Post: #1
Title: البركة الفاز البشير
Author: الطيب مصطفى
Date: 04-22-2015, 02:08 PM
01:08 PM Apr, 22 2015
سودانيز اون لاين
الطيب مصطفى-
مكتبتى فى سودانيزاونلاين
هو عليك الله البشير ده ليه ما يفوز ..
ياخ في قاعدة بتقول لكل فعل رد فعل ... هذه القاعدة تنطبق على كل الأشياء في الدنيا إلا على الشعب السوداني
حكومة الإنقاذ دي مارست عليه أي شىء سيىء يمكن أن يخطر على قلب بشر ... القتل... التعذيب ... التنكيل ... الكذب... الفساد... السرقة.... الخج ... الإستفزاز... الضحك بالعقول... الإستغفال... الإستغلال... الإستهبال... الإزلال... الخساسة ... الشفتنة... البهدلة... الشحططة... التنبلة... القذارة ... العوارة ... الفشاحة ... الرزالة ... التطفيش... التدليس.......لخ لخ لخ لخ لخ وهو ساكت ساي لا يحرك ساكن...
بالعقل كدة ... كيفن البشير ده ما يفوز يعني؟؟؟
|
Post: #2
Title: Re: البركة الفاز البشير
Author: محمد نور عودو
Date: 04-22-2015, 02:25 PM
Parent: #1
| Quote: لبركة الفاز البشير |
سلامات
الأخ
الطيب مصطفي
واحد قاعد جنبي قال لي خال عمر البشير فتح بوست ويبارك لود أخته الفوز بلإنتخابات.
قلت ليهو دا ماخال عمر البشير ولا عندو علاقة بعمر البشير.
غايتو بعنوانك دا وإسمك دا كتار بيجو داخلين مفتكرنك الطيب مصطفي بتاع الإنتباهية
تحياتي
|
Post: #3
Title: Re: البركة الفاز البشير
Author: الطيب مصطفى
Date: 04-23-2015, 09:47 AM
Parent: #2
الأخ محمد نور مشكور على التعليق
لكن القال ليك منو ماعندي علاقة بالبشير ... الراجل رئيسي ياخ شئت أم أبيت...
|
Post: #4
Title: Re: البركة الفاز البشير
Author: جعفر محي الدين
Date: 04-23-2015, 10:30 AM
Parent: #3
الخال الرئاسي المزيف
هسي نحن منتظرنك تجي تكمل لينا البوست بتاع استراليا وتجيب لينا الصور
تقوم تجي تبارك الفوز لرئيسك القديم المتجدد دا
القاعدة التي يعتد بها في السودان ومع شعب السودان تقول:
المطالب السياسية لا تولد انتفاضات ... الجوع هو من يولد التغيير
ناس السودان ديل طول ما هم بيجروا من الصباح للمساء عشان يجيبوا حق كيس الخضار
ما حيكون التغيير من أولياتهم أبدا أبدا
الغلاء والفساد الحاصل في البلد أقنع الناس بضرورة المقاطعة فسقط البشير رغم فوزه
|
Post: #5
Title: Re: البركة الفاز البشير
Author: الطيب مصطفى
Date: 04-25-2015, 09:33 PM
Parent: #4
جاييك ياجعفر لموضوع استراليا برواقة بس الصور ابت نزل لي ممكن مساعدة؟
|
Post: #6
Title: Re: البركة الفاز البشير
Author: الطيب مصطفى
Date: 04-25-2015, 10:26 PM
Parent: #4
جاييك ياجعفر لموضوع استراليا برواقة بس الصور ابت نزل لي ممكن مساعدة؟
|
Post: #7
Title: Re: البركة الفاز البشير
Author: nour tawir
Date: 04-26-2015, 01:09 PM
Parent: #6
بالعقل كدة ... كيفن البشير ده ما يفوز يعني؟؟؟
...
سؤال منطقى..
تحّمل السودانيين للآنقاذ ليس صبرا...
ولكنه سلوك ليس من طبيعة البشر..
ويحتاج الى دراسة..
|
Post: #8
Title: Re: البركة الفاز البشير
Author: الطيب مصطفى
Date: 04-26-2015, 01:43 PM
Parent: #7
يا استاذة نور .. لا يغير الله ما بقوم حتى يغيروا ما بأنفسهم... التغيير يبدأ من الداخل من دواخلنا وذواتنا فتغغير الأشياء من حولنا تبعا لذلك.. من أرتضى الظلم لنفسه فسوف يعيش أبدا بين الحفر...
ثم لماذا يخاف الشعب السوداني من التغيير .. التغيير هو سنة الحياة والمياه التي لا تجري دائما تكون آسنة (معفنة)
|
Post: #9
Title: Re: البركة الفاز البشير
Author: الطيب مصطفى
Date: 04-26-2015, 07:35 PM
Parent: #8
.
|
Post: #10
Title: Re: البركة الفاز البشير
Author: عمر عبد الكريم علي
Date: 04-26-2015, 08:40 PM
Parent: #9
الشعب السوداني ده شعب حريف جدا جدا
ومقاطعة الإنتخابات الفاتت دي كانت خير دليل
الإنقاذ ايضا يشهد لها إنها نجحت في تفتيت كل الكيانات الممكن تشكل تهديد وقدرت تخلي غالبية الناس تكره المعارضه بنفس مقدار كرهو للإنقاذ
والأهم من ده كلو إنو فشل جميع ثورات الربيع العربي (ماعدا دولة المنبع) خلا أغلب الناس يقتنعو إنو الإنتفاضه ضررها أكبر من نفعها ده غير العنف المفرط البتتعامل بيهو الحكومة من التحركات الزي دي .
الحل ياحبيبي في كيان يقدر يلم الاشتات دي .. كيان تكون قيادتو بالجد ملهمه وتقدر تسد الشروخ الضخمه دي ... وتنافس في إنتخابات يحرسها الشعب نفسو .. خلاف الحل ده مافي تاني غير إنو ربنا يرسل لينا دكتاتور عادل يحكم البلد دي بالسيف والنار ويكون قلبو على البلد بالجد .. وهذا أيضا إن ظهر سيعيقة أعداءه بشدة لحدي ماينتفو ريشو كلو فيسقط وعندها ستمتد لذبحه الف شفرة مسنونه .
|
|