Post: #1
Title: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-05-2015, 05:27 AM
05:27 AM May, 05 2015
سودانيز اون لاين
يحي قباني-فى الدنيا العجيبة
مكتبتى فى سودانيزاونلاين
السودان ... رمينا طوبة رجعتنا ليهو من زمان ...
السياسة ... زي ما قال لي يومداك دكتور كمير ... نشتغل سياسة مع منو ؟
لكن الامل دائما يحدونا اهل الهجر ان سنعود يوماً ولو زيارة لسودان معافى ...
تابعت بوستين في يومين للاخ مصطفي عيسى احدهم عن اغتيالات فنانين و مشاهير ...
و اليوم عن القلاب و انفلات امني ,,, و خروج القيادة العامة عن السيطرة ...
الاخبار بغض النظر صحيحة ام مدسوسة ... او غيره ...
و لأني ما بعرف الأخ مصطفى ... بس تفهم من سياق البوستات انو في حاجات ( قبل كده ) صابت و اخري كثيرة خابت في اخباره ....!!!
بس المحصلة واحدة .... فوران و تنزل على ( مافيش ) ...
فداير افهم اخونا مصطفى ده ... معارضة و لا معارضة مضادة ؟
و من المخدم و من المخدوم ؟
بالجد ما فاهم ؟
|
Post: #2
Title: Re: ياخوانّا ... انتو مصطفى عيسى ده مع ناس منو ؟
Author: الشفيع وراق عبد الرحمن
Date: 05-05-2015, 05:30 AM
Parent: #1
غايتو شكلو كده كوز كوز يا قباني
يكون قريب هباني او جادات
|
Post: #3
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-05-2015, 05:49 AM
Parent: #2
نقدر نقول كده البوست راح شمار في مرقه يا الشفيع ولا شنو ؟
تحياتي على أي حال :)
|
Post: #4
Title: Re: ياخوانّا ... انتو مصطفى عيسى ده مع ناس منو ؟
Author: عبدالمنعم الطيب حسن
Date: 05-05-2015, 05:52 AM
Parent: #2
الجداد الالكتروني انواع؛
|
Post: #5
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-05-2015, 05:58 AM
Parent: #4
| Quote: الجداد الالكتروني انواع؛ |
نعتمد التصنيف ده يعني يا عبد المنعم ؟
|
Post: #6
Title: Re: ياخوانّا ... انتو مصطفى عيسى ده مع ناس منو ؟
Author: محمد البشرى الخضر
Date: 05-05-2015, 06:44 AM
Parent: #5
| Quote: بس تفهم من سياق البوستات انو في حاجات ( قبل كده ) صابت و اخري كثيرة خابت في اخباره ....!!! |
غايتو يا قباني ما حصل لاقتني حاجة صابت قبل كدا أبدا, كلّو في الـ (خابت) زون :)
لكن للامانة يحسب له أن خياله واسع وإختياره للعناوين فنّان
ولو كانت بتصدق حسب العنوان كان أسّي الإمارات تكون سلّمت البشير زمان لأنو حسب المذكور طائرة وفد المحكمة سبقت طائرة البشير لمطار أوظبي ولابدين ليه :)
|
Post: #11
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-05-2015, 02:26 PM
Parent: #6
Quote: غايتو يا قباني ما حصل لاقتني حاجة صابت قبل كدا أبدا, كلّو في الـ (خابت) زون :)
لكن للامانة يحسب له أن خياله واسع وإختياره للعناوين فنّان
ولو كانت بتصدق حسب العنوان كان أسّي الإمارات تكون سلّمت البشير زمان لأنو حسب المذكور طائرة وفد المحكمة سبقت طائرة البشير لمطار أوظبي ولابدين ليه :) |
سلام يا مهندس ...
ما تابعتو قبل كده اعتقد ما قريت ليهو حاجة ...
فما فهمت هو شايت وين حسب لغة الكورنجية ...
انت شكلك متابع ... لكن ما وريتني رأيك شنو غير انو الحاجات ما حقايق ...
يعني هو مع ناس منو .؟
|
Post: #7
Title: Re: ياخوانّا ... انتو مصطفى عيسى ده مع ناس منو ؟
Author: عاطف عمر
Date: 05-05-2015, 09:29 AM
Parent: #1
عارف يا قبة
في ناس في البورد مريحين بصورة عجيبة
الناس دي من مختلف المدارس الفكرية
الرابط البينهم أنهم مريحين جداً
أخونا مصطفى دا رغم أنه جاء آخرهم إلا أنه قد تفوق عليهم
الناس دي يا قبة تقرأ ليهم مرة وااااحدة بس
والمرة التانية لإعطاء أفضلية الشك
وبعدها تكون في مرة تالتة
أو لا تكون
وغاااااااالباً لا تكون
أها الناس دي مريحين بمعنى أنو بوستاتهم تجي ماشي فيها بنمرة خمسة.... اللي بعدو
مداخلاتهم لو لقيتها في بوستات ناس تانين ... على طول تعمل سكرول
ياخ عندنا وكت قدر دا ؟؟
_______________
المهم
خلينا في الكربشين
|
Post: #8
Title: Re: ياخوانّا ... انتو مصطفى عيسى ده مع ناس منو ؟
Author: أبوبكر عباس
Date: 05-05-2015, 10:15 AM
Parent: #7
سلام يا قبة،
عندي لستة كبيرة اسمها أدباء أول يناير
بختار ليها الناس بعناية فايقة وعندهم مواصفات خاصة.
أها أخونا مصطفى إيسا دا منهم، ومرّة تخيلت نفسي لاقيتو وعملت معاهو حوار:
- يا إيسا البتسوي فوقو دا في حوش بكري دا شنو؟
- حكّ راسو وقال مبتسما بعد أن بانت طرف سفته: داير ابرمج بيهم، اصلا أنا لمان جيت السعودية دي كان عندي حلم واحد، وهو اشتري لي تلفزيون بريموت كنترول وكل يوم انزل اشتري لي كيلو عنب، واختو في الفريزر لنص ساعة، وبعد داك اقعد في الكنبة وباليد الشمال احول في القنوات لب لب لب
وباليمين اجدع في العنب في خشمي جب جب جب
أها قمت لقيت مع البرنامج دا ناس سودانيز؛ أخليهم؟
- قلت ليهو: لا أبداً
|
Post: #9
Title: Re: ياخوانّا ... انتو مصطفى عيسى ده مع ناس منو ؟
Author: بدرالدين الطائف
Date: 05-05-2015, 10:24 AM
Parent: #8
| Quote: أها الناس دي مريحين بمعنى أنو بوستاتهم تجي ماشي فيها بنمرة خمسة.... |
دي النجيضة يا عاطف .
|
Post: #10
Title: Re: ياخوانّا ... انتو مصطفى عيسى ده مع ناس منو ؟
Author: اباذر عبد العال
Date: 05-05-2015, 12:56 PM
Parent: #9
Quote:
نقدر نقول كده البوست راح شمار في مرقه يا الشفيع ولا شنو ؟
تحياتي على أي حال :) |
انتهى منو ..ههههههههه
حلوه على اي حال ..دي
|
Post: #13
Title: Re: ياخوانّا ... انتو مصطفى عيسى ده مع ناس منو ؟
Author: abubakr salih
Date: 05-05-2015, 02:33 PM
Parent: #10
| Quote: نعتمد التصنيف ده يعني يا عبد المنعم ؟ |
ايوة يا باش، اعرش على كدة. جداد و بايت كمان.
|
Post: #24
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-06-2015, 04:58 AM
Parent: #13
| Quote: ايوة يا باش، اعرش على كدة. جداد و بايت كمان. |
ما ظنيت يا أبو بكر ...
رغم انو الاستايل واحد ...
|
Post: #16
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-05-2015, 03:07 PM
Parent: #10
Quote: انتهى منو ..ههههههههه
حلوه على اي حال ..دي |
و لا شنو ؟
|
Post: #14
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-05-2015, 02:34 PM
Parent: #8
| Quote: وكل يوم انزل اشتري لي كيلو عنب، واختو في الفريزر لنص ساعة، |
يا ود عباس ...
بصراحة العنب المفرزن ده احلى منو مافي ...
انا شخصياً لي يوم الليلة بعمل الحركة ده ...
لو اخونا مصطفى كان بياكل العنب من الفريزر ...
ما كان جهجهنا كده ...
و بقينا ما عارفين هو مع ناس منو .
|
Post: #12
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-05-2015, 02:30 PM
Parent: #7
Quote: والمرة التانية لإعطاء أفضلية الشك
|
دى البينيفيت أوف ذا داوتْ ؟
و الله ( عربينا ) سمح سماحة يا عاطف ... :)
Quote: المهم
خلينا في الكربشين |
بالله عليك يا توفي ...
زمن الكربشين ما كان أخير ؟
|
Post: #15
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-05-2015, 02:39 PM
Parent: #12
Quote: العلي علي
اولاً يا هندسة سلام . انت بتكيل بمكيال مقدود . يعني ما شايف ناس نجضت وقطار اسرع من الصاروخ والخرطوم زي طوكيو بس قادر علي عيسي . لامن يسلموك لعيسي . |
و عليكم السلام العلي علي...
العلي ياخوي انا لا بكيل لا شغال بي زول يكضب و لا يقول حقيقة ......
الداير يكتب يكتب ...
انا هنا ما بقول و بصنف ده كلام غلط و لا صاح ...
ناس نجضت و غرغرت نفس الشي ما فارق كلامهم غلط و لا صاح ...
لكن على الأقل عارفنهم ( مع ناس منو ) ...
لكن مصطفى ده و الله غلبني اعرفه شايت وين ؟
و شكراً على قولة ود الباوقه ...
|
Post: #17
Title: لنعمل على محاصرة المتطرفين امثال (الجزولى) اجتماعياً حتى نخمد الفتنة فى مهدها.
Author: د.محمد بابكر
Date: 05-05-2015, 04:44 PM
Parent: #15
| Quote: والمرة التانية لإعطاء أفضلية الشك |
والله دى ابلغ ترجمه اقراها فى العشره سنوات الاخيره يا عاطف...تحياتى لك وصاحب البوست وضيوفه.
|
Post: #18
Title: Re: يا اخوانا انتو مصطفى عيسى دا مع منو ؟؟؟
Author: قسم الفضيل مضوي محمد
Date: 05-05-2015, 05:38 PM
Parent: #17
يا اخوانا انتو مصطفى عيسى دا مع منو ؟؟؟
مع التانين ... 
Re: المنبر أصبح يمتلك أثنين رأس حربة Re: المنبر أصبح يمتلك أثنين رأس حربة
|
Post: #20
Title: Re: يا اخوانا انتو مصطفى عيسى دا مع منو ؟؟؟
Author: عبدالمنعم الطيب حسن
Date: 05-05-2015, 05:52 PM
Parent: #18
| Quote: نعتمد التصنيف ده يعني يا عبد المنعم ؟ |
نعم هو كذلك،
وتلك بديهية لاتفوت على اي حصيف،
واعتقد انك بدأت هذا البوست،
وهذا التصنيف في ذهنك....
...................
ما شفت الجماعة جوا ناطين من قولة تيت، وذلك لتثبيت الرجل بالمعارضة،
حتى يكمل دوره وهو محسوب عليها....
(لكن على مين يا اب دقنا تحت الكيبورد)
..................
|
Post: #26
Title: Re: يا اخوانا انتو مصطفى عيسى دا مع منو ؟؟؟
Author: يحي قباني
Date: 05-06-2015, 05:02 AM
Parent: #18
و الله الا كده ... :)
|
Post: #25
Title: Re: لنعمل على محاصرة المتطرفين امثال (الجزولى
Author: يحي قباني
Date: 05-06-2015, 05:00 AM
Parent: #17
| Quote: والله دى ابلغ ترجمه اقراها فى العشره سنوات الاخيره يا عاطف...تحياتى لك وصاحب البوست وضيوفه. |
مش كده يا دكتور ....
و الله لامن اتكيفت من حبيبنا عاطف ...
ترجمة بي حرفنة شديدة ...
|
Post: #19
Title: Re: ياخوانّا ... انتو مصطفى عيسى ده مع ناس منو ؟
Author: صديق مهدى على
Date: 05-05-2015, 05:46 PM
Parent: #1
يحى سلام
اسع انت وجو ق ة الكلاب الضالة مشغولين بكتابات مصطفى يا خ هو حر العزيز يقرأ حر وال ما عايز حر يلا بلا نفاق انا أشد من آ زر هذا الكاتب المتخصص فى إزعاج الكلاب النا يم ة
|
Post: #21
Title: Re: ياخوانّا ... انتو مصطفى عيسى ده مع ناس منو ؟
Author: محمد محمود محمد
Date: 05-05-2015, 07:42 PM
Parent: #19
ده جيل الواتس و الفيس بوك يا هندسة..
ﻻ شايت و لا هماهو المباراة من أساسو..
ومع ذلك يخدم خط الحكومة خدمة مجانية..
:
:
تحياتي.
|
Post: #22
Title: Re: ياخوانّا ... انتو مصطفى عيسى ده مع ناس منو ؟
Author: سيف النصر محي الدين
Date: 05-05-2015, 08:42 PM
Parent: #21
بالله طلب يا هندسة
اخونا صديق مهدي خليك حنين معاهو..يقول كــلاب ضالة و غيرو برضو سامحو لأنو ما اظن
عندو الادوات اللازمة عشان يتغير او يغير طريقتو.
|
Post: #23
Title: لنعمل على محاصرة المتطرفين امثال (الجزولى) اجتماعياً حتى نخمد الفتنة فى مهدها.
Author: د.محمد بابكر
Date: 05-06-2015, 00:03 AM
Parent: #22
| Quote: وجو ق ة الكلاب الضالة |
ده شنو ده?
|
Post: #34
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-07-2015, 00:03 AM
Parent: #22
Quote: بالله طلب يا هندسة
اخونا صديق مهدي خليك حنين معاهو..يقول كــلاب ضالة و غيرو برضو سامحو لأنو ما اظن
عندو الادوات اللازمة عشان يتغير او يغير طريقتو. |
:)
|
Post: #33
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-07-2015, 00:01 AM
Parent: #21
Quote: ده جيل الواتس و الفيس بوك يا هندسة..
ﻻ شايت و لا هماهو المباراة من أساسو..
ومع ذلك يخدم خط الحكومة خدمة مجانية..
:
:
تحياتي. |
مشتاقين يا جميل ...
وين مطول الغيبات :)
|
Post: #27
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-06-2015, 05:35 AM
Parent: #19
Quote: يحى سلام
اسع انت وجو ق ة الكلاب الضالة مشغولين بكتابات مصطفى يا خ هو حر العزيز يقرأ حر وال ما عايز حر يلا بلا نفاق انا أشد من آ زر هذا الكاتب المتخصص فى إزعاج الكلاب النا يم ة |
بمناسبة كمية الكلاب الفي الرد ...
نديك نكتة ( واتسآبية ) ...
ﻣﺴﻄﻮﻝ ﺯﻧﻘﻮ ﻟﻴﻚ ﻛﻠـــﺐ ﻓي ﺯُﻗﺎﻕ ﻭﺷﺒﻜﻮ ﻟﻴﻚ :.
ﻫﻮ ﻫﻮﻫﻮ ﻫﻮﻫﻮ ﻫﻮ ﻫﻮ ﻫﻮ ﻫﻮ ﻫﻮ ﻫﻮﻫﻮ ﻫﻮ
ﻫﻮ ﻫﻮ ﻫﻮ ﻫﻮ ﻫﻮﻫﻮ ﻫﻮ ﻫﻮﻫﻮ ﻫﻮ ﻫﻮ ﻫﻮ ﻫﻮ
ﻫﻮ ﻫﻮﻫﻮ ﻫﻮ ﻫﻮ ﻫﻮ ﻫﻮ ﻫﻮ ﻫﻮﻫﻮ ﻫﻮ ﻫﻮﻫﻮ
ﻫﻮ ﻫﻮ ﻫﻮ ﻫﻮ ﻫﻮ ﻫﻮﻫﻮ ﻫﻮ ﻫﻮ ﻫﻮ ﻫﻮ ﻫﻮ ﻫﻮ
ﻫﻮ ﻫﻮ ﻫﻮﻫﻮ ﻫﻮ ﻫﻮ ....
ﺍﻟﻤﺴﻄﻮﻝ قال ليهو ﻳﺎﺧﻲ ﻣﺎ ﺗﺪﻳﻨﻲ فرصة معاك أقول ليك جر
|
Post: #28
Title: Re: ياخوانّا ... انتو مصطفى عيسى ده مع ناس منو ؟
Author: الشفيع وراق عبد الرحمن
Date: 05-06-2015, 05:54 AM
Parent: #27
كل ما اسمع النكتة دي واتخيلها اضحك لامن اتشرق واقرب ابلع السفة
كويس اني في المكتب براي
غايتو الهو هو هوهو هو هو دي مالية البورد
|
Post: #29
Title: Re: ياخوانّا ... انتو مصطفى عيسى ده مع ناس منو ؟
Author: عاطف عمر
Date: 05-06-2015, 05:59 AM
Parent: #1
| Quote: دي النجيضة يا عاطف . |
| Quote: والله دى ابلغ ترجمه اقراها فى العشره سنوات الاخيره يا عاطف...تحياتى لك وصاحب البوست وضيوفه |
الأحباب
بدر الدين الطائف
د. محمد بابكر
جزيل الشكر لظنكم الحسن
والذي أرجو أن أكونه
|
Post: #30
Title: Re: ياخوانّا ... انتو مصطفى عيسى ده مع ناس منو ؟
Author: درديري كباشي
Date: 05-06-2015, 06:24 AM
Parent: #29
سلام يا هندسه وصحبه الميامين
في أخوان كثر عايزين يعارضوا لكن ما عارفين يعارضوا مين ويعارضوه كيف ؟
فيصبح هناك مزيج من المعارضة و ( العنقدة ) التي اشتهر بها عدد كبير من أهلنا في مجتمعاتنا .
النوع التلاقيه يعارض في أي شئ حتى في حفر القبور .. واقف في حافة القبر وينتقد ( لا لا لا لا ما تحفر هنا دي خلاص خليها أحفر من هناك ) أو في تثبيت صيوان عمره لايتجاوز الاربعة وعشرين ساعة بالكثير ( لا لا لا ما تركبوه هنا ركبوه بهناك ) .
بنفس هذه العقلية ولجوا السياسة يمكن مدفوعا بغل شخصي ( فصل من عمل . مصادرة أرض .. تأميم بضاعة وهكذا ) ..
لذلك أنا أقول يمكن بنسبة 90% من معارضي النظام صنعهم النظام بنفسه بشعار من ليس معنا فهو ضدنا .. وجدوا أنفسهم مدفوعين للضفة الأخرى بدون أي اجندات سياسية ..فأصبحت معارضتهم مبنية على الكره فقط ليست على أي اسس أيدلوجية أو فكرية .
قد يكون غليان الغل في نفسه يجعله يتوهم المصائب والأحداث ويصدقها .أو حتى يترجمها من مواقع أجنبيه تجرمة خطأ تعكس أسقاطه الشخصي .
|
Post: #35
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-07-2015, 00:04 AM
Parent: #30
Quote: سلام يا هندسه وصحبه الميامين
في أخوان كثر عايزين يعارضوا لكن ما عارفين يعارضوا مين ويعارضوه كيف ؟
فيصبح هناك مزيج من المعارضة و ( العنقدة ) التي اشتهر بها عدد كبير من أهلنا في مجتمعاتنا |
درديري يا زول يا سمح ...
كلامك جميل ... و كمان حاصل ...
لكن و الله اخونا ده ... اصلي ما عرفته مع ناس منو .؟
|
Post: #31
Title: Re: ياخوانّا ... انتو مصطفى عيسى ده مع ناس منو ؟
Author: Mustafa Eisa
Date: 05-06-2015, 03:58 PM
Parent: #1
الحداد الالكتروني نجض شديد من الكتابات الصادقة البتعبر عن الحقائق
بعدين من ناس وين دي قاصد بيها شنو . أحسن تخلي العنصرية والجهوية عشان الناس ترد عليك
|
Post: #32
Title: Re: ياخوانّا ... انتو مصطفى عيسى ده مع ناس منو ؟
Author: ABUHUSSEIN
Date: 05-06-2015, 04:35 PM
Parent: #31
| Quote: بعدين من ناس وين دي قاصد بيها شنو . أحسن تخلي العنصرية والجهوية عشان الناس ترد عليك |
عنصرية شنو ..؟؟؟
انت مصر على الكذب و الدجل بتاعك دا
قال مع ناس منو مش من ناس وين
و الفرق وااااضح
ناس المعارضة قالو انت كوز
و الكيزان قالو انت معارض عشوائي
انت زي ما قال صاحب البوست مع ناس منو ... ؟؟؟
...
..
.
ابو الياء و ضيوفه الكرام سلام
|
Post: #36
Title: Re: ياخوانّا ... انتو مصطفى عيسى ده مع ناس منو ؟
Author: يحي قباني
Date: 05-07-2015, 00:07 AM
Parent: #31
| Quote: بعدين من ناس وين دي قاصد بيها شنو . أحسن تخلي العنصرية والجهوية عشان الناس ترد عليك |
مش محاولة بائسة يا مصطفى ؟
أبو حسين رد ليك و كفى ....
__________________________
و انا ما زلت بسألك انت ده ...
انت مع ناس منو ؟
|
Post: #37
Title: Re: ياخوانّا ... انتو مصطفى عيسى ده مع ناس منو ؟
Author: أحمد عمر
Date: 05-07-2015, 00:27 AM
Parent: #1
تحياتي لك أخي قباني...
العضو مصطفى عيسى ظل مرارا وتكرارا ينشر أخبارا كاذبة وغير صحيحة دون
أن يكلف نفسه عناء التأكد والتثبت....وذكر مصادر أنبائه....
وقد فعلها عدة مرات....ونشر أخبارا في غاية الخطورة.....في منبر مقروء في جميع قارات العالم.....
وتعتمد عليه كثير من وسائل الإعلام.....
وفي كل مرة يتضح أن ما ينشره مصطفى عيسى مجرد كذب وفرقعات....
مما ضرب مصداقية المنبر بشدة....
بناء على ما سبق....وبصرف النظر عن الجهة التي يعمل لها مصطفى عيسى...
أطالب بكري بغلق عضوية مصطفى عيسى فورا وحذف جميع بوستاته....
مصداقية الخبر أهم حاجة...
|
Post: #38
Title: Re: ياخوانّا ... انتو مصطفى عيسى ده مع ناس منو ؟
Author: سامى عتبانى
Date: 05-07-2015, 03:09 AM
Parent: #37
قباني سلامات
هو مصطفي ايسا ده مش ياهو الماشي كوكب المريخ بلا عوده
شكلو قنع من خير المعارضه والكيزان
|
Post: #39
Title: Re: ياخوانّا ... انتو مصطفى عيسى ده مع ناس منو ؟
Author: أبوبكر عباس
Date: 05-07-2015, 03:55 AM
Parent: #38
يا قباني،
هو هو هو الاديتن لصديق مهدي ديل محسوبات ولّ بقجت
يدك واديتو؟!
العصر دا مشيت مقهى استاربكس جات خواجية حلوة ومعاها كلب ابيض حليو، أول ما شفت الكلب تذكرت نكتتك وضحكت، البت زعلت وقالت لي: شنو؟
اعتذرت وقلت ليها بس الكلب عجبني كيوت خالص
|
|