سلسلة عالم المعرفة الكويتية
اما عن الذكاء الأكاديمي فلة قاعدة للقياس ، بالامتحان.
ولى تجربة فى التدريس مع ما يصنف فاقد تربوي ، أكدت لى ذلك .
ولى قدام
|
|