لماذا لم يصوت أربعة مليون ونصف من عضوية المؤتمر الوطني للبشير

04:14 PM Apr, 28 2015
سودانيز اون لاين
الصادق اسماعيل-كاليفورنيا، أمريكا
مكتبتى فى سودانيزاونلاين



قال مساعد رئيس الجمهورية، بروفسور إبراهيم غندور، ونائب رئيس المؤتمر الوطني لشؤون الحزب، إن عملية الحوار مفتوحة لكل الأحزاب،
وسيتم المضي فيها، وإن الذين يتحدثون عن رفض حزبه للحوار، هم يرفضون واقعهم، مشيراً إلى أن فكرة اقتلاع الوطني بمعارضة ضعيفة،
لن تنجح، لأن من يقتلع شوكة يأتي لها (بمنقاش).
وأضاف غندور لدى مخاطبته صباح أمس، مؤتمر اللجنة التحضيرية العليا للبناء التنظيمي لمحلية كرري، أن حزبه أكمل مؤتمرات الأساس بكل
ولايات السودان، وحضرها أكثر من (6) ملايين شخص، مشيراً إلى أن عضوية المؤتمر الوطني بلغت أكثر من (10) ملايين شخص، وقال إن
عضو الحزب أصبح ينادي قياداته بـ(ارفع رأسك، فأنت مؤتمر وطني).
ومن جانبه قال والي الخرطوم، د.عبد الرحمن أحمد الخضر، إن مرحلة بناء المؤتمر التأسيسي مهمة، وإن الولاية بها (1943) مركز مؤتمر قاعدي،
ينعقد تمهيداً لإقامة المؤتمر العام الذي يتم فيه انتخاب (30) عضواً من الولاية، وهم من يختارون (15) عضواً ليكتمل المكتب التنفيذي.
وكشف الخضر عن تنبيه لـ(فكرة تجهيز قدح أو شيك أو مساهمة)، لتخليص كل الذين دخلوا السجون بسبب أموال مطلوبة منهم، مشيراً إلى
أن جلسة مع رجال أعمال جلبت أكثر من (4) مليارات جنيه.

عدد الذين صوتوا للبشير هم 5,252,478 وعضوية المؤتمر الوطني حسب غندور هم عشرة مليون
فالسؤال
الـ 4,747,522 ديل ما صوتوا للبشير ليه؟

وكيف لشخص لم يستطع اقناع ما يقارب نصف عضوية حزبه بالتصويت له أن يحكم السودان.

المهم الصــوتوا ديل فـوزوا الريس ب 95 %

و دى نعمة من الملى جل و علا ...

و الأهــم إنو ناس كتااااااار أكلوا نـيـم ...

Quote: المهم الصــوتوا ديل فـوزوا الريس ب 95 % و دى نعمة من الملى جل و علا ... و الأهــم إنو ناس كتااااااار أكلوا نـيـم ...

الأخ مامون المعتصم تحياتي

يبدو أنك لم تفهم ما حدث
فنسبة 95% هي من نسبة الذين صوتوا من الذين يحق لهم التصويت

والأهم أن الناس الكتار هم من قالوا لا للبشير ولم ينتخبوهو
والبشير فشل في إقناع أغلبية الناخبين بالتصويت له
وحقيقة هو فشل حتى في إقناع أعضاء حزبه كلهم بالتصويت له
أكثر من 45% من عضوية الحزب لم تصوت للبشير

لذلك أنا أفهم هذه الهستريا التى انتابته وإنتابت مؤيديه
حيث وضح لهم أن غالبية الناخبين لا تريده رئيساً للبلاد

لو كلامك صاح ما كانوا يدوا أي واحد من التانيين .....

و يفوزوهو عشان البشـير ما يجى ... كان بيكون أضمن

طالما هم أكتر من الأدوهو ... و لاَّ كيف ؟؟؟

المرة الجاية رشـحوا جدادات عشان يدوهو ناس المنبر

دا و يبقى رئيس ...

Quote: لو كلامك صاح ما كانوا يدوا أي واحد من التانيين ..... و يفوزوهو عشان البشـير ما يجى ... كان بيكون أضمن طالما هم أكتر من الأدوهو ... و لاَّ كيف ؟؟؟ المرة الجاية رشـحوا جدادات عشان يدوهو ناس المنبر دا و يبقى رئيس ...

الأخ مأمون المعتصم
تحياتي
هذا ليس كلامي أنا، هذا كلام مفوضية الإنتخابات الحكومية


ودعني أوضح لك الأمر يبدو أنك لم تفهم النتيجة:

عدد الأشخاص الذين يحق لهم التصويت هو: 13,126,989
عدد الذين صوتوا للبشير وللمرشحين الآخرين: 5,584,863

يعنى الناس الصوتوتا للبشير وكل المرشحين الفاز عليهم البشير هم أقل من النصف

يعني حتى البقيين ديل لو اتنازلوا عن أصواتهم للبشير برضه بتكون الاقلية هي الصوتت للبشير.

أتفهم صدمتك وإحباطكن لكن دا الواقع والنتيجة هنا في الموقع الحكومي
يعني دا كلام الحكومة مش المعارضة
http://nec.org.sd/http://nec.org.sd/
الرابط دا بوريك كل النتائج بتاعة الإنتخابات

البشير فشل في إنه يقنع أغلبية الشعب السوداني
وهسع في اكتر من سبعة مليون ديل ما صوتوا للبشير وديل هم الغالبية.

فالبشير قدر ياخد 95% من اصوات الأقلية مش من أصوات كل الناخبين

عشان كدا البشير وناس المؤتمر الوطني مجقلبين وبيتكلموا عن معارك دارفور
لأنهم دايرين مكنة 95% تمشي في كل الناس


هسع إنت صدقت القصة وابتهجت، لكن لمن جبنا ليك الأرقام اتجهجهت وبقيت ما عارف تعمل شنو

أهو دي الطريقة البيخدع بيها البشير الناس.

وبعد ما نوضح الحقيقة، ما عندي مشكلة إنك تأيد البشير
بس الفرق إنك حتعرف إنك بتابعوا على ضلالة

Quote: المهم الصــوتوا ديل فـوزوا الريس ب 95 % و دى نعمة من الملى جل و علا ... و الأهــم إنو ناس كتااااااار أكلوا نـيـم

الاخ الصادق اسماعيل تحية طيبة ليك وضيوفك الكرام

اولا اهنيك علي طولة بالك وصبرك علي الاذي

تفتكر واحد بيكتب كلام ذي الفوق دا جاي لنقاش .... دا ادب جديد يالصادق بيمارس هنا وعن قصد

الراجل جاي يكاوي بس وبعدو ح يدخل هتيفة اخر ويمارس نفس العبط

ما ح يناقشك ولا ح يقول ليك كلام مفيد

امشي في الموضوع ووضح فكرتك في ناس متابعه ..

سلام يا صاحبي

Quote: امشي في الموضوع ووضح فكرتك في ناس متابعه ..

الاخ الصادق
كيف نتاكد انو رقم المصوتين للبشير هو خمسة مليون
خليك من الباقين الناس الشفناهم ديلك ما ناس ملاين
يا الصادق ياخوى متين الناس ديل صدقوا معانا
وهو اصلا لزوم الانتخابات شنو لومالعب علينا
هم اول ماربنا بلانا بيهم كان ماشين فى نغمة
المعارضه زعماؤها جالسين فى كراسيهم للابد
هسع البشير دا ماداير يقعد للابد شى بالسلاح وشى
بناء شرعيه كاذبه لن تكون ابدا فى يوم شرعيه
على الاقل زعماء المعارضه مافى زول جاء بى دبابه
نحنا دايرين ديمقراطية حقيقة المادايرنا نكسروا
بالندوه والتوعية .
ودا لازم يحصل طال الزمن ولاقصر
بس عمرنا راح وهم يخوضوا بنا من مقلب لى مقلب

الاخ الصادق تحياتي


معلومة ان عضوية المؤتمر الوطني عشرة ملايين ما اظنها صحيحة


مع ملاحظة ان عضوية الحزب تبدا من عمر 15 سنة والانتخابات من عمر 18

شكرا أخ الصادق

هل يقول السيد البروف غندور ما هـو حقيقـة أم (غير ذلك) ؟؟؟



أحمد الشايقي

يا الصادق زي ما الفي الكورة
تكون غالب في الذهاب و ضامن النتيجة بتلعب بأقل مجهود و أحيانا بالرديف
ما بالك إذا كنت لا عب براك :)

في رأيي أن الجدال مع المؤتمر الوطني عن الإنتخابات و الأداء فيها و المقاطعة وكم صوت وكم قاطع ومش عارف إيه برضو يصب في صالح المؤتمرباعتبار الجدال هنا عن شيئ شرعي
في حين القيامة الرابطة دي كلها مستندة على باطل وهو الإنقلاب على الشرعية. Period
ابدا ما مفروض الناس تتجاوز النقطة دي في تعاملها مع الإنقاذ مهما تحدّثوا عن تجاوزها وعن شرعية وما إلى ذلك

Quote: لو كلامك صاح ما كانوا يدوا أي واحد من التانيين ..... و يفوزوهو عشان البشـير ما يجى ... كان بيكون أضمن طالما هم أكتر من الأدوهو ... و لاَّ كيف ؟؟؟ المرة الجاية رشـحوا جدادات عشان يدوهو ناس المنبر دا و يبقى رئيس ...

وحات الله جدادات اخير من بشه باعتبار السياسة خيار بين سئ وأسوأ

Quote: في حين القيامة الرابطة دي كلها مستندة على باطل وهو الإنقلاب على الشرعية. Period ابدا ما مفروض الناس تتجاوز النقطة دي في تعاملها مع الإنقاذ مهما تحدّثوا عن تجاوزها وعن شرعية وما إلى ذلك

...التخيه لهدا الكلام المسؤل و لك يا صديق و لصاحب البوست و زوارو ....
....
...
... الصادق يا عزيز .... ياخي العمليه كلها تهريج في تهريج و جريمه مضافه لرتل الجرايم المرتكبه في حق هدا البلد الامين وناسو البسطائ من قبل هده العصابه المجرمه .....ياخي مش كفايه فقط لفضحها و تزويرا انو مساعد رئيس الجمهوريه الحلوف غندور ده داتو صرح انو ليس هناك سقف او نصاب او عدد معين يجب الوصول اليه لعدد الناخبين ..... يعني لو صوتو عشره انفار من ال 13 مليون وحاجه ديل ... فالانتخابات شرعيه و قانونيه و رغم دلك كلامم داتو ما التزمو بيهو ..... و مدوها ...... و ما عارف مدوها عشان يحصل شنو ؟؟؟؟؟؟ يعني لو ما صوت و لا نفر في اليوم داك كان حيمدوها تاني ....... و اللا الشوره شنو .... و لو صوت عشره كان حيكون الموقف كيف ؟؟؟؟ يعني المقياس اصلا شنو في انتخابات بتاعت بلد تايه من قبل قياداتو الحلاليف و القوادين ؟؟؟ ده مش تهريج ده و الحكايه ما محكومه بقانون متفق عليهو وفق التجربه السودانيه التليده؟؟؟؟ ناهيك عن المقاييس الدوليه و الانسانيه الراكمتا المجتمعات في مجري مسيرتا الحياتيه نحو الافضل ؟؟؟؟ و الحكايه كلها ماشا بالقرار الفرجي و رزق اليوم و مصالح العصابه الحاكمه ....... فطيب تاني تناقش شنو .؟... اهو جاك واخد قال ليك عضزيه الحزي 15 سنه ؟؟؟ و عامل رايح انو هم مشو الانتخابات بلست فيها الكثير من الاموات ؟؟؟؟؟؟؟؟ و صوتو .... ده غير انها اصلا فيها اسماء كل المهاجرين وعايشين بره وتم التصويت ليهم في الداخل في الانتخابات الفاتت و دي بما فيهم انت داتك وانا برضو و كل المهاجرين البره ديل .... فما اعهتقد من المفيد اعطاء العصابات نفس شرعيي يبخثون عنه كي يتنفسونه و هم في الاختضار من بين الموت والاموات